PD pretendon se Isai ka vepruar si “kryetar bashkie-ushtar” i PS-së, duke ndikuar te votuesit përmes takimeve dhe regjistrimeve në Regjistrin e Emigrantëve (PER), në mënyrë të përsëritur dhe që prej janarit 2025.

Partia Demokratike ka depozituar një ankesë pranë Komisionit Qendror të Zgjedhjeve kundër kryebashkiakut të Kolonjës, Erion Isai, duke e akuzuar për përdorim të funksionit publik në funksion të fushatës së Partisë Socialiste. Në ankesë, PD thekson se Erion Isai ka shkelur ligjin duke përfshirë pushtetin vendor në fushatë politike dhe duke promovuar kandidatët e PS-së për zgjedhjet parlamentare. Sipas PD-së, kjo përbën shkelje të Kodit Zgjedhor dhe Kodit Penal dhe paraqet një precedent të rrezikshëm të pandëshkueshmërisë. PD kërkon nga KQZ marrjen e masave për ndalimin e veprimtarive të tilla dhe ndëshkimin e zyrtarëve që përdorin postin publik për qëllime elektorale.

Pjesë nga ankimi i PD në KQZ:

Partia Demokratike – Koalicioni PD-ASHM ka marrë dijeni se subjekti i këtij denoncimi ka realizuar takime në Athinë, Volos, Agia dhe Larisa, Greqi me shqiptarët që jetojnë atje. Subjekti ka publikuar në rrjetin e tij social Facebook foto nga takimet me zgjedhësit, në të cilat vibet re se, me krenari, pa asnjë përgjegjësi ligjore dhe morale për funksionin që kryen në pushtetin vendor, me të njëjtën arrogancë dhe krenari siç është shprehur dhe në seancën publike të zhvilluar para jush Z.Komisioner. ka treguar me krenari mbështetjen në këtë fushatë elektorale për Partinë Socialiste.

Konkretisht, në datën 15 Shkurt 2025, subjekti ka qenë në Volos, Greqi, në takim me një familje shqiptare në shtëpinë e tyre, dhe në këtë postim ai ka përdorur hashtag #Partia Socialiste. Duke parë me anë të veprimeve të tij mbështetjen e madhe për Partinë Socialiste në këto zgjedhje, ne kemi bindjen përtej çdo dyshimi të arsyeshëm se Erion Isai ka përdorur pushtetin e tij si kryetar bashkie për të ndikuar në bindjen politike të kësaj familjeje. Si mund të shpjegohet ndryshe ky takim në shtëpinë e zgjedhësve dhe përdorimi i këtyre simboleve, hashtageve?

Sjellim në vëmendjen tuaj faktin se ju 2. Komisioner simbole të tilla si #vetemperpara ose #shqiperia2030 i këni cilësuar jo partiake, jo për qëllime politike dhe elektorale por si simbole të zakonshme që nuk kanë lidhje me politikën dhe që nuk lidhen me asnjë forcë politike. Në këtë kuadër, po në këtë rast si do të interpretohen nga ju Z.Komisioner këto simbole dhe hashtag? A do t’i konsideroni se janë me natyrë dhe përmbajtje politike? A do t’i konsideroni këto simbole se subjekti në fjalë i ka përdorur me qëllimin e qartë për të treguar mbështetjen për Partinë Socialiste?

Si mund të kundërshtohet dyshimi jonë se ky takim në shtëpinë e zgjedhësve dhe me këto mbishkrime nuk është politik dhe nuk lidhet me zgjedhjet e 11 Majit? Mbi ç’bazë ligjore dhe argumentash mund të justifikohet këtë herë ky takim? Duket qartë se ky takim ka patur në fokus thirrjen dhe bindjen e zgjedhësve shqiptarë jashtë Shqipërisë për të votuar Partinë Socialiste. Këtë detyrë e ka ushtruar me së miri Erion Isai, i cili ka shërbyer si “kryetar bashkie ushtar” për Partinë Socialiste dhe ka kryer fushatë politike që nga muaji Janar 2025 dhe vazhdon ende.

Në datën 24 Shkurt 2025, Erion Isai ka zhvilluar një takim në Athinë, me shqiptarët që jetojnë atje. Mbishkrimi i tij në foto është “voto nga shtepia…”. Nuk mund të pretendojmë se ky shkrim nuk ka përmbajtje politike dhe që nuk lidhet me zgjedhjet e datës 11 Maj. Edhe këtë herë, roli i Erion Isait ka qenë ndikimi te zgjedhësit për të votuar Partinë Socialiste..

Në datën 1 Mars ka postuar foto me shkrimin “Nje kafe me disa familje nga Kolonja qe jetojne dhe punojne ne Londer. Ditet e fundit te regjistrimeve vijojme te shtojme patriotet tane ne shkundjen e mandatit te 4-1 ge po vjen”. Ju lutem, të na shpjegohet dhe ne çfarë kuptimi ka kjo fjali, nëse nuk ka lidhje me zgjedhjet e 11 Majit dhe me mbështetjen e Partisë Socialiste. Çfarë kuptimi ka sipas jush shprehja “vijojme te shtojme patriotet tane”? A nuk nënkupton dhe për ju, atë që nënkupton dhe për ne, që është ndikimi në bindjen politike dhe regjistrimi në PER i zgjedhësve? Si po i shton Erion Isai patriotët? Po shprehja “ne shkundjen e mandatit te 4-f” çfarë kuptimi ka për ju? A ka kjo shprehje. edhe për ju kuptimin që ka për ne, që është shkundja/fitimi i mandatit të 4-rt të Partisë Socialiste? Në dijeninë tone, jemi në prag zgjedhjesh për Kuvend dhe mandati i katërt referohet si mbështetje për Partinë Socialiste.

Një postim tjetër i Kryetarit të Bashkisë Kolonjë, i cili prej muajsh ka harruar detyrën e cila i është besuar dhe për të cilën paguhet, është një takim në Mollas, me strukturat e PS. Fotoja shoqërohet me shkrimin “Mollas/ me strukturat e PS per te nisur vrullin e perbashket per ti sjelle Partise Socialiste 7 mandate nga Qarku Korce, e per te mos ndalur ne vrapin qe vetem Edi Rama dhe (trendafili) di te

beje per Shqiperine drejt Bashkimit Europian. Teks sa”. Nga ky shkrim kuptojmë se Erion Isai është angazhuar në fushatë politike në mënyrë serioze dhe duket se nuk e tremb as ligji dhe as pasojat e tij. Fjalia “Per ti sjelle Partise Socialiste 7 mandate nga Qarku Korce” nënkupton se subjekti është angazhuar në veprimtari që lidhen me mbështetjen dhe promovimin e kandidatëve për deputet për Qarkun Korçë. Në këtë kontekst, a lejohet angazhimi në veprimtari politike dhe në mbështetje të kandidatëve për deputet nga një funksionar i pushtetit vendor? Vendosja e shenjës së dorës jo rastësisht, përkon të jetë numri 5 që Partia Socialiste do të ketë në fletën e votimit. Edhe për këtë rast, ne kemi bindjen e plotë se jo vetëm postimi por edhe gjithë veprimtaria e Erion Isai lidhet ngushtë me zgjedhjet e 11 Majit dhe mbështetjen e Partisë Socialiste.

Në një postim tjetër, Erion Isai ka shpërndarë foto të një takimi të Kryeministrit që ka realizuar në Athinë me zgjedhësit. Shkrimi krah fotos është “Miremengjes me atmosferen dje qe Shqiptaret e Athines i perseriten Edi Rama dhe Partia Socialiste Mandati i katert eshte autostrada e shpejtesise drejt Bashkimit Europian” Citimi në cdo postim i Edi Ramës, Partisë Socialiste dhe mandatit të katërt nuk mund të jetë një rastësi. Të gjitha aktivitetet në të cilat Erion Isai ka marrë pjesë duke treguar mbështetjen dhe favorizimin për Partinë Socialiste, ndërkohë që është në detyrë në cilësinë e kryetarit të Bashkisë Kolonjë, njëkohësisht punonjës i administratës vendore, tregon se ligjet në vendin tonë nuk zbatohen dhe sa kohë partia në pushtet të kontrollojë institucionet, persona të tillë si Erion Isai do të vazhdojnë të shpërdorojnë detyrën dhe të mos ndëshkohen.

Në një postim, subjekti i këtij denoncimi ndër të tjera, ku përmend Edi Ramën dhe Partinë Socialiste, ka shkruar “ma shton pergjegjesine per ti sjelle ne 11 maj nje rezultat edhe me spektakolar”. A ka ndonjë kuptim tjetër kjo shprehje, përveç se Erion Isai ka punuar dhe vazhdon të punojë për të mbështetur hapur Partinë Socialiste dhe fitoren e saj në zgjedhjet e 11 Majit? Çfarë përgjegjësie ligjore dhe në cilin ligj/nen parashikohet se kryetari i bashkisë, punonjësi i pushtetit vendor dhe i administratës publike, ka ndonjë detyrim për t’i sjellë vota, mbështetje dhe rezulatat një partie politike të caktuar në zgjedhjet për Kuvend?

Në 20 Mars, Erion Isai ka shoqëruar në një takim Niko Peleshin, i cili është i angazhuar në detyrë pranë Byrosë së Kuvendit, Komisionit për Politikën e Jashtme dhe Sekretariatit për Marrëdhëniet me Jashtë për Partinë Socialiste, njëkohësisht kandidat për deputet. Madje në foto duket Erion Isai duke folur me mikrofon para zgjedhësve. Ne dyshojmë se edhe në këtë veprimtari, Erion Isai është duke u përdorur për qëllime politike dhe duke ushtruar ndikimin e tij te zgjedhësit, në kundërshtim me ligjin.

Në datën 20 Mars, Erion Isai ka publikuar një postim në të cilin shkruan “Ne 30 mars ju pres migte e shoket tane Kolonjare! Shihemi ne 29 Mars ne takime te vogla se bashku, dhe ne 30 mars me Edi Ramen”. Subjekti ka vendosur foton e cila tregon numrin 5 që PS do të mbajë në fletën e votimit. Edhe në këtë rast, Erion Isai tregon se po punon dhe mbështet një parti politike të caktuar, gjë e cila bie në kundërshtim me ligjin.

Për të gjitha sa më sipër, ne kemi bindjen e plotë përtej çdo dyshimi të arsyeshëm i cili mund të vërtetojë të kundërtën, se Erion Isai është i angazhuar në veprimtari politike dhe elektorale në mbështetje të Partisë Socialiste dhe të kandidatëve të saj për deputet për Qarkun Korçë, apo këdo kandidat tjetër të kësaj partie. Erion Isai ka disa muaj që vepron në shkelje të hapur dhe të rëndë të ligjit, duke takuar, regjistruar në PER dhe duke ndikuar te bindja politike e zgjedhësve që nga muaji Janar 2025 me takimet e tij në Shba, Kanada, Itali, Greqi dhe në qytete në Shqipëri.

Për ne është e rëndësishme të theksojmë se, sjellja e përsëritur e Erion Isait është kthyer në një fenomen, në një precedent të rrezikshëm të shkeljes së ligjit dhe pandëshkueshmërisë së tij nga institucionet përkatëse. Ne denoncojmë përfshirjen e pushtetit vendor në veprimtari politike dhe në mbështetje të një partie të caktuar, e cila është në kundërshtim me Kodin Zgjedhor dhe mbi të gjitha me Kodin Penal.

The post “Përdor postin publik në funksion të fushatës së PS-së”/ PD ankohet në KQZ për kryebashkiakun e Kolonjës, Erion Isai appeared first on Sot News | Lajme.

Gjyshja dhe babai shfrytëzonin djalin e mitur për para në Tik-Tok, Gjykata e Beratit dënoi sot me 3 vite e 6 muaj burg babain Armando Kumaraku dhe me 2 vjet e 3 muaj burg Natasha Rombula. Gjithashtu babait i hiqet edhe e drejta e prindërimit.

Ngjarja e bujshme, që tronditi mbarë opinionin publik, pasi gjyshja dhe babai shfrytëzonin për muaj me radhë nipin 10-vjeç në Tik-Tok, duke përfituar vlera monetare, mori fund ligjërisht sot në Gjykatën e Shkallës së Parë të Jurisdiksionit të Përgjithshëm Berat, që sot dha edhe dënimin për ta. Gjykata e Beratit dënoi me 3 vite e 6 muaj burg babain Armando Kumaraku dhe me 2 vjet e 3 muaj burg gjyshen Natasha Rombula.

Këtij vendimi, gjyqtarja Lumturi Zhupa,i ka shtuar edhe dënimin plotësues të kërkuar nga organi i akuzës, duke i hequr shtetasit Armando Kumaraku të drejtën e prindërimit mbi djalin e tij 10-vjeç.

The post Shfrytëzonin 10-vjeçarin për klikime në Tik Tok/ Dënohen me burgim gjyshja dhe babai, këtij të fundit i hiqet e… appeared first on Sot News | Lajme.

Prej një jave pa kontakte me djalin e tij në Gjermani, babai denoncon në Komisariatin e Mirditës dhe kërkon ndihmën policore për gjetjen. Një 65-vjeçar me inicialet N.K., banues në qytetin verior, ka depozituar një kallëzim për humbjen e të birit E.K., 30 vjeç, prej gjashtë ditësh.

Burime zyrtare njoftuan sot (11 prill) se i moshuari ka rrëfyer gjatë denoncimit të tij se i kishte humbur kontaktet me djalin, i cili ka emigruar në Gjermani që prej muajit tetor të vitit të kaluar (2024). Prej gjashtë ditësh ai nuk ka kryer asnjë telefonatë me familjarët, edhe pse këta të fundit janë përpjekur vazhdimisht që ta gjejnë, edhe nëpërmjet të njohurve apo personave që kanë dijeni.

“Në Komisariatin e Policisë Mirditë, ka kallëzuar shtetasi N. K., 65 vjeç, banues në Mirditë, se që prej datës 05.04.2025, ka humbur kontaktet me djalin e tij, shtetasin E. K., 30 vjeç, i cili ndodhej në Gjermani, që prej muajit tetor 2024”, bëri me dije policia vendore. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

The post “Gjashtë ditë pa kontakte”/ Babai 65-vjeçar, denoncon humbjen e djalit në Gjermani: Nuk kemi asnje informacion appeared first on Sot News | Lajme.

Një 59-vjeçar ka bërë kallëzim në Policinë e Tiranës. Ai ka deklarua se i biri është larguar nga banesa më 10 prill dhe nuk është kthyer.

Policia bëri shpalljen në kërkim të këtij shtetasi dhe po punohet për gjetjen e 21-vjeçarit.

The post “Kam humbur kontaktet me djalin”/ Babai bën kallëzimin në policinë e Shkodrës appeared first on Sot News | Lajme.

Një 27-vjeçar rezulton i zhdukur që prej pasdites së të dielës, kur vendi u përfshi nga reshje të pazakonta bore. Ajet Lleshi nga fshati Kishaj i Hasit ishte nisur drejt malit të Pashtrikut për për të prerë dru, në pyll që prej mëngjesit të djeshëm, por rreth orës 17:00 familjarët e tij denoncuan se kishin humbur kontaktet me të.

Në këto kushte, babai i të riut bashkë me tre xhaxhallarët e tij kanë dalë në mal për ta kërkuar, por janë ndarë në drejtime të ndryshme dhe që prej orës 2 të mëngjesit familja ka humbur kontaktet edhe me babain e 27-vjeçarit.

Menjëherë pas njoftimit, shërbimet e Policisë kanë nisur kërkimet në zonë, në bashkëpunim me Emergjencat Civile dhe banorë të fshatit. Në ndihmë të tyre për kërkime ka ardhur edhe një helikopteri i Forcave të Armatosura, por pa rezultat.

The post Doli për të kërkuar djalin që ‘u zhduk’ mes dëborës në Has, humb gjurmët edhe babai appeared first on Sot News | Lajme.

Një kompani e vogël kineze trazoi këtë javë mbarë sektorin e teknologjisë me njoftimin se ka prodhuar një sistem cilësor të inteligjencës artificiale me më pak fuqi kompjuterike dhe kosto shumë më të ulët se ajo e kompanive të mëdha amerikane.

Deri më tani, kompanitë e mëdha amerikane kanë udhëhequr në garën globale për krijimin e sistemit më të avancuar të inteligjencës artificiale. Ato mbështeten tek qendrat gjigante të të dhënave dhe mikroqarqet më të fundit. Dhe ata thonë se kanë nevojë për më shumë para – për të paguar për më shumë energji dhe mikroqarqe më të fuqishëm.

Tani hyn në skenë kompania DeepSeek. Kompania e re kineze ka krijuar një sistem të inteligjencës artificiale që përputhet me rezultatet e atyre të prodhuara në Shtetet e Bashkuara.

Por DeepSeek thotë se krahasuar me kompanitë amerikane, ajo shpenzoi shumë më pak para dhe përdori më pak fuqi kompjuterike për të prodhuar sistemin e saj.

Pasojat e këtij njoftimi u ndjenë nga të gjitha kompanitë amerikane të teknologjisë. Aplikacioni i kompanisë kineze DeepSeek u ngjit në vendin e parë në klasifikimin e aplikacioneve të kompanisë Apple. Çmimet e aksioneve të firmave të teknologjisë amerikane ranë. Dhe kjo u vu re edhe në Uashington, ndërsa Shtetet e Bashkuara gjenden në një garë të ashpër me Kinën për inteligjencën artificiale.

“Prezantimi i inteligjencës artificiale nga kompania kineze DeepSeek duhet të jetë një thirrje alarmi për industritë tona, se duhet të jemi të përqendruar maksimalisht për të konkurruar për të fituar”, tha Presidenti i Shteteve të Bashkuara, Donald Trump.

Shtetet e Bashkuara kanë vendosur kontrolle të ashpra të eksportit për të ndaluar hyrjen në Kinë të mikroqarqeve të nivelit më të lartë. Kompania DeepSeek pretendon se puna në kushtet e kufizimeve, e ndihmoi të gjente zgjidhje më të lira.

“Është një risi me kosto të ulët dhe kursimtare, që është shumë më e shpejtë dhe shumë më pak e kushtueshme. Si e tillë, ka potencialin për të zënë vend shumë më gjerë”, thotë profesori Olaf Groth, nga Universiteti i Kalifornisë në Berkeley.

Arritja e kompanisë kineze DeepSeek u ndje ndër kompanitë amerikane të teknologjisë edhe në një aspekt tjetër – fakti që mbështetet në teknologjinë me burim të hapur, e cila shpërndahet dhe përdoret nga programuesit nëpër firma dhe vende të ndryshme.

Kjo është një përqasje e ndryshme nga ajo e kompanive të mëdha të inteligjencës artificiale, siç është OpenAI, Microsoft dhe Google, të cilat e mbajnë sekret punën e tyre.

Por dy vite më parë, Meta, kompania mëmë e platformës Facebook, publikoi kodin për programin e saj për inteligjencën artificiale, Llama, në mënyrë që të përdoret edhe nga palë të tjera.

Kompania kineze DeepSeek përdori programin Llama për të trajnuar modelet e saj të inteligjencës artificiale dhe më pas e bëri të disponueshme teknologjinë e saj për komunitetin që punon me materialet me burime të hapura.

“Komuniteti që punon me burimet e hapura beson me forcë se burimi i hapur është një mënyrë shumë e nevojshme, sepse demokratizon, si të thuash, krijimin dhe përdorimin e inteligjencës artificiale me kosto më të ulëta”, thotë profesori Groth.

Disa vëzhgues thonë se futja në garë e kompanisë kineze DeepSeek vë në pikëpyetje efektivitetin e politikave të deritanishme amerikane për inteligjencën artificiale. Presidenti Donald Trump ka thënë se do ta bëjë inteligjencën artificiale një përparësi./VOA

The post Aplikacioni kinez ‘DeepSeek’ trazon garën për inteligjencën artificiale, sfidon ‘OpenAI’ appeared first on Sot News | Lajme.

Policia e Beratit arrestoi me 23 nëntor të vitit 2024 një 56-vjeçar pasi dyshohet se shiste vaj ulliri të reklamuar si bio, ndërsa në realitet produkti ishte i një cilësie të ulët. Po në atë kohë policia shpalli në kërkim djalin e tij, shtetasin D. A., 29 vjeç, për përfshirje në këtë aktivitet të paligjshëm.

Këtë të shtunë të 18 janarit 2025 policia arriti të arrestonte dhe 29-vjeçarin D.A., ndërsa babë e bir, banues në fshatin Tapi, Kuçovë, akuzohen për veprat penale “Fshehja e të ardhurave” dhe “Mashtrimi me produktet ushqimore”, kryer në bashkëpunim. Ky shtetas ishte shpallur në kërkim në kuadër të operacionit policor të koduar “Oil”, për veprat penale “Fshehja e të ardhurave”, “Mashtrimi me produktet ushqimore”, kryer në bashkëpunim.

Babë e bir përfunduan në pranga pas denoncimit të marrë nga gazetarët e një emisioni investigativ pasi dyshohet se kishin përshtatur një ambient në banesën e tyre ku përgatisnin përzierje të vajrave të ndryshëm dhe produkteve të panjohura, më pas i reklamonin dhe i shisnin si “Vaj Ulliri Bio Jugu”.

The post Reklamonin vaj ulliri bio dhe shisnin përzierje, pas babait e pëson keq edhe i biri appeared first on Sot News | Lajme.

Pasi Prokuroria Themelore e Prishtinës dha aktakuzën për vrasjen e Liridona Ademajt, vëllai i saj ka kërkuar dënim maksimal për Naim Murselin, si dhe personat e tjerë të akuzuar. Gjatë një interviste, Leonard Ademaj kërkoi dënim të përjetshëm për tre të akuzuarit.

Vëllai i Liridonës tregoi se dy fëmijët e mitur ndodhen në Suedi nën kujdesen e shërbimit social, Ai tregoi edhe bisedën e parë që zhvilloi pas ngjarjes me nipin, i cili ishte i pranishëm gjatë ngjarjes. Djali kishte thënë se kishin rënë pre e një grabitjeje dhe kisha pasur disa të holla në dorë.

“Ishte një aktakuzë e ngritur nga ana e Prokurorisë, ne duam që gjykata të marrë masat e duhura dhe dënimi të jetë kapital. Ne akoma nuk e kemi në dorë dosjen e prokurorisë, pasi ta shohim mund të flasim më gjerësisht për këtë çështje.

Aktakuzën e kemi parë vetëm në sipërfaqe, e kemi pritur, por nuk e kemi parë në detaje. Ne presim që gjykata ta marrë në dorë sa më shpejt. Si familje kërkojmë dënim kapita, si familje si shoqëri dhe mbarë Kosova. Sadopak është lehtësuar dhimbja me ngritjen e aktakuzës, por shpresoj të lehtësohet më shumë kur të jepet dënimi i merituar. Plani është përgatitur më një tryezë të tre bashkë. Gjithçka është planifikuar në bashkëpunim, të gjithë e dinin se çfarë po bëjnë.

Në si familje në momentin e arrestimit ishim në shtëpi, na shkoi në mendje arsye financiare, probleme në familje nuk na ishin shfaqur ne si familje. Liridona ishte kthyer të jetonte në Kosovë dhe pastaj ndodhi akti. Gjendjen ekonomike e kishin të mirë, nuk kemi parë diçka që shkonte keq financiarisht, kalonin shumë mirë së bashku nuk kishim dalluar diçka.

Me familjen e Naimit nuk kemi asnjë marrëdhënie. Fëmijët po kujdeset shteti social në Suedi, duhet t’i falënderoj. Gjendjen shëndetësore e kanë të mirë por jo psikologjike, ju mungon shumë nëna, e kërkojnë çdo ditë dhe kjo na brengos më shumë. Janë shumë të tronditur që nga ajo natë që ka ndodhur ngjarja. E kam pyetur djalin e vogël, dajë çfarë ndodhi? Më tha dajë na dolën hajnat dhe ishte moment i sikletshëm për mua. Kishte disa të holla në dorë dhe tha dajë nuk ia dhashë”-u shpreh vëllai i së ndjerës.

The post “Dajë, kisha para, nuk ia dhashë hajdutit”/ Vëllai i Liridona Ademajt rrëfen bisedën me nipin: Çfarë pa vendngjarje appeared first on Sot News | Lajme.

Conor Maynard ka kërkuar ndihmë në rrjete sociale për të luftuar ankthin pas disa tensioneve me ish-partneren e tij, Charlotte Chilton dhe pas lindjes së vajzës së tyre Penelope. Maynard, bëri një postim emocional në Instagram, duke ndarë shqetësimet për shëndetin e tij mendor dhe pasigurinë për përdorimin e ilaçeve për ankthin.
Ai shkroi: “A ka dikush këtu që ka përdorur Diazepam dhe ka qenë shumë i shqetësuar për ta marrë? Ju lutem, kontaktoni nëse keni kaluar nëpër këtë”. Ky postim ishte i pari i tij pas një periudhe heshtjeje prej një muaji dhe ai kërkoi ndihmë për të përballuar ankthin që po kalonte.

Ndërkohë, tensionet me Chilton, janë thelluar, pasi ajo ka pretenduar se Maynard nuk ka treguar interes për vajzën e tij të porsalindur, Penelope, e cila erdhi në jetë në shtator pas një qëndrimi një nate me këngëtarin.

Chilton ka pohuar se Maynard nuk ka kontaktuar që kur ajo ishte shtatzënë dhe se ai ende nuk ka kërkuar të takohet me vajzën e tij. Chilton ka folur edhe për vështirësitë emocionale që ka kaluar pas lindjes, duke thënë se ka pasur ditë të vështira, ku vajza e saj duket shumë si babai i saj.
Ajo e ka lënë të hapur mundësinë që, në të ardhmen, Penelope mund të vendosë vetë nëse do të ketë kontakt me Maynard, duke thënë se ky do të jetë vendimi i vajzës, kur të rritet.

The post Çfarë i ndodhi? Këngëtari i njohur kërkon ndihmë në rrjete sociale, ja arsyeja appeared first on Sot News | Lajme.

Autoritetet e Dubait kanë kërkuar informacion në Policinë e Shtetit në lidhje me ish-anëtarin e Bandës së Durrësit, Indrit Dokle.

Por teksa kanë kërkuar informacion, autoritetet e Dubait nuk kanë konfirmuar një arrestim të tij.

Sipas burimeve nga Policia e Shtetit, kërkimi i informacionit për shtetas shqiptar që janë në Dubai është proces rutinë dhe i vazhdueshëm.

Indrit Dokle është në kërkim në kuadër të dosjes Metamorfoza pasi kishte bërë një aleancë me Durim Bamin për vrasjen e deputetit socialist, Arben Ndoka.

Deri më tani nga Dubai janë deportuar në Shqipëri, Plaurent Dervishaj dhe Julian Meçe mbi arsye ende të paqarta.

The post Do eleminonte deputetin socialist Arben Ndoka, autoritetet e Dubait kërkojnë informacion për Indrit Doklen appeared first on Sot News | Lajme.

Kryeministri Edi Rama tha në konferencën e fundvitit me gazetarët se po punohet për kryerjen me Inteligjencën Artificiale të të gjithë procesit të integrimit në BE në aspektin legjislativ. Rama u shpreh se jemi në fazën që po përgatisim modelin e prokurimeve me inteligjencë artificiale.

“Aktualisht që flasim jemi në kushtet kur me Inteligjencën Artificiale ne po punojmë për transferimin e gjithë trupit ligjor të BE në trupin ligjor të Shqipërisë, që do të thotë kryerje e gjithë procesit të integrimit në aspektin legjislativ, për të cilat vendet e tjera. Ne këtë kohë e bëjmë 90% me inteligjencë artificiale. Jemi në fazën që po përgatisim modelin e prokurimeve me inteligjencë artificiale. Edhe për këtë do jemi avangardë. Të vendosim teknologjinë si një armë për të përmirësuar proceset më të thella sesa dhënia e shërbimeve që tani e kemi bëre.

Hapin e parë që hodhëm me krijimin e një institucioni të ri të prokurimeve të një operatori që bën prokurimet për të gjitha ministritë dhe institucionet qendrore, sepse lajmi nuk ka dalë sic duhet të dilte. Nuk bëhen me tendera në ministri dhe operatori që është krijuar këtë vit dhe që është futur në funksion do të marrë volumin e prokurimeve dhe do të shpëtojmë me të gjitha lojërat që bëjnë. Sepse nuk do jetë me objektivisht e mundur që të bëhen copë njerëz për të tundur letra që për shumë kënd janë arabisht jo shqip, në kuptimin e procedurave”, tha Rama.

Kreu i qeverisë foli gjithashtu edhe për digjitalizimin e Kadastrës ku tha se për këtë janë angazhuar fonde të veçanta, pasi sipas tij është punë komplekse dhe kërkon shumë staf.

“Tumori i Shqipërisë ka qenë korrupsioni endemik në çdo hap për çdo gjë, çdo dokument. Sot panorama është tjetër. Ka mbetur vetëm një gur i fundit i këtij mozaiku për ta mbyllur periudhën otomane të transaksioneve të qytetarit me shtetin, që është përfundimi i projektit të futjes së kadastrës në këtë sistem të teknologjisë.  Kemi angazhuar fonde të veçanta, sepse është punë komplekse dhe kërkon shumë njerëz që të vihen në dispozicion”, tha Rama.

The post Integrimi në BE, Rama: Procesi në aspektin legjislativ dhe prokurimet do të kryhen me Inteligjencën Artificiale appeared first on Sot News | Lajme.

I shpallur në kërkim ndërkombëtar nga SPAK, Durim Bami vijon të mbahet i arrestuar në Dubai prej më shumë se një muaji e gjysmë teksa po zhvillon një betejë të fortë me autoritetet atje me qëllim pengimin e ekstradimit. Përmes avokatëve, ai ka marrë dosjen e SPAK në të cilën rezulton edhe si i dyshuar për kryerjen e veprave penale, por edhe në shënjestër të grupeve kriminale.

Beteja e tij me drejtësinë atje pritet të jetë e fortë, për shkak se Durim Bami rrezikon dëbimin, sikurse ndodhi me Plarent Dervishajn, i cili pas vitesh qëndrimi i strehuar në Dubai, u deportua në Shqipëri. Sipas gazetares Klodiana Lala, më datë 24 dhjetor është planifikuar të zhvillohet seanca e radhës ku edhe do të vendoset për fatin e Bamit.

Ai akuzohet nga SPAK për krijim të kushteve për të kryer vrasje si dhe grup kriminal. Gjithashtu, ai kërkohej me çdo kusht nga grupi i drejtuar nga ish-deputeti spcialist Arben Ndoka për tu vrarë, pasi ai e dyshonte për ekzekutimin e vëllait Aleksandër Ndoka.

The post Durim Bami para gjykatës në Dubai, pritet vendimi për ekstradimin në Shqipëri appeared first on Sot News | Lajme.

Një grua kosovare dyshohet se është sulmuar fizikisht nga bashkëshorti i saj dje në Prishtinë.

Pas incidentit situata raporton Policia e Kosovës u përshkallëzua, meqë edhe djali i çiftit është përleshur me babain e tij.

Të gjithë të lënduarit kanë marrë trajtim mjekësor për lëndimet e pësuara.

Sipas vendimit të prokurorit, bashkëshorti i dyshuar është arrestuar dhe dërguar në mbajtje, ndërsa djali është liruar në procedurë të rregullt.

”Viktima femër kosovare dyshohet se është sulmuar fizikisht nga bashkëshorti i saj i dyshuari mashkull kosovar, dhe pas kësaj djali i saj i dyshuari mashkull kosovar është përleshur fizikisht me babain e tij. Të gjithë të lënduarit kanë pranuar tretman mjekësor. Me vendim të prokurorit bashkëshorti i viktimës është arrestuar dhe dërguar në mbajtje, ndërsa djali i saj është liruar në procedurë të rregullt”.

The post Dhuna në familje degjeneron në përleshje midis anëtarëve, babai i rreh nënën, djali rreh babain appeared first on Sot News | Lajme.

Për herë të parë, babai i minorenit që dyshohet se vrau me thikë Martin Canin ka folur në një intervistë. Ai u shpreh se dhimbjen e ndan përgjysmë me familjen e viktimës, ndërsa thotë se është duke tentuar që të ketë një komunikim me familjen Cani.

“Nuk kam folur jam duke tentuar. Nuk keni pse ndërhyni, kam aq burrni dhe karakter dhe shpirt sa për të folur me familjen e tij. Nuk i kam bërë keq kurrë. Nuk jam një familje ordinerësh, por një familje e lartë, punojmë bashkë me nusen, kemi një djalë për mall dhe atë u munduam ta rrisim siç duhet ta rrisim, por normalisht çdo gjë …. nuk di çfarë të them tjetër…. familjen time nuk mund ta prishë kush. Familja ime ka vepra. Pjesën e dhimbjes e ndaj me zotërinë, sikur me pas vdekur djali im”, tha ai.

Ndër të tjera ai u shpreh se nuk ka pasur dijeni për sherrin që fëmijët kanë pasur më herët në shkollë.

“Nuk di asgjë, thjeshtë di që djali im akuzohet për atë pjesë… Nuk di asgjë. Po të dihej nuk do kishte ndodhur kjo gjë…. Një djalë për mall kam… Unë nuk kam fjalë për të thënë, nuk di fjalë me gjet për ngushëllime për familjen që i ka ndodhur tragjedia. Spekulimet e njerëzve nuk më interesojnë…. Por të spekulohet për një 14-vjeçar që nuk e di se çfarë është jeta, çfarë është sherri, çfarë ka bërë, nuk di gjë se çfarë ka bërë, inshallah se ka bërë, se nuk kam parë asnjë filmim, le ta marrë ligji në dorë”, tha ai.

Përlleshi shprehet se i biri ndodhet në gjendje shoku, ende në spital, ndërsa shton se kanë vetëm një djalë dhe se janë përpjekur që ta rrisin dhe edukojnë sa më mirë.

“Fjalët e miletit unë nuk i ndaloj dot se nuk më intereson fare, mua më intereson dhimbja e familjes dhe… Djali im është në spital. Është kalama, është i tronditur dhe është në gjendje shoku, dhe unë dhe nusja jemi në gjendje shoku…”, u shpreh ai.

I pyetur nëse ka qenë në makinë me djalin në momentin që ai ka postuar foto pas krimit në rrjetet sociale, ai e mohon duke thënë se ka prova që vërtetojnë se ai ka qenë në punë në momentin e ngjarjes.

“Ke fakte nga kam qenë unë kur ka ndodhur problemi. Unë kam qenë në punë në ndërtim, ka kamera”, tha ai.

Po ashtu ai tha se djali nuk i ka konfirmuar se e ka kryer krimin.

“Djali është i shokuar, nuk di se çfarë thotë. Djali është në spital”, deklaroi ai.

The post “Po tentoj të flas me familjen e Martinit”/ Reagon babai i autorit të vrasjes së 14-vjeçarit: Djali im është… appeared first on Sot News | Lajme.

Një ngjarje tronditëse ka ndodhur në Kurbin, ku një 53-vjeçar është arrestuar pasi akuzohet për dhunë të rëndë ndaj vajzës së tij të mitur. Sipas informacionit të raportuar nga autoritetet, babai ka kryer edhe marredhenie seksuale me vajzën e tij.

Pasi është bërë i njohur ky akt, reagimi i autoriteteve ka qenë i shpejtë. Policia ka ndërhyrë menjëherë për të ndaluar të dyshuarin dhe për të siguruar prova që do të shërbejnë në hetimin e mëtejshëm të ngjarjes. Babai i arrestuar është përballur me akuza të rënda, ndërsa është dërguar në pranga për veprat e tij kriminale. Autoritetet kanë treguar se për këtë ngjarje janë mbledhur materialet procedurale, të cilat janë kaluar në Prokurorinë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme ligjore.

“Komisariati i Policisë Kurbin arrestoi shtetasin G. Z., 53 vjeç, pasi dyshohet se ka dhunuar vajzën e tij të mitur, si dhe se ka kryer marrëdhënie seksuale me të”, njoftoi zyrtarisht policia.

The post Ngjarje tronditëse/ Çfarë po ndodh? Dhunoi vajzën e tij të mitur dhe kreu marrëdhënie sek*uale me të, e pëson keq babai appeared first on Sot News | Lajme.

Zëdhënësi i policisë Genti Mullai, dha detaje të reja nga vrasja 14-vjeçarit Martin Cani pranë shkollës “Fan Noli”.
Mullai tha në një intervistë televizive se viktima dhe autori, kishin pasur përplasje dhe se ishin pajtuar me njëri tjetrin, por ishin pajtuar dhe përqafuar në prani të oficeres së policisë.
Kjo e fundit sipas Mullait, e ka referuar përplasjen mes dy nxënësve në shkollë.

“I shpreh ngushëllime familjes. Është ngjarje që nuk nxjerrë larë askënd. Me informacionet që kemi në shkollën Fan Noli është një oficere policie. Oficerja e policisë ka thënë se ka kryer të gjithë procedurat. Dy adoleshentët kanë debatuar ashpër në tualet. Mësuesja kujdestare ka marrë adoleshentët dhe i ka dërguar te oficerja e policisë. Agresori dhe viktimsa nuk kanë qenë problematikë.

Të dy kanë përqafuar njëri-tjetrit, duke qeshur. Këto kanë ndodhur ditën e hënë. Për çfarë ka ndodhur të premten, policia nuk ka pasur informacion. Janë pyetur disa herë dhe janë pajtuar me njëri-tjetrin. Oficerja e ka referuar ngjarjen në shkollë. Oficerja e policisë ka menduar se konflikti ishte mbyllur, duke qenë se ishin nxënës të mirë në mësime”, tha Mullai.

The post Vrasja e 14-vjeçarit, Mullai: U përqafuan përpara efektives së policisë appeared first on Sot News | Lajme.

Djali i Xhensilës dhe Besit ka festuar këtë javë 1-vjetorin e tij. Amen, festoi në një festë gjigande që këngëtarja kishte përgatitur për të voglin e saj. Pasi i dedikoi një këngë, artistja publikoi në rrjetet sociale edhe pamjet nga festa, që duhet thënë ishte madhështore.

Nuk kishte sesi mos të binin në sy VIP-at e shumë që artistja kishte ftuar. Nga kolegë këngëtarë, aktorë, moderator e shumë emra të njohur të showbizzit, ishin prezent në festën e Amen. Në rrjetet sociale, Xhensila publikoi edhe momentin kur fryu qirinjtë. Si një nënë tashmë single, këngëtarja mbante në krah të dy fëmijët e saj, duke nxjerrë përfundimisht nga jeta e saj, Bes Kallakun.

E, në fakt, mungesa e aktorit të humorit në këtë festë ishte kryefjala e mediave. Besi zgjodhi që për ditëlindjen e të birit të bënte vetëm një urim të ndjerë në rrjetet sociale. Sakaq, ai nuk ishte i ftuar në festë, madje asnjë nga familjarët e tij nuk ishin prezent.

Kujtojmë që kur Ajka, vajza e çiftit kishte ditëlindjen, Xhensila ftoi ish-vjehrrën e saj. Por një gjë të tillë nuk e ka bërë në festën e Amenit. Shkak për këtë është bërë pikërisht përplasjet që çifti ka pasur edhe gjatë procesit të divorcit.

Teksa Besi ka zgjedhur të heshtë në lidhje me këtë ngjarje, Xhensila ka folur për herë të parë, duke zbuluar kështu anën e saj të historisë. Rrëfimi është bërë për Arbana Osmani, teksa në promo dëgjohet vetëm këngëtarja që shprehet mes lotëve “Përpara asaj që më panë sytë në atë martesë”. Por duket se përplasja e ish-çiftit të dashur për publikun tashmë vijon në dyert e Gjykatës.

Pas një periudhe të vështirë dhe pas ndarjes nga Bes Kallaku, këngëtarja Xhensila Myrtezaj ka ndarë këngën e saj të re “Thuaju”, e cila vjen si një rrëfim i sinqertë për sfidat dhe sakrificat që shumë gra përjetojnë në heshtje. Në videomesazhin e saj emocional të postuar në rrjetet sociale, Xhensila flet për dhimbjen dhe fuqinë e një gruaje që ka duruar padrejtësi për hir të fëmijëve dhe për të ruajtur balancat. Ajo pranon se çdo ditë përballet me kritika, por edhe me mbështetje të madhe nga ndjekësit e saj.

“Ky album është për të gjitha gratë, vajza, mbi të gjitha nënat, të cilat për hir të fëmijëve kanë duruar, kanë sakrifikuar, kanë mohuar veten, kanë qeshur ndërkohë që brenda shpirti ka qarë. Për hir të fëmijëve kanë heshtur për të mos e thënë të vërtetën e tyre kurrë”, shprehet Xhensila.

Aktori Bes Kallaku, ka folur për herë të parë lidhur me tekstet e këngëve të tij, të cilat shpesh herë, që prej ndarjes nga Xhensila Myrtezaj, është aluduar se i dedikohen asaj. Në një intervistë të shkurtër, Besi nuk e mohoi që tekstet që janë shkruar nga vetë ai, janë një frymëzim personal, edhe pse nuk e quan veten këngëtar. Sakaq, më i prekur është shfaqur Besi, i cili edhe përtej këngëve, është shprehur nëpër miq se ndarja ka ardhur me kërkesë të Xhensilës, pasi ai vetë nuk do të donte ta prishte familjen.

Xhensila Myrtezaj iu drejtua Gjykatës me padi për divorc, pas konflikteve me ish-partnerin e saj për pasurinë. Fillimisht dyshja tentuan t’i jepnin fund martesës me marrëveshje, por pas kërkesës së aktorit që këngëtarja të hiqte dorë nga pasuria u janë drejtuar dyerve të gjykatave. Padia e parë e këngëtares për zgjidhjen e martesës u kthye mbrapsht nga Gjykata për shkak se nuk e kishte firmosur, por kishte autorizuar avokaten.

The post Prapaskenat e përplasjes mes Bes Kallakut dhe Xhensila Myrtezajt në 1 vjetorin e Amen, mes ish-çifti u përfshi edhe.. appeared first on Sot News | Lajme.

35 vite më parë njihet me bashkëshorten e tij Luljetën me të cilën u dashurua sapo e pa. Jeta e të rinjve nuk do të ishte ajo me e lehta, por pavarësisht sprovave e varfërisë, ia dolën të krijonin një familje të ngrohtë.

Arturi jetonte me të dy prindërit e me bashkëshorten. Luljeta vuante nga astma, e gjithashtu kishte vështirësi edhe me sjelljen në jetë të fëmijëve. 2 herë u gëzuan me fëmijë, e 2 herë përjetuan humbjen e tyre sepse nuk arrinin të mbijetonin. U deshën 5 vite që shtëpia të merrte jetë, me lindjen e djalit të tyre të madh, që e quajtën Enea. Enea ishte i mbarë, nuk i shqetësonte prindërit, kërkonte pak e kënaqej më gjithçka. E vetmja kërkesë e vazhdueshme që kishte, ishte që prindërit t’i bënin një vëlla.

Kaluan plot 8 vite që në jetë të vinte djali i dytë i familjes Thomaraj. Emrin ia zgjodhi Enea, tha do ta quajmë Arluen si bashkim i emrave tanë: Artur, Luljeta dhe Enea. Enea dhe Arlueni ishin të pandarë. Si vëlla më i madh, Enea e merrte kudo me vete. Flinin në të njejtën dhomë, në dhomën e ndenjes. Kushtet ato ishin. Pasi mbaronin darkën, dhoma e ndjenjes kthehej në dhomën e tyre të gjumit. Kalonin orë të gjata bisedash, e herë pas herë “i shqetësonin” prindërit me të qeshurat me zë të lartë ne mesnatë.

Kur prindërit e Arturit ndërruan jetë, ata mbetën 4, çifti me 2 djemtë e tyre. Arturi ka punuar sa ka mundur, që t’i krijonte sado pak kushte familjes. Ndërsa Luljeta, për shkak se vuante nga astma dhe artriti, e ndërpeu punën që bënte në spital si sanitare.

Djemtë u rritën me përgjegjshmëri të madhe, me dhembshuri për prindërit, të cilët mundoheshin shumë për ta. Disa vite më pas, Arturi do të pësonte një paralizë, që i vështirëson të ecurën dhe kryerjen e shumë veprimeve. Për pasojë rolin e kryefamiljarit e mori Enea. Si një djalë i ri plot plane e ëndrra, dontë të punonte e të ndihmonte familjen, e si rrugën më të lehtë pa emigrimin. U nis për të punuar në Gjermani, ku qendroi 3 vjet, derisa shteti gjerman e ktheu në Shqipëri, sepse nuk kishte lejqëndrimi.

Por Enea nuk u dorëzua. Nisi menjëherë punë në Elbasan, nga një fabrikë në tjetrën, nga një turn në tjetrin, e shumë herë disa turne bashkë në mënyrë që të fitonte sa më shumë, e t’i vinte në ndihmë prindërve të sëmurë.Arturi na ka rrëfyer se Enea nuk i ka shqetësuar kurrë, në lagje e donin të gjithë dhe ndihmonte çdo kënd. Për të atin ishte tashmë si një shok, një shpatull ku mbështetej. Enea ishte ai që dërgonte mamin në spital për mjekim, ai që mbante babain për krahu që të zbriste shkallet e të pinin bashkë kafen e mëngjesit. Ai që kalonte sa më shumë kohë me vëllain, që i thoshte të shkollohej, se do ishte ai aty për të punuar për të gjithë bashkë.

Gjithçka në këtë familje ndryshoi, në një natë vere të 14 korrikut 2024. Enea dhe Alueni ishte jashtë në mbrëmje, kur prindërit i kërkojnë të kthehen në shtëpi, se ishte natë, ishte vone, e meraku si linte të rrinin të qetë pa u kthyer djemtë në shtëpi. Vëllezërit u kthyen, takuan prindërit të cilët shkuan të flinin në dhomën e tyre dhe djemtë qëndruan dhomën e ndenjes. Pas bisedave të përhershme, e duke kaluar kohë me celuluar, secili u shtri në divanin e tij që e përdornin si krevat.

Atë ditë Enea nuk ishte ndjerë mirë. Ndjente një shqetësim pa e kuptuar përse. U zgjua i zymtë, ndoshta vapa- tha, sepse ishte një nga ato ditët më të nxehta të verës. Por mbremja e gjeti sërish të trazuar. Teksa flinte i del gjumi dhe merr drejtimin për të shkuar në tualet. Dera ishte e mbyllur, sepse aty ndodhej i vëllai. Enea pret në korridor, ishte ora 02;14 e natës, prindërit ishin në gjumë, gjithçka ishte qetësi. Qetësi që u trondit nga një zhurmë e barabartë me atë të 20 shkrëpëtimave bashkë, thotë Arturi. E pastaj heshtje.

Një derë hapet fuqishëm, ishte Arlueni i vëllai, që thërret me sa zë kishte: Laliii, ashtu siç i thërriste gjithmonë.
Një derë kishte rënë mbi fytyrën e Eneas. Ishte porta kryesore e shtëpisë. Ajo që u mbyll disa orë më parë, për të sinjalizuar që tani ishin të gjithë në shtëpi, që familja u bë bashkë, që kaloi edhe një ditë e do të mund të flinin të qetë, brenda asaj shtëpië që Arturi ndërtoi më shumë vështirësi.

Tashmë ajo derë qëndronte mbi Enean. Një sulm i fuqishëm tritoli, i vendosur në derën e fqinjëve përballë, goditi tragjikisht Enean e pafajshëm, duke i ndërprerë gjithçka në mes. Nga ajo natë për familjen Thomaraj nuk pati më gjumë. Prindërit u zgjuan të tronditur, pa kuptuar se ç’po ndodhte. Në tokë gjendej djali i tyre, i mbuluar nga gjaku. Tashmë dera e shtëpisë ishte e hapur, e çarë në mes, tani asgjë për ta nuk ishte më e sigurt. Pas asaj dite, kaluan 3 muaj ku Enea do të rrinte në spital.

Në fillim arriti të ishte i ndërgjegjshëm, por prindërit thonë se ai deri në minutat e fundit të jetës, nuk e kuptoi dot se çfarë i ndodhi. Se çfarë ishte ajo ngjarje që padrejtësisht i mori jetën, në moshën 29 vjeçare, duke i lënë përgjysmë dashurinë, familjen, punën, bisedën me të vëllanë, vizitën në spital të së ëmës, kafen që do të pinte të nesërmen me babanë, e shokët që e prisnin për të dal.

Enea ndërroi jetë 3 javë më parë, pasi luftoi në spital 3 muaj. Pasi i tha të ëmës fjalët e fundit: Jam mirë…
Ndërroi jetë duke lënë pas dhimbjen më të madhe në këtë familje. Duke rënduar shpirtrat e prindërve që e kishin shtyllën e shtëpisë, e të vëllait që e kishte shokun e jetës.
Gjithçka mund të kishte menduar kjo familje, por vdekjes e Eneas kurrë. I kapi aq të papërgatitur, sa nuk kishin as lekët për të bërë ceremoninë motore.

Nga ai moment që Enea ndërroi jetë, Arturi nuk ka lëvizur më nga shtëpia, dhe e vetmja ditë që ka dal jashtë saj është sot…
Tani në familjen Thurmaraj janë hapur dyert e mortit, shumëkush futet e del nga ajo derë, për t’i dhënë një përqafim të ngrohtë, për t’i shprehur një ngushëllim, por sytë e prindërve dhe të vëllait, qëndrojnë nga dera. I duket sikur nga momenti në moment do të kthehet ai, do të vijë nga puna, do ti përqafojë e do t’ju thotë a keni nevojë për diçka. Por sikur ta dinin se do t’ju ikte kaq shpejt, do t’i thonin se i vetmi për të cilin kemi nevojë, je TI.

Artur Thomaraj në studion e “Për Shqiptarët”: Hap derën dhe shikoj dhe më vunë shami tek hunda që të mos binte të fikët, e doja shumë Enean, nuk e ndaja nga vetja. Djali tjetër ngriti derën, bërtiti, ne ishim në gjumë unë edhe nusja, me gjithë fuqinë që kishte e shtyri nusen dhe u ngrit për të shkuar në divan, urgjenca u vonua se ngatërroi adresë, policia erdhi shpejt, katastrofë, gjak nga veshët, goja, hundët.

Situata në familjen time është shumë e vështirë, kemi hap derën se kështu janë zakonet dhe rri pret hap sytë nga dera a po vjen çuni apo jo, është shumë e vështirë s’po e përballojmë dot se dikur do të qetësohemi, rrojmë për të voglin se nuk dimë çfarë bëjmë ndryshe. Sot mora pensionin 227 mijë, këtë pension kam pas përherë, por të del me aq? Nusja është pension bashkie, ka 4 sëmundje, janë për të larë dritat që s’i lëmë kurrë. Unë kisha nevojë për lekët e funeralit. Hapa një Go Found, e hapi mbesa por nuk u deshën ato, s’i kemi tërheq e kanë marrë vesh njerëzit kush e kush me ndihmu. E gjitha është tek e ardhmja dhe tek nusja ime, unë s’jam më i aftë.

The post U vra nga tritoli në derën e motrave Nikolli, rrëfimi rrëqethës i babait të Enea Thomarajt: S’kisha para për varrimin appeared first on Sot News | Lajme.

Durim Bami, një nga emrat e botës së krimit që cilësohet si i “forti” i Niklës, vijon të qëndrojë në një burg në Dubai, në pritje të përfundimit të procedurave gjyqësore. Durim Bami, një nga emrat e botës së krimit që cilësohet si i “forti” i Niklës, vijon të qëndrojë në një burg në Dubai, në pritje të përfundimit të procedurave gjyqësore.

Ndaj nisur nga ky refuzim, Bami është ndaluar në mes të rrugës teksa ndodhej duke ecur me familjen e tij. Teksa është përballur në gjykatë me këtë situatë të krijuar për shkak të mos përgjigjes ndaj tre kërkesave të dërguara përmes postën elektronike nga policia, Durim Bami, është mbrojtur se nuk ka kuptuar gjuhën dhe qëllimin e dërgimit të tre E-maileve të dërguara.

Por sërisht gjykata ka vendosur të lerë në burg, megjithëse Durim Bami, ka kërkuar të mos ekstradojnë apo deportojnë në Shqipëri, pasi në këtë shtet i rrezikohet seriozisht jeta, për shkak të 16 personave që kërkojnë ta vrasin. Tashmë çështja kundër të “fortit” të Niklës ka mbetur në derën e Gjykatës. Durim Bami, duket se është përballë një zgjedhje për të firmosur deportimin e tij nga Dubai në një shtet tjetër ku ai e ndjen veten i sigurt ose të vendosi një garanci financiare në një bankë në Dubai, me qëllim lirimin e tij nga qelia.

Disa ditë më parë, mbrojtësit e të shumë kërkuarit nga prokuroria e posaçme SPAK, thanë se Bami, ju ka renditur autoriteteve në Emiratet e Bashkuara emrat e 16 personave që sipas tij duan ta vrasin në Shqipëri. Këta emra i kërkuari i ka marrë prej dosjes “Metamorfoza” (Procedimi Nr. 9 dhe Procedimi Nr.59) ku protagonistë të krimit të organizuar bënin plane ta eliminimin të tij dhe kanë qëlluar me armë kundër tij.

Disa ditë më parë, mbrojtësit e të shumë kërkuarit nga prokuroria e posaçme SPAK, thanë se Bami, ju ka renditur autoriteteve në Emiratet e Bashkuara emrat e 16 personave që sipas tij duan ta vrasin në Shqipëri. Këta emra i kërkuari i ka marrë prej dosjes “Metamorfoza” (Procedimi Nr. 9 dhe Procedimi Nr.59) ku protagonistë të krimit të organizuar bënin plane ta eliminimin të tij dhe kanë qëlluar me armë kundër tij.

The post Dy zgjedhje për të ‘fortin’ e Niklës, ja kushtet që kërkon Dubai për të nxjerrë nga qelia Durim Bamin appeared first on Sot News | Lajme.

Ngjarjet kriminale të ndodhura gjatë 2 viteve të fundit kanë tronditur mbarë opinionin publik. Rasti më i fundit ishte ai ditën e djeshme në Dobraç të Shkodrës ku u qëllua me breshëri plumbash ndaj automjetit ku ndodheshin Hamza Lici dhe Arlind Bushati, të cilët humbën jetën. Një ngjarje e tillë la pas dhe një viktimë të pafajshme, kalimtare të rastit.

Flutura Basha humbi jetën teksa së bashku me bashkëshortin e saj po ktheheshin në shtëpi me motor. Ata janë përplasur nga makina ku ndodheshin Arlind Bushati dhe Hamza Lici. Gruaja ka ndërruar jetë menjëherë në vend ndërsa bashkëshorti i saj Bashkim Basha po lufton për jetën në spital. Po ky nuk është rasti i vetëm ku krimi prek të pafajshmit.

Vrasja e kamarierit Gledio Muka dhe klienti, Marsel Çela

Një tjetër ngjarje që tronditi opinionin publik ishte ajo e ndodhur mbrëmjen e 21 korrikut 2024 në një lokal në Memaliaj, ku mbetën të vrarë Shyqyri Kalemi, babai i Andrea Kalemit i dyshuar për vrasjen e biznesmenit Edmond Papa, kamarieri Gledio Muka dhe klienti Marsel Çela.

Siç u mësua më pas, shënjestër e atentatit ishte Shyqyri Kalemi, por krahas tij plumbat nuk falën as Gledio Mukën që punonte për bukën e gojës dhe as klientin e lokalit i cili kishte zgjedhur që atë mbrëmje të ngrohtë korriku ta kalonte jashtë shtëpisë, deri në orët e vona.

Vrasja e banakieres Mimoza Pajës në Don Bosko:

E ndodhur në vendin dhe kohën e gabuar, ishte edhe banakierja Mimoza Paja në një lokal në Don Bosko.

Atentati i Don Boskos, në Tiranë, ka ndodhur më 12 marsin të vitit 2023 ku një grua u qëllua me breshëri kallashnikovi nga një automjet në lëvizje dhe 58-vjeçarja Mimoza Paja ishte në vendin e saj të punës kur iu mor jeta pabesisht. Nga kjo ngjarje nuk u kursye as mbesa e saj e mitur e cila mori lëndime nga thyerja e xhamave. Ndërsa 5 persona të tjerë morën plagë në pjesë të ndryshme të trupit nga plumbat, por fatmirësisht nuk rezultuan në fatalitet. Atë pasdite të 12 marsit u qëllua me breshëri plumbash lokali i Fatjon Muratit, person i shumëkërkuar nga autoritetet. Ky i fundit është një personazh i njohur për policinë. Fatjon Murati dyshohet i përfshirë në masakrën e Fushë Krujës u ekzekutuan Brilant Martinaj, Besmir Haxhia dhe Diklen Vata. Gjithashtu, Fatjon Murati ka qenë i dënuar për armëmbajtje dhe posedim të municioneve pa leje. Prokuroria e Tiranës i ka sekuestruar Fatjon Muratit një pasuri me vlerë 5 mln euro.

Vrasja e Enea Thomaraj në Elbasan

29-vjeçari Enea Thomaraj u plagos rëndë nga tritoli që u vendos në banesën e dy motrave Nikolli, më 14 korrik pasi Giovana Nikolli iu drejtua me një video Nuredin Dumanit. Banesa e Themollarit ishte ngjitur me banesën e motrave Nikolli në pallatin ku jetonin.

Pas gati muaj në koma, më 4 tetor ai ndërroi jetë nga plagët e marra. 29-vjeçari nuk kishte asnjë lidhje me motrat Nikolli apo me botën e krimit. Ishte një njeri që punonte për të mbajtur familjen e tij dhe humbi jetën pas tritolit që u shpërthye ngjitur me derën e banesës.

The post Masakrat/ Nga banakierja e Don Boskos te kamarieri i Memaliajt dhe kalimtarja në Shkodër,viktimat e pafajshme të krimit appeared first on Sot News | Lajme.