Pep Guardiola ka shprehur një “trishtim dhe mërzitje” të përzier me ironi ndaj politikës financiare të klubit të tij, Manchester City, duke theksuar se skuadra e tij është vetëm e shtata në Ligën Premier për sa i përket investimeve neto gjatë pesë viteve të fundit.

Duke folur në një konferencë për shtyp para ndeshjes së kthimit në Carabao Cup kundër Newcastle, trajneri spanjoll u referua statistikave të fundit.

“Ndjehem pak i trishtuar dhe i mërzitur sepse në shpenzimet neto gjatë pesë viteve të fundit ne jemi të shtatët në Ligën Premier. Këto janë fakte, jo opinione”, deklaroi ai.

Faktet që fjalin

Sipas të dhënave, Manchester City ka një investim neto prej afro 459 milionë euro për periudhën 2021-2026. Kjo i vendos “Qytetarët” pas gjashtë konkurrentëve të tjerë. Manchester United është i pari me 783 milionë euro, që përcillet nga Arsenali me 770 milionë euro.

Chelsea është i treti me 755 milionë euro, ndërsa pas tyre vjen Tottenham Hotspur me 666 milionë euro. I pesti është Newcastle United me 492 milionë euro. Para Man Cityt është edhe Liverpooli me shpenzime prej 487 milionë euro.

Statistika duket paradoksale, duke pasur parasysh reputacionin e Man Cityt si një fuqi financiare. Megjithatë, sekreti qëndron në menaxhimin e tregut.

Edhe pse klubi nga Manchester ka shpenzuar mbi 1.1 miliardë euro në transferime gjatë kësaj periudhe (duke u renditur i dyti pas Chelseat), ata ka gjeneruar të ardhur mbresëlënëse prej afro 640 milionë euro nga shitja e lojtarëve – siç ishte rasti me Julián Álvarez te Atlético Madrid – pa komprometuar asetet thelbësore të ekipit.

“Të shitësh me mend” është art

Ndryshe nga disa konkurrentë, Man City ka kthyer shitjen e lojtarëve në një art. Kjo ka lejuar klubin të mbajë shpenzimet neto në një nivel relativisht të ulët, duke i dhënë Guardiolës një arsenal konkurrues pa ndryshuar thelbin e skuadrës.

Trajneri, megjithatë, duket se e përdor këtë statistikë për të theksuar një mesazh nën ironi.

Duke iu referuar gjashtë skuadrave që kanë shpenzuar më shumë, Guardiola tha: “Por, ashtu siç fitonim në të kaluarën sepse shpenzonim shumë, tani gjashtë ekipe duhet të fitojnë Ligën Premier, Ligën e Kampionëve dhe FA Cup, sepse kanë shpenzuar më shumë në pesë vitet e fundit. (...) Paçin fat gjashtë ekipet që na kanë tejkaluar në shpenzimet neto gjatë pesë viteve të fundit!”.

Konteksti i transferimeve

Deklaratat e Guardiolës vijnë në një moment kur Manchester City po dëshmon përsëri aktivitet në tregun e dimrit. Ata janë shpenzuesit më të mëdhenj në Ligën Premier gjatë afatit janar, duke forcuar skuadrën me blerje si Marc Ghéhi dhe Antoine Semenyo.

Ky veprim tregon një strategji të qëndrueshme: të investosh në pikat kyçe duke ruajtur ekuilibrin financiar.

Megjithë “pakënaqësinë” e deklaruar, Guardiola duket se e çmon menaxhimin e klubit që ka krijuar një model të qëndrueshëm suksesi.

Mesazhi i tij mund të interpretohet si një mënyrë elegante për të ridrejtuar diskutimin publik drejt “fakteve” financiare, duke u larguar nga narativat e zakonshme që e paraqesin Man Cityn si një “makineri” të pafund financiare. Në fund të ditës, për trajnerin, suksesi matet me trofe, jo me shifra neto në bilanc. /Telegrafi/

Mesfushori portugez Bernardo Silva ka vendosur të largohet nga Manchester City në fund të këtij sezoni.

Tashmë, mbetet për t’u parë se cili do të jetë destinacioni i radhës në karrierën e tij profesionale.

E ardhmja e Bernardo Silvës duket se do të jetë larg “Etihad Stadium”.

Sipas gazetarit të njohur Fabrizio Romano, lojtari është i vendosur të mbyllë kapitullin e tij te klubi anglez sapo t’i përfundojë kontrata aktuale, duke i dhënë fund një etape jashtëzakonisht të suksesshme në Ligën Premier.

Edhe pse vazhdon të ketë një rol të rëndësishëm në planet e Pep Guardiolës me 33 paraqitje zyrtare këtë sezon, portugezi beson se ka ardhur momenti i duhur për të kërkuar sfida të reja, teksa i afrohet fazës përfundimtare të karrierës së tij.

Javët e fundit, emri i tij është lidhur me disa klube të mëdha evropiane.

Mes tyre spikat Barcelona, e cila për shkak të situatës ende të ndjeshme financiare, mund të jetë e interesuar të sigurojë shërbimet e një lojtari të këtij niveli pa paguar tarifë transferimi.

Po ashtu, Benfica dhe disa klube të Serie A po monitorojnë nga afër situatën e tij.

I formuar pikërisht te Benfica, Bernardo Silva kaloi më pas te Monaco, para se në janar të vitit 2017 të transferohej te Man City.

Me fanellën e “Qytetarëve”, ai ka regjistruar plot 440 ndeshje zyrtare, duke shënuar 73 gola dhe dhënë 78 asistime.

Pa dyshim, Bernardo Silva konsiderohet një nga futbollistët më të rëndësishëm në historinë e afërt të Manchester Cityt dhe largimi i tij do të shënojë fundin e një epoke. /Telegrafi/

E ardhmja e Pep Guardiolas te Manchester City duket se pritet të marrë një kthesë në përfundim të sezonit me spanjollin që mund të largohet pas më shumë se një dekade në krye të “Qytetarëve”, ku fitoi çdo trofe të mundshëm.

Gazetari David Ornstein ka folur për të ardhmen e Guardiolës te klubi nga Etihad dhe duket se trajneri legjendar është shumë pranë largimit.

“Mendoj se ka një shans jashtëzakonisht të fortë që Pep Guardiola të largohet në fund të sezonit. Ai nënshkroi një kontratë dyvjeçare, por edhe brenda Cityt, në nivele të larta, pritej që kontrata të zgjaste një vit, deri në momentin kur u njoftua”, ka thënë fillimisht Ornstein.

“Dhe ekziston një ndjenjë në industri se dy vitet ishin për të blerë kohë. Sigurisht, ai mund ta shihte të mbaronte atë periudhë, por gjithashtu ishte ndoshta një vendim i zgjuar dhe i arsyeshëm që ishte hartuar për të mbajtur larg tij një pjesë të presionit dhe shqyrtimit në këtë sezon".

“Kjo nuk ka funksionuar vërtet sepse City ka qenë duke folur me kandidatë potencialë nëse ai largohet. Kam raportuar shumë për Enzo Marescën që zhvilloi biseda me Manchester Cityn ose individë në emër të tyre, për të cilët ai ishte i detyruar nga kontrata e tij t’i informonte Chelsean. Dhe e gjitha kjo doli në pah rreth kohës së largimit të tij”.

“Ekziston një ndjenjë shumë e fortë midis njerëzve me të cilët flas në industri se Maresca - i cili është shumë e vlerësuar në City, ka punuar atje më parë - absolutisht do të përfshihet kur të bëhet një ndryshim, dhe ndoshta kjo të jetë në verë”.

“E vetmja gjë që po dëgjojmë më me zë të lartë se kurrë më parë është se njerëzit në pozicione të forta mendojnë se Guardiola po largohet; nuk po e themi këtë me bindje të hekurt, nuk po themi se është e garantuar, dhe ai ka të drejtë të mësojë se e ka marrë vendimin e tij vonë, duke ndryshuar mendje kur ka qenë i bindur të largohet”.

“Pra, nuk mund ta thuash me siguri absolute. Por, me mënyrën se si po shkon sezoni, gjërat nuk duken plotësisht në rregull; ndoshta komentet e Rodrit e përgënjeshtrojnë këtë - një nga djemtë më elokuentë, të pjekur, të arsimuar dhe mbresëlënës, fituesi i Topit të Artë flet në një mënyrë mjaft qesharake me atë konspiracion [të gjyqtarit]”.

“Askush nuk e mohon që Pep Guardiola mund të jetë në rrugë largimi gjatë verës, edhe kur i bëhet kjo pyetje në konferenca për shtyp, ai është i ngopur me këtë pyetje. Por ai kurrë nuk e ka mbyllur plotësisht dhe nuk ka thënë, 'Do të qëndroj', ai ka mundësinë ta bëjë. Do të duhet të presim dhe të shohim, por është një mundësi”, përfundoi gazetari i njohur. /Telegrafi/

Afati kalimtar dimëror i vitit 2026 ka përfunduar në ligat kryesore dhe lista e Transfermarkt tregon se marrëveshjet më të mëdha u përqendruan përsëri rreth Ligës Premier.

Transferimi më i shtrenjtë i dimrit u bë nga Manchester City, i cili solli Antoine Semenyo nga Bournemouth për 72 milionë euro.

Ai pasohet nga një tjetër transferim i shtrenjtë që vjen në Ligën Premier. Liverpooli solli qendërmbrojtësin Jeremy Jacquet për 63.6 milionë euro, i cili do të mbetet i huazuar te Rennes deri në fund të sezonit.

Crystal Palace ishte ndër më aktivët në krye të listës. Ata sollën sulmuesin Jorgen Strand Larsen nga Wolverhampton për 49.7 milionë euro, i ndjekur nga Brennan Johnson, i cili erdhi nga Tottenham Hotspur për 40 milionë euro.

Dy transferime nga jashtë Evropës në 10 më të mirët

Tottenhami e transferoi Conor Gallagherin nga Atletico Madridit për 40 milionë euro, ndërsa Atletico Madridi e forcoi sulmin e tyre duke transferuar Ademola Lookmanin nga Atalanta për 35 milionë euro.

I vetmi largim nga Liga Premier në dhjetëshen e parë ishte rikthimi i Lucas Paquetas në Brazil. Flamengo i pagoi West Hamit 42 milionë euro për mesfushorin sulmues, një nga marrëveshjet më të mëdha të dimrit jashtë Anglisë.

Në listë ka edhe dy nënshkrime të tjera të rëndësishme. Al-Hilal solli 18-vjeçarin Kader Meite nga Rennes për 30 milionë euro, ndërsa West Ham bleu Taty Castellanos nga Lazio për 29 milionë euro.

Gjithashtu të spikatur në fund të 10 më të mirëve janë Fulham, i cili solli Oscar Bobbo nga Manchester City për 31.2 milionë euro, si dhe Bournemouth, i cili bleu sulmuesin Rayan nga Vasco da Gama për 28.5 milionë euro.

Në përgjithësi, ky dimër ka treguar se klubet angleze vazhdojnë të diktojnë ritmin e tregut, dhe se edhe "shtresa e mesme" e Ligës Premier po hyn gjithnjë e më shumë në transferime që deri vonë ishin të rezervuara vetëm për gjigantët e elitës.

10 transferimet më të shtrenjta të janarit 2026:

Antoine Semenyo (Nga Bournemouth te Manchester City) - 72 milionë euro

Jeremy Jacquet (Nga Rennes te Liverpool) - 63.6 milionë euro

Jorgen Strand Larsen (Nga Wolves te Crystal Palace) - 49.7 milionë euro

Lucas Paqueta (Nga West Ham te Flamengo) - 42 milionë euro

Conor Gallagher (Nga Atletico Madrid te Tottenham) - 40 milionë euro

Brennan Johnson (Nga Tottenham te Crystal Palace) - 40 milionë euro

Ademola Lookman (Nga Atalanta te Atletico) - 35 milionë euro

Oscar Bobb (Nga Manchester City te Fulham) - 31.2 milionë euro

Kader Meite (Nga Rennes te Al-Hilal) - 30 milionë euro

Rayan (Nga Vasco da Gama te Bournemouth) - 28.5 milionë euro

/Telegrafi/

Rektori i UBT-së, Prof. Dr. Edmond Hajrizi, është ftuar të marrë pjesë në eventin vjetor ndërkombëtar të kompanisë lidere globale Technogym, “Technogym Innovation Outlook 2026”, i cili po mbahet në Itali dhe ku marrin pjesë qindra profesionistë, ekspertë dhe përfaqësues nga mbarë bota.

Ky event prestigjioz shërben si platformë globale për prezantimin e teknologjive më të avancuara në fushën e sportit, fitnesit, shëndetit dhe mirëqenies, si dhe për diskutimin e trendeve të reja dhe mundësive të bashkëpunimit ndërkombëtar, të zhvilluara nga dhe në bashkëpunim me Technogym.

Gjatë kësaj vizite, e cila vjen si rezultat i vizitës së përfaqësuesve të Technogym në UBT, Rektori Hajrizi u takua dhe zhvilloi biseda me udhëheqës të departamenteve të edukimit, shkencës, zhvillimit dhe projekteve të Technogym, me fokus të veçantë bashkëpunimin në implementimin e teknologjive dhe programeve të Technogym-it në ekosistemin e UBT-së, me ç’rast mundësohet realizimi i plotë i UBT Wellness City si një komponentë e domosdoshme e UBT Smart City.

Kështu, modeli i zhvilluar UBT 5S (Small Smart Self-Sustain City), i zbatuar në UBT Smart City, kompletohet edhe me komponentën e mirëqenies dhe stilit të jetesës. Me këtë rast krijohet një model unik që përfaqëson modelin e ri të jetesës në qytete, një shembull se si teknologjia e avancuar, inteligjenca artificiale, sporti, nutricioni, shëndeti dhe rehabilitimi mund të ndërlidhen në një ekosistem të vetëm, të integruar, të personalizuar dhe të qëndrueshëm.

Përmes këtij ekosistemi, nxënësve, studentëve, stafit akademik dhe administrativ, institucioneve dhe komunitetit të gjerë të Kosovës u ofrohet një sistem i kompletuar për fitness, wellness, sport, rehabilitim dhe lifestyle, i ndërtuar mbi praktikat më të mira ndërkombëtare dhe i mbështetur nga teknologjitë dhe sistemet më të avancuara, përfshirë inteligjencën artificiale, e cila mundëson mbështetje të personalizuar për individin.

Ky vizion bëhet i mundur falë faktit se ekosistemi i UBT-së tashmë është ndërtuar mbi këto baza, duke përfshirë dimensionin edukativ, shkencor, inovativ, zhvillimor dhe klinik, duke e pozicionuar UBT-në si një qendër rajonale dhe më gjerë në fushën e mirëqenies dhe shëndetit të integruar.

Një bashkëpunim me Technogym pritet të kontribuojë drejtpërdrejt në rritjen e cilësisë së shërbimeve në kampuset e UBT-së, në qendrat e trajnimit, shërbimet shëndetësore dhe spitalore, si dhe në zhvillimin e aktiviteteve sportive, duke e forcuar më tej rolin e UBT-së si lider në inovacion, transformim shoqëror dhe zhvillim ekonomik, sepse, siç tha edhe Presidenti i Technogym, po kalojmë dhe duhet të kalojmë nga Green Economy në Wellness Economy.

Sheffield United e ka arritur marrëveshjen për ta huazuar mesfushorin e Manchester Cityt, Kalvin Phillips.

Klubi që garon në Championship ka kompletuar afrimin për lojtarin, të cilin Manchester City kishte paguar rreth 50 milionë euro katër vite më parë, por që nuk ka arritur të gjejë hapësira të qëndrueshme nën drejtimin e Pep Guardiolës.

Marrëveshja është huazim i pastër, pa detyrim apo opsion blerjeje në fund të sezonit. Manchester City pritet të mbulojë pjesën më të madhe të pagës së Phillips, e cila raportohet të jetë rreth 150 mijë funte në javë (afërsisht 173 mijë euro).

Drejtuesit e Cityt e shohin këtë lëvizje si një mundësi për t’i dhënë vazhdimësi një lojtari që ka mbetur në hije. Edhe pse marrëveshja finalizuar, Sheffield United nuk ka qenë klubi i vetëm i interesuar, pasi disa skuadra evropiane kanë shfaqur gjithashtu interes.

Një karrierë te City e shoqëruar me vështirësi

Kalvin Phillips iu bashkua Manchester Cityt nga Leeds United në vitin 2022, në një transferim prej 50 milionë eurosh, duke firmosur një kontratë gjashtëvjeçare. Megjithatë, ai nuk arriti asnjëherë të konsolidohej si titullar në “Etihad”, ndërsa situata u vështirësua edhe më shumë për shkak të problemeve me gjendjen fizike.

Pas Kupës së Botës 2022, Pep Guardiola deklaroi publikisht se Phillips ishte rikthyer “mbipeshë”, një koment që mesfushori anglez e pranoi më vonë se kishte qenë një goditje e madhe për vetëbesimin e tij.

“Ka qenë një goditje shumë e madhe për besimin tim”.

Më vonë, Guardiola kërkoi falje për deklaratën. Në shkurt të vitit 2024, ai u shpreh: “Më vjen keq për të. I kërkoj sinqerisht falje. Kam folur me të për këtë çështje. Unë kurrë, absolutisht kurrë, nuk flas me mediat pa folur më parë me lojtarin”.

Huazimet te West Ham dhe Ipswich

Phillips, i cili ka 31 paraqitje me përfaqësuesen e Anglisë, ka zhvilluar vetëm një ndeshje këtë sezon me Manchester Cityn: shtatë minuta lojë në raundin e tretë të Kupës së Ligës ndaj Huddersfield. Në janar të vitit 2024 ai u huazua te West Ham, ku regjistroi tetë paraqitje në Ligën Premier.

Në verën pasuese u huazua sërish, këtë herë te Ipswich, ku luajti 22 ndeshje në të gjitha kompeticionet dhe shënoi një gol. Në total, Phillips ka zhvilluar 32 ndeshje me fanellën e Manchester Cityt, duke realizuar një gol.

Sheffield United, nën drejtimin e Chris Wilder, aktualisht renditet në vendin e 17-të në Championship, shtatë pikë mbi zonën e rënies, dhe e sheh Phillips si një përforcim kyç për luftën e mbijetesës./Telegrafi

Afati kalimtar dimëror në Ligën Premier u hap më 1 janar dhe u mbyll zyrtarisht më 2 shkurt në orën 20:00, me klubet angleze që shfrytëzuan çdo moment për të përforcuar skuadrat ose për të rregulluar balancat për pjesën vendimtare të sezonit.

Afati i janarit 2026 solli lëvizje të mëdha, rikthime nga huazimi, transferime milionëshe dhe një numër të madh huazimesh strategjike.

Nga blerjet e bujshme të Manchester Cityt dhe Tottenhamit, te afrimet vendimtare të Aston Villës, Arsenalit dhe West Hamit, çdo klub pati qasjen e vet në këtë afat kalimtar.

Më poshtë gjeni pasqyrën e plotë të transferimeve hyrëse dhe dalëse për të gjitha klubet e Premier League, ashtu siç ndodhi në afatin dimëror të vitit 2026.

Arsenal

Ardhjet: Nuk ka.

Dalje: Osman Kamara - Blackburn, Oleksandr Zinchenko - Ajax, Louie Copley - Crawley, Ethan Nwaneri - Marseille, Maldini Kacurri - Grimsby.

Aston Villa

Ardhjet: Tammy Abraham - Besiktas, Alysson - Gremio, Brian Madjo - Metz, Leon Bailey - Roma, Douglas Luiz - Juventus.

Daljet: Louie Barry - Stockport, Samuel Iling-Junior, Pisa, Ben Broggio - Falkirk, Jamaldeen Jimoh-Aloba - West Brom, Evann Guessand - Crystal Palace, Aidan Borland - Swindon, Sil Swinkels - Chesterfield, Donyell Malen - Roma, Finley Munroe - Middlesbrough, Kane Taylor - Oldham, Yasin Ozcan - Besiktas.

Bournemouth

Ardhjet: Fraser Forster, Alex Toth - Ferencvaros, Christos Mandas - Lazio, Rayan - Vasco da Gama.

Daljet: Julian Araujo - Celtic, Antoine Semenyo - Man City, Noa Boutin - Salisbury, Romain Faivre - Auxerre,

Brentford

Ardhjet: Kaye Furo - Club Brugge.

Daljet: Frank Onyeka - Coventry, Iwan Morgan - Shrewsbury Town, Michael Olakigbe - Swindon, Myles Peart-Harris - Oxford, Yunus Emre Konak - Oxford, Matt Cox - Shrewsbury, Chanse Headman - Harrogate, Gustavo Nunes - Swansea, Paris Magoma - Norwich.

Brighton

Ardhjet: Pascal Gross - Borussia Dortmund, Caylan Vikcers - Barnsley.

Daljet: Brajan Gruda - RB Leipzig, Tommy Watson - Millwall, Jeremy Sarmiento - Middlesbrough, Eiran Cashin - Blackburn, Do-young Yoon - Dordrecht, Facundo Buonanotte - Leeds, Jacob Slater - Harrogate, Ibrahim Osman - Birmingham.

Burnley

Ardhjet: James Ward-Prowse - West Ham.

Daljet: Hannes Delcroix - Lugano, Joseph Bevan - Dundee, Luca Koleosho - Paris FC, Brad Grant , Joe Bevan - Dundee, Michael Obafemi - Blackpool.

Chelsea

Ardhjet: Mamdou Sarr - Strabsourg, Caleb Wiley - Watford, Kiano Dyer - Volendam, Yisa Alao - Sheffield Wednesday.

Daljet: David Datro Fofana, Strasbourg, Aaron Anselmino - Strasbourg, Yahya Idrissi - AC Milan, Frankie Runham - Ipswich, Raheem Sterling, Leo Castledine - Middlesbrough, Facundo Buonanotte - Brighton.

Crystal Palace

Ardhjet: Evann Guessand - Aston Villa, Brennan Johnson - Tottenham, Hindolo Mustapha - Nurnberg,Danny Imray - Blackpool.

Daljet: Jesurun Rak-Sakyi - Stoke, Tayo Adaramola - Sheffield Wednesday, Romain Esse - Coventry City, Naouirou Ahamada - Auxerre, Luke Browne - Notts County, Marc Guehi - Man City, Owen Goodman - Barnlsey, Luke Browne - Notts County.

Everton

Ardhjet: Harrison Armstrong - Preston.

Daljet: Martin Sherif - Port Vale, Elijah Campbell - Port Vale, Francis Okoronkwo - Doncaster, Harry Tryer - Cardiff, Will Tamen - Tranmere, Roman Dixon - Stockport.

Fulham

Ardhjet: Oscar Bobb - Man City.

Daljet: Aaron Loupalo-Bi - Walsall, Adama Traore - West Ham, Luke Harris - Wycombe.

Leeds

Ardhjet: Facundo Buonanotte - Brighton.

Daljet: Jack Harrison - Fiorentina, Harry Gray - Rotherham.

Liverpool

Ardhjet: James McConnell - Ajax, Owen Beck - Derby, Mor Talla Ndiaye - Amitie FC.

Daljet: Calum Scanlon - Cardiff, James Norris - Shelbourne, James Balagizi - Forest Green.

Manchester City

Ardhjet: Sverre Nypan - Middlesbrough, Antoine Semenyo - Bournemouth, Max Alleyne - Watford, Marc Guehi - Crystal Palace.

Daljet: Kalvin Phillips - Sheff Utd, Justin Oboavwoduo - Juventus, Stefan Ortega - Nottingham Forest, Jahmai Simpson-Pusey - Koln, Emilio Lawrence - Luton, Claudio Echeverri - Girona, Jaden Heskey - Sheffield Wednesday, Oscar Bobb - Fulham, Stephen Mfuni - Watford.

Manchester United

Ardhjet: Toby Collyer - West Brom, Sonny Aljofree - Notts County, Ethan Wheatley - Northampton, Elyh Harrison - Shrewsbury, Habeeb Ogunneye - Newport, Joe Hugill - Barnet, Harry Amass - Sheffield Wednesday.

Daljet: Gabriele Bianchieri - Rotherham, Ethan Wheatley - Bradford City, Sam Mather - Kayserispor, Harry Amass - Norwich, Joe Hugill - Kilmarnock.

Newcastle United

Ardhjet: Nuk ka.

Daljet: Antonio Cordero - Cadiz, Ben Parkinson - Falkirk, Joe Brayson - Morpeth Town, Joe White - Bradford, Harrison Ashby - Bradford.

Nottingham Forest

Ardhjet: Luca Netz - Borussia Mönchengladbach, Stefan Ortega - Manchester City, Lorenzo Lucca - Napoli.

Daljet: Esapa Osong - Fleetwood, Arnaud Kalimuendo - Eintracht Frankfurt, Josh Powell - Fleetwood, Jamie McDonnell - Oxford Utd, Jack Thompson - Barrow.

Sunderland

Ardhjet: Jocelin Ta Bi - Maccabi Netanya, Melker Ellborg - Malmo.

Daljet; Simon Adingra - Monaco, Adil Aouchiche - Schalke, Patrick Roberts - Birmingham, Leo Hjelde - Sheffield United, Anthony Patterson - Millwall, Timothee Pembele - Le Havre, Jay Matete - MK Dons, Trey Samuel-Ogunsuyi - Shrewsbury, Jake Waters - Spennymoor Town, Dan Neil - Ipswich, Aji Alese - Portsmouth, Ben Middlemas - Swindon, Joe Anderson - Barrow, Tymur Tutierov - Exeter, Arthur Masuaku - Lens.

Tottenham

Ardhjet: Conor Gallagher - Atletico Madrid, George Abbott - Wycombe, Alfie Dorrington - Aberdeen, Mason Melia - St Patrick's Athletic, Souza - Santos.

Daljet: George Abbott - Mansfield Town, Alfie Dorrington - Salford City, Herbie James - Cardiff City, Brennan Johnson - Crystal Palace, Kota Takai - Borussia Monchengladbach, Manor Solomon - Fiorentina, Jamie Donley - Oxford, Oliver Irow - Mansfield, Min-hyeok Yang - Coventry City, Damola Ajayi - Doncaster, Dane Scarlett - Hibernian, Yusuf Akhamrich - Bristol Rovers.

West Ham

Ardhjet: Pablo Felipe - Gil Vicente, Taty Castellanos - Lazio, Keiber Lamadrid - Deportivo La Guaira, Adama Traore - Fulham.

Daljet: Lucas Paqueta - Flamengo, Guido Rodriguez - Valencia, Niclas Fullkrug - AC Milan, Luis Guilherme - Sporting, Krisztian Hegyi - MTK Budapest, Callum Marshall - Bochum, George Earthy - Bristol City, Junior Robinson - Boreham Wood, Andy Irving - Sparta Pragë, Kaelen Casey - Leyton Orient, James Ward-Prowse - Burnley, Emeka Adiele - FC Utrecht.

Wolves

Ardhjet: Pedro Lima - Porto.

Daljet: Fer Lopez - Celta Vigo, Alfie Pond - Crewe, Ki-Jana Hoever - Sheffield United, Marshall Munetsi - Paris FC, Fletcher Holman - Swindon, Temple Ojinnaka - Shrewsbury, Tawanda Chirewa - Barnsley.

/Telegrafi/

Sipas The Telegraph, Xabi Alonso pritet të jetë në një listë të ngushtë prej tre trajnerësh për të pasuar Pep Guardiolën te Manchester City .

Brenda qarqeve të Ligës Premier po rritet bindja se Guardiola mund të largohet nga Etihad në fund të këtij sezoni, duke shënuar 10 vjet në krye të ekipit.

Burime nga brenda Man Cityt i kanë hedhur poshtë raportimet duke i cilësuar si "spekulime të pastra", por planifikimi i emergjencës kuptohet se po vazhdon prapa skenave.

Alonso, i shkarkuar së fundmi nga Real Madridi , shihet si një kandidat kryesor për shkak të profilit të tij taktik dhe përvojës në nivel elitar.

Ai drejtoi me shumë suskes Bayer Leverkusenin, ndërsa shihet edhe si kandidat për stolin e Liverpoolit.

Enzo Maresca pritet gjithashtu të merret në konsideratë. Italiani kohët e fundit e informoi Chelsean se kishte folur me Man Cityn dhe Juventusin para shkarkimit të tij muajin e kaluar.

Ai ka qenë pjesë e klubit si zëvendës i Guardiolas, para se të shkonte te Leicester City.

Po ashtu nuk ka si të mungonte në listë një trajner me të ardhme si Cesc Fabregas, aktualisht trajneri kryesor i Comos.

Ai do të largohej vetëm për një nga punët më të mëdha në futbollin anglez ose evropian. /Telegrafi/

Pep Guardiola u shfaq sërish i irrituar nga një vendim të gjyqtarit, pasi Manchester City humbi terren në garën për titull në Liga Premier pas barazimit kaotik 2-2 ndaj Tottenhamit.

Trajneri i Cityt u ankua se goli i Spurs për rezultatin 2-1, që ndezi një rikthim të çmendur në pjesën e dytë, nuk duhej të ishte pranuar. Dominic Solanke goditi nga prapa mbrojtësin e Cityt, Marc Guehi, ndërsa topi përfundoi në rrjetë, por as gjyqtari dhe as VAR-i nuk e panë të mjaftueshme për të sinjalizuar faull.

Më pas, Solanke realizoi edhe një gol spektakolar për barazimin, duke i dhënë hov Tottenhamit dhe trajnerit të tij të vënë nën presion, Thomas Frank, ndërsa City mbeti gjashtë pikë prapa liderit Arsenal.

Guardiolës iu tha se Solanke e kishte goditur qartë Guehin: “Në rregull, atëherë përgjigjen e jepni ju për mua. Nëse është një mbrojtës qendror ndaj një sulmuesi, është penallti, apo jo? Ju thatë të njëjtën gjë, pra e patë”.

Në deklaratën për "BBC Radio 5 Live", Guardiola e quajti situatën “magjepsëse në Liga Premier”. Më pas, në konferencën për shtyp, ai shtoi:

“Kishte një çështje emocionale te goli i parë që gjyqtari ia dha Tottenhamit… dhe pas kësaj, momentumi është i vështirë për t’u kontrolluar, çfarëdo që të ndodhë këtu në Angli”.

Guardiola është ankuar për disa vendime të gjyqtarit edhe në javët e fundit. Ai ishte i pakënaqur që një gol i Antoine Semenyo u anulua ndaj Newcastle në Kupën e Ligës, po ashtu me faktin se Diogo Dalot i Manchester United shmangu kartonin e kuq në derbi pas një ndërhyrjeje të rrezikshme ndaj Jeremy Doku, si dhe pse Cityt iu mohua një penallti kundër Wolves për lojë me dorë.

Edhe vetë Thomas Frank dukej se kishte një farë mirëkuptimi për ankesën e Guardiolës për golin e parë të Solankes.

“Ka kontakt të qartë prej tij në atë rast. Ne, në përgjithësi, duam një prag më të lartë për faullet. E kuptoj që është në zonën gri. Goli i Liverpoolit nga Hugo Ekitike kundër nesh më 20 dhjetor, sipas mendimit tim, ishte qartazi me dy duar në shpinën e Cristian Romeros”.

“Aty nuk kishte zona gri. Jam thjesht shumë i lumtur që këtë herë na ra për ne, gjë që mendoj se ishte më se e drejtë”./Telegrafi

Një përfundim zhgënjyes, por Manchester City nuk dorëzohet. Pep Guardiola foli për Sky Sports UK pas barazimit 2-2 me Tottenham:

“Ishte një ndeshje e mirë. Pasi pësuam golin e parë, patëm vështirësi, por u rikthyem në rrugën e duhur në finale”.

“Në përgjithësi, performanca ishte pozitive, por për fat të keq, nuk mundëm të fitonim. Plani ynë ishte të luanim me topin në tokë, të shënonim dhe të mos pësonim gol”.

“Pas golit të tyre, ata morën kontrollin dhe ne nuk arritëm ta rifitonim menjëherë, por kjo nuk ishte problem. Po luajmë në një nivel të lartë, thjesht duhet të gjejmë qëndrueshmërinë për të fituar ndeshjet”.

The post Guardiola pas barazimit me Tottenham: Patëm vështirësi, por luajtëm mirë appeared first on Albeu.com.

Manchester City nuk ka fituar më shumë se një pikë në udhëtim te Tottenhami, e vlefshme për xhiron e 24-të në Ligën Premier.

Edhe pse në disavanatazh prej dy golave, Tottenhami arriti ta përmbyste për epilogun përfundimtar që doli të jetë 2-2.

Rayan Cherki me një supergol e zhbllokoi rezultatin, ku e la të shtangur portierin pas një goditje nga distanca (11’).

Cherki ishte pranë të shënonte edhe një tjetër gol të bukur, sidoqoftë Vicario me pritje fantastike ia mohoi golin.

Megjithatë, City dominoi plotësisht për ta dyfishuar epërsinë falë Antoine Semenyos pas asistimit të Bernardo Silvas (44’).

Tottenhami filloi të këndellet kur Marc Guehi shënoi një autogol pas një keqkuptimi me bashkëlojtarët (53’).

Ndërkohë, heroi i Tottenhamit rezultoi të jetë Dominik Solanke që shënoi një gol të mrekullueshëm me thembër pas asistimit të Gallagher (70’).

Kësisoj, Man City shkon në kuotën e 47 pikëve, gjashtë më pak se lideri Arsenal derisa Tottenham ngjitët në pozitën e 14-të me 29 sosh./Telegrafi

Nga nesër, më 1 shkurt, zyrtarisht nis zbatimi i sistemit “Safe City” me ç'rast shkelësit e rregullave në trafik do të gjobiten.

Kamerat e trafikut të vendosura në pika kyçe në Shkup, Kumanovë, Tetovë dhe Korridoret 8 dhe 10, do të regjistrojnë automatikisht shkeljet, ndërsa gjobat do të dërgohen pa ndërhyrje të drejtpërdrejtë të Policisë.

Gjobat varijojnë nga 10 euro deri në 500 euro, varësisht nga lloji i shkeljes.

Safe City do të evidentojë shkeljet më të rënda në trafik, si tejkalim i shpejtësisë së lejuar, kalim në semafor të kuq, drejtim i automjeteve të paregjistruara, si dhe parkim ose ndalim i gabuar.

Sigurimi i minutave të rregullta për çdo lojtar te Manchester City është pothuajse i pamundur dhe, si rrjedhojë, çdo sezon ka futbollistë që mbeten të pakënaqur me hapësirat që marrin.

Këtë janar, pas afrimeve të reja në skuadër, situata është bërë edhe më e ndërlikuar për disa emra në repartin ofensiv. Njëri prej tyre ka tërhequr vëmendjen e Diego Simeones, i cili po këmbëngul që Atletico Madrid të bëjë një ofertë konkrete për sulmuesin e Cityt.

“Los Colchoneros” janë në kërkim të një sulmuesi që mund t’i shtojë gola dhe vazhdimësi repartit ofensiv, ndërsa zgjidhjen e mundshme e kanë identifikuar te sulmuesi i Manchester Cityt, Omar Marmoush. Reprezentuesi egjiptian e ka pasur të vështirë të gjejë hapësira te “Etihad Stadium”, pavarësisht pritshmërive të mëdha me të cilat u transferua.

Nën drejtimin e Pep Guardiolës, roli i Marmoushit ka mbetur i kufizuar, çka ka bindur Atleticon se ekziston mundësia për të negociuar një largim të përkohshëm. Sipas “Fichajes”, klubi madrilen po shqyrton një huazim me opsion blerjeje prej 55 milionë eurosh, si dhe 15 milionë euro të tjera në formë bonusesh.

Një strukturë e tillë do ta çonte vlerën totale shumë pranë shumës që Manchester City investoi për ta transferuar Marmoushin vitin e kaluar, rreth 75 milionë euro. Megjithatë, sulmuesi nuk ka arritur të sigurojë një vend titullari të rregullt.

Atletico Madrid nuk është i vetmi klub i interesuar, pasi Marmoush monitorohet edhe nga Tottenham Hotspur dhe Aston Villa./Telegrafi

Jack Grealish mund të mos luajë më këtë sezon për Evertonin, në një zhvillim që përbën një goditje të rëndë për ambiciet e tij për t’u rikthyer në Kombëtaren e Anglisë dhe për të qenë pjesë e Kupës së Botës 2026.

Anësori anglez ka impresionuar gjatë huazimit nga Manchester City, duke shënuar dy gola dhe dhënë gjashtë asistime, ndërsa ka nisur 18 ndeshje si titullar në Ligën Premier.

Nën drejtimin e David Moyes, Grealish kishte gjetur një formë të re dhe një rol kyç në skuadrën e Evertonit.

Megjithatë, trajneri Moyes ka dhënë lajme shqetësuese në konferencë për shtyp, duke pranuar se lojtari mund të mos luajë më këtë sezon për shkak të një dëmtimi serioz në këmbë, i cili mund të kërkojë ndërhyrje kirurgjikale.

“Ne besojmë se ai ndoshta ka nevojë për operacion. Kjo ende nuk është konfirmuar plotësisht, por ka shumë gjasa që sezoni i tij të ketë përfunduar”, u shpreh Moyes.

“Është zhgënjyese për lojtarin, për klubin dhe për të gjithë ne, sepse ai është një pjesë shumë e rëndësishme e ekipit. Ka personalitet të madh dhe eksperiencë, dhe do të na mungojë”.

I pyetur për të ardhmen e Grealish gjatë verës, Moyes u shpreh shkurt:

“Është shumë herët për të folur për këtë”.

Grealish ka zhvilluar gjithsej 19 ndeshje me fanellën e “Toffees”, ndërsa forma e tij e përmirësuar kishte nxitur spekulime se ai mund të rikthehej në planet e trajnerit të Anglisë, Thomas Tuchel, për Kupën e Botës 2026.

Megjithatë, edhe nëse do të rikthehej para ndeshjes së parë të Anglisë kundër Kroacisë më 17 qershor, mungesa disa mujore nga fushat do ta vështirësonte ndjeshëm përfshirjen e tij në skuadër.

Vitet e fundit kanë qenë të vështira për Grealish, që u transferua te Manchester City për shumën rekord prej 100 milionë eurosh.

Ai ishte pjesë kyçe e sezonit historik të tripletës në vitin 2023, por më pas humbi vendin titullar nën drejtimin e Pep Guardiola.

Vështirësitë e tij reflektuan edhe në Kombëtaren angleze, ku nuk është aktivizuar që nga tetori i vitit 2024.

Ai ende nuk është grumbulluar nga Thomas Tuchel, që mori drejtimin e Anglisë në fillim të vitit 2025.

Më herët këtë sezon, Grealish kishte folur për mungesën e tij nga Kombëtarja, duke theksuar se fokusi i tij ishte thjesht të luante mirë me Evertonin. /Telegrafi/

Me fazën e ligës së Ligës së Kampionëve 2025/26 që tashmë është përfunduar, Arsenali kryeson renditjen e fitimeve deri më tani me 59.74 milionë euro, i ndjekur nga Bayern Munich (57.33 milionë euro) dhe Liverpool (54.92 milionë euro).

Skuadra e Mikel Artetas ka pasur një fazë të parë perfekte të turneut, duke fituar të tetë ndeshjet e tyre, gjë që i ka fituar pothuajse 60 milionë euro deri më sot, duke pasur parasysh se UEFA dha 2.1 milionë euro për fitore dhe 0.7 milionë euro për një barazim.

Kësaj shume duhet t'i shtohen 18.62 milionë euro të marra nga secili prej 36 pjesëmarrësve në këtë fazë, si dhe 11 milionë euro të siguruara tashmë nga Topçinjtë për arritjen në fazën e 1/8-tës, së bashku me një bonus shtesë prej 2 milionë eurosh për tetë ekipet e para që kualifikohen direkt.

Fituesit e ndeshjeve ‘play-off’ midis 16 ekipeve të renditura nga vendi i 9-të deri në të 24-tin, të cilat do të garojnë ekipi si Real Madridi, Interi dhe Juventusi, do të marrin një bonus prej 1 milion eurosh.

Më shumë para për të avancuar në raundet kualifikuese

Përveç kësaj, çdo klub ka marrë një shumë të ndryshme bazuar në pozicionin e tyre në renditjen e ligës. Arsenali fitoi 11.32 milionë euro, një shifër që ra në 310,000 euro për Kairat Almatyn e vendit të fundit, i cili u eliminua nga Liga e Kampionëve me një total prej 19.63 milionë eurosh.

Që tani e tutje, shuma e çmimit për avancimin në raundet eliminatore do të rritet. Është thënë se kalimi në fazën e 1/8-tës paguhet me 11 milionë (sezonin e kaluar ishte 9.6), kalimi në çerekfinale është 12.5 milionë (krahasuar me 10.6 në 24/25), arritja në gjysmëfinale do të thotë 15 milionë më shumë (12.5 një vit më parë), luajtja e finales në Budapest më 30 maj rrit të ardhurat me 18.5 milionë për nën-kampionin (15.5 më parë) dhe 25 milionë euro për fituesin e ri të Ligës së Kampionëve (20 milionë ishte sezonin e kaluar).

Sa i përket klubeve të mëdha spanjolle, Barcelona ka fituar 52.89 milionë euro deri më sot dhe është e vetmja që është kualifikuar direkt për raundin e 1/8-tës. Pas humbjes së tyre në ndeshjen e fundit dhe rënies nga tetë vendet e para, Real Madrid ka grumbulluar 37.93 milionë euro.

Bazuar në grafikun e fitimeve nga play-off-et, disa prej klubeve kryesore evropiane kanë arkëtuar shuma të konsiderueshme, edhe pse me diferenca të dukshme mes tyre.

Interi renditet shumë lart, me rreth 37.6 milionë euro, duke u konfirmuar si një nga klubet më fitimprurëse në këtë fazë falë paraqitjeve konstante dhe progresit sportiv.

Juventusi ndjek pas, me afërsisht 35.3 milionë euro. Edhe pse larg kulmit financiar të viteve të arta, bardhezinjtë vazhdojnë të mbeten një forcë e rëndësishme ekonomike në Evropë.

Borussia Dortmundi ka siguruar rreth 32.6 milionë euro, duke përfituar nga pjesëmarrjet e rregullta dhe modeli i njohur i zhvillimit të lojtarëve.

Në këtë grup futen edhe klube si Atletico Madridi (34.9 milionë euro), Atalanta (34.6 milionë euro) dhe Bayer Leverkusen (33.6 milionë euro), që tregojnë se suksesi sportiv reflektohet drejtpërdrejt në të ardhura.

PSG fitoi 144 milionë euro në edicionin e fundit

Sezonin e kaluar, PSG u kurorëzua fituese e Ligës së Kampionëve dhe gëzimi i Kupës së tyre të parë Evropiane u shoqërua me një fitim të papritur financiar prej 144.4 milionë eurosh për ekipin e drejtuar nga Luis Enrique.

Interi, finalist në Mynih, fitoi 136.6 milionë euro. Gjysmëfinalistët gjithashtu panë shuma të konsiderueshme të shtuara në llogaritë e tyre: 116.9 milionë euro për Arsenalin dhe 105.8 milionë euro për Barcelonën. /Telegrafi/

Pep Guardiola ka komentuar me humor dhe habi fitoren dramatike të Benficas ndaj Real Madridit me rezultat 4-2, një ndeshje që pritet të mbahet mend gjatë për spektaklin dhe emocionet e saj.

Kur rezultati ishte 3-2 në minutat shtesë, të dyja skuadrat luftonin për një gol vendimtar: Benfica për të fituar 4-2 dhe për t’u futur në Play-Off, ndërsa Real Madridi për të barazuar në 3-3 dhe për të siguruar një vend në top 8 të Ligës së Kampionëve.

Megjithatë, humbja e Realit është pritur me gëzim të madh nga Manchester City, i cili falë këtij rezultati ka siguruar pozitën e tetë në Ligën e Kampionëve dhe ka shmangur raundin e play-off-it.

Guardiola ka falënderuar rivalin e tij të madh Jose Mourinhon për këtë “nder”, duke zbuluar se ai dhe skuadra e tij nuk e kishin kuptuar se Benficës i duhej edhe një gol për t’u kualifikuar.

Trajneri spanjoll u shpreh i habitur kur pa portierin e Benficas duke dalë në sulm në momentet e fundit të takimit.

“Ne ishim të gjithë atje. Nuk e dinim që Benfica kishte nevojë për një gol për t’u kualifikuar”, deklaroi Guardiola.

“Kur e pamë portierin duke dalë në sulm, të gjithë thamë: ‘Pse po del? Qëndro në portë sepse Reali mund të barazojë’. Pas kësaj, ne eliminohemi”.

Ai shtoi se në fund gjithçka doli në favor të Benficas dhe Manchester Cityt, duke e quajtur një strategji të zgjuar nga Mourinho.

“Por ishte një strategji e mirë për Josen, apo jo? Të shënonte golin e katërt”, tha Pep.

Ky gol i vonshëm i Benficas do të thotë që City shmang raundin me dy ndeshje play-off në muajin shkurt, një fazë që dëshmoi dështimin e tyre sezonin e kaluar. /Telegrafi/

Liga e Kampionëve 2025/26 po dhuron një show të vërtetë. Pas përfundimit të ndeshjeve në fazën e ligës pati befasi, ku disa skuadra të mëdha mbetën jashtë tetë pozitave të para teksa disa të tjera ia dolën të sigurojnë ‘play-off’-in në frymën e fundit.

Ekipet që kanë siguruar kualifikimin direkt nga tetë pozitat e para janë: Arsenal (24 pikë), Bayern Munich (21 pikë), Liverpool (18 pikë), Tottenham (17 pikë), Barcelona (16 pikë), Chelsea (16 pikë), Sporting Lisbona (16 pikë) dhe Man City po ashtu me 16 sosh.

‘Topçinjtë’ ishin skuadra e vetme me ecuri perfekte duke fituar që të gjitha ndeshjet dhe duke grumbulluar kështu 24 pikë.

Pas tyre vijnë bavarezët të cilët po ashtu patën një kampanjë fantastike, duke u mposhtur vetëm nga Arsenali me rezultat 3-1.

Liverpooli në anën tjetër pavarësisht formës jo të mirë në kampionat, ata e dëshmuan të kundërtën në Ligën e Kampionëve duke arritur të kualifikohen nga pozita e tretë e tabelës.

Befasi e madhe ishte fakti që Tottenhami ia doli të kualifikohet nga pozitat e para, me të besuarit e Thomas Frank që siguruan pozicionimin lart në tabelë falë triumfit me rezultat 2-0 në udhëtim ndaj Eintracht Frankfurtit.

Barcelona po ashtu që deri para kësaj xhiroje nuk dihej nëse do arrinte të kualifikohej direkt apo do lunate në ‘play-off’, ia doli që të kualifikohet si e pesta pas triumfit me rezultat 4-1 ndaj Kopenhagës.

Chelsea në ndërkohë mori një fitore të madhe me rezultat 3-2 në udhëtim ndaj Napolit, duke arritur kështu të sigurojë kualifikimin direkt nga pozita e gjashtë.

Dy pozitat e fundit që siguruan kualifikimin direkt i takuan Sporting Lisbonës dhe Man Cityt respektivisht, me gjigantin portugez që triumfoi me shifrat 3-2 në udhëtim ndaj Athletic Bilbaos, teksa ‘Qytetarët’ morën një fitore komode 2-0 ndaj Galatasarayt.

Pa dyshim, befasia më e madhe e mbrëmjes mbetet fakti që kampioni në fuqi i Evropës, Paris Saint-Germain dhe 15 herë fituesi i Ligës së Kampionëve, Real Madrid, mbetën në ‘play-off’./Telegrafi/

Leroy Sané ka folur hapur për rikthimin e tij të “vërtetë në shtëpi” në Etihad Stadium, duke lavdëruar trajnerin që “ri-programoi” mënyrën e tij të të kuptuarit të futbollit.

Sulmuesi i Galatasaray do të kthehet në Manchester të mërkurën për një ndeshje vendimtare në Ligën e Kampionëve, duke pranuar se megjithëse mbetet i afërt me ish-shokët e skuadrës, kërkesat taktike të Pep Guardiolës janë ato që kanë formuar vërtet karrierën e tij.

Në një intervistë për BBC Sport para ndeshjes evropiane, sulmuesi e përshkroi Guardiolën si “arkitektin përfundimtar të futbollit modern”.

Sane shpjegoi se arsimi intensiv që mori në Etihad Campus e shndërroi nga një talent i papërpunuar në një sulmues elitë, të aftë të konkurrojë në nivelet më të larta.

“Pep të tregon një sport krejt tjetër. Kërkesat e tij taktike janë të pandërprera, por ai nuk më stërviti vetëm — ai më zhvilloi. U largova nga udhëheqja e tij si një lojtar shumë më i plotësuar seç mund ta kisha imagjinuar ndonjëherë”, deklaroi gjermani.

Sulmuesi i Galatasaray shtoi se trajneri “ri-programoi plotësisht trurin tim futbollistik,” një proces që kulmoi me fitimin e çmimit PFA Young Player of the Year në sezonin 2017-18, moment që ai e përshkruan si kohën kur “vërtet u shfaqa në skenën botërore”. /Telegrafi/

Gjiganti italian, Milani thuhet se po vazhdon të vlerësojë përforcimet e mundshme në mesfushë për afatin kalimtar të verës.

Sipas mediumit italian Calciomercato, Mateo Kovacic i Manchester Cityt ka dalë si një emër nën shqyrtim të brendshëm të Rossonerëve.

Reprezentuesi kroat thuhet të jetë një lojtar i admiruar nga ekipi i rekrutimit të Milanit dhe kontakti fillestar tashmë ka ndodhur.

Kovacic e ka diskutuar gjithashtu idenë me bashkëkombësin e tij Luka Modric, ndikimi i të cilit mbetet i rëndësishëm brenda qarqeve vendimmarrëse të Milanit.

Ndërkohë që asnjë lëvizje formale nuk është e afërt, klubi po shqyrton mundësinë e një marrëveshjeje për qershorin, si pjesë e planeve të tyre më të gjera për të forcuar skuadrën përpara sezonit të ardhshëm.

Ndryshe, 31-vjeçari në verë hyn në vitin e fundit të kontratës dhe ka një vlerësim tregu prej 15 milionë eurosh. /Telegrafi/

Omar Marmoush nuk ka një rol të rëndësishëm te Manchester City dhe po mendon seriozisht për një transferim, me qëllim që të luajë më shumë.

Sulmuesi egjiptian dëshiron të qëndrojë në Angli dhe për këtë arsye ka tërhequr vëmendjen e dy klubeve të Ligës Premier: Tottenham Hotspur dhe Aston Villa.

Transferimi i Antoine Semenyo te Manchester City ka rritur konkurrencën në repartin ofensiv.

Trajneri Pep Guardiola e konsideron Semenyon një lojtar kyç, çka e bën edhe më të vështirë për Marmoush të gjejë hapësira në formacion.

Marmoush, 26 vjeç, ka kontratë me Manchester City deri në vitin 2029, por për shkak të mbingarkesës në sulm, ai po shqyrton mundësinë për t’u larguar dhe për të nisur një kapitull të ri në karrierën e tij.

Tottenham dhe Aston Villa interesohen për Marmoush

Sipas CaughtOffside, Marmoush i jep përparësi vazhdimit të karrierës në Ligën Premier, ku ende nuk ka treguar të gjithë potencialin e tij.

Në ditët e fundit të afatit kalimtar të dimrit, Tottenham dhe Aston Villa kanë shtuar interesimin për sulmuesin egjiptian.

Të dy klubet po ndjekin nga afër situatën dhe Marmoush mund të jetë një nga lëvizjet surprizë në fund të afatit kalimtar.

Gara mes Spurs dhe Aston Villa për shërbimet e tij pritet të jetë e fortë. /Telegrafi/