Që nuk do të jetë një Botëror si gjithë të tjetër, kjo ishte kuptuar me kohë. Por FIFA vijon të aprovojë të tjera risi për “Kupën e Botës 2026”. Qeveria botërore e futbollit njoftoi se në turneun që do të zhvillohet verën e ardhshme Shtetet e Bashkuara të Amerikës, Kanada dhe Meksikë, ndeshjet do të ndërpriten në çdo pjesë nga tre minuta, përveç pushimit të zakonshëm mes pjesëve.

Kjo do t’i japë mundësi futbollistëve të hidratohen, në mënyrë që të përballojnë më mirë temperaturat e larta që priten gjatë finaleve të Botërorit, sidomos në sfidat që do luhen në SHBA dhe Meksikë. FIFA e mori këtë vendim pas vështirësive që u hasën gjatë “Botërorit për Klube”, që u zhvillua po në tokën amerikane.

Në njoftimin e qeverisë botërore të futbollit thuhet se “kjo procedure e thjeshtuar I lejon arbitrat të ndërpresin lojën pas 22 minutave të çdo pjese për t’u lejuar lojtarëve të pine ujë. Këto ndërprerje nuk varen nga moti apo temperatura, por do të urdhërohen nga arbitrat në të gjitha ndeshjet, duke garantuar kushte të barabarta për të gjithë ekipet. Minutazhi I ndërprerjes do të rikuperohet kohën shtesë”.

Po ashtu, FIFA po planifikon gjithashtu tre ceremoni hapjeje: një para ndeshjes së parë, më 11 qershor, në Mexico City midis vendit Meksikës dhe Afrikës së Jugut; dhe dy të tjera para ndeshjeve të para të dy vendeve të tjera pritëse, më 12 qershor, në Toronto në ndeshjen e Kanadasë dhe në Los Angeles me ndeshjen Shtetet e Bashkuara-Paraguai.

Përveç kësaj, për finalen e madhe, më 19 korrik, në stadiumin Neë Jersey, po planifikohet një shfaqje në pushimin e pjesës së pare e stilit amerikan, ashtu siç është traditë në finalet e “Super Bowl”.

Cristiano Ronaldo nuk mund të jetojë pa futbollin, por edhe futbolli duket se nuk mund të bëjë pas yllin portugez.

Kjo konfirmohet nga vendimi i fundit i Komisionit të Disiplinës dhe Etikës në FIFA, që ka lënë në fuqi pezullimin me një ndeshje të lojtarit pas kartonit të kuq të marrë në sfidën e parafundit në grupet kualifikues të “Botërorit 2026”.

Një dënim i zbutur, pasi rregullorja parashikon pezullimin me dy iose më shumë ndeshje, në rast të kartoni të kuq direkt dhe për gjeste anti sportive, si në rastin e Cristiano Ronaldo. Ai u ndëshkua në ndeshjen e 143 nëntorit në Dublin, kur I nervozuar goditi qëllimisht mbrojtësin e Irlandës, Dara O’Shea.

CR7 e shlye pezullimin në sfidën pasardhëse, atë të fundit në grup kundër Armenisë.

Si pasojë, pas vendimit të fundit të Komisionit të Disiplinës dhe Etikës në FIFA, ylli i futbollit do të mund të luajë në ndeshjen e parë me Portugalinë në “Botërorin 2026”.

Sipas mediave portugeze, një detaj që ka ndikuar në këtë vendim lidhet me karrierën e futbollistit.

Ky ishte kartoni I parë ui kuq direk për sulmuesin në 226 ndeshje të luajtura me përfaqësuesen portugeze.

Një fitore për Cristiano Ronaldo, kombëtaren e Portugalisë, por edhe për FIFA, që nuk mund t’I lejojë vetes të humbasë markën “CR7” në turneun më të rëndësishëm të saj.

Në fillim duhet të kalojë ndeshjet e play off, por deri atëherë, Shqipëria ka mësuar një pjesë të rrugës që do të ndjekë nëse kualifikohet në finalet e “Botërorit 2026”.

FIFA zbuloi ndarjen e vazove për shortin që do të hidhet më 5 dhjetor në Ëashington, nga i cili do të ndahen grupet e turneut.

Kështu skuadra kuqezi do të vendoset në vazon e katërt, ku bëjnë pjesë edhe ekipet që do të dalin nga faza e play-off. Në të njëjtën vazo bëjnë pjesë Jordania, Kepi I Gjelbërt, Curacao, Gana, Haiti dhe Zelanda e Re.

Në vazon e parë, siç pritej, përveç organizatorëve janë pozicionuar skuadrat më të mëdha të futbollit Botëror të renditura më mirë në klaisifikimin e përgjithshëm të FIFA.

Po ashtu, qeveria botërore e futbollit zbuloi edhe proçedurat e shortit të “Botërorit 2026”, turneu i parë në histori me 48 skuadra.

Tre vendet organizatore SHBA, Meksikë dhe Kanada do të jenë koka grupi, ashtu si ekipet e tjerë të vazos së parë.

Por katër skuadrat e para të renditjes së FIFA, Spanja, Argjentina, Franca dhe Anglia do të përcaktohen në rrugë të ndryshme, çka do të thotë se ato mund të përballen mes tyre vetëm në finale.

Përveç skuadrave të Europës, që mund të vendosen edhe dy në të njëjtin grup, skuadrat e konferederatave të tjera mund të përballen mes tyre vetëm pas fazës së grupeve.

Një ditë pas hedhjes së shortit, FIFA do të zbulojë më 6 dhjetor edhe kalendarin e sfidave në finalet e “Botërorit 2026” që do të nisë më 11 qershor dhe do të mbyllet me 19 korrik./abcnews.al

Katër skuadrat e vazos së parë, Italia, Turqia, Danimarka dhe Ukraina janë koka në katër minigrupet, ose “shtigjet” drejt finaleve, ndërsa do të luajnë në gjysmëfinale me skuadrat e vazos së katërt që vijnë nga Liga e Kombeve.

Ndërkohë, skuadrat e vazos së tretë ku bëjnë pjesë Shqipëria dhe Kosova do të përballen në gjysmëfinale me ekipet e vazos së dytë, që janë për momentin Uellsi, Sllovakia, Polonia dhe Çekia.

Për këtë arsye, sipas kësaj skeme nuk do të ketë “derbi shqiptar” as në finalet e play off. E sigurtë është që si Shëqipëria ashtu edhe Kosova do të luajnë në transfertë ndeshjen gjysmëfinale.

Në rast kualifikimi, stadiumi ku do të luhet sfida finale do të vendoset gjithashtu në shortin që do hidhet po të enjten në Zyrih, i cili do të përcaktojë edhe “shtegun” e fundit.

Kjo do të thotë, gjithmonë në rast kualifikimi, që kuqezinjtë dhe “Dardanët” mund të luajnë në shtëpi ose sërish në transfertë sfidën finale të play off.  Kombëtaret e Shqipërisë dhe Kosovës e bënë punën e tyre në fushë, tani të gjithë të shpresojmë që edhe fati të jetë në goglat e shqortit të së enjtes.

Pas Anglisë, është Franca skuadra e dytë europiane që siguron biletën direkte për në finalet e “Botërorit 2026”, një ndeshje përpara mbylljes së sazës kualifikuese në grupe.

Nënkampionët e botës vuloësn kualifikimin me fitoren 4-0 kundër Ukrainës në sfidën e pestë në Grupin D.

Rezultati jep përshtypjen e një ndeshje të lehtë, por në të vërtetë ajo u zgjidh vetëm në pjesën e dytë. Francezët dominuan, por golin e epërsisë e gjetën në minutën e 55-të me penalltinë e Mbappe.

Olise dyfishoi shifrat, përpara se sulmuesi i Real Madrid të shënonte golin e tretë dhe të dytin personal.

Vetëm dy minuta nga fundi I kohës së rregullt, Ekitike plotësoi “pokerin” francez që I bashkohet favoritëve në finalet e Botërorit.

Duhet të presë Portugalia, që bashkë me Cristiano Ronaldo kaloi një mbrëmje të errët në Dublin, ku u mund 2-0 nga Irlanda në sfidën e grupit F.

Vendasit mbyllën pjesën e parë në epërsinë e dyfishtë me golat e shënuar nga Perrot në minutën e 17’ dhe 45’. Ndryshe nga e shkuara, CR7 ishte protagonist negativ, pasi la fushën me karton të kuq në minutën e 59-të, duke i hequr forcë dhe kualitet reagimit të luzitanëve. Me këtë humbje, Portugalia mbetet në vendin e parë, ndërsa duhet të presë ndeshjen e fundit për të siguruar kualifikimin.

Krejt i ndryshëm është diskutimi për Italinë. Pasi mungoi në dy Botërorët e fundit, skuadra e kaltër pritet të hyjë nga dera e pasme në turneun e ardhshëm, pasi me shumë mundësi do të luajë në plej off. Italianët fituan 2-0 në fushën e Moldavisë në grupin I, falë golave të vonë të Mancinit dhe Pio Espozito, por gjithsesi mbeten tre pikë larg kryesuesëve të Norvegjisë.

Nordikët e udhëhequr edhe një herë nga Erling Haland fituan 4-1 ndaj Estonisë, duke ruajtur kryesimin me pikë të plota.

Matematika le të hapur garën për vendin e parë, por në sfidën e fundit direke mes Italisë dhe Norvegjisë, skuadra e Gatuzzo duhet të fitojë me nëntë gola diferencë për të bërë një rrokadë në krye. Një mision thuajse i pamundur…

Fitorja kundër Andorrës është shoqëruar me një rekord, por mbi të gjitha për një kapërcim domethënës të Shqipërisë në vazot e shortit për play off e “Botërorit 2026”.

Nuk është përfundimtare, pasi gjithçka do të vendoset në ndeshjet përmbyllëse të kualifikueseve, por për momentin kombëtarja kuqezi pozicionohet në vazon e dytë, bashkë me Skocinë, Çekinë dhe Sllovakinë.

Mbajtja e kësaj pozite do të jetë e vështirë, ndërsa do të vulosej vetëm në rast fitoreje në ndeshjen e fundit, të dielën kundër Anglisë në “Air Albania”.

Gjithçka mund të ndodhë, ndërsa vazo e dytë do të lehtësonte misionin e kuqezinjve për një vend në finalet e Botërorit, pasi do t’I lejonte që ndeshjen e parë të play off ta luante në shtëpi.

Por në të njëjtën kohë, mund të sillte një përballje me Kosovën, që do të shortohet në vazon e tretë, ku bashkë me të për momentin janë edhe Maqedonia e Veriut, Bosnja dhe Islanda.

Por gjithçka do të përcaktohet vetëm pas ndeshjeve të fundit në fazën e grupeve eliminatorë.

Deri atëherë skuadra e Sylvinho duhet të shijojë arritjen historike për kualifikimin në play off për herë të parë në histori, gjithashtu edhe një rekord.

Fitorja në Andorra ishte e pesta radhazi për kuqezinjtë, përfshirë edhe dy miqësoret me Gjibraltarin dhe Jordaninë. Asnjëherë më parë, edhe në dy rastet kur u kualifikua në finalet e Europianit, kombëtarja e Shqipërisë nuk kishte regjistruar një seri të tillë rezultatesh./abcnews.al

Futbolli për pak mund t’i kishte punuar një rreng të madh. Trajneri i Shqipërisë, Silvinjo, kaloi një mbrëmje të vështirë në Stadiumin Kombëtar të Andorrës, dhe vetëm arritja e plej ofit ia hoqi stresin dhe e lumturoi. Tekniku brazilian realizoi sërish diçka të madhe me kuqezinjtë, dy vjet pas kualifikimit në Europian, ndonëse në Botëror nuk jemi ende. Pas ndeshjes së fituar 1-0, ai pranoi sesa e vështirë ishte.

“Unë sot jam i lumtur për 9 milionë shqiptarë, 3 milionë në shtëpi dhe shumë të tjerë jashtë vendit. Ata e meritojnë këtë plej of. Është hera e parë, dhe jam i kënaqur. E vërtetë që ne vuajtëm nga ana psikologjike. Bëmë gabime dhe humbëm shumë topa. Nuk po ia dilnim të ndërtonim aksionet. Ekipit I mungoi qetësia dhe unë jam dakord me ju. E vërtetë është edhe që Andorra bëri një ndryshim taktik. Më parë luante me skemën 4-5-1 dhe nisej nga mbrojtja, ndërsa këtë herë ishin me 4-4-2, me dy sulmues që I bënin presion mesfushorëve tanë si Shehu dhe Asllani që organizonin lojën. Lojtarë shumë të mirë. Pas dy ditësh stërvitje ne gjetëm përballë një ekip të ndryshuar. Ata bënë presion edhe nga krahët dhe kjo na kushtoi, por është e vërtetë ajo që thoni ju, ekipi shpesh u nxitua, ishte jashtë tonit dhe gabuam. Ekipi po rritet, ka lojtarë me përvojë, por ju keni të drejtë”.

A mendon Silvinjo për rivalin e mundshëm në plej of?

“Jo. Në këtë moment nuk mendoj për plej ofin. Ne nuk e dimë ende se kush është përfundimisht I kualifikuar. Ne kaluam 2-3 ditë pune shumë të vështirë. Ekipi humbi ekuilibrin dhe ishim të nxituar. Një ndeshje shumë e vështirë, sepse Andorra ta vështirëson ndeshjen. Mbrohet shumë mirë dhe pëson pak gola. Tani ne duhet të punojmë për plej ofin. Duhet të njohim, të analizojmë ekipet që do të jenë atje. Për momentin, I lejoj vetes që të festoj dhe të shijoj këtë natë. Ekipi ynë humbi ndeshjen e parë ndaj Anglisë në Londër, dhe që nga ajo ditë nuk ka humbur më. Ne u kualifikuam për në plej of një ndeshje para fundit. Lojtarët u paraqitën shumë mirë dhe e përsëris që jam krenar për të gjithë shqiptarët nëpër botë, për ata që e duan futbollin dhe krenohen me kombëtaren. Ata e meritonin një plej of”.

Të dielën do të kemi përballë Anglinë, ndoshta një lloj testi për plej ofin.

“Anglia nuk ka të bëjë fare me plej ofin. Anglia është një nga favoritet për të fituar Kupën e Botës. Një nga kombëtaret më të mira të botës, bashkë me Spanjën, po ashtu gjithmonë Brazili apo Argjentina, Gjermania. Anglia është një superfuqi. Me nivel tepër të lartë, me lojtarë të mëdhenj dhe një trajner që më pëlqen shumë. Ka bërë gjëra të rëndësishme. E studion kundërshtarin, I vendos mirë lojtarët në fushë. Futbolli ka ndryshuar, ka shumë befasi, shumë zgjedhje taktike për lojtarët. Anglia nuk është një pikë referimi për ne përsa I përket plej ofit. Anglia është favorite për Botërorin”./abcnews.al

Max Verstappen nuk ka ndërmend të dorëzojë titullin kampion në Formula 1, që e mban prej katër vitesh. Piloti holandez i skuderisë Red Bull rihapi garën në Botërorin 2025, pas triumfit të Çimim e Madh të Shteteve të Bsshkuara të Amerikës, ndërsa ky ishte suksesi i tretë në katër garat e fundit.

Pas fitores në Monza dhe Baku, si dhe vendit të dytë në Singapor, Verstappen plotësoi ecurinë e tij të shkëlqyer në cirkuitin e Austin. Një dominim total, pasi mori “pole position” në provat zyrtare, ndërsa ruajti vendin e parë dhe me diferencë ndaj rivalëve të tij.

Holandezi la pas në vijën e finishit Lando Norris me McLaren dhe Charles Leclerc me Ferrari. Një garë e mirë për skuderinë italiane, që mori të tjera pikë edhe me shtatët herë kampionin e botës, Leëis Hamilton, që u rendit në vendin e katërt.

Vetëm i pesti e mbylli garën kryesuesi I Botërorit, Oscar Piastri, me makinën tjetër McLaren. Renditja përfundimtare në Austin ka rihapur zyrtarisht garën për titullin kampion, që vetëm pak javë më parë dukej e mbyllur.

Pas fitores në cirkuitin amerikan, Verstapen ka ngushtuar në 40 pikë diferencën me Piastri dhe në vetëm 26 pikë distancën me pilotin tjetër të McLaren, Lando Norris, që mban vendin e dytë./abcnews.al

Kur mbeten edhe dy ndeshje deri në fund të eliminatoreve të “Botërorit 2026”, Shqipëria ka në dorën e saj vendin në play off dhe mund të ëndërrojë për një kualifikim historik në finalet e një Kupe Bote.

Bilancet do të bëhen në fund, por shanset janë, madje me baza dhe të mbështetura në shifra.

Me Anglinë nga një tjetër “planet”, kombëtarja kuqezi mban vendin e dytë në grupin K, ndërsa në gjashtë ndeshje ka grumbulluar 11 pikë, pas 3 fitoreve, 2 barazimeve dhe vetëm 1 humbje.

Vendimtare fitorja në sfidën e 11 tetorit në Leskovac kundër Serbisë, që i lejoi Shqipërisë të lerë pas rivalët direktë edhe tani që numri i sfidave të luajtura në grup është barazuar.

Bileta e play off mund të sigurohet që në ndeshjen e parë të nëntorit, gjithmonë nëse kuqezinjtë fitojnë sfidën e tyre në Andorra dhe Anglia na bën një nder duke mundur Serbinë në “Ëembley”.

Gjasat janë të mëdha, ndërsa optimizmi shtohet duke parë ecurinë e skuadrës së Silvinjo në ndeshjet e fundit.

Kombëtarja shqiptare ka një ecuri të shkëlqyer me katër fitore radhazi, në dy sfida eliminatore dhe dy të tjera miqësore.

Seria nisi me suksesin 0-1 kundër Gjibraltarit, më pas me të njëjtin rezultat në dy përballjet kualifikuese kundër Letonisë dhe Serbisë dhe u mbyll me fitoren 4-2 në “Air Albania” kundër Jordanisë.

Një ecuri shpredhënëse, sidomos në mbrojtje, ku golat e vetëm të pësuar janë ata në miqësoren e 14 tetorit.

Po ashtu, katër fitoret radhazi janë një tjetër e dhënë shpresdhënëse përpara “finaleve” të muajit të ardhshëm.

Një fitore në Andorra, jo vetëm që mund të mbyllte përpara kohe kualifikimin në play off e Botërorit, por do të sillte suksesin e pestë radhazi dhe një rekord për Kombëtaren e Shqipërisë.

Një çështje krejtësisht politike dhe me asnjë lidhje me futbollin, por që do të ndikonte drejtpërdrejt në “Botërorin 2026”. Presidenti i SHBA Donald Trump vazhdon të qëndrojë besnik ndaj idesë së tij për spostua ndeshjet e turneut nga disa qytetet, që ai mendon se nuk janë të sigurtë. Ai u kthye të flasë për këtë temë, ndërsa këtë temë, duke marrë si shembull Boston, një nga 11 qytetet amerikanë  që janë zgjedhur për të organizuar sfidat e finaleve të Kupës së Botës. SHBA ka në kalendar 78 ndeshje nga 104 të tilla, ndërsa 7 prej tyre do të luhen në “Gillette Stadium” në Foxborough.

“Ne mund t’i heqim. Unë e dua popullin e Bostonit dhe e di që biletat janë shitur të gjitha. Por kryetari juaj i bashkisë nuk është i mirë. Nëse dikush po bën një punë të keqe dhe unë e ndjej që nuk ka kushte sigurie, atëherë do të telefonoj Xhanin, që është një president fenomenal i FIFA-s dhe do t’i them. Të lëvizim në një vend tjetër dhe ata do ta bëjnë këtë”

Atlanta, Boston, Dallas, Houston, Kansas City, Los Angeles, Miami, Neë York, Philadelphia, San Francisco dhe Seattle janë 11 qytetet që do tëp resin ndeshjet e Kupës së Botës në SHBA. Por spostimi i sfidave nga secili prej tyre do të sillte probleme të mëdha nga ana logjistike për FIFA, e cila punon prej fitesh mbi një program të saktë.

Po ashtu, për t’u kuptuar mbetet nëse me të vërtetë Donald Trump mund të bëjë një lëvizje të tillë, që më shumë me futbollin lidhet me politikën e brendshme amerikane.

Gjithsesi, dihet tashmë që ai ndërtuar së fundmi një raport të shkëlqyer me presidentin e FIFA, Giani Infantino, ndërsa zyra e komitetit organizativ të “Kupës së Botës 2026”, që nga vera është vendosur në “Trump Toëer” në New York./abcnews.al

Këto eliminatore të zonës europiane për Botërorin 2026 pritet të jetë të fundit me këtë format. UEFA pritet të nbëjë një dryshim epokal në fazën kualifikuese të turneve, duke përfshirë edhe ato për “Euro 2028”.

Ideja e hedhur nga presidenti Alexander Ceferin në samitin e Lisbonës, pak javë për një format më modern duket se ka marrë jetë. Sipas mediave ndërkombëtare, qeveria europian e futbollit ka në tavolinë dy mundësi.

Përshtatja e Ligës së Kombeve si fazë kualifikuese për turnetë Europianë dhe Botërorë, ose një eliminatore me formatin e ri të Champions League, pra krijimin e një lige të madhe me 54 kombëtaret pjesmarrëve të ndara në dy grupe me nga 26 skuadra.

Ky ndryshim sipas UEFA është i detyruar, pasi të gjitha të dhënat, nga shikueshmëria televizive deri te shitja e biletave, tregojnë për eliminatore të mërzitshme dhe shumë të shbilancuara mes rivalëve me diferenca të mëdha.

Me një format tjetër, si ai i Ligës së Kombeve, apo Champions League do të kishte më shumë sfida mes skuadrave të mëdha, por edhe përballje të balancuara mes ekipeve të të njëtit nivel dhe me shumë shnase për këto të fundit për të luajtur finalet e një Kampionati Europian apo Botëror.

Po ashtu, një model si ai i Champions League, mund të sillte më shumë të ardhura financiare për federatat, pasi sfidat e mëdha do të rrisnin vlerën e të drejtave televizive, por edhe interesin e tifozëve për të ndjekur sfidat në stadium. Sipas “L’Equipe”, formati i ri i eliminatoreve në zonën e UEFA mund të aplikohet që në kualifikueset e ardhshme për “Euro 2028” dhe më pas për “Botërorin 2030”./abcnews.al

Mrekullitë ndodhin, sidomos në futboll. Konfirmimi për këtë ka emrin e Kepit të Gjelbërt, që për herë të parë në historinë e tij do të luajë në finalet e një Kampionati Botëror.

Historia e një shteti të vogël të përmbërë nga 10 ishuj vullkanikë në Oqeanin Atlantik, me një popullsi pak më shumë se 520 mijë banorë dhe të vendosur në një hapësirë pak më shumë se 4 mijë kilometra katrorë, u shkrua në sfidën e fundit për eliminatoret e Kupës së Botës për zonën e Afrikës.

Kepi i Gjelbërt mundi me lehtrësi 3-0 Esvatinin për të marrë vendin e parë në Grupin D.

Një triumf i vërtetë, por i merituar për skuadrën e drejtuar nga Pedro Leitao Brito, i konsideruar si lojtari më I mirë I të gjitha kohërave për këtë vend.

Pas 10 ndeshjesh, Kepi i Gjelbërt grumbulloi 23 pikë, duke lënë pas një emër të madh të futbollit afrikan si Kameruni, që do të duhet të luajë në plej of për të siguruar kualifikimin.

Përpara se të nisin finalet verën e ardhshme, “Botërori 2026” mund të quhet që tani si ai I surprizave të mëdha.

Kjo pasi përveç Kepit të Gjelbërt në fazën finale të turneut në SHBA, Meksikë dhe Kanada do të luajnë edhe dy debutues të tjerë si Uzbekistani dhe Jordania, që kanë marrë biletën nga zona e Azisë./abcnews.al

Kur na ndali në Tiranë dy vjet më parë, nuk e bëmë dramë. Një barazim në “Arenë” me Ishujt Faroe nuk i prishi ndonjë punë kombëtares shqiptare, madje u cilësua si një ndeshje e lodhur pas festës së kualifikimit për në Europian që patëm në Moldavi.

Gjithsesi, ky ekip kombëtar vërtet modest, po mendonte që në atë kohë për diçka të madhe. Këtë e kuptojmë pasi Ishujt Faroe mundën 2-1 Çekinë në kryeqytetin e tyre Torshavn, duke shkaktuar të papritur e jashtëzakonshme të radhës në eliminatoret e Kupës së Botës.

Si mund të ndodhë diçka e tillë?

Pra, që ekipi përfaqësues i një vend me vetëm 55 000 banorë, më pak se një lagje e Tiranës, me sipërfaqe afërsisht 1 400 km2, të arrijë fitore të tilla dhe të ketë shpresa për të shkuar në finalet e Botërorit?

Golat ndaj çekëve erdhën në fund, fillimisht me avantazhin 1-0 nga Sorensen, pastaj me barazimin 1-1 nga Karabec, e nëntë minuta para përfundimit kur Agnarson siguroi tri pikët.

Suksesi nuk vonoi shumë, pasi pak ditë më parë Ishujt Faroe shkatërruan 4-0 Malin e Zi, dhe tani ekipi në veriperëndim të Europës ka shanse reale për të shkuar në plej of.

Me 12 pikë, është vetëm një pikë prapa Republikës Çeke, ndërsa Kroacia kryeson Grupin L me 16 pikë.

Mali I Zi është shumë prapa me vetëm 6 pikë. Gjithsesi, shanset janë tepër të vogla edhe pse matematikisht mund të ndodhë.

Ishujt Faroe do të luajnë në fushën e Kroacisë në 14 nëntor, ndërsa Çekia do të presë Gjibraltarin në 17 të po atij muaji./abcnews.al

Matematika nuk e lejon të festojë përpara kohe, por Holanda mund të cilësojë veten që tani si finaliste e “Botërorit 2026”. “Tulipanët” i shtuan një tjetër fitore ecurisë së tyre në Grupin G kualifikues, duke mundur 4-0 Finlandën.

Ky sukses i lejon skuadrës së drtejtuar nga Ronald Komeman të ruajë vendin e parë dhe diferencën me ndjekësit më të afërt. Rezultati tregon qartë lehtësinë me të cilën e zgjidhën holandezët këtë sfidë. Në fakt, vendasit e vranë atë me tre gola që në pjesën e parë. Malen, Van Dijk dhe Depai me 11 metërsh siguruan fitoren e Holandës përpara pushimit. Vetëm në minutat e fundit të ndeshjes, Gakpo plotësoi “pokerin”, për të vulosur fitoren e Holandës, që kryeson me 16 pikë Grupin G.

I njëjti diskutim vlen edhe për Kroacinë, që pret vetëm të vulosë biletën e saj për në finalet e Botërorit të ardhshëm. Kroatët bënë detyrën në fushën e tyre, duke kaluar pa asnjë probem 3-0 Gjibraltarin. Me skuadrën e dytë në fushë, vendasit shënuan golat e fitores me Fruk në pjesën e parë dhe Suçiç e Majer në të dytën. Pas gjashtë ndeshjesh, Kroacia kryeson me 16 pikë Grupin L, ku gara më e fortë bëhet për vendin e dytë.

Ndërkohë, janë shuar të gjitha shpresat e Greqisë për një vend në finalet e Kupës së Botës. Në ndeshjen e fundit, helenët u mundën 3-1 në transfertën e Danimarkës, duke vulosur fatin e tyre në këto kualifikuese. Danezët shënuan tre gola në pjesën e parë me Hojlund, Andersen dhe Damnsgard, duke vendosur shpejt suksesin. Pas pushimit, Colis vetëm sa zbuti humbjen, por jo dështimin e Greqisë që në katër ndeshja ka vetëm 3 pikë. “Beteja” për vendin e parë në Grupin C do të zgjidhet mes Danimarkës dhe Skocisë që kryesojnë me pikë të barabarta./abcnews.al

Nuk deshi t’i kritikonte hapur lojtarët e tij. Trajneri i Kombëtares, Silvinjo, pranoi se fitorja ndaj Letonisë ishte shumë e vështirë, dhe njohu më shumë meritat e kundërshtarit, sesa ato që mund të ishin problemet në lojën tonë.

Braziliani vlerësoi punën e tij e të stafit dhe e la në përgjegjësi të futbollistëve atë që ndodh në 20 apo 30 metrat e fundit para portës kundërshtare.

“Analiza e ndeshjes nga ana juaj është e saktë. Mendoj se puna që po bëjmë është që lojtarët të arrijnë në 20-30 metrat e fundit, dhe pastaj I takon lojtarit të veprojë me cilësitë e tij individuale. Në futbollin modern të gjithë mbrohen shumë mirë. Po bëhet gjithnjë e më e vështirë të shënosh. Në zonë ka gjithmonë një mbrojtës më shumë. Nuk është e lehtë. Unë mendoj se luajtëm një ndeshje të mirë dhe patëm mundësi edhe për ta mbyllur. Duhet të themi se kundërshtari është I vështirë. E pamë ndaj Serbisë tre ditë më parë, kur në sekondat e fundit goditën shtyllën. Edhe ndaj nesh gjithçka ishte e njëjtë, me të vërtetë e njëjta gjë. Një ekip mjaft I mirë, e përgatitur fizikisht, e vështirë për ta thyer, ekip që luan deri në fund. Edhe këtë herë në 5 minutat e fundit ndryshuam modulin, me Kumbullën në fushë. Ata u sulën që të gjithë në zonën tonë. E vështirë, por fituam, morëm 3 pikë shumë të rëndësishme. Pas pak, javën që vjen duhet të mendojmë për tetorin, sepse kemi një ndeshje shumë të vështirë”.

Silvinjo thekson një fakt që e cilëson tepër të rëndësishëm dhe bën një krahasim mes Europianit e Botërorit.

“E thashë që më parë se ishte ndeshje kyç, ishte për t’u fituar, sepse ndryshe nuk mund të shpresonim për më tej. Luajtëm mirë dhe e merituam fitoren, morëm 3 pikë. Jemi në lojë dhe mund të shkojmë përpara duke pasur në mendje tetorin, dhe ndeshjen shumë të vështirë e vendimtare. Rëndësi ka që jemi në garë. Jam I kënaqur nga të gjithë, nga Federata, nga Shqipëria si vend. Kjo është e bukur. Një kualifikim në Europian është I vështirë, ndërsa në Botëror shumë më tepër. Ju e dini më mirë se unë. Nuk ishte e lehtë që të arrinim në tetor në garë me një kundërshtar të fortë, por deri tani e kemi bërë. Duam më shumë kuptohet, por avash-avash”.

Trajneri u pyet nëse Shqipëria mund t’i shfrytëzojë problemet politike dhe sportive që ka Serbia në këtë moment.

“Është ende shpejt për të folur për atë ndeshje. Sot është ende situatë e nxehtë përsa I përket Letonisë, Ishte një ndeshje e fortë, e vështirë dhe e përsëris se nëse nuk do të fitonim, nuk do të kishim pasur të ardhme. Kam përvojë 15 vjet si lojtar, 10 vjet në stafin teknik, tre-katër vjet si trajner I parë. Mendoj se ajo që ndodh sot në Serbi ka ndodhur kudo. Shpesh ka probleme edhe në kombëtare, edhe në një shoqëri, Problem me presidentin, me lojtarët. Secili I zgjidh vetë problemet e veta. Ne duhet të merremi me punën tonë. Kemi gati një muaj kohë për të punuar mirë, për të punuar fort. Të shkojmë atje dhe ta provojmë. Do të punojmë për këtë garë, por unë them se në çdo ndeshje luhet 90 minuta. Ne do të ecim në rrugën tonë”./abcnews.al

Ndryshe nga Shqipëria, që kthehet në fushë për një ndeshje miqësore, rivalët e saj në Grupin K do të luajë sfidat e radhës në kualifikueset e “Botërorit 2026”.

Kalendari i ka rezervuar Anglisë një sfidë të lehtë siç është ajo në “Ëembley” kundër Andorrës.

Skuadra e drejtuar nga Thomas Tuchel kryeson grupin me tre fitore radhazi, ndërsa kërkon të mbyllë kualifikimin që në sfidat e shtatorit, pasi përveç Andorrës, “Tre Luanët” do të luajnë  në datën 9 në transfertën kundër Serbisë.

Mungesat e mëdha të Anglisë për këto dy sfida janë ato të Jude Bellingham, Bukayo Saka dhe Liam Delap. I pari vijon rikuperimin pas operacionit në shpatull, ndërsa dy të tjerët u dëmtuan në sfidat e Premier League.

Pas impenjimit në finalet e Nations League, për herë të parë në sfidat e shtatorit për eliminatoret e Botërorit 2026 zbresin në fushë edhe gjigandët e tjerë të futbollit në kontinentin e vjetër si Gjermania, Spanja, Franca dhe Portugalia.

Ato do të luajnë sfidat e para kualifikuese në grupet e tyre.

Gjermania debuton të enjten në transfertën kndër Sllovakisë në Grupin A, ndërsa Spanja do të luajë në fushën e Bullgarisë për Grupin E.

Të dyja skuadrat kërkojnë të nisen me fitore, për të shpërblyer parashikimet që i shohin favorite në grupet e tyre.

Në datën 5 është radha e Francës për të bërë debutimin e saj në kualifikueset e Kupës së Botës.

“Gjelat” do të luajnë kundër Ukrainës në fushë neutral sfidën e parë në Grupin D. Pavarësisht se ndeshjet e fundit nuk kanë qenë shkëlqyese, skuadra e Deschamps konsiderohet gjithashtu pretendente.

Në të njëjtën mbrëmje do të jetë e impenjuar edhe Italia. Në pankinën e kaltër debuton trajneri Genaro Gattuso. Sfida e parë e tij është ajo kundër Estonisë, ndërsa çdo gabim mund t’I kushtojë Italisë qëndrimin jashtë finaleve të një Botërori për herë të tretë radhazi.

Në datën 6 shtator skenën e merr Portugalia e Cristiano Ronaldo. Pas triumfit në Nations League, skuadra luzitane kërkon të debutojë me fitore në sfidën e parë eliminatore të Grupit F në transfertën kundër Armenisë./abcnews.al

Dominimi I tyre vazhdon prej tre vitesh. Skuadra kombëtare e Kinës në sportet e ujit vazhdon të fitojë Kampionatin Botëror dhe kështu ndodhi në turneun e mbajtur këto ditë në Singapor.
Totali I medaljeve ishte 37, nga të cilat 15 të arta, 12 argjendi e 10 bronzi, ndërsa në vend të dytë doli Australia, me vetëm dy të arta më pak, kurse Shtetet e Bashkuara të Amerikës u detyruan të kënaqeshin me vendin e tretë, ndonëse deri 8 vjet më parë ishin të paarritshme.

Paraqitje e mirë e Rusisë, me sportistët e saj që konkurruan si neutralë, dhe dolën në vend të katërt. Kinezët nuk pati rivalë në hedhjet nga trampoline, me 16 medalje gjithsej, duke lënë shumë prapa Australinë e Meksikën. Sportistët e vendit të madh nga Azia fituan plot 9 të arta.

Kina ishte më e mira edhe në notin artistik duke fituar 7 medalje, ndër të cilat 4 të arta, ndonëse shumë pranë ishin edhe Rusia e Spanja. Në garat e gjata të notimit në natyrë nuk pati asnjë rival për Gjermaninë.
Notarët gjermanë morën katër të arta, duke dominuar sidomos për meshkuj, si dhe në skuadrën e përzier. Notari më i mirë i Botërorit për meshkuj u shpall francezi Leon Marshan.

Marshan ishte I shkëlqyer duke fituar dy medalje të arta, e duke vendosur rekordin e ri botëror në 200 metra stil të përzier. Triumfi tjetër për 23-vjeçarin ishte në 400 metra stil të përzier, ndërsa ai mori pjesë në gjysmën e garave në krahasim me Olimpiadën e Parisit, pikërisht për të thyer rekordin botëror.

Për femra, më e mira ishte mrekullia e re kanadeze, Samër Mekintosh. Vajza 18-vjeçare fitoi katër medalje të arta, dhe një bronzi, duke dominuar në 200 metra flutur, 200 metra stil I përzier, 400 metra stil I lirë dhe 400 metra të përziera.

Mekintosh mban 3 rekorde botërore, dhe ka fituar medaljen e artë në moshën 15-vjeçare, edhe ky një rekord botëror. Ndërkaq, amerikania Keti Ledeki vazhdon të jetë e jashtëzakonshme.
Ajo fitoi edhe dy medalje të tjera të arta, në 800 dhe 1500 metra stil I lirë, si dhe bronz në 400 metra stil i lirë. Ledeki mbetet notarja me më shumë medalje në histori, ndër të cilat 9 të arta, po aq sa sovjetikja e famshme, Larisa Latinina.

Federata Serbe e Futbollit u ndëshkua nga FIFA me gjobë financiare dhe mbyllje të pjesshme të tribunave të stadiumit për ndeshjen e radhës. Dënimi është 50 000 franga zvicerane dhe mbyllje e 15 për qind të stadiumit për sfidën kundër Anglisë, që do të luhet në Beograd në 9 shtator, që do të thotë se kombëtares serbe do t’i mungojnë më shumë se 8 000 tifozë në këtë përballje.

Dënimi nga ana e FIFA-s për Serbinë erdhi pas sjelljes së gabuar të tifozëve në duelin ndaj Andorrës të vlefshme për eliminatoret e Kampionatit Botëror, në 10 qershor. Federata Serbe paralajmëroi tifozët që të sillen mirë ndaj Anglisë, ndryshe mund të ndodhë që sfida kundër Shqipërisë në Beograd në 11 tetor mund të luhet edhe pa tifozë fare.

Më parë, edhe Shqipëria u dënua me 161 500 franga zvicerane gjobë dhe me mbyllje të 20 për qind të kapacitetit të stadiumit për ndeshjen ndaj Letonisë./abcnews.al

Sektori i turizmit ka arritur në një pikë kthese. Dy rrugë: rënie ose rigjenerim. Udhëtimi ka ndryshuar; sasia e udhëtimeve po rritet, por edhe cilësia e udhëtarëve, shkruan nxwss.com.

Tashmë përvoja turistike shihet si një listë blerjesh, e cila ushtron presion mbi vendet dhe banorët e tyre.

Vera sjell diell, vapë dhe një atmosferë të qetë, një ndjesi që mund të lindë nga pushimet e shumëpritura, qoftë një pushim nga puna apo studimi.

Miliona njerëz vendosin të rezervojnë një udhëtim çdo vit, dhe zgjedhja e destinacionit pothuajse gjithmonë diktohet nga trendet e mediave sociale.

Me fjalë të tjera, vendet më “në modë” preken nga fenomeni i mbiturizmit.

Turizmi i tepërt

Edhe pse është një term i kohëve të fundit, numrat që e karakterizojnë duket se përshkruajnë një fenomen shumëvjeçar. Dhe të themi të drejtën, është.

Organizata Botërore e Turizmit parashikon që deri në vitin 2030, turistët do të kalojnë 2 miliardë.

Termi në vetvete është me të vërtetë relativisht i ri, i shpikur nga Rafat Ali, CEO dhe themelues i një firme analitike të industrisë së udhëtimeve.

Mbiturizmi i referohet “fenomenit ku një destinacion popullor ose një peizazh i veçantë mbingarkohet në mënyrë të paqëndrueshme nga turistët”.

Është e qartë se ky fenomen ka ekzistuar për shumë vite, por vetëm kohët e fundit ka tërhequr vëmendje të gjerë.

Turizmi i mbipopulluar i plazhit dhe roli i mediave sociale

Qoftë për të dokumentuar pushimet tuaja, për t’u prezantuar ndjekësve tuaj një vend të ri, apo për të mbajtur të azhurnuar “albumin” tuaj virtual, mediat sociale luajnë një rol të madh në udhëtimet e shumë njerëzve.

Vite më parë, para ardhjes së mediave sociale, ajo që mund të rriste turizmin në një vend ishte fjala gojë më gojë.

Një foto ose video e retushuar për ta bërë vendin ku ndodheni edhe më të bukur dhe të këndshëm për syrin vetëm sa rrit dëshirën e atyre që e shikojnë atë pas një ekrani për ta vizituar atë.

Ekspozimi që mund të fitoni përmes profilit tuaj në Instagram është shumë më i lartë se fjala gojë më gojë midis miqve. Duhet të merren në konsideratë edhe ndikuesit, pasi ata, sipas përkufizimit, e drejtojnë vëmendjen e ndjekësve të tyre në fusha me interes të kohëve të fundit.

Shkaqet e turizmit të mbipopulluar

Për ta kuptuar plotësisht fenomenin, duhet të thellohemi në shoqëri.

Zhvillimi i mediave të komunikimit dhe, mbi të gjitha, lëvizshmëria i inkurajon ndjeshëm turistët të udhëtojnë nga një vend në tjetrin.

Turizmi në vetvete sjell një rritje të madhe ekonomike që ndryshon stilin e jetës së njerëzve. Edhe ata mund të detyrohen të udhëtojnë diku tjetër për t’i shpëtuar turmave turistike.

Për më tepër, njerëzit gjithmonë duan të ndihen të veçantë, duke kërkuar destinacione ekskluzive dhe pak të njohura, për të qenë në gjendje të thonë: “Unë kam qenë atje dhe ju jo!”

Është e qartë se së shpejti ai destinacion do të mbushet me turistë dhe do të humbasë magjinë e tij të të paeksploruarës.

Ana tjetër e kësaj është zbulimi i vendeve të mrekullueshme, të cilat pa turistë do të mbeteshin të braktisura dhe të panjohura.

Blogerët e udhëtimeve: avokatë të mbi-turizmit?

Jo, ose të paktën jo tërësisht. Siç u përmend më sipër, mediat sociale luajnë një rol themelor në turizëm, dhe si në çdo fushë të jetës, e vërteta qëndron diku në mes.

Blogerët e udhëtimeve lindën nga dëshira për ta kthyer pasionin e tyre – udhëtimin – në një profesion.

Qëllimi i tyre kryesor është të vizitojnë destinacionet turistike më të njohura me një sy më kritik dhe vëmendje ndaj detajeve, duke ditur se si t’i drejtojnë më së miri ndjekësit e tyre se ku të qëndrojnë, të hanë ose thjesht cilat zona të vizitojnë ose të shmangin.

Sapo të kenë përfunduar listën e tyre të vendeve të famshme, kurioziteti i tyre për vendet më të largëta në Tokë rritet, kështu që ata fillojnë të kërkojnë. Videoja postohet në mediat sociale, dhe në çast, ndjekësit e tyre janë gati të rezervojnë pushimet e tyre të ardhshme atje.

Besohet se ky nuk është “faji” i blogerëve të udhëtimeve, por një pasojë e drejtpërdrejtë e marrëdhënies midis ndjekësit dhe ndikuesit.

Të kesh një figurë referimi i ndihmon të gjithë të kenë drejtim në jetën e tyre, dhe sigurisht ka nga ata që i ndjekin më seriozisht, ndërsa të tjerë, në vend të kësaj, distancohen më shumë nga mediat sociale.

Identifikimi dhe sjellja e tyre në vëmendjen e një audience më të gjerë ofron mundësinë për të zbuluar perla natyrore (ose urbane) që mund të ofrojnë një përvojë unike dhe të gjenerojnë të ardhura për destinacionin.

Varet nga turistët të jenë sa më respektues ndaj natyrës dhe vendit.

Ka marrë edhe më shumë para, por jo vetëm për një muaj.

Çelsi është një skuadër angleze, në një Premier Ligë ku kampionia fiton plot 175 milionë paundë në sezon, por gjithsesi, paratë që u futën në xhep në Kupën e Botës për Klubet nuk janë aspak për t’u hedhur poshtë.

Përkundrazi.

Blutë e Londrës, që fituan për herë të parë këtë trofe pas finales ndaj Paris SG në stadiumin “Metlajf” të Nju Xhersit, arkëtuan një shifër prej afërsisht 100 milionë eurosh.

BBC britanike e jep përfitimin në 84 milionë paundë, apo rreth 114 milionë USD, ndërsa televizioni amerikan CBS, shkruan se përfitimet ishin 103.5 milionë euro apo 121 milionë USD.

Në çdo rast janë shumë, aq më tepër për vetëm një muaj punë.

Për më tepër, sipas televizionit të mësipërm amerikan, Çelsi ka fituar në total nga aventura amerikane plot 154 milionë USD, duke përfshirë edhe të ardhura që nuk lidhen vetëm me pjesëmarrjen.

Të mos harrojmë se Blutë e Londrës morën 164 milionë paundë për vendin e katërt në Premier Ligë, që do të thotë 220 milionë USD.

Trajneri Enzo Mareska pritet të bëjë blerje të fuqishme, që skuadra e tij të pretendojë tituj të mëdhenj edicionin e ardhshëm, pse jo kampionatin anglez dhe Championsin.

Përse të mos I synojë një ekip që mundi Paris SG 3-0 në finalen e Botërorit të Klubeve duke merituar gjithçka?