Mesfushori i Barcelonës, Marc Casado, ka zbuluar se si e kuptoi humbjen e Real Madridit ndaj Benficës në Ligën e Kampionëve, që i detyroi gjigantët e kryeqytetit të luajnë në ‘play-off’, pas fitores së katalanasve 4-1 ndaj Copenhagen.

“Po dilja nga stadiumi kur ndeshja përfundoi, i lumtur që kishim bërë detyrën tonë. Është e vërtetë se ndërsa po bënim ushtrimet e ftohjes, dëgjohej njerëz që po festonin për një gol”, shpjegoi Casado.

“Kur përfundoi ndeshja, pashë nga tribunat, pashë një mik që ishte aty, dhe ai më tha: ‘4-2’, dhe tani ata (Real Madridi) duhet të luajnë play-off”.

“Po, duhet të luajnë edhe disa ndeshje ekstra, dhe mirë, në fund të fundit, kështu është. duhet të luash play-off, dy ndeshje ekstra, dy javë të mbushura me takime, dhe gjithmonë është më mirë ta shmangësh këtë”, ka deklaruar mesfushori spanjoll.

Pas kualifikimit në mesin e tetë më të mirave, Barcelona ka avancuar në fazën e 1/8 së finales në mënyrë automatike.

Në ndërkohë, fati ka bërë që Real Madridi të ndeshet sërish me Benfican në ‘play-off’, me një sistem vajtje-ardhje.

Lajm i mirë për ‘Los Blancos’ është fakti që ndeshjen kthyese ata do ta zhvillojnë në shtëpi, ku tashmë dihet efekti që ka ditur të ketë shpeshherë ‘Santiago Bernabeu’ në rezultatet e tyre./Telegrafi/

Tregu evropian i transferimeve është tronditur nga lëvizja e fundit e Arsenalit për të bërë një hap vendimtar cilësor në repartin ofensiv.

Klubi londinez ka vënë në shënjestër Julian Alvarez, sulmuesin argjentinas të nivelit elitar që aktualisht aktivizohet me Atletico Madridin.

Për ta realizuar këtë operacion të rëndësishëm, “Topçinjtë” janë të gatshëm të sakrifikojnë pjesë me vlerë si Gabriel Martinelli dhe Gabriel Jesus, në kuadër të një shkëmbimi strategjik.

Kjo formulë synon të ulë ndjeshëm shpenzimin financiar direkt për argjentinasin, një lojtar që ka tërhequr gjithashtu interesin e gjigantëve të tjerë si Chelsea dhe PSG.

Gabriel Martinelli shfaqet si elementi kryesor i negociatave në këtë projekt ambicioz që Mikel Arteta po përpiqet të ndërtojë për afatin kalimtar të verës së ardhshme.

Anësori brazilian, i vlerësuar rreth 45 milionë euro, është një profil që Atlético Madridi e ka monitoruar edhe më parë për skemën e tij.

Edhe pse Arsenali nuk ka një domosdoshmëri urgjente për t’u ndarë nga talenti 24-vjeçar, mundësia për të siguruar shërbimet e Alvarezit e justifikon plotësisht këtë lëvizje taktike.

Nga ana tjetër, përfshirja e Gabriel Jesus në bisedime sjell një dozë përvoje që mund të joshë drejtuesit sportivë të klubit madrilen.

Arsenali synon të përfitojë nga fakti që të dy sulmuesit brazilianë kanë qenë pranë largimit gjatë 18 muajve të fundit, për të finalizuar marrëveshjen.

Klubi londinez po planifikon një ristrukturim të thellë të repartit ofensiv në vitin 2026, duke i dhënë përparësi efikasitetit para portës që garanton ylli i Atleticos.

Alvarez përfaqëson profilin modern të sulmuesit që mund të luajë në disa pozicione të vijës së sulmit, duke mahnitur analistët dhe stafin teknik të ekipit anglez./Telegrafi/

Liverpooli po shqyrton mundësinë e transferimit të njërit prej mbrojtësve të krahut më të mirë në Evropë, sipas raportimeve nga Italia.

Arne Slot ka konfirmuar se Jeremie Frimpong do të mungojë për “disa javë”, pasi pësoi një dëmtim që në minutat e para të fitores së Liverpoolit ndaj Qarabag në Ligën e Kampionëve gjatë mesjavës.

Dëmtimi i Frimpongut, i cili iu bashkua Liverpoolit nga Bayer Leverkusen gjatë verës, do të thotë se “Të Kuqtë” nuk kanë asnjë mbrojtës të djathtë natyral në dispozicion për ndeshjen e së shtunës kundër Neëcastle.

Conor Bradley është përjashtuar për pjesën e mbetur të sezonit, ndërsa një tjetër alternativë në krahun e djathtë të mbrojtjes, Joe Gomez, do të mungojë këtë fundjavë pasi u detyrua të largohej nga fusha në ndeshjen kundër Bournemouth javën e kaluar.

Ka qenë një periudhë sfiduese për Slotin për shkak të mungesës së alternativave në repartin defensiv, por sipas gazetarit Gianluca Di Marzio, Liverpooli mund të ndërmarrë një lëvizje të vonshme për mbrojtësin e Interit, Denzel Dumfries.

Di Marzio sugjeron se Liverpooli ka “bërë pyetje” për reprezentuesin holandez pas dëmtimit të Frimpongut.

“Shumëçka do të varet nga koha përfundimtare e rikuperimit dhe, sigurisht, nga vendimi final i zikaltërve. Për këtë arsye, siç është raportuar, Interi ka shqyrtuar edhe emrin e Norton-Cuffy”, shton raporti.

Sipas Fabrizio Romano, Interi ndodhet në bisedime të avancuara për të transferuar Brooke Norton-Cuffy, ish-produkt i akademisë së Arsenalit, aktualisht pjesë e Genoas.

Përveç këtyre raportimeve, gazetari Nicolo Schira ka sugjeruar gjithashtu se janë zhvilluar bisedime mes Liverpoolit dhe përfaqësuesve të Dumfries për të “eksploruar kushtet” e një marrëveshjeje të mundshme, me Interin që kërkon 25 milionë euro.

29-vjeçari ka pasur një rol dytësor te Interi këtë sezon, pas një periudhe jashtë fushës për shkak dëmtimi, por aftësitë e tij mbeten të padiskutueshme./Telegrafi/

Skuadrat e përfshira në këtë edicion të Ligës së Kampionëve mund ta “rrëmbejnë” praktikisht avantazhin e fushës, nëse arrijnë të mposhtin një kundërshtar të renditur më lart, i cili gëzon avantazhin e ndeshjes së kthimit në fazat e mëvonshme të kompeticionit.

Arsenal, Bayern Munich, Liverpool, Tottenham, Barcelona, Chelsea, Sporting Lisbona dhe Manchester City janë kualifikuar drejtpërdrejt në fazën e 1/8-ave të finales, pasi e përfunduan fazën e ligës mes tetë vendeve të para.

Ndërkohë, skuadrat që u renditën nga vendi i nëntë deri në vendin e 24-t në fazën e ligës janë kualifikuar për shortin e “play-off”-it të fazës me eliminim direkt të Ligës së Kampionëve, i cili u hodh të premten në mëngjes në Zvicër.

Për ata që nuk janë në dijeni, pozicionet në fazën e ligës në këtë edicion kanë marrë shumë më tepër rëndësi, pasi UEFA ka ndryshuar rregullat e avantazhit të fushës, duke përcaktuar se skuadra e renditur më lart në fazën e ligës do të luajë gjithmonë ndeshjen e dytë në shtëpi.

Saktësisht kështu: Skuadrat që u renditën në vendin e parë dhe të dytë në fazën e ligës do t’i zhvillojnë të gjitha raundet me eliminim direkt duke luajtur ndeshjen e kthimit në shtëpi, ndërsa ekipet që u renditën në vendin e tretë dhe të katërt do ta kenë avantazhin e fushës në 1/8-at e finales dhe në çerekfinale.

Megjithatë, ky avantazh i fushës mund të “vidhet” në mënyrë efektive.

Siç theksohet në një raport të gazetës AS, nëse një skuadër e renditur më poshtë eliminon një kundërshtar të renditur më lart, ajo do ta trashëgojë atë pozicion të favorizuar për raundet pasuese, që do të thotë se përparimi në turne mund ta tejkalojë hierarkinë e fazës së ligës.

“Për shembull, nëse skuadra që u rendit e 16-ta eliminon ekipin që përfundoi i dyti në 1/8-at e finales, skuadra e renditur e 16-ta merr vendin e dytë të renditjes për pjesën e mbetur të turneut dhe fiton të drejtën për t’i luajtur ndeshjet e kthimit në shtëpi”, thuhej në raport.

Siç përcaktohet edhe në seksionin 19.04 të Rregullores së Ligës së Kampionëve të UEFA-s, skuadrat mund të trashëgojnë një pozicion të renditjes për raundet pasuese nëse eliminojnë një kundërshtar të renditur më lart./Telegrafi/

Interi po përgatit një ofertë të re për të transferuar sulmuesin e Al-Ittihad, Moussa Diaby, gjatë afatit kalimtar të dimrit sipas gazetarit Fabrice Hawkins.

Zikaltërit e kanë identifikuar ish-yllin e Aston Villës si një objektiv kryesor në këtë afat kalimtar. Ata tashmë kanë parë të refuzohet propozimi i tyre për huazim me opsion blerjeje në vlerë 35 milionë euro nga klubi arab.

Megjithatë, 26-vjeçari është i prirur të sigurojë një kalim në “San Siro”. Ai ka arritur një marrëveshje për kushtet personale me Interin për një kontratë me vlerë 4.5 milionë euro në sezon.

Al-Ittihad është i gatshëm të ndahet me Diaby vetëm në rast të një shitjeje përfundimtare ose nëse Interi përfshin një opsion blerjeje të detyrueshëm në marrëveshje.

Tottenhami ka pyetur për disponueshmërinë e francezit, por preferenca e tij për Interin u jep italianëve një avantazh të qartë.

Diaby ka qenë një figurë kyçe për Ittihad që nga bashkimi me ta në vitin 2024, duke regjistruar tetë gola dhe 27 asistime gjatë dy sezoneve të fundit.

Ai është një lojtar shumë i gjithanshëm, i aftë të luajë në të dy krahët e sulmit, dhe njihet për shpejtësinë e tij shpërthyese, driblimin dhe pasimet kreative.

Trajneri i Interit, Cristian Chivu, thuhet se e ka telefonuar personalisht Diabyn për t’i shpjeguar projektin e tij dhe për ta bindur të transferohet në “San Siro”.

Interi po tregohet shumë aktiv në tregun e transferimeve, duke punuar në disa marrëveshje përpara afatit përfundimtar të së hënës.

Zikaltërit kanë arritur marrëveshje për kushtet personale me mesfushorin e Liverpoolit, Curtis Jones, dhe janë në bisedime për të marrë dritën jeshile nga klubi anglez.

Ardhja e mesfushorit anglez mund të lehtësojë largimin e Davide Frattesit nga “San Siro”, me Nottingham Forest që po ushtron presion për të nënshkruar me reprezentuesin italian./Telegrafi/

Mikel Arteta i ka bërë një apel të fuqishëm Ligës Premier, duke u lutur drejtuesve që të rrisin numrin e lojtarëve të përfshirë në skuadrën e ditës së ndeshjes, me qëllim mbrojtjen e shëndetit mendor të futbollistëve.

Trajneri i Arsenalit beson se rregullat aktuale janë të vjetruara, duke pasur parasysh ngarkesën e madhe që përballojnë futbollistët modernë, dhe ka kërkuar reformë të menjëhershme për të shmangur zhgënjimin “e panevojshëm” të lënies së lojtarëve jashtë.

Aktualisht, klubet e Ligës Premier lejohen të kenë në stol nëntë zëvendësues, çka nënkupton një skuadër totale prej 20 lojtarësh për ditën e ndeshjes.

Në kontrast, rregullorja e Ligës së Kampionëve lejon deri në 12 zëvendësues në stol, duke u dhënë trajnerëve shumë më tepër fleksibilitet.

Arteta mendon se ky dallim është i pakuptimtë, duke pasur parasysh rritjen e numrit të lojtarëve të nevojshëm për të konkurruar në disa fronte njëkohësisht.

“Për momentin, dy ose tre lojtarë duhet të mbeten jashtë skuadrës. Kjo është realiteti. Nuk mund ta ndryshoj”.

“Këto janë rregullat, por shpresoj që Liga Premier sezonin e ardhshëm, në vend të 18 lojtarëve të fushës, të lejojë 20”.

“I lutem nga këtu, ashtu si në Ligën e Kampionëve, sepse është shumë më mirë për menaxhimin e skuadrës, për ruajtjen e vlerës së lojtarëve dhe për shëndetin e tyre mendor, sepse askush nuk dëshiron të mbetet jashtë skuadrës”.

“Çdo javë duhet t’i themi dikujt: ‘Nesër nuk e bën detyrën. Nuk je as i lejuar të udhëtosh me ekipin’. Më tregoni një punë tjetër ku ndodh kjo”.

“Unë nuk mund të shkoj nesër në kuzhinë dhe t’u them dy kuzhinierëve të tjerë: ‘Sot nuk gatuani, thjesht rrini dhe shikoni si gatuajnë të tjerët ose shkoni në shtëpi’. Është vërtet shumë e vështirë”, ka deklaruar Arteta./Telegrafi/

Skuadra e Atletico Madridit ka kaluar një proces të thellë ristrukturimi gjatë dy verave të fundit, dhe edhe kjo verë mund të sjellë ndryshime të mëtejshme.

Një nga shtyllat e ekipit gjatë aventurave të tyre në Ligën e Kampionëve dhe La Liga mund t’i japë lamtumirën klubit këtë verë.

Vitin e kaluar, Jose Maria Gimenez ishte një nga lojtarët për të cilët Atletico do të kishte konsideruar oferta, nëse do të mbërrinte propozimi i duhur për uruguaianin.

Thuhej se kishte interes nga Arabia Saudite, por asgjë konkrete nuk u materializua. Këtë verë, ai mund të tërheqë sërish vëmendje nga klube të tjera.

Sipas Diario AS, gjigantët e Serie A, AC Milan, janë të interesuar për të nënshkruar me Jose Maria Gimenez gjatë verës.

Thuhet se drejtori sportiv Igli Tare është admirues i tij dhe mendon se transferimi i një lojtari me përvojën e tij në nivelet më të larta, për çmimin që do të kushtonte, do të ishte një lëvizje e zgjuar.

Më tej raportohet se Milani ende nuk ka kontaktuar me përfaqësuesit e lojtarit dhe do ta bëjë këtë vetëm pasi të arrijë një marrëveshje me Atletico Madridin, por vlerësimi i tyre është se një marrëveshje mund të arrihet për më pak se 30 milionë euro. 31-vjeçari ka edhe dy vite të mbetura në kontratën e tij, duke filluar nga kjo verë.

Nëse do të largohej, Gimenez do ta bënte këtë vetëm pas Kupës së Botës, në korrik.

Pas 12 vitesh te Atletico, ai dëshiron gjithashtu të largohet në mënyrë korrekte dhe me marrëdhënie të mira me klubin. Si pasojë, nuk ka asnjë mundësi që një transferim të ndodhë gjatë afatit kalimtar të janarit.

Gjatë dy sezoneve të fundit, Atletico ka transferuar tre mbrojtës qendrorë dhe ka konvertuar Marc Pubill në qendërmbrojtës.

Mbi 65 milionë euro janë shpenzuar për David Hancko dhe Robin Le Normand, ndërsa Clement Lenglet u transferua si lojtar i lirë./Telegrafi/

Real Madrid pritet të nisë një epokë të re këtë verë, pasi parashikohet që një trajner i ri të emërohet për të zëvendësuar Alvaro Arbeloan.

Njëkohësisht, priten lëvizje të rëndësishme edhe në skuadrën e parë, si në hyrje ashtu edhe në dalje. Klubi madrilen planifikon transferimin e një qendërmbrojtësi dhe një mesfushori, por nuk përjashtohen as një ose dy shitje të mëdha.

Emra si Rodrygo Goes dhe Arda Guler vazhdojnë të lidhen me një transferim të mundshëm në Ligën Premier, ndërsa një tjetër lojtar që mund të përfundojë në Angli në fund të verës është Eduardo Camavinga.

Mesfushori francez, i cili gjatë muajve të fundit ka pasur vështirësi të sigurojë një vend të padiskutueshëm si titullar, është në radarët e Liverpoolit.

Sipas The Daily Briefing, bisedimet me përfaqësuesit e lojtarit kanë nisur tashmë për një transferim të mundshëm veror në ‘Anfield’, ku Camavinga pritet të ketë një rol më të rëndësishëm në skuadër.

Liverpool tentoi ta transferojë Camavinga edhe gjatë këtij muaji, por u refuzua kategorikisht nga Real Madridi. Shpresa e klubit anglez është që një marrëveshje të jetë më e realizueshme gjatë verës, me një shifër që varion nga 80 deri në 100 milionë euro.

Interesimi i Liverpoolit për Camavinga ka qenë i vazhdueshëm, dhe ata synojnë të përfitojnë nga rënia e rolit të tij në Madrid duke e joshur me një kalim në Merseyside.

Megjithatë, një marrëveshje nuk do të jetë e lehtë, pasi nuk ka garanci që lojtari dëshiron të largohet, duke qenë se ai ka shprehur më herët kënaqësinë e tij për jetën dhe karrierën në kryeqytetin spanjoll./Telegrafi/

Duke folur për Sky Sport pas shortit të Ligës së Kampionëve, drejtori i Juventusit, Giorgio Chiellini, ka komentuar përballjen e “playoff”-it ndaj Galatasarayt, e cila do të zhvillohet mes datave 17 dhe 24 shkurt.

“Është një skuadër e fortë, me individë të shkëlqyer, lojtarë vërtet shumë të mirë. Ndeshjen e dytë do ta luajmë në shtëpi, kështu që gjithçka nuk përfundon në Stamboll”.

“Por duhet të shkojmë në atë stadium dhe të luajmë lojën tonë, të nxjerrim në pah dobësitë e tyre që i kanë, por njëkohësisht të kufizojmë potencialin e madh dhe cilësinë individuale që ata kanë, jo vetëm në sulm”.

“Të gjithë e njohim mirë Victor Osimhenin, por ka edhe lojtarë të tjerë shumë të rëndësishëm”.

Duke folur konkretisht për Osimhenin, Chiellini shtoi me humor se sot nuk do arrinte ta markonte atë as dy minuta.

“Në një moment do të më kishte pëlqyer ta markoja, po, por sot nuk do të zgjasja as dy minuta. Kam qenë me fat që kam luajtur kundër tij disa herë gjatë karrierës sime, por ishte shumë vonë për mua, kështu që le të themi se parametrat e mi fizikë ishin të kufizuar ndaj një lojtari si Osimhen”.

“Por Galatasaray nuk është vetëm ai; ka shumë lojtarë të rëndësishëm. Kampionati turk po investon shumë dhe po afron profile të nivelit të lartë. Do të jetë një përballje dyshe shumë interesante”, përfundoi italiani.

Chiellini e mbylli deklaratën duke shprehur respekt për Galatasarayn, por edhe besim te rritja e Juventusit dhe ambicia e klubit për të shkuar përtej fazës së “playoff”-it këtë sezon./Telegrafi/

Arbër Zeneli mund të jetë një nga emrat shqiptarë që do të ndryshojë ambient gjatë afatit kalimtar dimëror. Sulmuesi i krahut është pranë largimit nga Elfsborgu, me një ofertë shumë joshëse që vjen nga kampionati elitar i Arabisë Saudite.

Sipas mediumit suedez Expressen, klubi i Al Taawoun ka paraqitur një ofertë serioze për 30-vjeçarin, e cila pritet të pranohet nga futbollisti.

Zeneli duket i gatshëm të mbyllë aventurën e tij në Suedi dhe të nisë një kapitull të ri në Lindjen e Mesme.

Ai u rikthye te Elfsborgu në mars të vitit 2024, pas një eksperience në futbollin turk me Adana Demirspor.

Më herët, ai kishte qenë pjesë e kampionatit francez, ku luajti për Reims. Megjithatë, vetëm dy vite pas kthimit në Suedi, sulmuesi i krahut pritet të largohet sërish.

Raportohet se bisedimet mes klubeve dhe përfaqësuesve të lojtarit janë aktualisht në zhvillim, ndërsa afati kalimtar dimëror në Arabinë Saudite mbyllet më 1 shkurt, çka e bën këtë lëvizje të mundshme në ditët në vijim.

Aktualisht, Al Taawoun renditet në vendin e pestë në kampionatin elitar saudit, vetëm pesë pikë larg Al Nassr, skuadrës së Cristiano Ronaldos, e cila mban pozitën e tretë në tabelë.

Ndërkohë, Elfsborgu ka pësuar edhe një tjetër largim gjatë këtij afati kalimtar. Besfort Zeneli, vëllai i vogël i Arbërit, është transferuar te Royale Union Saint-Gilloise në kampionatin belg për një shumë rreth 4 milionë euro.

Largimi i Arbër Zenelit do të shënonte një tjetër ndryshim të madh për Elfsborgun, ndërsa për futbollistin shqiptar do të ishte një hap i rëndësishëm drejt një sfide të re në karrierën e tij./Telegrafi/

Real Madrid ka vendosur të hedhë sytë drejt Bundesligës për të adresuar një dobësi specifike që stafi teknik ka identifikuar në mesfushë.

Kërkimi për një lojtar që të sjellë koherencë dhe rrjedhshmëri në mesfushë ka çuar bordin e 'Los Balncos' drejt Gjermanisë.

Emri i Aleksandar Pavlovic del si zgjidhja ideale për të lidhur linjat e një skuadre që mbushet me forcë fizike, por ka nevojë për më shumë kontroll dhe qetësi në lojë.

Florentino Perez, gjithmonë i vëmendshëm ndaj talenteve të reja që dominojnë skenën kontinental, sheh te ky i ri gjerman komplementin e përsosur për yjet aktualë të klubit.

Presidenti i klubit të bardhë e kupton se balanca midis forcës dhe teknikës është thelbësore për të ruajtur hegjemoninë në Europë.

Mesfushori i Bayern Munich është konsoliduar si një nga futbollistë më të mirë bavarez nën drejtimin e Vincent Kompany.

Në moshën 21-vjeçare, ylli gjerman ka treguar një pjekuri më shumë se sa mosha e tij, duke marrë role udhëheqëse si në klub ashtu edhe me kombëtaren.

Në Real Madrid, besojnë se ardhja e tij do të përmirësonte ndjeshëm performancën e lojtarëve me stil më fizik, si Fede Valverde apo Camavinga.

Aftësia e tij për të lexuar ritmin e lojës do t’i lejonte Jude Bellingham të avanconte më lirshëm në pozicione për të shënuar.

Kontrata e tij me gjigantin bavarez skadon në vitin 2029, duke vendosur vlerën e tij në treg afërsisht 80 milionë euro.

Pavarësisht kostos, entiteti madrilen e sheh këtë transferim si një investim afatgjatë për të siguruar një tranzicion në mesfushë./Telegrafi/

Sot (e premte) në Nyon të Zvicrës është hedhur shorti për fazën ‘play-off’ të Ligës së Kampionëve, ku gjigantët evropianë kanë mësuar tashmë kundërshtarët e tyre.

Befasia më e madhe e fazës së ligës në Ligën e Kampionëve, ishte fakti që Paris Saint-Germaini dhe Real Madridi nuk përfunduan në mesin e tetë skuadrave më të mira.

Tashmë siç dihet, ekipet e renditura nga 1 deri në pozitën 8 janë kualifikuar direkt në fazën e 1/8 së finales, ndërsa ekipet e renditura 9-24 do të luajnë në ‘play-off’ me ndeshjet që do zhvillohen me sistemin vajtje-ardhje.

Shorti vendosi përballë derbin francez mes Monaco dhe PSG-së, teksa duel interesant pritet të jetë edhe ai mes Galatasarayt dhe Juventusit.

Real Madridi do të përballet sërish me Benficën pas atij trileri të zhvilluar në Portugali, teksa Interi do luajë ndaj norvegjezëve të Bodo Glimt.

Shorti i plotë:

Bodo Glimt vs Inter

Benfica vs Real Madrid

Monaco vs Paris Saint-Germain

Galatasaray vs Juventus

Club Brugge vs Atletico Madrid

Borussia Dortmund vs Atalanta

Olympiacos vs Bayer Leverkusen

Qarabag vs Newcastle United

Ndeshjet e para luhen më 17 apo 18 shkurt, kurse ato kthyese më 24 apo 25 shkurt.

Vlen të theksohet se ekipet e renditura nga pozita 9-16 do të luajnë ndeshjen e parë si mysafir ndërsa atë të dytën si vendas./Telegrafi/

Kristjan Asllani është gati të kryejë një hap të rëndësishëm në karrierën e tij, teksa do të kalojë testet mjekësore te Besiktasi dhe më pas do të prezantohet te klubi i njohur turk.

Mesfushori shqiptar do të jetë shok skuadre me Milot Rashicën, duke shtuar përvojën dhe cilësinë në mesfushën e ekipit turk.

Asllani është aktualisht futbollist i Interit, por gjatë pjesës së parë të sezonit ishte i huazuar te Torino.

Te torinezët, mesfushori shqiptar nuk gjeti hapësirat e kërkuara dhe vendosi të largohej, duke hapur rrugën për transferimin në Turqi.

“Kristjan Asllani, futbollisti profesionist me të cilin kemi nisur negociatat e transferimit, ka arritur në Stamboll për t’i vazhduar bisedimet dhe për t’i kryer testet mjekësore”, ka shkruar Besiktas në rrjetet sociale.

Transferimi i Asllanit te Besiktasi pritet të përforcojë mesfushën e skuadrës dhe të sjellë më shumë opsione për gjigantin turk në gjysmën e dytë të sezonit./Telegrafi/

Fitimet kapitale prej miliona dollarësh janë rezultat i dy shpirtrave shumë të ndryshëm: sekretet e një klubi që ka vendosur një shembull në të gjithë Evropën.

Në peizazhin modern të futbollit evropian, pak klube përfaqësojnë një model të vëzhgimit aq inovativ dhe të qëndrueshëm sa Midtjylland .

Një klub danez pa prestigjin historik të fuqive të mëdha kontinentale, Midtjylland ka arritur të ndërtojë sukses sportiv dhe qëndrueshmëri financiare falë një vizioni të qartë: gjetjen e vlerës aty ku të tjerët nuk shikojnë , duke kombinuar vëzhgimin tradicional, analizën e të dhënave dhe zhvillimin e synuar të lojtarëve.

Pika e kthesës erdhi në vitin 2014 me mbërritjen e Mattheë Benham , një sipërmarrës anglez dhe pionier i analizës statistikore të aplikuar në sport. Benham solli me vete një filozofi të testuar me sukses në botën e basteve dhe më pas në Brentford (një zbulim në Ligën Premier): përdorimi i të dhënave jo për të zëvendësuar lojtarin, por për të zvogëluar gabimet në vendimmarrje.

Midtjylland është bërë kështu një nga klubet e para evropiane që integron sistematikisht metrika të përparuara të performancës, modele parashikuese të rritjes dhe vlerësime financiare që lidhen me moshën dhe tregtueshmërinë.

Nuk bëhet fjalë për blerjen e lojtarëve "të gatshëm", por për profile të nënvlerësuara me tendenca të matshme rritjeje . Forca e Midtjylland sot qëndron në një strukturë të përzier vëzhgimi , e aftë të kombinojë stabilitetin e brendshëm dhe hapjen ndërkombëtare.

Kjo është e ndarë në dy fusha specifike. Një sistem i degëzuar i vëzhgimit: Së pari, klubi ka një ekip të brendshëm vëzhgimi të kryesuar nga kryetari i vëzhgimit/drejtori i rekrutimit, përgjegjës për të gjithë procesin e vendimmarrjes.

Pas tij janë vëzhgues profesionistë dhe menaxherë të sektorit të të rinjve , të ndjekur nga analistë të të dhënave dhe vëzhgues video , të cilët filtrojnë mijëra profile përmes të dhënave në përputhje me filozofinë taktike dhe atletike të klubit.

Gjithashtu thelbësore për projektin është akademia , e themeluar në vitin 2004 dhe e frymëzuar nga modelet franceze si ajo e Nantes. Midtjylland ka krijuar një rrjet klubesh të lidhura , duke përfshirë partneritetin historik me FC Ebedei në Nigeri , i cili i ka lejuar ata të tërheqin dhe zhvillojnë talente ndërkombëtare që në moshë shumë të re. Simon Kjaer (i cili tani është pjesë e menaxhmentit) kaloi këtu , ashtu si shumë lojtarë të tjerë që vazhduan të vendosen në ligat kryesore evropiane.

Suksesi i vërtetë i vëzhgimit të Midtjylland matet në numra dhe operacionet e tregut të transferimeve. Evander, Onyeka, Cajuste, Isaksen dhe Sorloth janë lojtarë të blerë për një total prej më pak se 4 milionë eurosh, por të shitur për një total prej gati 60 milionë eurosh.

Ky model jo vetëm që ka prodhuar fitime, por edhe rezultate të prekshme sportive: katër tituj të superligës daneze, dy kupa daneze, pjesëmarrje të vazhdueshme në garat evropiane dhe zhvillim të vazhdueshëm të skuadrës.

Metoda Midtjylland ka frymëzuar gjithashtu klube si Brighton, Union Saint-Gilloise dhe disa klube të Bundesligës dhe Ligue 1, duke u bërë një pikë referimi për futbollin modern të bazuar në të dhëna.

Pedja Mijatovic, lojtar i Real Madridit nga viti 1996 deri në vitin 1999 dhe drejtor sportiv i ‘Los Blancos’ nga viti 2006 deri në vitin 2009, foli në programin 'El Larguero' rreth mendimeve të tij për Madridin e Arbeloas pas humbjes së tyre 4-2 kundër Benficës në Ligën e Kampionëve .

“Isha i trishtuar, por mbi të gjitha, mjaft i shqetësuar. Real Madridi nuk më la me një ndjesi të mirë.

Pedja Mijatovic foli rreth "fantazmave të vjetra" që e përndjekin Real Madridin,

"A janë rishfaqur fantazmat e vjetra, ato që e përndiqnin Xabi Alonson dhe Ancelottin vitin e kaluar? Po, vitin e kaluar ata nuk fituan asgjë dhe ranë në një model 'do ta rregullojmë', 'është e përkohshme', 'nuk është asgjë', 'do të përmirësohemi'”.

“Dhe kjo është shumë e rrezikshme në futboll. Nuk mund të përmirësohesh kurdo që të duash, në mënyrë që rezultatet, atmosfera e mirë dhe ritmi të vijnë”.

"Mendoj se Real Madridi, jo vetëm tani, por që nga viti i kaluar, ka rënë në mendësinë 'nuk është ndonjë gjë e madhe, kemi fituar kaq shumë Liga Kampionësh...', dhe në futboll, dhe veçanërisht te Real Madridi, ndodhin gjithmonë shumë gjëra. Gjithmonë duhet të japësh gjithnjë e më shumë".

Mijatovic beson se mungesa e një lideri në fushë dhe në dhomën e zhveshjes po e pengon Real Madridin aktual.

“Mbappe është një futbollist i shkëlqyer, por nuk është një lider. Mendoj se Real Madridit i mungon një lider, jo një lojtar që bën diferencën”.

“Nuk shoh një lider që thotë, 'Çfarë dreqin po bëjmë?' Një Sergio Ramos, Modric, Benzema, Fernando Hierro, Raul... Një lider mbi të cilin fokusohet kamera", argumentoi ai.

"Në gjeneratën time, Fernando Hierro ishte lideri dhe kur Fernando thoshte diçka, duhej ta bëje sido që të ishte”.

“Lojtarët po sillen sikur janë më të mirët në botë, sikur nuk ka asgjë të keqe. Është lodhje, vetëkënaqësi, nuk e shoh shkëndijën, nuk shoh asgjë”, ka deklaruar ai./Telegrafi/

Drejtori sportiv i Barcelonës, Deco, ka shpjeguar se ngjashmëria e stilit të lojës së talentit të Chelseat, Esteavo, me atë të Lamine Yamal, ishte arsyeja kryesore pse gjigantët katalanas refuzuan mundësinë për të nënshkruar me anësorin brazilian, kur ai ishte pjesë e Palmeiras.

“Ka disa arsye. Së pari, në këtë fazë të ndërtimit të skuadrës, ne kemi një lojtar për të njëjtin pozicion, me karakteristika të ngjashme, që quhet Lamine Yamal. Kjo është e qartë”.

“Ndoshta nëse Estevao do të ishte një lojtar me këmbë të djathtë që luante në krahun tjetër, zgjidhja do të ekzistonte, por nuk ishte kështu”.

“Ai është një lojtar shumë i ngjashëm me Laminën, megjithëse me disa karakteristika të ndryshme”.

“Lamine dhe ai janë dy lojtarë të shkëlqyer, por në atë moment, kjo nuk ishte zgjedhja e duhur”.

“Nuk kishte të bënte me cilësinë, por me nevojat që Barcelona kishte për përforcime në atë kohë”, ka deklaruar Deco.

Problemet financiare të Barcelonës gjithashtu e penguan klubin të nënshkruante me Estevaon, pavarësisht ëndrrës së talentit brazilian për t’u transferuar në “Camp Nou”./Telegrafi/

Në një bisedë ekskluzive për podcastin e Sofascore të quajtur “A Guest and a Half”, e moderuar nga Isabela Pagliari, Raphinha foli hapur për dy temat kryesore që kanë përcaktuar vitin e tij: debatin rreth Topit të Artë dhe përgatitjen për Kupën e Botës që po vjen me Brazilin.

Sulmuesi i Barcelonës ndau gjithashtu mendimin e tij për bashkëpunimin me Carlo Ancelottin, evolucionin e tij si lojtar dhe arsyen pse nuk ka plane të bëhet trajner pas përfundimit të karrierës.

“Do ta vendosja veten të parin” – Raphinha për Topin e Artë

Raphinha nuk e fshehu zhgënjimin e tij me çmimin. Pas një prej sezoneve më të forta të karrierës së tij, ai priste të ishte mes finalistëve.

“U mërzita. Prisja të isha të paktën në tre vendet e para”, tha ai.

I pyetur se ku do ta rendiste veten, ai ishte edhe më i drejtpërdrejtë: “Do ta vendosja veten të parin. Një çmim individual nuk mund të bazohet vetëm në një kompeticion. Për titujt që fitova, shifrat që arrita dhe gjithçka që kontribuova, mendoj se e meritoja ta fitoja”.

Raphinha në një intervistë ekskluzive me Sofascore

Ai gjithsesi vlerësoi sezonin e kandidatëve të tjerë, duke theksuar se Dembele dhe Lamine Yamal “patën sezone spektakolare”.

Pavarësisht rezultatit të Topit të Artë, paraqitjet e Raphinhas u vlerësuan përmes të dhënave objektive. Falë qëndrueshmërisë gjatë gjithë sezonit, ai fitoi dy trofe - “Lojtari më i mirë i sezonit nga Sofascore”, çmime të bazuara vetëm në performancë dhe vlerësime, jo në vota popullariteti. Ai u shpall Lojtari më i Mirë i La Ligas (Me një notë vlerësimi 7.80 nga Sofascore) dhe Lojtari më i Mirë i Ligës së Kampionëve (Me një notë vlerësimi 8.24 nga Sofascore).

Një Kupë e dytë Bote dhe përgjegjësia e veshjes së fanellës së Brazilit

Raphinha e përshkroi rrugëtimin drejt një tjetër Kupe Bote si intensiv dhe surreal: “Para thirrjes sime të parë, nuk e kisha imagjinuar kurrë se do të vishja fanellën e kombëtares. Arritja në një Kupë të dytë Bote kërkon katër vite qëndrueshmërie absurde”, shpjegoi ai.

Lëndimet mbeten një shqetësim, jo për shkak të frikës, por për shkak të paparashikueshmërisë së tyre: “Ka disa gjëra që nuk mund t’i kontrollosh. Ajo që mund të kontrollosh është rikuperimi, stërvitja e mirë dhe përgatitja fizike dhe mendore”.

Raphinha me çmimin e fituar nga Sofascore

Ai komentoi gjithashtu grupin e Brazilit me Marokun, Haitin dhe Skocinë, duke kërkuar respekt për çdo kundërshtar: “Njerëzit mendojnë se futbolli sot është si 15 vite më parë. Nuk është. Çdo skuadër meriton respekt. Nëse mendojmë se mjafton të hyjmë në fushë dhe të fitojmë për shkak të fanellës… nuk do t’ia dalim”.

Puna me Ancelottin dhe rilidhja me kombëtaren

Raphinha foli me superlativa për ndikimin e Carlo Ancelottit që nga marrja e drejtimit të Kombëtares: “Më befasoi shumë. Mënyra se si punon, mënyra se si qëndron pranë lojtarëve, bën një ndryshim të madh. Pas ardhjes së tij, filluam të rilidhemi sërish”.

Sulmuesi beson se Brazili ka ende hapësirë për përmirësim dhe e sheh Ancelottin si një pjesë kyçe të këtij evolucioni.

Një identitet i ri i Barçës dhe ndikimi i Flick

Tashmë një nga kapitenët e Barcelonës, Raphinha theksoi rëndësinë e Hansi Flick në rritjen e tij dhe në ringritjen e ekipit: “Flick ishte ai që praktikisht më bëri të kisha sezonin më të mirë të karrierës sime. Ai më dha besim kur mendoj se askush tjetër nuk e bëri – as vetë unë”.

Ai iu referua edhe momentit të kapur nga kamerat, ku u pa duke e ngushëlluar Flick në vijën anësore: “Është një marrëdhënie natyrale. Me kalimin e kohës ndërtuam besim dhe liri për të folur për gjithçka”.

Duke reflektuar mbi sezonin e kaluar, ku Barça fitoi të gjithë titujt vendas, ai shtoi: “Ishte një sezon ekselence. Na mungoi diçka në Ligën e Kampionëve, por niveli ishte i jashtëzakonshëm”.

Planet për të ardhmen dhe jo trajner

I pyetur për jetën pas futbollit, Raphinha ishte i prerë: “Trajner? Jo, asnjëherë. Jeta e trajnerit është shumë e lodhshme. Vjen para të gjithëve, largohesh pas të gjithëve dhe praktikisht jeton në hotele. Nuk është e drejtë për familjen”.

Ai mbetet i hapur për role të tjera në futboll, por thotë se të bëhesh trajner do të ishte “opsioni i fundit”.

Vetëreflektim dhe mentalitet

Raphinha e vlerësoi veten edhe në atributet e futbollit të Sofascore, duke treguar kërkesën e lartë ndaj vetes dhe dëshirën për përmirësim.

Ai nuk hezitoi të pranojë mangësitë e tij: “Jam shumë vetëkritik. Ndonjëherë relaksohem në momente kur nuk duhet. Sot e shoh veten më shumë si një organizator loje, dikë që mendon shpejt dhe pozicionohet mirë.”

I pyetur për ambiciet e tij për vitin 2026, ai ishte i qartë: “Të fitoj Kupën e Botës.”

Për Raphinhan, gjithçka tjetër – titujt me klubin, paraqitjet, puna e përditshme, shërben për këtë qëllim. Ky është qendra e planeve të tij dhe standardi që ai i vendos vetes për vitet në vijim./Telegrafi/

- YouTube www.youtube.com

Një nga trajnerët më të mirë të futbollit të të gjitha kohërave, Pep Guardiola, i bëri edhe një herë homazh popullit të Palestinës.

Guardiola i vuri një veshje palestineze rreth qafës dhe shprehu mbështetjen e tij për fëmijët palestinezë.

Ishte një koncert bamirësie nga Act x Palestina dhe Pep mbështeti fëmijët në Palestinë që humbën prindërit e tyre pas sulmeve nga ushtria izraelite.

"Mirëmbrëma, paqja qoftë mbi ju. Mendoj atë që mendojmë të gjithë kur shoh një fëmijë në këto dy vjet me këto fotografi në rrjetet sociale, në televizion, duke u filmuar, duke u lutur 'ku është nëna ime?' midis rrënojave, dhe ai ende nuk e di”, tha ai në skenë.

"Dhe unë gjithmonë mendoj: pse duhet të mendojnë ata? Dhe mendoj se i lamë të qetë, të braktisur", shtoi Guardiola.

Ai denoncoi ashpër fuqitë më të mëdha të botës.

"Të fuqishmit janë frikacakë sepse dërgojnë njerëz të pafajshëm për të vrarë njerëz të pafajshëm. Ndërsa ata janë në shtëpi me ngrohje kur është ftohtë dhe ajër të kondicionuar kur është vapë", shtoi Pep në një fjalim emocional.

"E gjithë kjo ka të bëjë thjesht me njerëzimin. E cila është e gjitha që po ndodh në Palestinë", tha ai, i shoqëruar nga duartrokitjet në këmbë nga publiku pas fjalimit të tij tre-minutësh.

Guardiola shpesh i shprehte publikisht pikëpamjet e tij politike dhe mbështeste palestinezët në luftën kundër terrorit izraelit.

Ai u gjobit me 20,000 euro nga FA në vitin 2018 pasi mbante një shirit të verdhë në krah në mbështetje të udhëheqësve të burgosur katalanas pro-pavarësisë.

Mbrëmë në Palau Sant Jordi në Barcelonë, u mbajt një koncert-manifest i madh Act x Palestina, si ngjarja e fundit e fushatës ndërkombëtare të solidaritetit me Palestinën, ku më shumë se 30 artistë nga zhanre të ndryshme performuan për të mbledhur fonde dhe për të rritur ndërgjegjësimin rreth situatës humanitare në Gaza dhe territoret e pushtuara./Telegrafi/

Luis Enrique ka qenë një zbulim i vërtetë te Paris Saint-Germain dhe ish-trajneri i Barcelonës tashmë është pranë zgjatjes së qëndrimit të tij te kampionët aktualë të Europës.

55-vjeçari u emërua trajner i PSG-së në verën e vitit 2023 dhe, në më pak se dy vite, i siguroi klubit francez titullin e parë në histori të Ligës së Kampionëve.

Edhe pse këtë sezon nuk kanë qenë aq dominues, ai ende gëzon një kredit të madh besimi, i cili pritet t’i shpërblehet së shpejti me një kontratë të re.

Sipas Sport, Luis Enrique, i cili ishte një nga figurat kryesore pas përpjekjeve të PSG-së për të transferuar Dro Fernandez nga Barcelona, ndodhet në fazat përfundimtare të arritjes së një marrëveshjeje për zgjatjen e kontratës me tre vite.

Kontrata aktuale e tij është e vlefshme deri në vitin 2027, ndërsa marrëveshja e re do ta mbajë atë në “Parc des Princes” deri në fund të sezonit 2029-2030.

Kohëzgjatja e kontratës së Luis Enrique do të përkojë me atë të drejtorit sportiv, Luis Campos, i cili gjithashtu është i lidhur me klubin deri në vitin 2030.

Dyshja ka bashkëpunuar me sukses gjatë 2.5 viteve të tyre në Paris dhe plani është që partneriteti të vazhdojë për aq kohë sa të jetë e nevojshme.

Si pjesë e kontratës së re, Luis Enrique do të ketë një klauzolë largimi.

Kjo do t’i lejojë atij të përfundojë aventurën e tij te PSG në momentin që ai e konsideron të nevojshëm, qoftë në vitin 2030 apo edhe më herët.

Duke marrë parasysh gjithçka që ka arritur në klub që nga ardhja e tij, çdo vendim mbi të ardhmen e tij do të jetë plotësisht në dorën e tij./Telegrafi/

Gjatë javëve të fundit, një numër lojtarësh janë larguar nga Barcelona ose janë në proces largimi nga klubi katalanas.

Emra si Dro Fernandez, Andres Cuenca dhe Mamadou Mbacke bëjnë pjesë në këtë kategori, dhe së shpejti atyre mund t’u bashkohet edhe Guille Fernandez.

Ky sezon ka qenë zhgënjyes për 17-vjeçarin, i cili nuk ka arritur të depërtojë në ekipin e parë.

Ai vlerësohet shumë brenda La Masias, por pavarësisht kësaj, ka qenë i angazhuar vetëm me Barça Atletic, si edhe me ekipin U19 në UEFA Youth League.

Thuhet se Guille është i pakënaqur me situatën e tij në Kataloni, gjë që ka tërhequr interes në afatin kalimtar.

Klubi më i interesuar për ta transferuar është Newcastle United, me Sport që raporton se skuadra e Ligës Premier ka bërë disa tentativa për tramsferimin e tij.

Bisedime kanë zhvilluar tashmë mes Newcastle dhe Barcelonës, dy skuadra që u përballën më herët gjatë sezonit në Ligën e Kampionëve.

Klubi anglez synon ta shtojë Guille në listën e tij të talenteve të rinj premtues, ku përfshihet edhe ish-ylli i Malagës, Antonio Cordero, aktualisht i huazuar te skuadra e kategorisë së dytë, Cadiz.

Barcelona kishte marrë oferta për Guille edhe verën e kaluar, por atëherë nuk u arrit asnjë marrëveshje.

E njëjta gjë pritet të ndodhë edhe këtë herë, pasi raporti thekson se katalanasit kanë bllokuar çdo qasje nga Neëcastle apo nga ndonjë klub tjetër.

Ata e shohin atë si një lojtar me potencial për ekipin e parë, edhe pse aktualisht nuk është në planet e menjëhershme./Telegrafi/