Barcelona ka arritur të sigurojë vazhdimësinë e një prej talenteve të rinj më premtues, pasi Roony Bardghji ka vendosur të qëndrojë në klub dhe të luftojë për një vend në ekipin e parë, pavarësisht interesimit konkret nga disa klube të Ligës Premier.

Në një periudhë kur afati kalimtar është veçanërisht aktiv, anësori ka qenë i qartë në qëndrimin e tij dhe nuk ka pranuar të dëgjojë oferta që do ta largonin nga objektivi kryesor: të ketë sukses me fanellën e Barcelonës.

Lojtari beson se ky është momenti i duhur për të bërë hapin e radhës në karrierë brenda Camp Nou, duke konkurruar në nivelin më të lartë dhe duke u zhvilluar çdo ditë përmes punës dhe disiplinës.

Gjatë javëve të fundit, Bardghji ka marrë oferta nga disa klube angleze, mes tyre Crystal Palace, Everton, Nottingham Forest dhe Sunderland, të cilat i garantonin më shumë minuta dhe një rol të rëndësishëm afatshkurtër.

Nga ana e Barcelonës, vendimi i lojtarit është pritur shumë pozitivisht.

Drejtoria sportive dhe stafi teknik e konsiderojnë thelbësore që talentet e rinj të besojnë te projekti i klubit dhe të mos kërkojnë largime të parakohshme përballë ofertave të para të mëdha.

Qëndrimi i Bardghjit përputhet plotësisht me strategjinë e klubit për të ndërtuar të ardhmen mbi zhvillimin e brendshëm të lojtarëve të rinj.

Në këtë fazë, transferimi nuk është pjesë e planeve të futbollistit dhe as të rrethit të tij, të cilët kanë bërë të qartë se prioritet mbetet konkurrimi brenda Barcelonës.

Klubi do të vazhdojë të ndjekë nga afër progresin e tij, me performancën, përshtatjen taktike dhe qëndrimin profesional që do të jenë faktorët vendimtarë për rolin e tij gjatë sezonit.

Vendimi i Roony Bardghjit për të qëndruar dërgon një mesazh të fortë në treg: Barcelona vazhdon të jetë një destinacion shumë tërheqës për talentet e rinj, edhe përballë ofertave të rëndësishme nga jashtë.

Për momentin, e ardhmja e tij e afërt mbetet e lidhur me Camp Nou, ku synon të fitojë hap pas hapi vendin e tij dhe të ndërtojë karrierën në një nga klubet më të mëdha në botë. /Telegrafi/

Arsenali ka shënuar fitore me rezultat 2-1 në udhëtim ndaj Evertonit në kuadër të javës së 17-të në Ligën Premier.

Momenti vendimtar i ndeshjes erdhi në minutën e 26-të. Pas një rasti të dyshimtë në zonë dhe ndërhyrjes së VAR-it, gjyqtari Samuel Barrott akordoi penallti për Arsenalin.

Viktor Gyokeres u tregua i saktë nga pika e bardhë, duke goditur fuqishëm në anën e majtë dhe duke mos i lënë asnjë mundësi portierit Jordan Pickford për reagim për 1-0.

Evertoni kërkoi disa herë penallti, veçanërisht në pjesën e dytë. Thierno Barry u rrëzua në zonë në dy raste, por gjyqtari fillimisht lejoi lojën të vazhdonte dhe më pas, pas një rishikimi me VAR në minutën e 59-të, konfirmoi vendimin për të mos akorduar penallti për vendasit.

Arsenali ishte shumë pranë golit të dytë në disa raste. Leandro Trossard goditi shtyllën në minutën e 64-të pas një aksioni të bukur nga afërsia, ndërsa vetëm pak minuta më vonë, Martin Zubimendi pati një tjetër rast të artë, por edhe goditja e tij u ndal nga shtylla e djathtë e portës.

Bukayo Saka gjithashtu rrezikoi seriozisht në fillim të pjesës së dytë, por mbrojtja e Evertonit reagoi në momentin e fundit për të larguar topin nga vija fatale.

Me këtë fitore Arsenali rikthehet sërish si lider në tabelë me 39 pikë të grumbulluara, dy më shumë se Man City në vendin e dytë që ka 37 sosh./Telegrafi/

Chelsea pas dy ndeshjeve është kthyer të fitorja në Ligën Premier, duke mposhtur në shtëpi Evertonin.

“Blutë” e Londrës triumfuan me rezultat komod 2-0.

Cole Palmer që mungoi për një periudhë të gjatë kaloi vendasit në epërsi pas asistimit të Malo Gustos (21’).

Vetëm tre minuta më vonë, Alejandro Garnacho kishte një rast të artë për të dyfishuar epërsinë por dështoi në portën e zbrazur.

Ndërsa, ishte Gusto që shënoi nga afërsia për ta vulosur fitoren pas asistimit të Pedro Netos (45+1’).

Chelsea ishte shumë më e rrezikshme edhe në pjesën e dytë, ku Garnacho sërish rrezikoi por nuk arriti t’i finalizonte.

Chelsea pas kësaj fitore ngjitët në pozitën e katërt në Ligën Premier me 28 pikë, derisa Everton bie në vendin e tetë me 24 sosh./Telegrafi/

Jack Grealish, futbollisti për të cilin Manchester City pagoi 117.5 milionë euro në vitin 2021 – shuma më e lartë ndonjëherë për një lojtar anglez – dëshiron të qëndrojë përgjithmonë te Evertoni.

Në kohën e transferimit të tij nga Aston Villa, Grealish u bë lojtari më i shtrenjtë në historinë e Ligës Premier. Megjithëse rekordi është tejkaluar më vonë, ai ende mban statusin e futbollistit anglez me vlerën më të lartë të paguar ndonjëherë.

Pas katër vitesh te Manchester City, ku nën drejtimin e Pep Guardiolës u shndërrua kryesisht në lojtar rezervë, verën e kaluar Grealish u huazua te Evertoni.

Huazimi skadon në fund të këtij sezoni, por 30-vjeçari po e shijon plotësisht aventurën nën drejtimin e David Moyes dhe ka shprehur dëshirën të qëndrojë përfundimisht në "Goodison Park".

Evertoni ka opsionin për ta bërë transferimin të përhershëm nëse paguan klauzolën e lirimit prej 57 milionë eurosh. Megjithatë, klubi nga Liverpooli është i gatshëm të ofrojë vetëm 34.3 milionë euro, kështu që Manchester City do të duhet të ulë kërkesat financiare nëse dëshiron ta shesë lojtarin.

Këtë sezon, Grealish ka kontribuar me dy gola dhe katër asiste në 16 paraqitje me fanellën e Evertonit, duke konfirmuar rëndësinë e tij në skemën e Moyesit. /Telegrafi/

Wayne Rooney, një nga talentet më të mëdhenj që ka veshur fanellën e Manchester United, ka treguar një detaj të pathënë nga vera e vitit 2004.

Në intervistën e tij të fundit, legjenda angleze zbulon se Chelsea ishte shumë afër ta transferonte, madje Evertoni kishte dhënë miratimin për ta shitur.

Sipas Rooneyt, plani i Chelseas ishte aq befasues sa edhe zhgënjyes për të, londinezët dëshironin ta blinin dhe më pas ta dërgonin në huazim te Middlesbrough.

Rooney i kërkon trajnerit të Liverpoolit ta lërë Salahun në stol për shkak të formës së dobët telegrafi.com

“Evertoni donte të më shiste te Chelsea, dhe pastaj Chelsea donte të më dërgonte në huazim te Middlesbrough, por unë nuk kisha ndërmend të nënshkruaja për Chelsean. Klubet ishin marrë vesh, por unë nuk doja të huazohesha”, tha Rooney për NBC Sports.

Një vit pas këtij refuzimi, Chelsea fitoi Ligën Premier me Jose Mourinhon, duke nisur epokën e tyre të artë.

Ndërkohë, Rooney u bashkua me Manchester United, ku shkroi histori duke fituar dy trofe të Ligës së Kampionëve, pesë tituj të Ligës Premier dhe dhjetëra arritje të tjera që e vulosën si një nga legjendat e klubit.

Në fund, siç thotë vetë ai, “gjithçka shkoi ashtu si duhej” për të dyja palët. /Telegrafi/

Në ndeshjen mes Manchester United dhe Everton, e zhvilluar të hënën, u regjistrua një skenë e pazakontë. Lojtarët e Evertonit, Idrissa Gueye dhe Michael Keane, fillimisht u përplasën verbalisht dhe më pas situata u përshkallëzua, kur Gueye goditi shokun e tij të skuadrës me shuplakë.

Mesfushori senegalez u ndëshkua me karton të kuq, por Everton, pavarësisht inferioritetit numerik, arriti të fitojë ndeshjen me rezultat 1-0.

Klubi reagoi shpejt për të qetësuar situatën, ndërsa trajneri David Moyes u shpreh se ishte “i lumtur të shihte lojtarët e tij me pasion të tillë”, duke minimizuar incidentin.

Më pas, Everton publikoi në rrjetet sociale një fotografi të Gueye dhe Keane duke u përqafuar gjatë stërvitjes, të shoqëruar me mbishkrimin “vetëm dashuri”, duke treguar se çështja është zgjidhur brenda ekipit.

Pas ndeshjes, Moyes u shpreh se ishte i surprizuar nga vendimi i gjyqtarit për t’i treguar Gueye karton të kuq, por rregullorja e futbollit është e qartë: goditja e një shoku skuadre trajtohet njësoj si goditja e një kundërshtari. /Telegrafi/

Trajneri i Evertonit, David Moyes, nuk donte ta kritikonte shumë Idrissa Gueyen pasi lojtari e goditi me shuplakë shokun e tij të skuadrës Michael Keane në mes të ndeshjes kundër Manchester United.

Evertoni arriti në mënyrë të mrekullueshme një fitore të vështirë 1-0 si mysafir në Old Trafford, pavarësisht faktit se luajti thuajse të gjithë ndeshjen me një lojtar më pak.

Gueye pati një "moment çmendurie" në mes të ndeshjes, duke u grindur me bashkëlojtarin e tij, Keane, dhe më pas duke e goditur me shuplakë para të gjithëve.

Ai mori një karton të kuq dhe trajneri i Evertonit, Moyes, menjëherë pas ndeshjes gjeti diçka të mirë në gjithçka, teksa komentoi situatën.

E goditi me shuplakë bashkëlojtarin dhe u ndëshkua me të kuq, vjen reagimi i Gueyes

"Më kanë thënë se rregullat e lojës janë që nëse e godet shokun e skuadrës, mund të kesh probleme. Por ka edhe një anë tjetër të kësaj. Më pëlqen kur lojtarët e mi debatojnë me njëri-tjetrin nëse dikush nuk ka bërë gjënë e duhur”.

“Nëse dëshiron atë ashpërsi dhe qëndrueshmëri për të marrë një rezultat, do që dikush të reagojë ndaj një lëvizjeje të keqe", ka thënë Moyes për Sky Sports.

Ndryshe, Gueye menjëherë i kërkoi falje Keanet, shokëve të tij të ekipit, klubit dhe tifozëve, duke thënë se nuk do ta përsëriste kurrë një veprim të ngjashëm dhe se ishte i pushtuar nga emocionet. /Telegrafi/

Mesfushori i Evertonit, Idrissa Gueye, ka reaguar më në fund pasi goditi me shuplakë shokun e skuadrës Michael Keane dhe u ndëshkua me karton të kuq.

Evertoni festoi një fitore të madhe 1-0 ndaj Manchester United në Old Trafford mbrëmë (e hënë), pavarësisht se luajti me një lojtar më pak për gati 80 minuta.

Kiernan Dewsbury-Hall ishte heroi i ndeshjes, por ndeshja u njollos nga një incident i çuditshëm në minutën e 13-të kur Gueye goditi me shuplakë bashkëlojtarin e tij, Keane, dhe u ndëshkua direkt me karton të kuq.

Skenë skandaloze në ndeshjen e Ligës Premier - lojtari i Evertonit godet me shuplakë shokun e skuadrës, merr karton të kuq

E gjitha ndodhi pasi Keane e qortoi Gueyen për një pasim të pakujdesshëm. Mesfushori senegalez reagoi dhunshëm, duke i rënë në fytyrë shokut të tij të skuadrës dhe duke e goditur me shuplakë, pas së cilës gjyqtari Tony Harrington i tregoi rrugën për në dhomën e zhveshjes.

Fituesi i ndeshjes, Dewsbury-Hall e përshkroi situatën si një "moment çmendurie", ndërsa pas ndeshjes, 36-vjeçari Gueye kërkoi falje publikisht nëpërmjet profilit të tij në Instagram.

“Së pari, do të doja t'i kërkoja falje shokut tim të skuadrës Michael Keane”, shkroi fillimisht Gueye.

“Marr përgjegjësi të plotë për reagimin tim. Gjithashtu u kërkoj falje shokëve të skuadrës, stafit, tifozëve dhe klubit. Ajo që ndodhi nuk pasqyron kush jam unë apo vlerat për të cilat qëndroj”.

“Emocionet mund të jenë të forta, por asgjë nuk e justifikon një sjellje të tillë. Do të sigurohem që të mos ndodhë më kurrë”, përfundoi mesfushori. /Telegrafi/

Java e 12-të e Ligës Premier na ofroi një ndeshje të interesante mes Manchester United dhe Everton, ku mysafirët morën një fitore të madhe me rezultat 1-0, pasi luajtën pa një lojtarë për shumë minuta.

David Moyes i Everton u detyrua të bënte ndryshim që në minutën e 10-të për shkak të lëndimit të Seamus Coleman, ndërsa Idrissa Gueye u përjashtua me karton të kuq në minutën e 13-të pasi grushtoi shokun e skuadrës Michael Keane, duke lënë skuadrën me 10 lojtarë për pjesën më të madhe të ndeshjes.

Në minutën e 29-të, Kiernan Dewsbury-Hall realizoi një gol fantastik për Everton, duke kaluar mbrojtjen e Manchester United dhe dërguar topin në cepin e sipërm të djathtë të portës, që rezultoi të ishte i mjaftueshëm për fitoren finale.

Patrick Dorgu u afrua pranë golit në minutën e 33-të, por gjuajtja e tij shkoi jashtë portës.

Manchester United provoi disa herë në pjesën e dytë, me disa gjuajtje nga Mason Mount dhe Joshua Zirkzee në minutat 63, 71 dhe 80, por portieri i Everton, Jordan Pickford, realizoi pritje të mrekullueshme, duke mbajtur rezultatin në favor të mysafirëve.

Pavarësisht se luajtën me një lojtar më pak për pjesën më të madhe të ndeshjes, Everton arriti të mbante avantazhin dhe të siguronte tre pikët e rëndësishme jashtë fushe, ndërsa Manchester United kishin raste të shumta, por mungesa e konkretizimit dhe pritjet e Pickford bënë diferencën.

Manchester United dhe Everton ndajnë pozitat 10 dhe 11 me nga 18 pikë. /Telegrafi/

Manchester United dhe Everton po luajnë aktualisht për ndeshjen e xhiros së 12-të të Ligës Premier, dhe që në fazat e hershme të ndeshjes pamë një moment që me siguri asgjë që ndodh në vazhdim nuk do ta tejkalojë.

Konkretisht, pati një konflikt midis dy lojtarëve të Evertonit, pas të cilit njëri prej tyre u përjashtua me karton të kuq.

Në sherr ishin të përfshirë Idrissa Gueye dhe Michael Keane, mesfushori mbrojtës dhe qendërmbrojtësi i Evertonit.

Sherri, i cili më pas çoi në një sherr fizik në formën e një shtytjeje, u iniciua nga Gueye, i cili ishte qartësisht i pakënaqur me reagimet mbrojtëse të Keane. Pak momente më parë, Man United kishte bërë një gjuajtje që shkoi pak jashtë portës së Evertonit.

Gueye shpërtheu pas goditjes, filloi të bërtiste ndaj Keane, të cilit anglezi iu përgjigj me të njëjtën monedhë dhe pasoi një përleshje.

Në përleshje, Gueye madje qëlloi me shuplakë shokun e tij të skuadrës. Pas kartonit të kuq, Gueye u tërbua përsëri, duke kërkuar një tjetër përleshje me Keane, por shokët e tij të skuadrës e nxorën nga fusha. /Telegrafi/

Kapiteni i Sunderlandit, Granit Xhaka, ka shprehur kënaqësinë e tij që shënoi golin e tij të parë për “Macet e Zeza” në barazimin e së hënës mbrëma me Evertonin në Ligën Premier.

Të besuarit e David Moyes kishin marrë epërsinë në minutën e 15-të me anë të golit të Iliman Ndiaye përpara se ylli shqiptar të rivendoste barazimin për vendasit në “Stadiumin e Dritave”.

Ndërsa shpreh gëzimin e tij për suksesin e tij personal, ai ndihet pak i zhgënjyer që ekipi i tij nuk mundi të merrte pikët maksimale nga kjo përballje.

Granit Xhaka shënon golin e parë për Sunderlandin - çmend atmosferën në 'Stadiumin e Dritave'

“Është gjithmonë mirë të shënosh golin e parë për klubin e ri”, ka thënë fillimisht Xhaka për mediat pas ndeshjes.

“Të gjithë e dinë që jam shumë i lumtur këtu dhe po përpiqem të jap më të mirën time. Ditë pas dite, në çdo ndeshje”.

“Është për të ardhur keq që nuk morëm tre pikët, por jam gjithmonë i lumtur ta ndihmoj ekipin”.

“Është mirë kur shënon kaq afër fillimit të pjesës së dytë sepse ke edhe 45 minuta të tjera. Me pak fat, mund të kishim shënuar golin e dytë, por patëm fat që nuk e pësuam golin e dytë në 25 minutat e para”.

“Jemi gjysmë të zhgënjyer dhe gjysmë të lumtur, por e marrim pikën dhe ecim përpara”, përfundoi mesfushori shqiptar. /Telegrafi/

Granit Xhaka ka gjetur rrugën e rrjetës për herë të parë me fanellën e Sunderlandit, duke barazuar rezultatin ndaj Evertonit (1-1) në javën e 10-të të Ligës Premier.

Iliman Ndiaye kaloi në epërsi Evertonin, në minutën e 16-të, kur kalon me mjeshtëri disa kundërshtarë dhe lëshon një goditje të mrekullueshme nga jashtë zonës për 1-0.

Goli i Xhakës erdhi në fillimin e pjesës së dytë, pas një kombinimi të bukur me Enzo Le Fee, ku kapiteni i Sunderland lëshoi një goditje të fuqishme nga jashtë zonës. Topi u devijua lehtë dhe përfundoi në rrjetë, pa asnjë mundësi për portierin Jordan Pickford (1-1).

Ky ishte një moment i rëndësishëm për Xhakën, që po tregon përse është bërë menjëherë udhëheqësi i skuadrës së Sunderlandit – me qëndrueshmërinë, karakterin dhe ndikimin e tij në mesfushë.

Ky ishte goli i parë për liderin e Sunderland, ku ka edhe tre asistime deri tani. /Telegrafi/

Ish-trajneri i Borussia Dortmund, Edin Terzic, nuk ka ndërmend të rikthehet me ngut në stolin e ndonjë skuadre, duke marrë kohën e nevojshme për të zgjedhur me kujdes hapin e radhës në karrierën e tij.

Sipas raportimeve nga SkySports, Terzic ka refuzuar tre oferta konkrete nga klube të huaja gjatë muajve të fundit.

Bëhet fjalë për interes serioz nga AS Monaco, Everton dhe Real Sociedad, por Terzic i ka refuzuar të gjitha, pasi, ai nuk është bindur nga projektet sportive që i janë paraqitur.

Që nga largimi nga Dortmund në verën e vitit 2024, Terzic është pa ekip, por qëndron aktiv në vlerësimin e mundësive të reja.

Ai vijon të jetë në listën e ngushtë të Juventusit, në rast se klubi italian vendos të shkarkojë trajnerin aktual, Igor Tudor.

Emri i Terzic përmendet së bashku me atë të Marco Rose si kandidatë potencialë për stolin bardhezi.

Një rikthim në Bundesliga nuk përjashtohet gjithashtu, thuhet se Bayer Leverkusen e kishte konsideruar Terzic si pasues të mundshëm të Erik ten Hag më herët këtë sezon, përpara se të vendoste të emëronte Kasper Hjulmand në krye të skuadrës.

Për momentin, Terzic po qëndron në pritje të një projekti që përputhet me ambiciet e tij, ndërsa mbetet një nga emrat më të vlerësuar në tregun e trajnerëve evropianë. /Telegrafi/

Trajneri i Manchester City, Pep Guardiola, ka lënë të hapur mundësinë që Jack Grealish të rikthehet në klub pas përfundimit të huazimit të tij te Everton në fund të sezonit.

Grealish, i cili iu bashkua Evertonit në verë për të rigjetur formën e tij, po kalon një periudhë shumë të mirë në “Goodison Park”, duke qenë një nga lojtarët më ndikues të skuadrës.

“Mendoj se ai ka një kontratë edhe për një vit me ne pas këtij sezoni", tha Guardiola për mediat angleze.

“Gjëja e rëndësishme është se ai është rikthyer. Ka pasur ndikim të madh në ndeshjet me Evertonin. Pas asaj që ndodhi, ndoshta Manchester City do ta dëshirojë përsëri, por nuk e di. Shumë gjëra mund të ndodhin ende. Do ta shohim".

Guardiola u shpreh i kënaqur me mënyrën se si sulmuesi anglez po reagon pas vështirësive që pati në fundin e sezonit të kaluar.

“E rëndësishme është që ai po luan sërish shumë minuta. Ky është standardi. Jam vërtet i lumtur që ai është rikthyer dhe po përpiqet të japë më të mirën e tij".

Sipas raportimeve, Evertoni ka një klauzolë blerjeje prej 50 milionë funtesh në marrëveshjen e huazimit, por mbetet për t’u parë nëse klubi do ta shfrytëzojë atë për ta bërë transferimin e Grealish të përhershëm. /Telegrafi/

Manchester City ka triumfuar në shtëpi në përballjen ndaj Evertonit, në kuadër të xhiros së tetë në Ligën Premier.

“Qyetarët” i arkëtuan pikët e plota me rezultat komod 2-0, ku shkëlqeu Erling Haaland.

Norvegjezi e nisi fuqishëm për të rrezikuar pas vetëm disa minutave lojë, megjithatë goditja e tij me kokë përfundoi në traversë.

City ishte më dominuese në pjesën e parë dhe krijoi rastet më të rrezikshme megjithatë assesi s’e thyen mbrojtjen e Evertonit.

Mirëpo, situata ndryshoi në pjesën e dytë. Nico O’Reilly harkoi për norvegjezin, i cili mes dy mbrojtësve shënoi me kokë për të kaluar vendasit në epërsi (58’).

Vetëm pesë minuta më vonë, qendërsulmuesi e dyfishoi epërsinë pas një asistimi të Savinhos (63’).

Me këtë fitore, City merr përkohësisht kreun e Ligës Premier me 16 pikë derisa Evertoni bie në pozitën e 10-të me 11 sosh./Telegrafi/

Tetëmbëdhjetë vjet pasi mbërriti për herë të parë në Liverpool, ish-sulmuesi i krahut Ryan Babel i ka thënë zyrtarisht lamtumirë shtëpisë së tij të parë në Merseyside.

Historia që fshihet pas këtij vendimi është po aq e çuditshme dhe argëtuese sa mund ta prisni.

Babel, i cili luajti për Liverpoolin nga viti 2007 deri më 2011, ndau lajmin në platformën X (ish-Twitter), duke treguar se kishte shitur pronën e tij të parë në Angli – por jo pa përmendur “dramën bankare” dhe disa histori të paharrueshme me qiramarrësit e saj.

Njëri prej tyre ishte as më pak e as më shumë sesa Royston Drenthe, ish-shok i tij i skuadrës në Kombëtaren e Holandës.

“Drenth klasik”: Festa, harresa dhe çmenduri

Royston Drenthe, i cili kaloi vetëm një sezon te Evertoni (2011/12) si huazim nga Real Madridi, njihej për karakterin e tij të gjallë dhe sjelljet e paparashikueshme si brenda ashtu edhe jashtë fushës.

Babel zbuloi se gjatë kohës që Drenthe jetonte në shtëpinë e tij, “harroi” të paguante qiranë dhe madje e kishte shndërruar shtëpinë në një mini-klub nate – një histori që shpjegon më shumë sesa mijëra fjalë për stilin e jetës së Drenthes.

Në intervista të mëparshme, Drenthe ka komentuar edhe për një nga ngjarjet më të famshme të kohës së tij në Everton – të ashtuquajturat “festa me vaskë të nxehtë” në qendrën stërvitore të klubit, Finch Farm.

“Po, kam parë çfarë kanë thënë ish-shokët e mi, veçanërisht Tim Howard, për rastin kur ftova miqtë në vaskën e nxehtë të fushës së stërvitjes në mes të natës”.

“Historia është ekzagjeruar shumë. Po, shkova atje në mëngjes me disa miq e familjarë që kishin ardhur të më vizitonin – asgjë më shumë. Thjesht doja të ndaja me ta një përvojë ndryshe”, ka thënë Drenthe

Ai shtoi me sinqeritet: “Erdha në Everton si 24-vjeçar, në një mjedis të ri, dhe ndihesha si Zot. Çdo herë që familja ose miqtë e mi vinin në Angli, i merrja me vete. Nuk ishte aq e çmendur sa u tregua më vonë”.

Megjithë thashethemet dhe historitë, Drenthe theksoi se nuk mban asnjë inat ndaj ish-shokëve të tij të skuadrës: “A më shqetëson kur tregojnë këto histori? Jo fare. Do të shkoja me kënaqësi për një pije me ta sot”.

Festa që nisi në Madrid

Dashuria e Drenthes për muzikën dhe jetën e natës nuk lindi në Angli. Ajo kishte filluar shumë më herët, gjatë periudhës së tij te Real Madridi, ku ai u bashkua në vitin 2007 pas një transferimi të bujshëm nga Feyenoord.

“Menjëherë pasi mbërrita, krijova marrëdhënie të mirë me Robinhon. Ai kishte shndërruar bodrumin e shtëpisë së tij në një mini-klub nate dhe unë shkoja atje shpesh. Të gjithë më pritën ngrohtësisht – veçanërisht Guti, që ishte legjendë e klubit”.

“Si një djalë i ri, isha i mahnitur nga gjithçka që lidhej me Real Madridin. Kishte një shkëlqim rreth klubit, një ndjenjë si në filmin Goal! — ishte diçka që ëndërroja të isha pjesë e saj”, tregoi Drenthe për FourFourTwo në vitin 2019.

Nga një “klub nate” në shtëpinë e Babelit te kujtimet nga Madridi, historia e Royston Drenthes mbetet një përzierje unike mes talentit, energjisë dhe çmendurisë — një kapitull që Ryan Babel duket se e ka mbyllur përfundimisht, bashkë me shitjen e shtëpisë së tij në Liverpool. /Telegrafi/

Në ndeshjen e raundit të shtatë të Ligës Premier, Everton arriti një fitore dramatike 2-1 ndaj Crystal Palace, duke i dhënë fund një serie të gjatë prej 19 ndeshjesh pa humbje jashtë fushe për ekipin londinez.

Humbja e fundit e Palace ishte në prill ndaj Newcastle United me rezultat 0-5, ndërsa pas kësaj ndeshjeje, ekipi zhvilloi 19 ndeshje pa humbje në pesë gara të ndryshme – më e gjata në historinë e klubit.

Hero i ndeshjes ishte Jack Grealish, i cili shënoi golin vendimtar në minutën e tretë të kohës shtesë, duke i dhënë Evertonit tri pikët.

Crystal Palace kishte kaluar në avantazh në minutën e 37-të me golin e Daniel Munoz, ndërsa Illman Ndiaye barazoi rezultatin nga një penallti në minutën e 76-të.

Ky gol i Grealish tregon se transferimi i tij te Everton ka qenë një sukses i plotë, duke i dhënë ekipit energji dhe kreativitet në fazën sulmuese.

Deri më tani, ai ka shënuar një gol dhe ka dhënë katër asiste në shtatë paraqitje për klubin nga Liverpooli, duke u bërë një nga lojtarët më të rëndësishëm të skuadrës këtë sezon. /Telegrafi/

Liverpooli ka fituar në shtëpi ndaj rivalëve lokal të Evertonit me rezultat të ngushtë 2-1 në ndeshjen e vlefshme për javën e pestë në Ligën Premier.

Ekipi i Arne Slot ka vazhduar serinë e qind për qindtë në kampionat duke marrë edhe fitoren e pestë nga pesë ndeshje të luajtura deri tani, ku skuadra e fundit që mposhtën ishte Evrtoni.

Pjesa e parë e ndeshjes u karakterizua me lojë më të mirë të vendasve, të cilët përveç rasteve arritën të shënojnë edhe dy gola.

Goli i parë i ndeshjes erdhi në minutën e 10-të me anë të Ryan Gravenberch për 1-0, ndërsa Hugo Ekitike (29’) shënoi për 2-0.

Në pjesën e dytë, u zhvillua lojë më e barabartë, por kësaj radhe ishin vetëm mysafirët që gjeten rrjetën.

Goli i vetëm në këtë pjesë erdhi në minutën e 58-të me anë të Idrissa Gueye, i cili shënoi për 2-1 dhe deri në fund të ndeshjes qëndroi ky rezultat.

Në ndeshjen e radhës, Reds udhëtojnë te Crystal Palace, teksa Evertoni e pret West Ham Unitedin. /Telegrafi/

Trajneri i Liverpoolit, Arne Slot ka vlerësuar punën e bërë nga Everton këtë sezon, duke theksuar se sulmuesi Jack Grealish është lojtari që duhet pasur më shumë kujdes.

Në prag të derbit të fundjavës, holandezi para mediave dha lëvdata për rivalin lokal.

“Kur u përballëm me ta sezonin e kaluar, ishin në një moment shumë të mirë. Por nuk ishte thjesht një periudhë e shkurtër, sepse ata e kanë vazhduar me të njëjtin ritëm edhe këtë sezon.

“Mendoj se kanë bërë disa afrime të mira dhe ndër ta është edhe një lojtar në huazim, për të cilin dikur është paguar 100 milionë euro. Ai po shkëlqen për ta – Jack Grealish. Pra, një skuadër shumë e fortë”, nënvizoi Slot.

Jack Grealish

Liverpool dhe Everton përballen këtë fundjavë në një derbi të zjarrtë të qytetit, me saktësisht të shtunën me fillim nga ora 13:30.

“Reds” në katër xhirot e para në Ligën Premier kanë qenë të pamposhtur, derisa Evertoni ka mbledhur shtatë pikë./Telegrafi/

Mesfushori i Evertonit, Jack Grealish, asistoi te dy golat, në fitoren e ekipit të tij, në ndeshjen hapëse të sezonin e ri në stadiumin “Hill Dickinson”, ku morën një fitore 2-0 ndaj Brighton të dielën.

Grealish kishte bërë nga një asistim në Ligën Premier në secilin prej dy sezoneve të tij të fundit te Manchester City, por tani ka dy të tilla në dy ndeshje ku po luan si huazim te Everton.

David Moyes nuk e nisi si titullar në javën e parë me lojtarin që së shpejti do të mbushë 30 vjeç, por Grealish në ndeshjen e sotme e nisi titullar dhe arriti ta tregoj vetën.

Iliman Ndiaye erzielt das erste Tor im neuen Stadion der Toffees! Neuzugang Jack Grealish bereitet vor. Im Hill Dickinson Stadium führt Everton gegen Hürzelers Brighton & Hove mit 1:0! #SkyPL #EVEBHA #Grealish #Ndiaye #PremierLeague pic.twitter.com/rIpDGXKFJu

— Sky Sport (@SkySportDE) August 24, 2025

Grealish u zëvendësua nga loja në mes të shtatë minutave shtesë, ku u duartrokit shumë nga turma, ndërsa Moyes i dha një përshëndetje.

Anglezi ka nxitur shpresën te Everton, që besojnë se ai mund të jetë ende një lojtar elitar që bën diferencën në Ligën Premier. /Telegrafi/ 

The post Rikthimi triumfues i Jack Grealis në Ligën Premier – asiston dy herë në fitoren e Evertonit appeared first on Telegrafi.