Rritja e Lamine Yamal te Barcelona po pasqyrohet gjithnjë e më qartë edhe në shifrat e tregut, të cilat e konfirmojnë atë si fenomenin më të madh të brezit të ri në futbollin botëror.

Sipas raportit më të fundit të CIES Football Observatory, i publikuar në fillim të vitit 2026, anësori i Barcelonës ka arritur një vlerë marramendëse në treg, duke u vendosur në krye absolut të futbollit global.

Vlera e Yamal llogaritet në 343 milionë euro, një shifër që e vendos atë dukshëm mbi emrat më të mëdhenj të futbollit aktual dhe që përfaqëson një rekord të paprecedentë për një lojtar kaq të ri në moshë.

Me këtë vlerësim, Yamal ka lënë pas yje si Erling Haaland dhe Kylian Mbappé, dy prej sulmuesve më dominues të dekadës së fundit, duke përforcuar idenë se Barcelona ka në duar një lojtar që mund të përcaktojë epokën e ardhshme të futbollit.

Raporti i CIES merr parasysh disa faktorë kyç, përfshirë moshën, performancën, kontratën, rolin në ekip, ndikimin në lojë dhe potencialin e zhvillimit, elemente në të cilat Yamal rezulton të jetë shumë përpara bashkëmoshatarëve të tij.

Dominimi i tij në këtë renditje tregon jo vetëm për nivelin e jashtëzakonshëm aktual, por edhe për pritshmëritë afatgjata që futbolli botëror ka ndaj tij, duke e cilësuar si një yll që mund të ndryshojë balancat në vitet në vijim.

Lista e 10 lojtarëve me vlerën më të lartë në treg, sipas CIES Football Observatory, e përforcon edhe më shumë këtë realitet.

Në top 10 janë lojtarë nga Barcelona, Real Madrid, PSG, Lverpool dhe Bayern Munich.

Renditja e 10 lojtarëve më të shtrenjtë në botë (CIES)

1/ Lamine Yamal (Barcelona) – 343.1 milionë euro

2/ Erling Haaland (Manchester City) – 255.1 milionë euro

3/ Kylian Mbappe (Real Madrid) – 201.3 milionë euro

4/ Jude Bellingham (Real Madrid) – 153.1 milionë euro

5/ Michael Olise (Bayern Munich) – 136.9 milionë euro

6/ Florian Wirtz (Liverpool) – 135.8 milionë euro

7/ Desire Doue (PSG) – 134.6 milionë euro

8/ Joao Neves (PSG) – 130.6 milionë euro

9/ Arda Guler (Real Madrid) – 130.3 milionë euro

10/ Pedri (Barcelona) – 130 milionë euro

/Telegrafi/

Një surprizë e madhe u regjistrua në seancën e fundit stërvitore të Barcelonës përpara gjysmëfinales së Superkupës së Spanjës ndaj Athletic Bilbaos, që do të zhvillohet nesër.

Ylli i ri i katalanasve, Lamine Yamal, nuk u pa në fushë me pjesën tjetër të skuadrës, duke shkaktuar shqetësim mes tifozëve dhe mediave, raportoi Mundo Deportivo.

Klubi reagoi shpejt duke qetësuar opinionin publik, duke bërë të ditur se Yamal ndodhej brenda kompleksit sportiv në Xheda, ku skuadra e Hansi Flick po përgatitet për këtë duel të rëndësishëm.

Sipas Barcelonës, 17-vjeçari po ndiqte një program të veçantë fizik të adaptuar dhe mungesa e tij nuk lidhej me ndonjë dëmtim serioz.

Megjithatë, Mundo Deportivo zbulon se arsyeja reale e mungesës së Yamal është një virus i stomakut, i cili e ka shqetësuar prej disa ditësh dhe e ka dobësuar fizikisht. Për këtë arsye, stafi teknik vendosi ta kursejë nga ngarkesa e plotë stërvitore.

Kujtohet se Yamal mungoi edhe në seancën e parë të vitit të ri, më 1 janar, për shkak të gjendjes së përgjithshme jo të mirë shëndetësore.

Trajneri Hansi Flick nuk komentoi mbi situatën e Yamalit në konferencën për shtyp para ndeshjes, pasi ajo u mbajt para stërvitjes nga e cila sulmuesi i ri mungoi, duke mos i dhënë mundësi gazetarëve të ngrinin pyetje mbi këtë çështje.

Nga ana tjetër, të gjithë lojtarët e tjerë të Barcelonës që udhëtuan drejt Arabisë Saudite u stërvitën normalisht, përfshirë edhe Ronald Araújo.

Flick bëri të ditur se pas stërvitjes do të zhvillojë një bisedë me mbrojtësin uruguaian për të marrë një vendim përfundimtar mbi aktivizimin e tij, ndonëse fillimisht nuk kishte planifikuar ta përdorte në ndeshjen ndaj Athletic Bilbaos. /Telegrafi/

Superylli 18-vjeçar i Barcelonës, Lamine Yamal, kaloi disa ditë në Dubai, ku shkoi me pushime gjatë pushimit të La Ligës.

Në Dubai, ai u takua me tifozët, ishte i ftuar në ceremoninë e ndarjes së çmimeve Globe Soccer, u takua me figura sportive dhe shfrytëzoi rastin për të vizituar një xhami.

Ai foli për këtë në një intervistë me mediat në Emiratet e Bashkuara Arabe, ku zbuloi se sa shumë do të thotë besimi për të.

"Një xhami i jep një personi paqe të madhe. Pavarësisht se cilës fe i përket, kur shkon atje, e ndjen atë paqe. Për ne myslimanët, kjo paqe është shumë më e veçantë", ka thënë fillimisht Yamal.

"E kaluam gjithë ditën atje. Ishte një moment plot paqe në këtë udhëtim. E shijova shumë", shtoi futbollisti i madh i Barcelonës.

Udhëtimi i tij në Dubai u ndoq gjerësisht në rrjetet sociale, ku Yamal i kënaqi fansat kur postoi një video trembëdhjetë minutëshe nga udhëtimi.

Tani Yamal është zhvendosur në Arabinë Saudite, ku do të rifillojë detyrat e tij në sezonin aktual me Barcelonën të mërkurën. Më pas, katalunasit do të luajnë gjysmëfinalet e Superkupës së Spanjës kundër Athletic Bilbaos në Xheda.

Barcelona do të vazhdojë garën në La Liga më 18 janar me një ndeshje kundër Real Sociedad, ndërsa tre ditë më vonë do të ketë një ndeshje të Ligës së Kampionëve kundër Slavias në Pragë. /Telegrafi/

Sulmuesi i Espanyolit, Pere Milla, ka ndezur edhe më shumë atmosferën e derbit katalanas, duke deklaruar se do të zgjidhte të shkelte mbi Lamine Yamal dhe jo mbi ish-shokun e skuadrës, Joan Garcia.

Përballja mes Espanyolit dhe Barcelonës pritet të ketë një nga ambientet më armiqësore të sezonit, pasi Garcia rikthehet për herë të parë në ish-shtëpinë e tij, këtë herë si lojtar i Barcelonës.

Përpara ndeshjes, drejtuesit e Espanyolit kanë qenë të kujdesshëm t’u bëjnë thirrje tifozëve për mbështetje të zjarrtë, por njëkohësisht kanë theksuar se “duhet të mbizotërojnë kokat e ftohta”, mesazhe që janë përcjellë përmes disa thirrjeve publike.

Po ashtu, klubi ka vendosur të instalojë rrjeta pas portave, nga frika se tifozët mund të hedhin objekte në drejtim të Garcias.

Në prag të ndeshjes, Milla ishte i ftuar në emisionin e Beteve, “Perico que vola”, i cili i kushtohet plotësisht Espanyolit.

Gjatë marrjes së pyetjeve nga publiku, ai u pyet nëse do të preferonte të shkelte mbi Lamine Yamal apo mbi Garcia.

“Mendoj Lamine”, u përgjigj Milla. Duhet theksuar se toni ishte humoristik, dhe më pas Milla së bashku me prezantuesit bënë shaka me titujt që mund të pasonin, si “Milla dëshiron të shkelë mbi Lamine Yamal” apo “Milla do të shkelë mbi Lamine Yamal”.

Megjithatë, pavarësisht natyrës komike të deklaratës, ashtu siç e ka mësuar edhe vetë Lamine Yamal përpara një klasikeje, toni shpesh humbet dhe rrezikon të ndezë edhe më shumë lojtarët e Barcelonës./Telegrafi/

Legjenda e Real Madridit, Raul, ka befasuar opinionin futbolldashës duke lënë mënjanë përkatësinë klubore dhe duke e shpallur Lionel Messin më të madh se ikonat e “Los Blancos”, si Cristiano Ronaldo dhe Zinedine Zidane.

Ndryshe nga shumica e figurave të lidhura fort me “Santiago Bernabeu”, të cilët zakonisht zgjedhin CR7 në debatin e përhershëm për lojtarin më të mirë të të gjitha kohërave, Raul e pranon hapur se magjia e argjentinasit ka epërsi ndaj fuqisë së portugezit, shkruan Goal.com.

Debati i përjetshëm vazhdon

Messi ka qenë për vite me radhë “makthi” i Real Madridit, ndërsa përplasjet e tij epike me Cristiano Ronaldon shënuan një epokë të tërë të futbollit botëror.

Gjatë dy dekadave, dy superyjet fituan së bashku 13 Topa të Artë, duke e çuar nivelin e shkëlqimit individual në kufij të paparë më parë.

Edhe në fillim të vitit 2026, të dy vazhdojnë të jenë aktivë. Messi ka kontratë me fituesit e MLS Cup, Inter Miami, deri në vitin 2028, ndërsa Ronaldo është i lidhur me Al-Nassr me një kontratë dyvjeçare që do ta mbajë në fushë edhe pas ditëlindjes së tij të 42-të.

Pse Messi është mbi të gjithë

Raul, i cili shënoi 323 gola në 714 paraqitje për Real Madridin, ka luajtur me disa nga futbollistët më të mëdhenj në histori, por sërish Messin e vendos në majë.

“Kam pasur fatin të luaj me lojtarë si Zidane, Cristiano, Ronaldo, Figo… por mendoj se Messi është më i miri. Ai është shumë ndryshe. I bën gjërat të duken të lehta; ato që për të tjerët duken të pamundura, ai i bën sikur po luan në rrugë me miqtë”, u shpreh Raul.

Ylli i ri që po vjen

Edhe pse Messin e konsideron më të madhin e të gjitha kohërave, Raul pranon se një tjetër produkt i akademisë legjendare La Masia mund të dominojë futbollin në të ardhmen e afërt. Ai veçon Lamine Yamal, talentin adoleshent që po thyen rekorde që nga debutimi në moshën 15-vjeçare.

Tashmë 18-vjeçar, Yamal ka fituar titullin e La Ligës dhe Kampionatin Evropian, ndërsa vitin 2025 e mbylli si i dyti në renditjen për Topin e Artë. Megjithatë, Raul paralajmëron se mbi të nuk duhet ushtruar presion i tepruar.

“Të gjithë e dimë se do të jetë një lojtar i rëndësishëm, por Lamine nuk duhet të jetë shtylla e Kombëtares së Spanjës. Ka lojtarë më me përvojë që duhet ta ndihmojnë, në mënyrë që ai të jetë protagonist pa u ndjerë i detyruar të na shpëtojë çdo ndeshje”, theksoi Raul.

A do ta arrijë Yamal madhështinë?

Për shkak të stilit të lojës dhe faktit se është majtak që kalon lehtë kundërshtarët, Yamal krahasohet vazhdimisht me Messin. Edhe pse ai përpiqet të ndërtojë rrugën e tij, është e vështirë të shmangë hijen e futbollistit më të trofeshëm në histori.

Shumë parashikojnë se Yamal mund të ndjekë hapat e Messit dhe të bëhet fitues i shumëfishtë i Topit të Artë, por për momentin, Lionel Messi mbetet i pakonkurrencë në krye, si më i madhi i të gjitha kohërave. /Telegrafi/

Lionel Messi nuk ka më nevojë të dëshmojë aftësitë e tij në fushë, por vazhdon të tregojë se është një fenomen i padiskutueshëm.

Ylli argjentinas, që shkëlqen me Inter Miamin dhe mbetet një referencë absolute në futbollin botëror, poashtu vazhdon të dominojë edhe jashtë fushës.

Sipas Forbes, Messi arriti të fitonte 130 milionë dollarë në vitin 2025, duke e pozicionuar si futbollistin e dytë më të paguar në botë, vetëm pas Cristiano Ronaldos, i cili kryeson me një shifër të jashtëzakonshme prej 280 milionë dollarësh.

Të ardhurat e Messit përfshijnë pagën sportive dhe marrëveshjet komerciale që ai ka zhvilluar gjatë viteve, duke vazhduar të zgjerojë perandorinë e tij jashtë fushës së lojës.

Lionel Messi përfundoi vitin 2025 me 130 milionë dollarë të fituar.

Gjigantët e tregut, nga Adidas te Pepsi dhe kompani të tjera ndërkombëtare, vazhdojnë të investojnë në imazhin e tij, duke dëshmuar se marka Messi mbetet një nga më të fitimprurat në botë.

Në moshën 37-vjeçare, ai jo vetëm që mbetet relevant në futboll, por gjithashtu është një nga figurat më me ndikim ekonomik në sportin ndërkombëtar.

Renditja e futbollistëve më të paguar në 2025

Renditja e Forbes e futbollistëve më të paguar për vitin 2025 tregon se Messi ndodhet mes elitës globale të lojtarëve:

Karim Benzema – 104 milionë dollarë

Kylian Mbappe – 95 milionë dollarë

Erling Haaland – 80 milionë dollarë

Vinicius Junior – 60 milionë dollarë

Mohamed Salah – 55 milionë dollarë

Sadio Mane – 54 milionë dollarë

Jude Bellingham – 44 milionë dollarë

Lamine Yamal – 43 milionë dollarë

Kjo listë tregon qartë dominimin financiar të futbollistëve elitë dhe aftësinë e tyre për të kombinuar performancën në fushë me suksesin komercial jashtë saj.

LeBron James, i vetmi që e kaloi Messin

Në nivel global, i vetmi sportist që e kaloi të ardhurat e Messit ishte LeBron James.

Legjenda e NBA-së përfundoi vitin 2025 me 132.6 milionë dollarë, duke kombinuar 52.6 milionë nga kontrata me Los Angeles Lakers dhe 80 milionë dollarë nga marrëveshjet komerciale.

Kjo shifër pasqyron ndikimin e tij jo vetëm si sportist, por edhe si një markë globale e konsoliduar.

Ashtu si Messi, edhe LeBron ndodhet në fazat përmbyllëse të karrierës sportive, por vazhdon të dominojë përmes ndikimit, lidershipit dhe prezencës së tij në media.

Të dy janë ende vendimtarë në fushat e tyre dhe vazhdojnë të lëvizin shuma të jashtëzakonshme parash, të rezervuara vetëm për elitën e sportit botëror.

Messi, më relevant se kurrë

Messi vazhdon të jetë një figurë e jashtëzakonshme, jo vetëm për atë që tregon në fushë, por edhe për mënyrën se si menaxhon karrierën dhe imazhin e tij jashtë saj.

130 milionë dollarët që ai fitoi në 2025 e mbajnë atë në krye të renditjeve ekonomike globale dhe tregojnë se ai mbetet një nga figurat më me ndikim dhe më të vlefshme në botë.

Performanca e tij sportive, aftësia për të ruajtur një imazh të fortë ndërkombëtar, lidershipi dhe konsistenca në karrierë e bëjnë Messin një simbol të madhështisë jo vetëm në futboll, por edhe në biznes.

Ai vazhdon të jetë një shembull se si një sportist mund të kombinojë suksesin në fushë me ndikimin dhe pasurinë jashtë saj, duke krijuar një model që shumë lojtarë të rinj përpiqen ta ndjekin. /Telegrafi/

Përditësimi më i fundit i vlerës së tregut nga Transfermarkt për dhjetorin 2025 prodhon një formacion prej 1.35 miliardë eurosh të mbushur me superyje në zhvillim dhe të afirmuar - dhe një mungesë të madhe.

Gianluigi Donnarumma (45 milionë euro) është portieri më i vlefshëm në botë, i vazhduar nga një mbrojtje me katër lojtarë Achraf Hakimi (80 milionë euro), William Saliba (90 milionë euro), Pau Cubarsi (80 milionë euro) dhe Nuno Mendes (75 milionë euro), duke nënvizuar rëndësinë e mbrojtësve modernë me mendje sulmuese.

Në mesfushë, Vitinha (110 milionë euro) ka në qendër një treshe të talentuar teknikisht së bashku me Jude Bellingham (160 milionë euro) dhe Pedri (140 milionë euro), vlera e kombinuar e të cilëve pasqyron se si kontrolli dhe shkathtësia tani dominojnë mënyrën e të menduarit për rekrutimin e lojtarëve të elitës.

Megjithatë, kryefjala është në sulm, ku 18-vjeçari Lamine Yamal rreshtohet në krahun e djathtë me një vlerë tregu prej 200 milionë eurosh, duke barazuar vlerësimin rekord botëror për një lojtar në fushë.

Ai shoqërohet nga Kylian Mbappe (gjithashtu 200 milionë euro) në qendër dhe Vinicius Jr (150 milionë euro) në të majtë, duke i dhënë kësaj forme një treshe sulmuese që përzien produktivitetin maksimal me një shpejtësi të frikshme dhe cilësi në lojën një kundër një.

Erling Haaland, i parë prej kohësh si pika referuese për vlerat e transferimeve, mungon tërësisht, i lënë pas Mbappes pavarësisht se ndan shifrën prej 200 milionë eurosh për shkak të moshës dhe konkurrencës pozicionale në modelin aktual. /Telegrafi/

Legjenda e futbollit holandez, Marco van Basten ka mbushur me lavde yllin e Barcelonës dhe Spanjës, Lamine Yamal duke e cilësuar adoleshentin si lojtarin më të mirë në botë në këtë moment.

Duke folur për ndikimin dhe nivelin e 18-vjeçarit, Van Basten ka qenë i prerë në vlerësimin e tij për statusin e Yamalit në futbollin botëror, pavarësisht moshës së re.

“Pa asnjë dyshim, Lamine Yamal është futbollisti më i mirë në botë aktualisht”.

Ish-sulmuesi legjendar ka theksuar gjithashtu rëndësinë e mbrojtjes dhe menaxhimit të kujdesshëm të një talenti kaq të jashtëzakonshëm, në mënyrë që ai të ketë një karrierë sa më të gjatë në nivelin më të lartë.

“Shpresoj vetëm ta shijojmë në fushë për sa më gjatë të jetë e mundur”.

Këto komente forcojnë edhe më shumë bindjen në rritje në botën e futbollit se Lamine Yamal është një talent i rrallë, i aftë të përcaktojë një epokë të re në futbollin ndërkombëtar.

Yamal përndryshe ishte afër edhe ta fitonte Topin e Artë për vitin 2025, duke u renditur vetëm pas Ousmane Dembele./Telegrafi

Legjenda holandeze e futbollit, Marco van Basten, ka dhënë lavdërime të mëdha për talentin e ri të Barcelonës dhe Spanjës, Lamine Yamal, duke e vendosur atë në majën absolute të futbollit botëror në këtë moment.

Duke folur për ndikimin dhe nivelin e të riut, Van Basten nuk la asnjë dyshim për vlerësimin e tij mbi paraqitjet dhe statusin aktual të sulmuesit të krahut.

“Lamine Yamal, pa asnjë dyshim, është futbollisti më i mirë në botë aktualisht”, deklaroi Van Basten, duke nënvizuar sa shumë e vlerëson paraqitjen dhe ndikimin e 18-vjeçarit në fushë.

telegrafi.com

Legjenda holandeze gjithashtu theksoi rëndësinë e mbrojtjes dhe vlerësimit të një talenti kaq të rrallë gjatë kohës, për të siguruar që ai të ketë një karrierë të gjatë dhe të suksesshme.

“Gjithçka që shpresoj është që të mund ta shijojmë sa më gjatë duke e parë të luajë”, shtoi Van Basten.

Fjalët e tij pasqyrojnë konsensusin në rritje se Yamal jo vetëm që dominon ndeshjet që në moshë të re, por gjithashtu përfaqëson një talent të jashtëzakonshëm të një gjenerate që tifozët e futbollit duhet ta çmojnë dhe ta ndjekin me pasion. /Telegrafi/

Ylli i ri i Barcelonës, Lamine Yamal, ua zbukuroi pushimet dimërore një grupi fëmijësh në Dubai, duke u bashkuar me ta në një ndeshje të improvizuar futbolli në plazh.

Futbollisti 18-vjeçar ndodhet në Emiratet e Bashkuara Arabe në kuadër të ceremonisë së ndarjes së çmimeve Globe Soccer Awards dhe e pranoi pa hezitim ftesën e fëmijëve për të luajtur, duke treguar anën e tij të relaksuar dhe njerëzore.

Një video e publikuar në rrjetet sociale, e cila u përhap me shpejtësi, e tregon Yamalin duke luajtur zbathur në rërë, mes buzëqeshjeve dhe entuziazmit të fëmijëve që nuk e fshehnin gëzimin.

Për ta, ishte një moment i paharrueshëm – një përballje e papritur me një nga talentet më të mëdha të futbollit botëror, i cili ndau me ta pasionin e pastër për lojën.

Modesti pavarësisht suksesit

Edhe pse vetëm 18 vjeç, Lamine Yamal tashmë ka arritje që shumë futbollistë i ëndërrojnë gjatë gjithë karrierës. Ai ka fituar trofe të rëndësishëm me Barcelonën dhe Spanjën, u shpall kampion i Evropës në vitin 2024.

Aktualisht, Barcelona kryeson La Ligën, katër pikë përpara rivalit të përjetshëm, Real Madridit.

Gjesti i bërë në Dubai e shfaq Yamalin në një dritë tjetër. Ndërsa priste ceremoninë e çmimeve Globe Soccer, ku është nominuar për lojtarin më të mirë në botë, ai tregoi se shpërblimi më i madh shpesh është thjesht kënaqësia e të luajturit futboll.

Ky moment simbolizon përulësinë dhe dashurinë e vërtetë për sportin, duke dëshmuar se gëzimi i një ndeshjeje spontane me fëmijët në plazh mund të ketë po aq vlerë sa çdo trofe apo çmim individual. Janë pikërisht këto momente që e bëjnë futbollin më shumë se një lojë. /Telegrafi/

Mesfushori i Barcelonës, Pedri, ka përfshirë dy bashkëlojtarë të tij në listën e futbollistëve më të mirë të momentit, teksa entuziazmi për Kupën e Botës që po vjen po rritet.

Në një intervistë për revistën Esquire, të publikuar të martën, 23-vjeçari përmendi Lamine Yamal dhe Raphinha, duke i renditur ata përkrah yjeve botërorë si Kylian Mbappé, Mohamed Salah, Erling Haaland dhe Julián Álvarez, kur foli për lojtarët më të mirë që po shkëlqejnë aktualisht.

Pedri u shpreh i etur për t’u përballur me shumicën e këtyre emrave në arenën ndërkombëtare — me përjashtim të Yamalit, shokut të tij të skuadrës te Barcelona, duke theksuar se veçanërisht pret me padurim duelet ndaj Haalandit dhe Salahut, të cilët ende nuk i ka pasur përballë.

Vlerësimi entuziast i Pedrit nënvizon formën e shkëlqyer që po kalojnë Yamal dhe Raphinha këtë sezon, si dhe fuqinë e repartit ofensiv të Barcelonës, e cila po dominon në garat vendore dhe po avancon me ambicie edhe në skenën evropiane.

Pedri mbetet njëri ndër lojtarët kryesor të Barcelonës dhe Kombëtares së Spanjës. /Telegrafi/

Është finalja e finaleve. Jo më kot quhet “Finalissima”, sfida që vendos përballë kampionët e Amerikës së Jugut me ata të Europës.

FIFA zyrtarizoi agjendën e ndeshjes, ku do të sfidohen Argjentina dhe Spanja, legjenda Lionel Messi dhe talenti i bekuar që bebe nga ai, Lamine Yamal.

Ndeshja do të luhet në datën 27 mars në stadiumin e Lusail në Katar dhe përfaqëson trofeun e parë të rëndësishëm të vitit 2026, në pritje të finaleve të Kupës së Botës.

Argjentina vjen gjithashtu në këtë finale si kampione e botës në fuqi dhe mbajtëse e këtij të trofeu që e fitoi në stadiumin “Ëembley” në vitin 2022 kundër Italisë me rezultatin 3-0.

Por këtë herë, Messi dhe shokët e tij kanë përballë një rival akoma më të fortë. Spanjën e Lamine Yamal, që pasi mori numrin 10 të “Pleshtit” te Barcelona, kërkon t’i rrëmbejë “kumbarit” të tij edhe fronin në “Olimpin” e futbollit.

Po ashtu, kjo “Finalissima” do të jetë një shijim i “Botërorit 2026”, ku si Argjentina ashtu edhe Spanja janë favoritë.

Ky trofe u krija 40 vite më parë, në 1985, por që nga ajo kohë është luajtur vetëm tre herë. Të parin e mori Franca, ndërsa dy të tjerët në vitin 1993 dhe 2022 titulli është bërë pronë e Argjentinës.

Është finalja e finaleve. Jo më kot quhet “Finalissima”, sfida që vendos përballë kampionët e Amerikës së Jugut me ata të Europës. FIFA zyrtarizoi agjendën e ndeshjes, ku do të sfidohen Argjentina dhe Spanja, legjenda Lionel Messi dhe talenti i bekuar që bebe nga ai, Lamine Yamal.

Ndeshja do të luhet në datën 27 mars në stadiumin e Lusail në Katar dhe përfaqëson trofeun e parë të rëndësishëm të vitit 2026, në pritje të finaleve të Kupës së Botës.

Argjentina vjen gjithashtu në këtë finale si kampione e botës në fuqi dhe mbajtëse e këtij të trofeu që e fitoi në stadiumin “Wembley” në vitin 2022 kundër Italisë me rezultatin 3-0.

Por këtë herë, Messi dhe shokët e tij kanë përballë një rival akoma më të fortë. Spanjën e Lamine Yamal, që pasi mori numrin 10 të “Pleshtit” te Barcelona, kërkon t’i rrëmbejë “kumbarit” të tij edhe fronin në “Olimpin” e futbollit.

Po ashtu, kjo “Finalissima” do të jetë një shijim i “Botërorit 2026”, ku si Argjentina ashtu edhe Spanja janë favoritë.

Ky trofe u krijua 40 vite më parë, në 1985, por që nga ajo kohë është luajtur vetëm tre herë. Të parin e mori Franca, ndërsa dy të tjerët në vitin 1993 dhe 2022 titulli është bërë pronë e Argjentinës.

/abcnews.al/

Ousmane Dembele ka fituar trofeun ‘FIFA The Best 2025’, duke lënë pas Lamine Yamal dhe Kylian Mbappe.

Ky sukses vjen si vazhdim i fitores së tij me ‘Topin e Artë’ në shtator, duke shpërblyer një sezon të jashtëzakonshëm për sulmuesin e PSG-së, si në nivel individual, ashtu edhe kolektiv.

Ndryshe nga trofeu i organizuar nga France Football, sistemi i votimit i FIFA-s synon të jetë më gjithëpërfshirës, duke u lejuar tifozëve nga e gjithë bota të votojnë në të njëjtin nivel me përzgjedhësit e kombëtareve, kapitenët dhe gazetarët specialistë.

Sipas analizës së Maxime Barbaud nga FootMercato, votimi është ndarë në katër kategori me peshë të barabartë (25% secila), ku pikët janë: 5 për vendin e parë, 3 për të dytin dhe 1 për të tretin.

FIFA ka publikuar votat e dhëna nga 11 finalistët për secilën kategori, duke përfshirë zgjedhjet e përzgjedhësve, kapitenëve dhe mediave.

Zgjedhjet e kapitenëve dhe përzgjedhësve të kombëtareve të njohura:

Didier Deschamps, përzgjedhësi i Francës, ka votuar për dy të preferuarit e tij: Dembele në vendin e parë, Mbappe në vendin e dytë dhe Hakimi në të tretin.

Achraf Hakimi, kapiteni i Marokut, ka zgjedhur Mbappen si numrin një, Dembele në vendin e dytë dhe Raphinha në të tretin.

Marquinhos, kapiteni i Brazilit, ka vendosur Dembele në krye, Raphinha të dytin dhe Hakimi të tretin.

Carlo Ancelotti ka përsëritur të njëjtin podium, por me Mbappen në vendin e tretë.

Në Spanjë, ka pasur mendime të ndryshme rreth Lamine Yamal: kapiteni Unai Simon e ka zgjedhur si të parë, përpara Pedri dhe Nuno Mendes, ndërsa përzgjedhësi Luis de la Fuente ka votuar Pedrin, më pas Lamine Yamal dhe Mbappen.

Në Portugali, kapiteni Bernardo Silva ka votuar për Vitinha, Nuno Mendes dhe Dembele, ndërsa përzgjedhësi Roberto Martinez ka zgjedhur të njëjtët lojtarë, por me Lamine Yamal në vend të tretë.

Votat e yjeve ndërkombëtarë

Lionel Messi ka votuar për Dembelen, Mbappen dhe Lamine Yamal.

Përzgjedhësi i Argjentinës, Scaloni, ka zgjedhur Mbappe, Pedri dhe Lamine Yamal.

Luka Modric ka vlerësuar lojtarë të fushës së tij: Vitinha në vendin e parë, Dembele të dytin dhe Lamine Yamal të tretin, duke lënë jashtë Mbappen.

Kapiteni italian Donnarumma ka votuar për Dembele, Hakimi dhe Lamine Yamal.

Riyad Mahrez ka zgjedhur Dembele, Hakimi dhe Mbappe.

Mohamed Salah, finalist, ka vendosur Hakimi, Dembele dhe Mbappe.

Këto rezultate jo vetëm që reflektojnë performancat individuale, por gjithashtu tregojnë edhe lidhjet dhe preferencat personale midis lojtarëve dhe përzgjedhësve, duke ofruar një panoramë interesante mbi votimin për çmimin 'FIFA The Best 2025'. /Telegrafi/

Sulmuesi francez i Paris Saint-Germain, Ousmane Dembele, u shpall fitues i çmimit prestigjioz “FIFA The Best” si lojtari më i mirë i vitit.

Dembele ka grumbulluar 50 pikë, 11 më shumë se talenti spanjoll i Barcelonës, Lamine Yamal dhe 15 pikë përpara bashkëkombësit të tij Kylian Mbappe, tashmë pjesë e Real Madridit.

Ky çmim, i ndarë nga FIFA, vlerëson lojtarin më të mirë të sezonit duke marrë në konsideratë performancat individuale, sukseset ekipore dhe ndikimin në lojë, si në nivel klubesh ashtu edhe kombëtaresh.

Pas treshes kryesore, renditja u plotësua nga:

Achraf Hakimi (Marok) – 31 pikë

Raphinha (Brazil) – 29 pikë

Mohamed Salah (Egjipt) – 24 pikë

Vitinha (Portugali) – 22 pikë

Harry Kane (Angli) – 14 pikë

Nuno Mendes (Portugali) – 13 pikë

Pedri (Spanjë) – 12 pikë

Cole Palmer (Angli) – 7 pikë

Në kategorinë e femrave, dominimi spanjoll ishte i plotë. Aitana BonmatO u shpall fituese e çmimit ‘Futbollistja e Vitit’ me 52 pikë, duke lënë pas Mariona Caldentey (40 pikë) dhe Alexia Putellas (33 pikë), të dyja bashkëkombëse të saj dhe lojtare kyçe të Barcelonës dhe përfaqësueses spanjolle.

Si funksionoi votimi i “The Best”

Fituesit e çmimeve “The Best” u përcaktuan përmes një sistemi votimi të kombinuar, ku morën pjesë:

Trajnerët e kombëtareve

Kapitenët e kombëtareve

Gazetarë sportivë të përzgjedhur nga FIFA

Tifozët, përmes votimit online

Secili grup pati peshë të barabartë në rezultatin përfundimtar.

/Telegrafi/

Paris Saint-Germain ka marr një përfaqësim të fuqishëm në “The Best FIFA Men’s 11 2025”, pasi gjashtë lojtarë që ndihmuan klubin francez të fitojë Ligën e Kampionëve dhe të arrijë në finalen e Kupës së Botës për Klube FIFAjanë përzgjedhur në formacionin më të mirë të vitit.

Në portë është zgjedhur Gianluigi Donnarumma, i cili ndërkohë është transferuar te Manchester City. Atij i bashkohen Achraf Hakimi, Willian Pacho, Nuno Mendes, Vitinha dhe Ousmane Dembélé, duke e bërë PSG-në klubin me numrin më të madh të përfaqësuesve në ekipin ideal.

Në formacion është përfshirë edhe fituesi i Topit të Artë të Kupës së Botës për Klube, Cole Palmer, si dhe talenti i jashtëzakonshëm spanjoll Lamine Yamal, i cili vazhdon të impresionojë në moshë shumë të re.

The Best FIFA Men’s 11 – 2025

Portier: Gianluigi Donnarumma

Mbrojtës: Achraf Hakimi, Willian Pacho, Virgil van Dijk, Nuno Mendes

Mesfushorë: Cole Palmer, Vitinha, Pedri, Jude Bellingham

Sulmues: Ousmane Dembélé, Lamine Yamal

Si u përcaktua “The Best FIFA Men’s 11”

Çmimet përfshijnë performancat e futbollistëve në periudhën 11 gusht 2024 – 2 gusht 2025. Kandidaturat u përgatitën nga FIFA në bashkëpunim me akterë të futbollit botëror, ndërsa fituesit u përzgjodhën nga një panel ekspertësh dhe tifozë të regjistruar në FIFA.com.

Votat e tifozëve dhe të ekspertëve kishin peshë të barabartë, pavarësisht numrit të votuesve. Lojtarët morën pikë në bazë të votave sipas pozicioneve përkatëse.

Fituesi i çmimit “The Best FIFA Men’s Player” u përfshi automatikisht në formacion, ndërsa portieri fitues i çmimit për portierin më të mirë nisi me nëntë pikë.

Në fund, formacioni u plotësua duke respektuar kufijtë maksimalë për pozicione: katër mbrojtës, katër mesfushorë dhe tre sulmues. /Telegrafi/

Hansi Flick komentoi reagimin e zemëruar të Lamine Yamal pas zëvendësimit të tij gjatë fitores 2-1 të Barcelonës ndaj Eintracht Frankfurt në Ligën e Kampionëve, të martën mbrëma.

Ylli i ri i Barcelonës u zëvendësua nga loja në minutën e 89-të për t’i lënë vend Roony Bardghjit, duke shfaqur hapur irritim teksa largohej nga fusha. Shprehja e tij mbeti e ashpër ndërsa ecte drejt pankinës dhe ai dukej sikur murmuriste i zhgënjyer nën zë.

Flick adresoi irritimin e Yamal për zëvendësimin e vonshëm në deklaratat pas ndeshjes, duke dhënë një shpjegim të qetë.

Ai konfirmoi se vendimi për të larguar nga loja anësorin ishte masë paraprake, jo taktike.

“E zëvendësuam Lamine pak para fundit sepse kishte një karton të verdhë dhe ishte vonë. Nëse u mërzit pak, e kuptoj plotësisht dhe më pëlqen. Edhe unë kam qenë lojtar. Është plotësisht e pranueshme, nuk është problem”.

Megjithëse trajneri mund ta vlerësojë intensitetin e Yamal, Barcelona do të duhet të përballojë mungesën e tij në ndeshjen e radhës të Ligës së Kampionëve.

Kartoni i tij i verdhë ndaj Frankfurt ishte i treti këtë sezon, duke shkaktuar automatikisht një pezullim prej një ndeshjeje. Për rrjedhojë, ai do të mungojë në përballjen e janarit kundër Slavia Pragës.

Flick theksoi gjithashtu rëndësinë e rikthimeve të shpeshta të Barcelonës, ndonëse pranoi se skuadra nuk mund ta lejojë vetes të nisë ndeshjet dobët.

“Jam shumë i lumtur që arrijmë të kthehemi, por ndonjëherë do të ishte mirë të nisnim mirë dhe të shënonim golin e parë. Është kështu siç është”, përfundoi ai./Telegrafi/

Në moshën vetëm 18 vjeç, Lamine Yamal ka bërë histori në Ligën e Kampionëve, duke u bërë lojtari më i ri ndonjëherë që arrin 14 gola të drejtpërdrejtë (7 gola + 7 asistime) në këtë kompeticion.

Ai theu rekordin e mëparshëm të Kylian Mbappe, i cili kishte 13 të tilla në vitin 2017.

Talenti spanjoll shtoi edhe një asistim tjetër mbrëmjen e së martës, duke shërbyer golin e dytë të Jules Koundes në ndeshjen mes Barcelonës dhe Eintracht Frankfurt në Camp Nou.

Kontributi i fundit i Yamal ndihmoi Barcelonën të siguronte tre pikë tejet të rëndësishme dhe ta mbante ekipin në garën për zonën “top-eight”, duke forcuar më tej statusin e tij si një nga adoleshentët më të rrezikshëm që ka parë ndonjëherë Liga e Kampionëve.

Në këtë moshë dhe me këtë ritëm, Yamal po vazhdon të shkruajë një kapitull të ri në historinë e futbollit. /Telegrafi/

Lamine Yamal nuk e fshehu fare zhgënjimin e tij në momentin kur u zëvendësua ndaj Frankfurtit, pavarësisht se Barcelona po e kontrollonte ndeshjen dhe rezultati ishte i sigurt.

Trajneri Hansi Flick konfirmoi pas ndeshjes se i riu 18-vjeçar ishte dukshëm i mërzitur me vendimin.

“Lamine ishte pak i zhgënjyer me zëvendësimin e tij, por ai mori një karton të verdhë dhe ne kishim nevojë për lojtarë të freskët", shpjegoi ai, duke theksuar se gjithçka ishte thjesht një vendim taktik dhe parandalues.

“Lamine është i tillë. Është i ri dhe mendoj se sjellja e tij është e mirë, është mirë që reagon kështu kur largohesh. Nuk është problem".

Yamal, i cili asistoi për golin vendimtar të Jules Kounde, reagoi me nervozizëm teksa u largua nga fusha për t’i lënë vendin Roony Bardghjit.

Megjithatë, Flick insistoi se zëvendësimi ishte i duhuri për të ruajtur rezultatin dhe për të mbrojtur talentin e tij më të ndritshëm nga rreziku i një kartoni të dytë. /Telegrafi/

Lamine Yamal dha një intervistë për CBS në emisionin 60 Minutes dhe bëri një rrëfim të thellë për herë të parë, duke folur për origjinën e tij dhe hapat e tij të parë për t’u bërë një fenomen global i futbollit. Superylli i Barcelonës iu referua fëmijërisë së tij në lagjen e varfër të Rocafondës, ku luajti në fusha të improvizuara, por edhe mbështetjes së familjes së tij atëherë dhe tani.

Ai kujtoi momentin kur u fotografua me Lionel Messin kur ishte foshnjë dhe komentoi krahasimin me të, duke mos harruar të fliste se si do të donte të ndërtonte rrugën e tij dhe të mbetej i përulur pavarësisht faktit se jeta e tij nuk është më “normale”. Ai gjithashtu analizoi arsyet pse zgjodhi ekipin kombëtar spanjoll mbi Marokun.

Në detaje çfarë tha ai për lagjen ku u rrit dhe pasigurinë në fëmijërinë e tij: “Ishte një lagje ku askush nuk e dinte se çfarë do t’i ndodhte në jetë. E vërteta është se askush nuk e dinte nëse ai do të bëhej futbollist, arkitekt, piktor apo nëse do të gjente një punë. I sheh prindërit e tu duke punuar, ata nuk mund të jenë gjithmonë me ty dhe nuk ndjen ankth, por pasiguri për atë që do të të ndodhë.”

Për Messin dhe krahasimet: “Ai është më i miri në histori. Ne të dy e dimë se unë nuk dua të jem Messi, dhe Messi e di se unë nuk dua të jem ai. Dua të ndjek rrugën time, dhe kaq.”

Për ndjesinë kur njerëzit ngrihen në këmbë dhe e duartrokasin në fushë: “Atje ku u rrita, fushat ku luanim kishin, le të themi, mure ku uleshin njerëzit, dhe mendoj se nuk kishte ndjesi më të mirë sesa t’i bëje të ngriheshin në këmbë, duke qeshur me kundërshtarët. Mendoj se është ndjesia më e mirë në botë, dhe është diçka që më kujton shumë kur luaj në fushë dhe tifozët ngrihen në këmbë sepse habiten nga një veprim që bëra.”

Për arsyet pse vendosi të përfaqësonte Spanjën dhe jo Marokun: “Po mendoja të luaja me Marokun. Në atë kohë, Maroku kishte arritur në gjysmëfinalet e Kupës së Botës, por në momentin e krizës, nuk e vura kurrë në dyshim. Me gjithë dashurinë dhe respektin që kam për Marokun, gjithmonë kam dashur të luaj në EURO dhe në Evropë. Mendoj se futbolli evropian shikohet më shumë dhe mendoj se është më afër nivelit më të lartë ndërkombëtar. Dhe falë Zotit, ia dola. Kjo më afron edhe me Kupën e Botës, me mundësinë për ta fituar atë. Kam një dashuri të madhe për Marokun, sepse është edhe vendi im. Por unë u rrita në Spanjë, të cilën gjithashtu e ndiej si vendin tim.”

Për atë që ai dëshiron t’u ofrojë tifozëve: “Ata më kanë thënë se kanë filluar të shikojnë futboll përsëri për shkakun tim. Nëna ime tani i shikon të gjitha ndeshjet e mia. Njerëzit këtu kishin ndaluar së veshuri fanella futbolli në shkollë, dhe tani ky trend është rikthyer. Edhe turistët, këtu në Barcelonë, blejnë fanellën e Barcelonës me numrin 10 në shpinë. Kjo më bëri të kuptoj shumë për atë që kam arritur.”

Për faktin që ai nuk jeton si një 18-vjeçar normal: “Një fëmijë 18-vjeçar mbaron shkollën dhe shkon në shtëpi. Unë shkoj në stërvitje dhe katër paparacë janë në shtëpinë time duke më pyetur për jetën time. Ndez televizorin dhe jam në televizor. Po ecja në rrugë dhe pashë një fëmijë që mbante veshur fanellën time. Dua të dal për një pije dhe nuk mundem sepse njerëzit do të më ndalojnë.”

Për faktin nëse është lodhur duke qenë yll: “Jo, sinqerisht nuk më shqetëson. Në fakt, më pëlqen.”

The post Yamal: Ata filluan të shikojnë futboll përsëri për shkakun tim, nuk dua të jem Messi appeared first on iconstyle.al.