Presidentja e Komisionit Evropian, Ursula von der Leyen, dhe presidenti i Këshillit Evropian, António Costa, kanë paralajmëruar se vendosja e tarifave nga presidenti i SHBA, Donald Trump ndaj vendeve që dërgojnë trupa në Groenlandë do të dëmtonte marrëdhëniet transatlantike dhe do të krijonte një “spirale të rrezikshme në rënie”.
Në një deklaratë të përbashkët gjatë nënshkrimit të marrëveshjes tregtare të Mercosur në Paraguai, Von der Leyen theksoi rëndësinë e integritetit territorial dhe sovranitetit, duke theksuar se stërvitjet daneze të koordinuara me aleatët janë thjesht përforcim i sigurisë në Arktik dhe nuk paraqesin kërcënim për askënd.
“BE-ja qëndron në solidaritet të plotë me Danimarkën dhe popullin e Groenlandës. Tarifat do të minonin marrëdhëniet transatlantike dhe do të rrezikonin një spirale të rrezikshme në rënie. Evropa do të mbetet e bashkuar, e koordinuar dhe e përkushtuar për të ruajtur sovranitetin e saj,” tha Von der Leyen.
Deklarata nënvizon përpjekjet e Bashkimit Evropian për të ruajtur dialogun dhe stabilitetin transatlantik në një kohë tensioni për Groenlandën.
Presidentja e Komisionit Evropian, Ursula von der Leyen, dhe presidenti i Këshillit Evropian, António Costa, kanë paralajmëruar se vendosja e tarifave nga presidenti i SHBA, Donald Trump ndaj vendeve që dërgojnë trupa në Groenlandë do të dëmtonte marrëdhëniet transatlantike dhe do të krijonte një “spirale të rrezikshme në rënie”. Në një deklaratë të përbashkët gjatë […]
Pas deklaratës së Trump për rritje të tarifave me disa vende të BE, presidentja e Komisionit Evropian, Ursula von der Leyen, thotë se integriteti territorial dhe sovraniteti janë parime themelore të së drejtës ndërkombëtare. “Ato janë thelbësore për Evropën dhe për bashkësinë ndërkombëtare në tërësi”, shkroi ajo në një postim në rrjetet sociale”, tha Von der Leyen. Sipas saj…
Presidentja e Komisionit Evropian, Ursula von der Leyen, premtoi një strategji të re sigurie për Evropën, pasi Shtetet e Bashkuara kërcënuan të aneksonin Groenlandën.
Në të njëjtën kohë, Von der Leyen theksoi se BE po dyfishon mbështetjen e saj ekonomike për Groenlandën.
“Është e qartë se Groenlanda mund të mbështetet tek ne në kuptimin politik, ekonomik dhe financiar. Dhe kur bëhet fjalë për sigurinë e saj, diskutimet mbi sigurinë e Arktikut janë para së gjithash një çështje kyçe për NATO-n”, tha ajo.
Sipas saj, Arktiku dhe siguria e asaj zone janë tema kyçe për BE-në.
BRUKSEL, 15 janar /ATSH-DPA/ – Presidentja e Komisionit Evropian, Ursula von der Leyen premtoi sot mbështetje të mëtejshme të Bashkimit Evropian për Groenlandën, pas bisedimeve të pasuksesshme amerikano-daneze në Uashington.
”Groenlanda mund të mbështetet te ne politikisht, ekonomikisht dhe financiarisht”, tha politikania gjermane gjatë një konference për shtyp në Limassol, Qipro, në kuadër të bisedimeve.
Ajo shtoi se siguria në Arktik është kryesisht çështje e NATO-s, por rajoni dhe siguria e tij janë gjithashtu një çështje qendrore dhe jashtëzakonisht e rëndësishme për Bashkimin Evropian.
”Kjo është, ndër të tjera, arsyeja pse ne po dyfishojmë investimet dhe mbështetjen për Groenlandën”, tha Von der Leyen, duke u referuar planeve buxhetore që do të dyfishojnë ndihmën financiare të BE-së për ishullin.
Ajo gjithashtu përmendi hapjen e një zyre të BE-së në Groenlandë në vitin 2024.
Zyra synon të forcojë më tej bashkëpunimin me qeverinë dhe popullsinë e Groenlandës.
”Bashkimi Evropian ka një reputacion shumë të mirë në Groenlandë…, punët mbi sigurinë e Arktikut do të vazhdojnë me aleatët dhe partnerët, përfshirë Shtetet e Bashkuara të Amerikës”, shtoi ajo.
Komentet e Von der Leyen ishin hera e parë që ajo foli publikisht për Groenlandën që nga përfundimi i bisedimeve dje në Uashington, të cilat përfunduan pa rezultate./ /Ad.Ab./ a.jor.
”Në Iran, ne po shqyrtojmë shtrëngimin e sanksioneve”, kështu tha presidentja e Komisionit Evropian, Ursula von der Leyen gjatë vizitës së Kolegjit të Komisionerëve në Presidencën Qipriote të Këshillit të BE-së. “Sanksionet po japin efekt, ato po e dobësojnë regjimin dhe po ndihmojnë në shtytjen për fundin e tij dhe për ndryshim. Në fund të fundit, është populli iranian ai që po lufton me guxim…
Presidentja e Parlamentit, Roberta Metsola, informoi krerët e grupeve parlamentare se Komisioni Evropian, i drejtuar nga Ursula von der Leyen, do të përballet me një tjetër mocion mosbesimi. Debati dhe votimi do të zhvillohen në seancën parlamentare javën e ardhshme në Strasburg. Ky është mocioni i katërt i mosbesimit kundër von der Leyen dhe ekipit të saj breda një gjysmë […]
Komisioni i BE-së, i udhëhequr nga Ursula von der Leyen do të përballet edhe një herë me një votë mosbesimi në Parlamentin Evropian.
Sipas burimeve pranë çështjes presidentja e Parlamentit, Roberta Metsola, ka njoftuar për këtë udhëheqësit e grupeve parlamentare.
Debati dhe votimi do të zhvillohen gjatë seancës parlamentare të javës së ardhshme në Strasbourg.
Kjo është e katërta kërkesë për mosbesim ndaj von der Leyen dhe ekipit të saj brenda rreth gjashtë muajve.
Kërkesa e fundit është paraqitur nga grupi i djathtë “Patriotët për Evropën”, i cili ka kritikuar von der Leyen dhe ekipin e saj kryesisht për marrëveshjen tregtare me shtetet e Amerikës së Jugut të Mercosur, përfshirë Brazilin, Argjentinën, Uruguajin dhe Paraguajin.
Anëtarët e këtij grupi përfshijnë ligjvënës të BE-së nga krahu i djathtë i politikanes franceze Marine Le Pen dhe partia e kryeministrit hungarez Viktor Orban.
Për t’u diskutuar dhe vendosur për votim në Parlamentin Evropian, një kërkesë për mosbesim duhet të mbështetet nga të paktën një e dhjeta e 719 ligjvënësve.
Presidentja e Komisionit Evropian, Ursula von der Leyen, do të përballet sërish me një mocion mosbesimi në Parlamentin Evropian. Kryetarja e Parlamentit Europian, Roberta Metsola, ka informuar krerët e grupeve politike, duke cituar burime të mirëinformuara.
Mediat e huaja shkruajnë se debati dhe votimi pritet të zhvillohen në seancën plenare të Parlamentit Europian, javën e ardhshme në Strasburg. Është mocioni i katërt i censurës kundër Ursula von der Leyen dhe Komisionit të saj në gjashtë muaj.
Mocioni i ri i censurës është paraqitur nga grupi i ekstremit të djathtë “Patriotët për Evropën”, i cili kritikoi ashpër presidentin e Komisionit, kryesisht për marrëveshjen tregtare me vendet e Mercosur Brazil, Argjentinë, Uruguai dhe Paraguai.
Grupi “Patriotët për Evropën” përfshin, ndër të tjera, eurodeputetë nga Tubimi Kombëtar i Marine Le Pen të Francës dhe partia e kryeministrit hungarez Viktor Orbán. Në mënyrë që një mocion censurimi të debatohet dhe të vihet në votim në Parlamentin Europian, ai duhet të mbështetet nga të paktën 10% e eurodeputetëve.
Presidentja e Komisionit Evropian, Ursula von der Leyen, shprehu mbështetje për Grenlandën të mërkurën, duke thënë se ishulli Arktik që presidenti i SHBA-së, Donald Trump, është zotuar ta pushtojë "i përket popullit të tij".
"Për mua është e rëndësishme që grenlandezët ta dinë dhe e dinë këtë me vepra, jo vetëm me fjalë, se ne i respektojmë dëshirat e grenlandezëve dhe interesat e tyre dhe se ata mund të mbështeten tek ne", tha ajo në një konferencë për shtyp në Bruksel.
Komentet e saj vijnë ndërsa Zëvendëspresidenti i SHBA-së, JD Vance, dhe Sekretari i Shtetit, Marco Rubio, do të presin ministrat e Jashtëm danezë dhe grenlandezë në Shtëpinë e Bardhë më vonë të mërkurën, transmeton Telegrafi.
Ministri i Jashtëm i Danimarkës, Lars Lokke Rasmussen, u tha gazetarëve se ai dhe homologia e tij grenlandez, Vivian Motzfeldt, kishin kërkuar një takim me presidentin e SHBA-së, Donald Trump, pasi ai përshkallëzoi kërcënimet e tij për të aneksuar territorin vetëqeverisës danez.
"Arsyeja jonë për të kërkuar takimin që na është dhënë tani ishte që të zhvendosnim të gjithë këtë diskutim në një sallë takimi ku mund të shohim njëri-tjetrin në sy dhe të flasim për këto gjëra", tha Rasmussen të martën në Kopenhagë.
Tensionet janë rritur ndjeshëm midis SHBA-së, Danimarkës dhe Grenlandës këtë muaj, ndërsa Trump dhe administrata e tij vazhdojnë ta shtyjnë përpara çështjen.
Presidenti amerikan ka refuzuar vazhdimisht të përjashtojë përdorimin e forcës ushtarake për të marrë ishullin.
Trump tha të mërkurën se kontrolli amerikan i Grenlandës ishte "jetik" për sistemin e tij të planifikuar të mbrojtjes ajrore dhe raketore Golden Dome.
"Shtetet e Bashkuara kanë nevojë për Grenlandën për qëllime të Sigurisë Kombëtare. Është jetike për Golden Dome që po ndërtojmë", shkroi Trump në një postim në mediat sociale.
"NATO bëhet shumë më e fuqishme dhe efektive me Grenlandën në duart e Shteteve të Bashkuara. Çdo gjë më pak se kjo është e papranueshme", shtoi ai.
Ministri i Mbrojtjes i Danimarkës tha të mërkurën se do të "forcojë" praninë e saj ushtarake në territorin e Arktikut dhe ishte në dialog me aleatët në NATO.
"Ne do të vazhdojmë të forcojmë praninë tonë ushtarake në Grenlandë, por gjithashtu do të kemi një fokus edhe më të madh brenda NATO-s në më shumë ushtrime dhe një prani të shtuar të NATO-s në Arktik", tha Troels Lund Poulsen. /Telegrafi/
Presidentja e Komisionit Evropian, Ursula von der Leyen njoftoi sot se Bashkimi Evropian do të mbështeste Ukrainën me 90 miliardë euro, gjatë dy viteve të ardhshme, duke përfshirë 60 miliardë euro për të forcuar ushtrinë.
“Ne të gjithë duam paqe për Ukrainën dhe për këtë Ukraina duhet të jetë në një pozicion të fortë”, tha Von der Leyen në Bruksel, disa javë përpara përvjetorit të katërt të pushtimit të plotë të Ukrainës nga Rusia.
Paketa e kredisë synon të sigurojë financim të qëndrueshëm dhe të parashikueshëm dhe rikonfirmon angazhimin e palëkundur të Evropës për sigurinë, mbrojtjen dhe prosperitetin e ardhshëm të Ukrainës”, tha Von der Leyen.
Dy të tretat e fondeve janë të destinuara për mbështetje ushtarake.
“Ukrainës i kërkohet të shpenzojë paratë për pajisje të prodhuara në Ukrainë dhe në Evropë, por mund të blejë armë nga vendet e huaja, nëse pajisjet e nevojshme nuk janë të disponueshme në Evropë”, tha Von der Leyen.
“Me ndihmën ushtarake, Ukraina mund të qëndrojë e fortë kundër Rusisë dhe, në të njëjtën kohë, mund të integrohet më ngushtë në bazën industriale të mbrojtjes të Evropës”, tha ajo.
Paketa e mbetur, prej 30 miliardë eurosh, është menduar për të mbështetur nevojat buxhetore të Kievit, por janë të lidhura me reforma të mëtejshme në fushat e demokracisë, shtetin e së drejtës dhe masave kundër korrupsionit.
Komisioni Evropian prezantoi zyrtarisht të mërkurën një paketë huaje prej 90 miliardë eurosh për Ukrainën, teksa Brukseli përshpejton përpjekjet për të mbështetur luftën e Kievit përballë sulmeve gjithnjë e më të ashpra ruse dhe nismave të udhëhequra nga SHBA për t’i dhënë fund luftës.
Dy të tretat e paketës do të përdoren për të ofruar ndihmë ushtarake për Ukrainën, çka mund të përfshijë prokurimin e armëve dhe municioneve edhe nga jashtë BE-së, tha presidentja e Komisionit, Ursula von der Leyen. Tridhjetë miliardë eurot e mbetura do të përdoren për të mbuluar boshllëkun e pritshëm në buxhetin e Kievit.
Sipas Komisionit, Ukraina ka nevojë për 135.7 miliardë euro mbështetje ushtarake dhe buxhetore në vitet 2026 dhe 2027. Kjo përfshin 52.3 miliardë euro mbështetje fiskale dhe 83.4 miliardë euro ndihmë ushtarake. Po sipas Komisionit, Kievit pritet t’i mbarojnë fondet në prill.
“Me këtë mbështetje, ne sigurohemi që Ukraina, nga njëra anë, të mund të forcojë mbrojtjen e saj në fushëbetejë dhe aftësitë e saj mbrojtëse – pra të gjitha nevojat ushtarake – dhe, nga ana tjetër, të mbajë funksionimin e shtetit dhe shërbimeve bazë”, tha para gazetarëve, Von der Leyen.
Ajo shtoi se mbështetja ushtarake do të funksionojë sipas një “parimi kaskadë”, ku Ukraina do të furnizohet me armë nga jashtë bllokut vetëm nëse nuk ka pajisje të përshtatshme ushtarake evropiane në dispozicion.
“Preferencë evropiane së pari, dhe nëse kjo nuk është e mundur, atëherë blerje jashtë”, pohoi ajo.
Franca ka shtyrë prej kohësh “preferencën evropiane” në prokurimin e pajisjeve ushtarake. Megjithatë, Gjermania dhe shumë vende të Evropës Lindore të BE-së argumentojnë se blloku duhet të mbetet i hapur për blerjen e pajisjeve mbrojtëse nga Uashingtoni, pavarësisht zbehjes së mbështetjes amerikane për Kievin dhe tensioneve të fundit lidhur me kërcënimet e presidentit amerikan, Donald Trump për të pushtuar Grenlandën, një territor gjysmë-autonom danez.
Huaja do të funksionojë mbi bazën e “bashkëpunimit të përforcuar” mes vendeve të BE-së, duke u lejuar Hungarisë, Çekisë dhe Sllovakisë të përjashtohen nga skema. Këto tre vende janë thellësisht skeptike ndaj ofrimit të ndihmës financiare për Kievin.
Një zyrtar i lartë i Komisionit tha se huaja, e mbështetur nga buxheti afatgjatë i BE-së, do t’i kushtojë shteteve anëtare pagesa vjetore interesi prej rreth 3 deri në 4 miliardë euro. Propozimi i së mërkurës vjen gjithashtu pasi Komisioni dhe Gjermania, ekonomia më e madhe e BE-së, dështuan vitin e kaluar ta bindnin Belgjikën të mbështeste një “hua reparacionesh” për Kievin duke përdorur asetet sovrane ruse të ngrira. Belgjika mban shumicën dërrmuese të 185 miliardë eurove fonde të Kremlinit të bllokuara nga BE-ja pas pushtimit të plotë të Ukrainës nga Moska në vitin 2022.
Megjithatë, Von der Leyen sugjeroi se huaja e reparacioneve “mbetet në tryezë”.
“Është… shumë e rëndësishme t’i dërgojmë Rusisë një kujtesë të fortë se ne rezervojmë të drejtën për të përdorur asetet ruse të ngrira,” tha ajo, duke shtuar se këto asete do të mbeten të bllokuara deri në përfundimin e luftës dhe se Ukraina do të duhet ta shlyejë huanë vetëm pasi Moska të paguajë reparacione ndaj Kievit.
Presidenti ukrainas, Volodymyr Zelensky tha në rrjetet sociale se breshëria përfshinte 113 dronë sulmues si dhe tre raketa balistike “është shumë e rëndësishme t’i përforcojmë luftëtarët tanë tani”.
Huaja duhet të miratohet nga Parlamenti Evropian dhe vendet e BE-së. Komisioni synon që disbursimi i parë të bëhet deri në prill, tha Von der Leyen. /Telegrafi/
Bashkimi Europian ka shprehur mbështetje të hapur për protestuesit në Iran, duke u rreshtuar në krah të atyre që “po kërkojnë liri”. Presidentja e Komisionit Europian, Ursula von der Leyen, deklaroi se “rrugët e Teheranit, ashtu si edhe qytetet në mbarë botën, po jehojnë nga hapat e grave dhe burrave iranianë që kërkojnë liri: lirinë […]
BRUKSEL, 9 janar /ATSH-AA/ – Presidentja e Komisionit Evropian, Ursula von der Leyen, premtoi mbështetjen e plotë të Evropës për rimëkëmbjen dhe rindërtimin e Sirisë, ndërsa u takua me udhëheqjen siriane gjatë vizitës së saj në Damask, transmeton Anadolu.
“Pas dekadash frike dhe heshtjeje, sirianët filluan një udhëtim të gjatë drejt shpresës dhe ripërtëritjes. Evropa do të bëjë gjithçka që mundet për të mbështetur rimëkëmbjen dhe rindërtimin e Sirisë”, shkroi von der Leyen në platformën sociale të kompanisë amerikane X.
Presidenti i Këshillit të BE-së, Antonio Costa, i cili shoqëroi von der Leyen, u takua me zyrtarë sirianë, përfshirë presidentin Ahmed al-Sharaa, duke thënë se vizita e BE-së tregon “mbështetje të vazhdueshme për popullin sirian”.
“Pas shumë vitesh lufte dhe vuajtjesh, rënia e regjimit të Asadit më në fund i ofroi pak shpresë popullit sirian… Ka ende një rrugë të gjatë përpara, por ju tashmë keni ndërmarrë hapat e parë”, tha ai në rrjetet sociale.
Vizita vjen pas angazhimit në rritje të BE-së me udhëheqjen e re të Sirisë. Në qershor 2025, Komisionerja Evropiane për Mesdheun, Dubravka Suica, vizitoi Sirinë dhe tha se blloku dëshironte ta shihte vendin të bëhej i qëndrueshëm dhe i begatë.
Në maj, shefja e politikës së jashtme të BE-së, Kaja Kallas, njoftoi gjithashtu heqjen e sanksioneve ekonomike të vendosura nga regjimi i mëparshëm.
Bashar Asad, udhëheqësi i Sirisë për gati 25 vjet, u largua në Rusi, duke i dhënë fund regjimit të Partisë Baath, e cila kishte qenë në pushtet që nga viti 1963. /os/
PARIS, 6 janar /ATSH-DPA/- Takimi i nivelit të lartë i vendeve mbështetëse të Ukrainës dërgon një sinjal të fortë uniteti, tha sot presidentja e Komisionit Evropian, Ursula von der Leyen.
“Deklarata e përbashkët e dakordësuar dërgon një mesazh të qartë”, shkroi ajo pas diskutimeve në Paris.
Von der Leyen tha se kolektivisht, ata mbështesin Ukrainën, e cila vazhdon të kundërshtojë pushtimin e plotë rus që ka zgjatur pothuajse katër vjet.
“Vendi ka një të ardhme të sigurt, të qëndrueshme dhe të begatë përpara”, shtoi ajo.
Sipas qeverisë franceze, përfaqësues nga më shumë se 30 vende, si dhe BE dhe NATO, morën pjesë në takimin e nivelit të lartë të të ashtuquajturit “Koalicion i të Gatshmëve” në Paris. //a.i/
Pretendimi: Presidentja e Komisionit Europian Ursula von der Leyen nuk fle në zyrë për t’iu shmangur arrestimit
Verdikti: Mungon konteksti
Barbara Halla
Një postim i publikuara edhe në profile shqipfolëse në Facebook pretendon se Ursula von der Leyen, presidentja e Komisionit Europian, ka transformuar një ambjent si banesë të saj brenda godinës ku punon për t’iu shmangur arrestimit nga prokuroria belge. Ky pretendim është në vazhdën e hetimeve të autoriteteve gjyqësore belge në qytetin e Liezhit, të nisura në fillim të vitit 2023 për të ashtuquajturën “Pfizergate”, çështjen e negociatave të presidentes së KE-së, Ursula von der Leyen dhe CEO të Pfizer, për sigurimin e vaksinës kundër Covid-19.
Videoja pretendon se ndryshe nga “të gjithë paraardhësit e Ursulas, madje çdo politikan, deputet apo zyrtar i lartë, që marrin një apartament me qera për të jetuar, vetëm Ursula ka modifikuar disa zyra duke i kthyer në banesë brenda Parlamentit Europian.”
Aty shkruhet po ashtu se von der Leyen e ka marrë këtë vendim pasi policia belge “nuk ka juridiksion për ta arrestuar brenda Parlamentit të BE-së.”
Së pari, von der Leyen nuk banon në Parlamentin Europian, por në një dhomë 25 metra katrorë në katin e 13-të të ndërtesës Berlaymont, selia kryesore e Komisionit Europian. Sipas Deutsche Welle, ky vendim u mor në tetor 2019, shumë më herët se të niste hetimi për Pfizergate, për arsye praktike dhe ekonomike, jo për të shmangur drejtësinë. Një praktikë të ngjashme, Von der Leyen e ka zbatuar gjatë karrierës së saj në Gjermani, duke jetuar në zyrat e ministrive gjatë javës për të kaluar sa më shumë kohë me familjen e saj të bollshme gjatë fundjavave.
Së dyti, pretendimi se prokuroria belge nuk mund ta arrestojë von der Leyen brenda ndërtesës së BE-së nuk është tërësisht i vërtetë. Ndërtesat e BE-së në Bruksel, përfshirë Berlaymont, ndodhen në territorin sovran të Belgjikës dhe nuk trajtohen si ambasada ku ka imunitet të plotë. Belgjika mban juridiksionin penal mbi çdo vepër penale që ndodh brenda këtyre ndërtesave. Megjithatë, sipas Protokollit nr. 7 mbi privilegjet dhe imunitetet e BE-së, autoritetet belge duhet të kërkojnë pëlqimin e Komisionit Europian para se të kryejnë veprime hetimore brenda ndërtesës.
Kjo nuk do të thotë se von der Leyen është e paprekshme. Nëse ka prova për vepër penale, prokurorët belgë mund të fillojnë hetime dhe të kërkojnë heqjen e imuniteteve institucionale. Për më tepër, hetimi për Pfizergate është fokusuar mbi akuzat për korrupsion me fondet europiane dhe çështja i është kaluar për hetim Prokurorisë së BE‑së (EPPO). Ky organ mund të arrestojë zyrtarët edhe brenda godinave zyrtare të BE-së, duke kërkuar heqjen e imunitetit kur është e nevojshme për veprat penale që dëmtojnë interesat financiare të BE‑së.
Edhe pse pretendimi për arrest është i pavërtetë, është e vërtetë se ka pasur hetime dhe padi ligjore në lidhje me komunikimin e von der Leyen me CEO-n e Pfizer, Albert Bourla, rreth kontratave për vaksinat COVID-19. Një gjykatë e BE-së ka vendosur se von der Leyen ka shkelur ligjet e transparencës duke mos dorëzuar mesazhe teksti të kërkuara.
Megjithatë, këto janë procedura ligjore civile dhe administrative, jo një rast penal që ka rezultuar në një mandat arresti për të. Asnjë person nuk është ngarkuar me akuza në lidhje me rastin penal që po heton Prokuroria Europiane (EPPO). Prandaj, pretendimi se von der Leyen po përpiqet të shmangë arrestimin nga autoritetet belge nuk bazohet në fakte.
BERLIN, 30 dhjetor /ATSH-DPA/ – Zyrtarë evropianë dhe kanadezë kanë koordinuar përpjekje të mëtejshme për të çuar përpara procesin e paqes në Ukrainë, deklaruan sot kancelari gjerman Friedrich Merz dhe presidentja e Komisionit Evropian, Ursula von der Leyen.
“Po e çojmë përpara procesin e paqes. Tani kërkohen transparencë dhe ndershmëri nga të gjithë, përfshirë Rusinë”, shkroi Merz në platformën X.
Von der Leyen tha se ishte zhvilluar një diskutim i mirë lidhur me mbështetjen për Ukrainën, sigurinë e saj dhe rindërtimin e vendit, i cili po mbrohet nga një pushtim i plotë rus që prej vitit 2022.
“Në fund të fundit, prosperiteti i një shteti të lirë ukrainas qëndron në anëtarësimin në Bashkimin Evropian. Kjo është gjithashtu një garanci kyçe sigurie në vetvete”, shkroi presidentja e Komisionit Evropian.
“Zgjerimi nuk përfiton vetëm vendet që anëtarësohen, por, siç tregojnë valët e njëpasnjëshme të zgjerimit, përfiton e gjithë Evropa”, shtoi Von der Leyen.
Megjithëse kohët e fundit janë zhvilluar bisedime mes presidentit amerikan Donald Trump, presidentit ukrainas Volodymyr Zelensky dhe udhëheqësit të Kremlinit Vladimir Putin, përpjekjet për paqe aktualisht janë zbehur nga akuzat ruse se Kievi ka shënjestruar vetë Putinin.
Moska pretendon se Ukraina ka tentuar një sulm me dron te dielen në mbrëmje ndaj rezidencës së Putin, akuzë që Ukraina e ka mohuar, duke deklaruar se një sulm i tillë nuk ka ndodhur. /Ad.Ab./ a.jor.
BRUKSEL, 29 dhjetor /ATSH-AA/ – Presidentja e Komisionit Evropian (BE), Ursula von der Leyen tha se janë të kënaqur me progresin e arritur në bisedimet e paqes në Ukrainë pas takimeve të mbajtura në SHBA.
Në lidhje me çështjen, Von der Leyen bëri deklaratë në llogarinë e saj në platformën e kompanisë amerikane të mediave sociale X. Ajo tha se realizuan një telefonatë të gjatë me presidentin e SHBA-së, Donald Trump, presidentin ukrainas, Volodymyr Zelenskyy dhe disa liderë evropianë, duke shtuar se “Kemi mësuar se është bërë përparim dhe e mirëpresim këtë”.
Von der Leyen tha se BE-ja është gati të vazhdojë të punojë për të konsoliduar progresin e bërë me Ukrainën dhe SHBA-në, duke nënvizuar se një nga aspektet më të rëndësishme që nga dita e parë është sigurimi i garancive të forta të sigurisë.
Trump u takua me Zelenskyyn në rezidencën e tij Mar-a-Lago në Florida. Në fjalën e tij lidhur me takimin, Trump tha se është bërë përparim i rëndësishëm në procesin e përfundimit të luftës Rusi-Ukrainë, ndërsa Zelenskyy njoftoi se është arritur marrëveshje për rreth 90 për qind të planit të paqes me 20 pika.
As një vit nuk është mbushur nga ardhja në detyrë e Donald Trumpit, por nga perspektiva e Brukselit, kjo kohë është një përjetësi. Valë tronditëse njëra pas tjetrës i kanë mbajtur evropianët në ankth; çdo javë solli kërkesa të reja, akuza dhe më pas ndryshime rrënjësore.
Tronditja e 4 dhjetorit ishte kulmi i ri i përkohshëm dhe ka të ngjarë të jetë më e zgjatura. Një tronditje që e godet në palcë Evropën.
Strategjia e re e sigurisë kombëtare e ShBA-së mbarti disa befasi për aleatët e saj. Kina nuk është më një rivale sistematike, por thjesht një konkurrente ekonomike. Rusia pranohet si një fuqi e madhe me një treg premtues, veçanërisht për lëndët e para. Dhe, nëse lindin konflikte me presidentin e saj, Vladimir Putin, Donald Trumpi ofron shërbimet e tij si ndërmjetës. Po Koreja e Veriut? As që përmendet më. Gjatë mandatit të parë të Trumpit, Kim Jong-uni ishte ende armiku numër një publik.
Strategjia e re amerikane e sigurisë tregon ndarjen më radikale që ka ndodhur me evropianët. ShBA-ja, vendi që çliroi Evropën nga terrori nazist gjerman më shumë se 80 vjet më parë me një kosto të madhe, më pas u bë edhe fuqia mbrojtëse e kontinentit dhe, në veçanti, gjithmonë e mbështeti projektin e Bashkimit Evropian - tani janë armiku i tij. Paragrafët kushtuar BE-së lexohen si një aktakuzë. Ato paraqesin një pamje të një BE-je plotësisht të rrënuar në prag të kolapsit civilizues, të gërryer nga migrimi masiv, shtypja e opozitës, normat e ulëta të lindshmërisë dhe censura.
"Askush prej nesh nuk duhet të tronditet nga fjalët që thonë të tjerët për ne", rekomandoi presidentja e Komisionit Evropian, Ursula von der Leyen dhjetë ditë pasi u njoftua strategjia e re. Paragraf pas paragrafi, ajo i çmontoi deklaratat nga Uashingtoni. Evropa rezervon të drejtën për të nxjerrë ligjet e veta - refuzim ky i presionit amerikan për të lejuar kompanitë amerikane të teknologjisë të operojnë sa më lirshëm të jetë e mundur, të papenguara nga rregulloret evropiane.
Në Evropë, vazhdoi Presidentja e Komisionit, të gjithë mund të votojnë për "kë të duan", pa presion apo manipulim të jashtëm. Kjo duhet të kuptohet, pa dyshim. Por, von der Leyen e bëri të qartë se çfarë rrezikohet: "liria për të jetuar siç duam".
Që presidenti i Amerikës e përçmon thellësisht Bashkimin Evropian, bëhet e qartë në një nga konferencat e tij të pafundme për shtyp. "BE-ja u themelua", deklaroi Trump në samitin e NATO-s në Hagë këtë verë, "për të shkatërruar ShBA-në".
Trumpi e shikon suficitin tregtar të evropianëve si një fyerje personale: "Ata nuk i duan makinat tona"! Tarifat drastike janë përgjigja e tij; BE-ja duhet të dobësohet. Dhe, ai mbjell pasiguri duke vënë vazhdimisht në pikëpyetje angazhimin besnik ushtarak të ShBA-së tek aleanca e NATO-s.
Strategjia e sigurisë kombëtare e 4 dhjetorit e ShBA-së shkon edhe më tej. Aty pretendohet se liria e shprehjes censurohet në BE dhe opozita shtypet. Kjo i referohet partive të krahut të djathtë dhe të ekstremit të djathtë në BE - të cilat duhet të forcohen. Kjo është arsyeja pse zëvendëspresidenti JD Vance nuk u takua me kancelarin gjerman në Konferencën e Sigurisë në Mynih në shkurt, por me Alice Weidelin, drejtuesen e AfD-së.
"Rrjeti i partive të ekstremit të djathtë dhe konservatore të krahut të djathtë në Evropë, përfshirë lëvizjen MAGA, është bërë më i rrënjosur gjatë katër viteve të fundit", shpjegon politologia gjermano-amerikane, Cathryn Clüver Ashbrook, në një intervistë me studion e ARD në Bruksel. Ajo shton se partitë, por edhe politikanët individualë, marrin mbështetje.
Për shembull, fondet nga Fondacioni “Heritage” shkuan për politikanin britanik të ekstremit të djathtë, Nigel Farage. "Tani duhet ta presim këtë në kontekstin e Strategjisë së Sigurisë Kombëtare për Evropën kontinentale", vëren Clüver Ashbrook. Partitë e krahut të djathtë në Evropë po mbështeten - në Hungari, ku ato janë tashmë në pushtet, dhe në vendet si Gjermania, ku ato janë në opozitë.
Mbështetjes së drejtpërdrejtë për partitë politike i shtohet edhe rrjetëzimi nëpërmjet medias, përfshirë në Gjermani. Para zgjedhjeve federale në shkurt, Elon Musku vlerësoi AfD-në jo vetëm në platformën e tij X, por gazeta e përditshme Die Welt, në pronësi të shtëpisë botuese “Springer”, botoi gjithashtu mbështetjen e Muskun për AfD-në si artikull i të ftuarit. Drejtori ekzekutiv i “Springer”-it, Matthias Döpfner, ndërhyri personalisht pas publikimit të strategjisë së re të sigurisë të Trump-it. “Evropa duhet ta dëgjojë Trumpin”, shkroi Döpfner në një editorial në Die Welt; asnjë fjalë kritike nuk gjendet në editorial. /Tagesschau/ ARD/DW/
Presidentja e Komisionit Evropian, Ursula von der Leyen, ka reaguar përpara takimit të paralajmëruar mes presidentit të Ukrainës, Volodymyr Zelenskyy, dhe ish-presidentit amerikan Donald Trump, duke theksuar se Bashkimi Evropian mbështet çdo iniciativë që synon arritjen e një paqeje të drejtë dhe të qëndrueshme në Ukrainë. Përmes një postimi në rrjetet sociale, von der Leyen […]
Login
