Ministri i Mbrojtjes dhe deputeti i Vlorës Pirro Vengu ka qenë i pranishëm në zonën ku edhe po punohet për riparimin e defektit që shkaktoi mungesën e ujit të pijshëm në Vlorë.

Autoritetet po punojnë për normalizimin e situatës, ndërsa ministri Vengu tha se me materialet që kanë mbërritur nga Turqia pritet edhe të vendoset në funksion të plotë furnizimi me ujë.

“Përpjekja është gjithështetërore, me në krye Agjencinë Kombëtare të Ujësjellës Kanalizimeve, një skuadër nga mbarë vendi, 13 inxhinierë që kanë bërë të gjithë verifikimin e dëmeve dhe që në orët e para ka nisur puna për parandalimin e dëmeve të mëtejshme. Nuk është momenti për të thënë më tepër tani, puna vazhdon. Jemi shpresë plotë që me mjetet që kanë ardhur nga Turqia të vendoset në funksion të plotë. Ka nisur furnizimi me ujë në disa lagje të qytetit, nuk do reshtim deri sa të kthehet në normalitet të plotë, por edhe që të mos kemi situata të tilla në të ardhmen”, tha ai.

TIRANË, 29 dhjetor/ATSH/ Ministri i Mbrojtjes Pirro Vengu u shpreh sot se Forcat e Armatosura që kërkon NATO dhe që meriton Shqipëria ndërtohen mbi njerëz të përgatitur dhe struktura funksionale.

Ministri Vengu e bëri këtë deklaratë gjatë ceremonisë së betimit të studentëve në Akademinë e Forcave të Armatosura, ku i pranishëm ishte edhe Presidenti Bajram Begaj.

Duke iu drejtuar ushtarëve të rinj, Vengu tha se “kur u rreshtuat për herë të parë në këtë shesh, përpara se të shpërndaheshit për stërvitjen tuaj bazë, secili prej jush ishte një emër i ri në rreshtimin e parë. Sot, teksa qëndroni këtu për të bërë betimin, jeni pjesë e një trupi të përbashkët”.

“Sot jeni pjesë e forcave të gjalla të këtij kombi, pjesë e një familjeje të madhe qytetarësh që besojnë se siguria, stabiliteti dhe e ardhmja e këtij vendi mbrohen nga përkushtimi juaj. Ju jeni garantët e këtij besimi. Forcat e Armatosura nuk janë thjesht një strukturë. Ato janë një trup besimi, disipline dhe përgjegjësie. Një përkatësi që do t’ju shoqërojë gjatë gjithë jetës në shërbim dhe në karakter”, tha Vengu.

“Është për t’u vlerësuar fakti që i bashkoheni Forcave të Armatosura vullnetarisht, në një kohë kur kontinenti dhe rajoni ynë përballen me sfida të mëdha dhe shumë vende po rikthejnë shërbimin e detyrueshëm. Ju nuk jeni këtu sepse ju është kërkuar, ju jeni këtu sepse keni zgjedhur të jeni. Dhe kjo zgjedhje ka peshë morale, shoqërore dhe strategjike. Por kjo zgjedhje nuk fillon sot. Ajo mbështetet mbi breza ushtarakësh që shërbyen në kushte shumë më të vështira, me më pak mjete, por me të njëjtin përkushtim. Ata janë kujtesa se shërbimi ushtarak është një rrugë nderi, por edhe sakrifice”, vijoi ai.

Vengu u shpreh se “fuqia luftarake nuk matet vetëm me teknologji apo pajisje. Ajo matet mbi të gjitha me kapitalin njerëzor me karakterin, disiplinën, aftësinë për të vepruar nën presion dhe për të marrë vendime të drejta kur kushtet janë të vështira”.

Sipas ministrit të Mbrojtjes, “Forcat e Armatosura që kërkon NATO dhe që meriton Shqipëria ndërtohen mbi njerëz të përgatitur dhe struktura funksionale”.

“Programi strategjik “Mbrojtja 2030” mbështetet mbi dy shtylla të qarta kapitalin njerëzor dhe infrastrukturën kritike. Investimet në Akademinë e Forcave të Armatosura, në qendrat stërvitore, laboratorët, poligonet dhe sistemet moderne të trajnimit nuk janë luks. Ato janë domosdoshmëri për një ushtri moderne, të besueshme dhe të ndërveprueshme me aleatët tanë”, tha Vengu.

“Sot, Akademia e Forcave të Armatosura është një nga institucionet më serioze të arsimit të lartë në vend. Por asnjë reformë nuk funksionon pa njerëzit që e mbushin me përmbajtje. Çdo kadet dhe student ushtarak që zgjedh këtë rrugë është pjesë e këtij transformimi. Ju jeni prova se ky vizion po funksionon. Karakteri ndërtohet në stërvitje të lodhshme, në disiplinë të përditshme, në net pa gjumë dhe në momente presioni”, cilësoi ai.

Ministri Vengu tha se në radhët e ushtarëve të rinj ka edhe kadetë e studentë nga Kosova, që po formohen me të njëjtat standarde dhe vlera.

“Ky edukim i përbashkët nuk është retorikë. Është ndërtim real besimi, ndërveprueshmërie dhe sigurie rajonale. Nesër, në misione reale, kjo përkthehet në kohezion, efektivitet dhe sukses operacional. Ju po përmbyllni fazën e parë të rrugëtimit tuaj ushtarak. Përpara jush janë mundësi për arsimim të mëtejshëm, trajnime brenda dhe jashtë vendit, zhvillim profesional dhe përgjegjësi drejtuese. Sot, Forcat e Armatosura janë më shumë se ushtri. Ato janë shtyllë e mbrojtjes kombëtare, përfshirë edhe dimensionin kibernetik vendimtar për sigurinë e shekullit XXI”, theksoi Vengu.

Në fund të fjalës së tij, Vengu i falënderoi ushtarët e rinj në emër të Ministrisë së Mbrojtjes dhe të Qeverisë së Republikës së Shqipërisë, për gatishmërinë e tyre për të shërbyer.

/e.i/j.p/r.e/

The post Vengu: Ushtria ndërtohet mbi njerëz të përgatitur dhe struktura funksionale appeared first on Agjencia Telegrafike Shqiptare.

TIRANË, 28 dhjetor/ATSH/ Efektivët e Forcave të Armatosura të dislokuar me mision në Bullgari u surprizuan në prag të fundvitit, duke pasur mundësinë të kalojnë momente të veçanta me familjarët e tyre.

Gjatë vizitës në bazën e Grupbatalionit shumëkombësh të NATO-s në Novo Selo (Bullgari), u bë i mundur takimi i ushtarakëve me familjarët e tyre brenda bazës, një moment i veçantë pas një periudhe të gjatë shërbimi larg shtëpisë.

Ky gjest simbolik vlerëson përkushtimin dhe sakrificën e efektivëve tanë në misione ndërkombëtare, si dhe mbështetjen e vazhdueshme të familjeve të tyre.

Ministri i Mbrojtjes Pirro Vengu në një postim në rrjetet sociale u shpreh se beson me zemër se Forcat e Armatosura nuk janë vetëm njerëzit e uniformës, por edhe familjarët e tyre, të cilët mbajnë me forcë të heshtur peshën e sakrificës.

“Çdo efektiv që shërben jashtë vendit, përveç profesionalizmit dhe përkushtimit, merr me vete vlerat e familjes, të komunitetit dhe të Kombit. Në këto ditë festash, më e pakta që mund të bënim ishte t’i afronim, qoftë edhe për disa orë, me familjarët që i presin me mall”, tha Vengu.

Ministri Vengu shprehu urimet e rastit për çdo njeri në uniformë që shërben në misione jashtë vendit.

“Sakrifica juaj dhe e familjeve tuaja njihet dhe vlerësohet”, përfundoi Vengu.

/e.i/r.e/

The post Surprizë festive për efektivët shqiptarë në Bullgari appeared first on Agjencia Telegrafike Shqiptare.

Ministri i Mbrojtjes, Pirro Vengu ka vizituar Bazën e Grup Batalionit Shumëkombësh të NATO-s në Novo Selo të Bullgarisë, ku ka vlerësuar kontributin e Forcave të Armatosura të Shqipërisë në kuadër të misionit të Aleancës. Në një postim në rrjetet sociale, Vengu shprehet se toga shqiptare luan një rol aktiv dhe kontribuon përtej detyrave të saj të paracaktuara. “Krenar të dëgjoja nga Komandanti…

Source

Nga Basir Çollaku Kongresi Amerikan miratoi një projekt sigurie për rajonin e Ballkanit, me afat 90 ditor, ku përfshiet dhe Shqipëria, për të mbrojtur qytetarët nga qeveritarët e kurruptuar të inkriminuar, ndërtuesit e një ngrehine keqbërëse terroriste. Me emër qeveri. Me lëndë nga Kolumbia, Meksika, Venezuela, Peruja, Ekuadori, Ndranghetta, Sinaloa, Sacra acorona, Cosa Nostra, Dubai, […]

The post Genocid/ Këshilli i (Pa)Sigurisë Kombëtare, 90 përqind i Pandehur për krime të rënda… appeared first on BoldNews.al.

Ministri i Mbrojtjes, Pirro Vengu ishte këtë të mërkurë në Burrel ku inspektoi repartin evjetër ku dhe do të ngrihet qendra e re operacionale e Batalionit III të Regjimit të Këmbësorisë së Veriut. ”Parashikimi ynë në planin afatmesëm është që të akomodojmë një infrastrukturë të re dhe një batalion të plotë këmbësore që Regjimi i Këmbësorisë së Veriut të zgjerohet. Ky repart pavaraësisht se ka qenë…

Source

TIRANË, 24 dhjetor /ATSH/ Shqipëria është pajisur zyrtarisht me sistemin raketor kundërtank “Javelin”, një nga sistemet më të avancuara të mbrojtjes që përdoret nga vendet anëtare të NATO-s.

Ministri i Mbrojtjes, Pirro Vengu bëri të ditur se ardhja e këtij sistemi është rezultat i bashkëpunimit të ngushtë me aleatin strategjik, Shtetet e Bashkuara të Amerikës.

Gjatë një vizite në një nga bazat e Forcave të Armatosura, ku u bë pritja e dërgesës së parë të këtyre sistemeve, ministri Vengu, u shpreh se ardhja e sistemeve antitank “Javelin”, përbën një hap të rëndësishëm në forcimin e aftësive mbrojtëse të Forcave të Armatosura Shqiptare, duke rritur parandalimin, ndërveprueshmërinë me NATO-n dhe sigurinë kombëtare.

Sipas Vengut, pajisja e Forcave të Armatosura Shqiptare me sistemin “Javelin” vjen edhe në përmbushjen të objektivave për modernizimin e ushtrisë.

“Ardhja e sistemeve “Javelin”, rrit parandalimin, ndërveprueshmërinë me NATO-n dhe sigurinë kombëtare”,  u shpreh ministri i Mbrojtjes.

Ministri bëri të ditur se kjo dërgesë është pjesë e një procesi të planifikuar, ndërsa faza e dytë e furnizimit pritet gjatë vitit 2026.

Vengu theksoi se kjo ndihmë dhe ky bashkëpunim bilateral me SHBA-në përfshin jo vetëm Shqipërinë, por edhe Kosovën, duke nënvizuar rëndësinë strategjike të këtij programi për sigurinë rajonale.

Ai kujtoi se bëhet fjalë për realizimin e një kërkese të hershme, e cila tashmë po konkretizohet me pajisje moderne antitank të standardeve më të larta.

Ministri vuri theksin edhe te roli kyç i bashkëpunimit me Shtetet e Bashkuara, i cili mbetet themelor në ndërtimin dhe rritjen e kapaciteteve mbrojtëse të vendit.

Një aspekt tjetër i rëndësishëm, sipas tij, lidhet me aftësimin dhe trajnimin e personelit luftarak për përdorimin e pajisjeve dhe teknologjive të përditësuara.

Gjithashtu, Vengu falënderoi për masat e marra në drejtim të infrastrukturës pritëse, duke theksuar se një pjesë e konsiderueshme e punës ka qenë e fokusuar te përmirësimi i kushteve të punës dhe krijimi i standardeve të nevojshme për vendosjen dhe operimin e këtyre sistemeve.

“Nëpërmjet dërgesës së parë të sistemeve Javelin dhe asaj të dytë që pritet në vitin 2026, synojmë certifikimin e plotë të një grup-batalioni, duke rritur ndjeshëm gatishmërinë dhe efektivitetin operacional të Forcave tona të Armatosura”, u shpreh ministri i Mbrojtjes.

Sistemi “Javelin” konsiderohet një element kyç për mbrojtjen tokësore, duke rritur ndjeshëm aftësinë e Forcës Tokësore për të përballuar kërcënime të avancuara dhe për të vepruar në përputhje me standardet e Aleancës.

“Javelin” është një sistem raketor kundërtank i gjeneratës së fundit, i prodhuar nga SHBA. Sistemi është shumë efektiv kundër mjeteve të blinduara dhe përdoret gjerësisht nga ushtritë e NATO si dhe në operacione reale luftarake.

Shqipëria e ka porositur sistemin “Javelin” në kuadër të programeve të bashkëpunimit ushtarak me Shtetet e Bashkuara, përmes mekanizmave të shitjeve ushtarake të huaja (Foreign Military Sales – FMS). Ky investim është pjesë e strategjisë afatgjatë të modernizimit të Forcave të Armatosura, rritjes së parandalimit dhe përafrimit të plotë me kapacitetet dhe doktrinën e NATO-s.

1 nga 7

/gj.m/a.f/

The post Shqipëria merr nga SHBA sisteme raketore Javelin, dërgesa e dytë në 2026 appeared first on Agjencia Telegrafike Shqiptare.

Shqipëria është pajisur zyrtarisht me sistemin raketor kundërtank “Javelin”, një nga sistemet më të avancuara të mbrojtjes që përdoret nga vendet anëtare të NATO-s. Ministri i Mbrojtjes, Pirro Vengu bëri të ditur se ardhja e këtij sistemi është rezultat i bashkëpunimit të ngushtë me aleatin strategjik, Shtetet e Bashkuara të Amerikës.

Sipas ministrit Vengu, pajisja e Forcave të Armatosura Shqiptare me sistemin “Javelin” përfaqëson një hap të rëndësishëm në rritjen e kapaciteteve mbrojtëse të vendit dhe në përmbushjen e objektivave të modernizimit të ushtrisë.

“Ardhja e sistemeve 𝗝𝗮𝘃𝗲𝗹𝗶𝗻, falë bashkëpunimit me aleatin tonë strategjik SHBA, forcon aftësitë mbrojtëse të Forcave të Armatosura Shqiptare, rrit parandalimin, ndërveprueshmërinë me NATO-n dhe sigurinë kombëtare”,- u shpreh ministri i Mbrojtjes.

Sistemi “Javelin” konsiderohet një element kyç për mbrojtjen tokësore, duke rritur ndjeshëm aftësinë e Forcës Tokësore për të përballuar kërcënime të avancuara dhe për të vepruar në përputhje me standardet e Aleancës.

“Javelin” është një sistem raketor kundërtank i gjeneratës së fundit, i prodhuar nga SHBA. Sistemi është shumë efektiv kundër mjeteve të blinduara dhe përdoret gjerësisht nga ushtritë e NATO si dhe në operacione reale luftarake.

Shqipëria e ka porositur sistemin “Javelin” në kuadër të programeve të bashkëpunimit ushtarak me Shtetet e Bashkuara, përmes mekanizmave të shitjeve ushtarake të huaja (Foreign Military Sales – FMS). Ky investim është pjesë e strategjisë afatgjatë të modernizimit të Forcave të Armatosura, rritjes së parandalimit dhe përafrimit të plotë me kapacitetet dhe doktrinën e NATO-s.

 

View this post on Instagram

 

A post shared by Pirro Vengu (@pirro_vengu)

Shqipëria ka përforcuar kapacitetet e saj mbrojtëse me marrjen e sistemeve raketahedhës Javelin nga Shtetet e Bashkuara të Amerikës, në kuadër të një ndihmese për Forcat e Armatosura Shqiptare në prag të Vitit të Ri.

Lajmi u bë i ditur nga ministri shqiptar i Mbrojtjes, Pirro Vengu, i cili theksoi se kjo mbështetje rrit nivelin e parandalimit, ndërveprueshmërinë me NATO-n dhe sigurinë kombëtare.

Në një video të publikuar në rrjetet sociale, Vengu konfirmoi se tashmë ka përfunduar dorëzimi i një sasie të parë të sistemeve Javelin, duke nënvizuar se ndihmesa përfshin edhe Kosovën, në kuadër të bashkëpunimit bilateral me Shtetet e Bashkuara.

“Sapo është kryer dorëzimi i një sasie të parë të sistemeve Javelin dhe Shqipëria dhe Kosova janë pjesë e kësaj ndihmese dhe bashkëpunimi me SHBA-në, përfshirë edhe raketat e para antitank që lëshohen nga këto sisteme”, u shpreh ministri.

Sipas Vengut, rëndësia e këtij zhvillimi qëndron në tri aspekte kryesore. Ai tha se, së pari, bëhet fjalë për një kërkesë të kahershme të Forcave të Armatosura, e cila më në fund po konkretizohet.

Së dyti, ky bashkëpunim konfirmon rolin kyç të Shteteve të Bashkuara në forcimin e kapaciteteve mbrojtëse të Shqipërisë. Ndërsa, si aspekt të tretë, ministri veçoi rëndësinë e aftësimit të personelit ushtarak për përdorimin e sistemeve dhe teknologjive moderne.

“Janë sisteme antitank që mund të përdoren edhe për neutralizimin e kërcënimeve në distanca të shkurtra, ndërkohë që kanë një domethënie të trefishtë për sigurinë dhe profesionalizmin e forcave tona”, theksoi Vengu.

Ministri i Mbrojtjes nuk dha detaje për numrin e raketahedhësve të pranuar, por bëri të ditur se gjatë vitit 2026 pritet edhe një dërgesë tjetër e këtyre sistemeve. /Telegrafi/

TIRANË, 22 dhjetor /ATSH/ Ministri i Mbrojtjes, Pirro Vengu, ka ndarë në rrjetet sociale një video kushtuar angazhimit të Forcave Detare në mbrojtjen e ujërave shqiptare, duke vënë në fokus misionin e përditshëm të Rojës Bregdetare.

“Misioni ka emër”, shkruan Vengu, duke theksuar rolin e Kapiten Jetnor Ballës dhe ekuipazhit të anijes “Iliria”, të cilët janë çdo ditë në det, në vijën e parë të kontrollit dhe sigurisë së ujërave shqiptare.

Sipas ministrit, Forcat Detare, ashtu si çdo komponent tjetër i Forcave të Armatosura të Shqipërisë, po rrisin ndjeshëm përgatitjen operacionale, kapacitetet dhe ritmin e trajnimeve, si dhe angazhimin në misione të përbashkëta me aleatët.

“Duke investuar në përgatitje dhe kapaciteteve, ne po rrisim sigurinë për sovranitetin dhe pasuritë tona ujore e nënujore”, thekson Vengu në mesazhin e tij.

Në video, nënlejtnanti Marison Mira shpjegon se gjatë patrullimeve dhe lundrimit në det, ekuipazhet zhvillojnë paralelisht edhe stërvitje operacionale.

Ai nënvizon se një nga trajnimet e rëndësishme është edhe lufta kundër zjarrit në anije, si pjesë e përgatitjes për situata emergjente.

Ky angazhim, sipas Ministrisë së Mbrojtjes, është pjesë e strategjisë për forcimin e gatishmërisë së Forcave të Armatosura dhe për garantimin e sigurisë detare në përputhje me standardet e NATO-s.

/gj.m/a.f/

The post Vengu: Rrisim sigurinë për sovranitetin dhe pasuritë ujore e nënujore appeared first on Agjencia Telegrafike Shqiptare.

TIRANË, 21 dhjetor /ATSH/ Ministri i Mbrojtjes, Piro Vengu, deklaroi në një intervistë televizive se synimi strategjik i qeverisë shqiptare me projektin e Pashalimanit është krijimi i kapaciteteve për prodhimin e mjeteve luftarake detare në Shqipëri, duke e kthyer këtë bazë në një qendër të rëndësishme ushtarako-industriale në rajon.

Vengu theksoi se, Shqipëria ka firmosur pak javë më parë një marrëveshje bashkëpunimi ushtarak me Italinë, e cila është shoqëruar edhe me donacione konkrete për Forcën Detare shqiptare.

“Ne kemi bërë një marrëveshje me Italinë para pak javësh. Ishte momenti kur u miratua një kornizë bashkëpunimi ushtarak dhe u bënë disa donacione nga pala italiane për tre mjete: dy mjete patrulluese dhe një mjet detar më domethënës, një mjet komandimi”, u shpreh ministri.

Sipas tij, dy nga këto mjete tashmë kanë mbërritur dhe janë bërë pjesë e Forcës Detare, ndërsa mjeti i tretë pritet të vijë në fund të gjashtëmujorit të parë të vitit të ardhshëm.

“Forcat tona po stërviten për ta përdorur dhe për ta manovruar. Këto mjete na sigurojnë që të kthehemi në një forcë detare me kapacitete manovrimi më të konsiderueshme dhe mjete luftimi”, theksoi Vengu.

Ministri i Mbrojtjes nënvizoi se këto zhvillime janë pjesë e përgatitjeve për projektin strategjik në Pashaliman, në bashkëpunim me kompaninë italiane Fincantieri.

“Në këtë mënyrë ne përgatitemi për atë që po bëjmë për Pashalimanin dhe Fincantierin, që të kemi prodhimin e mjeteve detare luftarake”, deklaroi ai.

Vengu sqaroi se projekti është pjesë e buxhetit afatmesëm të qeverisë shqiptare dhe se aktualisht po zhvillohen negociata me palën italiane, jo vetëm për mirëmbajtjen e flotës ekzistuese, por edhe për ndërtimin e anijeve të reja luftarake në Shqipëri.

“Jemi në një negociatë me Fincantierin që në Pashaliman jo vetëm të mirëmbahet flota jonë, por edhe të ndërtojmë anije luftarake dhe të kuptojmë pse po e bëjmë këtë gjë”, tha ministri.

Duke folur për rëndësinë gjeostrategjike të hapësirës detare shqiptare, Vengu theksoi se Adriatiku dhe Joni nuk duhen parë vetëm si destinacione turistike.

“Adriatiku dhe Joni nuk janë thjesht një horizont turistik, por janë infrastrukturë nënujore në ndërlidhje energjetike”, u shpreh ai.

Në këtë kontekst, ministri nënvizoi se investimet në mbrojtje duhet të sjellin përfitime edhe për ekonominë vendase.

“Përderisa qeveria shqiptare i kërkon Kuvendit dhe taksapaguesve shqiptarë të kontribuojnë në mënyrë domethënëse, detyra jonë është që kjo rritje buxhetesh të kontribuojë në zhvillimin ekonomik në vendin tonë dhe të prodhojë vlerë të shtuar në Shqipëri”, tha Vengu.

/gj.m/j.p/

The post Vengu: Në Pashaliman synojmë prodhimin e mjeteve luftarake detare appeared first on Agjencia Telegrafike Shqiptare.

TIRANË, 19 dhjetor /ATSH/ Ministri i Mbrojtjes, Pirro Vengu, zhvilloi një dialog të hapur me të rinjtë pjesëmarrës në Programin e Praktikave pranë Ministrisë së Mbrojtjes, duke vënë theksin te roli vendimtar i kapitalit njerëzor në ndërtimin e një sistemi modern dhe të qëndrueshëm të mbrojtjes.

Gjatë bashkëbisedimit, ministri Vengu theksoi se mbrojtja nuk mbështetet vetëm te kapacitetet dhe sistemet teknologjike, por mbi njerëzit, dijen dhe vendimmarrjen me vizion.

Ai nënvizoi rëndësinë e mendimit ndryshe dhe të guximit intelektual në një fushë që po ndryshon me ritme të shpejta, duke vlerësuar kontributin e të rinjve si burim idesh të reja, këndvështrimesh të freskëta dhe ambiciesh për të qenë pjesë aktive e zgjidhjeve.

Ministri evidentoi gjithashtu profilin e larmishëm të grupit të praktikantëve, të cilët përfaqësonin një mozaik disiplinash, nga shkencat ekzakte te ato humane, si dhe përvoja të ndryshme akademike brenda dhe jashtë vendit.

Sipas tij, rikthimi i të rinjve të arsimuar jashtë Shqipërisë për të kontribuar në vend është një vlerë e shtuar për institucionet dhe për sektorin e mbrojtjes në tërësi.

Në përfundim, Vengu theksoi se, teksa industria ushtarake zhvillohet dhe Shqipëria forcon rolin e saj brenda NATO-s, nevoja për profesionistë të rinj, të kualifikuar dhe të angazhuar bëhet gjithnjë e më thelbësore.

Investimi te kapitali njerëzor, nënvizoi ai, është investim i drejtpërdrejtë në sigurinë kombëtare dhe në të ardhmen e përbashkët të vendit.

/gj.m/j.p/

The post Vengu: Mbrojtja kërkon kapacitete, por edhe profesionistë me vizion appeared first on Agjencia Telegrafike Shqiptare.

TIRANË, 18 dhjetor /ATSH/ Ministri i Mbrojtjes, Pirro Vengu, dhe Shefi i Shtabit të Përgjithshëm të Forcave të Armatosura, Gjenerallejtënant Arben Kingji, morën pjesë në ceremoninë zyrtare të ndërrimit të komandës në Forcën Tokësore.

Vengu theksoi se ndërrimi i komandës nuk është thjesht një akt formal, por shprehje e vazhdimësisë së misionit dhe e përgjegjësisë së pandërprerë për mbrojtjen e Republikës.

Përgjegjësia kalon nga një drejtues i sprovuar te një tjetër, duke garantuar që Forca Tokësore të jetë çdo ditë më e gatshme, më profesionale dhe më e besueshme si për sigurinë kombëtare, ashtu edhe për angazhimet e Shqipërisë në kuadër të NATO-s, shtoi Vengu në një reagim.

Në ceremoni u shpreh mirënjohje për gjeneralmajor Ilir Xhebexhia për shërbimin dhe kontributin e dhënë gjatë drejtimit të Forcës Tokësore, ndërsa gjeneralmajor Petrit Çunit iu uruan suksese në drejtimin e misionit të ri.

Ndryshimet në drejtimin e Forcave të Armatosura u dekretuan nga Presidenti i Republikës, Bajram Begaj, njëkohësisht Komandant i Përgjithshëm i Forcave të Armatosura, më 16 dhjetor.

Me dekret presidencial, Begaj liroi nga detyra e komandantit të Forcës Tokësore gjeneralmajor Ilir Xhebexhia dhe emëroi në këtë funksion gjeneralmajor Petrit Çunin.

/gj.m/r.e/a.f/

The post Petrit Çuni merr detyrën si komandant i Forcës Tokësore appeared first on Agjencia Telegrafike Shqiptare.

TIRANË, 13 dhjetor /ATSH/ Pastrimi i kanalit të Naunkës në Vlorë, një nga segmentet më të rëndësishme të sistemit të kanalizimeve në qytet, do të jetë prioritet i bashkisë për vitin 2026.

Kështu bëri të ditur kryetarja e bashkisë së Vlorës, Brunilda Mersini e cila theksoi se bashkë me Agjencinë Kombëtare të Mbrojtjes Civile do të punohet për t’I dhënë zgjidhje pastrimit të gjithë këtij kanali.

“Sot dita ka nisur në rajonin 4, për një shqetësim të banorëve të kësaj zone, bëhet fjalë për kanalin e Naunkës. Është një kanal që përvec ndotjes, sjell problemin e përmbytjes në disa zona, në disa rrugë dhe disa banesa. Bashkia e Vlorës e ka vënë në prioritet që në 2026 të gjejë zgjidhje për pastrimin e gjithë këtij kanali”, theksoi ajo.

Edhe ministri Mbrojtjes, Pirro Vengu, njëkohësisht drejtues politik I Partisë Socialiste për qarkun e Vlorës, nënvizoi se “pastrimi i kanalit të Naunkës është domosdoshmëri për komunitetin dhe prioritet për bashkinë”.

“Së bashku me Agjencinë Kombëtare të Mbrojtjes Civile, po punojmë për të zgjidhur njëherë e mirë problematikat që ka shkaktuar prej kohësh në zonë, për shkak të ndotjes dhe përmbytjeve”, theksoi Vengu. /j.p/

The post Mersini: Pastrimi i kanalit të Naunkës, prioritet i bashkisë së Vlorës appeared first on Agjencia Telegrafike Shqiptare.

Ministri i Mbrojtjes, Pirro Vengu e ka cilësuar Korridorin VIII jo thjesht si një projekt infrastrukturor transporti, por si një element kyç të arkitekturës së sigurisë në rajon. Gjatë fjalës së tij në Forumin Ekonomik të Tiranës, detaje të së cilës i ndau përmes një postimi në rrjetet sociale, Vengu theksoi se Shqipëria po ndjek një strategji të qartë investimesh në infrastrukturë me “përdorim…

Source

Në fjalën e tij në Kuvend, Berisha renditi një sërë akuzash ndaj qeverisë Rama. Kreu i PD Sali Berisha u shpreh se i kanë shkaktuar dëme të mëdha vendit dhe kanë vjedhur paratë e shqiptarëve. Më tej kreu i PD, drejtuar mazhorancës tha se ministri i tyre , Pirro Vengu, nuk shkel në dy shtete […]

The post “Ku është ky Pirro Vengu?”/ Berisha-mazhorancës: A e dini që ministri juaj nuk shkel në dy shtete të NATO-s! appeared first on BoldNews.al.

TIRANË, 11 dhjetor /ATSH/ Ministri i Mbrojtjes, Pirro Vengu do të paraqesë sot në Kuvend projektbuxhetin e vitit 2026 për sektorin e mbrojtjes, të cilin e ka cilësuar si “historik, nga përmasat dhe nga projektet që financon”.

Sipas ministrit, buxheti i Mbrojtjes për vitin e ardhshëm arrin në 59 miliardë lekë, duke kapur për herë të parë nivelin 2,12% të Prodhimit të Brendshëm Bruto, më të lartin në 35 vitet e fundit.

Vengu ka theksuar se ky buxhet synon të sigurojë paga dhe pensione më të larta, më shumë zhvillim ekonomik, rritje të investimeve publike dhe forcimin e shtetit shqiptar.

Ai ka bërë të ditur se projekti parashikon investime të mëdha në Forcën Ajrore, Forcën Detare, Forcat Speciale dhe Komandën e re të mbrojtjes kibernetike, si edhe rritje të kapaciteteve operacionale dhe luftarake.

Po ashtu, gjatë vitit 2026 parashikohet rekrutimi i 720 rekrutëve të rinj, duke e kthyer Forcën e Armatosur, siç ka theksuar Vengu, në një destinacion tërheqës për të rinjtë që kërkojnë karrierë akademike dhe profesionale në ushtri.

Buxheti përfshin edhe investime të mëdha në emergjencat civile, me nisjen e ndërtimit të dy qendrave të reja rajonale në Krujë dhe Bushat, si edhe me rinovimin e flotës zjarrfikëse kombëtare me mjete të prodhuara në industrinë ushtarake shqiptare “Made in Albania”.

Një tjetër fokus është zhvillimi i industrisë vendase të mbrojtjes, që pritet të zgjerohet me prodhimin e municioneve, mjeteve të blinduara, mjeteve taktike, uniformave, dronëve dhe sistemeve antidron. Sipas ministrit, kjo industri do të shërbejë si një motor i ri për ekonominë kombëtare.

Ministri Vengu deklaron se miratimi i këtij projektbuxheti “nuk është vetëm një vendim politik, por një akt kombëtar që hap një kapitull të ri për Forcat e Armatosura dhe për sigurinë e vendit”.

/gj.m/r.e/a.f/

The post Vengu: Projektbuxheti 2026 i Mbrojtjes, investime në FA, industri dhe emergjenca civile appeared first on Agjencia Telegrafike Shqiptare.

Ministri i Mbrojtjes, Pirro Vengu mirëpriti sot në auditorin e Akademisë së Forcave të Armatosura pjesëmarrësit e kursit të avancuar të ACSC (Advanced Command and Staff Course) të Mbretërisë së Bashkuar, një prej programeve më prestigjioze të edukimit strategjik ushtarak në nivel global. Programi mbledh mbi 250 kursantë nga 45 vende të botës, duke e bërë atë një platformë të rëndësishme për…

Source

TIRANË, 9 dhjetor /ATSH/ Ministri i Mbrojtjes, Pirro Vengu mirëpriti sot në auditorin e Akademisë së Forcave të Armatosura pjesëmarrësit e kursit të avancuar të ACSC (Advanced Command and Staff Course) të Mbretërisë së Bashkuar, një prej programeve më prestigjioze të edukimit strategjik ushtarak në nivel global.

Programi mbledh mbi 250 kursantë nga 45 vende të botës, duke e bërë atë një platformë të rëndësishme për shkëmbimin e eksperiencave dhe praktikave më të mira.

Gjatë fjalës së tij, ministri Vengu theksoi se Shqipëria ka fituar një rol të rëndësishëm si faktor stabiliteti në rajonin e Ballkanit dhe ka forcuar në mënyrë të vazhdueshme kontributin e saj në misionet e NATO-s dhe aleatëve ndërkombëtarë.

“Edhe pse një aleat modest për nga përmasat, Shqipëria kontribuon me profesionalizëm, seriozitet dhe vullnet të palëkundur për sigurinë kolektive”, u shpreh Vengu, duke nënvizuar se besimi i partnerëve ndërkombëtarë në Forcat e Armatosura shqiptare është rezultat i punës dhe përkushtimit të vazhdueshëm.

/gj.m/a.f/r.e/

The post Vengu: Shqipëria, faktor stabiliteti dhe aleat i besueshëm në NATO appeared first on Agjencia Telegrafike Shqiptare.

TIRANË, 4 dhjetor /ATSH/ Në 113-vjetorin e krijimit të Forcave të Armatosura të Shqipërisë, ministri i Mbrojtjes, Pirro Vengu tha se Forcat e Armatosura janë një janë një domosdoshmëri për të ecur përpara.

Në aktivitetin e organizuar me këtë rast, Vengu theksoi se “16 vite pas anëtarësimit në NATO, Shqipëria është e sigurt jo për shkak të madhësisë, por për shkak të përkushtimit të njerëzve të saj në uniformën”.

“Kjo është edhe arsyeja pse aleatët na besojnë. Forcat e Armatosura të Shqipërisë nuk janë vetëm një institucion. Janë njerëzit e uniformës, familjet e tyre, komunitetet që ndihmohen në emergjenca, dhe qytetarët që punojnë të qetë, sepse e dinë që vendi i tyre është i mbrojtur”, theksoi Vengu.

Vengu tha se janë 113 vite histori, 113 vite shërbim, ndërsa e ardhmja e Forcave të Armatosura ndërtohet çdo ditë me të njëjtin parim si në vitin 1912.

“Shqipëria duhet të jetë në gjendje të mbrohet për të qenë në gjendje të zhvillohet”, tha Vengu.

Trashëgimia e 113 viteve shërbim ndaj atdheut mbetet një burim frymëzimi dhe përgjegjësie për misionin e sotëm dhe të ardhshëm të Forcave të Armatosura, të cilat me përkushtimin e tyre ndaj sigurisë kombëtare, mbrojtjes së integritetit territorial dhe shërbimit ndaj qytetarëve, vijojnë të ecin me standarde moderne dhe me vizion të qartë drejt të ardhmes.

/e.i/a.f/r.e/

The post Vengu: 113-vjetori i FA, siguria e vendit falë përkushtimit të njerëzve në uniformë appeared first on Agjencia Telegrafike Shqiptare.