Ministri i Jashtëm gjerman Johannes Vandeful tha se Groenlanda i përket Danimarkës dhe se aleanca e NATO-s mund të zhvillojë bisedime për të forcuar mbrojtjen e saj nëse është e nevojshme.

Deklarata erdhi pasi Presidenti i SHBA-së Donald Trump përsëriti kërcënimet e tij për të marrë kontrollin e Groenlandës, një perspektivë që ka alarmuar aleatët e NATO-s dhe që ka fituar më shumë peshë pasi Trump zbatoi kërcënimin e tij për të rrëzuar udhëheqësin venezuelian Nicolas Maduro.

Trump ka thënë vazhdimisht se dëshiron të marrë kontrollin e Groenlandës, një ambicie që e shprehu për herë të parë në vitin 2019 gjatë mandatit të tij të parë në detyrë.

Duke folur me gazetarët në Lituani , Vanderful tha se Gjermania kishte pyetje në lidhje me largimin e Maduros dhe theksoi se populli venezuelian duhet të përcaktojë të ardhmen e vendit të tij përmes zgjedhjeve të lira dhe të ndershme.

Dialogu ndërmjet Kosovës dhe Serbisë gjatë vitit 2025 ka mbetur i bllokuar, pa ndonjë progres të dukshëm.

Mungesa e formimit të institucioneve në Kosovë dhe trazirat politike në Serbi, kanë bërë që ky proces të ngecë.

Ndërkohë i kërkohet Bashkimit Evropian që të adresojë disa parakushte ndaj Serbisë, si për përgjegjësit e saj për sulmin terrorist në Banjskë, e po ashtu lobimin intensiv kundër anëtarësimit të Kosovës në organizata ndërkombëtare.

Megjithatë, dialogu në nivel të kryenegociatorëve është zhvilluar, ku Besnik Bislimi dhe homologu i tij serb, Petar Petkoviç, janë takuar dy herë në Bruksel gjatë këtij viti, por pa u dakorduar për hapat konkret drejt zbatimit të Marrëveshjes Bazë të Brukselit dhe aneksit të Ohrit të arritur mes palëve në vitin 2023.

Ish-kryenegociatori i Kosovës në dialog, Avni Arifi, thotë për KosovaPress se progres në dialog s’ka mundur të ketë gjatë vitit 2025, derisa sipas tij, qeveria ka qenë në detyrë dhe s’ka pasur legjitimitet.

“Kur s’ke qeveri, s’ka legjitimitet me marrë pjesë dikush në dialog, prandaj s’ka pasur dialog. Problemi kryesor që e kam është se fajësia pse s’ka pasur dialog ka qenë Kosova. Domethënë, arsyeja pse s’ka pasur dialog është sepse Kosova ka qenë e paaftë t’i krijojë institucionet. Këto takimet që kanë qenë, takime sociale, me mbajtur shpirtin gjallë Sorensen-i në mandatin e tij, me biseduar me palët çka mendojnë, qysh është vizioni i tyre. Po tërësisht, domethënë, takime të papërfillshme. Sorensen-i edhe Kaja Kallas nuk e kanë provuar veten në dialogun Kosovë-Serbi. Domethënë, kjo iu pamundësua për shkak të zhvillimeve tona të brendshme”, thotë ai.

Ndërkaq, hulumtuesja në GLPS, Arbëreshe Loxha, thotë se Bashkimi Evropian duhet t’i analizojë mirë sjelljet e Serbisë për të pasur progres në dialog. Ajo përmend qasjen refuzuese të Serbisë dhe lobimin e saj kundër anëtarësimit të Kosovës në organizata ndërkombëtare, si dhe sulmin terrorist në Banjskë si shkelje e marrëveshjes së Ohrit.

“Nuk mund të shohim ndonjë progres në kuptimin e hapave të rinj në kuadër të dialogut Kosovë-Serbi për faktin që nuk kemi pasur një qeveri e cila ka mandat të plotë, por kemi pasur një qeveri në detyrë. Në anën tjetër, trazirat politike në Serbi kanë qenë të vazhdueshme dhe nuk kanë lejuar vëmendje nga qeveria e Serbisë në procese siç është dialogu. Konsideroj se edhe BE-ja për këto dy arsye kryesore nuk është se ka ndërmarrë përpjekje për të pasur diçka konkrete në kuptim të dialogut… Ajo çka është e rëndësishme të bëhet në kuptim të dialogut Kosovë-Serbi është të kemi implementim të plotë të marrëveshjeve të kaluara. Gjithashtu të kemi zbardhje të plotë edhe vënien para drejtësisë për të gjithë ata që kanë qenë përgjegjës për sulmin terrorist në Banjskë. Marrëveshja e Ohrit është shkelur fillimisht me lobimin e Serbisë kundër anëtarësimit të Kosovës në organizata ndërkombëtare dhe pastaj me sulmin terrorist në Banjskë. Për të njëjtin nuk kemi vënë para drejtësisë ose ndihmesë për vënien e tyre para drejtësisë as nga pala serbe”, thekson ajo.

Dje, kryeministri në detyrë Albin Kurti ka thënë në një intervistë për KosovaPress se për të vazhduar dialogu duhet që ‘kryeterroristi Milan Radoiçiç t’u dorëzohet organeve të sigurisë në Kosovë’.

 “Për të vazhduar dialogu, ne duhet t’i zbatojmë marrëveshjet. Por për të vazhduar dialogu, natyrisht, ne kemi nevojë që Milan Radoiçiq, kryeterroristi që na e vrau rreshterin policor, heroin e Kosovës, Afrim Bunjakun, t’u dorëzohet organeve të sigurisë në Kosovë, meqenëse ka aktakuzë me 160 faqe nga Prokuroria Speciale, së bashku me 44 paramilitarë të tjerë, të cilët deshën që në Banjskë të Zveçanit ta fillojnë një konflikt të përmasave të gjera, nga i cili ata shpresonin se do të mund të provokohej ndërhyrja e Serbisë për ta aneksuar veriun e Kosovës. Dështuan. Dështuan edhe me hedhjen në erë më pas të kanalit Ibër-Lepenc, për të cilin po ashtu ka aktakuzë, dhe do të dështojnë secilën herë. Veçse, marrëveshja për fqinjësi të mirë, evropiane, bazuar në marrëveshjen bazë të Brukselit dhe në aneksin e zbatimit nga Ohri, nuk mund të ecë përpara përderisa Milan Radojçiq, sot që po flasim, është më i afërt me presidentin Vuçiq sesa edhe mbrojtja e tij e afërt”, thekson ai.

Kosova ka mbajtur zgjedhjet e parakohshme parlamentare më 28 dhjetor. Në bazë të rezultateve preliminare, Lëvizja Vetëvendosje ka fituar mbi 49 për qind dhe e njëjta pritet të formojë qeveri në koalicion vetëm me komunitet jo-shumicë.

Kosova dhe Serbia kanë rritur dakordimin për marrëveshjen e Brukselit dhe Aneksin e Ohrit në vitin 2023, por deri më tani kjo marrëveshjeje nuk ka gjetur zbatim.

Gjatë mandatit të Qeverisë Kurti, Kosova dhe Serbia zhvilluan një sërë takimesh në nivel të liderëve si dhe në atë të kryenegociatorëve, mirëpo palët nuk u dakorduan për zbatimin e marrëveshjes.

Pjesë e kësaj marrëveshjeje është edhe themelimi i Asociacionit të Komunave me shumicë serbe, por Qeveria e Kosovës ende nuk ka bërë ndonjë hap për zbatimin e tij.

Me gjithë kërkesën e faktorit ndërkombëtar që drafti i BE-së të dërgohet në Gjykatë Kushtetuese, Qeveria ka thënë se ai draft është një dokument “non paper” dhe si i tillë nuk do të dërgohet në Kushtetuese./kosovapress/

32-vjeçari Ardit Miha është ekstraduar nga Greqia. I riu, kërkohej ndërkombëtarisht, sepse në vitin 2024, Gjykata e Durrësit i ka caktuar masën e sigurisë “Arrest në burg”, për veprën penale “Plagosja e rëndë me dashje”.

Ky shtetas akuzohet se mbrëmjen e datës 06.10.2022, për motive të dobëta, ka plagosur disa herë me thikë, një person në lagjen nr. 13, Durrës.

“Si rezultat i koordinimit të veprimeve operacionale ndërmjet specialistëve të Drejtorisë së Interpolit dhe homologëve të tyre në Athinë, u finalizua në vijim të operacionit ndërkombëtar të koduar “The Wanted”, procedura për ekstradimin nga Greqia në Shqipëri, të shtetasit 32 vjeç, të lindur në Bulqizë”, thuhet në njoftimin e policisë.

/abcnews.al/

“Udhëheqësi Suprem i Iranit, Ajatollah Ali Khamenei, duket se ka një plan për t’u larguar nga vendi nëse forcat e sigurisë nuk arrijnë të shuajnë protestat ose nuk i binden më urdhrave të tij”, kështu thuhet në një raport të inteligjencës, citon “The Times”.

Në këtë raport, sipas The Times, 86-vjeçari Khamenei po planifikon të largohet nga Teherani me një rreth të ngushtë prej deri në 20 personash, përfshirë djalin e tij Mojtaba Khamenei, i cili shihet si një pasardhës i mundshëm.

Plani do të aktivizohet nëse shihet se ushtria dhe forcat e sigurisë po dezertojnë apo refuzojnë të zbatojnë urdhra.

Një ish-zyrtar i inteligjencës izraelite tha se destinacioni më i mundshëm i arratisjes do të ishte Moska, duke vënë në dukje se Khamenei mban marrëdhënie të ngushta me Rusinë dhe shpreh admirim për Vladimir Putinin.

Plani, sipas të njëjtave burime, bazohet në precedentin e arratisjes së ish-presidentit sirian Bashar al-Assad.

Finalizohet operacioni i koduar “New Start”. Në pranga ka rënë një 26-vjeçar për shpërndarje të lëndëve narkotike.

Gjatë kontrollit fizik dhe të automjetit që i riu drejtonte, shërbimet e Policisë gjetën një sasi prej 81 gramësh lëndë të dyshuar narkotike kokainë.

26-vjeçari ka tentuar t’u ikë punonjësve të Policisë, por është neutralizuar dhe më pas vënë në pranga. Në cilësinë e provës materiale u sekuestruan lënda narkotike, 1 automjet dhe 3 celularë.

Materialet procedurale iu referuan Prokurorisë së Fierit, për veprime të mëtejshme.

Gjykata e Posaçme ka rrëzuar kërkesën për ndryshimin  e masës së sigurisë ndaj Ilir Metës.

Gazetari Ervin Leka për ABC News se Meta ka kërkuar zëvendësim të masës së sigurisë, gjë e cila nuk është pranuar.

Duke lënë në këtë mënyrë në qeli Ilir Metën.

Kujtojmë se SPAK mbylli hetimet më 28 korrik, ndërsa dosjen e kaloi për gjykim në fund të gushtit; dosje që përfshiu tre hetime në një: aferën CEZ–DIA, lobimin e LSI-së në SHBA dhe hetimin pasuror.

Meta e Kryemadhi akuzohen për korrupsion pasiv, pastrim parash dhe mosdeklarim pasurie.

Pika e kalimit kufitar në Kakavijë ka regjistruar fluks të shtuar të emigranteve të cilët rikthehen në Greqi pas festave.

Sipas informacioneve bëhet me dije se pala shqiptare po punon me 4 sportele, ndërsa ajo greke me 2.

Vetë emigrantet janë shprehur se kjo është një situate e përsëritur, ndërsa shtojnë se shkak është edhe mbërritja e tyre në njëjtën kohë pranë doganës së Kakavijës.

“Qytetarët janë shprehur të shqetësuar, dhe kërkojnë një zgjidhje, pasi kjo problematikë është shumë shqetësuese dhe se nuk merr zgjidhje edhe pse është e përsëritur.

Policia e Kosovës ka dhënë detaje lidhur me sherrin e ndodhur në Podujevë, ku u raportua edhe për të shtëna me armë zjarri.

Në njoftimin e policisë, sqarohet se gjatë përplasjes mes dy grupeve, një person ka qëlluar me armë zjarri, duke lënë të plagosur dy persona.

Ngjarja ndodhi pranë një vend parkimi të një lokali, në rrugën “Zahir Pajaziri”.

Tre nga personat e përshirë në ngjarje janë arrestuar nga policia, ndërsa vijojnë hetimet për zbardhjen e plotë të ngjarjes dhe kapjen e personave të tjerë të përfshirë.

Maqedonia e Veriut po ndërmerr hapa drejt rritjes së sigurisë në komunikacion, duke vendosur një sistem të avancuar të mbikëqyrjes me kamera. Përmes projektit “Qyteti i Sigurt”, autoritetet synojnë t’i zvogëlojnë shkeljet rrugore, t’i parandalojnë aksidentet dhe ta ulin numrin e të lënduarve dhe viktimave në trafik.

Gjatë një periudhe testimi, kamerat kanë regjistruar katër shkelje rrugore. Ministria e Punëve të Brendshme (MPB) njofton se diapazoni do të zgjerohet dhe se projekti “Qyteti i Sigurt” do të zbatohet në të gjithë territorin e shtetit.

Sipas statistikave dhe pohimeve të policisë, kamerat tashmë po i “edukojnë” shoferët, pasi në Shkup është ulur si numri i shkeljeve dhe i të lënduarve në komunikacion.

Çfarë dihet deri tani para se të nisë zbatimi i projektit më 1 shkurt?

Periudha testuese filloi më 1 dhjetor 2025 dhe do të përfundojë në fund të janarit. Gjatë periudhës testuese, shoferët do të marrin vetëm vërejtje, ndërsa nga 1 shkurti 2026 do të shqiptohen gjoba për shkeljet që do t’i regjistrojnë kamerat.

Përveç kryeqytetit Shkup, sistemi do të jetë aktiv edhe në Kumanovë dhe Tetovë. Pajisje janë vendosur edhe në korridoret 8 dhe 10.

Ministria e Brendshme thotë se synimi është që gjatë vitit 2026 projekti të zbatohet në të gjithë territorin e shtetit.

Në fazën fillestare, kamerat regjistrojnë katër shkelje: parkim të parregullt, kalim në dritë të kuqe, drejtim të automjetit me regjistrim të skaduar dhe tejkalim shpejtësie.

Për tejkalimin e shpejtësisë, është paralajmëruar një prag tolerance që do të jetë: 6 kilometra në orë për vendet ku shpejtësia maksimale është deri në 100 kmh; 8 kmh për shpejtësi mbi 100 kmh dhe 12 kmh për vendet ku shpejtësia maksimale e lejuar është mbi 200 kmh.

“Kjo nuk do të thotë se nëse dikush bën ndonjë shkelje gjatë drejtimit të automjetit dhe vozit me 52 kmh, për të nuk do të vlejnë dispozitat e Kodit Penal, nëse kemi lëndim trupor ose lëndim të rëndë trupor të ndonjë pjesëmarrësi në komunikacion”, tha ministri i Punëve të Brendshme, Pançe Toshkovski.

Përveç kamerave në rrugë, Ministria paralajmëron se do të vihen në përdorim edhe automjete policore, të cilat, gjithashtu përmes kamerave të integruara në sistemin “Qyteti i Sigurt”, do të regjistrojnë shkelje dhe do të dërgojnë vërejtje.

Në të ardhmen, përveç shtrirjes së sistemit në të gjithë shtetin, Ministria planifikon të zgjerojë edhe gamën e shkeljeve që do të detektohen nga kamerat. Megjithatë, për momentin nuk ka afat të saktë.

“Zgjerimi i diapazonit të shkeljeve që do t’i detektojë sistemi ka për qëllim të ulim shkaqet dhe jo vetëm pasojat. Qëllimi përfundimtar është siguria në të gjithë territorin dhe ulja e numrit alarmant të viktimave në komunikacion”, tha Ministria për Shërbimin e Ballkanit të Radios Evropa e Lirë.

Si funksionon sistemi “Qyteti i Sigurt”?

Kur bëhet një shkelje në komunikacion, përmes një mesazhi në numrin e telefonit dhe në adresën e emailit që pronari i automjetit ka lënë gjatë regjistrimit, mbërrin një vërejtje. Në mesazh ka një lidhje (link) që çon drejtpërdrejt te procesverbali i shkeljes. Në ka të dhëna se me cilin automjet është kryer shkelja, në cilën orë, në cilin vend dhe gjoba që duhet të paguhet.

Gjoba i dërgohet në emër të pronarit të automjetit, pavarësisht se kush e ka drejtuar atë.

Gjatë periudhës testuese, një pjesë e qytetarëve kishin edhe vërejtje për dobësitë e sistemit, të cilat institucionet përgjegjëse duhet t’i zgjidhin.

Për parregullsi, ndryshim të të dhënave dhe çështje të tjera që kanë shoferët, Ministria ka hapur një sportel në ndërtesën e vet në Shkup. Ekziston edhe mundësia për dërgimin elektronik të vërejtjeve në adresën e emailit.

Ministria paralajmëron se do të vihet në përdorim edhe një platformë digjitale përmes së cilës qytetarët do të mund t’i përditësojnë të dhënat dhe të marrin informacione nga sistemi “Qyteti i Sigurt”.

Që sistemi të mund të zbatohet, institucionet përkatëse kanë përgatitur edhe ndryshime në një sërë zgjidhjesh ligjore, si ligjet për automjetet, për ekzekutimin e sanksioneve, për kundërvajtjet dhe Kodin Penal. Një pjesë e ndryshimeve tashmë janë miratuar në Kuvend, ndërsa një pjesë janë në procedurë dhe ende duhet të marrin dritën jeshile nga deputetët.

Shumica e qytetarëve e mbështesin projektin

Po çfarë mendojnë qytetarët – a është futja e projektit “Qyteti i Sigurt” një gjë e mirë apo e keqe dhe a do ta përmirësojë sigurinë në komunikacion – ishte edhe pyetja që REL-i ua parashtroi qytetarëve në një video-anketë nëpër kryeqytet. Shumica e tyre e mbështetën projektin.

“Është një punë e shkëlqyer. Duhet të zgjidhet ky kaos në komunikacion. Mendoj se kjo do të jetë parandaluese. Por, ne jemi të tillë – vetëm ndëshkimi funksionon. Politikë ndëshkuese, pa mëshirë për askënd, jo selektive, për disa kështu e për disa ashtu. Për të gjithë njësoj dhe do të vendoset rregulli”, thotë Sllobodan Danevski.

“Është mirë për të vendosur rregull, sepse vozitet shumë shpejt”, theksoi një qytetare nga Shkupi, Dragana.

Megjithatë, ajo shtoi se çështja e privatësisë duhet të rregullohet me ligj.

“Eh, do të përmirësohet”, komentoi me skepticizëm një tjetër qytetar nga Shkupi, duke shtuar: “Do të mbledhin para për Qeverinë”.

Toshkovski: Është ulur numri i të lënduarve

Nga ana tjetër, institucionet përgjegjëse pohojnë se rezultate tashmë ka edhe gjatë rreth një muaji të kaluar – sa zgjat periudha testuese në Shkup – kur bëhet fjalë për sigurinë në komunikacion.

“Me qetësimin e komunikacionit në Shkup, qytetarët kontribuuan drejtpërdrejt në uljen e numrit të të lënduarve që trajtohen në Qendrën e Traumës pranë Qendrës Klinike. Me respektimin e rregullave, që është dukshëm më i madh krahasuar me fillimin e projektit, janë ulur ndjeshëm vërejtjet dhe kemi një ulje konkrete të numrit të personave të lënduar që dërgohen në Klinikën e Traumës”, deklaroi Toshkovski më 26 dhjetor.

Sipas të dhënave të publikuara nga Ministria, ditën e parë të fillimit të periudhës testuese – më 1 dhjetor – kamerat në Shkup regjistruan plot 110.000 shkelje. Prej tyre, rreth 90% ishin për tejkalim shpejtësie. Vetëm një ditë më pas, më 2 dhjetor, shifra ra ndjeshëm në 50.652 shkelje për 24 orë.

Pasojat fatale nga aksidentet e komunikacionit në Maqedoninë e Veriut janë mbi mesataren evropiane, e cila është 45 viktima në vit për një milion banorë. Bilanci i zi në rrugët maqedonase është 65 viktima në vit për një milion banorë, ose një të katërtën më shumë se vendet evropiane.

Në tetë muajt e parë të vitit 2025, në aksidente komunikacioni në vend kanë humbur jetën 91 persona, ose mesatarisht 11.3 persona në muaj.

Në vitin 2024, numri i viktimave në rrugë ishte 142 persona, ose mesatarisht 11.8 jetë të humbura në muaj./REL

Presidenti i Koresë së Jugut, Lee Jae-myung deklaroi se vendi i tij dhe Kina duhet të zgjerojnë bashkëpunimin në fushat e inteligjencës artificiale, industrisë, dhe produkteve kulturore, duke theksuar se partneritete të tilla mund të përfaqësojnë një shtysë të re për tregtinë dypalëshe.

Në të njëjtën kohë, Ministria e Industrisë e Koresë së Jugut njoftoi sot se kompanitë koreano-jugore dhe kineze kanë nënshkruar nëntë memorandume mirëkuptimi në fusha të tilla si mallrat e konsumit dhe zinxhirët e furnizimit.

Li i bëri akuzat në lidhje me zgjerimin e bashkëpunimit në një forum biznesi me udhëheqësit e kompanive më të mëdha të të dy vendeve në Pekin, pak para samitit me Presidentin kinez Xi Jinping, raportoi Yonhap.

Kreu i PD Sali Berisha është paraqitur në SPAK, në kuadër të masës së sigurisë për dosjen “Partizani”.

Ashtu siç ka ndodhur në çdo paraqitje të ish-kryeministrit në Prokurorinë e Posaçme, ai është pritur nga mbështetës përpara ambienteve të Prokurorisë së Posaçme.

Qeveria gjermane, e përbërë nga Kristiandemokratët dhe Socialdemokratët, për momentin e ka hequr nga rendi i ditës çështjen e saj më të vështirë të politikës së brendshme: pas debateve të lodhshme, ajo e shtyu paketën e saj të reformës së sistemit shtetëror të pensioneve përmes Bundestagut në fillim të dhjetorit. Thelbi i saj: nivelet e pensioneve do të mbeten të qëndrueshme të paktën deri në vitin 2031.

Reformat themelore të sistemit tani do të përpunohen nga një komision, i cili pritet të paraqesë propozimet e tij deri në mesin e vitit 2026. A do të rritet përsëri mosha e daljes në pension – nga 67 në 70 vjeç ndoshta? Apo vendi do t’i thotë lamtumirë një moshe të caktuar daljeje në pension për të gjithë, siç parashikohet në një propozim nga profesori i ekonomisë, Jens Südekum?

Südekum dëshiron që numri i viteve që një person ka punuar të vlejë për të përcaktuar madhësinë e pensionit të tij. Kancelari Friedrich Merz e quajti idenë “sigurisht që ia vlen të merret në konsideratë”. Ai shtoi: “Dua të zbatoj një reformë gjithëpërfshirëse. Dhe kjo çështje mund të luajë një rol këtu.”

Çështja e kujdesit të drejtë në pleqëri në një shoqëri ku njerëzit jetojnë më gjatë dhe të moshuarit po bëhen më të shumtë do të mbetet një sfidë për vendin dhe qeverinë e tij në vitet e ardhshme.

Në buxhetin e vitit 2026, kontributi i shtetit për të kompensuar humbjet e sistemit të pensioneve arrin deri në 128 miliardë euro – rreth një e katërta e buxhetit të përgjithshëm.

Deputetët e rinj konservatorë në veçanti ishin dhe mbeten të pakënaqur me reformën e pensioneve dhe po kërkojnë përmirësime të rëndësishme për periudhën pas vitit 2031, veçanërisht për brezat e ardhshëm. Prandaj, komisioni i pensioneve është nën presion për të hartuar propozime vërtet të zbatueshme për një çështje jashtëzakonisht komplekse.

Janë marrë edhe vendime të rëndësishme në lidhje me shërbimin ushtarak: në fillim të vitit, të gjithë ata që kanë mbushur moshën 18 vjeç do të marrin letra nga shteti. Meshkujt duhet të plotësojnë pyetësorin e bashkangjitur, gratë nuk janë të detyruara ta bëjnë këtë, por mund ta bëjnë. Pjesëmarrja në një ekzaminim mjekësor, pra përcaktimi i shëndetit të tyre, do të jetë e detyrueshme. Qeveria po mbështetet në gjetjen e vullnetarëve të mjaftueshëm për të rritur numrin e ushtarëve gjermanë nga 183,000 që janë aktualisht në një numër të planifikuar midis 255,000 deri 270,000 gjatë dhjetë viteve të ardhshme. Ky është aktualisht plani i Ministrit Federal të Mbrojtjes Boris Pistorius (SPD). Përveç kësaj, duhet të shtohen 200,000 rezervistë.

Vitin tjetër, mund të bëhet e qartë nëse ka mjaftueshëm vullnetarë apo nëse qeveria do të duhet t’i drejtohet përsëri Bundestagut dhe të riaktivizojë shërbimin e detyrueshëm ushtarak, i cili është hequr që nga viti 2011.

Që në vitin 2025, Gjermania po përballet me pyetjen serioze: sa e fortë do të bëhet Alternativa për Gjermaninë (AfD), pjesërisht e ekstremit të djathtë? Ajo është tashmë partia më e fortë opozitare në Bundestag, dhe në vitin 2026, zgjedhjet në lande do të mbahen në dy lande të Gjermanisë lindore – Sachsen-Anhalt dhe Mecklenburg-Vorpommern. Në Sachsen-Anhalt, AfD ka rreth 40 përqind në sondazhet aktuale, ndërsa në landin tjetër 38 përqind.

A do të arrijnë partitë demokratike të qendrës së djathtë të ndryshojnë diçka? Dhe nëse AfD bëhet forca më  madhe në këto lande, a do të mbetet në fuqi premtimi i demokratëve të krishterë konservatorë për të mos bashkëpunuar me AfD në asnjë rrethanë?

Zgjedhjet në këto lande mbahen në pjesën e dytë të vitit. Deri atëherë, ato do të dominojnë debatin rreth qëndrimit ndaj AfD-së. Më parë do të ketë zgjedhje në Baden-Württemberg dhe Rheinland-Pfalz në mars.

Tema e migracionit sigurisht që do të jetë në qendër të vëmendjes edhe këtë vit. Që kur qeveria mori detyrën në maj 2025, Ministri Federal i Brendshëm Alexander Dobrint (CSU) ka thënë vazhdimisht: Gjermania tani po ndjek një politikë të ashpër ndaj emigrantëve. Më shumë njerëz duhet të kthehen menjëherë direkt në kufij.

Në mesin e dhjetorit, ministrat e brendshëm të BE-së ranë dakord gjithashtu të shtrëngojnë ndjeshëm politikën e përbashkët të azilit. Të ashtuquajturat qendra kthimi po planifikohen përsëri në vendet jashtë BE-së, megjithëse përpjekjet e mëparshme – të tilla si ato të qeverisë italiane në Shqipëri – nuk kanë qenë të suksesshme. Njerëzit që janë në BE pa të drejtë qëndrimi dhe refuzojnë të largohen nga territori i saj duhet të ndëshkohen më rëndë.

Me një politikë të përbashkët azili, “…ne gjithashtu do të jemi në gjendje të zhvendosim kontrollet kufitare në kufijtë e jashtëm të Evropës”, tha kancelari Merz.

Me fjalë të tjera: kontrollet afatgjata në të gjithë kufijtë e jashtëm të Gjermanisë mund të hiqen në vitin 2026. Nëse kjo do të ndodhë vërtet mbetet për t’u parë. Iniciativa e ministrave të Brendshëm të BE-së duhet të miratohet ende nga Parlamenti Evropian.

Viti 2026 do të jetë gjithashtu i rëndësishëm për politikën kombëtare të klimës. Në dhjetor, BE-ja specifikoi objektivat e saj klimatike: emetimet e gazrave serrë duhet të reduktohen me 90 përqind deri në vitin 2040 krahasuar me vitin 1990, dhe deri në vitin 2050, Bashkimi Evropian dëshiron të bëhet neutral ndaj klimës. Ministri gjerman i Mjedisit, Carsten Schneider (SPD), shprehu kënaqësi të madhe: “Objektivi i ri i klimës i BE-së është ndoshta vendimi më i rëndësishëm i politikës klimatike të kësaj legjislature.”

Ministrja e Ekonomisë, Katarina Reiche (CDU), mbështetet në termocentralet me gaz dhe nuk është veçanërisht ambicioze kur bëhet fjalë për popullarizimin e energjisë së erës dhe diellore. Martin Kaiser, një ekspert i klimës në Greenpeace, i tha DW: “Ndryshe nga kohërat e koalicionit të semaforëve, dështimet dramatike në sektorët e transportit dhe strehimit duhet të kompensohen me masa të përshtatshme emergjente, të pranueshme shoqërisht. Një kthim te lëndët djegëse fosile në politikën industriale dhe të energjisë, siç po planifikon Ministri Reiche, nuk duhet të lejohet.”

Prandaj, qeveria po përballet me një konflikt serioz në politikën e klimës vitin e ardhshëm – siç është për shumë çështje të tjera. Në politikën e brendshme, viti 2026 me siguri do të jetë një vit shumë i ngjeshur./DW

Një ngjarje e rëndë ka ndodhur mbrëmjen e kësaj të diele rreth orës 19:30 në Sarandë.

E moshuara Selfije Demani ka ndërruar jetë pasi ka rënë nga ballkoni në katin e tretë të një pallati në lagjen nr.3.

Sipas burimeve mësohet se në momentin që ka ndodhur ngjarja, 85-vjeçare ishte vetëm në shtëpi, kishte probleme me shikimin dhe lëvizte me paterica.

Paralajmërimet e verdha për dëborë dhe akull mbeten në fuqi për disa pjesë të Britanisë së Madhe ndërsa veriu i Skocisë po përgatitet për ndërprerje të mëtejshme të udhëtimeve për shkak të motit të keq.

Reshje të dendura dëbore pritet të shkaktojnë vonesa në rrugë dhe në transportin publik gjatë ditës së sotme dhe deri të hënën. Edhe pse paralajmërimet më serioze të nivelit portokalli për veriun e Skocisë skaduan të dje në mbrëmje, paralajmërimi i verdhë mbetet në fuqi deri të hënën në mesditë.

Paralajmërime të veçanta për dëborë dhe ngrica janë në fuqi për Uellsin, Greater Manchester dhe Anglinë Jugperëndimore, ndërsa një pjesë e madhe e bregdetit lindor të Anglisë mbulohet nga një paralajmërim i verdhë për akull. Moti i keq bëri që “ScotRail” të njoftonte disa anulime trenash në veri të Skocisë.

Rrugë në verilindje të Skocisë u mbyllën gjithashtu, duke shkaktuar vonesa në lëvizje, të raportuara në autostradën A90 midis Brechin dhe Stonehaven për shkak të grumbullimit të dëborës nga era.

Policia u këshilloi  banorëve banorëve të Orkney të shmangnin udhëtimet për shkak të kushteve të rrezikshme në rrugë.

Zonar përreth Badenoch dhe Strathspey në rajonin Highland u prekën më rëndë, me policinë që këshilloi të shmangej çdo udhëtim përveç atyre me të rëndësishme.

Read More...

Presidenti i SHBA-së, Donald Trump ka paralajmëruar presidenten e përkohshme të Venezuelës, Delcy Rodriguez se “do të paguajë çmim shumë të madh, nëse nuk bën atë që është e drejtë”.

Trump ka folur për mediumin amerikan “The Atlantic”. Ushtria e Venezuelës i ka dhënë mbështetje Rodriguezit që të veprojë si presidente e përkohshme, pas arrestimit të Nicolas Maduros nga SHBA-ja.

“Nëse ajo nuk bën atë që është e drejtë, ajo do të paguajë një çmim shumë të madh, ndoshta më të madh se Maduro”, tha Trump.

Lidhur me të ardhmen e Venezuelës, Trump tha se “ndryshimi i regjimit, sido që doni ta quani, është më i mirë se ai që keni tani”.

Të paktën 25 persona u mbytën dhe 14 rezultojnë të zhdukur në verilindje të Nigerisë, pasi një varkë u përmbys.

Varka thuhet se po transportonte fermerë dhe peshkatarë nga shteti Jigawa në shtetin Yobe.

“Kërkimet janë duke vazhduar, tha për AFP Mohammed Gotje, drejtor ekzekutiv i shërbimit të shpëtimit të shtetit Yobe, duke shtuar se deri më tani janë shpëtuar 13 pasagjerë.

Kryeministri britanik Keir Starmer ka deklaruar se viti 2026 mund të shënojë “përparim të rëndësishëm” drejt arritjes së  paqes në Ukrainë.

Ai tha se tani ka më shumë zhvillime konkrete se kurrë më parë lidhur me gatishmërinë e Shteteve të Bashkuara për të ofruar garanci sigurie për vendin e shkatërruar nga lufta.

Në një intervistë për emisionin  “Sunday With Laura Kuenssberg”, Starmer paralajmëroi se presidenti rus Vladimir Putin mund ta ndalë përkohësisht pushtimin, por “do të kthehet sërish” nëse nuk vendosen garanci të forta sigurie në rast të një marrëveshjeje paqeje.

Deklaratat vijnë përpara një takimi të planifikuar të “Koalicionit të të Gatshmëve” në Paris të martën, ku do të marrë pjesë edhe presidenti ukrainas Volodymyr Zelensky. Ky i fundit ka bërë të ditur se gjatë kësaj vizite do të ketë edhe bisedime me përfaqësues amerikanë.

Starmer tha se ka pasur “përparim serioz” si në planin amerikan, ashtu edhe në punën e “Koalicionit të të Gatshmëve”, duke shtuar se një nga çështjet kryesore të diskutimit do të jetë integrimi i propozimeve amerikane me planet e koalicionit.

Ai theksoi se tashmë ekzistojnë plane ushtarake dhe se fokusi është te mënyra se si këto iniciativa mund të bashkërendohen për të ofruar garanci sigurie më të forta se më parë.

Pa qenë tepër optimist, kryeministri britanik u shpreh se viti 2026 mund të jetë vendimtar për hapa konkretë drejt paqes në Ukrainë, duke nënvizuar se kjo do të kishte një ndikim të madh edhe për Britaninë e Madhe.

Read More...

Avokati Rezart Kthupi, në një intervistë në “Newsroom” në ABC News foli për drejtësinë e re, dhe se çfarë pritet prej strukturës së posaçme gjatë këtij viti.

Gjatë intervistës, Kthupi u shpreh se arkitektura e sistemit të drejtësisë nuk duhet të preket.

“Mënyra se si funksionon sistemi i drejtësisë, është arkitektura, pra si zgjidhen si plotësohen vakancat, pjesa tjetër e legjislacionin është ana tjetër e medaljes. Por shqetësuese është nëse do të shkohet drejt prekjes së arkitekturës. Arkitektura e sistemit të drejtësisë nuk duhet të preket”, tha ai.

Gjithashtu gjatë intervistës Kthupi tha se është urgjente që të zgjidhet çështje e dosjeve të prapambetura, ndërsa shtoi se legjislacioni duhet të rishikohet.

“Ne duhet të zgjidhim në mënyrë urgjente dosjet e prapambetura. Sot që flasim Gjykata e Apelit është e stërmbytur. Duhet t’i jepet një shtysë, të krijohen kushte, infrastrukturë dhe burime njerëzore. Duhet të kemi edhe disa ndryshime për mënyrën se si zhvillohet gjyqi që të mos arrihet në stërzgjatje”, tha ai.