Gjatë ndeshjes midis Nigerisë dhe Mozambikut, në fushë pati tension, dhe në qendër të vëmendjes ishte futbollisti më i mirë nigerian, Victor Osimhen.
Sulmuesi nigerian ishte dukshëm i pakënaqur me reagimet dhe lojën e shokëve të tij të ekipit, të cilët në një moment refuzuan t’ia pasonin topin, prandaj edhe ai refuzoi të vazhdonte ndeshjen në një moment.
Osimhen e tregoi qartë zhgënjimin e tij dhe situata u qetësua vetëm pasi përzgjedhësi vendosi të bënte një ndryshim dhe ta nxirrte nga loja.
Pas ndeshjes, ylli nigerian nuk qëndroi gjatë në fushë dhe shkoi direkt në dhomat e zhveshjes pa i thënë lamtumirë asnjë bashkëlojtari apo anëtari të stafit.
Sjellja e tij shkaktoi reagime të shumta nga publiku dhe media, dhe mbetet të shihet nëse Federata Nigeriane apo stafi profesional do të reagojë ndaj këtij incidenti. /Telegrafi/
Bayern Munich po kërkon fshehurazi një lojtar që mund ta lehtësojë presionin e Harry Kane në të ardhmen. Sipas burimeve nga Gjermania, një agjent nga Anglia i ka prezantuar klubit të Mynihut një propozim për një transferim të profilit të lartë.
Bayern ka kohë që kërkon një zëvendësues të cilësisë së lartë për Kane , edhe pse për momentin lojtari i huazuar Nicolas Jackson po mbush boshllëkun në sulm. Megjithatë, 24-vjeçari senegalez ka të ngjarë të mos qëndrojë në Mynih pas verës, gjë që ka tërhequr vëmendjen e agjentëve të tjerë.
Sipas gazetës tz, Bayern Munich ka marrë një ofertë për të nënshkruar me Victor Osimhen. Një agjent nga Anglia iu drejtua drejtorit sportiv Max Eberl me këtë propozim, por përgjigjja nga Sabener Strase ishte e qartë: sulmuesi nigerian nga Galatasaray nuk është pjesë e planeve të kampionëve të Gjermanisë.
Një transferim i tillë do të tejkalonte ndjeshëm buxhetin e klubit për një lojtar rezervë, veçanërisht pasi Galatasaray bleu Osimhenin nga Napoli për 75 milionë euro vetëm verën e kaluar. Vetë sulmuesi thuhet se ka disa klube në listën e tij për një largim të mundshëm pas vetëm një viti, dhe Bayern është një prej tyre, duke e bërë ofertën te kampionët gjermanë shumë tërheqëse për lojtarin.
Nga ana tjetër, kandidatët më realistë për sulmues te Bayern janë lojtarë të rinj dhe më të përballueshëm financiarisht. Fisnik Asllani (23) i TSG Hoffenheim është në radar, falë një klauzole lirimi prej rreth 30 milionë eurosh.
Ylli dardan është në krye të listës së bavarezëve, derisa opsion tjetër është edhe Franculino (21 vjeçar) i FC Midtjylland është gjithashtu një temë diskutimi e përsëritur, megjithatë sulmuesi danez u nënshtrua së fundmi një operacioni në gju dhe do të mungojë deri në fund të marsit. /Telegrafi/
Galatasaray po mendon të paraqesë një ofertë për sulmuesin e AC Milanit, Santiago Gimenez, përpara afatit kalimtar të janarit, sipas raportimeve të fundit.
Sulmuesi i përfaqësueses së Meksikës pritet të mungojë deri në muajin shkurt, pasi iu nënshtrua së fundmi një ndërhyrjeje kirurgjikale në kyçin e këmbës.
Megjithatë, kjo nuk e ka ndalur spekulimin rreth një largimi të mundshëm nga “San Siro”.
AC Milan pritet të përforcojë repartin ofensiv me ardhjen e Niclas Fullkrug në formë huazimi nga West Ham United, çka mund të vërë në pikëpyetje rolin e Gimenez sapo ai të rikthehet nga dëmtimi.
Nga ana tjetër, Galatasaray është në kërkim të një zëvendësuesi për Mauro Icardin, kontrata e të cilit përfundon në fund të sezonit aktual.
Klubi turk po vlerëson me kujdes gjendjen fizike të Gimenez për të përcaktuar nëse ai mund të shërbejë si një alternativë e besueshme në sulm, si mbështetje për Victor Osimhen. /Telegrafi/
Ish-anësori i Juventusit, Massimo Mauro këmbëngul se bardhezinjtë vazhdojnë të kenë mungesë të një qendërsulmuesi të vërtetë dhe se nuk do të jenë favoritë në përballjen ndaj Romës, që do të zhvillohet javën e ardhshme në Torino.
Juventusi siguroi një fitore shumë të rëndësishme 1-0 ndaj Bolognës të dielën, duke u afruar vetëm një pikë pas Romës së vendit të katërt, e cila ka një ndeshje më pak dhe sonte përballet me Comon.
Javën e ardhshme, dy skuadrat do të takohen në “Allianz Stadium”, por Mauro nuk beson se Juventusi do të hyjë si skuadra për t’u mposhtur.
“Ata sigurisht që nuk do të jenë favoritë, por do të shohim çfarë do të ndodhë në fushë”.
Sipas tij, problemi kryesor i Juventusit nuk lidhet me çështje jashtë fushës, por me përbërjen e skuadrës dhe mungesën e thellësisë.
“Kjo është çështja e vërtetë, jo kriptovalutat. Isha në stadium për Juventus–Pafos dhe ajo ndeshje e nxori qartë në pah problemin e thellësisë së skuadrës. Jo vetëm mungesa në mbrojtje, por edhe vështirësia për të gjetur zëvendësime për Yildiz, Conceiçao, McKennie dhe Locatelli. Falë Zotit shënoi David, përndryshe do t’i duhej të largohej nga Torino. Ishte një ndeshje jashtëzakonisht e vështirë për të”.
Afati kalimtar i janarit po afrohet, por Mauro nuk pret lëvizje të mëdha në Torino.
“Nuk do ta dija nga t’ia filloja, sepse nuk kanë shitur lojtarë të mirë. Unë nuk do ta kisha marrë Opendën për atë shumë parash. Do të kisha thënë se nuk ka lojtarë të denjë për Juventusin”.
Ai thekson gjithashtu mungesën e figurave të rëndësishme italiane në skuadër, diçka që sipas tij ka qenë gjithmonë pjesë e ADN-së së klubit.
“Ka mungesë edhe të lojtarëve të rëndësishëm italianë, diçka që Juventusi e ka pasur gjithmonë. Pa ta nuk mund të rindërtosh, sepse Juventusi ka pasur gjithmonë një lider italian në dhomën e zhveshjes”.
Mauro beson se Juventusi ka nevojë për një sulmues të profilit të Victor Osimhenit.
“Ata kanë nevojë për një Osimhen në stilin e Napolit, një forcë shtytëse që ta mbajë sulmin i vetëm dhe që Luciano Spalletti e shndërroi në një lider të vërtetë. Juventusi është plot me lojtarë solidë, mbi mesataren, por i duhet dikush që bën diferencën”.
Sipas tij, investimi duhet të fokusohet pikërisht në repartin ofensiv.
“Unë do të investoja në sulm, sepse situata është e pabesueshme. Nëse Yildiz luan keq, është tragjedi. Nëse luan mirë, ka shpresë të krijohet diçka e rrezikshme, por Yildiz nuk është një sulmues me 20 gola, përveç nëse bëhet Del Piero ose luan si qendërsulmues apo sulmues i dytë. Nga krahu, maksimumi mund të bëhet si Kvaratskhelia”.
Spalletti ka fituar pesë nga gjashtë ndeshjet e fundit dhe Mauro vlerëson se ai është një nga trajnerët më të mirë që Juventusi mund të kishte./Telegrafi
Ish-trajneri i Nigerisë, Sunday Oliseh, ka bërë një pohim tronditës se sulmuesi i Galatasarayt, Victor Osimhen, është shumë pranë një transferimi te Real Madridi.
Osimhen mund ta bëjë një transferim befasues në vitin 2026, duke u transferuar te klubi mbretëror.
“Ka shumë diskutime rreth mundësisë së Osimhenit për t’u bashkuar me Real Madridin. Nuk do të them se si e mora këtë informacion, por më është thënë se ai do të largohet”.
“Do të shohim çfarë do të ndodhë, por kur e dëgjova nga një figurë e shquar në Nigeri, u gëzova shumë për të riun”, ka thënë ish-trajneri i Nigerisë.
Ndryshe, Osimhen ka qenë duke e tronditur ligën turke me performancat e tij të shkëlqyera dhe nuk është çudi që ai është në listën e dëshirave të disa gjigantëve evropianë.
Megjithatë, me Kylian Mbappe që tashmë po lulëzon në rolin e sulmuesit, mbetet për t’u parë nëse Los Blancos janë të gatshëm të investojnë në një sulmues të profilit të lartë verën e ardhshme. /Telegrafi/
Ne jemi tashmë më pak se shtatë muaj larg finales së Kupës së Botës 2026 në SHBA, Kanada dhe Meksikë, me shortin e fazës së grupeve që do të mbahet më 5 dhjetor në Ëashington DC.
42 kombëtare janë kualifikuar, ndërsa katër ekipe nga “play-off”-et e UEFA-s dhe dy fitues ndërkontinentalë do ta plotësojnë listën në mars.
Ky turne pritet të jetë i fundit për Lionel Messin, ndërsa Lamine Yamal, Vinicius Jr, Ousmane Dembele dhe Kylian Mbappe do të synojnë të spikasin. Cristiano Ronaldo pritet të bëhet lojtari i dytë në histori, pas Messit, që merr pjesë në gjashtë Kupa Bote.
Këta janë disa nga yjet që nuk do të marrin pjesë në Kupën e Botës 2026:
Dominik Szoboszlai (Hungari)
Pavarësisht pesë kontributeve në gola në gjashtë ndeshje, Hungaria dështoi për shkak të pakujdesisë dhe nuk arriti të rikthehej në Botëror pas 44 vitesh.
Pierre-Emerick Aubameyang (Gabon)
Njëri nga sulmuesit më të mirë që nuk ka luajtur kurrë në Botëror, do të pensionohet pa e përjetuar këtë garë. Ai shënoi shtatë gola, përfshirë katër ndaj Gambisë, por Gaboni u ndal në “play-off”.
Victor Osimhen (Nigeri)
Nigeria do të mungojë për herë të dytë radhazi pasi u eliminua nga DR Kongo në penallti, pavarësisht se ishte favorite pas fitores ndaj Gabonit.
Alexis Sanchez (Kili)
Kili përfundoi në vendin e fundit në kualifikimet e CONMEBOL me vetëm 11 pikë. Sanchez u pengua nga lëndimet dhe u la jashtë skuadrës pas ardhjes së trajnerit të ri.
Benjamin Sesko (Slloveni)
Sllovenia, pa cilësi në repartet e tjera dhe me mungesë shërbimi për Seskon, nuk arriti të thyejë mungesën e gjatë që nga 2010-ta.
Keylor Navas (Kosta Rika)
Megjithëse pësoi vetëm gjashtë gola në gjashtë ndeshje, mungesa e golave në sulm bëri që Kosta Rika të fitonte vetëm një ndeshje dhe të përfundonte e treta pas Hondurasit dhe Haitit.
Serhou Guirassy (Guinea)
Guinea shpresonte që forma e tij e shkëlqyer në klub të vazhdonte, por ai shënoi vetëm një gol, teksa ekipi u rendit i katërti pas Algjerisë, Ugandës dhe Mozambikut./Telegrafi/
Futbollisti i përfaqësueses së Marokut dhe ylli i PSG-së, Achraf Hakimi, është shpallur "Lojtari Afrikan i Vitit" në kategorinë e meshkujve, në ceremoninë e mbajtur të mërkurën në Rabat.
Hakimi ka qenë një forcë në rritje në botën e futbollit gjatë viteve të fundit.
Paraqitjet e tij të jashtëzakonshme me kombëtaren marokene kontribuan në arritjen historike të ekipit në Kupën e Botës 2022, kur Maroku u bë vendi i parë afrikan dhe arab që arrin në gjysmëfinale të turneut.
Përveç arritjeve me kombëtaren, Hakimi mban rekordin për numrin më të madh të kontributeve në gola në pesë ligat elitare të Europës (30).
Ai regjistroi 11 gola dhe 16 asistime në 55 paraqitje, duke luajtur një rol vendimtar në tripletën historike të PSG-së — Ligue 1, Kupa e Francës dhe trofeun e parë të klubit në Ligën e Kampionëve, të kompletuar edhe me Superkupën e UEFA-s.
Achraf Hakimi est élu Joueur Africain de l'année ! 🏆
27-vjeçari ka marrë një përgjegjësi të re këtë sezon, duke u shndërruar në një nga lojtarët më krijues të PSG-së dhe një lider brenda skuadrës.
Hakimi bëhet marokeni i parë që e fiton këtë çmim që nga Mustapha Hadji në vitin 1998. Ai la pas Mohamed Salah të Liverpoolit dhe Victor Osimhen të Galatasarayt.
Mbrojtësi, i cili aktualisht është i dëmtuar, shpreson të rikuperohet me kohë për Kupën e Kombeve të Afrikës që do të zhvillohet në vendin e tij./Telegrafi/
Çmimi prestigjioz “Futbollisti Afrikan i Vitit 2025” ka zbuluar tashmë listën përfundimtare të tre kandidatëve kryesorë, të cilët do të garojnë për trofeun më të rëndësishëm individual në kontinent.
Gara e këtij viti pritet të jetë tejet e fortë, me emra të mëdhenj të futbollit afrikan që kanë shkëlqyer gjatë sezonit.
Në mesin e të nominuarve gjendet mbrojtësi i PSG-së, Achraf Hakimi, i cili konsiderohet një nga favoritët për të fituar çmimin.
Marokeni pati një sezon fantastik, duke kontribuar shumë në fitoren e katër trofeve nga PSG-ja, përfshirë edhe triumfin në Ligën e Kampionëve.
Krahas tij, Mohamed Salah mbetet një pretendent serioz. Ylli i Liverpoolit ishte vendimtar në suksesin e klubit anglez në Premier League, ku përfundoi si lojtari me më shumë gola dhe asiste gjatë sezonit.
Në listë është përfshirë edhe sulmuesi i Galatasaray-it, Victor Osimhen, i cili me paraqitjet e tij mbresëlënëse ka siguruar një vend të merituar mes tre më të mirëve.
Sulmuesi nigerian vazhdon të jetë një nga lojtarët më të vlerësuar në futbollin evropian dhe afrikan. /Telegrafi/
Sulmuesi nigerian, Victor Osimhen, ka shkëlqyer në ndeshjen e xhiros së katërt të Ligës së Kampionëve, duke shënuar “het-trik” për Galatasarayn në fitoren bindëse 3-0 në transfertë ndaj Ajaxit.
Osimhen hapi rezultatin në minutën e 59-të, ndërsa dy penallti të mëvonshme, në minutat 65 dhe 78, vulosën një fitore të pastër për turqit. Me këto tre gola, Osimhen tani udhëheq listën e golashënuesve me 6 gola.
Ai ka lënë pas Erling Haalandin me 5 gola, ndërsa Kylian Mbappé dhe Harry Kane kanë po aq gola sa suedezi, duke krijuar një garë të ngushtë për kreun e shënuesve në fazën e grupeve.
Highest Goalscorer in the UEFA CHAMPIONSHIP LEAGUE ✅
Three consecutive POTM awards ✅
Second Nigerian to have ever scored a hat trick in the UCL ✅
Nigeriani po tregon formë të shkëlqyer këtë sezon, ku në të gjitha garat me fanellën e klubit turk ka 9 gola.
Trajneri i Galatasaray, Okan Buruk, deklaroi se është i lumtur, që ka një sulmues të tillë në ekip.
"Jemi të lumtur që kemi Victor Osimhen. Një ëndërr në verë, por ka njerëz që e kanë realizuar këtë ëndërr. Duhet të falënderojmë Dursun Özbek, Abdullah Kavukçu dhe gjithë administratën. Ndoshta kemi marrë një lojtar që nuk mund ta imagjinonim me transferimin e tij. Kjo tregon edhe nivelin e objektivave të Galatasarayit. Suksesi sportiv është shumë i rëndësishëm, dhe synimi ynë është të arrijmë sukses të madh në Ligën e Kampionëve me Osimhen", deklaroi Burku.
Falë kësaj fitoreje, Galatasaray shfaqet si një pretendent serioz për vendet e para në grup dhe pozicionon Osimhen si një nga sulmuesit më të rrezikshëm të këtij sezoni në Ligën e Kampionëve. /Telegrafi/
Galatasaray ka vendosur një tarifë astronomike transferimi për Victor Osimhen, i cili është në radarin e gjigantëve evropianë. Menaxhmenti i klubit ka mbyllur derën për oferta nën 140 milionë euro.
Sulmuesi nigerian ka pasur një nisje të stuhishme të sezonit 2025/26. Osimhen, i cili ka tërhequr vëmendjen me performancat e tij në Superligën e Turqisë dhe Ligën e Kampionëve, është bërë përsëri një nga të preferuarit midis gjigantëve evropianë.
Pavarësisht interesit nga klube si Barcelona, Paris Saint-Germain dhe Manchester United, Osimhen nënshkroi për Galatasaray në fillim të sezonit dhe shpejt u bë një nga të preferuarit e tifozëve me fanellën verdhë e kuqe.
Megjithatë, performanca në rritje e lojtarit yll ka bërë që klubet e mëdha të trokasin përsëri në derën e tij.
Sipas një raporti në gazetën Türkiye, drejtuesit e Galatasarayt po kërkojnë një tarifë rekord transferimi për Osimhen. Gjiganti nga Stambolli nuk do të marr në konsideratë asnjë ofertë nën 140 milionë euro.
Galatasaray synon të bëjë shitjen më të lartë të yllit nigerian si në Superligën e Turqisë ashtu edhe në historinë e klubit me këtë çmim.
Osimhen, 26 vjeç, ka një kontratë me Galatasarayn deri në vitin 2029. Sulmuesi, i cili luajti në 9 ndeshje në Superligë dhe Ligën e Kampionëve këtë sezon, bëri diferencën me performancën e tij duke shënuar 6 gola. /Telegrafi/
Barcelona ka përfshirë sulmuesin e Galatasaray, Victor Osimhen, në listën e objektivave për verën e ardhshme, teksa klubi katalunas po kërkon zëvendësuesin afatgjatë të Robert Lewandowskit.
Sipas raportimeve, sulmuesi nigerian po shkëlqen në Superligën turke, ku ka qenë protagonist absolut gjatë dy sezoneve të fundit. Vetëm sezonin e kaluar, Osimhen shënoi 37 gola dhe dhuroi 8 asistime, ndërsa këtë edicion ka regjistruar 6 gola në 9 ndeshje, përfshirë një dopietë ndaj Bodo/Glimt në Ligën e Kampionëve.
Me këto paraqitje, ai është konsideruar një nga sulmuesit më produktivë në Evropë, por transferimi i tij në “Camp Nou” shihet si shumë i vështirë. Galatasaray ka paguar 75 milionë euro për ta blerë përfundimisht nga Napoli, çka e rrit ndjeshëm vlerën e tregut të tij.
Victor Osimhen
Për më tepër, vështirësitë financiare të Barcelonës mbeten një pengesë e madhe për të përballuar marrëveshje të tilla të kushtueshme. Përveç Osimhenit dhe Julian Alvarez të Atletico Madridit, blaugranasit po shqyrtojnë edhe alternativa më të përballueshme, si Karl Etta Eyong i Levantes dhe Fisnik Asllani i Hoffenheimit.
Raporti shton se prioriteti i Barcelonës është të gjejë një sulmues që përshtatet me filozofinë e Hansi Flickut, por pa e rrezikuar stabilitetin financiar të klubit./Telegrafi/
Është zbuluar lista zyrtare e ngushtë për çmimin ‘Lojtari i Vitit 2025’ i CAF, ku përfshihen disa nga yjet më të mëdhenj të futbollit afrikan.
Ikona e Liverpoolit, Mohamed Salah, Achraf Hakimi i PSG- së dhe sulmuesi i Galatasarayt, Victor Osimhen, kryesojnë një listë konkurruese që përfshin gjithashtu Frank Anguissa (Napoli), Serhou Guirassy (Borussia Dortmund) dhe Pape Matar Sarr (Tottenham), ndër të tjerë.
Ky nder prestigjioz afrikan njeh interpretuesit më të mirë nga të gjitha ligat elitare të Evropës dhe më gjerë, me fituesin e Ligës së Kampionëve Hakimi dhe golashënuesin e shquar Osimhen që synojnë të rrëzojnë nga froni dominimin e Salahut.
Afati kalimtar i verës filloi më 16 qershor dhe klubet evropiane do të kenë kohë deri më 1 shtator për të siguruar përforcimet e tyre ose për të hequr qafe lojtarët tek të cilët nuk llogarisin më.
Shumë klube kanë pasur sukses në qëllimet e tyre deri më tani, dhe më poshtë ju sjellim pesë transferimet më të shtrenjta dhe më të profilit të lartë në afatin kalimtar deri më tani.
Klubet angleze shpenzuan më shumë, dhe dy nënshkrimet më të shtrenjta të sezonit, të paktën për momentin, u siguruan nga Liverpool.
“Të Kuqtë” paguan një shumë marramendëse prej 125 milionë eurosh për nënshkrimin më të shtrenjtë të verës, Florian Wirtz.
Futbollisti fantastik gjerman mbërriti në Liverpool nga Bayer Leverkusen, dhe transferimi i tij përfaqëson gjithashtu një transferim rekord në historinë e Liverpoolit, duke marrë parasysh se transferimi më i madh i klubit deri më sot ishte nënshkrimi prej 85 milionë eurosh i Darwin Nunez nga Benfica.
Lojtari i dytë më i shtrenjtë në listë është Hugo Ekitike, i cili mbërriti nga Eintracht Frankfurt, gjithashtu te Liverpool. Transferimi me bonuse vlen 95 milionë euro, dhe lojtari i ri ofensiv nënshkroi një kontratë gjashtëvjeçare me kampionin anglez.
OFFICIAL: Hugo Ekitike joins Liverpool from Eintracht Frankfurt on six year contract.
€80m fixed fee, €10m easy add-ons and €5m difficult add-ons as package for the French striker.
As rivali më i madh i Liverpoolit nuk qëndroi duarkryq. Manchester United solli në radhët e tyre sulmuesin e madh slloven Benjamin Sesko për 85 milionë euro, i cili nënshkroi një kontratë me “Djajtë e Kuq” deri në vitin 2030.
He’s here!
Benjamin Sesko is officially a Manchester United player!
I katërti në listën e transferimeve më të shtrenjta të verës është nigeriani Victor Osimhen, i cili u transferua nga Napoli te Galatasaray për një shumë rekord prej 75 milionë eurosh, që përfaqëson transferimin më të madh në historinë 120-vjeçare të klubit.
Victor Osimhen to Galatasaray, here we go! Club to club documents exchange to start in next 24h after verbal pact.
Galatasaray will pay €40m now, €35m in one year, 10% on future profit and also a goals based bonus.
Transferimi i pestë më i shtrenjtë në këtë afat kalimtar i takon po ashtu Unitedit, të cilët nënshkruan me Bryan Mbuemon nga Brentfordi për një shumë prej 70 milionë eurosh./Telegrafi/
Bryan Mbeumo only wanted Manchester United and remained patient and professional until a £71m agreement was reached.
All clubs aware of his preference from the start leading to rival clubs backing off.https://t.co/cwCMrtJ210
Pas një sezoni huazim të suksesshëm te Galatasaray, Victor Osimhen po e mbyll zyrtarisht kapitullin e tij me Napoli. Sulmuesi nigerian është transferuar përfundimisht te klubi turk, i do të paguajë 75 milionë euro për shërbimet e tij.
Osimhen mbërriti sot në Stamboll dhe u prit me entuziazëm nga tifozët e Galatasaray, të cilët e konsiderojnë atë një nga yjet kryesorë të skuadrës për sezonin e ri.
Nga kjo shumë, 40 milionë euro do të paguhen menjëherë te Napoli, ndërsa pjesa tjetër është planifikuar të shlyhet në vitin 2026. Marrëveshja është arritur dhe ka marrë miratimin e të gjitha palëve të përfshira.
Sulmuesi 26-vjeçar shkëlqeu te Galatasaray sezonin e kaluar, duke shënuar 32 gola në 37 ndeshje, duke u bërë një prej lojtarëve më të rëndësishëm të ekipit.
Napoli përfiton një shumë të konsiderueshme nga ky transferim, duke mbyllur një kapitull të suksesshëm me sulmuesin nigerian.
Osimhen tashmë është pjesë e Galatasaray dhe pritet të luajë një rol kyç në përpjekjet e klubit për të fituar tituj në futbollin turk dhe në garat evropiane.
Fansat e Galatasaray presin me padurim të shohin performancat e sulmuesit nigerian, i cili tashmë konsiderohet një lider i ri i ekipit. /Telegrafi/
Victor Osimhen vazhdon të jetë në qendër të merkatos së verës. Sulmuesi nigerian i Napolit pritet të largohet nga klubi, por negociatat për transferimin e tij janë larg përfundimit. Sipas raportimeve nga mediat italiane, Liverpool ka bërë një lëvizje konkrete për të siguruar shërbimet e Osimhen. Kampionët e Premier League kanë ofruar një marrëveshje shkëmbimi, duke propozuar Darwin […]
Klubet elitare të Evropës tashmë kanë nisur lëvizjet e para në merkaton e verës, ndërsa pritet që muajt e ardhshëm të sjellin edhe më shumë transferime të bujshme.
The Sun ka përzgjedhur disa prej transferimeve “ideale” që mund të ndodhin, bazuar në nevojat aktuale të skuadrave, kualitetin e lojtarëve dhe realizueshmërinë e marrëveshjeve.
Liverpool – Alexander Isak (Newcastle United)
“The Reds” kërkojnë një sulmues të vërtetë pas dështimeve të Darwin Núñez dhe lëvizjeve të mundshme të tij dhe Luis Díaz drejt Arabisë Saudite. Isak shihet si një nga “numrat 9” më të mirë në Premier League dhe një përforcim që do i sillte qetësi ofensivës së Arne Slot. Shitjet e përmendura mund të krijojnë hapësirë financiare për këtë lëvizje.
Arsenal – Ollie Watkins (Aston Villa)
Topçinjtë kanë nevojë urgjente për një sulmues që të përmbushë kërkesat e Artetës: klinik, i gjithanshëm dhe i gatshëm për të ndikuar menjëherë. Watkins, me përvojë të provuar në Premier League, përputhet me këto kritere dhe mund të jetë çelësi për ta çuar Arsenal drejt titullit.
Chelsea – Rodrygo (Real Madrid)
Me mungesë të theksuar në krahët e sulmit – veçanërisht nga lojtari që preferon këmbën e djathtë nga krahu i majtë – Chelsea sheh te Rodrygo zgjidhjen ideale. Brazilianit i është vënë një çmim prej €90 milionë nga Reali dhe dëshira e tij për të luajtur në krahun e preferuar mund ta bëjë të hapur për një transferim.
Manchester City – Pedro Porro (Tottenham)
Pavarësisht shpenzimeve të mëdha, City mbetet pa një mbrojtës të natyrshëm të djathtë pas largimit të Walker. Porro, një produkt i akademisë së Cityt, tashmë i afirmuar në Premier League, është opsioni ideal për t’u rikthyer në Etihad.
Manchester United – Leon Goretzka (Bayern Munich)
Amorim kërkon një mesfushor dinamik, ndërsa Goretzka përputhet perfekt me profilin. Me kontratën që i skadon për një vit dhe me përvojën e tij, gjermani mund të jetë një zgjidhje afatshkurtër shumë e vlefshme për rindërtimin e “Djajve të Kuq”.
Barcelona – Benjamin Sesko (RB Leipzig)
Në vend se të shpenzojë për një tjetër anësor, Barça do të bënte mirë të investonte në pasardhësin e Lewandowskit. Sesko, i ri dhe me stil të ngjashëm me polakun, është një investim që mbulon edhe të tashmen edhe të ardhmen.
Real Madrid – Fabian Ruiz (PSG)
Me Kroos që largohet, Realit i duhet një mesfushor i gatshëm për të kontribuar menjëherë. Fabian, që ka shkëlqyer me PSG-në, është opsion ideal për dy-tre sezone derisa Camavinga dhe Guler të jenë gati për rolin.
PSG – Victor Osimhen (Napoli)
Luis Enrique kërkon një “9” më të besueshëm sesa Gonçalo Ramos. Osimhen është teknikisht dhe fizikisht i përkryer për sistemin e tij, dhe PSG ka fuqinë financiare për ta transferuar përballë çdo konkurrence.
Bayern Munich – Rafael Leao (Milan)
Me Nico Williams afër Barcelonës, bavarezët kthejnë vëmendjen te Leao. Portugali ka gjithçka që duhet për të shkëlqyer në Bundesliga dhe për të plotësuar një treshe ofensive të frikshme me Kane dhe Olise.
Juventus – Viktor Gyokeres (Sporting CP)
Duket se Juventusi ka humbur durimin me Vlahovicin dhe kërkon një profil më konstant. Gyokeres, edhe pse i anashkaluar nga klubet e tjera të mëdha, mbetet një opsion i frikshëm në sulm – dhe bardhezinjtë janë të gatshëm të sakrifikojnë për ta marrë.
Inter – Rodrigo De Paul (Atletico Madrid)
Me Calhanoglun dhe Mkhitaryanin drejt fundit të ciklit, Interi kërkon një mesfushor të qëndrueshëm dhe të fortë fizikisht. De Paul është një “profil i vjetër” që i shkon për shtat stilit të zikaltërve – dhe mund të jetë përforcimi i duhur për një tjetër sezon të suksesshëm në Serie A dhe Evropë. /Telegrafi/
Sulmuesi i Napolit, Victor Osimhen, ka reaguar ndaj spekulimeve të shumta rreth të ardhmes së tij, duke theksuar se aktualisht është i përqendruar në shijimin e pushimeve, pas një sezoni të ngarkuar si në nivel personal ashtu edhe profesional.
Pavarësisht interesimit të raportuar nga klubet e mëdha evropiane si Chelsea, Arsenal, Juventus dhe Manchester United, 25-vjeçari nigerian nuk ka konfirmuar asgjë konkrete në lidhje me një transferim të mundshëm gjatë kësaj vere.
Osimhen pritet të largohet nga Napoli, pasi kontrata e tij përfshin një klauzolë lirimi që u mundëson klubeve jashtë Italisë ta transferojnë për një shumë prej 75 milionë eurosh.
Sipas mediave, ai ka refuzuar një ofertë të majme nga Al-Hilal në Arabinë Saudite, duke treguar preferencën e tij për të qëndruar në Evropë.
Sulmuesi, i cili bëri paraqitje mbresëlënëse gjatë huazimit të tij te Galatasaray, tha se ajo periudhë ndikoi pozitivisht në zhvillimin e tij si lojtar dhe si njeri.
“E dini, kjo është ajo që ndodh kur mbaron sezoni dhe pastaj fillojnë negociatat e transferimit të verës. Ka shumë klube që më duan, por tani për tani po përqendrohem te pushimet e mia për t’u argëtuar”, deklaroi ai.
Victor Osimhen vazhdon të mbetet një nga emrat më të nxehtë të afatit kalimtar të verës, dhe ofertat për të nuk kanë të ndalur. Sipas raportimeve nga Turqia, gjigantët sauditë të Al-Hilal janë të gatshëm t’i ofrojnë sulmuesit të Napolit një pagë rekord prej 50 milionë eurosh në sezon për ta bindur që të transferohet në Lindjen e Mesme.
Ofertat ndaj Osimhenit kanë ardhur edhe më herët nga Al-Hilal. Siç raportoi javën e kaluar gazetari italian Alfredo Pedullà, sulmuesi nigerian e kishte refuzuar një tjetër ofertë të majme prej 30 milionë eurosh në sezon, edhe pse klubi saudit kishte qenë gati të aktivizonte klauzolën e lirimit në kontratën e tij, me vlerë 75 milionë euro.
Al-Hilal nuk ka hequr dorë, pavarësisht refuzimit të parë dhe faktit se nuk e arritën afatin që donin për ta pasur Osimhenin para Kupës së Botës për Klube.
Sipas gazetarit turk, Yagiz Sabuncuoglu, oferta e re është shumë më e lartë dhe synon ta bindë përfundimisht sulmuesin që të braktisë Evropën.
Ndërkohë, edhe klubet evropiane vijojnë të jenë të vëmendshme. Arsenal, Manchester United dhe Chelsea janë në garë, edhe pse po shqyrtojnë alternativa të tjera.
Juventusi, nga ana tjetër, e ka ndjekur prej kohësh Osimhenin, por Napoli do të pranonte ta shiste tek “Zonja e Vjetër” vetëm si zgjidhje të fundit, pasi nuk dëshiron të përforcojë një rival të drejtpërdrejtë në Serie A.
Napoli, pavarësisht interesimit të madh për Osimhenin, nuk është i prirur ta shesë atë me çmim të ulët. Klubi italian e sheh nigerianin si një pasuri të madhe dhe është i vendosur të respektojë vlerësimin që i ka bërë, duke pritur ofertën e duhur në aspektin ekonomik dhe strategjik.
Zëvendëspresidenti i Galatasarayt, Ibrahim Hatipoglu, është i bindur se Victor Osimhen do të qëndrojë në klub edhe përtej kësaj vere. “Mundësitë rriten me çdo ditë që kalon”, deklaroi ai për AS, duke nënvizuar optimizmin e klubit turk për të mbajtur sulmuesin nigerian.
Osimhen e kaloi sezonin e fundit në huazim te Galatasaray nga Napoli dhe ka një klauzolë prej 75 milionë eurosh të përfshirë në kontratën e tij me klubin italian. Megjithatë, kjo klauzolë nuk është e vlefshme për klubet e Serie A.
Galatasaray ka bindjen se do ta mbajë Osimhenin, veçanërisht pasi lojtari refuzoi një ofertë të madhe nga Al-Hilal, i drejtuar nga Simone Inzaghi.
Hatipoglu shpjegoi se marrëveshja për transferimin e tij ishte e papritur: “Kur na ofruan Osimhenin, nuk kishim nevojë për një sulmues, por e nënshkruam brenda dy ditësh”,
Për këtë çështje po punojnë drejtori i transferimeve, Abdullah Kavukcu, dhe agjenti italian George Gardi. “Me çdo ditë që kalon, shanset që Osimhen të qëndrojë te Galatasaray rriten”, shtoi Hatipoglu.
Victor Osimhen pati një sezon të jashtëzakonshëm në Stamboll, duke shënuar 37 gola dhe duke dhuruar 8 asistime në 41 paraqitje për Galatasarayn në të gjitha garat.
Zëvendëspresidenti i Galatasarayt, Ibrahim Hatipoglu, është i bindur se Victor Osimhen do të qëndrojë në klub edhe përtej kësaj vere. “Mundësitë rriten me çdo ditë që kalon”, deklaroi ai për AS, duke nënvizuar optimizmin e klubit turk për të mbajtur sulmuesin nigerian.
Osimhen e kaloi sezonin e fundit në huazim te Galatasaray nga Napoli dhe ka një klauzolë prej 75 milionë eurosh të përfshirë në kontratën e tij me klubin italian. Megjithatë, kjo klauzolë nuk është e vlefshme për klubet e Serie A.
Galatasaray ka bindjen se do ta mbajë Osimhenin, veçanërisht pasi lojtari refuzoi një ofertë të madhe nga Al-Hilal, i drejtuar nga Simone Inzaghi.
Hatipoglu shpjegoi se marrëveshja për transferimin e tij ishte e papritur: “Kur na ofruan Osimhenin, nuk kishim nevojë për një sulmues, por e nënshkruam brenda dy ditësh”,
Për këtë çështje po punojnë drejtori i transferimeve, Abdullah Kavukcu, dhe agjenti italian George Gardi. “Me çdo ditë që kalon, shanset që Osimhen të qëndrojë te Galatasaray rriten”, shtoi Hatipoglu.
Victor Osimhen pati një sezon të jashtëzakonshëm në Stamboll, duke shënuar 37 gola dhe duke dhuruar 8 asistime në 41 paraqitje për Galatasarayn në të gjitha garat. /Telegrafi/
Login
