Ish-futbollisti i njohur kosovar, Mensur Duraku, njohës i futbollit vendor, vlerëson se katër-pesë ekipe janë pretendentë kryesorë për inkuadrim në Superligën e Kosovës, ndërsa sfidat për mbijetesë po tregohen po aq të ashpra.

Sezoni aktual i Ligës së Parë po rezulton të jetë jashtëzakonisht konkurrues, si në luftën për titull, ashtu edhe për mbijetesë.

Ish-futbollisti i Besës së Pejës dhe njohës i mirë i futbollit ka theksuar se gara pritet të mbetet e hapur deri në fund të kampionatit, duke e bërë këtë sezon më interesant se kurrë.

“E shoh një luftë të madhe për inkuadrimin në Superligë. I shoh katër-pesë ekipe, pa dyshim. Po ashtu, është luftë e njëjtë edhe për mbijetesë”, ka thënë fillimisht Duraku për Telegrafin.

“Së fundmi e shikova lojën e parë të sezonit të Besës, e kishte bërë një ekip të mirë, e mposhti një favorit kryesor siç është Feronikeli dhe mendoj që ka me qenë një kampionat interesant”.

Duraku gjithashtu theksoi rivalitetin mes disa ekipeve të forta.

“Trepça ’89, Feronikeli dhe Liria janë konkurrent të fortë, por unë e shoh konkurrentin më të madh Vushtrrinë. Vushtrrinë e shoh konkurrent numër një, pastaj vijnë Feronikeli, Trepça ‘89 dhe Dinamo, e cila ka bërë ekip të mirë shumë. Është një luftë e paparë”.

“Është Vushtrria është Dinamo, Vëllaznimi ka organizim të mirë tash edhe Liria me prurjen e Ismetit. Ka me qenë një luftë. E më e përgatitur mendoj, nuk e di si është puna nga financat, por kështu me shikues prej të gjitha qyteteve që kam qenë, Vushtrria edhe Vëllaznimi, por më ka lënë përshtypje edhe Dinamo”.

Pejani nënvizoi se përvoja dhe cilësia e lojtarëve do të vendosin kampionin e këtij sezoni.

“Mendoj edhe përvoja, Vushtrria ka përvojë, Vëllaznimi, Liria e këto, nuk di tash sa mundet me pas përvojën e tyre Dinamo. Këto ekipet janë pak ma të vogla, Vushtrria ka përvojë të madhe, e shoh Vushtrrinë, Lirinë, Vëllaznimin, Trepçën 89”, potencoi ish-sulmuesi.

Sa i përket sfidës për mbijetesë, Duraku e sheh situatën të vështirë për Besën e Pejës.

“Klubin tim të zemrës me thënë, e ka shume vështirë po Besa u mundu me u organizu shumë, ata veç se po ju rrinë gati me paga me krejt po ky është sezoni i parë dhe nuk i kanë qel fort sytë po tash mendoj qe është pak vonë po si do qe të jetë mirë duke e mposht Feronikelin këtu ka diçka”.

“E ka orarin shumë të keq. Krejt ekipet qe janë për me ra prej ligës Besa ju shkon e këto që janë për me hy në ligë ju vinë, e ka një situatë të kundërt krejtësisht, por kam qejf dhe lutem që Besa të mbetet në ligë”.

“Është një konkurrencë shumë e madhe, është Besa, 2 Korriku, Prizreni, krejt këto që janë në ligë janë në luftë. E Liga e Parë kurrë më interesant nuk ka qenë”.

Ai përfundon me një mesazh optimist për tifozët e futbollit vendor.

“Askush nuk e ka të sigurt mbijetesën dhe askush nuk e ka inkuadrimin ne Superligë. Kjo e bënë kampionatin shumë më interesant dhe deri në fund nuk do të dihet se kush bie edhe kush inkuadrohet në Superligë. Kjo e bënë kampionatin shumë më interesant”, përfundoi ish-ylli pejan. /Telegrafi/

E ardhmja e Dani Carvajal te Real Madridi po hyn në një fazë vendimtare.

Mbrojtësi i djathtë veteran po i afrohet fundit të kontratës pa sinjale të qarta rinovimi, ndërsa ndjesia e lodhjes sportive dhe mungesa e protagonizmit kanë ngritur pikëpyetje serioze mbi vazhdimin e tij në “Santiago Bernabeu”.

Edhe pse është rikuperuar nga dëmtimi, minutat në dispozicion kanë qenë minimale, duke shtuar spekulimet për një largim të mundshëm në verë.

Situata aktuale sportive nuk është aspak e favorshme për Carvajal.

Nën drejtimin e Alvaro Arbeloas, lojtari nuk ka gjetur hapësirën që pret, një realitet që ka krijuar pakënaqësi të dukshme.

Ai e kupton konkurrencën dhe procesin e rinovimit të skuadrës, por e konsideron të padrejtë rolin dytësor, duke pasur parasysh përvojën dhe kontributin e tij ndër vite.

Në mungesë të një ndryshimi, gjithnjë e më shumë po përforcohet ideja e një ndarjeje.

Në këtë kontekst, drejtuesit e Real Madridit kanë nisur të eksplorojnë tregun për një zëvendësues të denjë në krahun e djathtë të mbrojtjes.

Klubi po analizon disa profile me karakteristika të ndryshme, duke kombinuar përvojën me potencialin për rritje.

Një nga emrat më të përfolur është Pedro Porro, aktualisht te Tottenham, një mbrojtës modern me prirje të forta sulmuese dhe eksperiencë në nivele të larta.

Një alternativë tjetër është Wesley França, talent 22-vjeçar i Romës, i cili shihet si një investim për të ardhmen.

Profili i tij ka marrë vlerësime pozitive edhe nga lojtarë brazilianë brenda dhomës së zhveshjes së Madridit, të cilët besojnë në zhvillimin e tij afatmesëm.

Krahas tij, në skenë ka hyrë edhe Konrad Laimer, lojtar i Bayern Munich, i njohur për polivalencën dhe disiplinën taktike.

Laimer konsiderohet një opsion strategjik, pasi mund të luajë si mbrojtës i djathtë ashtu edhe në mesfushë.

Negociatat e vështira për rinovimin e kontratës me Bayernin mund të hapin derën për një transferim, ndërsa Real Madridi po monitoron nga afër situatën.

Ndërkohë, e ardhmja e Dani Carvajal mbetet e paqartë, me gjithçka që tregon se vera e ardhshme mund të shënojë një ndryshim cikli në krahun e djathtë të mbrojtjes madrilene. /Telegrafi/

Dy lojtarë të Real Madridit nuk hyjnë në planet e Jurgen Klopp, i cili shihet si një nga alternativat kryesore për stolin madrilen pas përfundimit të sezonit.

Alvaro Arbeloa pritet të vazhdojë si trajner deri në verë, pas largimit të Xabi Alonsos, por e ardhmja e tij afatgjatë mbetet e pasigurt, pasi drejtuesit e klubit po shqyrtojnë opsione më të forta për të hapur një cikël të ri.

Edhe pse Arbeloa ka arritur të stabilizojë ekipin në një moment delikat dhe vlerësohet për menaxhimin dhe angazhimin e tij, kjo nuk garanton vazhdimësinë për sezonin 2026/27.

Brenda klubit ekziston bindja se vera e ardhshme do të jetë vendimtare dhe se Real Madridi ka nevojë për një trajner me përvojë të madhe ndërkombëtare për të udhëhequr projektin e ri sportiv.

Në këtë kontekst, emri i Jurgen Kloppit ka fituar shumë peshë, trajneri gjerman, i cili është larguar nga stolet pas përfundimit të aventurës së tij te Liverpooli, do të ishte i hapur për një rikthim në elitë nëse projekti sportiv është ambicioz dhe i qartë.

Megjithatë, ai nuk do ta pranonte postin pa pasur kontroll të plotë sportiv dhe pa bërë ndryshime të thella në përbërjen e skuadrës.

Sipas kësaj vizioni, dy lojtarë aktualë të Real Madridit nuk e bindin Kloppin, i pari është Jude Bellingham, i cili pas një fillimi shumë të fortë ka shfaqur rënie të ndjeshme në formë dhe ndikim në lojë.

Trajneri gjerman vlerëson talentin e tij, por beson se roli qendror që ka aktualisht nuk përputhet me performancat e fundit dhe kërkesat e modelit të tij të lojës.

Emri i dytë është Eduardo Camavinga, mesfushori francez ka kaluar muaj të vështirë, me mungesë vazhdimësie dhe paqartësi taktike.

Klopp konsideron se profili i tij nuk ofron stabilitetin dhe besueshmërinë që ai kërkon.

Këto dy largime shihen si kushte kyçe për ardhjen e gjermanit në ‘Santiago Bernabeu’, një skenar që po diskutohet gjithnjë e më seriozisht në prapaskenat e klubit. /Telegrafi/

Lionel Messi po shijon sezonin e fundit me Inter Miami, duke i dhënë fund një karriere të shkëlqyer, por ai vazhdon të ndjekë me kujdes gjithçka që ndodh në Barcelonë.

Ylli argjentinas ka lënë të kuptohet se mund të rikthehet në klubin e zemrës, por jo si lojtar.

Para zgjedhjeve presidenciale të Barcelonës, më 15 mars, presidenti aktual Joan Laporta dha dorëheqjen për t’u rikandiduar.

Këto zgjedhje janë shumë të rëndësishme, sidomos për të ardhmen e Messit.

Në nëntor, ai vizitoi në mënyrë surprizë stadiumin ‘Camp Nou’, duke treguar se dëshiron të rikthehet në klub, jo thjesht për një lamtumirë.

Edhe pse jeton në Miami që nga viti 2023, Messi ndjek me vëmendje lajmet për Barcelonën.

Figura e tij është shumë e rëndësishme për kandidatët, sepse mund të tërheqë vota.

Sipas gazetës Sport, Messi nuk ka takuar asnjë kandidat dhe nuk ka ndërhyrë në zgjedhje, madje as me Laportan, me të cilin marrëdhënia ka qenë e tensionuar.

Messi nuk do të votojë këtë herë, pasi është i angazhuar me një ndeshje të MLS dhe dëshiron të qëndrojë larg polemikave.

Ai mund të përfshihet në të ardhmen, por për momentin nuk ka plane.

Zgjedhjet e ardhshme mund t’i japin mundësinë të marrë pjesë ose të mbështesë një kandidaturë.

Pas përfundimit të kontratës me Inter Miamin, Messi planifikon të kthehet në Barcelonë dhe mund të marrë një rol në menaxhimin e klubit, por vetëm me një president të besuar.

Ndërkohë, Messi vazhdon të shkëlqejë në Shtetet e Bashkuara dhe po përgatitet për sezonin e ri.

Emri i tij mbetet i rëndësishëm për fushatat e zgjedhjeve të klubit, por tani fokusi i tij kryesor është Inter Miami. /Telegrafi/

Sezoni 2025/26 po hyn në një fazë vendimtare dhe kampionatet kryesore evropiane po ofrojnë një nivel të lartë spektakli.

Paralelisht me intensitetin e garës për tituj dhe objektiva sezonal, vëmendja mbetet e përqendruar edhe te sulmuesit që po bëjnë diferencën para porte.

Golashënuesit më të spikatur të kontinentit po konfirmojnë vazhdimësinë e tyre, duke shfaqur efikasitet, qëndrueshmëri dhe instinkt të pastër realizimi.

Bëhet fjalë për emra të njohur të futbollit evropian, por edhe për disa protagoniste që po shfrytëzojnë maksimalisht momentin e tyre sportiv.

Në krye të renditjes qëndron Harry Kane, i cili po udhëheq sulmin e Bayern Mynihut me autoritet dhe qetësi para portës, duke regjistruar 24 gola në vetëm 21 paraqitje.

Pas tij, Erling Haaland vazhdon të jetë pikë referimi për Manchester Cityn, duke ruajtur reputacionin e një prej sulmuesve më vdekjeprurës në qarkullim.

Formë të shkëlqyer po tregon edhe Kylian Mbappe, i cili po justifikon pritshmëritë me fanellën e Real Madridit.

Lista plotësohet nga emra si Igor Thiago, Vangelis Pavlidis, Luis Suarez dhe Ayase Ueda, të gjithë protagonistë të rëndësishëm në kampionatet dhe autorë të një sezoni mjaft pozitiv deri në këtë pikë.

Golashënuesit më të mirë në Evropë:

Harry Kane (32 vjeç, Bayern Munich) – 24 gola në 21 ndeshje

Kylian Mbappe (27 vjeç, Real Madrid) – 23 gola në 22 ndeshje

Erling Haaland (25 vjeç, Manchester City) – 21 gola në 25 ndeshje

Vangelis Pavlidis (27 vjeç, Benfica) – 19 gola në 21 ndeshje

Ayase Ueda (27 vjeç, Feyenoord) – 18 gola në 20 ndeshje

Luis Suarez (28 vjeç, Lisbona) – 18 gola në 20 ndeshje

Igor Thiago (24 vjeç, Brentford) – 17 gola në 25 ndeshje

Paul Onuachu (31 vjeç,Trabzonspor) – 15 gola në 18 ndeshje

Yanis Begraoui (24 vjeç, Estoril) – 15 gola në 21 ndeshje

Eldor Shomurodov (30 vjeç, Istanbul Basaksehir) – 15 gola në 21 ndeshje /Telegrafi/

Julian Alvarez ka hedhur poshtë zërat që e lidhin me Barcelonën, përmes një deklarate të dhënë nga agjenti i tij, Fernando Hidalgo.

Reagimi vjen pasi njëri nga kandidatët për president të Barcelonës, Victor Font, deklaroi publikisht se klubi katalanas do ta transferojë Alvarezin në rast se ai fiton zgjedhjet presidenciale.

“Ne nuk kemi folur kurrë me asnjë kandidat për presidencën e Barcelonës dhe gjithçka që po thuhet në këtë drejtim nuk është e vërtetë”, ka thënë Hidalgo.

Ai theksoi gjithashtu se sulmuesi argjentinas ka kontratë të vlefshme me Atletico Madridin deri në vitin 2030.

“Julian ka kontratë deri në vitin 2030 me Atletico Madrid dhe kushdo që dëshiron ta transferojë duhet të kontaktojë klubin, jo ne”, shtoi agjenti.

Sipas raportimeve, Chelsea dhe Arsenali po monitorojnë situatën e lojtarit, megjithatë preferenca e Alvarezit mbetet që të qëndrojë në La Liga.

Gatishmëria e Atletico Madrid për ta shitur lojtarin mbetet e paqartë, ndërsa vështirësitë financiare të Barcelonës përbëjnë një pengesë serioze për çdo marrëveshje të mundshme. /Telegrafi/

Milani po punon me intensitet të lartë për të gjetur një sulmues të ri kryesor, një “numër 9” që do të jetë pika e referencës së skuadrës në afatin kalimtar të verës.

Pas afrimit të Fullkrug dhe tentativës së dështuar për Mateta në janar, për shkak të problemeve fizike të këtij të fundit, drejtuesit e klubit kuqezi e kanë të qartë se skuadra ka nevojë për një golashënues të sigurt.

Sipas asaj që raporton Tuttosport, Igli Tare dhe Giorgio Furlani kanë përgatitur një listë me tre emra kryesorë për të udhëhequr repartin ofensiv në “San Siro”.

Favoriti kryesor është Moise Kean, sulmuesi i Fiorentinës po zhvillon një sezon shumë pozitiv, me 7 gola dhe 3 asistime në 26 ndeshje në të gjitha kompeticionet.

Ai ka një klauzolë lirimi prej 62 milionë eurosh, e vlefshme vetëm gjatë dy javëve të para të muajit korrik, çka e bën operacionin të qartë por të kushtueshëm.

Megjithatë, Milani nuk ndalet vetëm te kjo pistë dhe ka rifilluar kontaktet me rrethin e Dusan Vlahovic.

Opsioni i tretë vjen nga Liga Premier, emri i Gabriel Jesus po fiton terren si alternativa më ndërkombëtare për Milanin.

Sulmuesi brazilian ka kontratë me Arsenalin deri në vitin 2027, por situata e tij po monitorohet me shumë vëmendje nga drejtuesit kuqezinj.

Objektivi i Milanit është i qartë, një sulmues i aftë të garantojë 15 deri në 20 gola për sezon.

Procesi i përzgjedhjes ka nisur dhe klubi nuk ka ndërmend të humbasë kohë.

Mbetet për t’u parë se cili do të jetë emri që do të veshë fanellën e Milanit, me synimin për të udhëhequr sulmin dhe për të rikthyer skuadrën në majat e futbollit italian dhe evropian. /Telegrafi/

Manchester United është shtuar së fundmi në garën për të siguruar shërbimet e mesfushorit italian, Sandro Tonali.

25-vjeçari duket i gatshëm të largohet nga Newcastle në përfundim të sezonit.

Agjenti i tij, Giuseppe Riso, ka deklaruar se: “Newcastle po e ka të vështirë të lërë të lirë Tonalin, dhe ai dëshiron të ndihmojë klubin të kualifikohet për Ligën e Kampionëve. Negociatat për transferimin do të zhvillohen më vonë”.

“Do të shohim si përfundon sezoni dhe pastaj do të vendosim për hapat e ardhshëm. Nuk ka një preferencë tani; është ende herët. Në verë do të vlerësojmë situatën dhe do të marrim vendimin”.

Këto komente kanë ndezur interesin e disa klubeve të mëdha evropiane.

Së fundmi, media britanike The Telegraph raporton se Manchester United po shfaq një interes të rritur për mesfushorin italian, i cili mund të përforcojë ndjeshëm repartin e mesfushës së klubit në planet e ardhshme.

Newcastle, nga ana tjetër, ruan qetësinë, Tonali ka kontratë deri në qershor të vitit 2028 dhe në rast se klubi do të shqyrtojë një transferim, pritet të kërkojë rreth 100 milionë euro, një shumë që është përballuar së fundmi në Ligën Premier për mesfushorë si Enzo Fernandez, Moises Caicedo dhe Declan Rice.

Përveç Tonalit, Manchester United po monitoron edhe disa kandidatë të tjerë për mesfushën, përfshirë Elliot Anderson (Nottingham Forest, 25), Adam Wharton (Crystal Palace, 22) dhe Carlos Baleba (Brighton, 22). /Telegrafi/

Gjithmonë në kërkim të mundësive që ofron tregu, Manchester United po shqyrton disa opsione për të përforcuar projektin e tij.

Sipas raportimeve, klubi i Ligës Premier po vë një sy të veçantë mbi Manuel Locatelli, mesfushorin e Juventusit.

Michael Carrick ka marrë drejtimin e ekipit dhe ka rikthyer buzëqeshjen dhe besimin te Man Utd që nga ardhja e tij.

Nuk ka dyshim se trajneri do të bëjë çdo gjë për të rikthyer fuqinë e plotë të këtij klubi të madh.

Në lidhje me përforcimet, është e qartë se po punon për opsione të reja për mesfushën e tij.

Sipas CalcioMercato, drejtuesit e United po ndjekin me shumë interes performancat e Manuel Locatelli (28 vjeç).

Në kontratë me Juventusin deri në qershor 2028, Locatelli ka shkëlqyer këtë sezon, duke tërhequr vëmendjen e Manchester United.

Madje, raportohet se klubi anglez mund të bëjë një ofertë të rëndësishme për të siguruar shërbimet e tij gjatë afatit kalimtar së verës.

Nga ana e tyre, drejtuesit e Juventusit nuk kanë ndërmend ta lënë të largohet një lojtar që e konsiderojnë "thelbësor".

Ata po përgatitin strategji për të siguruar vazhdimësinë e tij në Torino, megjithatë, ‘Djajtë e Kuq’ janë gati të bëjnë gjithçka për të sjellë mesfushorin në ‘Old Trafford’. /Telegrafi/

Trajneri i Juventusit, Luciano Spalletti, doli me kritika të forta ndaj arbitrimit pas barazimit spektakolar 2-2 kundër Lazios, një ndeshje ku bardhezinjtë rikuperuan disavantazhin 2-0 falë golave të Weston McKennie dhe Pierre Kalulu.

Ndeshja u shoqërua me polemika, veçanërisht për golin e anuluar të Teun Koopmeiners dhe për një faull të dyshimtë ndaj Juan Cabal, që sipas analistit të DAZN, Luca Marelli, duhej të ishte ndëshkuar me penallti.

Spalletti u ndal te interpretimi i rregullave nga gjyqtarët, duke theksuar se jo çdo kontakt duhet të konsiderohet automatikisht shkelje.

Gjatë intervistës pas ndeshjes, trajneri italian shkaktoi edhe një moment të pazakontë, kur për të ilustruar argumentin e tij mbi dallimin mes kontaktit dhe ndikimit, i dha një puthje në faqe intervistueses.

“Ky është kontakt, por nuk ka ndikim”, u shpreh Spalletti, në një gjest që u bë menjëherë viral dhe ndezi debat në opinionin sportiv.

Ai rikujtoi gjithashtu episodin e diskutueshëm në ndeshjen ndaj Atalantës, ku një penallti për prekje me dorë u akordua pas ndërhyrjes së VAR-it, ndonëse askush në fushë nuk e kishte vënë re momentin.

Sipas tij, këto raste tregojnë se gjyqtarët duhet të kenë më shumë hapësirë për interpretim dhe për vlerësimin e pasojave reale të veprimeve.

Në përfundim, Spalletti propozoi profesionalizimin e plotë të gjyqtarëve, duke theksuar se ata janë të vetmit aktorë në fushë që nuk janë profesionistë me kohë të plotë.

Sipas tij, presioni dhe rëndësia e rolit të tyre kërkon përkushtim të plotë, në mënyrë që vendimet në ndeshje të jenë sa më të drejta dhe të qëndrueshme. /Telegrafi/

E ardhmja e Juventusit po lidhet gjithnjë e më ngushtë me talentin turk Kenan Yildiz, një prej emrave më premtues të brezit të ri, i cili po fiton gjithnjë e më shumë një rol qendror në projektin sportiv të klubit bardhezi.

Talenti i lindur në vitin 2005 është vetëm një hap larg rinovimit të kontratës me bardhezinjtë, marrëveshje që do ta lidhë atë me klubin deri në qershor të vitit 2031, duke e konfirmuar si një shtyllë qendrore të projektit teknik të “Zonjës së Vjetër”.

Sipas La Gazzetta dello Sport, njoftimi zyrtar pritet të vijë brenda dhjetë ditëve të ardhshme, duke formalizuar një marrëveshje që prej kohësh konsiderohet çështje kohe.

Kontrata e re parashikon edhe një rritje të ndjeshme të pagës, e cila pritet të arrijë rreth 6 milionë euro në sezon.

Ky është një sinjal i qartë i hapit përfundimtar të Yildiz drejt statusit të një lojtari lider dhe protagonisti absolut.

Sezoni aktual ka konfirmuar rritjen e vazhdueshme të numrit 10 të Juventusit, i cili ka qenë shpesh vendimtar me paraqitjet e tij: tetë gola dhe katër asistime në kampionat, si dhe një gol dhe dy asistime në Ligën e Kampionëve.

Shifra që dëshmojnë peshën dhe rëndësinë e tij në skuadër, si sot ashtu edhe për të ardhmen. /Telegrafi/

Dani Carvajal beson se është ende herët për të marrë një vendim lidhur me vazhdimësinë e tij te Real Madridi.

Nga ana tjetër, klubi madrilen po pret me durim vendimin përfundimtar të një futbollisti që e konsideron një “institucion” të vërtetë.

E ardhmja e Dani Carvajal mbetet e paqartë, edhe pse përkushtimi i tij ndaj Real Madridit nuk vihet në dyshim, mbrojtësi spanjoll mendon se nuk është momenti i duhur për të vendosur nëse do të qëndrojë edhe për të paktën një sezon tjetër me fanellën e bardhë.

Sipas The Athletic, Carvajal aktualisht është i fokusuar plotësisht në lënien pas të problemeve fizike dhe rikthimin në formën e tij më të mirë.

Nëse arrin këtë objektiv, ai do të bëjë gjithçka për të zgjatur qëndrimin në “Santiago Bernabeu”.

Në të kundërt, nuk përjashtohet mundësia që ai të konsiderojë një transferim drejt një klubi me më pak presion dhe kërkesa.

Qëndrimi i klubit

Real Madridi, ndërkohë, po e ndjek situatën me qetësi, drejtuesit e klubit e shohin Carvajal si një figurë kyçe dhe janë të bindur se, si vazhdimi ashtu edhe një largim i mundshëm, do të realizohen me marrëveshje të ndërsjellë dhe pa krijuar asnjë tension.

Shifrat flasin vetë: 438 ndeshje zyrtare, 14 gola dhe 65 asistime me fanellën e Real Madridit përmbledhin më së miri rëndësinë e Carvajal për klubin.

Në rast se vendos të largohet, mbrojtësi i djathtë do të shqyrtonte opsione në Shtetet e Bashkuara, Katar ose Arabinë Saudite, pasi nuk ka ndërmend të luajë për ndonjë skuadër që mund të përballet me Real Madridin në të ardhmen. /Telegrafi/

Ëndrra e Barcelonës për të sjellë Erling Haaland në ‘Camp Nou’ nuk është shuar ende.

Edhe pse kalimi i kohës dhe situata ekonomike duket se e largojnë këtë mundësi, klubi katalanas ruan shpresën për të realizuar një nga goditjet më të mëdha të afatit kalimtar.

Barcelona ka ndjekur me vëmendje karrierën e Haaland që herët, madje para se sulmuesi norvegjez të bëhej një nga emrat më të spikatur në futbollin elitar.

Megjithatë, ai ka zgjedhur rrugë të tjera dhe sot konsiderohet një nga sulmuesit më domethënës në botë.

Tani, në moshën 25-vjeçare, Haaland mund të përballet me një vendim kyç në karrierën e tij.

Pavarësisht suksesit të tij te Manchester City, e ardhmja e tij vazhdon të ngjallë spekulime.

Barcelona beson se rrethana të caktuara mund ta vendosin Haaland në një rrugë drejt ‘Camp Nou’, dhe vera e ardhshme mund të shënojë një pikë kthese.

Realiteti financiar i Barcelonës është i njohur: çdo transferim i madh kërkon planifikim të kujdesshëm, shitje të mëdha dhe manovra të zgjuara ekonomike.

Çmimi i Haaland, paga e tij dhe kushtet që kërkon City e bëjnë këtë operacion jashtëzakonisht kompleks., edhe pse duket një sfidë thuajse e pamundur, klubi nuk përjashton mundësinë e tij nëse lind një shans.

Man City nuk do ta lëshojë lojtarin e tij kryesor lehtësisht, dhe nëse ndodh një ofertë, ajo do të jetë astronomike.

Për më tepër, konkurrenca është e fortë, me klube me fuqi financiare shumë më të madhe gati për të bërë ofertë.

Barcelona e di që nuk mund të luftojë vetëm me para, prandaj strategjia fokusohet te bindja e lojtarit.

Klubi synon ta bindë Haaland se Camp Nou është vendi ideal për të ndërtuar një legjendë të re.

Për këtë, Barça duhet të ofrojë një projekt sportiv bindës, ambicioz dhe afatgjatë: një ekip konkurrues, një rol kryesor për Haaland dhe mundësinë për t’u bërë fytyra e ofensivës së një institucioni historik.

Pas suksesit në Angli, sfida për të triumfuar në një ligë tjetër mund të shërbejë si motiv shtesë.

Në këtë moment, transferimi i Haaland është më shumë një ëndërr sesa një operacion realist.

Por në futbollin modern, lëvizjet e mëdha fillojnë me bindjen e lojtarit.

Barcelona e ka të qartë: për të pasur një shans për Haaland, fillimisht duhet të fitojë besimin e tij. /Telegrafi/

Mykhailo Mudryk, ylli ukrainas i Chelseat, është bërë i njohur jo vetëm për performancat e tij në fushë, por edhe për sjelljen e tij në botën virtuale.

Futbollisti 25-vjeçar është përjashtuar nga platforma konkurruese e lojërave FACEIT për një periudhë 28-ditore, pas komenteve të tij të cilat u konsideruan ofenduese dhe të papërshtatshme gjatë një ndeshjeje në Counter-Strike 2 (CS2).

Sipas raportimeve, pezullimi lidhet me mesazhet që Mudryk bëri ndaj lojtarëve polakë, ku përfshihen referenca historike të ndjeshme, duke përfshirë ngjarje të Luftës së Dytë Botërore në Volhynia, ku forcat ukrainase ishin të përfshira në vrasjen e mijëra civilëve polakë.

Komentet e tij, të bërë nën pseudonimin “Mudr1k”, u shfaqën në përgjigje të kritikave nga lojtarë të tjerë dhe u cilësuan si toksike dhe provokuese nga komuniteti.

FACEIT është një platformë e njohur ku lojtarë profesionistë dhe amatorë marrin pjesë në gara konkuruese, dhe ka politika të rrepta mbi sjelljen e lojtarëve.

Ndalimi nga CS2 i Mudryk do të zgjasë 28 ditë, duke e penguar atë të marrë pjesë në ndeshjet konkurruese gjatë kësaj periudhe.

Megjithatë, karriera e tij me Chelsea dhe përfaqësuesen e Ukrainës vazhdon të jetë aktive.

Rasti i Mudryk thekson rëndësinë e sjelljes së lojtarëve, jo vetëm në fushën e futbollit, por edhe në botën virtuale, duke treguar se reputacioni i një sportisti mund të ndikojë nga çdo veprim, qoftë në realitet apo në lojëra online.

Shumë komentues mendojnë se një pezullim 28-ditor mund të mos jetë ndëshkimi i mjaftueshëm për një figurë publike me profilin e tij. /Telegrafi/

Ruben Neves ka marrë një vendim që ka tronditur planet e Real Madridit dhe Atletico Madridit, duke i dhënë fund spekulimeve për largimin e tij nga Arabia Saudite.

Mesfushori portugez ka zgjedhur të rinovojë kontratën me Al-Hilal, duke mbyllur përfundimisht derën për një rikthim në futbollin evropian.

Ky vendim vjen në një moment kur emri i tij përflitej si një nga opsionet më të përshtatshme për të riorganizuar mesfushën e Real Madridit.

Nevoja e klubit madrilen për një organizator loje është bërë gjithnjë e më e dukshme pas largimeve të Toni Kroos dhe Luka Modric.

Ekipi ka humbur qartësinë, kontrollin dhe ritmin në ndërtimin e lojës, duke u mbështetur shpesh vetëm te potenciali ofensiv.

Për këtë arsye, drejtuesit kishin nisur kërkimin për një profil me përvojë dhe lidership, ku Ruben Neves shihej si zgjedhje ideale.

Situata e portugezit e bënte transferimin edhe më tërheqës, pasi kontrata e tij përfundonte më 30 qershor dhe kostoja e largimit ishte e ulët.

Rikthimi në Evropë, në prag të një Kupe Bote, konsiderohej një motiv i fortë.

Megjithatë, oferta e Al-Hilal është cilësuar si e parefuzueshme, si në aspektin financiar ashtu edhe në kohëzgjatjen e kontratës.

Trajneri Simone Inzaghi e konsideron Ruben Neves një element kyç të projektit sportiv.

Këtë sezon, ai ka regjistruar 9 gola dhe 6 asistime në 24 ndeshje zyrtare, ndërsa në kampionat ka qenë i përfshirë drejtpërdrejt në 13 gola.

Vendimi i tij për të qëndruar në Arabinë Saudite nuk ndikon vetëm Real Madridin, por edhe Atletico Madridin, duke reflektuar një realitet të ri ku fuqia ekonomike po largon gjithnjë e më shumë lojtarë në kulmin e karrierës nga futbolli evropian. /Telegrafi/

Paris Saint-Germain ka hequr dorë nga mundësia e transferimit të Vinicius Junior gjatë verës, me kërkesë të drejtpërdrejtë të trajnerit Luis Enrique.

Klubi parisien ndodhet në një fazë ristrukturimi të thellë, ku prioritet ka ndërtimi i një grupi të balancuar dhe funksional.

Sipas burimeve pranë klubit, trajneri Enrique ka ndërhyrë personalisht për të ndalur çdo spekulim rreth afrimit të sulmuesit brazilian.

Luis Enrique synon një ekip të bashkuar, të disiplinuar taktikisht dhe me përkushtim maksimal kolektiv.

Edhe pse cilësitë sportive të Vinicius nuk vihen në dyshim, profili i tij nuk përputhet me vlerat që trajneri dëshiron të vendosë në skuadër.

Sjelljet e përsëritura brenda dhe jashtë fushës kanë ngritur pikëpyetje në stafin teknik.

Trajneri spanjoll i ka bërë të qartë drejtuesve se preferon stabilitetin e dhomës së zhveshjes ndaj afrimit të emrave mediatikë.

Ai druhet se një transferim i tillë mund të cenojë filozofinë e punës që tashmë ka nisur të japë rezultate.

Për PSG-në aktuale, funksionimi i ekipit pa “yje” të mëdhenj është dëshmi e një modeli më të qëndrueshëm.

Drejtoria sportive e klubit i jep peshë vendimtare mendimit të trajnerit dhe çdo lëvizje në afate kalimtare do të filtrohet sipas parimit të angazhimit kolektiv.

PSG synon profile që përshtaten me një lojë korale dhe me intensitet të lartë, ku inteligjenca emocionale është po aq e rëndësishme sa aftësitë sportive.

Për momentin, Vinicius mbetet jashtë planeve të menjëhershme të kampionëve të Francës. /Telegrafi/

Real Madridi ka nisur një operacion të rëndësishëm për të siguruar shërbimet e Enzo Fernandez gjatë verës, me synimin për të forcuar mesfushën.

Drejtuesit e klubit madrilen e shohin kampionin e botës si profil ideal për të freskuar “zonën e motorëve”, por përballen me vështirësi të mëdha financiare.

Chelsea ka vendosur një çmim prej rreth 120 milionë eurosh për yllin e saj, shifër që aktualisht konsiderohet shumë e lartë.

Kjo situatë e detyron Realin të eksplorojë alternativa kreative në negociata.

Duke qenë se planifikimi sportiv përfshin edhe afrimin e një mbrojtësi qendror të nivelit të lartë, buxheti për mesfushën është i kufizuar.

Për këtë arsye, në Valdebebas po shqyrtohet mundësia e përfshirjes së Eduardo Camavinga si pjesë e marrëveshjes.

Propozimi jozyrtar që ka qarkulluar në Londër përfshin mesfushorin francez plus rreth 60 milionë euro.

Kjo formulë synon të ulë ndjeshëm shumën që duhet të paguajë klubi spanjoll.

Real Madridi vlerëson se zhvillimi i Camavingas nuk ka përmbushur plotësisht pritshmëritë e krijuara në “Santiago Bernabeu”.

Edhe pse ka treguar cilësi dhe potencial të lartë, mungesa e vazhdimësisë ka qenë një problem i dukshëm.

Për këtë arsye, klubi e sheh atë si një kartë të vlefshme negociuese për të realizuar transferimin e dëshiruar.

Megjithatë, nga ana e Chelseat, perceptimi për këtë shkëmbim është krejtësisht ndryshe.

Drejtuesit e klubit londinez e konsiderojnë ofertën aktuale të pamjaftueshme dhe nuk janë të gatshëm të heqin dorë nga lojtari i tyre kyç pa një përfitim të madh financiar.

Ata kërkojnë një rritje të ndjeshme të shumës dhe nuk e shohin Camavingan si prioritet.

Ndërkohë, Enzo Fernandez thuhet se ka shprehur dëshirën për të veshur fanellën e Real Madridit, i tërhequr nga projekti sportiv dhe historia e klubit.

Presioni i mundshëm nga lojtari mund të jetë faktor vendimtar për të zhbllokuar një situatë që për momentin mbetet e ngrirë. /Telegrafi/

Juventus ka vendosur rinovimin e kontratës së Kenan Yildiz si një nga objektivat kryesorë të klubit.

Edhe pse sezoni është ende në zhvillim, drejtuesit bardhezinj po lëvizin herët për të shmangur që talenti turk të bëhet një nga emrat më të nxehtë të afatit kalimtar të ardhshëm.

Yildiz shihet si një pjesë kyçe e projektit të ri sportiv në Torino.

Klubi i ka paraqitur lojtarit një ofertë ambicioze për zgjatjen e kontratës me pesë sezone të tjera, të shoqëruar me një rritje të ndjeshme page.

Propozimi parashikon një pagë rreth 6 milionë euro në sezon, çka do ta poziciononte Yildiz mes lojtarëve më të paguar të skuadrës, pavarësisht moshës së re.

Mesazhi i Juventusit është i qartë: ai konsiderohet yll i së tashmes dhe i së ardhmes.

Megjithatë, rrethi i afërt i lojtarit kërkon qetësi dhe kohë për të marrë një vendim.

Interesi nga klubet e Ligës Premier është konkret dhe serioz, me disa prej tyre të gatshme të ofrojnë kushte financiare shumë më të larta.

Po ashtu, edhe La Liga mbetet një opsion i mundshëm, ku disa klube të mëdha vlerësojnë profilin kreativ dhe potencialin e Yildiz.

Situata e vendos Kenan Yildiz në një pozicion force, ai ka besimin e Juventusit, minutazh dhe rol të rëndësishëm, por edhe një treg të gjerë alternativash.

Për lojtarin, vendimi nuk lidhet vetëm me pagën, por edhe me zhvillimin sportiv dhe stabilitetin.

Javët në vijim pritet të jenë vendimtare për të ardhmen e një prej talenteve më premtuese të futbollit evropian. /Telegrafi/

Edhe pse sezoni është ende në zhvillim, drejtuesit e Barcelonës kanë nisur të mendojnë për planifikimin e afatit kalimtar veror.

Një nga vendimet kryesore që po analizohet është e ardhmja e Marcus Rashford, i cili ka treguar performanca premtuese gjatë huazimit nga Manchester United.

Trajneri Hansi Flick ka dhënë një vlerësim të qartë mbi rëndësinë e sulmuesit për projektin afatmesëm.

Rashford ka arritur të marrë protagonizëm në skuadër, duke ofruar alternativa në disa pozicione të sulmit.

Shpejtësia dhe aftësia e tij për të krijuar hapësira për shokët e skuadrës janë elementë të çmuar në strategjinë taktike të Barcelonës.

Përveç golave, ndikimi i tij në dinamika dhe rotacionin ofensiv vlerësohet lart nga stafi teknik.

Hansi Flick është promovuesi kryesor i vazhdimësisë së Rashford.

Trajneri gjerman beson se me një përgatitje të plotë para sezonit dhe adaptim më të madh në mjedisin e ri, sulmuesi mund të arrijë një nivel më të lartë performancash.

Përveç potencialit të tij sportiv, stafi vlerëson sjelljen profesionale dhe angazhimin e futbollistit në përditshmërinë e klubit.

Megjithatë, vendimi për blerjen përfundimtare të Rashford nuk është marrë ende, Barcelona duhet të marrë parasysh kufizimet financiare, por shuma e përcaktuar prej 35 milionë eurosh shihet si e përballueshme nëse performanca e lojtarit mbetet ose përmirësohet.

Klubi është optimist se statistikat dhe ndikimi i tij në fushë mund të rriten me më shumë vazhdimësi dhe mirëkuptim me shokët e skuadrës.

Në përfundim, linja e përgjithshme brenda klubit tregon se opinioni i trajnerit do të jetë vendimtar.

Nëse nuk ndodhin zhvillime të papritura, e ardhmja e Marcus Rashford duket e lidhur me ‘Camp Nou’ përtej sezonit aktual, duke e konfirmuar si një pjesë të rëndësishme të projektit sportiv të Barcelonës. /Telegrafi/

Manchester United ka vendosur të mbajë mbrojtësin Harry Maguire, duke refuzuar interesin e disa klubeve italiane, edhe pse kontrata e tij po hyn në muajt e fundit.

Klubi anglez duket se nuk është i gatshëm të heqë dorë nga një nga lojtarët e tij më me përvojë në mbrojtje, sidomos pas formës së tij të përmirësuar nën drejtimin e përkohshëm të trajnerit Michael Carrick.

Sipas gazetarit Fabrizio Romano, ofertat nga Serie A nuk kanë bindur United për të finalizuar një transferim, duke treguar se lojtari mbetet një pjesë kyçe e planeve të ekipit.

Maguire ka treguar rritje të besueshmërisë në fushë dhe është rikthyer në një formë që ka bindur trajnerin dhe stafit teknik.

Që nga ardhja e Carrick, Manchester United ka regjistruar rezultate të rëndësishme, duke përfshirë fitoret ndaj rivalëve kryesorë si Manchester City dhe Arsenal.

Këto rezultate kanë ndihmuar ekipin të ngjitet në tabelën e Ligës Premier dhe kanë rritur moralin brenda skuadrës.

Maguire ka qenë titullar në secilën nga ndeshjet e para nën drejtimin e Carrick, një shenjë e qartë e besimit të trajnerit në përvojën dhe lidershipin e tij në mbrojtje.

Vendimi i United për të mos shitur Maguire tregon qartë se klubi synon të mbajë një bërthamë të fortë lojtarësh me eksperiencë, ndërkohë që kërkon të konsolidojë pozitat e tij në Ligën Premier dhe të rikthehet në garën për vendet evropiane. /Telegrafi/