Duke marrë si referencë rezultatin elektoral të zgjedhjeve të 1997, ku PD humbi, ndërkohë në referendumin e bërë paralelisht për formën e regjimit, pro monarkisë ishin më shumë se 37-38 % e shqiptarëve. Analisti Çupi u shpreh se Ahmet Zogu po shkonte te 50 % dhe askush nuk bënte pyetjen pse.

“Ne jemi dëshmitarë të asaj gjëje se gjithë politika u trondit shumë, ishte një përqindje e frikshme. Njerëzit nuk e dinin çfarë po bënin, dhe kjo ishte e para për arsye të një emri. Leka Zogu bëri një fushatë shumë të mirë. Dhe kam përshtypjen se ky 16% është e njëjta lëvizje. Në momentin e dëshpërimit politik, në atë kohë ata kërkuar një ‘perëndi të vdekur’ dhe gjetën Zogun, e njëjta gjë ndodh edhe sot. Zogu vijon të jetë influencues për arsye të politikave që këtu kanë zënë vend dhe nuk harrohen, kujdesi për shtetin, lidhjet me Perëndimin, bankat, ushtria”, u shpreh Çupi.

Por analisti Bejko, shprehet se në 1997 gjyshërit tanë ishin gjallë, dhe ata e kanë jetuar kohën e Ahmet Zogut.

“Në atë periudhë gjyshërit tanë ishin gjallë, në kohën e Zogut ata kanë qenë o fëmijë o adoleshentë. Dhe ata e kanë përjetuar situatën e Zogut. Gjatë kohës së Enver Hoxhës ishin të frustruar nuk guxonin të flisnin dhe të thonin të vërtetën. Kjo ishte njëra anë, ata flisnin përgjithësisht pozitivisht për kohën e Zogut, sepse ka patur drejtësi, ka patur rend Shqipëria ishte me një dimension tjetër. Elementi i dytë, që ndikoi në 1997, mendoj ishte fakti që u cenua realiteti i shtetit shqiptar dhe për këtë arsye, edhe për faktin tjetër se me Republikën nuk ishin mësuar dhe në kujtesën e tyre u thirr monarkia dhe në Lazarat fitoi Zogu. Dhe kjo thirri atë ndërgjegje kombëtare,” u shpreh Bejko

Për studiuesin Ndoj, Zogu ka qenë një nga përfaqësuesit me të mira  e të metat e tij si burrë shteti

“Zogu ka arritjet më të mëdha në proceset e shtet ndërtimit shqiptar. Por ka të bëjë edhe me orientimin perëndimor, disa gjeste shumë të forta të Zogut. Duke shfrytëzuar edhe martesën e tij me një bijë fisnike, hungareze ishte një gjest shumë i madh i tij, që tregonte edhe vizionin e tij se Shqipëria është Perëndim. Ndërsa sa i përket fushatës antizogiste në 45 vjet komunizëm, e ka lëshuar në zero mbështetjen, por shqiptarët nuk pengohen për të mësuar të vërtetën. Zogu ka qenë një nga përfaqësuesit me të mira  e të metat e tij si burrë shteti. Ka patur kundër personalitetet më të mëdha të vendit,” tha ai./abcnews.al

TIRANË- Analisti i njohur Roland Bejko, i ftuar në “Ora e Fundit” në ABC News u shpreh se baza e Partisë Demokratike e ka nxjerrë pothuajse “non grata” Sali Berishën.

Ai theksoi se Berisha presionet për Ervin Salianjin i bën për të përçuar mesazhet se ai është vetë partia dhe askush nuk mund të dalë jashtë kësaj kornize.

“Baza e ka nxjerrë gati “non grata” Berishën, pasi ndihet e gënjyer, për të mos thënë e tradhtuar. Berisha nuk e mori një vendi të përjashtimit, pavarësisht se e paralajmëroi, por nuk i paraqiti asnjë provë dhe asnjë fakt për takimin në Elbasan, me pretendimin se takimin ia ka organizuar Suel Çela. PD e konsideron pronë, luftën e bëri për ta hipotekuar atë”, tha ai.

Ai u shpreh se Sali Berisha është një politikan autokrat pasi prej 35 vitesh vijon të mbajë “peng” Partinë Demokratike.

Sipas tij, Berishës i mungon qartësia politike, sepse vetë PD nuk ka struktura dhe as bazë organizative.

“Berisha është autokratik sepse nuk mund të rrijë politikani 35 vjet në krye të partisë.  Berisha e ka partinë e shkalafitur.

I mungon qartësia. Berisha është i paqartë, sepse pushtetin e shikon të largët, sepse siç e thotë edhe vetë, pushtetin nuk ia marrim dot Ramës.

Nuk ka struktura bazike dhe kjo i ka dhënë pasigurinë e pjesëmarrjes. Janë larguar për shkak të zhgënjimit.”, u shpreh ai/abcnews.al

Analisti Roland Bejko, i ftuar në emisionin “Real Story” në ABC News, komentoi rreth lëvizjeve të deputetit Salianji brenda Partisë Demokratike. Bejko theksoi se Salianji po përpiqet të kuptojë realisht perceptimin e bazës së partisë dhe, mbi këtë bazë, të ndërtojë rrjetin e tij brenda strukturave partiake.

Analisti nënvizoi se përjashtimi i Salianjit nga Kryesia nuk ka bazë statutore, pasi statuti nuk e ndalon një anëtar të Kryesisë të organizojë mbledhje, ndërsa thekson se kryetari i partisë duhet të japë dorëheqjen në rast të humbjes së zgjedhjeve.

Bejko shtoi se të dhënat që Salianji mbledh nga baza mund të shfrytëzohen në mënyrë direkte në vendimmarrjet e Kryesisë së Partisë Demokratike.

“Salianji është futur për të kuptuar realisht se si e percepton baza, dhe në bazë të kësaj kërkon që të ndërtojë bazën e tij. Nëse Berisha përjashton Salianjin apo këdo tjetër. Përjashtimi i Salianjit nuk ka baza statuore.

Është në gabim, sepse statuti nuk e ndalon anëtarin e Kryesisë që të bëjë mbledhje. Ama statuti thotë që kryetari i çdo parti duhet të japë dorëheqjen kur humb zgjedhjet. Salianji të gjitha të dhënat që do mbledhë në bazë, di i çojë në Kryesinë e Partinë Demokratike”, tha Bejko.

Analisti Roland Bejko thotë se lëvizja e dhjetorit të vitit 1990 tradhtoi idealet për të cilat u krijua.

Në emisionin “Zëri i Shqiptarëve” në ABC News, Bejko u shpreh se shqiptarët kishin pritshmëri nga PD.

“Ne na u tradhtuan idealet. Sot, 35 vjet më vonë, themi jo. Qytetarët shqiptarë kishin disa pritshmëri nga PD. E drejta e pronës. PD u krijua si parti e qendrës së djathtë, nuk e zgjidhi, e ngatërroi më shumë. Është rishikimi i historisë. Shqipëria ka pasur nevojë për dekomunistizim. Nga PD u prit krijimi i kohezionit social. Ishte çështja e tregut. Ne nuk kemi treg fare. Shqiptarët prisnin shtet të së drejtës.”, theksoi ai./abcnews.al

Në një intervistë për “Tirana Live” në ABC News, ish-studenti i dhjetorit Roland Bejko tha se Shqipëria ndodhet sot më pranë Evropës, por rruga drejt integrimit mbetet e vështirë.

Ai u ndal te situata politike brenda Partisë Demokratike, për të cilën u shpreh se nuk e kishte imagjinuar kurrë të mbërrinte në këtë pikë, duke e parë “të zhveshur nga strukturat” dhe të marrë peng. Bejko theksoi se, ndonëse ish-studentët e dhjetorit rrëzuan monumentin e Enver Hoxhës dhe regjimin komunist, në politikë ende mbeten mite të pashkëputura, si Sali Berisha në PD dhe Edi Rama në PS.

Ai paralajmëroi se mungesa e rotacionit të elitave në PD e ka çuar partinë në një situatë dramatike, duke krahasuar rolin aktual të Berishës me atë të Ramiz Alisë në fundin e regjimit.

“Shqipëria sot më parë Evropës. Rruga drejt integrimit, jo e lehtë. Nuk besoj se PD do të mbërrinte në këtë fazë të saj, për herë të parë PD e shikoj pas struktura dhe të marrë peng. Sot do kapem me ish-studentët e dhjetorit. Kemi rrëzuar monumentin e Enver Hoxha, regjimin komunist, por nuk kemi rrëzuar mitet në PD, Sali Berishën dhe në PS Edi Ramën.

PD mund të mos ishte fare. Kjo e bën dramatike situatën, sepse nëse do të kishte ndërrime të elitave, do të ishte shumë më ndryshe. PS ka bërë disa ndryshime elitash, ka ndodhur një rotacion elitash, në PD nuk ka ndodhur një ndryshim elitash. Sali Berishën e shikoj sot në vendin e Ramiz Alias”, tha Roland Bejko.

Analisti Roland Bejko komentoi në “Ora e Fundit” në ABC News tensionet brenda Partisë Demokratike, duke krahasuar qëndrimet e Sali Berishës dhe Ervin Salianjit.

Sipas Bejkos, Salianji promovon hapjen dhe reformimin e partisë, duke fituar mbështetje tek gratë, të rinjtë dhe intelektualët, ndërsa Berisha refuzon të pranojë humbjen dhe ka vështirësi në menaxhimin e figurave që po rriten brenda PD. Analisti theksoi se statuti i partisë pranon diversitetin dhe Berisha nuk mund ta injorojë këtë realitet.

“Ndryshe nga Berisha, që e përjashton humbjen për shkak të mosfunksionimit të partisë, Salianji ka një qëndrim ndryshe. Një gjë tjetër që tha Salianji, është që të pranojmë të vërtetat. Mirëpo Berisha nuk pranon që të shikojë personat që kanë fituar.

Qasja e Salianjit, ishte hapja e PD, lëvizjet e tij kërkojnë një reformim të partisë. Lëvizje të tilla kompleksojnë Berishën. Berisha ka thënë që ne nuk e mundim me votë e Edi Rama, që ka çuditur edhe qytetarët në foltoret e tij. Salianjin e mbështesin në shumicë gratë, të rinjtë dhe intelektualët, Berisha nuk ka mbështetje të të rinjve sepse u ka zënë vend të rinjve.

Berisha në PD edhe në ditët më të keqe ka mbështetësit e vet. Berisha nuk duhet të lëshojë fare sinjale ulëritëse për të përjashtuar, sepse nuk është në të tilla kushte. Berisha është i dënuar të pranojë divesitetin që ka statut dhe statuti nuk i përjashton, i pranon”, tha Bejko./abcnews.al

Analisti politik Roland Bejko  i ftuar në “Ora e Fundit” në ABC News komentoi lëvizjet e fundit brenda Partisë Demokratike, duke u ndalur te vizita e mjekut dhe deputetit Ilir Alimehmeti në zyrën e Sali Berishës. Sipas Bejkos, pas këtij takimi fshihen dy arsye kryesore: frika për karrierën politike që sapo ka nisur dhe bindja se e ardhmja e Alimehmetit në PD varet ende nga Berisha.

Ai theksoi se kreu i opozitës po shfaq shqetësim nga zërat kritikë në parti, përfshirë Alimehmetin dhe Salianjin, ndërsa akuzoi Berishën se flet për statut, por e ka shkelur vetë atë duke mos u tërhequr pas humbjes së zgjedhjeve dhe duke penguar rritjen e figurave të reja në PD.

“Duhet të ketë disa arsye që Alimehmeti ka shkuar në zyrën e Berishës. Ka kuptuar që nuk mund të ketë lëvizje si Berisha. E para është çështja e frikës, sepse sa e ka nisur karrierën dhe është një nga njerëzit më të votuar. E dyta që Alimehmeti ka shkuar te Berisha është fakti që pa Berishën nuk mund të jetë të ardhme politike për të. Mendoj që këto kanë qenë dy arsyet. Berisha është ai që të prët karrierën, flet për statutin, por kurrë nuk e respektoi atë.

Statuti nuk ndalon një anëtar të Kryesisë që të takojë qytetarët. Berisha flet për statut, por e ka shkelur vetë atë, sepse pas humbjes së zgjedhjeve duhej që të largohej. Berisha është shqetësuar jo vetëm nga fjalimet e politikanëve, Salianjit dhe Alimehmetit në Durrës, por edhe të qytetarëve, sepse u thanë të gjitha dështimet e Berishës.

U premtua që do ketë demokraci dhe meritokraci në fitore, nuk ka, u premtua që do të fitonin zgjedhjet dhe nuk i fituan. Berisha është frikësuar, sepse është mësuar që të mos ketë kundërshtarë. Duke qenë se Berisha e ka mbyllur partinë dhe e kontrollon PD-në, kjo i duket si rrezik. Berisha nuk pranon që të ketë figura që rriten në PD”, tha Bejko./abcnews.al

Analisti Roland Bejko në “Shqipëria Vendos Lokale ‘25”, u shpreh se partitë e reja treguan se ishin instrumente të politikës së vjetër.

Sipas tij nuk kanë arritur të krijojnë besim tek qytetari duke shtuar se në këto zgjedhje mund të ishin një frymëzim, por u bënë pjesë e “moçalit politik.”

“Vlora është e inatosur e revoltuar edhe me qeverinë edhe me opozitën. Edi Ramës ia ka dhënë votat me shumicë. Por nuk ja ka borxh që t’i heqë kryetarët e Bashkisë. Për më tepër që kompetencat ia ka marrë pushteti qendror. Ndërsa Partitë e vogla kishin rastin që të ishin sfidues. Por në qytetet e mëdha kishte shumë elektorat gri dhe ky lloj elektorati e do të pavarurin, por jo atë që është gjasme i pavarur. Qytetarët janë gënjyer sot nga të gjitha palët. E rithem se Edi Rama nuk i angazhoi patronazhistët…Por opozita sërish nuk frymëzoi. Partitë që dolën të ashtëquajtura të reja ishin instrumente të politikës së vjetër…”, tha Bejko.

/abcnews.al/

Analisti Roland Bejko në emisionin “Zëri i Shqiptarëve”, në ABC News analizoi përgjigjen e sondazhit për pyetjen “Pavarësisht se kë doni që të fitojë, kush mendoni se fiton në pesë bashkitë më 9 nëntor?”

79.5 % iu përgjigjën se fitues janë kandidatët socialistë, ndërsa 20.5% e tyre kandidatët opozitarë.

Sipas analistit Bejko kjo tregon sipas tij opozita në perceptimin e publikut është moralisht më e korruptuar.

“Ajo që më çudit është fakti që sa më shumë qeveria ka skandale, aq më shumë zvogëlohet opozita, paradoksalisht. Pra opozita në perceptimin e publikut është më e korruptuar moralisht. Në këto kushte zgjidhet midis dy të këqijave…”, u shpreh ai.

/abcnews.al/

Në “Ora e Fundit” në ABC News, politologu Roland Bejko dhe analisti Edmond Petraj komentuan lajmin e trishtë për ndarjen nga jeta të ish-kryeministrit dhe liderit historik të Partisë Socialiste, Fatos Nano.

Ata vlerësuan kontributin e tij në politikën shqiptare, duke theksuar rolin e Nanos në konsolidimin e demokracisë brenda Partisë Socialiste dhe në jetën politike të vendit.

Sipas Roland Bejkos, Nano ishte një figurë me kontraste, por mbi të gjitha një demokrat i vërtetë që pranoi rotacionin politik dhe votoi për reforma të thella në parti, ndryshe nga rivali i tij politik, Sali Berisha.

Roland Bejko: Ka një kontribut shumë të madh në historinë politike shqiptare. Te Fatos Nano është një politikan që gjen shumë elemente të mira. Gjen një kontrast shumë të fortë. Një nga gjërat pozitive që e pranojnë të gjithë është që brenda Nanos ishte një demokrat i vërtetë të PS. Pranoi rotacionin politik, futi demokracinë, dhe solli një reformë. Kontrasti me Berishën është se pranoi votën në parti. Berisha nuk e ka bërë dot këtë brenda partisë së tij. Brenda PD-së nuk ka votë të lirë dhe të ndershme.

Ndërsa Edmond Petraj e cilësoi Nanon si një nga modelet më të mira të politikës shqiptare, duke theksuar se ai vendosi themelet e një force politike moderne dhe europiane si Partia Socialiste.

Edmond Petraj: E cilësoj si një nga modelet më të mira të politikës shqiptare. Një nga politikanët më të mirë të historisë shqiptare. Vuri një model të PS, e cila ngelet forca më modele dhe më europiane. Në PS shikohet një progres dhe kjo i takon Nanos./abcnews.al

Analisti Roland Bejko thotë se kreu i PD, Sali Berisha nuk humbi në zgjedhjet e 11 majit, për shkak të non gratës nga SHBA.

Në emisionin “Real Story” në ABC News, Bejko u shpreh se Berisha, ka rast të ndryshëm nga Millorad Dodik, i cili doli nga lista e zezë e SHBA.

“Varet nga negocimi që ka bërë, ose që po bën Berisha. Nuk është e fshehtë, ai ka paguar një shumë të madhe dollarësh. Ata po negociojnë heqjen e non gratës së Berishës. Nëse Dodik ishte dikush që kishte pushtet real dhe bëhet pengesë për Bosnjen, SHBA, aty çështja është serioze. Për Berishën, ata, figurat e larta amerikane, e dinë rrezik që ai nuk është fare në politikë. Por ai është kryetari i opozitës. Ata e ndryshuan qëndrimin, thanë se ishte lapsus. Berishës, mirë është që t’i hiqet. Berisha nuk ka humbur pse është penalizuar me non grata. Ne nuk e dimë nëse amerikanët do ia heqin non grata. Çështja është, si një amerikan në rajon, çfarë pune pengon Berisha?”, theksoi ai./abcnews.al

Këshilli i Lartë i Prokurorisë miratoi listën me katër kandidaturat për të qenë në krye të Prokurorisë së Posaçme kundër Korrupsionit dhe Krimit të organizuar (SPAK).

Analisti Roland Bejko i ftuar në “News Line” në ABC News shprehu mbështetje për katër kandidaturat, ku shtoi se përzgjedhja e tyre është bërë në sajë të një filtri rigoroz.

Ai shtoi se SPAK ka bërë një punë shumë të mirë përgjatë këtyre viteve dhe se edhe drejtuesi i ri i SPAK, pasues i Altin Dumanit do të ecë në të njëjtat gjurmë.

“Këta emra prisja që të kalonin pasi dihet që kanë kaluar në një filtër rigoroz përderisa kanë mbërritur deri këtu. Në bazë të rezultateve që kanë arritur ata janë gjykuar. Mendoj se do të zgjidhet i duhur. Më afër se sa politikë qëndron SHBA, për të ruajtur politikat gjeo-strategjike në luftën kundër korrupsionit dhe krimit. Ai që do të zgjidhet do të kryejë detyrat siç duhet, dhe do të plotësojë pritshmëritë e qytetarëve.

Goditjet më të mëdha i ka realizuar SPAK, edhe ndaj politikës. Berisha nuk është në dorën e SPAK, por të gjykatës, në këto kushte edhe mënyra se si do të trajtohet kjo dosje në gjykatë do na e bëjë të qartë nëse SPAK ka punuar mirë apo jo me strukturat e veta. Puna e SPAK është e jashtëzakonshme. Situata e pastrimit të parave në Shqipëri është shumë evidente, kemi një ekonomi të kriminalizuar, këto janë dhe sfidat e SPAK”, tha Roland Bejko./abcnews.al

Analisti Roland Bejko në një intervistë në emisionin “Zëri i Shqiptarëve”, në ABC News, foli për ngjarjen e rëndë që tronditi vendin, vrasjen e gjykatësit Astrit Kalaja në sallën e gjyqit. Ngjarje që tronditi vendin këtë të hënë.

Gjatë intervistës, Bejko u shpreh se një nga konfliktet më të mëdha që kanë pasur shqiptarët ndër vite, është për çështjen e pronës. Ndërsa shtoi se reforma në drejtësi duhet rishikuar dhe të bëhet akoma më mirë.

“Nuk është vetëm drejtësia, por edhe pasojë e veprimeve të politikës. Konflikti më i madh që kanë shqiptarët është për pronat. Dhe ngjarja e sotme ishte për shkak të pronës. Pra kjo është zanafilla e problemit. Reforma e re në drejtësi nuk mund ta zgjidhë dot më edhe sikur të ketë vullnet, sepse vetëm për një pronë mund të kesh 3-4 pronar. Por kjo më pas sjell edhe gjyqtarë të korruptuar, apo edhe që mund të kenë frikë…”, tha Bejkjo, duke shtuar se reforma në drejtësi duhet rishikuar që të bëhet më mirë. Ajo që na bën skeptik rishikimin e reformës në drejtësi janë ata dy dinozaurët që ndoshta mund ta bëjnë edhe më keq”.

Nga ana e tij, analisti Roland Lami theksoi se vrasja e gjykatësit është një kambanë alarmi.

“Pika ku takohen të gjithë është fenomeni se si funksion drejtësia tek ne. Dhe kjo nuk ka funksionuar. Fakti që ka një mllef tregon për gangrenën që nuk është zgjidhur. Familjarë, fise të njohur janë përplasur me sistemin e drejtësisë dhe nuk kanë marrë drejtësi. Ne mund të kapemi me motive se sa banale mund të jenë ata, por ndoshta për ata njerëz është mbijetesa. Ndaj mendoj që kjo është një gjë që duhet të na alarmojë të gjithëve, tha më tej Lami.

/abcnews.al/

TIRANË- Partia Socialiste ka ndezur “motorët e saj elektoralë” për zgjedhjet për Bashkinë e Tiranës pasi mbledhjen e së martës, Këshilli Bashkiak nisi procesin e shkarkimit të Erion Veliajt nga posti i kryebashkiakut.

Analisti Roland Bejko, i ftuar në “Ora e Fundit”, tha se prirja e vullnetit të elektoratit në zgjedhjet lokale, anon nga partia që është në pushtet dhe në këto kushte Partia Socialiste ka avantazh të lartë në raport me rivalët e saj.

Sipas tij, Tirana e ka mbyllur historinë me Sali Berishën në vitin 2013 dhe qytetarët nuk i japin më votë atij.

“PD  edhe në gjendjen siç është sot, ka emra dhe do t’i ketë. Edhe në kohë krize i ka.  Zgjedhjet lokale, shkojnë andaj nga janë zgjedhjet politike. PD, vetë Berisha, heziton për të shpallur një kandidat, sepse është në dilema edhe ai duke thënë: ok, janë ato votat aty, por a bashkohen në zgjedhje me Berishën ato partitë tjera opozitare, të cilat në zgjedhjet e përgjithshme thanë se nuk bashkohen. Rama i fiton zgjedhjet në Tiranë, sepse sapo fitoi zgjedhjet e përgjithshme”, tha ai.

I pyetur se pse Rama kërkon që të mbahen sa më shpejt zgjedhje në Tiranë, Bejko dha këtë mendim:

“Nëse do lihet Tirana pa një kryetar, do t’i kthehet në kosto politike. Luan efektin kohë. Tabaku do të ishte një kandidaturë e shkëlqyer për Bashkinë e Tiranës, por ajo e nuhat se i digjet figura e saj politike. Tirana dhe tiranasit e kanë mbyllur historinë me Sali Berishën, nuk e votojnë më që prej vitit 2013”, tha ai.

Ndërkaq, analisti Artur Nura pohoi se dallimi mes Edi Ramës dhe Sali Berishës është te garancia politike që japin për elektoratin si dhe kandidatët e tyre.

Sipas Nurës, Rama ka lidership dhe garanton pushtet, kurse Berisha ndërmerr hapa që shkojnë jo në favor të demokratëve, por pro interesit të tij personal.

“Rama garanton pushtet. Lideri i PS garanton pushtet, Berisha nuk garanton pushtet, por garaton interesat e tij dhe të familjes së tij. Mungon garancia e lidershipit. Në garë nuk është Manastirliu, por Rama me Berishën.”, tha ai./abcnews.al

73.6% anoj nga Jo ishte përgjigja e të anketuarve në sondazhin në ABC Neës, ndërsa u pyetën; A duhet të vazhdojë opozita pengimin e Kuvendit?

Një përgjigje kjo që tregon se opozita ka humbur besimin dhe se rruga e zgjedhur ajo e zhurmës dhe pengimit të punimeve të Kuvendit nuk është zgjidhja.

Analisti Roland Bejko në emisionin “Zëri i Shqiptarëve” në ABC News, tha se Partia Demokratike është e marrë peng nga kryetari i saj Sali Berisha.

Gjatë intervistës, Bejko shtoi se problemi kryesor është vetë Sali Berisha.

Ndërsa analisti Frrok Cupi tha se dhuna në Partinë Demokratike dhe sjellja brutale ka bazë.

“Në çdo rrethanë mund të thonë jemi përfaqësues të një populli që kërkon zjarr, që kërkon rrëmujë. Ky është informacion shumë tragjik. Por 22.5 % të kërkojnë dhunë është tmerr, shumë është”, tha Cupi.

/abcnews.al/

TIRANË– Këtë të hënë nisi rrugëtimin e tij sondazhi javor në Abc News.

I titulluar “Zëri i Shqiptarëve”, sondazhi do të sjellë perceptimin e qytetarëve për çështje të ndryshme të jetesës së tyre të përditshme.

Analisti Roland Bejko, i ftuar në ABC News u shpreh se në 35 vjet demokraci, kultura e sondimit në Shqipëri ka munguar dhe kjo harresë tha ai nuk është e rastësishme.

“Në 35 vjet, kanë munguar kultura e sondimit, kjo është një nga mangësitë e theksuara të demokracisë, sepse natyrisht, nëse do këtë qeverisje të ndërgjegjshme dhe një opozitë të ndërgjegjshme, natyrisht ato duhet t’i referohen qasjeve dhe perceptimeve që ka publiku.

Në Francë, në mediat prestigjioze, ka sondazhe të ndershëm sipas problematikave që ka jeta dhe politika në Francë.

Kultura e sondazheve është lenë dhe me dashje nga ata që nuk janë të interesuar me atë se çfarë mendon tjetri.  Sondazhi në ABC News, i munguar në televizione”, tha ai./abcnews.al

Analisti Roland Bejko, i ftuar në emisionin “News Line” në ABC News, ka komentuar zhvillimet e fundit politike duke u ndalur te lëvizjet strategjike të Sali Berishës. Sipas tij, ish-kryeministri po shfrytëzon hapësirat ligjore për të krijuar sa më shumë grupe parlamentare që do ta përfaqësojnë në Kuvend, një veprim që e cilëson si pragmatist dhe të menduar mirë.

Bejko thotë se kjo “shumicë artificiale” në Parlament do të përdoret nga Berisha si instrument në përballjen me drejtësinë, duke synuar edhe bllokimin e punës parlamentare. Në të njëjtën kohë, analisti thekson se kryeministri Rama, duke pasur një mazhorancë absolute, ka luksin për të ndërmarrë politika radikale gjatë mandatit të tij të katërt.

“Berisha ka bërë një lëvizje pragmatiste, në hapësirat që ka krijuar ligji, sepse Berishës i nevojitet që të përfaqësohet në Parlament me sa më shumë zëra. Nga njëra anë është një lëvizje e zgjuar e Berishës sepse do të ketë më shumë grupe parlamentare që do të përfaqësohen nga ai. Berisha do të përfitojë nga shumësia e grupeve, në përballjet e tij me drejtësinë. Do që të maksimizojë, në një vizion optik, numrin që ka. Berisha është një lojtar i vjetër.

Ai e ka strategjinë e gjatë, në ADN-në e tij ai ka luftën. Berisha do të mundohet që ta nxjerrë nga funksioni parlamentin, për të bllokuar punën, komisionet e shumë të tjera. Parlamenti nuk ka për të qenë një institucion serioz. Berisha kërkon që të rregullojë raportin me historinë. Rama e ka luksin ka një mazhorancë absolute, që të bëjë sukses në mandatin e katërt duhet që të bëjë politika radikale. Rama ka krijuar inxhinierinë e votës”, tha analisti Bejko./abcnews.al

Analisti Roland Bejko në një intervistë në “Tirana Live” foli për zhvillimet politike, duke u ndalur tek situata në Partinë Demokratike.

Gjatë intervistës, Bejko u shpreh se PD fillimisht duhet ‘që të ribëhet’, duke nënkuptuar që të ndryshojnë të gjitha, pasi sipas tij aktualisht “është pronë e Berishës”.

“Berisha ka qenë aty, në vendimet e mëdha. Sa për hapjen kemi gjithë jetën që themi për hapje në PD. Ka humbur besimi…Ndaj hape sa të duash Partinë Demokratike… Edhe gjatë kësaj kohe që Berisha u kthyer për të shpëtuar PD, por ai vetëm e thelloi krizën në PD. Berisha pas zgjedhjeve të 2021 u kthye dhe mbështeti Bashën që humbi… në atë kohë po të ndërhynte dhe të tregonte se ishte koha për PD për ta shpëtuar…Por ai e ndau e përçau, u rrahën e fyen me njëri tjetrin…Duke qenë edhe me një status non grata e bëri edhe më keq. Pra e bëri më personale dhe kjo u manifestua atje ku ai tha se nuk do ta bënte më se e kishte bërë paraardhësi i tij…”, tha Bejko.

Gjithashtu gjatë intervistës, Ilir Alimehmeti bëri edhe një koment, për zbatimin e nenit “Basha” në PD…

“Nëse dikush mendon që ky statut nuk është zbatuar mund t’i drejtohet organeve ligjore. Ndaj na lejoni në forumet e brendshme të bëjmë punën e brendshme. Por ajo që na intereson rikthimi tek meritokracia…Sa më pranë bazës shkon aq më e qartë bëhet situata…A është zbatuar apo jo statuti, unë jurist nuk jam. Ka një gjykatë aty…Por nuk di të ketë çështje që të jetë çuar nga ndonjë prej anëtarëve”, tha ai.

Nga ana e tij, Bejko, shtoi se ‘Berisha është Berishizmi’, pra konfliktuazime dhe mosrespektim i rregullave.

“Brenda partisë kanë frikë nga berishizmi…Berisha duhet të bëjë një hap pas, të bëhet një proces përbashkues…të jetë i ndershëm pa delfinin e kryetarit, por edhe me Berishës sado të riformatohen këta, nuk fitojnë dot më besim. Zotëria mori vota sepse qytetarët patën besim të ky”, tha Bejko.

Bashkëngjitur bisedës në studion e “ABC News”, në analizën e tij Ilir Alimehmeti, tha se një ndër gabimet më të mëdha si këndvështrimit të tij që ka bërë PD, është bojkotimi.

“A duhet të hyjmë në parlament, mendoj se po. Unë jam shumë i qartë me të gjithë diskutimin. Në mendimin tim këto ishin votime dhe jo zgjedhje absolute… Gabimi madhor që ka bërë PD është bojkotimi…Në fund je zgjedhur përfaqësues i njerëzve për elemente të rëndësishme dhe të paktën për reformën territoriale dhe reformën zgjedhore duhet të jetë e pranishme. Nëse nuk kemi një census të partisë nuk bëjmë dot një organizim pune afatgjate…”

/abcnews.al/

“Një nga dobësitë që kam vënë re ishte fakti se sa më shumë Lapaj rritej në përqindje aq më arrogant bëhej”, kështu u shpreh analisti Roland Bejko gjatë intervistës në emisionin “Real Story” në ABC News, ndërsa komentoi përplasjen Lapaj-Shabani,.

Gjithashtu ai theksoi se pritshmëritë e qytetarëve për figurat e reja ishin shumë të larta, por treguan shumë papjekur politike dhe se nuk arritën të menaxhonin si duhej pakënaqësitë mes tyre.

“Treguan që kanë mungesë pjekurie politike. Duhet të dëshmonin se ideali i tyre është më i lartë se çdo gjë tjetër. Por sot shikohet që këta u zunë për një karrige. Tani duhet të bëjnë akte shumë të forta që të ndryshohet qasja. Lapaj që do të vazhdojë duhet të tregojë që realisht është ndryshe…”, tha më tej Bejko.

Ndërsa për analistin Ergys Mërtiri, Adriatik Lapaj duhet të mbajë përgjegjësi. Po ashtu u shpreh se papjekuria e tyre nisi që nga deliri, “kur deklaronte gjatë fushatës se do të merrte 71 mandate”

“Papjekuria e parë fillon tek deliri që shprehej se do merrnin 71 mandate. Pjesa tjetër është mungesë menazhimi mes idesë që ke krijuar për veten dhe realitetin. Politika është sporti më i vështirë. Megjithatë un them se po i dënojmë më tepër se sa e meritojnë”, tha Mërtiri.

Analisti Roland Bejko komentoi në emisionin “Real Story” në ABC News , përplasje e krijuar mes Endrit Shabanit dhe Adriatik Lapajt. Ai u shpreh se u krijua një pritshmëri e lartë dhe se shumë njerëz treguan që donin t’i jepnin një shans të rinjve. Por sipas tij, këto dy figura treguan papjekuri politike dhe se mund ta kishin shmangur këtë sherr të krijuar mes tyre, pasi si shtoi Bejko, “treguan se u zunë për një karrige”.

“Shabani bënte sikur nuk e donte sikur ishte parimore dhe shprehej se i takonte Lapajt. Por nga ana tjetër i pari që e ngacmoi këtë situatë ishte daja i Shabanit. Dhe kur del daja në këtë moment , pra kur del garant për dikë dhe ai prish loja përgjegjësia të mbetet ty. Ata 60 mijë vota kanë votuar duke marrë parasysh lidershipin e asaj partie. Ai mandat i takonte Lapaj, por po të ishin dy figura politike të pjekura dhe të prevalonte ideali, do ta kishin zgjidhur pa dalë fare ky sherr. Treguan që kanë mungesë pjekurie politike. Duhet të dëshmonin se ideali i tyre është më i lartë se çdo gjë tjetër. Por sot shikohet që këta u zunë për një karrige. Tani duhet të bëjnë akte shumë të forta që të ndryshohet qasja. Lapaj që do të vazhdojë duhet të tregojë që realisht është ndryshe…”, tha më tej Bejko.

/abcnews.al/