TIRANË- I njëjti skenar me protestën e kaluar. Pas përfundimit të fjalës nga Sali Berisha, militantët dhe simpatizantët e PD kanë hedhur fishekzjarrë dhe molotovë drejt godinës së kryeministrisë.

Policia e Shtetit ka hedhur ujë drejt protestuesve për t’i shpërndarë ato.

vijon….

TIRANË- Kryetari i Partisë Demokratike Sali Berisha sa herë që kryeministri Edi Rama zhvillon vizita pune në Bruksel me fokus integrimin, ai del në media dhe hedh baltë mbi imazhin e Shqipërisë, duke pohuar frazën se vendi nuk përmbush kushtet për anëtarësimi në BE.

Por pse ky qëndrim i përsëritur i Sali Berishës? Analisti i njohur Frrok Çupi, i ftuar në “Tirana Live” u shpreh se Evropa dhe qytetërimi perëndimor ia ka marrë “veglat e torturës dhe mashtrimit” Sali Berishës dhe këtë fakt duhet ta dinë tha ai edhe mbështetësit apo simpatizantët e tij.

“Në Shqipëri është një kështjellë e ndërtuar, që është kujtesa kolektive. Këtë kështjellë as Berisha nuk e thyen dot.

Ajo është krijuar dhe e ka përjashtuar Berishën me të zezat e tij e ka përjashtuar prej vetvetes.

Përballë këtij budallallëku që shprehin këta njerëz, ka një sekret. E di çfarë u ka bërë Evropa këtyre, Evropa ua ka marrë veglat.

Kishin veglat që torturonin njerëzit dhe mashtronin njerëzit. Mjetet e tyre nuk funksionojnë më dhe kjo u duhet bërë e qartë qoftë edhe militantëve.

Nuk kanë punë me Evropën dhe me qytetërimin perëndimor”, tha ai./abcnews.al

TIRANË– Partia Demokratike ka thirrur këtë të martë simpatizantë në protestën e saj kombëtare në Bulevardin “Dëshmorët e Kombit”.

Analisti Frrok Çupi, i ftuar në “ Tirana Live” tha se protestat e Sali Berishës nuk sjellin asgjë të re, madje ato janë konsumuar deri në pikën që vetë Çupi i cilësoi si “tubime kotësie”.

Ai theksoi se shqiptarët e dinë tashmë se kush është Sali Berisha dhe cilat janë bëmat e tij. Sipas Çupit, Berisha është i vetmi perSon, që derdhi gjak në atë bulevard për të mbajtur pushtetin.

“Sa herë shikojmë këto protesta, janë konsumuar edhe vetë vëzhgimet, janë konsumuar për shkak të kotësisë.

Gjithmonë më shkon mendja te hall i këtij bulevardit, është hall i vërtetë. Mos ta quajnë më “kilometri i fundit”, por një  ngjarje e shëmtuar në këtë bulevard.

Ai është i vetmi që derdhi gjak në atë bulevard, erdhi një djalë nga Tropoja dhe e bllokoi bulevardin. Ky është gjakatar.

Ky njeri nuk kthehet për demokraci, për liri, por kthehet për arsye të instinktit në vendin e krimit. Është i vetmi Sali Berisha, që ekzekutoi në mes të bulevardit dhe në sy të të gjithëve. “, tha ai.

Read More...

Indonezia ka njoftuar se po përgatit deri në 8 000 trupa ushtarake për t’u dislokuar në Rripin e Gazës, duke u bërë vendi i parë që ndërmerr një hap të tillë në kuadër të fazës së dytë të marrëveshjes së armëpushimit të ndërmjetësuar nga Shtetet e Bashkuara në fund të vitit të kaluar, sipas BBC.

Shefi i Shtabit, gjenerali Maruli Simanjuntak tha se stërvitja për trupat ka nisur tashmë dhe se misioni i tyre do të fokusohet kryesisht në role mjekësore dhe inxhinierike në Gaza.

Indonezia është bashkuar gjithashtu me Bordin e Paqes të presidentit amerikan Donald Trump, i shpallur muajin e kaluar.

Vendi ka marrë një mandat nga Këshilli i Sigurimit i OKB-së për të ndihmuar në krijimin e një Force Ndërkombëtare Stabilizimi (ISF), e cila synon të sigurojë zonat kufitare të Gazës dhe të garantojë çmilitarizimin e territorit, përfshirë edhe çarmatimin e Hamasit.

Koha e dislokimit të trupave indoneziane dhe roli i saktë i tyre në terren ende nuk janë përcaktuar, por sinjalet tregojnë se presidenti Prabowo Subianto ka marrë vendimin që ata të dërgohen.

Vendimi për t’iu bashkuar Bordit të Paqes së presidentit Trump është kritikuar nga disa grupe islamike në Indonezi, ku ka pasur zemërim të gjerë publik për rolin e SHBA-së në bombardimet izraelite në Gaza.

Megjithatë, Prabowo ka argumentuar se, si vendi me popullsinë myslimane më të madhe në botë, Indonezia duhet të kontribuojë në stabilizimin e Gazës dhe ka theksuar se angazhimi i saj synon një zgjidhje përfundimtare me dy shtete për konfliktin izraelito-palestinez.

Transmetuesi publik izraelit “Kan” raportoi se një zonë në jug të Gazës, mes Rafahut dhe Khan Younisit, është caktuar tashmë për përdorim nga ushtria indoneziane, ku parashikohet ndërtimi i një reparti për disa mijëra trupa.

Ndërkohë, edhe vende të tjera myslimane si Turqia dhe Pakistani po shqyrtojnë mundësinë e dërgimit të trupave, por kanë bërë të qartë se do të vepronin vetëm si paqeruajtës dhe nuk do të përfshiheshin në planin për çarmatimin e Hamasit.

TIRANË- Militantë të Partisë Demokratike janë mbledhur sot pasdite në protestën e thirrur nga Sali Berisha para selisë së qeverisë.

Edhe pse protesta nisi rreth 45 minuta më vonë se ora e parashikuar, Sali Berisha u prit në shesh nga një grup jo i madh mbështetësish.

Tubimi nisi me fjalime të folesve në foltore, ku i pari e ka marrë fjalen Agron Gjekmarkaj dhe i fundit sipas protestave të meparshme të ngjashme pritet të jetë kreu i PD, Berisha

Rreth 1300 policë janë në gatishmëri para ndërtesës së kryeministrisë dhe në Bulevard për të garantuar sigurinë gjatë kësaj proteste, që herët e kaluara është mbyllur me zjarr dhe molotov drejt ndërtesës së qeverisë

Ora 17:30 ABC News sjell pamje me dron nga bulevardi “Dëshmorët e Kombit”, ndërsa vihet re se numri i pjesëmarrësve në protestën e thirrur nga Sali Berisha, rreth 30 minuta nga orar zyrtar i saj.

Qeveria çeke po shqyrton ndalimin e përdorimit të mediave sociale nga fëmijët nën moshën 15-vjeç, mes shqetësimit në rritje për ndikimin e platformave online tek të rinjtë.

Sipas raportimeve të mediave lokale, kryeministri Andrej Babis tha se qeveria e tij po e shqyrton seriozisht një veprim të tillë, duke ndjekur shembullin e vendosur nga Franca.

Babis tha se nevojiten veprime urgjente për të mbrojtur fëmijët nga dëmi. “Unë jam në favor të një ndalimi, sepse ekspertët që njoh thonë se është jashtëzakonisht i dëmshëm. Duhet të bëjmë diçka për të mbrojtur fëmijët tanë”, tha ai.

Zëvendëskryeministri Karel Havlicek tha se qeveria ka filluar tashmë konsultimet me ekspertë dhe operatorë të telekomunikacionit se si mund të zbatohe një ndalim i mundshëm.

Ai shtoi se legjislacioni mund të propozohet më vonë këtë vit.

“Ne definitivisht nuk do ta zvarritim këtë dhe do të donim të propozonim një ndalim që këtë vit. Nuk ka kohë për të humbur. Rrjetet sociale po shkatërrojnë jetën e fëmijëve; po fillon të bëhet një murtajë”, tha Havlicek gjatë një debati në CNN Prima News.

Debati në Çeki vjen në një kohë kur disa vende të tjera kanë ndërmarrë hapa për të kufizuar aksesin e fëmijëve në platformat e mediave sociale.

Australia ndaloi aksesin në mediat sociale për fëmijët nën 16-vjeç dhjetorin e kaluar, ndërsa Franca miratoi një ligj muajin e kaluar që ndalon përdorimin e mediave sociale për ata nën 15- vjeç.

Një krizë e rëndë klimatike e ka lënë Kolumbinë veriore të tronditur, pasi reshjet e pazakonta për shkurtin kanë shkaktuar një emergjencë humanitare.

Të paktën 14 persona kanë vdekur dhe më shumë se 120.000 janë zhvendosur ose prekur, ndërsa përmbytjet dhe rrëshqitjet e mëdha të tokës shkatërrojnë departamentet e Kordobës, La Guajira, Sucre, Magdalena, Choco dhe Antioquia.

Shkalla e katastrofës është e paparë për këtë kohë të vitit. Carlos Carrillo, drejtor i Njësisë Kombëtare për Menaxhimin e Rrezikut nga Fatkeqësitë (UNGRD), tha se reshjet në Kordoba janë rritur me një shifër marramendëse prej 1.600 për qind.

“Këto nivele uji nuk ishin regjistruar kurrë në shkurt, i cili është zakonisht muaji më i thatë i rajonit,” theksoi Carrillo, duke shtuar se më shumë se 40.000 hektarë janë aktualisht të zhytura.

“Ekziston qartë një krizë klimatike – një ngjarje e jashtëzakonshme,” tha ai.

Shkatërrimi është i përhapur, me infrastrukturën lokale dhe sistemet shëndetësore të shtyra në pikën e kulmit.

Guvernatori i Kordobës, Erasmo Zuleta, konfirmoi se 80 për qind e departamentit është nën ujë. Lagje të tëra janë përmbytur deri në çati dhe rrugët jetësore të aksesit janë ndërprerë.

Në La Guajira dhe Magdalena, reshjet e vazhdueshme që tejkalojnë 12 orë kanë shkaktuar derdhjen e përrenjve dhe paralizimin e lëvizshmërisë.

Viktimat në strehimore të mbipopulluara po raportojnë raste në rritje të problemeve, infeksioneve të frymëmarrjes dhe simptomave të ngjashme me gripin, të përkeqësuara nga mungesa e ujit të pastër dhe kanalizimeve.

Furnizimet thelbësore, duke përfshirë ushqimin, dyshekët dhe artikujt bazë të tualetit, janë në mungesë kritike, ndërsa strehimoret e përkohshme arrijnë kapacitetin e plotë.

Në përgjigje të katastrofës në rritje, presidenti Gustavo Petro dhe kabineti i tij ishin planifikuar të mblidheshin në Monteria të hënën. Administrata po shqyrton shpalljen e një gjendjeje të jashtëzakonshme ekonomike për të përshpejtuar shpërndarjen e fondeve dhe burimeve të ndihmës.

TIRANË- Sa herë që kryeministri Edi Rama udhëton i ftuar në Bruksel, Sali Berisha del kundër integrimit në BE. Ai ka ndjekur një politikë të nxirjes së Shqipërisë në arenën ndërkombëtare dhe ky refren është përsëritur shpeshherë prej tij.

Gazetari i njohur Fatos Mahmutaj, i ftuar në emisionin “Ora e fundit”, ka komentuar reagimet e ish-kryeministrit Sali Berisha sa herë që kryeministri Edi Rama zhvillon vizita zyrtare në Bruksel, duke theksuar se këto qëndrime janë kundër interesit të Shqipërisë dhe integrimit europian.

Ai u shpreh se Berisha ka tendencën të shohë çdo sukses të politikës shqiptare në Bruksel me sy negativ dhe të prodhojë lajme që nxijnë imazhin e vendit në arenën ndërkombëtare.

Ai shtoi se koha kur Berisha mobilizonte militantët ka marrë fund dhe tani ai është i fokusuar vetëm te problemet personale me drejtësinë.

Në përfundim, Mahmutaj theksoi se Sali Berisha po e mbyll kapitullin e tij politik, duke e cilësuar qëndrimin e tij si të dëmshëm për Shqipërinë dhe përpjekjet e saj drejt integrimit evropian.

“Kryeministri Rama pritet nga kryetari i Këshillit të Evropës. Nuk ka lidhje as me zgjerimin, as me këto histori, sepse këto i ka Komisioni Evropian. Atij i pëlqen të çdo lloj suksesi të politikës shqiptare  në Bruksel, Berisha e sheh me syrin e negativ dhe lajmet që do t’i prodhojë dhe i prodhon në këtë lloj forme. Berisha s’ka bërë asgjë më 35 vite në Shqipëri. Këto historitë e tij janë një turp.

Nuk shkohet asgjëkundi me Berishën dhe shqiptarët po e braktisën në çdo foltore, që ai bën.  Iku koha kur Berisha mblidhte militantët tij, i gënjente, i mashtronte, vriteshin për Berishën. Berisha do të zgjidhë hallet që ka me drejtësinë, nuk ka asnjë agjendë tjetër. Sali Berisha gjithnjë ka pasur agjendë antishqiptare. Ai po e mbyll kapitullin e politikës me trup, Si hajdut, si vrasës dhe duke nxirë shqiptarët”, tha ai.

Duke u rezistuar thirrjeve për dorëheqje, kryeministri britanik Keir Starmer tha të hënën se nuk është “i gatshëm të largohet” nga mandati i tij si kryeministër, teksa po përpiqet të forcojë mbështetjen brenda partisë së tij mes pasojave të skandalit me Peter Mandelson.

Duke folur gjatë një takimi me deputetët e Partisë Laburiste, Starmer iu referua të kaluarës së tij në role të mëparshme dhe brenda partisë, duke thënë: “Kam fituar çdo betejë në të cilën kam qenë ndonjëherë”.

Ai përmendi kohën e tij në Shërbimin e Prokurorisë së Kurorës dhe përpjekjet për reformimin e Partisë Laburiste, duke shtuar: “Njerëzit më thoshin se nuk mund ta bëja. Pastaj gradualisht filluan të thoshin se mund ta kalonim vijën. Fituam me një shumicë dërrmuese. Çdo betejë ku kam qenë, e kam fituar”.

Starmer pranoi se kritikat vazhdojnë, duke thënë se është përballur me “kundërshtues në çdo hap të rrugës, dhe i kam edhe tani”.

“Kundërshtues që nuk duan fare një qeveri laburiste, dhe sigurisht jo një që të ketë sukses”, shtoi Starmer.

“Por po ju them këtë: pasi kam luftuar kaq fort për mundësinë për të ndryshuar vendin tonë, nuk jam i gatshëm të heq dorë nga mandati im dhe përgjegjësia ime ndaj vendit, apo të na zhys në kaos, siç kanë bërë të tjerë”, përfundoi ai.

Javën e kaluar, Starmer tha se i vjen “keq” që kishte besuar “gënjeshtrat” e Mandelsonit dhe e kishte emëruar atë ambasador në SHBA, ndërsa presioni u rrit pasi ai pranoi se kishte dijeni për lidhjet e Mandelsonit me abuzuesin e dënuar seksual Jeffrey Epstein, i cili vdiq në vitin 2019.

Mandelson u shkarkua në shtator, por dosjet e publikuara së fundmi për Epstein sugjeruan se ai kishte ndarë informacione konfidenciale me Epstein kur ishte sekretar britanik i biznesit në vitin 2009.

Mandelson ka dhënë gjithashtu dorëheqjen nga Dhoma e Lordëve dhe nga vetë Partia Laburiste.

Mandelson u shkarkua në shtator, por dosjet e publikuara së fundmi për Epsteinin sugjeruan se ai kishte ndarë informacione konfidenciale me Epsteinin kur ishte sekretar britanik i biznesit në vitin 2009.

Mandelson ka dhënë gjithashtu dorëheqjen nga Dhoma e Lordëve dhe nga vetë Partia Laburiste.

Departamenti amerikan i Drejtësisë muajin e kaluar publikoi më shumë se 3 milionë faqe, 2.000 video dhe 180.000 imazhe sipas Aktit për Transparencën mbi Dosjet Epstein, i cili u nënshkrua në ligj në nëntor të vitit të kaluar.

Materialet përfshijnë fotografi, transkripte të jurive dhe dosje hetimore, megjithëse shumë faqe mbeten të redaktuara. Të mbijetuarit e Epsteinit dhe familjarët e viktimave thonë se publikimi nuk përmbush kërkesat e ligjit dhe lë jashtë shumë informacione jetike.

Në sondazhin “Zëri i Shqiptarëve” në ABC News, qytetarët u pyetën se cilën prej partive politike do të votonin nëse zgjedhjet do mbaheshin sot, përgjigja e tyre është se partia që  udhëheq është Partia Socialiste

Megjithëse në këtë fillim shkurti, PS bie me 0.5%, brenda marzhit të gabimit të sondazhit. Pavarësisht se vendimi i Gjykatës Kushtetuese goditi Ramën dhe qeverinë, PD nuk rritet, kurse partitë e reja vijojnë rënien elektorale.

Edhe shpresa për një parti të re ngjitet me ritmet e breshkës, në rast se vërtet do të lindë një parti të re.

Metodologjia e sondazhit

Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit. Kampioni u ripeshua statistikisht për t’i përfaqësuar sa më mirë 1.9 milionë banorët e rritur të Shqipërisë nga pikëpamja gjeografike, demografike, arsimore, dhe politike. Marzhi i gabimit statistikor për kampionin e plotë: +/- 2.7%/abcnews.al

Reforma në Drejtësi, e konsideruar prej vitesh si shtylla kryesore e transformimit institucional në vend, duket se ka humbur ndjeshëm peshën e saj në gjykimin e qytetarëve.

Të dhënat e sondazhit të fundit tregojnë një nivel të lartë zhgënjimi dhe indiference ndaj rezultateve të saj konkrete.

78.5% e të anketuarve shprehen se Reforma në Drejtësi ndikon pak në gjykimin e tyre politik, pasi janë të zhgënjyer nga ecuria dhe rezultatet e saj.

Një tjetër grup, 19.4%, deklaron se Reforma nuk ka ndikuar aspak në gjykimin e tyre politik, duke theksuar se kanë qenë që në fillim kundër saj.

Ndërkohë vetëm 2.1% e të anketuarve shprehen se Reforma në Drejtësi ka ndikuar shumë, madje edhe në ndryshimin e votës.

Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë.

Pyetësori u plotësua elektronikisht në mënyrë krejt anonime nga të anketuarit. Kampioni u ripeshua statistikisht për t’i përfaqësuar sa më mirë 1.9 milionë banorët e rritur të Shqipërisë nga pikëpamja gjeografike, demografike, arsimore, dhe politike. Marzhi i gabimit statistikor për kampionin e plotë: +/- 2.7%

Kryebashkiaku i Rrogozhinës, Edison Memolla, pas vendimit të Apelit të GJKKO, është vetëdorëzuar pasditen kësaj të hëne në Policinë e Rrogozhinës në zbatim të vendimit që la në fuqi dënimin e shkallës së parë: 1 vit burg dhe 5 vite heqje të së drejtës për ushtrimin e funksioneve publike.

Kryebashkiaku u Rrogozhinës u regjistrua teksa ndikonte tek punonjësit e OSHEE për të mos i ndërprerë energjinë elektrike një abonenti debitor në këmbim të votave për zgjedhjet e pjesshme lokale të 6 marsit 2022.

Apeli i GJKKO la në fuqi edhe vendimet për 3 të pandehur të tjerë Blerim Xhamani dhe Isuf Tosku, të cilët u dënuan nga shkalla e parë përkatësisht me 1 vit dhe 8 muaj burg, ku për Toskun dënimi u pezullua duke u vendosur në shërbim prove.

Në fuqi u la edhe dënimi për Ndriçim Tafxhafa që u dënua me 1 vit burg/abcnews.al

TIRANË– Korporata gjyqtarë-prokurorë tashmë mund të konsiderohet si një çështje, që përbën “rrezik kombëtar”.

Kështu u shpreh analisti i njohur, Arben Meçe, i ftuar në emisionin “Real Story” në ABC News. Sipas tij, kjo korporatë ka lidhje me politikën dhe shpeshherë ata ka bërë ndërhyrje të forta të paramenduara në politikë.

“Korporata gjyqtarë-prokurorë është bërë rrezik kombëtar. Kur kjo korporatë lidhet me politikën pastaj, kjo korporatë është e lidhur absolutisht me politikën. Ne sot, në këtë tavolinë, kemi hedhur fakte të shumta që kanë vërtetuar që këta prokurorë dhe gjyqtarë kanë lidhje të forta politike dhe me vendimmarrjet e tyre kanë bërë ndërhyrje të paramenduara në politikë”, tha ai.

TIRANË– Eksperti ligjor Bledar Dervishaj, në emisionin “Real Story” në ABC News, komentoi vendimin e Gjykatës Kushtetuese për çështjen e zëvendëskryeministres Belinda Balluku, i cili përfundoi me barazim 4-4.

Sipas Dervishit, ky vendim ka krijuar një precedent të ri dhe ka prekur ekuilibrin dhe balanca mes pushteteve nuk ekziston më.

Ai paralajmëroi se pasojat e këtij vendimi mund të jenë të thella për funksionimin e institucioneve dhe marrëdhëniet ndërmjet tyre.

“Po të hysh më tej, me këtë vendimmarrje, Gjykata Kushtetuese ka krijuar një normë të re, ku balanca mes pushteteve nuk ekziston më.”, tha ai.

Gjykata Kushtetuese vendosi 4 me 4 ndaj padisë së Kryeministrit Edi Rama për masën e pezullimit nga detyra të ministres së Infrastrukturës dhe Energjisë, Belinda Balluku, duke krijuar një situatë të paqartë ligjore.

Pyetja që ka lindur,është fakti: sa kushtetues është vendimi i Gjykatës Kushtetuese?

Juristja Brizida Gjikondi, e ftuar në emisionin “Real Story”, tha se kjo amulli është krijuar nga mungesa e gjyqtarit të nëntë në Gjykatën Kushtetuese.

“Mungesa e gjyqtarit të nëntë e ka sjellë atë amulli, Prej 17 muajsh, parlamenti shqiptar mban në sirtarët e vet kandidaturat për të zëvendësuar Elsa Toskën. Ka vendim, sepse 4 gjyqtarët, sepse kanë arsyetuar vendimet e tyre edhe pse nuk e kemi tekstin e tyre.”, tha ajo.

TIRANË- Belinda Balluku do qëndrojë në detyrë, pavarësisht se pezullimi i saj u rikthye nga vendimi kontrovers i Gjykatës Kushtetuese.

Kryeministri Edi Rama iu tha sot deputetëve të shumicës se do të ndryshojnë Kodin Penal, që të pamundësojë pezullimin e atyre që mandatohen në detyrë nga Presidenti i Republikës.

Analisti Arben Meçe, i ftuar në emisionin “Real Story”, tha se Gjykata Kushtetuese nxori vendim antikushtetues dhe nga kjo lind e drejta qeverisë ta dërgojë çështjen në Gjykatën Europiane për të Drejtat e Njeriut në Strasburg.

“Formalisht ka vendim. Tani ky vendim është Kushtetues apo jo? Këtë e vendos Kushtetuesja vetë. Gjykata Kushtetuese vendos me shumicë votash dhe pari i çdo gjykate është që duhet të vendosë dhe për këtë arsye trupa gjyqësore bëhen tej gjithmonë, gjithmonë duhet të ketë vendimmarrje.

Çdo vendim i trupit gjyqësor, i cili nuk është me vendimmarrja me shumicë, por është me barazim, është antikushtetues ne dhe nëse ti e dërgon në GJED, kemi shumë precedentë, ku rezultate kanë dalë barazim dhe gjykata i ka kthyer mbrapsht dhe thotë cenohet: kuorumi funksional, privohen palët nga një vendim gjyqësor efektiv.

Gjykata Kushtetuese duke cenuar parimin kushtetues, nxjerrë një vendim antikushtetuese, ky nuk është vendim. Vetë vendimi është antikushtetues dhe çdo gjë tjetër që shkruhet brenda është antikushtetuese, sepse nuk i lejohet gjykatës të dalë pa vendim, çështja nuk quhet e gjykuar.

Nuk u dha as vendim dhe lind e drejta që të vijojë procedurat në instancat më të larta, në GJED, kjo është instanca që e njeh shteti shqiptar si nënshkrues i konventës. Këtë vendim nuk duhet ta merrni kurrë, sepse nuk ta lejon kushtetuta. GJED në Strasburg, vetëm ajo e zgjidh”, tha ai.

Read More...

Belinda Balluku do të qëndrojë në detyrë, pavarësisht se pezullimi i saj u rikthye nga vendimi kontrovers i Gjykatës Kushtetuese. Kryeministri Rama iu tha deputetëve të shumicës se do të ndryshojnë Kodin Penal, që të pamundësojë pezullimin e atyre që mandatohet në detyrë nga Presidenti i Republikës.

Deri në ndryshimin e Kodit Penal, kërkesa tjetër e Prokurorisë së Posaçme për heqjen e imunitetit të zëvendëskryeministres do të duhet të presë.

Avokati i njohur Edmond Petraj, i ftuar në “Tirana Live”, u shpreh se është emergjente bërja e disa ndryshimeve në Kodin e Procedurës Penale.

Ai theksoi se përfaqësuesit e zgjedhur me votën e popullit nuk mund të pezullohen nga pushteti gjyqësor, ndërsa ndryshimet ligjore janë të domosdoshme për të rregulluar raportin mes pushtetit ekzekutiv dhe atij gjyqësor.

Avokati kritikoi gjithashtu qëndrimin e Gjykatës Kushtetuese, duke deklaruar se ajo nuk mori një vendim të qartë, por duhej ta kishte dërguar çështjen për opinion në Komisionin e Venecias. Sipas tij, mosmarrja e një vendimi përbën një absurditet dhe cenon autoritetin e Gjykatës Kushtetuese.

“Kodi i Procedurës penale duhet ndryshuar. Duhet ndryshim konkrete real, që mos të fusin duart për herë të dytë.Të gjithë të zgjedhurit duhet të kenë imunitet dhe s’mund të jenë pjesë e pezullimit apo arrestimit.

Të zgjedhurit me votën e popullit nuk mund të pezullohen nga gjykata. Ndryshimet janë të nevojshme për të rregulluar raportin ekzekutiv-gjyqësor. Gjykata Kushtetuese nuk mori vendim, por ajo duhet t’ia dërgonte për opinion Komisionit Venecias. Kjo do të ishte krejt normale.

Një vendim pa vendim, mua më duket absurditet. Gjykata Kushtetuese mblidhet për këto gjëra, për të vendosur kemi tejkalim kompetencash apo jo. Gjykata Kushtetuese kishte autoritetin dhe dinjitetin për të mos u bërë palë e një përqeshjeje masive. Duhet të jepte vendim për këtë gjë. U detyrua mazhoranca të vinte vijën e demarkacionit, sepse Gjykata Kushtetuese nuk e vendosi dot”, tha ai.