Një kanal në Telegram, i lidhur me Gardën Revolucionare të Iranit, ka kërcënuar forcat amerikane në Katar.

Kanali pretendon se ka identifikuar hotelin në Doha ku janë zhvendosur komandantët dhe oficerët e Komandës Qendrore të Shteteve të Bashkuara, pas evakuimit të bazës Al-Udeid.

“Zhvendosja e ngathët e komandantëve dhe oficerëve të Komandës Qendrore të SHBA-së nga baza Al-Udeid në Hotelin Sheraton në Doha, dhe transferimi i dhomës së operacioneve të sabotimit në këtë hotel, nuk do t'i mbrojë ata në asnjë mënyrë nga një përgjigje vendimtare dhe e fuqishme e Forcave të Armatosura të Republikës Islamike të Iranit, në rast të ndonjë agresioni kundër territorit iranian,” thuhet në deklaratën e kanalit Sepah Pasdaran.

Kanalit iu bashkëngjit edhe një fotografi dhe mbishkrim të publikuar nga një tjetër kanal i quajtur “Operations Center Media”.

Ky incident shton tensionet mes Teheranit dhe Uashingtonit, teksa marrëdhëniet tashmë të tensionuara mbeten të ndjeshme në rajon.

Ndryshe, SHBA-ja ka përkrahur protestat e qytetarëve iranianë që shpërthyen si pasojë e shkaqeve ekonomike. /Telegrafi/

KATAR, 15 janar /ATSH-DPA/- Katari, i cili po ndihmon në ndërmjetësimin e një marrëveshjeje paqeje midis Izraelit dhe Hamasit, ka mirëpritur dje njoftimin e SHBA-së për fillimin e fazës tjetër të planit të paqes në Gaza.

“Shteti i Gjirit shpreson që fillimi i fazës së dytë do të kontribuojë në përmirësimin e situatës humanitare”, tha zëdhënësi i Ministrisë së Jashtme, Majid al-Ansari.

“Të gjitha palët duhet ta zbatojnë marrëveshjen plotësisht”, tha ai, duke shtuar se ndihma humanitare duhej të lejohej pa kufizime në mënyrë që të mundësohej një jetë dinjitoze.

Ai gjithashtu bëri thirrje për rindërtim të shpejtë të territorit palestinez, i cili u shkatërrua kryesisht nga dy vjet luftë.

Dje në mbrëmje, al-Ansari i bëri thirrje unionit ndërkombëtar të vazhdojë të mbështesë armëpushimin e përhershëm.

“Faza e dytë e planit të paqes do të përqendrohet në çarmatosjen e Hamasit – të cilën deri më tani ka refuzuar ta bëjë – krijimin e një qeverie kalimtare teknokratike dhe fillimin e rindërtimit të Rripit të Gazës”, njoftoi dje i dërguari special i SHBA-së Steve Witkoff.

Burime egjiptiane të sigurisë thanë se Hamasi kishte rënë dakord për emërimet për qeverinë kalimtare teknokratike të planifikuar. Asnjë anëtar i Hamasit nuk lejohet në grup. //a.i/

The post FOKUS – Katari mirëpret fazën e dytë të planit të paqes në Gaza appeared first on Agjencia Telegrafike Shqiptare.

Mbretëria e Bashkuar ka nisur tërheqjen e një pjese të personelit ushtarak nga baza ajrore Al Udeid në Katar, e cila drejtohet nga Shtetet e Bashkuara, raportoi Sky News. Lëvizja vjen pas deklaratave të presidentit amerikan Donald Trump, i cili u bëri thirrje protestuesve në Iran të vazhdojnë presionin ndaj regjimit dhe paralajmëroi “veprime shumë […]

The post Britania tërheq trupat nga baza amerikane në Katar, pas kërcënimit të Trump ndaj Iranit appeared first on BoldNews.al.

DOHA, 14 janar /ATSH-ANSA/ – Shtetet e Bashkuara të Amerikës i kanë  kërkuar personelit amerikan të largohen nga Baza Ajrore Amerikane al-Udeid në Katar.

Baza e Katarit është baza më e madhe amerikane në Lindjen e Mesme dhe strehon 10 000 trupa.

Në pritje të sulmeve të SHBA-së ndaj Iranit në qershor, disa personel u transferuan nga bazat amerikane në Lindjen e Mesme.   /os/

The post DOHA – SHBA transferon një pjesë të personelit të bazës në Katar appeared first on Agjencia Telegrafike Shqiptare.

Është finalja e finaleve. Jo më kot quhet “Finalissima”, sfida që vendos përballë kampionët e Amerikës së Jugut me ata të Europës. FIFA zyrtarizoi agjendën e ndeshjes, ku do të sfidohen Argjentina dhe Spanja, legjenda Lionel Messi dhe talenti i bekuar që bebe nga ai, Lamine Yamal.

Ndeshja do të luhet në datën 27 mars në stadiumin e Lusail në Katar dhe përfaqëson trofeun e parë të rëndësishëm të vitit 2026, në pritje të finaleve të Kupës së Botës.

Argjentina vjen gjithashtu në këtë finale si kampione e botës në fuqi dhe mbajtëse e këtij të trofeu që e fitoi në stadiumin “Wembley” në vitin 2022 kundër Italisë me rezultatin 3-0.

Por këtë herë, Messi dhe shokët e tij kanë përballë një rival akoma më të fortë. Spanjën e Lamine Yamal, që pasi mori numrin 10 të “Pleshtit” te Barcelona, kërkon t’i rrëmbejë “kumbarit” të tij edhe fronin në “Olimpin” e futbollit.

Po ashtu, kjo “Finalissima” do të jetë një shijim i “Botërorit 2026”, ku si Argjentina ashtu edhe Spanja janë favoritë.

Ky trofe u krijua 40 vite më parë, në 1985, por që nga ajo kohë është luajtur vetëm tre herë. Të parin e mori Franca, ndërsa dy të tjerët në vitin 1993 dhe 2022 titulli është bërë pronë e Argjentinës.

/abcnews.al/

TIRANË, 7 dhjetor /ATSH/ Ministrja e Shëndetësisë dhe Mirëqenies Sociale, Evis Sala zhvilloi sot një takim me ministrin e Shëndetit Publik të Shtetit të Katarit, Mansoor bin Ebrahim bin Saad Al Mahmoud, në kuadër të Forumit të Dohas.

Takimi u përqendrua në forcimin e bashkëpunimit mes dy vendeve në sektorin e shëndetësisë, shkëmbimin e praktikave më të mira dhe identifikimin e fushave me potencial për projekte të përbashkëta.

Gjatë diskutimeve, ministrja Sala theksoi se, transformimi i shëndetësisë është sfida kryesore për Shqipërinë, duke identifikuar tre prioritete strategjike: përmirësimi i menaxhimit të shërbimeve shëndetësore, me qëllim rritjen e cilësisë dhe aksesit për pacientët; integrimi i shërbimeve të mirëqenies sociale dhe shëndetësore, për të ndërtuar një model të unifikuar dhe efektiv të kujdesit ndaj qytetarëve dhe digjitalizimi dhe zhvillimi i Inteligjencës Artificiale (IA) në shëndetësi, si bazë për një sistem modern dhe të qëndrueshëm.

Ministrja theksoi se vendi ka nevojë të ngrejë arkitekturën e sistemeve digjitale që sigurojnë ndërveprueshmëri, një komponent thelbësor për funksionimin efikas të sektorit dhe për zhvillimin e aplikimeve të avancuara të IA në shëndetësi.

Ajo nënvizoi se ky transformim do të shërbejë si bazë e një sistemi shëndetësor të qëndrueshëm, të integruar dhe të orientuar drejt inovacionit.

Në vijim, u vlerësua rëndësia e zhvillimit të robotikës mjekësore në Shqipëri, si një drejtim strategjik për përmirësimin e trajtimeve dhe ndërhyrjeve kirurgjikale.

Ministrja Sala u shpreh se Katari, me sistemin e tij të avancuar të robotikës, përfaqëson një partner ideal për bashkëpunim në këtë fushë, duke ofruar mundësi për trajnime, shkëmbim ekspertize dhe projekte të përbashkëta zhvillimore.

Të dy ministrat shprehën vullnetin për të vijuar bashkëpunimin institucional dhe ranë dakord që ekipet teknike të dy vendeve të punojnë në muajt e ardhshëm drejt konkretizimit të marrëveshjeve dhe iniciativave të reja të përbashkëta.

Forumi i Dohas, që këtë vit u mbajt në datat 6-7 dhjetor 2025 me temë: Drejtësia në veprim – progresi përtej premtimeve dhe me fokus tek shëndetësia, financa e sfidat globale është një platformë globale për dialog, që bashkon liderët në politikë për të diskutuar sfidat kritike me të cilat përballet bota jonë dhe për të ndërtuar rrjete inovative dhe të nxitura nga veprimi.

/gj.m/r.e/

The post Sala takim me homologun e Katarit: Digjitalizimi dhe zhvillimi i IA, bazë për sistem modern në shëndetësi appeared first on Agjencia Telegrafike Shqiptare.

TIRANË, 6 dhjetor /ATSH/ Ministri i Financave, Petrit Malaj, mori pjesë sot në Forumin e Dohas në Katar, një nga platformat më të rëndësishme globale për dialogun dhe bashkëpunim ndërkombëtar.

Nën moton “Diplomaci, Dialog, Diversitet”, ky forum, sipas ministrit Malaj, mblodhi liderë, politikëbërës dhe ekspertë nga e gjithë bota për të diskutuar sfidat që koha po na dikton, si dhe gjetjen e mënyra për të ndërvepruar në mënyrë më aktive.

“Në një botë ku kufijtë janë gjithnjë e më të padukshëm, bashkëpunimi ndërkombëtar mbetet thelbësor”, theksoi Malaj.

Përmes një postimi në rrjetet sociale, Malaj nënvizoi se “pjesëmarrja e Shqipërisë në këtë platformë të nivelit të lartë është një mundësi e çmuar për të forcuar dialogun, për të promovuar politikat tona dhe për të kontribuar në zgjidhje të qëndrueshme për zhvillimin ekonomik”.

Malaj shtoi se gjatë forumit pati mundësinë të takohej me homologët e vendeve të tjera dhe të ndante përvojat.

“Me shumë interes u prit edhe diskutimi nga Bill Gates, i cili theksoi rolin e rëndësishëm të inovacionit në arritjen e progresit”, nënvizoi Malaj.

1 nga 5

/m.q/a.f/

The post Malaj në Forumin e Dohas në Katar: Pjesëmarrja e Shqipërisë, mundësi për forcimin e dialogut appeared first on Agjencia Telegrafike Shqiptare.

TIRANË, 30 nëntor/ATSH/ Kryeministri Edi Rama bëri të ditur sot se falë bashkëpunimit me Katarin pritet të vijë në vendin tonë një ndër ekselencat më prestigjioze të shërbimit spitalor.

Ndërsa solli në vëmendje zhvillimet kryesore të javës gjatë podkastit “Flasim”, Kryeministri Rama u ndal te vizita në Doha, Katar.

“Para pak ditësh vizitova Dohën dhe kalova disa orë intensive diskutimesh me mikun tim të shtrenjtë, Kryeministrin e Katarit, Sheikun Muhamed bin Abdulrahman bin Jassim Al Thani, një ndër udhëheqësit më të talentuar e më të respektuar të botës së sotme, i cili do të vijë me shumë dëshirë në Shqipëri në muajt e parë të vitit të ri”, bëri të ditur ai.

Kryeministri tha se po përgatitet një agjendë ambicioze bashkëpunimi mes dy vendeve.

“Prekëm shumë tema me Kryeministrin dhe do të përgatisim një agjendë ambicioze bashkëpunimi, që do ta bëjmë publike gjatë vizitës së tij në Shqipëri, por mund të them qysh sot se do të sjellim në vendin tonë një ndër ekselencat më prestigjioze të shërbimit spitalor, qoftë si praktikë private e qoftë si praktikë partneriteti publik–privat, çka do të ndikojë shumë pozitivisht në rritjen e standardeve të shërbimit tonë publik spitalor”, tha Rama.

Kryeministri Rama vizitoi Dohën në datat 23-24 nëntor, ndërsa në fokus të kësaj vizite ishte edhe negociimi për vendosjen e një linje direkte ajrore me Katarin.

/m.m/j.p/

The post Rama: Sjellim nga Katari një ndër ekselencat e shërbimit spitalor appeared first on Agjencia Telegrafike Shqiptare.

BERLIN, 25 nëntor /ATSH-DPA/ – Ministri i Jashtëm gjerman, Johann Wadephul, dhe homologu i tij jordanez, Ayman al-Safadi, bënë sot thirrje që qeveria izraelite të lejojë më shumë ndihma humanitare për Rripin e Gazës.

Gjatë një takimi mes dy diplomatëve në Berlin, Wadephul theksoi mungesën e tendave dhe pajisjeve mjekësore në Gazë, gjashtë javë pas hyrjes në fuqi të armëpushimit midis Izraelit dhe grupit militant palestinez Hamas.

Al-Safadi tha se, megjithëse situata humanitare në territor është përmirësuar, ajo mbetet shumë e vështirë. Më shumë se 90% e popullsisë ka nevojë për ndihma humanitare për të mbijetuar, duke bërë apel ndaj Izraelit që të respektojë armëpushimin.

Wadephul tha se një rezolutë e Këshillit të Sigurimit të OKB-së, e miratuar javën e kaluar për të siguruar planin e paqes për Gazën, duhet të zbatohet shpejt.

“Duhet të merren vendime se si institucionet e mandatuara nga OKB-ja mund të sigurojnë stabilitetin në Gaza, përfshirë edhe çarmatimin e planifikuar të Hamasit”, tha ai.

“Shpejtësia është thelbësore për shkak të rrezikut që Rripi i Gazës të ndahet në një pjesë të kontrolluar nga ushtria izraelite dhe një tjetër ku Hamas po fiton gjithnjë e më shumë force”, shtoi Wadehpul.

“Ne nuk duhet të lejojmë që Hamas të vazhdojë të konsolidojë pushtetin këtu pa u shqetësuar”, kërkoi ai.

Deklaratat e Wadephul vijnë një ditë pas konfirmimit se Kkancelari Friedrich Merz do të vizitojë Izraelin për herë të parë para fundit të vitit. /Ad.Ab./

The post BERLIN – Gjermania dhe Jordania kërkojnë më shumë ndihma për Gazën appeared first on Agjencia Telegrafike Shqiptare.

TIRANË, 24 nëntor/ATSH/ Vendosja e një linje direkte ajrore me Katarin ishte në qendër të bisedimeve të kryeministrit Edi Rama me drejtorin e përgjithshëm të “Qatar Airways”, Badr Mohammed Al-Meer.

Në kuadër të vizitës në Doha, Katar, kryeministri Rama zhvilloi një takim me drejtorin e përgjithshëm të “Qatar Airways”, me të cilin diskutoi për hyrjen e kompanisë prestigjioze në Shqipëri.

Ndërsa ndau momente nga ky takim, Rama uroi që së shpejti të kemi edhe fluturimet e “Qatar Airways” për Tiranë.

Prej ditës së djeshme, kryeministri Rama po zhvillon një vizitë në Katar, ku fillimisht u prit nga kryeministri dhe ministri i Punëve të Jashtme të Katarit, Sheikh Mohammad bin Abdulrahman bin Jassim Al Thani.

Në këtë vizitë, Rama shoqërohet nga ministri i Financave, Petrit Malaj si dhe ministri i Shtetit për Pushtetin Vendor, Ervin Demo.

1 nga 5

/m.m/j.p/

The post Rama në Katar, bisedime për nisjen e fluturimeve direkte mes dy vendeve appeared first on Agjencia Telegrafike Shqiptare.

Vendosja e një linje direkte ajrore me Katarin ishte në qendër të bisedimeve të kryeministrit Edi Rama me drejtorin e përgjithshëm të “Qatar Airways”, Badr Mohammed Al-Meer.

Në kuadër të vizitës në Doha, Katar, kryeministri Rama zhvilloi një takim me drejtorin e përgjithshëm të “Qatar Airways”, me të cilin diskutoi për hyrjen e kompanisë prestigjioze në Shqipëri.

"Doha, Katar – Me Drejtorin e Përgjithshëm të Qatar Airways, Ing. Badr Mohammed Al-Meer, folëm për hyrjen e kompanisë prestigjioze në Shqipëri dhe ishallah do të kemi së shpejti fluturimet e Qatar Airways për Tiranë. Ndërsa ndau momente nga ky takim, Rama uroi që së shpejti të kemi edhe fluturimet e 'Qatar Airways' për Tiranë", ka shkruar Rama.

Prej ditës së djeshme, kryeministri Rama po zhvillon një vizitë në Katar, ku fillimisht u prit nga kryeministri dhe ministri i Punëve të Jashtme të Katarit, Sheikh Mohammad bin Abdulrahman bin Jassim Al Thani.

Në këtë vizitë, Rama shoqërohet nga ministri i Financave, Petrit Malaj si dhe ministri i Shtetit për Pushtetin Vendor, Ervin Demo. /Telegrafi/

TIRANË, 23 nëntor /ATSH/ Kryeministri Edi Rama u takua sot në Doha, Katar, me kryeministrin dhe ministrin e të Punëve të Jashtme të Katarit, Sheikh Mohammad bin Abdulrahman bin Jassim Al Thani.

Rama ndau në rrjetet sociale pamje nga takimi, ku theksoi se “biseduam për thellimin e bashkëpunimit dhe disa projekte me peshë të rëndësishme për Shqipërinë”.

Kreu i qeverisë gjatë takimit ishte i shoqëruar nga ministri i Financave, Petrit Malaj si dhe Ministri i Shtetit për Pushtetin Vendor, Ervin Demo.

1 nga 12

/m.q/

The post Rama pritet nga kryeministri i Katarit: Biseduam për projekte me rëndësi për Shqipërinë appeared first on Agjencia Telegrafike Shqiptare.

Një situatë e pazakontë është regjistruar këtë të mërkurë në qytetin e Vlorës. Një peshkatar ka kapur një peshk të llojit lic rreth 20 kg në ujërat e gjirit të qytetit. Ai është parë dhe filmuar nga kalimtarët teksa mbante peshkun mbi supe dhe kalonte përgjatë shëtitores së Vlorës, duke tërhequr vëmendjen e turistëve dhe […]

The post E rrallë në Vlorë, peshku 20 kg ‘xhiro’ në shëtitoren e qytetit appeared first on BoldNews.al.

UASHINGTON, 11 tetor /ATSH – AFP/ – Sekretari amerikan i Mbrojtjes, Pete Hegseth, njoftoi mbrëmë se Katarit do t’i lejohet të ndërtojë një objekt të forcave të tij ajrore në bazën ajrore” Mountain Home” në Idaho, i cili do të strehojë avionë luftarakë F-15 dhe pilotë, sipas AP.

Njoftimi vjen pak pas nënshkrimit nga presidenti Donald Trump të një urdhri ekzekutiv, ku ai zotohët se do ta mbrojë shtetin arab të Gjirit nga çdo sulm, pas bombardimeve izraelite që kishin në shënjestër udhëheqës të Hamasit në kryeqytetin e Katarit, Doha.

“Ne po nënshkruajmë një letër pranimi për ndërtimin e një objekti të Forcave Ajrore të Katarit në bazën ajrore ‘Mountain Home’ në Idaho”, tha Hegseth në Pentagon, në prani të ministrit të Mbrojtjes së Katarit, Sheikh Saoud bin Abdulrahman Al-Thani.

“Kjo vendndodhje do të presë një kontingjent avionësh F-15 dhe pilotësh nga Katari për të forcuar trajnimin tonë të përbashkët dhe për të rritur aftësinë luftarake dhe ndërveprueshmërinë”, shtoi ai.

“Ky është vetëm një shembull tjetër i partneritetit tonë. Dhe shpresoj, ekselenca juaj, që të dini se mund të mbështeteni tek ne”.

Baza në Idaho aktualisht strehon gjithashtu një skuadron avionësh luftarakë nga Singapori, sipas faqes së saj zyrtare.

Hegseth falënderoi gjithashtu Katarin për “rolin e tij të rëndësishëm” si ndërmjetës në negociatat që çuan në një armëpushim dhe marrëveshje shkëmbimi pengjesh midis Izraelit dhe Hamasit, si dhe për ndihmën në lirimin e një qytetari amerikan nga Afganistani.

Ministri i Mbrojtjes i Katarit vlerësoi “partneritetin e fortë dhe të qëndrueshëm” dhe “marrëdhëniet e thella të mbrojtjes” mes dy vendeve.

Baza ajrore “Al Udeid” në Katar është objekti më i madh ushtarak i SHBA në Lindjen e Mesme. /Ad.Ab./

The post SHBA – Marrëveshje për të lejuar Katarin të ndërtojë objekt ushtarak në Idaho appeared first on Agjencia Telegrafike Shqiptare.

UASHINGTON, 1 tetor /ATSH/- Presidenti i SHBA-së, Donald Trump, ka nënshkruar një urdhër ekzekutiv që parashikon që SHBA-ja të garantojë sigurinë e Katarit – një angazhim i rëndësishëm ndaj një aleati arab jo-anëtar të NATO-s, sipas CNN.

“Shtetet e Bashkuara të Amerikës do ta konsiderojnë çdo sulm të armatosur ndaj territorit, sovranitetit ose infrastrukturës së rëndësishme të Shtetit të Katarit si një kërcënim për paqen dhe sigurinë e SHBA-së”, thuhet në urdhër, i cili mban datën 29 shtator.

Urdhri vjen ndërsa kryeministri izraelit Benjamin Netanyahu, gjatë një vizite të hënën në Shtëpinë e Bardhë, i kërkoi falje në telefon kryeministrit të Katarit për sulmin e Izraelit në Doha, muajin e kaluar.

Trump, në një paraqitje të përbashkët me Netanyahun, më pas paraqiti planin e tij me 20 pika për paqen në Gaza, i cili, ndryshe nga një version i mëparshëm i paraqitur udhëheqësve arabë, nuk përmend konkretisht se Izraeli nuk do ta sulmojë Katarin.

Urdhri i Trump thotë se SHBA-ja do të marrë të gjitha masat e ligjshme dhe të përshtatshme për të mbrojtur Katarin.

“Në rast të një sulmi të tillë, Shtetet e Bashkuara të Amerikës do të ndërmarrin të gjitha masat e ligjshme dhe të përshtatshme – duke përfshirë ato diplomatike, ekonomike dhe, nëse është e nevojshme, ushtarake – për të mbrojtur interesat e SHBA-së dhe të Shtetit të Katarit dhe për të rivendosur paqen dhe stabilitetin”, thuhet në urdhrin ekzekutiv.

Urdhri shënon një arritje të rëndësishme për Katarin, i cili – ashtu si shtetet e tjera të pasura arabe të Gjirit – ka kërkuar prej kohësh një garanci më të fortë sigurie nga SHBA-ja.

Në vitin 2022, Katari u caktua zyrtarisht një aleat i madh jo anetar i NATO-s nga administrata Biden, duke i dhënë atij privilegje të zgjeruara ushtarake dhe mbrojtëse.

Ai gjithashtu strehon Bazën Ajrore Al Udeid, një nga qendrat më të mëdha ushtarake amerikane në Lindjen e Mesme, duke theksuar lidhjet tashmë të thella të sigurisë midis Dohas dhe Uashingtonit.

Gjatë vizitës së tij në SHBA në fillim të këtij viti, Trump u zotua publikisht të “mbrojë” Katarin, një premtim i bërë mes njoftimeve për gati 3 trilionë dollarë marreveshje ekonomike nga Doha dhe shtetet e tjera arabe të Gjirit.

Që atëherë, Katari është sulmuar dy herë, nga Irani dhe Izraeli.

Arabia Saudite dhe Emiratet e Bashkuara Arabe kanë kërkuar gjithashtu garanci më të fortë sigurie nga SHBA-ja. //a.i/

The post SHBA – Trump nënshkruan urdhrin ekzekutiv që mbron Katarin në rast sulmi appeared first on Agjencia Telegrafike Shqiptare.

DOHA, 30 shtator /ATSH – DPA/ – Katari vlerëson se është e nevojshme të sqarohet më tej dhe të zhvillohen negociata shtesë lidhur me planin e paqes për Rripin e Gazës, të propozuar dje nga presidenti amerikan Donald Trump.

“Kjo iniciativë është ende në fazat fillestare dhe duhet të zhvillohet dhe të shpjegohet më tej” , tha  sot kryeministri Mohammed bin Abdulrahman Al Thani për kanalin “Al Jazeera”.

Ai theksoi veçanërisht nevojën për “qartësi mbi mekanizmin e tërheqjes së trupave izraelite” nga zona bregdetare.

Sipas Al Thani, plani i prezantuar nga presidenti Trump kërkon “diskutim mbi detajet dhe mënyrën e zbatimit të tyre”.

Ndërsa qëllimi kryesor është përfundimi i luftës midis Izraelit dhe lëvizjes palestineze islamike Hamas, ai shtoi se “nevojiten sqarime dhe detaje të tjera, për të cilat janë të nevojshme negociata”.

Me prezantimin e planit të tij të paqes, Trump ka ngjallur, si shpesh herë më parë, shpresa për një fund të konfliktit në Gaza.

Megjithatë, siç ka ndodhur edhe me propozimet e mëparshme, ekzistojnë pyetje të hapura që pas shpalljes në Uashington kanë hedhur dyshime mbi mundësinë që plani të çojë vërtet në përfundimin e luftës. /Ad.Ab./

The post KATAR – Kryeministri Al Thani: Nevojiten detaje dhe negociata të mëtejshme për planin e Gazës appeared first on Agjencia Telegrafike Shqiptare.

UASHINGTON, 15 shtator /ATSH-ANSA/ – Ata duhet të bëjnë diçka për Hamasin, por Katari ka qenë një aleat i shkëlqyer i Shteteve të Bashkuara dhe shumë të tjerë nuk e dinë këtë, u tha gazetarëve presidenti amerikan, Donald Trump.

“Ia thashë emirit, për të cilin mendoj se është një person i mrekullueshëm, me të vërtetë. Thashë se ata kanë nevojë për marrëdhënie më të mira me publikun, sepse nuk i kuptojnë shumë mirë marrëdhëniet me publikun. Dua të them, njerëzit flasin shumë keq për ta. Katari ka qenë një aleat i shkëlqyer, kështu që Izraeli dhe të gjithë ne të tjerët, duhet të jemi të kujdesshëm. Kur sulmojmë njerëz, duhet të jemi të kujdesshëm”, shtoi ai.

Trump foli gjithashtu edhe për Ukrainën në takimin me emirin e Katarit.

”Sanksionet evropiane kundër Rusisë nuk janë mjaftueshëm të ashpra”, tha ai duke përsëritur kërkesën e tij që aleatët e NATO-s të ndalojnë blerjen e naftës ruse dhe të vendosin tarifa për Kinën.

“Nëse e quani një samit apo thjesht një takim, nuk ka rëndësi, por ndoshta do të duhet t’i bind, sepse ata e urrejnë njëri-tjetrin aq shumë sa mezi flasin. Ata janë të paaftë të flasin me njëri-tjetrin, urrejtja midis Putinit dhe Zelenskyt është e paimagjinueshme”, shtoi presidenti amerikan para gazetarëve, kur e pyetën nëse do të ishte e nevojshme të organizohej një samit për të ndërmjetësuar midis Rusisë dhe Ukrainës./  a.jor.

The post SHBA – Trump: Katari një aleat i shkëlqyer, Netanyahu të jetë më i kujdesshëm appeared first on Agjencia Telegrafike Shqiptare.

DUBAI, 12 shtator /ATSH/- Vizita e presidentit të Emirateve të Bashkuara Arabe (EBA), Sheikh Mohammed bin Zayed Al Nahyan në vendet e Gjirit, synon koordinimin e qëndrimeve – pas sulmit izraelit të martën ndaj udhëheqësve të Hamasit në Doha, tha dje këshilltari i tij diplomatik, sipas “Reuters”.

“Vizita e presidentit në shtetet e Gjirit, pasqyron një bindje të thellë në forcimin e koordinimit dhe bashkëpunimit, si dhe në përforcimin e konceptit të një fati të përbashkët”, tha Anwar Gargash në një postim në X.

Izraeli u përpoq të martën të vriste udhëheqësit politikë të Hamasit, në një sulm ajror në kryeqytetin e Katarit, duke përshkallëzuar fushatën e tij ushtarake në Lindjen e Mesme dhe duke shkaktuar kritika ndërkombëtare.

Sheikh Mohammed ishte kreu i parë i shtetit që vizitoi Dohën pas sulmit – i cili më pas udhëtoi në Bahrein dhe Oman.

“Doha do të presë një samit urgjent arabo-islamik të dielën dhe të hënën e ardhshme për të diskutuar sulmin izraelit”, raportoi agjencia shtetërore e lajmeve e Katarit.

Në një deklaratë të veçantë, Ministria e Jashtme e Emirateve të Bashkuara Arabe dënoi deklaratat “armiqësore” të kryeministrit izraelit Benjamin Netanyahu kundër Katarit, duke theksuar se çdo agresion kundër një shteti të Gjirit përbënte një sulm ndaj kornizës kolektive të sigurisë së Gjirit.

“Ju duhet të dëboni zyrtarët e Hamasit ose t’i nxirrni para drejtësisë. Nëse nuk e bëni, do ta bëjmë ne”, tha Netanyahu duke paralajmëruar Katarin.

Ai gjithashtu akuzoi Katarin se i kishte ofruar strehë të sigurt dhe financim Hamasit, duke shkaktuar kritika të ashpra nga Doha.

Emiratet e Bashkuara Arabe, me ndikim diplomatik në të gjithë Lindjen e Mesme, nënshkruan një marrëveshje normalizimi të ndërmjetësuar nga SHBA-ja me Izraelin – sipas Marrëveshjeve të Abrahamit në vitin 2020 – e cila hapi rrugën për lidhje të ngushta ekonomike dhe të sigurisë, përfshirë bashkëpunimin në mbrojtje. //a.i/

The post FOKUS – Vizita e presidentit të EBA-s në Gjirin Persik synon koordinimin rajonal pas sulmit izraelit në Doha appeared first on Agjencia Telegrafike Shqiptare.

NJU JORK, 11 shtator /ATSH-DPA/ – Në një deklaratë të rrallë të përbashkët, anëtarët e Këshillit të Sigurimit të OKB-së kanë dënuar sulmin e Izraelit ndaj udhëheqjes së organizatës militante palestineze Hamas në Katar.

Në një deklaratë të publikuar pak para fillimit të një sesioni të posaçëm mbi këtë çështje në Nju Jork, 15 anëtarët shprehën solidaritetin e tyre me Katarin dhe theksuan rëndësinë e shpërshkallëzimit.

Kryeministri i Katarit, Mohammed bin Abdulrahman Al Thani, kishte udhëtuar gjithashtu në Nju Jork posaçërisht për sesionin e posaçëm.

Anëtarët e Këshillit të Sigurimit kanë qenë në mosmarrëveshje dhe të ndarë për shkak të konflikteve të shumta në muajt e fundit.

Sipas Hamasit, gjashtë persona u vranë në sulmin e papritur izraelit të martën.

Sulmi ka tërhequr dënim global dhe një qortim të rrallë edhe nga presidenti i SHBA-së Donald Trump./  a.jor.

The post OKB – Këshilli i Sigurimit dënon sulmin izraelit ndaj Hamasit në Katar appeared first on Agjencia Telegrafike Shqiptare.

Këshilli i Sigurimit i OKB-së dënoi sot sulmet e fundit ndaj Katarit, pa e përmendur Izraelin, i cili i nisi ato me qëllim eliminimin e udhëheqësve të Hamasit palestinez dhe bëri thirrje për “de-eskalim”.

Deklarata, e miratuar unanimisht nga 15 shtetet anëtare, shpreh “solidaritetin e tyre me Katarin” dhe nënvizon mbështetjen për “sovranitetin kombëtar dhe integritetin territorial” të emiratit.

Ata gjithashtu theksojnë se “lirimi i pengjeve – përfshirë ata të vrarë nga Hamasi – dhe përfundimi i luftës dhe vuajtjeve në Gaza duhet të mbeten përparësia më e lartë” për Këshillin e Sigurimit të OKB-së.

The post Këshilli i Sigurimit i OKB-së dënon sulmet ndaj Katarit, nuk e përmend Izraelin appeared first on Albeu.com.