Ndërsa shumë nga ligat kryesore evropiane kanë bërë pushim për dimër, është koha të bëjmë një bilanc dhe të reflektojmë mbi katër muajt e parë të mbushur me emocion dhe veprim në fushë.

Ky është gjithashtu momenti i duhur për të vlerësuar lojtarët që përfunduan transferimet gjatë verës nëpër kontinent, tani që kanë një numër të konsiderueshëm ndeshjesh pas tyre.

10. Malick Thiaw (Newcastle – 35 milionë euro)

Gjermani ka hyrë në Ligën Premier me një lehtësi të jashtëzakonshme, duke u bërë shpejt një titullar i në mbrojtjen e fortë të Newcastle, bashkë me Fabian Schar, Sven Botman dhe Dan Burn, dhe madje është lavdëruar si një nga qendërmbrojtësit më të mirë në kampionat.

Thiaw ka dominuar në ajër, ka treguar aftësitë e tij me topin dhe madje ka shënuar një dygolësh kundër Everton në fund të nëntorit.

9. Marcus Rashford (Barcelona – huazim)

Huazimi i Marcus Rashford te Barcelona ishte një lëvizje surprizuese verën e kaluar. 27-vjeçari, i cili duket se po afrohej në fundin e karrierës së tij në nivele të larta, ka shfrytëzuar mundësinë me të dyja duart.

Rashford ka shfrytëzuar një dëmtim të hershëm të Leëandoëskit për t’u bërë një figurë kyçe në një repart sulmues që përfshin gjithashtu Raphinha dhe Lamine Yamal.

8. Joan Garcia (Barcelona – 25 milionë euro)

Barcelona është shpërblyer për vendimin e diskutueshëm për të degraduar Marc-Andre ter Stegen dhe për të besuar te Joan Garcia.

24-vjeçari ka shkëlqyer, duke bërë pritje të jashtëzakonshme që kanë ndihmuar blaugranët të ngjiten në krye të La Ligës, përfshirë një paraqitje vendimtare kundër Rayo Vallecano dhe një tjetër të jashtëzakonshme ndaj Villarreal.

Ai ka një përqindje pritjesh prej 79 përqind dhe 6 ndeshje pa pësuar gola në 12 takime në kampionat.

7. Martin Zubimendi (Arsenal – 60 milionë euro)

Sezona e tij e parë në Arsenal nuk do të mbahet mend për statistika individuale, por 26-vjeçari ka transformuar mesfushën e ‘Topçinjve’, duke ndihmuar veçanërisht Declan Rice të lulëzojë në një rol më të lirë, duke kombinuar aftësi me topin dhe forcë në duelin fizik.

6. Jonathan Tah (Bayern Munich – falas)

Tah u bashkua me Bayern Munchen në qershor pas skadimit të kontratës me Bayer Leverkusen dhe ka sjellë stabilitet të ri në mbrojtjen bavareze, duke formuar një partneritet të fortë me Dayot Upamecano.

Reprezentuesi gjerman ka dominuar në ajër dhe ka kontribuar edhe me disa gola.

5. Granit Xhaka (Sunderland – 17 milionë euro)

Mesfushori shqiptar ka qenë një lider i vërtetë për Sunderland, duke mbajtur shiritin e kapitenit dhe duke udhëhequr skuadrën në asiste, mundësi të krijuara, pasime të suksesshme dhe fitore dueli.

Një ndikim kyç për suksesin e hershëm të klubit nën drejtimin e Regis Le Bris.

4. Luka Modric (AC Milan – falas)

Modric, 40 vjeç, ka treguar përsëri klas dhe energji të jashtëzakonshme për të udhëhequr mesfushën e Milanit, duke luajtur çdo ndeshje të Serie A dhe duke ndihmuar klubin të luftojë për Scudetto pas një sezoni të dobët të mëparshëm.

3. Florian Thauvin (Lens – 8 milionë euro)

Në moshën 32-vjeçare, Thauvin është bërë një nga transferimet më të spikatura në Ligue 1, duke ndihmuar Lens të qëndrojë në krye të kampionatit para Krishtlindjeve.

Ai ka kontribuar në 7 gola në 16 ndeshje dhe është rikthyer në Kombëtaren e Francës pas gjashtë vjetësh.

2. Yan Diomande (RB Leipzig – 20 milionë euro)

19-vjeçari i Bregut të Fildishtë ka qenë sensacion për Leipzig këtë sezon. Pas zhvendosjes nga krahu i majtë në të djathtin në tetor, ai ka arritur të kontribuojë në 10 gola në 9 ndeshjet e fundit përpara Kupës së Afrikës.

1. Luis Diaz (Bayern Munich – 75 milionë euro)

Luis Diaz ka filluar me ritëm të jashtëzakonshëm në Bayern Munich, duke dhuruar 14 kontribuime në gola në po aq ndeshje ligash, duke përfshirë 5 gola në 3 ndeshje për të nisur karrierën e tij në Gjermani.

Ai ka shfrytëzuar hapësirat e mbrojtjeve kundërshtare në Bundesliga për të shkëlqyer si sulmues i shpejtë dhe direkt./Telegrafi/

Mesfushori kroat i Milanit, Luka Modric, deklaroi të mërkurën se Jose Mourinho ishte një trajner kaq i rreptë gjatë kohës së tyre te Real Madrid, sa që njëherë e bëri Cristiano Ronaldon të qante.

“E pashë që e bëri Cristiano Ronaldon të qante në dhomën e zhveshjes, një njeri që jep gjithçka në fushë, vetëm pse një herë nuk i bëri presion mbrojtësit kundërshtar”, tha Modric për gazetën italiane Corriere della Sera.

Ronaldo, tashmë 40 vjeç dhe te Al Nassr, u stërvit nga Mourinho në Madrid për tre vite, nga 2010 deri në 2013 dhe rrëfimi i Modricit për këtë moment emocional pasqyron marrëdhënien e tyre shpesh të tensionuar, e cila është përshkruar në detaje në një biografi të Ronaldos nga gazetar veterani spanjoll Guillem Balague, botuar në vitin 2015.

Modric luajti te Real Madridi me Ronaldon për gjashtë sezone nën drejtimin e Mourinho, Carlo Ancelotti, Zinedine Zidane dhe Rafa Benitez.

Ronaldo, që luajti nëntë sezone për ‘Los Blancos’, është pesë here fitues i Topit të Artë. Me Real Madridin ai fitoi katër herë Ligën e Kampionëve, tre herë Kupën e Botës për Klube dhe Superkupën e UEFA-s, dy herë titullin e La Ligës, dy Kupa të Mbretit dhe dy Superkupa të Spanjës.

Mourinho ishte trajneri që e transferoi Modricin nga Tottenham Hotspur dhe besimi i tij te mesfushori u shpërblye. Ata fituan së bashku Superkupën e Spanjës, ndërsa ndikimi i Modricit te e ardhmja e Madridit u bë i qartë.

Pavarësisht momenteve të tensionuara, Modric e përshkroi Mourinhon si “të veçantë".

“Si trajner dhe si person, ai ishte ai që më donte te Real Madrid. Pa Mourinhon, unë kurrë nuk do të kisha ardhur. Më vjen keq që e pata vetëm një sezon pranë tij”, ka deklaruar kroati./Telegrafi/

Mesfushori kroat dhe ylli i Milanit, Luka Modric, ka dhënë një intervistë të gjerë për gazetën italiane Corriere della Sera, ku ka folur për jetën e tij, rritjen personale dhe profesionale, si dhe për përvojat e vështira që e kanë formësuar si futbollist dhe si njeri.

Në mesin e temave të trajtuara, Modric u ndal edhe te përballjet mes Kroacisë dhe Serbisë, si dhe te periudha e tij në Bosnje dhe Hercegovinë, ku në vitin 2003 ishte i huazuar te Zrinjski, në moshën vetëm 17-vjeçare.

Duke folur për ndeshjet kundër Serbisë, Modric theksoi se ato nuk mund të krahasohen me përballje të zakonshme ndërkombëtare.

“Luajta kundër tyre dy herë, në vitin 2013, në kualifikueset e Kupës së Botës. Në Zagreb fituam 2:0, ndërsa në Beograd barazuam 1:1. Në të dyja rastet atmosfera ishte jashtëzakonisht e vështirë. Ato nuk ishin ndeshje normale. Lufta ende ndihej dhe ende ndihet. Mendoj se gjithmonë do të jetë kështu”, u shpreh Modric.

Ai foli me sinqeritet edhe për përvojën e tij të parë si futbollist senior, gjatë huazimit te Zrinjski Mostar, një periudhë që e përshkruan si jashtëzakonisht të vështirë, por vendimtare për karrierën e tij.

“Ishte eksperienca ime e parë si senior, i huazuar nga Dinamo. Ishte shumë e vështirë. Kishte boshnjakë, kroatë dhe serbë, tri fe: myslimanë, katolikë dhe ortodoksë. Kur shkoje të luaje në Sarajevë, ishte si ferri. Gjyqtarët nuk të mbronin dhe presioni ishte i jashtëzakonshëm. Isha vetëm 17 vjeç, por kjo më ndihmoi shumë”, kujtoi Modric.

Ai shtoi se ajo periudhë e bëri më të fortë dhe më të përgatitur për sfidat e ardhshme.

“Nëse mund të luaje në Bosnje menjëherë pas luftës, atëherë mund të luaje kudo", përfundoi legjenda kroate. /Telegrafi/

Luka Modriç, mesfushori i njohur kroat, ka ndarë detaje prekëse nga jeta e tij personale dhe profesionale në një intervistë të gjatë për “Corriere della Sera”. Ai zbuloi se si fëmijë ishte tifoz i Milanit, frymëzuar nga Zvonimir Boban, dhe se gjithmonë kishte menduar se nëse do të largohej nga Real Madridi, Milani do të ishte zgjedhja e tij. Tani, në moshën 40-vjeçare, ai është i gatshëm të fitojë…

Source

Luka Modric ka ndarë një pikëpamje të ekuilibruar mbi debatin e gjatë Lionel Messi kundër Cristiano Ronaldo, duke refuzuar të zgjedhë një anë ndërsa vlerëson të dy legjendat për përcaktimin e një epoke në futboll.

Në një intervistë me Corriere della Sport, ish-mesfushori i Real Madridit pranoi një lidhje më të ngushtë me Ronaldon për shkak të kohës që kaluan së bashku, por shprehu admirim edhe për Messin.

"Është një pyetje që nuk më pëlqen. Ata shënuan një epokë”, ka thënë fillimisht Modric.

"Jam më i lidhur me Cristianon sepse kam luajtur me të, ai ishte partneri im në Madrid dhe ju siguroj se ai nuk është vetëm një futbollist i shkëlqyer; ai është një person i jashtëzakonshëm".

“Njerëzit nuk e dinë, por ai ka një zemër të madhe, gjithmonë i gatshëm të ndihmojë të tjerët. Dhe është një njeri i thjeshtë dhe normal".

Për Messin, Modric shtoi: “Si njeri, nuk e njoh, por nuk dyshoj se është gjithashtu i jashtëzakonshëm. Si lojtar, madhështor”. /Telegrafi/

Vitinha është një lojtar kyç për Paris Saint-Germain dhe ekipin kombëtar të Portugalisë. Ai fitoi kampionatin dhe kupën franceze me klubin këtë vit, si dhe Ligën e Kampionëve.

Mesfushori brilant kontribuoi aq shumë në këto suksese saqë u rendit i treti në votimet për Topin e Artë dhe konsiderohet mesfushori më i mirë në botë.

Vitinha e zgjati kontratën me PSG-në në fillim të vitit, por dihet që Real Madridi është dëshira e tij më e madhe, sepse portugezi konsiderohet pasardhësi i Luka Modric.

Në një intervistë me gazetën Marca, Vitinha i zgjodhi fjalët më të mira për legjendën kroate.

“Ai që më frymëzon më shumë është Andres Iniesta. Sigurisht, së bashku me të është edhe Luka Modric. Ata kanë qenë gjithmonë modelet e mi më të mëdhenj", u përgjigj Vitinha kur u pyet se cilët mesfushorë i studionte për të përmirësuar lojën e tij.

Ndjenjat janë të ndërsjella për sa i përket Modric, pasi Vitinha është i preferuari i tij i madh.

Modric e zgjodhi atë si lojtarin më të mirë në botë - ai ia rekomandoi Real Madridit

PSG e bleu Vitinha nga Porto tre vjet më parë për një tarifë prej 41.5 milionë eurosh. Pasi luajti 176 ndeshje për PSG-në, shënoi 24 gola dhe dha 22 asistime, Transfermarkt e vlerëson atë me 110 milionë euro.

Mediat spanjolle kanë raportuar prej kohësh se Vitinha është një objektiv për Real Madridin dhe se Modric e rekomandoi atë si pasardhësin e tij kur u largua nga klubi. /Telegrafi/

Reprezentuesi i SHBA-së, Christian Pulisic është aktualisht futbollisti me vlerësimin mesatar më të lartë në Serie A, duke lënë pas edhe bashkëlojtarin e tij te Milani, Luka Modric.

Sipas vlerësimeve mesatare të dhëna nga gazetat sportive italiane, të përmbledhura nga “Fantacalcio”, ylli i Milanit po konsiderohet lojtari më i mirë i Serie A deri në këtë fazë të sezonit.

Pulisic kryeson renditjen mes futbollistëve që kanë zhvilluar të paktën 50 për qind të ndeshjeve në kampionat, një fakt që nuk shihet aspak befasues duke pasur parasysh paraqitjet e tij.

Ish-lojtari i Chelseat ka realizuar shtatë gola dhe ka dhuruar dy asistime në vetëm 10 paraqitje në Serie A, duke qenë një nga faktorët kryesorë të kuqezinjve këtë sezon. Pas tij renditet Luka Modric, ndërsa vendin e tretë e mban talenti i Comos, Nico Paz.

Paz ka regjistruar gjithsej nëntë kontribute në gola, me pesë realizime dhe katër asistime, por i ka arritur këto shifra në 15 paraqitje, më shumë se Pulisic. Në mesin e dhjetë lojtarëve më të vlerësuar bëjnë pjesë edhe dy portierë: Mile Svilar i Romës dhe Wladimiro Falcone i Lecces.

Falcone ka një vlerësim mesatar 6.47, vetëm pak më të lartë se portieri i Milanit, Mike Maignan, i cili vlerësohet me 6.46. Nga Juventusi, vetëm Kenan Yildiz ka arritur të futet në top 10, ndërsa Napoli përfaqësohet nga Frank Andre Zambo Anguissa.

Interi ka dy përfaqësues në këtë listë, Marcus Thuram dhe Federico Dimarco, ndërsa Alexis Saelemaekers plotëson renditjen e dhjetë lojtarëve më të vlerësuar në Serie A deri tani.

Renditja e vlerësimeve mesatare:

Christian Pulisic – 6.7

Luka Modric – 6.6

Nico Paz – 6.57

Mile Svilar – 6.53

Marcus Thuram – 6.5

Kenan Yildiz – 6.5

Zambo Anguissa – 6.5

Federico Dimarco – 6.5

Alexis Saelemaekers – 6.5

Wladimiro Falcone – 6.47./Telegrafi

Mediat spanjolle njoftojnë se trajneri i Real Madridit, Xabi Alonso, donte që Luka Modric me përvojë të qëndronte në “Santiago Bernabeu” edhe këtë sezon, por që, për fat të keq për të, drejtuesit e klubit refuzuan.

Sipas El Mundo, Xabi Alonso, i cili menaxhoi ndeshjet e fundit të Modricit me Real Madridin në Kupën e Botës për Klube dhe e përdori kroatin si lojtar me rotacion në fazat e fundit, do të kishte dashur që kroati të kishte qëndruar, por e dinte se nuk ishte vendimi i tij, kështu që u përqendrua te të rinjtë.

Ju kujtojmë se Modric mbushi 40 vjeç në shtator, por duke marrë parasysh ndeshjet, duket se ai po përjeton një rini të re, të parën larg ‘Santiago Bernabeut’ pas 13 sezonesh.

Ai fitoi Topin e Artë ndërsa luante për Real Madridin dhe u bë lojtari me më shumë tituj në historinë e klubit, me 28.

Pavarësisht kësaj, drejtuesit e "klubit mbretëror" vendosën të mos ia zgjasin kontratën. Ai shkoi në Milano dhe, në vend që të mendonte për daljen në pension, u bë lojtari më i përdorur në ekipin e Massimiliano Allegrit. /Telegrafi/

Ardon Jashari këmbëngul se “të gjithë” te Milani e bënë të ndihej i rëndësishëm gjatë kohës që qëndroi jashtë fushe, teksa vlerëson Massimiliano Allegrin dhe shokët e tij të ekipit Luka Modric dhe Adrien Rabiot.

Jashari iu bashkua Milanit nga Club Brugge verën e kaluar, por pësoi një dëmtim të fibulës në stërvitje menjëherë pas transferimit të tij në San Siro, duke qëndruar më shumë se dy muaj jashtë fushave. 23-vjeçari ka luajtur vetëm 121 minuta futboll në fushë këtë sezon.

“Sinqerisht, pas një vere gjatë së cilës negociatat për ardhjen time në Milan kishin qenë të gjata, të kisha një problem si ky nuk ishte ideale. Kisha punuar me ekipin për tre javë, po rritesha dhe nuk mendoj se dikush në vendin tim do të kishte qenë i lumtur”, ka thënë fillimisht Jashari për Gazzetta dello Sport.

“Të gjithë te Milani më shkruanin dhe më bënin të ndihesha i rëndësishëm: shokët e skuadrës, stafi, trajneri, drejtorët”.

"Dua ta shoh nivelin e tij" - Allegri flet për Jasharin

“Tre ditët e para ishin të vështira nga pikëpamja mendore, por pas kësaj, pata mundësinë të shkoja dhe të kaloja disa javë me familjen time në Zug".

“Me një kockë të thyer nuk munda të stërvitesha, dhe kalimi i pak kohe me prindërit dhe miqtë e mi, pa harruar të bëja fizioterapi, më ndihmoi: Nuk mendova shumë për dëmtimin dhe u ndjeva më i qetë”.

"Që nga mesi i shtatorit, kam vazhduar terapinë me fizioterapistin David, dhe më pas kam filluar të ushtroj, fillimisht në palestër dhe më pas në rërë dhe fushë. Kthimi në grup ishte hapi i fundit".

Jashari iu bashkua Rossonerëve pas javësh negociatash verën e kaluar dhe refuzoi ofertat nga klube të tjera për t'u transferuar në San Siro.

“Kam ëndërruar të jem aty ku jam, në një klub të madh. Të gjithë e dinë sa shumë doja të bashkohesha me Milanin. Club Brugge kishte shumë kontakte me klube të tjera, por unë kisha ide të qarta dhe e shihja veten vetëm me fanellën e Rossonerëve".

Trajneri i Milanit, Massimiliano Allegri, ka qenë mesfushor qendror gjatë karrierës së tij si lojtar, në të njëjtin rol si Jashari.

“E di, ai ishte një numër 10, dhe kjo është arsyeja pse them se mund të më ndihmojë shumë. Trajneri është i rëndësishëm, ai është gjithmonë pranë nesh. Të kesh dikë si ai u jep besim individëve dhe dhomës së zhveshjes. Ai është thelbësor për suksesin tonë: ai ka përvojë dhe ka punuar me lojtarë të jashtëzakonshëm. Mund të mësoj shumë nga dikush si ai”, shtoi shqiptari.

Verën e kaluar, Milani bëri disa blerje në qendër të mesfushës. Përveç Jasharit, ata nënshkruan edhe me Samuele Ricci, Adrien Rabiot dhe Luka Modric.

“Të luash me të [Modricin] është e jashtëzakonshme për të gjithë, jo vetëm për mua. Unë luaj në të njëjtën pozicion me të dhe mund të mësoj shumë: ai ka aftësi të jashtëzakonshme teknike, por edhe një personalitet fantastik, gjë që duket në mënyrën se si u afrohet lojtarëve”.

“Rabiot ka pasur një ndikim të madh në ekip që nga dita e parë dhe është i rëndësishëm për Milanin. Ai ka mënyrën se si e lexon lojën dhe si luan futboll”.

“Nuk mund ta imitosh sepse secili ka cilësitë dhe karakteristikat e veta fizike, por prapëseprapë mund të mësosh diçka nga kampionë si ai dhe Modric dhe të bëhesh më i kompletuar”, përfundoi Jashari.

Sonte (e enjte), Milani i Jasharit luan me Napolin në Riad të Arabisë Saudite, në gjysmëfinalen e Superkupës së Italisë. /Telegrafi/

Gjetja e një zëvendësimi të denjë për legjendat Luka Modric dhe Toni Kroos ka qenë një nga prioritetet më të mëdha të presidentit të Real Madridit, Florentino Pérez, gjatë muajve të fundit.

Edhe pse klubi e pranon se kjo nuk do të jetë një detyrë e lehtë dhe shtrenjtë, është e qartë se skuadra ka nevojë për një lojtar që të lidhë linjat dhe të orkestrojë lojën. Sipas spanjollëve të Defensa Central, kandidati ideal sipas Modric është ylli i PSG-së, Vitinha (25 vjeç).

Ky rekomandim u bë i njohur pas publikimit të votave të kapitenëve të klubeve evropiane për çmimin më të mirë të FIFA-s, ku Luka Modrić zgjodhi Vitinha përpara Ousmane Dembélé dhe Lamine Yamal.

Ky veprim shihet si një mesazh i qartë: Modrić vlerësoi rëndësinë e mesfushorit në vend që të përqendrohej te golat dhe asistet e sulmuesve, duke treguar objektivitet dhe profesionalizëm, pa përfshirë ish-shokët e tij te Real Madrid.

Maestro me topin

Vitinha përshkruhet si një mjeshtër i teknikës dhe vizionit të lojës, duke të kujtuar Modricin. Ndërsa Liverpool ka Mac Allister, Manchester City ka Rodri dhe Bayern Munich ka Kimmichin, PSG ka Vitinhan. Real Madrid beson se një lojtar i këtij profili është pikërisht ai që nevojitet pas largimeve të Kroos dhe kapitenit kroat.

Spekulohet se klauzola e lirimit e Vitinha është midis 90 dhe 100 milion euro, që do të thotë se PSG-ja mund të pranojë një ofertë vetëm në këtë nivel nëse lojtari dëshiron të largohet. Portugezi fiton aktualisht rreth 11 milion euro në sezon, ndërsa presidenti i PSG-së, Nasser Al Khelaifi, thuhet se është i gatshëm t’ia dyfishojë pagën për ta mbajtur në Paris deri në vitin 2029, kur skadon kontrata aktuale.

Marrëdhënie problematike dhe alternativa

Transferimi i mundshëm komplikohet nga marrëdhëniet e tensionuara midis Real Madridit dhe PSG-së, të cilat kanë arritur nivelin më të ulët që nga saga e Kylian Mbappe. Florentino Pérez thekson se klubi francez nuk ka vepruar me profesionalizëm dhe tensionet janë rritur edhe për shkak të borxheve të dyshuara ndaj Mbappé.

Për shkak të këtyre sfidave, Real Madrid po shqyrton edhe opsione të tjera. Në krye të listës së dëshirave është anglezi i ri Adam Wharton nga Crystal Palace, një talent që po tërheq shumë vëmendje në Ligën Premier. Holandezi Kees Smit dhe Alexis Mac Allister i Liverpoolit përmenden gjithashtu si alternativa të mundshme në mesfushë.

Ky lajm tregon se Real Madrid është në kërkim të një lideri të ri në mesfushë, me fokus te lojtarët me vizion dhe aftësi të larta teknike, por sfidat financiare dhe marrëdhëniet e ndërlikuara me PSG-në mund të bëjnë këtë transferim një proces kompleks. /Telegrafi/

Ousmane Dembele ka fituar trofeun ‘FIFA The Best 2025’, duke lënë pas Lamine Yamal dhe Kylian Mbappe.

Ky sukses vjen si vazhdim i fitores së tij me ‘Topin e Artë’ në shtator, duke shpërblyer një sezon të jashtëzakonshëm për sulmuesin e PSG-së, si në nivel individual, ashtu edhe kolektiv.

Ndryshe nga trofeu i organizuar nga France Football, sistemi i votimit i FIFA-s synon të jetë më gjithëpërfshirës, duke u lejuar tifozëve nga e gjithë bota të votojnë në të njëjtin nivel me përzgjedhësit e kombëtareve, kapitenët dhe gazetarët specialistë.

Sipas analizës së Maxime Barbaud nga FootMercato, votimi është ndarë në katër kategori me peshë të barabartë (25% secila), ku pikët janë: 5 për vendin e parë, 3 për të dytin dhe 1 për të tretin.

FIFA ka publikuar votat e dhëna nga 11 finalistët për secilën kategori, duke përfshirë zgjedhjet e përzgjedhësve, kapitenëve dhe mediave.

Zgjedhjet e kapitenëve dhe përzgjedhësve të kombëtareve të njohura:

Didier Deschamps, përzgjedhësi i Francës, ka votuar për dy të preferuarit e tij: Dembele në vendin e parë, Mbappe në vendin e dytë dhe Hakimi në të tretin.

Achraf Hakimi, kapiteni i Marokut, ka zgjedhur Mbappen si numrin një, Dembele në vendin e dytë dhe Raphinha në të tretin.

Marquinhos, kapiteni i Brazilit, ka vendosur Dembele në krye, Raphinha të dytin dhe Hakimi të tretin.

Carlo Ancelotti ka përsëritur të njëjtin podium, por me Mbappen në vendin e tretë.

Në Spanjë, ka pasur mendime të ndryshme rreth Lamine Yamal: kapiteni Unai Simon e ka zgjedhur si të parë, përpara Pedri dhe Nuno Mendes, ndërsa përzgjedhësi Luis de la Fuente ka votuar Pedrin, më pas Lamine Yamal dhe Mbappen.

Në Portugali, kapiteni Bernardo Silva ka votuar për Vitinha, Nuno Mendes dhe Dembele, ndërsa përzgjedhësi Roberto Martinez ka zgjedhur të njëjtët lojtarë, por me Lamine Yamal në vend të tretë.

Votat e yjeve ndërkombëtarë

Lionel Messi ka votuar për Dembelen, Mbappen dhe Lamine Yamal.

Përzgjedhësi i Argjentinës, Scaloni, ka zgjedhur Mbappe, Pedri dhe Lamine Yamal.

Luka Modric ka vlerësuar lojtarë të fushës së tij: Vitinha në vendin e parë, Dembele të dytin dhe Lamine Yamal të tretin, duke lënë jashtë Mbappen.

Kapiteni italian Donnarumma ka votuar për Dembele, Hakimi dhe Lamine Yamal.

Riyad Mahrez ka zgjedhur Dembele, Hakimi dhe Mbappe.

Mohamed Salah, finalist, ka vendosur Hakimi, Dembele dhe Mbappe.

Këto rezultate jo vetëm që reflektojnë performancat individuale, por gjithashtu tregojnë edhe lidhjet dhe preferencat personale midis lojtarëve dhe përzgjedhësve, duke ofruar një panoramë interesante mbi votimin për çmimin 'FIFA The Best 2025'. /Telegrafi/

Luka Modric ka komentuar situatën e Italisë, e cila rrezikon të humbasë Botërorin për herë të tretë radhazi dhe duhet të kalojë nëpër “ferrin” e playoff-eve për t’u kualifikuar në Kupën e Botës 2026.

Në gjysmëfinale të playoff-eve, Azzurrët do të përballen me Irlandën e Veriut, ndërsa nëse kalojnë, do të ndeshen me fituesin mes Uellsit dhe Bosnje-Hercegovinës.

“Do të ishte një tragjedi për ju të mungonit në Kupën e Botës për herë të tretë radhazi”, ka thënë Modric për Gazzetta dello Sport.

“Shpresoj që Italia të kualifikohet, sepse Botërori duhet t’i ketë të gjitha skuadrat më të mira, dhe Italia është një prej tyre. Playoff-et janë gjithmonë të vështira, por ju uroj më të mirën. Po ju pres në Botëror”.

Kroacia do të jetë në Grupin L me Anglinë, Ganën dhe Panamanë.

Nëse Italia siguron kualifikimin, do të vendoset në Grupin B së bashku me Kanadanë, Zvicrën dhe Katarin.

“Anglia është një nga kombëtaret më të forta, por nuk nënvlerësojmë askënd. Grupi ynë është i vështirë dhe duhet të përgatitemi mirë”, ka shtuar kapiteni kroat.

“Botërori është ende larg, për momentin duhet të fokusohemi te e tashmja dhe te Milani, sepse duam të vazhdojmë në këtë rrugë pozitive”, përfundoi Modric. /Telegrafi/

Mesfushori Luka Modric ka zbuluar se gjatë kohës së tij te Tottenhami kishte dashur të transferohej te Chelsea, shumë kohë përpara se të nënshkruante me Real Madridin në vitin 2012.

Kroati që sot luan për AC Milanin, ka treguar se si verën e vitit 2011 e kaloi mes tensioneve, pasi kërkesa e tij për t’u larguar u refuzua disa herë nga drejtuesit e Spurs.

Modric iu bashkua Tottenhamit në vitin 2008 pas largimit nga Dinamo Zagreb dhe brenda pak kohësh u bë një nga mesfushorët më të rëndësishëm në Ligën Premier. Tre vjet më vonë, ai kërkoi të kalonte te Chelsea, klub që bëri oferta të shumta për të, por që u refuzuan kategorikisht nga Daniel Levy.

“Ndoshta nuk duhej ta kisha thënë publikisht që doja të largohesha”.

“Edhe ashtu, te Tottenhami bëra shumë mirë. Ata ishin shumë të ashpër me mua, dhe kryetari, Daniel Levy, ma bëri të qartë në takimin tonë të parë se nuk kishte asnjë mundësi të më linin të largohesha”.

Luka Modric

“Pas kësaj, vazhdova sikur të mos kishte ndodhur asgjë. E dija që do të ishte e komplikuar; të dy klubet janë në Londër dhe ekziston një rivalitet”.

“Doja të largohesha, edhe pse e dija që do të ishte shumë e vështirë”.

“Në fund, transferimi nuk u realizua dhe vazhdova të luaja, dhe ndoshta ishte një nga sezonet e mia më të mira. Përfunduam të katërtit; atë vit Chelsea e fitoi Ligën e Kampionëve”.

"Sezoni ishte fenomenal dhe një vit më vonë erdhi një mundësi edhe më e madhe. Dhe në fund, gjithçka doli edhe më mirë; ndoshta po të kisha shkuar te Chelsea, nuk do të kisha shkuar kurrë te Real Madridi”.

Më pas, vetëm një sezon më vonë, ai realizoi transferimin e tij të madh te Real Madridi, ku fitoi 28 trofe, gjashtë tituj të Ligës së Kampionëve dhe Topin e Artë të vitit 2018, duke u bërë një figurë kyçe në historinë e klubit.

Në La Liga regjistroi 30 gola dhe 63 asistime në 394 ndeshje, duke formuar treshe legjendare në mesfushë me Toni Kroosin dhe Casemiron./Telegrafi/

Igli Tare po përjeton një mbrëmje të veçantë në “San Siro”, teksa përballet me Lazion, klub ku kaloi gati dy dekada – fillimisht si sulmues dhe më pas si drejtor sportiv deri në vitin 2025.

Drejtori aktual i Milanit pranon se emocionet janë të mëdha, por zbulon edhe një detaj të rëndësishëm: Ekziston një “pakt” mes klubit dhe dy yjeve Mike Maignan dhe Luka Modric sa i përket kontratave të tyre.

“Isha pothuajse dy dekada te Lazio, ishin vite të mrekullueshme dhe mbaj kujtime fantastike”.

“Roma dhe Lazio do të kenë gjithmonë një vend në zemrën time, por sapo nis ndeshja, unë jam duke brohoritur për Milanin”.

Kontrata e Maignan skadon në qershor të vitit 2026 dhe së fundi është raportuar se Milan ka nisur përpjekjet për rinovim. Tare konfirmon se ekziston një mirëkuptim i qartë mes palëve.

“Mike po bën shumë mirë, siç e prisnim. Kemi bërë disa marrëveshje në fillim të sezonit dhe siç jemi dakorduar, nuk i vëmë presion njëri-tjetrit. Jemi të përqendruar te ndeshja, pastaj do të shohim si zhvillohen gjërat”.

Një nga goditjet më të mëdha të merkatos së verës për Milanin ishte afrimi i Luka Modric si lojtar i lirë, pasi kontrata e tij me Real Madridin kishte përfunduar. Tare tregon se prurja e kroatit ishte pjesë e një plani të menduar gjatë.

“Analizuam me kujdes sezonin e kaluar dhe kërkuam lojtarë me personalitet të fortë, të aftë të sillnin ndikim të menjëhershëm”.

“Modric pati ndikim të jashtëzakonshëm. Ka gëzimin e një fëmije kur luan futboll dhe përgatitet për çdo ndeshje me vëmendje maksimale ndaj detajeve”.

Tare thekson se dëshira është që Modric të vazhdojë te Milani.

“Shpresoj të luajë ende me ne. Ai ka opsion edhe për një vit tjetër, por do ta vendosim qetësisht, pa presion. Rruga e tij me klubin do të mësohet në momentin e duhur”./Telegrafi

Kristijan Pulisic shënoi një gol për të fituar Milani në derbin e madh, dhe shokët e tij të ekipit me mbiemrat që mbarojnë me “ić” ishin gjithashtu të shkëlqyer.

Si skuadër udhëtuese Milani mundi Interin me rezultatin 1-0 në derbin e javës së 12-të të Serisë A. Golashënuesi i vetëm në një nga ndeshjet më të mëdha të futbollit italian, evropian dhe botëror ishte Kristjan Pulisiç, një futbollist me origjinë kroate. Në minutën e 54-të, ai u përplas me një top të larguar pas një gjuajtjeje nga Salemakers, kështu që nuk pati një punë të vështirë. Ai solli një avantazh, dhe më vonë kjo rezultoi të ishte një fitore për Milanin, i cili pas 12 ndeshjeve ka 25 pikë, falë të cilave është në vendin e dytë me dy pikë më pak se Roma.

Aktualisht janë disa skuadra në krye të tabelës së Serie A, pasi Napoli ka 25 pikë, ndërsa Interi dhe Bologna kanë një pikë më pak, Juventusi i vendit të gjashtë ka 20 pikë. Gara për titullin do të jetë gjithashtu interesante, dhe, sipas të gjitha gjasave, do të përfshijë “Kuqezinjtë”, të udhëhequr nga një treshe e shkëlqyer ballkanase.

Pulisiç pati probleme me një dëmtim që e bëri të humbiste katër ndeshje, por pavarësisht kësaj ai është golashënuesi më i mirë i Milanit dhe i të gjithë ligës me pesë gola. Lojtari i ekipit kombëtar të SHBA-së, i cili ka rrënjët e tij në Kroaci, regjistron dy asiste dhe është një mbështetje e shkëlqyer për Luka Modriç.

Modrić festoi ditëlindjen e tij të 40-të në shtator, menjëherë pasi u largua nga Reali i Madridi dhe mbërriti në Milano pas 13 vitesh. Kroati po luan mjaft mirë edhe këtë sezon, dhe me një vlerësim prej 7.68 (sipas faqes së specializuar të internetit “Sofascore”), kryeson mes lojtarëve të Milanit.

Shumë mirë është paraqitur edhe Strahinja Pavloviç, lojtari i përfaqësueses serbe i cili po luan sezonin e tij të dytë me fanellën kuqezi. Pavloviç, së bashku me Modriç dhe Pulisiç, e udhëheqin në mënyrë brilante ekipin, i cili, i nxitur nga futbollistë me mbiemrat e të cilëve mbarojnë me “iç”, regjistron rezultate shumë të mira, sigurisht dukshëm më të mira krahasuar me sezonin e kaluar, kur e përfunduan kampionatin italian në vendin e tetë.

Luka Modrić : 7.68 12 ndeshje, një gol, dy asiste

Kristijan Pulišić 7.35 tetë ndeshje, pesë gola, dy asiste

Strahinja Pavlović 7.13 12 ndeshje, dy gola, një asistim

Mbiemri “ić” dhe titulli i fundit

Për një kohë të gjatë, vetëm Juventusi ishte një klub me më shumë trofe në Itali sesa Milani, i cili po përpiqet të fitojë titullin në këtë sezon. Milani ishte kampion në vitin 2004, pastaj në vitin 2011 dhe herën tjetër vetëm në sezonin 2021/22.

Herën e fundit kur “Kuqezinjtë” ishin kampionë të Italisë, ylli i parë i ekipit ishte Zlatan Ibrahimoviç. Në sezonin e kampionatit kur ai luajti, në 23 ndeshje, Zlatan ishte golashënuesi më i mirë tetë herë me dy asiste. Në sezonin pasardhës, Ibrahimović luajti vetëm katër ndeshje, pas të cilave i dha fund karrierës së tij. Aktualisht, ky gjigant ka fituar 19 tituj, Interi ka edhe një tjetër dhe ai është nga sezoni 2023/24, kështu që trofeu në këtë sezon mund të jetë edhe më i rëndësishëm për Milanin, pasi skuadra do të barazohej me rivalin e madh të qytetit. Juventusi është aktualisht mbajtësi absolut i rekordit me 36 tituj.

The post Milani i udhëhequr nga “iç”-at e Ballkanit, Modriç, Pulisiç, Pavloviç, shkon më fortë drejt titullit në këtë sezon appeared first on Albeu.com.

Revista prestigjioze The Athletic ka publikuar një listë me 100 lojtarët më të mirë të futbollit të të gjitha kohërave, ku renditja nuk është edhe aq befasuese.

Lista ka ngjallur polemika, por edhe debate mbi objektivitetin e saj.

Konkretisht, nuk ka asnjë futbollist nga shtetet ballkanike midis 100 më të mirëve, përveç yllit kroat Luka Modric.

Siç pritej, Lionel Messi kryeson listën e më të mirëve në histori, i ndjekur nga Diego Maradona i dyti, Pele i treti, Johan Cruyff i katërti dhe Cristiano Ronaldo i pesti.

Në 10 më të mirët përfshiheshin edhe Alfredo Di Stefano, Franz Beckenbauer, Zinedine Zidane, Ferenc Puskas dhe Michel Platini.

Modric është në vendin e 36-të, dhe pas tij janë emra të mëdhenj si Javier Zanetti, Kevin Keegan, Alan Shearer, Eric Cantona, Patrick Vieira, Raul, Gheorghe Hagi, Roberto Carlos, Gabriel Batistuta, Michael Laudrup, Alessandro Del Piero, Francesco Totti dhe Roberto Baggio. /Telegrafi/

Në episodin më të ri të podcastit “Arena e Yjeve”, prodhim i Telegrafit, mysafir është ish futbollisti i njohur Arben Zeqiri. Ky episod realizohet me mbështetjen e sponsorëve zyrtarë Golden Eagle dhe Air Munich.

Ai ka treguar një histori interesante me mesfushorin e AC Milanit Luka Modric, të cilit i kishte treguar që vjen nga Kosova dhe që prej asaj kohe, sa herë e ka parë, kroati nuk e ka harruar.

“Në stadium zhveshtorja dhe qysh kom hi, veç unë e di. E vendosa një logo të Realit në kostum edhe menduan se jam sigurim i Realit. Sigurimi ma hapi derën. Ika te Modrici drejt unë”.

“Paraprakisht krejt i kom takuar, Modricin, krejt këta zyrtarët e lartë, Toni Kroos, Dani Carvajal, mos të flasim. Po shkoj te Modrici edhe i thashë në gjuhën e tyre “Përshëndetje”, më tha “kush je?”, po i tregoj, ja pesë minuta kam fol me to”.

“Po i thom jam nga Kosova, ti je idhulli i shumë kosovarëve, shumë lojtarëve, pata qejf me të taku, me bo një foto me ty, tha “me kënaqësi”. Edhe pastaj e kam takuar edhe në Madrid, edhe në Paris, edhe në Bernabeu. Në të tre herët më ka përshëndetur dhe ka bërë foto me mua. Thjeshtësi, modest, për toke”, tregoi ai.

Episodin e plotë me Arben Zeqirin. mund ta ndiqni edhe në kanalin zyrtar në YouTube të Telegrafit./Telegrafi/

Afati kalimtar i verës solli një valë të madhe lëvizjesh në tregun evropian të futbollit. Klube nga pesë ligat kryesore u treguan jashtëzakonisht aktive, duke bërë investime të mëdha për të përforcuar skuadrat.

Por, si gjithmonë, jo çdo transferim rezulton sukses — disa dështojnë, ndërsa disa shndërrohen në goditje të plota.

Sot sjellim pesë transferimet që kanë rezultuar ndër më të mirat e verës, duke kombinuar vizionin e drejtuesve me performancën e menjëhershme në fushë.

1/ Luis Díaz – nga Liverpool te Bayern Munich (70 milionë euro)

Kur Bayern Munich vendosi të shpenzojë 70 milionë euro për Luis Díaz, shumë e panë këtë si rrezik të madh financiar. Por kolumbiani ka provuar se çdo cent ka qenë i merituar. Me shpejtësinë dhe depërtimet e tij nga krahu i majtë, ai ka bërë diferencën në çdo kompeticion.

Deri tani ka shënuar 11 gola në 16 ndeshje, përfshirë gola në Bundesligë, Ligën e Kampionëve, Kupë dhe Superkupë. Díaz është bërë shpejt një nga liderët e rinj të Bayernit dhe simbol i ambicies për të fituar çdo trofe.

“Qëllimi im është të fitoj gjithçka që mundemi, dhe do të punojmë çdo ditë për këtë,” tha ai pas transferimit në Bavari.

2/ Yan Diomande – nga Leganés te RB Leipzig (20 milionë euro)

Vetëm 18 vjeç dhe me më pak se dhjetë ndeshje profesionale para verës, Yan Diomande ishte një bast i madh për Leipzigun. Por basti ka rezultuar fitimtar.

I ardhur nga Bregu i Fildishtë, anësori që është formuar në SHBA ka mahnitur me shpejtësinë dhe driblimet e tij.

Në dhjetë paraqitje ka shënuar tre gola dhe dhënë tre asiste, duke fituar besimin e trajnerit Ole Werner. Ai është një shembull i qartë i filozofisë së Leipzigut për të investuar te të rinjtë me potencial të jashtëzakonshëm.

3/ Granit Xhaka – nga Bayer Leverkusen te Sunderland (15 milionë euro)

Në moshën 33-vjeçare, Granit Xhaka u kthye në një figurë kyçe për Sunderlandin, skuadrën që u rikthye në Ligën Premier pas shumë vitesh. Me përvojën e tij, mesfushori shqiptar ka sjellë stabilitet dhe lidership në një ekip plot energji të re.

Trajneri Regis Le Bris e ka quajtur Xhakën “standardin e disiplinës dhe profesionalizmit”, ndërsa statistikat e tij e konfirmojnë këtë: është ndër më të mirët e skuadrës në çdo aspekt, dhe së fundmi ka shënuar edhe golin e parë sezonal kundër Evertonit.

4/ Marcus Rashford – nga Manchester United te Barcelona (huazim me mundësi blerjeje)

Pas një periudhe të vështirë në Manchester United, Marcus Rashford gjeti ringjalljen te Barcelona. Fillimisht u përfol se pagat e tij do ta bënin marrëveshjen të pamundur, por pas negociatave të gjata, palët gjetën një zgjidhje.

Rezultati? Rashford është bërë një element kyç në sulmin katalanas, me 6 gola dhe 7 asiste në 15 ndeshje, duke rigjetur besimin dhe formën e dikurshme. Barça tashmë po shqyrton blerjen e plotë të kartonit për rreth 30 milionë euro në fund të sezonit.

5/ Luka Modrić – nga Real Madrid te Milan (pa kompensim)

Kur Luka Modrić u largua nga Real Madridi në moshën 40-vjeçare, shumë menduan se ishte fundi i epokës së tij. Por kroati i jashtëzakonshëm zgjodhi të mos tërhiqet — dhe firmosi me Milanin.

Pasi drejtori sportiv Igli Tare udhëtoi personalisht në Kroaci për ta bindur, Modrić pranoi sfidën. Me përvojën, vizionin dhe qetësinë e tij, ai ka transformuar mesfushën e Milanit, që tashmë po lufton për kreun e Serie A.

“Milani nuk mund të kënaqet me mediokritet. Duhet të synojë gjithmonë majat,” deklaroi Modrić në prezantim.

Sot, tifozët kuqezi janë të bindur se ardhja e tij ka qenë një nga lëvizjet më të mençura të verës. /Telegrafi/

Mesfushori i AC Milan, Luka Modric, ka marrë oferta nga klube të nivelit të lartë në Saudi Pro League dhe Katar, sipas gazetarit Matteo Moretto.

Megjithatë, legjenda kroate mbetet e përqendruar tek kuqezinjtë dhe pritet të marrë vendimin për të ardhmen e tij më vonë.

Modric u bashkua me Milanin si lojtar i lirë nga Real Madridi me një kontratë njëvjeçare dhe ka bërë menjëherë diferencën te skuadra në San Siro.

Ai ka ndihmuar Milanin të kthehen në pretendentë për titullin në Serie A këtë sezon dhe ka treguar një formë mbresëlënëse, duke dëshmuar edhe një herë cilësitë e tij dhe qëndrueshmërinë në nivel të lartë, megjithë 40 vjetët e moshës.

Performancat e tij influencuese kanë bindur drejtuesit e Milanit që të përpiqen ta rinovojnë kontratën për një sezon shtesë, duke e konsideruar Modric një pjesë kyçe të projektit të tyre afatgjatë. /Telegrafi/

Njëri nga mesfushorët më të mirë të të gjitha kohërave, Luka Modric, ka zbuluar pesë futbollistët e tij të preferuar, që ai i konsideron si më të mirët në histori.

Në një intervistë për mediumin spanjoll AS, kroati befasoi opinionin publik me përzgjedhjet e tij, duke lënë jashtë dyshen ikonike Lionel Messi dhe Cristiano Ronaldo, të cilët prej vitesh kanë dominuar futbollin botëror.

Modric, i cili aktualisht është kapiten i Kroacisë dhe lojtar i Milanit, filloi listën e tij me legjendën argjentinase Diego Armando Maradona, duke e cilësuar atë si simbol të pasionit dhe artit në futboll.

“Është gjithashtu Francesco Totti, braziliani Ronaldo, Zvonimir Boban i cili ishte idhulli im dhe sigurisht Zinedine Zidane", u shpreh Modric për gazetën AS.

Lista e tij reflekton më shumë emocionin dhe ndikimin personal që kanë pasur këta futbollistë te ai gjatë viteve, sesa thjesht statistikat apo trofetë e fituar.

Modric u largua nga Real Madridi këtë verë pas 12 sezoneve të lavdishme, gjatë të cilave fitoi gjithçka që mund të fitohej në futbollin evropian, përfshirë pesë tituj të Ligës së Kampionëve dhe Topin e Artë në vitin 2018.

Ai më pas u transferua te Milani, ku po tregon ende nivel të lartë performance.

Në Itali, 38-vjeçari është votuar si lojtari më i mirë i muajit shtator në Serie A, duke dëshmuar se klasa dhe ndikimi i tij në fushë mbeten të paprekura, pavarësisht moshës. /Telegrafi/