Pas një periudhe në ‘periferi’ të skuadrës, Rodrygo Goes është rishfaqur si një figurë vendimtare për Real Madridin, duke justifikuar besimin e vazhdueshëm të trajnerit Xabi Alonso.

Sulmuesi brazilian kishte kaluar muaj duke luftuar për minuta, shpesh duke u shfaqur vetëm shkurt dhe duke parë shokët e skuadrës si Gonzalo Garcia të bënin bujë në media.

Nën drejtimin e Alonsos, roli i Rodrygos fillimisht ishte i kufizuar, me lojtarë më të rinj ose me profil më të lartë që preferoheshin shpesh. Megjithatë, Alonso nuk e braktisi kurrë, madje duke i dhënë përparësi atij mbi Endrick ndonjëherë.

Sipas gazetës Marca, ringjallja e Rodrygos ka qenë e shpejtë. Ai ka qenë titullar në katër nga pesë ndeshjet e fundit - duke u futur nga stoli vetëm në Copa del Rey dhe ka kontribuar me dy gola dhe tre asistime. Ndikimi i tij në ekip është rikthyer, duke i dhënë vetëbesim, shkëlqim dhe shkathtësi sulmuese.

Një moment kyç erdhi në ndeshjen e Ligës së Kampionëve kundër Manchester Cityt, një skuadër që më parë kishte treguar interes për Rodrygon. Pavarësisht mundësisë për një transferim, ai qëndroi dhe la gjurmë, duke shënuar dhe duke rimarrë vendin e tij në skuadër.

Alonso vlerësoi zhvillimin e sulmuesit të tij: "Sa më shumë ta përfshijmë, aq më e mirë është zakonisht loja tjetër. Ne kemi nevojë për të në formën e tij më të mirë dhe ai dha një performancë të plotë”.

Në Valdebebas, Rodrygo shihet përsëri si një aset strategjik për të tashmen dhe të ardhmen, duke demonstruar se sa shpejt mund të ndryshojë fati i një lojtari në futboll - nga jashtë loje në i domosdoshëm vetëm brenda disa javësh. /Telegrafi/

Phil Foden ka pësuar rënien më të madhe të vlerës së tregut nga çdo lojtar i ligave më të larta të futbollit në vitin 2025, me faqen e specializuar të statistikave dhe transferime Transfermarkt që vlerëson se ylli i Manchester City ka humbur rreth 52 milionë funte pavarësisht shenjave të një rikthimi në formë.

Vlera e tij ra ndjeshëm gjatë një periudhe të vështirë për Cityn sezonin e kaluar, edhe pse ai arriti të shënonte 13 gola në 49 paraqitje.

Ky sezon ka qenë më inkurajues, me Fodenin që është rikthyer në formacionin e Anglisë dhe ka kontribuar me gola dhe asistime, ndërsa City mbetet në garë për titull. Megjithatë, vlera e tij e vlerësuar ka rënë në rreth 69.7 milionë funte, rënia më e madhe në të gjitha ligat kryesore të Evropës.

Shoku i skuadrës, Rodri, vjen menjëherë pas tij, pasi humbi gati 48 milionë funte në vlerë, kryesisht për shkak të problemeve afatgjata me lëndimet dhe një rikthimi të ngadaltë në aksion.

I treti në listën e lojtarëve me zhvlerësimin më të madh është ylli i Real Madridit, Vinicius Junior, i cili tani vlerësohet 43.5 milionë funte më pak.

Pas tij vijnë Gavi i Barcelonës dhe Rodrygo Goes i Real Madridit, me të dy lojtarët që janë zhvlerësuar gjatë vitit 2025 për lotë 34.8 milionë funte.

Kapiteni i Arsenalit, Martin Odegaard, gjithashtu ka parë një rënie të vlerësimit të tij me pak më shumë se 30 milionë funte, me lëndimet që luajnë një rol të rëndësishëm.

Zhvlerësim gjatë 2025-tët pati edhe Bernardo Silva i Cityt, i cili pati rënie çmimi prej 28.7 milionë funte.

Florian Wirtz i Liverpoolit është gjithashtu në dhjetëshen e parë, me rreth 26 milionë funte që i humbën çmimin pas një sezoni të parë sfidues pas transferimit të tij rekord britanik.

Në fund, emra të mëdhenj si Eduardo Camavinga dhe Ronald Araujo gjithashtu kanë pasur zhvlerësim prej 26 milionë funtesh, duke nënvizuar se si forma, gjendja fizike dhe paqëndrueshmëria e klubit kanë nxitur disa nga zhvlerësimet më të mëdha të futbollit këtë vit. /Telegrafi/

Paris Saint-Germain po shfaq interes serioz për sulmuesin e Real Madridit, Rodrygo Goes, me kërkesë direkte të trajnerit Luis Enrique.

Tekniku spanjoll e konsideron brazilianin si profil ideal për filozofinë e tij të lojës dhe për rotacionin ofensiv që synon të ndërtojë në Paris.

Ky transferim pritet të jetë një nga lëvizjet më të bujshme të afatit kalimtar së verës.

Luis Enrique vlerëson veçanërisht inteligjencën taktike, disiplinën dhe sakrificën e Rodrygos në fushë.

Aftësia e tij për të luajtur në të dy krahët e sulmit apo edhe si “fals nëntë” e bën atë një armë të rëndësishme për skemat e PSG-së.

Braziliani shihet si lojtar modern, i përqendruar te loja kolektive dhe jo te individualizmi.

Ndryshe nga emra të tjerë më mediatikë të Real Madridit, PSG ka vendosur të mos ndjekë pista si ajo e Vinicius Jr.

Luis Enrique preferon futbollistë që ruajnë ekuilibrin e grupit dhe shmangin tensionet jashtë fushe.

Për drejtuesit parisienë, Rodrygo garanton stabilitet, profesionalizëm dhe përputhje të plotë me kulturën e punës së klubit.

Versatiliteti i Rodrygos do t’i jepte PSG-së më shumë paparashikueshmëri në fazën sulmuese dhe fleksibilitet në tranzicionet ofensive.

Klubi francez po përgatit strategjinë financiare për të realizuar këtë operacion, ndërsa lojtari e sheh si mundësi të madhe drejtimin e një projekti ambicioz në Paris.

PSG pritet të nisë bisedimet zyrtare në momentin e duhur, me bindjen se projekti sportiv do ta joshë sulmuesin brazilian. /Telegrafi/

Real Madridi mund të përballet me një vendim të rëndësishëm në afatin kalimtar, pasi Rodrygo Goes është rikthyer në qendër të vëmendjes së klubeve të mëdha evropiane.

Sulmuesi brazilian 24-vjeçar po kalon një sezon të paqëndrueshëm, ku pavarësisht minutave të shumta në dispozicion, nuk ka arritur të reflektojë pritshmëritë me shifra vendimtare, duke rihapur debatet rreth rolit të tij në skuadër.

Klubi madrilen është i vetëdijshëm për vlerën e lartë të Rodrygos në tregun ndërkombëtar.

Interesimi për të nuk ka munguar asnjëherë, me klube nga Liga Premier, Bundesliga dhe Arabia Saudite që kanë monitoruar situatën e tij.

Në këtë kontekst, Real Madridi mund të jetë i gatshëm të dëgjojë oferta, veçanërisht nëse ato përputhen me strategjinë e rinovimit të skuadrës dhe balancimit financiar.

Manchester City shfaqet si kandidati më konkret për shërbimet e brazilianit.

Pep Guardiola e vlerëson lart profilin e tij dhe beson se Rodrygo do të përshtatej në mënyrë perfekte me filozofinë e lojës së kampionëve të Anglisë.

Klubi anglez është i gatshëm të ofrojë rreth 80 milionë euro, një shifër që konsiderohet serioze dhe që mund ta vendosë Real Madridin përballë një dileme të vështirë.

Nga njëra anë, drejtuesit e “Los Blancos” e vlerësojnë kontributin dhe përkushtimin e Rodrygos në vitet e fundit, por nga ana tjetër, një ofertë e tillë për një lojtar që nuk po kalon momentin më të mirë sportiv mund të përfaqësojë një mundësi të rrallë tregu.

Vendimi përfundimtar pritet të merret në javët në vijim, ndërsa e ardhmja e Rodrygos mbetet e hapur mes qëndrimit në “Santiago Bernabeu” dhe një kapitulli të ri të mundshëm në Manchester City. /Telegrafi/

Arsenali po rifillon planifikimin sportiv me një objektiv parësor: të gjejë një sulmues të krahut të majtë të klasit të lartë për të përforcuar kreativitetin sulmues të ekipit. Mes një agjende të vështirë dhe me Ligën e Kampionëve si një tjetër front të rëndësishëm, drejtuesit e Topçinjve i kanë vënë syrin dy figurave me famë ndërkombëtare: Rodrygo Goes dhe Rafael Leao, dy lojtarë që mund ta ndryshojnë plotësisht strukturën e sulmit të klubit londinez.

Klubi anglez e kupton që Viktor Gyokeres ka nevojë për një partner krahu që mund t’ia zvogëlojë ngarkesën e punës dhe të krijojë më shumë mundësi sulmuese.

Ndërsa suedezi ofron lëvizshmëri dhe ritëm pune të palodhur, përshtatja e tij me ritmin anglez të futbollit është ende duke vazhduar dhe pritjet rreth më shumë se 75 milionë eurove të investuara vazhdojnë të dominojnë diskutimet në Emirates.

Qëllimi i klubit nuk është ta zëvendësojë atë, por ta rrethojë atë me lojtarë të aftë për të përmirësuar performancën e tij dhe për të krijuar hapësirë në fazën e tretë të fushës.

Arsenali ka identifikuar se profili ideal i lojtarit duhet të ketë shpejtësi, paparashikueshmëri dhe aftësinë për t'u lidhur me shokët e ekipit.

Kjo është arsyeja pse Rodrygo dhe Leao përshtaten kaq mirë në planet e Mikel Artetas, pasi ai kërkon një sulmues me aftësi sulmuese, personalitet dhe përvojë në nivelin më të lartë. Të dy lojtarët i plotësojnë këto kërkesa, megjithëse secili ofron cilësi të dallueshme që i pëlqejnë drejtorit sportiv.

Rodrygo po kalon një periudhë të paqëndrueshme në klubin e tij, por talenti i tij është i pamohueshëm. Vetëm në moshën 24 vjeçare, ai ka demonstruar tashmë aftësinë për të vendosur ndeshje të mëdha, për të lexuar hapësirat dhe për të alternuar pozicionet në vijën e sulmit.

Për Arsenalin, shkathtësia e tij është veçanërisht e vlefshme, pasi ai mund të luajë në të dyja krahët dhe madje të zërë pozicione qendrore nëse sistemi e kërkon këtë.

Transferimi nuk do të ishte i lehtë, pasi kontrata e tij është e gjatë dhe klubi i tij nuk po shqyrton një shitje në mes të sezonit, por Arsenali është i përgatitur të presë për mundësinë e duhur për të nisur një ofertë serioze.

Rafael Leeo, ofron një qasje krejtësisht të ndryshme. Loja e tij kombinon fuqinë fizike me një aftësi pothuajse të natyrshme për të thyer linjat me driblimin e tij.

Në moshën 26 vjeçare, ai është tashmë një forcë sulmuese në Itali dhe një nga anësorët më të rrezikshëm në kontinent. Për Arsenalin, mbërritja e tij do të thoshte një injeksion agresiviteti në krahun e majtë dhe një kërcënim i vazhdueshëm në situatat një-me-një.

Leao ka gjashtë gola dhe një asistim këtë sezon, shifra të mira në një kontekst ku skuadra e tij ka luftuar për qëndrueshmëri.

Kontrata e tij është gjithashtu deri në vitin 2028, gjë që do të kërkonte që Arsenali të bënte një investim të konsiderueshëm nëse vendosin ta bëjnë atë një pjesë kyçe të projektit të tyre. /Telegrafi/

Sulmuesi francez, Karim Benzema ndodhet në Dubai duke u përgatitur për gjysmën e dytë të sezonit me klubin e tij, Al-Ittihad, pas një pushimi prej gati një muaji.

Në qytetin e Emirateve të Bashkuara Arabe, Benzema dha një intervistë të gjatë për gazetën L'Equipe, në të cilën trajtoi tema të ndryshme, nga një rikthim i mundshëm në ekipin kombëtar francez deri te situata aktuale te Real Madridi.

Megjithatë, vëmendja ishte te situata e Real Madridit, me klubin mbretëror që po përjeton një krizë të rezultateve dhe Benzema ka identifikuar problemin.

Thierry Henry i del në mbrojtje Alonsos, sulmon lojtarët e Real Madridit

“Ajo që u mungon është thjesht një lidhje, midis Mbappe, Vinicius, Bellingham dhe Rodrygo. Secili duhet të dijë çfarë të bëjë në fushë”, ka thënë fillimisht Benzema për L’Equipe.

“Bellingham duhet të kuptojë se ai është mesfushori sulmues, jo golashënuesi. Mbappe është golashënuesi, jo mesfushori sulmues. Vinicius nuk është mesfushor mbrojtës, ai është një sulmues i krahut të majtë".

"Për sa kohë që të gjithë e dinë çfarë të bëjnë në fushë, kaq është. Sepse po flasim për lojtarë që janë ndër dhjetë më të mirët në botë, dhe të gjithë janë në të njëjtën skuadër".

“Zgjidhja e problemit? Është e vështirë sepse secili ka personalitetin dhe karakteristikat e veta. Secili dëshiron të jetë më i miri, kështu që është pak e komplikuar. Secili duhet ta kuptojë se, në rolin e tij, mund të kontribuojë, por se kjo është për të mirën e ekipit", përfundoi ylli francez. /Telegrafi/

Trajneri i Manchester Cityt, Pep Guardiola , e vlerësoi lart Rodrygon e Real Madridit pas fitores 2-1 në Ligën e Kampionëve në Bernabeu.

Ylli brazilian kishte hapur rezultatin në minutën e 27-të me një kundërsulm të shkëlqyer duke kaluar Real Madridin në epërsi 1-0.

City u kundërpërgjigj në fund të pjesës së parë nëpërmjet Nico O'Reilly për 1-1 dhe Erling Haaland për 1-2 për të siguruar pikët dhe për t'u ngjitur në tetë vendet e para.

Guardiola pranoi se Real Madridi dominoi në fillim, me Rodrygon që po rezulton një kërcënim i vazhdueshëm së bashku me Vinicius Jr.

“I thashë Rodrygos sa i mirë është. Ai është një lojtar nga një nivel tjetër... ky djalosh është një lojtar në një nivel tjetër”, ka thënë fillimisht Guardiola.

“Jam i lumtur që është rikthyer nga lëndimi. Ai është vërtet i pabesueshëm", përfundoi trajneri i Cityt.

Admirimi i Guardiolës pasqyron komentet e kaluara, duke e quajtur Rodrygon lojtarin e tij të preferuar të Real Madridit. /Telegrafi/

Liverpooli ka nisur përgatitjet për largimin e Mohamed Salahit, duke pranuar se kapitulli i yllit egjiptian në Anfield ka përfunduar pas tetë viteve të tij në klub.

Pas një deklarate të fuqishme të Salahit këtë fundjavë, klubi anglez ka vendosur të veprojë shpejt për të siguruar një zëvendësues të nivelit të lartë.

Sipas mediave spanjolle, Liverpooli ka vënë syrin te braziliani Rodrygo (24), aktualisht te Real Madrid. Në ekipin madrilen, braziliani ka pasur disa sfida me trajnerin Xabi Alonso, dhe ardhja e tij në Anfield ishte konsideruar që nga fillimi i vitit 2025.

Interes për Rodrygon kishte shfaqur edhe Manchester City, por negociatat financiare nuk arritën deri në një marrëveshje.

Tani, Real Madrid kërkon rreth 70 milionë euro për transferimin e sulmuesit brazilian. Rodrygo u transferua te Reali në vitin 2019 nga Santos, për 45 milionë euro, dhe që atëherë ka shënuar 68 gola dhe ka dhënë 53 asiste në 286 ndeshje për klubin madrilen.

Liverpooli po përgatitet të mbyllë këtë marrëveshje gjatë janarit, duke siguruar një zëvendësues të denjë për Salahun dhe duke filluar një kapitull të ri në sulmin e skuadrës. /Telegrafi/

Real Madridi ka ndezur sinjalet e para të një lëvizjeje të madhe në afatin kalimtar të janarit, pasi klubi madrilen është bërë i hapur për oferta rreth 70 milionë euro për Rodrygon, sipas Defensa Central.

Vendimi për të ulur çmimin e sulmuesit brazilian vjen në një moment kur forma e tij është larg pritshmërive, duke krijuar një situatë të re për të ardhmen e tij.

Edhe pse trajneri Xabi Alonso vazhdon të ketë besim te cilësitë individuale të Rodrygos, mesazhi i klubit për lojtarin është i prerë: e ardhmja e tij në Santiago Bernabeu do të varet nga ajo që do të tregojë në ndeshjet e ardhshme.

Real Madridi kërkon më shumë qëndrueshmëri, produktivitet dhe vendimmarrje të saktë në nivelet më të larta, dhe deri tani braziliani nuk ka arritur t’i përmbushë këto pritje.

telegrafi.com

Interesi ndërkombëtar ka shpërthyer menjëherë. Liverpool, Manchester City, Manchester United, PSG dhe Bayern Munich po e monitorojnë situatën me shumë kujdes. Klubet saudite gjithashtu pritet të futen në garë, megjithatë preferenca e lojtarit mbetet e qartë: ai dëshiron të vazhdojë karrierën në Evropë. Rodrygo, i cili aktualisht ka prioritet të qëndrojë në Madrid, mund ta rishqyrtojë këtë qëndrim nëse roli i tij i kufizuar në skuadër vazhdon.

Statistikat aktuale të tij tregojnë qartë arsyen e shqetësimit: 16 ndeshje, zero gola, vetëm katër ndeshje si titullar dhe vetëm 446 minuta të luajtura.

Me Kupën e Botës 2026 që po afron, si Real Madridi ashtu edhe vetë lojtari pritet të rivlerësojnë seriozisht çdo hap ndërsa nuk përjashtohet largimi i tij nga Los Blancos në fillim të janarit. /Telegrafi/

Afati kalimtar i janarit pritet të jetë shumë aktiv te Real Madridi, sidomos me futbollistë që pritet të largohen nga klubi.

Sipas mediave spanjolle, drejtuesit madrilenë dhe trajneri Xabi Alonso tashmë kanë identifikuar tre lojtarë që nuk shihen si pjesë e planeve të ardhshme të ekipit.

Emri më i madh në listë është braziliani Rodrygo, i cili mund të vendoset në listën e transferimeve. Sulmuesi anësor ka një rol episodik këtë sezon dhe është i pakënaqur me minutat e pakta nën drejtimin e Alonsos.

“Transfermarkt” e vlerëson kartonin e tij në 80 milionë euro, ndërsa e ardhmja e tij ka qenë e paqartë që nga vera kur humbi vendin e titullarit në fund të sezonit të kaluar.

Reali ishte i gatshëm të dëgjonte oferta edhe atëherë, por lojtari nuk kërkoi largim, ndonëse agjentët e tij po eksploronin opsione jashtë klubit.

Raportimet e fundit thonë se Real Madridi është i hapur të ndahet me Rodrygon për një kompensim të përshtatshëm, ndërsa Alonso pritet të kërkojë një zëvendësues për të. Forma e tij këtë sezon ka qenë nën pritshmëri: pa gol dhe vetëm dy asiste në 434 minuta në 15 paraqitje.

Përveç brazilianit, edhe Dani Ceballos dhe Fran Garcia konsiderohen të largueshëm në janar. Të dy kanë marrë minuta të limituara dhe nuk shihen si pjesë kyçe e projektit të Alonsos.

Garcia ka luajtur vetëm 356 minuta, ndërsa Ceballos ka grumbulluar 493 minuta në këtë sezon, duke e bërë largimin e tyre një skenar shumë realist për afatin e dimrit. /Telegrafi/

E ardhmja e sulmuesit brazilian Rodrygo Goes duket larg Real Madridit, pasi ai po kalon një periudhë jashtë forme.

Sipas raportimeve të Mario Cortegana nga The Athletic, klubi madrilen do të shqyrtojë ofertat për sulmuesin në janar dhe gjatë afatit kalimtar të verës.

Braziliani humbi statusin e tij të patransferueshëm verën e kaluar, megjithëse dëshira e tij për të qëndruar bëri që interesat e disa klubeve të Ligës Premier të mos konkretizoheshin.

Rodrygo telegrafi.com

Rodrygo tani është 30 ndeshje pa shënuar gol, një seri që barazon rekordin më të keq për një sulmues në Madrid, duke u barazuar me Mariano Diaz.

E durimit për Rodrygon në Madrid i ka ardhur fundi dhe braziliani pritet të largohet në janar.

Sulmuesi brazilian është lidhur me disa klube angleze, ndërsa së fundmi emri i tij është përfolur edhe për Galatasaray në Turqi. /Telegrafi/

Ekipi i Real Madridit si duket është ndarë në dysh sa i përket raportit të tyre me trajnerin Xabi Alonso, pasi “grupi” i Vinicius Junior thuhet se tani përfshin edhe pesë lojtarë tjerë të pakënaqur.

Një raport i ri nga mediumi COPE nxjerr në pah më tej ndarjen në dhomat e zhveshjes te Real Madridi në lidhje me marrëdhënien me trajnerin Xabi Alonso.

Një pjesë e lojtarëve, përfshirë Kylian Mbappe, Arda Guler, Alvaro Carreras, Thibaut Courtois dhe Dean Huisjen, thuhet se kanë respekt të thellë për Alonson dhe e besojnë filozofinë e tij si trajner.

Megjithatë, Vinicius Junior, Rodrygo Goes, Federico Valverde, Brahim Diaz, Endrick dhe Ferland Mendy janë në anën tjetër të situatës, gjë që sinjalizon se tensioni në dhomat e zhveshjes ka arritur nivele të reja në Madrid.

Përveç marrëdhënies së tendosur me disa lojtarë, Alonso është vënë nën vëzhgim pasi nuk arriti të regjistrojë asnjë fitore në tre ndeshjet e fundit.

Marrëdhënia midis Vinicius dhe Alonsos duket se është në një spirale në rënie, me raportet e fundit që pretendojnë se braziliani nuk është i gatshëm të zgjasë kontratën e tij për shkak të pranisë së spanjollit. /Telegrafi/

Rodrygo Goes i rezistoi një largimi nga Real Madridi këtë verë, duke zgjedhur të qëndrojë dhe të rikthejë formën e tij më të mirë.

Megjithatë, sulmuesi 24-vjeçar po përballet me një periudhë të vështirë, duke luajtur një rol dytësor nën drejtimin e Xabi Alonsos, dhe duke mos arritur të kapërcejë pengesat që kanë prekur performancën e tij.

Sipas raporteve të TBR Football, braziliani është në radarin e klubëve të Ligës Premier, ku Arsenali dhe Tottenham Hotspur po shqyrtojnë seriozisht mundësinë e një transferimi në janar.

Rodrygo nuk do të ishte kundër një ndryshimi, ndërsa kërkon të rikthehet në formën më të mirë për Kupën e Botës verën e ardhshme.

Me kontratë në Santiago Bernabeu deri në qershor 2028, ndikimi i tij këtë sezon te Merengues ka qenë i kufizuar, gjë që mund ta bëjë brazilianin të hapur ndaj ofertave nga Liga Premier.

Një lëvizje në Angli do të ishte një mundësi për të rilindur karrierën dhe për t’u rikthyer në skenën ndërkombëtare. /Telegrafi/

Me formën në rënie të Mohamed Salah dhe moshën që po i rritet, Liverpooli po e shqyrton në mënyrë aktive yllin brazilian të Real Madridit, Rodrygo Goes, si një pasardhës të mundshëm.

Pavarësisht se Salah nënshkroi një kontratë të re deri në vitin 2027, trajneri i Liverpoolit, Arne Slot, ka filluar të shqyrtojë zëvendësimet.

Salah, 33 vjeç, ka pasur vështirësi këtë sezon me vetëm tre gola dhe tre asistime në 12 paraqitje, duke qenë larg nivelit të tij të mëparshëm.

Rodrygo, 24 vjeç, i cili aktualisht nuk është në favor të trajnerit të Real Madridit, Xabi Alonso, me pak paraqitje këtë sezon, thuhet se kushton 85 milionë euro.

Ai ka fituar tre tituj të La Ligës dhe dy trofe të Ligës së Kampionëve me Realin, por përballet me konkurrencë për kohën e rregullt të lojës nën drejtimin e trajnerit Xabi Alonso.

Transferimi i tij nga Reds nuk do të ishte problem pasi klubi nga Anfield tashmë ka arritur një nivel të lartë financiare duke përmbushur çdo kërkesë të trajnerit Slot. /Telegrafi/

Real Madrid po vlerëson mundësinë e shitjes së Vinicius Jr dhe Rodrygo si pjesë e një plani për të rinovuar sulmin dhe për të nisur një cikël të ri fitues.

Klubi synon të përfitojë mbi 350 milionë euro nga transferimi i dyshes braziliane, shifër që do të përdoret për afrime të reja dhe për lehtësimin e shpenzimeve në paga.

Forma jo gjithmonë e qëndrueshme e dy lojtarëve këtë sezon ka ngritur dyshime brenda klubit.

Edhe pse kanë pasur momente të shkëlqyera, drejtuesit janë të vetëdijshëm se një shitje në kohën e duhur mund të sjellë përfitime të mëdha sportive dhe ekonomike.

Vinicius Jr ka zgjuar interes nga klubet e mëdha të Ligës Premier dhe nga Arabia Saudite, ndërsa Rodrygo është në radarin e disa skuadrave elitare evropiane.

Megjithatë, Real Madrid do të shqyrtojë vetëm ofertat që përmbushin vlerësimin financiar të vendosur dhe që i shërbejnë projektit afatgjatë të klubit.

Vendimi përfundimtar pritet të merret në fund të sezonit, pas një analize të plotë të performancës, gjendjes fizike dhe përkushtimit të tyre.

Klubi e sheh këtë si një hap të rrezikshëm, por të nevojshëm, për të ndërtuar një repart ofensiv më efikas dhe të përshtatur me objektivat e së ardhmes. /Telegrafi/

Ylli i Real Madridit dhe Kombëtares së Brazilit, Rodrygo Goes, ka rrëfyer më në fund problemet personale që përjetoi gjatë sezonit të fundit dhe rehabilitimin e tij.

Rodrygo ka qenë një lojtar dytësor këtë sezon. Ai ka bërë tetë paraqitje në të gjitha garat deri më tani, duke dhënë një asistim në vetëm 212 minuta në fushë.

Kjo është një vazhdim i formës së tij të dobët në fund të sezonit të kaluar, pasi ai ka luajtur 33 ndeshje që nga shkurti, duke shënuar një gol dhe duke dhënë pesë asistime në të gjitha garat, të cilat sigurisht nuk janë shifra që do t'i kënaqin tifozët e Real Madridit.

Rodrygo ka folur me gazetën spanjolle AS rreth arsyeve të rënies së tij sezonin e kaluar dhe si filloi dashuria e tij për Real Madridin.

“Është e vërtetë, sezonin e kaluar kalova vështirësi personale. Nuk fola me askënd për një kohë të gjatë. Askush nuk e dinte se çfarë po kaloja. Nuk isha mirë, as mendërisht dhe as fizikisht. Ishte shumë e vështirë për mua”, ka thënë fillimisht Rodrygo për AS.

“Së pari Zoti, pastaj familja ime dhe trajneri Ancelotti më ndihmuan shumë për të kapërcyer të gjitha problemet e mia. Ai pa që nuk po përmirësohesha dita-ditës, pa që nuk mund ta ndihmoja ekipin".

“Por nuk kishte kohë për t’u rikuperuar sepse luanim çdo tre ditë, dhe pastaj nuk kishte kohë për t’u ndalur dhe për të menduar se si ta zgjidhnim problemin. Ai pa që edhe unë isha njeri dhe se kisha probleme të vërteta, serioze. Ai e kuptoi gjithçka, të gjithë situatën. Më tha të pushoja dhe se nuk isha gati të luaja tani. E falënderova dhe e pyeta nëse mund të luaja”.

“Por ai e dinte se duhej të më rregullonte në një nivel personal së pari përpara se të më rregullonte si lojtar. Ishte një periudhë shumë e vështirë në jetën time, por tani e kam kaluar”.

“Sa herë që mundem, falënderoj Carlon, djalin e tij Davide dhe stafin e trajnerëve. Të gjithë më ndihmuan, si dhe familja ime, sigurisht. Tani nuk ndiej asgjë tjetër veçse lumturi, jam i lumtur dhe shumë i motivuar për një sezon të mirë përpara", shpjegoi braziliane problemet që kaloi sezonin e kaluar. /Telegrafi/

Ylli brazilian i Real Madridit, Rodrygo, ka zbuluar se ishte shumë pranë nënshkrimit me Barcelonën përpara se të bashkohej me “Los Blancos”.

Në një intervistë për Diario AS, ai tregoi se gjithçka ishte gati me klubin katalanas, por ndryshoi mendje në momentin e fundit.

“Para se të nënshkruaja për Real Madridin, gjithçka ishte bërë tashmë dhe unë kisha nënshkruar për Barçën. Është e vërtetë. Por babai im më tha që Real Madridi na kishte telefonuar dhe duhej të zgjidhja. Për mua, ishte shumë e lehtë. E dija çfarë doja dhe cila ishte ëndrra ime. As nuk hezitova. Dhe ja ku jam", tha Rodrygo.

“Isha te Santos dhe fillova të luaja mirë. Barça erdhi për mua dhe gjithmonë kam thënë se është një klub i shkëlqyer dhe kam shumë respekt për ta. Por Real Madridi ishte ëndrra ime dhe vendimi im ishte i lehtë për t'u marrë. Nuk mund të prisja më gjatë për Real Madridin dhe kur erdhi koha, e bëmë në mënyrën e duhur".

Rodrygo u transferua në Santiago Bernabeu në vitin 2019 për një shumë prej rreth 45 milionë eurosh. Që atëherë, ai është bërë një nga lojtarët më të rëndësishëm të Real Madridit, duke ndihmuar klubin të fitojë tre tituj të La Ligës, dy trofe të Ligës së Kampionëve dhe disa kupa të tjera.

Sulmuesi brazilian përsëriti dëshirën për të qëndruar te Real Madridi, duke theksuar se klubi gjithmonë ka treguar besim ndaj tij, edhe kur është përfolur për një kalim të mundshëm te Manchester City gjatë verës së kaluar.

“Çdo verë, më ndodh e njëjta gjë. Pavarësisht nëse do të largohem apo nëse kam oferta nga ky klub apo ai. Çdo javë, isha në një ekip nëse i kushtoja vëmendje asaj që publikohej. Sigurisht, gjithmonë ka oferta; nuk do të gënjej për këtë. Por gjithmonë ia kam bërë të qartë klubit se dua të vazhdoj të kem sukses këtu, edhe më shumë sesa kam bërë tashmë”, shtoi braziliani.

“Është shumë të kesh fituar dy Liga Kampionësh në moshën time, por tani dua më shumë trofe evropiane me këtë fanellë. Gjithmonë kam thënë: ‘Për sa kohë që Real Madridi më do, unë do të jem këtu.’ Nëse një ditë Real Madridi më thotë: ‘Rodry, gjej një ekip’, unë do të them ‘Në rregull’. Por kjo nuk ka ndodhur. Klubi gjithmonë më ka thënë se mbështeten tek unë".

"Kur kam pasur një problem, ata kanë qenë aty për mua. Njerëzit spekuluan sepse unë heshta. Por unë e dija se çfarë do të bëja këtë sezon me Real Madridin dhe se do të përqendrohem të jap më të mirën time. Kjo nuk më ka shqetësuar. Isha i qetë dhe ja ku jam... si gjithmonë. Ky është sezoni im i shtatë", përfundoi ylli brazilian. /Telegrafi/

Manchester City thuhet se është gati të rifillojë ndjekjen e sulmuesit të Real Madridit, Rodrygo Goes.

“Qytetarët” janë të etur ta nënshkruajnë brazilianin si një pjesë kyçe të planeve sulmuese të Pep Guardiolës.

Interesi i Cityt për Rodrygon nuk është i ri; ata u lidhën shumë me sulmuesin gjatë verës, por një transferim nuk u realizua kurrë.

Marrëveshja u bllokua pasi Rodrygo thuhet se nuk ishte i interesuar për një transferim, por mungesa e kohës së tij të lojës në ‘Bernabeu’ që nga mbërritja e Franco Mastantuono dhe rikthimi i Arda Guler mund të hapin derën për një transferim.

Në sezonin 2024/25, 24-vjeçari ishte një pjesë thelbësore e sulmit të Real Madridit, duke shënuar 14 gola dhe duke dhënë 11 asistime në 54 paraqitje në të gjitha garat.

Një ofertë prej rreth 80 milionë eurosh besohet të jetë e mjaftueshme për të filluar negociatat me Real Madridin. /Telegrafi/

Real Madridi ka vendosur çmimin për shitjen e Rodrygos.

Sipas ESPN, “Los Blancos” kërkojnë plot 100 milionë euro për të lënë të lirë anësorin brazilian.

Megjithatë, në rast se nuk arrijnë ofertë në këtë vlerë, klubi mund të detyrohet ta pranojë një propozim prej 80 milionë eurosh.

Rodrygo po shqyrton seriozisht një largim nga “Santiago Bernabeu”, për herë të parë që kur iu bashkua Realit.

Skuadra më e interesuar për momentin është Tottenham Hotspur, që ka nisur kontaktet fillestare me përfaqësuesit e lojtarit.

Edhe Arsenal është në garë, ndërsa interesim ka ardhur edhe nga disa klube të Ligës Saudite.

Për momentin, nuk ka negociata zyrtare, por largimi i Rodrygos është gjithnjë e më pranë. /Telegrafi/

The post Real Madridi mund të detyrohet të shes Rodrygon për një shumë më të vogël se 100 milionë euro appeared first on Telegrafi.

Trajneri i ri i Real Madridit, Xabi Alonso, ka nisur pastrimin e skuadrës dhe ka vendosur nën presion gjashtë lojtarë të cilëve u ka kërkuar paraqitje më të mira në fushë ose largim nga klubi.

Pas një sezoni të gjatë dhe të lodhshëm 2024-2025, futbollistët e Real Madridit janë në pushim deri në fillim të gushtit.

Megjithatë, ata janë të vetëdijshëm se kthimi do të shënojë një fazë të re nën drejtimin e Alonsos.

Xabi Alonso mori drejtimin e skuadrës pas një humbjeje të thellë ndaj PSG në Kupën e Botës për Klube, çka ka nxitur nevojën për ndryshime dhe përmirësim të menjëhershëm.

Gjatë turneut veror në Amerikën e Veriut, Alonso nisi të testojë idetë e tij dhe të përcjellë mesazhe të qarta për disa lojtarë që nuk kanë bindur në performancë.

Sipas Marca, tre lojtarë janë veçanërisht në qendër të kritikave: Rodrygo, Brahim Diaz dhe Raul Asencio. Ata janë paralajmëruar se duhet të rrisin nivelin e lojës për të qëndruar pjesë e skuadrës.

Nga ana tjetër, Andriy Lunin, Fran Garcia dhe Ferland Mendy janë informuar se mund të kenë shumë pak minuta në dispozicion sezonin e ardhshëm, veçanërisht pas afrimit të mbrojtësit Alvaro Carreras.

Për të gjithë këta lojtarë, mesazhi i Alonsos është i qartë: përmirësim i menjëhershëm ose gjetja e një klubi të ri gjatë kësaj vere. /Telegrafi/

The post Xabi Alonso vendos presion mbi gjashtë lojtarë të Real Madridit appeared first on Telegrafi.