Politika e Donald Trump në Lindjen e Mesme bazohet në një qasje transaksionale për të afruar investimet saudite dhe për të frenuar ndikimin e Kinës në rajon.

Sipas ekspertit të marrëdhënieve ndërkombëtare Ledion Krisafi, kjo lëvizje nuk është ndonjë kthesë drastike, por i dërgon një sinjal Iranit për të vijuar programin e tij bërthamor civil.

Nga ana tjetër, profesori Medlir Mema nënvizon se SHBA nuk merr garanci të veçanta dhe se një marrëveshje e tillë nuk e stabilizon Izraelin. Mema ngre shqetësimin se Arabia Saudite mund ta përdorë programin e saj civil në të ardhmen për synime të sigurisë rajonale.

Ledion Krisafi: Është një mënyrë për t’i mbajtur pas vetes vendet e Lindjes së Mesme, sepse Kina është larg. Është një mënyrë për Trump, që Arabia Saudite të investojë në SHBA. Është mënyra se si Donald Trumpo i vendos marrëdhëniet ndërkombëtare. U jep diçka, për t’u marrë diçka tjetër. Nuk është një ndryshimi shumë i madh. Për Iranin është një sinjal që nuk kanë se përse të heqin dorë nga programi i vet, sepse gjithmonë thonë që kanë një program civil bërthamor. Nuk ndihmon në luftën me Iranin por nuk është diçka e jashtëzakonshme.

Medlir Mema: SHBA nuk marrin ndonjë garanci të veçantë nga Arabia Saudite, Izraeli nuk stabilizohet nga marrëveshja me Arabinë Saudite. Nuk ka asnjë problem, sepse është e drejta e çdo vendi në botë, pasi kanë program bërthamor civil. Problemi kryesor është që Arabia Saudite nuk bën vetëm për të pasur një program civil, por që ta përdorë në të ardhmen për sigurinë rajonale.

TIRANË– Shqipëria ka nisur zyrtarisht përgatitjet ligjore për adoptimin e euros si monedhë kombëtare. Projektligji i ri “Për Bankën e Shqipërisë”, i publikuar për konsultim publik, parashikon kuadrin ligjor që do të zbatohet pas anëtarësimit të vendit në Eurozonë.

Sipas draftit, euro do të bëhet monedha zyrtare e Republikës së Shqipërisë, duke zëvendësuar lekun. Banka e Shqipërisë do të jetë institucioni përgjegjës për emetimin, hedhjen në qarkullim dhe administrimin e kartëmonedhave dhe monedhave euro, në përputhje me rregullat e Bashkimit Evropian dhe të Bankës Qendrore Evropiane.

Zhvillimi u komentua nga eksperti i ekonomisë, Adrian Civici, i ftuar në emisionin “Sheshi i Dollarit”, në ABC News.

“Ky është një projektligj i pritur prej një kohe relativisht të gjatë, pasi ligji i fundit daton në vitin 1997. Që prej asaj kohe kanë ndryshuar shumë gjëra dhe janë shtuar kërkesa të reja. Këtë herë, projektligji pasqyron edhe fazën shumë të rëndësishme ku ndodhet Shqipëria në procesin e integrimit në Bashkimin Evropian.

Kapitulli 17, që lidhet me Bankën Qendrore, sistemin bankar, sistemin monetar dhe atë financiar, është një nga kapitujt më të rëndësishëm të negociatave. Ky draft, i hedhur për konsultim publik, vjen në momentin e duhur dhe adreson sfidat me të cilat duhet të përballemi”, tha Civici.

Sipas tij, hapi i parë mbetet anëtarësimi i plotë i Shqipërisë në Bashkimin Evropian dhe pastaj vjen dhe zëvendësimi i lekut me euron.

“Realizimi i anëtarësimit të Shqipërisë në BE, që pritet të ndodhë brenda tre ose katër viteve të ardhshme, është hapi më i rëndësishëm. Më pas, Shqipëria do të integrohet në Sistemin Evropian të Bankave Qendrore, do të bëhet pjesë e sistemit bankar evropian, do të përfaqësohet në Bankën Qendrore Evropiane dhe do të nisë procedurat për përfshirjen në Eurozonë dhe zëvendësimin e lekut me euron”, u shpreh ai.

Eksperti theksoi se bëhet fjalë për një proces afatgjatë dhe jo për një ndryshim që mund të ndodhë menjëherë.

“Ky është një proces relativisht i gjatë. Nuk është diçka që mund të ndodhë nesër. Fillimisht, Shqipëria duhet të bëhet anëtare me të drejta të plota e Bashkimit Evropian. Kjo fazë është shumë e rëndësishme, pasi kërkon përshtatjen e legjislacionit dhe të sistemit bankar me standardet evropiane.

Procesi i zëvendësimit të lekut me euron, edhe në skenarin më optimist, mund të realizohet brenda shtatë viteve. Në raste të tjera, siç ka ndodhur në disa vende të BE-së, ai mund të zgjasë 10 deri në 12 vjet. Gjithçka varet nga ritmi dhe aftësia e Shqipërisë për të përmbushur reformat e kërkuara”, përfundoi Civici./abcnews.al

Pas pak “Sheshi i dollarit”, na ndiqni live në ABC News

TIRANË- Analisti Skënder Minxhozi, i ftuar në emisionin “Real Story”, ka komentuar përfshirjen e subjekteve politike nga rajoni, konkretisht Lëvizja Vetëvendosje, në protestat në Shqipëri.

Sipas Minxhozit, pjesëmarrja individuale e qytetarëve në një protestë nuk përbën problem, pasi lidhet me të drejtën e shprehjes së një bindjeje apo qëndrimi personal.

Por, sipas tij, situata ndryshon kur pas një aktiviteti qëndrojnë struktura politike të një vendi tjetër.

Më tej, Minxhozi u ndal edhe te roli i Lëvizjes Vetëvendosje, duke argumentuar se një parti politike duhet të veprojë brenda territorit dhe sistemit kushtetues ku është krijuar dhe nuk duhet të fusë “hundët” në vendet e rajonit.

Sipas tij, ndërhyrja e partive politike në hapësirat politike të vendeve të tjera mund të krijojë një situatë të ndërlikuar në rajon.

“Ku ndahet? Ndahet te ajo që a ka apo nuk ka organizim apo shtysë partiake nga pas. Nëse ai merr familjen e tij i pëlqejnë flamingot ose ka edhe idenë ekstreme se po shitet toka e Atdheut amë, ai vjen nuk ka asnjë problem nuk e ndalon dot sepse do vinte për të shkuar në Shëngjin, Vlorë apo Sarandë dhe bën një ndalin më protestë. Kur ka parti pas këtu fillon e kërcet çështja. Vetëvendosja është e regjistruar si parti politike në Shqipëri dhe kjo është një faull.

Pse? E gjithë Evropa e sotme është një mish mash i pleksur minoritetesh në territoret e njëri tjetrit. Shkon CDU gjermane të bëjë fushatë në komunitetet gjermanishtfolëse? Pra, partitë politike veprojnë në kriter territorial, dhe kriteri thotë PS dhe PD janë parti shqiptare, nuk shkojnë dot të hapin degë as në Pejë, as në Mitrovicë as në Shkup, se është skandal.

Sepse hapet një lojë që është e frikshme. Vetëvendosja është një parti e krijuar në territorin e Kosovës dhe duhet të veprojë në atë sistem kushtetues që quhet Republika e Kosovës”, u shpreh Skënder Minxhozi./abcnews.al

TIRANË- Anëtari i Kryesisë së Aleancës për Ardhmërinë e Kosovës, Labinot Bislimi, komentoi ndikimin dhe përfshirjen e Lëvizjes Vetëvendosje në protestën në Shqipëri.

Ai theksoi se çështjet kombëtare janë legjitime që t’i bashkojë shqiptarët kudo ata ndodhen, por është e papranueshme që partitë politike të marrin pjesë në protestë kundër ardhmërisë së Shqipërisë.

Bislimi u shpreh se Lëvizja Vetëvendosje kërkon të destabilizojë Shqipërinë pasi në përbërjen e saj ka elementë fashizmi.

Kur një parti politike, siç është VV,  çon mercenarët e vet të organizuar, jo tani më më për Zvërnecin, sepse ajo çështje është “kamuflazh”, por në një frymë që hajde të rrëzojmë dhe të destabilizojmë Shqipërinë, shtetin shqiptar, qeverinë, në kohën kur është në fazën për të marrë investimet e reja nga jashtë, në kohën kur është në një moment të integrimit.

VV është parti, e cila mban një frymë, pavarësisht se nuk e identifikon veten, por të gjitha elementët përbrenda saj janë elementë fashiste dhe këtu kemi një strategji. Protestuesit janë kundër demokracisë dhe këtu e kemi problemin”, tha ai.

TIRANË- Anëtari i Kryesisë së Aleancës për Ardhmërinë e Kosovës, Labinot Bislimi, i ftuar në emisionin “Real Story”, komentoi zhvillimet politike në Shqipëri dhe protestën e zhvilluar prej më shumë se 40 ditësh.

Bislimi u shpreh se rritja e mirëqenies dhe zhvillimi shoqëror sjellin kërkesa të reja nga qytetarët, duke e cilësuar protestën si një tregues të ndryshimit të shoqërisë shqiptare.

Duke folur për reagimin e qeverisë, Bislimi tha se protesta nuk duhet parë si një anomali dhe vlerësoi mënyrën e reagimit të kryeministrit Edi Rama.

Sipas tij, protesta me kalimin e kohës është transformuar nga një lëvizje shoqërore në një lëvizje politike, që tashmë ngjan me një forcë opozitare.

Ai shtoi se Rama ndodhet në një pozicion të qëndrueshëm politik, pasi sipas tij ka fituar zgjedhjet dhe gëzon legjitimitetin për të qeverisur. Protesta për Bislimin, duhet të konsiderohet si  një sinjal alarmi për Sali Berishën dhe Partinë Demokratike.

“Në momentin kur rritet mirëqenia, kur bëhet zhvillimi, krijohen këto protesta dhe kjo tregon se Shqipëria po ndryshon. Kur të rritet mirëqenia, njerëzit kërkojnë më shumë. Jemi duke përjetuar një moment që Shqipëria nuk e ka përjetuar më parë.

Pse duhet të reflektojë qeveria? Qeveria duhet ta kuptojë se protesta nuk është anomali dhe këtë po e bën. Edi Rama, përveç se ka kundër-reaguar duke u kthyer përgjigje, ai nuk ka dalë duke i rrahur protestuesit.

Dalin aty prej 40 ditësh, janë bërë gjithmonë e më pak, që tani është përkthyer në lëvizje politike, që duket tamam opozitë. Kjo protestë më shumë po dëmton… Duhet të reflektojnë PD-ja dhe Sali Berisha, sepse po e zëvendësojnë si opozitë, sesa Edi Rama.

Ai është në një gjendje normale, i ka fituar zgjedhjet, e ka legjitimitetin dhe legalitetin dhe tani po pret që kjo lëvizje, që ishte shoqërore, u bë politike, po bëhet opozitë, ndoshta për ta zëvendësuar LSI-në”, tha ai./abcnews.al

TIRANË- Analisti Roland Bejko, i ftuar në emisionin “Real Story”, komentoi zhvillimet e fundit rreth protestës, duke u shprehur se ajo ka bashkuar njerëz me bindje të ndryshme politike dhe shoqërore dhe kjo tha ai i jep karakter të çuditshëm tubimit.

Duke komentuar pretendimet për përfshirje të faktorëve të huaj në protestë, Bejko tha se institucionet shtetërore duhet të japin përgjigje, duke përmendur rolin e strukturave të sigurisë dhe bashkëpunimin me partnerët ndërkombëtarë.

“Kam qenë disa herë në protestë dhe e kam parë aty përbërjen, aty ka nga të gjitha krahët, edhe politikë dhe shoqëror, është një protestë e cila i ka bashkuar dhe i mban aty mbi 40 ditë, unitetit të kundërtave dhe kjo është ajo që e bën të çuditshme këtë protestë. Ka mbi 40 ditë që ne dëgjojmë, jo vetëm në këtë studio, edhe vetë qeverinë, por dhe faktorë jashtë qeverisë se këtu ka dorë Irani, armiqtë e Shqipërisë, Shteti punon me institucione, shteti ka SHISH, ka bashkëpunim me partnerë, është në partneritet me SHBA, me CIA-n, me agjenci të tjera, me Mosad tek e fundit, sepse duam apo s’duam ne, nëse është e vërtetë që Irani është i implikuar është për shkak të qëndrimeve që ka mbajtur Shqipëria me Izraelin.”, tha Bejko.

“Këto grupe të majta dhe të strukturuara kalojnë nga qëndresa në veprim dhe ne duam përgjigjen nga shteti tani. Nëse këto grupe të majta kanë filluar të godasin biznesin, ta dëmtojnë atë, janë në habitatin e tyre te e fundit”, tha ai./abcnews.al

TIRANË- Analisti Frrok Çupi, i ftuar në emisionin “Real Story”, komentoi protestën dhe reagimet kundër zhvillimit të koncertit të Kanye West në Tiranë, i mbajtur të shtunën në zonën e Kasharit.

Sipas tij, kundërshtimet ndaj koncertit nuk duhen parë si një ngjarje e izoluar, por si pjesë e një përplasjeje më të gjerë globale.

Çupi u shpreh se bota ndodhet në një konflikt mes Lindjes dhe Perëndimit, duke argumentuar se kjo përplasje shfaqet edhe përmes protestave dhe sulmeve ndaj figurave publike apo drejtuesve të shteteve perëndimore.

Analisti shtoi se në këtë përplasje përfshihet edhe Shqipëria, si pjesë e bllokut perëndimor, duke theksuar se sulmet ndaj liderëve të vendeve perëndimore janë pjesë e së njëjtës agjendë. Duke komentuar protestat, Çupi tha se në bulevard po shfaqen ide dhe praktika komuniste, të cilat, sipas tij, përfaqësojnë një majtizëm ekstrem.

“Jo, është një përplasje mes këtyre të dobëtëve, që quhen njerëz të dobët, dhe fuqive shumë të mëdha që po luajnë në botë. Le ta themi hapur se ne ndodhemi në luftë. Jo thjesht ne, por lufta është globale. Lufta është mes Lindjes dhe Perëndimit. Lufta është shumë e egër, sepse Lindja përfaqëson qeverisjen e regjimit, sistemin e varfërisë, sistemin e të humburit, sistemin e të mjerit. Këtë po e shohim edhe në protesta apo në luftën kundër Kanye West. Lufta është globale.

Po kërkohet, siç kërkohet koka e kryeministrit këtu, po ashtu kërkohet edhe vdekja e Presidentit të Amerikës, e kancelarit të Gjermanisë, e kryeministrit të Britanisë së Madhe, e kryeministres së Italisë dhe e presidentit të Francës. Kjo është në qendër të agjendës së Lindjes kundër Perëndimit.

Kur kërkohen krerët e shteteve, ne bëjmë pjesë në këtë bllok. Për fat të mirë bëjmë pjesë në këtë bllok dhe, për fat të keq, nëse do të fitonte Lindja, ne do të shuheshim.”

.Në bulevard po lindin ide dhe praktika komuniste, të një majtizmi shumë ekstrem, i cili rrezikon botën. Antifa e rrezikoi Amerikën, ndërsa këta janë tipikë të Antifës. Antifa po rrezikon edhe Evropën Perëndimore dhe kjo është shumë serioze.”, tha Çupi./abcnews.al

Ekspertja e ekonomisë Teuta Nunaj vlerëson se ndryshimi i modelit ekonomik të një vendi duhet të mbështetet te burimet që ai disponon dhe jo te dëshirat, ndërsa thekson se Shqipërisë i ka munguar një strategji afatgjatë për zhvillimin ekonomik.

Ekspertja u shpreh se Shqipëria mund të rishikojë modelin e saj ekonomik, duke u bazuar edhe te sektori i energjisë elektrike.
Nunaj theksoi se zëvendësimi i modeleve ekonomike nuk mund të ndërtohet mbi dëshira, por kërkon planifikim afatgjatë.

Ajo nënvizoi se Shqipëria, në 35 vitet e fundit, nuk ka pasur një strategji të tillë dhe se zhvillimi ekonomik është mbështetur kryesisht te modele ad hoc. Sipas saj, turizmi po jep kontribut në ekonomi dhe do të vazhdojë ta bëjë këtë për sa kohë sektori ruan ritmet e larta të zhvillimit.

“Nëse analizojmë secilin vend, gjithçka varet nga burimet. Spanja është zhvilluar sepse ka përdorur lëndët e para dhe floririn. Gjithmonë ekziston një skemë modeli. Të ndryshosh modelin do të thotë që ka ndryshuar diçka te lënda e parë.
Nëse flasim për ditët e sotme, vetë BE-ja ka identifikuar një numër produktesh bazike. Ky është një vend që mund të ndryshojë modelin. Nëse bëjmë ndryshim në modelin ekonomik, mund të bazohemi te shitja e energjisë elektrike. Së pari duhet të mbulojmë nevojat për energji, që me këto para të mbahet ekonomia.
Zëvendësimi i modeleve nuk ndërtohet mbi bazën e dëshirave. Shqipëria, në 35 vite, nuk ka pasur një strategji afatgjatë për ekonominë. Turizmi po funksionon për të mbështetur ndertimin për sa kohë kemi nivele kaq të larta të tij. Në përgjithësi, Shqipëria është zhvilluar më shumë përmes modeleve ad hoc.

Pjesëmarrja dhe qëndrimet e një eurodeputeteje në protestat e fundit në Tiranë kanë nxitur debate të forta mes analistëve Arben Meçe dhe Artur Nura në emisionin “Real Story” në ABC News.

Meçe hodhi akuza të forta duke thënë se eurodeputetja ka treguar anshmëri të hapur politike përmes takimeve me Arlind Qorin dhe se prania e saj po përdoret për propagandë dhe thirrje për rrëzimin e qeverisë.

Nga ana tjetër, Nura ndau përvojën nga terreni duke përmendur investimet e kryera në Zvërnec, pretendim i cili u hodh poshtë menjëherë nga Meçe.

Në përfundim të debatit, analisti Meçe paralajmëroi se çështja e Zvërnecit po lihet në harresë, ndërsa funksionojnë pesë qendra brenda dhe jashtë vendit që shpërndajnë dezinformata.

Arben Meçe: Kjo zonjë ka pasur të drejtën e votës edhe për propozimin që kanë bërë. Vjen kjo si një eurodeputete që mbështet protestën. Tani nuk po flet më njeri për Zvërnecin. Si mund të vijë një eurodeputete dhe të kërkojë rrëzimin e qeverisë?!

Artur Nura: Ne shkuam në Zvërnec dhe pamë 7 kilometra rrugë të shtruar.

Arben Meçe: Nuk është aspak e vërtetë. Kanë dalë në podium dhe kanë folur. Zyrtarisht në mediat shqiptare është takimi i tyre me Arlind Qorin. Nuk ka më paanshmëri, ka anshmëri politike. Po abuzojnë me propagandën e eurodeputetit. Janë pesë qendra dy në Shqipëri dhe tre jashtë që po shpërndajnë dezinformata.

TIRANË – Deputetja e Partisë Socialiste, Sara Mila, e ftuar në emisionin “Real Story” në ABC News, ka hedhur poshtë pretendimet për arrogancë dhe shkëputje të qeverisë nga qytetarët.

Ajo theksoi se asnjë qeveri tjetër nuk ka qenë më e pranishme në territor dhe më e hapur ndaj qytetarëve se kjo e Partisë Socialiste, duke përmendur platformat ku adresohen në kohë reale rreth një mijë raste në ditë.

Mila mbrojti gjithashtu reformën në drejtësi, duke u shprehur se sistemi i ri po bën një punë të paprecedentë që mposht çdo lloj arrogance.

Lidhur me tubimet në shesh, deputetja deklaruara se ato janë thjesht një mbledhje e foltore e opozitës dhe nuk mund të mbajnë kurrsesi peshën e një revolucioni.

“Kam dëgjuar shpesh që flitet për një lloj arrogance dhe një ndarje mes qeverisë dhe qytetarëve. Kjo arrogancë është luftuar vetë nga ne, më shumë artikulohet se sa arrihet. Ku është arroganca e kryeministrit? Nuk gjen qeveri dhe deputet më të pranishëm në territor se ata të PS.

A kemi ngritur ne sistemin e drejtësisë që po bën një punë që nuk është bërë më parë. Një mijë adresa adresohen në kohë reale në ditë, mposht arrogancën. Me mendimin që apriori ka një arrogancë, unë nuk jam dakord. Por, të mund të veshësh të një kostum te çdo qeveri nuk qendror.

Vetëm kjo qeveri e ka bërë nuk e ka bërë asnjë qeveri tjetër. T’ua bëni mendjen revolucion, ndërkohë që në shesh është vetëm një mbledhje dhe foltore e opozitës. Ajo protestë nuk e mban dot peshën e revolucion. Mos e quani revolucion një protestë normale të opozitës shqiptare. Do të zhgënjeheni nga optimizmi që keni”, tha deputetja e PS.

Aktivisti i shoqërisë civile, Migen Qiraxhi, i ftuar në studion e emisionit “Real Story”, ka deklaruar se protestat qytetare tashmë kanë kaluar nga një fazë masive në një lëvizje të qëndrueshme shoqërore.

Sipas tij, tubimet e përsëritura çdo të shtunë para Kryeministrisë dëshmojnë një rezistencë të fuqishme dhe të mirëorganizuar të qytetarëve.

Qiraxhi theksoi se kjo është protesta më e artikuluar politikisht, përmes së cilës janë thyer dy rekorde: ai i pjesëmarrjes më të madhe dhe ai i qëndrueshmërisë.

“Për fatinë  tyre të keq, që mitin me kohën e kohës e kanë thyer. Protesta ka kaluar nga faza kur ishte masive, tani është në fazën e një lëvizjeje shoqërore. Sot kjo lëvizje me simbolikën e sheshit para Kryeministrisë është duke mbajtur shenjën e qëndrueshmërisë. Protestat bëhen të fuqishme që japin shenja kur kthehen, të shtunat kanë bërë traditën e tyre.

Të paktën çfarë ndjej unë në atë protestë është fakti që rikthimi është shumë i përgatitur dhe i fuqishëm për të vazhduar qëndrueshmëri. Ata njerëz po mban atë qëndrueshmëri. Duhet të jemi mirënjohës atyre njerëzve që janë në protestë, gjërat kanë ndryshuar. Rama ka humbur legjitimiteti. Janë thyer dy rekorde, protesta më e madhe në shoqëri, dhe rezistenca qytetare.

Ka dy palë: kryeministri dhe qytetarët. Kryeministri nuk ka dhënë dorëheqjen akoma, por ka një ballafaqim. Nga qytetarët që nuk ngrohen të protestojmë, kemi sot qytetarë që po rezistojnë. Kjo është protesta më e artikuluar politikisht”, tha Qiraxhi.

Gjatë një interviste për emisionin “War Report” në ABC News, gazetari Sokol Brahaj deklaroi se samiti i NATO-s që po mbahet në Ankara dëshmon fuqizimin e pozitave ndërkombëtare të Turqisë dhe të Presidentit Erdogan.

Sipas tij, ky aktivitet vlerësohet si pritja më madhështore e realizuar nga kryeqyteti turk, ku vëmendja kryesore është përqendruar te lehtësimi i sanksioneve nga Shtetet e Bashkuara të Amerikës.

SHBA duket se ka kuptuar rolin kyç të Ankarasë si anëtari i dytë më i fuqishëm i aleancës dhe si negociatore në konfliktet më të nxehta globale. Në këtë kuadër, Brahaj kujtoi se Turqia është bashkëthemeluese e projektit F-35 dhe theksoi deklaratën e presidentit Trump se disa nga këta avionë pritet të mbërrijnë së shpejti në vend.

“Turqia dhe Erdogan duket se ka fuqizuar pozitat e tij ndërkombëtare. Presim që të jetë gjeja më kryesore për Turqinë ky samit. Kjo është pritja më madhështore e Ankarasë. Turqia është bashkëthemeluese e F35. Gjatë viteve të fundit kanë filluar që të lehtësuar sanksionet.

Ndërkohë që vetë Trump tha se disa avionë F35 do të arrijnë në Turqi. Turqia ka qenë vendi i vetëm që ka folur dhe ka pasur negociatat me vendet më të nxehta të lufta. Edhe Amerika mesa duket e ka kuptuar rolin e Turqisë, edhe si anëtari i dytë më i fuqishëm i NATO-s”, tha gazetari.

Ish-nënkryetari i PD-së, Edmond Spaho, ka zbardhur prapaskenat e përjashtimit të tij nga strukturat drejtuese të qarkut të Korçës dhe radhët e PD, duke deklaruar se vendimi ndaj tij u mor pa asnjë arsye zyrtare.

Gjatë një interviste në emisionin “Real Story” në ABC News, ai shpjegoi se fillimisht e mbështeti rikthimin e Sali Berishës dhe ‘Rithemelimin’ pas zhgënjimit nga Lulzim Basha, por premtimet për parime demokratike dhe primare nuk u mbajtën.

Spaho zbuloi se kishte plotësuar edhe kushtin e vendosur për listat duke siguruar 400 emra emigrantësh për votim, por kjo nuk u mor parasysh nga drejtuesit e partisë.

Ai pranoi gjithashtu se ka pasur përplasje të ashpra, pothuajse fizike, me Flamur Nokën, për shkak të pakënaqësive që kishte shprehur hapur ndaj linjës së ndjekur nga partia.

“U prishën koalicionet parazgjedhore. Kështu që filloi një moment shumë i favorshëm për Berishën dhe ‘Rithemelimin’, njerëzit ishin shumë të zhgënjyer nga PD dhe humbjet e Bashës. Të gjithë ne u treguam të gatshëm për ta mbështetur Berishën në rikthim.

U premtua që do të mbështetej te anëtarësia, u premtua që ‘Primaret’ do të jenë ato që do të zgjedhin kandidatët. Nuk pati asnjë arsye që u përjashtova. U kërkua që nuk do të ketë deputet që nuk do hyjë në listë të mbyllur nëse nuk sjell 300 emra emigrantësh që do të votojnë PD, 400 solla unë, por premtimi nuk u mbajt. Me Flamur Nokën jemi përplasur, vetëm fizikisht nuk jemi përplasur.

Nëse qëndrimet e mia janë parë si rrezik, kjo është punë e tyre. Unë iu kam thënë që jam i pakënaqur. Kur u përjashtova nga qarku i Korçës, nuk më jepnin asnjë arsye”, tha Spaho.

Ish-nënkryetari i PD-së, Edmond Spaho, ka lëshuar kritika të ashpra ndaj PD, duke deklaruar ndodhet në një krizë ekzistenciale.

Ai theksoi se PD është e dyzuar dhe u detyrua t’i bashkohej protestës vetëm për të mos mbetur në periferi të zhvillimeve, duke i krahasuar këto tubime me foltoret e Berishës.

Sipas Spahos, opozita ka humbur besueshmërinë dhe nuk e prek dot më nervin e qytetarit, pasi nuk ka mbajtur asnjë premtim që nga koha e ‘Rithemelimit’. Ai deklaroi se vetë PD është kontributori kryesor që mban Edi Ramën në pushtet, duke shtuar se zgjidhja kërkon largimin e tyre ose të kryetarit të partisë.

“PD është e dyzuar fillimisht e mbështeti investimin, më pas kur e pa që do të ngelej në periferinë e zhvillimeve politike të vendit u detyruar që të dalë në krah të protestë. Sot ja ku e keni rezultatin, protestat janë si foltoret e Berishës.

Opozita është në një krizë ekzistenciale. PD ka një problem shumë të madh nuk e prek dot më nervin e qytetarit, është bërë e pabesueshme për qytetarin. Nga ‘Rithemelimi’ e deri më sot nuk ka mbajtur asgjë nga ato që ka thënë. Njerëzit nuk janë më naivë. Nëse ka kontributor që mban sot Ramën në pushtet, është PD, sepse është e pazonja. O duhet të ikim ne ose kryetari i PD”, tha Spaho.

Ish-nënkryetari i PD-së, Edmond Spaho, ka bërë thirrje që forcat politike të bashkohen për mbështetjen e investimeve strategjike dhe përmbushjen e standardeve integruese.

Ai theksoi se Shqipëria ka një shans historik për të përmbyllur të gjithë kapitujt me Bashkimin Europian deri në fund të vitit të ardhshëm. Sipas Spahos, kërkesat aktuale nga ana e protestuesve për qeveri teknike dhe zgjedhje të parakohshme janë të dëmshme, pasi djegin kohën e çmuar në prag të anëtarësimit.

Në mesazhin e tij prerës, ai paralajmëroi se vendi ndodhet në momentin vendimtar ku “o do të hyjë tani në BE, o nuk do të hyjë më”.

“Nisja e menjëhershme, si me sustë, për një investim aq të madh, dukej se në prapaskenë kishte aktorë të interesuar, për dy arsye të mëdha: një, për të anuluar investimin; së dyti, është zgjedhur një moment ku Shqipëria është në periudhën më të avantazhuar për të mbyllur negociatat për integrimin në BE.

Në Europë është origjina e protestës në Tiranë, duke shfrytëzuar ambientalistët, nga Kosova. Duke shfrytëzuar këto komente filluan një protestë që të prishë një investim me argumentet nga më qesharakët, ndërkohë që ende nuk ka një projekt, por një koncept investimi. Transparenca do të bëhet më vonë.

Këtë investim duhet ta mbështesim të gjithë dhe duhet të krijojmë kushtet që të realizohet. Integrimi europian, ne kemi shanset që deri në fund të vitit tjetër kemi mundësi të përmbyllim të gjithë kapitujt. Të kërkosh tani një qeveri teknike që do të merret me qiqrat në hell, që nuk janë punë e protestës, dhe më pas të zhvillohen zgjedhje të parakohshme, i bie që muajt afër integrimit në BE t’i çosh kot. Në këtë kuptim, e udhës është që të gjitha forcat politike të bashkohen për përmbushjen e standardeve. Shqipëria o do hyjë tani, o s’do të hyjë më”, tha Spaho.

Ish-nënkryetari i PD, Edmond Spaho, e ka cilësuar projektin e Kakomesë si investimin më të gabuar turistik, duke kritikuar ndërtimin e vilave private që sipas tij nuk i shërbejnë ekonomisë.

Gjatë një interviste në “Real Story”, ai deklaroi se protestat e fundit ndaj investimeve strategjike janë të sajuara dhe të programuara nga aktorë të jashtëm me prapaskenë politike.

Sipas Spahos, origjina e këtyre reagimeve vjen nga Europa dhe Kosova, duke shfrytëzuar ambientalistët për të dëmtuar imazhin e Shqipërisë në një moment kyç të negociatave me BE-në. Ai theksoi se sulmet po bëhen me argumente qesharake ndaj një koncepti fillestar, ndërkohë që transparenca e plotë e projektit do të bëhet në një fazë të dytë.

“Rasti i Kakomesë është zhvilluar në formën më të papranueshme. Të ndërtosh vila private në një zonë me aq shumë potencial është gjëja më e gabuar, nën presionin e ndërtuesve që pretendojnë të fitojnë sa më shumë. Do të ishte ndryshe nëse do të ishte një fshat turistik. Në pjesën më të madhe të kohës ato vila janë të pashfrytëzuara dhe nuk i japin asnjë gjë ekonomisë. Këto protesta janë të sajuara, nuk janë rezultat i një fryme të brendshme.

Nisja e menjëhershme, si me sustë, për një investim aq të madh, dukej se në prapaskenë kishte aktorë të interesuar, për dy arsye të mëdha: një, për të anuluar investimin; së dyti, është zgjedhur një moment ku Shqipëria është në periudhën më të avantazhuar për të mbyllur negociatat për integrimin në BE. Në Europë është origjina e protestës në Tiranë, duke shfrytëzuar ambientalistët, nga Kosova. Duke shfrytëzuar këto komente filluan një protestë që të prishë një investim me argumentet nga më qesharakët, ndërkohë që ende nuk ka një projekt, por një koncept investimi. Transparenca do të bëhet më vonë”, tha Spaho.

Në emisionin “War Report”, ekspertët Xhavit Shala dhe Ledion Krisafi kanë analizuar zhvillimet e fundit në luftën e Ukrainës dhe pritshmëritë nga samiti i NATO-s. Shala theksoi se Ukraina po kryen goditje të mëdha strategjike që po e vënë në pozitë shumë të vështirë Presidentin Putin, duke sjellë luftën në pragun e derës së popullit rus.

Ai shtoi se rikthimi i Presidentit Trump në misionin për vendosjen e paqes përbën një shans të mirë për procesin. Nga ana tjetër, Krisafi nënvizoi se që rusët të ulen seriozisht në bisedime duhet të pësojnë goditje që t’i detyrojnë të lëshojnë territor.

Megjithatë, ai paralajmëroi se Putin mund të ndërmarrë së shpejti një lëvizje të madhe ushtarake për të mbrojtur imazhin e tij.

Xhavit Shala: Një nga pikat kryesore që do të merret samiti i NATO-s është lufta në Ukrainë. Në një farë mënyrë do të ketë një mbështetje të madhe nga vendet e BE. Nuk është më Ukraina e viteve të mëparshme, po bëjnë goditje të mëdha, strategjike. Mund të flasim për një Krime të errët. Po e vë në pozitë shumë të vështirë Presidentin Putin. Goditjet nga ana e Ukrainës kanë qenë të jashtëzakonshme. Edhe populli rus nuk është më sinergji në këtë konflikt, por e ka luftën në pragun e derës. Është një shans i mirë që presidenti Trump iu rikthye misionit për të vendosur paqen në Ukrainë.

Ledion Krisafi: Që rustë të ulen seriozisht në tavolinë duhet që të vuajnë, në mënyrë që të lëshojnë pak më shumë territori dhe të arrihej një marrëveshje. Nëse Ukraina vazhdon që të dobësojë Rusinë kjo është një fitore për SHBA. Ka një problem, mund të ndodhë e kundërta dhe po shoh që në Rusi po ndodh e kundërta. Vladimir Putin duhet të bëjë diçka të madhe në këto momente sepse ia kërkon imazhi. Diçka e madhe do të ndodhë, por se çfarë do të jetë kjo mbetet për t’u parë.

I ftuar në emisionin “Real Story”, analisti Skënder Minxhozi ka komentuar linjën e politikës së jashtme të Shqipërisë në raport me Lindjen e Mesme dhe Iranin, duke theksuar se vendi ynë mbetet një shtet laik.

Në lidhje me situatën e brendshme, ai deklaroi se pas 37 ditësh protesta ka arritur në një “grykë shisheje”, ku sipas tij kanë dështuar liderë si Basha, Kryemadhi dhe Berisha dhe në fund edhe protesta qytetare. Minxhozi nënvizoi se kjo masë e grumbulluar nuk ka fuqi të rrëzojë as Këshillin Bashkiak të Tiranës dhe jo më qeverinë.

“Ju e kujtoni javën kulturore e Izraelit, që u vendos vetëm një flamur në bulevard. Nëse e vendosim në një kontekst më të gjerë të marrëdhënies Shqipëri-Iran, ne u bashkuam me një grup shumë të vogël shtetesh kundër Iranit.

Në bashkësinë fetare myslimane, kjo lloj linje e politikës sonë të jashtme ka prodhuar një qëndrim jo pozitiv të qeverisë. Politikën tonë të jashtme në raport me Lindjen e Mesme, ne politikë islame nuk kemi. Jemi qytetarë laikë dhe shtet laik.

Pas 37 ditësh protesta ka arritur në një grykë shishes, te këmbë e Kryeministrisë, nga Basha, Monika Kryemadhi e Berisha të gjithë dështuan te kjo grykë shishesh. Kjo masë nuk rrëzon dot Këshillim Bashkiak të Tiranës jo më qeverinë”, tha Minxhozi.

I ftuar në emisionin “Real Story”, analisti Frrok Çupi i ka cilësuar si një “marrëzi” protestat e zhvilluara në Tiranë, duke kundërshtuar ata që i quajnë të bukura. Sipas tij, në krye të kësaj lëvizjeje dolën njerëz pa kuptim që mblodhën pas vetes individë të paditur, çka bën që ajo të mos konsiderohet qytetare.

Çupi theksoi se protesta nisi pa objekt dhe u zhvillua pa mendim, duke u kthyer përsëri në një foltore të Sali Berishës.

Ai shtoi se kauza nuk ka asgjë reale dhe se lëvizjet që nuk bazohen në realitet nuk mund të rezistojnë. Në mbyllje, analisti vuri në dukje se pas këtij organizimi fshihen pesë parti politike dhe dy shtete fqinje.

“Është një marrëzi, edhe kjo e shortit. Kjo protestë ishte një gjë më vjen shumë keq, dhe jam kundër disave që thonë ishte e bukur, ajo vetëm, e bukur nuk ishte dolën në krye të saj njerëz pa kuptim. Mblodhën brenda vetes injorantë të tjerë, njerëz të paditur që nuk dinë se në ç’stad është shoqëria, si mund ta quash qytetare.

Qysh në fillim protesta nisi pa objekt, u zhvillua pa mendim. Pati një ngjyrim qytetar dhe pastaj u bë përsëri foltore e Sali Berishës. Për të pasur një objektiv politik duhet me patjetër të kesh një realitet. Protesta nuk ka asnjë gjë reale.

Nisi me një Zvërnec që nuk ishte ashtu siç dukej, dhe gjërat që nuk janë reale nuk rezistojnë. Në fund ke pesë parti politike, dy shtete fqinje”, tha Çupi.