Analisti Frrok Çupi, i ftuar në “Ora e Fundit” në ABC News, komentoi zhvillimet politike brenda Partisë Demokratike dhe figurën e Sali Berishës, duke u ndalur te bilanci i këtij viti për opozitën.

Sipas Çupit, Berisha duhet të reflektojë mbi humbjen e rreth 200 mijë votuesve nga PD, ndërsa theksoi se ai ka arritur të shmangë përballjen me drejtësinë dhe të konsolidojë pozitat e tij brenda partisë, duke mposhtur kundërshtarët e brendshëm. Analisti ngriti gjithashtu kritika për rolin e SPAK dhe mungesën e përgjegjësisë, sipas tij, për ngjarje të rënda si 21 Janari dhe Gërdeci.

“Berisha duhet të analizonte pse PD këtë vit ka humbur 200 mijë votues, dhe ky është vërtet një bilanc. Ai ia doli për një vit që drejtësia nuk arriti që të merrej me të. SPAK ka qenë në favor të familjes kriminale të Berishës të shpallur non grata.

Një sukses tjetër, mposhti armiqtë e brendshëm, Bashën, Salianjin. Më duket se po arrin një fitore të madhe që të mos përgjigjet për ’21 Janarin’ dhe të vdekuri e Gërdecit”, tha Çupi./abcnews.al

Kryeministri Edi Rama zhvilloi këtë të martë konferencën e fundit për mediat për vitin 2025, ku për rreth tre orë trajtoi një sërë çështjesh që lidhen me qeverisjen dhe funksionimin e shtetit.

Analisti Frrok Çupi, i ftuar në  “Ora e Fundit” në ABC News, vlerësoi se Rama doli nga klishetë e zakonshme të fundvitit, duke shmangur shifrat formale dhe duke u ndalur te ajo që ai e cilësoi si “qeverisje e shkathët”.

Sipas Çupit, fokusi kryesor i Kryeministrit ishte raporti mes pushteteve dhe veçanërisht roli i drejtësisë, duke ngritur shqetësime për balancën institucionale dhe nevojën për radhitjen e pushteteve në përputhje me parimet e shtetit demokratik.

“Kryeministri doli nga klishetë e përvitshme. Nuk ra në pozitat që të fliste me shifra të mërzitshme, që njerëzit gjatë gjithë vitit i kalojnë nëpër duar dhe i dinë. Rama kaloi tek ajo që quhet qeverisja e shkathët, që aplikohet në vendet më të zhvilluara të botës. Rama solli një problem shumë të madh, problemin e vitit, raportin e trupave të drejtësisë me trupa e tjerë të vendit. Janë thënë disa nga parimet kryesore të shtetit të cilat janë cenuar kohët e fundit. Kryeministri radha një kontribut për radhitjen e pushteteve, e cila është gjëja më e rëndësishme për funksionimin e pushteteve. Burimi i pushteteve është populli, sovrani. Këto vitet e fundit për ne është krijuar një tabu, tabuja e SPAK dhe të prokurorëve.

Mund të kishim një tragjedi, nëse shteti, parlamenti dhe presidenti nuk të kishin vendosur barrikadën ndaj specieve të gjyqtarëve dhe prokurorëve që kukonin të merrnin pushtetin. Ndalja e këtij vrulli do të thotë që të risistemohet shteti, pas një trilli shumë të madh të prokurorëve dhe gjyqtarëve që mendonin se mund të bënin gjithçka me të drejtën e njeriut. Një ditë do e shikonim veten në llumin e varfërisë. Pasi të mbaronin punë me zëvendëskryeministren do merreshin me kryeministrin, pa asnjë provë, dhe më pas do ishte rrënuar qeveria. Ajo që ishte e guximshme ishte fakti që parlamenti kërkon t’i vendosë gjërat në vijë. Këto gabime vijnë nga mazhoranca që u hapi syrin prokurorëve dhe gjyqtarëve”, tha Çupi./abcnews.al

Duke marrë si referencë rezultatin elektoral të zgjedhjeve të 1997, ku PD humbi, ndërkohë në referendumin e bërë paralelisht për formën e regjimit, pro monarkisë ishin më shumë se 37-38 % e shqiptarëve. Analisti Çupi u shpreh se Ahmet Zogu po shkonte te 50 % dhe askush nuk bënte pyetjen pse.

“Ne jemi dëshmitarë të asaj gjëje se gjithë politika u trondit shumë, ishte një përqindje e frikshme. Njerëzit nuk e dinin çfarë po bënin, dhe kjo ishte e para për arsye të një emri. Leka Zogu bëri një fushatë shumë të mirë. Dhe kam përshtypjen se ky 16% është e njëjta lëvizje. Në momentin e dëshpërimit politik, në atë kohë ata kërkuar një ‘perëndi të vdekur’ dhe gjetën Zogun, e njëjta gjë ndodh edhe sot. Zogu vijon të jetë influencues për arsye të politikave që këtu kanë zënë vend dhe nuk harrohen, kujdesi për shtetin, lidhjet me Perëndimin, bankat, ushtria”, u shpreh Çupi.

Por analisti Bejko, shprehet se në 1997 gjyshërit tanë ishin gjallë, dhe ata e kanë jetuar kohën e Ahmet Zogut.

“Në atë periudhë gjyshërit tanë ishin gjallë, në kohën e Zogut ata kanë qenë o fëmijë o adoleshentë. Dhe ata e kanë përjetuar situatën e Zogut. Gjatë kohës së Enver Hoxhës ishin të frustruar nuk guxonin të flisnin dhe të thonin të vërtetën. Kjo ishte njëra anë, ata flisnin përgjithësisht pozitivisht për kohën e Zogut, sepse ka patur drejtësi, ka patur rend Shqipëria ishte me një dimension tjetër. Elementi i dytë, që ndikoi në 1997, mendoj ishte fakti që u cenua realiteti i shtetit shqiptar dhe për këtë arsye, edhe për faktin tjetër se me Republikën nuk ishin mësuar dhe në kujtesën e tyre u thirr monarkia dhe në Lazarat fitoi Zogu. Dhe kjo thirri atë ndërgjegje kombëtare,” u shpreh Bejko

Për studiuesin Ndoj, Zogu ka qenë një nga përfaqësuesit me të mira  e të metat e tij si burrë shteti

“Zogu ka arritjet më të mëdha në proceset e shtet ndërtimit shqiptar. Por ka të bëjë edhe me orientimin perëndimor, disa gjeste shumë të forta të Zogut. Duke shfrytëzuar edhe martesën e tij me një bijë fisnike, hungareze ishte një gjest shumë i madh i tij, që tregonte edhe vizionin e tij se Shqipëria është Perëndim. Ndërsa sa i përket fushatës antizogiste në 45 vjet komunizëm, e ka lëshuar në zero mbështetjen, por shqiptarët nuk pengohen për të mësuar të vërtetën. Zogu ka qenë një nga përfaqësuesit me të mira  e të metat e tij si burrë shteti. Ka patur kundër personalitetet më të mëdha të vendit,” tha ai./abcnews.al

Protesta kombëtare e Partisë Demokratike e mbajtur në bukevardin përpara Kryeministisë, u mbyll me molotov. Analisti Frrok Çupi komentoi këtë protestë për ABC Neës ku tha se Berisha u mbyll në zyrë para fillimit të protestës, sepse priste ‘grupin e zjarrit’.

Çupi e cilësoi Berishës si një dirigjent pa orkestër. Ai shtoi se fakti që protesta kishte pak njerëz, nënkuptonte se të gjithë ata ishin të kontrolluar nga Berisha.

“Vonesat gjatë kohës së protestës, gjatë kohës kur ai ishte në zyrë, lexohen si vonesa pa ardhur ‘grupi i zjarrit’. Berisha është njësoj si një dirigjent pa orkestër. Fakti që atje kishte pak njerëz do të thotë që janë tërësish të kontrolluar dhe të stimuluar nga Berisha.

Ajo që bie në sy është se në fakt ai është gjithmonë i njëjti grupi, që nga ’96. Shikojmë që shërbimi sekret shqiptar, nuk kanë zbuluar akoma se ku strehohen këta njerëz, ku i marrin paratë, ku përgatiten. Shqiptarët janë të terrorizuar vetëm nga fakti që këta kanë dalë këta në shesh, sepse e kanë parë gjithë historinë e tyre që kanë djegur vendin dhe kanë vrarë njerëz”, tha Çupi./abcnews.al

Sali Berisha ka thirrur protestë kombëtare para godinës së Kryeministrisë, por pak mbështetës i janë përgjigjur pozitivisht kreut të PD.

Analisti Frrok Çupi thotë se protesta e Berishës bëhet për t’i shërbyer atij dhe për të eleminuar zërat që i ka kundër.

“Bën një shërbim shumë të madh të dyanshëm. E para, PD bën një shërbim për militantët e vet. Duan rrëmujë, janë shumë pak. Duan një ushqim. Duan ndonjë lekë nëpër duar, të bërtasin, që lideri ynë po na e dëgjon zërin.

I mban të zhytur para vetes. Shërbimi tjetër, i bën shërbim vetes. Kjo protestë ka qëllim eleminimin e zërave të Salianjit. Do duheshin punë, regjizura, pamje, filma, për ta paraqitur para publikut një opozitë të tillë. Pse ka ardhur PD duke u zvogëluar? Ka ardhur, përveç mëkateve, krimit, por edhe e dëshmon veten në protesta. E thotë hapur, kjo jam unë. Për t’i thënë Salianjit, mblodha më shumë se ty. PD u krijua me strategji për të marrë pushtetin.

E mori një herë pushtetin dhe nuk e mori më. Militantët pushtet duan. Ky është pushteti, do të mbarojë protesta, është njësoj si të tjerat. Jemi të detyruar të shohim spektaklin brenda PD. Një deputet afër Berishës, Gjoni ka deklaruar se nuk e mbajmë popullin nga zemërimi. Ka lënë të kuptohet se do ketë trazira. Nëse kanë përgatitur gjë mes tyre, nëse Berisha do ishte aq i pafrikësuar, do bënte plane për të krijuar një viktimë nga radhë e veta. Kam përshtypjen se as Salianji dhe Lapaj nuk do të jenë viktima”, theksoi ai./abcnews.al

TIRANË- Analisti Frrok Çupi, i ftuar në emisionin “Ora e Fundit”, komentoi përplasjet e hapura mes Sali Berishës dhe Ervin Salianjit, të cilët akuzojnë njëri tjetrin për lidhje me emra të botës së krimit.

Sipas Çupit, në PD po përsëritet i njëjti skenar që ka ndodhur edhe më parë, por me intensitet dhe forma të tjera. Ai theksoi se mënyra se si po zhvillohen këto përplasje është e shëmtuar

Çupi u shpreh se Ervin Salianji ka arritur të mbledhë më shumë mbështetës se Sali Berisha në disa qytete, duke përfshirë Elbasanin, Durrësin dhe Gjirokastrën, çka sipas tij tregon se Berisha ndodhet tashmë në minorancë brenda Partisë Demokratike.

Sipas Çupit, Salianji ka marrë iniciativën për të zgjuar disa parime dhe norma që, sipas tij, sot mungojnë në PD, e cila nuk funksionon më si një institucion politik. Ai shtoi se vijat e kuqe në parti po vendosen në mënyrë selektive, për të mbuluar problemet e brendshme, duke theksuar se problemi real i bashkëpunimit me krimin lidhet me vetë Berishën, ndërsa Salianji i ka kujtuar atij rastin e deputetit Arjan Ndoja.

“Po i ndjek dhe unë këto zhvillime. Në PD po ndodh ajo çfarë ka ndodhur gjithmonë, po riciklohet e njëjta gjë, me intensitet tjetër dhe brohoritje të tjera. Po ndodh vetëm lajmi, i cili ka plot vend për lajm, sepse mënyra është e shëmtuar. Shëmtia dhe marrëzia ngjallin kureshtje të madhe. Salianji, një militant i asaj partie dhe një personalitet i saj, ka mbledhur më shumë njerëz se Berisha, kjo është drama.

Berisha ndodhet në minorancë në Partinë Demokratike. Në Elbasan mblodhi më shumë se Berisha, në Durrës gjithashtu, në Gjirokastër po ashtu. Ka frikë se po i marrin partinë nga duart. Po noton në ujëra të turbullta dhe dje nxori të bijën si “nëndetëse”. Ai nuk i vlen më PD-së dhe proceseve të tjera. Salianji mori iniciativë për të zgjuar disa parime, norma, e cila tashmë mund të themi se nuk është një institucion politik.

Ai i vë vijat e kuqe aty ku zbulohet gjëja e tij e keqe dhe e demaskon para anëtarëve të Partisë Demokratike. Ai e vendos vijën e kuqe sipas vesit të tij dhe vesi i tij është krimi. Problemi realisht në bashkëpunimin me krimin e ka vetë Berisha dhe Salianji ia kujtoi deputetin Arjan Ndoja.”, tha ai.

Ai theksoi më tej se “aspiratat e demokratëve nuk mund t’i përfaqësojë më Sali Berisha. Ai do ta donte partinë e madhe, por për sa kohe që nuk e ka dot, ai flet me veten dhe thotë: edhe dy veta të kem këtu, i pari do jem unë. PD do të “vdesë” duke i shërbyer Sali Berishës. Ai trembet dhe tmerrohet se brenda asaj partie  ka njerëz që duan të zhvillohen, pavarësisht tij”, u shpreh Çupi./abcnews.al

Analisti Frrok Çupi, i ftuar në “News Line” në ABC News, dha një analizë të ashpër mbi situatën aktuale në Partinë Demokratike dhe rolin e saj në jetën politike të vendit.

Sipas Çupit, PD nuk po shfaq asnjë shenjë ndryshimi dhe vijon të mbetet e lidhur ngushtë me figurën e Sali Berishës, duke ruajtur një frymë antidemokratike.

Ai theksoi se partia e ka humbur misionin e saj politik, është rikthyer në praktika të vjetra dhe, në raport me institucionet e drejtësisë dhe zhvillimet kryesore të vendit, po shkakton më shumë dëme dhe trauma sesa zgjidhje, duke mos ofruar më asnjë perspektivë pozitive për të ardhmen e Shqipërisë.

“Nuk ka një hendek mes Dumanit dhe Brahos dhe kjo e ka trembur klientin Berisha. Ajo që dëgjova prej Brahos më krijoi impresionin se është një gjuhë shumë profesionale, por edhe e prerë, e kursyer dhe shumë e drejtpërdrejtë. Në raport me Berishën, ai shtoi diçka nga diskurset e Dumanit, shtoi diçka të re, Braho tha se krimin nuk e luftojmë dot vetëm. Lëshoi sinjalet e një bashkëpunimi me elementet e shoqërisë, inteligjencës dhe politikës.

Çfarë do të ndodhë?! Këtë nuk mund ta them. Berisha po shfaqet si një klient shumë i dashur i Gjykatës së Krimeve të rënda. Po përdoret një instrument jo europian, jo demokratik, siç është trupa speciale. Në pamjen time në PD nuk po ndodh asgjë, të gjithë kërkojnë që të ruajnë marrëdhëniet me Berishën. Për sa kohë që është Berisha ka një frymë antidemokratike. PD nuk ndryshon, e ka humbur misionin e saj. PD është kthyer në vitin 2017, kur i dogji të gjitha mandatet. Është e dyta herë që ligjin për ‘territoret’ e abandonin PD. Në raport me gjykatat dhe prokurorisë kemi një pamje të njohur. “21 Janarin” për përpiqen që ta çojnë jashtë kufijve, gjërat janë shumë të ngadalshme, ose të ndryshueshme.

Gjithmonë do të mungojë një avokat, një Sali dhe një gjykatës. Gjykata Speciale po luan keq me shtetin dhe me frymëmarrjen e këtij vendi. Po ndodh zvogëlimi i së keqes më së madhe, PD. Berisha, po e bën më të vogël dhe më të neveritshme. PD ka lindur e dështuar, ka lindur nga kundërshtari i vet i ashtuquajtur. PD nuk është themeluar nga Berisha, por nga Ramiz Alia. PD u kthye në dëm të vendit, është një parti që shkakton vetëm dëme dhe trauma. Nuk mund të pritet më asgjë nga PD, nuk mund të ketë më asgjë të mirë për vendin”, tha Frrok Çupi./abcnews.al

Gjykata Kushtetuese vendosi këtë të premte, 12 dhjetor, rikthimin në detyrë të zëvendëskryeministres Belinda Balluku. Duke komentuar vendimin në “Tirana Live” në ABC News, analisti Frrok Çupi u shpreh se ky ishte një moment vetëkorrigjimi për Gjykatën Kushtetuese, e cila sipas tij u përball me pasojat e veprimeve të veta dhe arriti në një pikë reflektimi të thellë.

Çupi e përshkroi sjelljen e institucionit si të tensionuar dhe të ngarkuar me rrezik për strukturat shtetërore, ndërsa theksoi se ankimimi i kryeministrit e vendosi gjykatën përballë provave të mëdha. Ai shtoi se Gjykata Kushtetuese duhet të distancohet nga ndikimet politike dhe të rikthejë funksionimin e saj në mënyrë të pavarur.

“Më vjen mirë që Gjykata Kushtetuese vendosi që të vetëkorrigjohet. Gjykata Kushtetuese si duket, duke bërë keq bëri një të mirë. Iu afrua pasqyrës duke parë veten se në çfarë kushte ishte dhe ishte në kushte katastrofike. Gjykata Kushtetuese bëri hapin e fundit. Në mënyrë të vetëdijshme, shkoi deri në fyerjen, copëtimin dhe në shkatërrimin e gjithë strukturës së shtetit.

Ky ishte shansi më i mirë, që pamë në kthimin e Gjykatës Kushtetuese në një afrimitet. Ajo që bëri ishte një provë me ne, luajti me nervat e një populli të tërë. Një institucion i pakontrollueshëm, doli vetë jashtë kontrollit. Ankimimi në seancë i kryeministrit ishte në vënë në pikëpyetje të mëdha, ishte vënë në prova. Gjykata Kushtetuese veproi në një temperaturë shumë të nxehtë. Gjykata Kushtetuese është një gjykatë shumë e dobët, e cila tentoi që të dëmtonte qeverinë, vetëm sa do e turpëronte kryeministrin. Gjykata Kushtetuese duhet që të dalë nga formula politike”, tha Frrok Çupi./abcnews.al

Nga Frrok Çupi

Dje, në 8 dhjetor, u bë prapë një dabëllhane e shëmtuar kushtuar ditës së Rinisë. Edhe legjislativi shqiptar ka votuar një ligj që e shpall ditën e 8 dhjetorit, për çdo vit, si ditë feste e pushimi. Duket sikur askush në këtë vend nuk pushon as për një kafe dhe duhej një sebep për të mos punuar.

Po çfarë është ndërtesa e Legjislativit tonë ku u shpall festa? Meqë ra fjala.

Në radhë të parë kjo është ndërtesa ku rinia e 8 dhjetorit fitoi dy beteja të mëdha. Beteja e parë, e ditës së pushimit.

Një betejë tjetër, para kësaj, regjistrohet sa herë ‘të bijtë’ e asaj rinie revolucionare vijnë me ura zjarri dhe duan ta djegin Parlamentin e qytetin.

Po vërtet, çfarë është gjithë kjo dabëllhane me rininë 1990?

Disa prej këtyre të rinjve mezi presin të mblidhen në 8 dhjetor, thuajse si në mbrëmjet e maturës. Disa prej tyre mungojnë, disa janë bërë gjyshër, disa kanë harruar çfarë ka ndodhur atë ditë dhe të tjerë ndihen në faj pse e bënë atë që bënë.

Këta ishin të gjithë banorë në qytetin e Studentëve, që i bie se ishin të gjithë të ardhur në Tiranë sa për shkollë e ktheu pas. Kjo ardhje periferike në ‘revolucionin e rinisë’ e bënte të nesërmen e vendit edhe më të shtrembër, të rrezikshme dhe fshatare. Revolucionet fshatare ia kanë bërë të zezën çdo vendi ku kanë ndodhur.

Po që ishin të gjithë ‘bij të Partisë’, sepse të gjithë kishin biografi të mirë mjaftueshëm sa për të studiuar në universitet. Me këtë rast këta po shkelnin mbi nderin që u kishte bërë partia (sipas logjikës së kohës). Por më e dhimbshme se po shkelnin mbi kujdesin dhe investimin e prindërve që i faleshin partisë pse u kishte marrë fëmijët në shkollë. Ata të shkretë mburreshin nëpër fshat se ishin ‘dikushi’.

Kur plasi bomba në Tiranë, në 8 dhjetor, një ditë pas- në datë 9 dhjetor- ja si sot, prindërit e tyre u mblodhën në qytetin e Studentëve dhe i kapën ‘për zhelesh’ fëmijët e tyre direkt për në shtëpi. Kap ça të gjesh!, se jo të gjithë u dolën përpara prindërve.

Ja kaq. Diktatura komuniste ra, sepse ra si kudo. Kur ra diktatura, studentët nuk ishin më në qarkullim. Forca të tmerrshme që prisnin zjarrin e rinisë, këta kapën urët e flakëve dhe dogjën vendin. E dogjën, e shëmtuan, e varfëruan, vranë njerëz më shumë se në Luftën e Dytë, vranë pa ligj, grabitën pasurinë e popullit, shëmtuan edhe fjalën ‘liri’. Në vend të socializmit u ngrit shoqëria e kaosit dhe e dhunës.

Prej 45 vjet nuk po dalim nga ajo baltë e nga ajo e shpifësirë që u krijua.

A e bënë vetë të rinjtë? Të rinjtë e revolucionit as e njohin njëri tjetrin; sot nuk mund të dëshmojnë për ata që u kapën në krime. Por më së shumti, të rinjtë e dhjetorit u terën si vesa e mëngjesit. Shumica, vetë nuk bënë asnjë krim.

Por a do të thotë kjo se nuk morën peshën e kryqit mbi vete?!

Disa prej tyre sot dalin para kamerave me kuptimin “Na shikoni, ne jemi heronjtë”. Këtë të drejtë e kanë vetëm një herë në vit. Shefi i tyre mafioz që e dhunoi vendin, ai nuk i do më. Bën me sy e bën me vetull sa mbaron festa: “Mu zhdukni tani!’.

Po vallë a prapë t’u thuash ‘të pafajshëm’, aq më keq ‘viktima’?!

Jo, ata janë kthyer në njerëz të turmës dhe turma është turbinë e së keqes. Nga rini- në turmë, kjo është fatkeqësi, sikur nuk shkon. Dakord, bosi i të keqes 35 vjeçare është dikush tjetër. Por këta i bëjnë fresk dhe i shkojnë pas atij ‘dushmanit’, siç e thërrasin në Vlorë. E bëjnë këtë si njerëz hiç, si koti, si ‘askush’. Por e liga e askush-it është po aq e keqe sa e liga e prijësit shkatërrimtar.

Atëherë çfarë duhet bërë?

Të paktën të bëhet një resume! Të bëhen pyetje, në radhë të parë secili pyetje vetes. Dhe në fund të ‘gjyqit’ të vendoset se ‘boll me kaq festat për atë vepër të tmerrshme ndaj vendit’. Ndryshe nuk shërohet koha.

Dhe, e dyta çfarë duhet bërë:

Ta lënë mënjanë kurorën e heroizmit dhe të kuptojnë turpin që ndodhi me ‘veprën‘ e tyre këto tre dekada. Ajo sjellje nuk i solli asgjë të mirë vendit. Të paktën t’i kursejnë njerëzit edhe nga dabëllhanet e festave.

Tridhjetë e pesë vite pas fillimit të pluralizmit, zërat e atyre që përjetuan nga afër ditët e para të ndryshimeve politike sjellin rrëfime të reja mbi pasiguritë dhe dilemat e asaj kohe. Publicisti Frrok Çupi rikthen kujtimet nga 20 shkurti 1991, momenti kur ra monumenti i diktatorit dhe kur, sipas tij, në kryesinë e Partisë Demokratike mbizotëronte frika dhe pasiguria.

Ai tregon se Sali Berisha, në ato orë tensioni, shprehu bindjen se “Partia Demokratike vdiq sonte” dhe kërkoi që të përgatitej një qëndrim zyrtar për t’i kërkuar ndjesë presidentit të asaj kohe. Çupi rrëfen se atmosfera në redaksi u trondit, ndërsa kërkonte shkrime kundër komunizmit, në një moment kur drejtuesit e PD-së, sipas tij, mendonin se duhej nisur një parti “më e butë”.

“Në momentin që unë po vija nga Qyteti Studenti nga greva në shesh, atje sapo ra monumenti. Shkoi ora 18:00, rënia e monumentit dhe nga ora 18:00 në ‘Rrugën e Kavajës’, Berisha bëhet i qetë, bëhet konstruktiv dhe thotë ‘shikoni të dashur, ne duhet që t’i kërkojmë ndjesë Presidentit për këtë që ndodhi dhe kjo që ndodhi, nuk duhet të ndodhte nga ne’. ‘Mesa duket Partia Demokratike, vdiq sonte, kush mbetet pas shkuar në burg, ndoshta takohemi dhe mblidhemi prap. Ti Frrok shko te Namiku dhe bëje gazetën gati për nesër si Zëri i Popullit, që t’i kërkojmë ndjesë Presidentit’. “Çfarë”, i thashë unë edhe ika. Në atë kohë ishte marrë vesh në redaksi se çfarë ishte thënë në parti dhe ishin shqetësuar. Mbledh gazetarët dhe u thashë që ‘keni gjë shkrime të forta në sirtar kundër komunizmit?’, ata u çuditën. Atë natë Partia Demokratike nga vetë kryesimi i saj është konsideruar e vdekur dhe duhet që të riniste një parti shumë më e butë”, tha Çupi./abcnews.al

Shqipëria përkujton 35-vjetorin e Lëvizjes Studentore të dhjetorit ‘90 që shënoi rënien e diktaturës komuniste.

Analisti Skënder Minxhozi, në emisionin “Real Story” në ABC News, hodhi dritë mbi tensionet dhe prapaskenat politike të fillimit të viteve ’90, duke rikthyer vëmendjen te roli i studentëve dhe krijimi i Partisë Demokratike.

Sipas tij, pakënaqësia brenda lëvizjes studentore u shndërrua shpejt në revoltë jo vetëm ndaj sistemit të atëhershëm, por edhe ndaj partisë së sapolindur, e cila siç shprehet ai nisi të “hollohej me ujë” dhe të braktiste idealizmin e parë për llogaritë politike të brendshme.

Minxhozi theksoi se PD madje doli kundër grevës së studentëve, me deklaratën e saj të publikuar në “Zërin e Popullit”, duke e cilësuar këtë moment si pikën ku nisi “ndarja e pisët” dhe rrëshqitja e partisë drejt kompromisit me Partinë e Punës.

“Unë vazhdoj që t’i shikoj ngjarjet nga prizmi i studentit. Mes studentëve filloi që të krijohej pakënaqësi për këtë parti të re, u krijua greva e studentëve, që ishte pa dyshim një revoltë ndaj sistemit, por edhe ndaj opozitës së re, sepse partia e re kishte filluar që të futej në pallatet e politikës edhe po hollohej me ujë. Po fillonin edhe lufta e brendshme, idealizmi zero. Filloi konflikti se kush do ishte në rreshtin e parë, të dytë, kush do e ndante tortën, kush do merrte thërrimet, ndërkohë që kjo pjesë e studentëve që u investua pastër dhe iku në shtëpi realisht nuk ndjehej mirë dhe kaq e vërtetë është saqë kur ka filluar greva e studentëve, Partia Demokratike është mbledhur dhe ka bërë një deklaratë kundër grevës së studentëve. PD nuk dilte ditën që është bërë deklarata dhe në urgjencë, sepse nuk kishte mjete të tjera informimi, deklarata e PD kundër grevës së studentëve, për të hequr emrin Enver Hoxha te universiteti është botuar te gazeta ‘Zëri i Popullit’. Unë mendoj se kjo është shumçka. Natyrisht që kjo është fillimi dhe ndarja e diçkaje të pisët dhe të papastër. Partia Demokratike kishte filluar që të luante ‘politikançe’. Të lunte pisët, të bënte kalkulime dhe të bënte negociata me Partinë e Punë. Ka edhe shenja të tjera. Për mendimin tim zgjedhjet e para pluraliste, ajo që pasoi me sindikatat, qeveria e unitetit kombëtar që u krijua. Pra ndarja e tortës së pushtetit, që vitin e parë të krijimit të Partisë Demokratike do të thotë që u kthye në parti pushteti pa bërë një vit akoma, sepse qeveria ‘bufi’ u krijua shumë më shpejt, se sa 12-vjetori i krijimit të PD-së”, tha Minxhozi./abcnews.al

Shqipëria përkujton 35-vjetorin e Lëvizjes Studentore të dhjetorit ‘90 që shënoi rënien e diktaturës komuniste.

Analisti Frrok Çupi thotë se Partia e Punës e nënvlerësoi lëvizjen studentore dhe një nga fatkeqësitë sipas tij, ishte se u konsiderua si lëvizje periferike.

Në emisionin “Real Story” në ABC News, Çupi u shpreh se kjo u përdor nga Sali Berisha.

Ndër të tjera, Çupi deklaroi se Ramiz Alia kishte propozuar mjekun nga Shkodra, Ilir Gjylbegu, por ky i fundit kishte thënë se duhet të zgjidhte Berishën.

“Ajo çfarë thotë Ramiz Alia, ka një të vërtetë. Edhe vetë Partia e Punës, e nënvlerësoi lëvizjen studentore, si një lëvizje tropojane. Një nga fatkeqësitë më të mëdha, që pati lëvizja studentore, pikërisht sepse e konsideruan si lëvizje rajonale, lëvizje periferike. Madje, kjo pastaj u zgjat më tej në vetë rininë e Tiranës, e rrallë ishte rini e Tiranës që e mbështeti atë lëvizje. Jam i sigurt që nuk ka qenë i studiuar më përpara, por e ka përdorur Berisha më vonë. E transferoi lëvizjen në periferi, sidomos në Has, Kukës, Has, periferi ku nuk bënin dot thelbin e një demokracie qytetare. Ky moment është i tillë. Ramiz Alia, përpara se t’i thoshte Saliut, ka pasur disa kandidatë të tjerë. Kjo lëvizje është shumë e rëndësishme. Por ka shumë momente banale. Një prej tyre, ka qenë një mjek nga Shkodra, që ishte shok i Ramizit, Ilir Gjylbegu, i tha je njeri i mirë. Por mirë i tha, shoku Ramiz mua më njeh, dua ta pi një gotë raki se donte patjetër të shpëtonte. Ai nuk rron më tani. I shpëtoi duarsh. Mjek për mjek që më ke zgjedhur mua, ke Berishën, nga Tropoja e ke, atje tropojanët janë studentë. Kjo është fatkeqësia, vërtet. Këtë vulë i vu, kjo i përshtatej jashtëzakonisht shumë Berishës. Ai nuk donte qytetari. Një ditë në Qytetin Studenti, lëre punën. Kam teserën e partisë pa e dorëzuar akoma, nuk punoj dot me këtë. Ishte Gramozi, Genci, Leka. I kam thënë, unë që nesër e lë punën nëse bëj dot gjë për PD. Këtë gjë nuk dua të ta dëgjoj, si mik po ta them. Ne nuk jetojmë dot pa këta dhe këta nuk jetojnë dot pa ne. Ke të drejtë tha. Dua të them, e gjithë fatkeqësia e asaj lëvizjeje, nisi me përçarje, me dëbimin e pjesës qytetare të rinisë.”, theksoi ai./abcnews.al

TIRANË- Analisti Frrok Çupi, i ftuar në emisionin “Real Story” u shpreh se i ka ardhur koha që reforma në drejtësi duhet riparë. Ai theksoi se drejtësia ka mohuar vetveten në shumë raste te pjesa e procedurës.

“ Kongresmeni amerikan thotë se ka ardhur koha për korrigjim. Është hera e parë që thuhet për reformën në drejtësie. Po patjetër. Mendoj se ka ardhur koha patjetër në disa drejtime. Ka ardhur, sepse u pa se çfarë ndodhi, e dyta ka ardhur se është maturuar mjaftueshëm si e mira dhe si e keqja.

E treta ka ardhur momenti që askush nuk thotë mos e preknin drejtësinë, sepse organet e drejtësisë kanë prekur veten edhe kanë mohuar vetveten në shumë elementet të vet. Në radhë të parë kanë mohuar vetveten në procedurë dhe i qëndrojnë idolit të ligjit, por procedura në fund çedon”, tha ai.

Sipas tij, reforma në drejtësi ka qenë një eksperiment, i cili e ka rënduar kombin shqiptar dhe shoqërinë në tërësi.

Ai shtoi se, në vend që numri i dosjeve të ishin në ulje, ato janë shumëfishuar.

“Duhet ndryshuar në radhë të parë që nga themeli, ku ishte si eksperiment dhe ne duhet ta marrim si eksperiment. Ne nuk e kemi vënë re, por eksperimenti me drejtësinë  re ne na ka rënduar si komb, si shtet, si njerëz, sepse prokuroria dhe gjykata speciale ndërtohet në shoqëritë e vendeve të treta.

Është defekti i madh, por ama vinim nga një drejtësi krejt e shpartalluar. Nga 2016 deri sot janë 20 fishuar numri i dosjeve. Është alarmant, është katastrofë.

Duhet ndryshuar ligji, pastaj duhet ndryshuar ligjit duhet ndryshuar Kushtetuta. Kur drejtësia, kur gjykata sillet në mënyrë barbare me interesat publike, çfarë mund të bëjë me individin”, tha ai./abcnews.al

TIRANË- Partia Demokratike vijon tkurrjen dhe këtë fakt e dëshmon qartësisht pjesëmarrja e papërfillshme e demokratëve në “Foltoren” e Sali Berishës.

Analisti Frrok Çupi, i ftuar në “Tirana Live”, theksoi se Partia Demokratike u krijua si parti antikomuniste, por absurdi qëndronte tek pjesa, që në krye të saj ishte caktuar një komunist.

Sipas tij, Partia Demokratike që nga krijimi i saj ka fituar vetëm një palë zgjedhje në vitin 1992.

Ai komentoi dhe lëvizjet e brendshme në PD, ndërsa tha se problemi kryesor i kësaj partie është se nga skena ka nxjerrë të njëjtët aktorë pa prodhuar asgjë të re për publikun.

“Ka fituar një rekord, rekordin që ishte partia antikomuniste me komunistin në kryer. Ka fituar një palë zgjedhje në 1992, menjë numër deputetësh të konsiderueshëm, dhe nuk ka fituar asnjë palë zgjedhje, Dhe rri në jetë për 30 e ca vjet pa fituar.

Janë të lëkundura pozitat e tij, janë të pangjallshme, janë të pabëshme, sepse nuk bëhet më. Demokratët janë të etur për të patur një lëvizje. A mund të jetë ky Salianji apo një tjetër? Në PD dalin dhe vijnë në skenë të njëjtët aktorë. Nuk mund të them se është e fshehtë, nuk mund të them se është në marrëveshje, Berisha s’ka energji për marrëveshje, sepse ai ka shkuar në fund”, tha ai.

Gjatë diskutimit në studio, Çupi u shpreh se Partia Demokratike është në gjendje klinike, të cilës i ka perënduar koha.

“PD sidomos në protesta është në gjendje klinike dhe doktori është mësuar që të gjithë pacientët t’i vinin rrotull dhe tani doktorit nuk i vijnë as pacientët. Doktori është i detyruar të shkojë dhomë për dhomë që  ti takojë pacientët e tij dhe përpiqet t’i ngjallë, por kjo është e vështirë.

PD ka humbur realitetin. Ajo është në një kohë të humbur. Tjetër astronomi ka PD, tjetër astronomi ka vendi.

Koha e vet ishte parulla antikomuniste dhe në 30 vjet nuk e mundi dot komunizmin. PD e ka mbyllur ciklin dhe është jashtë realitetit. Që në fillim nuk ka qenë demokratike. Forcat e PD ishin punëtorët dhe studentët, por edhe ato i humbi”, tha ai./abcnews.al

TIRANË- Analisti Frrok Çupi shprehet se segmente të caktuara brenda radhëve të drejtësisë shqiptare po tentojnë të sabotojnë integrimin e Shqipërisë në Bashkimin Evropian.

Duke folur për “Foltoren” e PD, e cila sërish konfirmoi pjesëmarrjen e papërfillshme të njerëzve, Çupi theksoi se kjo parti tenton t’u japë shpresë grupimeve brenda radhëve të drejtësisë, që mund të mbajnë shpresë tek ajo.

Ai theksoi në “Tirana Live” se Partia Demokratike është inekzistente dhe kjo dëshmohet me pjesëmarrjen e njerëzve në bulevard.

“Segmente të drejtësisë po sabotojnë integrimin. Kjo lloj opozite nuk është dobi për vendin, por krijon amulli dhe jep shpresa dhe grupimeve të drejtësisë që e kemi shpresën te një gjë e pajetë, te një gjë e vdekur. PD ka anëtarë dhe me vlera padyshim, por që janë të rrallë dhe janë të strukur dhe nuk ua dëgjon njeri fjalën.

Ajo është në situatën e saj inekzistente. Nuk ia vlen të investohesh për të folur për këtë parti. PD e ka mbyllur jetën e vet dhe nuk mund të ringjallet më, me këto metoda dhe me këtë njerëz  nuk mund ta ngjallësh. Partia nuk bëhet në bulevard, partia bëhet në popull.”, tha ai./abcnews.al

TIRANË- Një ditë para vendimit të Gjykatës Kushtetuese pas padisë së kryeministrit kundër pezullimit të numrit dy të qeverisë, Edi Rama thotë se ky pezullim ishte një përpjekje e Gjykatës së Posaçme për të ndikuar në bllokimin e disa vendimeve të qeverisë.

Këtë të hënë, kryeministri i bëri thirrje Gjykatës Kushtetuese të rikthejë balancën e pushteteve në vend, të cenuar nga ky vendim.

Analisti Frrok Çupi, i ftuar në “Tirana Live” shprehet se vendimi  i SPAK dhe i GJKKO-së për pezullimin e numrit dy të qeverisë Belinda Balluku është një precedent i rrezikshëm për demokracinë shqiptare.

Vendimin i drejtësisë thotë Çupi është një ndërhyrje direkte në kompetencat e pushtetit ekzekutiv. Sipas tij, akti i drejtësisë për pezullimin e një anëtari të kabinetit qeveritar është një “grusht shtetit”, i cili mund të krijojë pasoja të mundshme për shoqërinë.

“Ka ndodhur një përplasje e pushteteve. Nuk ka ndodhur përplasja përfundimtare, e cila do shikohet në Gjykata Kushtetuese, por ama është hapur rruga për një precedent të rrezikshëm. Nuk është fjala pse pezullohet një zv.kryeministër, por drejtësia ka shkarkuar të gjithë qeverinë. Nuk ka ndodhur asnjëherë në vendin tonë, se po të ndodhin këto, atëherë shteti goditet, por jo vetëm goditet, por edhe fillon kaosi.Drejtësia po godet pushtetin ekzekutiv. E përsëritur disa herë, që nga rënia e dëshmorëve në Shkodër. Mazhoranca kur ndërtoi reformën në drejtësi, pa dashje krijoi një mostër, e cila tani po e ha. Drejtësia sot është një nga ata elementë që mund të hajë këdo dhe s’ka kush ta pengojë. Drejtësia është lënë pa ombrellë. Një drejtësi e pavarur nuk duhet të tejkalojë kompetencat e saj. Drejtësia e ka nisur punën duke goditur mbi pushtetet tjetra. Është një grusht shteti, por deri ku do të arrijë drejtësia”, tha ai.

I pyetur se çfarë pret nesër nga Gjykata Kushtetuese, Frrok Çupi theksoi se Gjykata nuk duhet kurrsesi të lejojë hapjen e një shtegu të ri siç pretendon SPAK dhe GJKKO, që në Shqipëri të krijohet një precedent të rrezikshëm, i cili do të ketë pasoja për stabilitetin shoqëror.

“Pres nga Gjykata Kushtetuese një nulitet të paktën nesër, kjo mund të jetë shumë subjektive. Pres një shtyrje vendimi deri sa të marrë një shkelje syri nga Strasburgu. Jam i sigurt që Gjykata Evropiane e të Drejtave të Njeriut do ketë seriozitetin e duhur për ta zgjidhur këtë situatë. Po u bë precedentë kjo nën hundën e GJND, mund të bëhet precedent edhe për vendet e rajonit, vende që kanë demokraci të re.”, tha ai./abcnews.al

Debati mbi funksionimin e drejtësisë dhe rolin e politikës në institucionet e reja ka qenë në qendër të emisionit “Real Story” në ABC News, ku analistët dhe juristët dhanë qëndrime të ndryshme mbi perceptimin e selektivitetit dhe presionit politik ndaj sistemit.

Analisti Frrok Çupi ngriti akuza për drejtësi selektive dhe ndikime politike mbi prokurorë e gjyqtarë, ndërsa Roland Lami theksoi se nuk duhet ekzagjeruar ideja se opozita kontrollon drejtësinë, por pranoi se SPAK është e stepur që të hetojë Berishën.

Avokati Idajet Beqiri, nga ana tjetër, e lidhi problemin e korrupsionit në drejtësi me qeverisjet e kaluara. Në studio u krijua kështu një panoramë debatesh mbi besueshmërinë, pavarësinë dhe sfidat e sistemit të drejtësisë në vend.

Frrok Çupi: Janë duke praktikuar drejtësi selektive. Po selektohen krahë politikë. Nuk ka drejtës të re, drejtësia është drejtësi. Përveç kësaj këta janë prokurorë dhe gjykatës që janë shumë të vjetër, që kanë mëkatuar, që janë lidhur. Vijnë nga vërtetimi i pasurive dhe vettingu që nuk funksionoi. Selektojnë krahët dhe forcat, kush është më i fuqishme dhe më kriminali. Publiku e shikon që këta i ka kapur Sali Berisha. Është fjala për çdo të fortë, që ka para, që u shtinë tmerrin, që janë të fortë. Shumica prej tyre nuk ka dukuri të përgjithshme. Selektimi i fundit vjen tek fakti që ata selektojnë nëpër paragrafë, janë aq të paditur sa interpretojnë vetëm një paragraf dhe harrojnë Kushtetutën.

Roland Lami: Unë mendoj që nuk duhet të ngjatojmë pushtetin me stepjen. Të themi që opozita kontrollon SPAK-un, është një ekzagjerim. Të mos themi që opozita kontrollon drejtësinë, se është e tepërt, nuk ka aq fuqi. SPAK krah Berishës është i stepur. Të mos i japim forcë politikës që kontrollon SPAK-un.

Idajet Beqiri: Prokurorëve rrugën e korrupsionit ua hapi rrugën qeverisja e Berishës./abcnews.al

Sali Berisha riktheu këtë të hënë, më 24 nëntor 2025, mbështetësit e tij në një tjetër tubim para zyrës së Kryeministrit Edi Rama, në vijim të thirrjeve të tij për largimin e qeverisë.

Analisti Frrok Çupi, i ftuar në emisionin “Tirana Live” në ABC News, e cilësoi këtë seri protestash si një “rit të konsoliduar” të Partisë Demokratike nën drejtimin e Berishës, duke argumentuar se veprimet e saj synojnë më shumë presion ndaj drejtësisë sesa objektivat e deklaruara politike.

Sipas tij, PD ka funksionuar prej kohësh në funksion të interesave të ngushta politike dhe përballjes me çështjet e hapura gjyqësore, përfshirë 21 Janarin dhe Gërdecin.

“Kjo është kthyer tashmë në një rit të partisë së Berishës. Është një gjë që në thelb ka një filozofi shumë të thjeshtë, të bëjmë se s’kemi ç’bëjmë. Është një parti që ka dalë nga funksioni i saj dhe kërkon që të krijojë vetëm trazira. Këto veprime zhvillohen për një gjë tjetër jo për atë që thuhet. Tjetër gjë është dhe tjetër funksion ka.

PD flet në parlament më shumë se gjysma e mazhorancës, ka 95% të mediave. E gjithë protesta bëhet në favor të interesave të PD, frikën për ’21 Janarin’. Është një sjellje politike e PD qysh herët. Berisha ka hedhur firma për familjen e vet dhe kullat e dhëndrit. PD ka bërë gjatë gjithë kohës një veprim në funksion të një tjetri. E gjithë kjo që ndodh nuk mund të ketë asnjë funksion, vetëm për t’i bërë presion drejtësisë, për të mos gjykuar ’21 Janarin, ‘Gërdecin’.

PD ka pasur kompleksin e Saliut. Berisha nuk ka lënë PD që të manifestojë kualitetet e veta. PD është një parti pa kualitet. Jo në të gjitha kohët, ata zgjojnë shpresa te njerëzit e krimit saqë mund të zgjohen. Aktet që Berisha po përgjigjet përpara drejtësisë janë akte me interes publik”, tha analisti./abcnews.al

Analisti Frrok Çupi tha në “Ora e Fundit” në ABC News se mes Sali Berishës dhe SPAK po zhvillohet një “lojë e rëndë” që, sipas tij, nuk po prodhon rezultate konkrete në drejtësi. Ai u shpreh se ish-kryeministri ka ndjerë frikë për çështjen e “21 Janarit”. Por, sipas tij është krijuar përshtypja se Berisha ka marrë garanci se hetimet do të mbeten sipërfaqësore.

Çupi akuzoi se krimet e supozuara të Berishës po mbeten të pandëshkuara për shkak të një “ombrelle mbrojtëse”, ndërsa kritikoi edhe mungesën e vullnetit institucional për të çuar përpara hetimet mbi ngjarjet e rënda politike.

“SPAK dhe Berisha po luajnë batica dhe zbatica, por nuk japin produkt. Nuk po japim asnjë ndryshim. Krimet e Berishës po mbeten të pandëshkuar. Kjo është ombrella që mbron krimin Berisha. Berisha ka ngjashmëri me ish-presidentin Brazilian, të dy janë të akuzuar për krime, kanë organizuar grusht shteti dhe të dy kanë mbledhur militantë poshtë dritares.

Të dy ëndërrojnë se i dashuron Berisha. Berisha i ka krimet sheshit. Populli shqiptar nuk ka se nga ta marrë drejtësinë, sepse nuk ka institucione. Berisha kërkon që të shurdhojë Gjykatën Kushtetuese, që t’i bëjë zhurmë në kohën që po shqyrton ankimin e qeverisë për zëvendës kryeministren. Kërkon të rrëzojë mazhorancën me taktika jashtëligjore. Nga ana tjetër duket se ka një kordinancë me SPAK. Është punë kaçakësh. Berisha në një farë mënyre e ka ndjerë frikën për “21 Janarin”.

Kam përshtypjen që ka marrë garanci nga SPAK, se do të jetë vetëm një trokitje. Po luhet një lojë shumë e rëndë në SPAK. Ky SPAK nuk ka dashur kurrë dhe nuk do që ta hetojë çështjen e ’21 Janarit’. Reforma në drejtësi nuk preu kanalet e furnizimit me para të Berishës ndaj drejtësisë”, tha Frrok Çupi./abcnews.al

Analisti Frrok Çupi i ftuar në “Tirana Live” në ABC News komentoi hetimet për tunelin e Llogarasë dhe vendimin e GJKKO për dy masat e sigurisë ndaj zëvendëskryeministres Belinda Ballukut.

Çupi tha se vendimi i GJKKO mund të rrezohet nesër sepse për fat të mirë, sipas tij, ekzistojnë nivele të tjera të sistemit të drejtësisë. Gjatë fjalës së tij Çupi theksoi se me këtë vendim po rrezikohen destabiliteti i vendit.

Më tej ai foli dhe për dy pole brenda sistemit të drejtësisë. Duke marrë shkas nga hetimet e fundit të “21 Janarit”, Çupi tha se “krimi shtetëror i Berishës” po hetohet krejt ndryshe nga sa duhet, nga ana tjetër kemi hetimet për tunelin e Llogarësë, që  sipas tij është një akt pa dëme materiale.

“Çfarë ka në drejtësi, ka gladiatorë? Nëse njëra palë godet një krim, tjetra do të falsifikojë një krim. Sapo Berisha u paraqit në SPAK për vrasjen më të madhe të shekullit, dy ditë më vonë tha do ju godasim zëvendëskryeministren. Unë shikoj një akt pa dëm ekonomik. Po godasin mbi stabilitetin e vendit, nesër mund të pezullojnë kryeministrin. Jemi para një rreziku të madh, përpara një zemërimi shtetëror. Do të ndodhë siç ndodhi në Rumani.

T’i prishësh stabilitetin njeriut, kjo nuk është drejtësi. Nëse kërkojnë të prishin këtë gjendje, njerëzit do të shkojnë në gjendjen e para 20 viteve. E drejta nuk jepet dhe nuk merret në grup. Kanë goditur qeverinë, mazhorancës, të drejtën e votës, kanë goditur qeverinë në grup. Nuk mund të godasësh një qeveri, kreun e një shteti. Shikojnë një ndarje te drejtësi, shikoj dy ushtri.

Vendimi për Ballukun mund të rrëzohet nesër, sepse për fat të mirë ka disa shkallë gjykate. Problemi është që ka dy palë që njëra është më e fortë se tjetra. Njëra palë mbron krimin, pala tjetër ndodhet në një kusht tjetër. Nëse vazhdon kështu, ndodhemi në një kolaps qeverie”, tha Frrok Çupi.