Kampionët aktualë të Spanjës, Barcelona, e nisën vitin e ri në mënyrën më të mirë të mundshme, duke vazhduar serinë e fitoreve në La Liga.

Mbrëmë, skuadra e drejtuar nga Hansi Flick mposhti Espanyolin me rezultat 2:0 në derbin e madh katalanas, duke regjistruar fitoren e nëntë radhazi në kampionat.

Megjithëse golat u shënuan nga Dani Olmo dhe Robert Lewandowski, çmimi i lojtarit të ndeshjes i takoi me plot meritë portierit të Barcelonës, Joan Garcia.

Portieri i ri, i cili u transferua pikërisht nga Espanyol te Barcelona gjatë kësaj vere, u prit me armiqësi nga tifozët vendas, të cilët e fishkëllen dhe e fyen gjatë gjithë ndeshjes.

Megjithatë, kjo nuk e shqetësoi Garcian, përkundrazi, i dha motivim shtesë për të zhvilluar një paraqitje të jashtëzakonshme, duke ndalur pothuajse çdo tentativë të kundërshtarit.

Një ndërhyrje e tij bie veçanërisht në sy dhe ndodhi në minutën e 20-të të takimit. Espanyol krijoi një rast të mirë përmes Fernandez, gjuajtja e të cilit u prit fillimisht nga Garcia. Topi u rikthye te një lojtar tjetër i Espanyolit, i cili ndodhej në pozicion ideal për të shënuar.

Në atë moment, portieri i Barcelonës mori një vendim brilant. Duke parë se bashkëlojtari i tij Gerard Martin ishte larg dhe rrezikonte të mos arrinte të ndërhynte, Garcia e shtyu lehtë atë drejt zonës dhe u hodh për të ngushtuar këndin, duke i reduktuar hapësirën kundërshtarit për gjuajtje.

Vendimi rezultoi vendimtar, pasi Martin arriti të bllokojë goditjen, duke shmangur një gol të sigurt dhe duke konfirmuar inteligjencën dhe qetësinë e portierit katalanas në momentet kyçe. /Telegrafi/

Ndërsa shumë nga ligat kryesore evropiane kanë bërë pushim për dimër, është koha të bëjmë një bilanc dhe të reflektojmë mbi katër muajt e parë të mbushur me emocion dhe veprim në fushë.

Ky është gjithashtu momenti i duhur për të vlerësuar lojtarët që përfunduan transferimet gjatë verës nëpër kontinent, tani që kanë një numër të konsiderueshëm ndeshjesh pas tyre.

10. Malick Thiaw (Newcastle – 35 milionë euro)

Gjermani ka hyrë në Ligën Premier me një lehtësi të jashtëzakonshme, duke u bërë shpejt një titullar i në mbrojtjen e fortë të Newcastle, bashkë me Fabian Schar, Sven Botman dhe Dan Burn, dhe madje është lavdëruar si një nga qendërmbrojtësit më të mirë në kampionat.

Thiaw ka dominuar në ajër, ka treguar aftësitë e tij me topin dhe madje ka shënuar një dygolësh kundër Everton në fund të nëntorit.

9. Marcus Rashford (Barcelona – huazim)

Huazimi i Marcus Rashford te Barcelona ishte një lëvizje surprizuese verën e kaluar. 27-vjeçari, i cili duket se po afrohej në fundin e karrierës së tij në nivele të larta, ka shfrytëzuar mundësinë me të dyja duart.

Rashford ka shfrytëzuar një dëmtim të hershëm të Leëandoëskit për t’u bërë një figurë kyçe në një repart sulmues që përfshin gjithashtu Raphinha dhe Lamine Yamal.

8. Joan Garcia (Barcelona – 25 milionë euro)

Barcelona është shpërblyer për vendimin e diskutueshëm për të degraduar Marc-Andre ter Stegen dhe për të besuar te Joan Garcia.

24-vjeçari ka shkëlqyer, duke bërë pritje të jashtëzakonshme që kanë ndihmuar blaugranët të ngjiten në krye të La Ligës, përfshirë një paraqitje vendimtare kundër Rayo Vallecano dhe një tjetër të jashtëzakonshme ndaj Villarreal.

Ai ka një përqindje pritjesh prej 79 përqind dhe 6 ndeshje pa pësuar gola në 12 takime në kampionat.

7. Martin Zubimendi (Arsenal – 60 milionë euro)

Sezona e tij e parë në Arsenal nuk do të mbahet mend për statistika individuale, por 26-vjeçari ka transformuar mesfushën e ‘Topçinjve’, duke ndihmuar veçanërisht Declan Rice të lulëzojë në një rol më të lirë, duke kombinuar aftësi me topin dhe forcë në duelin fizik.

6. Jonathan Tah (Bayern Munich – falas)

Tah u bashkua me Bayern Munchen në qershor pas skadimit të kontratës me Bayer Leverkusen dhe ka sjellë stabilitet të ri në mbrojtjen bavareze, duke formuar një partneritet të fortë me Dayot Upamecano.

Reprezentuesi gjerman ka dominuar në ajër dhe ka kontribuar edhe me disa gola.

5. Granit Xhaka (Sunderland – 17 milionë euro)

Mesfushori shqiptar ka qenë një lider i vërtetë për Sunderland, duke mbajtur shiritin e kapitenit dhe duke udhëhequr skuadrën në asiste, mundësi të krijuara, pasime të suksesshme dhe fitore dueli.

Një ndikim kyç për suksesin e hershëm të klubit nën drejtimin e Regis Le Bris.

4. Luka Modric (AC Milan – falas)

Modric, 40 vjeç, ka treguar përsëri klas dhe energji të jashtëzakonshme për të udhëhequr mesfushën e Milanit, duke luajtur çdo ndeshje të Serie A dhe duke ndihmuar klubin të luftojë për Scudetto pas një sezoni të dobët të mëparshëm.

3. Florian Thauvin (Lens – 8 milionë euro)

Në moshën 32-vjeçare, Thauvin është bërë një nga transferimet më të spikatura në Ligue 1, duke ndihmuar Lens të qëndrojë në krye të kampionatit para Krishtlindjeve.

Ai ka kontribuar në 7 gola në 16 ndeshje dhe është rikthyer në Kombëtaren e Francës pas gjashtë vjetësh.

2. Yan Diomande (RB Leipzig – 20 milionë euro)

19-vjeçari i Bregut të Fildishtë ka qenë sensacion për Leipzig këtë sezon. Pas zhvendosjes nga krahu i majtë në të djathtin në tetor, ai ka arritur të kontribuojë në 10 gola në 9 ndeshjet e fundit përpara Kupës së Afrikës.

1. Luis Diaz (Bayern Munich – 75 milionë euro)

Luis Diaz ka filluar me ritëm të jashtëzakonshëm në Bayern Munich, duke dhuruar 14 kontribuime në gola në po aq ndeshje ligash, duke përfshirë 5 gola në 3 ndeshje për të nisur karrierën e tij në Gjermani.

Ai ka shfrytëzuar hapësirat e mbrojtjeve kundërshtare në Bundesliga për të shkëlqyer si sulmues i shpejtë dhe direkt./Telegrafi/

Përballja e fundjavës së ardhshme në La Liga mes Espanyolit dhe Barcelonës në stadiumin RCDE pritet të jetë tejet e zjarrtë, me dy rivalët e qytetit që përballen për herë të parë këtë sezon.

Tensioni do të jetë edhe më i madh për shkak të rikthimit të Joan Garcias në ish-klubin e tij, për herë të parë që nga transferimi i tij veror te Barcelona.

Kalimi i portierit te rivalët katalanas u kritikua ashpër nga shumë figura të lidhura me Espanyolin, ndërsa tifozët e klubit pritet ta konsiderojnë atë si “armikun numër një” në ndeshjen e së shtunës së ardhshme.

Në pritje të mundshmeve reagime armiqësore ndaj portierit, drejtuesit e Espanyolit kanë vendosur të ndërmarrin masa shtesë sigurie.

Sipas Cadena SER, klubi po planifikon instalimin e rrjetave mbrojtëse pas të dy portave, me qëllim që të parandalohet hedhja e objekteve në fushë.

Espanyoli, i cili është ndëshkuar edhe më parë për raste të ngjashme, dëshiron të shmangë çdo incident në ndeshjen e parë të vitit 2026, pasi Federata Spanjolle e Futbollit mund të vendosë sanksione të rënda në rast të një shkeljeje tjetër.

Klubi e konsideron të domosdoshme vendosjen e rrjetave në të dy skajet e stadiumit RCDE, megjithatë kjo masë ka hasur në kundërshtimin e një grupi tifozësh, La Curva, që është pjesë e Grada Canito./Telegrafi/

Derbi i madh katalanas ndërmjet Espanyolit dhe Barcelonës, që do të zhvillohet më 3 janar në stadiumin RCDE, është shpallur zyrtarisht si ndeshje me rrezik të lartë.

Shkak kryesor për këtë vendim është portieri i Barcelonës, Joan Garcia, i cili gjatë verës iu bashkua kampionëve aktualë pikërisht nga Espanyoli për shumën e 25 milionë eurove.

Ky transferim ka shkaktuar pakënaqësi të madhe te tifozët e klubit vendas, duke rritur tensionin para përballjes.

Në këtë kontekst, Espanyoli po punon intensivisht në koordinim me autoritetet për të forcuar masat e sigurisë, me qëllim që rikthimi i Garcias në RCDE Stadium të mos shndërrohet në burim incidentesh që mund të kenë pasoja serioze për klubin dhe për mbarëvajtjen e sezonit.

Ndër masat parandaluese të planifikuara është edhe vendosja e një rrjete mbrojtëse pas njërës prej portave, për të parandaluar hedhjen e objekteve në fushë dhe për të garantuar sigurinë e lojtarëve dhe zyrtarëve të ndeshjes.

Kujtojmë se Barcelona kryeson aktualisht La Ligan me 46 pikë, katër më shumë se Real Madridi i vendit të dytë, dhe ndodhet në një seri mbresëlënëse prej tetë fitoresh radhazi në kampionat. /Telegrafi/

Portieri gjerman Marc-Andre ter Stegen nuk ka ndërmend të heqë dorë nga kontrata e tij aktuale me Barcelonën, e vlefshme deri në vitin 2028.

Marc-Andre ter Stegen e ka të qartë pozicionin e tij.

Pavarësisht se prej kohësh Barcelona i ka lënë të kuptohet se mund të largohet, lojtari nuk ka asnjë synim të ndërpresë marrëveshjen përpara afatit.

Sipas Mundo Deportivo, në mendjen e tij vazhdon të jetë prioritet respektimi i kontratës deri në fund.

Sidoqoftë, i vetëdijshëm se aktualisht është pothuajse e pamundur të rrëzojë Joan Garcia nga roli i titullarit, gjermani ka nisur të shqyrtojë seriozisht opsionin e një huazimi në janar.

Vendimi i tij do të varet në masë të madhe nga ajo që do të ndodhë në ndeshjen e Kupës së Mbretit, ku Barça përballet këtë të martë me Deportivo Guadalajara.

Nëse Hansi Flick i jep mundësinë të luajë dhe i konfirmon rolin si zëvendësuesi kryesor, pritet që ter Stegen të qëndrojë.

Në të kundërt, nëse Flick zgjedh Wojciech Szczesny, do të kërkojë një largim të përkohshëm.

Faktorët vendimtarë

Prania e Kupës së Botës 2026 në horizont është thelbësore për të kuptuar qëndrimin e portierit gjerman.

Ter Stegen e di se do të jetë shumë e vështirë të sigurojë një vend në përfaqësuesen e Gjermanisë pa asnjë minutë loje gjatë sezonit.

“Gjermani ka folur tashmë me Flick. Një bisedë private, që mbetet mes tyre, siç tha edhe trajneri. Ai e di se për të shkuar në Botëror duhet të luajë. Te Barça e ka të vështirë dhe është i vetëdijshëm për këtë”, përmbledh Mundo Deportivo.

Natyrisht, për drejtuesit e klubit katalanas zgjidhja ideale do të ishte një transferim përfundimtar, por as lojtari nuk është i gatshëm të heqë dorë nga kontrata e nënshkruar, as nuk ka klube të interesuara të paguajnë një shumë transferimi.

Edhe zgjidhja e prishjes së kontratës nuk është e favorshme, pasi Barça do të duhej t’i paguante pjesën e mbetur të pagës.

Në këto kushte, vetëm një huazim mund të lehtësojë pjesërisht një situatë që mbetet e ndërlikuar dhe pa zgjidhje të shpejtë. /Telegrafi/

Pas rikuperimit nga problemet fizike që e penguan të fillonte sezonin me ekipin, portieri gjerman Marc-Andre ter Stegen duhet të vendosë brenda ditëve nëse do të kërkojë një sfidë të re apo do të qëndrojë i lidhur me Barcelonën që prej kohësh i ka treguar portën e daljes.

Sipas raportimeve, e ardhmja e Ter Stegen mbetet e pasigurt.

Pasi ka kaluar periudhën e rehabilitimit, portieri duhet të vendosë shpejt nëse do të vazhdojë me klubin katalanas apo do të nisë një kapitull të ri në karrierën e tij.

Në radhë të parë, portieri nuk duket se ka vend në planet e trajnerit Hansi Flick, i cili ka theksuar në mënyrë të përsëritur se Joan Garcia është opsioni i parë në portë.

Aktualisht, as nuk është e qartë nëse Ter Stegen do të mbetet madje si zëvendësues kryesor, pozicion që për momentin e ka zënë me sukses portieri polak Wojciech Szczesny.

Ndeshja e Kupës së Mbretit ndaj Guadalajaras javën e ardhshme pritet të japë një pasqyrë më të qartë.

Një largim i komplikuar

Edhe nëse Ter Stegen luan disa ndeshje të izoluara, kjo nuk do t’i sigurojë vend në listën e përfaqësueses gjermane për Botërorin e ardhshëm.

Prandaj, nuk përjashtohet mundësia që ai të vendosë të largohet nga Camp Nou që në janar, megjithatë largimi i tij nuk duket i lehtë.

Barcelona e sheh me mirësi një largim të mundshëm, por e di mirë se asnjë klub nuk do të paguajë një shumë për transferimin e një portieri që sapo ka dalë nga një dëmtim.

Për më tepër, në rast se do të lejohej një huazim, klubi katalanas do të duhej të mbulonte një pjesë të konsiderueshme të pagës së lartë të portierit, kjo e bën situatën më të komplikuar dhe kërkon një zgjidhje të kujdesshme. /Telegrafi/

Marc-Andre ter Stegen është gati të marrë lejen mjekësore për ndeshjen e fundjavës kundër Osasunës dhe me afrimin e afatit kalimtar së janarit, kanë nisur sërish thashethemet për të ardhmen e tij.

Megjithëse është një nga kapitenët e Barcelonës, situata e tij nuk është aspak e qartë. Portieri titullar është Joan Garcia, i cili po shkëlqen, dhe nuk duket se Ter Stegen do ta marrë shpejt vendin e tij.

Madje, sipas Sport Bild, ai mund të mos jetë as i dyti në renditje, sepse edhe Wojciech Szczesny po shihet si alternativë e fortë.

Me Kupën e Botës 2026 që po afrohet, Ter Stegen kërkon të luajë sa më shumë që të thirret nga trajneri i Gjermanisë, Julian Nagelsmann. Për këtë arsye, ai mund të kërkojë largimin në janar.

Pas operacionit në shpinë, forma e tij është ende e paqartë dhe klubet e interesuara mund të kërkojnë huazim, jo transferim të plotë, pasi ai ka munguar gjatë.

Ndërkohë, Ter Stegen thotë se dëshiron të fokusohet vetëm te fusha dhe të rikthejë versionin e tij më të mirë. Por vendimi për minutat do të jetë në duart e Hansi Flick.

Joan Garcia vazhdon të jetë një nga portierët më të mirë të momentit dhe Barcelona ka bërë një goditje të madhe me afrimin e tij për 30 milionë euro.

E ardhmja e tij te Barça është më e pasigurt se kurrë. /Telegrafi/

Barcelona mori lajme të përziera nga seanca e së enjtes, teksa një tjetër lojtar kyç doli nga planet për shkak dëmtimi, ndërsa në anën tjetër skuadra mori sinjale shumë pozitive nga lojtarët që po rikuperohen.

Fermin Lopez jashtë për disa javë

Pjesa negative për katalanasit lidhet me mungesën e Fermin Lopez në stërvitje. 22-vjeçari, një ndër lojtarët më të qëndrueshëm të Hansi Flick këtë sezon, do të mungojë për disa javë, duke e përjashtuar nga dueli i rëndësishëm kundër Atletico Madrid të martën në Camp Nou.

Lajme të mira nga Pedri

Ndërkohë, Pedri Gonzalez kreu një pjesë të seancës stërvitore me grupin, duke konfirmuar progresin e tij. Flick kishte deklaruar më herët se mesfushori mund të ishte në garë për minutat e para kundër Alaves, dhe gjithçka po shkon sipas planit.

Sipas Diario AS, nëse Pedri përfundon pa probleme seancat e së enjtes dhe të premtes, ai mund të marrë rreth 15 minuta lojë këtë fundjavë.

Rikthimi i tij do të vinte 10 ditë para afatit fillestar të parashikuar prej gjashtë javësh. Megjithatë, edhe nëse luan ndaj Alaves, nisja titullar kundër Atletico Madrid mbetet e pamundur, por pritet të ketë ndikim më të madh nga stoli.

Opsionet e Flick në mesfushë për sfidën ndaj Atletico Madrid

Me rikthimin e Raphinhas dhe Joan Garcias, Barcelona ka rimarrë disa titullarë të rëndësishëm pas ndërprerjes së kombëtareve.

Mungesa e Ferminit pritet ta detyrojë Flick të formojë një mesfushë me Frenkie de Jong dhe Dani Olmo, ndërsa Eric Garcia ka qenë surpriza e trajnerit si mesfushor mbrojtës kundër Chelseat dhe Athletic Club.

Në varësi të gjendjes së Pedrit, në rolin e mesfushorit mbrojtës ndaj Atletico pritet të aktivizohet Eric Garcia ose Marc Casado, ndërsa Marc Bernal mbetet një opsion më i largët, por jo i pamundur. /Telegrafi/

Barcelona po bëhet gati për rikthimin e shumëpritur në Camp Nou dhe me këtë rast Hansi Flick ka marrë lajme pozitive pas rikthimit në kohë nga lëndimi të Raphinhas dhe portierit Joan Garcia.

Por pasiguria rreth rikuperimit të Frenkie De Jong dhe sëmundjes së Marcus Rashford hedh hije mbi një fundjavë vendimtare.

Me Pedrin që ende monitorohet nga afër, Barça hyn në rikthimin në shtëpi duke luftuar po aq për gjendjen fizike sa edhe për formën.

De Jong, i cili po përballet me shqetësime të lidhura me dëmtimin e mëparshëm në zonën e ijëve, nuk është stërvitur me intensitet të plotë. Në konferencën për shtyp para ndeshjes së kampionatit, Flick refuzoi të konfirmonte aktivizimin e tij, duke pranuar vetëm se skuadra është stërvitur për alternativa dhe do të përshtatet nëse ai nuk mund të luajë.

"Jemi stërvitur për mënyrën se si duam të luajmë nesër dhe e dimë si ta zëvendësojmë. Por nuk dua të flas për këtë sot, do ta shihni nesër”.

Raphinha

“E njëjta gjë vlen për Frenkien si për Pedrin, janë lojtarë të mëdhenj dhe na japin besim. Por ndonjëherë nuk mund të llogarisim te ta dhe duhet ta menaxhojmë këtë situate”, tha Flick.

"Marcus ka temperaturë dhe nuk ka mundur të stërvitet as dje, as sot. Kam disa dyshime për të në ndeshjen e nesërme”.

“Por lajmi i mirë është që Raphinha është rikthyer dhe e vlerësoj shumë atë që sjell në skuadër. Do ta shohim nesër; e rëndësishme është që është kthyer. Megjithatë, ai do të nisë nga stoli”.

Garcia, i cili mbeti jashtë fushave për shkak të një lëndimi që nga muaji shtator është plotësisht i gatshëm dhe pritet të startojë./Telegrafi/

Fitorja në Vigo kundër Celtës e vendosi Barcelonën vetëm tre pikë larg liderëve të ligës, Real Madridit. Megjithatë, performanca e tyre mbrojtëse mbeti shqetësuese. Kjo është arsyeja pse djemtë e Hansi Flick po shkojnë drejt pushimit ndërkombëtar të vendosur për të filluar nga e para kur të rifillojë gara. Një rikthim që, në parim, do të sjellë disa ndryshime të rëndësishme për Blaugranët.

Kthimi më i sigurt nga të gjithë do të jetë ai i Joan Garcias. Kthimi i portierit titullar është një nga më të priturit nga tifozët e Barçës. Dhe me arsye të mirë. Që kur pësoi një këputje në meniskun të gjurit të majtë, Barcelona ka pasur probleme serioze në portë.

Në gjashtë ndeshjet e luajtura nga ish-lojtari i Espanyolit, ai ka pësuar 4 gola; në të kundërt, me Wojciech Szczesnyn, i cili duke përfshirë ndeshjen e djeshme ka luajtur gjithashtu gjashtë ndeshje, skuadra ka pësuar 11 gola. Pothuajse trefish...

Për shkak të kësaj, dhe përtej dobësive shqetësuese në mbrojtje, Barcelona duhet të adresojë edhe problemet e saj me portierin dhe të gjejë një portier më të besueshëm. Kjo është arsyeja pse kthimi i spanjollit duket thelbësor për ndeshjen e ardhshme të ligës, e cila do të jetë më 22 nëntor kundër Athletic Bilbaos.

Kthimi i Raphinhas

Dhe ajo ditë, megjithëse nuk është zyrtare, mund të sjellë edhe një zhvillim tjetër të rëndësishëm: rikthimin e shumëpritur të Raphinhas. Braziliani u lëndua kundër Oviedos, por mund të jetë gati për ndeshjen e ardhshme pasi u rikuperua nga një dëmtim në kofshën e djathtë.

Golat, asistimet, si dhe fryma e tij e vlefshme garuese dhe performanca mbrojtëse do të jenë një nxitje e madhe për një ekip që ka qenë shumë i dobët në mbrojtje, duke filluar nga sulmuesit.

Kthimi në shtëpi

Dhe lajmi i tretë i madh, megjithëse ende i pakonfirmuar, mund të jetë vendi i ndeshjes. Presidenti Joan Laporta tha se skuadra mund të kthehet "në shtëpi" më 22 nëntor, kundër Athletic Bilbaos.

Rikthimi në Camp Nou duket më afër se kurrë pas seancës stërvitore të së premtes së kaluar. Një fushë më e madhe, më shumë tifozë që brohorasin lojtarët dhe një stadium që është më frikësues për kundërshtarët do të jetë një arsye tjetër gëzimi për tifozët e Barçës dhe për Flick, i cili po numëron ditët deri sa këto tre rikthime të konfirmohen sa më shpejt të jetë e mundur. /Telegrafi/

Brenda dy javësh, Barcelona do të udhëtojë drejt “Santiago Bernabeu” për përballjen e parë të sezonit në “El Clasico”.

Hansi Flick shpreson të ketë në dispozicion lojtarë si Lamine Yamal, Raphinha dhe Fermin Lopez për sfidën ndaj Real Madridit, por një futbollist që do t’i mungojë me siguri është portieri titullar Joan Garcia.

Garcia pësoi një dëmtim në menisk pas fitores së Barcelonës ndaj Real Oviedos muajin e kaluar, dhe iu nënshtrua një ndërhyrjeje kirurgjikale për të zgjidhur problemin.

Koha e rikuperimit u parashikua të ishte nga 4 deri në 6 javë, dhe nëse ai do të rikuperohej në minimumin e kësaj periudhe, do të kishte shanse të ishte i gatshëm për “El Clasico”.

Barcelona kishte qenë optimiste se Garcia do të ishte në gjendje të udhëtonte me skuadrën drejt Madridit, por kjo nuk do të ndodhë.

Joan Garcia

Sipas Mundo Deportivo, vetë lojtari ka konfirmuar se nuk do të rikthehet në fushë para nëntorit.

“Do të shohim se si do të përparoj, por për momentin gjithçka po shkon mirë. Do të rikthehem pas një muaji, më ose pak më shumë”, ka thënë Garcia.

Nëse Garcia do të jetë jashtë fushave edhe për një muaj tjetër, atëherë ai nuk do të mund të luajë për Barcelonën para ndërprerjes ndërkombëtare të nëntorit, e cila nis pas udhëtimit të tyre ndaj Celtas më datën 9 të atij muaji.

Ai do të humbasë ndeshjet ndaj Gironës, Olympiacosit, Real Madridit, Elches, Club Brugge dhe Celtas, me rikthimin e tij të mundshëm më 23 nëntor në sfidën ndaj Athletic Bilbaos./Telegrafi/

Portieri i Barcelonës, Wojciech Szczesny, shpreson që të mos jetë ai mes shtyllave kur gjigantët katalanas të përballen me Real Madridin në ‘El Clasico’-n e shumëpritur më vonë këtë muaj.

Përkundrazi, gardiani me përvojë shpreson që portieri i dëmtuar, Joan Garcia, të rikuperohet në kohë për udhëtimin në “Santiago Bernabeu”, ndërsa foli me superlativa për potencialin e nivelit botëror të afrimit të verës.

Szczesny, i cili rinovoi kontratën me Barçën edhe për një sezon tjetër, ka deklaruar më parë se do të bëjë gjithçka është në fuqinë e tij për ta ndihmuar 24-vjeçarin të arrijë majat e futbollit.

Megjithatë, fillimi ëndërr i Garcias u kthye në makth. Gjatë një seance stërvitore në mëngjesin e 26 shtatorit, 24-vjeçari pësoi një dëmtim në menisk.

Ai iu nënshtrua me sukses një ndërhyrjeje artroskopike po atë ditë, por u detyrua të qëndrojë jashtë fushave për katër javë, duke vënë në dyshim pjesëmarrjen e tij në ‘El Clasico’-n ndaj rivalëve të përbetuar më 26 tetor.

Szczesny shpreson që Garcia të rikuperohet në kohë për këtë përballje të madhe.

“Sinqerisht i uroj një rikuperim të shpejtë. Dhe nuk po llogaris që të luaj vetë në El Clasico. Vlerësoj qartësinë e marrëdhënies që kam me Joanin”.

“Ai e di shumë mirë se cili është roli im, dhe unë dua të ndikoj që ai të luajë në nivelin e tij më të mirë”.

“Nuk kam asnjë dyshim kush është dhe kush duhet të jetë portieri numër një te Barcelona. Mendoj se është një djalë me potencial të madh. Do të isha pak i pamodest të thosha se mund ta ndihmoj pak”.

“E pranoj këtë rol me shumë përgjegjësi. Nuk dua që dikush të ketë dyshime. Nuk do të ketë kurrë konkurrencë për fanellën me numrin një këtu”, ka thënë polaku./Telegrafi/

Ylli i Barcelonës, Joan Garcia, mbetet jashtë fushave pas një operacioni të suksesshëm në gju, me portierin që rrezikon të mungojë në përballjen e madhe “El Clasico” kundër Real Madridit në fund të tetorit.

Portieri 24-vjeçar, i transferuar këtë verë nga Espanyol për 25 milionë euro, është përjashtuar nga loja për një periudhë prej katër deri në gjashtë javë, pas një ndërhyrjeje artroskopike në meniskun e këputur të gjurit të majtë.

Barcelona konfirmoi të premten se operacioni i Garcias ka qenë i suksesshëm, megjithatë është periudha e rikuperimit ajo që do të përcaktojë numrin e ndeshjeve që ai do të humbasë.

Lëndimi i tij është i ngjashëm me atë që pësoi bashkëlojtari Gavi më herët gjatë javës, ndonëse në rastin e mesfushorit dëmtimi ishte dukshëm më i rëndë, duke e lënë jashtë për deri në pesë muaj.

Parashikimi për Garcian është më pak shqetësues, por edhe katër javë mungesë e vendosin në një garë me kohën për të qenë gati për “El Clasicon” e planifikuar më 26 tetor.

Nëse qëndron jashtë për gjashtë javë, ai thuajse me siguri do ta humbasë përballjen me Real Madridin.

Që nga momenti i mbërritjes nga rivalët e qytetit Espanyol, Garcia nuk humbi kohë për të konsoliduar vendin si portieri numër një i Barcelonës.

Që në ditën e parë, Hansi Flick i besoi atij fanellën e titullarit dhe ai e nisi çdo ndeshje të këtij sezoni, duke fituar shpejt simpatinë e tifozëve për sigurinë në portë.

Me vetëm pesë gola të pësuar në shtatë ndeshje të La Ligas, spanjolli është vlerësuar për refleksin dhe qetësinë e tij, edhe pse të enjten u kritikua për një pasim të gabuar që çoi në golin e parë të Oviedos./Telegrafi/

Barcelona ka pësuar një goditje të rëndë pasi është konfirmuar se një tjetër lojtar kyç do t’i nënshtrohet ndërhyrjes kirurgjikale në gju.

Më herët gjatë javës u bë e ditur se Gavi do të mungojë për pesë deri në gjashtë muaj për shkak të një operacioni në menisk, ndërsa tani është konfirmuar se edhe portieri Joan Garcia do t’i nënshtrohet të njëjtës procedurë.

Pas lëndimit të Raphinhas, që u konfirmua të premten, situata për Barcelonën është përkeqësuar më tej me lajmin se edhe portieri 24-vjeçar Joan Garcia është dëmtuar në stërvitje.

Fillimisht u raportua se ai do të mungonte për rreth tre javë, por kontrollet e mëtejshme kanë zbuluar se dëmtimi në menisk është më serioz nga sa ishte menduar.

Të premten pasdite, klubi katalanas njoftoi papritur se Garcia do t’i nënshtrohet një artroskopie, një ndërhyrje kirurgjikale për të trajtuar problemet në artikulacionet e gjurit.

Koha e rikuperimit parashikohet të jetë nga katër deri në gjashtë javë, dyfish më shumë se diagnoza fillestare.

Kjo e vë në dyshim serioz pjesëmarrjen e tij në ‘El Clasicon’ që do të zhvillohet më 26 tetor.

Në skenarin më optimist, Garcia do të rikuperohej pikërisht në kohë për atë ndeshje, pas katër javësh mungesë, por një kthim kaq i shpejtë duket i rrezikshëm.

Më e mundshme është që ai të jetë jashtë fushe deri në nëntor, ndoshta edhe pas pushimit të radhës ndërkombëtar.

Situata paraqet një shqetësim të madh për Barcelonën, e cila tashmë po përballet me mungesa të rëndësishme në prag të fazës vendimtare të sezonit./Telegrafi/

Trajneri Hansi Flick pritet t’i ketë dy mungesa të mëdha në ndeshjen e ardhshme të Barcelonës në Ligën e Kampionëve ndaj Paris Saint-Germain.

Gazetari Gerard Romero ka raportuar se portieri i Barcelonës, Joan Garcia, është lënduar në stërvitjen e sotme në mëngjes.

Klubi do të njoftojë së shpejti shkallën e dëmtimit dhe trajneri i Spanjës, Luis de la Fuente, nuk do ta thërrasë atë për ndeshjet e ardhshme ndërkombëtare.

Në anën tjetër të fushës, sulmuesi Raphinha është gjithashtu gati për një periudhë jashtë fushe shkaku i lëndimit.

Raphinha do të mungojë deri pas pushimit të ndeshjeve ndërkombëtare.

Të dy lojtarët do të humbasin ndeshjen e Ligës së Kampionëve të Barcelonës me PSG-në në mesjavë. /Telegrafi/

Joan Garcia shënoi debutimin e tij zyrtar me Barcelonën duke ruajtur portën e paprekur në fitoren 3-0 në “Son Moix” ndaj Mallorcas në xhiron hapëse të La Ligas. 

Ai ofroi siguri mes shtyllave, megjithëse nuk pati shumë punë përballë një skuadre të Mallorcas që mbeti me nëntë lojtarë para përfundimit të pjesës së parë. 

Megjithatë, mbrëmja e 24-vjeçarit nuk kaloi pa dramë.  

Ai raportoi shqetësime në dorë gjatë nxehjes para ndeshjes dhe më vonë mori një goditje në fytyrë nga Vedat Muriqi, një episod që përfundoi me përjashtimin me karton të kuq të sulmuesit kosovar. 

After breaking a finger during warm-up, Muriqi tried to peel of Joan Garcia face during the game

he got sent offpic.twitter.com/L5lA8RxplT

— ArgentineCuler (@FCB_Argentine) August 16, 2025

Duke folur për mediat pas ndeshjes, Joan Garcia dha versionin e tij për incidentin me Muriqin, duke sqaruar momentin e kontaktit. 

“Më godet në fytyrë. Nuk e kam parë përsëritjen, por më godet në fytyrë. Nuk e di me cilën pjesë të trupit të tij, por më godet në fytyrë”. 

“Nëse VAR-i ka thënë që është karton i kuq, atëherë ashtu qenka. Tani do vendos pak akull”, ka thënë Garcia./Telegrafi/

The post Joan Garcia flet për ndërhyrjen brutale që i bëri Vedat Muriqi appeared first on Telegrafi.

Portieri i Barcelonës, Joan Garcia, pësoi një goditje të fortë në fytyrë nga sulmuesi i Mallorcas dhe Kosovës, Vedat Muriqi, gjatë ndeshjes së fundit në La Liga.

Gjyqtari fillimisht e ndëshkoi sulmuesin dardan me karton të verdhë, pos pas rishikimit në VAR, nxori të kuqin dhe e përjashtoi nga loja.

Për fat të mirë, Garcia arriti ta vazhdonte ndeshjen, edhe pse përplasja la gjurmë të dukshme në fytyrën e tij.

Në një intervistë të shkurtër pas përfundimit të takimit, në mollëzën e portierit u vërejt qartë një mavijosje e fortë, e cila tregonte ashpërsinë e incidentit.

Muriqi mendoi se nuk e kishte prekur gardianin e Barcelonës, mirëpo duket se kishte kontakt të ashpër. /Telegrafi/

Así quedó la cara de Joan Garcia tras la patada de Muriqi en el RCD Mallorca 0-3 FC Barcelona pic.twitter.com/bF8SiUOXLS

— Mundo Deportivo (@mundodeportivo) August 16, 2025

The post Pasojat e goditjes me këmbë nga Vedat Muriqi në fytyrë të Joan Garcias janë shokuese appeared first on Telegrafi.

Joan Garcia është tani zyrtarisht i regjistruar në La Liga dhe në dispozicion për Hansi Flick për debutimin e Barcelonës kundër Mallorcas. 

Portieri Joan Garcia është regjistruar zyrtarisht në La Liga dhe do të jetë në dispozicion të trajnerit Hansi Flick këtë të shtunë  për ndeshjen e parë të Barcelonës në kampionat kundër Mallorcas. 

Garcia tashmë figuron në listën zyrtare të skuadrës së Barcelonës në faqen e La Ligës, megjithëse ende nuk i është caktuar numri i fanellës. 

Në mënyrë surprizuese, Inaki Pena mban aktualisht fanellën me numrin 1, ndërsa Garcia dhe Ter Stegen nuk kanë ende numra të caktuar. 

Regjistrimi i Garcias u mundësua pasi Komisioni Mjekësor i La Ligës konfirmoi se dëmtimi i Ter Stegen konsiderohet mungesë afatgjatë, e cila pritet të zgjasë të paktën pesë muaj, sipas Marca. 

Barcelona përdori pjesë të buxhetit të pagës së portierit gjerman për të regjistruar Garcian, pasi La Liga lejon klubin të shfrytëzojë 80 për qind të pagës së Ter Stegen. 

Si pasojë, regjistrimi i Garcias do të vlejë për gjithë sezonin, pa nevojën e rinovimit në janar, ndryshe nga rastet e sezonit të kaluar me Dani Olmo dhe Pau Victor. 

Konfirmimi i regjistrimit të Garcias nga La Liga vonoi më shumë se sa pritej, pasi klubi kishte parashikuar që ai do të ishte i regjistruar që deri të enjten./Telegrafi/

The post Joan Garcia regjistrohet zyrtarisht në La Liga appeared first on Telegrafi.

Presidenti i Barcelonës, Joan Laporta, ka njoftuar se përforcimet e reja, Joan Garcia dhe Marcus Rashford, kanë marrë lejen për të luajtur në ndeshjen hapëse të La Ligës kundër Mallorcas, në pritje të miratimit përfundimtar nga La Liga.

Duke folur në Takimin e Klubeve të Barcelonës të Ishujve Balearik, organizuar nga Klubi Maria de la Salut në kuadër të festimeve të 35-vjetorit, Laporta shprehu optimizëm për sezonin e ri dhe për rikthimin e afërt në Camp Nou.

“Nëse trajneri Hansi Flick dëshiron, Joan Garcia dhe Rashford mund të luajnë nesër” – deklaroi Laporta para të pranishmëve.

Sipas tij, klubi ka përfunduar të gjitha procedurat e regjistrimit për portierin dhe sulmuesin, ndërsa tani po pret vetëm miratimin final nga La Liga.

Njoftimi u prit me duartrokitje të forta nga të pranishmit, ku morën pjesë personalitete lokale, ish-lojtarë dhe tifozë të zjarrtë.

Lexo po ashtu UEFA shton presionin ndaj Barcelonës para startit të sezonit të ri

Laporta ishte i shoqëruar nga figura kyçe të klubit, përfshirë Josep Ignasi Macia (drejtor i Shoqatës Penyes), si dhe nga kryetari i bashkisë Maria de la Salut, Jaume Ferriol, dhe presidenti i klubit Pere Jordà.

Delegacioni i Barcelonës përfshinte gjithashtu Enric Bosch (kreu i Departamentit të Shoqatës Penyes), Juan Haro (Marrëdhëniet Institucionale) dhe oficerin e sigurisë Jesus Jimenez. /Telegrafi/

The post Laporta i jep lajmin fantastik Flickut para ndeshjes me Mallorcan appeared first on Telegrafi.

La Liga ka rënë dakord që dëmtimi i Marc Andre Ter Stegen është një dëmtim afatgjatë, duke i lejuar Barcelonës të kompensojë 80% të pagës së tij për të regjistruar një lojtar tjetër.

Barcelona e konfirmoi lajmin në një deklaratë, ndërsa konfirmoi se portieri Joan Garcia është lojtari që do të regjistrohet.

“Barcelona njofton me anë të kësaj se Komiteti Mjekësor i LaLigas ka vendosur që dëmtimi i portierit Marc-André ter Stegen përmbush kriteret e dëmtimit afatgjatë të përcaktuara nga rregulloret aktuale”.

“Klubi do të vazhdojë nesër për të zyrtarizuar menjëherë regjistrimin e lojtarit Joan García”, thuhet në komunikatë.

Trajneri Hansi Flick, aktualisht nuk do të jetë në gjendje të llogarisë te Wojciech Szczesny dhe Marcus Rashford, pasi ende nuk janë regjistruar.

Lexo po ashtu Presidenti i La Ligas është dërguar në gjykatë për shkak të zbulimit publik të llogarive të Barcelonës

Në këtë fazë, është shumë e pamundur që Rashford dhe Szczesny të jenë gati për t’u përballur me Mallorcën të shtunën, dhe koha po mbaron për të krijuar hapësirën e nevojshme të pagave për të regjistruar të dy lojtarët. /Telegrafi/ 

The post La Liga pranon se dëmtimi i Ter Stegen është afatgjatë – Barcelona konfirmon regjistrimin e Joan Garcias appeared first on Telegrafi.