Ministri i Jashtëm gjerman Johannes Vandeful beson se Rusia do të përdorë një armëpushim të mundshëm në Ukrainë për të përshpejtuar përgatitjet për të sulmuar një vend të NATO-s. Mediat e huaja shkruajnë se, ndërsa ministri i jashtëm gjerman theksoi se nuk donte të spekulonte se si mund të ndodhte kjo, ai tha se, mund të na këshillojë vetëm të përgatitemi për mundësinë që diçka e tillë të ndodhë.

Ai theksoi se NATO po zgjeron strukturat e saj mbrojtëse, ndërsa Gjermania po riorganizon forcat e saj të armatosura, duke rritur numrin e ushtarëve dhe pajisjeve në kontekstin e një sulmi të mundshëm rus. Por Evropa nuk duhet të jetë e vetëkënaqur nëse përpjekjet për të arritur një armëpushim në Ukrainë janë të suksesshme. Siguria në Evropë do të varet nga Rusia për një kohë të gjatë, tha ai, duke shtuar se Moska mund të mbahet larg vetëm nga një pozicion force, uniteti brenda aleancës dhe forcave të armatosura të afta.

“Nuk kemi asnjë arsye për të kufizuar përpjekjet tona. Përkundrazi. Mund t’ju ​​këshilloj fuqimisht vetëm të mos bëni asnjë lëshim në të gjitha këto projekte dhe plane, sepse vetëm një pozicion force do të çojë në siguri më të madhe për ne në NATO, por edhe për ne në Gjermani.” ,u shpreh ai. Sipas tij, nëse Moska arrin një sukses të qëndrueshëm ushtarak në Ukrainë, kjo do të përbënte një kërcënim serioz për NATO-n. “Vetëm për këtë arsye, mbështetja e Ukrainës mbetet një nga interesat e sigurisë së Gjermanisë.”

Ai tha se, edhe evropianët duhet të kontribuojnë. Mënyra se si janë strukturuar këto kontribute është diçka që do ta diskutojmë në thellësi sapo të kemi një armëpushim dhe sapo të shohim se Rusia është vërtet e gatshme të mendojë seriozisht për paqen. Moska duket e gatshme të negociojë, shtoi ai, por kjo nuk është e njëjta gjë me një gatishmëri të vërtetë për paqe. “Nuk e kemi parë këtë deri më sot”, tha Vandeful.

The post Armëpushimi në Ukrainë mund të mos i japë fund kërcënimit rus/ Ministri i jashtëm gjerman: Moska mund të mbahet larg vetëm nga një aleancë mes forcash appeared first on Albeu.com.

Futbollisti portugez Cristiano Ronaldo vazhdon të investojë në pasuri të patundshme luksoze, këtë herë në zemër të Detit të Kuq, në Lindjen e Largët.

Ylli i Al-Nasr dhe partnerja e tij Georgina Rodriguez kanë blerë dy vila luksoze në ishullin e izoluar të Nuhuma, rreth 25 kilometra larg bregdetit të Arabisë Saudite.

Çmimi total i rezidencave arrin në afërsisht 8.2 milionë euro, me secilën vilë që kushton rreth 4 milionë euro.

Këto janë vila të ndërtuara buzë detit, të pozicionuara për të formuar një “unazë” mbresëlënëse, duke ofruar privatësi absolute.

Rezidencat specifike janë pjesë e një projekti luksoz, të projektuar nga arkitekti i famshëm britanik Norman Foster, dhe janë të arritshme vetëm me anije ose hidroplan, pasi vizitorët mbërrijnë fillimisht në Aeroportin Ndërkombëtar të Detit të Kuq aty pranë.

Sipas informacionit, një rezidencë ka tre dhoma gjumi për përdorim familjar, ndërsa e dyta ka dy dhoma gjumi dhe është menduar për mikpritje.

Zona më e gjerë e ishullit pritet të përfshijë një fushë golfi, restorante me kuzhinë të lartë dhe një total prej 11 resortesh luksoze në vitet e ardhshme.

Kjo blerje vjen si një vazhdim i natyrshëm i kontratës së re të superyllit portugez, i cili nënshkroi një marrëveshje dyvjeçare me fitime që arrijnë në 575 milionë euro, një shumë që i lejon atij të investojë në prona të tilla pa u menduar dy herë.

Në deklaratat e tij, Ronaldo thuhet se e përshkroi ishullin si një vend me qetësi absolute dhe bukuri natyrore, duke theksuar se që nga momenti i parë ai dhe Georgina ndjenë një lidhje të veçantë me peizazhin.

Për CR7, luksi tani kombinohet me izolimin, privatësinë dhe cilësinë e jetës, elementë që ai duket se po i kërkon gjithnjë e më shumë jashtë fushave.

The post FOTO/ Cristiano Rolando i shton vetes një tjetër pasuri, ble për 8,2 mln euro vilën luksoze në Detin e Kuq appeared first on Albeu.com.

Elijona Binakaj ka folur sërish për historinë e saj tragjike, humbjen e nënës dhe motrës, një rrëfim që ka prekur thellë publikun e gjerë.

Siç ka treguar edhe më herët banorja, ajo humbi dy nga njerëzit më të dashur të familjes së saj gjatë një aksidenti tragjik në Kroaci.

Gjatë një bisede me banorin Ludo Lee, teksa po fliste pikërisht për këtë ngjarje të dhimbshme, Elijona u përlot, e kapluar nga emocionet e forta që i riktheu kjo histori.
“A e din kur e kuptoj që nuk kanë me u kthy më, vetëm kur ju shkoj te varri”, tha ajo.

Më pas, Ludo Lee e pyeti se çfarë kishte ndryshuar tek ajo pas humbjes së tyre.

“Si fillim i kam këput krejt kontaktet me njerëz, nuk kam pas shoqëri, dy vjetët e para kanë qenë tmerr, nuk ja dëshiroj askujt me e përjetu atë se pernime kam hjek shumë, se të mungon një shtyllë e madhe a po kupton, edhe e kam pa edhe familjen tu ndryshu, si babi, si motra, si vëllau. Ama çka kom mësu ka qenë se kam përballu shumë sende vetë edhe kam mësu me i vlerësu njerëzit që i ki afër, me i vlerësu në maksimum”, tha Elijona.

The post Elijona flet për humbjen tragjike: E kuptoj që s’kanë me u kthy më vetëm kur ju shkoj te varri appeared first on Albeu.com.

Prokuroria Speciale ka njoftuar se ka ngritur aktakuzë ndaj ish-kryetarit të Komunës së Prishtinës, Shpend Ahmetit, për mosraportim and apo raportim të rreme të pasurisë.

Sipas aktakuzës, Ahmeti – i cili shërbeu si kryetar i Prishtinës për dy mandatë, nga viti 2013 deri më 2021 – kishte paraqitur “me dashje” deklarata të pasakta të pasurisë, pasi thuhet se nuk kishte deklaruar deponimet në para të gatshmë nga 2018 deri në vitin 2022.

“Sipas aktakuzës, shuma e përgjithshme e mjeteve të padeklaruara arrin vlerën prej 172,600.00 euro”, thuhet në njoftimin e Prokurorisë Speciale, që bëri të ditur se rasti tashmë është dërguar për shqyrtim Gjykatës Themelore në Prishtinë.

Radio Evropa e Lirë ka kontaktuar Ahmetin me disa pyetje për këtë aktakuzë, por nuk ka marrë ende përgjigje.

Deklarimi i pasurisë nga personat publikë në Kosovë ka filluar qysh në vitin 2007.

Pas përfundimit të procesit të deklarimit të pasurisë, APK-ja, përmes shortit, zgjedh një numër të caktuar të zyrtarëve publikë, të cilëve ua verifikon pasurinë e deklaruar.

Ligji për deklarimin e pasurisë i obligon zyrtarët e lartë publikë që ta deklarojnë pasurinë e tyre 30 ditë nga marrja e postit të ri, dhe pastaj në baza vjetore.

Mosdeklarimi i pasurisë, sipas Kodit Penal të Republikës së Kosovës, dënohet me gjobë ose me burgim deri në tre vjet, ndërsa deklarimi i rremë i pasurisë është i dënueshëm me gjobë dhe me burgim prej gjashtë muajsh deri në pesë vjet.

Deri më tash, asnjë nga zyrtarët që nuk e ka deklaruar pasurinë, nuk është dënuar me burgim.

Ministrja e Industrisë, Ndërmarrësisë dhe Tregtisë, Rozeta Hajdari, u dënua në fund të vitit 2022 me gjobë prej 700 eurosh nga Gjykata Themelore në Prishtinë, për shkak të mosdeklarimit të pasurisë për vitin 2020 brenda afatit ligjor./REL

The post Nën hetim për pasurinë/ Prokuroria Speciale e Kosovës i ngre aktakuzë Shpend Ahmetit, ish-kryekomunarit të Prishtinës appeared first on Albeu.com.

Një aksident i rëndë ka ndodhur mbrëmjen e kësaj të marte në Maliq. Sipas raportimeve nga vendngjarja, një automjet ka përplasur një të moshuar i cili lëvizte me biçikletë.

I.S., 65 vjeç është dërguar me urgjencë në spitalin e Korçës për të marrë ndihmë mjekësore ndërsa gjendja e tij raportohet të jetë e rëndë.

Ndërsa drejtuesi i automjetit “Volksëagen”, B.M., është shoqëruar nga policia në komisariat ndërsa grupi hetimor ndodhet në vendngjarje.

The post Aksident i rëndë në Maliq, makina përplas 65-vjeçarin me biçikletë! Niset me urgjencë në spital, shoqërohet në komisariat shoferi appeared first on Albeu.com.

Presidenti i Serbisë, Aleksandar Vuçiq, ka deklaruar se situata aktuale në veri të Kosovës është rezultat i mungesës së formimit të Asociacionit të komunave me shumicë serbe, duke theksuar se kjo është arsyeja pse, sipas tij, kryeministri i Kosovës Albin Kurti nuk dëshiron krijimin e tij.

Në një emision televiziv, Vuçiq u shpreh se ndodhet në një “pozicion të papërshtatshëm”, duke kritikuar retorikën e atyre që, siç tha ai, flasin lehtë për luftë dhe ndërhyrje ushtarake.

Ai veçoi atë që i quajti “patriotë të rremë” dhe të djathtë që, sipas tij, diskutojnë nga kafeteritë pa e kuptuar çmimin real të një përshkallëzimi të situatës.

“Duhet dikush ta drejtojë vendin dhe të vlerësojë se deri ku mund të durohet, deri ku shkojnë kërkesat tona. Duhet të përpiqemi t’i zgjidhim gjërat përmes dialogut”, deklaroi Vuçiq.

Sipas tij, formimi i Asociacionit do të sillte kontrollin e plotë të policisë në veri të Kosovës nga serbët lokalë, duke theksuar se kjo është arsyeja kryesore pse Kurti e kundërshton këtë mekanizëm.

“Kur ta kemi Asociacionin, e gjithë policia në veri të Kosovës do të jetë në duart e serbëve, në duart e policëve serbë. Kjo është arsyeja pse Kurti nuk e dëshiron Asociacionin”, tha Vuçiq.

Presidenti serb po ashtu pretendoi se ekzistojnë njerëz që, sipas tij, i gëzohen situatës së krijuar dhe tensioneve aktuale, duke shtuar se është i vetëdijshëm për këto qëndrime.

The post Vuçiq: Asociacioni do ta vendoste policinë në veri në duart e serbëve appeared first on Albeu.com.

Jo më larg se dje, këngëtarja Parashqevi Sipaku mori titullin “Qytetare Nderi”, gjatë festës tradicionale “Sofra e Kavajës”, në qyetin e saj të lindjes.

Elton Ilirjani ka ndarë një video në të cilën Parashqevia ka falenderuar përzeërsisht kryetarin e bashkisë së Kavajës për titullin.

Ao u ndal të kujtonte edhe këdo tjetër që ka qënë pranë karrierës së saj muzikore, që fëmijë e deri më vonë, duke përmendur mësues e familjarë që i kanë mësuar “hapat e pare” në “botën e artit”.

“Është bërë gati një vit që kur dëgjova Fisnik Qosjën një djalë aq i hijshëm si zog i trëmbur mori Elton Ilirjanin dhe i tha “Çfarë mund të bëj për parashqevinë të lutem më thuaj?”. Edhe më ka ngelur në shpirt se gjithë këto kohë që jam rikuperuar nga gjithë këto ngjarje që ndidhën dua ta falenderoj për këtë nder të madh që më ka bërë sonte.” rrëfeu ajo me emocion.

“Mund ta nxjerrësh Parashqevinë nga Kavaja, por nuk e nxjerr dot Kavajën nga Parashqevia. Jam me ju me gjithë zemër e me gjithë shpirt.” ka thënë ndër të tjera këngëtarja.

“Guri i rëndë në vend të vet thëmi ne kështu që unë akoma jam kavajse pavcarësisht se kam kënduar kudo në Shqipëri në vbotë edhe prap ajo thelbi kryesior i njeriut shpirti nuk ndërron kshu që gjithmonë kudo që shkoj e përfaqësoj Kavajën me atë thjeshtësi me atë ndërshmëri me atë kënaqësi që i ka dhënë kënga popullore të gjithë shqiptarëve, kështu që i qofsha falë djeoit që më ka lindur e më ka rritur:Kavajës. Nuk jam atje sikur të isha atje do të ishte shumë më mirë” përfundoi Parashqevia me mirënjohje.

Parashqevi Simaku: Është bërë gati një vit që kur dëgjova Fisnik Qosjën një djalë aq i hijshëm si zog i trëmbur mori Elton Ilirjanin dhe i tha “Çfarë mund të bëj për parashqevinë të lutem më thuaj?”. Edhe më ka ngelur në shpirt se gjithë këto kohë që jam rikuperuar nga gjithë këto ngjarje që ndidhën dua ta falenderoj për këtë nder të madh që më ka bërë sonte.

Fisnik Qosja, të falenderoj me gjithë shpirt që më dhe mundësinë që të tregpj që jam kavajse, se mund ta xjerrësh Parashqevinë nga Kavaja, por nuk e nxjerr dot kavajën nga Parashqevia. Dhe jam me ju me gjithë zemër me gjithë shpirt ju kam ndjekur, edhe t gjithë progresin e madh po unë kam fulluar shumë thjeshtë në kopshtin “Vangjel Thanasi”, me edukatoren time Ismete Kapllani, që më tha “Hajde Vie këndo një këngë” kur isha në kopësht edhe Kozma Rusi me fizarmonikë tha “E din atë këngën qingji vogël rri mendueshëm…” i thashë “po” e di e mbaj mend se jam rritur në Lushnjë me gjyshërit e mi edhe daja im Jovani mëonte fëmijët në shkollë, dhe ashtu mësova për herë të parë që të këndoja këto këngët e fëmijëve. Pastaj më morën më çuan tek Bujare Biturku të ishte drejtoresha e fëmijëve të Kavajës, të pallatit të kulturës së “Fatosave dhe pionerëve” edhe ajo më prezantoi për herë të parë me maestron e madh Rexhep Hasimi se do ishte e pamundur që Kavaja te prezervonte këtë kulturë kaq fisnike kaq të madhe, kaq botërore se i ka rrënjët në Stamboll dhe muzika, dhe dashuria dhe respekti që ne mbajmë për fenë sidomos ne besojmë në Allah, gjithmonë themi bismilah, unë kam pasur nderin të rritem me hallë Zyra Telitin që e mori babën tim si jetim që ngiste delet te vëllai i saj Ramazan Lushkja edhe atje jam rritur duke bërë rroba se ajo ishte rrobaqepëse, duke bërë rroba me hallën time Zyra Teliti, që më mësoi për herë të parë çdo gë që prejka çdo gjë që haja më thoshte ti japim një falenderim Zotit “bismilah e rrahman e rrahim”

Elton Ilirjani: Parashqevi aty në atë sallë sot shtë gjithë Kavaja, janë dhe artistat është grupi karakteristik i burrave të këngës së Kavajës, çfarë përshëndetjesh dhe çfarë kujtimesh ke me ta?

Parashqevia: Aty e kisha te Rexhep Hasimi ai kishte një majetofon të vogël e vinte këshut në krah sapo kishte mbaruar konservatorin shkëlqyeshëm edhe ishte djalë i rig a Korça aristocrat që shkonte kodër më kodër e fushë më fushë e gjente njerëz të theshtë i thoshte a mban mend ndonjë këngë të vjetër shpirtëore se ne nga Kavaja nuk jemi si nga Shqiupëria e mesme ne kemi si rrënjë Stambollin, ne kemi diçka që i bvëjmë rrixha muzikës e kemi nga shpirti nuke bëjmë për para, apo për famë kështu që ky grupi i burrae jemi mbledhur me Rexhep Hasimin, kemi bërë këngë si: Kendon gjeli, pika pika, mun aty ku dridhen qerret, që uy bënë hite të mëdhaja se unë i këndoja dhe populloren dhe muzikën e lehtë kudo që shkoja sidomis në Gjakovë në Prishtinë në Prizren, i donin shumë këto këngët që kur zibja e madhe Fidnete Rexha, shkonte dhe i binte dajres dhe këndonte këto këngë të vjetra popullore.

Elton: Ke mall për kavajën?

Parashqevi: Po është pjesë kush jam që kur kam qenë në klarë të parë fillore, bashkë me vëllain tim Benin shkonimnë shkollë edhe kisha një mësuese shyumë fisnike shumë të bukur që më donte shumë e më mësonte sit ë sillem si të isha tamam e edukuar edhe në skenë edhe jashtë skene. I dedikoj shumë falenderim zonjës Terezina Levi, bashkë me djalin e saj Davidi dhe me vajzën Flonjën, shkonim në prova tek Rexhep Hasimi tek Qemal Mehmeti, bashjkë më bashkëshorten Eglën, Shaze Teliti, Ibrahimi të gjithë janë mësuesit e mij që vinin votonin për mua gjithmonë, nëpër festival çdo vit që unë të fitoja se nuk do isha kjo që jam edhe pse jam në maj të Neë Yorkut, pa dashurinë respektin edhe mësimet që më kanë dhënë të gjithë në Kavajë.

Ilirjani: Do donim të ishim pjesë është një eveniment shumë i bukur, po e shikonim sot në video

Parashqevi: Po e pamë sofrën edhe kënduan “beautiful” vërtet ska ndryshuar asgjë, vetëm që jam shumë “proud” që janë integruar me shumë masë sit ë thuash nuk kanë dalur nga ajo tradita tamam sofra e Kavajës.

Si ndihesh që qyteti yt kavaja merr stafetën apo vlerësimin e parë kaq të madh që të bëjnë ty ata?

Është vendlindja ime you koë, guri i rëndë në vend të vet thëmi ne kështu që unë akoma jam kavajse pavcarësisht se kam kënduar kudo në Shqipëri në vbotë edhe prap ajo thelbi kryesior i njeriut shpirti nuk ndërron kshu që gjithmonë kudo që shkoj e përfaqësoj Kavajën me atë thjeshtësi me atë ndërshmëri me atë kënaqësi që i ka dhënë kënga popullore të gjithë shqiptarëve, kështu që i qofsha falë djeoit që më ka lindur e më ka rritur:Kavajës.

Nuk jam atje sikur të isha atje do të ishte shumë më mirë.

The post Mori titullin “Qytetare Nderi”, Parashqevi Simaku shpreh mirënjohje ndaj kryetarit të bashkisë dhe qytetarëve kavajas: Jam me ju me gjithë zemër e shpirt appeared first on Albeu.com.

Medon Berisha është njohur sot me vlerën e tij të re në tregun e “transfermarkt”. Mesfushori i Kombëtares vlerësohet tashmë 6 milionë euro, nga 1.5 milionë euro që ishte më parë.

Rritje e jashtëzakonshme për 22-vjeçarin, i cili ka spikatur në pjesën e parë të sezonit. Te Leçe bëhet lojtari i tretë më i vlerësuar. Vlera e tij nga lojtarët që përfaqësojnë Shqipërinë është e barabartë me Ardian Ismajlin, që mban vendin e gjashtë.

Berisha po kalon një dëmtim, i cili pritet ta mbajë edhe për rreth 3 javë jashtë fushave të blerta. Sa i përket vlerës së tij, mund të thuhet se nga fundi i vitit 2024 ku vlente 1 milion euro, rritja është e dukshme.

Berisha numëron paraqitje me Kombëtaren në dy miqësore, një ndeshje të Ligës së Kombeve dhe një tjetër në Europianin e Gjermanisë. Për kualifikueset e fundit të Botërorit nuk mori asnjë minutë.

The post Vlera e re e vendos krah Ismajlit, Medon Berisha shton miliona euro në treg appeared first on Albeu.com.

Një moment emocional ndodhi në Big Brother VIP Kosova 4, kur nëna e Benita Zenës, hyri në shtëpi për t’i dhënë një mesazh vajzës së saj.

Ajo nuk e ka pranuar raportin që Benita ka pasur me Toney, duke e shprehur mendimin e saj në mënyrë të qartë dhe të drejtpërdrejtë.

“E di sa e vlefshme je ti, çfarë karakteri ke, lidhje me askënd, jashtë nuk ka lidhje brenda kurrsesi hiç”, tha ajo.
Nëna e Benitës shtoi se loja e vajzës nuk i ka pëlqyer aspak dhe e inkurajoi të dalë e vetme nga formati.

“Atë lojën që e ke bërë nuk na ka pëlqyer hiç. Vet ke hyrë, vet do të dalësh”.

Ajo gjithashtu i tha se nuk është në gjendje të mirë shëndetësore dhe i kërkoi që të largohet nga ky format.

“Kam qenë shumë e sëmurë me hipertension, kam nevojë shumë për ty. Kjo do të vendos nëse rrugëtimi do t’i ndalet”.

Sidoqoftë, ia ka lënë në dorë Benitës të vendos nëse do të tërhiqet nga gara.

The post Nëna e Benitës nuk e pëlqen Toneyn për dhëndër – i kërkon të largohet edhe nga Big Brother appeared first on Albeu.com.

Mediat proqeveritare dhe tabloidet në Serbi po zhvillojnë një fushatë dezinformuese, duke e paraqitur furnizimin e Kosovës me sistemin kundërtank “Panzerfaust 3” si kërcënim për paqen në rajon, si pjesë të projektit të ashtuquajtur “Shqipëria e Madhe”, si akt agresioni ndaj “serbëve dhe Serbisë”, si dhe si “armatim të paligjshëm”.

Çfarë shkruajnë mediat në Serbi – Telegraf, Blic, Sputnik Serbia, Pravda, RT Balkan?

Në raportimet e tyre, media si Telegraf, Blic, Sputnik Srbija, Pravda dhe RT Balkan përdorin tituj dhe gjuhë sensacionaliste.
Disa prej tyre flasin për “goditje të re të Gjermanisë” dhe për “armë të rrezikshme që po i vijnë Prishtinës”, duke e paraqitur bashkëpunimin e Kosovës me partnerët perëndimorë si faktor destabilizues për rajonin.

Ndërsa Kosova, si shtet sovran dhe i pavarur, vazhdon të forcojë kapacitetet e saj mbrojtëse në bashkëpunim me partnerë kyç të NATO-s, përfshirë Gjermaninë, në Serbi është aktivizuar një retorikë agresive mediatike që synon delegjitimimin e këtij procesi.

Lajmi për blerjen e sistemit modern kundërtank “Panzerfaust 3” paraqitet në mediat provladine serbe si një kërcënim i rremë ndaj paqes dhe stabilitetit rajonal.

Analiza e titujve në tabloide si Pravda tregon përdorimin e termave fyese dhe shoviniste, përmes të cilave mohohet e drejta e Kosovës për të marrë vendime sovrane në fushën e sigurisë.

Ndërkohë, media si Blic dhe Telegraf flasin për “rrezik të madh” dhe “krijim të Shqipërisë së Madhe”, edhe pse Serbia vetë prej vitesh vazhdon të armatoset masivisht nga Rusia dhe Kina, si dhe të dislokojë forca ushtarake pranë kufijve.

Blic shkon edhe më tej duke cituar “ekspertë të sigurisë” për ta lidhur armatimin legjitim të Kosovës me narrativa politike dhe projekte të imagjinuara. Retorika për “presion ndaj serbëve” shërben kryesisht për konsum të brendshëm në Serbi, me qëllim ruajtjen e narrativës së viktimizimit dhe largimin e vëmendjes nga roli i Beogradit zyrtar si pengesë për paqen në Ballkan.

Në të njëjtën linjë propagandistike kanë raportuar edhe mediat ruse në Serbi, si Sputnik Srbija dhe RT Balkan, lidhur me pajisjen e Forcës së Sigurisë së Kosovës me sistemin gjerman kundërtank.

Një fokus i veçantë i mediave serbe është vënë mbi Gjermaninë, me tituj që e paraqesin Berlinin si palë “armiqësore”. Në realitet, mbështetja gjermane për forcimin e kapaciteteve mbrojtëse të Kosovës është një sinjal i qartë se siguria e Kosovës është e pandashme nga siguria e Evropës.

Në anën tjetër, mediat në Kosovë ka raportuar në mënyrë transparente dhe mbi baza zyrtare për përfundimin e procedurave të blerjes së armatimit kundërtank nga Gjermania për Forcën e Sigurisë së Kosovës./TheGeoPost.

The post Mediat në Serbi dezinformojnë për forcimin legjitim të kapaciteteve mbrojtëse të Kosovës appeared first on Albeu.com.

Ditën e mërkurë vendi ynë do të ndikohet nga kushte atmosferike të kryesisht të paqëndrueshme.

Moti parashikohet me vranësira mesatare deri të dendura. Reshje shiu të herëpashershme me intensitet të ulët e lokalisht mesatar në pjesën më të madhe të territorit që në orët e para të 24-orëshit deri në mëngjes, hera-herës shtrëngata afatshkurtra.

Gjatë ditës reshje shiu të herëpashershme me intensitet të ulët të karakterit lokal. Në Alpe dhe në lartësitë 700-800 metra në verilindje dhe 900 metra në juglindje reshje dëbore me intensitet të ulët, lokalisht mesatar.

Temperaturat maksimale pritet të arrijnë deri ën 14 gradë celcius, ndërsa ato minimale në 1 gradë celcius.

Mjegull e dendur/mjegullinë përgjatë zonave luginore në orët e mëngjesit si dhe në momentin e reshjeve të shiut dhe dëborës.

Era do të fryjë me drejtim nga verilindja-juglindja me shpejtësi mesatare 7 m/sek, përgjatë vijës bregtdetare e zonave luginore era fiton shpejtësi deri në 15m/s .

Valëzimi në detet Jon dhe Adriatik do të jetë i forcës 2-4 ballë.

The post Moti bënë kthesën drastike, ja çfarë pritet të ndodh me temperaturat ditën e nesërme appeared first on Albeu.com.

Ish-drejtori i Burgjeve, Agim Ismaili është paraqitur sot (23 dhjetor) në Prokurorinë e Posaçme, pasi është marrë zyrtarisht nën hetim nga SPAK.

Ismaili qëndroi përreth 2 orë në ambientet e Prokurorisë së Posaçme.

Ai akuzohet për veprat penale: Përgjimi i paligjshëm i të dhënave kompjuterike, pjesëmarrja në grup të strukturuar kriminal dhe kryerja e veprave penale nga organizata kriminale dhe grupi i strukturuar kriminal.

Gjithashtu ai u thirr për t’u marrë në pyetje në lidhje me tentativën e hakërimit të SPAK edhe me datën 2 tetor të këtij viti.

Sipas burimeve, Prokuroria e Posaçme ka marrë informacion më 12 mars 2025 se ishte vënë në shënjestër të një ndërhyrje të paligjshme të adresave të email-eve të prokurorëve të posaçëm.

Por, nuk u arrit të ndërhyhej në sistemin e brendshëm të Prokurorisë së Posaçme, i cili mbeti i pacënuar, sipas SPAK, falë masave të sigurisë.

The post Gati 2 orë në SPAK, del nga Prokuroria e Posaçme ish-drejtori i Burgjeve Agim Ismaili/ Nën hetim për sulmin kibernetik ndaj institucionit të drejtësisë appeared first on Albeu.com.

Fluks i lartë lëvizjeje është regjistruar në doganën kufitare, gjatë 24 orëve të fundit. Sipas të dhënave zyrtare, në të dyja anët e kufirit Shqipëri–Greqi kanë lëvizur gjithsej 7 919 shtetas, nga të cilët 5 253 në hyrje dhe 2 666 në dalje. Gjithashtu, janë regjistruar 2 675 mjete në hyrje-dalje, konkretisht 1 626 në hyrje dhe 1 049 në dalje.

Sipas mediave greke, rruga Kakavije–Janinë, në segmentin Kallpaq, do të mbetet e hapur për qarkullimin e automjeteve gjatë periudhës së festave të Krishtlindjeve. Fermerët, blegtorët dhe bletarët që kanë organizuar bllokimin e zonës kanë vendosur të heqin përkohësisht bllokadat deri të premten, më 26 dhjetor. Megjithëse protesta e fermerëve vijon, për këtë periudhë të veçantë nuk do të ketë ndërprerje të trafikut, me qëllim shmangien e problemeve dhe lehtësimin e lëvizjes.

The post Vijon fluksi në pikën kufitare Shqipëri- Greqi/ Vetëm sot 7919 lëvizje! Policia kufitare: Protesta vijon, për këtë periudhë nuk do të ketë ndërprerje të trafikut appeared first on Albeu.com.

Deputeti i Partisë Demokratike, Saimir Korreshi i përshkroi si “dramë” informacionet nga relacioni i SPAK depozituar në Kuvend për t’i hequr imunitetin Belinda Ballukut, e marrë e pandehur për shkelje të barazisë në tendera për tunelin e Llogarasë dhe nën hetim edhe për procedura të tjera tenderuese.

Korreshi tha se informacionet që i janë vënë në dispozicion deputetëve nga SPAK janë shumë më tepër se çfarë kanë dalë dhe nisur nga provat e reja, dhe se Këshilli i Mandateve duhet të mblidhet me urgjencë për të shqyrtuar kërkesën e SPAK.

Sipas tij, ankimimi i qeverisë në Gjykatën Kushtetuese për pezullimin ka rënë përsa kohë SPAK ka kërkuar që t’i hiqet imuniteti Ballukut, dhe për t’i hapur rrugën arrestimit të saj.

Në bazë të asaj që ai ka parë, të cilat s’mund t’i bëjë publike për shkak të sekretit hetimor, deputeti theksoi se pozita e zëvendës kryeministrs rëndohet edhe më shumë.

“E kam quajtur gjenocid që i është bërë buxhetit të shtetit, fjalë e rëndë por ndërkohë që njerëzit mezi shtyjnë muajin. Të arrish të përvetësosh këto fonde dhe ta trajtosh buxhetin është tragjedi. Kam më shumë informacion sesa mund të them.

Jam vënë në dijeni të informacioneve të jashtëzakonshme, por për shkak të asaj që kam firmosur nuk më lejohet të bëj asgjë publike. Por është dramë. Shkon përtej emrave që janë sot. Mendoj se gjatë hetimit, prokuroria i ka ndarë në disa lote, në disa pjesë të hetimeve.

Kanë ndryshuar rrethanat. Nuk ka të bëjë fare me pritur Gjykata Kushtetuese se në gjykimin tim ka rënë padia se pezullimit është zëvendësuar me një masë sigurimi. Se ka elementë të tjera që e rëndojnë pozitën e zëvendës kryeministres Belinda Balluku dhe ka pasur elementë të tjerë si frika për largimin jashtë por çka është më e rëndësishme, ka influencuar në prishjen e provave”, tha deputeti.

The post Kërkesa e SPAK për arrestimin e Ballukut, Korreshi: S’mund të pritet GJK për ankimin e qeverisë, pezullimi është zëvendësuar me masë më të ashpër sigurie appeared first on Albeu.com.

Hetimet për atentatin mafioz të kryer në 11 Nëntor 2025 në Rinas, ku mbeti i vrarë Gilmando Dani dhe agjenti i AMP-së Mustafa alias Muçi Sheljani, kanë përparuar me shoqërimin e disa persona, që policia kriminale e Tiranës, dyshon se kanë informacion lidhur me përdorimin e makinës tip “Toyota” me targa greke.

Gazetari Elton Qyno, ka mësuar se mes personave që është shoqëruar, marrë në pyetje dhe më pas lënë i lirë rezulton të jetë Betim …, i cili është kapur nga disa kamera.

Me shpresën e gjetjes së makinës, policia e Tiranës bllokoi shumë pamje filmike. Vetëm njëra nga kamerat e sekuestruara nga policia, ka kapur Betim …, që afrohet pikërisht në një makinë tip “Toyota”, shumë e ngjashme me atë që u përdor në vrasjen e dyfishtë.

Imazhet filmike, janë kapur disa ditë para atentatit, çka tregon se makina e përdor në vrasje, ka qenë në lëvizje mes zonës së Rinasit dhe Fushë-Krujës.

Personi, Betim …. është kapur nga një imazh filmik kur afrohet tek kjo makinë dhe u jep personave brenda saj disa paketa cigare. Pikërisht ky imazh, ka çuar disa ditë më parë policinë e Tiranës të shoqërojë dhe marrë në pyetje, pikërisht këtë person.

Gjatë dhënies së dëshmisë Betimi, ka treguar se nuk e kujtonte momentin. Por kur është njohur me filmimin ka treguar se i ka dhënë paketa cigare, personave që ndodheshin brenda në makinën “Toyota”, shumë e ngjashme me atë që u përdor në vrasje.

Betimi, ka pretenduar në polici se nuk ishte në gjendje të kujtonte imazhet e personave që kishte parë brenda në makinë. Madje këtë gjë nuk e ka bërë edhe kur policia i ka vënë para disa fotografi të personave të dyshuar si pjesëmarrës në këtë ngjarje të rëndë.

Nisur nga kjo situatë, grupi hetimor ka vendosur ta lerë të lirë personin e shoqëruar Betim …, duke vijuar më pas me shoqërimin e disa personave të tjerë./ Enton Qyno – Syri.net

The post Atentati me dy viktima në Rinas/ Kush është Betimi që u shoqërua në polici? Çoi cigare tek makina e markës ‘Toyota’ appeared first on Albeu.com.

Pasditen e kësaj të marte, ish-drejtori i Burgjeve, Agim Ismaili, është paraqitur në Prokurorinë e Posaçme, (SPAK).

Kjo është hera e dytë që ai thirret nga prokurorët e posaçëm, pasi herën e parë ishte më shumë se një muaj më parë, ku u pyet mbi tentativën e hakerimit të SPAK.

Ismaili është marrë nën hetim nga SPAK për tre vepra penale: Përgjim i paligjshëm i të dhënave kompjuterike, kryerje e veprimeve në kuadër të grupit kriminal dhe grup kriminal.

Më 12 mars, SPAK ishte në shënjestër të një ndërhyrje të paligjshme të adresave të email-eve të prokurorëve të posaçëm.

Për këtë ngjarje kanë përfunduar në pranga ish-punonjësi i IMT-së, Arnold Rrokaj dhe ish-zyrtari i burgut të Vlorës, Zambak Gjonaj.

Sipas hetimeve paraprake, hakerat kanë tentuar të marrin informacion nga kompjuterët e tre prokurorëve të posaçëm Behar Dibra, Enkeleida Millonai dhe Elida Kaçkini.

Dy personat e arrestuar dyshohet se kanë shpërndarë dokumente të siguruara nga sulmi kibernetik te persona të tjerë.

The post Ish-drejtori i burgjeve, Agim Ismaili paraqitet në SPAK appeared first on Albeu.com.

Nuk justifikoheshin nga burime të ligjshme, konfiskohen me kërkesë të Prokurorisë Gjirokastër, 3 mln euro pasuri të shtetasit D.A.

Bëhet fjalë për pasuri të tilla si; karburant, biznese, troje, banesa e magazina. Kërkesa për konfiskim erdhi në kuadër të hetimit pasuror nr.2 të vitit 2019 dhe u konfiskuan pasuritë si më poshtë:

NJOFTIMI I PROKURORISË

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Gjirokastër, u konfiskuan tre milionë euro pasuri të shtetasit D.A. i cili nga hetimet rezultoi se nuk ka burime të ligjshme për krijimin e pasurive.
Kërkesa për konfiskim erdhi në kuadër të hetimit pasuror nr.2 të vitit 2019 dhe u konfiskuan pasuritë si më poshtë:

– Pasuria e llojit “Truall” me sipërfaqe 350m2, me vendndodhje në qytetin Gjirokastër;

– Pasuria e llojit “Truall” me sipërfaqe 1500m2 dhe ndërtim 23 m2 me vendndodhje në Lazarat,

Gjirokastër;

– Pasuria e llojit “Truall” me sipërfaqe 450 m2, me vendndodhje në Grehot, Gjirokastër;

– Pasuria e llojit “Truall” me sipërfaqe 1646 m2 me vendndodhje në Grehot, Gjirokastër;

– Pasuria e llojit “Arë” me sipërfaqe 7000 m2 me vendndodhje në fshatin Arshi Lengo, Gjirokastër;

– Pasuria e llojit “Banesë” me sipërfaqe 120 m2 ndërtim, dhe pasuria e llojit “Sipërfaqe sheshi” 600 m2 me vendndodhje në Lazarat;

– Pasuria e llojit “Karburant” me sipërfaqe 148 m2 me vendndodhje në Kordhocë, Gjirokastër;

– Pasuria e llojit “Ndërtesë e zyrave dy-katëshe” me sipërfaqe 69 m2 me vendndodhje në Kordhocë,

Gjirokastër;

– Pasuria e llojit “Lokal” me sipërfaqe 94 m2 me vendndodhje në Kordhocë, Gjirokastër;

– Pasuria e llojit “Magazinë” me sipërfaqe 437 m2 me vendndodhje në Kordhocë, Gjirokastër;

– Pasuria e llojit “Magazinë” me sipërfaqe 98 m2 me vendndodhje në Kordhocë, Gjirokastër;

– Pasuria e llojit “Magazinë” me sipërfaqe 542 m2 me vendndodhje në Kordhocë, Gjirokastër;
– Pasuria e llojit “Vendroje” me sipërfaqe 5 m2 me vendndodhje në Kordhocë, Gjirokastër;

– Pasuria e llojit “Nyje betoni” me sipërfaqe 55 m2 me vendndodhje në Kordhocë, Gjirokastër;
– Pasuria e llojit “Vend afrimi i materialeve të ngurta” me sipërfaqe 424 m2 me vendndodhje në Kordhocë, Gjirokastër;

– Pasuria e llojit “Truall” me sipërfaqe 2224 m2 me vendndodhje në Kordhocë, Gjirokastër; dhe

– Pasuria e llojit “Truall” me sipërfaqe 1608 m2 me vendndodhje në Kordhocë, Gjirokastër;

Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, shpreh angazhimin e plotë për hetimin me prioritet të procedimeve pasurore si dhe për sekuestrimin/konfiskimin e pasurive në zbatim të ligjit Nr.10192, datë 03.12.2009 “Për Parandalimin dhe Goditjen e Krimit të Organizuar, Trafikimit dhe Korrupsionit nëpërmjet Masave Parandaluese Kundër Pasurisë”.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Gjirokastër, shpreh angazhimin e plotë për vijimin e hetimeve të grupveprave që lidhen me pasurimin e paligjshëm nëpërmjet marrjes së masave për sekuestrimin dhe konfiskimin e tyre.

The post Karburant, biznese, troje, banesa dhe magazina/ Nuk justifikoheshin nga burime të ligjshme, konfiskohen 3 mln euro pasuri të një personi në Gjirokastër appeared first on Albeu.com.

Vendimi i udhëheqësve të Bashkimit Evropian për të mbështetur Ukrainën me 90 miliardë euro është një garanci sigurie financiare për të gjithë në Ukrainë.

Kjo u theksua nga presidenti Volodymyr Zelensky në fjalimin e tij në video në mbrëmje, sipas Ukrinform.

“Po e përfundojmë këtë javë historike për Ukrainën – një javë të rëndësishme diplomatike. Rezultati kryesor është se kemi siguruar 90 miliardë euro për Ukrainën për dy vjet. Ky është rezultati kryesor i dhjetorit dhe, në shumë aspekte, një rezultat i rëndësishëm i të gjithë vitit. Evropa ka marrë një vendim pozitiv. Ne luftuam për këtë vendim për një kohë shumë të gjatë”, tha Zelensky.

Ai shprehu mirënjohje për të gjithë ata që ndihmuan në arritjen e kësaj.

Presidenti theksoi gjithashtu se “është e rëndësishme që asetet ruse të mbeten në Evropë dhe të mbeten të ngrira”.

Sipas tij, “Ukraina do të marrë të paktën 45 miliardë euro në vit gjatë dy viteve të ardhshme. Dhe këto fonde mund të shlyhen vetëm nga fondet ruse – Rusia duhet të paguajë për luftën e saj. 90 miliardë eurot janë një garanci shumë reale sigurie financiare për të gjithë në Ukrainë”.

Presidenti falënderoi udhëheqësit evropianë, përfshirë António Costa-n, Ursula von der Leyen-in dhe të gjithë udhëheqësit shtetërorë që mbështetën Ukrainën.

“Ne do të vazhdojmë të punojmë për të siguruar që të gjitha asetet ruse të drejtohen drejt mbrojtjes reale kundër luftës së Rusisë dhe drejt rindërtimit të shtetit tonë. Asete të tilla nuk ndodhen vetëm në Evropë – ne jemi në kontakt me çdo qeveri për këtë çështje. Kjo është një nga detyrat më të vështira – jo më pak e vështirë se sigurimi i armëve për Ukrainën. Por ne do ta zgjidhim edhe këtë. Fondet për rindërtim do të jenë të disponueshme”, tha kreu i shtetit.

Siç raportohet nga Ukrinform, Presidenti i Këshillit Evropian, António Costa njoftoi se udhëheqësit e BE-së ranë dakord për një paketë mbështetjeje për Ukrainën në vlerë prej 90 miliardë eurosh për vitet 2026-2027.

The post “Po e përfundojmë këtë javë historike”: Zelensky përshëndet paketën prej 90 miliardë eurosh të BE-së si “garanci sigurie financiare” për Ukrainën appeared first on Albeu.com.

Kreu i Partisë Demokratike, Sali Berisha, reagoi ashpër ndaj arrestimeve të bëra pas protestës së djeshme, duke i cilësuar ato si provokime dhe terror policor ndaj qytetarëve paqësorë.

Berisha kërkoi lirimin e menjëhershëm të protestuesve të ndaluar, mes të cilëve, sipas tij, janë edhe dy shtetas nga Kosova që ndodheshin në Shqipëri si turistë.

Ai paralajmëroi Policinë e Shtetit, të mos përdorë dhunë ndaj protestuesve dhe theksoi se çdo veprim represiv përbën shkelje të ligjit dhe përpjekje për kriminalizimin e protestës.

“Jam këtu për të denoncuar me forcën më të madhe provokacionet dhe terrorin policor ndaj disa të rinjve, të cilat nuk kanë kryer absolutisht as edhe aktin më të vogël të dhunës.

Janë ndaluar 10, nga të cilët 4 janë arrestuar. Erlis Sina, Artan Hysenaj, Albi Kryezoi, Xhejson Prendi. Dy prej tyre janë kosovarë, turistë të ardhur dhe janë arrestuar nga policia sapo kanë marrë vesh se janë kosovarë për të mundur me akuzuar edhe qytetarët e Kosovës për pjesëmarrje në protesta.

E vërteta është që këta të dy kanë ardhur si turistë. Kanë qenë këtu pas protestës. Kanë bërë foto. Njëri më tha, që jam djali i një luftëtari të UÇK, dhe unë e përqafova, bëra një foto me të. Tani këtë e kanë arrestuar.

Kërkoj lirimin e menjëhershëm të tyre dhe paralajmëroj policinë të mos prekë me dorë protestuesit se ata po luftojnë kundër hajdutëve të kombit, kriminelëve në detyrë.

Të mendohen mirë, të qëndrojmë më mirë me ligjin se me kriminelin, të lirojnë menjëherë personat e arrestuar”, deklaroi Berisha.

Nderkaq, kryedemokrati deklaroi se Ervin Salianji, ka kaluar linjat e kuqe dhe është vetëpërjashtuar, por tha ai, nuk ka asnjë vendim ndaj tij.

“Akoma mendja tek Salianji. Po ne këtu jemi për enciklopedinë e krimit që nuk është paraqitur kurrë. Po çfarë lidhje ka Salianji me këtë. Po Salianji ishte i burgosur politik kur u zhvilluan zgjedhjet. Çfarë do të thotë kjo?

Sot është një njeri që ka kaluar linjat e kuqe. E kam thënë kur i ka kaluar linjat e kuqe. Kemi ca linja të kuqe. Jo, nuk ka një vendim, ka vetpërjashtuar veten. Sa herë të pyesni, këtë përgjigje do merrni. Po i kalove linjat e kuqe, i kalon”, theksoi Berisha.

The post Berisha: Salianji i ka kaluar linjat e kuqe dhe është vetëpërjashtuar appeared first on Albeu.com.

Në një samit kritik në fillim të këtij muaji, udhëheqësit evropianë iu drejtuan një mjeti që do të dukej i paimagjinueshëm vetëm pak muaj më parë për të thyer një bllokim: lëshimin e borxhit të përbashkët të mbështetur nga buxheti i përbashkët për të mbajtur Ukrainën mbi ujë ndërsa lufta vazhdonte, shkruan euronews.

Truku? Ai anashkaloi nevojën për unanimitet midis shteteve anëtare, duke mbledhur ata që donin të punonin së bashku, ndërsa mbajti Hungarinë, Sllovakinë dhe Republikën Çeke jashtë marrëveshjes si kusht që ajo të ecë përpara.

Duke vepruar kështu, BE jo vetëm që arriti të siguronte 90 miliardë euro për Ukrainën për vitin 2026 dhe 2027 siç kishte premtuar, por gjithashtu tregoi një rrugë të re përpara – një rrugë ku kërkesa e unanimitetit nuk ka më nevojë të pengojë koalicionet e të vullnetshmëve.

Kjo është thjesht e jashtëzakonshme për një bashkim shpesh të kufizuar nga vendimmarrja unanime. Gjithashtu ndërton një temë që po fiton vrull në Bruksel: gjetja e alternativave për të anashkaluar vetot kombëtare, veçanërisht kur ushtrohet nga Hungaria, e cila e ka bërë të drejtën e vetos pjesën qendrore të politikës së saj të Brukselit kur bëhet fjalë për Ukrainën – nga financimi i saj deri te kandidatura e Kievit për t’u bashkuar me BE-në.

Për të emetuar borxh të përbashkët në 24 vende, duke anashkaluar Budapestin, Pragën dhe Bratislavën, BE-ja përmendi parimin e “bashkëpunimit të zgjeruar” siç parashikohet në traktatet e saj. Ky është vetëm ndryshimi i fundit ligjor që Brukseli ka përdorur për të thyer një bllokim.

Kohët e fundit, ajo përdori gjithashtu Nenin 122 të traktateve, të miratuar me shumicë të kualifikuar, për të mbajtur të bllokuara për një kohë të pacaktuar në BE asetet e ngrira ruse të mbajtura në Evropë.

Deri atëherë, asetet ishin mbajtur nën një regjim standard sanksionesh, i cili funksiononte me unanimitet dhe për këtë arsye varej nga sigurimi i një po nga Hungaria dhe Sllovakia.

Ndërsa Neni 122 është formuluar në traktate si një mjet me anë të të cilit do të adresoheshin krizat e rënda ekonomike, plani për ta përdorur atë për të zhbllokuar fondet për Ukrainën ishte qartë një mënyrë për të anashkaluar shtetet anëtare të pabindura.

Është një shembull tjetër i një strategjie që blloku po përdor gjithnjë e më shumë për të anashkaluar vetot për çështje ku ekziston një konsensus pothuajse i plotë, një qasje që po fillon të japë rezultate – por jo pa rreziqe.

“Ne shohim një angazhim të drejtpërdrejtë nga ana e udhëheqjes së BE-së për të anashkaluar vetot e mundshme që vijnë nga Hungaria dhe Sllovakia dhe për të vendosur vendime të rëndësishme në bazë të votimit me shumicë të kualifikuar”, tha për Euronews, Dániel Hegedus, një drejtor rajonal i Fondit Gjerman Marshall.

“Nga ana tjetër, nuk mendoj se kjo është e paprekshme. As ligjërisht dhe as politikisht”, shtoi ai.

Sipas një liste të përpiluar nga lektori i University College London, Michal Ovádek, që nga viti 2011, në BE janë ushtruar gjithsej 46 veto nga 15 shtete anëtare në 38 çështje.

Hungaria ka vënë veton ndaj propozimeve të BE-së më shumë se çdo shtet tjetër anëtar në historinë e kohëve të fundit, me një total prej 19.

Polonia renditet e dyta me shtatë veto, ndërsa Sllovakia, e cila gjithashtu ka qenë shpesh në titujt kryesorë në të gjithë Evropën për vendimet kontraverse të kryeministrit Robert Fico, ka bllokuar dy vendime, të dyja këtë vit.

Hungaria ka vënë veton ndaj një numri të konsiderueshëm deklaratash të përbashkëta të politikës së jashtme, por gjithashtu ka bllokuar propozime për t’i dhënë mbështetje konkrete Ukrainës dhe për të filluar bisedimet zyrtare të pranimit në BE me Kievin.

Rezultati është se shumica e deklaratave të BE-së që mbështesin Ukrainën janë lëshuar në emër të BE-26, duke përjashtuar Hungarinë. Kjo nuk e ndryshon faktin se të gjitha shtetet anëtare mund të vënë veton ndaj vendimeve që kërkojnë unanimitet për ndryshime të mëdha politike.

Mikuláš Dzurinda, kryetari i qendrës kërkimore Martens Centre dhe ish-kryeministër i Sllovakisë, i tha Euronews se udhëheqës si kancelari gjerman Friedrich Merz dhe presidenti francez Emmanuel Macron tani mbështesin ndryshimet në rregullat e votimit të bllokut.

Por çdo veprim i tillë do të kërkonte një ndryshim të traktatit, i cili ndoshta do të kundërshtohej nga Hungaria – dhe potencialisht edhe nga shtete të tjera anëtare. Megjithatë, meqenëse përdorimi sistematik i fuqisë së vetos ka paraqitur një problem për BE-në për vite me radhë, Brukseli tani po kërkon zgjidhje më krijuese.

Një diplomat i BE-së, i cili foli për Euronews në kushte anonimiteti, tha se Komisioni Evropian tani po strukturon qëllimisht propozimet e tij në mënyrë që të shmangë kërkesën për pëlqim unanim nga shtetet anëtare.

Një përpjekje për të anashkaluar veton e mundshme nga Sllovakia dhe Hungaria ndodhi në maj të këtij viti me prezantimin e planit të REpowerEU, një paketë e hartuar për të hequr gradualisht importet e karburanteve fosile ruse deri në vitin 2027.

Në vitin 2022, BE vendosi sanksione mbi importet e naftës ruse pas pushtimit të plotë të Ukrainës nga Moska, por Hungaria dhe Sllovakia morën përjashtime. Këtë herë, Komisioni Evropian ka vendosur të heqë gradualisht karburantet ruse plotësisht pavarësisht kundërshtimit të Budapestit dhe Bratislavës.

Për ta bërë këtë, blloku ka zgjedhur një strategji pa veto: vetë plani rrugor nuk është ligjërisht i detyrueshëm, por legjislacioni për uljen e importeve të naftës dhe gazit do të miratohet me shumicë të kualifikuar në Këshillin Evropian. Hungaria dhe Sllovakia do të jenë të detyruara të heqin dorë nga gazi rus kundër vullnetit të tyre.

Të dy vendet kanë sinjalizuar tashmë se do të padisin BE-në dhe do të kërkojnë që masa të anulohet.

“Kjo nuk është hera e parë që BE-ja ka riklasifikuar masa që nuk mund të fitojnë mbështetje të mjaftueshme për t’u përcaktuar si sanksione”, tha eksperti i së drejtës ndërkombëtare Tamás Lattmann.

“Kjo ka qenë në agjendë për vite me radhë: nëse masat nuk mund të vendosen në prokurimin e lëndëve të para ruse me regjime sanksionesh që nuk kanë konsensus, ato mund të riklasifikohen si tregti e jashtme ose diçka tjetër, dhe kjo bëhet një kompetencë e BE-së”, tha Lattmann për podkastin Pirkadat.

Një burim në Komisionin Evropian i tha Euronews se Evropa gjithashtu mund të anashkalojë kundërshtimin nga shtetet anëtare duke miratuar një model të ngjashëm me Koalicionin e të Gatshmëve, një grup vendesh me mendje të ngjashme të gatshme të mbështesin Ukrainën.

Ish-Presidenti i Bankës Qendrore Evropiane, Mario Draghi, një zë shumë me ndikim në debatin evropian, ka folur në favor të këtij modeli, duke e quajtur atë “federalizëm pragmatik”, pasi kushtet politike për një bashkim të vërtetë federal nuk ekzistojnë në BE për momentin.

BE-ja ka parë shumë shembuj se si vendet me të njëjtat mendime mund të përparojnë së bashku përmes bashkëpunimit vullnetar, midis tyre projekti Shengen dhe iniciativa të ndryshme në migrim dhe financë.

Kjo metodë është politikisht opsioni më i pranueshëm për vendet më të ngurra të bllokut, dhe BE-ja tashmë po vepron si një organizatë me shumë shpejtësi.

Modeli i Koalicionit të Gatishmërisë mund të zbatohet edhe për çështje përtej Ukrainës, duke u shtrirë në mbrojtje dhe financë. Kryetarja e Fondit Monetar Ndërkombëtar, Kristalina Georgieva, foli gjithashtu në favor të tij në një intervistë me Euronews, duke iu referuar atij si një format i dobishëm kur unanimiteti nuk mund të arrihet pavarësisht përpjekjeve me mirëbesim.

Një fushë ku shumica e kualifikuar mund të luajë një rol vendimtar është zgjerimi i BE-së.

Unanimiteti kërkohet gjithmonë për të miratuar fillimin e bisedimeve të pranimit dhe për të hapur çdo kapitull negociues. Në samitin e dhjetorit 2023, Orbán e hoqi veton e tij mbi bisedimet e pranimit të Ukrainës pasi la dhomën e udhëheqësve për një pushim, ndërsa shtetet e tjera anëtare e miratuan këtë veprim. Por që atëherë, ai ka bllokuar hapjen e kapitujve negociues, duke penguar bisedimet e pranimit.

Më parë këtë vit, Presidenti i Këshillit Evropian, António Costa propozoi ndryshimin e rregullave të zgjerimit për të përshpejtuar procesin, duke eliminuar vendimin unanim të kërkuar për secilin kapitull.

Por ndryshimet do të kishin kërkuar një ndryshim të traktatit, dhe kryeministri hungarez e hodhi poshtë shpejt idenë në samitin informal të Kopenhagenit në tetor.

Tani për tani, BE po përshpejton punën teknike mbi kapitujt negociues, duke synuar që pjesa më e madhe e punës të përfundojë sapo të jepet miratimi politik.

Komisionerja e Zgjerimit, Marta Kos i tha Euronews në samitin kryesor të BE-së se Ukraina është “teknikisht e gatshme” për të hapur grupet dhe se blloku duhet të jetë krijues në gjetjen e një zgjidhjeje për të.

Por siç është situata, nëse rregullat nuk ndryshohen ose Orbán nuk mund të bindet, përpjekja e Kievit për t’u afruar me BE-në do të mbetej në harresë.

Megjithatë, disa ekspertë paralajmërojnë se anashkalimi i shteteve anëtare kundërshtare në fusha të shumta të ndryshme mund të kthehet kundër BE-së.

Hungaria dhe Sllovakia kanë sinjalizuar tashmë se do të kundërshtojnë heqjen graduale të karburanteve ruse sipas kuadrit REPowerEU sapo të miratohet legjislacioni.

Komisioni përballet me të njëjtat rreziqe në lidhje me përdorimin e Nenit 122 për të zgjatur ngrirjen e aseteve ruse; sipas Hegedűs, Hungaria ka një shans për të fituar këto dosje.

“Sigurisht, ne e dimë se një vendim mund të pritet brenda 18 deri në 24 muajsh, dhe praktikisht, ne duhet të mbijetojmë dy muajt e ardhshëm. Pra, është një problem afatgjatë, praktikisht po e prish kanaçen”, tha Hegedűs.

Megjithatë, anashkalimi i unanimitetit mund të paraqesë probleme të tjera. Dhe nuk është e qartë nëse të gjitha shtetet anëtare do të donin të shihnin fuqinë e vetos të gërryer me kalimin e kohës, pasi shpesh shihet si mjeti i fundit për të mbrojtur interesat kombëtare.

Të gjitha shtetet anëtare në një moment kanë kërcënuar të përdorin veton e tyre në Këshill. Gjithashtu shërben si një barazues midis shteteve anëtare më të vogla dhe më të mëdha, pasi siguron që anëtarët e çdo madhësie të caktuar të kenë fuqi të barabartë rreth tryezës së negociatave.

“Një fuqi vetoje është vija e fundit e mbrojtjes së interesave jetësore. Çdo rast anashkalimi ka çuar në një sërë problemesh të reja, shpesh në mosfunksionimin ose diskreditimin e vetë sistemit”, tha Lattmann.

The post BE-ja dëshiron t’i japë fund epokës së vetos kombëtare – por është e komplikuar appeared first on Albeu.com.