Prej disa ditësh vendi ynë është i përfshirë nga kushte atmosferike të paqëndrueshme. Kështu gjatë orëve të natës si pasojë e erës së fortë në zonën e Llogarasë disa pemë janë rrëzuar duke shkaktuar edhe bllokimi të këtij segmento rrugor. Era e fortë që ka fryrë gjatë natës në jug të vendit ka shkaktuar rënien […]
Trupi i djegur që u gjet brenda një automjeti në Qafën e Llogarasë i përket ish-efektivit të policisë, Artjon Xhelo.
32-vjeçari dyshohet se vuante nga probleme psikologjike.
Ai ka punuar te Forcat Shqiponja në Berat dhe Policia e Poliçanit. Mbeten ende të paqarta rrethanat e ngjarjes së rëndë, por policia dyshon se ish-efektivi të jetë vetëdjegur. Nuk përjashtohet as pista e vrasjes. Pritet ekspertiza mjeko-ligjore e trupit të pajetë, e cila pritet të zbardhë më shumë detaje për shkakun e vdekjes dhe dinamikën e ngjarjes.
Viktima u gjet në sediljen e shoferit të makinës, e cila ishte e parkuar në një zonë të pyllëzuar. Artjon Xhelo, prej disa vitesh, ka punuar në Forcat Operacionale “Shqiponjat”. Sipas burimeve, ai kishte shfaqur probleme psikologjike dhe për këtë arsye, në vitin 2023, u transferua në Drejtorinë Vendore të Policisë së Poliçanit.
Më pas, ndaj tij u vendos masë disiplinore dhe u përjashtua nga radhët e policisë, pasi i kishte humbur arma e shërbimit. Policia dyshon se Artjon Xhelo është vetëvrarë, por nuk përjashtohet as pista e vrasjes. Sipas policisë, ai dyshohet se i ka vënë vetë flakën makinës, ku edhe është djegur brenda saj.
Rrethanat e ngjarjes janë të paqarta, ndërkohë që grupi hetimor po punon për zbardhjen e plotë. Autoritetet policore kanë nisur hetime të thelluara, ndërsa trupi i pajetë është dërguar për ekspertizë mjeko-ligjore, e cila pritet të hedhë më shumë dritë mbi shkakun e vdekjes dhe dinamikën e ngjarjes./ Syri.Net
Detaje të reja janë zbardhur nga vdekja e Artjon Xhelos, i cili u gjet i djegur ditën e sotme, brenda një makine në Qafën e Llogarasë. Sipas Policisë, nga këqyrja paraprake e automjetit dhe e trupit të pajetë të Xhelos nuk janë konstatuar shenja dhune, ndërsa janë zbardhur edhe lëvizjet e tij të fundit para […]
Të tjera detaje tronditëse janë zbuluar nga vdekja e ish-efektivit Artjon Xhelo, i cili u gjet i djegur ditën e sotme, brenda një makine në Qafën e Llogarasë. Burime për mediat bëjnë me dije se Xhelo ishte efektiv i Forcave Operacionale “Shqiponjat” dhe në vitin 2023, kishte shfaqur disa probleme psikologjike dhe ishte transferuar në […]
Policia e Vlorës ka dhënë detaje zyrtare për ngjarjen e rëndë të ndodhur në Qafën e Llogarasë, ku një person u gjet i pajetë brenda një automjeti të djegur. Sipas njoftimit, më 15 dhjetor 2025, rreth orës 14:00, policia u njoftua se në këtë zonë po digjej një automjet. Menjëherë në vendngjarje mbërritën shërbimet e Policisë, të cilat konstatuan se një automjet tip BMW, me targa AA 169 YX, ishte djegur plotësisht.
Gjatë këqyrjes së mjetit, në sediljen e drejtuesit u gjet trupi i pajetë i një personi, i djegur plotësisht dhe fillimisht i paidentifikuar. Nga këqyrja paraprake e automjetit dhe e trupit nuk janë konstatuar shenja të dukshme dhune apo dëmtime të shkaktuara nga faktorë të jashtëm, përveç atyre të shkaktuara nga zjarri.
Nga verifikimet e kryera rezultoi se automjeti ishte në pronësi të Artjon Isa Xhelos, 27 vjeç, lindur dhe banues në Berat. Sipas deklarimeve të familjarëve, ai kishte dalë nga banesa rreth orës 11:00 me automjetin në fjalë, pa bërë me dije destinacionin, dhe nuk ishte kthyer më. Familjarët kanë pohuar gjithashtu se i riu vuante prej rreth tre vitesh nga ankthi dhe depresioni dhe ishte në trajtim mjekësor.
Trupi i pajetë është dërguar në morgun e Spitalit Rajonal të Vlorës, ku për identifikimin përfundimtar pritet përgjigjja e analizave biologjike (ADN). Nën drejtimin e Prokurorisë, grupi hetimor vijon punën për sqarimin e plotë të rrethanave dhe dinamikës së ngjarjes, ndërsa deri në këtë fazë të hetimit dyshohet se bëhet fjalë për një rast vetëvrasjeje.
Njoftimi i policisë:
DVP Vlorë
Sot, më datë 15.12.2025, rreth orës 14:00, është marrë njoftim se në vendin e quajtur “Qafa e Llogarasë”, Vlorë, po digjej një automjet.
Menjëherë në vendngjarje kanë shkuar shërbimet e Policisë, të cilat konstatuan se një automjet tip BMW, me targa AA 169 YX, ishte djegur plotësisht.
Nën drejtimin e Prokurorisë është ngritur grupi hetimor, i cili ka kryer veprimet e para hetimore. Gjatë këqyrjes së automjetit, në sediljen e drejtuesit të mjetit u gjet trupi i pajetë i një personi, i djegur plotësisht dhe ende i paidentifikuar.
Nga këqyrja paraprake e automjetit dhe e trupit të pajetë nuk janë konstatuar shenja të dukshme dhune apo dëmtime të shkaktuara nga faktorë të jashtëm, përveç atyre të shkaktuara nga zjarri.
Nga verifikimet e kryera rezulton se automjeti është në pronësi të shtetasit Artjon Isa Xhelo, datëlindja 22.02.1998, lindur dhe banues në Berat. Sipas deklarimeve të familjarëve, ky shtetas rreth orës 11:00 ka dalë nga banesa e tij me automjetin në fjalë, pa bërë me dije destinacionin dhe nuk është kthyer më. Po sipas familjarëve, shtetasi vuante prej rreth tre vitesh nga ankthi dhe depresioni, për të cilat ishte në trajtim mjekësor.
Trupi i pajetë është dërguar në morgun e Spitalit Rajonal Vlorë, ku për identifikimin përfundimtar pritet përgjigjja e analizave biologjike (ADN).
Nga hetimet e kryera deri në këtë fazë, dyshohet se kemi të bëjmë me një rast vetëvrasjeje, ndërsa, nën drejtimin e Prokurorisë, vijon puna hetimore për sqarimin e plotë të rrethanave dhe dinamikës së ngjarjes.
Një ngjarje e rëndë është shënuar pasditen e sotme (15 dhjetor) në vendin e quajtur “Qafa e Llogarasë”, ku një person është gjetur i pajetë dhe i djegur brenda automjetit të tij.
Sipas informacioneve paraprake, viktima është Artjon Xhelo, 32 vjeç, banues në fshatin Banaj të bashkisë Dimal, ish-punonjës i Drejtorisë Vendore të Policisë Berat. Ai u gjet rreth orës 14:35, i djegur në sediljen e shoferit të automjetit të tij tip BMW.
Artjol Xhelo ka shërbyer për disa vite në DVP Berat si pjesë e Forcave Operacionale “Shqiponjat”. Në vitin 2023, sipas burimeve, ai kishte shfaqur probleme të theksuara të shëndetit mendor, kryesisht depresion, çka solli largimin e tij nga Forcat “Shqiponja” dhe transferimin në Postën e Policisë Poliçan.
Më pas, pas një ngjarjeje ku raportohet se i kishte humbur arma e shërbimit, ndaj tij u mor masë disiplinore, e cila çoi në përjashtimin e tij nga radhët e Policisë së Shtetit. Burime të brendshme bëjnë me dije se Xhelo vuante nga probleme të rënda psikologjike.
Mësohet se para se t’i jepte fund jetës, i riu ka komunikuar me familjarët, të cilëve u ka thënë: “Nëse nuk gjej punë, nuk kthehem më sot në shtëpi”
Grupi hetimor ndodhet në vendngjarje dhe po punon për zbardhjen e plotë të rrethanave. Megjithëse hetimet janë ende në fazë paraprake, dyshohet se 32-vjeçari i ka dhënë fund jetës brenda automjetit të tij.
Autoritetet nuk kanë dhënë ende një deklaratë zyrtare përfundimtare, ndërsa priten rezultatet e ekspertizës dhe veprimeve hetimore.
“Nëse nuk gjej punë, nuk kthehem më sot në shtëpi” – këto janë fjalët e fundit të 32-vjeçarit që dyshohet se dogji veten ditën e sotme brenda makinës së tij në Llogara. Ai është identifkuar si Artjol Xhelo. Raportohet se Xhelo është nga Ura Vajgurore e Beratit dhe në vitin 2023 ka dhënë dorëheqjen nga […]
Artjol Xhelo 32-vjeç, është ish-efektivi i cili u gjet i djegur brenda një makine, në Qafën e Llogarasë këtë të hënë. Raportohet se Xhelo është nga Ura Vajgurore e Beratit dhe në vitin 2023 ka dhënë dorëheqjen nga strukturat e Policisë. Ai u gjet i pajetë në sediljen e shoferit dhe paraprakisht dyshohet se ai […]
Një person është gjetur i pajetë brenda një makinë të djegur në Llogara. Makina e shkrumbuar totalisht bashkë me personin. Është tepër e vështirë identifikimi i tij për shkak se edhe targat e mjetit janë djegur totalisht. “Rreth orës 14:35, pas një njoftimi të marrë në sallën operative të DVP Vlorë, shërbimet e Policisë janë nisur drejt vendit të quajtur “Qafa e Llogarasë”…
Detaje të reja janë mësuar nga ngjarja e rëndë në Llogara, ku një person është gjetur i djegur brenda automjetit të tij tip ‘BMW’ këtë të hënë.
Mediat bëjnë me dije se viktima është identifikuar dhe bëhet fjalë për një 35-vjeçar nga Berati.
Më herët, u raportua se kemi të bëjmë me një vetëvrasje të të riut, pasi dyshohet se i ka vënë flakën veten brenda në automjet.
Në vendngjarje ka mbërritur grupi hetimor ndërsa është vënë shiriti i policisë në zonë. Mjeti është shkrumbuar ashtu edhe trupi i të riut, i dekompozuar plotësisht.
Janë zbardhur detaje të reja nga ngjarja e rëndë e ndodhur këtë të hënë në zonën e Llogarasë, ku një person u gjet i djegur brenda automjetit të tij tip “BMW”. Sipas A2 CNN, në vendngjarje nuk janë gjetur armë apo gëzhoja, duke përjashtuar deri tani pistën e një vrasjeje, ndërsa dyshohet se viktima është […]
Detaje të reja kanë dalë nga ngjarja tragjike e ndodhur këtë të hënë në zonën e Llogarasë, ku një person humbi jetën pasi u dogj brenda automjetit të tij tip “BMW”. Raportohet se viktima është një 35-vjeçar nga Berati, megjithatë emri i tij ende nuk dihet. Ngjarja ndodhi gjatë orëve të paradites, kur automjeti u […]
Një makinë raportohet se është djegur në Llogara. Policia njofton se ngjarja ka ndodhur në vendin e quajtur “Qafa e Llogarasë”.
Si pasojë e zjarrit ka humbur jetën drejtuesi i mjetit i cili është ende i paidentifikuar. Policia po vijon hetimet.
Makina e shkrumbuar totalisht bashkë me personin. Është tepër e vështirë identifikimi i tij. Për shkak se edhe targat e mjetit janë djegur totalisht duke e bërë të pamundur identifikimin.
“Vlorë/Informacion paraprak. Rreth orës 14:35, pas një njoftimi të marrë në sallën operative të DVP Vlorë, shërbimet e Policisë janë nisur drejt vendit të quajtur “Qafa e Llogarasë”, ku kanë konstatuar një automjet duke u djegur.
Brenda automjetit dyshohet se si pasojë e zjarrit, ka humbur jetën dhe është djegur një shtetas ende i paidentifikuar, në sediljen e drejtuesit të mjetit. Grupi hetimor ndodhet në vendngjarje dhe vijon punën për identifikimin e viktimës dhe për zbardhjen e plotë të rrethanave të kësaj ngjarjeje”, njofton policia. /Euronews.al/
Një ngjarje e rëndë është shënuar në Llogara pak momente më parë. Raportohet se një person është djegur, pasi makina me të cilën ai po udhëtonte u përfshi nga flakët. Ende nuk dihen rrethanat e ngjarjes por zjarrfikësja dhe policia janë në vendngjarje.
Prokuroria e Posaçme reagon pasi zv kryeministrja Belinda Balluku është paraqitur sot në SPAK.
Reagimi i plotë:
Prokuroria e Posaçme kundër Korrupsionit dhe Krimit të Organizuar po heton në kuadër të procedimit penal nr.136 të vitit 2025 (bashkuar me procedimet penale nr.167 dhe 181 të vitit 2024), për veprën penale,“Shkelje e barazisë së pjesëmarrësve në tendera apo ankande publike”, parashikuar nga neni 258 i Kodit Penal.
Në kuadër të hetimit të këtij procedimi penal, sot, më 31.10.2025 i është njoftuar akuza të pandehurës Belinda Balluku, me funksionin e lartë shtetëror, Ministër i Ministrisë së Infrastrukturës dhe Energjisë, akuzuar për kryerjen e veprës penale,“Shkelje e barazisë së pjesëmarrësve në tendera apo ankande publike”, në bashkëpunim, parashikuar nga nenet, 258/2 dhe 25 i Kodit Penal.
Deri në këtë fazë të hetimeve paraprake, faktet penale, objekt akuze në ngarkim të të pandehurës Belinda Balluku, kanë të bëjnë me veprimet e saj, në cilësinë e Ministrit të Ministrisë së Infrastrukturës dhe Energjisë, për njërën nga procedurat e prokurimit, objekt i këtij hetimi, “Ndërtimi i tunelit të Llogarasë”, në seksionin rrugor Orikum-Himarë, pjesë e autostradës SH8 (Vlorë-Sarandë), zhvilluar në datën 11.12.2020 dhe pas anulimit të saj, procedura është rihapur në datën 22.6.2021, me fond limit, 18 967 810 952.08 (tetëmbëdhjetë miliardë e nëntëqind e gjashtëdhjetë e shtatë milionë e tetëqind e dhjetë mijë e nëntëqind e pesëdhjetë e dy (pikë) zero tetë) lekë pa TVSH.
Më 21.10.2025, Prokuroria e Posaçme, si organ procedues ka njoftuar të pandehurën përmes shkresës me numër protokolli 37398. E pandehura, pasi mori dijeni, ka njoftuar më 23.10.2025, organin procedues se nuk mund të paraqitej në datën dhe orën e caktuar. Me anë të një shkrese tjetër, me numër protokolli 37881, datë 24.10.2025, Prokuroria e Posaçme kërkoi paraqitjen e saj sot, më 31 tetor, në orën 15:00
Dy turistë suedezë, nënë e bir, janë raportuar të humbur sot në Parkun Kombëtar të Llogorasë.
Sipas informacioneve paraprake, ata janë nisur në mëngjes për të eksploruar zonën dhe kanë përshkuar një pjesë të parkut dhe të pyjeve, por pas disa orësh çdo kontakt me ta është ndërprerë.
Autoritetet shqiptare janë njoftuar nga emergjencat greke, pasi turistët kishin dërguar një sinjal ndihme që është kapur në anën greke për shkak të mungesës së mbulimit telefonik në gadishullin e Karaburunit.
Në terren janë angazhuar forcat e Emergjencave Civile, policia e Vlorës dhe specialistë të zonave të mbrojtura, të cilat po kërkojnë në disa drejtime për të gjetur turistët.
Sipas burimeve, terreni i vështirë malor, errësira dhe moti i paqëndrueshëm po e vështirësojnë operacionin e kërkimit. Ndihmë është kërkuar edhe nga banorët e zonës.
Dyshohet se nënë e bir, pasi kanë përshkuar pyjet e Llogorasë, janë ngjitur drejt Karaburunit, ku mund të kenë humbur për shkak të terrenit të thyer dhe mungesës së valëve telefonike.
Verën e kaluar, ministrja e Infrastrukturës, Belinda Balluku, foli për herë të parë për tarifën e tunelit të Llogarasë, 5 euro. Një vit më vonë, Balluku përditësoi shifrën në 250 lekë me TVSH, duke ironizuar raportimet paraprake si “muhabete behari”
Esmeralda Topi
Verën e vitit të kaluar, kur qeveria hapi përkohësisht tunelin e Llogarasë, ministrja e Infrastrukturës, Belinda Balluku, dha një shifër për tarifën e kalimit.
“Është një përllogaritje diku tek 5 euro, por nuk e kam të saktë duke qenë se duhet të përfundojë gjithçka”,tha Balluku gjatë një interviste televizive.
Kjo ishte hera e parë që u dha një çmim për kalimin në tunel.
Mediat raportuan gjerësisht këtë deklaratë, duke përmendur shifrën e mundshme prej 5 eurosh për një kalim, e duke llogaritur 10 euro vajtje-ardhje. Nga ana tjetër opozita ngriti akuza për kostot e ndërtimit të tunelit si dhe vlerën e lartë të tarifës.
Tuneli i Llogarasë (Fotografi nga Atdhe Mulla)
Në krye të një viti, ministrja mohoi indirekt shifrën që e kish pohuar vetë.
Këtë fillim shtatori Balluku gjatë bilancit për sezonin veror, dha një tjetër shifër për kalimin në tunelin e Llogarasë duke shprehur habi për tarifën që vetë kishte parashikuar më herët.
“Çmimi i një kalimi në tunel për autoveturat është 250 lekë me TVSH. As 10 euro, as 5 euro, as 50 euro, se kemi dëgjuar shifra nga më të ndryshme”,tha Balluku, duke ironizuar ato që i konsideroi ‘muhabete behari’.
Kostot e ndërtimit
Tuneli i Llogarasë ka vlerën totale 20,4 miliardë lekë dhe nuk është ndërtuar nëpërmjet një koncesioni. Fillimisht ishte parashikuar një model PPP, por mungesa e interesit nga investitorët privatë bëri që projekti të financohej plotësisht nga buxheti i shtetit. Ky është një tjetër element që ka qenë objekt akuzash të opozitës dhe debateve publike mbi transparencën e shpenzimeve dhe vendosjen e tarifës.
Eksperti i ekonomisë, Eduard Gjokutaj, shpjegon se në këtë rast tarifa është e nevojshme sepse tuneli ka kërkesa të veçanta: ventilim, ndriçim, staf teknik dhe siguri 24/7.
“Këto shpenzime operative janë të larta dhe nuk mund të mbulohen plotësisht nga buxheti i përgjithshëm”, pohon Gjokutaj për Faktoje.
Gjokutaj thekson se tarifa mund të kishte qenë edhe më simbolike, për ta bërë më të pranueshme për qytetarët. Por kjo do të rrezikonte mosmbulimin e kostove operative.
Shkelja e afateve
Punimet për tunelin 5.9 km nisi në nëntor të vitit 2021. Kontrata parashikonte që punimet të zgjasnin tre vite, por ministrja e Infrastrukturës, Belinda Balluku, premtoi se gjithçka do të përfundonte më herët. Angazhimi publik nënkuptonte se tuneli do të ishte gati verën e vitit të kaluar. Verifikimet e Faktoje një vit më parë treguan se ndryshe nga sa u premtua, punimet për të dorëzuar projektin infrastrukuror u shtynë me të paktën një vit.
Tuneli u hap përkohësisht vitin e kaluar, nga korriku deri në nëntor. U rihap më 24 maj të këtij viti dhe u tha se pagesa do të niste nga mesi i muajit shtator.
Megjithatë, verifikimet tregojnë se vjelja e tarifës nuk ka nisur ende.
Përfundim
Nga 5 euro si përllogaritje paraprake në 2024, tek 250 lekë të përditësuara në 2025, qeveria ka ndërtuar një narrativë që mohon faktin e thënë më parë. Ky është një shembull i qartë i propagandës.
Pasditen e sotme “Tuneli i Llogorasë” është mbyllur përkohësisht për shkak të një aksidenti.
Sipas informacioneve të policisë, aksidenti ka pasur vetëm dëme materiale dhe nuk raportohet për të lënduar.
Sipas njoftimit të policisë në aksident janë përfshirë tre automjete.
Ngjarja ka shkaktuar trafik të rënduar përgjatë dhjetëra kilometrave dhe ka bllokuar dhjetra automjete.
Njoftimi i policisë
Sot, më datë 28.07.2025, rreth orës 15:45, në “Tunelin e Llogarasë”, ka ndodhur një përplasje midis tre automjeteve, vetëm me dëme materiale.
Në aksident janë përfshirë automjetet: tip “Audi”, me drejtues shtetasin A. M., tip “Volvo”, me drejtues shtetasin A. H., dhe tip “Mitsubishi”, me drejtues shtetasin K. M.
Pas përfundimit të veprimeve proceduriale, automjetet e aksidentuara u spostuan dhe qarkullimi në tunelin e Llogarasë vijon normalisht.
Login
