Platformat e firmës së mediave sociale Meta me seli në SHBA përjetuan ndërprerje të mërkurën. Sipas Downdetector, gjurmuesi i ndërprerjeve, përdoruesit raportojnë probleme që lidhen me Facebook-un dhe Instagram-in.

Duke filluar nga ora 10:40 GMT, mijëra përdorues raportojnë probleme me lidhjen si për aplikacionin ashtu edhe për faqet e internetit.

Downdetector përpilon të dhëna nga raportet e paraqitura nga përdoruesit, që do të thotë se numri real i përdoruesve të prekur mund të jetë më i lartë.

The post Facebook dhe Instagram përballen me ndërprerje në të gjithë botën appeared first on Euronews Albania.

Një grup prej 26 ish-punonjësish të Meta Platforms ka ngritur një padi në një gjykatë federale në Oakland, Kaliforni, duke akuzuar kompaninë se ka përdorur softuer të mbështetur nga inteligjenca artificiale (AI) për të identifikuar në mënyrë disproorcionale punonjësit me aftësi të kufizuara ose ata që kishin marrë leje mjekësore gjatë procesit të pushimeve masive nga puna.

Sipas padisë, Meta është mbështetur në tregues si produktiviteti dhe përdorimi i mjeteve të inteligjencës artificiale për të vlerësuar performancën e punonjësve, duke vendosur në disavantazh ata që kishin munguar nga puna për shkak të problemeve shëndetësore.

Në fillim të këtij viti, Meta njoftoi se do të shkurtonte rreth 10% të fuqisë së saj globale të punës, ose afro 8 mijë vende pune, me valën e parë të largimeve që nisi në muajin maj dhe me shkurtime të tjera të planifikuara më vonë.

Paditësit, të cilët kanë zgjedhur të mbeten anonimë, pretendojnë se kompania ka shkelur ligjet federale dhe ato shtetërore që ndalojnë diskriminimin ose hakmarrjen ndaj punonjësve me aftësi të kufizuara, grave shtatzëna apo personave që marrin leje mjekësore. Ata vijnë nga gjashtë shtete amerikane, përfshirë Kaliforninë dhe Nju Jorkun, si edhe nga Distrikti i Kolumbias.

Nga ana tjetër, Meta i ka hedhur poshtë akuzat. Një zëdhënës i kompanisë deklaroi se pretendimet janë të pabazuara.

“Vendimet për menaxhimin e fuqisë punëtore dhe organizimin e kompanisë janë marrë dhe vazhdojnë të merren nga njerëzit, jo nga inteligjenca artificiale”, tha zëdhënësi.

Çështja pritet të shqyrtohet në gjykatë, ndërsa mund të ngrejë pikëpyetje të reja mbi përdorimin e inteligjencës artificiale në vendimmarrjen për menaxhimin e burimeve njerëzore.

The post META paditet në SHBA! Ish-punonjësit pretendojnë se AI u përdor për të përzgjedhur punonjës me probleme shëndetësore për pushime nga puna appeared first on Euronews Albania.

Avokati i Ilir Metës, Bujar Musta është paraqitur këtë të enjte në GJKKO për gjyqin ndaj ish-presidentit në themel. Gjyqi pritet të mbahet në orën 10:00.

Bujar Musta do të mbrojë Metën, pas largimit të avokatit Kujtim Cakrani

The post Seanca ndaj Ilir Metës, paraqitet në GJKKO avokati Bujar Musta appeared first on Euronews Albania.

Ilir Meta depoziton në Kushtetuese kërkesën kundër vendimit të Gjykatës së Lartë që e la në arrest me burg.

Kreu i PL-së përmes avokatit Kujtim Cakrani, kërkon në Kushtetuese lirimin nga qelia.

Meta kërkon shfuqizimin e vendimit të Gjykatës së Lartë që e la në burg më 27 shkurt. Gjithashtu, ish-presidenti i Republikës kërkon edhe shfuqimin e vendimit të mëparshëm, atij të 19 nëntorit 2024, kur Apeli në GJKKO e la në burg.

Meta mbahet i izoluar në burgun 313 në Tiranë, prej 21 nëntorit 2024. Kreu i PL-së po hetohet për aferën CEZ/DIA, gjatë kohës kur bashkëqeveriste forca e tij LSI me Partinë Demokratike, si dhe për lobingjet në Uashington.

The post Ilir Meta depoziton në Kushtetuese kërkesën për lirimin nga qelia appeared first on Euronews Albania.

Ish presidenti Ilir Meta njofton se është dënuar sërish nga Komisioni Displinor i burgut të Durrësit me një ndalesë 14-ditore nga ushtrimet fizike të përbashkëta.

Përmes rrjeteve sociale, kreu i Partisë së Lirisë thotë se argumenti i penalizimit është se ka shkelur një pikë të rregullores që thekson se nuk lejohet “komunikimi me mediat pa leje të posaçme nga Drejtori i Përgjithshëm i Burgjeve”.

Deklarata e plotë e Ilir Metës:

Sot u njoftova për një dënim të ri i bazuar mesa duket në një Rregullore të “re”.

Juristi i IEPV “Jordan Misja” më solli për t’u njohur me dënimin e ri, normalisht siç shkruhej atje të marrë “njëzëri” nga Komisioni Disiplinor, që të ndalohesha edhe 14 ditë nga ushtrimet fizike të përbashkëta.

Argumenti ishte se kisha shkelur në mos gaboj pikën c të pikes ç të Rregullores ku nuk lejohej komunikimi me mediat pa leje të posaçme nga Drejtori i Përgjithshëm i Burgjeve.

Për këtë i referoheshin një komunikimi përmes telefonit të avokatit tim Kujtim Cakrani me gazetaren Znj. Aida Toncica në MCN TV, në 2 korrik 2025.

Kur më dënuan herën e parë u thashë se ju nuk po më dënoni pse kam folur pas orës 20:00, por për faktin pse iu përgjigja gazetares Znj. Beti Njuma.

Jo, më thanë, nuk ka lidhje me këtë por me shkeljen e rëndë të orarit me 20 minuta.

Kur fola live në ora 12:00 të drekës (brenda orarit) shpikën Rregulloren e “re” se nuk mund të flitet me mediat pa leje të posaçme nga Drejtori i Përgjithshëm i Burgjeve.

Tani kemi jo vetëm Prokurori të Posaçme, jo vetëm Gjykata të Posaçme, por edhe “leje të posaçme” për të folur.

Këta që nuk pyetën as për lejet e posaçme që Prokuroria e Posaçme u dha zyrtarisht deputetëve të Partisë së Lirisë për të më takuar do më japin mua leje të posaçme për të folur kundër “Ramaduros”.

Këta që nuk kanë lejuar asnjë gazetar vendas dhe të huaj që të më takojë do më japin leje të posaçme mua.

Këta që vetë më kërkuar që më 11 Maj të votoja në ora 10:00 se donin mediat të më filmonin dhe që “çuditërisht” ua bënë të pamundur kameramanëve dhe gazetarëve duke i vonua për “arsye të kontrollit të sigurisë” që të më filmonin.

Këta që dy javë më lanë motrën dhe tre fëmijët te dera e burgut pa më takuar dhe që herën e tretë kur erdhën të katërt u shpikën rregulloren se njëri duhej të rrinte jashtë se nuk lejoheshin katër siç ndodhte gjithmonë, tani do më japin “leje të posaçme” që të çmontoj të gjithë këtë proces monstruoz criminal të fabrikuar me shpifje dhe kallzime të rreme prej shumë vitesh.

Të dëshpëruar se gjatë 9-muajve në paraburgim nuk arritën të më krijojë asnjë provë të re këtu pavarësisht nga provokacionet e panumërta, kujtojnë se do më nervozojnë me çmendurira të tilla, pjellë e një koke të çmendur e të droguar nga pushteti i vjedhur që nuk mbulohet dot me operacionin “tokë e xanun” e as duke blerë e korruptuar ndërkombëtarët me çanta me dollar si McGonigalin e plot të tjerë.

As ndalimi i komunikimit tim telefonik me Sekretarin e Përgjithshëm të Partisë së Lirisë, Tedi Blushin, nuk do i qetësojë dot makthet e “Ramaduros”,

Fytyrën e vërtetë kriminale të “Ramaduros” e tregojnë sjelljet kriminale ndaj komunitetit të mrekullueshëm të Thethit.

“Toka e xanun” nuk e mbulon dot “pushtetin e xanun” me burgosje opozitarësh dhe ndihmën e karteleve të drogës.

Ata njerëz të mrekullueshëm janë në tokat e tyre brez pas brezi dhe nuk e meritonin këtë pabesi dhe poshtërsi se me sakrificat dhe mikpritjen e tyre i dhanë emër Shqipërisë në botë.

Ndërsa i pabesi e di se në mandatin e katërt karrigia e tij nuk ka më katër këmbë nga pasha e rënduar e vjedhjeve, korrupsionit dhe krimeve.

The post “Ndalohen ushtrimet fizike”, Ilir Meta dënohet nga Komisioni Displinor i burgut appeared first on Euronews Albania.

Të mërkurën në Kavajë u inaugurua shtatorja e Josif Budos, me rastin e 35-vjetorit të rënies së Dëshmorit të Parë të Demokracisë.

Kryetari i PD vlerësoi lart sakrificën e Budos duke e cilësuar si një akt që frymëzoi mbarë shqiptarët drejt lirisë.

Berisha u shpreh se dëshmori Josif Budo do të jetë frymëzim në betejën për rrëzimin e qeverisë aktuale dhe rikthimin e besimit tek shqiptarët.

“Gjaku dhe sakrifica sublime e Josif Budos u shndërruan në dritë dhe frymëzim për mbarë shqiptarët. Kavaja, qyteti i kryengritjes së parë antikomuniste, e priti diktaturën me trimëri dhe qëndroi e pamposhtur,” deklaroi Berisha. Sot çdo shqiptar duhet të nderojë Josif Budon dhe sakrificën e tij me një betim solemn se nuk do të pajtohemi kurrë me këtë regjim. Josif Budo do të na frymëzojë në përpjekjen për të rikthyer dinjitetin, shpresën dhe besimin e shqiptarëve,” tha Berisha.

Në fjalën e tij, Berisha kritikoi kryeministrin Edi Rama, duke e cilësuar si një “diktator modern” që po largon të rinjtë dhe po shkatërron kombin.

“Kombi është i rrëzuar përdhe. Sot jemi dëshmitarë të një politike spastrimi etnik që tejkalon precedentët historikë,” shtoi ai.

Berisha përmendi edhe burgosjen e Ervin Salianjit, duke e konsideruar atë si viktimë të përpjekjeve për të mbrojtur kryeministrin Rama dhe Fatmir Xhafën ndaj akuzave.

“Çfarë mund t’i bëjë një armik më shumë një kombi se sa ai që burgos kundërshtarët e tij? Ervin Salianji u dënua vetëm sepse denoncoi mbrojtjen që i bëhej Geron Xhafës për trafikun e Vlorës,” tha Berisha.

Në fjalimin e tij, Berisha foli edhe për arrestimin dhe burgosjen e aleatit të tij Ilir Meta, duke e krahasuar me rastin e poetit Havzi Nela.

“A ka ndonjë dallim mes varjes në litar të Havzi Nelës në vitin 1988 dhe trajtimit brutal të kundërshtarëve politikë në ditët e sotme? Ndërsa ai vdiq, edhe ky terrorizon një popull të tërë,” theksoi Berisha.

Kujtojmë që më 10 korrik 1990, në Kavajë u vra nga forcat sampiste, Josif Budo, duke u bërë dëshmori i parë i lëvizjes antikomuniste në Shqipëri në fillim të viteve ’90.

Ky krim e nxiti dhe më shumë protestën e kavajasve ndaj regjimit në pushtet dhe në qytet zbarkuan tankse dhe forca të shumta për të ruajtur rendin. Sofika Cara, dëshmitare okulare e ngjarjeve, sjell zhvillimet e atyre ditëve tronditëse.

LEXONI GJITHASHTU:

• Partia e Lirisë kërkesë KQZ për rinumërimin e fletëve të votimit në Kavajë
• Kanoset punonjësja e Bashkisë së Kavajës, shpallen në kërkim tre autorët e dyshuar

The post Përurohet shtatorja e Josif Budos në Kavajë, Berisha: Rama burgos kundërshtarët appeared first on Euronews Albania.

Presidenti i Partisë së Lirisë, Ilir Meta, ka apeluar vendimin e Gjykatës së Posaçme Kundër Korrupsionit dhe Krimit të Organizuar (GJKKO), e cila rrëzoi kërkesën e tij për zëvendësimin e masës së sigurisë.

Sipas burimeve, apelimi është dorëzuar këtë të hënë nga avokatët e tij.

Më 26 qershor, pas një seance që zgjati rreth katër orë, GJKKO vendosi të lërë në fuqi masën e “arrestit me burg” për ish-presidentin.

Në seancë, Meta pati përplasje verbale me prokurorin Sotir Kllapi, përfaqësuesin e akuzës, ndërsa deklaroi se akuzat ndaj tij nuk qëndrojnë.

Meta kishte kërkuar zëvendësimin e masës së sigurisë me një më të lehtë, por gjykata e rrëzoi këtë kërkesë, duke vendosur që ai të vijojë qëndrimin në paraburgim.

Meta ndodhet në paraburgim që prej 21 tetorit 2024 ndërsa mbrojtja e tij pretendon se janë shkelur afatet procedurale, duke theksuar se SPAK nuk ka dorëzuar njoftimet periodike dy mujore të parashikuara nga ligji për vazhdimin e masës së sigurisë.

Avokatët kërkojnë zëvendësimin e masës me “arrest shtëpie” ose “detyrim për paraqitje”.

LEXONI GJITHASHTU:

• Meta i përgjigjet Kryemadhit: Kur të komandon halli, bëhesh Zeqine e SPAK-ut
• GJKKO e la në burg, reagon Ilir Meta

The post Ilir Meta apelon vendimin e GJKKO për masën e arrestit me burg appeared first on Euronews Albania.

Çifti Monika Kryemadhi dhe Ilir Meta janë përfshirë në një seri replikash në distancë këtë të hënë. I pari që reagoi ishte ish-presidenti Meta, i cili iu drejtua Kryemadhit si “Zegjineja e SPAK-ut” dhe kërkoi prej saj që të mos ia përmendte më emrin në daljet e saj publike. Meta gjithashtu ngriti dyshime se si Kryemadhi, nën hetim nga SPAK për lidhje dhe përfitime nga kushëriri i saj në SHBA, Ardian Shatku, mundi të merrte leje nga organi i akuzës dhe të udhëtonte përtej Atlantikut në muajin janar.

Në përgjigjen e saj, Kryemadhi ka nxjerrë vizën amerikane me disa hyrje-dalje dhe shton se ajo nuk është aspak e ndaluar të udhëtojë jashtë vendit.

Kryemadhi shton se nuk ka nevojë të marrë leje për të udhëtuar, përveç ditës kur është në “detyrim paraqitje” pranë SPAK.

Ajo ironizon Metën duke e quajtur “fansi i Zeqinës” dhe nuk lë pa përmendur Tedi Blushin, të cilin e quan “fansi i garderobës së saj”.

Të enjten e kaluar nga jashtë Kuvendit, Kryemadhi hodhi akuza të forta ndaj Tedi Blushit, duke thënë se ai është personi që manipulon Metën dhe që e ka larguar nga miqtë dhe familja.

Postimi i Monika Kryemadhit:

“Një sqarim i vogël në këtë ditë të nxehtë për të ftohur mendje të nxehura nga dezinformues tradicionalë. Unë nuk jam e penguar nga askush për të lëvizur drejt Amerikës dhe çdo vendi tjetër, përveç ditës që drejtësia ka vendosur të jem në “detyrim paraqitje” pranë SPAK.

Siç e shikoni, viza amerikane është me disa hyrje-dalje dhe kjo është një gjë e vërtetueshme nga foto ose nga zyra e shtypit në ambasadën përkatëse. Nuk kam nevojë të marrë leje askund, madje as fansit të Zeqinës, e as fansit të garderobës sime Tedi Blushit, për të udhëtuar drejt çdo vendi ku kam viza pune.”

LEXONI GJITHASHTU:

• Kryemadhi akuza ndaj Tedi Blushit: Po e manipulon Metën, e largoi nga shtëpia
• Meta i përgjigjet Kryemadhit: Kur të komandon halli, bëhesh Zeqine e SPAK-ut

The post “Zeqineja e SPAK-ut”- Kryemadhi i përgjigjet Metës, i nxjerr vizën amerikane appeared first on Euronews Albania.

Nga qelia ku ndodhet në paraburgim, ish-presidenti Ilir Meta ka reaguar ndaj deklaratës së Monika Kryemadhit, e cila pas daljes nga SPAK, tha se“nuk i intereson çfarë thotë Ilir Meta”.

Në një postim të shpërndarë nga Partia e Lirisë në rrjete sociale, Meta i është përgjigjur ish-bashkëshortes me tone të ashpra, duke e quajtur atë “Zegjinenë e SPAK-ut”.

Ai pretendon se Kryemadhi është vënë në shërbim të Prokurorisë së Posaçme dhe po vepron e komanduar nga “halli”.

“Në respekt dhe përkujdesje të tre fëmijëve të mi, u kisha thënë pas zgjedhjeve që nëna e tyre të mos e përmendte më emrin tim në publik, se nuk doja të merresha më me të. Por kur të komandon halli, bëhesh Zeqine e SPAK-ut,” shkruan Meta.

Ai ka përsëritur akuzat ndaj kreut të SPAK, Altin Dumani, duke e cilësuar hetimin ndaj tij si “monstruoz” dhe izolimin si të motivuar politikisht. Meta mohoi që të ketë pasur ndonjë dijeni apo përfshirje në shkelje ligjore lidhur me dy kartat bankare të përmendura në hetime, për të cilat ai pretendon se janë pjesë e një “skeme shpifjesh për të justifikuar arrestimin e tij”.

“Faktet dhe provat janë fshehur për të mbuluar persona që kanë shkelur ligjet, ose që janë dëshmitarë të rremë. Unë nuk dua t’i besoj se ato që ka shkruar Dumani për kartat e saj bankare dhe të Adrian Shatkut janë të vërteta, por SPAK i përdor për të justifikuar izolimin tim si lider i Partisë së Lirisë,” vijon Meta.

Kreu i PL-së kujtoi gjithashtu se SPAK i kishte dhënë  leje Kryemadhit për të udhëtuar drejt Shteteve të Bashkuara të Amerikës në janar të këtij viti, gjë që sipas tij bie ndesh me pretendimet e prokurorisë.

𝐍𝐣𝐞̈ 𝐩𝐞̈𝐫𝐠𝐣𝐢𝐠𝐣𝐞 𝐩𝐞̈𝐫 “𝐙𝐞𝐪𝐢𝐧𝐞𝐧𝐞̈” 𝐞 𝐒𝐏𝐀𝐊-𝐮𝐭.

Në respekt dhe përkujdesje të tre fëmijëve të mi u kisha thënë pas zgjedhjeve, që nëna e tyre të mos e përmendte më emrin tim në publik se nuk doja të merresha më me të.

Por kur të komandon halli bëhesh “Zeqine” e SPAK-ut.

Ilir Meta dhe Tedi Blushi, jo vetëm që nuk përsërisin akuzat e Altin Dumanit, por vetëm kanë çmontuar publikisht shpifjet kriminale të orkestruara nga Altin Dumani se gjoja ishin gjetur dy prova të reja, pra dy karta banakre të reja, që sipas tyre ishin të përdorur edhe nga Ilir Meta, apo edhe ai ishte në dijeni.

Ilir Meta dhe Tedi Blushi iu janë përgjigjur këtyre shpifjeve monstruese që filluan me rrëmbimin tim monstruoz, me hetimin monstruoz dhe me izolimin tejet monstruoz, që nuk ka lidhje me asnjë fakt dhe provë penale për Ilir Metën.

Përkundrazi. faktet dhe provat janë fshehur deri tani për të mbuluar personat që kanë shkelur ligjet apo që kanë patur dijeni për shkeljet e ligjeve apo që janë vërtetuar si dëshmitarë të rremë, që dihet publikisht që ishin në listat e kandidatëve për deputet të “Rilindjes” dhe kanë punuar për “Rilindjen” me material shtrëngues.

Sigurisht edhe unë nuk dua t’i besoj, që ato që ka shkruar Altin Dumani për kartat e saj bankare dhe të Adrian Shatkut janë të vërteta, por ata i shkruajnë për të justifikuar izolimin kriminal të Ilir Metës si lider i Partisë së Lirisë.

Se po të ishin të vërteta, sigurisht që SPAK nuk do i jepte leje “Zeqinesë” të shkonte të SHBA në janar të këtij viti, ku jeton Adrian Shatku dhe janë kompanitë e lobimit që ia ka sjellë në Shqipëri, të cilat po ifzeqë heton SPAK prej 3 vitesh.

LEXONI GJITHASHTU:

• Kryemadhi akuza ndaj Tedi Blushit: Po e manipulon Metën, e largoi nga shtëpia
• Mbyllja e hetimeve të SPAK, Kryemadhi: Kam bashkëpunuar me Metën për heqjen e mitrës

The post Meta i përgjigjet Kryemadhit: Kur të komandon halli, bëhesh Zeqine e SPAK-ut appeared first on Euronews Albania.

Gjykata e Shkallës së Parë të Rrethit Gjyqësor Fier ka caktuar masën e sigurisë “arrest me burg” për 36-vjeçarin Zamir Meta, i cili dyshohet se ka abuzuar seksualisht me vajzën e tij të mitur të moshës 12-vjeçare.

I dyshuari mbërriti në ambientet e gjykatës rreth orës 10:00, me kokën ulur, ndërsa seanca u zhvillua me pjesëmarrjen e prokurorit Genci Mane, gjyqtarit Nertil Dushku dhe një avokati të caktuar kryesisht. Gjatë dëshmisë së tij para trupit gjykues, Meta ka qëndruar i përulur dhe ka pranuar aktin e rëndë.

Në deklarimet e dhëna më parë në polici, ai ka pohuar se abuzimi ka ndodhur “vetëm një herë”, por ekspertiza mjeko-ligjore ka konfirmuar marrëdhënie të përsëritura me vajzën, duke përforcuar dyshimet për një abuzim sistematik.

Në një prononcim për mediat, nëna e vajzës ka deklaruar se nuk ka qenë në dijeni të ngjarjes dhe e ka mësuar gjithçka vetëm pas denoncimit të së bijës në polici. Ajo kërkoi dënim maksimal për bashkëshortin, duke theksuar se vajza kishte shfaqur sjellje të pazakonta, por nuk kishte rrëfyer më herët për përjetimet e saj.

Hetimet vijojnë për zbardhjen e plotë të kësaj ngjarjeje tronditëse që ka shkaktuar reagim të fortë në opinionin publik.

LEXONI GJITHASHTU:

• Dyshohet se abuzoi seksualisht me vajzën 12-vjeçe, kush është 36-vjeçari i arrestuar
• “Ndodhi vetëm një herë”- Akuzohet se abuzoi me të bijën, del në gjykatë 36-vjeçari

The post Abuzoi me vajzën e mitur, lihet në burg babai në Fier. Çfarë zbuloi ekspertiza appeared first on Euronews Albania.

Është paraqitur këtë të mërkurë në Gjykatën e Shkallës së Parë të Fierit 36-vjeçari, Zamir Meta, i cili akuzohet për abuzim seksual ndaj vajzës së tij të mitur 12-vjeçare.

Meta, baba i shtatë fëmijëve, ka pranuar para policisë gjyqësore se ka kryer aktin, por ka pretenduar se ka ndodhur “vetëm një herë”. Procesi gjyqësor është në fazën paraprake dhe pritet të vijojë me administrimin e provave dhe dëshmive.

Sipas nënës së vajzës, adoleshentja ishte larguar nga banesa në orët e para të mëngjesit dhe kishte kërkuar ndihmë te fqinjët, duke shfaqur shenja të traumës së rëndë psikologjike. Ajo dyshon se abuzimi ka ndodhur në mënyrë të përsëritur që prej moshës 5-vjeçare, por është mbajtur e fshehtë nga vajza.

Hetimet vijojnë për të zbardhur të plotë ngjarjen.

LEXONI GJITHASHTU:

• Dyshohet se abuzoi seksualisht me vajzën 12-vjeçe, kush është 36-vjeçari i arrestuar
• Abuzimi me 13-vjeçaren/ Gazetari: 38-vjeçari e ka prezantuar me meshkuj të tjerë

The post “Ndodhi vetëm një herë”- Akuzohet se abuzoi me të bijën, del në gjykatë 36-vjeçari appeared first on Euronews Albania.

Një ngjarje e rëndë është raportuar në fshatin Sheqishtë të Patosit, ku Policia ka arrestuar në flagrancë një 36-vjeçar, i cili dyshohet se ka kryer marrëdhënie seksuale me vajzën e tij të mitur të moshës 12-vjeçare.

Shtetasi i arrestuar është, Zamir Meta, personi që shihni në foton e mësipërme.

Nëna e vajzës, 30 vjeç, ka deklaruar për mediat se vajza ishte larguar nga banesa në orën 4 të mëngjesit dhe kishte shkuar te fqinjët, pasi dyshohet se ishte përdhunuar nga babai. Ajo shtoi se vajza kishte qenë e abuzuar sistematikisht që nga mosha 5-vjeçare dhe kishte shfaqur sjellje agresive, por nuk kishte treguar më parë për ngjarjen.

Policia po vijon hetimet për zbardhjen e plotë të rastit.

“Specialistët për Hetimin e Krimeve të Komisariatit të Policisë Fier arrestuan në flagrancë shtetasin Z. M., 36 vjeç, banues në fshatin Sheqishtë, Patos, pasi dyshohet se ka kryer marrëdhënie seksuale me vajzën e tij 12 vjeçe. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.”, njofton policia.

LEXONI GJITHASHTU:

• Abuzimi me 13-vjeçaren/ Gazetari: 38-vjeçari e ka prezantuar me meshkuj të tjerë
• U akuzua nga e bija e mitur për abuzim seksual, lirohet 48-vjeçari nga Kavaja

The post Dyshohet se abuzoi seksualisht me vajzën 12-vjeçe, kush është 36-vjeçari i arrestuar appeared first on Euronews Albania.

Ish-presidenti Ilir Meta reagoi pa vendimit të sotëm të Gjykatës së Posaçme që la në fuqi masën e “arrestit me burg” ndaj tij.

Përmes një mesazhi të shpërndarë në faqen e vet në Facebook, Meta i cili ndodhet në qeli që nga tetori i vitit të shkuar, i cilësoi qesharake pretendimet e akuzës ndërsa ritheksoi se çështja e tij do të shkojë në Gjykatën e Strasburgut

“Asnjë çudi nga drejtësia me regji ku SPAK përgjon gjykatat dhe ku afërmendsh akuzat formulohen nga tribunat e “Rilindjes”.

Ne do ta çmontojmë këtë farsë hap pas hapi dhe do ta shpartallojmë në Gjykatën e Strasburgut por edhe në debatin publik.

Ndaj ndiqni sot në ora 17:30 argumentet e mia kryesore kundër pretendimeve qesharake të akuzës, nga Sekretari i Përgjithshëm, z.Tedi Blushi.

Nesër në ora 11:00 përmes telefonit të z.Blushi i ftoj të gjithë gazetarët të më adresojnë  pyetjet e tyre për të zhvilluar së bashku një konferencë për mediat live.

Nuk ka fuqi që i mbyt të vërtetat e Ilir Metës dhe kauzat e Partisë së Lirisë”, shprehet Meta.

LEXONI GJITHASHTU:

• GJKKO merr vendimin, lë në burg Ilir Metën
• Ilir Meta kërkon zbutjen e masës së sigurisë

The post GJKKO e la në burg, reagon Ilir Meta appeared first on Euronews Albania.

Seanca e kësaj të premte ndaj kreut të Partisë së Lirisë është shtyrë për më datë 26 qershor, pasi pala mbrojtëse ka kërkuar kohë për t’u njohur me aktet e reja të paraqitura nga Prokuroria e Posaçme.

Duke folur para mediave, avokati i zotit Meta, Kujtim Cakrani, tha se ka rënë akuza për lobimin në SHBA, pasi sipas tij ishte vetë prokurori që e tha këtë në seancë.

“Sot prokurori ka kërkuar që akuza sa i përket lobimit në SHBA nuk qëndron më. Ky është një lajm shumë i mirë, e ka sjellë prokurori. Prokurori e pranoi se lobimi ka rënë, pasi nga emailet që kanë ardhur vërtetohet që zoti Meta nuk ka kryer pagesën 100 mijë euro, siç është thënë deri më sot, por ka qenë një pagesë 15 mijë euro që është paguar dhe më pas është ndërprerë”, tha avokati i Metës.

Ai sqaroi dhe ecurinë e kësaj seance ku tha se prokurori i SPAK paraqiti 5 fashikuj, ku tre prej tyre sipas tij ishin përkthime për lobimin në SHBA.

“Sot u shty sepse unë kërkova të njihem me aktet e prokurorit dhe disa dëshmi. Prokurori thotë se po verifikon pasuritë e vjehrrës së zotit Meta dhe nuk foli asgjë mbi zotin Meta. Dhe unë i thashë që s’kam lidhje me zonjën Kryemadhi, me nënën e saj, ia thashë këtë prokurorit. Zoti Meta nuk ka përdorur asnjë kartë, kartë ka përdorur ish-bashkëshortja e tij. U fol për çdo gjë, por vetëm për zotin Meta nuk u fol. Ne kërkuam kohën tonë të shqyrtojmë pretendimet e akuzës dhe kush është arsyeja që ai të qëndrojë në paraburgim”.

I pyetur nga një gazetare se pse zoti Meta nuk kërkon lirimin me garanci pasurore, avokati Cakrani u shpreh se s’ka si ta kërkojë kur ai s’ka pasuri fare.

“Meta s’ka pasuri, janë zero pasuritë e zotit Meta. Të marrin Elon Musk, t’i gjejnë pasuritë në Mars, e ka zero pasurinë. Zoti Meta s’ka çfarë garancie të japë, ai s’ka, s’i kërkon lirimin për të lënë pasuri sepse e ka zero pasurinë. Ka vetëm 1 të 4-tën e pasurisë së babait. Zoti Meta po mbahet aty për aludime. Nga kërkimet që ka bërë SPAK, ka kërkuar në Shqipëri, në Kanada, Qipro e kudo. Ka bërë letër-porosi dhe zoti Meta nuk disponon as pasuri të luajtshme, as të paluajtshme. Unë këtu bazohem. Ai po mbahet në paraburgim pa asnjë provë dhe fakt. Ky është thelbi. Sot bëjnë tetë muaj që i bëhet një inkuizicion presidentit të Partisë së Lirisë”.

Në mbyllje, Cakrani tha se nuk ka më prova për Ilir Metën dhe ai mbahet në burg me urdhër politik dhe ndaj Metës sipas tij po kryehet inkuizicion.

“E kuptoni? Nuk ka më prova për zotin Meta. Sot u fol aty për X, Ypsilonin… Ç’lidhje ka zoti Meta me analizat financiare të ish-it, ish-it dhe ish-it? Zoti Meta duhet të lirohet patjetër, sepse po mbahet në paraburgim nga një urdhër politik i Ayatollahut të Tiranës. Zoti Meta është në formë perfekte fizike dhe shëndetësore. Foli prokurori – ka sjellë një material 31 faqesh. Tani, në datën 26, ora 10:30, kemi seancën tjetër. Do flasim për ato që ka sjellë prokurori”, tha avokati i zotit Meta, Kujtim Cakrani.

LEXONI GJITHASHTU:

• Ilir Meta kërkon ndryshimin e masës së sigurisë: Janë shkelur afatet
• Ilir Meta kërkon zbutjen e masës së sigurisë, SPAK zbulon episod të ri korrupsioni

The post Shtyhet seanca për Metën, avokati: SPAK pranoi se akuza për lobimin në SHBA ka rënë appeared first on Euronews Albania.

Ilir Meta do të paraqitet sot në orën 11:30 në Gjykatën e Posaçme Kundër Krimit dhe Korrupsionit, ku do të kërkojë zbutjen e masës së sigurisë që i është caktuar.

Ndërkohë, burime  bëjnë me dije se është zbuluar një episod i ri korrupsioni, i cili i atribuohet Metës dhe ish-bashkëshortes së tij, Monika Kryemadhit. Bëhet fjalë për një kartë tjetër bankare që rezulton se është përdorur për blerje dhe shpenzime të ndryshme.

Mësohet se karta i është vënë në dispozicion Metës dhe Kryemadhit nga biznesmeni Adrian Shatku. Nga hetimet paraprake më herët u zbulua një kartë tjetër “Amerikan Express” që ishte përdorur dhe vënë në dispozicion nga i njëjti biznesmen.

Po ashtu, SPAK pritet të saktësojë edhe episodin mbi akuzën e lobimit të ish-LSI-së, pasi nga letërporositë janë zbuluar të dhëna të reja lidhur me pagesat dhe kontratën përkatëse.

LEXONI GJITHASHTU:

• Kavajë/ Kultivuan 1200 bimë kanabis, 2 të arrestuar, shpallen në kërkim 2 të tjerë
• Të shtëna me armë zjarri drejt lokalit të ish-shoferit të ish-prokurorit Arjan Ndoja

The post Ilir Meta kërkon zbutjen e masës së sigurisë, SPAK zbulon episod të ri korrupsioni appeared first on Euronews Albania.

Sekretari i Përgjithshëm i Partisë së Lirisë, z. Tedi Blushi, doli në një konferencë shtypi këtë të mërkurë, ku njoftoi se pas një lidhjeje live nga burgu me një studio televizive përmes celularit, Ilir Metës i është ndaluar aktiviteti sportiv.

Sipas Blushit, Meta është dënuar nga Komisioni Disiplinor i burgut “Jordan Misja” me 10 ditë ndalim të ushtrimit të aktiviteteve sportive. Ky vendim, sipas tij, është marrë sepse Meta realizoi një intervistë live me telefon gjatë një emisioni televiziv.

Në studion e lajmeve ka qenë vetë Blushi i ftuar, i cili, duke komunikuar në celular me Metën, ia ka kaluar telefonin drejtueses së lajmeve, ku Meta është prononcuar.

“Partia e Lirisë dënon gjithashtu me forcë edhe përpjekjen kriminale të narkoregjimit, që pasi i kufizoi lirinë e lëvizjes duke e izoluar padrejtësisht, në mënyrë krejtësisht qesharake po tenton t’i heqë Presidentit Meta edhe lirinë dhe të drejtën e fjalës për të komunikuar me gazetarët.

Rasti më qesharak ndodhi sot, kur Komisioni Disiplinor i IEPV ‘Jordan Misja’ dënoi Presidentin Meta me 10 ditë ndalim të aktiviteteve sportive në ambientet e paraburgimit, vetëm pse pak ditë më parë realizoi live një intervistë me gazetaren Beti Njuma”, tha Blushi.

Sekretari i Përgjithshëm i PL-së, Blushi, u ndal edhe tek zgjatja e hetimeve për Metën, duke thënë se është një akt tërësisht politik dhe se po e mbajnë në qeli pa prova.

“Zgjatja mafioze e afatit të hetimeve për Presidentin Meta, në mungesë totale të provave që kurrë nuk do të gjenden sepse nuk ekzistojnë, është një akt tërësisht politik, që është urdhëruar publikisht në Asamblenë e Partisë Socialiste nga Edi Rama më 7 maj të vitit 2022, të cilin e dënojmë me forcën më të madhe. Presidenti Meta, në krye të Partisë së Lirisë, po drejton me vendosmëri dhe efikasitet të plotë politik aktivitetin dhe qëndrimet e saj politike. Me gjithë kushtet e izolimit, ai gëzon shëndet të plotë dhe garanton të gjithë gazetarët e pavarur se asnjë masë represioni apo kufizimi e imponuar nga narkoregjimi nuk do të mund t’i ndalojë atij kurrë lirinë e fjalës dhe të drejtën për të komunikuar me mediat e pavarura”, tha Blushi.

LEXONI GJITHASHTU:

• Iu zgjatën hetimet me 6 muaj, Ilir Meta reagon nga burgu: Do dal më i fortë
• Meta zyrtarisht nën akuzë nga SPAK, avokati: Ja sa rrezikon të dënohet

The post Meta dënohet me ndalimin e aktiviteteve sportive në burg, reagon Partia e Lirisë appeared first on Euronews Albania.

Kreu i Partisë së Lirisë, Ilir Meta i cili ndodhet në paraburgim që prej 21 tetorit 2024 nën akuzat për korrupsion, ka reaguar këtë të martë me anë të një postimi në Facebook ku shprehet se sot duhet të mbylleshin hetimet zyrtare ndaj tij, por ato janë shtyrë për të dytën herë.

Meta shprehet se afati i përfundimit të hetimeve u shty fillimisht me 6 muaj ndërsa ditën e djeshme i është komunikuar një tjetër shtyrje për të mbledhur prova. Sipas ish-presidentit nuk ka asnjë provë kundër tij gjatë 32 viteve aktivitet politik.

Status i plotë i Ilir Metës:

Sot duhet të mbylleshin hetimet zyrtare ndaj meje, që ishin shtyrë njëherë me 6 muaj pas rrëmbimit tim kriminal dhe banditesk pa akuzë, siç e kanë parë të gjithë qytetarët shqiptarë dhe e gjithë bota.

Edhe pse më 27 maj 2025 më ishte komunikuar një akuzë tërësisht politike, që është formuluar në Asamblenë e Partisë Socialiste të datës 7 maj 2022  “çuditërisht” dje m’u komunikua një shtyrje tjetër e afatit të hetimeve për të mbledhur gjoja prova të mjaftueshme, ndërkohë që hetimet ndaj meje kanë nisur që në dhjetor 2019 nën kujdesin e veçantë të Charles McGonigal, kryezbuluesit të FBI të korruptuar nga Edi Rama.

Nuk ka mbetur kontinent, shtet, ishull dhe bankë në botë pa çuar letër-porosi për mua.

Përfundimi dihet, zero fakte, zero prova, zero qindarkë të paligjshme, zero cent të paligjshëm, zero pasuri të paligjshme të Ilir Metës të zbuluar në të gjithë veprimtarinë hetimore 6-vjeçare të SPAK për aktivitetin tim publik 32-vjeçar.

Për të justifikuar mbajtjen time të paligjshme në burg presin letër-porosi për persona të cilët gëzojnë liri të plotë dhe që uroj të gëzojnë liri dhe shëndet gjithmonë.

Ndërsa unë, Presidenti i Partisë së Lirisë, duhet të vazhdoj të qëndroj në paraburgim vetëm për të penguar aktivitetin tim politik dhe publik si lider opozitar i pashantazhueshëm nga narkoregjimi dhe veglat e tij.

Për mua le të çojnë letër-porosi edhe në planete të tjera se inceneratori përsëri nuk ekziston dhe shqiptarët vazhdojnë të paguajnë 90 mijë euro/ditë që një pjesë e këtyre parave të shkojnë edhe për mediat e regjimit, për gazetarët dhe analistët në shërbim të “Rilindjes” dhe të SPAK-ut.

Partia e Lirisë nga kjo përballje me Narkoregjimin do të dalë shumë herë më e fortë sepse kauzat tona janë të pathyeshme dhe Ilir Meta do të jetë gjithmonë besnik i 2 Marsit deri në rikthimin e plotë të sovranitetit të popullit shqiptar, që u përdhos aq rëndë edhe me farsën e 11 Majit, për të cilën jo pak ndihmë dha edhe Task-Force imagjinare e SPAK-ut.

Brenda javës ezaurojmë Gjykatën Kushtetuese dhe ecim me shpejtësi drejt Strasburgut.

Fundi i drejtësisë me regji do të jetë i turpshëm dhe i “falenderoj” që kurrë nuk më kanë zhgënjyer sepse me veprimet e tyre tërësisht sorosiste, arbitrare dhe kriminale vetëm kanë provuar atë që kam thënë prej shumë kohësh, që kjo është një drejtësi me regji, garante e pandëshkueshmërisë të Edi Ramës, e arkitektit dhe vendimmarrësit absolut për aferën e shekullit të inceneratorëve, i vetmi kryeministër në botë që shpall fituesit pa lindur akoma, emri i të cilit është të paktën 14 herë në dosjen e mikut të tij McGonigal.

Pluralizmi politik në Shqipëri do të rivendoset dhe do të jetë plotësisht funksional dhe bashkë me të edhe LLOGARIDHËNIA për Kryemercenarin e Shqipërisë dhe të gjithë mercenarët e tij që shkelin ligjin dhe Kushtetutën.

The post Iu zgjatën hetimet me 6 muaj, Ilir Meta reagon nga burgu: Do dal më i fortë appeared first on Euronews Albania.

SPAK ka kërkuar këtë të hënë zgjatjen e hetimeve ndaj kreut të Partisë së Lirisë, Ilir Meta.

Avokati i tij, pasi ka marrë shkresën nga prokurorët, deklaroi për mediat se SPAK po mban Ilir Metën në paraburgim, megjithëse sipas tij ende nuk ka asnjë provë ndaj tij.

Avokati Kujtim Cakrani u shpreh se Meta mbahet në burg për arsye politike, ndërsa citoi shkresën e prokurorëve, të cilët, sipas tij, me arsyetimin se “presin prova dhe përgjigje për akt-ekspertime”, kanë kërkuar zgjatjen e hetimeve.

Avokati i Metës tha se është e pakuptimtë që SPAK ka gjashtë vite që nuk gjen prova për Metën, dhe sërish kërkon zgjatje të afateve hetimore.

Meta ndodhet prej 7 muajsh në paraburgim dhe, sipas avokatit, Prokuroria nuk e ka përmbushur detyrimin ligjor për të kërkuar nga Gjykata çdo dy muaj vazhdimin e masës së paraburgimit. “Çështjen do ta çojmë në Gjykatën Kushtetuese dhe më pas në Strasburg. Si ka mundësi që SPAK, edhe pas një viti, të thotë se nuk ka prova për të vijuar hetimet ndaj Metës? Këtu kam një shkresë ku Prokuroria kërkon sërish zgjatjen e afatit me 6 muaj të tjerë,” – tha ai.

Sipas avokatit, kjo është hera e dytë që kërkohet zgjatje me një shkresë “të thatë” sipas tij, ku thuhet se “presin prova, presin akt-ekspertim të ish-vjehrrës”. “Po çfarë lidhje ka zoti Meta me aktet e ekspertimit të vjehrrës?”, shtroi ai pyetjen.

“Thonë se nuk janë mbledhur provat për të, por megjithatë e mbajnë në burg Presidentin e Republikës. Nuk ka asnjë provë, asnjë fakt që justifikon këtë masë, dhe është absurde që presidenti vijon të qëndrojë në paraburgim. Presidentit i është komunikuar akuza dhe afati përfundon nesër, ndërkohë që SPAK i ka shtyrë me 6 muaj të tjerë hetimet. Erdha sot dhe më dhanë vendimin. Nuk kuptojmë pse mbahet në paraburgim. Pse mbahet në paraburgim Ilir Meta? Kjo është pyetja që shtrohet. Ne nuk jemi kundër hetimit, ai është pro hetimit, por pse mbahet në paraburgim?”, tha Cakrani.

Avokati theksoi se të gjithë e dinë që Meta mbahet për çështje politike dhe përmendi mënyrën se si, sipas tij, u arrestua: “Po të donte SPAK, do kishte ndikuar te kolegët e tyre në Prokurorinë e Tiranës për hetimet, për të zbardhur se si u rrëmbye Ilir Meta nga ata policë”, tha avokati i Metës.

Avokati paralajmëroi se këtë çështje do ta çojnë në Gjykatën Kushtetuese dhe në Strasburg, duke kundërshtuar qëndrimin e Metës në burg, sipas tij pa prova, si edhe mënyrën e arrestimit, që do të dërgohet në Gjykatën Evropiane për të Drejtat e Njeriut.

LEXONI GJITHASHTU:

• Meta zyrtarisht nën akuzë nga SPAK, avokati: Ja sa rrezikon të dënohet
• Gazetarja: Kush është personi që Meta thotë se e tradhtoi dhe i dorëzoi listën PS-së

The post SPAK kërkon zgjatjen e hetimeve për Metën, avokati: S’kanë mbledhur asnjë provë appeared first on Euronews Albania.

SPAK ka përfunduar hetimet dhe ka marrë zyrtarisht të pandehur ish-presidentin Ilir Meta me akuzat e korrupsionit, pastrimit të parave dhe mosdeklarimit të pasurisë.

Ish-prokurori dhe avokati Gentian Rumano shpjegoi në emisionin Now në Euronews Albania sa vite burg rrezikon ish-presidenti Meta me akuzat e zyrtarizuar nga prokuroria sipas dispozitave të kodit penal.

“Nuk mund të marrin rolin e gjykatës, por ajo që mund të përcjellim një opinion janë dispozitat për të cilat akuzohet, edhe pse nuk kemi një njoftim zyrtar nga SPAK. Fshehja e të ardhurave që ka një marzh dënimi gjobë deri në 3 vite, korrupsioni pasiv i funksionarëve të lartë, po t’i referohemi çështjesh CEZ DIA, që bëhet fjalë më 10 vjet më parë, prokuroria ka njoftuar akuzën tani për të parandaluar një parashkrim të veprës penale. Për këto akuza, që janë më të rëndat korrupsion pasiv i zyrtarëve të lartë nga 4-12 vite burg dhe pastrimi i parave që është edhe më e rënda 7-15 vite burg”, tha avokati.

LEXONI GJITHASHTU:

• Ilir Meta bisedë telefonike me gazetarët: Në sallën e gjyqit do çmontoj çdo akuzë
• U mor i pandehur, Meta reagon sërish: Procesi do shkrihet si akullorja në vapë

The post Meta zyrtarisht nën akuzë nga SPAK, avokati: Ja sa rrezikon të dënohet appeared first on Euronews Albania.

E ftuar në emisionin “NOW me Erla Mëhillin”, gazetarja Anduena Llabani hodhi dritë mbi deklaratat e ish-presidentit Ilir Meta, i cili, pasi u mor i pandehur, deklaroi këtë të martë se ka një person që e ka tradhtuar nga brenda Partisë së Lirisë në zgjedhjet e 11 majit.

Duke sqaruar këtë reagim të Metës, gazetarja zbuloi, sipas saj, emrin e personit për të cilin Meta aludon se ka kryer tradhtinë. Ajo tha se personi që e tradhtoi Metën gjatë fushatës për zgjedhjet e 11 majit është Petrit Sina.

“Duhet thënë se i vetmi njeri që mund të dijë shumë elemente të fushatës elektorale është Tedi Blushi, pasi është i vetmi që, së bashku me djalin e Metës, e takojnë dhe e informojnë atë në burg. Meta foli sot për një tradhëtar brenda partisë, por tradhëtarin e vërtetë e njeh vetëm Monika Kryemadhi. Është një person që quhet Petrit Sina, i cili është shkarkuar nga Meta me një vendim të nisur me letër nga brenda burgut. Me dijeninë time, di që Sina synonte të merrte postin e sekretarit të përgjithshëm. Nga informacionet që kam brenda partisë, Petrit Sina është personi që Meta thotë se e ka tradhtuar në pjesën e fushatës, por ama Monika Kryemadhi e njeh mirë tradhëtarin brenda partisë”, tha ajo.

Gazetarja shpjegoi edhe daljen e avokatit të ri të Ilir Metës këtë të martë, duke treguar se avokati i mëparshëm, Gjokutaj, ka hequr dorë nga mbrojtja e Metës.

“Sot pamë një fakt: një avokat të ri të Ilir Metës, Kujtim Cakrani, pasi avokati tjetër, Gjokutaj, ka hequr dorë. Gjokutaj mbahet për avokat me betejë, por nuk ka pranuar të japë sqarim në lidhje me largimin e tij nga çështja në fjalë, por ka deklaruar se nuk do të merret më me çështjen e zotit Meta. Ai që do ta përfaqësojë nga sot e tutje këtë çështje do të jetë avokati i ri Cakrani”, tha Llabani.

“Monika tha se ‘do jeni në proces dhe do shihni e dëgjoni shumë’, por unë them se procesi Meta-Kryemadhi do na ofrojë shumë surpriza”, shtoi Llabani.

Kujtojmë që këtë të martë Meta akuzoi për një tradhëtar brenda partisë duke deklaruar:

“I falenderoj të gjithë ata shokë dhe miq që punuan por që u tradhtuan nga një maskara i cili me porosinë time është shpallur non grata dhe këtë e di Sekretari i Përgjithshëm i Partisë së Lirisë. Ky maskara dorëzoi te patronazhistët listën prej 12 mijë emrash që kishin bërë shokët, miqtë dhe dashamirësit e Ilir Metës, sepse priste që të bëhej Sekretar i Përgjithshëm në vend të Tedi Blushit”, tha Meta.

LEXONI GJITHASHTU:

• Ilir Meta bisedë telefonike me gazetarët: Në sallën e gjyqit do çmontoj çdo akuzë
• U mor i pandehur, Meta reagon sërish: Procesi do shkrihet si akullorja në vapë

The post Gazetarja: Kush është personi që Meta thotë se e tradhtoi dhe i dorëzoi listën PS-së appeared first on Euronews Albania.