TIRANË- Avokati Idajet Beqiri, i ftuar në emisionin “Ora e Fundit”, ngriti akuza të forta ndaj ish-kryeministrit Sali Berisha dhe disa politikanëve të tjerë, duke folur për korrupsion dhe pasuri të paligjshme.

“Berisha ku i gjeti lekët e LaCivita? Tha 6 milionë dollarë, por në fakt janë mbi 20 milionë dollarë. Po aktivitetet që bën, ku i gjen paratë? Po shpenzimet për fushatën elektorale ku i gjen? Problemi është që korrupsioni është galopant.

Janë të gjithë ato lekët e privatizimeve që janë bërë në mënyrë kriminale. Janë lekët e naftës, kromit dhe mineraleve të tjera të Shqipërisë, që u privatizuan për interesat e këtyre personave. Këlliçi duhet të thotë fillimisht aferat e tij korruptive. Këlliçi ka disa afera korruptive,” deklaroi Beqiri.

Ai theksoi se provat e korrupsionit të Berishës janë konkrete dhe të dukshme.  Sipas tij, krimet e Sali Berishës i dinë edhe shërbimet partnere.

“I di një popull i tërë, i dinë prokurorët, gjykatat, ndërkombëtarët, por edhe shërbimet partnere të huaja. Krimet e tij janë të dukshme. Është 1997, Gërdeci, 21 janari, Partizani, Albpetrol dhe shumë të tjera. Ky dënohet minimumi me 23 herë burgime të përjetshme. Lere pastaj se sa miliardë pasuri i ka borxh këtij populli.”, tha ai./abcnews.al

TIRANË- U trumbetuan me zhurmë, por Partitë e Reja nuk po arrijnë ta thyejnë të vjetrit. Përkundrazi, nuk po arrijnë ta cenojnë hegjemoninë e tyre.

Referuar statistikave të bëra publike nga Kuvendi mbi pjesëmarrjen dhe votimin e deputetëve në seanca plenare, rezulton se Ana Dajko, deputetja e Shqipëria Bëhet, nuk ka votuar në 12 seanca plenare, Agron Shehaj në 11-të, Erald Kapri në 9-të dhe Redi Muçi në 6-të seanca që nga nisja e sesionit të ri parlamentar më 16 shtator.

Ndërkohë numri total i seancave të zhvilluara është 13. Praktikisht, deputetja e Shqipëria Bëhet ka qenë thuajse totalisht joaktive, ndërsa Agron Shehaj vetëm në video selfie.

E përbashkëta e tyre mbetet vota kundër dy partive të mëdha.

Në seancën e 27 tetorit, Shehaj, Kapri dhe Muçi bashkuan kartonët e kuq kundër ngritjes së dy komisioneve të posaçme parlamentare, atij për reformën zgjedhore dhe territoriale.

Asokohe, ato do e cilësonin ngritjen e tyre si një pazar për të vrarë partitë e reja, të cilët ngelën jashtë tryezës së dy komisioneve të posaçme. Ndërsa vota kundër e Dajkos u evidentua në seancën e 6 nëntorit, ku ngriti kartonin e kuq për projektligjin për “Barazinë Gjinore” dhe mosngritjen e komisionit hetimor për shkarkimin e Presidentit Begaj. Në të njëjtën seancë, edhe Kapri votoi kundër, ndërsa Shehaj e Muçi nuk ishin të pranishëm.

Endri Shabani u zgjodh Avokat i Popullit me 85 vota pro dhe 3 kundër me votim të fshehtë. Opozita nuk ishte në sallë në momentin e votimit, as Shehaj dhe Kapri. Dhe me gjasë, tre votat kundër i përkisnin Artan Lukut, Redi Muçit dhe Ana Dajkos. Së paku Dajko në këtë rast ka votuar, megjithëse këtu më shumë ka mbajtur qëndrim në krizën e brendshme të ish-aleancës Shabani-Lapaj.

Vota e deputetes së Shqipëria Bëhet ishte një akt besnikërie ndaj Adriatik Lapajt për tradhtinë e Endri Shabanit, edhe pse prej tradhtisë së këtij të fundit ajo po shijon detyrën më të lartë të jetës, deputetes, pa bërë asnjë punë në Parlament, aty ku ajo nuk ka folur akoma asnjëherë.

Më aktiv duket Muçi. Deputeti i Lëvizjes Bashkë është shfaqur shpesh në foltore për të folur mbi problematikat e qytetarëve, nga bonuset dhe pensionet, tek buxheti apo minatorët. Aktiv në foltore sa i përket diskutimeve për projektligjet kanë qenë dhe deputetët e Mundësisë, Kapri dhe Shehaj, ndonëse ky i fundit, jo në pak raste, ka zgjedhur të bëjë protagonistin, duke u përjashtuar disa herë edhe nga seancat plenare dhe duke mos kontribuar direkt me votën e tij.

Praktikisht, në Kuvend duhet të kishim katër deputetë të partive të reja, që duhet të kontribuonin ndryshe në opozicionin e ri në vend. Faktikisht, vota e tyre ka qenë e pavlerë, ndërsa me opozitën e vjetër i kanë bashkuar incidentet dhe përjashtimet nga salla e Kuvendit./abcnews.al

SHQIPËRI– Mbështetja për të vjetrit, shpresa për një të re në të ardhmen vijon të rritet, por te kjo shpresë nuk futen tre partitë e reja parlamentare.

Sondazhi “Zëri i Shqiptarëve” në ABC News zbulon se më shumë se 1/3 e shqiptarëve, apo 42.7% e tyre, po presin krijimin e një partie të re të cilën do e votonin që sot, kurse pjesa tjetër, 57.3%, do të votonte për një nga partitë ekzistuese.

Por këtu, pjesa më e madhe serish voton PS dhe PD, ndërsa partitë e reja të krijuara para 11 majit vazhdojnë të humbasin terren.

Mbështetja e shqiptarëve për një parti të re imagjinare për momentin shkon thuajse sa mbështetja që ka sot PS nga votuesit, 43.9%, ndërkohë që qeveris vendin me shumicë mandatesh në Parlament.

PS ka një rënie prej 9.3% që nga zgjedhjet e 11 majit, por rënia e PS nuk kthehet në rritje për opozitën. Edhe partia më e madhe opozitare, PD, ka një rënie thuajse të njëjtë, prej 8.7% nga 11 maji.

Logjikisht, partia e re që do të krijohet do të jetë jo thjesht opozitare, por edhe ndryshe. Ndaj pyetjes pse nuk e votojnë më PD, 24.3% e shqiptarëve që do të votonin për një parti të re thonë se kanë humbur përfundimisht besimin, sepse mendojnë se ajo është në diktatin e plotë të kryetarit Sali Berisha; 12.7% besojnë se Berisha dështoi gjatë qeverisjes 2005-2013 dhe nuk mund të ketë sukses sërish, kurse 12.5% mendojnë se doktori është shumë i vjetër për t’u bërë kryeministër, aktualisht 81 për 82 vjeç.

Por sondazhi tregon se shqiptarët kanë humbur besimin shpejt edhe tek partitë e reja, të cilat me moshën e Kuvendit nuk i kanë mbushur akoma 6 muajshin e parë.

Lapaj, Shehaj dhe Qori, prej 11 majit, kanë humbur një të tretën e mbështetjes, ose një rënie prej 8.6%, fiks sa partitë më të mëdha.

20.3% e shqiptarëve që janë gati për një parti të re thonë se Lapaj, Shehaj e Qori janë kopje të të vjetërve. 13.1% s’kanë organizim në terren, ndërsa 10.4% dinë vetëm të kritikojnë, pra janë të sigurt aty ku janë, dhe jo ku duan të shkojnë.

Sipas këtij trendi, për 3 vite me gjasë edhe mund të mos ekzistojnë, ndërsa shqiptarët do presin sërish që opozicioni i tyre të gjejë një figurë të re, që të bëjë një opozitë tjetër, krejt ndryshe nga ajo që kemi parë deri më sot, nga Molotovët e doktorit, të pabesitë e Bardhit, e deri te lufta për një karrige e Adriatik Lapajt./abcnews.al

TIRANË- Të dhënat e sondazhit “Zëri i Shqiptarëve” tregojnë se shqiptarët kanë humbur besimin shpejt edhe tek partitë e reja, të cilat, me moshën e Kuvendit, nuk i kanë mbushur akoma 6-mujorin e parë.

Lapaj, Shehaj dhe Qori, prej 11 majit, kanë humbur një të tretën e mbështetjes, ose një rënie prej 8.6%, fiks sa partitë më të mëdha.

20.3% e shqiptarëve që janë gati për një parti të re thonë se Lapaj, Shehaj e Qori janë kopje të të vjetërve. 13.1% s’kanë organizim në terren, ndërsa 10.4% dinë vetëm të kritikojnë, pra janë të sigurt aty ku janë, dhe jo ku duan të shkojnë.

Sipas këtij trendi, për 3 vite me gjasë edhe mund të mos ekzistojnë.

Në pyetjen “Partia më e preferuar aktualisht e pjesëmarrësve të këtushëm të zgjedhjeve të majit 2025”, përkatësisht 1444 banorë të rritur të vendit kanë shprehur këtë mendim:

Të dhënat e grafikut: 

Metodologjia e sondazhit:

Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë. Pyetësori u plotësua elektronikisht në
mënyrë krejt anonime nga të anketuarit.
Kampioni u ripeshua statistikisht për t’i përfaqësuar sa më mirë banorët e rritur të Shqipërisë nga pikëpamja gjeografike, demografike, arsimore, dhe politike.
Maksimumi i marzhit të gabimit statistikor: +/- 2.6%/abcnews.al

TIRANË- Sondazhi Zëri i Shqiptarëve në Abc News zbulon se më shumë se 1/3 e shqiptarëve apo rreth 42.7% e tyre po presin krijimin e një partie të re të cilën do e votonin që sot, kurse pjesa tjetër, 57.3% do të votonte për një nga partitë ekzistuese.

Sondazhit iu përgjigjen 1444 banorë të rritur të vendit.

Të dhënat në grafik:

Metodologjia e sondazhit:

Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë. Pyetësori u plotësua elektronikisht në
mënyrë krejt anonime nga të anketuarit.
Kampioni u ripeshua statistikisht për t’i përfaqësuar sa më mirë banorët e rritur të Shqipërisë nga pikëpamja gjeografike, demografike, arsimore, dhe politike.
Maksimumi i marzhit të gabimit statistikor: +/- 2.6%/abcnews.al

TIRANË- Jani Marka nga “Shqipëria Bëhet” deklaroi në “Real Story” se detyra e forcave të reja politike është të artikulojnë të vërtetën me zë të lartë dhe në mënyrë të qytetëruar.

Ai shtoi se Partia Demokratike duket se e ka zgjedhur strategjikisht të mbetet forcë e dytë në skenën politike.

Sipas Markës, partia e Sali Berishës është e mobilizuar për këtë qëllim dhe nuk synon realisht ndryshimin. Ai shtoi se përplasjet dhe tensionet e vazhdueshme në seancat parlamentare nuk përbëjnë opozitë efektive dhe normale.

“Detyra jonë të artikulojmë të vërtetën me zë të lartë dhe në mënyrë të qytetëruar. Partia e Sali Berishës është që do të jetë numër dy, e ka këtë strategji dhe ka mobilizuar militantët e vet.Por nëse vazhdon opozita që përplasen me karrige në çdo seancë…”, tha ai.

Nga ana tjetër, analisti Ergys Mërtiri u shpreh se opozita e di shumë mirë se si bëhet një opozitë normale, por sipas tij problemi është se nuk dëshiron ta bëjë. Ai theksoi se partitë e reja ndodhen nën presionin e publikut, i cili kërkon prej tyre më shumë sesa mund të mbajnë.

Sipas Mërtirit, kjo i shtyn shpesh drejt ekzagjerimit, duke përmendur se Adriatik Lapaj tenton të mbajë një peshë më të madhe sesa ka realisht.

“Mjafton të thuash të vërtetën. Këta jo që nuk e dini si bëhet. Dinë të bëjnë opozitë normale, problemi është se nuk duan të bëjnë. Partitë e reja janë në një presion, i cili është presioni i publikut, i cili kërkon që këta të marrin më shumë barrë se çkanë dhe duke bërë këtë shpeshherë ata ekzagjerojnë. Për Mua Lapaj, tenton të mbajë më shumë peshë se c ‘mban. Në fund fare nuk i kërkojmë Lapajt të shpëtojë Shqipërisë, se nuk shpëtohet Shqipëria as nga Lapaj, as nga Berisha dhe as nga njeri tjetri””, tha analisti.

Pedagogia Arsejda Gjyli ngriti pikëpyetje mbi pretendimin e disa forcave të reja për t’u konsoliduar si forcë e tretë politike. Ajo tha se ka vërejtur inkoherencë në qëndrime dhe theksoi se për partitë e reja është thelbësore koherenca dhe shmangia e qasjeve të reja me “fytyrë të vjetër”. Sipas saj, besueshmëria politike ndërtohet vetëm përmes qartësisë dhe qëndrueshmërisë në ide dhe veprime.

“Pretendimi për të qenë forcë e tretë. I kam ngritur disa pyetje Lapajt. Ka një inkoherencë. E parë pretendimi për të qenë dhe për tu fuqizuar si forcë e tretë. Të partitë e reja, më e rëndësishme është  te këtë koherencë dhe të mos vijmë si qasje e re me fytyrë të vjetër”, tha ajo./abcnews.al

TIRANË- Jani Marka nga “Lëvizja Bashkë” u shpreh se formacioni politik ku ai bën pjesë ka si synim të bindë votuesit e majtë, që vota e tyre të shkojë drejt tyre. Ai theksoi se kjo është beteja kryesore e Lëvizjes Bashkë.

Gjatë diskutimit në “Real Story”, Marka u shpreh se Lëvizja Bashkë nuk është për ta kthyer historinë pas tek Sali Berisha, por aspiron progresin dhe për këtë shtoi ai duhet fillimisht të fitojnë besimin e qytetarëve.

“Ne si Lëvizje Bashkë, që identifikohemi si të majtë në ideologji, ne duhet të bindim sa më shumë qytetarë  që deri dje kanë votuar PS, ta braktisin atë parti, kjo është zgjidhja. Duhet të fitojmë besimin e tyre, që në këtë mënyrë nuk shkohet më. Nuk mund të kthehemi pas në histori. Ne jemi për progres, ne nuk jemi që ta kthejmë historinë pas tek Sali Berisha”, tha ai./abcnews.al

TIRANË- Dorina Prethi nga “Shqipëria Bëhet”, e ftuar në “Real Story” ka kritikuar Kodin Zgjedhor, duke theksuar se sistemi aktual prodhon pabarazi në përfaqësim.

Sipas Prethit, me rreth 64 mijë vota, Partia Socialiste ka marrë 9 mandate në qarkun e Vlorës, dhe Lëvizja Bashkë ka marrë vetëm një mandat dhe kjo përllogaritje tha ajo tregon qartë pabarazinë e sistemit.

 Ajo theksoi se “Shqipëria Bëhet” ishte e vetmja forcë që kërkoi bashkëpunim dhe bashkim mes subjekteve politike opozitare.

“E dinim Kodin Zgjedhor dhe e dimë sot se nuk kemi marrë vota për një mandat, sepse me 64 mijë vota, PS ka marrë 9 mandate në Vlorë. Sistemi është i pabarabartë, jo për ne që duhet të jemi në Kuvend, por për njerëzit, që janë të papërfaqësuar në Kuvend.

Kodi Zgjedhor nuk i lejon koalicionet. Kodi Zgjedhor kërkon një logo. Kështu nuk mund të ruhet identitetit. Ne jemi të vetmit, që kërkuam bashkëpunim dhe bashkim”, tha ajo./abcnews.al

Pas pak “Real Story”, na ndiqni live në ABC News

Nëse jeni të pavendosur për mënyrën si shkruhet një fjalë apo  iu duhet  një sinonim mund të  kërkoni në fjalorin  e madh të gjuhës shqipe. Për herë të parë ai është publikuar online dhe mund të  përdoret pa pagesë nga të gjithë.

“Sinonimet, antonimet, frazologjia që lidhet me atë fjalë janë të gjitha falas në faqen fjalori.online.  Nëse do të numërojmë dhe përdorimet e veçanta shkon te 120 mijë fjalë, shprehje frazologjike, fjalë të paasimiluara, fjalë të huaja të përdorura, por nuk kanë arritur të nguliten, ndërsa zëra konkret janë rreth 105 mijë. Kishte ardhur koha që dashamirësit e gjuhës të kishin një mjet të tillë. Një fjalor kaq te madh nuk e kishim deri tani”, tha gjuhëtarja Anila Kananaj.

Pas rreth pesë vitesh punë realizohet projekti më i madh i Akademisë së Shkencave  që përfshiu një grup të madh gjuhëtarësh.

“Fjala që ka më shumë përdorim qoftë në aspektin sasior qoftë në shtrirje gjeografike ajo ka gjetur vendin në këtë fjalor”

Sipas gjuhëtares Anila Kananaj në fjalor janë shtuar fjalë  të reja  ndërsa të  vjetrave iu janë pasuruar kuptimet.

“Është filluar nga fjalori i 1980, këtu duhet të jenë rreth 45 mijë fjalë, janë përditësuar kuptimet, nuk është thjeshtë heqje e ideologjisë… Fjalë të reja që shqipja i ka krijuar nga komunikimi me gjuhë të tjera. Zhvillimi i teknologjisë, është vjel dhe pasuria dialektore, është dhe një lloj pasqyrimi i kulturës. Fjalët që kanë zënë vend në gjuhën shqipe, shqipja i ka bluar le te themi, fjala vjen gugëlloj, e përdor brezi i ri … kjo mund të quhet e bluar, përderisa përdoret patjetër që do pasqyrohet. Fjalët që nuk janë stabilizuar mirë i kemi lënë në një listë në fund të fjalorit”, tha gjuhëtarja.

Gjuhëtarët  shprehen të hapur për sugjerime.  Në faqen e fjalorit online  ka një rubrikë të posaçme.

“Secili mund të shënojë”, shtoi ajo.

Gjuhëtarët do të presin mendime për rreth nëntë muaj, më pas do të nisin punën që fjalorin  e madh të gjuhës shqipe ta kthejnë  në një vepër  për ta  pasur dhe mbi  tavolinë.

Tirana po konsolidohet gjithnjë e më shumë si një qendër e rëndësishme e zhvillimit urban në rajon, dhe “Downtown One” po shndërrohet në një nga simbolet më të forta të këtij transformimi.

Projekti ka tërhequr vëmendjen e medias ndërkombëtare, duke u përzgjedhur nga platforma prestigjioze “Dezeen” mes ndërtesave më të larta që pritet të përfundojnë në vitin 2026, një vlerësim që e vendos Shqipërinë në hartën globale të arkitekturës bashkëkohore dhe konfirmon interesin ndërkombëtar ndaj zhvillimeve urbane të kryeqytetit.

Me lartësinë dhe formën e saj të veçantë, “Downtown One” po pozicionohet si një nga landmark-et më të rëndësishme urbane në Ballkan, duke u kthyer në një pikë reference vizuale për Tiranën dhe një simbol të një qyteti që po evoluon me ambicie dhe identitet modern.

Prania e Shqipërisë në të njëjtin artikull krah vendeve si SHBA, Kina, Australia, Emiratet e Bashkuara, tregon se zhvillimi urban i Tiranës tashmë është pjesë e një narrative globale, duke forcuar imazhin e vendit si destinacion serioz për zhvillim dhe investime.

 

View this post on Instagram

 

A post shared by Dezeen (@dezeen)

“Downtown One” mban firmën e studios së njohur ndërkombëtare MVRDV, një nga emrat më inovativë të arkitekturës bashkëkohore, çka nënvizon standardet e larta dhe vizionin afatgjatë të “Kastrati Group”.

Projekti nuk konceptohet thjesht si një kullë e lartë, por si një “vertical village”, me ballkone të gjelbra dhe hapësira komunitare që promovojnë një mënyrë jetese urbane më humane dhe të qëndrueshme, të lidhur ngushtë me qytetin.

Përfshirja në “Dezeen” përforcon rolin e “Kastrati Group” si një nga promotorët kryesorë të projekteve që po ndryshojnë standardet e ndërtimit dhe zhvillimit urban në Shqipëri.

“Downtown One” shihet si një shembull i qartë i vizionit afatgjatë, ku investimi, arkitektura dhe përgjegjësia urbane ecin paralelisht.

Xabi Alonso është shkarkuar si trajner i Real Madridit. Ky zhvillim u konfirmua nga klubi spanjoll. Sipas njoftimit, Alonso dhe Real Madrid kanë ndarë rrugët me marrëveshje të dyanshme.

Të dielën, Real Madrid humbi sfidën përballë Barcelonës, në finale të Superkupës së Spanjës.

“Real Madridi do të jetë gjithmonë shtëpia e tij,” thuhet në komunikatë.

Klubi gjithashtu falënderon Alonson dhe ekipin e tij teknik për puna dhe përkushtimin e treguar gjatë këtij periudhe dhe u uron atyre fat të mbarë në fazën e re të karrierës.

Por, “Los Blancos” nuk ka humbur kohë dhe kanë gjetur menjëherë pasuesin e Alonsos. Trajneri i  ri i Real Madrid do jetë Alvaro Arbeloa.

TIRANË- Shqipëria do të prodhojë energji elektrike nga era. Një park eolik do të ngrihet në Tropojë nga një kompani amerikane.

Kryeministri Rama u shpreh se Shqipëria po shton investimet ne energjinë e rinovueshme, me synim uljen e varësisë nga energjia hidrike.

Zv.kryeministrja Belinda Balluku pohoi se këto projekte synojnë qëndrueshmëri ne energji, ndërsa në proces janë 1.5 miliardë euro investime private.

Analisti Artur Nura, i ftuar në “Tirana Live” theksoi se ky investim ka përmasa disaplanëshe, të cilat duhen parë me vëmendje.

“Takimet që ka bërë përfaqësuesja e kësaj ambasade janë domethënëse. Të investojë kjo qeveri në Tropojë është investim dispalanësh.

Është investim ekonomik, por edhe investim politik, për të thënë se ne nuk kemi paragjykime siç na akuzojnë për veriun.

Dy krerët e ekzekutivit sot ishin prezentë dhe morën fjalën për këtë takim. Politika ka të bëjë me ekonominë dhe ekonomia ka të bëjë me politikën”, tha ai.

Ai theksoi se qeveria shqiptare ka hapur “dyert” për Shtetet e Bashkuara të Amerikës, partnerin dhe aleatin strategjik të Shqipërisë.

“Ka edhe një lloj bashkëpunimi me ekzekutivin, që vjen në mënyrë të hapur, vjen si mbështetje.

Besoj do kemi zhvillime brenda dhe jashtë janarit, që duket se ka një sinkronizim të kësaj qeverie me SHBA.

Kjo qeveri ka hapur dyert për Shtëpinë e Bardhë, aleatin tonë strategjik”, u shpreh Nura./abcnews.al

Meta, kompania mëmë e platformës amerikane të mediave sociale Facebook dhe Instagram, tha se ka çaktivizuar 544.052 llogari që besohet se mbaheshin nga përdorues nën moshën 16-vjeç në Australi pas ndalimit të mediave sociale në vend.

Më 10 dhjetor, Australia u bë vendi i parë që zbatoi një ndalim për mediat sociale për fëmijët nën 16-vjeç. Me ndalimin në fuqi, të rinjve u ndalohet të përdorin ose të mbajnë profile në platformat kryesore si Facebook, Instagram, X, TikTok, YouTube, Snapchat dhe të tjera.

Në një postim në blog të dielën, kompania tha se midis 4 dhe 11 dhjetorit çaktivizoi 330.639 llogari në Instagram, 173.497 në Facebook dhe 39.916 në Threads.

“Ne i bëjmë thirrje qeverisë australiane të angazhohet në mënyrë konstruktive me industrinë për të gjetur mënyrë më të mirë përpara, siç është nxitja e të gjithë industrisë për të rritur standardin në ofrimin e përvojave online të sigurta, që ruajnë privatësinë dhe janë të përshtatshme për moshën, në vend të ndalimeve të përgjithshme”, tha deklarata.

Gjiganti i teknologjisë nënvizoi se është i përkushtuar për të zbatuar ligjin ndërsa vuri në dukje se “shqetësimet e tij lidhur me përcaktimin e moshës në internet pa një standard të industrisë mbeten”.

Përmbytjet kanë sjellë trazira në disa pjesë të Skocisë, me paralajmërime për përmbytje në shumë zona, për shkak të shirave të rrëmbyeshëm dhe shkrirjes së borës.

Që nga mëngjesi i ditës së sotme, ka patur 19 paralajmërime për përmbytje nga Agjencia Skoceze për Mbrojtjen e Mjedisit (SEPA) dhe 12 alarme për përmbytje në të gjithë vendin.

Në Aberdeenshire, rruga kryesore u mbyll në të dy drejtimet për shkak të përmbytjeve. Një paralajmërim i verdhë i meteorologëve për shira të rrëmbyeshëm në pjesën më të madhe të Skocisë veriperëndimore është në fuqi deri në orën 10:00.

Shiu i rrëmbyeshëm vjen pas një jave moti dimëror në Skocinë veriore, që shkaktoi mbylljen e qindra shkollave gjatë javës së parë të semestrit të ri.

Këshilli i Aberdeenshire, javën e kaluar shpalli situatën e jashtëzakonshme për shkak të motit ekstrem, por dje u njoftua se kjo gjendje kishte përfunduar.

Dhoma e Qëndrueshmërisë Skoceze e Qeverisë së Rëzistencës u mblodh dje për të shtatën ditë radhazi, ku së bashku me agjencitë partnere diskutuan se si t’i përgjigjen kushteve të ashpra të motit që prekin vendin.

Autoritetet u kanë kërkuar banorëve të jenë vigjilentë për shkak të kushteve të motit. Paralajmërimi i verdhë i Zyrës Meteorologjike parashikon që shirat e rrëmbyeshëm dhe shkrirja e borës do të sjellin përmbytje të mëdha.

“Akumulimet e konsiderueshme të borës në disa pjesë të Skocisë të përziera me reshje të rrëmbyeshme shiu dhe një rritje të temperaturave sjellin rrezik përmbytjesh në disa zona ndërsa bora shkrihet”, tha Zyra Meteorologjike.

Gjatë fundjavës, mbylljet e rrugëve dhe anulimet e transportit publik ishin të shumta si rezultat i kushteve të borës, erës, shiut dhe akullit.

TIRANË– E Ngarkuara me Punë e SHBA, Nancy VanHorn takoi kryetaren e Gjykatës Kushtetuese Fiona Papajorgjin.

Ambasada Amerikane në Tiranë thotë se Gjykata Kushtetuese luan rol të rëndësishëm në garantimin e drejtësisë për qytetarët.

“Sot, e Ngarkuara me Punë Nancy VanHorn përgëzoi Kryetaren e sapoemëruar të Gjykatës Kushtetuese Fiona Papajorgji dhe diskutoi se si mbështetja afatgjatë e Shteteve të Bashkuara për institucionet e zbatimit të ligjit në Shqipëri çon përpara prioritetet e Presidentit Trump: çmontimin e rrjeteve të narkotrafikut dhe krijimin e kushteve të barabarta për bizneset amerikane.

Gjykata Kushtetuese luan një rol të rëndësishëm në garantimin e drejtësisë për qytetarët shqiptarë, duke i mbajtur përgjegjës ata që shkelin ligjet e saj dhe duke ruajtur një sistem ligjor të drejtë dhe të parashikueshëm, në mënyrë që bizneset amerikane të mund të lulëzojnë.”, thuhet në njoftimin e Ambasadës Amerikane në Tiranë./abcnews.al

Sekretari i Përgjithshëm i NATO-s, Mark Rutte tha sot se vendet aleate po diskutojnë “hapat e ardhshëm” për të siguruar sigurinë në Arktik, duke përmendur rrezikun që Rusia dhe Kina të jenë “më aktive” në rajonin strategjikisht të rëndësishëm.

“Të gjithë aleatët bien dakord për rëndësinë dhe sigurinë e Arktikut, sepse e dimë se me hapjen e rrugëve detare, ekziston rreziku që rusët dhe kinezët të jenë më aktivë. Dhe siç e dini, ka tetë vende arktike”, u tha Rutte gazetarëve në Zagreb gjatë një konference të përbashkët për mediat me kryeministrin kroat Andrej Plenkoviç.

Ai tha se shtatë nga tetë vendet arktike janë anëtare të NATO-s: SHBA-ja, Kanadaja, Danimarka, Islanda, Norvegjia, Finlanda dhe Suedia ndërsa Rusia mbetet i vetmi vend arktik jashtë aleancës. Kina shtoi ai, është bërë një lojtare gjithnjë e më aktive në rajon pavarësisht mungesës së pranisë gjeografike.

“Deri tani, Kina është bërë pothuajse një lloj vendi arktik dhe jo gjeografikisht, por të paktën për shkak të sasisë së madhe të aktiviteteve dhe interesit të saj në rajon”, tha Rutte.

Ai vuri në dukje se NATO përfundoi diskutimet e brendshme vitin e kaluar mbi mënyrën e forcimit të bashkëpunimit midis anëtarëve të saj në Arktik dhe tani po punon për masa “praktike pasuese”.

“Aktualisht, po diskutojmë hapin tjetër drejt kësaj, si të sigurohemi që të japim ndjekje praktike të këtyre diskutimeve për t’u siguruar që si aleancë të bëjmë gjithçka, kolektivisht dhe përmes aleatëve tanë individualë, për t’u siguruar që Arktiku të mbetet i sigurt, pasi të gjithë pajtohemi se kjo duhet të jetë një përparësi”, tha ai.

Rutte tha se NATO është angazhuar më shumë në sigurinë e Arktikut që nga viti 2025 me kërkesë të shtatë aleatëve të saj të Veriut të Lartë, duke e quajtur rajonin “një pjesë jetësore të territorit të NATO-s”.

Komentet e tij erdhën mes raporteve se një grup vendesh evropiane, të udhëhequra nga Mbretëria e Bashkuar dhe Gjermania, po planifikojnë të zgjerojnë praninë e tyre ushtarake në Groenlandë.

“Keni parë disa njoftime nga britanikët dhe gjermanët”, tha Rutte. “Sot po punojmë tani së bashku për të parë se si mundemi në thelb së bashku si aleancë të ndërtojmë atë hap tjetër”, tha ai.

“Trumpi po bën gjënë e duhur për NATO-n”

Lidhur me marrëdhëniet me SHBA-në, Rutte hodhi poshtë shqetësimet për një krizë të brendshme brenda NATO-s, duke lavdëruar shtytjen e presidentit të SHBA-së, Donald Trump për shpenzime më të larta për mbrojtjen midis aleatëve.

“Unë besoj se Donald Trump po bën gjërat e duhura për NATO-n duke na inkurajuar të gjithëve të shpenzojmë më shumë për të barazuar atë që po shpenzon SHBA-ja”, tha ai. “Kur lavdëroj dikë, kjo bazohet në fakte dhe besoj se faktet janë aty”, shtoi ai.

Kryeministri kroat Plenkoviç tha se dialogu mbetet çelësi për zgjidhjen e tensioneve rreth statusit të Groenlandës.

“Jam i bindur se me diskutim, mund të gjejmë zgjidhje që do të ofrojë sigurinë për SHBA-në dhe do të sigurojë që Groenlanda të jetë pjesë e Danimarkës. Kjo është arsyeja pse dialogu me cilësi të lartë është i nevojshëm dhe padyshim që mund ta zgjidhë situatën në dobi të sigurisë globale”, tha Plenkoviç.

Në dy vitet e ardhshme, Suedia do të ndajë rreth katër miliardë korona (rreth 440 milionë dollarë) për prokurimin e sistemeve ushtarake pa pilot, tha sot Ministri suedez i Mbrojtjes Pal Jonsson, ndërsa qeveria suedeze planifikon të marrë hua rreth 28 miliardë euro në periudhën e ardhshme për blerjen e pajisjeve të reja ushtarake, duke përfshirë nëndetëse dhe anije.

Siç deklaroi ai, anëtari i NATO-s planifikon të blejë sisteme të ndryshme pa pilot, duke përfshirë dronë për sulme me rreze të gjatë veprimi, sisteme lufte elektronike, dronë zbulues, si dhe mjete pa pilot për mbikëqyrje dhe çminim në det. 

“Askush nuk e di se si do të duket lufta e ardhshme, por një gjë është e qartë, fusha e betejës e së ardhmes do të shënohet nga sisteme pa pilot dhe aftësi me rreze të gjatë veprimi”, tha Jonsson në konferencën vjetore të mbrojtjes në Salen, në veri të Suedisë.

POLONI– Vala e të ftohtit arktik evropian arriti në Poloni të hënën, më 12 janar, duke sjellë temperatura të përhapura nën zero gradë në të gjithë vendin.

Anijet e argëtimi janë rrethuaa nga pjesë të ngrira të lumit Vistula, së bashku me zona të mbuluara me borë në të gjithë Krakowin, ndërsa masa ajrore arktike lëviz më thellë në Evropën Qendrore.

Të dhënat e parashikimit treguan anomali të temperaturës që variojnë midis minus dhjetë dhe minus pesëmbëdhjetë gradë Celsius në pjesën më të madhe të kontinentit.

Reshjet e dendura të borës edhe më herët në janar kanë mbuluar disa rajone, ndërsa shërbimet meteorologjike prisnin që akumulimi i borës të vazhdonte ndërsa vala e të ftohtit përparonte.