Shqipëria po përballet me pasoja të rënda nga moti i keq dhe përmbytjet, ndërsa qeveria është duke ndërmarrë masa për të ndihmuar familjet e prekura. Kryeministri Edi Rama theksoi se mbështetja ndaj të dëmtuarve do të jetë e menjëhershme dhe gjithëpërfshirëse, duke përfshirë rikonstruksionin e banesave dhe riparimin e infrastrukturës së dëmtuar.

Raa siguroi se ekipet e verifikimeve janë në terren që nga dita e parë, ndërsa Ministria e Financave ka përgatitur planin e detajuar për kompensimet, të cilat do të ekzekutohen pas përfundimit të verifikimeve. Rama kujtoi gjithashtu përvojat e mëparshme me përmbytjet në Shkodër dhe nënvizoi se qeveria nuk do të lërë asnjë qytetar të pambrojtur.

“Kjo është motoja ime dhe e jona sa herë fatkeqësi të ndryshme godasin vendin e njerëzit, që nga tërmeti shkatërrues i mijëra e mijëra shtëpive e deri tek sikleti rrënues i një familjeje të goditur nga uji, zjarri apo nga ndonjë fatkeqësi tjetër. 

Dhe dua t’u përcjell përsëri, të dëmtuarve nga kjo goditje e fatkeqësisë kësaj here, se ne do t’i qëndrojmë me të njëjtin dinjitet njerëzor, shtetëror dhe politik çdo detyrimi ndaj tyre, qoftë për banesat, qoftë për gjënë e gjallë.

Puna jonë intensive nuk mbyllet me përmirësimin e situatës së motit, por do të vazhdojë me riparimin e dëmeve në infrastrukturë dhe të çdo dëmi në familjet e prekura nga uji. Ekipet tona të verifikimeve janë në terren që nga dita e parë, ndërkohë që Ministria e Financave e ka të përgatitur tanimë të gjithë planin me skenarët e dëmshpërblimit. Presim rezultatin përfundimtar të verifikimeve për të kaluar në fazën e dëmshpërblimeve. 

E mos harroni, kur ne erdhëm në qeveri, në malin e borxheve që na lanë trashëgim aleatët e sotëm të fatkeqësive, ishin edhe dy kodra të larta borxhesh nga përmbytjet e zonës së Shkodrës. 

Ne i shlyem një më një ato borxhe për ata njerëz dhe nuk kemi hyrë më në asnjë borxh të kësaj natyre me njerëzit e këtij vendi, sepse erdhëm për të ndërtuar një Shqipëri tjetër dhe kjo është Shqipëria tjetër, që nuk i le vetëm njerëzit e saj. Kurrë më!”, tha Rama.

Ne si qeveri e si shumicë popullore, sidoqoftë nuk do të dorëzohemi, e do të dalim më tej me masa të reja kundër kësaj fuqie të errësirës në trurin tonë si milet, duke rritur përpjekjet për sensibilizim, informim, por edhe ndëshkim po ashtu. Por në të gjitha rastet është e domosdoshme që gjithësecili të ftillohet sepse kjo që ndodh dhe ajo që i bëjmë ne Shqipërisë, duke hedhur një shishe plastike apo duke hedhur një qese plastike në rrugë ka vetëm një fjalë që e përkufizon, krim”, tha kryeministri Rama.

Moti i keq që ka përfshirë vendin gjatë kësaj jave ka sjellë reshje të dendura shiu dhe bore, duke krijuar një gjendje atmosferike të rënduar jo vetëm për Shqipërinë, por edhe për rajonin. Në një intervistë për podkastin “Flasim”, Kryeministri Edi Rama njoftoi se një masë ajri e ftohtë nga veriu është përplasur me një masë të ngrohtë, duke shkaktuar reshjet e fundit.

Ai theksoi se fenomenet ekstreme klimatike, si thatësirat, zjarret apo përmbytjet, janë më të shpeshta se më parë, por falë investimeve prej rreth çerek miliard euro, qeveria është e gatshme për çdo emergjencë dhe për të mbrojtur infrastrukturën dhe qytetarët.

“Kjo javë ka qenë tejet e ngarkuar me reshje dhe dëborë, një gjendje atmosferike tejet e rënduar e cila nuk ka prekur vetëm Shqipërinë. Një masë ajri e ftohtë nga veriu është përplasur me një masë të ngrohtë ku ka krijuar këtë masë atmosferike me reshje shiu dhe bore në të gjithë vendin. Më shumë thatësira dhe zjarre, vorbulla përmbytjesh, nuk është më klima që jemi mësuar.

Jam krenar për faktin që për çdo emergjencë jemi në gatishmëri, falë çdo investimi që kemi bërë, rreth çerek miliard euro. Kjo vorbullë 10-12 vite me radhë do të kishte përmbytur shumë më shumë. Ndërkohë që ne si qeveri jemi të qartë për investimet e shtuara për mbrojtjen”, tha Rama.

Read More...

Një aksident rrugor është shënuar në orët e para të mëngjesit në zonën e Novoselës, ku një automjet ka humbur kontrollin dhe është përplasur me bordurën anësore të rrugës.

Fatmirësisht, nga aksidenti nuk raportohet për pasoja në jetën e njerëzve, ndërsa drejtuesi i mjetit ka pësuar vetëm lëndime të lehta. Menjëherë pas ngjarjes, policia ka mbërritur në vendin e aksidentit dhe po kryen veprimet e nevojshme për sqarimin e rrethanave.

Protestuesit u mblodhën në disa nga qytetet kryesore evropiane të shtunën në solidaritet me protestat e vazhdueshme në Republikën Islamike të Iranit, kundër kushteve ekonomike që vazhdojnë të përkeqësohen dhe një krize shkatërruese të çmimeve të ushqimit.

Njerëzit u mblodhën në Malieveld, një fushë e madhe në Hagë, për të demonstruar kundër qeverisë së Iranit, pasi dolën raportime vetëm disa ditë pas fillimit të protestave në fund të dhjetorit, se forcat e sigurisë po përdornin forcë vdekjeprurëse kundër demonstruesve.

Pjesëmarrësit në protestë janë të shqetësuar për trazirat në vend dhe për familjet dhe miqtë e tyre me të cilët është e vështirë të kontaktohen pasi vendi u përfshi në një ndërprerje të komunikimit, shkruajnë mediat e huaja.

“Jam këtu për popullin iranian që tani po del në rrugë në Iran. Po, dua të kontribuoj edhe unë. Që njerëzit të shohin se edhe ne po demonstrojmë këtu. Mund të jemi larg, por zemrat tona janë me Iranin”, tha një grua që merrte pjesë në tubim.

“Unë jetoj këtu, por e gjithë familja dhe miqtë e mi jetojnë në Iran. Ata nuk kanë absolutisht asnjë liri; nuk mund të thonë asgjë, nuk kanë liri, nuk kanë liri shprehjeje. Dhe nuk kanë para, inflacioni është tepër i lartë”, ka thënë një tjetër protestues. Protestuesit, shumë prej të cilëve iranianë që jetojnë jashtë vendit ose njerëz me prejardhje iraniane, thonë se kanë detyrë të demonstrojnë dhe të tregojnë mbështetjen e tyre nga larg, ndërsa iranianët në atdhe, të të gjitha moshave dhe prejardhjeve vazhdojnë të dalin në rrugë për të luftuar për lirinë e tyre.

“Pothuajse të gjithë ata që njoh (po protestojnë). Madje edhe babai im. Ai është gjashtëdhjetë vjeç, por edhe ai shkoi në protesta. Por unë nuk kam asnjë kontakt me ta, kështu që nuk e di nëse janë ende gjallë”.

Një tjetër demonstratë u mbajt gjithashtu në kryeqytetin gjerman, Berlin, për të mbështetur protestat dyjavore, të cilat ata thonë se janë bërë një nga sfidat më të mëdha për autoritetet e Iranit që nga Revolucioni Islamik i vitit 1979.

Tausende Iraner demonstrieren derzeit in Berlin für @PahlaviReza , gegen die Islamische Republik und für Demokratie sowie einen säkularen Iran. #b1001 pic.twitter.com/v7H4K9Gc6j

— Iman Sefati (@ISefati) January 10, 2026

Protestuesit në Berlin thonë se shpresojnë që aktivizmi i tyre do ta çojë Evropën dhe Shtetet e Bashkuara të ndihmojnë iranianët në luftën e tyre për të rrëzuar regjimin.

“Jemi këtu sot për të treguar solidaritetin tonë me popullin iranian dhe për shkak të kësaj vrasjeje masive nga qeveria iraniane që ka vazhduar prej disa ditësh”, tha Farshad Doustipour.

“Shpresoj që evropianët dhe amerikanët do të kuptojnë se ky regjim do të shkatërrohet nga populli gjithsesi dhe, duke vepruar kështu, na duhet ndihmë nga evropianët dhe amerikanët”, vazhdoi ai.

Kujtojmë se presidenti i SHBA-së, Donald Trump, ishte ndër udhëheqësit e parë botërorë që komentoi mbi protestat, ku ai lëshoi një kërcënim të frikshëm ndaj qeverisë iraniane për të ndaluar përdorimin e forcës vdekjeprurëse kundër protestuesve, ose do të përballej me një përgjigje ushtarake nga Uashingtoni.

Të shtunën, Trump u deklarua në platformën e tij të mediave sociale, Truth Social, ku mbështeti një qëndrim optimist mbi përparimin e protestave, pa shtuar detaje të mëtejshme, dhe ofroi ndihmën e vendit të tij.

“Irani po kërkon lirinë, ndoshta si kurrë më parë. SHBA-të janë të gatshme të ndihmojnë!!!…”, shkroi presidenti i SHBA-së.

Ministri i Mbrojtjes, Pirro Vengu, njoftoi se forcat e Regjimentit të Këmbësorisë së Jugut vazhduan gjatë natës operacionet e tyre në të dy anët e lumit Seman. “Është një tjetër natë sprove dhe sakrifice për djemtë tanë në terren,” tha ai.

Evakuimi i banorëve nga fshatrat pranë lumit, në bashkitë Kuçovë dhe Dimal, ka vijuar gjatë gjithë natës si masë parandaluese për të garantuar sigurinë e tyre.

Forcat e Armatosura, në koordinim me Agjencinë Kombëtare të Mbrojtjes Civile, mbeten të angazhuara në terren, duke punuar krah për krah me strukturat vendore, për menaxhimin e situatës dhe për mbrojtjen e jetës dhe pronës së qytetarëve.

Administrata e Presidentit Donald Trump ka vendosur të pezullojë 129 milionë dollarë fonde federale për Minnesota-n, duke pretenduar se në shtet ka ndodhur një skandal mashtrimi i gjerë.

Vendimi u bë publik nga sekretarja e Departamentit Amerikan të Bujqësisë (USDA), Brooke Rollins, e cila shpërndau një letër drejtuar guvernatorit Tim Walz dhe kryebashkiakut të Minneapolis, Jacob Frey.

Rollins akuzoi autoritetet lokale se nuk kanë marrë masa për të ndalur mashtrimet e kryera nga organizata jo-fitimprurëse dhe biznese, duke paralajmëruar se çdo pagesë e ardhshme federale për shtetin do të kërkojë justifikim të plotë.

“Administrata Trump refuzon të lejojë që ky mashtrim të vazhdojë,” shkroi ajo, citon Th Guradian.

Reagimet në Minnesota kanë qenë të ashpra. Zëdhënësi i qytetit të Minneapolis, Brian Feintech, tha se ndërprerja e fondeve dëmton banorët më të varfër dhe e cilësoi vendimin si një sulm politik ndaj qytetit.

Prokurori i Përgjithshëm i shtetit, Keith Ellison, reagoi publikisht duke paralajmëruar se do ta çojë çështjen në gjykatë: “Nuk do të lejoj që t’u hiqni ndihmën banorëve të Minnesota-s në nevojë.”

Vendimi i USDA-së vjen paralelisht me një gjykim federal që ndalon administratën Trump të bllokojë fondet për subvencionet e kujdesit ndaj fëmijëve dhe programe të tjera sociale në pesë shtete të drejtuara nga demokratët, përfshirë Minnesota-n.

Administrata Trump ka shënjestruar Minnesota-n gjatë vitit të fundit, duke e lidhur me mashtrime të supozuara që përfshijnë komunitetin somalez. Prokurorët federalë vlerësojnë se deri në 9 miliardë dollarë janë vjedhur përmes skemave të lidhura me këtë komunitet. Në nëntor të vitit 2025, Trump hoqi mbrojtjet ligjore për emigrantët somalezë, duke deklaruar se “bandat somaleze po terrorizojnë popullin e atij shteti dhe miliarda dollarë mungojnë.”

Aktualisht, në Qarkun Fier nuk ka reshje shiu, ndërsa situata në terren paraqitet e monitoruar dhe nën kontroll për sa i përket infrastrukturës kritike dhe furnizimeve bazë. Akset nacionale dhe rurale janë të kalueshme normalisht, ndërsa furnizimi me energji elektrike dhe ujë të pijshëm vazhdon të jetë në normalitet. Hidrovoret janë në gjendje pune dhe në gatishmëri të plotë.

Megjithatë, prurjet e lumenjve mbeten të larta. Lumi Vjosa ka kuota të larta me një tendencë të lehtë në ulje, ndërkohë që ujërat e përmbytjes nga toka bujqësore po tërhiqen drejt Hidrovorit të Darzezës. Lumenjtë Seman dhe Shkumbin kanë kaluar nivelet kritike: lumi Seman ka dalë nga shtrati në fshatin Murriz dhe ka krijuar brezence uji në oborret e disa banesave, ndërsa lumi Shkumbin ka prekur rreth 20 banesa në fshatin Thanasaj. Për më tepër, lumi Seman ka përmbytur rreth 100 ha tokë bujqësore brenda argjinaturave në Roskovec, Patos dhe Fier.

Bob Weir, bashkëthemeluesi i grupit legjendar Grateful Dead, ka ndërruar jetë në moshën 78-vjeçare. Lajmi u konfirmua përmes një postimi në Instagram, ku bëhet e ditur se ai u shua paqësisht pas një beteje me kancerin dhe probleme të mushkërive.

Me një karrierë mbi 60-vjeçare, Weir ishte një figurë kyçe e rock-ut psikedelik dhe e kundërkulturës së San Franciskos. Grateful Dead konsiderohet pionier i “jam bands” dhe u përfshi në Rock and Roll Hall of Fame në vitin 1994.

Edhe pas shpërbërjes së grupit në vitin 1995, ai mbeti aktiv në projekte të ndryshme muzikore. Weir vazhdoi të performonte edhe gjatë trajtimit mjekësor. Familja e tij kërkoi privatësi, ndërsa bota e muzikës reagoi me homazhe të shumta në nderim të tij.

Shtetet e Bashkuara dhe forcat e tyre partnere kanë kryer sulme ajrore në shkallë të gjerë kundër objektivave të grupit ekstremist Shteti Islamik (ISIS) në Siri, njoftoi Komanda Qendrore e SHBA-së (Centcom).

Sipas Centcom, sulmet u urdhëruan të shtunën nga presidenti amerikan Donald Trump dhe janë pjesë e operacionit të quajtur Operation Hawkeye Strike. Ato përbëjnë një hakmarrje për sulmin vdekjeprurës të ISIS-it ndaj forcave amerikane në Siri më 13 dhjetor.

Centcom theksoi se sulmet kishin për qëllim luftimin e terrorizmit dhe mbrojtjen e forcave amerikane dhe aleate në rajon. “Mesazhi ynë mbetet i qartë: nëse dëmtoni ushtarët tanë, do t’ju gjejmë dhe do t’ju eliminojmë kudo në botë, pavarësisht përpjekjeve tuaja për t’i shpëtuar drejtësisë,” thuhet në deklaratën e Centcom.

Sipas një zyrtari amerikan që foli për CBS News, gjatë operacionit u përdorën mbi 90 municione precize kundër më shumë se 35 objektivave, me pjesëmarrjen e mbi 20 avionëve luftarakë. Në sulme u angazhuan avionë të tipit F-15E, A-10, AC-130J, dronë MQ-9, si dhe avionë jordanezë F-16.

Vendndodhja e saktë e sulmeve dhe numri i viktimave ende nuk janë bërë të ditura.

Ministri amerikan i Mbrojtjes, Pete Hegseth, shkroi në rrjetin social X se “ne nuk do të harrojmë kurrë dhe nuk do të tërhiqemi”, duke iu referuar veprimeve ushtarake.

Administrata Trump e shpalli për herë të parë Operation Hawkeye Strike në dhjetor, pasi një militant i ISIS-it vrau dy ushtarë amerikanë dhe një përkthyes civil amerikan në një pritë në Palmira, në qendër të Sirisë. “Kjo nuk është fillimi i një lufte, por një deklaratë hakmarrjeje,” deklaroi Hegseth në atë kohë.

Para sulmeve të fundit, forcat amerikane kishin vrarë ose arrestuar gati 25 anëtarë të ISIS-it në 11 misione të zhvilluara mes 20 dhe 29 dhjetorit. Misioni i parë i operacionit, më 19 dhjetor, përfshiu një “sulm masiv” të forcave amerikane dhe jordaneze ndaj më shumë se 70 objektivave në Siri qendrore, duke përdorur avionë luftarakë, helikopterë sulmues dhe artileri.

Siria ndodhet në një gjendje të brishtë që prej rrëzimit të regjimit të presidentit Bashar al-Assad në dhjetor të vitit 2024, çka i dha fund një lufte civile 13-vjeçare. Aktualisht, vendi drejtohet nga Ahmed al-Sharaa, i njohur edhe si Abu Mohammed al-Jolani, pas marrjes së pushtetit nga grupi i tij rebel.

Edhe pse i dobësuar ndjeshëm, ISIS vazhdon të jetë aktiv në Siri, duke kryer kryesisht sulme kundër forcave të udhëhequra nga kurdët në verilindje të vendit gjatë vitit 2025.

Protestuesit në Iran kanë dalë sërish në rrugë të shtunën mbrëma, duke sfiduar një fushatë të ashpër shtypjeje nga autoritetet, pavarësisht raportimeve për dhjetëra të vrarë dhe qindra të plagosur gjatë tri ditëve të fundit.

Sipas pamjeve të verifikuara dhe dëshmive të drejtpërdrejta të siguruara nga BBC, qeveria iraniane ka intensifikuar ndërhyrjen e forcave të sigurisë, ndërsa ka vendosur një bllokadë pothuajse totale të internetit në të gjithë vendin, duke kufizuar rëndë komunikimin me botën e jashtme.

Prokurori i përgjithshëm i Iranit, Mohammad Movahedi Azad, deklaroi se çdo person që merr pjesë në protesta do të konsiderohet “armik i Zotit”, një akuzë që sipas ligjit iranian dënohet me vdekje.

Demonstratat, që nisën më shumë se dy javë më parë për shkak të rritjes së çmimeve dhe inflacionit të lartë, janë përhapur në mbi 100 qytete dhe qyteza në të gjitha provincat e vendit. Protestuesit tashmë po kërkojnë hapur fundin e sundimit klerikal dhe largimin e Udhëheqësit Suprem Ajatollah Ali Khamenei.

Khamenei i ka cilësuar demonstruesit si “vandalë” që, sipas tij, po veprojnë për të kënaqur presidentin amerikan Donald Trump.

Internet i ndërprerë, raportim i vështirë

Autoritetet iraniane kanë bllokuar aksesin në internet për të penguar organizimin e protestave dhe shpërndarjen e informacionit. Infrastruktura dixhitale e vendit kontrollohet nga shteti dhe aktualisht qasja është kufizuar kryesisht në një intranet vendas, me lidhje minimale me rrjetin global.

Ekspertë të teknologjisë i kanë thënë BBC Persian se ndërprerja aktuale është më e rëndë se ajo gjatë protestave “Grua, Jetë, Liri” tre vjet më parë, duke e cilësuar situatën si një nga bllokimet më të forta të internetit në historinë e Iranit.

Për shkak të kufizimeve, BBC dhe shumica e mediave ndërkombëtare nuk janë në gjendje të raportojnë drejtpërdrejt nga brenda Iranit, megjithatë pamje video dhe dëshmi nga terreni vazhdojnë të qarkullojnë.

Pamje të verifikuara tregojnë protestues që marrin kontrollin e disa rrugëve në Teheran, ndërsa përplasje të dhunshme janë regjistruar edhe në Mashhad, qytetin e dytë më të madh të vendit. Në video shihen mjete të djegura, përleshje me forcat e sigurisë dhe të shtëna armësh.

Reagime nga SHBA dhe komuniteti ndërkombëtar

Presidenti amerikan Donald Trump shkroi në rrjetet sociale se “Irani po shikon drejt lirisë” dhe se Shtetet e Bashkuara janë të gatshme të ndihmojnë, pa dhënë detaje konkrete. Mediat amerikane raportojnë se administrata amerikane ka diskutuar opsione të ndryshme, përfshirë edhe skenarë ushtarakë, të cilësuar si paraprakë.

Senatori amerikan Lindsey Graham dhe figura të tjera politike kanë shprehur mbështetje publike për protestuesit. Ndërkohë, Reza Pahlavi, djali i ish-shahut të Iranit dhe aktualisht në mërgim, u ka bërë thirrje qytetarëve të vazhdojnë protestat, duke theksuar se regjimi po dobësohet.

Amnesty International ka ngritur alarmin për përdorimin e forcës vdekjeprurëse ndaj protestuesve, ndërsa Sekretarja e Jashtme britanike, Yvette Cooper, deklaroi se qytetarët iranianë nuk duhet të përballen me dhunë apo hakmarrje për shkak të mendimeve të tyre.

Bilanci i viktimave

Sipas burimeve mjekësore dhe verifikimeve të BBC Persian, dhjetëra persona kanë humbur jetën, përfshirë edhe fëmijë, ndërsa qindra të tjerë janë plagosur. Spitalet, veçanërisht në Teheran dhe Rasht, raportohen të mbingarkuara, me staf që përshkruan skena dramatike dhe mungesë kapacitetesh për të përballuar numrin e viktimave.

Këto janë protestat më të gjera në Iran që nga viti 2022, kur pas vdekjes së Mahsa Amini-t në paraburgim, mbi 550 persona u vranë dhe rreth 20 mijë u arrestuan gjatë disa muajve represioni, sipas organizatave për të drejtat e njeriut.

Ditën e diel vendi ynë do të ndikohet nga kushte atmosferike relativit të paqëndrueshm. Moti parashikohet fillimisht me vranësira mesatare deri të dendura dhe prej orëve të mesditës mot kryesisht me kthjellime e alternime vranësirash kalimtare.
Reshje shiu të herëpashershme me intensitet të ulët e lokalisht deri mesatar në pjesën më të madhe të vendit që në orët e para të 24-orëshit deri në mëngjes. Gradualisht pas orëve të mëngjesit reshjet e shiut humbasin intensitet dhe territor duke mbetur prezente në juglindje me intensitet të ulët. Në zonën e Alpeve, në verilindje në lartësinë mbi 100 metër dhe juglindje mbi 200-300 metër reshje dëbore me intensitet të ulët deri mesatar, në pjesën tjetër të vendit reshje lokale bore me intensitet të ulët. Pas orëve të pasdites reshjet e shiut dhe dëborës ndërpriten në të gjithë territorin. Mjegull e dendur/mjegullinë dhe shikim i reduktuar për shkak të reshjeve të shiut dhe dëborës.
Era do të fryjë me drejtim veriperëndim – verilindje, me shpejtësi mesatare 7 m/s, përgjatë vijës bregdetare dhe zonave luginore era pritet të fitoi shpejtësi deri në 18 m/s.
Deti – Valëzimi forcës 4-6 ballë.

Dashi

Sot është koha për t’u fokusuar në pasionet tuaja dhe për t’i kthyer ato në realitet. Jini të guximshëm dhe mos kini frikë nga ndryshimet që ju presin! Në dashuri tregohuni të sinqertë dhe të hapur me partnerin. Ndani ëndrrat dhe aspiratat tuaja për të forcuar lidhjen. Në punë, përdorni kreativitetin dhe shkathtësinë tuaj për të arritur lartësi të reja. Mos kini frikë të merrni rreziqe të llogaritura. Kujdes me shpenzimet tuaja sot, mund të keni disa surpriza. Planifikoni dhe kurseni për t’u marrë me çdo ngjarje të papritur.

Demi

Sot lejoni vetes të ëndërroni. Universi ju buzëqesh dhe ju mbështet në çdo zgjedhje që bëni. Lëreni veten të tërhiqeni nga emocionet dhe tregohuni të sinqertë me partnerin. Komunikoni nevojat tuaja hapur dhe sinqerisht. Shkëlqeni me kreativitetin dhe vendosmërinë tuaj. Përballoni sfidat me besim dhe tregoni vlerën tuaj. Menaxhoni financat tuaja me mençuri. Kushtojini vëmendje detajeve dhe investoni me mençuri për të siguruar një të ardhme të qëndrueshme.

Binjakët

Sot është koha për të ndjekur instinktet tuaja dhe për të besuar shqisën tuaj të gjashtë për të marrë vendime të rëndësishme. Jini të hapur ndaj lidhjeve të reja dhe lëreni zemrën tuaj t’ju udhëheqë drejt lumturisë. Përdorni kreativitetin dhe komunikimin tuaj për të arritur sukses në projektet e punës. Shmangni shpenzimet në mënyrë impulsive dhe planifikoni buxhetin tuaj me kujdes për të ruajtur stabilitetin financiar. Dëgjoni trupin tuaj dhe kushtojini kohë relaksimit dhe mirëqenies fizike dhe mendore.

Gaforrja

Sot është koha për të vënë në praktikë intuitat tuaja dhe për të ndjekur instinktet tuaja. Përballoni sfidat me besim dhe vendosmëri. Tregohuni të sinqertë me partnerin dhe flisni hapur për ndjenjat tuaja. Komunikimi do të jetë çelësi i një marrëdhënieje të qëndrueshme. Përqendrohuni në prioritetet tuaja dhe mos u hutoni nga kritikat e të tjerëve. Mbani vizionin tuaj dhe ecni përpara me vendosmëri. Kurseni me kujdes dhe shmangni shpenzimet e panevojshme. Menaxhimi i mençur i financave do t’ju sjellë siguri dhe stabilitet në planin afatgjatë.

Luani

Sot është koha për të marrë përgjegjësinë për jetën tuaj dhe për të ndjekur qëllimet tuaja me vendosmëri dhe pasion. Ndiqni zemrën tuaj dhe mos kini frikë t’i tregoni ndjenjat partnerit tuaj. Komunikimi dhe sinqeriteti do të jenë çelësi i një marrëdhënieje harmonike. Shfrytëzoni në maksimum aftësitë dhe kreativitetin tuaj për të arritur sukses në punë. Përqendrohuni në prioritetet tuaja dhe punoni shumë për të arritur qëllimet tuaja. Kujdesuni për shpenzimet tuaja dhe investoni me mençuri. Mbani një qëndrim të kujdesshëm dhe të përgjegjshëm në vendimet financiare për të siguruar stabilitetin ekonomik.

Virgjëresha

Sot është koha për të treguar mirësinë dhe dhembshurinë tuaj. Jini aty për ata që ju rrethojnë dhe mos harroni të kujdeseni për veten. Në dashuri tregohuni të hapur dhe të sinqertë me partnerin. Komunikoni ndjenjat tuaja dhe dëgjoni me kujdes nevojat e tyre. Në punë përqendrohuni te saktësia dhe organizimi. Qëndroni të qetë edhe nën presion dhe përballuni me sfida me vendosmëri. Në aspektin financiar tregohuni të matur dhe kurseni ku të mundeni. Planifikoni me kujdes buxhetet tuaja dhe kërkoni mundësi për të rritur të ardhurat tuaja.

Peshorja

Sot është dita ideale për t’iu përkushtuar kujdesit ndaj vetes. Merrni pak kohë për t’u çlodhur dhe për të reflektuar mbi nevojat tuaja. Surprizoni partnerin tuaj me një gjest romantik sot. Ju mund të forconi më tej lidhjen tuaj. Përqendrohuni në prioritetet tuaja të punës dhe përpiquni të qëndroni të qetë në situata stresuese. Konsideroni me kujdes shpenzimet tuaja dhe përpiquni të kurseni aty ku është e mundur. Një mendje e mençur financiarisht sjell përfitime.

Akrepi

Lëreni intuitën tuaj të udhëheqë zgjedhjet tuaja sot. Do të habiteni nga rezultatet që merrni duke ndjekur instinktet tuaja. Lini vend për pasion dhe mirëkuptim në marrëdhënien tuaj. Një gjest romantik do të bëjë diferencën. Përdorni intuitën tuaj për të zgjidhur problemet në punë. Mund të gjeni zgjidhje kreative dhe inovative. Shmangni vendimet impulsive financiare, në vend të kësaj ndiqni instinktet tuaja financiare. Mund të bëni investime fitimprurëse.

Shigjetari

Sot është koha për të ndjekur intuitën tuaj dhe për t’i lënë emocionet tuaja t’ju udhëheqin. Jini të hapur ndaj gjërave të reja që ju ofron jeta! Ndiheni shumë romantike këto ditë. Përdoreni këtë energji për të forcuar lidhjet me partnerin ose për të takuar dikë të veçantë. Është koha ideale për t’u përfshirë dhe për të demonstruar vlerën tuaj. Përfitoni nga mundësitë që ju vijnë. Kujdes me investimet. Kujdes nga shpenzimet e panevojshme dhe përpiquni të kurseni për të ardhmen.

Bricjapi

Bëhu i guximshëm dhe iniciativ! Yjet po ju buzëqeshin sot, sillni vendosmërinë tuaj në çdo situatë që hasni. Forconi lidhjet me partnerin tuaj nëpërmjet sinqeritetit dhe komunikimit. Jini të hapur ndaj emocioneve dhe lëreni dashurinë të udhëheqë veprimet tuaja. Jepni gjithçka në punë dhe do të shihni se rezultatet do të shpërblejnë përpjekjen tuaj. Përqendrohuni në prioritetet tuaja dhe ruani vendosmërinë tuaj. Kushtojini vëmendje shpenzimeve tuaja dhe planifikoni buxhetin tuaj me kujdes. Mbani nën kontroll financat tuaja dhe shmangni blerjet impulsive.

Ujori

Sot është koha për të hequr qafe frikën e vjetër dhe për të hapur zemrën ndaj dashurisë dhe lumturisë që meritoni. Jini të hapur dhe të sinqertë ndaj partnerit tuaj, komunikoni dhe forconi lidhjen tuaj. Sot mund të merrni një mundësi interesante profesionale, mos e humbisni. Kujdes nga shpenzimet e panevojshme dhe përpiquni të kurseni për të ardhmen. Kushtojini kohë vetes, kujdesuni për mirëqenien tuaj fizike dhe mendore.

Peshqit

Ndiqni instinktet tuaja sot. Dëgjoni zemrën tuaj dhe komunikoni hapur me partnerin. Do të jetë një ditë e veçantë. Përdorni kreativitetin tuaj për të kapërcyer sfidat në punë. Merrni mundësi të reja. Kujdesuni për shpenzimet tuaja dhe investoni me mençuri. Fati është në anën tuaj. Kushtojini kohë relaksimit dhe meditimit për të ribalancuar trupin dhe mendjen tuaj.

Diskutimet për Groenlandën po marrin formën e një gare financiare, kush ofron më shumë për ta marrë ose ruajtur ishullin. “Të jesh pronar i saj është shumë e rëndësishme”, deklaroi dje Donald Trump në një intervistë për New York Times.

“Besoj se është psikologjikisht e nevojshme për suksesin. Pronësia të jep diçka që nuk mund ta marrësh vetëm me një kontratë qiraje. Pronësia ofron elemente që nuk mund të fitohen thjesht duke firmosur një dokument.”

Në këtë kontekst, Shtetet e Bashkuara po shqyrtojnë mundësinë e ofrimit të pagesave të drejtpërdrejta për banorët e ishullit, për t’i bindur ata të ndahen nga Danimarka dhe të bëhen amerikanë. Sipas burimeve nga administrata Trump, shifrat që po diskutohen variojnë nga 10 mijë deri në 100 mijë dollarë për person.

Ndërkohë, edhe Europa po planifikon të rrisë investimet në Groenlandë, megjithëse jo në mënyrë të drejtpërdrejtë për secilin nga 50 mijë banorët. Bashkimi Evropian ka vendosur të rrisë më shumë se dyfish buxhetin për këtë territor autonom danez, duke shpenzuar 530 milionë euro gjatë shtatë viteve, duke nisur nga viti 2028.

Kjo “garë” me dollarë dhe euro është një nga opsionet që po shqyrtohen në nivelet diplomatike, pas sfidës së hedhur nga Shtëpia e Bardhë, e cila nuk përjashton përdorimin e forcës për t’ia marrë Groenlandën, por më realist duket se synon të bindë Danimarkën ta shesë. Sekretari amerikan i Shtetit, Marco Rubio, do të diskutojë javën e ardhshme këtë çështje me zyrtarët e Kopenhagës. “Ajo që i them liderëve evropianë është: merrni seriozisht atë që thotë Donald Trump”, deklaroi zëvendëspresidenti J.D. Vance.

Nëse opsioni i parë janë paratë, i dyti është një kompromis: të jepet diçka që Trump mund ta prezantojë si fitore e tij, duke ruajtur njëkohësisht sovranitetin e Groenlandës. Si? Duke rritur investimet në mbrojtjen ushtarake të ishullit (çka BE-ja thotë se po e bën), duke lejuar SHBA të hapë baza të tjera ushtarake përveç atyre ekzistuese (sipas një traktati bilateral të vitit 1951) dhe duke nisur iniciativa të përbashkëta për shfrytëzimin minerar të territorit, i cili tërheq veçanërisht vëmendjen e presidentit amerikan.

Një opsion i tretë është “hakmarrja ekonomike”: i ashtuquajturi “bazooka ekonomike” që Brukseli kishte menduar të përdorë më parë ndaj kërcënimeve për rritje tarifash nga Trump. Opsioni i katërt është ai ushtarak, i cili duket më i papranueshëm, pasi fuqia amerikane është shumë më e madhe.

“Diçka është e sigurt: Europa duhet të jetë më e pranishme dhe aktive në zonën e Arktikut, dhe për këtë po rishikojmë strategjinë tonë për të përballuar kërcënime të reja gjeopolitike,” pranon zëdhënësja e Komisionit Evropian. Financial Times komenton: Derisa tani, qëndrimi evropian për Groenlandën ka qenë ‘të lutemi Trump’. Qartë, kjo nuk funksionon.

Presidenti i SHBA-së, Donald Trump, ka rikthyer vëmendjen te Grenlanda, duke e përshkruar territorin si një çështje strategjike për sigurinë kombëtare.

I pyetur se sa para do t’i ofronte Danimarkës për ishullin, Trump tha se “nuk po flas për para akoma, por mund të flas për këtë”.

Në vend të kësaj, ai bëri një paralajmërim të fortë, raporton skynews. 

“Tani për tani, ne do të bëjmë diçka për Grenlandën, qoftë edhe nëse ata nuk e duan, sepse nëse nuk e bëjmë ne, Rusia ose Kina do ta marrin Grenlandën, dhe ne nuk do të kemi Rusinë apo Kinën si fqinj. Unë do të doja të bëja një marrëveshje në mënyrë të lehtë. Por nëse nuk e bëjmë kështu, do ta bëjmë në mënyrë të vështirë”, tha Trump.

Ndryshe, Danimarka e ka bërë të qartë se Grenlanda nuk është për shitje dhe se do ta mbrojnë me çdo çmim.

Analistët e sigurisë e shohin interesin e SHBA-së në Grenlandë si një lëvizje strategjike kundër ndikimit rus dhe kinez në Arktik.

Udhëheqësit e Britanisë së Madhe, Gjermanisë dhe Francës e kanë dënuar vrasjen e protestuesve në Iran dhe i kanë bërë thirrje Teheranit të “përmbahet”, pas shtypjes brutale të demonstratave kundër pushtetit klerikal.

Thuhet se të paktën 51 njerëz janë vrarë dhe mbi 2.000 të tjerë janë arrestuar gjatë në dy javët e fundit, të cilat fillimisht u nxitën nga zemërimi për gjendjen e rënduar të ekonomisë së vendit.

Udhëheqësit iranianë e kanë ndërprerë gjithashtu qasjen në internet dhe thirrjet telefonike ndërkombëtare si përgjigje ndaj protestave.

Në një deklaratë të përbashkët, kryeministri britanik Keir Starmer, kancelari gjerman Friedrich Merz dhe presidenti francez Emmanuel Macron thanë se janë “thellësisht të shqetësuar për raportimet mbi dhunën nga forcat e sigurisë iraniane” dhe dënuan “fuqishëm” vrasjen e protestuesve.

Udhëheqësit shtuan: “Autoritetet iraniane e kanë përgjegjësi ta mbrojnë popullsinë e tyre dhe duhet të lejojnë lirinë e shprehjes dhe tubimin paqësor pa frikë nga ndëshkimi”.

“Ne u bëjmë thirrje autoriteteve iraniane të tregojnë përmbajtje, të përmbahen nga dhuna dhe të respektojnë të drejtat themelore të qytetarëve të Iranit”.

Protestat në Iran filluan më 28 dhjetor dhe janë shndërruar në sfidën më të rëndësishme ndaj pushtetit prej disa vitesh.

Veprimet kanë përfshirë edhe thirrje në mbështetje të udhëheqësit të Iranit para revolucionit, shahut, djali i të cilit, Reza Pahlavi, ka bërë thirrje për protesta të mëtejshme.

Demonstratat kanë rinovuar gjithashtu përballjen midis Iranit dhe SHBA-së, pasi presidenti Donald Trump që paralajmëroi se Teherani do të “paguajë shtrenjtë” nëse autoritetet vrasin protestues.

Një ngjarje e rëndë ka ndodhur pak më parë në lagjen “Brigada 17 Sulmuese”, ku mbrëmjen e sotme është gjetur i pajetë një shtetas. Sipas burimeve  viktima është identifikuar si Vasil Gashi dhe dyshohet se ka humbur jetën për shkaqe natyrore .

Banorët e fshatit Miliska të njesisë Adm Thumanë, prej 4 ditësh janë nën pushtetin e ujit. Çarja e argjinaturës së lumit Drojë ka  sjellë prurjet e mëdha duke përmbytur qindra ha tokë bujqësore dhe banesa.

Një pjesë e banorëve kalojnë natën jashtë, të tjerë ndodhen të izoluar në banesa. Situata mbetet e rëndë nga niveli i lartë i ujit, që ka depertuar në banesa, ndërsa apelojnë institicioneve për ndihmë, sikurse ata shprehen, kanë mungesa dhe në furnizimin me bukë dhe ushqime.

Prokurori i Teheranit, Ali Salehi, tha se pjesëmarrësit në trazira që dëmtojnë pronën shtetërore ose përplasen me forcat e sigurisë mund të përballen me dënimin me vdekje.

Kryetari i drejtësisë në Iran, Gholam-Hossein Mohseni-Ejei, premtoi dënime të rrepta pa asnjë mëshirë.

Shkak u bë vrasja e prokurorit të qytetit Esfarayen, Ali Akbar Hosseinzadeh, dhe disa oficerëve të sigurisë. Autoritetet pretendojnë se zyra e prokurorit u dogj nga protestuesit.

Mediet iraniane raportojnë gjithashtu vdekjet e oficerëve të policisë dhe anëtarëve të Gardës Revolucionare Islamike (IRGC) në Teheran, Qom dhe Kermanshah.

Ministria e Inteligjencës ka bërë thirrje që qytetarët të raportojnë “sabotuesit dhe mercenarët e Shteteve të Bashkuara dhe regjimit sionist”.

Televizioni shtetëror, veçmas, paralajmëroi se kushdo që del në rrugë në mbrëmje do të qëllohet. Princi i kurorës iraniane, Reza Pahlavi, ka bërë thirrje që presidenti amerikan, Donald Trump të ndërhyjë në situatën në Iran.