Pamje nga momenti i arratisjes së Altin Ndocit janë publikuar teksa vrapon me shpejtësi.

Siç shihet, Ndoci largohet në këmbë mes makinave të parkuara në ambientet e spitalit Infektiv të Durrësit.

Kamerat e sigurisë kanë arritur të kapin për disa çaste momentin e arratisjes. Ai largohet nga fushëpamja e kamerave me shpejtësi pa lënë gjurmë.

I paraburgosuri, Altin Ndocit u arratis këtë të martë nga ambientet nga spitali Infektiv i Durrësit. Ndoci i shoqëruar me dy efektivë të policisë së burgut u paraqitën në spital për të kryer kontrolle dhe ekzaminime ndaj të paraburgosurit.

Ndoci gjatë kryerjes së analizave ka përfituar nga momenti dhe ka goditur efektivët që prisnin jashtë derës së laboratorit. Mësohet se gjithashtu është qëlluar me armë gjatë momentit të arratisjes së tij.

Ende nuk është identifikuar nëse të shtënat kanë qenë prej policisë se burgut apo personave te cilët po prisnin te arratisurin. Pas arratisjes, Ndoci ka shkuar pranë një parkimi ku e priste një makinë Audi e bardhë A7 me targa AA700RS, e cila e ka larguar nga vendi i ngjarjes.

Policia ka nisur hetimet ndërsa po zhvillohen kontrolle dhe postoblloqe në akset kryesore që lidhin Durrësin dhe Tiranën si edhe me qytetet e tjera.

Ndoci konsiderohet person me rrezikshmëri të lartë shoqërore. Ai akuzohet nga SPAK për vrasje, grup kriminal etj. Ndoci është në gjykim si pjesë e dosjes “Plumbi i Artë” për masakrën e Bradasheshit, ku mbeti i vrarë vëllai i Endrit Alibejt, xhaxhai i tij, Arben Dylgjeri dhe një shtetasi turk.

Ai u arrestua në vitin 2020 i akuzuar për vrasjen e vëllezërve Besmir dhe Viktor Haxhia në Durrës si dhe për vrasjen e Dorjan Shkozës dhe Anxhelo Avdisë, po në Durrës.

Sinjali – aty ku e vërteta flet para lajmit!

/GazetaSinjali/

The post Dalin pamjet e arratisjes spektakolare të Altin Ndocit nga Spitali i Durrësit appeared first on Sinjali.

Bashkimi Evropian ka paralajmëruar vendosjen e shpejtë të sanksioneve të reja ndaj autoriteteve përgjegjëse për “shtypjen” e protestave antiqeveritare në Iran, ka deklaruar presidentja e Komisionit Evropian, Ursula von der Leyen.

Në një deklaratë të publikuar në platformën X, Von der Leyen e ka cilësuar si tronditës numrin e viktimave gjatë protestave në Iran dhe ka dënuar “përdorimin e tepruar të forcës dhe kufizimin e vazhdueshëm të të drejtave të qytetarëve atje”.

Ajo ka theksuar se në koordinim me zëvendëspresidenten e Komisionit Evropian, Kaja Kallas, “do të propozohet me shpejtësi vendosja e sanksioneve të tjera ndaj atyre që janë përgjegjës për represionin”.

“Ne qëndrojmë përkrah popullit të Iranit, i cili po marshon me guxim për lirinë e tij”, ka shtuar Von der Leyen.

The rising number of casualties in Iran is horrifying. I unequivocally condemn the excessive use of force and continued restriction of freedom.

The European Union has already listed the Islamic Revolutionary Guard Corps in its entirety under its human rights sanctions regime.…

— Ursula von der Leyen (@vonderleyen) January 13, 2026

Sinjali – aty ku e vërteta flet para lajmit!

/GazetaSinjali/

The post Bashkimi Evropian paralajmëron sanksione të reja ndaj Iranit, shkak shtypja e protestave appeared first on Sinjali.

Autoritetet iraniane kanë njoftuar se kanë arrestuar 279 persona, të cilët dyshohet se janë të lidhur me “organizata trazirash” që, sipas tyre, kanë lidhje me Izraelin dhe Shtetet e Bashkuara.

Shefi i policisë së sigurisë publike, Faraja, ka bërë të ditur se në kuadër të operacioneve të sigurisë janë arrestuar 279 persona, të cilët autoritetet i cilësojnë si banditë dhe shkaktarë të trazirave. Lajmi është raportuar nga transmetuesi shtetëror IRIB përmes kanalit të tij në Telegram.

Zyrtarët iranianë kanë akuzuar vazhdimisht SHBA-në dhe Izraelin për nxitje të paqëndrueshmërisë në vend, ndërsa protestuesit i kanë quajtur “vandalë”.

Sipas autoriteteve, protestat kanë përfshirë rreth 180 qytete dhe qyteza në 31 provinca të Iranit dhe janë nxitur nga zemërimi qytetar për rënien e monedhës iraniane dhe rritjen e kostos së jetesës.

Sinjali – aty ku e vërteta flet para lajmit!

/GazetaSinjali/

The post Protestat masive në Iran, arrestohen 279 persona të lidhur me SHBA-në ose Izraelin appeared first on Sinjali.

Shefi i Misionit të Bashkimit Evropian për Sundimin e Ligjit në Kosovë, EULEX, Giovanni Pietro Barbano, zhvilloi sot një takim të rëndësishëm me Komandantin e Komandës së Forcave të Përbashkëta Aleate në Napoli – JFCNP, Admiralin e Marinës së SHBA-së, George M. Wikoff.

Në këtë takim, Barbano pati kënaqësinë t’i priste së bashku me Komandantin e KFOR-it, Gjeneralmajor Özkan Ulutaş.

Diskutimet u fokusuan mbi bashkëpunimin dhe koordinimin e vazhdueshëm mes EULEX-it dhe KFOR-it në terren, në kuadër të mekanizmit të reagimit të sigurisë në Kosovë.

Sinjali – aty ku e vërteta flet para lajmit!

/GazetaSinjali/

The post Shefi i EULEX-it takon admiralin amerikan, në fokus bashkëpunimi i sigurisë në Kosovë appeared first on Sinjali.

Komisioni për regjistrimin dhe vlerësimin e dëmeve nga vërshimet në Komunën e Rahovecit ka pranuar deri më tani rreth 320 kërkesa nga qytetarët e prekur.

Komuna e Rahovecit kishte bërë thirrje që qytetarët të aplikojnë për rimbursim të dëmeve të shkaktuara nga vërshimet e javës së kaluar.

Ndërkohë, të martën, kjo thirrje është përsëritur, duke njoftuar se afati për aplikim është zgjatur deri më 14 janar.

“Ftohen qytetarët e komunës së Rahovecit, të cilët janë prekur nga vërshimet, që të paraqesin kërkesën për regjistrimin dhe vlerësimin e dëmeve edhe nesër, më 14 janar 2026, deri në orën 16:00, në administratën komunale të Rahovecit, në sportelët nr. 6, 7 dhe 8”, thuhet në njoftimin e Komunës.

Po ashtu, Komuna ka sqaruar se sa i përket dëmeve në infrastrukturën publike, përfaqësuesit e fshatrave dhe lagjeve urbane duhet t’i drejtohen Drejtorisë së Shërbimeve Publike të Komunës së Rahovecit për regjistrimin e dëmeve të shkaktuara në ura, rrëshqitje dheu, rrugë të dëmtuara, parqe, shtylla të ndriçimit publik, si dhe dëme të tjera të ngjashme.

Sinjali – aty ku e vërteta flet para lajmit!

/GazetaSinjali/

The post Mbi 300 kërkesa për dëmet nga vërshimet në Komunën e Rahovecit appeared first on Sinjali.

Komisioni Qendror i Zgjedhjeve ka nisur procesimin e rezultateve nga rinumërimi i disa vendvotimeve.

Rezultatet e para të publikuara janë nga rinumërimi i dy vendvotimeve në komunën e Deçanit dhe një vendvotimi në komunën e Gjakovës.

Sipas të dhënave të publikuara në platformën e KQZ-së, nga numërimi i deritashëm po prin Aleanca për Ardhmërinë e Kosovës (AAK) me 51.19 për qind, e pasuar nga Lëvizja Vetëvendosje me 31.88 për qind. Pas tyre renditen Lidhja Demokratike e Kosovës me 11.11 për qind dhe Partia Demokratike e Kosovës me 4.63 për qind.

Ndërkohë, KQZ ka njoftuar se në gjithsej 10 komuna do të rinumërohen 100 për qind e vendvotimeve, ndërsa në 28 komuna të tjera do të rinumërohen vetëm 10 për qind e tyre.

Sipas Komisionit Qendror të Zgjedhjeve, i gjithë procesi i rinumërimit pritet të zgjasë rreth dy javë.

Sinjali – aty ku e vërteta flet para lajmit!

/GazetaSinjali/

The post KQZ nxjerr rezultatet e para nga rinumërimi i votave appeared first on Sinjali.

Presidenti amerikan, Donald Trump, deklaroi së fundmi se Shtetet e Bashkuara po marrin “miliona e miliona fuçi nafte”, duke vënë në dukje se importet e naftës kanë arritur nivelin e 50 milionë fuçive në ditë, me një vlerë tregu që kap mbi 5 miliardë dollarë vetëm për një ditë të vetme.

“Anijet më të mëdha në botë mund të transportojnë rreth një milion fuçi,” tha lideri amerikan.

“Por ne kemi 50 milionë fuçi. Mendoni vetëm për këtë sasi,” shtoi ai.

Sipas ekspertëve, këto shifra tregojnë shkallën e jashtëzakonshme të operacioneve tregtare të SHBA-së dhe ndikimin e tyre në furnizimin global me naftë.

Lëvizja vjen në një kohë kur çmimet e energjisë dhe stabiliteti i tregjeve janë nën vëzhgim të vazhdueshëm nga investitorët dhe qeveritë e ndryshme.

Ndryshe, Trump ka paralajmëruar gjithashtu se do të ketë investime 100 miliardë dollarëshe në industrinë e Venezuelës pas kapjes së presidentit të vendit, Nicolas Maduro.

Sinjali – aty ku e vërteta flet para lajmit!

/GazetaSinjali/

The post Trump thotë se SHBA-ja po merr miliona fuçi nafte nga Venezuela: Vlera mbi 5 miliardë dollarë në ditë appeared first on Sinjali.

Pothuajse të gjitha 90,000 biletat për Eurovision-in e këtij viti në Vienë u shiten brenda disa minutash, njoftuan organizatorët të martën.

Biletat për finalen e madhe u shiten brenda vetëm 14 minutash, ndërsa ato për të gjitha ngjarjet e tjera u shiten brenda një ore, tha Bashkimi Evropian i Transmetuesve (EBU).

Janë planifikuar gjithsej nëntë ngjarje gjatë një jave, përfshirë edhe dy prova të përgjithshme para çdo transmetimi live. Çdo biletë e mbetur – për shembull, në rast se delegacionet e vendeve të caktuara nuk përdorin të gjitha biletat e tyre – do të vihet në shitje më vonë, sqaroi EBU.

“Reagimi ka qenë fenomenal,” tha drejtori i garës, Martin Green, në një deklaratë. “Të shohësh se çdo performancë u shiti kaq shpejt është një kujtesë e fuqishme për atë që përfaqëson Eurovision-i: gëzim, bashkëpunim dhe përvojë të përbashkët në një kohë kur kjo duket më e rëndësishme se kurrë.”

Ediçioni i 70-të i Eurovision-it ka qenë për muaj të tërë nën hijen e debatit për pjesëmarrjen e Izraelit, për shkak të fushatës së tij ushtarake dyvjeçare në Rripin e Gazës.

Shpallja e bojkotit u bë nga Spanja, Irlanda, Islanda, Holanda dhe Sllovenia, të cilat nuk do të marrin pjesë në shenjë proteste.

Në total do të marrin pjesë 35 vende. Në dy gjysmëfinale garojnë nga 15 vende secila, ndërsa orari i tyre u konfirmua të hënën. Mbrëmja e parë gjysmëfinale do të zhvillohet më 12 maj, ku për vend në finale do të konkurrojnë, ndër të tjera, këngët e Izraelit, Greqisë, Belgjikës, Suedisë dhe Kroacisë.

Gjermania, Franca, Italia, Mbretëria e Bashkuar dhe vendi nikoçir kualifikohen automatikisht për finalen më 16 maj dhe nuk kanë nevojë të marrin pjesë në gjysmëfinale.

Sinjali – aty ku e vërteta flet para lajmit!

/GazetaSinjali/

The post Rekord: Biletat për “Eurovision 2026” shiten brenda minutash appeared first on Sinjali.

Shtetet e Bashkuara të Amerikës kanë vendosur të klasifikojnë degët libaneze, egjiptiane dhe jordaneze të Vëllazërisë Myslimane si grupe terroriste.

Në një deklaratë zyrtare, Sekretari i Shtetit, Marco Rubio, njoftoi: “Sot, ne po shpallim degët libaneze, egjiptiane dhe jordaneze të Vëllazërisë Myslimane si grupe terroriste. Nën udhëheqjen e Presidentit Trump, Shtetet e Bashkuara do të eliminojnë kapacitetet dhe veprimtaritë e degëve të Vëllazërisë Myslimane që kërcënojnë qytetarët amerikanë dhe sigurinë tonë kombëtare.”

Sinjali – aty ku e vërteta flet para lajmit!

/GazetaSinjali/

The post SHBA shpall organizata terroriste degë të Vëllazërisë Myslimane në Liban, Egjipt dhe Jordani appeared first on Sinjali.

Ndeshja e Bundesligës mes Hamburg SV dhe Bayer Leverkusen, e parashikuar të zhvillohej të martën, është shtyrë për shkak të kushteve të rënda atmosferike.

Klubi i Leverkusenit ka njoftuar se reshjet e dendura të borës dhe temperaturat e ulëta kanë krijuar rrezik për sigurinë në stadiumin “Volksparkstadion”, duke e bërë të pamundur zhvillimin e ndeshjes. Po ashtu, gjatë fundjavës janë shtyrë edhe dy ndeshje të tjera të Bundesligës për arsye të ngjashme.

Data e re e zhvillimit të kësaj ndeshjeje pritet të konfirmohet në ditët në vijim. Ndërkohë, Leverkuseni, që aktualisht renditet në vendin e katërt, do të përballet me Hoffenheimin të shtunën, ndërsa Hamburgu do të presë Borussia Mönchengladbach.

Sinjali – aty ku e vërteta flet para lajmit!

/GazetaSinjali/

The post Reshjet e dendura dhe temperatura të ulëta shtyjnë ndeshjen Hamburg–Leverkusen appeared first on Sinjali.

Sonte, spektakli i njohur Big Brother VIP Albania 5 ka rezervuar një surprizë të veçantë për shikuesit e Top Channel: në karrigen e opinionistes është ulur Alketa Vejsiu.

Ky moment ka shkaktuar kuriozitet të madh, pasi Alketa është një nga figurat më ikonike të Televizionit Klan, historikisht rival dhe konkurrent i Big Brother VIP Albania.

E veshur me një fustan të kuq dhe me elegancën që e karakterizon, Alketa po jep mendimet e saj të drejtpërdrejta rreth konkurrenteve, duke zëvendësuar për këtë mbrëmje opinionistin Arbër Hajdari.

Prezenca e saj ka sjellë një frymë të re dhe një qasje të veçantë analitike ndaj lojës dhe dinamikes mes banorëve, duke shtuar emocion dhe diskutim në mes të spektaklit.

Shikuesit kanë reaguar menjëherë në rrjetet sociale, duke komentuar se Alketa, me përvojën dhe karizmin e saj në ekran, i jep një dimension tjetër debates në Big Brother VIP, duke bërë këtë mbrëmje të mbetet një nga më të komentuarat e këtij edicioni. /Telegrafi/

Një shtetas bullgar u arrestua në pikën kufitare Deve Bair për posedim të një skeleti metalik dhe një banderole me përmbajtje fyese.
Sipas informacionit nga MPB, dje rreth orës 13:30, me të hyrë në vend, oficerët e policisë e privuan nga liria N.I.L. (47) nga Republika e Bullgarisë.

"Gjatë kontrollit kufitar dhe kontrollit të detajuar të një automjeti pasagjerësh "Honda Jazz" me targa bullgare, të kryer në bashkëpunim me oficerët e doganës, u gjetën dhe u konfiskuan një skelet metalik dhe një banderole me përmbajtje fyese".

"Pas masave të marra, Gjykata Themelore në Kriva Palanka i shqiptoi gjobë dhe masë mbrojtëse "dëbim të të huajit nga vendi" për një periudhë prej një viti. Më 13 janar 2026, në orën 02:10 të mëngjesit, personi u dërgua në pikën kufitare Deve Bair dhe iu dorëzua shërbimeve të policisë kufitare bullgare", thonë nga MPB.

Sipas raportimeve të mediave ndërkombëtare, kompania SpaceX e miliarderit Elon Musk ka vendosur të ofrojë falas shërbimin satelitor të internetit Starlink për përdoruesit në Iran.

Qëllimi i kësaj mase është të ndihmojë qytetarët iranianë të kenë qasje në informacion dhe komunikim, në një kohë kur vendi po përballet me kufizime të rënda të internetit.

Bloomberg News ka raportuar se tarifa mujore e abonimit është hequr, duke u mundësuar personave në Iran që tashmë posedojnë pajisje marrëse të Starlink të lidhen me internetin pa asnjë kosto. Megjithatë, sfidë mbetet disponueshmëria e pajisjeve, pasi importimi i tyre në vend është i kufizuar nga sanksionet dhe kontrollet shtetërore.

Ky zhvillim vjen ndërkohë që bllokada e internetit në Iran ka kaluar tashmë ditën e pestë, duke lënë miliona qytetarë pa qasje në rrjetet sociale, platformat e komunikimit dhe mediat ndërkombëtare, raporton skynews.

Autoritetet iraniane kanë përdorur ndërprerjen e internetit si një mjet për të kufizuar rrjedhën e informacionit gjatë tensioneve të fundit në vend.

Sot, për herë të parë pas disa ditësh, qytetarët iranianë kanë mundur të kryejnë telefonata drejt vendeve të huaja, çka shihet si një lehtësim i pjesshëm i kufizimeve. Megjithatë, pjesa më e madhe e popullsisë vazhdon të mbetet e shkëputur nga bota e jashtme, pa qasje të plotë në internet dhe në burime të pavarura informacioni.

Ofrimi falas i shërbimit Starlink shihet nga shumë vëzhgues si një përpjekje për të mbështetur lirinë e komunikimit dhe për të anashkaluar censurën digjitale, ndërsa situata në Iran vazhdon të mbetet e tensionuar. /Telegrafi/

Pas shtatë vjetëve që ka vajtuar për vdekjen e vajzës së saj, Donna Cochran nga Cartersville, Georgia, mori një vendim të vështirë: të pastrojë dhomën e vajzës së saj. Ajo e ndau këtë moment shumë emotiv në Instagram, dhe video u bë tejet e ndjerë nga miliona njerëz, duke sjellë vëmendje ndaj luftës kundër kancerit të fëmijëve.

Vajza e saj, Ansley, vdiq para shtatë vjetësh në moshën 21‑vjeçare pas 19 vjetësh luftë me neuroblastomë, duke kaluar trajtime të shumta si kimioterapi, rrezatim dhe operacione. Cochran tha se Ansley e ka karakterizuar guximi dhe besimi gjatë gjithë kësaj beteje.

Nga dhimbja dhe premtimi që i bëri vajzës së saj natën kur ajo vdiq, Donna themeloi Fondacionin Ansley, me synimin që të ndihmojë fëmijët e tjerë me kancer dhe familjet e tyre—në mënyrë që asnjë familje tjetër të mos përjetojë një humbje të tillë.

Video që Donna ndau më 3 janar tregon fillimisht dhomën plot me sende personale që pasqyronin personalitetin e Ansley‑t, dhe më pas dhomën bosh pasi çdo send u paketua.

Ajo shkroi se “na janë dashur 7 vjet, por më në fund e paketuam dhomën e vajzës sonë pasi kanceri na e mori”.

Donna tha se pavarësisht se e dinte se vajzës së saj nuk i duheshin më sendet, procesi i paketimit ishte i rëndësishëm për të—jo vetëm si pastrim, por si një mënyrë për të përjetuar dhe përjetuar rikthimin e kujtimeve.

Fondacioni Ansley ka zhvilluar aktivitete të ndryshme për mbledhjen e fondeve dhe rritjen e vetëdijes, përfshirë turne të golfit, ngjarje me darka dhe ankande, si dhe programin në Atlanta që siguron batanije të rënduara për fëmijë që trajtohen për kancer. Në vitin 2025, fondacioni arriti të mbledhë mbi 250 mijë dollarë për kërkim dhe mbështetje për familjet e prekura. /Telegrafi/

See on Instagram

Nga qetësia dhe vetëbesimi, te dialogu i duhur, shikimi në sy dhe mbyllja perfekte e takimit - këshillat që rrisin shanset për një fillim të paharrueshëm

Si të lini përshtypjen e duhur dhe ta “detyroni” që të bjerë në dashuri me ju? Tingëllon e vështirë, ndoshta edhe e pamundur, por ja disa këshilla që mund t’ju ndihmojnë ta fitoni.

Qetësohuni, pa nxitim

Me shumë gjasë jeni të emocionuara para takimit të parë. Por mos lejoni që emocionet ta prishin gjithçka: mos u grindni dhe mos nxitoni me gjërat. Nuk duhet të dukeni sikur kjo është mundësia juaj e fundit, kjo mund ta frikësojë zotërinë. Në fund të fundit, ai është ai që kërkon vëmendjen tuaj, jo anasjelltas. Prandaj, taktikat më të sigurta janë sharmi i ftohtë, mirësjellja e përsosur dhe qëndrimi pozitiv.

Respektojeni veten dhe atë

Jini të përpikta. Dikur vonesa e vajzës konsiderohej pjesë e “ritualit”, por sot koha është shumë e çmuar dhe nuk ka vend për këto gabime. Britanikët thonë: “Telefoni i vendosur mbi tavolinë është si pështymë në fytyrën e bashkëbiseduesit”. Vendoseni telefonin në çantë.

Duhet ta dini vlerën tuaj

Nuk ju hapi derën e restorantit, nuk ju ndihmoi me pallton dhe nuk ju dha dorën kur zbritët shkallët? Duket se ky takim nuk është vetëm i pari, por edhe i fundit! – transmeton Telegrafi.

Vishuni pak më elegante sesa pret ai

Nuk bëhet fjalë për dekolte apo minifund. Imagjinoni veten duke lëvizur lehtë nëpër restorant me një fustan elegant, ndërsa të gjithë të pranishmit ju shikojnë. Ai patjetër do të impresionohet nga një pamje kaq mbresëlënëse.

Ndërtoni dialogun siç duhet

Takimi shërben për ta njohur më mirë njëri-tjetrin dhe për të menduar për planet e ardhshme, jo për të folur pa dëgjuar. Prandaj, mos e ngarkoni burrin me problemet dhe hidhërimet tuaja (dhe sidomos mos ia kushtoni mbrëmjen përshkrimit se sa “i keq” ka qenë ish-i juaj) ky nuk është momenti për tema të tilla. Jini të vëmendshme dhe bashkëbiseduese të mira: mos e ndërprisni, por mos hezitoni të shprehni mendimin tuaj. Shakatë dhe humori janë të mirëpritura, të gjithë i pëlqejnë njerëzit pozitivë me sens humori.

Komplimenti

Çfarë mund të themi për burrat që u pëlqen lëvdata? Edhe ata, në fakt, duan të admirohen. Mos e keni të vështirë t’ia vini në dukje se ka një pulovër të bukur.

Kini kujdes nga pauzat e sikletshme

Pauza e sikletshme është një sinjal alarmi. Zakonisht, kur njerëzit pëlqehen dhe janë interesantë për njëri-tjetrin, biseda rrjedh natyrshëm dhe nuk ndalet. Por ekziston edhe një mundësi tjetër: zotëria është shumë i mahnitur nga ju, por njëkohësisht i shqetësuar, i turpshëm dhe i hutuar. Në këtë rast, mund ta ndihmoni duke e thyer heshtjen me një shaka apo një tregim të lehtë. Ai do t’ju jetë mirënjohës.

Shikojeni në sy

Në takimin e parë njerëzit shpesh turpërohen dhe shmangin shikimin, ndaj mos i gjykoni menjëherë. Megjithatë, psikologët këmbëngulin: dhjetë sekonda “sy më sy” janë të mjaftueshme për t’u dashuruar.

Përfundojeni takimin siç duhet

Është shumë e rëndësishme mënyra se si përfundon takimi: a do t’ju telefonojë të nesërmen dhe me çfarë ndjenje do ta prisni takimin tjetër. Prandaj, jini jashtëzakonisht të sjellshme dhe simpatike. Buzëqeshni, falënderojeni për darkën dhe thoni se ishte kënaqësi, edhe nëse pati momente të dyshimta.

Përfundimi i takimit me diçka më shumë sesa një përqafim të lehtë dhe një puthje të pafajshme në faqe nuk rekomandohet edhe nëse vërtet dëshironi t’i dorëzoheni. Përndryshe, rrezikoni ta prishni gjithë interesin e sapozgjuar. Për më tepër, gjinia më e fortë është tradicionale, shumica beson se një vajzë që pranon seks në takimin e parë konsiderohet domosdoshmërisht “e lehtë”. /Telegrafi/

Largimi i papritur i Xabi Alonsos nga Real Madridi ka zënë lojtarët në befasi, pasi ata e mësuan lajmin nga deklarata zyrtare e klubit dhe jo nga një komunikim i brendshëm.

Kylian Mbappé ishte i pari që reagoi, duke i dhënë lamtumirën publikisht trajnerit. “Ishte e shkurtër, por ishte kënaqësi të luaja për ty dhe të mësoja prej teje. Faleminderit që më dhe besim që nga dita e parë. Do të të kujtoj si një trajner me ide të qarta dhe një kuptim të thellë të futbollit. Fat të mbarë në kapitullin tënd të ri”, shkroi francezi në Instagram.

Gjatë gjithë pasdites së së hënës, mesazhe mbështetëse kanë vërshuar nga lojtarët e tjerë të ekipit.

Vinícius Júnior, Trent Alexander-Arnold dhe Mastantuono janë të vetmit që nuk kanë publikuar mesazhe deri tani.

Endrick, i huazuar te Olympique Lyonnais, nuk ishte më nën komandën e tij, ndërsa Jude Bellingham ishte i fundit që tha disa fjalë respekti për trajnerin.

Largimi i Alonsos konfirmon sfidat e brendshme që trajneri ka pasur me lojtarët dhe klubin, megjithatë mbështetja e lojtarëve të tij të afërt tregon lidhjen e fortë që krijoi gjatë kohës së tij te Real Madridi. /Telegrafi/

Më shumë se 300 oficerë dhe punonjës të Policisë Metropolitane të Londrës kanë deklaruar se janë të përfshirë në masoneri ose në shoqata të tjera “hierarkike”, pasi forca policore ua kërkoi këtë muajin e kaluar, ka bërë të ditur një gjyqtar i Gjykatës së Lartë.

Policia Metropolitane njoftoi në dhjetor se çdo anëtarësi e tillë, qoftë e kaluar apo aktuale, duhet të deklarohet si pjesë e një politike të re për transparencë, me synim identifikimin e lidhjeve të mundshme që mund të ndikojnë në besueshmërinë dhe integritetin e forcës, transmeton Telegrafi.

Ky vendim ka nxitur disa organizata që përfaqësojnë masonët të ndërmarrin veprime ligjore pranë Gjykatës së Lartë, duke kundërshtuar masën e policisë, raporton BBC.

Një gjyqtar ka deklaruar se do të merret një vendim nëse do të miratohet apo jo një urdhër i përkohshëm gjykate për të pezulluar zbatimin e kësaj politike deri në përfundimin e procesit ligjor. Sipas tij, rreth 300 policë dhe punonjës tashmë kanë dorëzuar deklaratat e kërkuara.

Policia Metropolitane ka bërë të ditur se kjo masë u ndërmor pas një ankete të brendshme, e cila tregoi se dy të tretat e personelit mendojnë se anëtarësimi në organizata të tilla mund të ndikojë negativisht në perceptimin e paanshmërisë së policisë dhe në besimin e publikut.

Komisioneri i Policisë Metropolitane, Sir Mark Rowley, e ka mbështetur këtë politikë, duke e cilësuar atë si pjesë të përpjekjeve për të rritur transparencën dhe besimin ndaj forcës policore.

Nga ana tjetër, organizatat e masonerisë kanë argumentuar se kërkesa për deklarim mund të cenojë të drejtat e privatësisë së anëtarëve të tyre dhe të jetë në kundërshtim me ligjet për mbrojtjen e të dhënave. Ato kanë shtuar gjithashtu se vetëm një pjesë e vogël e personelit ka marrë pjesë në anketën e zhvilluar.

Çfarë është masoneria?

Masoneria (mjeshtëria e lirë) është një vëllazëri shekullore me rreth gjashtë milionë anëtarë në mbarë botën.

Rrënjët e saj vijnë nga esnafët mesjetarë të gurgdhendësve, dhe anëtarët edhe sot mblidhen në “lozha”, ku zhvillojnë rituale dhe ceremoni misterioze.

Figura biblike e mbretit Solomon zë një vend qendror në masoneri – ndërtimi i Tempullit të Parë në Jerusalem prej tij pasqyrohet në idealet masonike të zhvillimit personal dhe rritjes shpirtërore.

Nga anëtarët kërkohet të besojnë në një Qenie Supreme – por nuk është e domosdoshme t’i përkasin një feje të caktuar – dhe thuhet se u ndalohet të diskutojnë për politikë ose fe gjatë takimeve masonike.

Masonët mbajnë përparëse simbolike dhe avancojnë nëpër shkallë anëtarësimi, ndërsa shprehja “t’i japësh dikujt shkallën e tretë” rrjedh nga faza përfundimtare e inicimit të tyre. /Telegrafi/

Peter Sorensen - i dërguari i posaçëm i Bashkimit Evropian për dialogun mes Kosovës dhe Serbisë - do t’i vizitojë Prishtinën dhe Beogradin të mërkurën dhe enjten, ka konfirmuar Shërbimi Evropian i Veprimit të Jashtëm (EEAS).

Sipas paralajmërimeve nga Brukseli, emisari evropian pritet të zhvillojë takime me udhëheqësit e të dyja shteteve, ndërsa në Kosovë është planifikuar edhe një takim me përfaqësuesit e partive opozitare.

Sorensen do ta nisë vizitën më 14 janar në Prishtinë, ndërsa një ditë më vonë, më 15 janar, do të qëndrojë në Beograd.

Kjo do të jetë vizita e tij e parë qëkurse iu vazhdua mandati edhe për dy vjet të tjera si i dërguar për dialogun mbi normalizimin e marrëdhënieve ndërmjet dy vendeve fqinje.

Gjatë mandatit të parë, ai zhvilloi vetëm dy takime në nivel kryenegociatorësh, të cilat nuk dhanë fryt.

Mungesa e përparimit në dialog gjatë kësaj kohe iu atribuua kryesisht zhvillimeve të brendshme politike në Kosovë dhe Serbi, e jo mungesës së angazhimit të ndërmjetësit evropian.

Vizita e tij po ndodh në një kohë kur Kosova pritet ta ketë një qeveri të re pas zgjedhjeve të jashtëzakonshme të 28 dhjetorit, të cilat i fitoi bindshëm Lëvizja Vetëvendosje, partia e kryeministrit në detyrë, Albin Kurti.

Brukseli pret që, pas formimit të qeverisë së re në Prishtinë, procesi i dialogut të ringjallet dhe mbase të mbahet edhe një takim në nivelin më të lartë politik.

Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, e cila ende nuk ka ndërmjetësuar ndonjë rund dialogu në nivelin më të lartë politik, do të përpiqet të arrijë diçka në Ballkanin Perëndimor.

Kjo është arsyetuar me rrethanat e rënduara politike në të dyja vendet, përfshirë ngërçin politik në Kosovë që karakterizoi vitin 2025 dhe situatën në Serbi si pasojë e protestave të studentëve që po zhvillohen që nga vjeshta e vitit 2024.

Megjithatë, pas rezultatit zgjedhor në Kosovë dhe fitores së qartë të Lëvizjes Vetëvendosje, Bashkimi Evropian vlerëson se janë pjekur kushtet për të synuar organizimin e një rundi të dialogut në nivel liderësh, sapo vendi t’i themelojë institucionet e reja.

Bashkimi Evropian ka apeluar vazhdimisht, përfshirë edhe përmes dokumenteve zyrtare, si ndaj Kosovës ashtu edhe ndaj Serbisë, që të kenë një qasje konstruktive ndaj procesit të dialogut.

Në konkluzionet e dhjetorit 2025, Këshilli i Ministrave të BE-së ka përshëndetur gatishmërinë e Kallasit për të thirrur një takim të nivelit të lartë të dialogut sapo të krijohen kushtet e favorshme.

Kosova dhe Serbia arritën marrëveshje për rrugën drejt normalizimit, e njohur si Marrëveshja e Ohrit, më 2023, por nuk janë duke e zbatuar atë.

Edhe pse marrëveshja nuk është nënshkruar, Bashkimi Evropian këmbëngul se ajo është e detyrueshme për të dyja palët.

Kjo marrëveshje prej 11 nenesh, ndër tjerash, parasheh një nivel të vetëmenaxhimit për komunitetin serb në Kosovë, njohje të ndërsjellë të simboleve shtetërore, që Serbia të mos bllokojë anëtarësimin e Kosovës në organizata ndërkombëtare, dhe kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut 15-vjeçar.

FC Ferizaj ka njoftuar nënshkrimin e Benato Bekima Claude, sulmuesi 19-vjeçar nga FC Riga, i cili do të jetë pjesë e skuadrës bardhë e kaltër.

Lojtari është gjithashtu pjesë e Kombëtares U21 të Kamerunit, dhe pritet të kontribuojë në repartin ofensiv të klubit.

Klubi thekson se Bekima është një shtesë për të përforcuar skuadrën dhe për të dhënë mundësi zhvillimi për talentet e reja.

“Besojmë se do të përshtatet mirë në ekip dhe do të ndihmojë skuadrën gjatë pjesës së mbetur të sezonit”, thuhet në njoftimin zyrtar.

FC Ferizaj në i uroj mirëseardhjen dhe i uron një start të suksesshëm me fanellën bardhë e kaltër. /Telegrafi/

Kryetari i Lidhjes Demokratike të Kosovës (LDK), Lumir Abdixhiku, ka rikonfirmuar qëndrimin e partisë së tij se çështja e zgjedhjes së presidentit duhet të trajtohet përmes konsensusit të gjerë politik dhe jo përmes imponimit të një kandidati nga një subjekt i vetëm, raporton KosovaPress.

Ai, pas mbledhjes maratonike të Kryesisë së ngushtë të LDK-së, tha se nëse dikush dëshiron marrëveshje politike me LDK-në, duhet domosdoshmërisht të përfshijë edhe diskutimin për postin e presidentit. Sipas tij, LDK disponon 15 vota në Kuvend dhe këto vota nuk mund të anashkalohen në një proces që kërkon shumicë prej 80 deputetësh.

“Ajo çka ne e themi vazhdimisht është se në qoftë se dikush do marrëveshje politike me LDK-në, me LDK-në duhet të bisedojë edhe për çështjen e presidentit, por nëse dikush mendon të imponojë kandidatin e tij pa votat e LDK-së, le ta kenë fatin e botës dhe ndoshta e zgjedhin presidentin edhe pa votat tona që i kemi. Ne kemi 15 vota; ato që janë, nëse dikush do t’i ketë, duhet të bisedojë me LDK-në. Kur ulet të flasë me LDK-në, do të flasë për një kandidat që i përfaqëson interesat e popullit e jo vetëm interesat e një partie politike”, tha ai.

Duke folur për interesimin e presidentes aktuale, Vjosa Osmani, për një mandat tjetër pesëvjeçar, Abdixhiku tha se LDK nuk do të pranojë asnjë tentativë për imponim të kandidatit për president pa dakordim paraprak, duke nënvizuar se një president duhet të përfaqësojë interesin e qytetarëve dhe stabilitetin institucional të vendit, e jo interesat e një partie politike.

Abdixhiku u shpreh se në Kosovë ekzistojnë mjaft figura që mund të shërbejnë si kandidatë konsensualë për president, por theksoi se ky proces kërkon dialog të hapur mes partive politike. Sipas tij, fokusi nuk duhet të jetë te akomodimi i një individi në një pozitë, por te ndërtimi i një konsensusi që siguron stabilitet afatgjatë institucional.

“Besoj që shumë individë do të shprehin gatishmërinë për një pozitë aq fisnike e të madhe, por kush e merr unitetin dhe kush përfaqëson 80 votëshin në Parlamentin e Kosovës mbetet të shihet brenda diskutimeve të partive politike. Njëherë duhet të ulemi ne partitë politike dhe ta bëjmë këtë adresim jo në bazë të individit, akomodimit të një individi në pozitë, por në bazë të një pozite që kërkon konsensus 80-votësh. Pra, nuk është gajle e Kosovës kush e cili individ. Gajle e Kosovës duhet të jetë kush është stabiliteti i domosdoshëm dhe kush i siguron 80 votat e ardhshme”, tha ai.

Duke përjashtuar mundësinë e zgjedhjeve të reja si zgjidhje për situatën aktuale, kreu i LDK-së tha se përgjegjësia e partive politike është të ulen dhe ta adresojnë çështjen e presidentit në mënyrë serioze dhe institucionale.

“S’besoj që mendon dikush se duhet të shkohet në zgjedhje të reja. Besoj se ka plot kandidatë konsensualë. Do të vijmë edhe aty. Njëherë na lejoni ta mbajmë Kryesinë dhe Kuvendin e LDK-së dhe pastaj do të vijnë çështje tjera. Ndoshta s’ka nevojë dikush për votat e LDK-së fare. Nëse ka, LDK ka adresë, ka dhe do të ketë zot shtëpie. Mund të flasim për çështje me rëndësi, jemi të hapur për stabilitet institucional e jo për ndonjë krizë tjetër politike. Në qoftë se ka nevojë dikush për 15 votat e LDK-së, e në qoftë se s’ka, është krejt çështje legjitime. Ne qëndrimin politik e bëjmë të qartë, por për këtë qëndrim do të flasim fillimisht me deputetët e zgjedhur të LDK-së. Fati i mirë që po e mbajmë Kuvendin e LDK-së dhe Kuvendi mund të vendosë aty”, përfundoi Abdixhiku.