Dyshime për manipulime me vota, veçanërisht brenda subjekteve politike, dhe ankesa nga kandidatët për deputetë ka pasur në vazhdimësi ndër vite në Kosovë. Tani, një vendim i Komisionit Qendror të Zgjedhjeve (KQZ) për t’i rinumëruar votat në një të tretën e vendvotimeve për zgjedhjet e parakohshme parlamentare të 28 dhjetorit ka ngritur shqetësime edhe për integritetin e procesit më të fundit…

Source

Njëra nga surprizat e këtij sezoni në Ligën Premier është Brentford i Keith Andrews: dhe ylli i skuadrës, gjithnjë e më shumë, është sulmuesi Igor Thiago.

Në futbollin anglez, surprizat e vërteta zakonisht nuk zgjasin shumë: ose transformohen në realitete të konsoliduara, ose zhduken shpejt.

Brentfordi i këtij sezoni – dhe veçanërisht në këtë fillim të vitit 2026 – duket se i përket me vendosmëri kategorisë së parë.

"Bletat" nuk po përfitojnë thjesht nga një seri rezultate pozitive, por po konfirmojnë në fushë qëndrueshmërinë e një projekti që vazhdon të prodhojë rezultate dhe performanca të nivelit të lartë.

Trashëgimia e Thomas Frank dhe efekti Keith Andrews

Dalja nga skena e Thomas Frank do të mund të kishte përfaqësuar një pikë kritike. Trajneri danez ka qenë për vite me radhë simboli i Brentford modern, ai që e ka përkthyer në fushë modelin analitik të klubit. Por vendimi për të promovuar Keith Andrews ka garantuar jo vetëm vazhdimësinë, por edhe një përmirësim të dukshëm të cilësisë.

Të dhënat nga pjesa e parë e sezonit tregojnë se Brentfordi po performon më mirë se në periudhën e fundit nën drejtimin e Frank, si në prodhimin ofensiv ashtu edhe në kontrollin e ndeshjeve.

Andrews ka përmirësuar disa mekanizma kyç, përfshirë menaxhimin më të matur të ritmeve, presionin më të saktë dhe më pak shpenzues, si dhe shfrytëzimin më të mirë të hapësirave gjatë posedimit të topit.

Skuadra duket më stabile emocionalisht, më pak e varur nga episodet e veçanta dhe më koherente në performancat javore. Ky është një tregues i qartë i forcës së sistemit të Brentford, që funksionon pavarësisht nga ndryshimet e trajnerit, duke vlerësuar punën e tij.

Igor Thiago, referencë teknike e sulmit

Në këtë kontekst të strukturuar, Igor Thiago është shfaqur si terminali kryesor ofensiv. Pesë golat e shënuar në vitin 2026 janë një pasojë natyrale e një performance të qëndrueshme dhe përdorimit inteligjent brenda sistemit.

Thiago nuk është një sulmues që jeton vetëm nga finalizimi; kontributi i tij është i dukshëm në shumë aspekte, si aftësia për të ngritur skuadrën, punimi me shpinë ndaj portës, prezenca e vazhdueshme në zonën kundërshtare dhe pjesëmarrja aktive në fazën e presionit.

Në Ligën Premier, ai ka regjistruar 16 gola dhe 1 asist në 21 paraqitje, një gol çdo 109 minuta, duke u renditur menjëherë pas Haaland që ka 20 gola.

telegrafi.com

Një nga elementët më tërheqës të këtij Brentford është varieteti i zgjidhjeve ofensive. Skuadra nuk mbështetet në një skemë të vetme apo një lojtar të vetëm, por ndërton lojën e saj përmes parimeve të qarta: shfrytëzimi racional i hapësirave, verticalizime selektive dhe vëmendje e madhe ndaj cilësisë së rasteve të krijuara.

Igor Thiago është pika kyçe e këtij sistemi, por jo i vetmi motor. Performanca e tij lidhet me një kontekst kolektiv që funksionon, duke e bërë sulmin e Bees më të vështirë për t’u lexuar dhe neutralizuar krahasuar me të kaluarën.

Brentford, tashmë një siguri

Në këtë pikë të sezonit, Brentford nuk mund të konsiderohet më thjesht një surprizë. Performancat, numrat dhe vazhdimësia e treguar tregojnë një skuadër tashmë stabilisht konkurruese në Ligën Premier.

Keith Andrews ka ditur të marrë një trashëgimi komplekse dhe ta transformojë në një mundësi për rritje, ndërsa Igor Thiago përfaqëson fytyrën ofensive të një projekti që vazhdon të demonstrojë se metoda, koherenca dhe racionaliteti mund të bëjnë ende diferencën në futbollin modern anglez. /Telegrafi/

Policia e Shtetit në Shqipëri ka realizuar operacione të koduara, si “Stolen Line” dhe “Relay”, për goditjen e trafikut të automjeteve dhe transportimit të paligjshëm të emigrantëve.

Sipas raportimeve zyrtare, dy persona janë proceduar penalisht për trafikim automjetesh, me vlerë totale rreth 90,000 euro, të cilat dyshohet se janë vjedhur në Zvicër dhe Itali.

M. S., 36 vjeç, akuzohet për trafikun e një automjeti tip “Benz” me vlerë rreth 80,000 euro, i cili rezultoi i vjedhur në Zvicër.

E.M., 29 vjeç, dyshohet për trafikun e një automjeti tip “Opel” me vlerë rreth 10,000 euro, i vjedhur në Itali.

Gjithashtu, gjatë operacionit “Relay” u arrestua në flagrancë edhe shtetasi O. T., 36 vjeç, banues në Krujë, pasi u kap duke transportuar me automjet tre emigrantë që tentonin të kalonin ilegalisht drejt vendeve të Bashkimit Evropian.

Materialet e procedimit i janë dorëzuar Prokurorisë së Tiranës për veprime të mëtejshme.

Kombëtarja e Marokut ka siguruar kualifikimin në finale, pas triumfit në penallti ndaj kombëtares së Nigerisë, pasi 120 minuta nuk mjaftuan për t’u përcaktuar fituesi.

Maroku u shfaq më kërkues në pjesën e parë, duke rrezikuar që në minutat e hershme.

Brahim Diaz dhe Achraf Hakimi provuan nga distanca, ndërsa rasti më i pastër erdhi në minutën e 39-të, kur Noussair Mazraoui u ndal nga një pritje spektakolare e portierit Stanley Nwabali, një nga figurat kryesore të ndeshjes për Nigerinë.

Nigeria reagoi me kundërsulme të rrezikshme, ku Ademola Lookman testoi portierin Bono, ndërsa loja u karakterizua edhe nga ndërhyrje të forta dhe kartonë të verdhë, me Calvin Bassey dhe Raphael Onyedika që u ndëshkuan.

Në pjesën e dytë, Maroku vazhdoi presionin. Abde Ezzalzouli pati dy raste shumë të mira për shënim, por në të dyja herët u ndal nga pritjet vendimtare të Nwabalit.

As ndryshimet taktike nga Walid Regragui, përfshirë aktivizimin e Youssef En-Nesyri, nuk arritën të ndryshojnë rezultatin.

As koha shtesë nuk solli zgjidhje, pavarësisht freskimit të skuadrave me zëvendësime dhe përpjekjeve të fundit për të gjetur golin e fitores.

Pas 120 minutash, rezultati mbeti i pandryshuar, duke e çuar ndeshjen drejt ekzekutimit të penalltive.

Në penallti më të saktë u treguan Maroku që fituan me rezultat 4-2 dhe tashmë do të përballen në finale me Senegalin./Telegrafi/

Sektori i bujqësisë dhe ekonomia e vendit do të përballen me humbje që përllogariten deri në 17 miliardë dollarë deri në vitin 2050 nga ndryshimet klimaterike sipas skenarëve që ka zhvilluar Programi i Kombeve të Bashkuara (PNUD) në kuadër të planit Kombëtar të adoptimin ndaj klimës.

Klima në Shqipëri pritet të ndryshojë ndjeshëm deri në vitin 2050, me rritje të temperaturave, ulje të reshjeve dhe rritje të ngjarjeve ekstreme, sipas projeksioneve kombëtare të klimës. Temperaturat mesatare vjetore do të rriten me rreth 2 gradë, ndërsa temperaturat maksimale me 2.8 gradë.

Reshjet vjetore pritet të ulen me 5.8%, ndërsa niveli i detit do të rritet me 28 cm, ndërsa numri i ditëve me reshje ekstreme do të arrijë 16, ndërsa vendi do të përballet me katër valë të nxehtësisë dhe 16 ditë shumë të ftohta në vit, thuhet në dokumentin e PNUD.

Këto ndryshime pritet të ndikojnë rëndë sektorin e bujqësisë dhe pyjeve, që përbën një nga shtyllat kryesore të ekonomisë shqiptare. Bujqësia, ku përfshihet edhe blegtoria, punëson rreth një të tretën e fuqisë punëtore dhe kontribuon me 15% të PBB-së, ndërsa pyjet mbulojnë 39% të territorit, por kanë humbur 334 mijë hektarë që nga viti 1938 për shkak të prerjeve të paligjshme, zjarreve dhe menaxhimit të dobët.

Për të përballuar këto sfida vetëm për sektorin bujqësor duhen zbatuar 66 masa, me një kosto të përgjithshme prej 9.8 miliardë dollarë, që synojnë në rregullimin e sistemeve të ujitjes dhe përmirësimin e menaxhimit të ujit për bujqësinë.

Në qendër të masave janë restaurimi i tokave dhe ekosistemeve për parandalimin e përmbytjeve dhe erozionit, mbrojtjen e fermerëve përmes sigurimeve dhe fondeve të kompensimit, zbatimin e programeve të pyllëzimit dhe agropylltarisë, forcimin e sistemeve kundër zjarreve dhe promovimin e financimit të qëndrueshëm për pyjet, etj.

Ekspertët paralajmërojnë se pa këto masa, humbjet e mundshme nga ndryshimet klimatike mund të tejkalojnë 17 miliardë dollarë. Ndërhyrjet synojnë të rrisin qëndrueshmërinë e ekosistemeve, të mbështesin rritjen e qëndrueshme dhe të përputhen me objektivat globale për adaptimin ndaj klimës.

Sektori i bujqësisë është kryesisht familjar, me 85% të fermave që kanë mesatarisht vetëm 1.2 hektarë, gjë që kufizon produktivitetin. Bimët janë më të rrezikuara se blegtoria, sidomos drithërat dhe perimet. Tek blegtoria, gjedhi dhe kuajt janë më të ndjeshëm ndaj ndryshimeve klimatike. Ndërkohë, pyjet përballen me rritje të thatësirave, zjarreve dhe përhapjes së insekteve dhe sëmundjeve, që rrisin vulnerabilitetin e ekosistemeve./ B.Hoxha

 

 

The post Pa masa, ndryshimet e klimës do të krijojnë 17 mld USD humbje në bujqësi appeared first on Revista Monitor.

Bankat që operojnë në Shqipëri presin një rritje të kredive me probleme (NPL) në periudhën në vijim, ndërkohë që përfitueshmëria e sektorit bankar mbetet nën mesataren e vendeve të Europës Qendrore, Lindore dhe Juglindore, gjetjeve të Anketës së kreditimit bankar Europën Qendrore dhe Juglindore  (EQLJL) për gjysmën e dytë të vitit 2025, e kryer nga Banka Evropiane e Investimeve (BEI), në të cilën përfshihet dhe Shqipëria.

Sipas raportit, ndonëse kërkesa për kredi në Shqipëri vijon të jetë e fortë, veçanërisht nga bizneset dhe familjet, bankat shfaqin kujdes të shtuar për cilësinë e portofolit, duke sinjalizuar se rreziqet e kreditimit po rriten. Shqipëria renditet ndër vendet ku bankat presin përkeqësim të lehtë të cilësisë së aktiveve, në kontrast me disa tregje të tjera të rajonit ku pritshmëritë janë më të qëndrueshme.

BEI thekson se pritshmëritë për rritjen e kredive me probleme lidhen me ngadalësimin e disa sektorëve kyç, rritjen e kostove për bizneset dhe pasiguritë strukturore të ekonomisë, të cilat mund të ndikojnë aftësinë e huamarrësve për të shlyer detyrimet. Në këtë kontekst, bankat raportojnë një qasje më konservatore në dhënien e kredive, edhe pse kërkesa mbetet e lartë.

Nga ana e fitueshmërisë, raporti evidenton se bankat në Shqipëri raportojnë nivele më të ulëta të rentabilitetit krahasuar me mesataren e rajonit CESEE. Kjo diferencë shpjegohet me faktorë si madhësia relativisht e vogël e tregut, presioni mbi marzhet e interesit, konkurrenca e lartë dhe struktura e kreditimit, e cila mbetet e përqendruar në sektorë me vlerë të shtuar më të ulët.

Megjithatë, pavarësisht fitueshmërisë më modeste dhe pritshmërive për rritje të kredive me probleme, bankat vijojnë ta konsiderojnë tregun shqiptar si relativisht tërheqës, duke theksuar stabilitetin makroekonomik dhe potencialin për rritje të kreditimit në afatmesëm, nëse përmirësohet klima e biznesit dhe ulen rreziqet strukturore.

Raporti nënvizon se sfida kryesore për sistemin bankar në Shqipëri mbetet ruajtja e ekuilibrit mes zgjerimit të kreditimit dhe menaxhimit të rrezikut, në një ekonomi ku rritja mbështetet ende fort te konsumi dhe shpenzimet publike, ndërsa investimet private dhe produktiviteti mbeten nën potencial.

Anketa e huadhënies bankare në EQLJL tregon tendencë pozitive në kërkesën për kredi dhe shenja të përmirësimit të ofertës

Sipas një njoftimi zyrtar të BEI, Bankat në Europën Qendrore dhe Juglindore (EQLJL) raportojnë tendenca përmirësimi. Kërkesa për kredi mbetet e fortë, veçanërisht nga kompanitë, ndërsa bankat parashikojnë një përmirësim të lehtë në ofertën e kredisë pas një periudhe tkurrjeje. Predispozita për huadhënie nga bankat pritet të rritet, veçanërisht për NVM-të dhe kredinë konsumatore, megjithëse bankat tregojnë gatishmëri më të kufizuar për të zgjeruar kredinë për kompanitë e mëdha dhe për hipotekat. Një besim i tillë në rritje rreth ofertës së kredisë mund të ndihmojë në ngushtimin e hendekut ofertë-kërkesë që ka vazhduar vitet e fundit, për shkak të kërkesës së fortë për kredi dhe ofertës më të kufizuar.

Anketa e kreditimit bankar e EQLJL-së për gjysmën e dytë të vitit 2025, e kryer nga Banka Evropiane e Investimeve (BEI) dhe e prezantuar në Forumin EQL 2026 në Vjenë, tregon se dy të tretat e grupeve bankare ndërkufitare të anketuara në lidhje me planet e ardhshme afatgjata synojnë të zgjerojnë operacionet e tyre. Në Shqipëri, kërkesa për kredi është rritur më tej, ndërsa kushtet e ofertës janë shtrënguar. Gjatë gjashtë muajve të ardhshëm, pritet një tendencë e ngjashme nga ana e kërkesës, ndërsa kushtet e ofertës ka të ngjarë të mbeten neutrale. Likuiditeti dhe cilësia e kredive janë përmirësuar, megjithëse pritet një rritje e moderuar e kredive me probleme në periudhën në vijim.

“Anketa e fundit konfirmon qëndrueshmërinë dhe potencialin e fortë të sektorit bankar në Evropën Qendrore, Lindore dhe Juglindore”, u shpreh Marek Mora, zëvendëspresident i BEI-t. “Kërkesa për kredi mbetet e fortë, kushtet e ofertës po tregojnë shenja përmirësimi dhe cilësia e kredive ka vazhduar të përparojë gjatë gjashtë muajve të fundit. Këto tendenca janë shumë inkurajuese për investimet dhe zhvillimin ekonomik në rajon. Dy të tretat e bankave të pranishme në rajon po planifikojnë të rrisin ekspozimin e tyre afatgjatë atje. Kjo është një shenjë e shkëlqyer e potencialit për rritje në EQLJL-së. BEI plotëson përpjekjet e bankave tregtare dhe do të vazhdojë të kontribuojë, duke adresuar mangësitë e tregut dhe prioritetet e politikave të BE-së.“

Potenciali i tregut në rajonin e EQLJL-së konsiderohet gjerësisht si i rëndësishëm, ku shumica e bankave të anketuara e vlerësojnë atë si të lartë – veçanërisht në vende si Çekia, Rumania dhe Sllovakia – ose mesatar, kryesisht në tregjet e Ballkanit Perëndimor. Rentabiliteti në Evropën Qendrore, Lindore dhe Juglindore mbetet gjithashtu i fortë krahasuar me operacionet e përgjithshme të grupit, e karakterizuar nga një performancë veçanërisht të fortë në Bosnjë-Hercegovinë, Bullgari, Çeki, Hungari, *Kosovë dhe Maqedoninë e Veriut.

Debora Revoltella, shefe e Departamentit të Ekonomisë në BEI, , u shpreh: “Këto rezultate nxjerrin në pah tendenca shumë pozitive të kreditimit për bankat që operojnë në zonën e EQLJL-së, të cilat po përfitojnë nga performanca e fortë e sektorëve bankarë globalë dhe evropianë. Megjithatë, faktorë të ndryshëm – si vendas ashtu edhe ndërkombëtarë, veçanërisht zhvillimet rregullatore – vazhdojnë të peshojnë në kushtet e ofertës së kreditimit në rajon.”

Për më tepër, aksesi në financim në EQLJL si për grupet bankare ndërkufitare ashtu edhe për degët e tyre ka mbetur i fortë gjatë gjashtë muajve të fundit dhe pritet të përmirësohet më tej. Kjo perspektivë pozitive mbështetet nga rritja e depozitave me pakicë dhe të korporatave dhe aksesi i vazhdueshëm në financim nga institucionet financiare ndërkombëtare (IFN), siç është BEI.

Cilësia e kredive ka vazhduar të përmirësohet gjatë gjashtë muajve të fundit, me më pak kredi të këqija të raportuara. Këto fitime kanë qenë veçanërisht të forta në segmentin e shitjes me pakicë dhe në sektorin e korporatave. Pavarësisht këtyre zhvillimeve pozitive, bankat mbeten të kujdesshme për gjashtë muajt e ardhshëm, duke parashikuar një përkeqësim të mundshëm të cilësisë së kredisë.

 

The post Bankat shqiptare presin rritje të huave me probleme, raportojnë përfitueshmëri më të ulët se rajoni appeared first on Revista Monitor.

Gjoba që arrijnë deri në 500 mijë lekë për çdo 24 orë vonesë janë arma kryesore e ligjit të ri për të detyruar platformat dhe ofruesit e shërbimeve online të heqin përmbajtjet e dëmshme në internet.

Me vendim të Këshillit të Ministrave, qeveria ka përcaktuar mekanizmin administrativ që i jep Autoritetit të Komunikimeve Elektronike dhe Postare (AKEP) kompetenca të drejtpërdrejta ndëshkuese ndaj subjekteve që nuk zbatojnë vendimet gjyqësore për mbrojtjen e viktimave nga dhuna digjitale.

Sipas vendimit, AKEP do të vendosë gjoba administrative nga 30 mijë deri në 500 mijë lekë për çdo 24 orë vonesë ndaj ofruesve të shërbimeve online që nuk heqin, bllokojnë ose fshijnë përmbajtje digjitale të përcaktuara si masa mbrojtëse nga gjykata. Këtu përfshihen, ndër të tjera, imazhet intime të publikuara pa pëlqimin e viktimës, llogaritë apo fjalëkalimet e përdorura për përndjekje, si edhe profilet ose lidhjet elektronike të përdorura për ngacmim.

Gjobat e vendosura nga AKEP përbëjnë titull ekzekutiv dhe derdhen në buxhetin e shtetit. Subjektet përgjegjëse përfitojnë një ulje automatike prej 15% të shumës së gjobës, nëse pagesa kryhet brenda 30 ditëve nga njoftimi i vendimit. Ndërkohë, ligji parashikon të drejtën e ankimit brenda 45 ditëve në gjykatën administrative kompetente.

Përtej sanksioneve financiare, ligji zgjeron ndjeshëm juridiksionin territorial të autoriteteve shqiptare. Masat mbrojtëse dhe administrative zbatohen në territorin e Republikës së Shqipërisë, por AKEP dhe autoriteti rregullator i medias audiovizive mund të urdhërojnë heqjen, bllokimin ose kufizimin e përmbajtjes digjitale pavarësisht vendndodhjes së serverit apo ofruesit të shërbimit.

Në raste të caktuara, gjykata civile mund të shkojë edhe më tej, duke urdhëruar ndalimin e kontaktit online dhe offline, si dhe sekuestrimin e çdo mjeti digjital të përdorur për ushtrimin e dhunës, për sa kohë që këto mjete ndodhen brenda territorit të vendit.

Procedurat, formatet e kërkesës dhe mënyra e njoftimit elektronik për këto masa do të miratohen me një vendim të përbashkët të Këshillit të Lartë Gjyqësor, autoritetit përgjegjës për drejtësinë dhe Autoritetit të Komunikimeve Elektronike dhe Postare, duke synuar standardizimin dhe përshpejtimin e ndërhyrjeve në mjedisin digjital./ D.Hyka

 

The post Gjoba ditore deri në 500 mijë lekë, ligji i ri me sanksione ndaj përmbajtjes së dëmshme online appeared first on Revista Monitor.

Ish-deputeti i Partisë Demokratike, Ervin Salianji, është shprehur se një nga arsyet pse PD e ka problem të jetë e besueshme, është sepse nuk krijon epërsi morale dhe  sepse bën akuza të pafaktuara.

Komentet Salianji i bëri në emisionin ‘Off the Record’ me gazetarin Andrea Danglli në A2 CNN, ku hodhi poshtë akuzat kryedemokratit Sali Berisha dhe sekretarit të përgjithshëm të PD-së, Flamur Noka, për lidhje me botën e krimit.

Salianji tha gjithashtu se ai ka qenë ndër denoncuesit kryesorë të krimit të organizuar në PD dhe shtoi se ka bërë burg për arsye se ka denoncuar një grup kriminal.

“Një nga arsyet pse PD e ka problem të jetë e besueshme është sepse nuk krijon epërsi morale, e dyta sepse nuk duhet të thotë akuza të pafaktuara dhe e treta për t’ju kthyer edhe këtyre meqë e thatë Elbasanin… Kur shkova unë në Elbasan si drejtues politik nga kryetari i partisë dhe Kryesia.

Kur shkova drejtues politik isha luftëtari më i madh i krimit të organizuar. Por si ndryshova unë për këtë periudhë? Më ka çuar partia dhe kryetari i partisë ka ditur që kam pasur ndonjë lidhje që më ka çuar atje? Se këtu pastaj është problem i madh. Prandaj kur thuhen akuzat, sepse aty po bashkëjetohej… Partitë politike nuk janë shoqëri dhe i zgjedh.

Unë kam denoncuar grupet kriminale nga Shkodra në Korçë, në çdo cep. Si mund të marr unë mesazhe. Ça mesazhet mund të marr unë. Unë kam hyrë mes parcelave me kanabis, unë për këtë punë bëra burg, për denoncimin e një grupi kriminal”, tha mes të tjerash Salianji.

Ish-komentatori sportiv Dritan Shakohoxha tregoi në “Opinion” një episod të çuditshëm, por dhe qesharak, me gjuhën e urrejtjes në rrjetet sociale. Edhe pse nuk komenton ndeshje prej tre vitesh, një tifoz i zemëruar  vendosi t’ia ‘numërojë’ të gjitha në Instagram: E nxore kokën, tifoz i Interit…

“Më ngrohen nervat, sa të duash. E di sa vetave u kam kthyer përgjigje?! U shkruaj, shpesh kam gjetur edhe kështu ironi. Kam historia nga më të ndryshmet. Unë nuk komentoj më ndeshje, kam tre vjet që nuk komnetoj më ndeshje dhe nuk kam më ndërmend që të komentoj më ndeshje. Dikush që punon në një televizion, ka një ngjashmëri me mua.

Vjet më shkruan dikush në Instagram, ti more që e nxore kokën që dole tifoz i Interit dhe nisi duke me sharë. Më shkruan, duke më sharë nga të gjitha anët: ‘ti more që e qite kokën, robt ku t’i kesh, e nxore që je tifoz i Interit’. Unë i shkruaj ‘ i nderuar zotëri unë kam tre vjet që nuk komentoj më ndeshje, por gjithsesi robt ku t’i kesh edhe ti’. Realisht njerëzit mendojnë se kanë të drejtë të të gjykojnë dhe të japin një mendim për ty”, tregoi Shakohoxha.

Gjykata Kushtetuese i ka dhënë të drejtë padisë së një personi, i cili ishte ankuar se SPAK dhe GJKKO, pas sekuestrimit të celularit, i kishin marrë dhe përdorur të gjitha të dhënat personale që kishin gjetur në aparat.

Kushtetuesja e ka quajtur këtë shkelje të të drejtave të njeriut dhe të privatësisë dhe ka urdhëruar përdorimin vetëm të komunikimeve për çështje në hetim, të cilat do të përcaktohen si të tilla paraprakisht me vendim gjykate, duke i vënë kështu një vijë të kuqe kufizuese SPAK-ut dhe GJKKO-së.

Avokati Gentian Romano i ftuar në “Real Story” tha se ky vendim i gjykatës është i drejtë, sepse kufizon dhe i përcakton rregulla strikte prokurorisë për sigurimin e provave në mënyrë të ligjshme.

Ai theksoi se Prokuroria i është imponuar deri tani “forcërisht” Gjykatës lidhur me rrëmbimin e telefonave dhe sekuestrimin e komunikimeve brenda tij.

“Nga pikëpamja procedurale është vendim i rëndësishëm, Së pari, personalisht e kam konstatuar të padrejtë rrëmbimin e telefonave nga ana e prokurorisë, edhe pse mund të justifikohen me faktin se kanë vendim nga gjykata lidhur me sekuestrimin e sendeve, mbi të cilave dyshohet që mund të këtë prova për kryerjen veprave penale dhe një nga këto rrëmbime që bën prokuroria është telefoni celular.

Telefoni nuk është thjesht një send i konsideruar nga prokuroria për mjet për kryerjen e veprës penale, por me vendimin e Kushtetuese merr një dimension tjetër përdorimi i celularëve.  Në të gjitha çështjet që ka ngritur Prokuroria e Posaçme, në gjykatë, paraqet edhe komunikimet që janë mes subjekteve që dyshohet për kryerjen e veprave penale. Kjo teknikë e përdorur nga Prokuroria, e pranuar nga ana e gjykatës forcërisht.

Në mënyrë më absolute, kam kohë që e them personalisht.  Procedura për sekuestrimin e telefonave dhe më pas të dhënave treguese që ndodhen brenda telefonit, ka një procedurë të qartë që ligjbërësit e ka normalizuar në Kodin e Procedurës Penale. E bën me detyrim prokurorinë, që në momentin që sekuestron një telefon për të marrë të dhënat, duhet domosdoshmërisht t’i drejtohet gjykatës.

Në kërkesën që i paraqitet nga organi i akuzës gjykatës, duhet të përcaktohet linja e kontrollit që do realizohet nga prokuroria në telefonin e sekuestruar.  Jo domosdoshmërisht prokuroria duhet të hapi të gjitha komunikimet që janë në telefon. Gjykata duhet të vendosë nëse këto komunikimet do të sekuestrohen nga prokuroria dhe më pas të përftohen prova të tjera nëpërmjet të dhënave. Këtë thotë dhe Kushtetuesja. Të kushtëzon në dy forma.”, tha ai.

Babai i bëri gjithashtu thirrje të birit që të dorëzohej sepse ishte i shqetësuar për të.

Kur u pyet nëse kishte pasur probleme shëndetësore, ai e pohoi dhe tha se kohët e fundit i kishte çuar disa herë.

“Ne si familje jemi të shokuar. Ka 6 vite që jemi të shokuar dhe të tronditur. Por këtë rast nuk e prisnim, siç erdhën rrethanat” u shpreh babai i tij.

Të ka thënë ndonjëherë që nëse drejtësia nuk vepron do të largohem?

Jo, kurrë nuk bëhet fjalë, por unë e dyshoj që për atë e ka bërë sepse mendon që nuk do vepron drejtësia sepse u bënë 6 vite në hetim tashmë, 6 vite paraburgim.  

Sa herë kam shkuar atje të gjitha policët kanë zbatuar rregullat e tyre dhe isha i kënaqur me ta

6 vite në paraburgim sepse u akuzua për 4 vrasje në Durrës. Këto janë rrethana të paperceptueshme. Por erdhi koha që nuk po e kuptonim më që

Në dijeninë time duhet të marrë pafajësinë. Nuk ka asnjë lloj faji. Kur u bënë vrasjet ishte në shtëpi djali me mua. Por nuk më pëlqenin gazetarët që e bënin fakt të kryer që i ka kryer djali im vrasjet. Po na bëjnë shumë keq këta gazetarë.

Para 3 ditësh ka folur me të i dërgova ushqime dhe më tha jam shumë mirë.

Nuk e di fare ku është. Nuk kam asnjë sinjal. Biles ta gjejë policia dhe ose ta çojë atje ku ishte ose të ma sjellë në shtëpi, sepse në shtëpi ma morën.

Unë mendoj që djali e ka marrë këtë veprim sepse nuk beson te drejtësia.

Jam shumë i shqetësuar për djalin. Nëse më dëgjon tani do i thoja që babi të do shumë, jemi të tronditur të rraskapitur dhe të lodhur pas 6 vitesh pa asnjë përgjigje. Ama kurrë nuk i them që të mos të dorëzohet. Megjithëse nuk i besoj drejtësisë, më mirë të dorëzohet që ta di se ku është sesa këtu i shqetësuar.

Kishte probleme kohët e fundit me veshkat, infeksione të brendshme, shpesh i kam dërguar edhe ilaçe”, u shpreh Nikollë Ndoci, babai i të arratisurit.

Ish-këshilltari për Sigurinë Kombëtare i presidentit Donald Trump, John Bolton, deklaroi se politika e Shteteve të Bashkuara për shpalljen e personave “non grata” nuk përdoret si mjet për goditje politike, por bazohet vetëm në interesat e sigurisë kombëtare amerikane.

I ftuar në emisionin “Off the Record” nga Andrea Danglli, Bolton theksoi se vendimet për sanksionime dhe shpallje “non grata” merren mbi baza faktike dhe gjeopolitike, dhe jo si rezultat i lobimeve apo debateve të brendshme politike në vendet e prekura. Sipas tij, edhe pse këto vendime mund të kenë pasoja politike lokale, kjo nuk është arsyeja që i motivon Shtetet e Bashkuara.

Duke folur për marrëdhëniet Kosovë–Serbi, Bolton sqaroi se administrata e parë Trump mbështeste idenë që palët vetë të gjenin një zgjidhje të përhershme, pa imponim nga jashtë. Ai tha se SHBA nuk ishte kundër përshtatjes së territoreve, për sa kohë që kishte dakordësi mes dy vendeve dhe gjithçka bëhej brenda kuadrit ligjor. Sipas Bolton, zgjidhja përfundimtare është thelbësore për të shmangur ndërhyrjen e aktorëve të jashtëm që synojnë destabilizimin e Ballkanit.

Bolton vlerësoi se rreziku i paqëndrueshmërisë në Ballkan mbetet real, sidomos në kontekstin e luftës në Ukrainë dhe ambicieve të Rusisë. Ai theksoi se stabiliteti i rajonit është në interes të SHBA-ve dhe se NATO mbetet shtylla kryesore e sigurisë, pavarësisht sfidave aktuale në marrëdhëniet transatlantike.

Nga Bjorn Runa

Sot qarkulloi në media lajmi se SHBA do të pezullojnë për një periudhë të pacaktuar përpunimin e vizave të emigracionit për shtetasit e 75 vendeve të botës, përfshi këtu edhe Shqipërinë. Kjo vjen pak ditë pasi autoritetet amerikane publikuan javën e parë të janarit një grafik ku listoheshin sipas kombësisë, familjet që përfitonin më shumë ndihmë sociale. Të dy lajmet, por veçanërisht ky i sotmi u hodhën nga një pjesë e madhe e mediave shqiptare si një lloj “bombe” kundër popullit më “amerikan-dashës,” duke e paraqitur si provë të dështimit të emigrantëve shqiptarë.

Fillimisht vlen të sqarohet se është fjala vetëm për ata të cilët aplikojnë për vizë emigracioni, çka nënkupton ata që synojnë të bëhen shtetas permanentë në SHBA dhe nuk kemi të bëjmë me ndonjë formë ndëshkimi kombëtar. Për më tepër, diçka e tillë është aplikuar prej kohësh, jo vetëm në SHBA, por pothuajse në çdo shtet perëndimor që përballet me valë të mëdha emigracioni. Ata që mendohet se ka më shumë gjasa të përfundojnë në programet e ndihmës sociale, nuk iu jepet viza. Por, ajo që është më problematike qëndron tek paraqitja e gjithë kësaj historie si një “vulë turpi” për emigrantët shqiptarë në SHBA. Ajo që nënkuptohet qartësisht edhe pa u thënë me zë të lartë është se kjo përbën një provë abuzimi dhe teprimi nga ana e tyre.

Tani, nëse administrata aktuale amerikane do të shqetësohej me të vërtetë se të huajt po pasurohen duke shfrytëzuar sistemin dhe duke përfituar nga taksapaguesit amerikanë, atëherë ajo nuk do të kishte nisur prej kohësh reduktimin e fondeve të ndihmës sociale për një sërë programesh kyçe, që prekin edhe qytetarët amerikanë. Emigrantët në këtë rast janë thjesht një pikë hyrëse më e lehtë sepse është më e thjeshtë t’i diferencosh, ndërsa ata vetë e kanë më të vështirë të mbrohen .

Nga ana tjetër, grafika nuk na shpjegon se sa nga ato 43% familje shqiptare, por edhe të kombësive të tjera, e marrin me të drejtë ndihmën sociale dhe sa abuzojnë me të, gjithnjë nëse kemi të bëjmë me abuzime në shkallë të gjerë. Sistemet e ndihmës sociale ekzistojnë pikërisht për t’u përdorur kur gjendesh në vështirësi: në raste sëmundjesh të rënda, paaftësish fizike, punësimit të paqëndrueshëm; kur e ke të pamundur të punosh pasi duhet të kujdesesh për një të afërm të sëmurë ose edhe në raste tronditjesh të befta ekonomike. Ideja që njerëzit duhet ta durojnë varfërinë në heshtje e me shpirt ndër dhëmbë për ruajtur çfarëdo krenarie është thjesht argument mizor moral dhe jo ekonomik.

Por le të qartësohemi pak se çfarë ndihme japin programet e welfare në SHBA. Shumica e tyre ofrojnë mbështetje modeste për nevojat më elementare dhe janë tepër të rregulluara, gjë që e bën të vështirë për t’u pranuar. Thënë ndryshe, në zemër të sistemit është ideja e refuzimit, pikërisht për shkak të dyshimit se po të jepeshin para falas, të gjithë do të abuzonin. Për shembill, Ndihma Suplementare për Ushqim (SNAP) konsiston në disa qindra dollarë ($300-$900 në varësi të shtetit) në muaj për një familje. Asistenca për Familjet në Nevojë (TANF që varion afërsisht nga $200-$900 në muaj për familje dhe që ka rrezik të pritet si program), në shumë shtete mbulon me vështirësi edhe një fraksion të qirasë mujore. Pra, të thuash që njerëzit në SHBA po pasurohen përmes ndihmës sociale është çmenduri. Ndihma sociale është një dyshek sigurie ku ti mund të biesh butë në kohë vështirësish, jo shkallë drejt një jete luksi e rehatie.

Ajo që është edhe më e rëndësishme është se pranimi i kaq shumë familjeve të cilësdo kombësi në programet e ndihmës sociale, nuk përbën akuzë ndaj emigrantëve, por ndaj sistemit brenda të cilit ata luftojnë për të mbijetuar. Përgjithësisht, emigrantët në çdo shtet janë të përqendruar në punë me paga minimale dhe shpesh të pasigurta: pastrim, ndërtim, shërbime ushqimi, përkujdesje, apo delivery. Janë të gjitha punë me orë të paqëndrueshme, ku ti nuk paguhesh nëse nuk punon edhe nëse e ke të pamundur sepse je sëmurë, dhe mbi të gjitha janë punë ku paga nuk arrin të mbajë ritmin e qirasë, shpenzimeve shëndetësore dhe kostove ushqimore. Nëse dikush punon me kohë të plotë – ose pothuajse të plotë – dhe prapë nuk mbulon dot nevojat më bazike të jetës pa ndihmë sociale, atëherë problemi nuk qëndron tek etika e tij e punës, por te tregu që ka normalizuar varfërinë.

Nëse ka njerëz që edhe pse punojnë mbeten të varfër, ndihma sociale përbën një subvencion, pasi punëdhënësi nuk e paguan aq sa i nevojiten për kushtet bazë të jetesës. Shteti ndërhyn jo sepse emigrantët, apo edhe vendasit që përfitojnë asistencë, janë dembelë, por sepse ekonomia është strukturuar për të mbajtur sa më të ulët koston e punëtorit. Tek e fundit, shumica e shqiptarëve dhe emigrantëve nga çdo kombësi, nuk i hyjnë rrugës së emigracionit drejt perëndimit vetëm për mundësi punësimi, por mbi të gjitha sepse mendojnë që po shkojnë në një vend ku, në momentin që do të gjenden në vështirësi dhe do jenë të pamundur t’i dalin zot jetës, shteti dhe institucionet do ndërhyjnë për t’iu garantuar njëfarë dinjiteti bazik.

Megjithatë, kontradikta e ekonomisë së strukturuar për të ulur kostot e punës thellohet edhe më shumë në vende si SHBA, veçanërisht për faktin sepse konsiderohen si një nga shoqëritë më të pasura që kanë ekzistuar ndonjëherë. Pak kund tjetër sheh të qëndrojnë në majë të ekonomisë figura si Elon Musk, pasuria e të cilëve dikur do të kish qenë e paimagjinueshme. Dhe, kur një numër i madh punëtorësh që gjenerojnë kaq shumë vlerë ekonomike nuk përballojnë dot kushtet bazë të jetës, atëherë pikëpyetja morale nuk është se pse aplikojnë për ndihmë sociale, por përse pasuri kaq ekstreme shpërblehen me ulje taksash dhe mbrojtje politike?

Ndaj, paraqitja e marrjes së ndihmës sociale si një vulë turpi kombëtar, apo si turp në përgjithësi, nuk shërben për asgjë tjetër veçse për të zhbërë përgjegjësinë, duke e zhvendosur fajin nga pagat e ulëta, derregullimi i punësimit dhe pabarazia, tek ata më të pafuqishmit për të ndryshuar rrethanat e jetës së tyre. Ndihma sociale nuk është provë e dështimit të emigrantëve, por e një sistemi që kërkon me doemos krahë pune, pa pranuar t’iu sigurojë atyre dinjitet në këmbim.

Nëse kjo është e vështirë për t’u pranuar, atëherë “turpi” i takon sistemit dhe jo njerëzve që përpiqen të mbijetojnë brenda tij.

Avokati i Altin Ndocit, Aldo Shkëmbi, i ftuar në emisionin “Real Story” në ABC News, ka folur për arsyet që, sipas tij, e kanë shtyrë klientin e tij drejt arratisjes, duke hedhur akuza të forta ndaj mënyrës se si është trajtuar çështja nga organet e drejtësisë.

Shkëmbi deklaroi se Altin Ndoci është mbajtur qëllimisht në burg deri në përfundimin e hetimeve për dosjen e njohur si “Plumbi i Artë”, pavarësisht se, sipas tij, prokuroria kishte dijeni që në gjashtëmujorin e parë pas arrestimit se Ndoci ishte i pafajshëm për katër vrasjet e ndodhura në Durrës.

Shkëmbi pohoi se Nuredin Dumani  ka sugjestionuar Klevis Allën për të implikuar Talo Çelën dhe Altin Ndocin në ngjarje kriminale dhe vrasje.

Ai shtoi se humbja e besimit tek drejtësia ka qenë arsyeja kryesore që e ka shtyrë Altin Ndocin të ndërmarrë veprimin ekstrem të arratisjes. Avokati bëri të ditur gjithashtu se përgjigjet e analizës së ADN-së për katër vrasjet e Durrësit kanë qenë në dispozicion të prokurorisë që në gjashtë muajt e parë, por nuk janë paraqitur në gjykim.

Ai e cilësoi dosjen “Plumbi i Artë” si një nga çështjet më të rëndësishme për SPAK, për shkak të numrit të madh të ngjarjeve kriminale të përfshira në të gjithë vendin, duke e quajtur një dosje shumë komplekse.

Megjithatë, sipas tij, ka paradokse të rënda, pasi Nuredin Dumani ka rrëfyer se ka tentuar katër herë të vrasë Altin Ndocin, por për këto ngjarje nuk ka asnjë akuzë.

“Altin Ndoci është mbajtur në burg qëllimisht pikërisht deri sat ë përfundonte i gjithë hetimet sa i përket procesit të Plumbit të Artë. Përhapa se të përfundonte procesi, prokuroria ka qenë e vetëdijshme që 6 mujorshin e parë, kur është arrestuar Nodci që ishte i pafajshëm për katër vrasjet e Durrësit, ka dhënë deklarime. Dumani në cilësinë e bashkëpunëtorit të drejtësisë, marrëveshjen e ka bërë në 2022, dy vjet më vonë.

Edhe pse prokuroria ishte e vetëdijshme që Nuredin Dumani kishte ndikuar dhe kishte sugjestionuar Klevis Allën, që të fajësonte Talo Celës dhe Altin Ndocin, duke i përfshirë në ngjarje kriminale dhe në vrasje.

Altin Ndoci e ka humbur besimin tek drejtësia dhe ka marrë atë veprim ekstrem. ADN e Ndocit, përgjigjja e ADN, për katër vrasjet e Durrësit, prokuroria e ka pasur që 6 muajt e parë dhe nuk e ka sjellë në gjykim, vetëm kur e kemi ngritur ne si shqetësim, sepse e shfajësonte dhe e lironte.

Plumbi i artë është një nga çështjet shumë të rëndësishme për SPAK, sepse ka shumë ngjarje në të gjithë republikën e Shqipërisë. Ka qenë dosje shumë komplekse. Ka dhe ngjarja që Nuredin Dumani që ka rrëfyer dhe nuk ka akuza, Dumani ka dashur të vrasë katër herë Altin Ndocin, por nuk ka akuza. Për ne si avokat, “Plumbi i Artë” ka dështuar. Ne na mohohet e drejta e fjalës.”, tha ai.

Deputeti i Partisë Demokratike Luan Baçi ka reaguar pas lajmeve se SPAK po heton financimet e Kuvendit të 11 dhjetorit 2021 të Partisë Demokratike, duke e cilësuar këtë proces si një veprim të turpshëm dhe të porositur politikisht.

Në një postim në rrjetet sociale, Baçi argumenton se, nëse llogaritet një kontribut simbolik prej 10 mijë lekësh për secilin nga 4 400 delegatët, shuma arrin në 44 milionë lekë, e mjaftueshme për organizimin e aktivitetit. Ai shton se, edhe në rastin e pjesëmarrjes së 44 mijë delegatëve në procesin e zgjedhjes së kryetarit të PD-së, shuma do të shumëfishohej, duke arritur në rreth 440 milionë lekë.

Reagimi i deputetit shoqërohet edhe me akuza të drejtpërdrejta ndaj figurave brenda opozitës që, sipas tij, janë përfshirë në denoncime të pabaza, duke përmendur në mënyrë të tërthortë edhe Gazment Bardhi.
Në mbyllje të reagimit, deputeti i PD-së përdor një gjuhë të ashpër, duke deklaruar se “turpi i mbuloftë” të gjithë ata që u morën me kallëzime të tilla, ndërsa shton se, sipas bindjes së tij, këta persona “as turp nuk kanë”.

“Spak heton Kuvendin e 11 Dhjetorit të Partisë Demokratike, Kuvendin më të bukur dhe më të lavdishëm të saj!
Ku u gjetën paratë?
4,400 delegatë × 10 mijë lek = 44 milionë lekë!
Dalin dhe teprojnë, për një aktivitet të tillë të Partisë Demokratike!
Besoj se çdo delegat, kaq lekë i ka dhe nuk ka detyrim, për të deklaruar burimin e këtyre të ardhurave!
Po të llogarisim edhe 44,000 delegatët të konfirmuar me ID, që morën pjesë, në zgjedhjen e kryetarit të Partisë Demokratike profesor doktor Sali Berishës, × 10,000 lekë, për çdo delegat, shuma dhjetëfishohet, në 440 milionë lekë!
Partia Demokratike është një fuqi e madhe dhe e papërballueshme jo vetëm në ide, në programe, por edhe në përfaqësim, në numra dhe për rrjedhojë edhe në financa.
Boll me këto karagjozllëqe dhe veprime të turpshme, duke goditur Partinë Demokratike dhe kryetarin e saj, me porosi të vazhdueshme, për çështje që nuk ekzistojnë!
Merruni me aferat korruptive, me miliona dhe miliarda euro abuzime, të qeverisë më të korruptuar të të gjitha kohëve!
TURPI i mbuloftë, megjithëse e di, që vetëm turp nuk kanë, të gjithë ata që u morën me denoncime dhe kallëzime të tilla, të paqena në periudhën më të lavdishme, por edhe më të vështirë të Partisë Demokratike!” – shkruan Baçi.

Ish-deputeti i Partisë Demokratike, Ervin Salianji, e ka cilësuar 8 Janarin si një nga momentet më të turpshme në historinë e PD-së, duke theksuar se përgjegjësia për atë përplasje i takon si ish-kryetarit Lulzim Basha, ashtu edhe ish-kryeministrit Sali Berisha.

I ftuar në emisionin “Off the Record” nga Andrea Danglli, Salianji tha se ajo ngjarje ishte pasojë e një konflikti të thellë lidershipi dhe jo e individëve të veçantë. Sipas tij, përplasja nuk e nderon Partinë Demokratike dhe pasojat e saj vijojnë të rëndojnë edhe sot mbi opozitën.

“8 janari ishte një përplasje mes ish-kryetarit dhe kryetarit të atëhershëm të PD-së. Është një histori që i bën përgjegjës të dyja palët, si zotin Basha, ashtu edhe zotin Berisha,” u shpreh Salianji, duke shtuar se pamjet e asaj dite ishin të dëmshme për imazhin e partisë.

Ai theksoi se vetë nuk ka qenë agresor në atë ngjarje dhe se prania e tij në selinë blu lidhej me një mbledhje të thirrur nga shumica e grupit parlamentar dhe kryetarët e degëve. Salianji deklaroi se situata e krijuar ishte një “kurth politik”, ndërsa fakti që selia e PD-së ishte blinduar nuk ishte bërë i ditur më parë.

Sipas tij, 8 janari mbetet një “Çernobil politik” për PD-në, një ngjarje që duhet analizuar thellë, pranuar si gabim dhe tejkaluar, në mënyrë që partia të rifitojë besimin dhe epërsinë morale përballë qeverisë.

Sipas raportimeve, gjykatësi Paul McDermott vendosi që McGhee, pa vendbanim të caktuar, të vuajë edhe katër vjet e gjashtë muaj burg për dy akuza të mizorisë ndaj fëmijëve gjatë javëve dhe muajve që çuan në vrasje. Dënimet do të zbatohen njëkohësisht me burgimin e përjetshëm.

Gjatë gjyqit u bë e qartë se Mason kishte pësuar abuzime fizike për javë të tëra dhe ishte izoluar në dhomën e tij për katër ditë para se njerka ta godiste në mënyrë fatale. Ai kishte pësuar dëmtime të rënda, përfshirë një lëndim në bark që i shkaktoi shqyerjen e mëlçisë dhe lëndime në kokë, që secila mund të kishte shkaktuar vdekjen vetë. Babai dhe njerka e tij përpiqeshin të mashtronin profesionistët mjekësorë për shkakun e dëmtimeve.

Nëna e Mason, Elizabeth Conway, u shpreh jashtë gjykatës se asgjë nuk do ta kthejë djalin e saj dhe përjetoi pesë vite të tmerrshme duke dëgjuar për abuzimet që i kishte përcjellë fëmija i saj. Ajo e përshkroi djalin si një fëmijë të dashur, të zgjuar dhe plot kujdes, që solli shumë lumturi në jetën e familjes.

Kendall Jenner ka ngritur pikëpyetje dhe reagime të shumta pas një deklarate të fundit ku mohon ndërhyrjet estetike gjatë gjithë jetës së saj. Modelja e njohur ka folur hapur për pamjen e saj, duke theksuar se nuk ka kryer operacione plastike. Ajo ka sqaruar se i vetmi trajtim estetik që ka përdorur ka qenë minimal, […]

Aktorja e njohur e humorit Rudina Dembacaj është bërë jo pak qendër e vëmendjes për historitë e saj personale. E ftuar në studion e emisionit “Opinion” në Tv Klan ajo tregon se për shkak të lidhjeve të saj romantike, ka marrë jo pak komente ofenduese në rrjetet sociale.

“Ish-at e mi janë bërë hit”, u shpreh, teksa pranoi se deri diku komentet i pëlqenin.

Rudina Dembacaj: Blendi t’i more shembull Eva Muratin, por ti nuk e ke idenë, ia kaloj nja 5 miliardë herë Evës për komentet që më kanë ardhur për jetën personale.

Blendi Fevziu: Çfarë të thonë me aman?!

Rudina Dembacaj: Ka njerëz që përfitojnë nga kjo gjëja, ka njerëz ku të hanë nga një ‘copë tortë’, të gjithë në garë për vëmendje. Të ‘mjerët’ kërkojnë vëmendje nga asgjëja. Kanë pasur një kontakt të caktuar me mua në një pikë të jetës dhe shfrytëzojnë gjatë gjithë kohës atë gjë për të marrë vëmendje dhe për të krijuar vëmendje, më të marrë famë. Merren me ish-at e mi, janë bërë hit. Se unë i bëj edhe publike gjërat!

Blendi Fevziu: Po ty ç’të duhet?! Ti e kruan vetë!

Rudina Dembacaj: Pikërisht pra se mua deri diku edhe më pëlqejnë këto komente.

Ish-komentatori sportiv Dritan Shakohoxha tregoi në “Opinion” një episod të çuditshëm, por dhe qesharak, me gjuhën e urrejtjes në rrjetet sociale. Edhe pse nuk komenton ndeshje prej tre vitesh, një tifoz i zemëruar  vendosi t’ia ‘numërojë’ të gjitha në Instagram: E nxore kokën, tifoz i Interit…

“Më ngrohen nervat, sa të duash. E di sa vetave u kam kthyer përgjigje?! U shkruaj, shpesh kam gjetur edhe kështu ironi. Kam historia nga më të ndryshmet. Unë nuk komentoj më ndeshje, kam tre vjet që nuk komnetoj më ndeshje dhe nuk kam më ndërmend që të komentoj më ndeshje. Dikush që punon në një televizion, ka një ngjashmëri me mua.

Vjet më shkruan dikush në Instagram, ti more që e nxore kokën që dole tifoz i Interit dhe nisi duke me sharë. Më shkruan, duke më sharë nga të gjitha anët: ‘ti more që e qite kokën, robt ku t’i kesh, e nxore që je tifoz i Interit’. Unë i shkruaj ‘ i nderuar zotëri unë kam tre vjet që nuk komentoj më ndeshje, por gjithsesi robt ku t’i kesh edhe ti’. Realisht njerëzit mendojnë se kanë të drejtë të të gjykojnë dhe të japin një mendim për ty”,tregoi Shakohoxha.