Në një Rusi të goditur thellë nga pasojat njerëzore dhe ekonomike të konfliktit në Ukrainë, mbijetesa e përditshme po ndërthuret me fenomenin e ri dhe cinik të quajtur “ekonomia e vdekjes”. Gjithnjë e më shumë gra po hyjnë në martesa me shpejtësi rrufe me burra që nisen drejt frontit, me qëllimin e vetëm për të trashëguar kompensimet e majme shtetërore në rast të vdekjes së tyre në betejë.

Sipas raportimeve nga kryeqyteti rus, forca kryesore shtytëse pas këtij fenomeni është e natyrës thjesht financiare.

Milionat e “parave të arkivolit”

Përmes një kombinimi të subvencioneve federale, sigurimeve shoqërore dhe bonuseve që ofrojnë rajonet e ndryshme, dëmshpërblimi për një ushtar të rënë – të njohura lokalisht si “grobonosnye” apo “paratë e arkivolit” – mund të arrijë nga 12 deri në 15 milionë rubla.

Në provincat më të varfra të Federatës Ruse, kjo shumë përfaqëson një pasuri marramendëse, e cila është e barabartë me dekada të tëra pune me pagë mesatare. Sipas kuadrit ligjor rus, bashkëshortja zyrtare përfiton automatikisht pjesën më të madhe të këtij kompensimi, duke e ndarë atë vetëm me prindërit apo fëmijët e ushtarit, shpesh në dëm të pjesës tjetër të familjes biologjike.

Lehtësimet burokratike dhe shfrytëzimi i ushtarëve beqarë

Skema funksionon falë lehtësirave burokratike që qeveria vendosi për të mobilizuarat: dasmat mund të lidhen zyrtarisht brenda pak orësh, duke anashkaluar periudhën e zakonshme njëmujore të pritjes.

Shënjestra kryesore e këtyre martesave të shpejta janë ushtarët beqarë, të burgosurit e rekrutuar direkt nga qelitë, ose të rinjtë pa një rrjet të fortë mbështetës familjar. Në momentin që ushtari vritet në luftime, e veja merr menjëherë pjesën e saj financiare dhe zhduket, duke lënë pas përplasje të ashpra gjyqësore me prindërit apo fëmijët nga martesat e mëparshme të të ndjerit.

“Ne po dëshmojmë manifestimin më të egër të ‘ekonomisë së vdekjes’, ku vlera financiare e humbjes së jetës në front tejkalon çdo mundësi fitimi gjatë gjithë jetës,” vërejnë sociologët që studiojnë këtë dinamikë shoqërore.

Pavarësisht rritjes së numrit të padive civile nga familjarët e tronditur për të anuluar këto martesa si të rreme, vërtetimi i mashtrimit ose keqbesimit në gjykatë mbetet mjaft i ndërlikuar, duke e lënë të hapur këtë treg cinik që ushqehet nga tragjedia e luftës.

Ukraina i ka propozuar Rusisë vendosjen e një moratoriumi për sulmet ndaj objektivave civile në Detin e Zi, për të mbrojtur transportin tregtar dhe eksportet përmes porteve ukrainase. Propozimi i është përcjellë Moskës përmes ndërmjetësve, ndërsa deri tani Rusia nuk ka dhënë një përgjigje zyrtare. Sipas autoriteteve ukrainase, gjatë muajve qershor dhe korrik, forcat ruse […]

The post Ukraina i kërkon Rusisë armëpushim në Detin e Zi appeared first on BoldNews.al.

Source

Kreu i Partisë Aleanca në Kosovë, Ardian Gjini, ka përshëndetur qëndrimin e ri të Lidhjes Demokratike të Kosovës, e cila ka njoftuar se ka hequr dorë nga çdo kërkesë për postin e Presidentit, pjesëmarrjen në qeveri dhe drejtimin e Kuvendit, duke ia lënë Lëvizjes Vetëvendosje përgjegjësinë për krijimin e institucioneve. Gjini ka deklaruar se qëndrimi i sotëm e LDK-së është i ndershëm dhe parimor…

Source

Kryetari i Lidhjes Demokratike të Kosovës (LDK), Lumir Abdixhiku, ka deklaruar se partia e tij është e gatshme të diskutojë për zgjedhjen e presidentit të ardhshëm të Kosovës, por ka bërë të qartë se nuk do të mbështesë kandidatura që vijnë si propozime të një partie të vetme. I pyetur nëse LDK-ja do ta votonte […]

Drita bën detyrën në “Fadil Vokrri”, mposht 5-0 Tre Fiorin (rezultati i përgjithshëm 9-1) dhe kualifikohet në fazën e Play Off-it të Conference League. Tekniku Nuhiu debuton me fitore në krye të kampionëve të Kosovës dhe tashmë në turin tjetër Drita do të ketë përballë Inter Escaldes të Andorrës. Eliminohet Shkëndija e Tetovës, që barazon […]

Një tren pasagjerësh ka dalë nga shinat pranë stacionit hekurudhor të Lewes, në East Sussex të Anglisë së jugut. Disa prej vagonëve janë përmbysur, ndërsa pasagjerë raportohet se kanë mbetur të bllokuar brenda tyre. Ngjarja ndodhi rreth orës 15:54 me kohën lokale, ndërsa në vendngjarje janë nisur menjëherë ekipet e emergjencës dhe të shpëtimit.

Sipas raportimeve të Sky News, deri tani nuk ka viktima, ndërsa personat e plagosur nuk raportohet të jenë në gjendje të rëndë. Megjithatë, operacioni i shpëtimit vijon për të nxjerrë personat që kanë mbetur të bllokuar në tren.

Fotot e publikuara në rrjetet sociale tregojnë vagonë të përmbysur dhe dëmtime të shinave, ndërsa ekipet e emergjencës po punojnë në zonën e aksidentit.

Incidenti ndodhi në një ditë kur Britania po përjeton temperaturat më të larta të vitit, me termometri që në disa zona ka arritur deri në 38°C. Shkaqet e daljes së trenit nga shinat nuk janë bërë ende të ditura dhe pritet të hetohen nga autoritetet./mxh

Lufta me flakët nuk bëhet vetëm për të mbrojtur jetën dhe banesat e qytetarëve, por edhe për të shpëtuar faunën e egër të vendit. Një dëshmi e veçantë vjen nga Shmili i Elbasanit, ku efektivët e Forcave të Armatosura kanë fotografuar një arushë të murrme së bashku me këlyshin e saj, teksa përgatiteshin për operacionin […]

The post Lufta me flakët, arusha me këlyshin e saj fotografohet në Elbasan appeared first on BoldNews.al.

Kryeministri polak Donald Tusk ka njoftuar se një shtetas rus është arrestuar nën dyshimin se ka planifikuar vrasjen e një shtetasi amerikan me origjinë ukrainase në Varshavë.

Në deklaratën për mediat të bërë të enjten, Tusk nuk bëri të ditur identitetin e personit që dyshohet se ishte objektivi. Megjithatë, ai tha se shtetasi amerikan konsiderohej “i papërshtatshëm për regjimin e Putinit” dhe se autoritetet polake e arrestuan të dyshuarin më 7 gusht.

Tusk shtoi se ky rast përbën incidentin e parë të njohur ku “dikush me urdhër të Rusisë” vendos të sulmojë një shtetas amerikan në territorin e një vendi tjetër anëtar të NATO-s. Ai e cilësoi ngjarjen si një “sinjal shumë të rrezikshëm” dhe falënderoi shërbimet polake të sigurisë.

“Në momentin e fundit, falë veprimit të Agjencisë së Sigurisë së Brendshme dhe policisë, arritëm ta parandalojmë këtë ekzekutim, këtë sulm”, tha Tusk.

Ekspertët kanë paralajmëruar se ky plan i dyshuar vjen në një kohë kur janë shtuar kërcënimet që lidhen me Rusinë, e cila është akuzuar për vrasjen e kritikëve të saj jashtë vendit, përfshirë përmes vrasësve me pagesë dhe helmimeve.

Që prej 24 shkurtit 2022, Rusia është përfshirë në një luftë në shkallë të gjerë me Ukrainën, pas nisjes së pushtimit që u drejtua edhe në drejtim të kryeqytetit ukrainas, Kievit.

Presidenti rus Vladimir Putin, megjithatë, e ka lidhur pjesërisht konfliktin me NATO-n, duke akuzuar aleancën ushtarake se synon të zgjerojë ndikimin e saj drejt lindjes. NATO ka mbështetur Ukrainën politikisht dhe me ndihmë ushtarake, duke theksuar se vendi i Evropës Lindore ka të drejtë të vetëmbrohet.

Megjithatë, pasojat e luftës janë ndier në të gjithë rajonin. Vendet evropiane kanë shprehur shqetësim në rritje për qëndrimin agresiv të Rusisë, ndërsa avionët ushtarakë rusë kanë fluturuar vazhdimisht pranë hapësirës ajrore të NATO-s.

Helena e Trojës është një nga figurat më të njohura të mitologjisë greke, e përshkruar ndër shekuj si gruaja bukuria e së cilës ndezi Luftën e Trojës. Por pas historisë së famshme të “fytyrës që vuri në lëvizje një mijë anije”, fshihet një tjetër version: ai i një gruaje që mund të ketë qenë më shumë viktimë sesa fajtore.

Sipas rrëfimit tradicional, Helena braktisi bashkëshortin e saj, Menelaun, mbretin e Spartës, dhe u largua me Parisin drejt Trojës. Kjo ngjarje u bë shkëndija e një lufte dhjetëvjeçare, e cila la pas shkatërrim dhe mijëra viktima. Për këtë arsye, Helena u shndërrua në simbolin e bukurisë fatale dhe të gruas që solli fatkeqësi.

Por autorët e lashtë nuk ishin të një mendjeje për fajin e saj. Në shekullin V para Krishtit, sofisti Gorgia, në veprën “Lavdimi i Helenës”, ndërtoi një mbrojtje të fuqishme për të. Sipas tij, nëse Helena u shty nga perënditë, u rrëmbye me forcë apo u bind përmes fuqisë së fjalës, ajo nuk mund të konsiderohej përgjegjëse. Edhe nëse ishte dashuria ajo që e çoi drejt Parisit, Gorgia e shihte si një forcë përtej kontrollit të saj.

Një tjetër version i mitit është edhe më i pazakontë. Poeti Stesikor dhe më vonë Euripidi treguan se Helena e vërtetë nuk shkoi kurrë në Trojë. Ajo u strehua në Egjipt, ndërsa në qytetin e rrethuar ndodhej vetëm një “eidolon”, një imazh i krijuar nga perënditë.

Në këtë version, grekët dhe trojanët luftuan për dhjetë vjet për një iluzion. Kjo histori e ndryshon krejt mënyrën se si mund të shihet Helena. Nga një grua e fajësuar për një luftë, ajo shfaqet si një figurë tragjike, mbi të cilën u vendosën përgjegjësi dhe paragjykime që mund të mos i përkisnin.

Mbi 2,500 vjet më vonë, Helena vazhdon të mbetet një nga personazhet më të debatueshme të botës antike. Historia e saj ngre një pyetje që mbetet po aq aktuale: sa shpesh një grua bëhet fajtore për ngjarje që janë shumë më të mëdha se ajo?

Ndoshta pikërisht këtu qëndron edhe jetëgjatësia e mitit të Helenës: jo vetëm te bukuria e saj, por te mënyra se si historia ka zgjedhur ta tregojë atë./KultPlus.com

Një zjarr i përmasave të konsiderueshme ka përfshirë masivin pyjor në Peshtan të Madh, në bashkinë Fier, ndërsa situata paraqitet shqetësuese për shkak të erës së fortë dhe terrenit të pyllëzuar. Për situatën ka reaguar edhe deputeti i Partisë Demokratike, Luan Baçi, i cili kërkon ndërhyrje të menjëhershme për të parandaluar përhapjen e flakëve dhe […]

Në kuadër të shënimit të 25-vjetorit të nënshkrimit të Marrëveshjes së Ohrit, Bashkimi Demokratik për Integrim organizoi një panel diskutimi, ku morën pjesë gjashtë panelistë. Aktiviteti nisi me shfaqjen e një dokumentari, i cili përmes kronologjisë paraqiti ngjarjet që i paraprinë konfliktit të vitit 2001, zhvillimet gjatë konfliktit, nënshkrimin e Marrëveshjes së Ohrit më 13 […]

Në shënimin e 25-vjetorit të Marrëveshjes Kornizë të Ohrit të mbajtur sonte në ambient të hapur në Urën e Gurit në Shkup, zëvendëskryeministri i parë dhe ministri për Çështje Evropiane, Bekim Sali, theksoi rëndësinë historike të marrëveshjes për stabilitetin, demokracinë dhe të ardhmen evropiane të Maqedonisë së Veriut.

TEL AVIV, 13 gusht /ATSH- DPA/ – Ushtria izraelite njoftoi se ka vrarë një tjetër anëtar të Hamasit në Rripin e Gazës, vetëm një ditë pas një operacioni të ngjashëm. Sipas ushtrisë izraelite, personi i vrarë ishte komandant i një kompanie të krahut ushtarak të Hamasit në zonën e Khan Younisit, në jug të Gazës. […]

Agjencia Shtetërore për Shpronësimin ka publikuar në Fletoren Zyrtare kërkesat zyrtare për shpronësim për interes publik që prekin disa pasuri private. Projektet përfshijnë ndërhyrje rrugore me rëndësi vendore dhe kombëtare në qarqet e Fierit, Elbasanit dhe Tiranës.

Të gjithë personat fizikë ose juridikë që preken nga këto projekte – qoftë ata të pasqyruar në listat zyrtare apo subjekte të tjera që pretendojnë pronësinë – kanë një afat prej 15 ditësh nga data e publikimit për të paraqitur pretendimet e tyre të shoqëruara me dokumentacionin përkatës pranë bashkive përkatëse, Autoritetit Rrugor Shqiptar (ARRSH) apo vetë Agjencisë Shtetërore për Shpronësimin.

1. Rikonstruksioni i segmentit rrugor “Shën Gjergji” – “Naun Kaçaku” (Fier)

Në kuadër të projektit për rikonstruksionin e segmentit rrugor nga ish-ura me shkallë deri te stacioni i Patosit në Fier, Bashkia Fier ka kërkuar amendimin e vendimit ekzistues të Këshillit të Ministrave (VKM nr. 94, datë 12.2.2025).

Subjekti kërkues: Bashkia Fier

Lloji i pasurisë: Truall (Zona kadastrale 8531, pasuria nr. 114/2)

Vlera totale paraprake e shpronësimit: 295,255 lekë

Bashkëpronarët e prekur: Eugjen Dëma, Suzana Rezhda, Pranvera Beka, Ylli Dëma dhe Mimoza Veli.

2. Korridori VIII: Aksi rrugor Elbasan – Lekaj (Loti I: Elbasan – Papër)

Projekti për studim-projektimin e aksit rrugor Elbasan–Lekaj, pjesë e Korridorit VIII, përfshin shtesa në VKM-në nr. 221 (datë 1.4.2026). Shpronësimet prekin kryesisht toka të llojit “arë” dhe “truall” në zonat kadastrale përreth Elbasanit dhe Papërit.

Subjekti kërkues: Autoriteti Rrugor Shqiptar (ARRSH)

Vlera totale paraprake e shpronësimit: 4,339,554.6 lekë

Llojet e pasurive: Tokë “arë” dhe “truall” (në zonat kadastrale 3965, 3702, 3764, etj.)

Pronarët e prekur: Përfshijnë disa familje dhe bashkëpronarë, mes të cilëve familjet Lena, Subashi, Bullari, Gjata, Çela, Çepa, Kurti, Ballhysa, si dhe sipërfaqe të caktuara shtetërore.

3. Ndërtimi i rrugës Kashar – Nyja Vaqarr (Fazat I dhe II)

Projekti infrastrukturor në periferi të kryeqytetit lidhet me ndryshimet në VKM-në nr. 317 (datë 6.5.2026) për segmentin Kashar–Vaqarr.

Subjekti kërkues: Autoriteti Rrugor Shqiptar (ARRSH)

Vlera totale paraprake e shpronësimit: 3,545,205 lekë

Pasuria e prekur: Zona kadastrale 1017, pasuria nr. 36/1 (154.5 m² truall dhe godinë banimi 1-katëshe me sipërfaqe 51.5 m²)

Pronari i prekur: Dervish Hysen Gjoka

Udhëzim për qytetarët

Agjencia Shtetërore për Shpronësimin rikujton se vlerësimi financiar është llogaritur mbi bazën e kartës së vlerës së tokës (VKM nr. 89, datë 3.2.2016) dhe kritereve teknike për objektet e banimit (VKM nr. 138, datë 23.3.2000). Çdo ankesë ose dakordësi duhet të depozitohet zyrtarisht brenda afatit 15-ditor pranë zyrave përgjegjëse.

TEL AVIV, 13 gusht /ATSH- DPA/ – Ushtria izraelite njoftoi se ka vrarë një tjetër anëtar të Hamasit në Rripin e Gazës, vetëm një ditë pas një operacioni të ngjashëm.

Sipas ushtrisë izraelite, personi i vrarë ishte komandant i një kompanie të krahut ushtarak të Hamasit në zonën e Khan Younisit, në jug të Gazës.

Izraeli pretendon se komandanti po përgatitte sulme kundër ushtarëve izraelitë.

Burime mjekësore palestineze konfirmuan se një person u vra në qytetin e Khan Younisit, ndërsa dëshmitarët thanë se viktima ishte një komandant i Hamasit.

Sipas medieve izraelite, ky ishte sulmi i dytë i synuar izraelit në Gaza brenda dy ditësh, pasi operacione të tilla ishin ndaluar në fillim të gushtit me udhëzim të udhëheqjes politike.

Që nga fillimi i muajit, shefi i Shtabit të Përgjithshëm të ushtrisë izraelite, Eyal Zamir, raportohet se duhet të miratojë paraprakisht sulmet në Gaza, përveç rasteve kur ekziston rrezik i menjëhershëm për ushtarët.

Ndërkohë, një plan i lidhur me të ashtuquajturin “Bordi i Paqes”, të themeluar nga presidenti amerikan Donald Trump, parashikon që Hamasi të çarmatoset dhe Izraeli të ndalojë sulmet e synuara ndaj palestinezëve në Rripin e Gazës.

Kryeministri izraelit Benjamin Netanyahu e ka kundërshtuar planin, ndërsa sipas raportimeve mediatike, Izraeli kishte pezulluar sulmet e synuara nën presionin e SHBA-së.

Megjithatë, pas një periudhe pa sulme të tilla, ushtria izraelite njoftoi dje për një goditje të re kundër një komandanti të Hamasit dhe raportoi sot edhe për eliminimin e komandantit në Khan Younis.

Këto zhvillime ngrenë pikëpyetje mbi zbatimin praktik të kufizimeve të vendosura ndaj operacioneve izraelite në Gaza. /Ad.Ab./  a.jor.

The post TEL AVIV – Izraeli vret një tjetër komandant të Hamasit në Gaza appeared first on Agjencia Telegrafike Shqiptare.

Zëvendëskryeministri dhe ministri i Transportit, Aleksandar Nikollovski, në fjalën e tij me rastin e 25-vjetorit të Marrëveshjes kornizë të Ohrit, theksoi se marrëveshja e vitit 2001 ishte një zgjedhje mes konfliktit dhe dialogut, ndërsa sot, sipas tij, beteja kryesore është për një jetë më të mirë për të gjithë qytetarët.

Pas përfundimit të fjalimeve para Kryeministrisë, protestuesit kanë nisur marshimin përgjatë bulevardit “Dëshmorët e Kombit”, duke vijuar më pas në rrugët kryesore të kryeqytetit. Gjatë marshimit, qytetarët kanë shoqëruar lëvizjen me thirrje të forta kundër qeverisë dhe kryeministrit Edi Rama, duke kërkuar dorëheqjen e tij dhe të kabinetit qeveritar. Protesta vijon në rrugët e Tiranës, […]

The post Përfundojnë fjalimet, protestuesit nisin marshimin në Tiranë: Rama, jep dorëheqjen! appeared first on BoldNews.al.

Një situatë e tensionuar brenda qeverisë është bërë pjesë e deklaratave të kreut të Partisë Demokratike, Sali Berisha, i cili ngre akuza të forta për raportet mes kryeministrit Edi Rama dhe zv.kryeministres Belinda Balluku. Në një reagim të tij, Berisha pretendon se drejtimi de facto i qeverisë është marrë nga Balluku dhe se ajo ka ushtruar presion ndaj Ramës lidhur me përgjegjësitë që mund të…

Source

Hungaria po përshpejton ndërtimin e një pragu të ulët mbi lumin Danub, me qëllim rritjen e nivelit të ujit dhe garantimin e ftohjes së centralit bërthamor të Paksit, ndërsa thatësira e fortë ka ulur ndjeshëm prurjet e lumit.

Kryeministri hungarez Peter Magyar tha sot se punimet për strukturën kanë nisur dhe se ajo do të ndihmojë në mënyrë të qëndrueshme në ngritjen e nivelit të Danubit pranë centralit.

Paks ndodhet rreth 100 kilometra në jug të Budapestit dhe zakonisht siguron të paktën një të tretën e konsumit të energjisë elektrike të Hungarisë.

Situata është përkeqësuar nga temperaturat e larta dhe thatësira, të cilat kanë prekur Danubin, Renin dhe lumenj të tjerë të mëdhenj në Evropë.

Në Paks vetëm dy nga tetë turbinat po funksionojnë.

Nëntë ditë më parë centrali ishte pranë mbylljes së plotë, pasi funksionimi i turbinës së fundit varej nga vetëm disa milimetra ndryshim në nivelin e ujit.

Përpara përfundimit të pragut, autoritetet do të përdorin dy platforma 80 metra të gjata, të vendosura njëra pas tjetrës dhe pingul me rrjedhën e lumit.

Ato do të fundosen qëllimisht për të krijuar një efekt fillestar bllokues dhe për të rritur nivelin e ujit.

Struktura përfundimtare do të ndërtohet me rreth 185 mijë metra kub gurë.

Sipas kryeministrit Magyar, ushtarët hungarezë po punojnë gjatë gjithë kohës dhe ndërtimi pritet të përfundojë brenda katër javësh.

Pragu i ri pritet të rrisë nivelin e Danubit me rreth 1,2 metra përpara sistemit të ftohjes së centralit.

Kostoja e projektit vlerësohet në rreth 6,0 miliardë forinta, ose afërsisht 19 milionë dollarë.

Ndërkohë, problemet e nivelit të ulët të Danubit kanë prekur edhe centralin bërthamor të “Cernavoda” në Rumani.

Autoritetet rumune njoftuan sot mbylljen e reaktorit të dytë për shkak të mungesës së ujit të mjaftueshëm për ftohje, ndërsa reaktori i parë ishte fikur që në fund të korrikut./mxh