Sulmuesi i Paris Saint-Germain, Ousmane Dembele dhe shoqëruesit e tij janë në konflikt me Luis Enriquen dhe stafin e trajnerëve për shkak të mungesës së lojëve si titullarë.

Fituesi i Topit të Artë 2025 është përballur me lëndime këtë sezon, të cilat e kanë bërë të vështirë të përsërisë formën e sezonit të kaluar.

Pasi u rikthye nga një dëmtim në pulpë, ai është shfaqur vetëm si zëvendësues dhe humbi ndeshjen kundër Metz për shkak të sëmundjes.

Ai gjithashtu u aktivizua nga stoli në fitoren e Kupës Ndërkontinentale kundër Flamengos më parë këtë sezon, gjatë së cilës problemet e tij dolën në pah edhe një herë.

Dembele thuhet se është i gatshëm të luajë si titullar në më shumë ndeshje për të rifituar formën e tij, ndërsa stafi i trajnerëve mendon se ylli i tyre ende nuk është në formë.

Kështu, sipas mediave franceze, Dembele dhe Enrique janë në një konflikt i cili pritet të zgjidhet shumë shpejtë, pasi nuk iu konvenon asnjërës palë. /Telegrafi/

PSG nuk arriti ta mposht Flamengon në Interkontinental Cup, me ndeshjen që përfundoi 1-1 pas kohës së rregullt dhe shtesës, duke e çuar sfidën në penallti.

Ousmane Dembele u pozicionua për penalltinë e katërt për PSG, por e goditi topin mbi tra, duke bërë një gabim spektakolar.

Gabimi i Dembele mund të kishte kushtuar shtrenjtë, por fatmirësisht për francezin, lojtarët e Flamengos nuk arritën të shënonin penalltitë e tyre pasardhëse, duke i mundësuar PSG-së të siguronte fitoren.

Dembele vinte në këtë ndeshje, pasi u shpall "Lojtari më i mirë" nga FIFA, një ditë më parë.

Francezi e kishte fituar edhe 'Topin e Artë' disa muaj më parë. /Telegrafi/

Ousmane Dembele ka fituar trofeun ‘FIFA The Best 2025’, duke lënë pas Lamine Yamal dhe Kylian Mbappe.

Ky sukses vjen si vazhdim i fitores së tij me ‘Topin e Artë’ në shtator, duke shpërblyer një sezon të jashtëzakonshëm për sulmuesin e PSG-së, si në nivel individual, ashtu edhe kolektiv.

Ndryshe nga trofeu i organizuar nga France Football, sistemi i votimit i FIFA-s synon të jetë më gjithëpërfshirës, duke u lejuar tifozëve nga e gjithë bota të votojnë në të njëjtin nivel me përzgjedhësit e kombëtareve, kapitenët dhe gazetarët specialistë.

Sipas analizës së Maxime Barbaud nga FootMercato, votimi është ndarë në katër kategori me peshë të barabartë (25% secila), ku pikët janë: 5 për vendin e parë, 3 për të dytin dhe 1 për të tretin.

FIFA ka publikuar votat e dhëna nga 11 finalistët për secilën kategori, duke përfshirë zgjedhjet e përzgjedhësve, kapitenëve dhe mediave.

Zgjedhjet e kapitenëve dhe përzgjedhësve të kombëtareve të njohura:

Didier Deschamps, përzgjedhësi i Francës, ka votuar për dy të preferuarit e tij: Dembele në vendin e parë, Mbappe në vendin e dytë dhe Hakimi në të tretin.

Achraf Hakimi, kapiteni i Marokut, ka zgjedhur Mbappen si numrin një, Dembele në vendin e dytë dhe Raphinha në të tretin.

Marquinhos, kapiteni i Brazilit, ka vendosur Dembele në krye, Raphinha të dytin dhe Hakimi të tretin.

Carlo Ancelotti ka përsëritur të njëjtin podium, por me Mbappen në vendin e tretë.

Në Spanjë, ka pasur mendime të ndryshme rreth Lamine Yamal: kapiteni Unai Simon e ka zgjedhur si të parë, përpara Pedri dhe Nuno Mendes, ndërsa përzgjedhësi Luis de la Fuente ka votuar Pedrin, më pas Lamine Yamal dhe Mbappen.

Në Portugali, kapiteni Bernardo Silva ka votuar për Vitinha, Nuno Mendes dhe Dembele, ndërsa përzgjedhësi Roberto Martinez ka zgjedhur të njëjtët lojtarë, por me Lamine Yamal në vend të tretë.

Votat e yjeve ndërkombëtarë

Lionel Messi ka votuar për Dembelen, Mbappen dhe Lamine Yamal.

Përzgjedhësi i Argjentinës, Scaloni, ka zgjedhur Mbappe, Pedri dhe Lamine Yamal.

Luka Modric ka vlerësuar lojtarë të fushës së tij: Vitinha në vendin e parë, Dembele të dytin dhe Lamine Yamal të tretin, duke lënë jashtë Mbappen.

Kapiteni italian Donnarumma ka votuar për Dembele, Hakimi dhe Lamine Yamal.

Riyad Mahrez ka zgjedhur Dembele, Hakimi dhe Mbappe.

Mohamed Salah, finalist, ka vendosur Hakimi, Dembele dhe Mbappe.

Këto rezultate jo vetëm që reflektojnë performancat individuale, por gjithashtu tregojnë edhe lidhjet dhe preferencat personale midis lojtarëve dhe përzgjedhësve, duke ofruar një panoramë interesante mbi votimin për çmimin 'FIFA The Best 2025'. /Telegrafi/

Sulmuesi francez i Paris Saint-Germain, Ousmane Dembele, u shpall fitues i çmimit prestigjioz “FIFA The Best” si lojtari më i mirë i vitit.

Dembele ka grumbulluar 50 pikë, 11 më shumë se talenti spanjoll i Barcelonës, Lamine Yamal dhe 15 pikë përpara bashkëkombësit të tij Kylian Mbappe, tashmë pjesë e Real Madridit.

Ky çmim, i ndarë nga FIFA, vlerëson lojtarin më të mirë të sezonit duke marrë në konsideratë performancat individuale, sukseset ekipore dhe ndikimin në lojë, si në nivel klubesh ashtu edhe kombëtaresh.

Pas treshes kryesore, renditja u plotësua nga:

Achraf Hakimi (Marok) – 31 pikë

Raphinha (Brazil) – 29 pikë

Mohamed Salah (Egjipt) – 24 pikë

Vitinha (Portugali) – 22 pikë

Harry Kane (Angli) – 14 pikë

Nuno Mendes (Portugali) – 13 pikë

Pedri (Spanjë) – 12 pikë

Cole Palmer (Angli) – 7 pikë

Në kategorinë e femrave, dominimi spanjoll ishte i plotë. Aitana BonmatO u shpall fituese e çmimit ‘Futbollistja e Vitit’ me 52 pikë, duke lënë pas Mariona Caldentey (40 pikë) dhe Alexia Putellas (33 pikë), të dyja bashkëkombëse të saj dhe lojtare kyçe të Barcelonës dhe përfaqësueses spanjolle.

Si funksionoi votimi i “The Best”

Fituesit e çmimeve “The Best” u përcaktuan përmes një sistemi votimi të kombinuar, ku morën pjesë:

Trajnerët e kombëtareve

Kapitenët e kombëtareve

Gazetarë sportivë të përzgjedhur nga FIFA

Tifozët, përmes votimit online

Secili grup pati peshë të barabartë në rezultatin përfundimtar.

/Telegrafi/

Ousmane Dembele është lojtari më i mirë i vitit 2025, i zgjedhur nga FIFA. Sulmuesi francez mori çmimin "The Best" në konkurrencë me Lamine Yamal dhe Kylian Mbappe.

Pasi fitoi "Topin e Artë" pas një sezoni të shkëlqyer me PSG-në dhe ekipin kombëtar francez, ai tani ka fituar edhe një tjetër çmim prestigjioz individual.

Ai fitoi tripletën me PSG-në sezonin e kaluar. Për herë të parë në histori, klubi francez fitoi Ligën e Kampionëve, dhe Dembele ishte një nga më meritorët për këtë.

Ai ishte gjithashtu nënkampion në Kupën e Botës për Klube, dhe gjithashtu fitoi Superkupën e UEFA-s. Ai u rendit i treti në Ligën e Kombeve me ekipin kombëtar francez.

"Doja t'i falënderoja të gjithë shokët e mi të ekipit. Puna e palodhur shpërblehet. Falënderoj familjen time, klubin me të cilin kaluam një vit fantastik. Faleminderit Gianni Infantino, mora mesazhin tënd në ditëlindjen time. Shpresoj të kthehem përsëri vitin tjetër", deklaroi i gëzuar sulmuesi i PSG-së nga skena e ceremonisë "The Best".

Dembele e ka fituar edhe 'Topin e Artë' për vitin 2025, duke kompletuar një vit të suksesshëm edhe individual. /Telegrafi/

Paris Saint-Germain ka marr një përfaqësim të fuqishëm në “The Best FIFA Men’s 11 2025”, pasi gjashtë lojtarë që ndihmuan klubin francez të fitojë Ligën e Kampionëve dhe të arrijë në finalen e Kupës së Botës për Klube FIFAjanë përzgjedhur në formacionin më të mirë të vitit.

Në portë është zgjedhur Gianluigi Donnarumma, i cili ndërkohë është transferuar te Manchester City. Atij i bashkohen Achraf Hakimi, Willian Pacho, Nuno Mendes, Vitinha dhe Ousmane Dembélé, duke e bërë PSG-në klubin me numrin më të madh të përfaqësuesve në ekipin ideal.

Në formacion është përfshirë edhe fituesi i Topit të Artë të Kupës së Botës për Klube, Cole Palmer, si dhe talenti i jashtëzakonshëm spanjoll Lamine Yamal, i cili vazhdon të impresionojë në moshë shumë të re.

The Best FIFA Men’s 11 – 2025

Portier: Gianluigi Donnarumma

Mbrojtës: Achraf Hakimi, Willian Pacho, Virgil van Dijk, Nuno Mendes

Mesfushorë: Cole Palmer, Vitinha, Pedri, Jude Bellingham

Sulmues: Ousmane Dembélé, Lamine Yamal

Si u përcaktua “The Best FIFA Men’s 11”

Çmimet përfshijnë performancat e futbollistëve në periudhën 11 gusht 2024 – 2 gusht 2025. Kandidaturat u përgatitën nga FIFA në bashkëpunim me akterë të futbollit botëror, ndërsa fituesit u përzgjodhën nga një panel ekspertësh dhe tifozë të regjistruar në FIFA.com.

Votat e tifozëve dhe të ekspertëve kishin peshë të barabartë, pavarësisht numrit të votuesve. Lojtarët morën pikë në bazë të votave sipas pozicioneve përkatëse.

Fituesi i çmimit “The Best FIFA Men’s Player” u përfshi automatikisht në formacion, ndërsa portieri fitues i çmimit për portierin më të mirë nisi me nëntë pikë.

Në fund, formacioni u plotësua duke respektuar kufijtë maksimalë për pozicione: katër mbrojtës, katër mesfushorë dhe tre sulmues. /Telegrafi/

Ylli i Paris Saint-Germain dhe i Francës, Ousmane Dembele, është zgjedhur ‘Lojtari më i Mirë’ për meshkuj nga FIFA për vitin 2025.

Sulmuesi francez u shpërblye pas një sezoni të jashtëzakonshëm me PSG-në.

Ai ishte një figurë kyçe gjatë rrugëtimit të klubit drejt titullit të parë në Ligën e Kampionëve, duke shënuar tetë gola dhe duke dhuruar gjashtë asistime gjatë fushatës triumfuese në Europë.

Dembele, i cili u emërua MVP i sezonit 2024/25 si në Ligën e Kampionëve ashtu edhe në Ligue 1, ishte thelbësor ndërsa PSG fitoi tripletën.

28-vjeçari gjithashtu ndihmoi skuadrën të arrinte finalen e parë të Kupës së Botës për Klube.

Ndërkohë, në kategorinë e femrave, çmimin si më e mira e vitit e fitoi futbollistja e Barcelonës, Aitana Bonmati.

Arritjet kryesore:

Fitues i Ligës së Kampionëve 2024/25

Fitues i Ligue 1 2024/25

Fitues i Kupës së Francës 2024/25

Fitues i Superkupës së Francës 2024

Vendi i dytë në Kupën e Botës për Klube 2025

Vendi i tretë në Ligën e Kombeve 2024/25

U emërua ‘Lojtari i Sezonit’ në Ligën e Kampionëve 2024/25

Pjesë e ekipit më të mirë të sezonit në Ligën e Kampionëve 2024/25

U emërua ‘Lojtari i Vitit’ në Ligue 1

/Telegrafi/

Ousmane Dembele dhe Aitana Bonmati janë favoritët kryesorë për të fituar çmimet FIFA The Best 2025 në kategoritë për meshkuj dhe femra, raporton “Mundo Deportivo”.

Ceremonia e ndarjes së çmimeve do të mbahet të martën, duke filluar nga ora 18:00 sipas kohës së Evropës Qendrore, në kuadër të një gale diskrete të organizuar nga FIFA në Doha të Katarit.

Dembele pritet të jetë i pranishëm personalisht në ceremoni, gati tre muaj pasi fitoi për herë të parë në karrierë Topin e Artë. Anësori i PSG-së shihet si favorit i padiskutueshëm pas një sezoni vendimtar në nivel klubesh, ku paraqitjet e tij patën ndikim të drejtpërdrejtë në sukseset e skuadrës franceze.

Ndryshe nga Topi i Artë, votimi për çmimin FIFA The Best përfshin gazetarë, trajnerë të përfaqësueseve kombëtare dhe kapitenë ekipesh, gjë që i jep procesit një dimension më të gjerë vlerësimi.

Në kategorinë e trajnerëve, kandidati kryesor është Luis Enrique. Trajneri i PSG-së spikat pas drejtimit të klubit drejt një triplete historike, duke u konsideruar zgjedhja më e fortë për këtë çmim.

Çmimet FIFA The Best do të ndahen një ditë para finales së Kupës Interkontinentale, e cila do të zhvillohet të mërkurën në Doha mes PSG-së dhe Flamengos, duke e bërë kryeqytetin e Katarit qendër të vëmendjes së futbollit botëror për disa ditë radhazi./Telegrafi

Ousmane Dembele dhe Kylian Mbappe janë dy emrat që kryesojnë garën për çmimin "Lojtari më i Mirë i FIFA-s", sipas prestigjiozes Le Parisien.

Dy yjet francezë kanë pasur sezone të jashtëzakonshme dhe konsiderohen si favoritët absolutë për këtë trofe individual.

Dembele vjen në këtë garë pasi u shpall fitues i "Topit të Artë" në shtator, si shpërblim për paraqitjet e tij mbresëlënëse me Paris Saint-Germain sezonin e kaluar, ku ishte një nga figurat kyçe të suksesit të klubit parisien.

telegrafi.com

Nga ana tjetër, Kylian Mbappé e mbylli sezonin si fitues i Këpucës së Artë Evropiane, duke shënuar më shumë gola se çdo lojtar tjetër në pesë ligat kryesore të Evropës.

Sulmuesi francez vazhdoi të konfirmojë statusin e tij si një nga lojtarët më vendimtarë në futbollin botëror.

Dembele dhe Mbappe kanë ndarë së bashku dhomën e zhveshjes te PSG, përpara largimit të Mbappes drejt Madridit, ndërsa vazhdojnë të jenë shokë skuadre edhe në Kombëtaren e Francës, ku përbëjnë një dyshe sulmuese shumë të frikshme.

Me dy karriera që po zhvillohen në nivelet më të larta dhe me trofe individualë e kolektivë në sfond, mbetet për t’u parë se cili prej tyre do të kurorëzohet si më i miri i FIFA-s, në një duel që pritet të jetë shumë i ngushtë. /Telegrafi/

Ylli i PSG-së, Ousmane Dembele, ka rrëfyer për herë të parë emocionet dhe momentet e veçanta nga ceremonia ku fitoi Topin e Artë, në një intervistë ekskluzive për “GQ France”.

Francezi e fitoi Topin e Artë në vitin 2025, duke mposhtur në garë yllin e Barcelonës Lamine Yamal dhe bashkëlojtarin Vitinha.

Duke treguar fillimin e asaj nate të madhe, Dembele shpjegoi se ishte gjithmonë i qetë duke bërë shaka me miqtë.

“Në fillim isha në makinë me shokët e mi të skuadrës, Joao (Neves) dhe Desire (Doue) dhe sinqerisht isha shumë i relaksuar. Për më tepër, po shikonim ndeshjen PSG–OM që po luhej në të njëjtën kohë, kështu që ishim të fokusuar. Edhe në tapetin e kuq qëndrova i qetë, dhe vetëm kur filloi ceremonia nisa të ndjeja pak presion. U stresova pak”.

Ousmane Dembele

Ceremonia zgjati dy orë, ndoshta dy orë e gjysmë, por për Dembele gjithçka kaloi shpejtë.

“Ishte fantastike, të gjitha fjalimet, të gjitha çmimet që u dhanë… Ishte kënaqësi t’i shihja lojtarët që i njihja, si Iniesta, Raphinha, Yamal, me të cilin kam luajtur. Legjenda si Gullit dhe Ronaldinho, dhe po ashtu presidentin e Barcelonës, Joan Laporta. Normalisht, isha i lumtur të isha me shokët e skuadrës. Prania dhe përkrahja e presidentit Nasser Al-Khelaifi më prekën shumë”.

A mendoi ndonjëherë se mund të mos fitonte? Përgjigjja e tij është e sinqertë dhe e drejtpërdrejtë: “Nuk e mendova fare këtë sepse e dija që do ta fitoja”.

“Kur e kuptove 100%? Kur Ronaldinho hapi zarfin”, shtoi ai./Telegrafi/

Organizata globale që përfaqëson futbollistët profesionistë, FIFPro, ka publikuar formacionin më të mirë të vitit 2025.

Në këtë “Best XI” janë përfshirë vetëm futbollistë nga klubet më të mëdha të Evropës – si Barcelona, PSG, Manchester City, Chelsea dhe Real Madrid – duke reflektuar dominimin e këtyre gjigantëve në futbollin modern.

Në portë ndodhet Gianluigi Donnarumma, tashmë pjesë e Manchester Cityt, i cili fitoi vendin falë paraqitjeve heroike me PSG-në sezonin e kaluar.

Përpara tij, në mbrojtje, janë dy ish-bashkëlojtarë nga Parisi, Achraf Hakimi dhe Nuno Mendes, ndërsa treshen e plotëson veterani i Liverpoolit, Virgil van Dijk, që vazhdon të ruajë nivelin më të lartë në moshën 34-vjeçare.

Mesfusha përbëhet nga një kombinim i talentit të ri dhe përvojës: Cole Palmer nga Chelsea, që po shkëlqen me kreativitetin e tij; Jude Bellingham i Real Madridit, lideri i padiskutueshëm i mesfushës; Pedri nga Barcelona, që rikthehet fuqishëm pas lëndimeve; dhe Vitinha i PSG-së, që po rritet si një motor i vërtetë i skuadrës pariziene.

Në sulm, treshja është thjesht spektakolare: Lamine Yamal i Barcelonës, vetëm 18 vjeç, që është sensacioni më i ri i futbollit botëror; Kylian Mbappé, tashmë ikonë e Real Madridit, që po vazhdon të udhëheqë me gola.

Ky formacion nuk do të kishte kuptim pa Ousmane Dembele, ylli i madh i Paris Saint-Germain.

Formacioni i FIFAPro

Votat e lojtarëve profesionistë kanë nxjerrë, një gjenerat të futbollistëve që po dominojnë Evropën – një përzierje perfekte mes yjeve të afirmuar dhe talenteve që do të përcaktojnë të ardhmen e sportit më të dashur në planet. /Telegrafi/

Trajneri i Paris Saint-Germain, Luis Enrique, ka folur para sfidës së madhe të Ligës së Kampionëve kundër Bayern Munich, duke dhënë detaje për gjendjen e skuadrës, rolin e kapitenit dhe rëndësinë e ndeshjes.

I pyetur për gjendjen e Ousmane Dembele, trajneri spanjoll u shpreh se lojtari është në formë të mirë, por skuadra nuk do të marrë asnjë rrezik të panevojshëm.

“Nuk marrim rreziqe me asnjë lojtar. Por Ousmane është në gjendje të mirë. Ka kryer të gjitha seancat stërvitore gjatë dy javëve të fundit dhe ka luajtur. Ai po përmirëson formën fizike. Do të luajë, natyrisht. Është gati për konkurrencë. Nesër do të vendosim për minutazhin e tij”.

Sa i përket çështjes së kapitenit, Luis Enrique theksoi rëndësinë e Marquinhos në grup.

“Kapitenin e zgjedhin vetë lojtarët. Por mendoj se Marquinhos e ka treguar vlerën e tij, e pamë të gjithë se si u festua pas fitores në Ligën e Kampionëve. Nuk ka dyshim për nivelin e tij, është një person i mrekullueshëm dhe një lider i vërtetë. Jam shumë i lumtur që e kam në skuadër dhe shpresoj të qëndrojë gjatë”.

Në lidhje me rëndësinë e përballjes ndaj Bayernit, trajneri i PSG-së ka thënë:

“Nuk është koha për të vlerësuar ekipin tonë. Duhet të kemi besim. Fitorja nesër është e rëndësishme, si për tre pikët ashtu edhe për pozicionin në grup, që është më i vështiri i kompeticionit. Duam të jemi konkurrues në çdo ndeshje dhe ta shijojmë këtë moment me tifozët tanë”.

Luis Enrique paralajmëroi se asnjëra skuadër nuk do të ndryshojë stilin e lojës.

“Bayern nuk do ta ndryshojë mënyrën e tyre të lojës. As ne. Ndoshta do të bëjmë edhe më shumë, pasi luajmë në shtëpi. Mendoj se mund të përballojmë presionin e tyre dhe t’u krijojmë probleme. Edhe ata janë të fortë. Do të jetë një ndeshje e ekuilibruar, ku detajet do të bëjnë diferencën. Kush i kontrollon më mirë, do të fitojë. Shpresoj që tifozët të kalojnë një mbrëmje fantastike”.

Në përfundim, trajneri i PSG-së nënvizoi rëndësinë e mbledhjes së pikëve që në fillim të fazës së grupeve.

“Të gjitha ndeshjet janë të rëndësishme. Kemi një kalendar shumë intensiv dhe të vështirë. Duhet të fitojmë pikët sa më shpejt të jetë e mundur. Këtë e bëmë në tre ndeshjet e para dhe duam ta përsërisim edhe nesër”, përfundoi Enrique. /Telegrafi/

Pas disa javësh mungesë për shkak të lëndimit, sulmuesi i Paris Saint-Germain, Ousmane Dembele, është rikthyer në dispozicion të trajnerit Luis Enrique.

Ai është përfshirë në listën e lojtarëve të grumbulluar për ndeshjen e fazës së grupeve të Ligës së Kampionëve kundër Bayer Leverkusen.

Në konferencën për shtyp para ndeshjes, trajneri Enrique foli për rikthimin e lojtarit, duke theksuar se më e rëndësishme është energjia që Dembele sjell në ekip sesa çmimet individuale.

“Nuk është Topi i Artë që po kthehet, është Ousmane Dembele, personi që sjell energjinë e tij në ekip. Topi i Artë, ai është kapitull i mbyllur”, ka thënë fillimisht Enrique.

Enrique u shpreh qartë se për të, fokusi është te skuadra dhe jo te trofetë personalë.

“Ne po punojmë për të fituar ndeshjen e tretë në Ligën e Kampionëve. Jam më i lumtur që kemi rikthyer njeriun dhe energjinë e tij, sesa Topin e Artë”, përfundoi ai.

Paris Saint-Germain do të synojë tashmë fitoren e tretë radhazi në këtë edicion të Ligës së Kampionëve. /Telegrafi/

Ylli i Paris Saint-Germain dhe fituesi aktual i Topit të Artë, Ousmane Dembele, është pranë rikthimit në fushë pas një mungese disa-javore për shkak të një dëmtimi në kofshë.

Sipas Le Parisien, sulmuesi francez pritet të përfshihet në listën e skuadrës për ndeshjen e ardhshme të PSG-së në Ligën e Kampionëve kundër Bayer Leverkusen.

Dembele u dëmtua në fillim të shtatorit gjatë një ndeshjeje me përfaqësuesen e Francës, vetëm pak minuta pasi u fut si zëvendësues.

Ky incident shkaktoi tension mes klubit parisien dhe stafit të kombëtares franceze, për shkak të shqetësimeve rreth menaxhimit të gjendjes fizike të lojtarit.

Pas një periudhe rikuperimi dhe trajtimi të kujdesshëm, 28-vjeçari tashmë është afër gjendjes optimale dhe stafi teknik i PSG-së ka sinjalizuar se ai mund të jetë pjesë e skuadrës përballë skuadrës gjermane.

Megjithatë, burime pranë klubit theksojnë se nuk pritet që Dembele të jetë titullar në këtë përballje.

Trajneri Luis Enrique do të ndjekë një qasje të kujdesshme për të shmangur rikthimin e dëmtimit, duke e aktivizuar Dembelen në mënyrë graduale.

Spanjolli nuk dëshiron të rrezikojë me lojtarin, i cili pritet të jetë një element kyç në pjesën tjetër të sezonit.

Rikthimi i Dembeles është një lajm pozitiv për PSG-në, që synon të përforcojë repartin ofensiv në prag të sfidave të rëndësishme në kampionat dhe Ligën e Kampionëve.

Forma e tij do të jetë vendimtare në ambiciet e klubit për të shkuar sa më larg në garat evropiane. /Telegrafi/

Një muaj më parë u nda Topi i Artë 2025, dhe menjëherë pas fitores së Ousmane Dembele, fokusi është zhvendosur drejt identifikimit të favoritëve të mundshëm për vitin 2026.

Tribuna.com ka nisur projektin në formatin klasik të renditjes, ku do të pasqyrohen rregullisht kandidatët kryesorë për Topin e Artë, bazuar në paraqitjet e tyre gjatë gjithë sezonit.

Zakonisht, pranvera është periudha vendimtare (sidomos me Kupën e Botës 2026 në horizont), por edhe performanca e qëndrueshme gjatë vitit ka peshë të madhe — dhe, për më tepër, është interesante të vëzhgohen lojtarët që shkëlqejnë në faza të ndryshme të sezonit 2025/26.

Dy muajt e parë të sezonit janë mjaftueshëm për të krijuar renditjen e parë të përkohshme. Sigurisht që përzgjedhja ka një dozë subjektiviteti, por kriteret kryesore janë: Performancat individuale dhe statistikat, ndikimi në ekip dhe rezultatet e skuadrës dhe prania në media dhe buja që krijojnë (një faktor që nuk mund të neglizhohet në epokën e rrjeteve sociale).

15. Christian Pulisic (Milan)

I vetmi lojtar në “Top 15” që nuk garon në kupat evropiane – por më i miri në këtë kategori. Statistikat e tij janë mbresëlënëse: 8 kontribute në gola (6 gola + 2 asistime) në 8 ndeshje. Do të kishte pasur më shumë, po të kishte shënuar penalltinë ndaj Juventusit në rezultatin 0-0. Pulisic është gjithashtu lider në 7 ligat më të forta evropiane për “xG + asistime për 90 minuta”, duke përjashtuar penalltitë.

Christian Pulisic

14. Ousmane Dembele (PSG)

Mbulimi mediatik e mban në listë – si fituesi aktual i Topit të Artë, pavarësisht fillimit të ngadalshëm për shkak të lëndimeve. Ka luajtur vetëm katër ndeshje, me 2 gola dhe 2 asistime. Nga antihero në protagonist, rruga e Dembele drejt majës ka qenë e veçantë. Megjithatë, ai është në vendin e 14-të dhe rrezikon të bjerë nga “Top 15” nëse nuk kthehet shpejt në formën e duhur.

Ousmane Dembele

13. Kevin De Bruyne (Napoli)

Rikthimi i 34-vjeçarit ka tejkaluar pritjet. Ai po shkëlqen te Napoli, që kryeson Serie A dhe ka marrë fitore të rëndësishme në Ligën e Kampionëve falë asistimeve të tij. Me 5 gola në 8 ndeshje dhe dominim në statistika kreative, De Bruyne tregon se ende mund të bëjë diferencën — megjithëse qëndrueshmëria mbetet problem në disa ndeshje.

Kevin De Bruyne

12. Declan Rice (Arsenal)

Lideri i padiskutueshëm i Arsenalit. Rice është “motori” i skuadrës, po aq i vlefshëm në mbrojtje dhe në ndërtim loje. Ai merr përsipër goditjet standarde dhe shpesh është vendimtar në duele të ngushta Falë kontributit të tij, Arsenali është ngjitur në vendin e parë në Ligën Premier.

Declan Rice

11. Lamine Yamal (Barcelona)

Një tjetër histori me shumë bujë mediatike. Edhe pse lëndimet e kanë penguar, 18-vjeçari ka 2 gola dhe 4 asistime në 5 ndeshje.
Një dëmtim i fundit mund ta mbajë jashtë për disa javë – por Barcelona shpreson ta rikthejë shpejt në formë për të ruajtur ritmin.

Lamine Yamal

10. Dominik Szoboszlai (Liverpool)

Hungarezi është kthyer në një element kyç të Liverpoolit – 10 paraqitje si titullar në 11 ndeshje. Ai është bërë “Valverde i Liverpoolit” me shumëfunksionalitetin e tij: luan në disa pozicione, shënon nga goditjet e dënimit dhe kontribuon në organizimin e lojës (2 asistime në 10 ndeshje).

Dominik Szoboszlai

9. Julian Alvarez (Atletico Madrid)

Statistikat e tij janë të shkëlqyera: 7 gola + 4 asistime në 12 ndeshje. Megjithatë, forma e tij nuk është reflektuar në suksesin e skuadrës, pasi Atletico ka pasur disa luhatje. Dy golat e tij në derbi kundër Real Madridit mbeten kulmi i sezonit deri më tani.

Julian Alvarez

8. Michael Olise (Bayern Munich)

Francezi është bërë një faktor kyç në suksesin perfekt të Bayern Munich këtë sezon. Me 5 gola dhe 4 asistime në 10 ndeshje, Olise po shfaq ndikim të madh në çdo sektor të sulmit. Në këtë formë, ai është ndër më të rëndësishmit për kampionët gjermanë.

Michael Olise

7. Arda Guler (Real Madrid)

Turku i ri po shkëlqen nën trajnerin Xabi Alonso. Ai ka marrë rolin e një dirigjenti të vërtetë në mesfushë, duke kontrolluar tempin e lojës dhe duke marrë pjesë aktive në sulm. Statistikat e tij: 4 gola dhe 6 asistime në 16 ndeshje. Tifozët e Real Madridit tashmë e krahasojnë partneritetin e tij me Mbappe me duon legjendare Ozil–Ronaldo.

Arda Guler

6. Vitinha (PSG)

Fituesi i vendit të tretë në Topin e Artë 2025 ka ruajtur nivelin. Ai mbetet ndër më të qëndrueshmit e PSG-së dhe shpesh shihet si “asistent trajneri” në fushë. Edhe pse ende nuk ka ndikuar në trofetë e klubit këtë sezon, performancat e tij janë të jashtëzakonshme.

Vitinha

5. Pedri (Barcelona)

Pedri është zemra e Barcelonës. Ai përcakton stilin dhe ritmin e skuadrës, me inteligjencë të lartë taktike dhe kontroll të lojës.
Në një skuadër që ende po kërkon ekuilibrin, Pedri duket si i vetmi që po luan në mënyrë të qëndrueshme — dhe kjo e ngre më lart se Vitinha.

Pedri

4. Erling Haaland (Manchester City)

15 gola dhe 2 asistime në 13 ndeshje – Haaland është rikthyer në versionin e tij më të mirë. Megjithatë, Man City po kalon disa vështirësi, duke humbur pikë në Ligën Premier dhe Ligën e Kampionëve. Kjo e mban norvegjezin jashtë “Top 3-shes”.

Erling Haaland

3. Kylian Mbappe (Real Madrid)

Mbappe ka shënuar në 11 nga 12 ndeshjet me klubin dhe Kombëtaren këtë sezon. Ai është integruar plotësisht te Real Madrid dhe po ruan formën që e bëri kampion në pranverë. Megjithatë, disa pengesa – përfshirë rezultatet e paqëndrueshme të Realit – e ndalin ta kryesojë renditjen.

Kylian Mbappe

2. Harry Kane (Bayern Munich)

Në aspektin numerik, askush nuk e kalon: 21 gola dhe 4 asistime në 15 ndeshje. Kane është përshtatur shkëlqyeshëm në Gjermani dhe po udhëheq Bayern drejt një sezoni perfekt. Me këtë ritëm, ai është pretendent serioz për Topin e Artë 2026.

Harry Kane

1. Nuno Mendes (PSG)

Lider surprizë. Rezultatet e fundit tregojnë se nën kriteret e reja të vlerësimit (sidomos pas përfshirjes së UEFA-s), lojtarët e nënvlerësuar po marrin më shumë vlerësim – ashtu si Rodri dhe Vitinha vitin e kaluar. Mendes ka qenë fantastik në javët e fundit: asistime, gola dhe paraqitje të klasit kundër Barcelonës dhe Lille. Mbrojtësi i krahut ka bërë gjithçka që një lojtar modern mund të bëjë – dhe për momentin, meriton majën e renditjes. Edhe pse me kalimin e sezonit mund të bjerë nga vendi i parë, momentalisht Nuno Mendes është lideri i padiskutueshëm i Renditjes së Fuqisë për Topin e Artë 2026.

Nuno Mendes

/Telegrafi/

Negociatat për një rritje rroge për Ousmane Dembele, fituesin e saposhpallur të Topit të Artë dhe sulmuesin lider të Paris Saint-Germain, kanë hasur në vështirësi, raporton L’Equipe, pasi klubi po i jep përparësi disiplinës financiare.

Pas natës triumfuese në Paris, ku 27-vjeçari konfirmoi statusin si lojtari më i mirë në botë, bisedimet mes përfaqësuesit të tij, Moussa Sissoko, dhe këshilltarit sportiv Luis Campos nisën menjëherë.

Kampi i Dembeles, i nxitur nga statistikat mbresëlënëse të sezonit të kaluar – 35 gola dhe 16 asistime në 53 ndeshje, që ndihmuan PSG-në të fitojë tituj, kërkon një kontratë që pasqyron nivelin e tij elitar.

Aktualisht, ai fiton pak më shumë se gjysmën e 30 milionë eurove neto në vit që përfitonin më parë Neymar dhe Lionel Messi.

PSG, megjithatë, mbetet e palëkundur në qëndrimin e saj, duke e parë suksesin e Dembeles si pjesë të një përpjekje kolektive.

Klubi refuzon të bëjë përjashtime, sidomos ndërkohë që është në proces rinovimesh me talentë të rinj si Bradley Barcola, Ëillian Pacho dhe Mahamadou Mayulu.

Sipas L’Equipe, drejtuesit e PSG-së duan të kontrollojnë ritmin e negociatave për të shmangur presionet nga kampi i lojtarit, të vetëdijshëm për kufizimet që vijnë nga rënia e të ardhurave nga të drejtat televizive dhe nga mbikëqyrja e UEFA-s për rregullat e Fair Play Financiar.

Pavarësisht një viti të suksesshëm financiarisht, buxheti i klubit nuk mund të përballojë kërkesat e Dembeles, edhe pse PSG e pranon rolin e tij vendimtar në fushë dhe ndikimin në dhomën e zhveshjes./Telegrafi/

Në shtator, Ousmane Dembele shkroi histori duke u bërë lojtari i parë i PSG-së që fiton Topin e Artë, një arritje që as Kylian Mbappe nuk kishte arritur më parë.

Në një intervistë të fundit, ylli francez ia atribuoi suksesin dhe motivimin e tij Lionel Messit, legjendës së Barcelonës, si një nga ndikuesit më të mëdhenj në karrierën e tij.

“Çuditërisht, më kujtohet fotografia e Messit duke më ngushëlluar kur u lëndova kundër ish-klubit tim, Borussia Dortmund, në Ligën e Kampionëve më 2019”, deklaroi Dembele.

Kur u pyet pse Messi e bëri këtë gjest, Dembele u përgjigj: “Ai më tha: 'Mos u shqetëso, do të jesh mirë'. Në atë fazë të hershme të karrierës sime, kisha nevojë për këtë mbështetje dhe ai gjithmonë më inkurajonte”, tregon Dembele.

Dembele dhe Messi

Dembele dhe Messi luajtën për disa vite së bashku te Barcelona, megjithëse dëmtimet e francezit e penguan të fitonte shumë ndeshje dhe trofe me yllin argjentinas. /Telegrafi/

Paris Saint-Germain është njëra nga skuadrat më të famshme në botë aktualisht, kjo për shkak edhe të triumfit në Ligën e Kampionëve edicionin e fundit, kështu që fansa nga e gjithë bota po blejnë çdo ditë e më shumë fanellat e tyre.

Kamioni francez po vazhdon të shesë fanellat e tyre në të gjithë botë, por tashmë është mësuar se kush janë lojtarët e tyre më të preferuar për tifozët.

Sipas La Source Parisienne, Ousmane Dembele është lojtari i PSG-së, fanellat e të cilit me emrin e tij shiten më shumë.

Fituesi i Kupës së Botës me Francën tashmë gëzonte një popullaritet pak më të lartë se pjesa tjetër e skuadrës, por profili i tij u rrit ndjeshëm pasi fitoi Topin e Artë 2025.

'Dembouz' zë vendin e parë, i ndjekur nga gjeorgjiani Khvicha Kvaratskhelia, ndërsa Desire Doue plotëson tre vendet e para.

Megjithatë, La Source Parisienne nuk i zbuloi shifrat e sakta të shitjeve duke lënë hamendësime te tifozët.

Befasia është mos përfundimi i yjeve si Achraf Hakimi, Marquinhos apo Vitinha në top treshen e fanellave më të shitura. /Telegrafi/

Ousmane Dembele ka arritur të kurorëzojë me fitimin e Topit të Artë formën e shkëlqyer që kaloi sezonin e kaluar me Paris Saint Germain ku fitoi gjithë trofetë e mundshëm.

Në një intervistë për Telefoot TF1 pas fitimit të Topit të Artë, Ousmane Dembele foli hapur për rrugëtimin dhe vështirësitë e tij në karrierë.

Sulmuesi i Paris Saint-Germain pranoi se momentet më të rënda kanë qenë të lidhura me lëndimet e shumta që ka kaluar ndër vite.

Ai theksoi se periudhat më të vështira i përjetoi gjatë kohës që luante për Barcelonën, ku shpesh qëndroi jashtë fushave për muaj të tërë.

Megjithatë, Dembele tha se edhe pse lëndimet e kanë penguar, ato e kanë ndihmuar njëkohësisht të bëhet më i fortë dhe më i pjekur.

“Mendoj se janë kryesisht lëndimet. Pata shumë lëndime, por atëherë mësova shumë për trupin tim dhe për të qenë më profesional”, u shpreh francezi.

Ai shtoi se përvoja te Barcelona ishte vendimtare për rritjen e tij si futbollist dhe si person, duke i dhënë mësime të vlefshme.

“Veçanërisht ato vite te Barcelona më ndihmuan shumë. Atje mësova dhe u rrita jashtëzakonisht shumë”, përfundoi Dembele.

28-vjeçari iu bashkua PSG-së në vitin 2023, teksa ka zhvilluar 99 ndeshje me parisienët duke shënuar 43 gola e duke asistuar në 32 të tjerë. /Telegrafi/

Karriera e Ousmane Dembele nuk ka qenë gjithmonë e qetë. Mes lëndimeve dhe përfundimeve të dobëta, sulmuesi i Paris Saint-Germain është kritikuar shpesh shumë.

Në një deklaratë të re për PSG TV, lojtari ndërkombëtar francez këmbënguli se nuk u kushtoi kurrë vëmendje këtyre kritikave.

Ai madje e mbrojti veten, duke zbuluar se kurrë nuk krenohej me gjuajtjen e topit mbi traversë.

“Më falni për gjuhën time, por nuk më interesonte fare! Thjesht luaja lojën time. Nëse ju pëlqeu, ju pëlqeu. Nëse jo, kështu është”, ka thënë fillimisht Dembele.

"O e pranon ose jo. Edhe pse doja të shënoja gola, kurrë nuk e kam gjuajtur qëllimisht topin shumë larg”, përfundoi francezi.

Ndryshe, Dembele është lojtari më i përfolur i momentit pasi së fundmi fitoi Topin e Artë për vitin 2025, shkaku i dominimit të PSG-së në futbollin evropian. /Telegrafi/