Read More...

Ngushëllime për tragjedinë e Spanjës kanë dërguar edhe liderët politik në Kosovë. Presidentja, Vjosa Osmani ka shprehur keqardhjen e saj për humbjen e të paktën 39 viktimave nga aksidenti hekurudhor.

“Shpreh ngushëllimet tona më të sinqerta për familjet që kanë humbur më të dashurit e tyre dhe u urojmë shërim të shpejtë të gjithë të lënduarve. Kosova qëndron në solidaritet me popullin e Spanjës në këtë kohë të vështirë”, ka shkruar ajo në platformën “X”.

Edhe Kryeministri në detyrë i Kosovës Albin Kurti, ka reaguar pas aksidentit tragjik.

Përmes një shkrimi në X, Kurti shprehu tronditjen për ngjarjen.

“Jemi thellësisht të pikëlluar nga lajmet që vijnë nga Spanja për aksidentin tragjik të trenit që mori shumë jetë. Mendimet tona janë me viktimat dhe familjet e tyre, ndërsa ekipeve të shpëtimit u urojmë forcë në përpjekjet e tyre,” shkruan Kurti

Ngjarja ka tronditur opinionin publik në Spanjë dhe më gjerë, ndërsa autoritetet përkatëse po vazhdojnë operacionet e shpëtimit dhe hetimet për zbardhjen e shkaqeve të aksidentit.

Komisioni Qendror i Zgjedhjeve ka vendosur që të ketë rinumërim të plotë të të gjitha votave në vendvotimet në 28 komuna.

Po ashtu është vendosur që të shkarkohet përfaqësuesit politikë në Komisionin Komunal Zgjedhor në Prizren, ku sipas kreut të KQZ-së, Kreshnik Radoniçi, janë vënë re dallimet më të mëdha në votat për kandidatët për deputetë.

Paraprakisht, në këto 28 komuna KQZ kishte vendosur që të rinumëroheshin vetëm 10 për qind e vendvotimeve, ndërkaq në 10 komuna të tjera vendosi për rinumërim të plotë.

Vendimi i 19 janarit vjen pasi gjatë rinumërimit të pjesshëm u vërejtën dallime të mëdha në votat për kandidatët për deputetë në zgjedhjet e parakohshme parlamentare të 28 dhjetorit të vitit 2025.

Pas zbulimit të këtyre devijimeve, partitë dhe organizatat e shoqërisë civile kërkuan rinumërim të plotë të votave.

Gjatë mbledhjes, kreu i KQZ-së, Kreshnik Radoniçi, tha se në mbledhjen e mbajtur nga Këshilli për Operacione i KQZ-së u analizua raporti i rinumërimit të pjesshëm. Sipas tij, dallimi në votat për partitë politike është minimal dhe “i papërfillshëm”, ndërkaq ai te kandidatët ka “shkallë të lartë të pasaktësisë”.

“Prizreni është rasti më ekstrem”, tha Radoniqi, duke shtuar se 20.343 vota u janë zbritur kandidatëve për deputetë gjatë rinumërimit. Ai tha se në komuna të tjera nuk vërehen dallime të mëdha në votat për kandidatë.

Anëtarët e partive politike në KQZ përkrahën të dyja rekomandimet, duke kërkuar që të ketë përgjegjësi ligjore për devijimin e rezultatit.

Në mbledhje, anëtari nga radhët e komunitetit boshnjak, Almir Sahiti, kërkoi që në rinumërim të përfshihen edhe votat e diasporës. Kryetari i KQZ-së tha se për këtë propozim do të vendoset pas mbledhjes, ndërkaq disa anëtarë të tjerë thanë se këto vota veçse janë numëruar në Qendrën e Numërimit dhe Rezultateve, aty ku gjetën edhe mospërputhjet në votat për kandidatë për deputetë.

Më 13 janar, KQZ-ja nisi rinumërimin e plotë të votave në 10 komuna (Dragash, Kaçanik, Leposaviq, Prizren, Skenderaj, Shtime, Ferizaj, Vushtrri, Mamushë dhe Ranillugu), pasi në verifikimin e 2 për qind të vendvotimeve gjeti mospërputhje të votave të kandidatëve.

Ndërkaq, tani numërimi i plotë do të bëhet edhe në 28 komuna të tjera, ku paraprakisht u vendos të numëroheshin vetëm 10 për qind e vendvotimeve: Deçan, Gjakovë, Gllogoc, Gjilan, Istog, Klinë, Fushë-Kosovë, Kamenicë, Mitrovicë e Jugut, Lipjan, Novobërdë, Obiliq, Rahovec, Pejë, Podujevë, Prishtinë, Shtërpcë, Suharekë, Viti, Zubin-Potok, Zveçan, Malishevë, Junik, Hani i Elezit, Graçanicë, Partesh, Kllokot dhe Mitrovicë e Veriut.

Pas konstatimit se ka dallim në vota për kandidatët për deputetë, Prokurori i Shtetit u vu në lëvizje më 19 janar. Koordinatorja nacionale për zgjedhje, prokurorja Laura Pula, u ka kërkuar kryeprokurorëve në të gjitha prokuroritë themelore, që në të gjitha komunat ku ka përfunduar procesi i rinumërimit “të fillojnë grumbullimin e informatave të nevojshme dhe të sigurojnë prova relevante, që vërtetojnë kryerjen e ndonjë vepre penale që ndërlidhet me procesin zgjedhor”.

Një ditë më parë, Prokuroria Themelore e Prizrenit e autorizoi Policinë që të identifikojë fajtorët për këtë mospërputhje në vota.

Përfaqësuesit e partive politike, ndërkaq, kërkuan votimin e plotë të votave, ndërkaq, koalicioni i organizatave që monitoron procesin zgjedhor në Kosovë, Demokracia në Veprim (DnV), kërkoi që të ketë një hetim në nivel kombëtar.

DnV-ja tha se subjekt i hetimeve nuk duhet të jenë vetëm komisionerët, por edhe kandidatët që kanë “rezultojnë përfitues nga këto mospërputhje dhe manipulime”, tha DnV.

Më 9 janar, KQZ-ja njoftoi se kishte përfunduar procesi i numërimit të të gjitha votave. Votat e rregullta u numëruan nëpër qendrat komunale të numërimit, ndërksa votat tjera, përfshirë ato nga diaspora në Qendrën e Numërimit dhe Rezultateve.

Gjatë procesit të numërimit, në qendrat komunale të numërimit, çdo fletëvotim kalon përmes disa kontrolleve: lexohet me zë të lartë nga një numërues, shfaqet në ekran përmes kamerës dhe regjistrohet në sistem elektronik nga një zyrtar tjetër, ndërsa një person i tretë e verifikon fletën.

Megjithatë, manipulimi thuhet se bëhet në fazën e leximit të votave për kandidatë. Kur një fletëvotim i takon një partie, ai përmban edhe vota për disa kandidatë. Numëruesi mund të ndryshojë verbalisht numrin e kandidatit të votuar, duke e zëvendësuar me numrin e një kandidati tjetër.

Kështu, sistemi regjistron votë për kandidatin e gabuar, edhe pse fletëvotimi real tregon diçka tjetër. Numri i votave për parti nuk ndryshon, vetëm ndryshon numri i votave për kandidatë brenda të njëjtës parti.

Manipulimi i votave në Kosovë është vepër penale. Megjithatë, së voni organizata joqeveritare ÇOHU publikoi një hulumtim që tregoi se mbi 90 për qind e rasteve për manipulime zgjedhore përfundojnë me dënime me kusht ose gjoba.

Sipas rezultateve preliminare, Lëvizja Vetëvendosje është fituesja e zgjedhjeve me mbi 51 për qind të votave të fituara. Ajo pritet të ketë 57 ulëse në legjislaturën e dhjetë./REL

Në një lidhje Skype nga Kalabria për ABC e Mëngjesit, vjen historia e jashtëzakonshme e Spiro Panos, kompozitor, instrumentist, pedagog dhe muzikolog, njeriut që ia kushtoi jetën ruajtjes dhe ringjalljes së këngëve të vjetra arbëreshe.

Nga Korça, “Parisi i vogël”, drejt Arbërisë së madhe, rrugëtimi i tij është një udhëtim i pandërprerë mes kulturës, identitetit dhe pasionit.

Ai ka mbledhur në fshatrat arbëreshe me qindar këngë, i ka rregjistruar, transkriptuar në partitura, duke krijuar e ruajtur thesarin më të madh etnokulturor. Ai ka regjistruar ndoshta brezin e fundit të arbëreshëve që këndonin këngët e vjetra arbërore, duke i shpëtuar kështu nga zhdukja këto këngë antike.

Lidhja me Arbërinë nis herët, shumë përpara rënies së komunizmit. Por, një kërkim 6-mujor në Kalabri për muzikën arbëreshe kthehet në një fat që zgjat përjetë. Në vitin 1992 largohet për specializim në Itali dhe vendos të jetojë e punojë atje, duke u fokusuar plotësisht te trashëgimia arbëreshe.
Në Kalabri, ku flitet një shqipe e bukur e gërshetuar me arbërishten, Spiro Pano ndërton një shkollë muzike që nxjerr emra të njohur të skenës italiane, madje edhe të Sanremos.

Pedagog në Konservatorin e Kozencës, ai jep mësim për një gamë të gjerë instrumentesh, nga violonçeli te pianoforti e klarineta.
Në vitin 1981 emërohet kontrabasist i Orkestrës Simfonike të Teatrit Kombëtar të Operës dhe Baletit, ndërsa deri në fillim të viteve ’90 është pjesë e koncerteve më të mëdha në vend. Dashuria për muzikën e tabanit e çon në krye të grupit “Na bashkoi kënga popullore”, ku bashkëpunon me emra të njohur si Agim Duro, Nimet Salabegu dhe Frederik Ndoci, duke përpunuar këngë pa ua prishur bukurinë e lindur.
Autor kompozimesh, bashkautor i librit “Diversiteti Arbëresh”, akordues instrumentesh dhe piktor i ekspozuar.

Një autobus që transportonte nxënës është aksidentuar, në provincën Gauteng të Afrikës së Jugut. Raportohet se të paktën 13 fëmijë kanë humbur jetën.

Sipas mediave ndërkombëtare një kamion u përplas me një minibus shkolle që po transportonte nxënës në shkolla të ndryshme në vend.

Përplasja rezultoi fatale duke shkaktuar të paktën 11 viktima. Policia ka nisur hetimet për zbardhjen e plotë të shkaqeve të aksidentit të rëndë.

Rinumërimi i pjesshëm i votave të zgjedhjeve parlamentare të 28 dhjetorit, në disa komuna të Kosovës ka shpërfaqur mospërputhje të shumta, për kandidatë që përfshijnë të gjitha partitë politike. Këto mospërputhje të votave në regjistrat përfundimtar, nuk ndryshojnë përqindjen e rezultatit të partive politike, por ndryshojnë rezultatin e kandidatëve për deputet brenda subjekteve politike.

Nga mbi 900 vendvotime në të gjithë Kosovën që shkuan në rinumërim, sipas një vendimi të KQZ-së, në komunën e Prizrenit dalin mospërputhjet më të mëdha deri tani. Kandidatëve të caktuar të Partisë Demokratike të Kosovës (PDK), u janë shtuar rreth 19 mijë vota që nuk i kanë marrë nga qytetarët në kuti. Atyre të Lidhjes Demokratike të Kosovës (LDK), dallimi është rreth 4.500, ndërsa të Vetëvendosjes mbi 3.100. Dallime më të vogla ka edhe te partitë tjera.

Mospërputhjet e mëdha

Pas këtyre mospërputhjeve të votave në kuti me regjistrat përfundimtar të kandidatëve të caktuar për deputet dhe dyshimeve për “vjedhje” të votave, kryeprokurori i Prokurorisë së Prizrenit, Petrit Kryeziu, tashmë ka autorizuar Policinë e Kosovës që të identifikojë personat përgjegjës dhe të sigurojë prova, duke përfshirë edhe nënshkrimet e komisionerëve. Sipas Kryeziut, “çdo person që ka vendosur nënshkrimin e tij duke falsifikuar rezultatet zgjedhore, nuk duhet të qëndrojë i qetë”.

“Tani që rinumërimi po i afrohet fundit, janë evidentuar keqpërdorime të dukshme të votave gjatë numërimit brenda subjekteve politike në rajonin e Prizrenit. Në cilësinë e kryeprokurorit, me vetiniciativë kam lëshuar autorizim me shkrim për Policinë e Kosovës që të identifikojë personat përgjegjës, të sigurojë prova relevante, përfshirë procesverbalet dhe nënshkrimet. Çdo person që ka vendosur nënshkrimin e tij duke falsifikuar rezultatet zgjedhore dhe duke ndryshuar vullnetin e qytetarit, nuk duhet të qëndrojë i qetë, do të mbajë përgjegjësi të plotë penale. Manipulimi i votës dhe falsifikimi i dokumenteve zgjedhore janë krim dhe do të ndëshkohen pa kompromis”, ka thënë prokurori Kryeziu.

Edhe pjesëtarë të shoqërisë civile që kanë monitoruar procesin zgjedhor, kanë bërë thirrje që prokuroria të nisë hetimet dhe ndjekjet penale për, siç thonë, “manipulim të votave të kandidatëve”.

Kërkohen hetime dhe dënime

“Emrat e komisionerëve për secilën tavolinë numërimi në Qendrat Komunale të Numërimit (QKN) dihen. Por këto manipulime nuk janë bërë krye në vete nga komisionerët. Dhjetëra e qindra vota të shtrembëruara në një vendvotim të vetëm, e mijëra në nivel komune – kryesisht për kandidatë të caktuar dhe në komunat e tyre – nuk janë as rastësi, as gabim njerëzor”, tha Eugen Cakolli, nga Instituti Demokratik i Kosovës, organizatë kjo që vazhdimisht monitoron proceset zgjedhore. Sipas Cakollit, “përfshirja e kandidatëve të caktuar në këto skema është shumë e mundshme”. Kështu që sipas tij, “hetimi, pashmangshëm duhet t’i përfshijë edhe ata”.

Si zhvillohet procesi i numërimit të votave?

Në qendrat komunale të numërimit, çdo fletëvotim kalon përmes disa kontrolleve, ku lexohet me zë të lartë nga një numërues, shfaqet në ekran përmes kamerës dhe regjistrohet në sistem elektronik nga një zyrtar tjetër, ndërsa një person i fundit e verifikon fletën.

Megjithatë, sipas organizatave të shoqërisë civile, manipulimi thuhet se bëhet në fazën e leximit të votave për kandidatë. Kur një fletëvotim i takon një partie, ai përmban edhe vota për disa kandidatë. Numëruesi mund të ndryshojë verbalisht numrin e kandidatit të votuar, duke e zëvendësuar me numrin e një kandidati tjetër. Në këtë mënyrë në sistem regjistrohet votë për kandidatin e gabuar, edhe pse fletëvotimi real tregon diçka tjetër. Në fund, numri i votave për parti të caktuar nuk ndryshon, por ndryshon numri i votave për kandidatë brenda të njëjtës parti. Ndaj këtij fenomeni dhe këtyre zhvillimeve reagoi Partia Demokratike e Kosovës (PDK), e cila për kandidatët e saj pati më së shumti mospërputhje të rezultateve. Sipas PDK-së, “manipulimet e votave janë të papranueshme”.

PDK: Të respektohet vullneti i popullit

“Eliminimi i çdo dyshimi është në interes të kandidatëve, institucioneve dhe qytetarëve. Partia Demokratike e Kosovës i pret konkluzionet zyrtare të organeve përgjegjëse, përfshirë Komisionin Qendror të Zgjedhjeve, me besimin se e vërteta dhe vullneti i qytetarëve do të reflektohen saktë dhe në përputhje me ligjin”, thuhet në një komunikatë të PDK-së.

Ndërkohë, kryetari i Lidhjes Demokratike të Kosovës (LDK), Lumir Abdixhiku, shkroi në Facebook se “përtej turpit publik dhe ligjit të Republikës, do të ketë edhe përgjegjësi politike brenda shtëpisë sonë”, duke iu referuar LDK-së.

Kërkohet rinumërim i plotë

“Institucionet e drejtësisë duhet të veprojnë pa vonesë dhe pa përjashtim. Përgjegjësi sipas ligjit, burg, për këdo që ka cenuar votën e lirë. Komisionerët manipulues kanë emra. Dihen të gjithë. Jepuni atyre dhe porositësve përgjigjen pa hezitim. Dhe për të hequr çdo dyshim, KQZ duhet të sigurojë rinumërim të plotë të çdo kutie në çdo qytet. Le të inkurajohen ata që kanë vlerësuar mirë, të zbulohen ata që kanë vjedhur. Vota nuk tjetërsohet. Vota mbrohet”, shkroi Abdixhiku.

Edhe kryetari i Aleancës për Ardhmërinë e Kosovës (AAK), Ramush Haradinaj, tha se “meqë deri tani janë gjetur dhjetëra mijëra fletëvotime me gabime, pa rinumërim të tërësishëm nuk sigurohet integriteti i këtyre zgjedhjeve”. Ai thotë se prokuroria duhet të nisë hetime lidhur me manipulimet e mundshme. Kryetari i KQZ-së, Kreshnik Radoniqi, ndërkaq, ka thënë se “nëse pas rinumërimit vërehen manipulime të mundshme me votat e kandidatëve brenda subjekteve politike, komisioni do t’i çojë në organet kompetente anëtarët e ekipeve të numërimit”.

Manipulimet dhe zgjidhja

Sidoqoftë, organizatat e shoqërisë civile thonë se mënyra të tilla të keqpërdorimit të votave brenda subjekteve politike për kandidatë të caktuar janë vërejtur në pothuajse secilin proces zgjedhor në Kosovë. Sipas tyre, zgjidhja për këtë problem do të ishte vetëm skanimi teknologjik i fletëvotimeve në vend të numërimit fizik nga komisionerët. Komisioni Qendror i Zgjedhjeve (KQZ), pas këtyre zhvillimeve ka thirrur mbledhje për ditën e hënë, 19.01. Nëse KQZ vendos që të shkohet në nivel vendi në rinumërim të të gjitha votave për kandidatë për deputet, kjo mund ta vonojë certifikimin e rezultateve dhe rrjedhimisht e vonon edhe themelimin e institucioneve të reja, konstituimin e Kuvendit, i cili deri më 4 mars është i obliguar ta zgjedhë presidentin apo presidenten e Kosovës, para se presidentes aktuale, Vjosa Osmani, t’i përfundojë mandati./DW

Është zhvilluar këtë të hënë gjyqi ndaj Leonard Dukës. Ndaj tij SPAK ka kërkuar dënimin me 32 vite burg

Ndërsa e ëma e Santiago Malkos është shprehur se “duhet të dënohet me vdekje”, teksa e akuzon Dukën për vrasjen e djalit të saj.

“Leonard Duka më ka vrarë djalin. Me solli Erlis Dukën dhe Ilir Selmanin dhe me tha që skam gjë me Santin, por doli e me vrau djalin në mes të rrugës. Unë nuk dua dënim të përjetshëm, dua dënim me vdekje për këtë”, thotë ajo.

Gjatë seancës, avokatja e Leonard Dukës, Melina Gjeta ka thënë se nuk ka asnjë provë dhe se sipas saj janë vetëm deduksione të krijuara nga një proces që sipas saj është jo i plotë.

“Konkluzionet e SPAK nuk janë të bazuara në provë dhe ligj. S’ka asnjë provë, por vetëm deduksione të krijuara nga një proces hetimor jo i plotë dhe i paragjykuar, më shumë të bazuara në histori të raportuara në media. Dëshmitari Blendi Teta, ka deklaruar para gjykatës që është kërcënuar dhe vënë në presion nga Polici e Shtetit dhe Ervis Martini dhe këto janë shkelje të rënda të ligjit. Dëshmia nuk i shërben me të vërtetës, por fabrikim të provës. Dëshmia e Tetës i cili pretendon në Gjykatë se e ka dhënë në presion nga Ervis Martini, nuk mund të përdoret nga Prokurori në konkluzione përfundimtare. Dëshmia e Blendi Tetës konfirmohet edhe nga ajo e Ilir Selmanit, të bashkëpandehurit tjetër. Duke i bërë ato të besueshme. Edhe Selmani ka thënë para kësaj gjykate se janë dhënë 500 mijë euro për të fundosur vëllezërit Duka. Prokuroria thotë se shkak për vrasjen është bërë hakmarrja për dy plagosje që dyshohet se ka kryer viktima Santiago Malko, por ato ngjarje janë ende pa autor dhe hetuesit i kanë pezulluar procedimet pasi nuk kanë gjetur autorët. Si mundet prokurori të përcaktoj autorin e atyre ngjarjeve, ndërkohë që personat kompetent qe i kanë hetuar nuk i kanë identifikuar. Transkripetet e Sky nuk janë prova të ligjshme dhe rezultatet e nxjerra nga to janë të paligjshme sipas legjislacionit shqiptar. Ato hyjnë më cënimin e lirisë dhe fshehtësisë së korrespondencës. Përgjimi i autoriteteve franceze përbën përgjim masiv, s’ka qenë i orientuar. Identifikimi i bërë nga opgj të kodeve, ka qenë amator dhe jo i besueshëm, pasi nuk është ndjekur procedura standarde. Vetë Leonard Duka ka deklaruar para gjykatës se ai nuk ka pasur në përdorim aplikacionin Sky”, tha avokatja Gjeta.

Ndërsa nga ana a tij Leonard Duka ka thënë se nuk ka asnjë fakt kundër tij dhe se është i pafajshëm.

“Deklaroj që jam i pafajshëm dhe Prokurori nuk ka asnjë fakt kundër meje. Kjo është e montuar  nga policia që më dëmtojnë mua. Kam besim te drejtësia”, tha aim

Ndërsa vendimi nga GJKKO lidhur me këtë çështje pritet të jepet në 21 janar në orën 11:45.

/abcnews.al/

Një aksident ka ndodhur në aksin rrugor Vlorë–Orikum. Drejtuesja e automjetit tip Benz, ka humbur kontrollin e makinës dhe ka përfunduar jashtë rruge.

Si pasojë e aksidentit, kanë mbetur të dëmtuar lehtë shoferja dhe pasagjeri, rreth 16 vjeç.

Të lënduarit kanë marrë ndihmën e nevojshme mjekësore dhe ndodhen jashtë rrezikut për jetën.

Zjarret kanë përfshirë Kilin prej disa ditësh. Numri i viktimave nga zjarret ka shkuar në 18.

Autoritetet paralajmërojnë se situata mund të përkeqësohet. Ekipet zjarrfikëse janë angazhuar për të shuar zjarret, megjithatë situata mbetet e vështirë për shkak se flakët favorizohen edhe nga erërat e forta.

Më shumë se 50 000   qytetarë u larguar nga shtëpitë e tyre për shkak se ishin të rrezikuar.

- Massive fires have erupted in Penco, Chile, threatening thousands of homes and lives.

A few days ago two Israelis were caught on camera for starting fires in Argentina, and one detained in Chile for starting fires pic.twitter.com/7nGOrULIjg

— Monitor𝕏 (@MonitorX99800) January 18, 2026

Deputetet rikthehen sot në kuvend për nisjen e sesionit të ri parlamentar.

Në fokus do të jenë dy reformat e rëndësishme zgjedhore dhe territorial, ndërsa dy ditë më parë kryeministri njoftoi dhe nisjen e punës për ndryshime Kushtetuese.

PD ka bojkotuar diskutimet që nga dhjetori dhe nuk duket të jetë e gatshme të rikthehet në tryezë.

Por maxhoranca nga ana tjetër është e vendosur të vazhdoje punën me intensitet, edhe pa pjesëmarrjen e opozitës.

Drejtori i komanduar i IEVP Durrës Edmond Llabani ka pësuar hemoragji cerebrale.

ABC News mëson se është transportuar në QSUT.

Zjarri k përfshirë një qendër tregtare në Pakistan. Mësohet se të paktën 11 persona kanë humbur jetën.

Ndërsa 60 të tjerë rezultojnë të zhdukur. Ekipet e shpëtimit, ekipet e emergjencës janë angazhuar menjëherë për t’i ardhur në ndihmë qytetarëve.

Zjarrfikësit u angazhuar për të bërë të mundur shuarjen  e flakëve.

Today’s fire at Gul Plaza in Karachi has once again starkly revealed the bitter truth that this city is not plagued by accidents, but by persistent neglect. Flames soared high, fear spread, the earnings of hard labor turned to ashes in 1 night. #GulPlazaFire #GulPlaza pic.twitter.com/QfvO5NHLAZ

— Dr Naina Niazi (@nainaaniiazi) January 18, 2026

KORÇË- Kryeministri Edi Rama ka ndarë në Facebook pamje nga Dardha. E ‘veshur’ nën pektun e dëborës, pamjet tregojnë magjinë e vërtetë edhe në stinën e dimrit.

“MIRËMËNGJES dhe me Dardhën magjike, ju uroj një javë të mbarë”, shkruan Rama bashkëngjitur videos së publikuar.

Shqipëria është kthyer në një destinacion edhe gjatë sezonit të dimrit për turistët e huaj. Përveç plazheve gjatë verës, turistë të huaj zgjedhin të vizitojnë gjatë dimrit zona që të ofrojnë pamje fantastike dhe mundësi për të eksploruar.

Autoritetet iraniane e kanë zhytur vendin në atë që dëshmitarët e përshkruajnë si një bllokadë pothuajse totale digjitale, në përgjigje të protestave vdekjeprurëse mbarëkombëtare kundër Republikës Islamike, duke kufizuar ndjeshëm qarkullimin e informacionit nga brenda vendit.

Me qasjen në internet të kufizuar, vetëm rrëfime të fragmentuara kanë arritur në botën e jashtme përmes telefonatave të shkurtra, individëve me qasje në internet satelitor dhe iranianëve që së fundi janë larguar nga vendi.

Protestat shpërthyen në fund të dhjetorit 2025, në mes të zemërimit në rritje të publikut për vështirësitë ekonomike, inflacionin e lartë dhe zhvlerësimin e fortë të rialit iranian.

Demonstratat fillestare për koston e jetesës dhe keqmenaxhimin ekonomik u përhapën shpejt në disa qytete dhe u shndërruan në protesta më të gjera kundër establishmentit, duke nxitur një reagim vdekjeprurës të forcave të sigurisë.

Organizatat për të drejtat e njeriut thonë se disa mijëra njerëz janë vrarë ose plagosur gjatë trazirave, megjithëse verifikimi i pavarur mbetet i pamundur për shkak të bllokadës.

Dëshmitarë okularë dhe profesionistë mjekësorë që folën për Radion Evropa e Lirë përshkruajnë spitale të mbingarkuara me pacientë që vuajnë nga plagë të rënda me armë zjarri, veçanërisht në kokë, sy, kraharor dhe bark.

Një protestues nga qyteti verilindor i Mashhadit, i cili së fundi u largua nga Irani, tha se kishte parë forcat e sigurisë duke u përballur dhunshëm me adoleshentë gjatë demonstratave.

Protestuesi përshkroi një adoleshent që pësoi lëndime të rënda në fytyrë pasi u godit me shkopinj, ndërsa një tjetër u qëllua në këmbë dhe më pas u desh t’ia amputonin këmbën. Disa dëshmitarë përshkruan gjithashtu shenja dhune të dukshme në hapësirat publike pasi përfundonin demonstratat.

“Të nesërmen në mëngjes në Haft-e Tir, të gjitha rrugët po laheshin”, i tha REL-it një banor tjetër i Mashhadit që së fundi u largua nga Irani. “Bashkëshorti im e kishte parë; gjithçka ishte e mbuluar me gjak”.

Punonjësit shëndetësorë brenda Iranit raportojnë presion ekstrem mbi institucionet mjekësore.

Në një dëshmi të regjistruar, një anëtar i stafit mjekësor përshkroi një mungesë akute specialistësh, përfshirë neurokirurgë, kirurgë ortopedë dhe oftalmologë, ndërsa pacientët mbërrinin me plagë nga fishekë pushke, veçanërisht në kokë dhe fytyrë.

REL-i nuk mund t’i verifikojë në mënyrë të pavarur shifrat e viktimave apo pretendimet individuale. Megjithatë, mjekë brenda dhe jashtë Iranit thonë se përmasat dhe modeli i lëndimeve sugjerojnë përdorim të gjerë të municionit të vërtetë dhe armëve me fishekë të vegjël.

Shahram Kordasti, drejtor i kërkimeve në Fakultetin e Onkologjisë dhe Shkencave Farmaceutike të Kolegjit Mbretëror në Londër, tha se kolegët e tij në Iran kanë raportuar një numër jashtëzakonisht të lartë lëndimesh në sy dhe kokë.

“Vëllimi ishte aq i madh sa spitalet e specializuara për sytë nuk mund të përballonin më”, tha ai, duke shtuar se mungesat e furnizimeve mjekësore dhe vështirësitë për të arritur në spitale e kanë përkeqësuar krizën.

Spitalet po përballen gjithashtu me mungesa të mëdha gjaku. Roozbeh Esfandiari, një ish-mjek urgjence në Teheran që tani jeton në Shtetet e Bashkuara, u bëri thirrje iranianëve me grupe gjaku O-pozitiv dhe O-negativ që të dhurojnë gjak urgjentisht.

Gazetat iraniane kanë publikuar raporte të kufizuara, por shqetësuese. E përditshmja Ham-Mihan me seli në Teheran raportoi se vëllai i një protestuesi 30-vjeçar tha se burri ishte i gjallë dhe po fliste në spital përpara se papritur të shembej dhe të vdiste nga një plagë me armë zjarri në pjesën e poshtme të barkut.

Një dëshmitar tjetër i tha REL-it se një burrë u vra nga disa plumba ndërsa përpiqej të shpëtonte një mik të plagosur dhe se familja u detyrua të paguante një shumë të madhe për të marrë trupin.

E përditshmja iraniane Shargh raportoi se lëndimet në sy përbëjnë një pjesë të konsiderueshme të viktimave nga protestat. Spitali i Syve Farabi në Teheran, qendra kryesore oftalmologjike e vendit, raportohet se po funksionon me kapacitet të plotë.

Amir-Mobarez Parasta, drejtues i Qendrës së Syve në Mynih, i tha REL-it se shifrat e lëndimeve janë të paprecedent.

“Jam në kontakt me oftalmologë brenda Iranit”, tha ai. “Vetëm në një klinikë private të syve në Teheran, deri më tani janë regjistruar 6.000 lëndime në sy. Spitalet universitare në qytete të mëdha si Teherani, Mashhadi, Shirazi dhe Tabrizi kanë dokumentuar së bashku të paktën 600 raste që përfshijnë heqjen e syrit”.

Dëshmitarë okularë dhe stafi mjekësor raportuan gjithashtu një prani të rëndë të forcave të sigurisë në spitale, me forca të armatosura që kufizojnë qasjen dhe, në disa raste, ndalojnë pacientët para se të përfundojë trajtimi.

Ministri i Jashtëm iranian, Abbas Araqchi, pranoi më 11 janar se disa persona të plagosur ishin “eliminuar” nga ata që ai i quajti “terroristë”, dhe jo nga forcat e sigurisë.

Mjekët paralajmërojnë se shumë protestues të plagosur mbeten të fshehur, duke shmangur spitalet nga frika e arrestimit.

Plagët e patrajtuara nga armët e zjarrit dhe infeksionet, thonë ata, i vënë këta individë në rrezik serioz për vdekje, ndërsa Irani mbetet kryesisht i shkëputur nga bota e jashtme./REL

Kryeministrja e Danimarkës, Mette Frederiksen, ka deklaruar se Evropa nuk do të shantazhohet, në një reagim të fortë pas kërcënimeve të presidentit amerikan Donald Trump për vendosjen e tarifave tregtare ndaj disa vendeve evropiane, nëse ato kundërshtojnë planet e tij për marrjen nën kontroll të Grenlandës, raportoi BBC.

Në një postim në Facebook, Frederikseni shkroi se Danimarka kërkon bashkëpunim dhe jo konflikt, duke përshëndetur mesazhet e qarta nga vendet e tjera evropiane.

“Evropa nuk do të shantazhohet. Është edhe më e rëndësishme që të qëndrojmë të palëkundur në vlerat themelore mbi të cilat është ndërtuar bashkësia evropiane”, theksoi ajo.

Deklaratat vijnë ndërsa vendet anëtare të BE-së zhvilluan një takim urgjent në Bruksel.

Trumpi ka kërcënuar me vendosjen e një tarife 10% ndaj mallrave nga këto vende, duke filluar nga 1 shkurti, me mundësinë që ajo të rritet deri në 25% dhe të mbetet në fuqi deri në arritjen e një marrëveshjeje.

Shkon në 39 numri i personave që kanë humbur jetën nga përplasja e dy trenave në Andaluzi në Spanjë.

Sipas raportimeve edhe numri i të plagosurve është rritur, të paktën 73 persona morën plagë dhe janë dërguar në spital për të marrë trajtim mjekësor.

Shkaqet e aksidentit mbetet ende të panjohura, ndërsa autoritetet theksojnë se linja hekurudhore ku edhe ndodhi tragjedia ishte rinovuar në maj të 2025.

Imágenes del interior de uno de los trenes que ha descarrilado en Córdoba

Un trabajador se dirige a los pasajeros para pedir colaboración y tranquilidad tras el accidente pic.twitter.com/8NPsW3AOrx

— EL MUNDO (@elmundoes) January 18, 2026

Filmi “Sentimental Value” i Joachim Trier ka fituar një total prej gjashtë çmimesh, duke përfshirë ”Filmin më të Mirë Evropian”, ”Regjisorin më të Mirë” dhe të dy çmimet për aktrim, shkruan euronews.com.

Po ashtu, edhe filmi “Sirat” i regjizorit Oliver Laxe mori pesë çmime gjatë një mbrëmjeje të ngarkuar politikisht në Berlin.

Çmimet evropiane të filmit të këtij viti, homologu evropian i çmimeve Oscar që nderon arritjet më të mëdha në kinemanë evropiane, kanë folur… dhe ishte një natë triumfi për dramën familjare prekëse dhe të shtresuar “Sentimental Value” të regjisorit norvegjez Joachim Trier.

Filmi arriti një sukses të madh, duke fituar gjashtë çmime, duke përfshirë edhe çmimin e lakmuar për ”Filmin më të Mirë Evropian”.

Ai ”mundi” 14 filma të tjerë, përfshirë filmin tërheqës të ”Palmës së Artë” të Jafar Panahi “It Was Just An Accident”, odisenë post-apokaliptike “Sirāt” të Oliver Laxe, dhe filmin e suksesshëm “Sound of Falling” të Mascha Schilinski.

Trier fitoi çmimin për ”Regjisorin më të Mirë” si dhe ”Skenarin më të Mirë” së bashku me partnerin e tij të hershëm në skenar, Eskil Vogt.

Renate Reinsve fitoi çmimin për ”Aktoren më të Mirë Evropiane për Vlerë Sentimentale”, duke vërtetuar edhe një herë se si çiftëzimi i saj me Trier sjell lavdi, pas filmit “Personi më i Keq në Botë”, dhe se si aktorja është një nga pranitë më tërheqëse në ekran në kinema në mbarë botën.

Fitorja e saj pasoi Stellan Skarsgård që mori çmimin për ”Aktorin më të Mirë Evropian” për rolin e tij si një baba në mungesë në filmin e Trier.

Fjalimi i tij ishte i shkurtër dhe i drejtpërdrejtë: “Ndihem sikur po kthehem në shtëpi. Ju falënderoj me gjithë zemër”.

I shkurtër, i ëmbël dhe ndoshta paksa jetëshkurtër. Megjithatë, një çmim i merituar për Skarsgård, i cili kohët e fundit mori në shtëpi një Glob të Artë dhe çimenton pozicionin e tij si një favorit për çmimet Oscar në mars.

Ditën e hënë vendi ynë do të ndikohet nga kushte atmosferike të qëndrueshme.

Moti parashikohet i kthjellët në pjesën më të madhe të territorit, ndërsa vranësirat të pakta deri mesatare kryesisht në lindje e jug të vendit.

Era do të fryjë me drejtim verilindje– lindje, me shpejtësi mesatare 8 m/s, përgjatë vijës bregdetare në veri dhe zonat luginore era me shpejtësi deri në 16 m/s.

 Deti – Valëzimi forcës 2-3 ballë.

Kryeministri i Mbretërisë së Bashkuar, Keir Starmer ka biseduar në telefon me presidentin amerikan, Donald Trump, ka njoftuar një zëdhënës i tij, raportoi BBC.

Sipas këtij zëdhënësi, Starmer i ka thënë Trumpit se zbatimi i tarifave ndaj aleatëve të NATO-s është i gabuar.

“Kryeministri përsëriti qëndrimin e tij për Grenlandën. Ai tha se siguria në Veriun e Epërm është përparësi për të gjithë aleatët e NATO-s me qëllim mbrojtjen e interesave euroatlantike. Ai tha gjithashtu se zbatimi i tarifave ndaj aleatëve të NATO-s është i gabuar”, tha ai.

Gjithashtu shtoi se Starmer ka folur edhe me kryeministren e Danimarkës, Mette Frederiksen, Presidenten e Komisionit Evropian Ursula von der Leyen dhe Sekretarin e Përgjithshëm të NATO-s, Mark Rutte.

“Donald Trump nuk ka ndërmend të heqë dorë nga mesazhi i tij drejtuar aleatëve evropianë për çështjen e Groenlandës”, tha Sekretari i Thesarit i SHBA-së, Scott Bessant.

Ai gjithashtu në deklaratën e tij nënvizon se Evropa është “shumë e dobët” për të siguruar sigurinë e saj.

Në një intervistë në NBC News, Bessant duket se minimizoi kërcënimet e Bashkimit Evropian për të anuluar marrëveshjen tregtare të arritur vitin e kaluar me administratën Trump, duke vënë në dukje se presidenti amerikan po përdor ndikimin strategjik si “levë” për të arritur qëllimet e tij.

“Para së gjithash, marrëveshja tregtare nuk është finalizuar dhe një veprim emergjent mund të jetë krejtësisht i ndryshëm nga një marrëveshje tjetër tregtare”, tha ai, duke shtuar se Trump po “përdor fuqitë emergjente për ta bërë këtë”.