TIRANË- Analisti dhe sondazhisti i njohur Eduart Zaloshnja ka analizuar zhvillimet politike në vend, gjatë një interviste në emisionin “Ora e Fundit”, ku u shpreh se si qeveria ashtu edhe opozita përballen me problematika, por situata më e vështirë mbetet në kampin e opozitës.

Opozita, sipas Zaloshnjës, po përballet me një krizë të thellë përçarjeje brenda saj. Ai komentoi edhe mbledhjen e zhvilluar së fundmi nga Sali Berisha, duke theksuar se partitë e vogla parlamentare nuk morën pjesë në tryezë.

“Qeveria është munduar gjatë gjithë këtyre muajve të menaxhojë problemet e saj, tani i është shtuar edhe problem i motit. Opozita problemin kryesor e ka që nuk po bashkohet dot, madje jo vetëm që nuk po bashkohet, por po ndahet. Berisha mblodhi dje atë mbledhje, por pamë që partitë e vogla parlamentare nuk u paraqitën në këtë tryezë. Kemi një lëvizje të Salianjit, i cili e filloi me foltoret e tij dhe po e vazhdon. Ai bëri një foltore sot në Korçë, ku pjesëmarrja ishte e lartë. Edhe vetë brenda PD nuk kemi një front unik . PS nuk ka gjë brenda për brenda PS”, tha ai.

Ai theksoi se Partia Demokratike është reduktuar në një parti që identifikohet vetëm me emrin e Berishës, gjë që, sipas tij, ka sjellë rënie të ndjeshme të mbështetjes në opinionin publik.

Zaloshnja theksoi se në kushtet aktuale nuk ka arsye pse të realizohet kërkesa e opozitës për qeveri teknik. Sipas tij, 2026 nuk ka asnjë pikë bashkuese me vitin 2017, vit në të cilin u krijua qeveria teknike.

“Në 2017, PD po kërcënonte për bojkotin zgjedhjeve, kurse tani kemi 6 muaj që kanë mbaruar zgjedhjet. Kjo qeveri në shtator ka nisur punë, Nuk kanë lidhje këto dy situata. Foltoret e Berishës janë të dështuara. Pjesëmarrja është shumë e ulët. Kur sheshet nuk mbushen, për çfarë duhet të shqetësohet qeveria. PD ka emrin Berisha dhe pikë. Duke mbetur një parti e tillë, i kanë rënë dhe kuotat në opinionin publik. Kemi opozitën e Berishës, aty kemi një regjiment që ka vetëm një komandat dhe nuk flet askush dhe pastaj kemi dhe një fraksion brenda PD, që nuk përbëjnë shumicën dhe prandaj kemi këtë situatë në opozitë”, tha ai.

Duke iu referuar rezultateve zgjedhore, Zaloshnja tha se katër vite më parë PD dhe LSI morën rreth 37 mijë vota më pak se PS, ndërsa në zgjedhjet e fundit diferenca shkoi në rreth 300 mijë vota. Sipas tij, kjo rënie drastike e opozitës i dha Partisë Socialiste avantazhin për të siguruar numrin e mandateve që ka sot.

“Para 4 vjetësh, PD dhe LSI morën 37 mijë vota  më pak se sa mori PS, Vjet, morën 300 mijë vota më pak, Ishte një rënie drastike e përkrahjes së PD e udhëhequr nga Berisha nga ajo që udhëhoqi Basha para katër vitesh.  Kundërshtarët humbën kaq mijë vota, dhe nda PS mori kaq mandate. Nga depresioni elektoral i palës kundërshtare PS mori ato mandate që mori”, u shpreh ndër të tjera Zaloshnja. /abcnews.al

Opinionisti Arbër Hajdari është shprehur mosbesues ndaj marrëdhënies së komplikuar mes Keijsit dhe Stelinës, të cilët herë pas here kanë debate mes tyre.

Monika Kryemadhi u shpreh se ka dashuri mes tyre, por Stelina është e pasigurt nga ajo që ka ndodhur jashtë mes tyre.

Pjesë nga diskutimi:

Monika: Nuk e di marrëdhënien tuaj, pro një gjë të pakonsumuar. Mjafton të shohësh sytë e Keijsit, e shikon ndryshe nga vajzat e tjera. Stelina është me e pasigurt nga frika nga e saj që ka ndodhur jashtë. Nuk mendoj se Stelina e ka kapur në flagrancë, pro ndërhyrje të tjera nga jashtë. Dhe tanui nuk kishte pse të linte darkën. Gjuha e ashpër e Keijsit është nga

Stelina: Mërnyra e komunikimit të Keisit të duket normale

Monika: Kush të do të shan

Ledioni: Jo jo, nuk e pranoj, ai që të do as nuk të shan as të rreh dhe as nuk ta dredh

Monika: Janë me batuta. Nuk shikoj që s’ka dashuri, Stekina ka frikë e do Keijsin, është më e sinqetë dhe e dashur. Keijsi si të gjithë meshkujt ka vetëbesim të tepruar por I shkel syt

Arbri: Këta janë bërë mjeshtra për shkëlqim sysh. Kanë dakortësi për të mos rëndë dakord si serial me seri. Dy njerëz që duhen ose duan ta kenë afër një njeri, gjejnë vullnet për tu marrë vesh dhe për të mos ofenduar njëri tjetrin. E shoh këtë mungesë nga të dy dhe tendencë për tu konfliktuar në mënyrë të shpejtë. Po marrin vëmendje në këtë program, kështu e shoh unë

Keijsi: Marrëdhënia jonë nisi në TV. Ritakimi po ndodh në shtëpinë më të fashmshme në Shqipëri. Po përjetojmë të njëjtin emocion dhe është Akoma më e fortë. Nuk jemi vetëm për këtë punë

The post Marrëdhënia e komplikuar Stelina-Keijsi, opinionisti Arbër Hajdari: Kanë rënë dakord nga jashtë për ‘serial’ appeared first on Albeu.com.

Autoblindat ushtarake të prodhimit shqiptar “Shota”, tani do të prodhohen edhe në Kosovë. Njohësit e sigurisë thonë se kjo marrëveshje është në kuadër të plotësimit të normave për t’u anëtarësuar Kosova në Aleancën Veriatlantike, NATO.

Përveç në Shqipëri, tashmë autoblinda ushtarake “SHOTA” do të prodhohet edhe në Kosovë.

Kjo pajisje ushtarake do t’i shtohet stokut të Forcës së Sigurisë së Kosovës, pas marrëveshjes së darkorduar mes ministrave të Mbrojtjes, Ejup Maqedonci dhe Pirro Vengu.

Këtë e konfirmoi për Tëvë1, zëdhënësja e Ministrisë në detyrë të Mbrojtjes, Liridona Gashi.

“Konfirmojmë se autoblinda ushtarake ‘Shota’ e dizajnuar në Shqipëri do të prodhohet edhe në Kosovë, në kuadër të bashkëpunimit në industri të mbrojtjes të arritur përmes marrëveshjes trelatare ndërmjet Kosovës-Shqipërisë dhe Kroacisë që u nënshkrua në mars të vitit 2025. Sa i përket fillimit të prodhimit, ende jemi në fazën e aspektit logjistik të implementimit të kësaj marrëveshje, megjithatë lajm i rëndësishëm është fakti që kemi dakordim me Shqipërinë që të fillojë prodhimi dhe në Kosovë”, deklaroi ajo.

Këtë marrëveshje e sheh të dobishme ish-deputeti i Vetëvendosjes, Enver Dugolli.

“Marrëveshjet e bashkëpunimit me Shqipërinë janë shumë të dobishme, shumë të nevojshme sepse përveç që është shtet amë, që jemi një popull një komb, është edhe shtet anëtar i NATO-s dhe përvojat e tyre janë shumë të nevojshme dhe shumë të dobishme për Republikën e Kosovës… Ne pretendojmë që të jemi edhe anëtarë të NATO-s në një afat sa më të shpejt, dhe këto elemente janë një plus i madh”, deklaroi ai.

E njëjtë mendojnë edhe ekspertë të sigurisë.

Njohësi i kësaj fushe, Fatjon Softa nënvizoi se kjo bëhet edhe për të parandaluar çdo tentativë të Serbisë për destabilitet në Ballkanin Perëndimor.

Në krijimin e një bashkëpunimi për një mbrojtje edhe kolektive në rast të ndonjë situate të mundshme që mund të agravoj në vendin Ballkanik. Dhe kjo shërben më parë, Mbrojtja është alternimi i doktrinave dhe i aleancës në kuadër të NATO-s për të përgatitur edhe Kosovën që në një moment të dytë të anëtarësohet jo vetëm për dëshirën e saj por edhe qenien e saj, që të jetë pjesë e Aleancës Euroatlantike”.

Autoblinda ushtarake ‘’Shota’’, e projektuar si mjet MRAP (Mine Resistant Ambush Protected), ofron kapacitet transport 2 anëtarë ekuipazhi + deri në 8 ushtarë, blindim balistik BR7, rezistent ndaj municioneve 7.62mm.

Është i projektuar për mbrojtje të lartë ndaj minave dhe ndaj shpërthimeve deri në 6kg TNT nën mjet.

Gjithashtu është i përshtatshëm për terrene të vështira, ka ulëse anti-shpërthim, xhama balisitkë dhe sistem modern sigurie.

Sinjali – aty ku e vërteta flet para lajmit!

/GazetaSinjali/

The post Autoblindat ushtarake “Shota” pritet të prodhohen edhe në Kosovë appeared first on Sinjali.

Një rast serioz i armëmbajtjes pa leje është zbuluar sot në fshatin Mazgit të Obiliqit, ku Policia e Kosovës ka ndaluar një automjet dhe ka gjetur armë zjarri me municion të konsiderueshëm.

Sipas informatave që ka siguruar Gazeta Sinjali, rreth orës 11:50, gjatë një kontrolli rutinë nga policia, është ndaluar një veturë Toyota, e cila drejtohej nga Premton Bashota rreth 30 vjeçar.

Gjatë kontrollit të bagazhit të veturës, brenda një çante krahu, zyrtarët policorë kanë gjetur dhe sekuestruar:
• një revole të tipit Beretta,
• katër karikatorë,
• 54 fishekë të kalibrit 9×19 mm.

I dyshuari është shoqëruar në Stacionin Policor në Obiliq, ku është intervistuar në prani të avokatit mbrojtës.

Me vendim të Prokurorit të Shtetit, rasti është iniciuar për veprën penale “Mbajtja në pronësi, kontroll ose posedim të paautorizuar të armëve”.

Hetimet lidhur me këtë rast janë në vazhdim.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Armë e municion në veturë në Mazgit, ndalohet i riu nga Obiliqi (EMRI) appeared first on Sinjali.

Një incident i rëndë ka ndodhur sot paradite brenda Stacionit Policor Veriu në Prishtinë, ku një person i shoqëruar nga policia ka kaluar në sulm fizik ndaj zyrtarit policor, kanosje dhe dëmtim të pasurisë shtetërore.

Burime të Gazetës Sinjali bëjnë të ditur se më 10 janar 2026, në intervalin kohor 10:00–11:00, në rrugën “Toni Bler”, zyrtarët policorë kanë shoqëruar në stacion L. B rreth 55 vjeçar për shkak të moszbatimit të urdhrit zyrtar.

Gjatë procedurës policore, konkretisht në momentin e largimit të prangave, i dyshuari ka sulmuar fizikisht një zyrtar policor, duke e goditur në pjesën e nofullës, ndërsa më pas ka shkelmuar një kompjuter, duke shkaktuar dëmtimin e pajisjes dhe shtëpizës së saj.

Si pasojë e sulmit, zyrtari policor ka pësuar lëndime të lehta trupore dhe ka pranuar trajtim mjekësor.

Në vendin e ngjarjes është përfshirë edhe Njësia për Hetimin e Personave (NJHP), e cila ka marrë në trajtim rastin. Janë intervistuar zyrtarët policorë në cilësinë e dëshmitarëve, ndërsa L. B është intervistuar në cilësinë e të dyshuarit, në prezencë të avokatit mbrojtës.

Pas konsultimit me Prokurorin Kujdestar, rasti është iniciuar për veprat penale:
• Sulm ndaj personit zyrtar
• Kanosje
• Dëmtim apo asgjësim i pasurisë

Me urdhër të Prokurorit, i dyshuari është dërguar në mbajtje për 48 orë.

Hetimet lidhur me rastin janë në vazhdim, ndërsa Gazeta Sinjali do t’ju mbajë të informuar për çdo zhvillim të ri.

Sinjali – aty ku e vërteta flet para lajmit!

/GazetaSinjali/

The post Ekskluzive | Sulmon policin brenda stacionit, kanos zyrtarët dhe shkatërron kompjuterin – 55-vjeçari përfundon në ndalim appeared first on Sinjali.

Sipas një sondazhi të kryer së fundmi, një në pesë persona në Gjermani po mendon të largohet nga vendi.

Studimi zbuloi se 21 për qind e popullsisë së Gjermanisë po shqyrton mundësinë e largimit nga vendi, përfshirë 34 për qind e personave me prejardhje migrante dhe 37 për qind të fëmijëve të tyre.

Qendra Gjermane për Studime të Integrimit dhe Migracionit (DeZIM) e kreu studimin midis viteve 2024 dhe 2025 me 2.933 pjesëmarrës.

Nga personat pa prejardhje migrante, 17 për qind po mendojnë të largohen nga Gjermania, ndërsa 31 për qind e atyre nga ish-Bashkimi Sovjetik dhe 28 për qind e atyre nga vendet e tjera të BE-së raportuan të njëjtën gjë.

Arsyeja më e shpeshtë e përmendur për emigrim në të gjitha grupet ishte dëshira për një “cilësi më të lartë jete”.

Për personat me prejardhje migrante, përvojat e diskriminimit gjithashtu luajtën rol.

U raportua se 25 për qind e pjesëmarrësve nga Turqia dhe nga rajoni i Lindjes së Mesme dhe Afrikës së Veriut përmendën përvojat e diskriminimit si arsye për të menduar largimin.

Fabio Best, studiues në DeZIM, theksoi se të dhënat tregojnë se dëshira për t’u larguar nga Gjermania mbetet e lartë.

“Sidomos te personat me prejardhje migrante dhe fëmijët e tyre, kërkimi për kushte më të mira jetese, së bashku me perceptimet për diskriminim, luan një rol të rëndësishëm”, tha ai.

Disa nga prodhuesit e produkteve vendase parashikojnë se 2026 mund të sjellë rritje kostosh për ta, për shkak të rritjes së pagës minimale, rritjes të kostos për fuqinë punëtore, ndryshimet e mundshme të çmimeve të lëndëve të para, për sektorë që furnizohen nga tregjet e huaja.

“Kostot do të rriten prej rritjes së pagave, kryesisht prej pagës minimale. Por do të bien prej rënies së çmimit të qumështit nga ferma. Kjo sepse për zonat ku ne grumbullojmë qumësht ka pasur rritje të sasisë së prodhuar apo të grumbulluar të qumështit ndërkohë që shitjet nuk janë rritur.

Çmimet pritet të jenë stabël, të ngjashme me vitin 2025”, pohon Luis Ndreka, nga kompania përpunuese e qumështit ADG (ish-Lufra).

Kurse prodhuesit vendas të birrës parashikojnë se për 2026 do të jenë në presionin e rritjes së kostos, për shkak të koniunkturave të tregjeve të huaja, prej nga furnizohen me lëndë të parë.

“Sipas parashikimeve, kostot mendohet të jenë të pandryshuara në krahasim me vitin 2025. Megjithatë, zëri i kostove varet shumë nga situata ndërkombëtare, pasi ne nuk kemi prodhim vendas për lëndët e para apo për lëndët ndihmëse.

Faktori kryesor varet nga zhvillimet e luftës në Ukrainë (vazhdimi i luftës, arritja e paqes, përfshirja e vendeve europiane në konflikt, kostot e energjisë, etj.).

Faktor tjetër janë zhvillimet e marrëdhënieve SHBA – BE, ku mund të ketë ndryshime të kurseve të këmbimit, të cilat do të pasqyrohen drejtpërdrejt në kostot e blerjes së lëndëve të para”, – pohon Adrian Kostaqi, administrator i birrës “Korça”.

Për sa i përket kërkesës për mallra, prodhuesit e produkteve të bulmetit nuk presin rritje në vitin 2026, pasi nuk kanë pritshmëri për shtim të turistëve të huaj. “Kërkesa për mallra bulmeti pritet të jetë njësoj si në 2025.

Nuk presim rritje, pasi nuk kemi pritshmëri nga turistët”, thotë Luis Ndreka.

Kërkesa për produktet e bulmetit ishte me rënie edhe gjatë 2025, ndryshe nga sa parashikuan përpunuesit. Luis Ndreka, përfaqësues i kompanisë ADG (ish-Lufra) pohoi më herët për “Monitor” se rënia e kërkesës erdhi nga pakësimi i numrit të turistëve të diasporës dhe të Kosovës.

“Kërkesa nga konsumatorët është tkurrur pak, ndërsa konkurrenca në çmime është rritur. Sa i përket turizmit, ardhja e turistëve të huaj nuk ka sjellë efektet e pritshme. Numri total i turistëve ka qenë i njëjtë me vitin e kaluar, por ka pasur ulje të turistëve shqiptarë të diasporës dhe nga Kosova.

Kjo rënie, pjesërisht u zëvendësua me turistët e huaj, të cilët zakonisht nuk parapëlqejnë produktet shqiptare të bulmetit, duke kërkuar më shumë produktet e vendeve të tyre të origjinës”, u shpreh z. Ndreka.

Rënie në konsum në vitin 2026 pritet edhe për prodhuesit e birrës vendase.

Adrian Kostaqi, i birrës “Korça”, thotë se faktori kryesor pengues në shtimin e konsumit do të mbetet humbja e konkurrueshmërisë së produktit vendas, nga akciza e lartë dhe rënia e kërkesës nga familjarët për shkak të çmimeve të larta në bare dhe restorante.

“Tregu i birrës në vendin tonë për vitin 2026 mund të ketë rritje shumë të lehtë, rreth 1–2%.

Konsumi i birrës në vendin tonë është mesatarisht 35–40 litra për frymë në vit, ndërsa tregu i BE-së është përafërsisht 70 litra për frymë në vit. Tendenca e rritjes është gjatë muajve të verës, e ndikuar nga turizmi, periudhë e cila favorizon birrën vendase.

Megjithatë, janë disa faktorë që ndikojnë në pengimin e rritjes së konsumit të birrës vendase:

Akciza e aplikuar për prodhimin vendas është e barabartë me akcizën e shoqërive importuese; Çmime konkurruese nga birrat e importit, si pasojë presion konkurrues mbi çmimet; Ulja e konsumit të pijeve alkoolike në tërësi në ambientet familjare dhe konsumi i tyre kryesisht në bare dhe restorante, ku çmimet e ofruara janë të larta (çmimi mesatar për shishe 0.33 l ose kanaçe 0.5 l në dyqan është 80–120 lekë, ndërsa në bare dhe restorante 200–350 lekë)”, nënvizon z. Kostaqi.

Alban Zusi, drejtuesi i Qendrës së Eksporteve Shqiptare, thotë se në tërësi, prodhuesit e produkteve bujqësore gjatë 2026 do të hezitojnë të investojnë për rritje aktiviteti.

Ai rendit disa faktorë që pritet të ndikojnë te hezitimi i kompanive për investime, që nga rënia e monedhës Euro, që ende do të nxisë importin e produkteve ushqimore me çmime të lira, turizmi, si dhe mungesa e qartësisë për ndërmarrjen e investimeve në arritjen e standardeve të konkurrueshmërisë para anëtarësimit të vendit në Bashkimin Europian. Për të gjitha këto arsye, Alban Zusi thotë se për 2026, investimet në sektorin agroushqimor pritet të jenë në stanjacion.

“Zhvlerësimi i monedhës Euro nuk është më problem i eksportuesve, por po kthehet në problem edhe për prodhimin vendas. Rënia e Euros po favorizon importet e produkteve ushqimore me çmim më të lirë, të cilat i japin me çmim të ulët në distribucionet.

Por në këtë situatë nuk po përfitojnë konsumatorët, por po përfitojnë ndërmjetësit e tregtimit të produkteve ushqimore. Është krijuar dominimi i mallrave të importit. Edhe në bregdet, restorantet apo resortet janë të orientuar drejt tregtimit të mallrave të lira që vijnë nga importi, jo për produktet vendase.

Edhe sektori i turizmit nuk po arrin të mbajë levën mbështetëse për prodhimin vendas. Nuk presim gjë nga turizmi.

Edhe për vitin 2026, turizmi do të vijojë të ketë të njëjtën ecuri si në vitin 2025. Ky është niveli i turizmit që mund të arrihet në Shqipëri, pasi nuk ka politika për zhvillimin e strukturave turistike, edhe pse ndaj tyre aplikohet TVSH-ja e reduktuar në 6%”.

Për shkak të rënies së Euros, prodhuesit vendas humbasin në eksport 4 deri në 5% nga të ardhurat e tyre të plota, që mund të jetë 50% i marzhit të fitimit. Kjo vështirëson rritjen e investimeve, sidomos për bizneset e vogla dhe të mesme, të cilat nuk e gjejnë veten në këtë situatë dhe ndihen të pasigurta për kreditimin.

Edhe garancia sovrane, që mundëson kredi të buta me deri në 2% interes, nuk po i tërheq. Bizneset nuk janë optimiste për marrjen e saj, pasi nuk shohin perspektivën e rritjes së aktivitetit.

Problem tjetër mbetet rritja e kostos së fuqisë punëtore, për shkak të mungesës së saj. Edhe çështjet e sigurisë së mallrave janë problematike nga mungesa e ligjeve të sigurisë ushqimore në vend. Kjo ka krijuar një situatë të vështirë për eksportin e mallrave vendase edhe në vendet e rajonit.

Për të gjitha këto arsye, pritet që për vitin 2026, investimet në sektorin agroushqimor të jenë në stanjacion. Bizneset do të hezitojnë për të kryer investime, të cilat do të presin vitin 2027 për hapjen e fondeve të IPARD.

Bizneset janë të paqarta edhe për arritjen e standardeve përmes investimeve para anëtarësimit të vendit në BE. Pra, bizneset nuk janë të qarta se me çfarë fondesh do të financohen këto rritje: do të jenë me fondet e BE-së apo nëpërmjet kreditimit.

Është edhe problemi i likuiditetit. Është një periudhë shprese dhe hezitimi. Viti 2026 do të jetë vit stanjacioni ose një “vit studimi” për ta. Bizneset do të presin çfarë do të bëjnë institucionet”.

 

Lexoni edhe:

Dilemat e ekonomisë, nga pesimizmi i bizneseve te rreziku i flluskës në ndërtim

The post Në vitin 2026, agroindustria pret rritje të kostove dhe rënie konsumi appeared first on Revista Monitor.

Selin dhe Greta, dy kunata me njëra tjetrën jashtë shtëpisë së Big Brother, tentuan ta mbanin të fshehur raportin e tyre me banorët e tjerë.

Të pyetura nga moderatori Ledion Liço se çfarë lidhjeje kanë mes tyre, ato mohuan marrëdhënien si kunata, por Ledioni e zbuloi.

“Me Gretën mirë. Nuk kemi folur shumë, por mjaftueshëm. Ai nominimi më ka ndikuar, nuk kam qenë e qetë”-tha Selin.

“Me Selin, jemi në lojë, nëse nuk më pëlqen dicka do e them. Me Selin jemi shoqe, kemi punuar bashkë dhe njihemi më shumë jashtë por nuk do doja ta përfshija në lojë këtë. Secila ka hyrë për rrugëtimin e vet këtu brenda. Mund të japë akoma më shumë, është shumë inteleigjente. Më vjen keq që disa njerëz e fusin në vorbull negative. Miri i pari, dhe Kristi nuk më pëlqeu aspak si foli sonte. Për momenti këta. Nuk e prisja nga Juxhini të thoshte atë që pamë në klip, e kishte shoqe. Do ishte më e çiltër, këta thjesht i japin stres”-tha Greta.

Pas klipit ku dukej sikur Greta tentonte t’i jepte sinjale Selin të distancohej nga Miri, banorët u përfshinë në debate.

Pjesë nga debati:

Miri: Që në momentin e parë me Gretën, mu duk sikur më provokonte.

Greta: Mendonte miri se mund të merrte informacion.

Miri: Zbulova që në çdo moment që fliste për mua ishte Selin

Greta: Nuk e kam përmend fare. Miri ka parë që nuk jam afruar me të dhe u soll arrogant. Nuk më ka pëlqyer, ka mbajtur afër vajzat dhe tani po mundohet të fusi djemtë ti fusje në sherr. Nuk më priti mirë, ishte prehur në fytyrë

Miri: Duhet të më pyesje pse

Greta: Selin, Lorna, i vijnë pas lojës. Edhe pak Lore

Selin: Në momentin që kanë ardhur banorët nga akuariumi dashur pa dashur janë dhënë informacione.

Ledion: A mendon se Greta është munduar të të suportojë

Selin: Po të dyja, edhe Stelina për Mirin

Greta: Më vjen keq, do e bëja edhe për një vajzë tjetër.

Selin: Greta ka qenë që ditën një kundër mirit

Greta: Nuk duhet besuar, është më i poshtre

Ledion: Çfarë opinioni ke për Gretën

Selin: Është vajzë shumë e mirë, kam mendim pozitiv. Nuk jam afruar shumë me të, nuk doja të dukej sikur do më jepte informacione. Njihemi mirë nga jashtë, por kemi folur që nuk do ndikojmë në lojën e njëra-tjetrës . I vetmi sinjal ka qenë ‘basta’ me Mirin.

The post Greta tentoi të distanconte Selin nga Miri, dy kunatat përballen: Është më i poshtri appeared first on Albeu.com.

Gjatë spektaklit të kësaj të shtune, banorët e Big Brother Albania VIP 5 mësuan për pasojat nga përmbytja në Shqipëri për shkak të motit të keq prej pesë ditësh.

Moderatori Ledion Liço u tregoi se kanë qenë ditë të vështira për shumë familje dhe se Fondacioni Dritan Hoxha dhe Top Channel nisi një fushatë fushatë bamirësie për familjet e prekura.

“Ka qenë ditë jo të lehtë për shumë familje shqiptare. Përmbytjet kanë shkaktuar dëme të mëdha me qindra banesa të përmbytura dhe toka nën ujë. Në këtë kuadër fondacioni Dritan Hoxha dhe Top Channel nisi një fushatë bamirësie duke iu gjendur familjeve afër me çdo gjë. Kanë qenë vërtetë ditë vështira”-tha moderatori, ndërsa disa prej banorëve u përlotën pas klipit.

The post Banorët e Big Brother në lot, mësojnë për dëmet nga përmbytjet në Shqipëri appeared first on Albeu.com.

Qarku i Elbasanit është përfshirë gjatë orëve të fundit nga kushte atmosferike të paqëndrueshme, të shoqëruara me reshje shiu me intensitet mesatar e të dendur dhe breshër.

Në zonat malore, në lartësi mbi 700 metra mbi nivelin e detit, kanë nisur reshjet e dëborës, duke krijuar nevojë për monitorim të vazhdueshëm të situatës rrugore.

Në aksin nacional Elbasan–Qafë Thanë, konkretisht në zonën e Qafë Thanës, reshjet e dëborës kanë kërkuar menaxhim të trafikut nga shërbimet e Policisë Rrugore, të cilat po sigurojnë lëvizjen e automjeteve pa probleme madhore.

Në aksin rrugor Gramsh–Moglicë është konstatuar prezencë gurësh në disa segmente, si pasojë e reshjeve, por situata është normalizuar pas ndërhyrjes së menjëhershme të firmës kontraktuese, e cila ka kryer pastrimin e rrugës.

Sa i përket situatës hidrike, prurjet e lumit Shkumbin dhe përroit të Zaranikës nuk paraqesin problematika deri në këto momente. Ndërkohë, nga HEC Moglicë vijojnë shkarkimet në nivelin 390 m³/sekondë, paralelisht me prodhimin e energjisë elektrike.

Këto prurje nuk kanë shkaktuar probleme në Bashkinë Cërrik, përjashtuar daljen e lumit Devoll në disa pika, duke sjellë përmbytjen e disa sipërfaqeve toke bujqësore.

Në Bashkinë Belsh, konkretisht në fshatin Shelg të Njësisë Administrative Grekan, situata mbetet e pandryshuar. Si pasojë e prurjeve të mëdha të lumit Devoll, vijojnë përmbytjet e tokave djerrë dhe atyre bujqësore, pa raportime për rrezik për banesat.

Ndërprerje të energjisë janë raportuar në Njësitë Administrative Klos dhe Mollas, si pasojë e rënies së disa shtyllave elektrike të dëmtuara nga prurjet e lumit Devoll.

The post Reshje dhe breshër në Elbasan, lumi Devoll përmbyt tokat bujqësore appeared first on Albeu.com.

Një aksident i rëndë rrugor me pasoja fatale është regjistruar në fshatin Fier-Shegan, në segmentin e aksit kombëtar Lushnjë-Berat.

Sipas informacioneve të para të policisë një automjet tip Mercedes-Benz me targa AB 929 MT ka përplasur për vdekje një këmbësor 59-vjeçar, i identifikuar si Enver Pepa, banor i fshatit Fier-Shegan.

Viktima, e cila tentonte të kalonte rrugën, u godit nga mjeti dhe, pavarësisht transportit të menjëhershëm me ambulancë drejt Spitalit të Lushnjës, nuk arriti t’i mbijetojë plagëve të rënda të marra.

Drejtuesi i automjetit është identifikuar si Orgest Kasa, 35 vjeç, po ashtu banor i fshatit Fier-Shegan. Ai është ndaluar nga Policia dhe është shoqëruar në komisariat për veprime të mëtejshme procedurale.

Forcat e policisë dhe grupi hetimor ndodhen në vendngjarje, ku po kryhen veprimet e nevojshme për dokumentimin e plotë të rrethanave të ngjarjes dhe për përcaktimin e përgjegjësive.

Njoftimi i policisë:

Lushnjë / Informacion paraprak

Rreth orës 18:50, në aksin rrugor “Berat–Lushnjë”, shtetasi E. K., 34 vjeç, duke drejtuar automjetin e tij, ka përplasur këmbësorin, shtetasin E. P., rreth 60 vjeç, i cili ka ndërruar jetë në spital.

Drejtuesi i automjetit, shtetasi E. K., është shoqëruar në Komisariatin e Policisë për kryerjen e veprimeve të mëtejshme procedurale.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

The post Aksident në rrugën Lushnjë-Berat, 35-vjeçari përplas për vdekjen këmbësorin 59-vjeçar appeared first on Sinjali.

Reshjet e dendura të shiut gjatë orëve të fundit kanë shkaktuar problematika të shumta në disa qarqe të vendit, duke sjellë rritje të prurjeve të lumenjve, përmbytje të tokave bujqësore, rrëshqitje dherash si dhe vështirësi në qarkullimin rrugor.

Sipas Ministrisë së Mbrojtjes, situata paraqitet më problematike në qarqet Shkodër, Durrës, Lezhë, Gjirokastër, Dibër dhe Berat, ndërsa në qarqet e tjera raportohen problematika të kufizuara ose situatë e qëndrueshme.

Në Qarkun Shkodër, rritja e niveleve të lumenjve Drin, Kir dhe Bunë ka shkaktuar përmbytje në territorin e Bashkisë Shkodër, kryesisht në njësitë administrative Ana e Malit dhe Dajç. Strukturat e bashkisë dhe të emergjencave civile ndodhen në terren dhe po monitorojnë në mënyrë të vazhdueshme situatën, ndërsa hidrovoret po punojnë me kapacitet të plotë dhe nivelet e ujit mbeten nën kuotat kritike.

Në Qarkun Durrës janë verifikuar gjithsej 5 477 banesa, nga të cilat në 1 711 raste janë konstatuar dëme. Si pasojë, janë evakuuar 851 persona, kryesisht në zonat Sukth dhe Katund i Ri, ku rreth 2 000 hektarë tokë bujqësore ndodhen nën ujë. Autoritetet vijojnë punën për konstatimin dhe vlerësimin e dëmeve.

Në Qarkun Lezhë, niveli i ujit ka shënuar rënie në tokat bujqësore, ndërsa forcat në terren po punojnë për largimin e ujit nga disa banesa. Të gjithë hidrovorët kanë funksionuar me kapacitet të plotë, me përjashtim të atij të Gocajve për shkak të mungesës së energjisë elektrike. Lumi Drin vijon të jetë në rënie, ndërsa lumi Mat ka shënuar rritje të nivelit për shkak të shkarkimeve nga hidrocentralet Shkopet dhe Qafë Mollë. Nuk raportohen probleme në akset rrugore.

Në qarqet Gjirokastër dhe Dibër po punohet për pastrimin e disa akseve rrugore të bllokuara nga rrëshqitjet e dherave, si dhe për largimin e ujit nga disa objekte të përmbytura.

Ndërkohë, në qarqet Berat dhe Elbasan, rritja e prurjeve të lumenjve Osum dhe Devoll ka shkaktuar përmbytje të sipërfaqeve bujqësore. Situata po monitorohet në mënyrë të vazhdueshme nga strukturat përgjegjëse.

Në terren janë angazhuar edhe efektivë të Forcave të Armatosura, të cilët, në koordinim me Agjencinë Kombëtare të Mbrojtjes Civile dhe Ministrinë e Mbrojtjes, po asistojnë në transportimin e banorëve, shpërndarjen e ndihmave dhe mbështetjen e operacioneve emergjente.

Sinjali – aty ku e vërteta flet para lajmit!

/GazetaSinjali/

The post Situatë e rënduar nga moti i keq, 851 të evakuuar në Durrës appeared first on Sinjali.

KURBIN- Në fshatin Adriatik të Kurbinit, uji nuk ka kursyer asgjë. Mes baltës dhe përmbytjes që duket se nuk ka fund, Ndue Preni qëndron përballë asaj që deri pak ditë më parë ishte mundi i një jete të tërë. Sot, gjithçka është nën ujë.

As veshjet e pajisjet nuk shërbejnë, pasi uji I kalon mbi një metër. Brenda shtëpisë, orenditë, pajisjet elektroshtepiake dhe çdo send i përditshëm tashmë janë të dala jashtë përdorimit.

“Çdo gjë ka mbaruar, gjithçka është nën ujë. Jemi mbi 60 centimetra ujë brenda shtëpisë”, tha ai.

Magazina, dikur e mbushur dhe funksionale, sot ofron një pamje e trishtë.

“Kjo ka qenë magazinë e kompletuar, sot gjithçka lundron. Çdo gjë është jashtë përdorimit”, shtoi banori.

Rruga vijon drejt stallave të bagëtive. Edhe aty, baza ushqimore është e gjitha nën ujë. Disa shpendë kanë arritur të ngjiten mbi dru për t’i shpëtuar përmbytjes, ndërsa të tjerë kanë mbetur prej ditësh pa ushqim.

“Shiko pulat, të gjorat. Katër ditë nën pushtetin e ujit. Qëndrojnë mbi dru për të shpëtuar”, u shpreh Preni.

Jo të gjitha bagëtitë kanë pasur fat. Ndue Preni rrëfen se dele dhe derra kanë ngordhur, ndërsa vetëm një pjesë e vogël e bagëtive ka mundur të shpëtohet.

“I kam pasur për të jetuar me to… Perëndia na mori me qafe. Kam vuajtur me sakrificë për këtë punë dhe përfundova në zero” , theksoi banori i prekur nga përmbytjet”, nënvizoi ai.

Sipas tij, përmbytjet në zonën e Adriatikut kanë disa ditë që vijojnë, ndërsa niveli i ujit vetëm rritet. Ai ngre shqetësimin për funksionimin e hidrovorëve dhe gjendjen e kanaleve kulluese.

“Hidrovori punon me kapacitet të dobët. Kanalet janë në gjendje shumë të keqe, kanë nevojë për pastrime”, tha ai.

Mes ujit, baltës e dëshpërimit, Ndue Prendi, shpreson në tërheqjen e ujit dhe ndihmën nga shteti/abcnews.al

SHQIPËRI- Puntatën e kësaj të shtune, “Korrespondent” udhëtoi për në urën e Mifolit, aty ku lumi Vjosa dy ditë më parë doli nga shtrati duke shkaktuar pasoja të shumta në banesa si dhe toka bujqësore.

Specialisti i mjedisit, Viron Balla, shprehet se ky fenomen natyror nuk është hera e parë që ndodh.

“Dikur, në të gjithë gjatësinë e Vjosës, nuk lejoheshin të bëheshin ndërtime, sepse rreziku ishte i madh. Më parë, edhe kulturat bujqësore ishin sezonale, pranverë-vjeshtë. Zona përgjatë Vjosës ka qenë me risk për përmbytjes. Pas ’90-ës pati një lloj shfrenimi nga fermerët, që morën tokat në këtë zonë dhe nuk menduan shumë gjatë për bizneset dhe ndërtimet që u bënë këtu. Një ndër problemet e tjera, që solli pasoja, ka qenë dhe ndikimi njerëzor. Në shtratin e lumit Vjosë, pati subjekte që shfrytëzonin për inerte shtratin e këtij lumi,” tha Balla.

Ai apelon që njerëzit të bëhen të ndërgjegjshëm sa i përket riskut të përmbytjeve. Disa nga përmbytjet më të mëdha në vend janë ato të viteve 1970, 1981, 2009, 2010, 2015 dhe 2017, kjo e fundit me prurjet më të mëdha dhe pasoja katastrofike. Më pas, specialisti tha se ndërhyrjet me ndërtimin e argjinaturave zvogëluan përmasat e dëmeve në banesa.

“Njerëzit duhet të bëhen të ndërgjegjshëm sa i përket riskut të përmbytjeve nga ky lum. Disa nga përmbytjet më të mëdha janë ato të 1970, 1981, 2009, 2010, 2015, 2017, e cila ishte një nga prurjet më të mëdha dhe më pasoja katastrofike. Më pas u ndërhy.

Ndërtimi i argjinaturave zvogëloi përmasat e dëmeve në banesa. Ishte e gabuar vendosja e shumë ndërtimeve në distancat pranë lumit Vjosë. Duhet që edhe vetë njerëzit të përgatiten, sepse shumë nga kanalet që janë brenda fshatit ishin të bllokuara nga vetë fshatarët. Duhet ndërgjegjësim, por edhe përgjegjshmëri dhe të vlerësojnë informacionin që marrin nga institucionet tona”, tha ai.

Specialisti nënvizon se vendosja e ndërtimeve pranë lumit ishte e gabuar dhe qytetarët duhet të përgatiten, pasi shumë kanale brenda fshatrave janë të bllokuara nga vetë banorët.

Pas përmbytjeve në 2017, eksperti theksoi se Bashkia Fier hartoi një projekt mbrojtës, i mbështetur dhe financuar nga qeveria shqiptare, realizimi i të cilit ndikoi pozitivisht në minimizimin e dëmeve.

“Nga mësimet e nxjerra në 2017, Bashkia Fier hartoi projektin mbrojtës dhe që u mbështet nga qeveria shqiptare. Natyra do bëjë punën e vet; këto janë fenomene që kanë përsëritje ciklike. Ajo që duhet të bëjmë ne, është të ndërgjegjësohemi dhe të kalojmë situata të tilla, dhe që të kemi sa më pak dëme.”, theksoi ai./abcnews.al

LUSHNJË- Rreth orës 18:50, në aksin rrugor “Berat-Lushnjë”, një 34 vjeçar, duke drejtuar automjetin e tij, ka përplasur një këmbësor rreth 60 vjeç, i cili ka ndërruar jetë në spital.

Drejtuesi i automjetit është shoqëruar në Komisariatin e Policisë për kryerjen e veprimeve të mëtejshme procedurale.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit/abcnews.al

Pas shiut, në Shqipëri priten rënie temperaturash, kurse ngrica në PD sapo ka filluar. Në Tiranë, Berisha mblodhi kryesinë, me zë të ngjirur e golf të zi, njoftoi protestën e parë për këtë vit.

“Në datë 24, protestë, Rama duhet të bjerë 1 minutë e më parë”, tha Berisha.

Minutat, u bënë orë, u bënë ditë. Rënia e Ramës shtyhet me 2 javë. Protesta pa doktorin me grip s’ka kuptim. 24-a bie pas vendimit të Gjykatës Kushtetuese për padinë e Ramës dhe mbledhjes së Këshillit të Mandateve për imunitetin e Ballukut, por doktorin e shqetëson vetëm një datë e afërt.

“21 janari ishte akt prej burracaku i Edi Ramës. Jo. Sali Berisha nuk vjen në pushtet me dhunë”, pohoi ai.

Berisha thotë se shtyrjen e protestës nuk e solli ai, e solli Rama, se po lë shqiptarët edhe pa veshur në të ftohtë.

“Digjen 2 mijë biznese në mes të Tiranës. Po qindra mijëra shqiptarë, që visheshin nga ai treg, për të mos thënë gjysma e shqiptarëve ose më shumë që visheshin nga ai treg, tani ai nk kanë mundësi të vishen, nuk kanë mundësi të blejnë rroba ashtu siç ishin”, pohoi Berisha.

Por 2 javë, i japin Berishës kohë të shpresojë se të rinjtë më nuk do e refuzojnë.

“Mungoi Lapaj, i cili, të cilin unë e kam përgëzuar dhe e përgëzoj për protestën e tij të vazhdueshme para Këshillit të Ministrave. Për të tjerët, në qoftë se janë të vendosur të ose duan të luftojnë të keqen Rama, vendin e kanë të hapur. Pastaj vendimet i marrin vetë.”, theksoi Berisha.

Në mbledhjen e Kryesisë i vetëpërjashtuari Salianji Mungoi. Ai shkoi në Korçën me dëborë, për të mbajtur foltoren e parë për këtë vit. Në sallën plot, Salianjit i munguan vetëm deputetët, por jo struktura dhe të rinjtë.

“Ja që nuk e pengon as bora, as ngrica, që Korça të jetë vullkan. Që kemi njerëz dhe jashtë, më falni që nuk e përllogarita ta bënim takimin në pallat sporti, apo në shesh. Kjo ngroh shpirtin e çdo demokrati. Gjithë PD e Korçës është këtu”, u shpreh Salianji.

Salianji tha se si Berisha dhe Rama janë shqetësuar për takimet e tij me demokratët. Ftesat dhe vetëpërjashtimet e doktorit, i sheh si paqartësi, por vetë është shumë i qartë.

”Mir votat na i vjedh, po sheshet kush na i vjedh që ska njerëz. Lidershipi është i paqartë, paradite ofrojnë bashkim, pasdite përjashtim. Paradite mbështesin spak, pasdite e shajnë me libër shpie.  As nuk kam plan të ndaloj në takimet me demokratët. Rrugën pa kthim për ripërtëritjen e ringritjen e PD. Unë kam bërë burg për këtë parti”, tha Salianji.

Si Berisha, si Salianji u munduan të merrnin vëmendjen e shqiptarëve me serinë e parë të telenovelës së tyre blu në këtë vit të ri, por sërish si ditë e shtunë, primen nuk e kapin dot. Atë e kap një demokrat tjetër, Ilir Vrenozi në mbrëmjen e kësaj fundjave në Big Brother.

Vetëm se Vrenozi, në izolim, nuk po merret as me Berishën e as me Salianjin, mesa duket ka kuptuar se gara për të qenë i dyti, nuk të bën fitues të çmimit të parë./abcnews.al

Një lokal është përfshirë nga flakët mëngjesin e kësaj të shtune. Ngjarja është regjistruar në zonën e sektor Hamallaj, rreth orës 02:00 të mëngjesit. ABC News ka siguruar pamjet nga një kamera sigurie, ku shihen momentet që lokali është përfshirë nga flakët.

Pamjet tregojnë se gjithçka është shkrumbuar totalisht. Lokali është në pronësi të  Xhevdet Çhullaj, i cili dyshon për zjarrvënie të qëllimshme.

“Rreth orës 02:00 të mëngjesit u lajmërova se lokali është përfshirë në flakë. Kur shkuam aty nuk mundëm të bënim asgjë. Gjithçka kishte përfunduar. Nuk dua të dal në përfundime, por kam dyshime se kemi të bëjmë me zjarrvënie të qëllimshme.

Kërkoj nga policia që të shkojë hetimeve deri në fund dhe të vihen para përgjegjësisë autorët. Kam konflikte dhe këtë e kam deklaruar edhe në polici. Kam besim tek policia që ta zbardhë këtë ngjarje. Mbase ka qenë edhe ndonjë shkëndijë elektrike, por unë dyshoj te zjarrvënia e qëllimshme,” tha për ABC News Xhevdet Çhullaj.

Ndërkohë, burime nga Policia e Durrësit thonë se janë marrë disa persona në pyetje si persona që kanë dijeni për ngjarjen, por edhe të dyshuar.

Për herë të parë në këtë sezon, në Big Brother VIP do të hapet Kutia e Pandorës.

Spektakli më i ndjekur do të nisë në orën 21:00 në Top Channel, ndërsa ende nuk duhet se kush do të jetë përballë Kutisë së Pandorës dhe se çfarë do të vendosë.

Ftohja mes Selin dhe Mirit, a ndikoi Greta? Çfarë po fshehin dy kunatat?

Mes Juxhinit, Mirit, Selinit, kush largohet sonte?

Për të zbuluar këto dhe shumë të tjera, ndiqni sot spektaklin e madh në Top Channel, DigitAlb me dy kanalet e dedikuara “Big Brother VIP 1” dhe “Big Brother VIP 2”, dhe në kanalin zyrtar të Top Channel në YouTube.

The post Ftohja mes Selin dhe Mirit, a ndikoi Greta? Për herë të parë Kutia e Pandorës appeared first on Albeu.com.

Kreu i “Shqipëria Bëhet”, Adriatik Lapaj ka njoftuar protestën e radhës. Përmes një postimi në rrjetin e tij social Facebook, Lapaj bën me dije se protesta do të zhvillohet më 17 janar në orën 18:00 para Kryeministrisë.

Ai thotë se kjo protestë do të mbahet kundër hajdutërisë dhe kundër pushtetit, që edhe kur vendi përmbytet nuk e shpall gjendjen e fatkeqësisë natyrore. Qëllimi kryesor i saj është dorëheqja e Edi Ramës.

Postimi i Adriatik Lapaj

Të shtunën, datë 17 Janar, ora 18.00 protestojmë masivisht te Kryeministria!Kundër hajdutërisë. Kundër pushtetit që edhe kur përmbytemi nuk e shpall gjendjen e fatkeqësisë natyrore. Kundër largimit nga atdheu. Për dorëheqjen e Edi Ramës!

The post “Kundër hajdutërisë”, Lapaj njofton protestën e rradhës: Protestojmë masivisht për dorëheqjen e Ramës appeared first on Albeu.com.

Moti i keq dhe reshjet intensive të shiut kanë sjellë probleme në Tropojë dhe Kukës. Kjo ka bërë që të ndërpritet furnizimi me energji elektrike në shumë zona. Konkretisht pa energji elektrike janë fshatrat Kam, Lajthiz, Haxhibegaj, Zogaj dhe Xhuxhë.

Ndërsa në në bashkinë Tropojë, pa furnizim janë fshatrat Llugaj dhe Pac në Njësinë Administrative Llugaj, si dhe fshati Çerem në Njësinë Administrative Margegaj. Disa zona në Kukës janë nën ndikimin e reshjeve intensive të shiut.

Kjo ka bërë që rrugët nacionale dhe bashkiake, të bllokohen. Punonjësit e emergjencave dhe autoritetet lokale kanë shkuar në terren. Ata janë duke punuar për pastrimin e rrugëve dhe rikthimin e qarkullimit normal. Banorët këshillohen të tregojnë kujdes dhe të shmangin zonat e rrezikuara.

The post Moti i keq/ Kukësi dhe Tropoja shfaqin probleme me energjinë elektrike, bllokohen disa rrugë appeared first on Albeu.com.