Për fat të keq rivali ishte shumë i fortë dhe nuk mund të bëhej asgjë.

Pavarësisht luhatjeve, Njukasëlli është kategori tjetër në krahasim me Bërnlin, dhe në stadiumin “Tërf Mur” u regjistrua humbja 1-3, ndërsa titullar ishte sërish Armando Broja.

Sulmuesi I kombëtares shqiptare ishte më I miri në fushë për vendasit, duke krjuar edhe golin e vetëm, apo më saktë duke dhënë asistin për autorin Xhosh Lorent.

Ylli kuqezi ishte që nga minuta e parë për të katërtën herë në pesë ndeshjet e fundit, dhe në dy sfida radhazi.

Broja u tregua tepër I lëvizshëm, sidomos kur kishte hapësirë në kundërsulme.

Forma e tij fizike është siç duhet dhe ka hyrë plotësisht në ritmin e lartë të futbollit anglez.

Mund të thuhet se Bërnli rrezikoi thuajse vetëm atëherë kur topi ishte në këmbët e shqiptarit, apo kur ai ishte pjesë e aksionit.

Armando dha asistin e parë këtë sezon në Premier Ligën angleze, ndërsa dy ndeshje më parë shënoi në barazimin 1-1 me Bornmuthin.

Një asist e ka edhe në Kupën e Ligës.

Momenti duket I shkëlqyer për Brojën që në 14 ndeshjet e para në kampionatin anglez luajti vetëm gjithsej 111’, mungoi tri herë për shkak dëmtimi, dhe tri herë ishte gjatë gjithë kohës në stol.

Armando Broja luajti titullar në ndeshjen Burnley-Everton, që u mbyll pa gola. Ekipi i sulmuesi shqiptar ishte më këmbëngulës për të gjetur golin, por nga 16 goditjet e realizuara, asnjë nuk gjeti kuadratin e portës. Broja luajti 88 minuta, duke i lënë vendin më pas Flemmingut. Burnley i Armando Brojës renditet në vendin e 19, me 12 pikë.

Source

Goli i shënuar nga Armando Broja në ndeshjen ndaj Bornmuthit, ka qenë i rëndësishëm për ekipin e Bërnlit që të ndalte serinë prej 7 humbjesh, e sidomos për vetë sulmuesin shqiptar.

Ai i dha fund një thatësie të gjatë para portës në Premier Ligë dhe tashmë mund të jetë më i qetë në kërkimin e kësaj vazhdimësie.

Ky realizim, përtej të tjerave, ka treguar se Broja njeh portën kundërshtare, ndaj në mediat britanike, parashikohet që ai të ketë në vijim rolin e titullarit në radhët e Bërnlit dhe jo ta nisë nga stoli si në ndeshjen e fundit.

Broja projektohet të jetë titullar në duelin kundër Evertonit këtë të shtunë, me Bërnlin që është në kërkim të tre pikëve në shtëpi për të ngjallur edhe një herë shanset e tij për mbijetesën.

Fakti që futbollisti shqiptar ka qenë në edicionin e kaluar pjesë e Evertonit në huazim, favorizon sulmuesin pasi njeh lojën e ekipit të Devid Mojes, teksa pritet që ai të shfrytëzojë më së miri njohuritë për pikat e dobëta që ka kundërshtari.

The post Goli i shënuar e bëri protagonist, projektohet rol kryesor për Armando Brojën appeared first on Albeu.com.

Armando Broja i sheh gjërat më me pozitivitet pas golit të tij të parë me fanellën e Bërnlit, të cilin e ndihmoi të merrte një barazim ndaj Bornmuthit. Sulmuesi, në një intervistë të dhënë për mediat e klubit, ka vlerësuar se ai dhe ekipi kanë dëshirën dhe urinë që duhet për të synuar mbijetesën në elitë.

“Bornmuth është një skuadër shumë e mirë, e dimë këtë. Janë shumë të vështirë për t’u përballur. I kemi parë disa nga rezultatet e tyre në këtë sezon, janë gjithmonë konkurrues edhe ndaj ekipeve të mëdha. Ndaj padyshim janë një ekip i vështirë dhe për ne ishte ndeshje e vështirë.

Por siç e thashë, të marrësh një pikë, që është e mirë pas 7 humbjesh, është një ndjesi e mirë për ne si një grup pasi është diçka mbi të cilën të mund të ndërtojmë. Thuajse e harruam se si ndjehesh por ishte një ndjesi fantastike që të siguronim një pikë dhe të shihnim para si grup. Padyshim një ndjesi fantastike për mua, por edhe i gjithë ekipi ishte i kënaqur, të gjithë ishin të përfshirë. Ndaj ndoshta paraqitja nuk ishte më e mira që kishim, por sa i përket rezultatit, ishte i mirë për ne që të ndërtonim mbi të dhe krijonim një ecuri.

Kemi pasur shumë vendosmëri në të gjithë ndeshjet që kemi luajtur, jo vetëm në këtë ndeshje. Ishte ndeshja në transfertë ndaj Mançester Junajtid ku humbëm me një gol diferencë, ndeshja në shtëpi ndaj Liverpulit ku humbëm me një gol të vonë. Kanë qenë disa ndeshje. Edhe me Fullhemin humbëm me një gol dhe mund ta shihje që ishim konkurrues, kishim cilësi, dëshirën, urinë, bashkimin që të qëndrojmë në Premier Ligë. Si një skuadër, si një grup, me djemtë çdo ditë, unë mund ta shoh te çdokush, të gjithë duan të mbijetojmë. Ky është kampionati më i mirë dhe padyshim që të gjithë duam që të jemi pjesë e këtij kampionati dhe të luajmë. Ndaj siç e thashë do të luftojmë në çdo ndeshje që të kemi mundësi. Dhe shpresoj që tani, pas këtij barazimi dhe kësaj pike, të ndërtojmë vazhdimësi. E kemi parë se sa shpejt ndryshojnë gjërat dhe ne do të qëndrojmë të bashkuar duke shpresuar që të ndryshojmë gjërat”, tha Broja në prononcimin e tij.

The post “Thuajse e kishim harruar ndjesinë”, Broja sheh gjërat ndryshe pas golit vendimtar: Dëshirë dhe uri për të qëndruar në kampionatin më të mirë appeared first on Albeu.com.

Faqja e specializuar e statistikave Trasfermarkt ka përditësuar gjatë ditës së sotme (e martë) vlerat e klubeve dhe lojtarëve në Albi Mall Superligën e Kosovës.

Klubi i Dritës ka skuadrën më të vlefshme në kampionatin elitar të Kosovës me 29 futbollistë që vlejnë 7.50 milionë euro, i pasuar nga Ballkani me 22 futbollistë që vlejnë 6.25 milionë euro dhe Prishtina e treta me një vlerë ekipi prej 5.68 milionë euro.

Por, kush janë lojtarët më të vlefshëm në Superligën e Kosovës pas përditësimit të fundit të vlerave?

Sipas faqes së specializuar të transferimeve dhe statistikave Transfermarkt, mesfushori i Ballkanit, Giovanni dhe sulmuesi i Dritës, Arb Manaj janë lojtarët më të vlefshëm me vlerë prej 800 mijë eurosh.

Giovanni pati rritje prej vetëm 50 mijë eurosh nga vlerësimi i fundit, ndërsa Manaj pati një ngritje të madhe prej 350 mijë eurosh, pasi më parë vlerësohej vetëm 450 mijë eurosh.

telegrafi.com

Pas tyre vjen Muhamet Hyseni i Llapit i treti me 650 mijë euro, ndërsa Senad Jarovic (Gjilani), Raddy Ovouka (Drita), Albert Dabiqaj (Drita) dhe Valentin Serebe (Ballkani) kanë vlerë prej 600 mijë eurosh.

Pozita e tetë dhe nëntë mbahet nga Etnik Brruti (Malisheva) dhe Rron Broja (Drita) me vlerë prej 550 mijë eurosh, ndërsa Mario Ilievski (Prishtina), Arlind Aliu (Malisheva), Egzon Bejtullai (Drita), Almir Ajzeraj (Drita) dhe Almir Kryeziu (Ballkani) vlerësohen nga 500 mijë euro.

Në pozitën e 15-të renditet Laurent Xhylani (Malisheva) me vlerë prej 450 mijë eurosh, po aq sa vlen edhe Walid Hamidi (Ballkani). /Telegrafi/

TIRANË, 22 dhjetor /ATSH/ Futbollistët e Kombëtares shqiptare kanë zhvilluar një tjetër javë pozitive me klubet e tyre respektive, duke dhënë kontribut të rëndësishëm në kampionatet ku aktivizohen.

Pas një periudhe të gjatë, Armando Broja u rikthye te goli në kampionatin anglez. Sulmuesi i Kombëtares shqiptare e nisi nga stoli ndeshjen ndaj Bournemouth në transfertë, ndërsa në minutat e fundit realizoi golin e barazimit me kokë, duke i siguruar një pikë të rëndësishme ekipit të tij, Burnley.

Në Itali, Torino regjistroi një tjetër fitore në kampionat, me dy futbollistë të Kombëtares shqiptare në formacionin titullar. Ardian Ismajli dhe Kristjan Asllani dhanë një kontribut të rëndësishëm në suksesin e skuadrës, e cila mori tri pikë shumë të vlefshme në transfertën ndaj Sassuolos.

Një paraqitje pozitive zhvilloi edhe Arbër Hoxha me Dinamo Zagreb. Pavarësisht se nuk arriti të shënonte, ai kontribuoi në fitoren e radhës në kampionat ndaj Lokomotiva Zagreb. Pas përfundimit të javës së 18-të, Dinamo Zagreb kryeson renditjen me 38 pikë.

Titullarë këtë javë ishin gjithashtu Thomas Strakosha, Ivan Balliu, Ardian Ismajli, Kristjan Asllani dhe Qazim Laçi. Ndërkohë, nga stoli dhanë kontributin e tyre Adrion Pajaziti, Ernest Muçi dhe Indrit Tuci.

/gj.m/a.f/

The post Paraqitja e Legjionarëve, Broja rikthehet te goli në Premier League appeared first on Agjencia Telegrafike Shqiptare.

Sulmuesi Armando Broja e ka falënderuar bashkëlojtarin për asistin perfekt, pasi i dha fund ecurisë negative pa gol.

Broja bëri heroin në barazimin 1-1 të Burnleyt ndaj Bournemouth, duke shënuar në “frymën e fundit” për t’ia fituar një pikë skuadrës së tij.

Për yllin shqiptar ky ishte goli i parë pas afro dy viteve, ndërsa falënderoi Marcus për asistin, kurse tani është i motivuar për të vazhduar me këtë formë.

“E pashë Marcus që të merrte topin dhe e pashë që e dërgoi topin në këmbën e majtë. E di që ai ka një “sy shumë të mprehtë” për të dhënë asist dhe ishte një dhuratë perfekte. Nuk kisha shumë punë për të bërë aty, duhej vetëm që të hapja pak hapësirë për veten time”.

“Ishte një asistim perfekt dhe isha shumë i lumtur kur e pashë topin që të hynte në rrjetë. Kjo do të thotë shumë për mua, tani duhet të vazhdoj dhe uroj që të shënoj akoma më shumë gola të tjerë”, deklaroi ai.

Ndërkohë, Burnley këtë edicion në Ligën Premier po lufton për mbijetesë, ku aktualisht është gjashtë pikë larg pozitës së 17-të, të cilin e zë Nottingham Forest./Telegrafi/

Armando Broja la shenjën e tij në Premier Ligë me golin e parë të tij që kur i është bashkuar skuadrës së Burnleyt. Një gol me peshë pasi ndali serinë prej 7 humbjesh radhazi të ekipit, duke siguruar barazimin 1-1. Dhe natyrshëm për Brojën kanë ardhur edhe vlerësimet në shtypin anglez. Portali pranë klubit, “Burnley […]

The post Goli i parë me fanellën e Burnleyt, ja si u vlerësua Armando Broja nga mediat angleze appeared first on BoldNews.al.

Shpresohet shumë të jetë çliruar përfundimisht. Po ashtu, që të mos pengohet nga lëndimet e vazhdueshme.

Armando Broja u kthye te goli në Premier Ligën e Anglisë pas më shumë se dy viteve.

Sulmuesi I kombëtares shqiptare shënoi në minutën e fundit në sfidën e elitës angleze duke I dhënë barazimin 1-1 skuadrës së tij, Bërnli në ndeshjen ndaj Bornmuthit.

Futbollisti kuqezi u aktivizua në minutën e 65-të, por kjo nuk e pengoi të ishte vendimtar dhe Bërnli shmangu humbjen e 7-të radhazi në kampionat, që do të kishte qenë një rekord.

Broja kishte shënuar në Premier Ligën angleze për herë të fundit në tetor të vitit 2023, ndërsa prej kohësh vuan për shkak të dëmtimeve.

Në janar 2024 realizoi në Kupën e Anglisë me Çelsin, ndërsa tek Fulhami dhe Evertoni nuk e pati këtë përvojë.

Shpresohet që ylli shqiptar të mos ketë probleme fizike, dhe që ky gol t’i japë më shumë besim për t’u kthyer në nivelet e dikurshme, kur cilësohej si një nga të rinjtë më të mirë në futbollin anglez.

Bërnli duket etapa e duhur për të ecur përpara dhe trajneri Skot Parker e ka vlerësuar se shqiptari është tani në formën më të mirë.

Armando Broja, kishte 810 ditë kishte pa provuar shijen e një goli në Angli, një “përjetësi”, një “letargji” shumë e gjatë që u “thye” më në fund ndaj Bournemouth.

“Bomberi” kuqezi “shpërtheu” në festë, së bashku me të edhe tifozët shqiptar kudo në botë, kjo pasi Broja ka qenë dhe mbetet shpresa e madhe për të na dërguar në Botëror, një lojtar me një potencial të jashtëzakonshëm, por fati i keq dhe dëmtimet e shumta kanë zbehur karrierën e një ylli.

Në këtë takim, Broja ishte projektuar si titullar, por në fund trajneri Paker e hodhi në fushë në minutën e 65-të.

Pas vetëm 2 minutash, Burnley e gjeti vetën në dizavantazh. Atëherë kur gjërat po shkonin drejt fundit, në minutën e 90-të, Broja u shërbye në zonë dhe me një goditje të saktë me kokë dërgoi topin në rrjetë duke realizuar një gol me shumë peshë, jo vetëm për të, por edhe për ekipin, për trajnerin, me këtë të fundit që rrezikonte shkarkimin në rast humbje. Festa ishte e madhe në radhët e Burnley për këtë pikë që i jep pak shpresë për të shpëtuar sezonin.

Në fund të ndeshjes, e gjithë vëmendja ishte te Broja, me këtë të fundit që nuk e fshehu lumturinë për golin e tij të parë me fanellën e Burnley, duke ia dedikuar tifozëve: “Jam mbi re që shënova golin e parë, vlen sa e gjithë bota për mua.

Shpresoj të ketë qenë e njëjta gjë edhe për ju. E pashë reagimin tuaj dhe do të thotë shumë për mua. Jeni të mrekullueshëm. Kjo pikë do të thotë shumë për ne, por shpresoj të kemi vazhdimësi dhe të shtyjmë përpara, faleminderit”, u shpreh Broja në reagimin e tij.

I kënaqur për këtë pikë u shfaq edhe trajneri Scott Parker: “Është një pikë e shkëlqyer për ne, e merituam. Jam i kënaqur për zëvendësuesit që hynë në fushë. Ishte një krosim i shkëlqyer nga Marcus dhe një përfundim i shkëlqyer nga Armando. Të dy dhanë një kontribut të madh dhe jam i kënaqur për të dy djemtë, por në përgjithësi jam i kënaqur për grupin”, u shpreh trajneri Scott Parker.

The post Jam mbi re, Armando Broja në “qiellin e shtatë” pas golit të parë me Burnley, e duartroket edhe trajneri Parker: Ishte i shkëlqyer (VIDEO) appeared first on Albeu.com.

Trajneri i Bërnlit, Skot Parker, ka qenë i lehtësuar pasi ka parë skuadrën e tij te dilte me një pikë nga fusha e Bornmuthit, në barazimin 1-1 që u vulos nga goli i Armando Brojës në minutën e 90.

Sulmuesi shqiptar e nisi ndeshjen nga stoli, ashtu si edhe Markus Eduards i cili dha asistin për këtë gol të tij dhe trajneri Skot Parker ka pranuar me humor pas sfidës se tani pret kritika se pse nuk i futi të dy që nga fillimi i sfidës.

“Kishte shumë trysni mbi ne dhe padyshim e theksova edhe në konferencën para ndeshjes që kemi qenë shumë pranë rezultatit dhe se si kemi pësuar gola idiotë. Ndaj ky progres, kishte diçka te ne sot që më pëlqeu dhe shkuam në këtë drejtim dhe morëm diçka nga ndeshja, që ishte shumë e kënaqshme, edhe pse në fundin e ndeshjes, nuk i dihet kurrë.

Goli nga dy zëvendësues? Një kontribut masiv, nuk e di a do të marr lëvdata për këtë, me shumë mundësi e kundërta. Me shumë mundësi do të pyesin pse nuk i futa nga fillimi dhe e kuptoj këtë. Por vlerësim maksimal për dy djemtë, absolutisht , jam super i lumtur për ta”, tha Parker pas ndeshjes që i dha fund serisë prej 7 humbjeve radhazi në kampionat.

The post Broja si zëvendësues ishte vendimtar me gol, trajneri i Bërnlit: Me shumë mundësi nuk do marr lëvdata për këtë appeared first on Albeu.com.

LONDËR, 20 dhjetor /ATSH/ – Goli i parë i Armando Brojas për Burnleyn i dha fund serisë së mjerueshme të humbjeve të ekipit, me një barazim dramatik në fund të ndeshjes kundër Bournemouth, sipas burnelyexpress.com.

Nënshkrimi i madh i verës erdhi nga stoli për të shënuar me kokë në minutën e fundit të kohës së rregullt dhe për të barazuar 1-1.

Marcus Edwards, një tjetër zëvendësues, ishte gjithashtu shumë i përfshirë në gol, duke ofruar një cilësi shumë të nevojshme me një krosim joshës, që do të thotë se Brojës i duhej vetëm një prekje e vogël për të kapur cepin e poshtëm të portës.

”Qershitë”, siç quhen ndryshe lojtarët e Bornemouthit dukeshin se kishin epërsi në një lojë të dobët, pa asnjë cilësi të vërtetë, kur Antoine Semenyo shënoi në mes të pjesës së dytë.

Por, goditja me kokë e Brojës solli pak gëzim për t’i dhënë Burnleyt pikën e parë në ligë që nga 26 tetori./  a.jor.

The post PL – Broja shpëton Burnleyn nga seria turpëruese e humbjeve appeared first on Agjencia Telegrafike Shqiptare.

Burnley ka luajtur baras me rezultat 1-1 në udhëtim ndaj Bournemouth në kuadër të javës së 17-të në Ligën Premier.

Skuadra e drejtuar nga Scott Parker po kalon në një krizë të madhe të rezultateve këtë sezon dhe ia dolën të evitojnë humbjen krejt në fundin e ndeshjes.

Autor i golit për mysafirët në këtë sfidë ishte Armando Broja, i cili pasi u fut në lojë në minutën e 65-të, ia doli të realizojë në minutën e 90-të për rezultatin përfundimtar 1-1.

Për Brojën, ky ishte goli i tij i parë këtë edicion në kampionatin anglez, teksa ka 11 ndeshje të luajtura deri më tani.

Pavarësisht se për Brojën ky gol mund të jetë një sinjal pozitiv për vazhdimësinë e kampionatit, për skuadrën e tij kjo ishte ndeshja e tetë radhazi pa fitore.

Burnley aktualisht pozicionohet në pozitën e parafundit në tabelë (19) me 11 pikë të grumbulluara, teksa xhiron e ardhshme do të jenë nikoqir të Evertonit./Telegrafi/

Armando Broja mund të kishte festuar sot dyfish në ndeshjen mes Bornmuthit dhe Bërnlit. Sulmuesi shqiptar u fut në fushën e lojës si zëvendësues në minuat e fundit dhe në minutën e 90, shënoi golin e barazimit përfundimtar 1-1 (Goli i Brojës: VIDEO).

Por në shtesën e takimit, Broja kishte një mundësi të artë për të shënuar edhe golin e dytë. Pas një topi të gjatë, ai kaloi në duel shpejtësie mbrojtësin që e mbulonte, teksa detyroi portierin Petroviç, i cili e njeh mirë nga vitet bashkë te Çelsi, që të dilte nga zona dhe për përplasej me sulmuesin.

Rasti i dyte prane golit: VIDEON

Është e pabesushme, por Broja nuk shënonte gol në Angli që nga 6 janari i vitit 2024. Asokohe Çelsi u përball me Preston në Kupën FA, ndërsa Broja realizoi në fitoren 4 me 0.

Goli në Premier Ligë ndërkohë mungonte nga 2 tetori i vitit 2023. Kjo kohë e gjatë prej dy vitesh është e kushtëzuar edhe nga dëmtimet që Broja ka kaluar.

Për Brojën duket se u thye një mallkim. Interesant është fakti se gëzoi pikën e parë me Bërnlin, që po shkon drejt rënies nga kategoria. Në dhjetë ndeshjet e mëparshme ku ka fituar minuta, Broja ishte larguar vetëm me humbje nga fusha e blertë.

The post VIDEO/ Jo vetëm goli në minutën e 90, Broja “ndezi motorin” dhe iu afrua të dytit në shtesë appeared first on Albeu.com.

Legjenda e Kombëtares dhe e skuadrës së Flamurtarit Sokol Kushta ishte i ftuar në emisionin “Mega Sport”, A2CNN. Ish-sulmuesi vlonjat ka trajtuar temën për formën e sulmuesëve shqiptar.

“Momentalisht, për mua Vedat Muriqi është sulmuesi më i mirë shqiptar. Ai jo vetëm luan në La Liga, por është edhe mes golashënuëve kryesor.

Talente kemi edhe te Milani e Juventus, pra është gjë e mirë, ama duhet të presim për të ardhmen”, u shpreh Kushta.

The post Legjenda e Kombëtares Sokol Kushta “injoron” Armando Brojën me shokë, vlonjati zgjedh “bomberin” shqiptar më të mirë appeared first on Albeu.com.

Rapinha është rikthyer si hero për Barcelonën. Braziliani, i cili kaloi një periudhë të gjatë dëmtimi, është rikthye të jetë në formën më të mirë, pasi realizoi të dy golat në fitoren e vështirë 2-0 kundër Ossasuna-s. Në Camp Nou pjesa e parë nuk pati gola, ndërsa në të dytën braziliani zhbllokoi shifrat në minutën e 70 para se të dyfishonte pak çaste më pas. Barcelona vijon e qetë në krye të La…

Source

Vetëm 16 gola në 15 javë të Premier League, ky është bilanci aspak premtues i ekipit të Burnley. Bordi nuk është i kënaqur dhe janë gati t’i shtojnë opsionet trajnerit Scott Parker për merkaton e dimrit.

Favoritë për të mbërritur te Burnley është sulmuesi i Union Berlin, Andrej Ilic, sipas gazetarit Pete O’Rourke. Ai mban profilin e qendërsulmuesit, është 25 vjeç dhe e ka bërë debutimin me përfaqësuesen serbe kundër Shqipërisë më 11 tetor të 2025 në Levskovs.

Ilic ka kontratë me berlinezët deri në verën e vitit 2027, ndërsa kartoni i lojtarit në fjalë arrin deri në 6 milionë euro. Fakti që Burnley ndodhet në pozitën e parafundit të tabelës së elitës në futbollin anglezë, e bën “detyrim” përforcimin në merkaton e janarit.

Nëse Ilic vendoset nën urdhërat e trajnerit Parker, do të nënkuptojë “sfidë” për dy “pykat” e ekipit, Armando Brojën dhe Zian Flemming.

The post E bujshme, Burnley sfidon sulmuesin kuqezi Armando Broja me një sulmues serb appeared first on Albeu.com.

Vendi në formacion në ndeshjen e shkuar ishte një surprizë. Por paraqitja e Armando Brojës si titullar për hetë të parë në këtë sezon me Burnley ishte pozitive. Pavarësisht humbjes me Neëcastle, sulmuesi kuqezi ishte një nga më të mirët për skuadrën e tij dhe për këtë mori vlerësime nga mediat angleze dhe mbi të gjitha nga trajneri Scott Parker.

Për të gjitha këto, Armando Broja pritet të marrë një tjerër dhuratë të parakohshme në këtë fundviti. Ai pritet të zbresë sërish nga minuta e parë në ndeshjen që Burnely do të luajë këtë të shtunë në fushën e tij kundër Fulham.

Një tjetër shans në këmbët e sulmuesit të kombëtares së Shqipërisë, për të kthyer sërish karrierën e tij në shinat e duhura. Duke qëndruar në raportimet e mediave angleze, trajneri Parker do të mbështetet sërish te Broja për sfidën e ardhshme, duke preferuar atë në vend të sulmuesit tjetër Ziam Fleming.

Kjo do të ishte ndeshja e dytë si titullar për 24 vjeçarin, që përpara fundjavës së shkuar kishte luajtur si zëvendësues në tetë sfida, në një total prej 110 minutash në Premier League. Vetëm një Kupën e Ligës ishte aktivizuar më shumë, duke dhënë edhe një asist.

Rikthimi në formacionin e Burnley është një lajm i mirë edhe për kombëtaren e Shqipërisë dhe trajnerin Sylvinho, që shpreson të ketë në formë të gjithë futbollistët deri në muajin mars kur do të kthehet të fushë për sfidat e play of të “Botërorit 2026”. /abcnews.al

Vetëm pak ditë më parë, Armando Broja luajti ndeshjen e parë si titullarë me Burnley në Premier League ndaj Newcastle. Sulmuesi i Kombëtares bëri një paraqitje mjaft pozitive, gjë të cilën e ka konfirmuar së fundmi edhe trajneri, Scott Parker.

45 –vjeçari menjëherë pas zëvendësimit të shqiptari shkoi për ta takuar, duke i lënë të kuptohej se kishte bërë një sfidë të mirë. Dhe pikërisht ditën e sotme në konferencën për shtyp theksoi se ishte jashtëzakonisht i kënaqur me liderin e Kombëtares shqiptare.

Madje u shpreh se ndaj Newcastle, broja ishte pikërisht futbollisti që i duhej lojës, për të shfrytëzuar mirë hapësirat që kundërshtari linte mbrapa. Ndër të tjera u shpreh se luftoi i vetëm në majën e sulmit pas daljes me karton të kuq të Lucas Pires.

“Unë isha më të vërtetë i kënaqur me të, me të vërtetë. Mendoj se ishte versioni më i mirë që kemi parë nga Armando.

Ai luajti ndeshjen e parë si titullar dhe të jem i sinqertë mendoj se ishte super. Në fillimin e ndeshjes, kur ishim 11 kundër 11, ai ishte një platformë për ne, na dhuroi diçka. E bëri edhe kur mbetëm me 10, kur ajo vijëza e energjisë fillon e bie në atë momente, kur je një numër 9 aty para i vetëm dhe mund të humbasësh entuziazmin pasi po lufton i vetëm atje. Por e përsëris, ai ishte super, ndaj jam shumë i lumtur për të.

Rotacion apo zgjedhje? Pak nga të dyja. Mendova se kishim nevojë që të freskonim gjërat pak pas një jave të ngarkuar. Por gjithashtu ndjeja se në këtë ndeshje ndaj një skuadre si Newcastle, do të na duhej të shfrytëzonim hapësirën që linin pas krahëve, ndaj na duhej ai lloj profili lojtari. Siç e thashë, funksionoi mirë”, ka theksuar timonieri i Burnley.

The post “Isha vërtet i kënaqur me të”, trajneri i Burnley elozhe Armando Brojës: Ndeshja e parë si titullar ishte super, na duhej pikërisht ky lojtar appeared first on Albeu.com.

Redaksia e sportit në mediumin më të madh online në Kosovë, Telegrafi.com do të vazhdojë traditën për të zgjedhur më të mirët e vitit në futbollin kosovar.

Si gjithmonë do të ndahen çmimet për secilën pozitë: portieri, mbrojtësi, mesfushori, sulmuesi e talenti i vitit duke mos harruar edhe trajnerin e vitit dhe futbollisti i vitit.

Gjithashtu në çmimet që ndahen nga Telegrafi janë edhe 'Futbollistja e vitit' dhe klubi më i mirë për vitin 2025.

Duke marrë parasysh që lexuesit janë të shenjtë për ne, Telegrafi tanimë për vitin e tretë do të ndajë edhe çmimin e lexuesve.

Telegrafi Sport zgjedh më të mirët e vitit 2024 në Superligën e Kosovës

Telegrafi ka zgjedhur 20 emra të futbollistëve që kanë lënë gjurmë brenda vitit 2025 në futbollin kosovar dhe që janë ende pjesë e futbollit tonë, ku votat e lexuesve do ta zgjedhin më të mirin.

Sondazhi i Telegrafit do të zgjatë 10 ditë, ku është krejtësisht transparent dhe lexuesit do ta zgjedhin më të mirin e vitit.

Vlen të theksohet se vitin e kaluar këtë çmim e fitoi sulmuesi Drilon Hazrollaj, që aktualisht luan në Rumani te Rapid Bukureshti. /Telegrafi/