Inter raportohet se ka refuzuar një ofertë nga Galatasaray për Hakan Calhanoglu, por e ardhmja e mesfushorit turk përtej këtij sezoni mbetet ende në pikëpyetje.
Klubi nga Stambolli po shikon seriozisht tregun e Serie A, duke pasur në radar disa mesfushorë, përfshirë Youssouf Fofana të Milanit dhe pikërisht yllin e Interit.
Sipas një raportimit të fundit nga “Calciomercato.com”, situata e Calhanoglu vazhdon të monitorohet me vëmendje, ndërsa një transferim i mundshëm te Galatasaray ishte diskutuar edhe gjatë verës së kaluar. Interesi i klubit turk nuk është zbehur, por pengesa kryesore mbetet qëndrimi i fortë i Interit.
“SportsDigitale” ka raportuar se Inter ka refuzuar një ofertë nën 25 milionë euro për Calhanoglu. Nerazzurrët nuk kanë asnjë dëshirë ta shesin yllin e mesfushës gjatë afatit kalimtar të janarit, duke e konsideruar atë një element kyç në projektin sportiv aktual.
Megjithatë, e ardhmja e Calhanoglu në “Stadio Meazza” pas verës nuk është aspak e sigurt. Agjentët e lojtarit pritet të ulen në bisedime me drejtuesit e Interit për një rinovim të kontratës, pasi marrëveshja aktuale skadon në vitin 2027.
Në këtë fazë, Inter nuk është i gatshëm të heqë dorë nga Calhanoglu gjatë dimrit, por mbetet për t’u parë nëse palët do të arrijnë një marrëveshje për zgjatjen e kontratës./Telegrafi
Afati kalimtar i janarit premton të jetë i zjarrtë edhe këtë vit, ku skuadrat e mëdha pritet të bëjnë disa lëvizje për të kompletuar ekipet e tyre.Ky afat dimëror është hapur zyrtarisht më datë 1 janar në top pesë ligat më të mira në botë dhe pritet të mbyllet më datë 2 shkurt.
Liga Premier, Serie A, Bundesliga dhe Ligue 1 do ta mbyllin afatin në orëm 19:00, teksa La Liga në orën 22:59.
Në ndërkohë në Arabinë Saudite ky afat është hapur pak më vonë, pra më 5 janar dhe pritet të përfundojë po ashtu më 2 shkurt.
Telegrafi do t’iu mbajë të informuar për të gjitha lëvizjet e klubeve në kohë reale.
Ylli i Leverkusenit zbulon si u përpoq ta pengonte Wirtzin të mos transferohej te Bayern Munich
Transferimi rekord i Florian Wirtz nga Bayer Leverkusen te Liverpool për 140 milionë euro verën e kaluar mbetet një nga lëvizjet më të përfolura në historinë e fundit të Bundesligës.
Por, para se reprezentuesi gjerman të vendoste të transferohej në Ligën Premier, pati një përpjekje për t’ia ndryshuar mendjen dhe ajo erdhi nga brenda vetë skuadrës së tij.
Në podcastin Playmaker të 360Media, kapiteni i Leverkusenit, Robert Andrich, ka pranuar se personalisht e kishte këshilluar Wirtzin të mos transferohej te Bayern Munich, i cili në atë kohë konsiderohej favorit për ta nënshkruar.
FC Prishtina përforcohet me futbollistin holandez
FC Prishtina e ka kompletuar transferimin e mbrojtësit të djathtë, Sylian Mokono nga klubi holandez VVV-Venlo.
26-vjeçari ka një karrierë të madhe në Holandë, ku ka mbrojtur fanellën e disa klubeve.
Përmes një komunikate zyrtare, Prishtina i uroi mirëseardhje futbollistit më të ri.
Juventusi synon të përfitojë edhe 20 milionë euro nga dy brazilianët e harruar
Afati kalimtar i janarit ka hyrë në fazën më intensive dhe raportimet nga Italia bëjnë të ditur se Juventusi shpreson të arkëtojë rreth 20 milionë euro përmes shitjes së dy brazilianëve që prej kohësh kanë dalë nga planet kryesore të klubit.
Njëri prej tyre është Arthur Melo, i cili vazhdon të jetë nën kontratë me Juventusin, pavarësisht se pjesën më të madhe të tre viteve e gjysmë të fundit e ka kaluar larg Torinos, në formë huazimi te Liverpool, Fiorentina, Girona dhe së fundmi te Gremio në Brazil.
29-vjeçari iu bashkua Juventusit në një marrëveshje shkëmbimi me Miralem Pjanic, transferim që në atë kohë u raportua se kishte një vlerë prej 72 milionë eurosh, plus deri në 10 milionë euro bonuse dhe shtesa.
Zyrtare: Lirim Kastrati bëhet me klub të ri, i bashkohet skuadrës hungareze
Mbrojtësi Lirim Kastrati pas një viti e gjysmë pa klub, i është bashkuar zyrtarisht skuadrës hungareze DVTK.
Pas largimit nga skuadra polake, Kastrati ka qenë agjent i lirë ndërsa ka vendosur të rikthehet në elitën e futbollit hungarez.
DVTK përmes një komunikate zyrtare e njoftoi afrimin e mbrojtësit të Kosovës, me këtë të fundit që deklaroi se është i lumtur dhe mezi pret të jep më të mirën në fanellën e kuqe.
PSG kontakton kampin e yllit të Chelseat për një transferim gjatë verës
Paris Saint-Germain synon një transferim të madh nga Chelsea gjatë afatit kalimtar të verës dhe tashmë ka bërë bisedimet e para me përfaqësuesit e lojtarit.
Sipas gazetarit Uriel Iugt, PSG i është afruar ekipit përfaqësues të Enzo Fernandez, ndërsa po shqyrton një transferim të mundshëm të mesfushorit të Chelseat gjatë verës.
Gjigantët e Ligue 1 kanë një interes konkret për lojtarin e kombëtares argjentinase, por ende është bërë vetëm një kontakt joformal.
Man Utd me ofertë prej 100 milionë eurosh për yllin e madh të Atletico Madridit
Manchester United po përgatit një ofensivë madhore në afatin kalimtar, me synimin për të transferuar mesfushorin spanjoll të Atletico Madrid, Pablo Barrios, për një shifër që mund të arrijë deri në 100 milionë euro.
Klubi nga Old Trafford kërkon të rindërtojë repartin e mesfushës dhe ta rikthejë ekipin në nivelin më të lartë të futbollit evropian, pas sezoneve zhgënjyese.
Barrios shihet si profili ideal për t’i dhënë qartësi, ritëm dhe kreativitet lojës së “Djajve të Kuq”.
Jaap Stam rekomandon Manchester Unitedin për "nënshkrimin e ëndrrave"
Legjenda holandez, Jaap Stam ka sugjeruar që Manchester United duhet të nënshkruajë mesfushorin e Barcelonës, Frenkie de Jong, këtë verë. Stam ka thënë se e sheh De Jong si një "nënshkrim ëndrrash" për afatin kalimtar të janarit.
Me Michael Carrick në krye të ekipit si i përkohshëm, fokusi është në shpëtimin e sezonit dhe sfidën për kualifikimin në Ligën e Kampionëve.
Stam, i cili fitoi tripletën me United, beson se bordi duhet të jetë ambicioz pavarësisht vështirësisë për të sjellë lojtarë të klasit të lartë në afatin e dimrit.
Një lojtar i Real Madridit mund të largohet për shkak të mungesës së minutave
Sipas Mundo Deportivo, Real Madridi nuk ka në plan të kryejë afrime gjatë afatit kalimtar të janarit, por mbetet i hapur për largime, me Dani Ceballos që po shfaqet si një nga emrat më të mundshëm për t’u shitur.
Mesfushori spanjoll po përballet me një situatë të vështirë në “Santiago Bernabeu”, pasi ka pasur shumë pak hapësira këtë sezon dhe, sipas raportimeve, nuk bën pjesë në planet e trajnerit të ri, Alvaro Abeloa.
Kjo ka rritur ndjeshëm gjasat e një ndarjeje të parakohshme mes palëve.
Juventusi e dëshiron Matetën, por refuzon propozimin për shkëmbim nga Crystal Palace
Burime të shumta në Itali pohojnë se Juventusi ka filluar bisedimet paraprake për të nënshkruar sulmuesin e Crystal Palace, Jean-Philippe Mateta, por Bianconerët thuhet se kanë refuzuar të përfshijnë Jonathan Davidin në një marrëveshje shkëmbimi.
Juventusi e ka identifikuar lojtarin francez Mateta si zëvendësuesin ideal për Dusan Vlahovic, i cili pritet të largohet nga Torino në fund të kontratës së tij në qershor.
Tuttosport dhe Gazzetta dello Sport raportojnë se Bianconerët tashmë kanë filluar bisedimet me Crystal Palace, pasi Luciano Spalletti do të mirëpriste me kënaqësi një qendërsulmues klasik në afatin kalimtar të janarit.
Atletico Madrid trondit tregun e transferimeve
Ky dimër pritet të jetë vendimtar për Atletico Madrid, që ka shumë punë përpara si në dalje ashtu edhe në afrime.
Nga ana tjetër, situata te Real Madrid është edhe më e tensionuar: Xabi Alonso u shkarkua pas humbjes në Superkupën e Spanjës ndaj Barcelonës, ndërsa pasuesi i tij, Alvaro Arbeloa, e nisi aventurën me një eliminim surprizë nga Albacete në Kupën e Mbretit.
Pas investimeve të rëndësishme gjatë verës, drejtuesit e Atleticos nuk kishin në plan të lëviznin shumë këtë janar, përveç rastit kur do të realizoheshin disa shitje.
Crystal Palace dhe Guehi i thonë ‘po’ ofertës së Man Cityt, gati zyrtarizimi
Manchester City është shumë afër të bëjë zyrtare transferimin e mbrojtësit Marc Guehi nga Crystal Palace.
Klubi nga Etihad nuk ka të ndalur në afatin kalimtar të janarit, pasi është afër të zyrtarizoj edhe transferimin e dytë të madh.
Pas transferimit të Antoine Semenyo nga Bournemouth, City pritet të konfirmoj edhe transferimin e Guehit nga Crystal Palace.
Interi vendos çmimin për largimin e yllit të madh të ekipit
Interi ka vendosur një qëndrim të fortë për të ardhmen e Hakan Çalhanoglut, i cili po tërheq sërish interesin e Galatasarayt në këtë afat kalimtar.
Klubi turk kërkon ta përforcojë mesfushën dhe e sheh mesfushorin turk si objektivin kryesor, duke u përpjekur ta bindë për një rikthim në kampionatin vendas.
Sipas mediave turke, Galatasaray e ndjek Çalhanoglun prej kohësh dhe kishte tentuar transferimin e tij edhe gjatë verës.
Një marrëveshje është arritur për Marc-Andre ter Stegen
Sipas informacioneve të zbuluara nga Cadena SER, është arritur marrëveshja që portieri të largohet nga Barcelona dhe të transferohet te Girona.
Klubi katalanas do të marrë përsipër rreth 1 milion euro nga paga e tij, ndërsa 90% e mbetur do të vazhdojë të paguhet nga FC Barcelona, e cila ka pranuar largimin e kapitenit për t’i mundësuar minuta aktivizimi.
Mbeten për t’u zgjidhur vetëm disa detaje finale për mbylljen e marrëveshjes, pas së cilës Barça do të mbetet pa shërbimet e portierit gjerman.
Interi ka vendosur një qëndrim të fortë për të ardhmen e Hakan Çalhanoglut, i cili po tërheq sërish interesin e Galatasarayt në këtë afat kalimtar.
Klubi turk kërkon ta përforcojë mesfushën dhe e sheh mesfushorin turk si objektivin kryesor, duke u përpjekur ta bindë për një rikthim në kampionatin vendas.
Sipas mediave turke, Galatasaray e ndjek Çalhanoglun prej kohësh dhe kishte tentuar transferimin e tij edhe gjatë verës.
Edhe pse është paraqitur një ofertë zyrtare, Interi e ka refuzuar pa hezitim, duke e bërë të qartë se nuk ka ndërmend ta lehtësojë largimin e lojtarit gjatë muajit janar.
Drejtuesit zikaltër e konsiderojnë Çalhanoglun një element kyç të projektit sportiv dhe një nga lojtarët më të rëndësishëm në skemën e trajnerit.
Për këtë arsye, Interi është i gatshëm të dëgjojë vetëm oferta mbi 25 milionë euro, ndërsa çdo shifër më e ulët nuk merret në konsideratë.
Nga ana sportive, humbja e Çalhanoglut në mes të sezonit shihet si një rrezik i madh për objektivat e ekipit.
Në Serie A besojnë se ky nuk është momenti i duhur për negociata, ndaj afati kalimtar dimëror konsiderohet i mbyllur për largimin e tij.
E ardhmja e mesfushorit turk pritet të lidhet me bisedimet për rinovimin e kontratës, e cila skadon në vitin 2027.
Nëse Interi arrin një marrëveshje të re, Galatasaray do ta ketë shumë të vështirë transferimin, ndërsa një skenar i ri mund të hapet vetëm gjatë afatit kalimtar të verës. /Telegrafi/
Burime të shumta në Itali pohojnë se Juventusi ka filluar bisedimet paraprake për të nënshkruar sulmuesin e Crystal Palace, Jean-Philippe Mateta, por Bianconerët thuhet se kanë refuzuar të përfshijnë Jonathan Davidin në një marrëveshje shkëmbimi.
Juventusi e ka identifikuar lojtarin francez Mateta si zëvendësuesin ideal për Dusan Vlahovic, i cili pritet të largohet nga Torino në fund të kontratës së tij në qershor.
Tuttosport dhe Gazzetta dello Sport raportojnë se Bianconerët tashmë kanë filluar bisedimet me Crystal Palace, pasi Luciano Spalletti do të mirëpriste me kënaqësi një qendërsulmues klasik në afatin kalimtar të janarit.
Sipas Gazzetta dello Sport, Crystal Palace ka propozuar të përfshijë lojtarin kanadez David në një marrëveshje shkëmbimi, por Bianconerët nuk e pranuan propozimin.
Kontrata e Matetës me Crystal Palace skadon në qershor të vitit 2027 dhe sulmuesi francez duket se nuk është i gatshëm ta zgjasë qëndrimin e tij.
Sipas Tuttosport, kjo do të thotë që 28-vjeçari mund të largohet për rreth 25-30 milionë euro, por media të tjera italiane sugjerojnë se çmimi i tij është afër 40 eurove, ndërsa burime britanike e çojnë çmimin në mbi 50 milionë euro. /Telegrafi/
AC Milan ka shënuar fitore të rëndësishme në udhëtim ndaj Comos, duke përmbysur rezultatin dhe triumfuar me shifrat 1-3, në një ndeshje ku Adrien Rabiot ishte figura kryesore.
Vendasit kaluan të parët në epërsi në minutën e 10-të, kur Marc Oliver Kempf u shkëput më lart se mbrojtja pas një goditjeje nga këndi dhe me kokë realizoi për 1-0.
Como vazhdoi të rrezikojë, por në minutën e 41-të Mike Maignan shpëtoi Milanin me një pritje vendimtare ndaj një goditjeje nga afërsia të Lucas Da Cunha.
Momenti kyç i pjesës së parë erdhi në minutën e 44-të, kur Kempf shkaktoi penallti. Christopher Nkunku u tregua i saktë nga pika e bardhë në minutën 45+1, duke barazuar rezultatin në 1-1.
Në pjesën e dytë, Milani mori kontrollin e lojës dhe në minutën e 55-të përmbysi rezultatin. Adrien Rabiot përfitoi nga një top i mbetur në zonë dhe me një goditje të saktë realizoi për 1-2.
Francezi e vulosi fitoren në minutën e 88-të me një supergol nga distanca, duke e dërguar topin në këndin e poshtëm të portës për rezultatin përfundimtar 1-3.
Milani me këtë fitore zë pozitën e dytë me 43 pikë, derisa Como zë vendin e gjashtë me 34 sosh./Telegrafi
E ardhmja e Harry Maguire te Manchester United mbetet e paqartë, teksa gjithnjë e më shumë po rriten spekulimet për një largim të mundshëm gjatë afatit kalimtar të janarit.
Mbrojtësi anglez është në radarët e AC Milanit dhe Romës, dy klube të mëdha italiane që po ndjekin nga afër zhvillimet rreth situatës së tij.
Milani është në kërkim të një mbrojtësi qendror me eksperiencë, për shkak të mungesës së thellësisë në repartin defensiv dhe problemeve të vazhdueshme me dëmtimet.
Trajneri Massimiliano Allegri e sheh afrimin e një lojtari me profil të sigurt dhe me përvojë ndërkombëtare si prioritet për gjysmën e dytë të sezonit.
Edhe pse drejtuesit kuqezi kanë analizuar disa alternativa në treg, ende nuk është konkretizuar asnjë objektiv, çka e bën Maguire një opsion të mundshëm, veçanërisht për një marrëveshje me kosto të përballueshme.
Sipas raportimeve të Sky edhe Roma po e vlerëson situatën e 30-vjeçarit, duke parë tek ai një mundësi për të rritur konkurrencën dhe stabilitetin në mbrojtje.
Maguire ka pasur një rol të kufizuar këtë sezon te Man Utd, me vetëm 10 paraqitje dhe mungesë aktiviteti që nga fillimi i nëntorit, çka ka shtuar dyshimet për të ardhmen e tij në “Old Trafford”.
Me kontratën që i skadon në verë, Man Utd mund të jetë i hapur për një largim në janar për të shmangur humbjen e lojtarit pa përfitim financiar.
Megjithatë, deri në këtë moment nuk ka oferta zyrtare nga asnjëra palë, ndërsa gjithçka mbetet në fazën e monitorimit.
Javët në vijim pritet të jenë vendimtare për të kuptuar nëse interesimi i Milanit apo Romës do të kthehet në një lëvizje konkrete. /Telegrafi/
Raporte nga Italia pretendojnë se Juventusi ka një marrëveshje për transferimin si lojtarë të lirë të Oscar Minguezas në qershor, por drejtori i Bianconerëve, Marco Ottolini, ka mbetur në Spanjë për të negociuar një transferim të mundshëm në janar me Celta Vigon.
Mbrojtësi spanjoll Mingueza pritet të bëhet lojtar i ri i Juventusit, qoftë gjatë verës, qoftë në afatin kalimtar të janarit.
Sipas Gazzetta dello Sport dhe Tuttosport, ‘Bianconerët’ kanë arritur një marrëveshje me mbrojtësin e Celta Vigos për një kontratë katërvjeçare me vlerë 1 milion euro në sezon, pothuajse dyfishin e asaj që fiton Mingueza te klubi spanjoll, rreth 600,000 euro.
Tani Juventusi po përpiqet ta nënshkruajë 26-vjeçarin gjatë janarit, duke paguar një shumë më të ulët për Celta Vigon.
Bisedimet mes dy klubeve do të vazhdojnë gjatë orëve të ardhshme, dhe raportet sugjerojnë se “Zonja e Vjetër” do të duhet të paguajë nga 3 deri në 5 milion euro për të siguruar transferimit e mbrojtësit në afatin kalimtar dimëror.
Mingueza ka shënuar një gol dhe ka dhuruar tre asistime në 22 paraqitje në të gjitha kompeticionet këtë sezon dhe ka regjistruar katër paraqitje me kombëtaren e Spanjës./Telegrafi/
TIRANË, 15 janar /ATSH/ Klubi italian i Serie A, Genoa, ka nisur lëvizjet e para në prag të merkatos së janarit, me fokus të veçantë përforcimin e repartit të mesfushës.
Sipas medieve italiane, trajneri Daniele De Rossi ka kërkuar më shumë alternativa në këtë repart, çka ka shtyrë drejtuesit e klubit ligur të bëjnë hapa konkretë në treg. Në këtë kuadër, Genoa ka paraqitur oferta për Tommaso Baldanzi dhe Matteo Dagasso.
Megjithatë, lista e objektivave nuk përfundon këtu.
Sipas ekspertit italian të merkatos, Gianluca Di Marzio, klubi i Genoas ka shfaqur interes edhe për mesfushorin e Kombëtares shqiptare, Kristjan Asllani.
Për momentin, bëhet fjalë vetëm për një sondazh mes klubeve, pa kontakte zyrtare me përfaqësuesit e lojtarit. Situata mbetet për t’u ndjekur, ndërsa merkatoja e janarit pritet të sjellë zhvillime të reja në kampin e Genoas.
Sky Sport Italia pretendon se Juventusi ka kontaktuar Crystal Palace për Jean-Philippe Mateta, por oferta e tyre prej 35 milionë eurosh nuk ka gjasa të jetë e mjaftueshme.
Interesi u përmend mbrëmjen e sotme nga eksperti i afatit kalimtar, Gianluca Di Marzio, i cili sugjeron se sulmuesi qendror mund të ndihmojë në forcimin e alternativave në dispozicion të trajnerit Luciano Spalletti gjatë dëmtimit të Dusan Vlahovic.
Raporti i tij thekson se Crystal Palace kërkon 30-35 milionë euro për Mateta, por kjo është një këndvështrim shumë i ndryshëm krahasuar me mediat britanike.
Ato e vendosin çmimin e kërkuar më afër 55-60 milionë eurove, shifër që do të ishte shumë mbi buxhetin e Juventusit për një transferim në janar, veçanërisht duke qenë se Manchester United besohet se është gjithashtu i interesuar.
Mateta është 28 vjeç dhe kontrata e tij me Palace zgjat vetëm deri në qershor 2027, çka është arsyeja pse vlera e tij mund të jetë ulur ndjeshëm nga nivelet e mëparshme.
Ai mbërriti për herë të parë në Londër nga Mainz në janar 2021 në formë huazimi, duke e përfunduar transferimin një vit më vonë për një shumë totale rreth 14.5 milionë euro.
Reprezentuesi francez ka shënuar 10 gola këtë sezon në 32 paraqitje zyrtare për Crystal Palace, si dhe ka dhënë dy asistime./Telegrafi/
Interi ka fituar 1-0 ndaj Lecce në ndeshjen e mbetur të javës së 16-të në Serie A, duke siguruar tri pikë shumë të rëndësishme dhe duke u shkëputur i vetëm në krye të tabelës me 46 pikë.
Ndeshja në “Via del Mare” ishte e luftuar dhe me ritëm, me Interin që dominoi posedimin, por hasi vështirësi për ta thyer mbrojtjen e organizuar të vendasve.
Rastet nuk munguan, sidomos në pjesën e parë, ku Nicolo Barella dhe Ange-Yoan Bonny u ndalën nga portieri Wladimiro Falcone, ndërsa një penallti e akorduar fillimisht për zikaltërit u anulua pas rishikimit në VAR, duke shkaktuar protesta nga lojtarët e Interit.
Në pjesën e dytë, trajneri Cristian Chivu ndërhyri me disa zëvendësime për t’i dhënë më shumë freski lojës. Presioni i Interit u shtua, por Lecce rrezikoi në disa momente, sidomos me Antonino Gallo, i cili u ndal nga një pritje vendimtare e Yann Sommer.
Momenti vendimtar i ndeshjes erdhi në minutën e 78-të. Pas një aksioni të vazhdueshëm në zonë, Francesco Pio Esposito ishte më i shpejti për të reaguar ndaj topit të kthyer dhe e dërgoi në rrjetë për golin e fitores 1-0.
Pak çaste më vonë, Lautaro Martinez pati një tjetër rast, por Falcone reagoi sërish mirë.
Me këtë fitore, Interi shkon në kuotën e 46 pikëve dhe shkëputet në krye të Serie A, pasi Milani si i dyti ka gjashtë pikë më pak. /Telegrafi/
Roma ka zyrtarizuar transferimin e sulmuesit të ri Robinio Vaz nga Olympique Marseille.
Në njoftimin e klubit, Giallorossët konfirmuan se 18-vjeçari ka nënshkruar kontratë katërvjeçare, e vlefshme deri në qershor të vitit 2030. Vaz vjen në kryeqytetin italian si një nga talentët më premtues ofensivë të brezit të tij në Francë.
Sulmuesi i ri debutoi në futbollin profesionist në janar të vitit të kaluar nën drejtimin e Roberto De Zerbit, në një ndeshje të Kupës së Francës ndaj Lille. Më pas, ai regjistroi edhe paraqitjet e para në Ligue 1, ndërsa këtë sezon fitoi përvojë edhe në Ligën e Kampionëve.
Në total, Robinio Vaz ka zhvilluar 22 paraqitje me ekipin e parë të Marseille në të gjitha garat, duke shënuar katër gola dhe duke forcuar reputacionin e tij si një nga lojtarët më të spikatur të kategorisë U-20 në Francë.
Roma e sheh këtë transferim si një investim afatgjatë, në përputhje me strategjinë e klubit për zhvillimin e talenteve të rinj, ndërsa Vaz pritet të vazhdojë rritjen e tij në futbollin italian.
✍️ Robinio Vaz è un nuovo calciatore giallorosso! 🐺
Juventusi ka kaluar një periudhë sfiduese, por nën drejtimin e trajnerit Luciano Spallettit, ekipi po tregon shenja rikthimi.
Tifozët bardhezinj mund të kenë arsye të forta për optimizëm, pasi ekzistojnë 6 elemente që ngrenë shpresat për një garë të fortë për titull në Serie A.
Juventusi aktualisht është në vendin e katërtë me 39 pikë, katër më pak me lideri Interi.
1. Guximi i skuadrës në fushë
Një nga arsyet kryesore për optimizëm është guximi i skuadrës. Lojtarët kanë treguar qasje agresive dhe vendosmëri që nga minuta e parë.
Kjo ka sjellë golat vendimtarë të Fabio Mirettit dhe Kenan Yildiz, të cilët kanë siguruar fitore të rëndësishme dhe kanë rikthyer moralin në grup.
2. Kontributi i Jonathan David
Sulmuesi kanadez ka sjellë energji të re dhe ka rritur opsionet ofensive të Juventusit prej ardhjes së Spalletit në krye të ekipit.
David ka treguar se mund të shënojë në momentet vendimtare, duke u bërë një lojtar kyç për ekipin. Prezenca e tij ka ndihmuar ndërtimin e një sulmi më të fortë dhe më efektiv.
3. Mbrojtja më e organizuar
Faza e mbrojtjes ka marrë një strukturë më të qëndrueshme nën drejtimin e Spallettit. Mbrojtësit dhe mesfushorët defensivë luajnë më koherent dhe reduktojnë gabimet e paqarta. Kjo ka rezultuar drejtpërdrejt te rezultatet pozitive dhe ka sjellë stabilitet te skuadra. Sidomos kthimi i Bremer, ka stabilizuar gjithçka.
4. Roli udhëheqës i Thuram
Khephren Thuram ka marrë përgjegjësi të madhe në mesfushë dhe është një udhëheqës teknik i skuadrës. Ai frymëzon shokët e ekipit dhe ndihmon në organizimin e lojës, duke rritur moralin dhe performancën kolektive të Juventusit.
Aty mbetet edhe Manuel Locatteli, i cili ka përvojën dhe pasimet para kanë filluar të japin sukses.
5. Fleksibiliteti taktik dhe bashkëpunimi
Skuadra është bërë më dinamike, duke aplikuar strategji të ndryshme ndaj kundërshtarëve. Rotacioni i lojtarëve dhe menaxhimi i minutave ka dhënë freski fizike.
Përmirësimi i koordinimit midis linjave ka rezultuar në aksione më efektive dhe më shumë mundësi për të shënuar gola, ndërsa komunikimi dhe kohezioni i linjave po japin rezultate pozitive.
6. Optimizëm dhe identitet
Fitoret e fundit kanë rikthyer besimin tek tifozët dhe brenda grupit. Stafi teknik ka treguar se suksesi nuk varet vetëm nga talenti, por edhe nga disiplinimi dhe strategjia.
Lojtarët e rinj po gjejnë vendin e tyre dhe po përshtaten me kërkesat e Serie A, ndërsa përgatitja fizike dhe menaxhimi i ngarkesës janë pjesë e strategjisë së Spallettit. Skuadra duket e bashkuar dhe e motivuar, duke ndërtuar një identitet të fortë dhe të qëndrueshëm.
Me këto elemente, Juventusi po krijon një platformë solide për të ardhmen, duke u përgatitur për sfidat në Serie A dhe në garat europiane. Tifozët mund të shohin me optimizëm rikthimin e fuqisë konkurruese dhe përparimin e skuadrës nën drejtimin e Luciano Spallettit. /Telegrafi/
Gazetari i afërt me Juventusin, Romeo Agresti, që punon në Goal Italia, ka folur për situatën e Edon Zhegrovës në Torino.
Ai ka theksuar se klubi bardhezi po vazhdon të punojë me durim me futbollistin kosovar dhe se vlerësimi përfundimtar do të varet nga gjendja e tij fizike.
“Juventus vazhdon të punojë me Edon Zhegrovën. Duhet të kemi durim, e di se kemi arritur në gjysmën e janarit dhe është pak e pakuptimtë një fjalë e tillë por klubi ka bërë një rrezikim sepse bëhet fjalë për një futbollist që nuk kishte luajtur një kohë të gjatë".
"E kuptoj se ndonjë tifoz mund të fillojë të ketë dyshime, por gjithçka varet nga gjendja e tij fizike".
"Nëse Juventus e fiton këtë sfidë, Zhegrova do të jetë një futbollist që mund të ketë të ardhme konkrete në Torino”, ka deklaruar Agresti.
Edon Zhegrova u transferua te Juventusi nga Lille gjatë afatit kalimtar të verës, si një investim me rrezik të llogaritur nga klubi italian. Deri tani, 25-vjeçari ka regjistruar 17 paraqitje në të gjitha garat, prej të cilave 16 i ka nisur nga stoli, duke u aktivizuar kryesisht si alternativë gjatë ndeshjeve.
Edhe pse ende nuk ka arritur të shënojë gol apo të asistojë, Zhegrova ka dhënë shpesh shkëndija pozitive me driblimet, shpejtësinë dhe kreativitetin e tij në krahë, elemente që kanë treguar potencialin e tij ofensiv. /Telegrafi/
Daniele De Rossi po punon intensivisht për ta nxjerrë Genoan nga momenti i vështirë, ndërsa drejtuesit e klubit janë gati ta mbështesin me përforcime në afatin kalimtar.
Pas barazimit 1-1 ndaj Milanit dhe fitores bindëse 3-0 kundër Cagliarit, kuqeblutë kanë nisur lëvizjet konkrete për të rritur cilësinë në mesfushë.
Sipas raportimeve nga Italia, Kristjan Asllani është një nga objektivat kryesorë të Genoas në këtë afat kalimtar.
Sky Sport bën me dije se klubi po monitoron nga afër situatën e mesfushorit shqiptar dhe po shqyrton mundësinë e afrimit të tij.
Ideja e Genoas është t’i ofrojë De Rossit një mesfushë më të ekuilibruar dhe funksionale, me lojtarë që dinë të menaxhojnë ritmin e lojës dhe presionin në momentet delikate.
Në këtë kuadër, profili i Asllanit vlerësohet shumë: një organizator para mbrojtjes, i saktë në pasime, i fortë në ndërprerje dhe me eksperiencë në Serie A.
🚨 NEW: Genoa is considering Kristjan Asllani as a potential midfield reinforcement. 🇦🇱
Aktualisht Asllani është i huazuar nga Interi te Torino, por aventura me “Granata” duket drejt fundit, pasi mesfushori shqiptar nuk bën më pjesë në planet e trajnerit Marco Baroni.
Ndërsa pritet një zgjidhje mes Interit dhe Torinos për të ardhmen e tij, Genoa është futur seriozisht në garë për ta transferuar.
Në këtë sezon të Serie A, Asllani ka regjistruar 15 paraqitje me Torinon, pa mundur të gjejë rrugën e rrjetës.
Megjithatë, vlerat e tij mbeten të padiskutueshme dhe interesi për shërbimet e tij ka qenë i madh, me klube si Parma, Fiorentina, Sassuolo, Girona dhe Paris FC që janë përmendur më herët.
Nëse Genoa arrin të plotësojë këto kërkesa dhe të gjejë gjuhën e përbashkët me Interin, Asllani mund të jetë një nga përforcimet kyçe për ekipin e De Rossit në pjesën e mbetur të sezonit./Telegrafi/
Mbrojtësi i Napolit, Amir Rrahmani ka dhënë një intervistë për Radio CRC, duke komentuar ndeshjen e madhe të ligës midis Interit dhe Napolit dhe vështirësitë në përballjen me Nerazzurrët.
Napoli mori një barazim të madh 2-2 në udhëtim te Interi në ndeshjen derbi të dielës mbrëma, duke ruajtur diferencën minus katër pikë me Nerazzurrët, pasi në të kundërt do të mbeteshin shtatë pikë mbrapa.
Pas ndeshjes, kapiteni i Kosovës, Rrahmani ka vlerësuar paraqitjen e ekipit të tij, teksa ka lavdëruar kundërshtarët e Interit, duke i cilësuar si një nga kundërshtarët më të vështirë.
“Nga pikëpamja taktike, ne luajtëm një ndeshje të shkëlqyer: krijuam raste, u mbrojtëm mirë dhe e menaxhuam mirë topin. Momentet individuale vendosën rezultatin dhe kjo është mjaft e drejtë: është një sezon i gjatë në ligë dhe ka ende shumë ndeshje për të luajtur”, ka thënë fillimisht Rrahmani pas ndeshjes.
“Thuram dhe Lautaro? Sigurisht, ka duele individuale, dhe ne kemi mënyrën tonë të mbrojtjes, por gjëja më e rëndësishme është se si e menaxhojmë fazën mbrojtëse si ekip”.
“Interi është një ekip shumë i fortë me lojtarë shumë të mirë: një nga kundërshtarët më të vështirë për t'u përballur. Është shumë e vështirë të menaxhosh lodhjen dhe të përgatitesh për ndeshje çdo tre ditë, por me stafin e trajnerëve dhe shokët e mi të ekipit, përpiqemi të kuptojmë më mirë duke parë video të kundërshtarit”, përfundoi ylli kosovar.
Ndryshe, Rrahmani është një nga lojtarët kryesorë te Napoli i Antonio Contes. Që nga rikthimi i tij nga lëndimi, Azzurrët kanë rifituar qëndrueshmërinë e tyre mbrojtëse. /Telegrafi/
Juventus duket se është afër një marrëveshjeje për të rikthyer Federico Chiesan në Torino gjatë afatit të janarit.
Sipas raportimeve të fundit, Bianconerët po mendojnë ta rikthejnë sulmuesin 28-vjeçar në formë të përhershme për të forcuar opsionet e sulmit nën drejtimin e Luciano Spallettit.
Chiesa u shit te Liverpool për rreth 15 milionë euro vetëm 18 muaj më parë, pasi te Juventusi kishte kontratë me një vit të mbetur. Për shkak të kërkesave të larta financiare dhe një historie dëmtimesh, marrëveshja e re nuk u arrit dhe italiani u largua në një transferim me çmim të ulët.
Tani, Juventus dëshiron ta rikthejë në Torino për të forcuar sulmin. Liverpool duket i gatshëm ta shesë Chiesan, por kërkon një marrëveshje të përhershme dhe jo huazim me opsion blerjeje.
Raportimet e javës sugjerojnë se Juventus mund të ofrojë një marrëveshje huazimi me detyrim blerjeje, e cila mund t’i kushtojë rreth 15 milionë euro përfshirë tarifën e huazimit dhe opsionin e blerjes.
Për të bërë vend për këtë transferim, Juventus do të duhet të bëjë disa ndryshime në ekipin e parë. Sipas Calciomercato.com, klubit i intereson të shesë Joao Mario gjatë këtij muaji. Mbrojtësi portugez thuhet se ka marrë oferta nga Crystal Palace dhe disa klube të tjera portugeze.
Gjithashtu, ekziston mundësia që Vasilije Adzic të dërgohet me huazim, një marrëveshje që mund të sjellë një tarifë shtesë që mund të përdoret për Chiesan.
Interes është shfaqur edhe për mbrojtësin qendror Federico Gatti, por raportimet e fundit nga fillimi i javës tregojnë se lojtari italian dëshiron të qëndrojë te Juventus dhe nuk ka ndërmend të largohet nga Allianz Stadium. /Telegrafi/
Trajneri i Napolit, Antonio Conte, është dënuar me dy ndeshje pezullim në Serie A dhe me një gjobë prej 15 mijë eurosh, pas kartonit të kuq të marrë në ndeshjen e së dielës kundër Interit në “Giuseppe Meazza”.
Vendimi është konfirmuar zyrtarisht nga Lega Serie A, e cila sqaroi se Conte nuk do ta udhëheqë Napolin nga stoli në dy ndeshjet e ardhshme kampionale, ndaj Parmës dhe Sassuolos.
Incidenti ndodhi në pjesën e dytë të sfidës kundër Interit, pasi vendasit fituan një penallti pas rishikimit me VAR. Conte reagoi ashpër ndaj vendimit, duke humbur kontrollin emocional.
Tekniku italian goditi topin nga zona teknike, veprim që solli kartonin e kuq. Para se të largohej nga fusha, ai gjithashtu hodhi një shishe në tokë dhe bërtiti me tone të ashpra në drejtim të gjyqtarit të katërt.
Napoli rikthehet në aksion që nesër, në ndeshjen e riplanifikuar të javës së 16-të kundër Parmës në shtëpi, ndërsa të shtunën do të përballet me Sassuolon, po ashtu në stadiumin “Diego Armando Maradona”, pa praninë e Contes në stol.
Në të njëjtën xhiro të Serie A, kartonë të kuq morën edhe trajnerët Paolo Vanoli (Fiorentina) dhe Davide Nicola (Cremonese), por ndryshe nga Conte, ata u ndëshkuan vetëm me nga një ndeshje pezullim. /Telegrafi/
Interi ka konfirmuar se Hakan Calhanoglu ka pësuar një tërheqje muskulore në pulpën e majtë dhe, sipas raportimeve në Itali, lojtari turk do të qëndrojë jashtë fushave për rreth 20 ditë.
Sipas mediave italiane, përfshirë Sky Sport Italia, Interi do të detyrohet të përballojë ndeshjet pa Calhanoglun për të paktën 20 ditë,
Reprezentuesi turk u detyrua të zëvendësohej në pjesën e dytë të barazimit 2-2 të së dielës kundër Napolit në Stadio Meazza.
Interi konfirmoi dëmtimin e mesfushorit të tyre me një deklaratë gjatë ditës së sotme (e martë) martën në mëngjes.
“Hakan Calhanoglu iu nënshtrua një skanimi MRI këtë mëngjes në Institutin Klinik Humanitas në Rozzano. Testet zbuluan një tendosje muskulore në pulpën e majtë dhe gjendja e tij do të vlerësohet gjatë ditëve në vijim”, thuhet në njoftim.
Calhanoglu, 31 vjeç, ka shënuar tetë gola dhe ka dhënë katër asistime në 22 paraqitje në të gjitha garat këtë sezon.
Interi është lideri i tabelës në Serie A dhe do të presë Leccen në San Siro të mërkurën në një ndeshje të shtyrë të javës së 16-të të Serie A, të cilën Nerazzurrët nuk e luajtën në dhjetor për shkak të përfshirjes së tyre në Superkupën e Italisë.
Calhanoglu pritet gjithashtu të humbasë ndeshjet kundër Udineses, Pisas dhe Cremoneses në Serie A, Arsenalit dhe Borussia Dortmund në Ligën e Kampionëve, por mund të kthehet për një ndeshje në ligë kundër Sassuolos më 8 shkurt. /Telegrafi/
Klubi italian, Milani ka njoftuar zyrtarisht transferimin e mesfushorit të ri kosovar, Aron Babaj, i cili së fundmi ishte pjesë e ekipit Prishtina e Re.
Nga Kosova në Itali. Nga Superliga e Kosovës në Serie A. Nga Prishtina e Re te klubi i madh evropian, Milani.
Një histori e bukur është zyrtarizuar sot (e martë) me kalimin e 16-vjeçarit Aron Babaj te Rossonerët.
Është vet faqja zyrtare e klubit italian, e cila ka njoftuar se mesfushori i lindur në vitin 2009 ka nënshkruar një kontratë me klubin Rossoner.
“AC Milan ka kënaqësinë të njoftojë blerjen e Aron Babajt, i cili do të jetë pjesë e Projektit të së Ardhmes së Milanit, një iniciativë e dedikuar për rritjen dhe zhvillimin e talenteve të reja”.
“Mesfushori i lindur në vitin 2009 ka zgjedhur të bashkohet me Rossonerët”, thuhet në njoftimin e klubit kuqezi.
Ndryshe, Babaj është pjesë e ekipit kombëtar të Kosovës U-17 dhe është djali i ish-futbollist të njohur, Shpëtim Babaj. /Telegrafi/
Pas fitores spektakolare 5-0 ndaj Cremonese në javën e 20-të të Serie A, trajneri i Juventusit, Luciano Spalletti, theksoi se ekipi i tij ende nuk është në nivelin e Inter dhe Napolit, duke vënë në dukje se ka shumë për t’u përmirësuar për të konkurruar në krye të kampionatit.
Juventusi shfrytëzoi mundësinë për të ngushtuar diferencën me rivalët, duke shënuar me Bremer, Jonathan David, Kenan Yildiz, Weston McKennie dhe Filippo Terracciano (autogol), për të shënuar një fitore të thellë ndaj skuadrës së Davide Nicolas.
“Kam parë Inter-Napoli dhe ata treguan futboll në nivel të lartë, me lojë të hapur dhe karakter, duke reflektuar idetë e trajnerëve të tyre. Ne duhet të përmirësohemi shumë për t’iu afruar këtij niveli,” deklaroi Spalletti pas ndeshjes.
Spalletti gjithashtu komentoi vendimet e diskutueshme të gjyqtarit dhe VAR-it, duke thënë se sipas tij asnjë nga penalltitë e dhëna gjatë ndeshjes nuk duhej të ishte ekzekutuar, por pranoi se skuadra e tij kishte kontrolluar lojën.
Me këtë fitore, Juventusi ngjitet në 39 pikë, duke u barazuar me Napolin dhe Romën, por ende ka më pak ndeshje të luajtura, ndërsa takimi i radhës do të jetë kundër Napolit të Antonio Contes.
Që nga marrja e detyrës në nëntor, Spalletti ka grumbulluar 24 pikë në Serie A me shtatë fitore, një më pak se lideri Inter, duke treguar përmirësime të dukshme, por ai thekson se për të arritur nivelin e Inter dhe Napolit, Juventusi ka ende rrugë për të bërë.
Spalletti është i fokusuar tek performanca e lojtarëve dhe përmirësimi i ekipit, duke hedhur poshtë mundësinë e rinovimit të kontratës së tij, e cila skadon më 30 qershor 2026.
“Këta lojtarë janë të fortë dhe të shpejtë, dhe ata do të na ndihmojnë të bëjmë përmirësimet e nevojshme për të konkurruar me ekipet më të mira në Serie A, si Napoli dhe Inter”, nënvizoi ai. /Telegrafi/
Login
