Në një vend ku tradita dhe etiketa kanë mbizotëruar për dekada, Japonia po përjeton një ndryshim të papritur në kulturën e saj të punës. Kjo verë, për herë të parë, punonjësit e qeverisë metropolitane të Tokios janë lejuar të veshin pantallona të shkurtra në zyrë, një hap që sfidon normat e vjetra dhe sjell një frymë të re në ambjentet profesionale.

Ky vendim, i nxitur nga valët e nxehta dhe temperaturat rekord, ka shkaktuar një debat të gjerë në shoqërinë japoneze. Normat tradicionale të veshjes, që përfshinin kostume të errëta dhe kravatë, tani janë në rrezik të ndryshojnë, duke reflektuar nevojën për rehatinë dhe adaptimin ndaj kushteve klimatike ekstreme.

Një nga ata që e ka përqafuar këtë ndryshim është Noboru Watanabe, i cili pas tre dekadash me veshjen tradicionale, u paraqit në punë me pantallona të shkurtra kaki dhe bluzë me mëngë të shkurtra. Reagimi i kolegëve të tij ishte pozitiv, duke e përshkruar atë si më të ri dhe më të afërt, një dëshmi se ndryshimi mund të sjellë përfitime sociale.

Autoritetet shpresojnë se kjo masë do të rrisë rehatinë e punonjësve dhe do të ndihmojë në kursimin e energjisë, duke reduktuar përdorimin e kondicionerëve. Kjo iniciativë është pjesë e programit “Cool Biz”, i cili ka për qëllim promovimin e veshjeve më të lehta gjatë verës që nga viti 2005.

Temperaturat e larta, shpesh mbi 40 gradë Celsius, kanë bërë që shumë punonjës të ndihen të pafuqishëm përballë kushteve të punës. Ndërsa sistemet e kondicionimit vendosen zakonisht në 28 gradë, lagështira e lartë e bën këtë temperaturë të duket edhe më e pakëndshme.

Megjithatë, vendimi për të lejuar pantallonat e shkurtra nuk ka kaluar pa polemika. Në mediat japoneze dhe rrjetet sociale, ka pasur diskutime nëse ky stil veshjeje është i përshtatshëm për një ambient profesional, si dhe shqetësime për standardet e paraqitjes së burrave në punë.

Çështja e barazisë gjinore gjithashtu është një temë e rëndësishme në këtë debat. Gratë në Japoni vazhdojnë të përballen me kërkesa më të rrepta për veshjen e tyre, duke përfshirë përdorimin e geta ose veshjeve më konservatore, edhe gjatë verës.

Industria e modës ka filluar të shfrytëzojë këtë ndryshim, duke ofruar koleksione të reja me “pantallona të shkurtra biznesi”, të dizajnuara posaçërisht për zyrat, që kombinojnë stilin dhe rehatinë. Megjithatë, edhe pse lejimi është zyrtar, shumë punonjës e pranojnë këtë ndryshim me rezervë, duke vazhduar të veshin pantallona të gjata në shumicën e rasteve.

Ky ndryshim në veshje është një reflektim i një transformimi më të gjerë në shoqërinë japoneze, ku tradita dhe klima e re po përplasen. Zyrat japoneze, ndonëse ende ruajnë karakterin e tyre konservator, tani po hapin dyert për një të ardhme më të rehatshme dhe më të përshtatshme për kushtet e reja klimatike.

TIRANË, 29 korrik/ATSH/ Gjykata e Posaçme ka pranuar kërkesën e Prokurorisë së Posaçme për të vënë nën sekuestrim pasuri në emër të 5 shtetasve të akuzuar si pjesë e një grupi kriminal të trafikut të drogës.

Konkretisht janë sekuestruar pasurit e Eridan Munoz Guerreo, Deljana Nebiu, Sokol Çamer, Julian Veliu dhe Lenkos Nebiu, si dhe personave të tretë: S.C, L.V, A.N.

Vendimi u mor në përfundim të gjykimit nga Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Irena Gjoka.

Pasuritë e sekuestruara janë apartamente, truall, aksione në kompani, depo, garazhe, automjete e llogari bankare me vlerë të konsiderueshme.

 

 

The post GJKKO sekuestron pasuritë e 5 anëtarëve të grupit kriminal appeared first on Agjencia Telegrafike Shqiptare.

Tensionet në Lindjen e Mesme janë përshkallëzuar ndjeshëm pasi Shtetet e Bashkuara dhe Arabia Saudite ndërmorën sulme të përbashkëta ajrore kundër milicive të mbështetura nga Irani në Irak, vetëm pak orë pasi Teherani lëshoi raketa ndaj forcave amerikane në rajon.

Komanda Qendrore e SHBA-ve (CENTCOM) bëri të ditur se objektivat e sulmeve ishin baza logjistike dhe depo armësh të grupeve të lidhura me Gardën Revolucionare Islamike (IRGC), të cilat, sipas Uashingtonit, kanë organizuar sulme me dronë ndaj forcave amerikane dhe infrastrukturës energjetike saudite.

Nga ana tjetër, Forcat e Mobilizimit Popullor të Irakut (PMF), të dominuara nga milicitë shiite të mbështetura nga Irani, njoftuan se të paktën 20 luftëtarë janë vrarë dhe 32 të tjerë janë plagosur nga bombardimet që goditën bazat e tyre në disa provinca të vendit.

Sulmet erdhën pasi Irani deklaroi se kishte goditur një bazë ajrore amerikane dhe një qendër komanduese në Jordani, si përgjigje ndaj asaj që e cilësoi agresion amerikan. Presidenti Donald Trump reagoi menjëherë, duke paralajmëruar se SHBA-të do t’i “godasë fort” forcat e mbështetura nga Teherani.

Arabia Saudite tha se veproi në kuadër të së drejtës për vetëmbrojtje, duke akuzuar milicitë pro-iraniane për sulme me dronë ndaj objekteve të naftës në territorin saudit. Ndërkohë, qeveria irakiane dhe Irani dënuan bombardimet, duke i cilësuar si shkelje të sovranitetit të Irakut dhe të së drejtës ndërkombëtare.

Përshkallëzimi i ri ka rritur shqetësimet për një konflikt më të gjerë në rajon dhe ka ndikuar menjëherë në tregjet ndërkombëtare, ku çmimi i naftës Brent u rrit me rreth 5%, mes frikës për ndërprerje të furnizimeve përmes Ngushticës së Hormuzit, një prej korridoreve më të rëndësishme të transportit të naftës në botë./mxh

Last Updated on 29/07/2026 by Monika

Kryeministri Edi Rama ka reaguar sot lidhur me minutazhin mediat të partive politike në vend.

Përmes një postimi në rrjetet sociale, Rama ndan të dhënat nga monitorimi i kryer nga Autoriteti i Mediave Audiovizive për muajin qërshor, duke theksuar se Partia Demokratike ka pasur më shumë kohë mediatike në radiot dhe televizionet kombëtare sesa Partia Socialiste.

Rama shkruan se këto të dhënat tregojnë me fakte kokëforta se se vendi nuk ka lidhje me autokracitë dhe as me regjimet.

“Këto dy pasqyra, të cilat vijojnë të tregojnë me fakte kokëforta të bazuara në matje jo në perceptime, se Shqipëria nuk ka asnjë lidhje me autokracitë e me kinse regjimet – ku sorrat dhe korbat politike e mediatike e fusin përditë e përnatë me krrakrratë e tyre – vendosa t’i postoj vetëm si pasqyra të mjerimit intelektual të dështakzemërakëve, të cilët i kërkojnë papushim kudo (e sidomos te unë arsyet) pse “regjimi” nuk përmbyset, përveçse aty ku arsyeja është: Te mjerimi i tyre që sheh regjim se s’di këndim të Shqipërisë”,-shkruan Rama./mxh

Ministri Enea Karakaçi, njëherësh drejtues politik i Partisë Socialiste për qarkun Shkodër ka reaguar për ngjarjen e rëndë të ndodhur ditën e sotme në Postribë, ku si pasojë e një zjarri humbën jetën një nënë dhe dy fëmijët e saj të mitur. “Nuk ka fjalë që mund ta lehtësojnë një dhimbje kaq të madhe, por lutemi që të gjejnë forcë për ta përballuar këtë humbje të pazëvendësueshme”, shkruan ndër të tjerash Karakaçi në mesazhin e tij të ngushëllimit.

Teksa përsërit apelin drejtuar qytetarëve, që në këto ditë me temperatura të larta të tregojnë kujdes duke shmangur çdo veprim që mund të shkaktojë vatra zjarri, Ministri mbyll reagimin e tij duke “shprehur solidaritetin me familjen e prekur dhe komunitetin e Postribës, shpresojmë që ngjarje të tilla të mos përsëriten më”.

Postimi i plotë

Dhimbje të thellë ka shkaktuar ngjarja e rëndë e ndodhur në Postribë, ku si pasojë e një zjarri humbën jetën një nënë dhe dy fëmijët e saj të mitur. Në këto çaste të vështira, iu shpreh ngushëllimet më të sinqerta familjarëve, të afërmve dhe gjithë banorëve të zonës. Nuk ka fjalë që mund ta lehtësojnë një dhimbje kaq të madhe, por lutemi që të gjejnë forcë për ta përballuar këtë humbje të pazëvendësueshme.

Kjo ngjarje na kujton rëndësinë e kujdesit dhe përgjegjësisë, veçanërisht gjatë ditëve me temperatura të larta, kur rreziku i zjarreve është më i madh. U bëj thirrje të gjithë qytetarëve të tregojnë kujdes maksimal, të shmangin çdo veprim që mund të shkaktojë zjarr dhe të njoftojnë menjëherë autoritetet në rast se konstatojnë një vatër zjarri.

Duke shprehur solidaritetin me familjen e prekur dhe komunitetin e Postribës, shpresojmë që ngjarje të tilla të mos përsëriten më.

Zv/drejtori i Byrosë Kombëtare të Hetimit (BKH), Mentor Çuku, është diplomuar në Akademinë e Udhëheqjes së Departamentit Amerikan të Sigurisë Kombëtare (DHS), në kuadër të një programi të mbështetur nga ICITAP i Departamentit të Drejtësisë së SHBA-së dhe INL i Departamentit të Shtetit. Lajmi është bërë i ditur nga Ambasada e Shteteve të Bashkuara në Tiranë, e cila përmes një njoftimi në rrjetet…

Source

Mbledhja e Këshillit Bashkiak Shkodër ditën e sotme nisi me një minutë heshtje në nderim të viktimave të tragjedisë në Postribë të Shkodrës ku humbën jetën nëna me dy fëmijët e saj të mitur.

24-vjeçarja Bleona Çobaj dhe dy fëmijët e saj (me mbiemër Çela), të moshës 1 dhe 3 vjeç humbën jetën pasi banesa e vjetër u përfshi nga flakët.

Policia sqaroi se ngjarja e rëndë kishte ndodhur rreth orës 13:10, kur 24-vjeçarja kishte qenë brenda banesës me dy fëmijët.

Për fat të keq asnjë prej tyre nuk u arrit të shpëtohej në kohë. Paraprakisht dyshohet se zjarri mund të jetë shkaktuar një shpërthimi i një bombole gazi që ndodhej në banesën e vjetër të familjes Çela, ndërsa në vendin e ngjarjes është gjetur edhe një shishe me benzinë.

Familja Çela jetonte në Gjermani dhe kishte ardhur me pushime në Shkodër. Mesohet ata kishin mbërritur sot në fshatin Domen, në shtëpinë e vjetër të familjes, pasi ata jetonin në Shkodër, me qëllimin për ta riparuar dhe për të bërë disa punime.

Pronari i Milanit, Gerry Cardinale, u shfaq si i ftuar – së bashku me këshilltarin e lartë të RedBird, Zlatan Ibrahimovic – në skenën e “WSJ Sports Event”, një aktivitet vjetor i organizuar nga Wall Street Journal. Drejtuesi amerikan foli për planet e tij për Milanin dhe bashkëpunimin me Ibrahimovicin, si dhe zbuloi disa detaje […]

Ministri i Turizmit, Kulturës dhe Sportit Blendi Gonxhja tha se protestuesit në bulevard po përdhosin simbolin e vezës, duke vënë në dukje se ata nuk mund të poshtërojnë institucionet dhe reputacionin e shtetit. I ftuar në emisionin “Off the Record” nga Andrea Danglli në A2CNN, Gonxhja tha se protestuesit duhet të mblidhen dhe të parashtrojnë […]

Mbi 1 mijë punonjës dhe drejtues të kompanive më të mëdha të inteligjencës artificiale kanë firmosur një peticion, duke i bërë thirrje qeverisë së Shteteve të Bashkuara të ndërmarrë hapa për të ngadalësuar në mënyrë të kontrolluar zhvillimin e teknologjive më të avancuara të AI.

Mes firmëtarëve janë drejtues dhe ekspertë nga Anthropic, OpenAI, Google DeepMind dhe Meta AI. Në peticion kërkohet që SHBA të mbështesë një përpjekje ndërkombëtare për krijimin e mekanizmave teknikë dhe rregullatorë që do të mundësojnë zhvillimin e sigurt dhe të kontrolluar të inteligjencës artificiale.

Sipas tyre, kompanitë kryesore të këtij sektori janë pranë automatizimit të kërkimit në fushën e AI, çka mund të përshpejtojë ndjeshëm zhvillimin e teknologjisë. Ata paralajmërojnë se ekziston rreziku që aftësitë e sistemeve të reja të rriten më shpejt sesa mund të kuptohen apo kontrollohen nga njerëzit.

Apeli vjen pas një incidenti të fundit të sigurisë, ku modele të avancuara të inteligjencës artificiale kryen një sulm kibernetik autonom gjatë një testi. Sipas raportimeve, modelet dolën jashtë mjedisit të kontrolluar të testimit dhe depërtuan në serverët e platformës Hugging Face, duke ngritur shqetësime serioze për sigurinë.

Edhe drejtori ekzekutiv i OpenAI, Sam Altman, megjithëse nuk e ka firmosur peticionin, ka deklaruar se zhvilluesit e inteligjencës artificiale mund të kenë nevojë të ngadalësojnë ritmin e zhvillimit për t’i dhënë kohë shoqërisë të përshtatet me ndryshimet që sjell kjo teknologji.

Altman e cilësoi incidentin e fundit si një nga ngjarjet më shqetësuese të deritanishme në fushën e AI. Ai ka deklaruar gjithashtu se bota mund të ketë hyrë në fazën ku inteligjenca artificiale fillon të tejkalojë aftësitë njerëzore dhe të zhvillohet me një ritëm që bëhet gjithnjë e më i vështirë për t’u parashikuar dhe kontrolluar.

Peticioni pritet të nxisë debat të ri mbi nevojën për rregullimin ndërkombëtar të inteligjencës artificiale dhe vendosjen e kufijve të qartë për zhvillimin e saj në vitet e ardhshme.

The post Frikë nga AI, mbi 1 mijë ekspertë kërkojnë  ngadalësimin e zhvillimit appeared first on Euronews Albania.

Ministri i Turizmit, Kulturës dhe Sportit Blendi Gonxhja thotë se protestuesit po përdhosin simbolin e vezës, duke vënë në dukje se ata nuk mund të poshtërojnë institucionet dhe reputacionin e shtetit. Për të protestuesit duhet të mblidhen dhe të parashtrojnë kërkesat e tyre për qeverinë, por vuri në dukje se kërkesa e parë s’mund të jetë dorëheqja e kabinetit, që pamundëson gjithë kërkesat e…

Source

Shërbimi i Sigurisë së Ukrainës (SSU) ka kryer me sukses një sulm ndaj infrastrukturës së Rafinerisë së Naftës në Perm (Lukoil-Permnefteorgsintez), e cila ndodhet më shumë se 1500 kilometra larg territorit ukrainas.

Pas një sulmi me dron, në rafineri shpërtheu një zjarr. Raportimet e para tregojnë se është përfshirë nga flakët njësia kryesore e përpunimit të naftës, një nga elementët më të rëndësishëm teknologjikë të kësaj infrastrukture.

SSU thekson se goditja e rafinerive ruse ka rëndësi strategjike, pasi këto objekte prodhojnë karburant për pajisjet ushtarake, avionët dhe operacionet logjistike të forcave pushtuese ruse.

Për më tepër, industria e përpunimit të naftës mbetet një nga burimet kryesore të të ardhurave buxhetore të Rusisë, të cilat përdoren për financimin e luftës kundër Ukrainës.

Rafineria e Naftës në Perm është një nga rafineritë më të mëdha në Rusi, me kapacitet përpunimi prej afro 13 milionë tonësh naftë në vit. Ajo furnizon me karburant si sektorin civil, ashtu edhe ushtrinë ruse. 

The post Sulm me dron në zemër të Rusisë, digjet një nga rafineritë më të mëdha të naftës appeared first on Euronews Albania.

Kryeministri Edi Rama ka vijuar përplasjen me protestuesit dhe kritikët e qeverisë, duke u rikthyer te epitetet e tij të preferuara për kundërshtarët politikë. Këtë herë, përmes një postimi në rrjetet sociale, Rama i ka cilësuar ata si “sorra”, “korba” dhe “dështakzemërakë”, ndërsa ka zgjedhur shifrat e Autoritetit të Mediave Audiovizive për të argumentuar se […]

The post Rama gjen “ilaçin” ndaj akuzave për regjim: Ekziston vetëm në imagjinatën e dështakëve appeared first on BoldNews.al.

Kryeministri Edi Rama i është përgjigjur akuzave politike për “regjim dhe autokracie” në Shqipëri, duke publikuar disa të dhëna të monitorimit të Autoritetit të Mediave Audiovizive (AMA) mbi mbulimin televiziv të forcave politike përgjatë muajit qershor 2026. Përmes një reagimi në rrjetet sociale, i shoqëruar me dy tabela ilustruese, kreu i qeverisë theksoi se shifrat […]

Tre zjarrfikës humbën jetën në dy episode të ndryshme të ndodhura të mërkurën në Greqi.

Sipas Shërbimit Zjarrfikës grek, dy anëtarë të forcave zjarrfikëse të Kretës, 25 dhe 58 vjeç, humbën jetën në zonën e Rethymnos, gjatë luftës me flakët.

Sipas informacioneve të para, dy zjarrfikësit po operonin në një zonë të izoluar, kur u rrethuan nga flakët, duke humbur jetën në vend. Policia gjeti më vonë edhe automjetin e tyre tërësisht të djegur.

Siç raporton korrespondenti i Top Channel Artur Bibe, dy zjarrfikës të tjerë pësuan dëmtime të rënda dhe ndodhen në spital, jashtë rrezikut për jetën.

Viktima e tretë u shënua në zjarrin në zonën e Gjithios, në Peloponez.

Viktima është shefi i zyrës rajonale të zjarrfikësve në Lakoni. Policia njoftoi se zjarrfikësi 30-vjeçar humbi jetën si pasojë e një ataku kardiak, të shkaktuar nga lodhja dhe tensioni i madh fizik gjatë përpjekjeve për shuarjen e zjarrit, i cili prej 24 orësh ka përfshirë qindra hektarë në atë zonë.

Në terren, beteja me flakët vazhdon me intensitet në Peloponez, në ishullin Paros, në Mitilini dhe në Kretë, ku zjarri është përhapur në një front prej më shumë se 15 kilometrash, mes Rethymnos dhe Hanias.

Në terren po operojnë qindra zjarrfikës dhe vullnetarë, por kushtet atmosferike mbeten tepër të vështira, me temperatura rreth 40 gradë Celsius dhe erëra që arrijnë deri në 8 ballë të shkallës Bofor.

Në zonën e Hanias, rreth 2 mijë turistë dhe banorë u evakuuan përmes detit me anije dhe skafe private, pasi autoritetet nuk mundën t’u siguronin një rrugë të sigurt evakuimi nga toka.

Situata alarmante pritet të zgjasë edhe për 48 orët e ardhshme. Mbrojtja Civile ka paralajmëruar rrezik të lartë për zjarre në disa zona të vendit dhe u ka bërë thirrje banorëve të tregojnë kujdes maksimal dhe të zbatojnë me rigorozitet urdhrat e autoriteteve, nëse kjo do të jetë e nevojshme.

The post Zjarret në Greqi, humbin jetën tre zjarrfikës appeared first on Euronews Albania.

PRISHTINË, 29 korrik/ATSH/ Një person ka sulmuar me armë, ekipin e Kompanisë Rajonale të Ujësjellësit “Mitrovica” përderisa inspektonin lidhjet ilegale në rrjet te ujësjellësit.

Sulmi ndodhi në fshatin Pantinë të Vushtrrisë.

Personi në fjalë dyshohet për disa vepra “Sulm ndaj personit zyrtar”, “Mbajtje e paautorizuar e armës dhe përdorim i armës”, tha Preteni. /Kosovapress/

The post Po inspektonin lidhjet ilegale në ujësjellës, sulmohet me armë ekipi i KRU Mitrovica appeared first on Agjencia Telegrafike Shqiptare.

Copëza betoni që mbulojnë rrugët.

Disa lule mbi një altar të improvizuar.

Kudo një erë e fortë dhe e athët, e vështirë për t’u harruar.

Në rrugët e La Guairas, “zona zero” e tërmetit të dyfishtë që më 24 qershor shkatërroi Venezuelën, koha duket sikur është ndalur. Por rrënojat nuk janë më vetëm ato prej betoni. Ka edhe të tjera, që po shkaktojnë gjithnjë e më shumë shqetësim. Janë plagët e padukshme, ato që kanë mbetur në mendjen e mijëra të mbijetuarve që kanë humbur fëmijë, miq, prindër, familjarë, shtëpinë ose thjesht sigurinë dhe shpresën.

Literatura shkencore përcakton afërsisht një muaj pas një ngjarjeje shumë traumatike si fillimin e procesit të zisë, pikërisht atëherë mendja fillon të japë llogari.

“Në javët e para, sistemi nervor ishte në gjendje shoku përballë përmasave të tragjedisë dhe funksiononte në ‘modalitetin e mbijetesës. Tani truri fillon të përpunojë atë që ka ndodhur dhe të ndërgjegjësohet për të”, shpjegon Siboney Perez, presidente e organizatës joqeveritare Psikologë pa Kufij.

Sipas një sondazhi të realizuar nga Universiteti Andrés Bello, një në tre venezuelianë paraqet simptoma ankthi, depresioni ose stresi post-traumatik.

Një emergjencë e re

Një muaj pas tërmetit, me solidaritetin ndërkombëtar dhe vëmendjen e mediave që tashmë janë vetëm një kujtim i zbehur, nis një emergjencë e dytë: ajo psikologjike. Një cunami që duket se po përmbyt një sistem shëndetësor që ishte tashmë në kolaps para tërmetit.

“Këtu do të nevojitej një ushtri psikologësh”, pëshpërit Dannj Socorro, drejtor i shkollës së psikologjisë në Universitetin Andrés Bello.

“Rreziku është që zia dhe dhimbja e papërpunuar të kthehen në një traumë kronike. Ne i shoqërojmë njerëzit për t’u përpjekur që ata të fillojnë një jetë të re, duke nxjerrë në pah të gjitha ato gjëra që ende ekzistojnë”, shton Clara Astorga, presidente e Federatës së Psikologëve.

Frika nga vetëvrasjet

Është falë angazhimit të psikologëve dhe psikiatërve vullnetarë të organizatave joqeveritare dhe shoqatave humanitare që po tentohet t’i përgjigjet kësaj emergjence.

Shumë njerëz ndodhen pranë humnerës, me tundimin për t’u dorëzuar. Ekspertët janë të shqetësuar për një rritje të mundshme të vetëvrasjeve.

Venezuela nuk ka pasur kurrë një regjistër zyrtar, por ata që punojnë në terren e dinë se rreziku është real. Dennj Socorro udhëton dy herë në javë nga Karakasi në La Guaira së bashku me dhjetëra vullnetarë, ku viziton çadrat dhe spitalet.

Në javët e fundit ai ka takuar njerëz të zbrazët emocionalisht, të rraskapitur, të cilët vazhdonin të gërmonin mes rrënojave për të gjetur trupat e familjarëve.

“Kam folur me një burrë që kishte humbur prindërit dhe katër fëmijët. Më duhet vetëm të gjej trupin e të pestit dhe pastaj do të qëlloj veten në kokë’, më tha duke qarë”, tregon ai.

Në këtë tragjedi pa precedent mbivendosen disa lloje humbjesh: të miqve, familjarëve dhe shtëpisë.

“Tek shumë njerëz shfaqet frika nga e ardhmja, e cila shpesh kthehet në dëshpërim . Disa, pasi kanë mbetur vetëm, pyesin veten se çfarë kuptimi ka të vazhdojnë përpara”, thekson Siboney Perez.

Traumat e grumbulluara

Shqetësimi i ekspertëve lidhet me atë që në literaturën shkencore përkufizohet si “traumatizim kumulativ”.

Tërmeti është vetëm i fundit në një seri të gjatë krizash me të cilat venezuelianët janë detyruar të përballen: para së gjithash një nga krizat më të rënda politike dhe ekonomike të të gjithë kontinentit, mes varfërisë dhe manipulimeve zgjedhore.

Më pas bombardimet e 3 janarit dhe largimi i Maduros. Dhe në fund tërmeti.

Një “koktej shpërthyes” që ka gërryer gradualisht aftësinë e popullsisë për të reaguar.

Siç shpjegon Dennj Socorro, shëndeti mendor i venezuelianëve “ishte përkeqësuar prej kohësh. Ka shumë trauma të grumbulluara, njëra mbi tjetrën, që rrezikojnë të kenë pasoja shumë të rënda”.

Universiteti Andrés Bello ka ngritur një linjë telefonike mbështetjeje që çdo ditë, nga ora 8:00 deri në 17:00, merr qindra telefonata. Për t’iu përgjigjur kërkesave për ndihmë janë angazhuar edhe psikologë vullnetarë venezuelianë që jetojnë jashtë vendit, në Amerikën Latine por edhe në Spanjë.

Zia “e ngrirë”

Për shumë njerëz, faza e zisë është një “luks”.

Janë pothuajse 30 mijë personat e zhdukur, ndërsa bilanci zyrtar i viktimave kalon 5 mijë e 500 persona dhe familjarët e tyre kundërshtojnë shembjet e ndërtesave dhe largimin e rrënojave, sepse shpresojnë të gjejnë trupat, t’u japin atyre një varrim të denjë dhe të kenë një vend ku të vendosin një lule.

“Pa një trup, procesi i zisë mbetet në një gjendje pezull, si i ngrirë, dhe trauma rrezikon të bëhet e përhershme”, thekson Siboney Perez./mxh

Ministri i Turizmit, Kulturës dhe Sportit Blendi Gonxhja tha se protestuesit në bulevard po përdhosin simbolin e vezës, duke vënë në dukje se ata nuk mund të poshtërojnë institucionet dhe reputacionin e shtetit.

I ftuar në emisionin “Off the Record” nga Andrea Danglli në A2CNN, Gonxhja tha se protestuesit duhet të mblidhen dhe të parashtrojnë kërkesat e tyre për qeverinë, por ai vuri në dukje se kërkesa e parë s’mund të jetë dorëheqja e kabinetit, që pamundëson gjithë kërkesat e tjera.

“Vezët janë simbol i jetës, nuk ka pse të përdhoset simboli i vezëve, pasi simbolizon jetën, dhe s’të jep asnjë të drejtë për të përdhosur askënd. Në rast se je duke bllokuar punimet e Parlamentit në një protestë qytetare…Edhe nëse e keqja do ishim ne, nuk shkon që me vetëgjyqësi nga krahu tjetër, 25-30 apo 100 veta s’mund të poshtërojnë një institucion dhe reputacionin e një shteti të tjerë. Si mund t’i përgjigjesh kërkesave kur në pikën e parë vihet kushti që i bën të pamundura edhe plotësimin e kërkesave”, u shpreh Gonxhja.

“Unë dua pa ju dhënë mend atyre, do diçka, mblidhen këto shpirtra dhe thonë, 1, 2, 3, 4, 5. Nëse nuk i realizon ne do të dalim këtu dhe do kërkojmë dorëheqjen tënde”, vijoi ministri.

Dakota Johnson do të rikthehet në ekran me një nga rolet më sfiduese të karrierës së saj, duke interpretuar ikonën e Hollivudit, Marilyn Monroe, në filmin e ri “Flesh Impact”, me regji të Maggie Gyllenhaal.

Projekti u prezantua më 27 korrik, datë që shënon 100-vjetorin e lindjes së Monroe, ndërsa njëkohësisht u publikuan edhe imazhet e para nga xhirimet. Në to, Johnson shfaqet me një transformim të plotë fizik, duke sjellë një ngjashmëri të habitshme me legjendën e kinemasë.

Filmi do të fokusohet te periudha më e njohur e jetës artistike të Marilyn Monroe, ndërsa aktorja veterane Ellen Burstyn do të interpretojë një version më intim dhe më pak të njohur të ikonës, duke eksploruar anët e saj larg vëmendjes së publikut.

Regjisorja Maggie Gyllenhaal ka treguar se ideja për këtë projekt e ka shoqëruar prej kohësh. Ajo u shpreh se dëshironte të sillte në ekran jo vetëm figurën që publiku njeh, por edhe dimensionin njerëzor të Monroe, përmes një këndvështrimi bashkëkohor.

Në një intervistë për Vanity Fair, Gyllenhaal pranoi se fillimisht kishte hezituar të merrte përsipër një histori kaq të rëndësishme, por më pas vendosi ta trajtonte në një mënyrë të re, duke u fokusuar te personaliteti dhe talenti i aktores.

Sipas saj, ajo që e bën Marilyn Monroe të pazëvendësueshme është mënyra unike e interpretimit, spontaneiteti dhe emocionet që arrinte të transmetonte në ekran, cilësi që vazhdojnë ta bëjnë një nga figurat më të dashura të historisë së kinemasë.

Në kastin e filmit bëjnë pjesë edhe Sepideh Moafi dhe Peter Sarsgaard, ndërsa “Flesh Impact” do të ketë premierën botërore në Festivalin e Filmit në Venecia, që zhvillohet në shtator 2026./mxh

Qytetarët këtë vit do të kenë një fundjavë të zgjatur me rastin e festës së madhe shtetërore Ilindeni – Dita e Republikës. Meqë 2 Gushti bie të dielën, në përputhje me Ligjin për Festat, e hëna, 3 gusht, do të jetë ditë jo pune për të gjithë qytetarët e Maqedonisë së Veriut. Kështu, të punësuarit […]