Fundi i aksesit të pakontrolluar të fëmijëve në rrjetet sociale duket më afër se kurrë. Viti 2026 po parashikohet si momenti kur bashkësia ndërkombëtare do të përpiqet seriozisht të vendosë kufij të fortë në marrëdhënien e të miturve me platforma si TikTok, Instagram, Snapchat dhe Facebook. Hapin e parë e ka bërë tashmë Australia, e cila që nga dhjetori i vitit 2025 ka hyrë në histori si vendi i parë që aplikon një ndalim të plotë.

Arsyeja kryesore e kësaj vale globale kufizimesh është alarmi për shëndetin mendor të fëmijëve dhe adoleshentëve: rritja e varësisë nga algoritmet, dhuna dhe ngacmimi online, si edhe ekspozimi ndaj përmbajtjeve të papërshtatshme apo të rrezikshme.

Australia, “pionierja” e ndalimit total

Australia u bë vendi i parë në botë që ndaloi plotësisht përdorimin e rrjeteve sociale për fëmijët nën 16 vjeç. Projektligji u prezantua në nëntor 2024 nga qeveria e kryeministrit Anthony Albanese dhe hyri në fuqi në dhjetor 2025.

Ligji ndalon krijimin dhe mbajtjen e llogarive nga të miturit dhe e zhvendos përgjegjësinë nga familjet te vetë kompanitë teknologjike. Platformat që nuk marrin masa “të arsyeshme” për të ndaluar aksesin e fëmijëve përballen me gjoba deri në 49.5 milionë dollarë australianë. Ky model, pavarësisht vështirësive të zbatimit, tashmë po shihet si një “pilot” për qeveritë e tjera.

Kufizime në Evropë, Azi dhe SHBA

Në Francë, që nga qershori 2023, kërkohet verifikimi i moshës dhe pëlqimi prindëror për fëmijët nën 15 vjeç, me gjoba që mund të arrijnë deri në 1% të të ardhurave globale të kompanive. Spanja ka rritur moshën e pëlqimit nga 14 në 16 vjeç, ndërsa Norvegjia po përgatitet ta çojë nga 13 në 15 vjeç.

Italia kërkon pëlqim prindëror për fëmijët nën 14 vjeç që prej vitit 2018, por pa një kuadër të qartë sanksionesh për platformat. Ndërkohë, Koreja e Jugut ka zgjedhur një qasje tjetër, duke ndaluar përdorimin e pajisjeve dixhitale në shkolla që nga marsi 2026.

Në Malajzi, ndalimi i rrjeteve sociale për fëmijët nën 16 vjeç hyri në fuqi më 1 janar 2026, ndërsa në Pakistan është paraqitur një projektligj i ngjashëm. Në Shtetet e Bashkuara, situata mbetet e fragmentuar, me ligje të ndryshme shtetërore dhe shumë raste të kontestuara në gjykatë.

Në Evropë, kuadri ligjor i GDPR u lejon vendeve anëtare të vendosin kufij mbi moshën 13 vjeç. Vetëm pak ditë më parë, kryeministri spanjoll Pedro Sánchez deklaroi se Spanja do t’u ndalojë të miturve nën 16 vjeç aksesin në rrjete sociale, duke e quajtur internetin aktual “Perëndimi i Egër dixhital”.

Si po zbatohet ndalimi në Australi

Dy muaj pas hyrjes në fuqi të ligjit, tabloja në Australi është e ndërlikuar: qindra mijëra llogari janë çaktivizuar, platformat janë detyruar të përshpejtojnë sistemet e verifikimit të moshës dhe reagimet e adoleshentëve mbeten të përziera.

Ndalimi mbulon dhjetë platforma kryesore, përfshirë Facebook, Instagram, TikTok, X, YouTube, Reddit, Twitch dhe Kick. Shërbime si YouTube Kids, Google Classroom dhe WhatsApp janë përjashtuar.

Sipas një ankete qeveritare të vitit 2025:

• 96% e fëmijëve 10–15 vjeç përdornin rrjete sociale,
• 7 në 10 ishin ekspozuar ndaj përmbajtjeve të dëmshme,
• mbi 50% kishin përjetuar ngacmim kibernetik.

Këto të dhëna u përdorën si justifikimi kryesor për ndalimin.

Përgjegjësia kalon te kompanitë

Ligji australian nuk parashikon ndëshkime për prindërit apo fëmijët. E gjithë përgjegjësia bie mbi kompanitë, të cilat ndalohen të përdorin vetëdeklarimin e moshës dhe detyrohen të aplikojnë metoda të shumëfishta verifikimi, nga dokumentet zyrtare deri te vlerësimi i sjelljes online.

Fillimisht, gjigantët e teknologjisë reaguan ashpër. Meta, Google dhe Snap shprehën rezerva serioze, ndërsa Elon Musk e cilësoi ligjin si “derë të pasme për kontrollin e internetit”. Megjithatë, të gjitha kompanitë u detyruan të përshtaten.

Reagimi i të rinjve dhe dilemat

Shumë adoleshentë tentuan të anashkalojnë ndalimin përmes VPN-ve, aplikacioneve alternative ose datave të rreme të lindjes. Të tjerë raportuan se ndiheshin “më të lirë” pa rrjetet sociale. Ekspertët, nga ana tjetër, paralajmërojnë për rreziqe të reja: mbledhjen masive të të dhënave personale dhe zhvendosjen e fëmijëve drejt mjediseve më pak të kontrolluara.

Çfarë nënkupton modeli australian për Evropën

Shumë vende evropiane, përfshirë Greqinë, Francën, Spanjën, Danimarkën dhe Italinë, do të testojnë një sistem pilot të verifikimit të moshës në nivel BE-je. Ky model synon të kufizojë aksesin e të miturve pa vendosur një ndalim total si ai australian.

Megjithatë, një ndalim universal mbetet politikisht dhe teknikisht i vështirë për t’u zbatuar në Evropë, për shkak të shqetësimeve për privatësinë, mungesës së sistemeve kombëtare të verifikimit dhe frikës nga izolimi social i fëmijëve.

Një gjë është e qartë: viti 2026 shënon fillimin e një epoke të re për rrjetet sociale, ku liria dixhitale e të miturve po rishikohet nga themelet.

The post “Prerja” globale e mediave sociale për fëmijët: Cilat vende po “i mbyllin derën” rrjeteve sociale dhe pse appeared first on iconstyle.al.

Melinda Gates ka folur hapur për përmendjen e emrit të saj në një valë të re dosjesh të Jeffrey Epstein, ndërkohë që iu përgjigj edhe akuzave për ish-bashkëshortin e saj, Bill Gates, duke thënë se e ka lënë pas atë periudhë të jetës së saj.

Melinda, 61 vjeç, e cila kishte tre fëmijë me bashkëthemeluesin miliarder të Microsoft, u shfaq këtë javë në podkastin Wild Card të NPR, ku prezantuesja Rachel Martin e pyeti për rastin Epstein pasi emri i saj u përmend në dokumentet e publikuara të premten nga Departamenti i Drejtësisë i SHBA-së.

Melinda Gates tha se shoqëria është “në një proces llogaridhënieje” për rastin Epstein, duke shtuar se zbulimet “i sjellin kujtime të kohërave shumë, shumë të dhimbshme” në martesën e saj me Bill Gates.

“Kam ecur përpara. E lashë pas me vetëdije dhe vazhdova përpara”, tha ajo dhe shtoi: “Jam në një pikë vërtet të papritur dhe të bukur në jetën time. Të gjitha pyetjet që mbeten… Nuk mund t’i di të gjitha. Këto pyetje kanë të bëjnë me ata njerëz dhe madje edhe me ish-burrin tim. Ata duhet të përgjigjen, jo unë”, shtoi ajo.

Gjatë intervistës, Martin e pyeti konkretisht Melinda Gates rreth përmbajtjes së një email-i draft që dyshohet se është shkruar nga Epstein më 18 korrik 2013, në të cilin ajo përmendet me emër. Siç është përmbledhur në emision, email-et e përfshira në dosje pretendojnë se Bill Gates kishte afera të tjera jashtëmartesore, se ai dyshohet se kërkoi të merrte ilaçe për një sëmundje seksualisht të transmetueshme dhe se kishte ndërmend t’ia jepte ilaçin asaj pa dijeninë e saj.

E pyetur për emocionin e saj mbizotërues kur lexoi raportet përkatëse, Melinda Gates u përgjigj: “Thjesht një trishtim i pabesueshëm”. Siç tha ajo, ajo është në gjendje ta transformojë hidhërimin e saj në dhembshuri për viktimat e Epstein: “I shikoj ato vajza të reja dhe them: ‘Zoti im, si… si u ndodhi kjo atyre?'” Ajo shtoi gjithashtu se shpreson që drejtësia të vihet në vend “për ato që janë gra sot”.

Kujtohet se një përfaqësues i Bill Gates i mohoi kategorikisht akuzat e përfshira në shënimin kontrovers.

“Këto akuza janë plotësisht absurde dhe plotësisht të rreme”, i tha ai më parë The Independent. “E tëra çfarë dëshmojnë dokumentet është zhgënjimi i Epstein që nuk ka një marrëdhënie të vazhdueshme me Gates dhe deri ku ishte i gatshëm të shkonte për të zënë në kurth dhe për të shpifur.”

Në të njëjtin vit që u njoftua divorci, Bill Gates i tha PBS se kishte pasur takime për darkë me Epstein për të mbledhur fonde për shëndetin global, duke i quajtur më vonë takimet një “gabim”.

Emaili në fjalë është pjesë e më shumë se tre milionë dokumenteve të publikuara të premten në përputhje me Aktin e Transparencës së Dosjeve Epstein, i cili u miratua nga Kongresi dhe u bë ligj në nëntor. Dosjet përfshijnë mijëra email-e, dokumente gjyqësore dhe fotografi, shumë prej të cilave i referohen figurave të njohura, përfshirë Presidentin e SHBA-së Donald Trump, ish-Presidentin Bill Clinton dhe Elon Musk. Siç sqarohet, përmendja e emrave në dosje nuk përbën në vetvete provë të një shkeljeje.

The post “Kujtime të kohërave shumë të dhimbshme”/ Reagimi i Melinda Gates ndaj përmendjes së emrit të saj në dosjet e Epstein appeared first on iconstyle.al.

Një skenë e vetme dashurie, e vendosur në një shkallë, ka mjaftuar që fansat e Bridgerton të zbulojnë një anë krejtësisht të re të Benedict Bridgerton. Në sezonin e ri të serialit, i cili vijon formulën e njohur të dramës romantike së periudhës, vëmendja zhvendoset te historia e tij e dashurisë me Sophie Beck.

I njohur si më i pakorrigjueshmi dhe më i lirë nga vëllezërit Bridgerton, Benedict, i interpretuar nga Luke Thompson, gjendet papritur përballë një romance që e nxjerr nga zona e rehatisë. Edhe pse publiku është mësuar me skena intensive dashurie në këtë serial, sezoni i ri ka ofruar deri tani vetëm një të tillë. Megjithatë, ajo ka qenë e mjaftueshme për të sjellë tension, emocione dhe kthesa të forta psikologjike.

Në intervista të fundit, protagonistët e sezonit, Luke Thompson dhe Yerin Ha, kanë treguar se kjo skenë funksionon si një “shuplakë në fytyrë” për personazhin e Benedictit, duke zbuluar një dimension të tij që deri më tani kishte mbetur i fshehur.

@thouqhtdaughter NO I AM NOT WELL. WHY BENEDICT WHYYYY (yes I’ve read the book so I knew it would but still ARGHHH) || #benedictandsophie #benedictbridgerton #bridgertonseason4 #fyp ♬ original sound – 𓏲 𝒶𝓇𝒾𝓃𝒶

Sipas tyre, nuk bëhet fjalë thjesht për një moment pasioni. Gjithçka ndryshon në çastin kur Benedict i kërkon Sophie-s të jetë “e dashura” e tij. Pasioni zbehet dhe ai përballet me një verbëri emocionale ndaj gabimit që sapo ka bërë, si edhe me bindjen e tij naive se mund t’i ketë “të gjitha” pa pasoja.

Për Thompsonin, reagimi i Sophie-s e rrëzon imazhin e një burri të qetë dhe të sigurt, duke nxjerrë në pah një Benedict më të brishtë, më të shqetësuar dhe thellësisht njerëzor. “Ka dobësi që nuk i kemi parë më parë, vende ku ai dështon dhe pikërisht aty bëhet interesant,” shprehet aktori.

Nga ana tjetër, Yerin Ha e përshkruan skenën si një moment zgjimi për Sophie-n.

“Është sikur ajo rikthehet në realitet. E kupton se i përkasin dy botëve të ndryshme dhe fillon ta fajësojë veten për këtë ndjenjë,” thotë aktorja, duke e cilësuar momentin si një ulje të fortë emocionale për personazhin e saj.

Thompson shton se tronditja e Benedictit vjen nga fakti që ai sinqerisht beson se propozimi i tij do të funksionojë. “Ai nuk e sheh menjëherë gabimin. Ka një lloj verbërie, sepse mendon se ky është hapi i duhur dhe se mund t’i ketë të gjitha,” shpjegon ai.

Sipas aktorëve, kjo skenë vërteton edhe një herë se në Bridgerton, momentet e dashurisë nuk janë thjesht për të përmbushur pritjet e audiencës. Ato janë pjesë thelbësore e rrëfimit dhe zhvillimit të personazheve.

“Magjia e skenës së Benedictit dhe Sophie-s qëndron në faktin se nuk ndihet si një skenë e detyrueshme dashurie,” theksojnë ata. Vendosja në shkallë, me simbolikën e ‘lart-poshtë’, përfaqëson në mënyrë perfekte marrëdhënien e tyre: një vallëzim emocional mes pasionit, realitetit dhe zhgënjimit.

Kjo skenë nuk zbukuron thjesht sezonin e ri, por riformëson plotësisht mënyrën se si publiku e sheh Benedict Bridgerton – jo më vetëm si shpirtin e lirë të familjes, por si një personazh me plagë, gabime dhe ndjenja të pambrojtura.

The post Si skena e dashurisë në shkallë zbuloi anën e panjohur të Benediktit në Bridgerton? appeared first on iconstyle.al.

Prokuroria e Durrësit ka ndërmarrë një hap domethënës në hetimin e kontrabandës së mbetjeve të rrezikshme që kishin origjinë Shqipërinë rreth dy vite më parë, duke lëshuar 33 urdhër-arreste ndaj drejtuesve të kompanive të përfshira dhe zyrtarëve të institucioneve përgjegjëse për mbikëqyrjen mjedisore dhe doganore.

Ky është zhvillimi më i rëndësishëm në skandalin me jehonën më të madhe ndërkombëtare që ka njohur ndonjëherë Shqipëria sa i takon çështjeve të mjedisit. Çështja në fjalë është ndjekur në vazhdimësi nga Citizens.al me raportime të zgjeruara dhe dëshminë e plotë se si u sinjalizua në fillim rasti.

Lexo: Dëshmia e plotë e Jim Puckett për mbetjet toksike

Hetimi, bazuar në ekspertimet që tashmë kanë konfirmuar natyrën e rrezikshme të mbetjeve industriale, zbuloi se sasia prej mbi 2,800 tonë mbetjeje e dërguar në mënyrë të dyshimtë përmes 102 kontejnerësh drejt Tajlandës u eksportua në shkelje të ligjit mjedisor dhe procedurave doganore.

Ekspertimi i kryer – me vonesa shqetësuese – në Itali i klasifikoi këto mbetje si pluhur me përmbajtje të lartë metalike dhe substancash të dëmshme të ardhura nga furrat industriale (kategoria EAFD).

Sipas njoftimit zyrtar, masat e sigurisë përfshijnë drejtues dhe punonjës të kompanive “Kürüm International” dhe “Sokolaj shpk”, zyrtarë publikë dhe përfaqësues të institucioneve që kishin detyrë kontrollin mjedisor dhe doganor në Portin e Durrësit.

Prokuroria ka ngritur ndaj tyre akuza për shpërdorim detyre, falsifikim dokumentesh, transport të paligjshëm, kontrabandë dhe pastrim parash.

Nga alarmi ndërkombëtar te konkretizimi i hetimeve

Rasti u bë publik në vitin 2024, kur autoritetet tajlandeze refuzuan ngarkesën dhe kthyen mbetjet në Shqipëri, duke i bërë thirrje qeverisë shqiptare për hetime transparente dhe të pavarura.

Citizens.al raportoi se mbetjet e kthyera përfunduan në Porto Romano, ndërsa institucionet shqiptare shmangën për muaj me radhë dhënien e informacionit mbi përbërjen e tyre dhe përgjegjësitë ligjore.

Në mars 2025, Citizens.al publikoi dëshminë e Jim Puckett, drejtues i Basel Action Network (BAN), i cili paralajmëroi se Shqipëria po shfaqte shenjat e një skeme trafiku mbetjesh, pasi ky mund të mos ishte një rast i izoluar.

Puckett akuzoi autoritetet shqiptare për zvarritje të hetimeve dhe mungesë vullneti për të ndjekur zinxhirin e plotë të përgjegjësisë, përfshirë aktorët shtetërorë.

Lexo: “Shqipëria po zvarrit hetimet për kontrabandën e mbetjeve toksike”

Gjykata, me kërkesë të Prokurorisë, miratoi më 3 shkurt 2026, rreth dy vite më vonë, 33 masa sigurie: 26 me burg dhe 7 me arrest shtëpie.

Sipas prokurorisë, kontrabanda u mundësua përmes falsifikimit të dokumenteve, shmangies së kontrolleve mjedisore dhe doganore përmes lejeve të dhëna në shkelje të ligjit.

Në fokus të hetimit janë vënë zyrtarë dhe ish-zyrtarë të Agjencisë Kombëtare të Mjedisit (AKM), Doganës së Durrësit dhe struktura të përfshira në administrimin e portit.

Mes të arrestuarve janë drejtuesja aktuale e AKM-së, Marjeta Përlala, ish-drejtuesja Arta Dollani dhe tre punonjës nga sektori i lejeve të kësaj agjencie.

Gjithashtu janë arrestuar pesë punonjës të Doganës së Durrësit, dy inspektorë të Autoritetit Portual, administratori dhe dy punonjës të koncesionarit që operon terminalin lindor të portit.

Nga kompanitë e përfshira, është kërkuar arrestimi i administratorëve të Kürüm, Erdal Demir dhe Yusuf Sezai Kürüm, si dhe katër drejtorëve përgjegjës të sektorit të mjedisit, prodhimit, transportit dhe shitjeve të saj.

Nga “Sokolaj shpk” janë arrestuar pronarët Gjovana dhe Doni Sokolaj, si dhe kontabilistja e kompanisë. Paralelisht është kërkuar arrestimi edhe i zotëruesve, administratorëve dhe punonjësve të disa kompanive ndërmjetëse si “Bajrami N”, “Joti Spedition” dhe “Alliance Resource”.

Citizens.al pati raportuar më herët për heshtjen njëvjeçare të Prokurorisë së Durrësit, duke ngritur dyshime për mungesë transparence dhe llogaridhënie në një çështje me pasoja të rënda mjedisore dhe shëndetësore.

Argumenti kryesor lidhej me zvarritjen e kryerjes së analizave të ngarkesës së 102 kontejnerëve, të cilat ishin provuar më parë në Tajlandë se përmbanin lëndë të rrezikshme.

Lexo: Një vit heshtje nga Prokuroria për kontrabandën me mbetje të rrezikshme

Lëshimi i 33 urdhër-arresteve shënon zhvillimin më të rëndësishëm për zbardhjen e kësaj çështjeje, por ajo nuk i jep fund pikëpyetjeve mbi rastin, rolin e institucioneve, kontrollin real dhe mbi të gjitha propagandën.

Gjithashtu vë në diskutim një çështje tjetër: Çfarë do të bëhet me ngarkesën? Ku do të vendoset përfundimisht ajo dhe si do të veprohet me të, nëse do të duhet të asgjësohet?

Kujtojmë se qeveria e mohoi kategorikisht kontrabandën në fjalë dhe dha informacione për të vetëm pasi çështja mori jehonë ndërkombëtare.

Tashmë rasti mbetet një test për drejtësinë shqiptare, e cila ka bërë hapa të konsiderueshme me strukturat e reja – Struktura e Posacme Anti-Korrupsion – por që mbetet t’i tregojë konkretisht nëse i ka fituar të plota standardet e drejtësisë.

Lexoni gjithashtu:

• Shqipëria mbetet pas në mbrojtjen e mjedisit, BE kërkon veprime konkrete
• Fitime në kurriz të komuniteteve; mbi 200 hidrocentrale private në 15 vjet
• Bankers Petroleum nën hetim: Dyshohet se për 20 vite shmangu taksat

The post 33 urdhër-arreste për kontrabandën e mbetjeve “Durrës-Tajlandë” appeared first on Citizens.al.

Familjarët e Stenaldos kanë reaguar në lidhje me deklaratën që bëri Rogerti ditën e sotme në shtëpinë e “Big Brother VIP 5”.

Në një postim në Instagram, familjarët e Stenaldos shkruajnë se t’i thuash dikujt “Zoti të ka ndëshkuar kështu” është çnjerëzore.

Ata theksojnë se përdorimi i Zotit për të justifikuar fjalë urrejtjeje ndaj një personi me aftësi të kufizuara përbën mungesë totale empatie dhe është një nga nivelet më të ulëta të mendimit njerëzor.

“T’i thuash dikujt ‘Zoti të ka ndëshkuar kështu’ është thellësisht çnjerëzore. Mos e përdorni Zotin për të justifikuar urrejtjen, injorancën dhe mungesën totale të empatisë. Të ofendosh një person me aftësi të kufizuara dhe ta lidhësh këtë me Zotin është niveli më i ulët i mendimit. Mos e përmendni Zotin për të justifikuar mungesën tuaj të njerëzillëkut. DISKRIMINIME .TURP”, thuhet në reagimin e familjarëve të Stenaldos.

The post Deklarata e Rogertit, familjarët e Stenaldos reagojnë të indinjuar: T’i thuash dikujt “Zoti të ka ndëshkuar kështu”, është çnjerëzore appeared first on Albeu.com.

Paneli Zgjedhor për Ankesa dhe Parashtresa (PZAP) ka aprovuar ankesën e Listës Serbe lidhur me vendimin e Komisionit Qendror të Zgjedhjeve për të mos përfshirë listën e kandidatëve të këtij subjekti në shpalljen e rezultateve për zgjedhjet parlamentare të 28 dhjetorit.

PZAP tha se vendimi i 31 janarit i KQZ-së është “i pajustifikuar” dhe në kundërshtim “me dispozitat ligjore”.

Sipas vendimit, PZAP tha se shpallja e rezultatit përfundimtar bëhet pas përfundimit të numërimit dhe rinumërimit për të gjitha subjektet politike dhe duhet t’i përfshijë të gjitha subjektet zgjedhore “pa përjashtim”.

“Çdo shpallje e pjesshme e rezultatit përfundimtar, në rrethana të tilla, nuk ka bazë ligjore dhe bie ndesh me parimet e barazisë së subjekteve zgjedhore, sigurisë juridike dhe transparencës së procesit zgjedhor. Andaj ky vendim është në kundërshtim me praktikat e mira zgjedhore dhe po ashtu ne kundërshtim me standardet e Komisionit te Venecias”, u tha në vendimin e PZAP-së të publikuar më 3 shkurt.

Për këtë vendim mund të dërgohet ankesë në Gjykatën Supreme brenda 48 orëve. Po ashtu, përveç vendimit për Listën Serbe, PZAP-i shqyrtoi edhe gjashtë ankesa të tjera, të cilat i refuzoi duke i cilësuar si të pabazuara.

Lista Serbe, partia kryesore e serbëve në Kosovë që ka mbështetjen e Beogradit, dorëzoi ankesë në PZAP më 2 shkurt, duke e vlerësuar vendimin si të “paligjshëm, antiserb dhe diskriminues”.

Kjo parti e vlerësoi vendimin e PZAP-së si “fitore të së drejtës, ligjit dhe parimeve demokratike”, si dhe tha se është një konfirmim i vullnetit zgjedhor të qytetarëve që i dhanë mbështetje këtij subjekti.

“Presim që institucionet kompetente të veprojnë në përputhje me vendimin e marrë dhe të mundësojnë zbatimin e tij të plotë dhe pa pengesa”, u tha në njoftim.

Më 31 janar, KQZ-ja shpalli rezultatet përfundimtare të zgjedhjeve të parakohshme parlamentare të 28 dhjetorit. Por, gjatë mbledhjes, anëtarët e Komisionit miratuan listat e kandidatëve të të gjithë partive, përveç Listës Serbe – partisë kryesore të serbëve në Kosovë që ka mbështetjen e Beogradit.

Tre anëtarë të KQZ-së votuan për, dy kundër nga Lëvizja Vetëvendosje, dhe anëtarët tjerë abstenuan.

Gjatë mbledhjes, vetë kreu i KQZ-së, Kreshnik Radoniqi, e cilësoi si “të pakuptimtë” mosmiratimin e përbërjes së Listës Serbe nga anëtarët e Komisionit, duke argumentuar se kishte kaluar afati për ankesa pasi votat veçse janë rinumëruar dhe, sipas ligjeve, nuk parashihen ankesa për një proces të tillë.

Vendimi i KQZ-së u kritikua nga Shtetet e Bashkuara dhe Bashkimi Evropian.

Një zëdhënës i ambasadës amerikane në Prishtinë i tha Radios Evropa e Lirë se vendimi i KQZ-së është “në kundërshtim me të drejtën e qytetarëve për të zgjedhur në mënyrë demokratike përfaqësuesit e tyre”.

“Çdo përpjekje për të shkelur këtë parim bazë minon partneritetin mes Shteteve të Bashkuara dhe Kosovës”.

Ndërkaq, Bashkimi Evropian shprehu “shqetësim serioz” për dështimin e KQZ-së që të miratojë rezultatet përfundimtare për Listën Serbe.

“BE-ja përsërit thirrjen e saj për depolitizimin e punës së KQZ-së, në përputhje me raportin e Misionit të BE-së për Vëzhgim të Zgjedhjeve, dhe u bën thirrje të gjitha partive të punojnë së bashku, në përputhje me Kushtetutën”, tha zëdhënësi i BE-së në një përgjigje për Radion Evropa e Lirë.

Ai shtoi se është e rëndësishme që të gjithë kandidatët e zgjedhur të jenë në gjendje t’i marrin mandatet e tyre në Kuvendin e Kosovës.

Lëvizja Vetëvendosje e kryeministrit në detyrë, Albin Kurti, që ka fituar zgjedhjet e dhjetorit, edhe më herët kishte tentuar që ta pengonte Listën Serbe që të merrte pjesë në zgjedhje. Por, PZAP-i vazhdimisht ka rrëzuar vendimet e KQZ-së.

Në Kuvendin e Kosovës, dhjetë vende janë të rezervuara për komunitetin serb. Lista Serbe në zgjedhjet e dhjetorit fitoi nëntë, ndërsa një e siguroi Nenad Rashiq nga Partia për Liri, Drejtësi dhe Mbijetesë.

LVV-ja këmkëmbëngul në qëndrimin e saj se Lista Serbe është “dorë e zgjatur e Beogradit”.

Si një nga arsyet përse nuk dëshiron bashkëpunim me të, përmend faktin se ajo nuk është distancuar kurrë nga ish-nënkryetari i saj, Millan Radoiçiq, i cili ka marrë përgjegjësinë për sulmin e armatosur në Banjskë, në shtator të vitit 2023.

Partia e Kurtit shprehet e hapur për bashkëpunim me Rashiqin dhe këmbëngul që pozitat në Qeverinë apo Kuvendin e Kosovës, të cilat me Kushtetutë u takojnë përfaqësuesve të komunitetit serb, t’i jepen pikërisht partisë së tij.

Por, Gjykata Kushtetuese e Kosovës konstatoi javën e kaluar se nënkryetari i Kuvendit nga radhët e komunitetit serb, mund të emërohet vetëm nga partia më e madhe parlamentare e këtij komuniteti, që në këtë rast është Lista Serbe.

Vetëm pas përfundimit të afatit për ankesa në Gjykatën Supreme, KQZ-ja mund të certifikojë rezultatin e zgjedhjeve, proces që hap rrugën për formimin e institucioneve të reja të Kosovës./REL

The post PZAP miraton aneksën e Listës Serbe për vendimin e KQZ-së: Është në kundërshtim me dispozitat ligjore appeared first on Albeu.com.

Debati i zhvilluar së fundmi në shtëpinë e “Big Brother VIP” ka shkaktuar reagime të forta jashtë saj, pas një deklarate të rëndë të bërë nga Rogerti ndaj Stenaldos. Gjatë përplasjes verbale, Rogerti u shpreh se Stenaldo “e ka mallkuar Zoti” për shkak të aftësisë së tij të kufizuar në shikim, një deklaratë që ka ngjallur indinjatë të menjëhershme.

Familjarët e Stenaldos, të cilët menaxhojnë edhe llogarinë e tij zyrtare në Instagram, kanë reaguar publikisht duke dënuar ashpër gjuhën e përdorur. Në një postim të shpërndarë në rrjetet sociale, ku shfaqet edhe videoja e momentit të ofendimit, ata e cilësojnë deklaratën si thellësisht çnjerëzore dhe të papranueshme.

Sipas familjarëve, përdorimi i Zotit për të justifikuar fjalë urrejtjeje ndaj një personi me aftësi të kufizuara përbën mungesë totale empatie dhe është një nga nivelet më të ulëta të mendimit njerëzor. Ata theksojnë se askush nuk duhet të përdorë besimin për të justifikuar ofendimin, diskriminimin apo dhunën verbale.

Reagimi përfundon me një thirrje publike drejtuar produksionit të “Big Brother VIP” dhe Top Channel, duke kërkuar që raste të tilla të mos normalizohen dhe që të ketë përgjegjësi për gjuhën e përdorur brenda formatit.

Ngjarja ka hapur një debat të gjerë edhe në rrjetet sociale, ku një pjesë e madhe e publikut shpreh shqetësim për kufijtë e etikës dhe mesazhet që transmetohen në prime-time.

The post Reagim i fortë nga familjarët e Stenaldos pas deklaratës së Rogertit në Big Brother VIP appeared first on Albeu.com.

Pas përplasjes midis Stenaldos dhe Rogertit, ku ky i fundit ka degraduar gjatë debatit duke i thënë “Ty të ka dënuar Zoti”.

Ndërkohë menjëherë pas kësaj situate të pakëndshme, rrjeti i Organizatave të personave me aftësi të kufizuara kanë dalë me një deklaratë publike ku kanë kërkuar menjëherë ndëshkim për Rogertin.

Ata i kanë kërkuar Vëllait të Madh që të kryhet përjashtimin e menjëhershme.

REAGIMI ZYRTAR:

RRJETI I ORGANIZATAVE TË PERSONAVE ME AFTËSI TË KUFIZUARA

TIRANË

Data: 03.02.2026

Deklaratë publike

Rrjeti i Organizatave të Personave me Aftësi të Kufizuara në Tiranë e konsideron të domosdoshme të reagojë ndaj gjuhës së përdorur sot në programin Big Brother Albania VIP ndaj gazetarit Stenaldo Mehilli, i cili është gjithashtu person me aftësi të kufizuara në shikim.

Gjuha e përdorur është e papranueshme dhe përbën shkelje të rëndë të parimeve të barazisë dhe dinjitetit njerëzor. Ajo duhet të ndëshkohet nga autoritetet përkatëse për arsyet e mëposhtme:

Përbën ableizëm, një formë diskriminimi që buron nga premisa se personat me aftësi të kufizuara janë më pak të vlefshëm se personat pa aftësi të kufizuara.

Një gjuhë e tillë është përdorur historikisht për të izoluar dhe përjashtuar personat me aftësi të kufizuara, duke i penguar ata të marrin pjesë në shoqëri në baza të barabarta me të tjerët. Ajo ushqen stigma dhe paragjykime.
Përbën gjuhë urrejtjeje, sepse nuk prek vetëm individin, por edhe komunitetin e personave me aftësi të kufizuara, duke përcjellë mesazhin se jetët tona janë më pak të denja për t’u jetuar se ato të të tjerëve, veçanërisht duke marrë parasysh audiencën e gjerë të këtij programi.

Që në vitin 2013, Shqipëria ka ratifikuar Konventën e OKB-së për të Drejtat e Personave me Aftësi të Kufizuara, e cila kërkon përpjekje të përbashkëta nga e gjithë shoqëria për garantimin e të drejtave të barabarta dhe për respektimin e dinjitetit të lindur të çdo njeriu. Po ashtu, procesi i integrimit evropian kërkon respekt të plotë për të drejtat e njeriut dhe për diversitetin.

Në këtë kontekst, ne kërkojmë:

Që produksioni i Big Brother Albania VIP të marrë masa konkrete, përfshirë përjashtimin e menjëhershëm të pjesëmarrësve që përdorin gjuhë urrejtjeje, e cila është e papajtueshme me etikën e komunikimit në media dhe me vlerat që synojmë të ndërtojmë si shoqëri.

Që Autoriteti i Mediave Audiovizive (AMA), në zbatim të Kodit të Transmetimit dhe standardeve për përfaqësimin e personave me aftësi të kufizuara, të ndërhyjë dhe të trajtojë këtë shkelje në përputhje me parimet e mosdiskriminimit.

Që Komisioneri për Mbrojtjen nga Diskriminimi, z. Robert Gajda, të reagojë dhe të marrë masat përkatëse, në përputhje me ligjin për mbrojtjen nga diskriminimi. Rrjeti ynë do të depozitojë zyrtarisht një ankesë pranë këtij institucioni.

Së fundi, i bëjmë thirrje gjithë shoqërisë të kuptojë se aftësia e kufizuar është pjesë e pandashme e diversitetit njerëzor. Ne jemi të fortë, krenarë dhe të dukshëm. Do të vazhdojmë pa u ndalur përpjekjet tona për më shumë barazi, dinjitet dhe për një shoqëri që respekton dhe përfshin të gjithë anëtarët e saj.

The post “Të ka dënuar Zoti”, Ofendimi i Rogertit trondit shoqërinë, Shoqata e Personave me Aftësi Ndryshe: Të përjashtohet urgjent! appeared first on Albeu.com.

Kryetari i Grupit Parlamentar të Partisë Socialiste, Taulant Balla deklaroi se të rinjtë dhe fëmijët janë grupi më i ekspozuar ndaj rrezikut të drogës. Gjatë fjalës së tij në Kuvend, ai theksoi nevojën për rritjen e sigurisë brenda dhe përreth shkollave.

Gjithashtu Balla u shpreh se është detyrim i Ministrisë së Arsimit, Ministrisë së Brendshme dhe i të gjithë aktorëve të tjerë institucionalë të forcojnë masat për mbrojtjen e fëmijëve nga shpërndarja e lëndëve narkotike.

“Do ta votoja me shumë kënaqësi një vendim për ndalimin e rrjeteve sociale për fëmijët nën 16 vjeç, një praktikë që po ndiqet nga vende që marrin përgjegjësi si Franca, Spanja dhe Australia”, u shpreh Balla.

The post “Do ta votoja me shumë kënaqësi…”/ Balla: Ndalimi i rrjeteve sociale për fëmijët nën 16 vjeç është domosdoshmëri appeared first on Albeu.com.

Ujorët janë të njohur për pavarësinë dhe idealizmin e tyre, por shpesh këto tipare mund t’i çojnë drejt gabimeve që ndikojnë tek ata dhe njerëzit rreth tyre. Një nga gabimet më të shpeshta të Ujorit është besimi i tepruar se mund të shpëtojë botën ose të tjerët. Ata shpesh përpiqen të zgjidhin problemet e të gjithëve, edhe kur nuk kërkohet ndihma e tyre, dhe kjo mund t’i lodhë ose t’i frustrojë.

Një tjetër gabim i zakonshëm është tërheqja emocionale kur ndihen të lënduar. Në vend që të shprehin ndjenjat e tyre, Ujorët shpesh tërhiqen dhe vendosin distancë. Kjo strategji i bën të duket të pavarur dhe autonom, por mund të krijojë keqkuptime ose të largojë njerëzit që do të donin të afroheshin.

Ujorët gjithashtu kanë tendencë të mbështeten shumë tek pavarësia e tyre, duke injoruar nevojën për bashkëpunim. Ky qëndrim i fortë ndaj vetes mund t’i çojë drejt izolimit. Për më tepër, ata ndryshojnë shpejt qëndrimet dhe veprimet, shpesh pa një arsye të qartë, gjë që mund të ngatërrojë të tjerët dhe të komplikojë situata të thjeshta.

Megjithatë, këto gabime nuk janë domosdoshmërisht negative. Ujorët e kuptojnë shpesh se disa veprime nuk janë të nevojshme, dhe kur pushojnë dhe reflektojnë, mund të balancojnë pavarësinë me lidhjet emocionale. Një kombinim i mençur i idealizmit dhe realitetit mund t’i ndihmojë të shmangin gabimet e zakonshme dhe të ruajnë marrëdhënie të shëndetshme.

The post Gabimet tipike të ujorit që mund të largojnë të tjerët! appeared first on Albeu.com.

Australia është në shok pasi katër anëtarë të së njëjtës familje u gjetën të vdekur në një periferi të Perthit, në një rast që autoritetet po e hetojnë si vrasje-vetëvrasje. Trupat e Jarrod Clune, 50 vjeç, partneres së tij Maiwenna Goasdu, 49 vjeçe, dhe dy djemve të tyre adoleshentë autikë, Leon, 16 vjeç, dhe Otis, 14 vjeç, u gjetën të premten në mëngjes në shtëpinë e familjes në Mosman Park.

Policia beson se dy djemtë u vranë nga prindërit e tyre, të cilët më pas i morën jetën vetes. Shërbimet e urgjencës u thirrën në orët e para të mëngjesit pasi një kujdestare që ndihmonte rregullisht fëmijët të cilët kishin autizëm të rëndë telefonoi kur mbërriti për një vizitë të planifikuar dhe nuk mundi të kontaktonte familjen.

Kujdestari thuhet se gjeti një shënim në banesë me një paralajmërim që thoshte “Mos hyni” dhe udhëzime për të telefonuar autoritetet. Kur oficerët hynë në shtëpi, ata gjetën të katër anëtarët e familjes, si dhe dy qentë dhe macen e tyre, të vdekur. Trupat u gjetën në vende të ndara dhe autoritetet thanë se vdekjet nuk dukeshin të dhunshme dhe nuk u përdorën armë.

Detektivja e vrasjeve, Jessica Securo, tha të premten se “edhe pse hetimi është ende në fazat e hershme, çështja po hetohet si vrasje-vetëvrasje”. Të shtunën, u raportua se një shënim i dytë, që besohet të jetë një letër, i kishte çuar hetuesit në përfundimin se ishte një vrasje-vetëvrasje , pasi dyshohet se përshkruante plane për financat e familjes dhe sugjeronte se prindërit kishin vendosur t’i jepnin fund jetës së tyre dhe jetës së fëmijëve të tyre.

Autoritetet nuk e kanë konfirmuar ende mënyrën e vdekjes, por pamjet ajrore të dronit duket se tregojnë atë që duket të jetë njolla gjaku në pjesën e pasme të shtëpisë. Një zëdhënës i Policisë së Australisë Perëndimore nuk pranoi të komentonte mbi imazhet, duke i thënë Daily Mail se “çështja mbetet nën hetim dhe nuk mund të bëhen komente të mëtejshme”.

Policia tha gjithashtu se dy djemtë po përballeshin me “ sfida të rëndësishme shëndetësore”, ndërsa raportet thanë se ata kishin humbur fondet qeveritare për të mbështetur njërin nga fëmijët.

Një mik i ngushtë i familjes tha se çifti ishte ndjerë gjithnjë e më i izoluar dhe i pambështetur, duke theksuar se diagnozat e fëmijëve e kishin bërë jetën e përditshme “jashtëzakonisht të vështirë dhe të kërkuar”. Duke iu referuar Skemës Kombëtare të Sigurimeve të Aftësisë së Kufizuar , ajo vuri në dukje se ata “shpesh ndiheshin të izoluar, të pafuqishëm dhe të braktisur nga familja, miqtë, shërbimet mbështetëse, shkollat, NDIS, sistemi shëndetësor dhe shoqëria në përgjithësi”.

Dy djemtë, ashtu si babai i tyre, ndiqnin Christ Church Grammar, një nga shkollat ​​private më prestigjioze të Perthit.

Një mësuese që i njihte fëmijët tha se ende po përballej me tragjedinë, duke lënë lule jashtë shtëpisë së familjes. Leon pritej të diplomohej vitin e ardhshëm, tha ajo, gjë që “tregoi se sa larg kishte arritur”. Ajo vuri në dukje se fëmijët ishin regjistruar në një shkollë me nevoja të veçanta që i mbështeste ata, duke shtuar se Christ Church Grammar nuk kishte provuar të ishte një shkollë e përshtatshme. Otis thuhet se u përjashtua rreth dy vjet më parë, një çështje për të cilën shkolla nuk komentoi konkretisht, duke u kufizuar në një deklaratë të përgjithshme mbështetjeje për familjet në zi dhe respekt për hetimin.

Miqtë dhe anëtarët e komunitetit i shprehën nderimet në mediat sociale, ndërsa shprehën zemërim për mungesën e mbështetjes së mjaftueshme nga NDIS.

The post Ngjarje e rëndë në Australi: Katër anëtarë të një familjeje gjenden të vdekur në banesë appeared first on Albeu.com.

Një sërë ngjarjesh që përfshijnë punonjës të Policisë së Shtetit kanë çuar në pezullimin e menjëhershëm nga detyra të disa efektivëve, me vendime të marra nga Drejtoria e Standardeve Profesionale. Masat disiplinore lidhen me dyshime për shpërdorim detyre, korrupsion, përdorim të lëndëve narkotike dhe shkelje të rregullave të qarkullimit rrugor.

Rasti më i rëndë lidhet me ngjarjen e ndodhur më 1 shkurt 2026 në fshatin Rrilë të Lezhës, ku nipi i Ardian Nikulajt mbeti i plagosur pasi u qëllua me armë zjarri. Sipas dyshimeve, i riu shoqërohej në momentin e atentatit nga inspektori B. K., i cili dyshohet se ka përdorur gjithashtu armën e zjarrit, duke qëlluar në drejtim të autorëve. Për këtë ngjarje, më datë 2 shkurt 2026, inspektori B. K. u ndalua me urdhër të Prokurorit, nën dyshimet për kryerjen e veprës penale “Shpërdorimi i detyrës”. Si pasojë, Drejtoria e Standardeve Profesionale vendosi pezullimin e tij të menjëhershëm nga funksioni.

Paralelisht me këtë çështje, një tjetër rast lidhet me një video të shpërndarë në rrjetet sociale, ku shfaqen dy punonjës të Policisë Rrugore në qarkun Fier. Në pamje, njëri prej efektivëve dyshohet se merr ryshfet nga një drejtues automjeti, me qëllim shmangien e një mase administrative. Pas verifikimeve paraprake, Drejtoria e Standardeve Profesionale në Drejtorinë e Përgjithshme të Policisë së Shtetit mori vendimin për pezullimin nga detyra të inspektorëve Sh. Ç. dhe I. L., të angazhuar si trupë shërbimi në trafikun urban dhe interurban në DVP Fier.

Sipas njoftimit zyrtar, dy punonjësit kanë kryer veprime në kundërshtim me procedurat standarde gjatë kontrollit të një mjeti, ndërsa rëndojnë mbi ta edhe dyshime për përfshirje në veprime korruptive. Ndaj tyre ka nisur hetim disiplinor për shkelje të rëndë, bazuar në Ligjin nr. 82/2024 “Për Policinë e Shtetit”, konkretisht për veprime që dëmtojnë rëndë imazhin e institucionit dhe besimin e qytetarëve.

Masat disiplinore nuk ndalen me kaq. Nga Drejtoria e Standardeve Profesionale janë pezulluar nga detyra edhe tre punonjës të tjerë të policisë. Mes tyre është inspektori E. P., oficer i Patrullës së Përgjithshme në Komisariatin e Policisë Mat, ndaj të cilit ka dyshime për përdorim të lëndëve narkotike. Gjithashtu, inspektori E. B., oficer në Komisariatin e Policisë Krujë, është pezulluar pasi më 2 shkurt 2026 u arrestua nga Agjencia e Mbikëqyrjes Policore, i dyshuar për veprën penale “Shkelje e rregullave të qarkullimit rrugor”.

Për të gjitha këto raste, Policia e Shtetit ka bërë të ditur se po bashkëpunon ngushtë me Agjencinë e Mbikëqyrjes Policore dhe Prokuroritë përkatëse, të cilat kanë nisur dhe po vijojnë veprimet hetimore dhe procedurale, me qëllim zbardhjen e plotë të ngjarjeve.

Në një qëndrim zyrtar, Policia e Shtetit thekson se është e vendosur të mos tolerojë asnjë shkelje nga radhët e saj dhe se çdo punonjës që abuzon me detyrën apo cenon imazhin e institucionit do të përballet me masa.

Mbrëmjen e sotme ka pasur sërish probleme me energjinë elektrike në zonën e Lungonares në Vlorë.

Burime mediatike bëjnë me dije se investimi në rrjetin e ujësjellësit ka dëmtuar sërish linjat elektrike, duke lënë pa energji elektrike rreth 300 abonentë në Lungomare.

Ndërkohë, pas konstatimit të defektit, kanë shkuar në terren grupet e OSHEE-së për rikuperimin e defektit, me qëllim bërjen të mundur të kthimit të energjisë.

Ky është rasti i dytë brenda një kohe të shkurtër që firma që po shtron linjat e ujësjellësit dëmton kabllot e rrymës elektrike, duke lënë pa energji elektrike zona të caktuara.

Nga Mero Baze

Takimi i radhës i Ervin Salianjit në Fier vlen për të kuptuar se demokratët nuk i binden më Sali Berishës. Ultimatumet e Berishës kundër atyre që marrin pjesë në takimet me Salianjin duket se nuk vlejnë më. Nuk vlejnë as deklaratat se Salianji është i vetëpërjashtuar “se ka shkelur vijën e kuqe”, e cila nuk dihet se çfarë është.

Salla e Fierit ishte plot me fytyra të reja të opozitës që kërkojnë bashkimin e saj. Dhe bashkimi është e vetmja gjë që nuk bën dot Sali Berisha për opozitën.

Kjo rënie e autoritetit të Berishës te demokratët në bazë ka filluar të reflektojë pak nga pak edhe te deputetët e PD-së, por edhe te aktorë të tjerë politikë të opozitës.

Pas kundërshtimit të prerë të Berishës për të bojkotuar Reformën Territoriale, disa deputetë i rezistuan në mbledhjen e Grupit Parlamentar dhe e detyruan atë të bënte sikur nuk kishte bërë thirrje për bojkot. Jo se ai do të marrë pjesë në tryezë, por do të kërkojë një arsye të re për bojkotin dhe jo atë mospjesëmarrjen arrogante pa asnjë sqarim.

Kjo tregon se vetëdija e disa deputetëve të PD-së për bojkotin e Reformës Territoriale më 2015 ka qenë shumë e fortë si një gabim i madh i PD-së, që u kushtoi më pas vite të tëra në fushata elektorale.

Dhe Berisha u zbyth pa shumë lavdi nga vendimi i tij personal për bojkot. Tani mbetet të presim se çfarë arsyeje të re do të shpikë për ta bojkotuar atë.

Por edhe përtej PD-së, të gjithë aktorët e tjerë opozitarë e kanë refuzuar qartë Berishën.

Agron Shehaj e ka refuzuar, mes të tjerash, si rrezik për humbjen e identitetit të partisë së tij, por edhe për qëndrimin agresiv të Berishës ndaj drejtësisë, e cila e ka akuzuar për korrupsion.

Arlind Qori po ashtu i refuzon të dy polet e politikës për shkak të profilit të tij politik antisistem.

Adriatik Lapaj është në dilemë nëse të futet në çadrën e PD-së në bulevard apo të vijë PD-ja te çadra e tij, por duket se nuk është i lumtur që po dozohet si menaxher protestash dhe jo si politikan.

Dashamir Shehi, një politikan veteran i së djathtës, tha sot se Berisha nuk është më i vlefshëm si aset opozitar.

Arsyeja është se ai nuk e bën dot opozitën as të bashkuar dhe as fituese.

Ky rrethim i Berishës, që nga demokratët e bazës e më radhë te deputetët e grupit parlamentar dhe aktorët e tjerë opozitarë, në fakt vizaton një izolim të tij nga të gjitha anët, duke u bërë figura më e papranueshme e opozitës. Ai sillet si monark i demokratëve, por ata po e refuzojnë duke mbushur sallat për Salianjin. Sillet si diktues i çdo vendimi politik të PD-së dhe zbythet përpara deputetëve që ia hedhin poshtë idenë e bojkotit. Flet për bashkim të opozitës dhe refuzon çdo faktor opozitar.

Më keq se kaq nuk mund t’i ndodhë dikujt që pretendon se do të udhëheqë opozitën drejt fitores. Ndaj duket edhe më realist propozimi i fundit i Salianjit që kandidati për kryeministër të jetë ai që do t’ia dalë të bashkojë opozitën – të vetmen gjë që Berisha nuk e bën dot.

Restaurime, rijetëzime dhe projekte që nisin nga zero! Viti 2026 do të jetë i ngjeshur për kulturën.

Dy janë projektet madhore, që qeveria parashikon t’i çojë përpara, Amfiteatri i Durrësit dhe Parku Kombëtar i Butrintit. Projekti për rijetëzimin e Amfiteatrit, një vepër e periudhës romake, sipas ministrit të Kulturës, Blendi Gonxhe, do të nisë së shpejti dhe do të prekë disa objekte.

Edhe në Butrint, një nga vendbanimet më të rëndësishme arkeologjike në Shqipëri dhe pjesë e Trashëgimisë Kulturore të UNESCO-s, pritet të nisë së shpejti investimi dhe, për qeverinë shqiptare, do të jetë një histori suksesi.

Rijetëzim apo ruajtje siç ka qenë? Ministria e Kulturës ka një plan dhe për Burgun e Spaçit pas polemikave me ish të burgosurit politikë.

Përgjatë këtij viti, ministria parashikon një sërë projektesh në kulturë dhe sport, një garanci rinore prej 3 milionë eurosh, si dhe ndërhyrje e rregullime në disa ligje.

Nga Ylli Pata

Partia Demokratike, por edhe qarqe opozitare nuk e duan ndarjen territorial me 61 bashki që u vendos në vitin 2014.

Ata e konsiderojnë këtë ndarje administrative si një mekanizëm elektoral që favorizon Partinë Socialiste. Po pse favorizon PS një ndarje ku komuniteti brenda voton dhe zgjedh drejtuesit e saj, pa pasur lidhje me prapaskenat që thonë politikanët?

Përpara 61 bashkive, Shqipëria ishte e ndare me një konglomerat komunash që i përgjigjeshin këshillave të bashkuar të kohës së komunizmit, të cilët u korrektuan në një sistem ku PD dhe aleatët e saj patën një farë domeni, lidhje marrëdhënie në territor. Por gjithsesi vota e ish-komunave me atë të bashkive të sotme po t’i mbledhësh bëjnë një gjë të përbashkët, apo jo? Në fakt nuk është ashtu.

E këtu nis realiteti politik i cili deri tani nuk na ka dalë i qartë. PD nuk qan sistemin e vjetër të komunave, e urren sistemin aktual të bashkive, por në mendje ka një ide që ndoshta e gabuar, por sipas saj e rëndësishme duhet të rikthehet.

Cili është ky sistem, për kë bëhet lufta, çfarë do të kërkojë opozita në reformën territoriale?

Natyrisht nuk bëhet fjalë për bashki të vogla si Kukësi, Tropoja, loja luhet në zonat ku ka një popullsi të madhe. Po çfarë “qan” realisht opozita?

Konkretisht opozita qan realisht humbjen e komunës së Paskuqanit në qarkun Tiranë, e cila bashkuar me bashkinë e Kamzës e ka humbur fuqinë potenciale të një pushteti që gjeneron vota. Kamza dhe Paskuqani, i knë dhënë para 2013 Partisë Demokratike katër deputetë, e sot i japin tre.

PD mendon që nëse Paskuqani është njësi e ndarë nga Kamsa mund të marrë edhe 2 deputetë të tjerë, që mund të sigurojë pozitën ose baraz ose jo shumë diferencë në qarkun Tiranë në zgjedhjet parlamentare. Përtej Kamzës, burimi tjetër politik i opozitës është Kavaja, pasi PD synon të maksimalizojë votat e qytetit duke zbutur domenin socialist në zonën bregdetare si Golemi, Luzi apo edhe

Karta tjetër shtë qarku Durrës, ku në 2009 PD kaloi PS ndërkohë që në një situatë të fortë mund të dalë barazim. PD nuk merr vota në qytetin e Durrësit por ka marrë në kënetë dhe në Rrashbull. Komuna që ka administruar Shkëmbin e Kavajës, një pol pushteti ekonomik dhe politik.

Rrashbullin e ka pasur përgjithësisht PD ose LSI. Të vijmë te Gjiri i Lalzit, ku PD ka synua ta marrë atë sonë por kurrë se ka arritur. Ishmia ka qenë një bastion socialist. Megjithatë në zgjedhjet e përgjithshme si atëherë si sot dilte një deputet. Por synimi i PD është Shijaku me Sukthin që sot janë dy bashki e PD i do nnë tre.

Të shkojmë në Elbasan, ku kartën e fitores e mban vetëm Lulzim Basha deri më tani me 7 me 7 e 2009. Elbasani si bashki është sot totalisht socialiste sepse ka komunat e rrënjës së PKSH nga Labinoti e më tutje. Por Bradasheshi dikur komunë, ka qenë një fuqi politike e së djathtës, ku përfshihej dhe Fushembreti i famshëm i “intelektualëve të së djathtës”.

Pastaj vjen Belshi, me të cilin PD ka luajtur herë pas here pr në realitet ai është një “MusaUlqin Zone”. Megjithatë, PD kërkon që në Dumre të shfrytëzojë gjysmën e elektorait pro me një pjësë të Peqinit. Po me kë? Bishqemi është socialist safi! Të shkojmë më tej Peqini ka qenë një zonë historikisht e nëvlerësuar dhe e parespektuar nga PS, po raj asnjëherë nuk ka votuar PD realisht. Fitorja e Dash Sulës ka ndodhur prej aftësisë dhe respektit të tij nga njerëzit. Pas Dashit, PD nuk fiton kurrë në atë zonë.

Të tjerat, dmth Fieri mund të kenë ndonjë interes, veriu pak sepse edhe aspektin demokrafik ka ndryshuar. Kjo është pak a shumë dëshira e PD. Një komunë më shumë në Durrës, një në Elbasan, një në Paskuqan e të tjera e të tjera. Që në fakt nuk i kanë thënë…

Shtatorja e shkrimtarit të ndjerë, tek “Juvenilja”, e cila u përurua për 90-vjetorin e tij, ka përfshirë në një “konflikt” digjital dy miq të kolosit të madh të letrave, mjekun Skënder Brataj dhe botuesin Bujar Hudhri.

Gazetarja dhe Drejtoresha e “Shtëpive Studio Kadare-Agolli”, Anisa Ymeri, e cila ishte dhe në emisionin e sotëm, “Rudina”, në Tv Klan, ka folur për këtë “debat”, duke u shprehur fillimisht se do deshironte të distancohej nga kjo situatë.

Por, Ymeri shprehet se Hudhri ka qenë personi që i ka qendruar më besnik Kadaresë.

“Unë do doja në fakt që t’i qëndroja larg këtij debati përveçse të them atë që thash në ceremoninë e 90-vjetorit, që ne si shtëpi studio kadare, dhe si Bashki Tiranë organizuam, që njeriu i cili ka investuar të gjitha energjitë e tij në veprën dhe që i ka qendruar më pranë se kushdo tjetër, mbase në momente të caktuara edhe më pranë se familja e vet, është Bujar Hudhri. Kështu që, kushdo që mund të pretendojë diçka tjetër do të thotë që nuk e njeh mirë realitetin”, u shpreh Ymeri.

Më tej, ajo shton se Kadare nuk ka nevojë për një “mbrojtës”, pasi e gjithë jeta dhe krijimtaria e tij flasin shumë më tepër.

“Ajo që di të them është se nuk është afre e bukur. Nëse flasim për Ismail Kadarenë, e para ai nuk ka nevojë për asnjë lloj mbrojtësi. Kjo është pak po e sigurt, sepse ai ka veprën e tij, gjithçka që ka lënë pas dhe nuk mendoj që dikush duhet të marrë përsipër të çojë përpara një lloj testamenti apo një lloj amaneti”, tha gazetarja.

Në ceremoninë e Shtatores së Kadaresë, ishin pjesëmarrës edhe Hudhri, edhe Brataj, teksa ky i fundit mbajti dhe fjalën kryesore në këtë event.

Hudhri është shprehur përmes një postimi në rrjete sociale se nuk ka pasur rolin që i takonte në këtë ceremoni, gjë që më pas ka kaluar në akuza dhe nga mjeku.

Postimi i Bujar Hudhrit:

Fjalët që nuk i thashë dot në përurimin e Shtatores së Kadaresë te ‘Juvenilja’

“Te ‘Juvenilja’, në kafenenë e preferuar të Kadaresë, më 28 janar, ditën e 90-vjetorit të lindjes, u përurua shtatorja e shkrimtarit, vepër e skulptorit Henri Mimani. E gjithë ceremonia u drejtua nga një mjek i nderuar, i cili tani është edhe mik i familjes Kadare. Ai e zbuloi shtatoren, mbajti fjalën e rastit, të cilën e mbylli me deklarimin se shkrimtari u paskësh lënë amanetin:

‘Më mbroni kur të mos jem.’

Ndërsa dëgjova këtë kinse amanet, më vetiu në kokë më erdhi mendimi se, pikërisht në mesnatën e diktaturës, kur të ikte koka, Kadareja kishte guxuar të ishte aq trim sa të shkruante dhe të arrinte të botonte ‘Pallatin e ëndrrave’. Dhe ishte krejt i vetëm, i pambrojtur, shkruan zonja Kadare në kujtimet e saj. Askush nuk iu gjend pranë, përveç dashurisë së jetës së tij, Helenës. Dhe e mbrojti vetëm talenti i tij i jashtëzakonshëm, vepra e tij gjeniale, që ishte bërë ndërkohë pronë e thesarit botëror.

Dhe diktatura nuk guxoi t’i prekte një fije floku!

Kur më erdhi radha të flisja, e ndjeva që kjo thënie më kishte nxjerrë nga binarët, më kishte pushtuar një ndjenjë mallëngjimi. Kadareja në bronz m’u duk kaq i largët dhe u ndjeva i vetmuar. Më solli në vete pamja që kisha përballë, ai grumbull i bukur dhe i heshtur i njerëzve, miqve të vërtetë të Kadaresë, që e kishin shoqëruar shkrimtarin tim të dashur në vitet kur unë nuk isha pranë tij. I shihja të thinjur, të plakur, të trishtuar. Pastaj befas ndjeva gëzim, admirim në sytë e tyre, por unë pothuajse e humba dhe m’u duk se nuk i thashë dot fjalët që kisha në mendje dhe në zemër për njeriun e shenjtë të jetës sime njerëzore dhe profesionale.”

Shtatorja e Ismail Kadaresë

Postimi i Skënder Brataj:

Zoti Hudhri po të them fjalët që nuk kam mundur ti them këto pesë vite!

Kot nuk thonë se njerëzit duhet t’i vësh në provë për t’i njohur! Është e dyta herë që zoti Bujar Hudhri, me hipokrizinë e vet, nxjerr fytyrën e vërtetë në dy evente solemne për ne shqiptarët në lidhje me Kadarenë! Ai nuk njeh rregulla, mirësjellje, humanizëm, respekt për traditat, heshtje kur duhet apo edukatë qytetare. Ai njeh vetëm interes ekonomik.

Ditën e vdekjes së Kadaresë, në një moment delikat dhe solemn, ku heshtja, respekti dhe humanizmi duhet të përcillnin për në banesën e fundit gjeniun e letrave shqipe, një njeri i vogël, mjeran, për të spostuar vëmendjen drejt vetes, bëri deklaratën ku akuzonte Urgjencën Mjekësore që drejtoj, se ambulanca nuk kishte pajisje!

Ditën e djeshme shkruan se nuk mundi t’i thoshte fjalët që donte Kadaresë ditën që u vendos statuja (po ta dëgjonte Kadare fjalën “statujë”, të cilën ai e shkruante shqipërisht “shtatore”, nuk e di nëse zoti Hudhri do të gjente vend ku të futej).

Nuk i tha dot ato fjalë te “Juvenilja”, sepse ceremoninë e hapi një mjek i nderuar.

Zoti Hudhri citon: “Ndërsa dëgjova këtë kinse amanet, më vetiu në kokë mendimi se, pikërisht në mesnatën e diktaturës, kur të ikte koka, Kadareja kishte guxuar të ishte aq trim sa të shkruante dhe të arrinte të botonte ‘Pallatin e ëndrrave’”.

Amanetin e lënë nga Kadare për mbrojtjen e tij kur të mos jetë dhe të figurave kombëtare, ai e kishte shumë të qartë prej kohësh. Ai nuk ia la amanet Skënder Bratajt, por intelektualëve shqiptarë. Ku bëni pjesë edhe ju, zoti Hudhri?

Kadare e kishte të qartë luftën që filloi kundër figurave kombëtare, prandaj këshillonte:

“Figurat kombëtare duhen mbrojtur, sepse ato janë pasaporta morale e një populli; pa to, kombi varfërohet në dinjitet.”

“Kadare na paralajmëronte se denigrimi i figurave kombëtare është një armë e vjetër kundër kombeve të vogla dhe më e rrezikshmja është kur këtë punë e bëjnë vetë njerëzit e vendit, me zell të çuditshëm”, sidomos në Shqipëri.

Ky ishte amaneti, zoti Hudhri, dhe këto amanete i ka dëgjuar edhe familja e tij që ishte prezente! Ju duhet të jeni i pari për ta mbrojtur, sepse ju sjell ende fitime financiare, mos harroni.

Të kishte nxjerrë nga binarët ajo thënie sepse ju nuk shikonit dot njeri afër Kadaresë. Juve ju qeshi fytyra kur ngritët kokën dhe patë rreth e rrotull miqtë e tij! Pse?

Është e vërtetë që u çelët, që buzëqeshët, sepse shumë prej miqve të tij nuk i lije të afroheshin të pinin kafe me të kur ai ishte gjallë. Ju qeshët sepse tani e di që nuk e takojnë dot më Kadarenë!

Të kujtohet ajo ditë që erdhi ai zotëria aty te “Juvenilja” dhe i kërkoi zotit Kadare të hapte një librari me emrin KADARE në Gjirokastër dhe në Fier? Të kujtohet kur Kadare i tha po? Ju e sulmuat, e ofenduat dhe e poshtëruat me gjithë ato epitete, se ai nuk mund të bënte një gjë të tillë, se nuk ishte në gjendje, e motive të tjera të ulëta që i përsërite atë ditë.

Ai zotëri më bëri shumë përshtypje me qetësinë e vet; nuk t’u përgjigj, nuk ju ofendoi, përshëndeti dhe iku. Nëse nuk ju kujtohet, po jua them që ta sjellë në ndonjë shkrim ai zotëria. Ndoshta erdhi momenti që ai ta hapë atë librari! Atë ditë Kadare nuk ju foli më, të paktën derisa ikëm nga Juvenilja.

Ju dje shkruani: “Më vjen keq që zoti Kadare që nuk arriti të shihte se, më në fund, me një mikun tim shqiptaro-amerikan, pikërisht në ditën e nëntëdhjetëvjetorit të lindjes së tij, hapëm librarinë online ‘Alblibris’, me libra fizikë, për të gjithë shqiptarët e Amerikës. Sa do të gëzohej, sepse libraritë i kishte aq për zemër!”

Ju nuk lejuat të hapej në shtëpinë e tij në Gjirokastër libraria me emrin e vet, nuk ju lejuat shqiptarëve të Shqipërisë dhe trojeve tona këtë mundësi, nuk di deri ku arrin hipokrizia.

Ju patët fatin të jeni botuesi i tij, prandaj mos ngatërro interesin personal, ekonomik me miqësinë! Unë pata fatin, edhe pse me vonesë, të jem mik i tij dhe i familjes, por isha prezent gjithmonë.

Të kujtohet te “Juvenilja”, kur më thoshe se nuk i lë të afrohen njerëzit (edhe miqtë e tij), sepse nuk paguajnë as kafen e tyre?

Pikërisht sepse nuk shikoje dot miq afër Kadaresë, sepse e konsideroni pronën tuaj!

Kjo është mënyra juaj: t’i sulmoni miqtë e tij, t’i ofendoni dhe t’i zvogëloni sipas kandarit tuaj. Para teje nuk mund të dalë askush, por harron që ne nuk jemi botues, jemi miq të Kadares.

Zoti Hudhri, Kadare nuk është prona juaj. Është i shqiptarëve, i përket letërsisë botërore.

Kur pashë titullin e artikullit tuaj ditën e djeshme, mendova se më në fund do të thoshit ndonjë gjë me sens, do të ngrinit ndonjë shqetësim.

Së pari, zoti Hudhri, ju e dinit që miqtë e Kadaresë po përpiqeshin të gjenin fondet për një shtatore për ta vendosur te “Juvenilja”. Ju kishit gjashtë muaj që kishit në telefonin tuaj fotografitë e dërguara nga miqtë e vërtetë të tij, por nuk u afruat, nuk u shqetësuat për asnjë detaj, për ta parë para se të derdhej në bronz, para se të zgjidhej vendi ku do të vendosej, si do të vendosej, kush po merrej dhe po organizonte të gjitha këto veprime, në kohë, në lekë, në lodhje dhe diskutime.

Me çfarë kuraje doje të flisje para miqve të tij (ata që të dhanë mundësinë të flisje thjesht sepse ishe botuesi, jo sepse e meritoje)? Por ju e dini shumë mirë pse nuk morët pjesë në këtë event të miqve të Kadaresë. Kishit frikë se mos paguanit ndonjë qindarkë apo jo? Ju qëndruat anonim për të mos paguar. Miqtë e Kadares që kontribuan preferuan të rrinë anonim, sepse nuk kishin nevoj për tu dukur. Njëri prej tyre thotë: Nuk është Kadare që ka nevoj për ne, jemi ne që kemi nevoj për Kadaren. Ka shumë të drejtë.

Ne, miqtë e tij, ju ftuam edhe në njëvjetorin e vdekjes së tij, ku përsëri nuk pyetët kush e organizoi dhe kush pagoi. Ju çfarë keni organizuar që nga vdekja e tij zoti Hudhri?

Mendova se, më në fund, si botues, si intelektual, si shqiptar, atje para miqve të tij që ju sollën buzëqeshjen kur i pe, para shtatores së tij, të kishe kurajon për të thënë:

“Sot përkujtohet 90-vjetori i lindjes së shkrimtarit të madh shqiptar Ismail Kadare në Francë, sot vendoset një pllakë përkujtimore në shtëpinë ku jetoi 34 vite si anëtar i Akademisë së Francës.”

Mendova se do të thonit: Si është e mundur që në këtë ditë të shënuar, në Shqipëri dhe trojet shqiptare, pas një viti e gjysmë nga vdekja e tij, në 90-vjetorin e lindjes, nuk ka një emërtim sheshi, rruge apo institucioni me emrin e Kadaresë, nuk ka së paku një shtatore në Tiranë apo Gjirokastër, nuk ka një librari me emrin Kadare?

Ah po, harrova: është hapur online “Alblibris”, jo “Kadare”!

Amaneti që ai la i referohej kësaj zbrazëtie kombëtare që na ka pllakosur, babëzisë se si të fitohen vetëm lekë.

Kurajon e kanë miqtë e vërtetë, ata që dhanë një sinjal në 90-vjetorin e lindjes së tij, ata që dinë kush është vendi i figurave të kombit, pjesë e padiskutueshme e të cilëve është Kadare.

Dr. Skënder Brataj

Një kompani izraelite e quajtur ADC do të ndërtojë Datacenterin e parë në Shqipëri. Investimi prej 100 milionë euro do të realizohet brenda Zonës së Zhvillimit Ekonomik dhe Teknologjik (TEDA), që po ndërtohet në Kashar nga Bashkia e Tiranës.

“Pas marrëdhënieve më të ngushta midis Izraelit dhe Shqipërisë, kompania izraelite ADC është përzgjedhur për të ndërtuar qendrën e parë të të dhënave në vend. Projekti, i cili do të ndërtohet në një zonë të tregtisë së lirë pranë kryeqytetit Tirana, do të kushtojë rreth 100 milionë euro. Objekti do të bazohet në procesorët grafikë Robin të Nvidia dhe do të ofrojë 32 megavat, me potencial për t’u zgjeruar në 100 megavat,” shkruan media izraelite Globes.

Një qendër të dhenash është një vendndodhje fizike që ruan makinat kompjuterike dhe pajisjet e tyre përkatëse harduerike. Ajo përmban infrastrukturën kompjuterike që kërkojnë sistemet IT, siç janë serverat, disqet e ruajtjes së të dhënave dhe pajisjet e rrjetit. Është objekti fizik që ruan të dhënat dixhitale të çdo kompanie.

ADC është në pronësi të përbashkët të Happy Technologies (80%) – një kompani kibernetike dhe informatike në pronësi të Roi Shaposhnik, Noam Frank, Shlomi Avni dhe Itai Melchior; dhe nga kompania konsulente e qendrave të të dhënave DIT (20%), e kryesuar nga ekspertët Zvika Friedman, Nir Poltorak dhe Dan Carmi.

Qeveria miratoi lejen e ndërtimit për dy muaj

Si një projekt qeveritar në një shtet anëtar të NATO-s dhe kandidat për anëtarësim në BE, sipërmarrja do të përfitojë nga kushte të favorshme për kompanitë izraelite. Leja e ndërtimit iu dha kompanisë brenda vetëm 60 ditësh dhe objekti po ndërtohet në 1.8 hektarësh tokë qeveritare (me një opsion edhe për 1.3 hektarësh shtesë) në zonën e tregtisë së lirë TEDA, e cila është në ndërtim e sipër në perëndim të Tiranës.

Për më tepër, infrastruktura e komunikimit dhe energjisë elektrike është hedhur paraprakisht dhe OSHEE është duke ndërtuar një nënstacion të dedikuar elektrik në vend. Kompania Kombëtare e Energjisë Elektrike e Shqipërisë do të ofrojë një objekt të energjisë elektrike të gjelbër nga një burim hidroelektrik.

Në frontin e financimit, ADC ka siguruar një linjë krediti nga Banka Evropiane për Rindërtim dhe Zhvillim (BERZH) për 75% të kostos së projektit.

Edhe para se të përfundojë ndërtimi, qendra e të dhënave ka siguruar tre klientë kryesorë: kompaninë shqiptare të teknologjisë Infosoft, një kompani gjermane magazinimi dhe një klient të qeverisë shqiptare, identiteti i të cilit mbetet konfidencial.

Sipërmarrësit e qendrës së të dhënave i shohin klientët evropianë dhe amerikanë që kërkojnë qendra përpunimi të inteligjencës artificiale të mundësuara nga energjia elektrike e gjelbër si një potencial kyç rritjeje edhe për fazën e zgjerimit. Qendrat e të dhënave në Evropë janë një zëvendësim për ato në SHBA, të cilat vuajnë nga një pengesë në zhvillimin e qendrave të të dhënave dhe termocentraleve.

Fronti izraelit i biznesit

Izraeli dhe Shqipëria janë afruar ndjeshëm në dy vitet e fundit, veçanërisht pas një sulmi kibernetik iranian në Tiranë në vitin 2022, pas të cilit vendi filloi të përdorë teknologjitë izraelite të sigurisë kibernetike për të mbrojtur qeverinë dhe organizatat private.

Gjatë luftës, marrëdhëniet midis vendeve përjetuan një ngrohje tjetër të konsiderueshme dhe Shqipëria u dallua si një nga miqtë më të ngushtë të Izraelit në Evropë.

Kryeministri shqiptar Edi Rama vizitoi Izraelin në kulmin e luftimeve dhe në fjalimin e tij në OKB ai denoncoi Hamasin dhe mbajti gjilpërën e verdhë për lirimin e pengjeve. Një muaj pas nënshkrimit të marrëveshjes së armëpushimit në Gaza, Elbit Systems nënshkroi një kontratë për të furnizuar sisteme artilerie dhe dronë ushtrisë shqiptare.

Nga Roland Lami

Ideja e hedhur në media nga Partia Demokratike për një ngujim të mundshëm në çadrën e improvizuar para Kryeministrisë më 10 shkurt, si një formë radikalizimi e aksionit opozitar, nuk është një risi politike. Ajo është rikthim i një strategjie të konsumuar që politika shqiptare e ka testuar më parë pa sukses. Largimi nga institucionet dhe zëvendësimi i opozitarizmit parlamentar me protesta dhe ngujime në bulevard ka treguar jo një herë, por disa herë, se krijon më shumë zhurmë sesa qartësi politike. Për më tepër, shërben për të përmbushur llogaritë e liderit mbi interesin e partisë dhe zhvendos vëmendjen nga përballja ideore drejt improvizimit dhe tensionit politik.

Ironia është se kjo strategji është kritikuar dikur nga vetë ideatori i saj, Sali Berisha, por sot e përdor si mjet për të ringjallur aksionin opozitar dhe për të ushtruar presion mbi qeverinë në kërkim të një “qeverie teknike”. E më parë, kjo strategji është testuar në Partinë Socialiste në 2010, pas humbjes së zgjedhjeve të 2009. Çadra e PS shërbente për të larguar vëmendjen nga statuti që kërkonte dorëheqjen e liderit pasi kishte humbur zgjedhjet e 2009 dhe për të radikalizuar situatën brenda partisë, duke marginalizuar zërat kritikë si Ben Blushi. Kujtojmë slogani atëherë: “Hap kutitë ose largohu”.

Lulzim Basha, po ashtu, e testoi të njëjtin model në 2017 me çadrën e tij të famshme: bojkot parlamentar, presion nga rruga dhe sllogani “Qeveri teknike, zgjedhje me Ramën nuk ka”. Ky aksion nuk u perceptua si një strategji për ndryshim real politik, por si një mënyrë për të konsoliduar autoritetin e Bashës brenda PD-së pasi përceptohej si kukulla e Berishës dhe për të krijuar një ekip besnik që i nënshtrohej vetëm atij, jo më Berishës.

Në thelb, çadra nuk ka funksionuar si alternativë qeverisëse, por si strehë simbolike për një lider në krizë dhe për një opozitë që mbyll mendimin dhe kufizon kritikën ndaj udhëheqësit. Edhe sot, ideja e çadrës synon të përdoret për të njëjtat funksione, zëvendësimin e analizës që provokon Salijani dhe të tjerë me aksion radikal, programin dhe nevojën për trasformim me kauza të paqartë që mbajnë status quo me nevojën për zgjerimi mbështetësish pasi sondazhet tregojnë që PD nuk gëzon më mbështetjen e rreth 27 % e votuesve që e votuan me 11 maj 2025 me fokusimin te pjesa radikale e saj.

Si përfundim pasoja e aksioneve të tilla për fat të keq shtrihen përtej opozitës. Demokracia ecën me një këmbë, ndërsa opozita qëndron jashtë institucioneve duke pretenduar se ndryshimi vjen nga çadra, jo nga ligji. Çadra nuk ringjall shpresën institucionale as elektorale ajo ripërsërit një model të dështuar që i mungon sistemit partiak serioziteti, orientimi dhe strategjia për të fituar besimin e qytetarëve por fiton një gjë konsolidon lidërshpin aktual në opozitë dhe në qeveri.

Gjykata e Tiranës vleftësoi të ligjshëm arrestimin e Glorian Nezaj, Rezarto Rumi, Klevin Caushin dhe Ardian Caushin të dyshuar se merreshin me tregti armësh, duke i ekspozuar në platformat dixhitale.

Gjatë seancën me dyer të mbyllura prokurori Ridvan Suka i tha gjykatës se ra në gjurmët e të dyshuarve mbas disa komunikimeve në rrjetet sociale me një shtetas tjetër ku në një video tregoheshin 10 kallashnikovë.

Pasi i ka rënë në dorë kjo video prokurori regjistroi çështjen në qershor 2025, duke urdhëruar përgjime dhe vëzhgime të fshehtë që zgjatën disa muaj.

Kjo veprimtari kryhej në aplikacionin Signal tha prokurori.

Në 12 janar në funksion të hetimeve është urdhëruar blerja e parë e një pistolete, më pas në 19 janar është kryer blerja e një arme të dytë gjysmë automatike dhe më tej blerja e radhës ishte ajo e tre armëve, njëra prej tyre me silenciator.

Pas ndërhyrjes në objektin privat policia gjeti edhe jelekë antiplumb, dhe radiomarrëse me mbishkrimin Bondi.