Gjetja e një zëvendësimi të denjë për legjendat Luka Modric dhe Toni Kroos ka qenë një nga prioritetet më të mëdha të presidentit të Real Madridit, Florentino Pérez, gjatë muajve të fundit.
Edhe pse klubi e pranon se kjo nuk do të jetë një detyrë e lehtë dhe shtrenjtë, është e qartë se skuadra ka nevojë për një lojtar që të lidhë linjat dhe të orkestrojë lojën. Sipas spanjollëve të Defensa Central, kandidati ideal sipas Modric është ylli i PSG-së, Vitinha (25 vjeç).
Ky rekomandim u bë i njohur pas publikimit të votave të kapitenëve të klubeve evropiane për çmimin më të mirë të FIFA-s, ku Luka Modrić zgjodhi Vitinha përpara Ousmane Dembélé dhe Lamine Yamal.
Ky veprim shihet si një mesazh i qartë: Modrić vlerësoi rëndësinë e mesfushorit në vend që të përqendrohej te golat dhe asistet e sulmuesve, duke treguar objektivitet dhe profesionalizëm, pa përfshirë ish-shokët e tij te Real Madrid.
Maestro me topin
Vitinha përshkruhet si një mjeshtër i teknikës dhe vizionit të lojës, duke të kujtuar Modricin. Ndërsa Liverpool ka Mac Allister, Manchester City ka Rodri dhe Bayern Munich ka Kimmichin, PSG ka Vitinhan. Real Madrid beson se një lojtar i këtij profili është pikërisht ai që nevojitet pas largimeve të Kroos dhe kapitenit kroat.
Spekulohet se klauzola e lirimit e Vitinha është midis 90 dhe 100 milion euro, që do të thotë se PSG-ja mund të pranojë një ofertë vetëm në këtë nivel nëse lojtari dëshiron të largohet. Portugezi fiton aktualisht rreth 11 milion euro në sezon, ndërsa presidenti i PSG-së, Nasser Al Khelaifi, thuhet se është i gatshëm t’ia dyfishojë pagën për ta mbajtur në Paris deri në vitin 2029, kur skadon kontrata aktuale.
Marrëdhënie problematike dhe alternativa
Transferimi i mundshëm komplikohet nga marrëdhëniet e tensionuara midis Real Madridit dhe PSG-së, të cilat kanë arritur nivelin më të ulët që nga saga e Kylian Mbappe. Florentino Pérez thekson se klubi francez nuk ka vepruar me profesionalizëm dhe tensionet janë rritur edhe për shkak të borxheve të dyshuara ndaj Mbappé.
Për shkak të këtyre sfidave, Real Madrid po shqyrton edhe opsione të tjera. Në krye të listës së dëshirave është anglezi i ri Adam Wharton nga Crystal Palace, një talent që po tërheq shumë vëmendje në Ligën Premier. Holandezi Kees Smit dhe Alexis Mac Allister i Liverpoolit përmenden gjithashtu si alternativa të mundshme në mesfushë.
Ky lajm tregon se Real Madrid është në kërkim të një lideri të ri në mesfushë, me fokus te lojtarët me vizion dhe aftësi të larta teknike, por sfidat financiare dhe marrëdhëniet e ndërlikuara me PSG-në mund të bëjnë këtë transferim një proces kompleks. /Telegrafi/
Ousmane Dembele ka fituar trofeun ‘FIFA The Best 2025’, duke lënë pas Lamine Yamal dhe Kylian Mbappe.
Ky sukses vjen si vazhdim i fitores së tij me ‘Topin e Artë’ në shtator, duke shpërblyer një sezon të jashtëzakonshëm për sulmuesin e PSG-së, si në nivel individual, ashtu edhe kolektiv.
Ndryshe nga trofeu i organizuar nga France Football, sistemi i votimit i FIFA-s synon të jetë më gjithëpërfshirës, duke u lejuar tifozëve nga e gjithë bota të votojnë në të njëjtin nivel me përzgjedhësit e kombëtareve, kapitenët dhe gazetarët specialistë.
Sipas analizës së Maxime Barbaud nga FootMercato, votimi është ndarë në katër kategori me peshë të barabartë (25% secila), ku pikët janë: 5 për vendin e parë, 3 për të dytin dhe 1 për të tretin.
FIFA ka publikuar votat e dhëna nga 11 finalistët për secilën kategori, duke përfshirë zgjedhjet e përzgjedhësve, kapitenëve dhe mediave.
Zgjedhjet e kapitenëve dhe përzgjedhësve të kombëtareve të njohura:
Didier Deschamps, përzgjedhësi i Francës, ka votuar për dy të preferuarit e tij: Dembele në vendin e parë, Mbappe në vendin e dytë dhe Hakimi në të tretin.
Achraf Hakimi, kapiteni i Marokut, ka zgjedhur Mbappen si numrin një, Dembele në vendin e dytë dhe Raphinha në të tretin.
Marquinhos, kapiteni i Brazilit, ka vendosur Dembele në krye, Raphinha të dytin dhe Hakimi të tretin.
Carlo Ancelotti ka përsëritur të njëjtin podium, por me Mbappen në vendin e tretë.
Në Spanjë, ka pasur mendime të ndryshme rreth Lamine Yamal: kapiteni Unai Simon e ka zgjedhur si të parë, përpara Pedri dhe Nuno Mendes, ndërsa përzgjedhësi Luis de la Fuente ka votuar Pedrin, më pas Lamine Yamal dhe Mbappen.
Në Portugali, kapiteni Bernardo Silva ka votuar për Vitinha, Nuno Mendes dhe Dembele, ndërsa përzgjedhësi Roberto Martinez ka zgjedhur të njëjtët lojtarë, por me Lamine Yamal në vend të tretë.
Votat e yjeve ndërkombëtarë
Lionel Messi ka votuar për Dembelen, Mbappen dhe Lamine Yamal.
Përzgjedhësi i Argjentinës, Scaloni, ka zgjedhur Mbappe, Pedri dhe Lamine Yamal.
Luka Modric ka vlerësuar lojtarë të fushës së tij: Vitinha në vendin e parë, Dembele të dytin dhe Lamine Yamal të tretin, duke lënë jashtë Mbappen.
Kapiteni italian Donnarumma ka votuar për Dembele, Hakimi dhe Lamine Yamal.
Riyad Mahrez ka zgjedhur Dembele, Hakimi dhe Mbappe.
Mohamed Salah, finalist, ka vendosur Hakimi, Dembele dhe Mbappe.
Këto rezultate jo vetëm që reflektojnë performancat individuale, por gjithashtu tregojnë edhe lidhjet dhe preferencat personale midis lojtarëve dhe përzgjedhësve, duke ofruar një panoramë interesante mbi votimin për çmimin 'FIFA The Best 2025'. /Telegrafi/
Paris Saint-Germain ka marr një përfaqësim të fuqishëm në “The Best FIFA Men’s 11 2025”, pasi gjashtë lojtarë që ndihmuan klubin francez të fitojë Ligën e Kampionëve dhe të arrijë në finalen e Kupës së Botës për Klube FIFAjanë përzgjedhur në formacionin më të mirë të vitit.
Në portë është zgjedhur Gianluigi Donnarumma, i cili ndërkohë është transferuar te Manchester City. Atij i bashkohen Achraf Hakimi, Willian Pacho, Nuno Mendes, Vitinha dhe Ousmane Dembélé, duke e bërë PSG-në klubin me numrin më të madh të përfaqësuesve në ekipin ideal.
Në formacion është përfshirë edhe fituesi i Topit të Artë të Kupës së Botës për Klube, Cole Palmer, si dhe talenti i jashtëzakonshëm spanjoll Lamine Yamal, i cili vazhdon të impresionojë në moshë shumë të re.
The Best FIFA Men’s 11 – 2025
Portier: Gianluigi Donnarumma
Mbrojtës: Achraf Hakimi, Willian Pacho, Virgil van Dijk, Nuno Mendes
Çmimet përfshijnë performancat e futbollistëve në periudhën 11 gusht 2024 – 2 gusht 2025. Kandidaturat u përgatitën nga FIFA në bashkëpunim me akterë të futbollit botëror, ndërsa fituesit u përzgjodhën nga një panel ekspertësh dhe tifozë të regjistruar në FIFA.com.
Votat e tifozëve dhe të ekspertëve kishin peshë të barabartë, pavarësisht numrit të votuesve. Lojtarët morën pikë në bazë të votave sipas pozicioneve përkatëse.
Fituesi i çmimit “The Best FIFA Men’s Player” u përfshi automatikisht në formacion, ndërsa portieri fitues i çmimit për portierin më të mirë nisi me nëntë pikë.
Në fund, formacioni u plotësua duke respektuar kufijtë maksimalë për pozicione: katër mbrojtës, katër mesfushorë dhe tre sulmues. /Telegrafi/
Mesfushori i PSG-së, Warren Zaire-Emery, ka pranuar se trajneri Luis Enrique nuk është lehtë i kënaqur dhe gjithmonë kërkon më të mirën nga skuadra, duke vlerësuar gjithashtu mbështetjen e tij të plotë për çdo lojtar.
“Kërkesa e Luis Enrique? Ai kurrë nuk është i kënaqur”, ka thënë fillimisht i riu francez.
Zaire-Emery vlerëson disiplinën dhe kërkesat e trajnerit Luis Enrique ndaj çdo lojtari, pavarësisht moshës apo përvojës.
“Vitinha është një nga më të mirët në botë, por ai vazhdon ta sfidojë dhe nuk e lejon të qetësohet. Edhe lojtarët me përvojë janë këtu për ne, por trajneri është prapa çdo lojtari, pavarësisht moshës”.
Ai shtoi gjithashtu:
“Një grup i lodhur? Luis Enrique na jep sa më shumë pushim që të jetë e mundur, në mënyrë që të pastrojmë mendjen”.
Mesfushori theksoi objektivin e skuadrës:
“Të gjithë ndajmë të njëjtin qëllim: të fitojmë Ligën e Kampionëve për herë të dytë dhe të arrijmë çdo trofe të mundshëm”. /Telegrafi/
Organizata globale që përfaqëson futbollistët profesionistë, FIFPro, ka publikuar formacionin më të mirë të vitit 2025.
Në këtë “Best XI” janë përfshirë vetëm futbollistë nga klubet më të mëdha të Evropës – si Barcelona, PSG, Manchester City, Chelsea dhe Real Madrid – duke reflektuar dominimin e këtyre gjigantëve në futbollin modern.
Në portë ndodhet Gianluigi Donnarumma, tashmë pjesë e Manchester Cityt, i cili fitoi vendin falë paraqitjeve heroike me PSG-në sezonin e kaluar.
Përpara tij, në mbrojtje, janë dy ish-bashkëlojtarë nga Parisi, Achraf Hakimi dhe Nuno Mendes, ndërsa treshen e plotëson veterani i Liverpoolit, Virgil van Dijk, që vazhdon të ruajë nivelin më të lartë në moshën 34-vjeçare.
Mesfusha përbëhet nga një kombinim i talentit të ri dhe përvojës: Cole Palmer nga Chelsea, që po shkëlqen me kreativitetin e tij; Jude Bellingham i Real Madridit, lideri i padiskutueshëm i mesfushës; Pedri nga Barcelona, që rikthehet fuqishëm pas lëndimeve; dhe Vitinha i PSG-së, që po rritet si një motor i vërtetë i skuadrës pariziene.
Në sulm, treshja është thjesht spektakolare: Lamine Yamal i Barcelonës, vetëm 18 vjeç, që është sensacioni më i ri i futbollit botëror; Kylian Mbappé, tashmë ikonë e Real Madridit, që po vazhdon të udhëheqë me gola.
Ky formacion nuk do të kishte kuptim pa Ousmane Dembele, ylli i madh i Paris Saint-Germain.
Formacioni i FIFAPro
Votat e lojtarëve profesionistë kanë nxjerrë, një gjenerat të futbollistëve që po dominojnë Evropën – një përzierje perfekte mes yjeve të afirmuar dhe talenteve që do të përcaktojnë të ardhmen e sportit më të dashur në planet. /Telegrafi/
Një muaj më parë u nda Topi i Artë 2025, dhe menjëherë pas fitores së Ousmane Dembele, fokusi është zhvendosur drejt identifikimit të favoritëve të mundshëm për vitin 2026.
Tribuna.com ka nisur projektin në formatin klasik të renditjes, ku do të pasqyrohen rregullisht kandidatët kryesorë për Topin e Artë, bazuar në paraqitjet e tyre gjatë gjithë sezonit.
Zakonisht, pranvera është periudha vendimtare (sidomos me Kupën e Botës 2026 në horizont), por edhe performanca e qëndrueshme gjatë vitit ka peshë të madhe — dhe, për më tepër, është interesante të vëzhgohen lojtarët që shkëlqejnë në faza të ndryshme të sezonit 2025/26.
Dy muajt e parë të sezonit janë mjaftueshëm për të krijuar renditjen e parë të përkohshme. Sigurisht që përzgjedhja ka një dozë subjektiviteti, por kriteret kryesore janë: Performancat individuale dhe statistikat, ndikimi në ekip dhe rezultatet e skuadrës dhe prania në media dhe buja që krijojnë (një faktor që nuk mund të neglizhohet në epokën e rrjeteve sociale).
15. Christian Pulisic (Milan)
I vetmi lojtar në “Top 15” që nuk garon në kupat evropiane – por më i miri në këtë kategori. Statistikat e tij janë mbresëlënëse: 8 kontribute në gola (6 gola + 2 asistime) në 8 ndeshje. Do të kishte pasur më shumë, po të kishte shënuar penalltinë ndaj Juventusit në rezultatin 0-0. Pulisic është gjithashtu lider në 7 ligat më të forta evropiane për “xG + asistime për 90 minuta”, duke përjashtuar penalltitë.
Christian Pulisic
14. Ousmane Dembele (PSG)
Mbulimi mediatik e mban në listë – si fituesi aktual i Topit të Artë, pavarësisht fillimit të ngadalshëm për shkak të lëndimeve. Ka luajtur vetëm katër ndeshje, me 2 gola dhe 2 asistime. Nga antihero në protagonist, rruga e Dembele drejt majës ka qenë e veçantë. Megjithatë, ai është në vendin e 14-të dhe rrezikon të bjerë nga “Top 15” nëse nuk kthehet shpejt në formën e duhur.
Ousmane Dembele
13. Kevin De Bruyne (Napoli)
Rikthimi i 34-vjeçarit ka tejkaluar pritjet. Ai po shkëlqen te Napoli, që kryeson Serie A dhe ka marrë fitore të rëndësishme në Ligën e Kampionëve falë asistimeve të tij. Me 5 gola në 8 ndeshje dhe dominim në statistika kreative, De Bruyne tregon se ende mund të bëjë diferencën — megjithëse qëndrueshmëria mbetet problem në disa ndeshje.
Kevin De Bruyne
12. Declan Rice (Arsenal)
Lideri i padiskutueshëm i Arsenalit. Rice është “motori” i skuadrës, po aq i vlefshëm në mbrojtje dhe në ndërtim loje. Ai merr përsipër goditjet standarde dhe shpesh është vendimtar në duele të ngushta Falë kontributit të tij, Arsenali është ngjitur në vendin e parë në Ligën Premier.
Declan Rice
11. Lamine Yamal (Barcelona)
Një tjetër histori me shumë bujë mediatike. Edhe pse lëndimet e kanë penguar, 18-vjeçari ka 2 gola dhe 4 asistime në 5 ndeshje. Një dëmtim i fundit mund ta mbajë jashtë për disa javë – por Barcelona shpreson ta rikthejë shpejt në formë për të ruajtur ritmin.
Lamine Yamal
10. Dominik Szoboszlai (Liverpool)
Hungarezi është kthyer në një element kyç të Liverpoolit – 10 paraqitje si titullar në 11 ndeshje. Ai është bërë “Valverde i Liverpoolit” me shumëfunksionalitetin e tij: luan në disa pozicione, shënon nga goditjet e dënimit dhe kontribuon në organizimin e lojës (2 asistime në 10 ndeshje).
Dominik Szoboszlai
9. Julian Alvarez (Atletico Madrid)
Statistikat e tij janë të shkëlqyera: 7 gola + 4 asistime në 12 ndeshje. Megjithatë, forma e tij nuk është reflektuar në suksesin e skuadrës, pasi Atletico ka pasur disa luhatje. Dy golat e tij në derbi kundër Real Madridit mbeten kulmi i sezonit deri më tani.
Julian Alvarez
8. Michael Olise (Bayern Munich)
Francezi është bërë një faktor kyç në suksesin perfekt të Bayern Munich këtë sezon. Me 5 gola dhe 4 asistime në 10 ndeshje, Olise po shfaq ndikim të madh në çdo sektor të sulmit. Në këtë formë, ai është ndër më të rëndësishmit për kampionët gjermanë.
Michael Olise
7. Arda Guler (Real Madrid)
Turku i ri po shkëlqen nën trajnerin Xabi Alonso. Ai ka marrë rolin e një dirigjenti të vërtetë në mesfushë, duke kontrolluar tempin e lojës dhe duke marrë pjesë aktive në sulm. Statistikat e tij: 4 gola dhe 6 asistime në 16 ndeshje. Tifozët e Real Madridit tashmë e krahasojnë partneritetin e tij me Mbappe me duon legjendare Ozil–Ronaldo.
Arda Guler
6. Vitinha (PSG)
Fituesi i vendit të tretë në Topin e Artë 2025 ka ruajtur nivelin. Ai mbetet ndër më të qëndrueshmit e PSG-së dhe shpesh shihet si “asistent trajneri” në fushë. Edhe pse ende nuk ka ndikuar në trofetë e klubit këtë sezon, performancat e tij janë të jashtëzakonshme.
Vitinha
5. Pedri (Barcelona)
Pedri është zemra e Barcelonës. Ai përcakton stilin dhe ritmin e skuadrës, me inteligjencë të lartë taktike dhe kontroll të lojës. Në një skuadër që ende po kërkon ekuilibrin, Pedri duket si i vetmi që po luan në mënyrë të qëndrueshme — dhe kjo e ngre më lart se Vitinha.
Pedri
4. Erling Haaland (Manchester City)
15 gola dhe 2 asistime në 13 ndeshje – Haaland është rikthyer në versionin e tij më të mirë. Megjithatë, Man City po kalon disa vështirësi, duke humbur pikë në Ligën Premier dhe Ligën e Kampionëve. Kjo e mban norvegjezin jashtë “Top 3-shes”.
Erling Haaland
3. Kylian Mbappe (Real Madrid)
Mbappe ka shënuar në 11 nga 12 ndeshjet me klubin dhe Kombëtaren këtë sezon. Ai është integruar plotësisht te Real Madrid dhe po ruan formën që e bëri kampion në pranverë. Megjithatë, disa pengesa – përfshirë rezultatet e paqëndrueshme të Realit – e ndalin ta kryesojë renditjen.
Kylian Mbappe
2. Harry Kane (Bayern Munich)
Në aspektin numerik, askush nuk e kalon: 21 gola dhe 4 asistime në 15 ndeshje. Kane është përshtatur shkëlqyeshëm në Gjermani dhe po udhëheq Bayern drejt një sezoni perfekt. Me këtë ritëm, ai është pretendent serioz për Topin e Artë 2026.
Harry Kane
1. Nuno Mendes (PSG)
Lider surprizë. Rezultatet e fundit tregojnë se nën kriteret e reja të vlerësimit (sidomos pas përfshirjes së UEFA-s), lojtarët e nënvlerësuar po marrin më shumë vlerësim – ashtu si Rodri dhe Vitinha vitin e kaluar. Mendes ka qenë fantastik në javët e fundit: asistime, gola dhe paraqitje të klasit kundër Barcelonës dhe Lille. Mbrojtësi i krahut ka bërë gjithçka që një lojtar modern mund të bëjë – dhe për momentin, meriton majën e renditjes. Edhe pse me kalimin e sezonit mund të bjerë nga vendi i parë, momentalisht Nuno Mendes është lideri i padiskutueshëm i Renditjes së Fuqisë për Topin e Artë 2026.
Trajneri i Paris Saint-Germain, Luis Enrique ka zbuluar emrat e dy mesfushorëve që mendon se janë më të mirët në botë aktualisht.
PSG fitoi në udhëtim te Barcelona në ndeshjen e xhiros së dytë të fazës së ligës në Ligën e Kampionëve dhe trajneri i mysafirëve, veçoi dy futbollistë pas ndeshjes.
“Pedri dhe Vitinha janë mesfushorët më të mirë në botë", ka thënë fillimisht Enrique pas fitores së PSG-së ndaj Barcelonës.
“Pedri na kushtoi shumë sot. Folëm për të para ndeshjes, por ishte shumë e vështirë ta ndalonim", përfundoi trajneri i PSG-së.
Pedri dukej se u lodh më vonë gjatë ndeshjes, ndërsa PSG vazhdoi ta markonte atë.
Hansi Flick e ndërroi mesfushorin spanjoll para fundit të ndeshjes për të shmangur humbjen e tij për shkak të një dëmtimi.
Në fund, ishte PSG që shkoi në shtëpi me pikët e plota pasi fitoi 2-1, me Vitinhan që duket se luajti më mirë. /Telegrafi/
I rëndësishëm për projektin e Luis Enriques te Paris Saint-Germain, Vitinha është konsideruar një nga mesfushorët më të mirë në botë.
Mesfushori portugez mbetet një objektiv i lakmuar për Real Madridin, i cili dëshiron ta ketë “qershinë mbi tortë” në skuadrën e tij.
Mesfushori 25-vjeçar ka shkëlqyer në fushë dhe arriti të përfundojë i treti në renditjen e Topit të Artë, pas shokut të tij të skuadrës, Ousmane Dembele dhe Lamine Yamal. PSG e di vlerën e madhe të tij dhe e konsideron si një nga thesaret më të çmuara të klubit.
Vitinha është pjesë thelbësore e mesfushës së Luis Enriques, duke udhëhequr lojën dhe duke bërë që PSG të duket e balancuar dhe kreative. Performancat e tij kanë ngjallur interes të madh nga Real Madrid, që duket i vendosur të bëjë lëvizjet e nevojshme për të transferuar talentin portugez.
Sipas raporteve nga Anglia, kampionët spanjollë janë të gatshëm të investojnë mbi 100 milionë euro për të siguruar shërbimet e tij, edhe pse kontrata e Vitinha me PSG-në zgjat deri në vitin 2029.
Mbetet për t’u parë nëse një marrëveshje e tillë do të realizohet, ndërsa historia e mesfushorit të lakmuar pritet të jetë një nga temat më të nxehta të afatit kalimtarë veror të vitit të ardhshëm. /Telegrafi/
Mesfushori i Paris Saint-Germain, Vitinha, mund të largohet dhe Real Madridi e ka atë në listën e prioriteteve për tregun e transferimeve të verës, me kusht që të përmbushen kushtet financiare të klubit parisien.
Lojtari portugez është rritur ndjeshëm te PSG, duke fituar tituj dhe duke marrë vlerësime ndërkombëtare, dhe së fundmi përfundoi në podium për Topin e Artë. Pavarësisht këtyre sukseseve, ka zëra se Vitinha mendon se koha e tij në Paris mund të jetë duke mbaruar.
Raportohet se ai mbetet në tension me trajnerin Luis Enrique, të cilin e respekton për arritjet e tij, por me të cilin marrëdhënia e tij profesionale është ftohur në kohë të ndryshme, veçanërisht për shkak të ndryshimeve në kriteret dhe kërkesat taktike.
Sipas raportimeve të shumta, Real Madridi, i udhëhequr nga Xabi Alonso, e konsideron atë si opsionin ideal për të përforcuar mesfushën e tyre. Vitinha i përshtatet profilit teknik, me trajtimin e topit dhe aftësinë për të kontrolluar ritmin e lojës.
Megjithatë, PSG po vendos një standard të lartë: nuk dëshiron të negociojë për më pak se 100 milionë euro. Gjithashtu është folur për një klauzolë lirimi të vlerësuar midis 90 dhe 130 milionë eurove, varësisht nga koha e vitit dhe kushtet e kontratës.
Klauzola, vlera dhe mundësitë reale
Vitinha ka një kontratë me PSG-në deri në vitin 2029. Edhe pse një klauzolë lirimi në Spanjë nuk është respektuar zyrtarisht, thuhet se ekziston një marrëveshje që do t'i lejonte atij të largohej për afërsisht 90 milionë euro në verën e vitit 2026.
Real Madridi do të presë për të parë nëse kjo shifër konfirmohet si e negociueshme; përndryshe, do të jetë një pikë ngërçi. Florentino Perez e di tashmë se sa të shtrenjta janë nënshkrimet e këtij kalibri, por dëshira e Xabi Alonsos për të nënshkruar me Vitinhan është e fortë.
Avantazhet për Real Madridin nëse vjen Vitinha
Me largimin e Luka Modricit, Vitinha ofron freski, vizion dhe kontroll nga mesfusha, elementë që Alonso i vlerëson shumë për stilin konkurrues që kërkon.
Për më tepër, mosha e tij e re (25 vjeç) i jep atij hapësirë për rritje, duke qenë në gjendje të marrë përgjegjësi në ndeshje të mëdha në La Liga dhe Ligën e Kampionëve, dhe të shoqërojë lojtarë të tjerë të rinj të Madridit me lidership. /Telegrafi/
Ceremonia e Topit të Artë 2025 në Paris solli një renditje spektakolare të dhjetë lojtarëve më të mirë në botë, ku shkëlqeu ylli i Paris Saint-Germainit, Ousmane Dembele, i cili u kurorëzua me çmimin më prestigjioz individual në futboll.
Dembele, me sezonin e tij historik te PSG-ja dhe triumfin në Ligën e Kampionëve, la pas në garë supertalente si Lamine Yamal i Barcelonës, i renditur i dyti, dhe mesfushorin e shkëlqyer Vitinha, që plotësoi podiumin.
Në vendin e katërt u pozicionua legjenda egjiptiane e Liverpoolit, Mohamed Salah, ndërsa pas tij, surpriza e edicionit, Raphinha i Barcelonës, që arriti deri në vendin e pestë.
Pesëshja vijon me Achraf Hakimi (PSG) dhe Kylian Mbappé (Real Madrid), që këtë vit u renditën respektivisht të gjashti dhe i shtati.
Risia e madhe ishte prania e Cole Palmer të Chelseat, që me paraqitjet e tij të jashtëzakonshme në Ligën Premier u ngjit në vendin e tetë, ndërsa Gianluigi Donnarumma, fituesi i Trofeut Yashin, u rendit i nënti.
Top 10-shen e kompletoi Nuno Mendes, një tjetër përfaqësues i PSG-së.
Renditja e përgjithshme për Topin e Artë
10: Nuno Mendes (PSG)
9: Gianluigi Donnarumma (Manchester City, ish-PSG)
8: Cole Palmer (Chelsea)
7: Kylian Mbappé (Real Madrid)
6: Achraf Hakimi (PSG)
5: Raphinha (FC Barcelona)
4: Mohamed Salah (Liverpool)
3: Vitinha (PSG)
2: Lamine Yamal (Barcelona)
1:Osumane Dembele (PSG)
Kjo renditje jo vetëm që kurorëzoi Dembelen si mbretin e futbollit për vitin 2025, por gjithashtu nxori në pah gjeneratën e re të talenteve që po marrin gjithnjë e më shumë skenën botërore. /Telegrafi/
Ceremonia e Topit të Artë 2025 po afrohet dhe tashmë kemi një listë të ngushtë me futbollistët që kanë mbetur në garë për çmimin më të prestigjshëm individual në futboll. Mes emrave të mëdhenj dhe yjeve në formë, finalistët përfshijnë disa nga lojtarët më të spikatur të sezonit.
Nga Paris Saint-Germain, pjesë e garës janë Ousmane Dembélé, Achraf Hakimi, Nuno Mendes dhe Vitinha, por edhe Gianluigi Donnarumma, i cili ka kaluar te Man City. Klubi parisien ka treguar në skenën evropiane.
Real Madrid është përfaqësuar nga ylli i saj i ndritur, Kylian Mbappe, që ka vazhduar të shfaqet në formën më të lartë dhe konsiderohet një nga favoritët kryesorë.
Chelsea, Barcelona dhe Liverpool plotësojnë listën me emra. Cole Palmer vjen nga Chelsea, ndërsa Mohamed Salah nga Liverpooli, duke sjellë një kombinim të aftësive të jashtëzakonshme, kreativitetit dhe ndikimit në lojë.
Raphinha dhe Lamine Yamal, vijnë nga Barcelona dhe shihen si favorit për "Topin e Artë".
Kjo garë është një përballje e fortë mes talenteve më të mëdhenj të futbollit botëror, ku çdo futbollist ka pasur momente vendimtare gjatë sezonit, duke lënë gjurmë në klubet dhe kombëtaret e tyre. /Telegrafi/
Firma franceze e të dhënave, Avisia, ka parashikuar se Ousmane Dembele është kandidati kryesor për të fituar Topin e Artë 2025, me një probabilitet prej 72%, duke e vendosur para yllit të Barcelonës, Lamine Yamal.
Kompania, e specializuar në inteligjencën artificiale, deklaron se algoritmi i saj ndjek kriteret e vendosura nga France Football.
Avisia thekson se parashikimet e saj kanë qenë të sakta edhe në fusha të tjera, duke përfshirë zgjedhjen e fitueseve të dy edicioneve të Miss France.
Sipas firmës, modeli i saj ka një besueshmëri mbi 90% dhe tashmë ka parashikuar me saktësi tre lojtarët më të mirë të "Topit të Artë 2024".
Algoritmi e vendos Dembelen në krye të listës, duke sugjeruar se performancat e tij të fundit me Paris Saint-Germain mund t’i sjellin atij këtë nder më prestigjioz individual në futboll.
Pas tij janë Lamine Yamal, Vitinha, Mohamed Salah dhe Raphihna, me më pak gjasa se sa francezi.
Renditja sipas Avisia
Ceremonia zyrtare e Topit të Artë 2025 do të zhvillohet në tetor, dhe kësaj radhe parashikimi i inteligjencës artificiale do të vihet në provë përballë votave të gazetarëve nga e gjithë bota. /Telegrafi/
“Të gjithë ëndërrojnë që një ditë të fitojnë Topin e Artë. Nëse e fitoj këtë çmim, do të jetë e pabesueshme. Do të ishte e mrekullueshme ta ngrija trofeun”, ka thënë fillimisht Vitinha për Ligue 1+.
“Por, mendoj se Ousmane Dembele e meriton më shumë. Ai ishte lojtari që na frymëzoi dhe na udhëhoqi drejt trofeve sezonin e kaluar. Ai është një nga ata që me të vërtetë e meriton çmimin”, përfundoi mesfushori portugez.
Ndryshe, ceremonia e Topit të Artë 2025 do të mbahet me 22 shtator në Théâtre du Châtelet të Parisit. /Telegrafi/
Real Madridi ka rinovuar interesin për Vitinhan, një nga mesfushorët më të lakmuar për performancat e tij të shkëlqyera me Paris Saint-Germain, me qëllimin për të forcuar mesfushën e tyre me një lojtar të aftë për të organizuar dhe krijuar nga themelet.
Bordi madrilen e konsideron lojtarin portugez si profilin ideal për të shoqëruar lojtarë si Jude Bellingham dhe Federico Valverde, dhe përfundimisht për të udhëhequr mesfushën, dhe ka vendosur të rinovojë ofertën e tyre për nënshkrimin e tij.
Vitinha po vjen nga një sezon i shkëlqyer me PSG-në, duke qenë një nga lojtarët më të qëndrueshëm në skemën e Luis Enriques që e çoi ekipin parisien drejt tripletës.
Kësaj i shtohet edhe performanca e tij e jashtëzakonshme me ekipin kombëtar portugez, me të cilin fitoi Ligën e Kombeve. Pjekuria, vizioni dhe aftësia e tij për të thyer linjat e sulmit e bëjnë atë një objektiv prioritar.
Megjithatë, negociatat po rezultojnë të jenë një betejë e vështirë. PSG e ka bërë të qartë qëndrimin e saj: nuk do të pranojë më pak se 130 milionë euro për largimin e tij.
Kjo shifër përfaqëson një pengesë pothuajse të pakapërcyeshme për Real Madridin, përveç nëse mund të lirojë hapësirë dhe burime në skuadrën e saj. Largimet e Rodrygo Goes dhe Brahim Diaz mund të jenë çelësi për të hapur rrugën për nënshkrimin e lojtarit portugez.
Xabi Alonso e ka dhënë tashmë miratimin e tij. Ai e konsideron Vitinhan një lojtar kyç për stilin e tij të lojës, veçanërisht për aftësinë e tij për të gjeneruar avantazh dhe për të ruajtur posedimin nën presion. Por që lëvizja të materializohet, Real Madridi do të duhet të veprojë me saktësi kirurgjikale në tregun e transferimeve.
Për momentin, Vitinha mbetet në Paris. Por interesi i Real Madridit mbetet dhe gjithçka do të varet nga ajo që do të ndodhë në javët në vijim. Vera premton lëvizje të rëndësishme… dhe kjo mund të jetë një nga më të shtrenjtat. /Telegrafi/
Revista prestigjioze, France Football ka shpallur sot (e enjte) gjatë ditës kandidatët për Topin e Artë 2025.
Ceremonia e Topit të Artë 2025 do të zhvillohet në Paris më 22 shtator. Aty do të merren parasysh vetëm performancat në sezonin paraprak.
Fituesi i mëparshëm është Rodri i Manchester Cityt, i cili këtë vit nuk gjendet fare në listë, por ka shumë yje tjerë që përbejnë listën pre 30 lojtarëve të nominuar.
Në listë nuk mungojnë emra si favoritët e përmendur tashmë si Lamine Yamal, Ousmane Dembele, Gianluigi Donnarumma, Vitinha, Mohamed Salah dhe Raphinha.
Mesfusha është pa diskutim zemra e çdo skuadre. Aty zhvillohet pjesa më e madhe e punës taktike dhe fizike, me lojtarë që shpeshherë bëjnë diferencën mes fitores dhe humbjes.
Beteja në mesfushë është vendimtare në shumicën e ndeshjeve dhe skuadra që arrin ta dominojë atë zonë, zakonisht del fituese.
Kjo listë rendit 10 mesfushorët më të mirë aktualisht në futbollin botëror, duke përfshirë emra të njohur për tifozët e futbollit nga top ligat evropiane.
10. Alexis Mac Allister
26-vjeçari argjentinas, kampion bote në vitin 2022 dhe kampion i Premier League me Liverpoolin sezonin e kaluar, ka qenë një pjesë kyçe e skuadrës së Jurgen Klopp dhe më pas Arne Slot. Me 14 gola në 95 paraqitje për klubin e Merseyside, transferimi i tij prej 55 milionë funtesh nga Brighton është dëshmuar si një goditje e qëlluar. Ai u përfshi edhe në listën e ngushtë për çmimin e Lojtarit të Vitit nga PFA.
9. Declan Rice
Pas kalimit të tij prej 100 milionë funtesh nga West Ham te Arsenali në vitin 2023, Rice është bërë shtyllë e padiskutueshme për “Topçinjtë”. Edhe pse ende pa trofe në Londrën Veriore, ai ka shënuar 16 gola në 103 paraqitje dhe vlerësohet për fleksibilitetin e tij, duke mbuluar pozicione të ndryshme në mesfushë me sukses.
8. Federico Valverde
Uruguaiani 27-vjeçar është një nga mesfushorët më të plotë në Evropë dhe tashmë një lider i padiskutueshëm në Real Madrid. Pasi mori fanellën ikonike me numrin tetë nga Toni Kroos dhe u emërua zëvendëskapiten, ai ka treguar se është një forcë e madhe në mesfushë, si në fazën mbrojtëse ashtu edhe në sulm.
7. Sandro Tonali
Mesfushori italian i Newcastle United ka spikatur mes një trinie të fortë me Joelinton dhe Bruno Guimaraes. Rikthimi i tij pas pezullimit ka qenë mbresëlënës. Me shtatë gola në 57 paraqitje dhe pjesë e suksesit në Carabao Cup, Tonali po dëshmon rëndësinë e tij për klubin dhe kombëtaren.
6. Joao Neves
Vetëm 20 vjeç, por Neves tashmë ka lënë gjurmë të thella në futbollin evropian. Ai iu bashkua PSG-së nga Benfica dhe fitoi tripletën me klubin francez, ndërsa me Portugalinë ngriti trofeun e Ligës së Kombeve. Pavarësisht fizikës delikate, ai është një ndërhyrës i jashtëzakonshëm dhe teknikisht shumë i avancuar.
5. Pedri
Ylli i Barcelonës dhe kombëtares së Spanjës është kthyer në një element të pazëvendësueshëm. Me një kontratë deri në vitin 2030, Pedri mbetet pikë referimi për Luis de la Fuente dhe katalanasit, duke sjellë ekuilibër dhe ide në çdo aksion ofensiv.
4. Bruno Fernandes
Kapiteni i Manchester United, shpesh i kritikuar për mungesë konsistence të ekipit, ka qenë figura kyçe që nga transferimi i tij në 2020. Fernandes është lojtari te i cili skuadra i drejton sytë për të bërë diferencën. Me aftësinë për të vepruar si playmaker ose më thellë, ai mbetet një ndër emrat më të rëndësishëm në Premier League.
3. Jude Bellingham
Pas ngritjes meteorike nga Birmingham City, Bellingham është kthyer në lider te Real Madrid dhe një element i pazëvendësueshëm për kombëtaren angleze. Edhe pse u desh të ndërpriste sezonin për një ndërhyrje në shpatull, ai mbetet një nga mesfushorët më të mirë në botë.
2. Vitinha
Mesfushori portugez i PSG-së është rritur ndjeshëm në profil gjatë këtij sezoni. Me një rol vendimtar në sukseset e PSG-së dhe një paraqitje vendimtare kundër Spanjës në Ligën e Kombeve, ai ka kaluar në nivelin elitar të mesfushorëve në futbollin evropian.
1. Rodri
Mesfushori i Manchester City e mbylli sezonin e kaluar me një dëmtim serioz në ligamentin e gjurit, por kjo nuk e ndaloi të fitonte Topin e Artë 2024. I pazëvendësueshëm në formacionin e Pep Guardiolës, Rodri është lojtari që jep siguri, kontroll dhe vazhdimësi – arsye pse cilësohet si mesfushori më i mirë në botë për momentin. /Telegrafi/
Chelsea ka fituar Kupën e Botës për Klube, duke shkëlqyer në finalen kundër PSG-së me një fitore të pastër 3-0 dhe duke treguar dominim të plotë gjatë gjithë turneut.
Pas përfundimit të garës, është përzgjedhur edhe formacioni më i mirë i turneut, ku spikasin lojtarë nga skuadra kampione, por edhe nga ekipet më të mira pjesëmarrëse.
Në portë qëndron Yassine Bounou i Al Hilal, i cili me pritjet e tij vendimtare ndihmoi skuadrën saudite të arrijë një rezultat historik.
Mbrojtja përbëhet nga dyshja e PSG-së, Achraf Hakimi dhe Marquinhos, si dhe Thiago Silva i Fluminenses dhe Marc Cucurella i Chelseat, të cilët dhanë siguri e përvojë në prapavijë.
The best of the best
DAZN Editorial’s Team of the Tournament
Në mesfushë janë përzgjedhur Vitinha i PSG-së dhe dirigjenti i Chelseat, Enzo Fernandez, që udhëhoqën lojën në mesin e fushës me elegancë dhe intensitet.
Katërsheja e sulmit është e jashtëzakonshme: Pedro Neto dhe Cole Palmer nga Chelsea, të cilët ishin vendimtarë në fitimin e trofeut, si dhe Jhon Arias i Fluminenses dhe Gonzalo Garcia i Real Madridit, që u dalluan me gola e asistime.
Ky formacion përfaqëson më të mirët e Kupës së Botës për Klube 2025, një turne ku cilësia, intensiteti dhe spektakli nuk munguan. /Telegrafi/
Duke qenë se portugezi i PSG-së, Vitinha, është i paarrtishëm, Xabi Alonso ka hedhur sytë te një tjetër mesfushor i njohur, Alexis Mac Allister. Trajneri bask beson se argjentinasi është profili i duhur për t’i besuar drejtimin e mesfushës, por transferimi i mundshëm i yllit të Liverpool-it mund të finalizohet vetëm nëse largohet Rodrygo Goes […]
Real Madridi po përgatitet për një nga marrëveshjet e tyre më ambicioze të verës: nënshkrimin e mesfushorit të PSG-së, Vitinha, për një tarifë prej afër 100 milionë eurosh plus transferimin e Eduardo Camavinga.
Sipas mediumit Fichajes, kjo është zbuluar nga burime pranë klubit, të cilat pretendojnë se lojtari reprezentuesi portugez është basti i madh i Xabi Alonsos për të rindërtuar mesfushën pas largimit të afërt të Luka Modric.
Largimi i kroatit, së bashku me daljen në pension të Toni Kroos, ka lënë një boshllëk të thellë në mesfushën e Real Madridit. Pa magjinë dhe lidershipin e tij, Real Madridit i duhet një figurë e re e aftë për të drejtuar ritmin e ekipit.
Dhe për stafin e trajnerëve, Vitinha përfaqëson atë profil të dëshiruar: i ri por me përvojë elitare, me aftësinë për të organizuar, për të thyer linjat dhe për të siguruar ekuilibër.
PSG, nga ana e saj, ka treguar interes për Camavinga në të kaluarën, dhe megjithëse francezi nuk po kalon formën e tij më të mirë – aktualisht i lënduar dhe jashtë Kupës së Botës për Klube – potenciali i tij vlerësohet shumë në Paris.
Përfshirja e transferimit të tij në marrëveshje synon të lehtësojë negociatat dhe të zvogëlojë koston financiare të një transferimi që, në vetvete, mund të kalojë 100 milionë euro.
Te Valdebebas, ata besojnë se koha për të ndjekur Vitinhan është tani. Lojtari ka bërë një hap cilësor këtë sezon nën drejtimin e Luis Enriques dhe gjithashtu është vendosur si një lojtar kyç në ekipin kombëtar portugez.
Real Madridi e ka monitoruar zhvillimin e tij për muaj të tërë dhe drejtorët sportivë besojnë se profili i tij është perfekt për të filluar një cikël të ri në mesfushë.
Los Blancos shpresojnë që rezultati i Kupës së Botës për Klube do të përshpejtojë lëvizjet e tyre. Nëse marrëveshja miratohet, Real Madrid jo vetëm që do të shtonte një nga mesfushorët më premtues në kontinent, por gjithashtu do të kishte një ndikim të rëndësishëm në mes të ristrukturimit të tyre.
Me Vitinhan, e ardhmja e mesfushës së Mbretërve mund të jetë e garantuar. /Telegrafi/
Login
