Klubi saudit Al-Hilal ka zyrtarizuar transferimin e yllit francez Karim Benzema, i cili do të jetë pjesë e ekipit të parë për një periudhë njëvjeçare e gjysmë, si lojtar i lirë.
Marrëveshja është nënshkruar nga Al-Hilal Club, e udhëhequr nga Princi Nawaf bin Saad, duke shënuar një tjetër goditje të madhe të klubit në tregun e transferimeve.
Benzema konsiderohet si një nga futbollistët më të suksesshëm në historinë e futbollit modern. Gjatë karrierës së tij ka fituar 34 trofe, përfshirë pesë Kupa të Botës për Klube, pesë Liga të Kampionëve, si dhe katër tituj të La Ligës me Real Madridin. Me Olympique Lyon, ai ka fituar katër tituj kampioni në Ligue 1.
Në nivel ndërkombëtar, Benzema ka zhvilluar 97 paraqitje me Kombëtaren e Francës, duke triumfuar në UEFA Nations League dhe duke marrë pjesë në Kampionatin Botëror.
Sa i përket çmimeve individuale, Karim Benzema është fitues i Topit të Artë (Ballon d’Or) dhe i çmimit UEFA Best Player in Europe, si dhe ka qenë golashënuesi më i mirë në disa kompeticione elitare.
Afati kalimtar dimëror në Ligën Premier u hap më 1 janar dhe u mbyll zyrtarisht më 2 shkurt në orën 20:00, me klubet angleze që shfrytëzuan çdo moment për të përforcuar skuadrat ose për të rregulluar balancat për pjesën vendimtare të sezonit.
Afati i janarit 2026 solli lëvizje të mëdha, rikthime nga huazimi, transferime milionëshe dhe një numër të madh huazimesh strategjike.
Nga blerjet e bujshme të Manchester Cityt dhe Tottenhamit, te afrimet vendimtare të Aston Villës, Arsenalit dhe West Hamit, çdo klub pati qasjen e vet në këtë afat kalimtar.
Më poshtë gjeni pasqyrën e plotë të transferimeve hyrëse dhe dalëse për të gjitha klubet e Premier League, ashtu siç ndodhi në afatin dimëror të vitit 2026.
Daljet: David Datro Fofana, Strasbourg, Aaron Anselmino - Strasbourg, Yahya Idrissi - AC Milan, Frankie Runham - Ipswich, Raheem Sterling, Leo Castledine - Middlesbrough, Facundo Buonanotte - Brighton.
Crystal Palace
Ardhjet: Evann Guessand - Aston Villa, Brennan Johnson - Tottenham, Hindolo Mustapha - Nurnberg,Danny Imray - Blackpool.
Daljet: Jesurun Rak-Sakyi - Stoke, Tayo Adaramola - Sheffield Wednesday, Romain Esse - Coventry City, Naouirou Ahamada - Auxerre, Luke Browne - Notts County, Marc Guehi - Man City, Owen Goodman - Barnlsey, Luke Browne - Notts County.
Everton
Ardhjet: Harrison Armstrong - Preston.
Daljet: Martin Sherif - Port Vale, Elijah Campbell - Port Vale, Francis Okoronkwo - Doncaster, Harry Tryer - Cardiff, Will Tamen - Tranmere, Roman Dixon - Stockport.
Fulham
Ardhjet: Oscar Bobb - Man City.
Daljet: Aaron Loupalo-Bi - Walsall, Adama Traore - West Ham, Luke Harris - Wycombe.
Leeds
Ardhjet: Facundo Buonanotte - Brighton.
Daljet: Jack Harrison - Fiorentina, Harry Gray - Rotherham.
Liverpool
Ardhjet: James McConnell - Ajax, Owen Beck - Derby, Mor Talla Ndiaye - Amitie FC.
Daljet: Calum Scanlon - Cardiff, James Norris - Shelbourne, James Balagizi - Forest Green.
Manchester City
Ardhjet: Sverre Nypan - Middlesbrough, Antoine Semenyo - Bournemouth, Max Alleyne - Watford, Marc Guehi - Crystal Palace.
Daljet: Kalvin Phillips - Sheff Utd, Justin Oboavwoduo - Juventus, Stefan Ortega - Nottingham Forest, Jahmai Simpson-Pusey - Koln, Emilio Lawrence - Luton, Claudio Echeverri - Girona, Jaden Heskey - Sheffield Wednesday, Oscar Bobb - Fulham, Stephen Mfuni - Watford.
Manchester United
Ardhjet: Toby Collyer - West Brom, Sonny Aljofree - Notts County, Ethan Wheatley - Northampton, Elyh Harrison - Shrewsbury, Habeeb Ogunneye - Newport, Joe Hugill - Barnet, Harry Amass - Sheffield Wednesday.
Daljet: Gabriele Bianchieri - Rotherham, Ethan Wheatley - Bradford City, Sam Mather - Kayserispor, Harry Amass - Norwich, Joe Hugill - Kilmarnock.
Newcastle United
Ardhjet: Nuk ka.
Daljet: Antonio Cordero - Cadiz, Ben Parkinson - Falkirk, Joe Brayson - Morpeth Town, Joe White - Bradford, Harrison Ashby - Bradford.
Nottingham Forest
Ardhjet: Luca Netz - Borussia Mönchengladbach, Stefan Ortega - Manchester City, Lorenzo Lucca - Napoli.
Ardhjet: Jocelin Ta Bi - Maccabi Netanya, Melker Ellborg - Malmo.
Daljet; Simon Adingra - Monaco, Adil Aouchiche - Schalke, Patrick Roberts - Birmingham, Leo Hjelde - Sheffield United, Anthony Patterson - Millwall, Timothee Pembele - Le Havre, Jay Matete - MK Dons, Trey Samuel-Ogunsuyi - Shrewsbury, Jake Waters - Spennymoor Town, Dan Neil - Ipswich, Aji Alese - Portsmouth, Ben Middlemas - Swindon, Joe Anderson - Barrow, Tymur Tutierov - Exeter, Arthur Masuaku - Lens.
Afati kalimtar i dimrit në Serie A është mbyllur zyrtarisht dhe klubet italiane kanë qenë aktive deri në orët e fundit, duke forcuar skuadrat ose duke ristrukturuar organikat për pjesën e mbetur të sezonit.
Nga transferime të bujshme te huazime strategjike dhe shkëmbime lojtarësh, muaji janar solli lëvizje interesante pothuajse për çdo ekip të elitës italiane.
Më poshtë është pasqyra e plotë e transferimeve hyrëse dhe dalëse për secilin klub të Serie A gjatë afatit dimëror 2026, bazuar në të dhënat e përditësuara pas mbylljes së afatit.
Kjo mund të jetë shumë një nga lëvizjet më të mëdha të afatit kalimtar të dimrit, me Karim Benzeman, që sapo ka pranuar të gjitha detajet e ofertës së kontratës që i është paraqitur sot nga Al Hilal.
Transferimi i tij tani është në pritje të " hapave të fundit midis klubeve", thuhet në postim në Twitter nga Fabrizio Romano.
Ndërkohë, sulmuesi francez është duke pritur konfirmimin zyrtar nga Al Hilal, për të mbyllur aventuën me Al Itthihad.
Cristiano Ronaldo sot ka bojtuar ndeshjen e Al Nass, për shkak të këtij transferimi.
Sipas tij, Fondi Arab i Investimeve, por I ndihmon klubet e tjera, më shumë se sa Al Nassr.
Mbrojtësi Melos Zenunaj, do ta vazhdojë karrierën në klubin e vendlindjes së tij, Dukagjini I Klinës.
Pas gjashtë mujash pa angazim, Zenunaj që luajtur më parë te Flamurtari, Liria, Kukësi dhe Drita, do ta ndihmojë Dukagjinin, drejt objektivave për Evropë.
“Kemi kënaqësinë të njoftojmë për marrëveshjen e arritur me Melos Zenunajn. Zenunaj është bashkuar me pjesën tjetër të ekipit, duke shprehur gatishmëri të plotë për sfidat pranverore”.
“Mbrojtësi 25-vjeçar rikthehet në familjen tonë, pas disa aventurave në vendin tonë dhe në Shqipëri”.
“Rikthimi i një lojtari të rritur në radhët tona sjell energji dhe forcon objektivat që kemi vendosur si klub. Mirë se u riktheve në shtëpi, Melos!”, thuhet në njoftimin e klubit klinas. /Telegrafi/
Juventusi ka konfirmuar zyrtarisht një marrëveshje të dyfishtë me Bolognën, duke transferuar Emil Holm në Torino dhe duke dërguar Joao Mario në drejtim të kundërt.
Mbrojtësi i djathtë suedez Emil Holm i është bashkuar bardhezinjve në formë huazimi me opsion blerjeje, ndërsa Joao Mario do të luajë për Bolognën në huazim deri më 30 qershor 2026.
Në njoftimin e saj, Juventus bëri të ditur se opsioni i blerjes për Holmin është 15 milionë euro, i pagueshëm në tre vite financiare, me mundësi bonusesh shtesë deri në 3 milionë euro, të lidhura me performancën dhe kohëzgjatjen e kontratës.
Holm, 25 vjeç, ishte një titullar i shpeshtë te Bologna këtë sezon, ku në 19 paraqitje në të gjitha garat ka shënuar 1 gol dhe ka dhënë 5 asistime.
Ndërkohë, Joao Mario, i ardhur te Juventusi verën e kaluar, regjistroi 13 paraqitje mes Serie A dhe Ligës së Kampionëve, me 373 minuta lojë dhe 1 asist, të realizuar në debutimin e tij evropian kundër Borussia Dortmundit.
Besiktas ka realizuar një manovër të zgjuar financiare në tregun e transferimeve, duke përfituar rreth 8 milionë euro brenda vetëm dy ditësh nga sulmuesi anglez Tammy Abraham.
Klubi turk ka aktivizuar detyrimin për blerjen e Abraham nga Roma, duke paguar 13 milionë euro, sipas kushteve të huazimit të verës së kaluar. Menjëherë pas kësaj, Besiktas ka pranuar ofertën e Aston Villa, e cila ka rënë dakord të paguajë 21 milionë euro për rikthimin e sulmuesit në Angli.
Abraham ka kryer kontrollin mjekësor të shtunën, pasi udhëtoi drejt Britanisë së Madhe të premten, duke i hapur rrugë finalizimit të transferimit te Aston Villa. Ai debutoi një ditë më pas.
“Kushtet e kontratës së transferimit të përhershëm të lojtarit janë përmbushur dhe klauzola është aktivizuar. Në këtë kuadër, Besiktas do t’i paguajë AS Romës shumën prej 13 milionë eurosh”, thuhej në njoftimin zyrtar të klubit turk.
28-vjeçari, i cili ka 11 paraqitje me kombëtaren e Anglisë, shënoi 12 gola në 24 ndeshje për Besiktasin këtë sezon. Ai kishte luajtur më parë për Aston Villa në sezonin 2018/19, duke fituar promovimin në Ligën Premier.
Abraham u transferua te Roma nga Chelsea në vitin 2021 për 34 milionë euro, ku realizoi 39 gola në 120 ndeshje dhe fitoi Lgën e Konferencës në vitin 2022. Sezonin 2024/25 e kaloi i huazuar te AC Milan, me 10 gola në 44 paraqitje. /Telegrafi/
Lëvizja e AC Milan për sulmuesin e Crystal Palace, Jean-Philippe Mateta, ka dështuar përfundimisht.
Sipas raportimeve të fundit nga Gianluca Di Marzio, Dharmesh Sheth dhe James Savundra, kuqezinjtë kanë vendosur të tërhiqen pas kryerjes së kontrolleve të tjera mjekësore gjatë ditës së sotme.
Më herët ishte raportuar se Juventusi po monitoronte nga afër marrëveshjen e Milanit për Matetën.
🚨 BREAKING: Jean Philippe Mateta will NOT join AC Milan following double session of medical tests today.
Edhe pse transferimi te Milani ka rënë, një lëvizje e mundshme e Juventusit – në formë huazimi me opsion blerjeje – ende nuk përjashtohet plotësisht, me afatin kalimtar që po shkon drejt mbylljes.
Nga ana tjetër, tërheqja e Milanit nuk pritet të ndikojë në transferimin e Jørgen Strand Larsen te Crystal Palace.
Sipas The Telegraph, Xabi Alonso pritet të jetë në një listë të ngushtë prej tre trajnerësh për të pasuar Pep Guardiolën te Manchester City .
Brenda qarqeve të Ligës Premier po rritet bindja se Guardiola mund të largohet nga Etihad në fund të këtij sezoni, duke shënuar 10 vjet në krye të ekipit.
Burime nga brenda Man Cityt i kanë hedhur poshtë raportimet duke i cilësuar si "spekulime të pastra", por planifikimi i emergjencës kuptohet se po vazhdon prapa skenave.
Alonso, i shkarkuar së fundmi nga Real Madridi , shihet si një kandidat kryesor për shkak të profilit të tij taktik dhe përvojës në nivel elitar.
Ai drejtoi me shumë suskes Bayer Leverkusenin, ndërsa shihet edhe si kandidat për stolin e Liverpoolit.
Enzo Maresca pritet gjithashtu të merret në konsideratë. Italiani kohët e fundit e informoi Chelsean se kishte folur me Man Cityn dhe Juventusin para shkarkimit të tij muajin e kaluar.
Ai ka qenë pjesë e klubit si zëvendës i Guardiolas, para se të shkonte te Leicester City.
Po ashtu nuk ka si të mungonte në listë një trajner me të ardhme si Cesc Fabregas, aktualisht trajneri kryesor i Comos.
Ai do të largohej vetëm për një nga punët më të mëdha në futbollin anglez ose evropian. /Telegrafi/
Një lajm i pabesueshëm vjen nga Arabia Saudite, dhe rolin kryesor e luan portugezi, Cristiano Ronaldo. Konkretisht, CR7 ka vendosur të mos luajë për Al Nass në ndeshjen e nesërme kundër Al-Riyadh.
Është një derbi kundër një rivali të qytetit, por Ronaldo u ka thënë qartë drejtuesve të klubit se nuk do të jetë pjesë e ndeshjes së nesërme.
Sipas gazetës portugeze “A Bola”, Cristiano Ronaldo është i pakënaqur me mënyrën se si po drejtohet Al Nassr.
Pakënaqësia e tij drejtohet drejtpërdrejti ndaj Fondit të Investimeve Publike të Arabisë Saudite. Sipas A Bola, Ronaldo është i zhgënjyer me mënyrën se si PIF e trajton Al Nassr në lidhje me rivalët e tjerë në ligë.
Sigurisht, PIF menaxhon klubet e tjera nga fondi, por sipas Ronaldos, ato janë në një pozicion më të mirë se klubi për të cilin ai luan.
Edhe Fabrizio Romano konfirmoi se Cristiano Ronaldo nuk do të luajë në ndeshjen e nesërme.
Përveç kësaj, Romano deklaroi qartë se mungesa e tij nuk kishte të bënte fare me ndonjë dëmtim, por nuk donte të jepte më shumë detaje.
Është e qartë se të gjithë janë të shokuar nga vendimi i Ronaldos, por mbetet të shihet se cili do të jetë reagimi i Al Nassr.
🚨⚠️ Cristiano Ronaldo will not feature in tomorrow’s match between Al Nassr and Al Riyadh.
Më pak se 24 orë para mbylljes së afatit kalimtar të janarit, dilema rreth së ardhmes së Edon Zhegrovës te Juventusi po bëhet gjithnjë e më e madhe, me lojtarin që duhet të mendojë seriozisht të ardhmen e tij.
Shifrat janë të ftohta dhe flasin qartë: 293 minuta në 23 ndeshje, mesatarisht rreth 13 minuta për lojë – një rol periferik për një lojtar që pritej të sillte kreativitet dhe shpërthim në krah.
Shumëkush mendoi se ardhja e Luciano Spallettit në vend të Igor Tudor, do të ndryshonte situatën e reprezentuesit të Kosovës, por realiteti në fushë ka qenë ndryshe.
Zhegrova vazhdon të mbetet ‘jashtë’ planeve kryesore të trajnerit, shpesh duke mos u aktivizuar fare ose duke hyrë vetëm për minuta simbolike, edhe pse Spalletti në konferecë për shtyp flet fjalë të mira për sulmuesin kosovar.
Shifrat tregojnë qartë rolin periferik të Edon Zhegrovës te Juventusi.
Në shumë raste, kontributi i tij ka qenë thuajse simbolik: kundër Parmës, Cagliarit, Fiorentinës, Lazios, Real Madridit, Benficës, Napolit dhe Bolognës ai nuk u aktivizua fare, ndërsa ndaj Sassuolos hyri vetëm për një minutë.
Edhe në ndeshje të tjera, minutat kanë qenë minimale – 7 minuta kundër Udineses, 8 ndaj Bodø/Glimt, 9 përballë Napolit, apo 18 minuta ndaj Monacos.
Ka pasur edhe disa paraqitje me pak më shumë hapësirë, por pa vazhdimësi reale.
Zhegrova luajti 19 minuta kundër Sporting CP, 25 ndaj Cagliarit, 26 përballë Torinos, 29 minuta kundër Cremoneses, si dhe nga 30 minuta ndaj Pisës dhe AS Romës.
Aktivizimet më të gjata mbeten përjashtim: 45 minuta kundër Lecces, 46 ndaj Pafosit, ndërsa ndeshjet ku iu afrua një roli më të qëndrueshëm ishin të rralla dhe të izoluara, pa krijuar një seri që do t’i garantonte ritëm dhe besim.
Në total, vetëm dy ndeshje mbi 45 minuta, ndërsa në shumicën dërrmuese të takimeve, Zhegrova ka mbetur në stol ose jashtë planeve.
Në këtë kontekst, huazimi duket gjithnjë e më shumë si një opsion i domosdoshëm, jo vetëm për të rigjetur formën dhe ritmin, por edhe për të mos humbur vazhdimësinë në një moment kyç të karrierës.
Evertoni ishte një mundësi, por siç duket, bisedimet mes palëve u ndërprenë pa nisur mirë.
Në këtë realitet, është e vështirë të pretendohet se Zhegrova po ndërton formë konkurruese. Minutat e copëzuara, hyrjet e vonshme dhe mungesa e vazhdimësisë e kanë vendosur atë në një zonë gri, larg pritshmërive që shoqëruan transferimin e tij dhe larg nivelit që kërkohet për të qenë faktor vendimtar, si në klub ashtu edhe në Kombëtaren e Kosovës.
Afati kalimtar i janarit mbyllet të hënën në ora 20:00 në pesë ligat kryesore evropiane.
Deri atëherë, vendimi i Edon Zhegrovës mund të jetë një nga më të rëndësishmit e karrierës së tij: të presë një shans që nuk po vjen, apo të largohet përkohësisht për të luajtur, për të gjetur veten dhe për të ndihmuar edhe Kosovën ndaj Sllovakisë, me një formë të lartë, që i duhet yllit kosovar. /Telegrafi/
Juventusi ka shënuar një fitore të rëndësishme si mysafir ndaj Parmës, duke triumfuar me rezultatin 4-1, në një paraqitje të fortë dhe efikase në Serie A.
“Zonja e Vjetër” e nisi ndeshjen me autoritet dhe kaloi në epërsi që në minutën e 15-të, kur Bremer realizoi me kokë pas një goditjeje këndi.
Dominimi i bardhezinjve vazhdoi dhe në minutën e 37-të, Weston McKennie dyfishoi shifrat me një goditje të saktë nga brenda zonës, duke mbyllur pjesën e parë me rezultatin 0-2.
Parma reagoi në fillim të pjesës së dytë, duke ngushtuar diferencën në minutën e 51-të pas një autogoli të Andrea Cambiasos, por Juventusi u rikthye shpejt në kontrollin e lojës.
Vetëm tri minuta më vonë, Bremer realizoi sërish, këtë herë nga afërsia, për rezultatin 1-3.
Në minutën e 64-t, pas një aksioni të rishikuar nga VAR-i, Jonathan David përfitoi nga topi i kthyer dhe shënoi golin e katërt, duke shënuar për fitoren e Juventusit (1-4).
David Openda shënoi në kohën shtesë, por goli i tij u anulua nga VAR për pozitë jashtë loje.
Edon Zhegrova qëndroi në bankë dhe nuk luajti asnjë minutë në këtë ndeshje.
Me këtë triumf, Juventusi ngjitet në vendin e katërt të tabelës me 45 pikë, duke vazhduar garën për zonën Champions, edhe pse mbetet 10 pikë larg Interit lider. /Telegrafi/
Carlos Alcaraz (22), tenisti më i mirë në botë, ka triumfuar në Australian Open, duke mundur Novak Djokovic me rezultatin 2:6, 6:2, 6:3, 7:5 në një finale që zgjati tre orë e dy minuta.
Ky është titulli i parë i Alcaraz në Australian Open, duke e bërë atë tenistin më të ri në histori që ka fituar të katër turnetë Grand Slam. Deri më tani, ai ka nga dy tituj nga Wimbledon, US Open dhe Roland Garros.
Për këtë sukses, Alcaraz do të shpërblehet me 4.15 milionë dollarë australianë (rreth 2.44 milionë euro).
Juventus ka zyrtarizuar transferimin e Jeremie Boga nga OGC Nice në formë huazimi deri në fund të sezonit 2025-26.
Ky është transferimi i parë i madh i Bianconerëve gjatë afatit dimëror të janarit.
Boga nuk ka ardhur me një pagesë të menjëhershme, por marrëveshja përfshin opsion blerjeje në vlerë prej 4.8 milionë euro, i cili mund të paguhet në dy vite financiare.
Sulmuesi i Bregut të Fildishtë mbetet nën kontratë me Nice deri në fund të sezonit 2026-27.
Ky është rikthimi i Bogas në Serie A, ku ai ka kaluar pesë vite më parë duke luajtur për Sassuolon dhe Atalantën, duke lënë pas emër të njohur në futbollin italian.
Për Juventusin, Boga bëhet transferimi i parë i madh i janarit, ndërsa Zonja e Vjetër është në procedur për të kompletuar edhe transferimin e Emili Holms. /Telegrafi/
Danimarka ka dëshmuar sërish se është Kombëtarja më e mirë e hendbollit, duke u kurorëzuar me titullin e kampionit të Evropës.
Në finalen e jashtëzakonshme në Herning, danezët fituan ndaj Gjermanisë me rezultat 34:27.
Për Danimarkën është titulli i tretë i Evropës. Të parin e kishte fituar në vitin 2008, kurse të dytin në vitin 2012. Në Evropianin e kaluar, në vitin 2024, ishte mposhtur në finale.
Simon Pytlick ishte më efikasi te Danimarka me tetë gola. Nga shtatë i shënuan Mathias Gidsel dhe Johan Hansen. Kevin Moller i bëri tetë pritje, kurse Emil Nielsen shtatë.
Te Gjermania nga pesë gola i shënuan Johannes Golla, Juri Knorr e Marko Grgiq. Portieri Andreas Wolff ishte i jashtëzakonshëm me plot 14 pritje.
Danimarka tani i ka dy tituj olimpikë, katër tituj të botës dhe tre tituj të Evropës.
Gjermania u kthye në finale të Evropianit pas 10 vjetësh. Mbetet me dy tituj kontinentalë, të fundit në vitin 2016.
Medalja e bronztë i takoi Kroacisë, që për vend të tretë fitoi 34:33 ndaj Islandës. /Telegrafi/
Interi ka shënuar një fitore të rëndësishme dhe komode ndaj Cremoneses me rezultat 2-0, duke forcuar kryesimin e tabelës në Serie A .
Ndeshja nisi me një ritëm të kujdesshëm, por Interi nuk vonoi të hapte rezultatin.
Në minutën e 16-të, Lautaro Martinez realizoi pas një harkimi nga këndi, duke gjetur hapësirë në zonë dhe duke dërguar topin me kokë në pjesën e djathtë të portës për 0-1.
Më vonë, në minutën e 31-të, Piotr Zielinski kontrolloi një pasim të shkëlqyer në kufi të zonës dhe gjuajti saktë në këndin e sipërm të djathtë, duke dyfishuar avantazhin për Interin për 0-2.
Cremonese pati disa raste për të ngushtuar diferencën. Federico Ceccherini gjuajti pas një topi që u kthye nga mbrojtësi, por topi shkoi vetëm pranë shtyllës së majtë.
Në pjesën e dytë, Alessio Zerbin nuk arriti të shfrytëzonte një mundësi të artë, duke goditur shtyllën e djathtë në minutën e 84-të.
Interi kontrolloi takimin nga fillimi në fund, duke treguar superioritet në sulm dhe mbrojtje.
Lider me 55 pikë, skuadra e Cristian Chivu ruan një avantazh prej tetë pikësh ndaj Milanit dhe vazhdon rrugëtimin e sigurt drejt titullit të Serie A. /Telegrafi
Florent Hasani ishte protagonisti kryesor në fitoren bindëse 7-0 të Amedsporit ndaj Adana Demirsporit, në kuadër të Ligës së Parë të Turqisë.
Sulmuesi nga Vushtrria realizoi dy gola, duke shënuar në minutat 45’ dhe 59’, për golin e dytë dhe të pestë të skuadrës së tij.
Hasani qëndroi në fushë për 61 minuta, ndërsa paraqitja e tij u vlerësua me notën e lartë 9.5 nga SofaScore.
Me këta dy realizime, sulmuesi ka shkuar në kuotën e 16 golave, të shoqëruara edhe me 3 asistime, duke u konfirmuar si golashënuesi më i mirë i kampionatit.
Amedspor aktualisht mban vendin e parë në tabelë dhe konsiderohet favorit absolut për t’u ngjitur në Superligën e Turqisë, falë formës së shkëlqyer dhe vazhdimësisë së rezultateve.
Hasani iu bashkua Amedsporit në këtë afat kalimtar dimëror, duke u transferuar nga Boluspor, dhe menjëherë ka treguar ndikim vendimtar në repartin ofensiv të skuadrës. /Telegrafi/
Kombëtarja e Kroacisë në hendboll ka fituar medaljen e bronztë në Kampionatin Evropian, pasi triumfoi ndaj Islandës me rezultat dramatik 34:33 në ndeshjen për vendin e tretë.
Ky është suksesi i dytë radhazi për kroatët, të cilët vitin e kaluar kishin fituar medaljen e argjendtë në Kampionatin Botëror.
Skuadra e drejtuar nga Dagur Sigurdsson e nisi ndeshjen fuqishëm. Portieri Matej Mandić i dha siguri mbrojtjes, ndërsa në sulm shkëlqeu Tin Lucin, i cili ishte figura kryesore në pjesën e parë.
Anësori i majtë realizoi gjashtë gola dhe tri asiste në 30 minutat e para, duke e udhëhequr Kroacinë drejt një epërsie prej gjashtë golash në minutën e 19-të.
Megjithatë, Islanda reagoi dhe e ngushtoi rezultatin, me pjesën e parë që u mbyll 17:14 në favor të kroatëve.
Dramë e vërtetë në fund të ndeshjes
Në pjesën e dytë, Kroacia e ruajti epërsinë dhe Islanda nuk arriti asnjëherë të kalojë në avantazh, edhe pse minutat e fundit sollën tension maksimal.
Në momentet më të vështira për kroatët, u dallua Marin Jelinic, i cili realizoi të tre golat e tij pikërisht kur ndeshja po vendosej.
Fundi ishte dramatik: Filip Glavas humbi një penallti në minutën e fundit që mund ta kishte mbyllur ndeshjen, ndërsa në anën tjetër islandezët gjithashtu gabuan nga pika e bardhë.
Megjithatë, Glavas u shpagua menjëherë duke shënuar golin vendimtar, që i dha Kroacisë fitoren 34:33 dhe medaljen e bronztë.
Finalja për titullin evropian
Kroacia fitoi medaljen e saj të fundit evropiane në vitin 2020, kur u shpall nënkampione nën drejtimin e Line Cervar.
Sonte, Danimarka dhe Gjermania përballen në finalen e madhe, me të dyja kombëtaret që synojnë titullin e tretë evropian. Danezët kanë triumfuar në vitet 2008 dhe 2012, ndërsa Gjermania në 2004 dhe 2016. /Telegrafi/
Ishte minuta e 9-të në stadiumin “Santiago Bernabeu” kur Jude Bellingham ndjeu një dhimbje të fortë në kofshën e majtë.
Mesfushori anglez po vraponte drejt vijës anësore, por u rrëzua në tokë duke kapur pjesën e pasme të këmbës, në një moment që ngriti menjëherë alarmin te Real Madridi.
Bellingham u largua drejt dhomave të zhveshjes me një shprehje serioze në fytyrë, ndërsa dyshimet e para flasin për një këputje muskulore të mundshme, edhe pse diagnoza përfundimtare do të konfirmohet vetëm pas ekzaminimeve mjekësore.
Në fushë, ai u zëvendësua nga Brahim Díaz, ndërsa largimi i tij nga loja u shoqërua me dukshëm zhgënjim dhe nervozizëm nga ana e anglezit.
Nuk ishte një pasdite e lehtë për Bellinghamin. Së bashku me Vinícius Júnior, ai ishte ndër lojtarët më të fishkëllyer nga publiku i “Santiago Bernabeut” para fillimit të ndeshjes ndaj Rayo Vallecanos, çka shtoi edhe më shumë presionin mbi të.
Real Madridi fitoi ndaj Rayo Vallecanos me rezultat 2-1, me një gol të Kylian Mbappe nga pika e bardhë në kohën shtesë.
Ky pritet të jetë dëmtimi i dytë i Jude Bellinghamit në këtë sezon. Mesfushori kishte munguar edhe në fillim të kampionatit, pasi iu nënshtrua një ndërhyrjeje kirurgjikale në shpatull pas Kupës së Botës për Klube, të zhvilluar në Shtetet e Bashkuara. /Telegrafi/
Everton ka refuzuar një qasje të Juventusit për sulmuesin Beto gjatë javës së kaluar, ndërsa bisedimet mes dy klubeve që përfshinin Edon Zhegrovën nuk kanë shënuar asnjë përparim, shkruan The Athletic.
Gjiganti italian po kërkon të përforcojë repartin ofensiv gjatë afatit kalimtar të janarit.
Beto, ish-sulmuesi i Udineses dhe aktualisht pjesë e Evertonit, ishte vetëm emri i fundit në listën e lojtarëve të shqyrtuar nga “Zonja e Vjetër”, pas Jean-Philippe Mateta dhe Youssef En-Nesyri.
Megjithatë, sipas raportimit, Everton refuzoi edhe të hapte diskutime për një huazim të mundshëm të sulmuesit portugez drejt Torinos.
Sipas The Athletic, arsyeja kryesore e refuzimit lidhet me shqetësimin e Evertonit për të gjetur një zëvendësues të përshtatshëm për Beton në këtë fazë të sezonit.
Klubi anglez nuk dëshiron të dobësojë repartin ofensiv pa pasur një alternativë të sigurt.
Zhegrova pjesë e bisedimeve, por pa epilog
Në raport shtohet se gjatë kontakteve mes dy klubeve është diskutuar edhe mundësia e një transferimi të Edon Zhegrovës drejt Evertonit.
Megjithatë, negociatat nuk kanë avancuar dhe palët nuk kanë arritur në fazë konkrete.
Ndërkohë, Juventusi ka arritur marrëveshje për transferimin e anësorit Jérémie Boga nga OGC Nice dhe mbrojtësit të djathtë Emil Holm nga Bologna.
Sipas gazetarit italian Alfredo Pedullà, objektivi më i ri për repartin ofensiv është ish-kapiteni i Interit, Mauro Icardi. /Telegrafi/
Login
