Në Divjakë, fermerët po vjelin perimet dimërore. Por prodhuesit po hasin vështirësi në gjetjen e tregut. Fushat e mbjella me lakra janë plot. Një pjesë e prodhimit është prishur pasi duhej të ishte shitur më herët.

Pikat e grumbullimit nuk po marrin perimet pasi eksportet janë të pakta. Në këtë situatë ka ndikuar edhe greva e kamionistëve të vendeve të Ballkanit.

Një hektar lakër sot bismilah, dhe me çmim qesharak. Shpenzime që nuk marrim as mundin e krahëve tona, lëri tjerat”, thotë një banor.

“S’do na ngeli gjë, por të paktën të nxjerrim shpenzimet”, shprehet një tjetër.

Probleme me shitjen ka edhe për prodhime të tjera si panxhari i kuq, qepa apo patatja. Fermerët e kanë të vështirë të gjejnë tregun.

Divjaka është zona nga ku eksportohen më shumë prodhime, si drejt vendeve të rajonit, ashtu edhe drejt shteteve të Bashkimit Evropian.

Klan

Në lartësi mbi 1000 metër mbi nivelin e detit, në Malësi të Madhe, janë rikthyer reshjet e borës. Borë bie gjithashtu edhe në zonat e Bogës dhe Thethit, dy destinacione shumë të frekuentuara gjatë dimrit nga turistët vendas dhe të huaj.

Kompanitë kontraktore të mirëmbajtjes së rrugëve janë në gatishmëri, ndërhyjnë menjëherë për pastrimin e borës, zgjerimin e aksit të lëvizjes dhe, aty ku është e nevojshme, kriposjen për të parandaluar krijimin e shtresës së akullit.

Pavarësisht reshjeve, nuk janë raportuar probleme në qarkullimin e mjeteve motorike në këto akse rrugore. Përdoruesit e rrugëve këshillohen të tregojnë kujdes të shtuar gjatë lëvizjes, të përdorin goma dimërore dhe zinxhirë për të shmangur ngjarje të pakëndshme.

Ato duan një bebe të ëmbël, një burim dashurie pa kushte, një arsye për t’u ndjerë të nevojshme.

Por bebet rriten dhe bëhen individë më vete, me identitetin e tyre, mendimet e tyre, preferencat e tyre dhe rrugën e tyre.

Nëse sjell një fëmijë në jetë për të mbushur boshllëkun tënd, do të përfundosh në hidhërim dhe thyerje zemre.

Mëmësia nuk ka të bëjë me adhurimin, por me një akt shërbimi pa egoizëm.

Ti je ‘rojtari’ i zgjedhur i tyre, e besuar për t’i sjellë dhe shoqëruar në këtë botë.

Prandaj pyete veten: pse dua të bëhem nënë?

Nëse përgjigjja është ‘për t’u dashur’, ndalu. Kjo është një nevojë që duhet ta plotësosh vetë, jo fëmija yt.

Një fëmijë nuk është shpëtimi yt. Ai është një qenie që po bëhet vetvetja.

Mëmësia nuk është një zbrazëti që kërkon të mbushet, por një përgjegjësi që kërkon të mbahet me dashuri.

Një fëmijë nuk vjen në jetë për të na shpëtuar, për të na shëruar apo për të na dashur pa kushte.

Ai vjen për t’u bërë vetvetja.

Të jesh nënë do të thotë të duash pa poseduar,

të udhëzosh pa kontrolluar,

të qëndrosh pranë pa u bërë barrë.

Një fëmijë nuk është përgjigjja e mungesave tona.

Është një jetë më vete, me rrugën e tij.

Dhe dashuria më e madhe është ta lësh të ecë…

The post Shumë gra bëhen nëna për arsye të gabuara… appeared first on iconstyle.al.

Prej të paktën 4 orësh aksi rrugor Librazhd- Përrenjas është i bllokuar si pasojë e rrëshqitjeve masive të dheut dhe gurëve që kanë bllokuar të dyja drejtimet e e qarkullimit në vendin e quajtur Dragostunjë.

Policia Rrugore e Elbasanit ndodhet në vendngjarje sipas njoftimit zyrtar dhe po bashkëpunon me firmën kontraktore për mirëmbajtjen e rrugëve, me qëllim  pastrimin e sa më shpejtë të akseve dhe rifillimin e qarkullimit.

Nga ana tjetër, u bëhet thirrje drejtuesve të mjeteve të shmangin këtë aks rrugor deri në përmirësimin e kushteve.

Përballë ngopjes së destinacioneve klasike evropiane, media spanjolle “El País” rekomandon Shqipërinë për turistët që kërkojnë pushime më të lira dhe ku nuk ka turizëm masiv.

Përballë turizmit masiv në destinacionet klasike evropiane, vende si Shqipëria, Mali i Zi, Maqedonia e Veriut, Kosova dhe Bullgaria po fitojnë terren në mesin e turistëve që kërkojnë pushime më të lira dhe më pak të populluara.

Kështu shkruan në një artikull të sajin e përditshmja spanjolle “El Pais”.

Vendet e Ballkanit vazhdojnë të thyejnë rekordin me numrin e lartë të turistëve. Më shumë se 1.1 miliardë turistë udhëtuan në vendet ballkanike midis janarit dhe shtatorit 2025, sipas raportit të fundit të Barometrit Botëror të Turizmit, të kryer nga OKB-ja.

Mes vendeve ballkanike, Shqipëria rekomandohet si destinacioni i parë për të shijuar një udhëtim gjatë vitit 2026.

E njohur si Toka e Shqiponjave, Shqipëria po bëhet gjithnjë e më popullore. Nuk është çudi që në vitin 2025 ajo priti mbi 12 milionë turistë, një shifër pothuajse pesë herë më e madhe se popullsia e saj.

Tirana i bashkohet listës së kryeqyteteve evropiane më të vizituara nga turistët, pjesërisht falë aeroportit që ndodhet aty. Turistët mund të bëjnë një shëtitje nëpër Sheshin Skënderbej, sheshin kryesor të qytetit, të vizitojnë Xhaminë Et’hem Beu, Muzeun Kombëtar ose Bibliotekën Kombëtare.

Shqipëria gjithashtu krenohet me thesare arkeologjike si Parku Arkeologjik i Butrintit dhe qytete të bukura historike si Berati dhe Gjirokastra. Nëse jeni duke kërkuar një vend të izoluar, Thethi është porta hyrëse për në Alpet Shqiptare dhe fshatin e bukur të Valbonës.

Sipas artikullit, një numër më i madh turistësh tërhiqen nga Riviera Shqiptare, falë plazheve të saj magjepsëse. Riviera Shqiptare shtrihet midis Vlorës dhe Sarandës në detin Jon, me ujëra kristal të pastër, bukuri natyrore dhe çmime të arsyeshme. Vendet kryesore përfshijnë Ksamilin, Gjirin e Dafinës dhe Syrin e Kaltër.

Një baticë e fortë e pazakontë është shfaqur në orët e para të mëngjesit (rreth orës 02:45) në gjirin e Vlorës. Uji i detit ka avancuar drejt tokës duke depërtuar në disa zona pranë qendrës së peshkimit në Radhimë, ndërsa varkat e ankoruara janë tendosur fort nga litarët për shkak të ngritjes së menjëhershme të nivelit të detit.

Uji ka vërshuar edhe në magazinat pranë portit të peshkimit, duke krijuar një situatë shqetësuese, duke prekur mjetet dhe pajisjet e punës së peshkatarëve.

Rritja e nivelit të detit ka qenë dukshëm më e madhe se baticat e zakonshme, duke arritur gati në 1 metër, madje edhe më shumë. Një tjetër element shqetësues ka qenë edhe fakti se disa peshq janë parë të dalë në tokë, një fenomen që zakonisht ndodh gjatë detit të trazuar ose ndryshimeve të forta të nivelit të ujit.

Zakonisht niveli i baticës dhe zbaticës është 40–60 centimetra, por A2 CNN raporton se këtë herë ka qenë afro 1 metër.

Rruga Librazhd-Qafë Thanë është bllokuar në të dyja drejtimet. Shkak është bërë një rrëshqitje e masivit të dheut dhe e gurëve nga mali në vendin e quajtur Dragostunjë.

“Shërbimet e Policisë Rrugore ndodhen në këtë zonë dhe po bashkëpunojnë me firmën kontraktore të mirëmbajtjes së rrugëve për pastrimin në një kohë sa më të shpejtë të aksit rrugor me qëllim fillimin e lëvizjes së automjeteve”, njoftoi policia.

Uniformat blu i bëjnë thirrje qytetarëve që duan të shkojnë drejt Korçës ose anasjelltas të shmangin lëvizjen deri në një njoftim të dytë për hapjen e rrugës.

Përballë turizmit masiv në destinacionet klasike evropiane, vende si Shqipëria, Mali i Zi, Maqedonia e Veriut, Kosova dhe Bullgaria po fitojnë terren në mesin e turistëve që kërkojnë pushime më të lira dhe më pak të populluara, shkruan Elena Horrillo në një artikull të botuar në të përditshmen spanjolle “El Pais”.

Vendet e Ballkanit vazhdojnë të thyejnë rekordin me numrin e lartë të turistëve. Më shumë se 1,1 miliardë turistë udhëtuan në vendet ballkanike midis janarit dhe shtatorit 2025, sipas raportit të fundit të Barometrit Botëror të Turizmit të kryer nga OKB-ja për TurizminTë dhënat treguan se numri i turistëve ishte 5% më shumë se në të njëjtën periudhë të vitit 2024 dhe 3% më shumë se në vitin 2019, vitin para pandemisë.

E gjithë kjo, për shkak të inflacionit të lartë në shërbimet turistike dhe situatës gjeopolitike globale që nuk është aspak e qetë.

Pushimet në destinacione më të përballueshme dhe më pak të mbushura me turistë, të cilat kanë qenë gjithmonë nën radarin e vizitorëve, tani po renditen gjithnjë e më shumë mes vendeve të preferuara të turistëve.

Sipas raportit të fundit të “Skyscanner”, dëshira për të udhëtuar jashtë vendit vazhdon të rritet, por më shumë se një e treta e turistëve (34%) kërkojnë në mënyrë aktive të shmangin zonat e mbipopulluara dhe 31% planifikojnë të vizitojnë vende të njohura, por vetëm jashtë sezonit turistik.

Një përqindje e ngjashme e turistëve thotë se mbipopullimi ka ndikuar negativisht në përvojën e tyre të udhëtimit.

Në sferën e pushimeve të fundjavës ose pushimeve tre ose katër ditore – sipas “eDreams”, turistët po shikojnë drejt destinacioneve evropiane më të përballueshme, por më pak turistike, dhe kjo mbetet një trend në rritje.

Duke pasur parasysh këta faktorë, Ballkani po e vendos veten si një destinacion në zhvillim në hartën e turizmit.

Sipas të dhënave të ofruara nga “Booking.com”, të gjitha destinacionet në këtë rajon kanë potencial të konsiderueshëm rritjeje deri në vitin 2026, veçanërisht gjatë muajve të verës.

Bullgaria kryeson, me një rritje tprej 44% krahasuar me të njëjtën periudhë në vitin 2025, e ndjekur nga Maqedonia e Veriut, me 35%. Kosova (23%), Shqipëria (20%), Mali i Zi (17%) dhe Serbia, me 3%.

Jo çuditërisht, Tirana, kryeqyteti i Shqipërisë, është ndër destinacionet e zgjedhura nga “Skyscanner” me çmimet më të përballueshme prej disa muajsh, dhe Shkupi, kryeqyteti i Maqedonisë së Veriut, është një nga vendet e rekomanduara për vitin 2026 – pasi kombinon në mënyrë të përkryer sharmin oriental të pazarit të vjetër osman me një qendër monumentale neoklasike të rinovuar.

Shqipëria

E njohur si Toka e Shqiponjave, Shqipëria po bëhet gjithnjë e më popullore. Nuk është çudi, që në vitin 2025 ajo priti 12 milionë turistë, një shifër pothuajse pesë herë më e madhe se popullsia e saj.

Tirana i bashkohet listës së kryeqyteteve evropiane më të vizituara nga turistët, pjesërisht falë aeroportit që ndodhet atje.

Turistët mund të bëjnë një shëtitje nëpër Sheshin Skënderbej, sheshin kryesor të qytetit, të vizitojnë Xhaminë Et’hem Behut, Muzeun Kombëtar ose Bibliotekën Kombëtare.

Megjithatë, nëse ka një vend që ia vlen vërtet të eksplorohet, është Bunk’Art 2, një bunker bërthamor i shndërruar në muze për të përkujtuar epokën e diktaturës së Enver Hoxhës.

Shqipëria gjithashtu krenohet me thesare arkeologjike si Parku Arkeologjik i Butrintit – me banjot termale dhe teatrin romak – dhe qytete të bukura historike si Berati dhe Gjirokastra.

Nëse jeni duke kërkuar një vend të izoluar, Thethi është porta hyrëse për në Alpet Shqiptare dhe fshatin e bukur të Valbonës.

Megjithatë, padyshim një numër më i madh turistësh tërhiqen nga Riviera Shqiptare, falë plazheve të saj magjepsëse.

E ashtuquajtura Riviera Shqiptare, në jugperëndim dhe e lagur nga deti Jon, shtrihet midis Vlorës dhe Sarandës me ujëra të kristalta, bukuri natyrore mahnitëse dhe çmime të arsyeshme.

Vendet kryesore përfshijnë Ksamilin, Gjirin e Dafinës dhe Syrin e Kaltër, një burim që, krenohet me ujërat mbresëlënëse ngjyrë bruz.

https://elpais.com/extra/fitur/2026-01-23/hacia-los-balcanes-mas-inexplorados.html

TIRANË, 1 shkurt /ATSh/ Mirëqënia shëndetësore e ndërlidhur me bukurinë fizike tashmë ka tërhequr vëmendjen prej vitesh edhe të qytetarëve shqiptarë, shumë prej të cilëve i drejtohen klinikave për ndërhyrje estetike por edhe që përmirësojnë të ndjerit mirë me veten.

Një prej këtyre klinikave është edhe Repeat Clinic, pjesë integrale e Repeat Group.

Sipas drejtuesve dhe sipërmarrësve të qendrës, klinika po konsolidohet si një nga qendrat më të avancuara të Wellness-it dhe mjekësisë rigjeneruese në vend, duke ofruar një qasje të integruar ndaj shëndetit, bukurisë dhe jetëgjatësisë.

Të ftuar në podkastin “Flasim” me kryeministrin Edi Rama, përfaqësues të klinikës treguan se Repeat është është themeluar në qershor të vitit 2017 me një filozofi të fortë për jetesën e shëndetshme.

“Klinika mjekësore Repeat është pjesë integrale e Repeat Group. Repeat Grup është themeluar rreth një dekadë në qershor 2017. Ka lindur si biznes me një filozofi shumë të fortë për jetën e shëndetshme. Ka nisur fillimisht me aktivitetin fizik, më pas me ushqimin e shëndetshëm, klinika është hapur në tetor të 2018 dhe më pas është finalizuar me shkollën e parë të instruktorëve.

“Repeat-përsëritje, nuk është vendosur pa arsye, ka të bëjë me disiplinën dhe qëndrueshmërinë. Kujdesi ndaj vetes nuk është destinacion, por është një proces dhe le të themi se është procesi më i rëndësishëm jetësor në jetën e njeriut”, tha përfaqësueja e klinikës.

Në Repeat Clinic ofrohen shërbime të avancuara të mjekësisë rigjeneruese, trajtime medikale dhe plane të personalizuara që synojnë përmirësimin estetik. Kirurgia plastike Vilma Tafilaj thekson se qasja e klinikës është gjithëpërfshirëse.

“Për mua është familje, nuk është vetëm klinikë dhe çdo person që vjen tek ne trajtohet njësoj, që jo vetëm të bësh një trajtim bukurie por të dalësh dhe te ndihesh më mirë me veten tënde. Unë kam 3 vite që jam prezentë, vendosa që të nis punë aty me një frymë inovative me dëshirën e madhe për të mësuar dhe për t’u përmirësuar çdo ditë”, u shpreh mjekja.

“Është një qendër Wallness-i, që nga ana e mjekësisë rigjeneruese nga ana e pjesë së trajtimeve më të avancuara, të trajtimeve medikale, mundohemi ta kapim shëndetin në të gjitha gradët, që jo vetëm të dukemi bukur nga jashtë por ta rikthejmë moshën tonë  mbrapsht, ta rikthejmë moshën tonë”, tha Tafilaj.

Sipas saj, vizioni afatgjatë është edhe më ambicioz.

“E mira e një plani të ardhshëm do ishte të bënim një spital për të rigjeneruar trupin tënd, pra të zgjasim jetën tonë dhe të rikthejmë pas moshën biologjike”, tha Tafilaj.

Ndërkohë, zhvillimi i klinikave të jetëgjatësisë po shihet edhe si një mundësi për turizmin shëndetësor në Shqipëri.

“E vërteta është se këto klinika të jetëgjatësisë kanë filluar bëhen gjithnjë e më prezente sidomos si komponent i destinacioneve turistike, sepse duke qenë prezentë ne destinacione turistike kanë kapacitetin që të krijojnë turizëm për 12 muaj dhe në Shqipëri ne kemi vende kaq të bukura, që janë shumë të bukura dhe në dimër, por nuk mund të bësh turizëm kur nuk ka një ofertë për mënyrën si do të kalosh ditët. Kështu që kjo do të ishte fantastike”, u shpreh Rama.

Në Repeat është bashkuar edhe një mjek italian, i cili prej tetë muajsh jeton dhe punon në Tiranë. Mjeku theksoi se fokusi i tij në Repeat lidhet me mikrobiomën dhe ushqyerjen e saktë.

“Kam ardhur këtu 8 muaj më parë. Cilësia e jetesës për mendimin tim në Tiranës është e lartë. Ndoshta, ose të paktën ajo që unë perceptoj në Tiranë, ka një energji shumë të madhe, njerëz me shumë entuziazëm, dëshirë për të punuar, dëshirë për t’u angazhuar, shumë sipërmarrës edhe të rinj. Pra një ambient që më tërhoqi dhe ku vendosa që të qëndroj. Unë erdha dhe fillova të punoj në grupin e spitaleve amerikane.

“Filluam një projekt të bukur. Unë jam marrë më kirurgji bariatrike, pra me pacientë obezë dhe kam qenë shumë pranë, nga ana kulturore me gjithçka që lidhet me ushqimin. Deri në 10 vitet e fundit jam fokusuar shumë tek mikrobioma e zorrëve. Ajo që bëj unë në REPEAT, lidhet pikërisht më mikrobiomën dhe më ushqyerjen e saktë, probiotikë dhe gjithë aktivitetin që synon gjendjen e mirë të shëndetit të trupit tonë, sepse mikrobiota lidhet me të gjitha funksionet e trupit dhe me sëmundjet metabolike, kardiologjike, imunitare, tumorale që shfaqen gjatë jetës”, tha mjeku italian.

Sipas tij, edhe kultura shëndetësore e pacientëve shqiptarë ka ndryshuar ndjeshëm.

“Kur vjen një pacient i informuar, që studion që kërkon shpjegime, rritet edhe kultura mjekësore. Dhe këtu ndjehet që ka ardhur momenti, edhe në kirurgji edhe në mjekësi”, tha doktori italian.

Sipërmarrësja theksoi se “është rritur numri i njerëzve që investon në cilësinë e jetës. Kujdesi ndaj vetës nuk është më luks, është domosdoshmëri, dhe shqiptarët e kanë kuptuar këtë”.

/m.q/j.p/

The post Shqiptarët po rrisin investimin në cilësinë e jetës appeared first on Agjencia Telegrafike Shqiptare.

Ndonëse në Shqipëri martesat tek të miturit nën 18 vjeç janë më të ulëta se ato në rang global, sërish fenomeni është prezent dhe më i përhapur te vajzat. “Martesat në moshë të hershme tek vajzat janë më të shpeshta si raste në kulturën tonë, kjo edhe për shkak të një të kaluare ku mendësia […]

The post Martesat e hershme, ende një fenomen i përhapur te vajzat në Shqipëri appeared first on BoldNews.al.

TIRANË, 31 janar/ATSH/ Punimet për ndërtimin e parkut rekreativ pranë Urës së Bunës në Shkodër, pjesë e projektit për transformimin urban të hyrjes së qytetit, vijojnë sipas planit dhe pritet të krijojnë një hapësirë moderne, të gjelbër dhe të aksesueshme për qytetarët.

Parku shtrihet në një sipërfaqe prej rreth 18 hektarësh dhe do të jetë një zonë multifunksionale për pushim, rekreacion dhe aktivitete në natyrë, duke u konceptuar si “mushkëri e re” për qytetin.

Kryeministri Edi Rama ndau sot pamje nga kantieri i punimeve dhe theksoi se projekti synon të krijojë një hapësirë të hapur për familjet, të rinjtë dhe të gjithë qytetarët, duke përmirësuar cilësinë e jetesës dhe duke shtuar hapësirat publike.

“Një hapësirë prej 18 hektarësh, e dominuar nga gjelbërimi, që po merr formë si “mushkëria e re” e qytetit një zonë e hapur për familjet, të rinjtë dhe të gjithë ata që duan natyrën, qetësinë dhe cilësinë e jetesës”, theksoi Rama.

Sipas Kryeministrit, hyrja e Shkodrës nuk po ndryshon vetëm pamje, por po fiton një dimension të ri, më shumë hapësirë publike, më shumë gjelbërim, më shumë jetë.

Punimet përfshijnë sistemimin e territorit, krijimin e shtigjeve pedonale, hapësirave çlodhëse dhe ambienteve rekreative, duke ruajtur harmoninë me mjedisin përreth. Parku ndodhet mes Bunës dhe rrugës kryesore hyrëse të qytetit dhe kombinon zonat e gjelbra me hapësirat për pushim, këndet e lojrave për fëmijë, zonat sportive dhe të piknikut.

Një element i veçantë janë Kopshtet e Pazarit të Vjetër, të cilat pasqyrojnë rëndësinë historike të Pazarit të Shkodrës për qytetin dhe për Ballkanin. Kopshtet përbëhen nga 30 dhoma, që ngjasojnë me rrugicat e pazarit të ndara sipas zejeve, ndërsa gjeometria e tyre është e frymëzuar nga motivet e veshjeve tradicionale të ekspozuara në Muzeun Historik të Shkodrës.

Këndet e lojrave për fëmijë përbëhen nga pesë ishuj lojërash me programe argëtuese për fëmijët e moshave të ndryshme, ndërsa zona e lojërave të tavolinës është e dedikuar për shah, pingpong dhe lojëra të tjera për të gjitha moshat.

Vëmendje e veçantë është kushtuar gjelbërimit. Pemët ekzistuese ruhen dhe parku do të pasurohet me bimësi të re, duke përfshirë pemë të larta, shkurre dhe bimë të ulëta, për të krijuar një hapësirë të bukur, natyrale dhe të qëndrueshme për qytetarët.

/r.e/

The post Parku i ri pranë Bunës, “mushkëri e re” për Shkodrën appeared first on Agjencia Telegrafike Shqiptare.

Nga Berati në Francë, dhe më pas në Kinë. Silvester Bejko e ndërtoi këtë rrugë hap pas hapi — me zgjedhje konkrete, me punë të vazhdueshme dhe me përshtatje ndaj një realiteti krejt tjetër.

Një histori shqiptari, shumë larg shtëpisë, që ia vlen të dëgjohet.

Pavarësisht pezullimit të përkohshëm të vizave të emigracionit për Shqipërinë dhe 74 vende të tjera, aplikantët shqiptarë me takime të konfirmuara në konsullatën amerikane duhet të paraqiten patjetër dhe të dorëzojnë të gjithë dokumentacionin e kërkuar.

Këshilla vjen nga nga New Jersey, Lorenc Mansaku, i cili thekson se pamundësia e konsullit për të marrë një vendim përfundimtar nuk duhet të jetë arsye për mungesë.

Në podcastin Ilva Tare Talks, Mansaku u bëri thirrje shqiptarëve ne proces emigracioni të shmangin panikun, duke e cilësuar situatën si një ngërç të përkohshëm që pritet të zgjidhet brenda disa muajve. Ai paralajmëroi gjithashtu për keqkuptimet mbi qëndrimin në SHBA me vizë turistike, duke sqaruar se nuk është e vërtetë se lejohet automatikisht qëndrimi 6-mujor.

Agresiviteti i gripit të këtij sezoni ka rritur urgjencat dhe shtrimet në spitale. Fundi i janarit ka shënuar pikun e qarkullimit të gripit, por dhe infektimeve në popullatë. Mbi 100 raste në ditë i drejtohen shërbimit infektiv në QSUT me komplikacione të shkaktuara kryesisht nga AH3N2i dhe nën tipe të tjera në qarkullim.

Mjekët thonë se 40% e të prekurve që i drejtojnë urgjencës së infektivit janë raste për shtrim për shkak të bronkopneumonive dhe komplikacioneve të tjera.

“Bronkopneumonitë që në këto momente janë shqetësimi ynë kryesor. Janë pacientë që absolutisht kërkojnë një kujdes të veçantë. Janë pacientë që shpeshherë kërkojnë hospitalizim pavarësisht grupmoshave të tyre. Nga grupmoshat e reja deri te grupmoshat e treta dhe që duan një sikurse e thashë kujdes të veçantë duke tentuar që të paraprijnë komplikacionet”, thotë Migena Qato, mjeke infeksioniste.

“Ka subjekte që paraqiten më shumë se një herë pranë urgjencës duke tentuar fillimisht të marrin mjekim ambulator dhe pastaj rikthehen sepse shohim që nuk ka pasur rezultatin që kemi dashur neve të kenë. Të paktën një 30 40% e tyre janë raste të cilat tërheqin që në momentin e parë vëmendjen për hospitalizim”.

Mjekët thonë se rastet që i drejtohen shërbimit infektiv janë nga të gjitha grupmoshat. Ndërsa nevojë për shtrim kanë të sëmurët kronikë dhe të moshuarit, për shkak të mbivendosjes së sëmundjeve dhe problematikave që ka shkaktuar gripi. Në urgjencën e pediatrisë, fluksi i vizitave në këtë periudhë piku të qarkullimit të gripit është edhe më i lartë.

Mjekët tregojnë se jo gjithmonë bëhet fjalë për raste urgjente, pasi edhe për një temperaturë të lartë që zgjat për disa ditë, prindërit i drejtohen spitalit dhe jo qendrave shëndetësore. Vajtet në spital, thonë pediatrit, pa rekomandimin e mjekut të familjes, jo vetëm ngarkojnë sistemin shëndetësor, por bëhen shkak që fëmijët të marrin edhe viroza të tjera.

Krahas gripit, tek fëmijët qarkullon edhe virusi respirator sincicial, si dhe viroza të tjera, ndërsa janë rikthyer rastet me fruth për shkak të uljes së vaksinimit, veçanërisht në Tiranë.

Edhe muaji shkurt pritet të nisë me rritje të kurbës së infektimeve nga gripi dhe virozat e tjera, ndaj mjekët bëjnë thirrje për kujdes, veçanërisht për fëmijët dhe të moshuarit.

Gjatë vitit të kaluar, Shërbimi i Kardiologjisë në Qendrën Spitalore Univeristare “Nënë Tereza” ka shpëtuar mijëra jetë përmes ndërhyrjeve jetike.

Përmes një postimi në rrjetet sociale Ministria e Shëndetësisë dhe Mbrojtjes Sociale bën me dije se në Shërbimin e Kardiologjisë janë kryer 599 implantime aparaturash kardiake (pacemaker, CRT-D, CRT-P, defibrilatorë intrakardiakë të implantueshëm) si dhe 143 angioplastika të planifikuara me stent.

Sipas Ministrisë së Shëndetësisë janë kryer gjithashtu 2,941 procedura PCI dhe koronarografi, nga të cilat 1,366 urgjenca, ndërhyrje në momentet më kritike për jetën.

MSHMS falënderon Dr. Alban Dibra për drejtimin me profesionalizëm dhe përkushtim të ekipit si dhe shpreh mirënjohje për çdo mjek, infermier dhe profesionist shëndetësor në vijën e parë të kujdesit.

“Falënderim i veçantë për Dr. Alban Dibra për drejtimin me profesionalizëm dhe përkushtim të ekipit. Mirënjohje për çdo mjek, infermier dhe profesionist shëndetësor në vijën e parë të kujdesit”, thuhet ndër të tjera në postim./K.M

TIRANË, 31 janar/ATSH/ Gjimnazi “Skënderbeu” në Krumë të Hasit pas rikonstruksionit ofron tashmë mjedise të reja për nxënësit dhe mësuesit.

Ministrja e Arsimit, Mirela Kumbaro tha se “pas rikonstruksionit të plotë hapet një faqe e re në historinë e gjimnazit “Skënderbeu” në Krumë të Hasit”.

“Shkolla ofron kushte bashkëkohore, terrene sportive, bibliotekë, laboratore e klasa të reja janë gati për t’u mbushur me dije, frymëzim e krijimtari nga 450 nxënës dhe mësues si dhe komuniteti pranë kësaj shkolle”, theksoi Kumbaro.

Në nisje të vitit të ri arsimor 2025-2026 hapën dyert 30 shkolla të reja dhe të rehabilituara në të gjithë vendin, me 340 laboratorë smart.

Ndërkohë që janë 42 kantiere shkollash të hapura njëherësh në të gjithë vendin, të cilat do të përfundojnë me buxhetin e vitit 2026.

1 nga 14

The post Ambiente të reja për 450 nxënësit e shkollës “Skënderbeu” në Krumë të Hasit appeared first on Agjencia Telegrafike Shqiptare.

Tregtarët e tregut industrial kanë pritur me kritika të ashpra ministren e Jashtme, Elisa Spiropali, gjatë një vizite të saj në Vlorë këtë të shtunë. “Turp që vini në Vlorë, se e kini shkulur me themel. T’iu vijë rëndë që vini në Vlorë”, iu drejtua një qytetare ministres, e cila u përgjigj se kishte ardhur për një çështje tjetër.

Gjatë këtij takimi, ajo është shprehur se nuk ka qenë në dijeni të plotë të situatës, por ka premtuar se do të bisedojë me kryetaren e bashkisë dhe me anëtarët e Këshillit Bashkiak për t’u njohur nga afër me problemin e tregtarëve.

“Do të flas me kryetaren dhe me anëtarët e këshillit bashkiak që të njihem më konkretisht me problemin tuaj”, mësohet t’u ketë thënë ajo tregtarëve.

Spiropali ndodhej në Vlorë për të marrë pjesë në Forumin e Dialogut “Edhe disa hapa akoma drejt BE”.

TIRANË, 31 janar/ATSH/ Matura Shtetërore pritet me padurim nga nxënësit dhe prindërit, pasi përbën një moment kyç në vijimësinë e rrugëtimit në arsimim, e ku përzihen përgatitjet në studime dhe emocionet e përmbylljes së ciklit drejt sfidave të reja universitare.

Ndaj dhe autoritetet arsimore nisin që herët përgatitjet për të garantuar proces të drejtë dhe transparent. Edhe këtë vit, rregullorja e Maturës Shtetërore parashikon ndryshime nga ajo e një viti më parë.

Këto ndryshime prekin veçanërisht aspektet në lidhje me nxënësit mbetës dhe masat disiplinore gjatë provimeve.

Drejtoresha e përgjithshme e Drejtorisë së Arsimit Parauniversitar, Mirela Cami shpjegoi për ATSH-në ndryshimet e parashikuara në këtë rregullore.

“Nxënësit që rezultojnë mbetës në një apo dy lëndë gjatë gjithë vitit shkollor nuk do të mund të hyjnë në provimet e qershorit. Këta nxënës do të duhet t’i nënshtrohen këtyre provimeve gjatë sezonit të vjeshtës dhe më pas do hyjnë në Maturën Shtetërore në sezonin e dytë. Në rast se rezultojnë jokalues në 3 lëndë, ata e humbin vitin shkollor dhe do t’u duhet ta përsërisin”, theksoi Cami.

Sipas saj, drejtoritë rajonale, Qendra e Shërbimeve Arsimore dhe të gjitha institucionet arsimore do të njoftohen në mbyllje të vitit shkollor për listën emërore të këtyre nxënësve.

Një tjetër ndryshim i rëndësishëm lidhet me përdorimin e pajisjeve teknologjike gjatë provimeve.

“Maturanti, i cili paraqitet në qendrën e provimit dhe konstatohet gjatë provimit me celular, orë smart dhe pajisje të tjera teknologjike, përjashtohet nga ai provim, por ka të drejtë ta japë atë në sesionin pasardhës”, sqaroi Cami.

Sa i përket administratorëve, Cami vuri në dukje se ata nuk do të kenë vetëm detyra, por edhe përgjegjësi për mbarëvajtjen e procesit.

“Administratorët e provimit janë të trajnuar dhe përcaktohen me short elektronik në praninë e drejtorit të ZVAP-së. Janë të qarta detyrat e tyre lidhur me administrimin e procesit të provimit që nga identifikimi i maturantëve, moslejimi i ndërrimit të vendit gjatë provimit, kontrolli fizik për pajisje teknologjike, raportimi i parregullsive, respektimi i orareve dhe rregullave të tjera në përputhje me rregulloren për Maturën Shtetërore 2026, që e ngarkojnë me përgjegjësi lidhur me mbarëvajtjen e procesit”, nënvizoi Cami.

Provimet e maturës do të përmbajnë 30-35 pyetje, duke përfshirë pyetje me alternativa dhe shtjellim. Ndërkohë që për orientimin dhe përgatitjen e maturantëve, testet model për provimet e ardhshme janë shpërndarë në të gjitha shkollat, duke i orientuar nxënësit për formatin dhe kërkesat e provimeve në mënyrë që ata të jenë sa më të përgatitur për provimet e Maturës.

Për të marrë notën 10 absolute, maturanti duhet të grumbullojë 60 pikët e mundshme.

/k.s/j.p/r.e/

The post Rregullat e reja të Maturës Shtetërore, forcohet mbikëqyrja gjatë provimeve appeared first on Agjencia Telegrafike Shqiptare.

Diku nga fillimi i dhjetorit në kanalet e RTSH-së më tërhoqi vëmendjen një spot publicitar tek i cili shfaqej edhe orkestra simfonike e RTSH-së. Spoti hapet me një mesazh: “Jo çdo histori tregohet me zë”. Fill pas kësaj shkojmë në një ambient të madh grimi (krejt i pangjashëm me hapësirat modeste të grimit që gjenden […]

The post Tingulli dhe imazhi i pakuptuar i orkestrës simfonike të RTSH-së appeared first on Reporter.al.

Ka ndërruar jetë në moshën 37-vjeçare mërgimtari Esat (Halit) Brahimi, me banim në Danimarkë.

Varrimi i të ndjerit do të bëhet të martën, më 3 shkurt 2026, në orën 12:00, në qytetin Kolding të Danimarkës.

Sa i përket ceremonisë mortore në Kosovë, familja njofton se qytetarët do të informohen me kohë.

Sinjali – aty ku e vërteta flet para lajmit!

/GazetaSinjali/

The post E trishtë: Vdes në moshë të re mërgimtari mitrovicas, Esat Brahimi appeared first on Sinjali.