PRISHTINË, 22 dhjetor/ATSH/ Këshilli Prokurorial i Kosovës e ka liruar Besim Kelmendin nga posti i ushtruesit të detyrës së Kryeprokurorit të Shtetit të hënën, pas kërkesës së tij me shkrim, një javë pasi gjykata e lartë e anuloi shkarkimin e tij që kishte nxitur polemika e kritika.
Në një mbledhje të jashtëzakonshme të Këshillit Prokurorial, kërkesa e Kelmendit për t’u liruar nga detyra u miratua me 6 vota për, asnjë kundër dhe asnjë abstenim.
Atë do ta pasojë Agron Qalaj, i cili u ricaktua ushtrues detyre po në të njëjtën mbledhje të hënën.
Me 5 vota për dhe 1 kundër, Qalaj u riemërua deri në një vendim të radhës të Këshillit Prokurorial.
Në një shkresë të dorëzuar në Këshillin Prokurorial, Kelmendi kishte theksuar se kërkesa për t’u liruar nga detyra ishte “pasqyrim i vullnetit tim për ta mbështetur reformën në Sistemin Prokurorial dhe për të kontribuar në përmirësimin e gjendjes së krijuar në Këshill”, raportoi Betimi për Drejtësi të hënën.
Kelmendi theksoi se dëshironte të largohej nga kjo detyrë – të cilën e kishte mbajtur nga prilli i vitit 2022 – pas vendimeve gjyqësore për rastin e tij dhe gjendjes së krijuar në Këshillin Prokurorial.
Kërkesa e tij vjen vetëm pesë ditë pasi Gjykata Supreme e anuloi vendimin e Këshillit Prokurorial për shkarkimin e tij, duke e quajtur të kundërligjshëm.
Kelmendi ishte shkarkuar muajin e kaluar pas raportimeve se ai gjoja kishte bashkëpunuar më 1999 me një gjyqtare serbe për rastin e Masakrës së Reçakut, të cilën ajo e konsideronte ngjarje të trilluar. Ai i ka mohuar këto pretendime.
Shkarkimi i tij nxiti reagime nga bashkësia ndërkombëtare dhe shkaktoi polemika për ligjshmërinë e vendimit, pasi ai u votua nga vetëm pesë anëtarë të Këshillit Prokurorial. Pjesa tjetër e anëtarëve vlerësuan se s’kishte kuorum, dhe e quajtën vendimin “puç institucional”.
Kelmendi u ankua në Supreme pasi Gjykata Themelore nuk ia pranoi ankesën kundër shkarkimit. Supremja gjeti se vendimi i Këshillit Prokurorial ishte “i kundërligjshëm, arbitrar dhe i pa bazë”.
Në shkresë, Kelmendi tha se dëshiron ta vazhdojë karrierën si prokuror dhe u zotua se do të punojë “me përkushtim për të mirën e sistemit prokurorial”.
“Dhe krejt në fund, unë, si prokuror në Zyrën e Kryeprokurorit të Shtetit, do të punoj më përkushtimin tim më të madh për të mirën e Sistemit Prokurorial, i pavarur, i pa anshëm dhe me profesionalizëm, ashtu siç më ka vlerësuar Këshilli Prokurorial”, përfundoi ai. /rel/
Këshilli Prokurorial i Kosovës (KPK), ka njoftuar se ka mbajtur sot takimin e tij të jashtëzakonshëm, të 282-tin me radhë, nën kryesimin e Ardian Hajdaraj.
Në këtë takim janë shqyrtuar dy pika të rendit të ditës, me ç’rast anëtarët e KPK-së kanë marrë vendime lidhur me udhëheqjen e institucionit të Kryeprokurorit të Shtetit.
“KPK ka aprovuar kërkesën e z. Besim Kelmendi për lirim nga detyra e Ushtruesit të Detyrës së Kryeprokurorit të Shtetit. Po ashtu, Këshilli ka ricaktuar z. Agron Qalaj në pozitën e Ushtruesit të Detyrës së Kryeprokurorit të Shtetit, vendim i cili hyn në fuqi nga dita e sotme”, thuhet në njoftim.
Vendimet janë marrë në përputhje me kompetencat ligjore të Këshillit Prokurorial të Kosovës.
Besim Kelmendi ka paraqitur kërkesë përmes së cilës ka kërkuar që të lirohet nga pozita e ushtruesit të detyrës së Kryeprokurorit të Shtetit.
Kjo kërkesë e Kelmendit të cilën e ka siguruar “Betimi për Drejtësi“, vjen pas aktgjykimit të Gjykatës Supreme, me të cilin është anuluar vendimi i Këshillit Prokurorial, me të cilin ishe shkarkuar nga kjo pozitë. Ndërsa, me aktvendimin e Gjykatës së Apelit është konfirmuar vendimi i Themelores, e cila ka theksuar se çështja është e gjykuar.
“Siç jeni në dijeni më Aktgjykimin e Gjykatës Supreme të Kosovës A.A.nr.124/2025 të datës 16.12.2025 është anuluar Vendimi i Këshillit Prokurorial të Kosovës KPK.nr.1056/20 i datës 20.11.2025, ndërsa më Aktvendimin e Gjykatës së Apelit A.nr.1210/25 i datës 19.12.2025, është konfirmuar së cështja e ngritur sipas padisë në Gjykatën Themelore të Prishtinës është cështje e gjykuar sipas Aktgjykimit të më sipërm të Gjykatës Supreme. Bazuar në vendimet e sipërcekura gjyqësore dhe në situatën e krijuar në Këshillin Prokurorial pas nxjerrjes së vendimit të anuluar nga Gjykata Supreme, përmes këtij emailit zyrtar ua përcjellë Kërkesën time për të më liruar nga Pozita e Ushtruesit të Detyrës së Kryeprokuroit të Shtetit, të cilën detyrë e kam ushtruar nga data 22 prill 2022”, thuhet në kërkesë.
Kelmendi ka theksuar se nuk ka aplikuar për pozitën e Kryeprokurorit të Shtetit dhe se ishte kërkesë e anëtarëve të Këshillit ta pranonte pozitën e U.D.
“Përmes kësaj kërkese ua rikujtoj edhe një here, juve dhe të gjithë qytetarëve, së unë nuk kam aplikuar fare për pozitën e Kryeprokurorit të Shtetit dhe së në asnjë rast nuk kam shpreh interesim për të marr as pozitën e Ushtruesit të Detyrës së Kryeprokurorit të Shtetit, përkundrazi ishte kërkesë e anëtarëve të Këshillit që unë ta pranoja ketë detyrë deri në zgjedhjen e Kryeprokurorit të Shtetit dhe si rezultat i këtyre kërkesave, më datë 22 prill 2022, në mënyrë unanime nga të gjithë anëtarët e pranishëm të Këshillit, jam caktuar si Ushtrues i Detyrës ë Kryeprokuroit të Shtetit”, thuhet më tej.
Ndërsa, ai theksoi se pas gjithë situatës së krijuar në KPK dhe pasi konsideron që me vendimin e Supremes është arritur vendosja e ligjshmërisë dhe respektimit të standardeve ligjore, kërkon të lirohet nga detyra.
“Andaj pas analizimit të te gjitha rrethanave dhe situatës së krijuar në Këshillin Prokurorial, dhe në vecanti pas nxjerrjes dhe shpalljës së Aktgjykimit të Gjykatës Supreme të Kosovës A.A.nr.124/2025 të datës 16.12.2025, konsideroj së është arritur vendosja e ligjshmërisë dhe respektimi i standardeve ligjore të parashikuara në Kushtetutën e Republikës së Kosovës dhe ligjet në fuqi. Kjo arritje nuk është vetëm e imja por e të gjithë individëve, shoqërisë civile dhe partnerëve ndërkombëtar, të cilët kanë kërkuar respektimin e ligjshmërisë. Kërkesa ime për të më liruar nga pozita e Ushtruesit të detyrës së Kryeprokurorit të Shtetit është një reflektim i vullnetit tim për të mbështetur reformën në Sistemin Prokurorial dhe për të kontribuar në përmirësimin e gjendjës së krijuar në Këshill, andaj shpresoj dhe besoj së të gjithë ju anëtarët e Këshillit do të gjeni forcën dhe vullnetin, jo vetëm për të aprovuar kërkesën time por edhe për të krijuar kushte normale për funksionimin e Sistemit Prokurorial”, thuhet më tutje..
Kelmendi zotohet se do të punojë me përkushtim për të mirën e sistemit prokurorial.
“Dhe krejtë në fund, unë, si prokuror në Zyrën e Kryeprokurorit të Shtetit, do të punoj më përkushtimin tim më të madh për të mirën e Sistemit Prokurorial, i pavarur, i pa anshëm dhe me profesionalizëm, ashtu siç më ka vlerësuar Këshilli Prokurorial kur më ka propozuar për të marr çmimin më të rëndësishëm të karrierës time – çmimin më emrin e heroit tonë kombëtar “Sali Çekaj”, si dhe në ditën kur ky Këshill Prokurorial më ka caktuar si Ushtrues i Detyrës së Kryeprokurorit të Shtetit”, thuhet në kërkesën e Kelmendit.
Këshilli Prokurorial i Kosovës (KPK) ka mbajtur sot një takim të jashtëzakonshëm, i cili është zhvilluar me dyer të mbyllura.
Me këtë rast, kryesuesi Ardian Hajdaraj njoftoi anëtarët e KPK-së për pranimin e Aktgjykimit të Gjykatës Supreme, e cila e ka shpallur të kundërligjshëm e arbitrar vendimin e KPK-së për shkarkimin e ushtruesit të detyrës së kryeprokurorit Besim Kelmendi, raporton KosovaPress.
Në njoftimin e KPK-së për media thuhet se çështjet të cilat ndërlidhen me zbatimin e këtij aktgjykimi do të trajtohen në takimin e radhës.
Gjykata Supreme të mërkurën e ka shpallur të kundërligjshëm vendimin e KPK-së për shkarkimin e Besim Kelmendit pasi ka konstatuar se nuk kishte kuorum prej gjashtë anëtarësh kur u nxor vendimi.
Shkarkimi i Kelmendit ndodhi një ditë pasi intervistimit të tij në cilësinë e dëshmitarit në Prokurorinë Speciale për hetimin e masakrës në Reçak. Kelmendi ka mohuar raportimet e mediave se ka qenë bashkëpunëtor profesional i gjyqtares serbe Danica Marinkoviq që kishte rastin e masakrës në Reçak. /Telegrafi/
Drejtori i Kulturës, Rinisë dhe Sportit në Fushë Kosovë, Ylber Kelmendi, ka reaguar për gjendjen e rënduar të Shtëpisë së Kulturës në këtë komunë, duke theksuar se objekti është lënë në harresë dhe pa mirëmbajtje për vite me radhë.
Në një postim në Facebook, Kelmendi ka bërë të ditur se shfaqja e fundit në këtë objekt është mbajtur para rreth 20 vitesh dhe se që nga ajo kohë kultura në Fushë Kosovë nuk ka pasur vëmendjen e duhur.
Sipas tij, objekti që dikur kishte jetë kulturore, sot ndodhet në gjendje të mjerueshme, me mungesë të plotë të mirëmbajtjes.
Ai ka njoftuar se Drejtoria e Kulturës, Rinisë dhe Sportit ka ndërmarrë hapin e parë konkret, duke filluar me pastrimin e brendshëm të objektit, një proces që, sipas tij, nuk ka ndodhur prej dekadash. “Ky është vetëm fillimi”, ka theksuar Kelmendi.
Drejtori ka paralajmëruar se Shtëpia e Kulturës do t’i nënshtrohet një rikonstruksioni të plotë dhe se synimi është që ajo t’u rikthehet qytetarëve si hapësirë funksionale për artin dhe kulturën. Në fund, ai ka nënvizuar se Fushë Kosova meriton më shumë dhe se kultura duhet të trajtohet me dinjitet. /Telegrafi/
Gjykata Supreme e Kosovës e ka aprovuar si të bazuar ankesën e U.D. Kryeprokurorit të Shtetit, Besim Kelmendi, duke e anuluar si të kundërligjshëm vendimin e Këshillit Prokurorial të Kosovës (KPK) për shkarkimin e tij nga detyra.
Në vendimin e saj, Gjykata Supreme ka theksuar se vendimi KPK.nr.1056/2025, i datës 20 nëntor 2025, është marrë në kundërshtim me ligjin, duke e kthyer lëndën në rishqyrtim dhe rivendosje në KPK.
“Gjykata Supreme e ka aprovuar si të bazuar ankesën e paraqitur nga Besim Kelmend dhe ka anuluar vendimin si të kundërligjshëm”, thuhet në njoftimin zyrtar.
Sipas Gjykatës Supreme, pas vlerësimit të pretendimeve ankimore dhe në mbështetje të nenit 15 të Ligjit për Përgjegjësinë Disiplinore të Gjyqtarëve dhe Prokurorëve, është konstatuar se përfundimi juridik i KPK-së nuk është i drejtë.
“Qëndrimi dhe përfundimi juridik i Këshillit Prokurorial të Kosovës nuk është i drejtë dhe i ligjshëm”, vlerëson Gjykata, duke shtuar se vendimi për shkarkim është i përfshirë në “shkelje thelbësore të dispozitave të procedurës” të ligjit përkatës dhe të Kodit të Etikës Profesionale për Prokurorë.
Vendimi për shkarkim ishte bazuar në pretendimet se Kelmendi, përmes deklarimeve në Këshill dhe në media, kishte shprehur qëndrime të njëanshme që, sipas KPK-së, kishin cenuar besimin e publikut në sistemin prokurorial.
Megjithatë, Gjykata Supreme ka konstatuar se këto pretendime nuk janë trajtuar në mënyrë të ligjshme dhe procedurale.
Në arsyetim theksohet se vendimi është “i kundërligjshëm, arbitrar dhe i pa bazë”, duke qenë se është kontradiktor në vetvete dhe i mbështetur në dispozita që “nuk i japin autorizime të veprojë në formën dhe mënyrën se si ka vepruar KPK-ja".
Gjykata gjithashtu ka vlerësuar se e gjithë procedura, duke përfshirë rendin e ditës, votimin, procedimin dhe rihapjen e mbledhjeve, ka qenë e pambështetur në ligj.
“Është procedurë e pa mbështetur në ligj deri te vendimi i atakuar për shkarkim”, thuhet në njoftim.
Me këtë vendim, çështja e Besim Kelmendit kthehet për rishqyrtim në Këshillin Prokurorial të Kosovës, i cili obligohet të veprojë në përputhje me gjetjet dhe udhëzimet e Gjykatës Supreme. /Telegrafi/
Pas shkarkimit të ushtruesit të detyrës së Kryeprokurorit të Shtetit, Besim Kelmendi, Këshilli Prokurorial i Kosovës emëroi në këtë pozitë prokurorin Agron Qalaj, vendim i cili ka hapur një sërë diskutimesh të brendshme dhe polemikash ligjore në mbledhjet e KPK-së.
Në mbledhjen e sotme të radhës, kryesuesi i KPK-së, Ardian Hajdaraj, lexoi një letër të dërguar nga anëtari i Këshillit, Veton Shabani, i cili shprehu shqetësim për, siç tha ai, “situatën jashtë kornizave të ligjshmërisë”, e krijuar pas vendimit për shkarkimin e Kelmendit.
Në letrën e tij, Shabani theksoi se pas mbledhjes së mbajtur menjëherë pas shkarkimit të Kelmendit – vet ish-kryeprokurori i kishte njoftuar se kishte paraqitur ankesë në Gjykatën Supreme, në përputhje me nenin 5 të Ligjit 06/L-057.
Sipas Shabanit, kjo ankesë prodhon efekt suspensiv, që nënkupton pezullim të zbatimit të vendimit derisa gjykata të vendosë përfundimisht.
“Prokurori Agron Çalaj nuk është dashur të marrë pjesë në atë takim, pasi ligji përcakton qartë efektin suspensiv të vendimit. Ankesa ndaj vendimit të KPK ka efekt suspensiv dhe ndalon implementimin e atij vendimi derisa shqyrtohet”, thuhet në letrën e tij.
Shabani akuzoi kryesuesin se ka lejuar pjesëmarrjen e Çalajt në kundërshtim me ligjin, duke theksuar se në mbledhje duhej ftuar Kelmendi, jo Çalaj.
Pas leximit të letrës, kryesuesi Hajdaraj tha se situata është e qartë nga aspekti procedural dhe se nuk ekziston ndonjë masë e përkohshme që pezullon vendimin e KPK-së, përcjell Telegrafi.
“Ekziston një vendim dhe nuk ekziston një masë e përkohshme. Duhet respektuar ligjshmëria dhe KPK të vazhdojë funksionimin”, deklaroi ai, duke shtuar se duhet pasur respekt si ndaj ish-kryeprokurorit Kelmendi, ashtu edhe ndaj u.d. kryeprokurorit Çalaj, i cili tashmë ka marrë detyrën.
Ai po ashtu sqaroi se shkarkimi i Kelmendit nuk lidhet me procedurë disiplinore, prandaj sipas tij, dispozitat për efektin suspensiv nuk aplikohen.
Në vazhdim, Shabani pyeti sërish kryesuesin nëse është dorëzuar ankesë nga Kelmendi dhe nëse ajo prodhon efekt suspensiv, por Hajdaraj tha se “këtë çështje e ka sqaruar në mbledhjen e kaluar”.
Në mbledhje foli edhe vet Agron Çalaj, i cili mbrojti qëndrimin se pjesëmarrja e tij është plotësisht e ligjshme.
“Sipas parimeve të së drejtës administrative, vendimi prodhon efekt të menjëhershëm. Ligji nuk parashikon asnjë formë të shtyrjes së hyrjes në fuqi të vendimeve. Ushtrimi i mandatit tim nuk kushtëzohet me asnjë procedurë ankimore”, tha ai.
Ai theksoi se në cilësinë e u.d. të Kryeprokurorit të Shtetit është anëtar ex officio i KPK-së dhe se çdo kërkesë për përjashtimin e tij nga mbledhjet duhet të mbështetet në dispozita të qarta ligjore.
Derisa një vendim i tillë të merret, KPK-ja po vazhdon punën me Agron Çalajn si ushtrues detyre të Kryeprokurorit të Shtetit, pavarësisht kundërshtimeve të disa anëtarëve të Këshillit. /Telegrafi/
Kryetari i ri i Fushë Kosovës, Valon Prebreza, ka nisur formimin e kabinetit të tij drejtues, duke emëruar një sërë zyrtarësh në pozita kyçe të administratës komunale.
Në mesin e emërimeve të para, Prebreza ka prezantuar Shpend Bardiqin si Nënkryetar të Komunës. Bardiqi, i njohur si aktivist i hershëm dhe ish-kryetar i Qendrës së Fushë Kosovës, ka qenë edhe asamblist aktiv dhe një prej kontribuuesve kryesorë në fitoren e subjektit të tij në zgjedhje. Kryetari e uroi atë për detyrën e re, duke theksuar sfidat dhe proceset që presin komunën në ditët në vijim, raporton Telegrafi.
Ndërkohë, Ylber Kelmendi ka njoftuar se është emëruar Drejtor për Rini, Kulturë dhe Sport. Ai e ka cilësuar këtë pozitë si privilegj dhe përgjegjësi, duke premtuar angazhim të plotë për zhvillimin e projekteve në mbështetje të të rinjve, kulturës dhe sportit në komunë.
Pozita tjetër kyçe është ajo e Drejtorisë së Investimeve Kapitale, të cilën tashmë do ta udhëheqë Arianit Tërmkolli. Ai shprehu mirënjohjen për besimin e dhënë nga kryetari Prebreza, duke theksuar se do të punojë me profesionalizëm dhe transparencë në shërbim të qytetarëve.
Në drejtim të rendit dhe zbatimit të ligjit, Durim Hajra është emëruar Drejtor i Inspeksionit. Hajra theksoi se kjo pozitë nuk është privilegj, por përgjegjësi e madhe ndaj qytetarëve dhe institucioneve. Ai u zotua për zero tolerancë ndaj shkeljeve, inspektim profesional dhe funksionim transparent të inspektoratit.
Ndër emërimet e rëndësishme është edhe ai i Resul Makreshit, i cili është caktuar drejtor në një nga drejtoritë e komunës. Makreshi vlerësoi se ky hap paraqet një moment të rëndësishëm për përfaqësimin e komuniteteve, duke potencuar se për herë të parë shihet vullneti politik për t’u dhënë atyre hapësirën dhe rolin që e meritojnë në qeverisjen lokale.
Me këto emërime, kryetari Valon Prebreza po konsolidon strukturën e re udhëheqëse të Fushë Kosovës, duke synuar një administratë më funksionale, përfaqësuese dhe të orientuar drejt zhvillimit. /Telegrafi/
Teksa fundi i vitit po afrohet, disa nga anëtarët e Këshillit Prokurorial nuk do jenë më në këtë pozitë. Këtu përfshihet edhe kryesuesi i KPK-së Ardian Hajdaraj e katër anëtarë të tjerë, meqë u skadon mandati. Por organizatat që monitorojnë punën e sistemit të drejtësisë thonë se “grupi” i Hajdarajt do mundohet të vendos njerëz të vet në krye të këtij Këshilli.
Me përfundimin e vitit 2025, përfundon edhe mandati për 5 anëtarë të Këshillit Prokurorial të Kosovës.
Nga 1 janari i vitit të ardhshëm, hynë në fuqi ndryshimet në ligjin për Këshillit Prokurorial të Kosovës, që parasheh zvogëlimin e numrin të anëtarëve të Këshillit, nga 13 sa ishte në 7 anëtarë.
Mandati do t’i skadojë edhe kryesuesit të KPK-së, Ardian Hajdaraj ndonëse në krye të kësaj pozite erdhi në janar të vitit 2024, por anëtarë i KPK-së ishte zgjedhur më 1 janar të vitit 2021.
Nga 1 janari në KPK nuk do të jenë as zv.kryesuesja Jehona Grantolli e anëtarët Jetish Maloku, Veton Shabani, Ariana Shajkovci e Jovo Radoviq, i cili ishte pjesë e grupit të serbëve që bojkotuan institucionet e Kosovës në 2022.
Të njëjtit nuk kanë mundësi të rizgjedhjes sërish anëtarë të Këshillit Prokurorial.
Në Institutin e Kosovës për Drejtësi, thonë se skadimi i mandatit të këtyre anëtarëve nuk do shkaktojë ndonjë problem me kuorumin e Këshillit.
“Prej 1 janarit Këshilli do ketë në bazë të asaj që është parë nëse KPK-ja zbaton ligjin, do t’i ketë 5 anëtarë të vjetër që kanë marr mandatin në vitet paraprake dhe një anëtare e re Elza Bajrami që ka fituar mandat në nëntor të këtij viti që u votua nga shumica e prokurorëve të prokurorive themelore të Kosovës..”, ka thënë Ehat Miftaraj – drejtor i IKD-së.
Duke iu referuar zhvillimeve të fundit në këtë institucion, Miftaraj thotë se mund të ketë tentime të radhës për të ndërruar kryesuesin e KPK-së.
“Pa pikë dyshimi e themi se Ardian Hajdari do të bëjë përpjekje titanike që ta lë një trashëgimtarë të tij dhe ky do të jetë me siguri Milot Krasniqi i cili është haptazi edhe në diskutim edhe në debat se bënë pjesë në këtë grupin e stërvjetruar të sistemit prokurorial të Kosovës e them me hëret prej 1 janarit Ardian Hajdarit dhe një numri të madh aktual të përbërjes së stërvjetruar u përfundon mandati dhe në ditët në vijim, do shohim edhe episoda e filma të ri ku do bëhet përpjeke që të emërohet anëtari gjatë këtij viti që përbërja e vjetër të vazhdojë në mënyrën e njëjtë..”, ka thënë Ehat Miftaraj – drejtor i IKD-së.
Javë më parë nga pozita e ushtruesit të detyrës së kryeprokurorit të shtetit është shkarkuar Besim Kelmendi, e kjo pozitë iu besua Agron Qalajt.
Shkarkimi i tij u kritikua nga organizatat e shoqërisë civile në Kosovë por edhe nga partnerët ndërkombëtar duke u vlerësuar si pengim i reformës në drejtësi./Tv Dukagjini
Tashmë të gjitha partitë kanë publikuar listën prej 110 deputetëve që do të garojnë në Zgjedhjet e Jashtëzakonshme Parlamentare që mbahen më 28 dhjetor.
Kosova vuajti për gati një vit për një Qeveri, pasi zgjedhjet e rregullta të mbajtura më 9 shkurt 2025, ku fituese doli Lëvizja Vetëvendosje - nuk ia doli të formonte qeverinë, madje as opozita nuk ishte e disponimit që të krijonte në anën tjetër një marrëveshje mes tyre.
Kështu, mbi dhjetë muaj, Kosova ka mbetur peng e mosmarrëveshjeve mes partive politike, duke humbur shumë grande ndërkombëtare dhe marrëveshje tjera të mëdha, raporton Telegrafi.
Vendi ynë më pas, më 12 tetor u fut në Zgjedhjet Lokale, të cilat përfunduan pas 9 nëntorit, atëherë kur u mbajtë edhe balotazhi, për të përcaktuar kryetarët për katër vitet e ardhshme.
Kur jemi te garat që zhvilluan kryetarët, në listat aktuale për deputetë, janë përfshirë edhe disa emra që ishin në garë për kryetar komune.
Nga Lëvizja Vetëvendosje, garës për deputetë i kanë rihyrë Hajrulla Çeku, Artan Abrashi, Ardian Gola, Taulant Kelmendi, Rufki Suma, Ilir Qeriqi, Ali Dula.
Në total janë shtatë kandidatë për kryetarë komunash, që tani kanë vendosur të testojnë vetën edhe në garë për deputetë. /Telegrafi/
Zyra e Bashkimit Evropian në Kosovë ka bërë të ditur se gjatë takimit të zhvilluar me Këshillin Prokurorial të Kosovës (KPK), ka kërkuar nga të gjithë anëtarët që të zbatojnë plotësisht dhe në mënyrë të përbashkët reformat në këtë institucion.
Në njoftimin e BE-së theksohet se sundimi i ligjit mbetet parakusht themelor për integrimin evropian.
“Zyra e BE-së në Kosovë u bëri sot thirrje të gjithë anëtarëve të KPK-së që të zbatojnë plotësisht dhe së bashku reformën e Këshillit, të sigurojnë ligjshmërinë e vendimeve të tyre, të veprojnë me integritet dhe të ruajnë besimin e publikut në sistemin e drejtësisë”, thuhet në njoftim.
Kjo thirrje vjen pas tensioneve të fundit brenda KPK-së dhe shkarkimit të ushtruesit të detyrës së kryeprokurorit të shtetit, Besim Kelmendi. Për këto zhvillime, Zyra e BE-së kishte kërkuar një takim urgjent me anëtarët e Këshillit.
Ndërkohë, tri organizata të shoqërisë civile kanë paralajmëruar se situata e krijuar ka rritur rrezikun për vendimmarrje të kundërligjshme brenda KPK-së, duke bërë thirrje për ndërhyrje të gjykatës me qëllim garantimin e ligjshmërisë.
Zyra e Bashkimit Evropian në Kosovë ka bërë të ditur se gjatë takimit të zhvilluar me Këshillin Prokurorial të Kosovës (KPK), ka kërkuar nga të gjithë anëtarët që të zbatojnë plotësisht dhe në mënyrë të përbashkët reformat në këtë institucion.
Në njoftimin e BE-së theksohet se sundimi i ligjit mbetet parakusht themelor për integrimin evropian. “Zyra e BE-së në Kosovë u bëri sot thirrje të gjithë anëtarëve të KPK-së që të zbatojnë plotësisht dhe së bashku reformën e Këshillit, të sigurojnë ligjshmërinë e vendimeve të tyre, të veprojnë me integritet dhe të ruajnë besimin e publikut në sistemin e drejtësisë”, thuhet në njoftim.
Kjo thirrje vjen pas tensioneve të fundit brenda KPK-së dhe shkarkimit të ushtruesit të detyrës së kryeprokurorit të shtetit, Besim Kelmendi. Për këto zhvillime, Zyra e BE-së kishte kërkuar një takim urgjent me anëtarët e Këshillit.
Ndërkohë, tri organizata të shoqërisë civile kanë paralajmëruar se situata e krijuar ka rritur rrezikun për vendimmarrje të kundërligjshme brenda KPK-së, duke bërë thirrje për ndërhyrje të gjykatës me qëllim garantimin e ligjshmërisë.
Ushtruesi i detyrës së Kryeprokurorit të Shtetit, Agron Qalaj, mori pjesë të hënën në mbledhjen e 279-të të Këshillit Prokurorial të Kosovës (KPK), duke theksuar se pjesëmarrja e tij është vetëm si anëtar ex-officio.
“Në këto rrethana do marr pjesë vetëm në cilësinë e anëtarit ex-officio, nuk do të përfshihem në diskutime dhe as në procesin e vendimmarrjes, duke mbajtur qëndrim neutral, deri në një vendim të Gjykatës. Deri atëherë, detyrimi im ligjor është të siguroj procesin. Dua të jem i qartë se pjesëmarrja ime lidhet vetëm si anëtar ex-officio", tha Qalaj.
Qalaj u caktua ushtrues i detyrës së Kryeprokurorit të Shtetit më 20 nëntor nga pesë anëtarë të KPK-së, pas shkarkimit të Besim Kelmendit. Ky vendim ka ngjallur reagime të shumta dhe është cilësuar si kundërligjor nga disa, ndërsa vetë Kelmendi ka paditur KPK-në duke kërkuar anulimin e vendimit.
Mbledhja e Këshillit nisi me një orë vonesë nga ora e planifikuar, ndërsa Qalaj nënvizoi se roli i tij në këtë fazë është të sigurojë procesin dhe të ruajë neutralitetin deri në vendimin përfundimtar të gjykatës.
Besim Kelmendi në mbledhjen e 20 nëntorit u shkarkua nga pozita e ushtruesit të detyrës së Kryeprokurorit të Shtetit. Vendimi u mor nga pesë anëtarë të Këshillit të pranishëm në atë takim, pasi fillimisht takimi u mbyll në mungesë kuorumi me largimin e Kelmendit dhe katër anëtarëve tjerë nga kjo mbledhje. Ky vendim ka nxitur reagime të shumta dhe është cilësuar si kundërligjor. Vetë Kelmendi ka paditur KPK-në duke kërkuar anulimin e vendimit. /BetimipërDrejtësi/
Ky vendim i Këshillit Prokurorial të Kosovës, për shkarkimin e Besim Kelmendit nga pozita e ushtruesit të detyrës së kryeprokurorit të Shtetit tashmë është ankimuar në Gjykatën Themelore te Prishtinës, në departamentin për Çështje Administrative.
Gjykata Themelore në Prishtinë ka konfirmuar për Dukagjinin se ka pranuar padinë e Kelmendit dhe propozimin për caktimin e masën e përkohshme.
“Referuar kërkesës tuaj për informata, ju njoftojmë se Gjykata Themelore në Prishtinë – Departamenti për Çështje Administrative ka pranuar Padinë si dhe Propozimin për Caktimin e Masës së Përkohshme, të paraqitur nga pala B.K”.
Por, bazuar në zhvillimet në KPK-së në ditën kur u bë shkarkimi i Kelmendit, në Institutin e Kosovës për Drejtësi thonë se vendimi është i kundërligjshëm.
“Është një vendim tërësisht arbitrar dhe i kundërligjshëm, në rastin konkret ky vendim u morr në mbledhje që nuk kishte kourum për të mbajtur mbledhjen e aq më pak për të marr vendime, në këtë situatë ky vendim haptas është i kundërligjshëm sic e kemi thënë edhe në ditën kur është nxjerr, ne pamë publikisht se është mbyllur takimi në mungesë të kourumit dhe më pas anëtarët janë kthyer dhe kanë nxjerr këtë vendim”, ka theksuar Gzim Shala- Hulumtues në IKD.
E sipas avokatit Yll Zekaj, gjykata duhet të veprojë me efikasitet në këtë rast, duke pas parasysh rëndësinë e pozitës në sistemin prokurorial.
“Unë mendoj fuqishëm që ai vendim nuk do të mund të e kalojë filtrin e gjykatës për shkak të procedurave deri në marrjen e vendimit… besoj që nëse nuk do merret deri në fund të kësaj jave, në fillim të javës tjetër do të merret gjithsesi vendimi për masën e përkohshme, masën e sigurisë pastaj cështja e vendimit do të shkojë më gjatë”, ka deklaruar Zekaj.
Kryesuesi Ardian Hajdaraj, një ditë më parë ka mbajtur një konferencë për media, ku ka insistuar vendimi për shkarkimin e Kelmendit është i ligjshëm, tek ka thënë se do respektojnë çdo vendim të gjykatës.
Në politikën kosovare ka pasur figura të kundërta, të forta, të moderuara apo impulsive, por rrallë ka pasur një fenomen kaq të çuditshëm, ose nuk mbahet fare mend, si rasti i Albin Kurtit. Në diskursin e tij publik, në veprimet e tij qeverisëse dhe në pasojat për Kosovën, dalin në pah dy persona të ndryshëm: Albini që foli dhe Kurti që bëri. Midis tyre, hendeku është aq i madh sa shoqëria po e përjeton si zhgënjimin më të thellë politik që kur mbahet mend.
1. Prej flamurtarit të bashkimit te ftohja më e madhe me Shqipërinë: Kur Albini hyri në politikë, tema e bashkimit kombëtar ishte simboli i tij qendror. Ai fliste hapur për bashkim me Shqipërinë, për një projekt të përbashkët politik dhe kombëtar, për një të ardhme pa kufij shqiptarë. Tani, këtu nuk mund ta them nëse e dinte se a ka mundësi apo jo, por sapo u bë kryeministër, ky ideal u zhduk si të mos kishte ekzistuar kurrë. Marrëdhëniet Kosovë-Shqipëri ranë në pikën më të ulët që nga vitet ’90 të shekullit XX, duke lënë pas vetëm zhgënjim. Bashkimi u shndërrua në një fjali të harruar, ndërsa kombëtarizmi i dikurshëm u tret brenda retorikës së ditës.
2. Prej luftës kundër korrupsionit tek krijimi i një korrupsioni të ri: Pak politikanë kanë akuzuar kaq shumë për korrupsion sa Albini. Për vite, ai e ngriti veten si simbol të pastërtisë. Megjithatë, qeverisja e tij solli raste të njëpasnjëshme të dyshimeve të rënda: nga skandali Martin Berishaj te aferat me tenderë e me ushqime, ku u ngrit aktakuzë edhe për zyrtarin e dritave e edhe për Rozetën e qeverisë. Ky ishte korrupsioni i ri, me ngjyrë partiake, i strukturuar me mënyra të reja, por me qëllime të vjetra. Qindra tenderë njëburimorë etj. Premtimi i pastrimit të shtetit përfundoi në përfoljen e qeverisë për shkelje të reja. Madje, Albini nuk ngurron dhe jo se e refuzon shkuarjen e tij për tu intervistuar për rastin korruptiv te ekipit Rozeta, por edhe ua tregon muskujt drejtësisë: Unë guxoj të mos ju vij, e ju nëse guxoni - ejani më merrni?
3: Prej refuzimit të dialogut te nënshkrimi i marrëveshjeve më të dëmshme: Albini i viteve të opozitës ishte kategorik: “Kosova nuk ka çfarë të bisedojë me Serbinë”, Ai e quante çdo marrëveshje të mëparshme të dëmshme, madje tradhti. Por, Kurti në pushtet nënshkroi marrëveshje në Bruksel dhe aneksin në Ohër që me të drejtë konsiderohen ndër më të pafavorshmet që ka parë Kosova. Asociacioni u legalizua, de facto, ose asociacion plus, ku obligimet u pranuan pa nënshkrim formal, ndërsa Kosova mbeti e zhveshur në arenën diplomatike. Kritiku më i madh i dialogut u bë nënshkruesi më i dobët i tij.
4. Nga thirrjet për unitet te përçarja më e thellë shoqërore: Një prej premtimeve të Kurtit ishte bashkimi i shoqërisë kundër padrejtësive. Por, ajo që ndodhi ishte e kundërta: polarizim i thellë, armiqësi politike, gjuhë përjashtuese dhe ngritje e tensioneve të panevojshme, deri te etiketimet se jeni me Listën Serbe, madje edhe atyre që humben familjarë luftë, e deri edhe heronjve të gjallë. Sot, Kosova është më e ndarë se kurrë. E vetmja gjë që bashkon qytetarët është lodhja nga përçarja.
5. Nga premtimi për profesionistë te pushteti i amatorëve: Kurti premtoi qeverisje nga profesionistët, ekspertët, njerëzit me kompetencë. Por, nëpër Ministri u ulën figura pa përvojë, aktivistë partiakë dhe emra që nuk kanë asnjë lidhje me fushat që drejtojnë. Prej dentistit - ministër i Brendshëm, deri te kryediplomatja me shkollim të mesëm. Shumë vendime u morën për marketing politik, jo për interes të vendit. Rezultati është një administratë e dobët, me vendimmarrje të paaftë dhe me kosto të larta për qytetarët.
6. Albini kundër luftës, Kurti që kërkon luftë pas Rambujesë: Albini dikur fliste kundër luftës, thoshte se ai kurrë nuk do ta merrte pushën. Zatën edhe nuk e more sa ishte lufta. Por, pas luftës, ai u shndërrua në një figurë që e kërkonte vazhdimin e konfliktit me forma të reja politike. Tensionet e panevojshme me Serbinë, të krijuara në momente të çuditshme, e dobësuan shtetin pa prodhuar asnjë fitore strategjike. Natyrisht me fitore populiste për të partinë e tij.
Sot pyetja thelbësore nuk është më nëse Kurti ka gabuar në disa vendime, pasi që kjo është e qartë. Pyetja është: A ekziston ende Albini? Ai idealist i viteve të vështira? Apo ka mbetur vetëm Kurti i pushtetit dhe me xhipa të zinj? Ky kontrast i thellë ka krijuar një ndarje të fortë në opinion. Nga njëra anë është kujtimi i Albin Kurtit si simbol i shpresës, nga ana tjetër realiteti i Kurtit si kryeministër i kontradiktave, i korrupsionit të ri, i marrëveshjeve të dëmshme dhe i përçarjes shoqërore. Në fund, mbetet përshtypja se Kosova sot nuk qeveriset nga ai që u votua, por nga një tjetër që lindi rrugës për te pushteti, një version i ri, i larguar nga idealet, i ngurtë, konfliktual, populist dhe shpesh i pakontrolluar.
Dhe, krejt për fund, sot qytetari ka mbetur me pyetjen: Kë deshëm dhe kë morëm: Albinin apo Kurtin?
Kosova meriton përgjigje. Kosova meriton transparencë. Dhe, Kosova meriton lidership të vërtetë, jo dy figura të kundërta në një trup të vetëm.
Pas vendimit të Këshillit Prokurorial të Kosovës për shkarkimin e tij nga pozita e U.D. Kryeprokurorit të Shtetit, Besim Kelmendi ka paditur këtë institucion duke kërkuar anulimin e vendimit.
Lidhur me këto zhvillime brenda KPK-së, sot ka mbajtur konferencë, kryesuesi i Këshillit Prokurorial, Arian Hajdaraj.
Ai tha se vendimi për shkarkimin e Kelmendi erdhi pas takimit të 20 nëntorit, ku sipas tij Kelmendi dhe katër anëtarë të tjerë e lëshuan mbledhjen “në mënyrë të kundërligjshme dhe e pamundësuan shqyrtimin e raportit zgjedhor për zgjedhjen e prokurorit në Prokurorinë Themelore”.
Hajdaraj shtoi se nga qëndrimet e njëanshme dhe denigruese ndaj Sistemit Prokurorial të shprehura nga Kelmendi është zvogëluar ndjeshëm roli unifikues që i takon Kryeprokurorit të Shtetit dhe ka cenuar besimin e publikut në Sistemin Prokurorial.
“Për këtë arsye kemi marrë vendim për shkarkimin e tij nga kjo pozitë”, tha Hajdaraj.
Ai gjithashtu theksoi rëndësinë e funksionimit të rregullt të Këshillit Prokurorial.
“Tentimi për të penguar punën dhe funksionimin e Këshillit Prokurorial përbën sulm të drejtpërdrejtë në punën e këtij institucioni dhe kërcënim për rendin dhe sigurinë juridike”, u shpreh Hajdaraj.
Hajdaraj ritheksoi se Kelmendi ka pasur detyrë të ndjekë rrugët ligjore dhe jo të organizojë konferenca për të shfaqur pretendime për presion apo shantazh.
“Kësisoj ai nuk e ka kryer detyrën e tij sipas Kushtetutës dhe ligjit”, u shpreh ai.
Po ashtu, Këshilli i ka bërë thirrje U.D. Kryeprokurorit të Shtetit, Agron Qalaj i cili u emërua më 20 nëntor, të shqyrtojë pretendimet e Kelmendit dhe të hetojë përgjegjësinë e secilit person të përfshirë në këtë rast.
Hajdaraj tutje ka shtuar se sipas Ligjit për KPK-në dhe sipas Kushtetutës secili anëtarë i këshillit është i pavarur në vendimmarrje.
“Lëshimi i takimit dhe më pas deklarimi i tyre në zyrën e Kryeprokurorit të katër antarëve se Besim Kelmendi nuk do ta lëshoj zyrën e tij përbënëmosbindje dhe mospërfillje e qëllimshme të vendimeve të Këshillit”, tha ai. /Telegrafi/
Besim Kelmendi i cili në mbledhjen e 20 nëntorit 2025 të Këshillit Prokurorial të Kosovës (KPK) u shkarkua nga pozita e ushtruesit të detyrës së Kryeprokurorit të Shtetit, ka ushtruar padi ndaj KPK-së, duke kërkuar anulimin e vendimit të Këshillit.
Po ashtu, Kelmendi ka propozuar edhe caktimin e masës së përkohshme të sigurisë- pezullimin e zbatimit vendimit të KPK-së dhe të vazhdojë ushtrimin e pozitës së U.D Kryeprokurorit të Shtetit deri në vendosjen meritore në këtë çështje administrative, raporton “Betimi për Drejtësi“.
Shkarkimi i Kelmendit nga kjo pozitë, u bë me votat e pesë anëtarëve të zgjedhur të KPK-së të cilët ishin të pranishëm në takimin e 20 nëntorit, pasi fillimisht takimi u mbyll në mungesë kuorumi me largimin e Kelmendit dhe katër anëtarëve tjerë nga kjo mbledhje.
Sipas padisë për inicimin e konfliktit administrativ me propozimin për caktim të masës së përkohshme, përkundër se vendimi i të paditurës KPK është për shkarkimin e paditësit, meqë nuk është ndjekur procedurë disiplinore dhe vendimi si i tillë nuk paraqet Vendim për masë disiplinore për paditësin, paditësi nuk mund të ushtrojë të drejtën e mjetit juridik të ankesës në Gjykatën Supreme. siç e garanton neni 19 paragrafi 4 i Ligjit Nr. 06/L-056 për Këshillin Prokurorial të Kosovës.
Në padinë e siguruar nga “Betimi për Drejtësi“, thuhet se KPK-ja në vendimin për shkarkimin e paditësit nuk e ka trajtuar rastin në kuptimin disiplinor, por nga vetëm 5 prej 10 anëtarëve e zgjedhur të KPK-së është marrë si kinse një nga vendimet e zakonshme të KPK-së, që përbëjnë akt administrativ.
Andaj, duke qenë se KPK është institucion i pavarur siç e garanton Kushtetuta dhe nuk ka organ epror për të shqyrtuar ankesën ndaj vendimeve të tij, paditësi paraqiti drejtpërdrejt këtë padi në këtë Gjykatë.
Në padi theksohet se më 20 nëntor u thirr takimi i KPK-së, i cili për pikë të rendit të ditës kishte: Raportin e komisionit zgjedhor nga radhët e prokurorive themelore nga komuniteti joshumicë apo gjinia e nënpërfaqësuar i datës 3 nëntor 2025. Por, para miratimit të rendit të ditës, zëvendëskryesuesja Jehona Grantolli propozoi që në rendin e ditës të futet edhe shkarkimi i paditësit nga pozita e ushtruesit të detyrës së Kryeprokurorit të Shtetit.
Pas këtij propozimi, pesë anëtarët e KPK-së – paditësi si anëtarët e KPK-së, Veton Shabani, Arian Gashi, Visar Krasniqi dhe Dardan Vuniqi – fillimisht e kundërshtuan këtë propozim, duke e konsideruar arbitrar dhe të kundërligjshëm, e më pas e lëshuan menjëherë takimin e Këshillit. E që, në padi thuhet se me largimin e tyre, kuorumi bie automatikisht në më pak se minimumin e kërkuar me ligj.
Më tej, thuhet se kryesuesi Ardian Hajdaraj, duke vepruar sipas detyrimit të tij ligjor, e mbylli mbledhjen për shkak të mungesës së kuorumit, e cila juridikisht prodhon efekt përfundimtar, duke shënuar fundin e çdo kompetence për vendimmarrje deri në thirrjen e një mbledhjeje të re.
“Megjithatë, kryesuesi i KPK-së, pasi e mbylli zyrtarisht mbledhjen duke konstatuar mungesën e kuorumit, në të njëjtën ditë caktoi një takim të ri pas vetëm disa minutave. Në takimin e ri të pesë anëtarëve të Këshillit Prokurorial, morën pjesë vetëm: Jetish Maloku, Jehona Grantolli, Ariana Shajkovci, Milot Krasniqi dhe kryesuesi Ardian Hajdaraj, ndërsa nuk ishin të njoftuar apo të ftuar fare anëtarët tjerë të Këshillit: Arian Gashi, Veton Shabani, Dardan Vuniqi dhe Visar Krasniqi, si dhe tani paditësi Besim Kelmendi. Në këtë takim të dytë vetëm nga 5 anëtarë të KPK-së është marr vendimi KPK.nr.2062/2025 i datës 20.11.2025, me të cilin paditësi është shkarkuar nga pozita e U.D. Kryeprokurorit të Shtetit”, thuhet në padi.
Sipas padisë, rënia e kuorumit e bën juridikisht të pamundur çdo vendimmarrje dhe se vendimmarrja pas mbylljes së mbledhjes, pa thirrje të re, është akt i nxjerrë në kundërshtim me procedurën thelbësore dhe, si e tillë, përbën shkak të pavlefshmërisë absolute.
Aty potencohet se neni 37/A i Ligjit nr. 08/L-249 për ndryshimin dhe plotësimin e Ligjit nr. 06/L-056 për Këshillin Prokurorial të Kosovës, i titulluar si dispozitë kalimtare, përcakton qartë dhe në mënyrë imperative se: “Derisa të zbatohet përbërja e përhershme e Këshillit prej shtatë (7) anëtarësh, kuorumi i Këshillit formohet me gjysmën e anëtarëve të zgjedhur të Këshillit plus një (1) anëtar, duke përfshirë edhe rastet disiplinore, dhe vendimet merren me shumicë të thjeshtë votash të anëtarëve të pranishëm.”
“KPK aktualisht sipas një analize të vet KPK-së, ka njëmbëdhjetë (11) anëtarë të zgjedhur. Duke u bazuar në formulën eksplicite të nenit 37/A, kuorumi i domosdoshëm për mbajtjen e mbledhjes dhe për marrjen e çdo vendimi është: gjysma e anëtarëve të zgjedhur (11 : 2 ≈ 5,5) e rrumbullakosur në pesë (5), plus një (1) anëtar – pra gjithsej gjashtë (6) anëtarë”, thuhet në padi.
Por, në padi thuhet se në momentin e marrjes së vendimit të kontestuar, në sallë kanë qenë vetëm pesë anëtarë të KPK-së, gjë që e bën të pamundur formimin e kuorumit të nevojshëm.
“Për pasojë, KPK nuk ka pasur organ kolegjial të konstituuar në atë çast dhe, si rrjedhim, nuk ka pasur as kompetencë funksionale për të marrë vendime”, thuhet në vendim.
Andaj, sipas padisë, çdo vendim i marrë në këto rrethana është absolutisht i pavlefshëm.
Gjithnjë sipas padisë, është e pavërtetë ajo që theksohet në vendimin e KPK-së se “… pas një pauze të shkurtër vazhdoi takimi”, ngase kryesuesi Ardian Hajdaraj takimin e mbylli në mungesë kuorumi.
Për këtë arsye, paditësi pretendon se vendimi për shkarkimin e tij, marrë nga vetëm pesë anëtarë, është: i marrë nga organi jo-kompetent, në mungesë të kuorumit të detyrueshëm, në një takim të ri pas mbylljes së takimit të parë dhe pa respektuar normën imperative të nenit 37/A. Kështu që, paraqet akt administrativ të pavlefshëm.
Sipas padisë, KPK e ka trajtuar shkarkimin e paditësit sikur të ishte miratimi i një plani pune apo vendim rutinë administrativ, pa e vënë në lëvizje mekanizmin e komisionit disiplinor, pa hetim, pa mbledhje provash, pa dhënien e mundësisë së dëgjimit të subjektit, dhe pa respektuar pragun e kërkuar të 2/3 të votave.
Gjithashtu, në padi thuhet se KPK-ja pretendon se paditësi paska “shprehur qëndrim të njëanshëm publik”, pa theksuar së si u shpreh ky qëndrim, dhe këtë e konsideron si “denigrim të pozitës”.
“Ligji nuk e njeh këtë formulim si shkak për shkarkim. Nuk ekziston asnjë dispozitë ligjore që e bën “deklarimin publik” arsye për shkarkimin e U.D. Kryeprokurorit të Shtetit. Aq më tepër pa asnjë procedurë ligjore”, thuhet në padi.
Në padi po ashtu përmendet se lidhur me këtë vendim të Këshillit, Bashkimi Evropian ka konstatuar se vendimi: shpërfill sundimin e ligjit, dëmton besimin publik dhe minon përparimin drejt BE-së.
Këshilli Prokurorial, sipas paditësit, veproi pa kuorum; veproi pas mbylljes së mbledhjes, pa një thirrje të re, pa procesverbal të vlefshëm, dhe duke e tejkaluar në mënyrë të papranueshme kompetencën e vet ligjore.
“Praktika e Gjykatës Kushtetuese të Kosovës konfirmon në mënyrë të përsëritur se: aktet e nxjerra nga organ pa kompetencë materiale ose funksionale nuk krijojnë efekt juridik (p.sh. KI 99/14); kuorumi është kusht themelor për vlefshmërinë e vendimeve të organeve kolegjiale (p.sh. KI 196/21); ndërhyrjet arbitrare në mandatin dhe statusin e institucioneve të pavarura janë antikushtetuese (p.sh. KO 73/16); dhe ndërprerja e mandatit pa procedurë të rregullt shkel sigurinë juridike (p.sh. KI 64/18)”, theksohet në padi.
Andaj, Kelmendi ka kërkuar të aprovohet si e bazuar kërkesëpadia e tij, të anulohet vendimi i Këshillit Prokurorial dhe i njëjti të kthehet në pozitën e ushtruesit të detyrës zyrtare. Dhe që i padituri t’ia paguajë shpenzimet e procedurës.
Me anë të padisë, paditësi ka paraqitur edhe kërkesë për vendosjen e masës së përkohshme të sigurisë me qëllim të ruajtjes së gjendjes juridike ekzistuese dhe parandalimin e një dëmi të rëndë dhe të pakthyeshëm deri në marrjen e një vendimi meritor, si dhe sigurimi që procesi gjyqësor të zhvillohet me kuptim e efekt.
Sipas padisë, vendimi i KPK-së ka krijua dëm të rëndë real, të menjëhershëm dhe të drejtpërdrejt dhe të pakthyeshëm, si pasojë e veprimit të kundërligjshëm, sepse paditësi mund të humbasë pozitën e tij si Ushtrues Detyre i Kryeprokurorit të Shtetit.
Aty thuhet se pozita e Kryeprokurorit të Shtetit është funksioni më i lartë brenda sistemit prokurorial dhe çdo ndërhyrje e paligjshme në ushtrimin e saj prodhon pasoja të thella profesionale dhe institucionale. Thuhet se humbja e kësaj pozite qoftë edhe përkohësisht, krijon pasoja reputacionale dhe profesionale që nuk mund të zhbëhen me një vendim të mëvonshëm gjyqësor
Në padi theksohet se shkarkimi i paligjshëm prek drejtpërdrejt autoritetin, integritetin dhe figurën publike të paditësit, duke shkaktuar një dëm që nuk mund të pakthyeshëm nëse masa nuk vendoset menjëherë.
“Çdo ndryshim në krye të institucionit, i bazuar në një akt të pavlefshëm, prodhon efekte zinxhirore të pakthyeshme si brenda institucionit, ashtu edhe në perceptimin e publikut dhe në stabilitetin e sistemit prokurorial”, thuhet në padi.
Më tej thuhet se vendosja e masës së përkohshme të sigurisë jo vetëm që nuk e cenon interesin publik, por e mbron drejtpërdrejt atë.
Andaj, Kelmendi ka kërkuar të aprovohet propozimi për caktimin e masës së përkohshme të sigurisë dhe të pezullohet zbatimi i vendimit të KPK-së dhe paditësi të vazhdojë të ushtrojë detyrën e U.D. Kryeprokurorit të Shtetit deri në vendosjen meritore në këtë çështje administrative.
Pas vendimit të Këshillit Prokurorial të Kosovës (KPK) për shkarkimin e ushtruesit të detyrës së Kryeprokurorit të Shtetit, Besim Kelmendi, ka shpërthyer tension i madh brenda institucionit, duke çuar disa anëtarë të tij të kërkojnë ndërhyrjen e Agjencisë Kosovare të Inteligjencës (AKI) për ruajtjen e sigurisë juridike në vend.
Sipas anëtarëve të KPK-së, në mbledhjen e sotme fillimisht ishin të pranishëm 10 anëtarë, por pesë prej tyre e kanë lëshuar takimin gjatë diskutimeve. Vendimi për shkarkimin e Kelmendit u mor nga pesë anëtarët e mbetur, gjë që disa prej pjesëtarëve të Këshillit e vlerësuan si të paligjshme, me arsyetimin se nuk kishte kuorum për vendimmarrje.
Ata thanë se nuk janë njoftuar për vazhdimin e mbledhjes, ndërsa kryesuesi Ardian Hajdaraj kishte deklaruar se nuk mund të vazhdohej mbledhja për shkak të mungesës së kuorumit. Për këtë arsye, pjesëtarë të KPK-së e vlerësuan vendimin si të pavlefshëm.
Anëtari i KPK-së, Visar Krasniqi, në emër të kolegëve që kundërshtuan vendimin, tha se ftojnë AKI-në të vlerësojë situatën dhe të kontribuojë në ruajtjen e sigurisë juridike në vend.
Vetë Besim Kelmendi deklaroi se nuk ka marrë ndonjë vendim zyrtar për shkarkimin e tij dhe se rasti do t’i drejtohet organeve kompetente që kanë autoritet të shqyrtojnë ose pezullojnë një vendim të tillë.
Edhe anëtari tjetër, Arian Gashi, i bëri thirrje prokurorëve të Zyrës së Kryeprokurorit të Shtetit që të vazhdojnë ushtrimin e autorizimeve të tyre ligjore, duke theksuar se shkarkimi i Kelmendit është i kundërligjshëm.
KPK sot vendosi të shkarkojë Kelmendin dhe, me propozimin e kryesuesit Ardian Hajdaraj, emri i prokurorit Agron Qalaj u paraqit si zëvendësues i mundshëm.
Shkarkimi vjen një ditë pasi Kelmendi mbajti konferencë të jashtëzakonshme, ku njoftoi se ishte intervistuar nga Prokuroria Speciale. Ai i quajti shpifje akuzat ndaj tij dhe deklaroi se puna që ka bërë si gjyqtar dhe ftesa për të dëshmuar në rastin e masakrës së Reçakut janë keqinterpretuar.
Kelmendi përsëriti se asnjëherë nuk ka qenë në Reçak para vitit 2001 dhe se, sipas tij, asnjë provë nuk ekziston që e lidh me ngjarjet e masakrës.
Ai madje deklaroi se, nëse shfaqet qoftë edhe një fotografi që e vërteton të kundërtën, do të japë dorëheqje dhe do të largohet nga Kosova.
Këshilli Prokurorial i Kosovës (KPK) ka shkarkuar sot Besim Kelmendin nga detyra e Ushtruesit të Kryeprokurorit të Shtetit, në një mbledhje ku ishin të pranishëm vetëm pesë anëtarë. Vendimi erdhi pas kërkesës së zëvendëskryesueses së KPK-së, Jehona Gërvalla-Grantolli, e cila propozoi që shkarkimi i Kelmendit të futet në rend dite, duke përmendur edhe intervistimin e tij të fundit si dëshmitar për masakrën e Reçakut.
Ky veprim ka shkaktuar reagime të forta brenda dhe jashtë vendit. Zyra e Bashkimit Evropian në Kosovë ka dalë me një deklaratë të qartë dhe kritike ndaj KPK-së, duke e cilësuar vendimin si të dëmshëm për sundimin e ligjit dhe proceset reformuese në sistemin prokurorial.
Anëtarët e Këshillit Prokurorial të Kosovës, të cilët lëshuan mbledhjen ku u shkarkua ushtruesi i detyrës së Kryeprokurorit të Shtetit, Besim Kelmendi, kanë mbajtur një konferencë për media.Ata deklaruan se shkarkimi i Kelmendit është i paligjshëm, transmeton Telegrafi.Visar Krasniqi, anëtar i KPK-s...
“Sot, shkarkimi i ushtruesit të Kryeprokurorit të Shtetit nga Këshilli Prokurorial i Kosovës pengon reformën e nevojshme dhe të vazhdueshme të KPK-së dhe shpërfill parimet e shtetit të së drejtës dhe përgjegjësinë ndaj qytetarëve. Ky veprim gjithashtu minon progresin e Kosovës drejt rrugës së saj evropiane”, thuhet në reagimin e Zyrës së BE-së në Kosovë.
Ndërkohë, vendimi ka hapur debat për legjitimitetin e tij, pasi u mor me vetëm pesë anëtarë të pranishëm, në kohën kur Këshilli pritet të kalojë përmes procesit të reformimit dhe ristrukturimit.
Shkarkimi i Kelmendit pritet të ngrejë më tej tensionet rreth funksionimit të KPK-së dhe pavarësisë së sistemit të drejtësisë në vend./Telegrafi/
Këshilli Prokurorial i Kosovës (KPK) e ka shkarkuar të enjten Besim Kelmendin nga pozita e ushtruesit të detyrës së Kryeprokurorit të Shtetit, raporton Betimi për Drejtësi, medium i specializuar në fushën e drejtësisë. Shkarkimi është raportuar të jetë bërë me pesë vota për, ndërsa në vendin e tij, si ushtrues detyre i Kryeprokurorit ë Shtetit, […]
Login
