Sali Berisha qëndroi jashtë forumit të dialogut, por partitë e reja nuk u tunduan.

Agron Shehaj dhe Arlind Qori bojkotuan tryezën ndonëse PD u përfaqësua nga Luçiano Boci dhe Ilir Alimehmeti. Adriatik Lapaj zgjodhi të qëndrojë në shesh pasi po pret që me parë t’i plotësohen kushtet e tij.

“Kemi këtu rreth 15 parti politike dhe një lëvizje të rëndësishme si ajo e Diasporës për Shqipërinë e Lirë”, u shpreh nismëtari i Forumit për Dialogun Politik, Ermal Hasimja.

Nuk shoh ndonjë arsye që “Shqipëria Bëhet” të mos jetë pjesë e kësaj tryeze, por ata janë në pritje të produkteve konkrete të saj, veçanërisht sa i përket protestave të vazhdueshme në shesh.

I mandatuari i Sali Berishës konfirmoj se kushti kryesor i Lapaj do realizohet në protestën e 20 shkurtit.

15 partitë që i thane po ftesës së Ermal Hasimes hodhën hapin e parë drejt një fronti të gjerë opozitar që synon koordinimin e qëndrimeve për kodin elektoral, drejtësinë dhe krijimin e një qeverie transitore.

“Këto ishin pikat kryesore për të cilat diskutuam. Siç e thashë, është tryeza e parë dhe jemi shumë të kënaqur. Do të vijojmë me aspektet teknike, si për shembull përzgjedhja e një kodi zgjedhor të unifikuar dhe të rakorduar, të cilin më pas Partia Demokratike, për shkak të peshës që ka në Komisionin e Reformës Zgjedhore, do ta çojë në forumin e duhur”, tha Hasimja.

Sali Berisha nuk priti por nxitoi të thërrasë me 20 shkurt proteste por ftesa për pjesëmarrje nuk mungoi as nga forumi i dialogut opozitar.

The post Negociatat në kampin e opozitës/ Në forumin e dialogut politik morën pjesë 15 parti, munguan sërish Shehaj dhe Qori appeared first on Albeu.com.

Ramush Haradinaj ka dhënë dorëheqje nga posti i kryetarit të Aleancës për Ardhmërinë e Kosovës.

Në mbledhjen e Këshillit të Përgjithshëm të partisë, Haradinaj thotë se rezultati zgjedhor është një prej tre arsyeve pse u largua nga pozita e kryetarit.

“Procesi zgjedhor fillon nga 20 shkurti. Është risi ose ndryshim sepse nuk do të kandidoj për kryetar të Aleancës në këto zgjedhje të brendshme. I kam treguar edhe disa arsye, ua shpjegoj edhe ju. Një arsye është koha e gjatë, arsyeja e dytë është rezultati zgjedhor. Po ashtu është edhe besim që kam në kuadrin e Aleancës”, ka thënë ai.

Haradinaj ishte përfolur se po mbledh nënshkrimet për të qenë kandidat për president, por një gjë të tillë e ka mohuar.

“Nuk jam kandidat për president të vendit. Nëse në një rrethanë të caktuar deputetët, Parlamenti do të ma kërkonin do ta shqyrtoja, por nuk jam kandidat… ende nuk kemi një qëndrim se si do të veprojmë rreth çështjes së presidentit, do ta shqyrtojmë”, ka deklaruar Haradinaj.

The post Ramush Haradinaj jep dorëheqjen si kryetar i AAK: Nuk do kandidoj për president appeared first on Albeu.com.

Këngëtari i njohur Redon Makashi ka zbuluar së fundmi penmgjet e babait të tij, aktorit të njohur Fitim Makashi i cili u nda nga jeta më 31 janar të këtij viti.

Në një intervistë të dhënë për “Ftesë në 5”, Redoni zbuloi se pasi prindërit e tij u kthyen nga Amerika për të jetuar në Shqipëri, babai nuk arriti të siguronte një pension.

Edhe pse Ministria e Kulturës ishte dakordësuar dhe i kishte firmosur letrat e tij, emri i Fitim Makashit nuk u rendit në mesin e 15 personave që do të përfitonin pension asokohe.

Për këtë, Redoni u shpreh se babai i tij u ndje shumë keq sepse nuk u vlerësua figura e tij artistike. Duke qenë një ndër aktorët më të mirë shqiptarë të viteve ’90, Fitim Makashi priste që të vlerësohej jo vetëmmonetarisht por të paktën nga ana morale.

Redon Makashi: Pas 2000 ata ikën të jetonin në Amerikë, sepse iu ra llotaria. Asokohe Fitimi u largua nga skena, miqtë, dashamirësit. Mbas ardhjes nga Amerika pati rreth dy kërkesa dhe për film por nuk ka dashur të dalë në skenë madje as në intervistë. Brezi i Fitimit nuk paradalin në kamera. Nuk pranonte asnjëherë, as babai as mami. Në moshën kur përmbylli aktrimin, Fitimi kishte një peng të madh. Vajtëm te Ministria e Kulturës, sigurisht u hapën dyert, në teatër e kudo. U bë një dosje ashtu sic u kërkua dhe u dorëzua në një vend, ishte një pension i posacëm për babin.

Kur pamë në televizion 15 emra por mes tyre nuk ishte emri i tij, u ndjeva shumë keq. E ai u ndje shumë keq po nuk e jepte veten. Atij i duhej një vlerësim qoftë dhe moral. I thoja ti nuk ke nevojë për lekë, se aq sa të duhen i kemi. Por thjesht e vrau më tepër ana e moralit, ndoshta do të ikte më i kompletuar në jetën e tij dhe pengu i tij më mbeti mua.

Për fat unë kam marrë nga presidenti titullin “Mjeshtër i madh”. Kur e mora, thashë në mikrofon ky titull i takon babit se unë jam akoma në hapat e mi të karrierës. Atij iu bë qejfi e mundohesha ta kënaqja me cdo lloj forme që mos ti mbetej peng. Por ai iku me këtë lloj pengu. Në fakt nuk duhet të ikë me peng sepse të gjithë shqiptarët e kanë dashur shumë Fitimin e mendoj se atje lart nuk ka asnjë lloj pengu. Miqtë e tij të hershëm, disa që janë akoma gjallë e respektuan sepse ishin të pranishëm në homazhet e babait tim.

The post “Nuk ia vlerësuan kurrë artin e tij”, Redon Makashi zbulon pengjet e aktorit: Ministria e Kulturës e dha firmën por babai im ngeli pa pension appeared first on Albeu.com.

Kryetari i Grupit Parlamentar të Partisë së Lirisë, Tedi Blushi ka deklaruar se opozita i dha sot mundësinë Kuvendit të tregojë nëse përfaqëson interesat e qytetarëve apo interesat e një pakice.

Gjatë fjalës së tij në Kuvend, Blushi u shpreh se Parlamenti duhet të dëshmojë nëse është “Parlamenti i shqiptarëve” apo një institucion që përfaqëson, sipas tij, “interesa klienteliste dhe kriminale të një pakice që ka marrë peng shtetin dhe të ardhmen e shqiptarëve”. Blushi theksoi gjithashtu se propozimi për uljen e TVSH-së në 5% për ushqimet bazë është një masë lehtësuese për çdo qytetar, veçanërisht për familjet me të ardhura të ulëta.

Tedi Blushi: Grupi Parlamentar i Partisë së Lirisë i dha sot mundësinë këtij Parlamenti të dëshmonte nëse është Parlamenti i shqiptarëve apo është Parlamenti i një pakice që jo vetëm nuk përfaqëson vullnetin e shumicës dërrmuese të shqiptarëve, por përkundrazi, përfaqëson interesat klienteliste kriminale vetëm të një pakice që ka marrë peng sot të gjithë shtetin dhe për fat të keq të ardhmen e të gjithë shqiptarëve.

Ulja e TVSH-së në 5% për ushqimet bazë, o të marrë, është një masë lehtësuese për çdo shqiptar. Çfarë Partie Socialiste jeni ju? Çfarë shteti social është ky që taton bukën e gojës më shumë sesa luksin. Çfarë socialistësh jeni ju që tatoni kokrrën e vezës më shumë se verën e Edi Ramës?

Çfarë socialistësh jeni ju që tatoni miellin, vajin më shumë se kazinotë e oligarkëve tuaj. Çfarë socialistësh që tatoni djathin, gjalpin dhe të gjitha produktet bazë më shtrenjtë se sa jahtet e klientëve tuaj. Që tatoni qumështin e fëmijëve më shtrenjtë se verën e Edi Ramës.

Po çfarë socialistësh jeni ju? Jeni jo Diella, se edhe Diella e ka një fytyrë, po jeni hije dhe në qoftë se trembeni nga molotovët, po ju paralajmëroj trembjuni urrejtjes së të varfërve që do trokasin dhe në derën tuaj

The post PS shtyn votimin për pr/ligjin e PL për uljen e TVSH në 5% për ushqimet e shportës, Blushi: Ç’socialistë jeni ju që taksoni bukën e shqiptarëve më shtrenjtë se luksin? appeared first on Albeu.com.

Shqipëria është njohur me kundërshtarët në Ligën e Kombeve. Kuqezinjtë vendosen në Grupin C1 dhe peshkuan Finlandën, Bjellorusinë dhe San Marinon.

Dy transferta janë të largëta. Pikërisht Finlanda dhe Bjellorusia. San Marino ndërkohë është kundërshtari më i lehtë i mundshëm.

Shqipëria mban vendin e 63-të në renditjen e FIFA-s. Finlanda pozicionohet si vend i 75-të, Bjellorusia 98-të dhe San Marino në vend të fundit(210).

The post Dy transferta të largëta dhe vendi i fundit në FIFA, Kombëtarja vendoset në Grupin C1 dhe njihet me rivalët në Ligën e Kombeve appeared first on Albeu.com.

Komiteti Ekzekutiv i UEFA-s zhvilloi më 11 shkurt në Bruksel mbledhjen e parë për vitin 2026, një ditë përpara Kongresit të 50-të të Zakonshëm të UEFA-s.

Gjatë kësaj mbledhjeje, ku i pranishëm ishte edhe zëvendës-presidenti i UEFA-s, Armand Duka, u prezantua përditësimi i Strategjisë së Qëndrueshmërisë së Futbollit 2030, që synon të ndërtojë mbi progresin e rëndësishëm të arritur deri më tani dhe të forcojë fokusin në veprimin kolektiv, matjen e rezultateve dhe përgjegjshmërinë në të gjithë ekosistemin e futbollit europian.

Strategjia e përditësuar ruan vizionin e saj origjinal, duke theksuar më tej impaktin social, respektin për mjedisin dhe menaxhimin e përgjegjshëm në organizimin e eventeve dhe infrastrukturës së futbollit.

Ndër të tjera, Komiteti Ekzekutiv miratoi edhe krijimin e një çmimi vjetor për arbitrin dhe arbitren më të mirë të vitit, duke vlerësuar performancat e tyre në kompeticionet e UEFA-s dhe do të nxjerrin në pah rolin e arbitrit si ambasador i federatës përkatëse kombëtare.

Kjo iniciativë synon të promovojë respektin ndaj arbitrave në gjithë komunitetin e futbollit, si dhe të frymëzojë brezat e rinj përmes modeleve pozitivë që mishërojnë përkushtim, integritet dhe standarde të larta profesionale.

The post Komiteti Ekzekutiv i UEFA zhvillon mbledhjen e parë për vitin 2026, në fokus përditësimi i Strategjisë së Qëndrueshmërisë së Futbollit 2030 dhe vlerësimi i arbitrave appeared first on Albeu.com.

Dhoma e Avokatisë Vlorë i ka dërguar një kërkesë ministrisë së Drejtësisë dhe KLGJ-së. Përmes një shkrese zyrtare ajo ka kërkuar rishikim urgjent të hartës gjyqësore, duke e cilësuar zbatimin e saj si problematik dhe me pasoja të drejtpërdrejta për aksesin në drejtësi.

Në deklaratën e tyre thuhet se aksesi real në drejtësi është vështirësuar ndjeshëm, sidomos për qytetarët që jetojnë larg qendrave të përqendruara gjyqësore. Sipas tyre, kjo situatë krijon një cenim të drejtpërdrejtë të së drejtës për një proces të rregullt ligjor, duke e shndërruar të drejtën për ankim në një mjet formal dhe jo efektiv, në kundërshtim me standardet kushtetuese dhe konvencionale.

Ata kërkojnë rikthimi ose krijimi i të paktën tre Gjykatave të Apelit, të shpërndara mbi bazën e kritereve të ngarkesës reale, densitetit të çështjeve dhe aksesit gjeografik. Sipas tyre kjo do të përmbushte më mirë kërkesat kushtetuese dhe konvencionale për një drejtësi efikase, të aksesueshme dhe funksionale.

DEKLARATA E PLOTË

Për Dështimin e hartës gjyqësore dhe nevojën urgjente të rishikimit të saj.

Drejtuar: 1. Këshillit të Lartë Gjyqësor.

2. Ministrisë së Drejtësisë

Në ushtrim të të drejtës kushtetuese për t’u drejtuar organeve shtetërore dhe në funksion të mbrojtjes së parimeve themelore të shtetit të së drejtës, po ju parashtrojmë shqetësimin tonë serioz dhe të argumentuar juridikisht lidhur me gjendjen aktuale të sistemit gjyqësor, në veçanti sa i përket funksionimit të Gjykatave të Apelit pas zbatimit të hartës së re gjyqësore.

Sipas nenit 42 të Kushtetutës së Republikës së Shqipërisë, çdo person gëzon të drejtën që çështja e tij të shqyrtohet nga një gjykatë e pavarur, e paanshme dhe e vendosur me ligj, brenda një afati të arsyeshëm. Ky parim përforcohet më tej nga neni 6 i Konventës Evropiane për të Drejtat e Njeriut, e cila është pjesë e rendit të brendshëm juridik dhe ka përparësi ndaj ligjit të zakonshëm, në përputhje me nenin 122 të Kushtetutës.

Sot, pas një periudhe të mjaftueshme zbatimi, është e qartë se centralizimi i tejskajshëm i gjykatave, veçanërisht në nivel apeli, ka krijuar mbingarkesë serioze, vonesa të papranueshme në shqyrtimin e çështjeve dhe kosto të shtuar për qytetarët dhe profesionistët e së drejtës. Aksesi real në drejtësi është vështirësuar ndjeshëm, sidomos për qytetarët që jetojnë larg qendrave të përqendruara gjyqësore. Kjo situatë krijon një cenim të drejtpërdrejtë të së drejtës për një proces të rregullt ligjor, duke e shndërruar të drejtën për ankim në një mjet formal dhe jo efektiv, në kundërshtim me standardet kushtetuese dhe konvencionale.

Jurisprudenca e Gjykatës Evropiane të të Drejtave të Njeriut ka theksuar vazhdimisht se shtetet kanë detyrimin pozitiv të organizojnë sistemin e tyre gjyqësor në mënyrë të tillë që gjykatat të jenë në gjendje të përmbushin kërkesën për gjykim brenda një afati të arsyeshëm. Dështimi për të garantuar një organizim efikas të gjykatave përbën përgjegjësi shtetërore, pavarësisht reformave të ndërmarra apo kufizimeve strukturore.

Në këtë kontekst, zbatimi i hartës së re gjyqësore, ndonëse i mbështetur në objektiva reformuese, ka prodhuar pasoja që kërkojnë një rishikim të menjëhershëm dhe realist, bazuar në tregues konkretë funksionalë dhe jo vetëm në kritere teorike apo administrative. Centralizimi i gjykimeve të Apelit ka rritur ndjeshëm distancën gjeografike, kostot për palët, si dhe ka përqendruar në mënyrë jo proporcionale një numër të lartë çështjesh në pak struktura gjyqësore, duke cenuar parimin e aksesit efektiv në drejtësi.

Duke pasur parasysh se, sipas Kushtetutës dhe legjislacionit në fuqi, Këshilli i Lartë Gjyqësor është organi kushtetues kompetent për organizimin dhe funksionimin e sistemit gjyqësor, vlerësojmë se edhe Ministria e Drejtësisë, në rolin e saj të rëndësishëm në hartimin dhe orientimin e politikave publike në fushën e drejtësisë, duhet të ndërmarrë një nismë institucionale për të rekomanduar pranë KLGJ-së rishikimin e hartës gjyqësore, veçanërisht në nivel Apeli.

Në mënyrë të posaçme, konsiderojmë se rikthimi ose krijimi i të paktën tre Gjykatave të Apelit, të shpërndara mbi bazën e kritereve të ngarkesës reale, densitetit të çështjeve dhe aksesit gjeografik, do të përmbushte më mirë kërkesat kushtetuese dhe konvencionale për një drejtësi efikase, të aksesueshme dhe funksionale.

Mosadresimi i kësaj situate rrezikon jo vetëm cenimin e vazhdueshëm të të drejtave themelore të qytetarëve, por edhe shtimin e ankesave pranë Gjykatës Evropiane të të Drejtave të Njeriut, me pasoja financiare dhe institucionale për shtetin shqiptar.

Duke shprehur besimin se ky shqetësim do të trajtohet me seriozitetin dhe përgjegjësinë që kërkon rëndësia e tij për shtetin e së drejtës, mbetemi në dispozicion për çdo bashkëpunim institucional dhe kontribut profesional në funksion të përmirësimit të sistemit të drejtësisë.

The post Dhoma e Avokatisë Vlorë kërkesë ministrisë së Drejtësisë dhe KLGJ: Centralizimi i gjykatave ka shkaktuar vonesa në shqyrtimin e çështjeve appeared first on Albeu.com.

Një stallë me gjedhë është përfshirë nga flakët në fshatin Armenë të Bashkisë Selenicë. Si pasojë e kësaj janë djegur 22 lopë dhe viça. Dëmet janë të konsiderueshme, ndërsa bëhet me dije se stalla ishte në pronësi të Bardhosh Haxhirajt.

Kjo tragjedhi ka shkaktuar dëme të konsiderueshme ekonomike për fermerin. Sipas hetimeve, stalla është përfshirë nga flakët si pasojë e një shkëndije elektrike.

The post Përfshihet nga flakët një stallë me gjedhë në Selenicë/ Digjen 22 bagëti, dyshohet se shkak u bë një shkëndijë elektrike appeared first on Albeu.com.

Ambasada e SHBA në Kosovë ka mirëpritur konstituimin e Kuvendit dhe formimin e qeverisë së re. Në një njoftim në rrjete sociale, ambasada thotë se SHBA pret që të punojë e qeverinë e re në prioritetet e përbashkëta.

“Ambasada e SHBA-së mirëpret formimin e Kuvendit dhe qeverisë së Kosovës. Presim të punojmë me qeverinë e re për të çuar përpara prioritetet e përbashkëta, duke përfshirë paqen rajonale, stabilitetin dhe përparimin ekonomik të ndërsjellë”, thuhet në njoftimin e ambasadës amerikane.

Seanca për konstituimin e Kuvendit u mbajt pasditen e së mërkurës, 11 shkurt, pas certifikimit të rezultatit të zgjedhjeve të 28 dhjetorit. Kryetare u zgjodh Albulena Haxhiu e Lëvizjes Vetëvendosje.

Po ashtu dje u mbajt edhe seanca për formimin e qeverisë së re, ku kryeministri Albin Kurti prezantoi kabinetin me 19 ministri, i cili u votua me 66 vota pro, 49 kundër dhe asnjë abstenim.

Kujtojmë që Kosova shkoi në zgjedhje të parakohshme parlamentare pas krizës politike që nisi pas procesit zgjedhor të shkurtit.

The post Ambasada e SHBA mirëpret formimin e qeverisë së re në Kosovë: Bashkëpunim për të çuar përpara prioritetet e përbashkëta appeared first on Albeu.com.

Presidenti amerikan, Donald Trump, ka rishpërndarë në llogarinë e tij në platformën Truth Social një artikull të The Wall Street Journal, sipas të cilit Pentagoni po përgatit dislokimin e një aeroplanmbajtëseje të dytë amerikane në Lindjen e Mesme.

Me këtë konfirmim publik, Trump dërgon një mesazh të qartë paralajmërues ndaj Iranit, duke treguar se Uashingtoni mban në tryezë si forcën ushtarake, ashtu edhe mjetet diplomatike dhe ekonomike të presionit.

Sipas raportimit të së mërkurës nga The Wall Street Journal, Pentagoni ka urdhëruar që një grup i dytë goditës me aeroplanmbajtëse të vihet në gatishmëri për t’u dislokuar në Lindjen e Mesme, ndërsa ushtria amerikane përgatitet për mundësinë e një sulmi ndaj Iranit.

Burime zyrtare bëjnë të ditur se një aeroplanmbajtëse pritet të niset brenda dy javësh, me shumë gjasë nga bregu lindor i SHBA-së. Aeroplanmbajtësja USS George H.W. Bush aktualisht po përfundon një seri stërvitjesh pranë brigjeve të Virxhinias dhe, sipas burimeve, ekziston mundësia që procedurat e nisjes të përshpejtohen.

The post Mesazh paralajmërues nga Trump, konfirmon dërgimin e një aeroplanmbajtëseje të dytë pranë Iranit appeared first on Albeu.com.

Armando Broja është tronditur me vendimin e fundit të Skot Parker. Trajneri i Bërnlit vendosi që ta dërgojë në tribunë sulmuesin e Kombëtares shqiptare, ndërsa luajti në Premier Ligë përballë Kristal Palas.

Ky vendim nuk erdhi për shkak dëmtimi. Parker zbuloi se ishte thjesht një zgjedhje teknike nga ana e tij, ndërsa kujtojmë se fillimisht Broja kishte humbur vendin e titullarit. Bërnli ndërkohë e pati mbrëmje festive, pasi u kthye te fitorja që mungonte prej shumë ndeshjesh. Rezultati 2 me 3 ndaj Kristal Palas u regjistrua me përmbysje në transfertë.

“Ishte me të vërtetë thjesht një vendim për skuadrën dhe sigurisht si e ndjeva më të mirën. Ai ka pasur një problem të vogël, por vendimi im ishte thjesht ky.

Në këtë moment, mund të emëroj vetëm një numër të caktuar lojtarësh dhe kjo ishte mënyra si vepruam”, u shpreh trajneri i Bërnlit pas fitores.

The post Tronditje e madhe për Armando Brojën, trajneri zbulon arsyen pse e dërgoi në tribunë appeared first on Albeu.com.

Gjykata e Posaçme ka shpallur fajtorë dhe dënoi 7 anëtarët e një grupi të huajsh të trafikut të klandestinëve, nga Shqipëria nëpërmjet Kosovës, drejt vendeve të BE-së.

Në vendimin e shpallur sot (12 shkurt), pas pretencës së dhënë nga SPAK, GJKKO i gjeti fajtorë të pandehurit e ndarë në dy grupe dhe u dha gati tre vite pas operacionit.

Verdiktet shkojnë nga 8-35 vite burgim, ndërsa akuzohen edhe për tentativë të vrasjes së policëve gjatë aksionit në vitin 2023, pasi i qëlluan me armë në krye të detyrës, teksa përpiqeshin të arratiseshin.

Grupi i parë, përbëhet nga Muhamed Shehab, Muhammed Nasir, Nagid Alabdalah dhe grupi i dytë, nga Sultan Grimash, Muhammed Radaën, Ayoub Bahhoo, e Rabi Lqadi.

SPAK mbylli hetimet dhe dërgoi kërkesën për gjykim në Gjykatën e Posaçme 7 trafikantët e klandestinëve që hapën zjarr ndaj policisë kufitare në Morinë më 25 maj 2023, të cilët po monitoronin zonën për kapjen e personave të armatosur, duke rrezikuar rëndë jetën e tyre dhe të banorëve. Bëhet fjalë për 5 sirianë dhe 2 algjerianë, pjesë e 2 grupeve kriminale të trafikut të qenieve njerëzorë që vepronin në Shqipëri dhe Kosovë.

Në 2023, kanë jetuar mes Morinës dhe Kosovës, duke hyrë dhe dalë në mënyrë të paligjshme, kanë mbajtur armë, kanë bashkëpunuar shqiptarë, kosovarë dhe të tjerë të huaj duke organizuar dhënie ndihme për kalim të paligjshëm në disa raste. Këta dy grupe kriminale bashkëpunojnë, edhe me grupe që veprojnë në shtete të tjera, që nga vendi i origjinës, vijuar më tej edhe në Greqi, Turqi, Kosovë, Serbi, Gjermani.

Një pjesë e tyre rezultojnë se kanë jetuar në Shqipëri të paktën nga viti 2019, janë kapur disa herë me emigrantë të tjerë në territorin shqiptar, duke u hequr edhe ata si emigrantë, dhe duke mos u bërë e mundur identifikimi i tyre si organizues dhe gjatë intervistimeve, kanë dhënë gjeneralitete të rreme.

Vendimi i Gjykatës së Posaçme:

“Prokuroria e Posaçme kundër Korrupsionit dhe Krimit të Organizuar ka paraqitur pranë

Gjykatës kërkesën me objekt: “Gjykimin e çështjes penale në ngarkim të të pandehurve: Sultan

Grimash alias Sadaak Guremache alias Junes Alma, Ayoub Bahhoo, Muhammed Radën alias

Muhamed Radouë alias Radvan Radvan, Rabi Lqadi alias Rabi El-Kadi, Muhammed

Shehab alias Mohamed Al Uthman Shaab alias Mohamed Outman, Muhammed Nasir alias

Nouh Graie dhe Nagid Alabdalah alias Abu Gira”.

Gjykimi i kësaj ҫështje u zhvillua me rregullat e gjykimit të zakonshëm. Në përfundim të
gjykimit, Gjykata e Posaçme e Shkallës së Parë për Korrupsionin dhe Krimin e Organizuar me

trup gjykues të përbërë nga gjyqtarët Elsa Ulliri, Etleva Deda dhe Bib Ndreca, me vendimin nr.

12, datë 10.02.2026 vendosi:

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Vrasja e punonjësve të Policisë së Shtetit”, kryer në

bashkëpunim, në formën e veçantë, atë të grupit të strukturuar kriminal, mbetur në

tentativë, në dëm të shtetasit A.L, parashikuar nga neni 79/b, neni 28 pika 4 dhe neni 22 i

K.Penal dhe në zbatim edhe të nenit 334 pika 2 të K.Penal, dënimin e tij me 35 vite burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Vrasja e punonjësve të Policisë së Shtetit”, kryer në

bashkëpunim, në formën e veçantë, atë të grupit të strukturuar kriminal, mbetur në

tentativë, në dëm të shtetasit J.Q, parashikuar nga neni 79/b, neni 28 pika 4 dhe neni 22 i

K.Penal dhe në zbatim edhe të nenit 334 pika 2 të K.Penal, dënimin e tij me 35 vite burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Vrasja e punonjësve të Policisë së Shtetit”, kryer në

bashkëpunim, në formën e veçantë, atë të grupit të strukturuar kriminal, mbetur në

tentativë, në dëm të shtetasit G.C, parashikuar nga neni 79/b, neni 28 pika 4 dhe neni 22 i

K.Penal dhe në zbatim edhe të nenit 334 pika 2 të K.Penal, dënimin e tij me 35 vjet burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Vrasja e punonjësve të Policisë së Shtetit”, mbetur

në tentativë, në dëm të shtetasit G.P, parashikuar nga neni 79/b dhe neni 22 i K.Penal dhe

dënimin e tij me 30 vite burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Vrasja e punonjësve të Policisë së Shtetit”, mbetur

në tentativë, në dëm të shtetasit A.Sh, parashikuar nga neni 79/b dhe neni 22 i K.Penal dhe

dënimin e tij me 30 vjet burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Vrasja me dashje”, mbetur në tentativë, në dëm të

shtetasit I.R, parashikuar nga neni 76 dhe neni 22 i K.Penal dhe dënimin e tij me 12 vjet

burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Vrasja me dashje”, kryer në bashkëpunim, në formën

e veçantë, atë të grupit të strukturuar kriminal, mbetur në tentativë, në dëm të shtetasit

B.D, parashikuar nga neni 76, neni 28 pika 4 dhe neni 22 i K.Penal dhe në zbatim edhe të

nenit 334 pika 1 të K.Penal dënimin e tij me 20 vjet burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Ndihma për kalim të paligjshëm të kufijve”, kryer në

bashkëpunim, në formën e veçantë, atë të grupit të strukturuar kriminal, parashikuar nga

neni 298 paragrafi i dytë e neni 28 pika 4 i K.Penal dhe në zbatim edhe të nenit 334 pika 1

të K.Penal dënimin e tij me 9 vjet burgim.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Trafikimi i armëve dhe i municionit”, kryer në

bashkëpunim, në formën e veçantë, atë të grupit të strukturuar kriminal, parashikuar nga

neni 278/a paragrafi i parë e neni 28 pika 4 i K.Penal dhe në zbatim edhe të nenit 334 pika

1 të K.Penal dënimin e tij me 13 vjet burgim.

Deklarimin e pafajshëm të të pandehurit Sultan Grimash alias Sadaak Guremache alias
Junes Alma për kryerjen e veprës penale “Kalimi i paligjshëm i kufirit shtetëror”, kryer

në bashkëpunim, në formën e veçantë, atë të grupit të strukturuar kriminal, parashikuar

nga neni 297 e neni 28 pika 4 i K.Penal, për shkak se në bazë të nenit 388 pika 1, gërma

“b” e K.Pr.Penale, fakti nuk përbën vepër penale.

Deklarimin fajtor të të pandehurit Sultan Grimash alias Sadaak Guremache alias Junes
Alma për kryerjen e veprës penale “Grupi i strukturuar kriminal”, parashikuar nga neni

333/a paragrafi i parë i K.Penal dhe dënimin e tij me 6 vjet burgim.

Në aplikim të nenit 55 të K.Penal, në bashkim të dënimeve, i pandehuri pandehurit Sultan
Grimash alias Sadaak Guremache alias Junes Alma dënohet me 35 vjet burgim.

Vuajtja e dënimit fillon nga momenti i ekzekutimit të vendimit dhe do të vuhet në një burg
të sigurisë së lartë në bazë të nenit 16 të ligjit Nr.81/2020 “Për të drejtat dhe trajtimin e të

dënuarve me burgim dhe të paraburgosurve”.

Deklarimin fajtor të të pandehurit Ayoub Bahhoo për kryerjen e veprës penale “Vrasja e
punonjësve të Policisë së Shtetit”, kryer në bashkëpunim, në formën e veçantë, atë të

grupit të strukturuar kriminal, mbetur në tentativë, në dëm të shtetasit A.L, parashikuar

nga neni 79/b, neni 28 pika 4 dhe neni 22 i K.Penal dhe në zbatim edhe të nenit 334 pika 2

të K.Penal, dënimin e tij me 35 vjet burgim.

Deklarimin fajtor të të pandehurit Ayoub Bahhoo për kryerjen e veprës penale “Vrasja e
punonjësve të Policisë së Shtetit”, kryer në bashkëpunim, në formën e veçantë, atë të

grupit të strukturuar kriminal, mbetur në tentativë, në dëm të shtetasit J.Q, parashikuar

nga neni 79/b, neni 28 pika 4 dhe neni 22 i K.Penal dhe në zbatim edhe të nenit 334 pika 2

të K.Penal, dënimin e tij me 35 vjet burgim.

Deklarimin fajtor të të pandehurit Ayoub Bahhoo për kryerjen e veprës penale “Vrasja e
punonjësve të Policisë së Shtetit”, kryer në bashkëpunim, në formën e veçantë, atë të

grupit të strukturuar kriminal, mbetur në tentativë, në dëm të shtetasit G.C, parashikuar

nga neni 79/b, neni 28 pika 4 dhe neni 22 i K.Penal dhe në zbatim edhe të nenit 334 pika 2

të K.Penal, dënimin e tij me 35 vjet burgim.

Deklarimin fajtor të të pandehurit Ayoub Bahhoo për kryerjen e veprës penale “Vrasja
me dashje”, kryer në bashkëpunim, në formën e veçantë, atë të grupit të strukturuar

kriminal, mbetur në tentativë, në dëm të shtetasit B.D, parashikuar nga neni 76, neni 28

pika 4 dhe neni 22 i K.Penal dhe në zbatim edhe të nenit 334 pika 1 të K.Penal dënimin e

tij me 17 vjet burgim.

Deklarimin fajtor të të pandehurit Ayoub Bahhoo për kryerjen e veprës penale “Ndihma
për kalim të paligjshëm të kufijve”, kryer në bashkëpunim, në formën e veçantë, atë të

grupit të strukturuar kriminal, parashikuar nga neni 298 paragrafi i dytë e neni 28 pika 4

i K.Penal dhe në zbatim edhe të nenit 334 pika 1 të K.Penal dënimin e tij me 8 vjet burgim.

Deklarimin fajtor të të pandehurit Ayoub Bahhoo për kryerjen e veprës penale “Trafikimi
i armëve dhe i municionit”, kryer në bashkëpunim, në formën e veçantë, atë të grupit të

strukturuar kriminal, parashikuar nga neni 278/a paragrafi i parë e neni 28 pika 4 i K.Penal

dhe në zbatim edhe të nenit 334 pika 1 të K.Penal dënimin e tij me 12 vjet burgim.

Deklarimin e pafajshëm të të pandehurit Ayoub Bahhoo për kryerjen e veprës penale
“Kalimi i paligjshëm i kufirit shtetëror”, kryer në bashkëpunim, në formën e veçantë,

atë të grupit të strukturuar kriminal, parashikuar nga neni 297 e neni 28 pika 4 i K.Penal

dhe për shkak se në bazë të nenit 388 pika 1, gërma “b” e K.Pr.Penale, fakti nuk përbën

vepër penale.

Deklarimin fajtor të të pandehurit Ayoub Bahhoo për kryerjen e veprës penale “Grupi i
strukturuar kriminal”, parashikuar nga neni 333/a paragrafi i dytë i K.Penal dhe dënimin

e tij me 4 vjet burgim.

Në aplikim të nenit 55 të K.Penal, në bashkim të dënimeve, i pandehuri Ayoub Bahhoo
dënohet me 35 vjet burgim.

Vuajtja e dënimit fillon nga momenti i arrestimit dhe do të vuhet në një burg të sigurisë së
lartë në bazë të nenit 16 të ligjit Nr.81/2020 “Për të drejtat dhe trajtimin e të dënuarve me

burgim dhe të paraburgosurve”.

Deklarimin fajtor të të pandehurit Muhammed Radën alias Muhamed Radouë alias
Radvan Radvan për kryerjen e veprës penale “Vrasja e punonjësve të Policisë së Shtetit”,

kryer në bashkëpunim, në formën e veçantë, atë të grupit të strukturuar kriminal, mbetur

në tentativë, në dëm të shtetasit A.L, parashikuar nga neni 79/b, neni 28 pika 4 dhe neni

22 i K.Penal dhe në zbatim edhe të nenit 334 pika 2 të K.Penal, dënimin e tij me 35 vjet

burgim.

Deklarimin fajtor të të pandehurit Muhammed Radën alias Muhamed Radouë alias
Radvan Radvan për kryerjen e veprës penale “Vrasja e punonjësve të Policisë së Shtetit”,

kryer në bashkëpunim, në formën e veçantë, atë të grupit të strukturuar kriminal, mbetur

në tentativë, në dëm të shtetasit J.Q, parashikuar nga neni 79/b, neni 28 pika 4 dhe neni

22 i K.Penal dhe në zbatim edhe të nenit 334 pika 2 të K.Penal, dënimin e tij me 35 vjet

burgim.

Deklarimin fajtor të të pandehurit Muhammed Radën alias Muhamed Radouë alias
Radvan Radvan për kryerjen e veprës penale “Vrasja e punonjësve të Policisë së Shtetit”,

kryer në bashkëpunim, në formën e veçantë, atë të grupit të strukturuar kriminal, mbetur

në tentativë, në dëm të shtetasit G.C, parashikuar nga neni 79/b, neni 28 pika 4 dhe neni

22 i K.Penal dhe në zbatim edhe të nenit 334 pika 2 të K.Penal, dënimin e tij me 35 vjet

burgim.

Deklarimin fajtor të të pandehurit Muhammed Radën alias Muhamed Radouë alias
Radvan Radvan për kryerjen e veprës penale “Vrasja me dashje”, kryer në

bashkëpunim, në formën e veçantë, atë të grupit të strukturuar kriminal, mbetur në

tentativë, në dëm të shtetasit B.D, parashikuar nga neni 76, neni 28 pika 4 dhe neni 22 i

K.Penal dhe në zbatim edhe të nenit 334 pika 1 të K.Penal dënimin e tij me 17 vjet burgim.

Deklarimin fajtor të të pandehurit Muhammed Radën alias Muhamed Radouë alias
Radvan Radvan për kryerjen e veprës penale “Ndihma për kalim të paligjshëm të

kufijve”, kryer në bashkëpunim, në formën e veçantë, atë të grupit të strukturuar

kriminal, parashikuar nga neni 298 paragrafi i dytë e neni 28 pika 4 i K.Penal dhe në zbatim

edhe të nenit 334 pika 1 të K.Penal dënimin e tij me 8 vjet burgim.

Deklarimin fajtor të të pandehurit Muhammed Radën alias Muhamed Radouë alias
Radvan Radvan për kryerjen e veprës penale “Trafikimi i armëve dhe i municionit”,

kryer në bashkëpunim, në formën e veçantë, atë të grupit të strukturuar kriminal,

parashikuar nga neni 278/a paragrafi i parë e neni 28 pika 4 i K.Penal dhe në zbatim edhe

të nenit 334 pika 1 të K.Penal dënimin e tij me 12 vjet burgim.

Deklarimin e pafajshëm të të pandehurit Muhammed Radën alias Muhamed Radouë
alias Radvan Radvan për kryerjen e veprës penale “Kalimi i paligjshëm i kufirit

shtetëror”, kryer në bashkëpunim, në formën e veçantë, atë të grupit të strukturuar

kriminal, parashikuar nga neni 297 e neni 28 pika 4 i K.Penal dhe për shkak se në bazë të

nenit 388 pika 1, gërma “b” e K.Pr.Penale, fakti nuk përbën vepër penale

Deklarimin fajtor të të pandehurit Muhammed Radën alias Muhamed Radouë alias
Radvan Radvan për kryerjen e veprës penale “Grupi i strukturuar kriminal”, parashikuar

nga neni 333/a paragrafi i dytë i K.Penal dhe dënimin e tij me 4 vjet burgim.

Në aplikim të nenit 55 të K.Penal, në bashkim të dënimeve, i pandehuri Muhammed
Radën alias Muhamed Radouë alias Radvan Radvan dënohet me 35 vjet burgim.

Vuajtja e dënimit fillon nga momenti i arrestimit dhe do të vuhet në një burg të sigurisë së
lartë në bazë të nenit 16 të ligjit Nr.81/2020 “Për të drejtat dhe trajtimin e të dënuarve me

burgim dhe të paraburgosurve”.

Deklarimin fajtor të të pandehurit Rabi Lqadi alias Rabi El-Kadi për kryerjen e veprës
penale “Ndihma për kalim të paligjshëm të kufijve”, kryer në bashkëpunim, në formën

e veçantë, atë të grupit të strukturuar kriminal, parashikuar nga neni 298 paragrafi i dytë

e neni 28 pika 4 i K.Penal dhe në zbatim edhe të nenit 334 pika 1 të K.Penal dënimin e tij

me 8 vjet burgim.

Deklarimin e pafajshëm të të pandehurit Rabi Lqadi alias Rabi El-Kadi për kryerjen e
veprës penale “Kalimi i paligjshëm i kufirit shtetëror”, kryer në bashkëpunim, në formën

e veçantë, atë të grupit të strukturuar kriminal, parashikuar nga neni 297 e neni 28 pika

4 i K.Penal, për shkak se në bazë të nenit 388 pika 1, gërma “b” e K.Pr.Penale, fakti nuk

përbën vepër penale.

Deklarimin fajtor të të pandehurit Rabi Lqadi alias Rabi El-Kadi për kryerjen e veprës
penale “Grupi i strukturuar kriminal”, parashikuar nga neni 333/a paragrafi i dytë i

K.Penal dhe dënimin e tij me 3 vjet burgim.

Në aplikim të nenit 55 të K.Penal, në bashkim të dënimeve, i pandehuri Rabi Lqadi alias
Rabi El-Kadi dënohet me 8 vjet burgim.

Vuajtja e dënimit fillon nga momenti i arrestimit dhe do të vuhet në një burg të sigurisë së
lartë në bazë të nenit 16 të ligjit Nr.81/2020 “Për të drejtat dhe trajtimin e të dënuarve me

burgim dhe të paraburgosurve”.

Deklarimin fajtor të të pandehurit Muhammed Shehab alias Mohamed Al Uthman
Shaab alias Mohamed Outman për kryerjen e veprës penale “Vrasja e punonjësve të

Policisë së Shtetit”, kryer në bashkëpunim, në formën e veçantë, atë të grupit të

strukturuar kriminal, mbetur në tentativë, në dëm të shtetasit A.L, parashikuar nga neni

79/b, neni 28 pika 4 dhe neni 22 i K.Penal dhe në zbatim edhe të nenit 334 pika 2 të K.Penal,

dënimin e tij me 35 vjet burgim.

Deklarimin fajtor të të pandehurit Muhammed Shehab alias Mohamed Al Uthman
Shaab alias Mohamed Outman për kryerjen e veprës penale “Vrasja e punonjësve të

Policisë së Shtetit”, kryer në bashkëpunim, në formën e veçantë, atë të grupit të

strukturuar kriminal, mbetur në tentativë, në dëm të shtetasit J.Q, parashikuar nga neni

79/b, neni 28 pika 4 dhe neni 22 i K.Penal dhe në zbatim edhe të nenit 334 pika 2 të K.Penal,

dënimin e tij me 35 vjet burgim.

Deklarimin fajtor të të pandehurit Muhammed Shehab alias Mohamed Al Uthman
Shaab alias Mohamed Outman për kryerjen e veprës penale “Vrasja e punonjësve të

Policisë së Shtetit”, kryer në bashkëpunim, në formën e veçantë, atë të grupit të

strukturuar kriminal, mbetur në tentativë, në dëm të shtetasit G.C, parashikuar nga neni

79/b, neni 28 pika 4 dhe neni 22 i K.Penal dhe në zbatim edhe të nenit 334 pika 2 të K.Penal,

dënimin e tij me 35 vjet burgim.

Deklarimin fajtor të të pandehurit Muhammed Shehab alias Mohamed Al Uthman
Shaab alias Mohamed Outman për kryerjen e veprës penale “Vrasja me dashje”, kryer

në bashkëpunim, në formën e veçantë, atë të grupit të strukturuar kriminal, mbetur në

tentativë, në dëm të shtetasit B.D, parashikuar nga neni 76, neni 28 pika 4 dhe neni 22 i

K.Penal dhe në zbatim edhe të nenit 334 pika 1 të K.Penal dënimin e tij me 17 vjet burgim.

Deklarimin fajtor të të pandehurit Muhammed Shehab alias Mohamed Al Uthman
Shaab alias Mohamed Outman për kryerjen e veprës penale “Ndihma për kalim të

paligjshëm të kufijve”, kryer në bashkëpunim, në formën e veçantë, atë të grupit të

strukturuar kriminal, parashikuar nga neni 298 paragrafi i dytë e neni 28 pika 4 i K.Penal

dhe në zbatim edhe të nenit 334 pika 1 të K.Penal dënimin e tij me 8 vjet burgim.

Deklarimin fajtor të të pandehurit Muhammed Shehab alias Mohamed Al Uthman
Shaab alias Mohamed Outman për kryerjen e veprës penale “Mbajtja pa leje dhe

prodhimi i armëve, armëve shpërthyese dhe i municionit”, kryer në bashkëpunim, në

formën e veçantë, atë të grupit të strukturuar kriminal, parashikuar nga neni 278 paragrafi

i parë e neni 28 pika 4 i K.Penal dhe në zbatim edhe të nenit 334 pika 1 të K.Penal dënimin

e tij me 10 vjet burgim.

Deklarimin e pafajshëm të të pandehurit Muhammed Shehab alias Mohamed Al
Uthman Shaab alias Mohamed Outman për kryerjen e veprës penale “Kalimi i

paligjshëm i kufirit shtetëror”, kryer në bashkëpunim, në formën e veçantë, atë të grupit

të strukturuar kriminal, parashikuar nga neni 297 e neni 28 pika 4 i K.Penal, për shkak se

në bazë të nenit 388 pika 1, gërma “b” e K.Pr.Penale, fakti nuk përbën vepër penale.

Deklarimin fajtor të të pandehurit Muhammed Shehab alias Mohamed Al Uthman
Shaab alias Mohamed Outman për kryerjen e veprës penale “Grupi i strukturuar

kriminal”, parashikuar nga neni 333/a paragrafi i parë i K.Penal dhe dënimin e tij me 5

vjet burgim.

Në aplikim të nenit 55 të K.Penal, në bashkim të dënimeve, i pandehuri Muhammed
Shehab alias Mohamed Al Uthman Shaab alias Mohamed Outman dënohet me 35 vjet

burgim.

Vuajtja e dënimit fillon nga momenti i arrestimit dhe do të vuhet në një burg të sigurisë së
lartë në bazë të nenit 16 të ligjit Nr.81/2020 “Për të drejtat dhe trajtimin e të dënuarve me

burgim dhe të paraburgosurve”

Deklarimin fajtor të të pandehurit Muhammed Nasir alias Nouh Graie për kryerjen e
veprës penale “Ndihma për kalim të paligjshëm të kufijve”, kryer në bashkëpunim, në

formën e veçantë, atë të grupit të strukturuar kriminal, parashikuar nga neni 298 paragrafi

i dytë e neni 28 pika 4 i K.Penal dhe në zbatim edhe të nenit 334 pika 1 të K.Penal dënimin

e tij me 8 vjet burgim.

Deklarimin fajtor të të pandehurit Muhammed Nasir alias Nouh Graie për kryerjen e
veprës penale “Mbajtja pa leje dhe prodhimi i armëve, armëve shpërthyese dhe i

municionit”, kryer në bashkëpunim, në formën e veçantë, atë të grupit të strukturuar

kriminal, parashikuar nga neni 278 paragrafi i parë e neni 28 pika 4 i K.Penal dhe në zbatim

edhe të nenit 334 pika 1 të K.Penal dënimin e tij me 10 vjet burgim.

Deklarimin e pafajshëm të të pandehurit Muhammed Nasir alias Nouh Graie për kryerjen
e veprës penale “Kalimi i paligjshëm i kufirit shtetëror”, kryer në bashkëpunim, në

formën e veçantë, atë të grupit të strukturuar kriminal, parashikuar nga neni 297 e neni

28 pika 4 i K.Penal për shkak se në bazë të nenit 388 pika 1, gërma “b” e K.Pr.Penale, fakti

nuk përbën vepër penale.

Deklarimin fajtor të të pandehurit Muhammed Nasir alias Nouh Graie për kryerjen e
veprës penale “Grupi i strukturuar kriminal”, parashikuar nga neni 333/a paragrafi i dytë

i K.Penal dhe dënimin e tij me 4 vjet burgim.

Në aplikim të nenit 55 të K.Penal, në bashkim të dënimeve, i pandehuri Muhammed Nasir
alias Nouh Graie dënohet me 12 vjet burgim.

Vuajtja e dënimit fillon nga momenti i arrestimit dhe do të vuhet në një burg të sigurisë së
lartë në bazë të nenit 16 të ligjit Nr.81/2020 “Për të drejtat dhe trajtimin e të dënuarve me

burgim dhe të paraburgosurve”.

Deklarimin fajtor të të pandehurit Nagid Alabdalah alias Abu Gira për kryerjen e veprës
penale “Ndihma për kalim të paligjshëm të kufijve”, kryer në bashkëpunim, në formën

e veçantë, atë të grupit të strukturuar kriminal, parashikuar nga neni 298 paragrafi i dytë

e neni 28 pika 4 i K.Penal dhe në zbatim edhe të nenit 334 pika 1 të K.Penal dënimin e tij

me 8 vjet burgim.

Deklarimin e pafajshëm të të pandehurit Nagid Alabdalah alias Abu Gira për kryerjen e
veprës penale “Kalimi i paligjshëm i kufirit shtetëror”, kryer në bashkëpunim, në formën

e veçantë, atë të grupit të strukturuar kriminal, parashikuar nga neni 297 e neni 28 pika

4 i K.Penal, për shkak se në bazë të nenit 388 pika 1, gërma “b” e K.Pr.Penale, fakti nuk

përbën vepër penale.

Deklarimin fajtor të të pandehurit Nagid Alabdalah alias Abu Gira për kryerjen e veprës
penale “Grupi i strukturuar kriminal”, parashikuar nga neni 333/a paragrafi i dytë i

K.Penal dhe dënimin e tij me 3 vjet burgim.

Në aplikim të nenit 55 të K.Penal, në bashkim të dënimeve, i pandehuri Nagid Alabdalah
alias Abu Gira dënohet me 8 vjet burgim.

Vuajtja e dënimit fillon nga momenti i arrestimit dhe do të vuhet në një burg të sigurisë së lartë në bazë të nenit 16 të ligjit Nr.81/2020 “Për të drejtat dhe trajtimin e të dënuarve me burgim dhe të paraburgosurve”.

The post Sulmuan me armë zjarri policët e kufirit në Morinë, GJKKO dënon 7 anëtarët e grupit të trafikut të klandestinëve, verdikte deri në 35 vite burg appeared first on Albeu.com.

Kreu i Grupit Parlamentar të PS-së, Taulant Balla, shprehu nga Kuvendi drejt mbylljes së seancës së sotme se Këshilli i Mandateve do të mblidhet dhe do të shqyrtojë kërkesën për heqjen e imunitetit të Belinda Ballukut.

Deputeti socialist tha se Këshilli i Mandateve do të mblidhet dhe do ta shqyrtojë kërkesën dhe shtoi se do të vijojë një proces adresimi të asaj që ka thënë Kushtetuesja, teksa pritet zbardhja e vendimit që u mor para pak ditësh.

Balla shprehu se Këshilli i Mandateve ka një kohë prej 3 muajsh dhe se vendimmarrja e thotë qartë se ishin të detyruar të prisnin vendimin e Kushtetueses për sa kohë palë e përfshirë ishte dhe Kuvendi.

“Qëndrimi i grupit parlamentar të Partisë Socialiste është tërësisht në përputhje me Kuvendin. Kuvendi i Shqipërisë, Këshilli ka një kohë të përcaktuar prej 3 muajsh. Vendimmarrja e marrë në Këshill qartazi ka thënë sesa kohë kishte një çështje ku palë e përfshirë ishte Kuvendi i Shqipërisë, natyrshëm që ishim të detyruar që të prisnim vendimin e Gjykatës Kushtetuese”, tha deputeti demokrat nga foltorja.

Më tej kreu i grupit parlamentar të PS-së tha se nuk ka asnjë dyshim që Këshilli Mandateve do të mblidhet.

“Jemi në kushtet kur Gjykata Kushtetuese nuk ka pasur një vendim, edhe pse 8 anëtarë të Gjykatës Kushtetuese i dhanë të drejtë palës kërkuese, kryeministrit që kishte ndërhyrje në kompetencat e Këshillit të Ministrave, parlamentit dhe presidentit. Nuk ka asnjë dyshim që Këshilli i Mandateve do të mblidhet dhe do të shqyrtojë kërkesën, ndërkohë që ne do të vijojmë me një proces adresimi të asaj që ka thënë Gjykata Kushtetuese. Na duhet ta marrim vendimin të zbardhur”, tha Balla.

The post Kërkesa e SPAK në Kuvend për Ballukun, Balla: Këshilli i Mandateve do të mblidhet, presim vendimin e zbardhur nga Kushtetuesja appeared first on Albeu.com.

Kryeministri Edi Rama ka emëruar Afrim Qendron në krye të Inspektoratit Kombëtar të Mbrojtjes së Territorit.

Qendro, i cili deri para pak ditësh mbante detyrën e Prefektit të Qarkut Tiranë, merr drejtimin e një prej institucioneve kyçe në fushën e kontrollit dhe mbrojtjes së territorit.

Gjatë karrierës së tij, ai ka mbajtur një sërë funksionesh të larta publike dhe politike. Ka shërbyer si koordinator elektoral i Partisë Socialiste në qarqet Tiranë dhe Vlorë, si anëtar i Asamblesë Kombëtare, si dhe ka qenë ndër më të votuarit në Asamblenë e Tiranës.

Në eksperiencën e tij administrative përfshihen detyra si drejtues i Ndërmarrjes Nr.1 në Bashkinë e Tiranës, drejtues i Inspektoratit Ndërtimor të Tiranës, drejtues i Autoritetit Rrugor Shqiptar, nënkryetar i Bashkisë së Vlorës dhe, së fundmi, Prefekt i Qarkut Tiranë.

The post U largua nga drejtimi i Prefekturës së Tiranës, Afrim Qendro emërohet në krye të IKMT appeared first on Albeu.com.

Ish-kandidati për deputet i Partisë Demokratike, Ilir Alimehmeti, shprehet se parlamenti duhet të heqë imunitetin e zv/kryeministres së pezulluar nga detyra, Belinda Balluku, për shkak se është e akuzuar për korrupsion.

Por, anëtari i Këshillit Kombëtar të PD, vuri në dukje se mazhoranca po reziston duke e mbrojtur zyrtaren socialiste dhe kjo ka sjellë misionin e opozitës që me protesta popullore të kërkojë rrëzimin e qeverisë dhe zgjedhjet e lira.

Gjithashtu, ai tha se as shembja e rrugëve të reja dhe tuneleve që rrezikojnë jetën e qytetarëve, nuk mjaftojnë për t’i hequr imunitetin ministres.

“Mazhoranca po mbron zv/kryeministren e akuzuar për korrupsion. Do flasim për ato rrugët dhe tunelet që u rrëzuan atje. Si ka mundësi kjo. Ndaj hapi i parë është kjo, që është imuniteti i ministres”, tha ai për “News 24”.

Alimehmeti nënvizoi se protestat opozitare, do jenë të vazhdueshme dhe se tani opozita është më e bashkuar edhe pas hapit të parë të dialogut në Forumin Politik, me bashkim edhe të partive të tjera.

“Protestat e opozitës do jenë të vazhdueshme. Kërkesat janë të qarta, një dorëheqje e qeverisë, krijimi i një qeverie teknike që të çojë në zgjedhje të lira e të ndershme, ndaj qëllimi është ky dhe mënyra për ta realizuar është kjo, me protesta të vazhdueshme”, tha ai.

Ai vuri në dukje se abuzimet e kësaj qeverie dhe aferat nuk mund të mbrohen më dhe skandali më i fundit i AKSHI-t ishe shembull domethënës për situatën ku ndodhet Shqipëria dhe rrezikun kombëtar.

“Nuk mund të mbrohen më aferat e Edi Ramës dhe Belinda Ballukut. Shiko se çfarë ndodh te AKSHI, kemi dorëzuar sigurinë kombëtare. Ndaj edhe mes nesh duhet dialog dhe unifikim. Kemi edhe mendime të ndara, por synimi kryesor mbeten largimi i Ramës dhe i qeverisë”, u shpreh ai.

The post Ilir Alimehmeti: Ballukut t’i hiqet imuniteti, rrugë dhe tunele po shemben… appeared first on Albeu.com.

Astrologia Meri Gjini, ka bërë parashikimin e horoskopit për Shën Valentinin në emisionin “Mes’dritë”, ku sipas sa, Venusi është te Peshqit, kemi dhe Shën Valentinin përpara.

Është një Shën Valentin me Venusin në një pozicion jashtëzakonisht shumë të ngrohtë dhe shumë të mirë.

Nevoja për të shprehur emocionet është shumë e fortë te të gjithë. Te Peshqit kemi dhe Mërkurin prandaj aftësia për ta shprehur emocionin duket sikur është talent i të gjithëve, pavarësisht se çfarë raporti kanë me fjalën.

Dashi

Te Dashi ky Saturn është në shtëpi të vet. Do futet tek ata dhe do t’u japë mundësinë që të riformatojnë vetveten, të tregojnë vlerat. Gjithashtu do të kenë zhvillime të mëdha. Pjesa më e madhe e tyre do të kenë një status profesional më të lartë. Duket sikur u jepet një mundësi e dytë. Duhet të veprojnë, koha është tani.

Demi

Një Saturn në një pozicion të tillë që do të ndihmojë për të zgjidhur të gjitha problematikat që kanë pasur që nga 2019 deri më sot. Nga data 14 gjërat bëhen më stabël. Të gjitha vështirësitë që keni kaluar do të kthehen në një ëndërr. Sa i përket Shën Valentinit, duket sikur nevoja për të qenë me dikë që duan fort, do të ishte dhurata më e mirë e kohës dhe momentit.

Binjakët

Një Saturn te Dashi i cili do të sjellë mundësi shumë të mira për degëzime të vogla për zgjerim të profesionit, punës apo rrugëtimin profesional për të pasur burim të dytë të ardhurash. Sa i përket Shën Valentinit, kush ka një Binjak partner/e le të organizojë diçka në shtëpi. Kështu Binjaku do ndihet i sigurt dhe i përkëdhelur.

Gaforrja

Një Saturn në familje të katërt me Diellin e tyre. Deri në 2028 me laps e letër do të duhet të organizojnë mirë periudhën si profesionalisht por edhe çështjet e pronësisë. Me detyrimet materiale që kanë marrë përsipër duket sikur do t’ia dalin mbanë. Sa i përket shën Valentinit duket sikur mjafton t’u jepni vëmendjen maksimale, të shpreheni në maksimum dhe duket sikur Gaforrja me kaq mjaftohet.

Luani

Është një Saturn në Dash i cili do të ndihmojë rrugëtimin për ndryshim statusi personal, për zgjerim familjar dhe për ndryshim të adresës së tyre. Është lëvizje më tepër si shpërngulje e mbarë. Sa i përket Shën Valentinit, kanë nevojë për një festë me muzikë, me njerëz që i bëjnë të ndihen mirë për të shijuar jetën në maksimum.

Virgjëresha

Pjesa më e madhe e tyre do të ketë riformatim në çështje të karrierës dhe në çështje pronësish. Sa i përket asaj që do të merren në fazën e parë, është për të zgjidhur çfarë problemesh ka lënë Saturni te Peshqit. Sa i përket Shën Valentinit, do të jenë më të ëmblit, më me ngjyra për të treguar më të mirën e vetvetes.

Peshorja

Duket sikur Saturni është përballë. Do riprezantohen me një status më të mirë. Do të ndihen më mirë me statusin professional. Sa i përket Shën Valentinit, e kanë më tepër me lojë, pra kanë nevojë për pak rrëmujë, për njerëz rreth e qark.

Akrepi

Një Saturn lehtësues edhe pse zhvillimet kanë të bëjnë me fëmijët. Në përgjithësi sigurinë, qendrueshmërinë, vëmendjen do ta gjejnë te pasardhësit. Sa i përket Shën Valentinit duket dikur është një Venus i mirë. Do të rezultojnë edhe më ekspresiv në emocionet që do të marrin dhe do të japin.

Shigjetari

Venusi dhe Mërkuri janë në familje të katërt. Ky Shën Valentin do të nxisë kërkesa që kanë të bëjnë me sigurinë apo me një lloj ujdie në tonacione të ulëta si për t’u ndjerë mirë në projektimin e së nesërmes që ka të bëjë me dashurinë. Është një dy ditësh shumë i mirë për të shprehur emocionet.

Bricjapi

Saturni është planet i tyre drejtues. U shkon për shtat shumë. Do t’u jepet mundësia që vetëbesimi të rritet në një nivel të tillë që ndoshta dhe do ta teprojnë. Sa i përket Shën Valentinit, i kanë të gjitha mundësitë që të zgjedhin njerëz që i bëjnë të ndihen mirë dhe të shkojnë diku.

Ujori

Saturni te Dashi siguron ekonominë. Do t’u japë një lloj qëndreushmërie në lidhje me xhepin e tyre. Vështirësitë që kanë pasur 2020-2023 në lidhje me ekonominë do harrohen dhe do kapërcehen.

Peshqit

Sa i përket Saturnit te Dashi do të fillojë shenjimin e një periudhe më të lehtësura dhe pa lodhjen e shpirtit që e keni ndjerë herë pas here. Kjo periudhë vazhdon të nxjerrë prioritet kontrollin e gjendrave hormonale. Sa i përket pjesës së Shën Valnetinit e kanë në dorë vetë se çfarë ngjyre do t’i japin këtij Shën Valentini. Ose do të grinden për pakënaqësitë e tyre ose do të tregojnë më të mirën e tyre.

The post Dashuri, rikthime dhe surpriza/ Astrologia e njohur paralajmëron ndryshime të mëdha për këto shenja në Shën Valentin appeared first on Albeu.com.

Në seancën plenare të Kuvendit, deputeti Erion Braçe ngriti shqetësimin për mbylljen e qendrës shëndetësore në rrugën Irfan Tomini, njësia nr.5 në Tiranë.

Ai kërkoi nga ministrja e Shëndetësisë, Evis Sala, që banorëve t’u rikthehet shërbimi pranë lagjes së tyre, duke theksuar se aty jetojnë shumë pacientë kronikë dhe të moshuar që kanë nevojë për akses të afërt.

Ministrja Sala tha se mbyllja e qendrës ka ardhur pas ekspertizës së Institutit të Ndërtimit, i cili e ka konsideruar godinën të pasigurtë. Për këtë arsye, shërbimet janë zhvendosur përkohësisht në qendrën ambulatore “Vasil Shanto”.

Braçe kundërshtoi shpjegimet e ministres, duke thënë se distanca mes qendrës së mbyllur dhe asaj të përkohshme është shumë e madhe për pacientët kronikë.

“Dërgimi i gjithë banorëve në lagjen rreth e qark zonës së rrugës Irfan Tomini, pas shkollës Vasil Shanto, nuk është zgjidhje. Pra është larguar qendra me gati 10 blloqe ndërtimi.

Të sëmurët kronikë në moshë të madhe, kjo është e pamundur. E dyta, pse qendra ambulatore nuk ofron kushte, ka kushte më të mira se në rrugën Irfan Tomini, por nuk mendoj që tre dhomat që unë i kam vizituar dje, ofrojnë shërbim maksimal, për më tepër të gjitha dhomat ishin pa sistem ajrimi.

Dhe e fundit, më lejoni që të kundërshtoj shifrat që ju dhatë, që sipas tyre çdo vizitë mjekësore të kryhet për 7 minuta, 7 minuta sipas të gjitha llogarive nuk mund të ketë.

Për të shkuar më tutje e gjithë njësia 5 ka nevojë për qendra shëndetësore që ofrojnë shërbimin shëndetësor, por unë unë nuk di ndonjë plan për rikonstruktimin e pallatit, dhe këtu vijmë te pika tjetër, çdo qendër shëndetësorë është në katin e parë të pallatit. Ky këtu është konsultori i fëmijëve dhe këtu matanë është qebaptore. Dhe tani të gjitha banorët e njësisë 5 kanë vetëm këtë konsultor”, – tha Braçe.

The post Erion Braçe debat me ministren Evis Sala: Qendra shëndetësore nuk zëvendësohet me tre dhoma pa ajrim appeared first on Albeu.com.

Si lider i kësaj jave i shtëpisë së “Big Brother VIP 5”, Vëllai i Madh i dha dje Kristit një vendim mjaft të rëndësishëm për lojën.

Ai do zgjidhte që të ndërronte një banor të ‘shpellës’ me një banor tjetër të shtëpisë.

“Kristi, si lider i shtëpisë, Vëllai i Madh të jep mundësinë të bësh një shkëmbim. Mund të kthesh në shtëpi një prej banorëve të shpellës, duke dërguar atje një prej banorëve të shtëpisë. Zgjedhja nuk ndikon në televotim, duhet ta bësh tani”, shkruhej në zarfin e bardhë.

Kristi nuk mendoi gjatë për banorët që do të ndërronte me njëri-tjetrin, ai dërgoi Mirin te ‘shpella’ dhe solli në shtëpi Gimbon.

“Duke parë gjatë gjithë kohës në shtëpi dhe nëpër këto situata që kanë ndodhur kohët e fundit, ka pasur vetëm një banor që nuk reagon dhe nuk e dihet se ku e ka mendjen. Është i stresuar, e ka shprehur një ‘ma ki kujdes, mos ma ki kujdes’. Më vjen keq për këtë banor që nuk po gjen qetësi këtu brenda. Meqenëse nuk po gjen dot rehati dhe qetësi se e mundon një gjë. Është në siklet lumadhi, por nuk po di ç’po bën se e ka mendjen në tjetër vend e nuk është këtu brenda, Miri vazhdo të shkon te shpella dhe dua Gimbon këtu brenda”, u shpreh Kristi kur dha vendimin e tij.

The post “Big Brother”/ Kristi ndërron banorët: Miri shkon te shpella, Gimbo në shtëpi appeared first on Albeu.com.

Momente dramatike në zonën e puseve të naftës në Kuçovë. Një punonjëse e pastrimit të qytetit, Elona Bregu, 40 vjeçe, e pushuar edhe nga puna, ka hipur në mënyrë demonstrative në majë të kullës së oksigjenit tek ish-Uzina e Kuçovës, duke tentuar të hidhet e t’i japë fund jetës.

Shkak është bërë vonesa e pagave me 2 muaj nga kompania ku është punësuar, por edhe vala e shkarkimeve.

“Nuk ja ka dhënë rrogën, e ka pushuar nga puna. Tre veta, të tre ne. Ka hequr edhe të tjerë, para katër muajsh janë hequr edhe 4 të tjerë. Na kanë hequr nga puna pse kemi vajtur në Bashki. Ne as kemi sharë dhe as ofenduar atje”, tregojnë dy nga punonjëset, gjithashtu të pushuara nga puna.

 

 

Ka qenë ish-deputeti opozitar, Lefter Maliqi, ai që ndau në rrjetin social Facebook pamjet kur në shtyllë dallohet një grua dhe prezentë është policia vendore. Ai denoncon edhe pushimin nga puna të punonjëseve sepse kërkojnë pagat e vonuara.

“E rëndë! Po ndodh tani ne Kuçovë! Punonjësja e pastrimit në Kuçovë ka hipur në majë të kullës tek ish Uzina Kuçovë dhe po tenton të hidhet, t’i jap fund jetës, pasi kanë dy muaj pa marr pagat, raste të përsëritura dhe Kryetari i Bashkisë, i paafti, i dënuari, abuzuesi nën hetim nga “SPAK”, Hajdari i cili i ka dhënë mbi 1 miliardë e 700 milionë “Tender Korruptivë kompanisë “Viola Green” dhe sot i kanë pushuar nga puna sepse kërkojnë pagat dhe të drejtat e tyre”, shprehet ai mes të tjerash.

Ai bën përgjegjës për situatën kryebashkiakun socialist Kreshnik Hajdari dhe kompaninë që ka fituar tenderin e pastrimit me vlerë 1,7 mld lekë, “Viola Green”. Ai i akuzon edhe për korrupsion, teksa shprehet se i ka denoncuar edhe në SPAK të dy subjektet.

Reagimi i Lefter Maliqit:

“E rëndë! Po ndodh tani ne Kuçovë! Punonjësja e pastrimit në Kuçovë ka hipur në majë të kullës tek ish Uzina Kuçovë dhe po tenton të hidhet, t’i jap fund jetës, pasi kanë dy muaj pa marr pagat, raste të përsëritura dhe Kryetari i Bashkisë, i paafti, i dënuari, abuzuesi nën hetim nga “SPAK”, Hajdari i cili i ka dhënë mbi 1 Miliardë e 700 Milion “Tender Korruptivë kompanisë “Viola Green” dhe sot i kanë pushuar nga puna sepse kërkojnë pagat dhe të drejtat e tyre. “SPAK” ende hesht, pasi për “Viola Green” dhe Hajdarin ka kallëzim në “SPAK”. Turp, skandal, Kuçova si Mesjetë me qenë e plehra, si gërmadhë po sakrifikon dhe jetën e punonjësve të vet. Ndëshkim Ligjor për këta të korruptuar!”.

 

The post Punonjësja e pastrimit tenton t’i japë fund jetës/ Firma ‘Viola Green’ e pushoi nga puna se kërkoi pagat e prapambetura, denoncon Maliqi: SPAK të hetojë kryebashkiakun appeared first on Albeu.com.

Drejtuesi i Prokurorisë së Posaçme kundër Korrupsionit dhe Krimit të Organizuar, Klodian Braho, është takuar me Presidentin e Eurojust-it, Michael Schmid, në selinë qendrore të Eurojust-it.

Lajmi është bërë i ditur nga vetë zyra e Eurojust dhe SPAK, në faqen e saj në Facebook.

Vetëm pak muaj më parë, nga Tirana presidenti Michael Schmid paralajmëroi rritje të nivelit të bashkëpunimit mes SPAK dhe Eurojust për të luftuar grupet kriminale.

Ai u takua gjatë Forumit të 2-të Konsultativ të Kryeprokurorëve të Ballkanit Perëndimor në Tiranë edhe me ambasadorin e BE-së në Shqipëri, Silvio Gonzato, ku të dy vlerësuan rolin e SPAK-ut, i cili shihet si një faktor që ndryshon rrënjësisht situatën në luftën kundër korrupsionit dhe krimit të organizuar, duke forcuar sundimin e ligjit dhe besimin publik.

Në fjalën e tij asokohe, Michael Schmid tha se Ballkani Perëndimor është partner shumë i rëndësishëm i Eurojust dhe se kërkojnë të rrisin nivelin e bashkëpunimit për të luftuar grupet kriminale.

Ai theksoi mbështetjen e Eurojust për anëtarësimin e Shqipërisë dhe vendeve të rajonit në Bashkimin Evropian.

“Të lehtësohet rruga juaj drejt anëtarësimit në BE. Ne bëjmë vlerësimin tonë vjetor lidhur me progresin për bashkëpunimin gjyqësor dhe dua t’ju garantoj që mund të besoni me ne. Mbështesim rrugën tuaj drejt Bashkimit Evropian dhe do ishte kënaqësi e madhe nëse do bëheshit vend anëtar”, tha ai gjatë forumit të qershor 2025, në Tiranë.

The post Kreu i SPAK, Klodian Braho takohet me Presidentin e Eurojust-it, Michael Schmid appeared first on Albeu.com.