Ish-zëvendësdrejtori i përgjithshëm i Sochit, Andrei Orlov, ka zbuluar se si ish-trajneri kryesor i klubit, Robert Moreno, e përdori ChatGPT në punën e tij dhe në çdo vendim rreth ekipit dhe ndeshjeve.

Moreno udhëhoqi ekipin rus nga dhjetori i vitit 2023 deri në shtator 2025 dhe drejtuesit e klubit vendosen ta shkarkojnë pasi një fillimi të dobët të sezonit dhe vetëm 1 pikë në 7 ndeshjet e para pas rikthimit në ligën superiore.

Aktualisht, nën udhëheqjen e Igor Osinkin, Sochi zë vendin e fundit, të 16-të, në renditjen e kampionatit rus me nëntë pikë dhe Orlov tashmë e ka akuzuar Morenon rreth punës së tij duke e cilësuar si një trajner që nuk pranonte mendimet e të tjerëve.

“Moreno nuk i respektonte fare asistentët dhe lojtarët e tij – njerëzit e ndienin këtë. Asistentët ishin vetëm ekzekutorë, ata kurrë nuk mund ta mbronin pozicionin e tyre”, ka thënë fillimisht Orlov për championat.com.

Ai gjithashtu theksoi pa-efektshmërinë e Morenos sepse, pavarësisht rezultateve të dobëta, qasja ndaj lojës nuk ndryshoi.

“Gjatë krizës, Moreno tregoi se ishte një tifoz i ChatGPT”, shtoi ai, ku si shembull përmendi përgatitjet për ndeshjen jashtë fushe në Khabarovsk.

“Roberti tha: ‘I kam zgjidhur të gjitha. I kam futur të gjithë parametrat e ndeshjes jashtë fushe në ChatGPT. Duhet të fluturojmë ditën e ndeshjes. Në Sochi, do të stërvitemi një orë më parë dhe dy ditë para nisjes, do të fillojmë stërvitjen në orën shtatë të mëngjesit'”, tha ai.

Pasi Orlov e shqyrtoi prezantimin, ai e kuptoi se plani do t’i mbante lojtarët zgjuar për 28 orë.

“Unë thashë, ‘Robert, kjo është shumë mirë, por kur do të flenë djemtë?’ Moreno futi parametrat e rinj, prezantimi u përditësua. Në fund, ne vazhduam me orarin që kishte hartuar ChatGPT”.

Përzgjedhja e lojtarëve bazuar në analizën e inteligjencës artificiale

Inteligjenca artificiale u përdor gjithashtu në përzgjedhjen e lojtarëve. Verën e kaluar, klubi rus po kërkonte një sulmues dhe përzgjedhja përfshinte Vladimir Pisarski, Pavel Meljosin dhe Artur Susenacev.

“Moreno futi të dhënat e Pisarski, Meljosin dhe Susenacev nga Ëyscout në ChatGPT. Sipas GPT, Susenacev ishte më i miri”, tha Orlov.

Kur u pyet nëse një qasje e tillë i dukej absurde, Orlov shpjegoi se përdorimi i mjeteve shtesë në vetvete nuk ishte problematik.

“Një mjet shtesë – pse jo? Por për Morenon, ChatGPT në një moment u bë një nga kryesoret”, përfundoi Orlov.

Andrei Orlov

Ndryshe, Moreno është një ish-trajner i Spanjës dhe gjithashtu ka drejtuar Monacon. Si trajner, ai u rrit përmes akademisë së Barcelonës dhe punoi si asistent në ekipin e parë. Ai gjithashtu punoi si asistent te Celta Vigo dhe Roma, dhe si trajner kryesor te Granada.

Moreno në të kaluarën është lidhur edhe me stolin e Kombëtares së Kosovës, teksa te asnjëra prej këtyre skuadra nuk ka pasur deri tani ndonjë sukses të veçantë. 

Sinjali – aty ku e vërteta flet para lajmit!

/GazetaSinjali/

The post Përdorte ChatGPT për taktika dhe vendime, drejtuesit e klubit shkarkuan trajnerin pasi po i rrëzonte nga kategoria appeared first on Sinjali.

Presidenti amerikan Donald Trump jep. Dhe merr. I mjaftuan vetëm gjashtë ditë për të ndërtuar një botë të re. Ditën e shtatë, aleatët e deridjeshëm në Evropë mund të shpresonin me të drejtë për pak qetësi.

Që nga kërcënimet për tarifa dhe deri te synimi për të marrë Grenlandën, sjellja e Trumpit ka thyer tabu dhe e ka bërë të qartë se normat e rendit të vjetër botëror janë zhdukur, ka shkruar Associated Press në një analizë të shtunën.

Është “çarje, jo tranzicion”, siç e përshkroi prerazi kryeministri kanadez Mark Carney. Gjatë dekadave në jetën publike, Trumpi nuk ka qenë kurrë i njohur për delikatesë, por trazirat e javës së fundit kanë qenë të jashtëzakonshme edhe sipas standardeve të tij.

Ato kanë kristalizuar vendosmërinë e tij për të fshirë rendin e bazuar në rregulla që ka udhëhequr politikën e jashtme amerikane – dhe për rrjedhojë edhe atë perëndimore – që nga Lufta e Dytë Botërore. Në vend të tij po lind një arenë pa rregulla, ku fitojnë më të zhurmshmit dhe më të fortët, ndërsa themeli i vjetër – besimi transatlantik, dikur i pathyeshëm – nuk ekziston më.

Një javë e paprecedentë

Trumpi e kishte shprehur dëshirën për territorin danez të Grenlandës që në vitin 2019. Por vetëm shpërthimi i javës së kaluar, me kërcënime të hapura ndaj një aleati të NATO-s, e tronditi vërtet Evropën. “Në një mënyrë apo në një tjetër, ne do ta kemi Grenlandën”, premtoi Trump, edhe nëse “duhet ta bëjmë në mënyrën e vështirë”.

Para se të shtynte tarifat ndaj disa vendeve evropiane, ai i bëri presion Danimarkës që të “thoshte po” ndaj kërkesës amerikane për kontrollin e Grenlandës.

“Dhe ne do të jemi shumë mirënjohës. Ose mund të thoni jo, dhe ne do ta mbajmë mend”, ka shtuar ai, duke vënë në pikëpyetje edhe vetë aleancën e NATO-s.

Në Forumin Ekonomik Botëror në Davos, Trumpi foli për vendosjen e tarifave ndaj Zvicrës pasi lideri zviceran “ia kishte prishur nervat” gjatë një telefonate. Por më pas i zbuti fjalët.

I fyer nga qëndrimi gjithnjë e më i ashpër i kryeministrit kanadez Mark Carney, Trump tërhoqi ftesën për Kanadanë për t’u bashkuar me Bordin e Paqes – një organizatë që e kryeson dhe që shumë aleatë perëndimorë dyshojnë se mund të shndërrohet në një rival të OKB-së. Pjesë e kësaj organizate u bë edhe Kosova.

Realitet i ri

“Është krijuar një realitet i ri. Një realitet që shpesh është shumë i paqëndrueshëm”, u shpreh një diplomat i lartë i BE-së, duke përmendur “retorikën shumë joortodokse të administratës amerikane”. Mesazhi më në fund duket se ka mbërritur: SHBA-ja nuk është më miku dhe aleati i besueshëm që ishte dikur.

Për disa, ky është zgjim i vonuar.

“Marrëdhëniet transatlantike kanë pësuar goditje të madhe javën e kaluar”, ka thënë shefja e diplomacisë së BE-së, Kaja Kallas. Ndërsa ish-presidenti i Këshillit Evropian, Charles Michel, ishte edhe më i drejtpërdrejtë: marrëdhënia transatlantike “siç e kemi njohur për dekada, ka vdekur”.

Në kërkim të një rruge të re

Përballë ambicieve të Trumpit, Evropa ka përpara një zgjedhje të qartë: sfidë apo nënshtrim. “Qetësimi nuk sjell rezultate, vetëm poshtërim”, ka thënë kryeministri polak Donald Tusk, ndërsa kryeministri belg Bart De Wever deklaroi në Davos se do të preferonte të ishte një “vasal i lumtur” sesa një “skllav i mjerë” i SHBA-së.

Liderë të tjerë, që gjatë administratës Trump kishin kërkuar mënyra për të bashkëpunuar me të, po bëhen gjithnjë e më të zëshëm. Kryeministri kanadez Carney po shfaqet shpejt si lider i një lëvizjeje që synon të bashkojë dhe balancojë fuqinë amerikane.

“Nëse nuk je në tavolinë, je në menu”, ishte fjalia e famshme e tij në Davos.

Trump reagoi ashpër, me kërcënime dhe duke tërhequr ftesën për Bordin e Paqes.

“Kanadaja jeton falë Shteteve të Bashkuara. Mbaje mend këtë, Mark, herën tjetër kur bën deklarata”, ka thënë ai.

Neni 5

Carney nuk u tërhoq. Në Britani, kryeministri Keir Starmer e dënoi Trumpin për komente “fyese dhe tronditëse”, ku presidenti amerikan dyshonte se NATO-ja do ta mbështeste SHBA-në në rast sulmi. Trumpi duket se ka harruar se Neni 5 i NATO-s, i cili obligon mbrojtjen kolektive, është aktivizuar vetëm një herë – pas sulmeve të 11 shtatorit ndaj SHBA-së.

Starmer përmendi sakrificën e 457 ushtarëve britanikë të vrarë në Afganistan, duke thënë se nuk do ta harronte kurrë “guximin dhe flijimin e tyre”. Edhe Danimarka, e përbuzur nga Trumpi, pati numrin më të lartë të viktimave për frymë mes forcave të koalicionit.

Bisedat me diplomatët e BE-së tregojnë se Evropa më në fund është bashkuar rreth nevojës për pavarësi nga kapriçot e Shtëpisë së Bardhë, veçanërisht në fushën e mbrojtjes. “Krejtësisht e papranueshme”, i quajti Macron tarifat amerikane, duke shtuar: “Ne preferojmë respekt, jo bullizëm”.

Kujdes dhe zakone të vjetra

Megjithë retorikën e Trumpit, Evropa përballet me të njëjtat kërcënime si më parë. Rusia vazhdon sulmet ndaj Ukrainës, ndërsa inteligjenca ushtarake finlandeze paralajmëron për rreziqe ndaj infrastrukturës nënujore në Baltik. Edhe pse askush nuk pajtohet me dorëzimin e territoreve sovrane, rezistenca nuk është kudo e hapur.

Fuqia ushtarake dhe ekonomike amerikane mbetet thelbësore, dhe kontinenti ende nuk është gati të mbrohet i vetëm kundër Rusisë. Edhe pasi Trumpi u tërhoq nga përplasja për Grenlandën, kancelari gjerman Friedrich Merz foli për “mirënjohje” ndaj ndryshimit të qëndrimit të tij.

Vendet baltike të rezervuara

Vendet baltike, zakonisht shumë të zëshme, ishin dukshëm më të rezervuara.

“Në vend që të fokusohemi te emocionet, duhet të përqendrohemi te aspekti ushtarak dhe teknik”, ka thënë ish-ministrja lituaneze e Mbrojtjes, Dovile Sakaliene, duke shtuar se Evropës do t’i duheshin 5 deri në 10 vjet për të barazuar fuqinë ushtarake amerikane në kontinent.

“Bashkëpunimi duhet të jetë fjala kyçe, jo konfrontimi. SHBA-ja mbetet miku ynë më i afërt”, u shpreh presidenti lituanez Gitanas Nauseda.

Në Washington, megjithatë, administrata nuk po tregon shenja të tërheqjes. Steve Bannon, ish-këshilltar i Trumpit, ka thënë se presidenti po ndjek një “strategji maksimaliste” dhe duhet të vazhdojë “derisa të përballet me rezistencë”.

“Dhe ende nuk kemi hasur rezistencë”, përfundoi ai.

Senatori demokrat Chris Coons vuri në dukje se Trumpi tërhiqet vetëm kur vendet si Kina “tregojnë forcë dhe qëndrueshmëri”.

“Ata që janë treguar të butë dhe kanë negociuar me mirëbesim, si BE-ja, nuk duket se kanë fituar respektin e tij. Secili mund të nxjerrë përfundimet e veta, por për mua, përpjekja për të qetësuar dikë me kërkesa të paekuilibruara tregon qartë se cili duhet të jetë kursi i veprimit”, ka thënë Coons.

Sinjali – aty ku e vërteta flet para lajmit!

/GazetaSinjali/

The post Trump nxit diskutime për ‘rendin e ri botëror’, ndërsa udhëheqësit sinjalizojnë ndryshimin e aleancave globale appeared first on Sinjali.

Pas katër ditësh debat, Gjykata e Krimeve të Rënda e Meurthe-et-Moselle e dënoi sërish Liridon Berishën, 27-vjeç, me burgim të përjetshëm për vrasjen e partneres së tij, Stephanie Di Vincenzo, e cila u godit me thikë në mes të rrugës në Hayange (Moselle), natën mes 23 dhe 24 majit të vitit 2021.

Dënimi u shoqërua me një periudhë pa të drejtë lirimi me kusht prej 18 vitesh. Në vitin 2024, në shkallë të parë, dënimi ishte shoqëruar me një periudhë pa të drejtë lirimi me kusht prej 22 vitesh, maksimumi i paraparë, raporton AFP, transmeton Klankosova.tv.

Viktima u godit me thikë para syve të fëmijës së çiftit

Viktima, 22-vjeçe, ishte masakruar nga partneri i saj teksa përpiqej në mënyrë dëshpëruese të kërkonte ndihmë nga forcat e rendit, duke i rënë ziles së interfonit të komisariatit të Hayange, i cili ndodhet 45 metra larg banesës së saj, prej nga kishte ikur përmes dritares.

Partneri i saj e kishte ndjekur me thikë në rrugë, duke e goditur në sytë e fqinjëve dhe të fëmijës së çiftit, e cila në atë kohë ishte 4-vjeçe.

Një skenë e cilësuar “jashtë normales për nga dhuna” nga prokurori i përgjithshëm, Nicolas Burkel, të premten. “As prania e dëshmitarëve dhe as ajo e vajzës së tij nuk e penguan të vazhdonte aktin”, vijoi ai. “Si në korrida, ai e ka shpuar për ta dobësuar para se t’ia merrte jetën, e më pas ka pështyrë mbi trupin e saj, një goditje shtesë e poshtërsisë!”

Ai kishte kërkuar konfirmimin e dënimit të dhënë në shkallë të parë, duke e cilësuar atë si një “dënim të eliminimit shoqëror”, transmeton Klankosova.tv.

Nga ana tjetër, Arnaud Blanc, avokati i Liridon Berishës, sipas medias “Ouest-France”, kujtoi se klienti i tij ishte “lindur në vitin 1998, në mes të luftës së Kosovës, aty ku ndodhi masakra më e madhe e asaj lufte, dhe se pas mbërritjes në territorin francez ishte vendosur nën kujdes, pasi ‘brenda familjes mbizotëronte tmerri’”.

Por, femicidi shkaktoi polemikë. Forcat e rendit kishin ndërhyrë rreth dhjetë herë në banesën e çiftit para se të kryhej akti i tmerrshëm. Disa muaj para vrasjes, viktima kishte paraqitur një kallëzim, i cili nuk ishte përcjellë në prokurori.

Sinjali – aty ku e vërteta flet para lajmit!

/GazetaSinjali/

The post E vrau partneren para syve të fëmijës, drejtësia franceze dënon Liridon Berishën me burgim të përjetshëm appeared first on Sinjali.

Gjykata Themelore në Prizren ka njoftuar se sot, më 24.01.2026, nga ora 14:00, do të zhvillohen seanca dëgjimore për caktimin e masës së sigurisë për rastin ku, më 23 janar 2026, janë ndaluar 109 persona nën dyshimin për kryerjen e veprave penale kundër të drejtës së votimit.

Sipas Gjykatës, ky njoftim vlen vetëm për oraret e seancave dëgjimore, ndërsa procesi i pranimit të kërkesave nga Prokuroria Themelore Prizren për caktimin e masës së sigurisë ende nuk ka përfunduar.

Numri përfundimtar i kërkesave dhe personave për të cilët do të kërkohet masa e sigurisë nuk është ende i përcaktuar.

Gjykata thekson se seancat dëgjimore janë caktuar për të siguruar organizimin dhe mbarëvajtjen e procesit gjyqësor, ndërsa hetimet vazhdojnë.

Gazeta Sinjali raportoi ekskluzivisht emrat e të ndaluarve:

Granit Paqarizi, Burim Poniku, Egzona Elshani, Drilon Berisha, Arbnore Maksuti, Hasan Kryeziu, Jetmir Hajdari, Ali Likaj, Edita Krasniqi, Burim Qollopeku, Demet Kaçka, Merita Shehu, Afrim Gashi, Bashkim Xhabali, Vjollca Nikollbinaj-Kuzhnini, Dreni Ukaj, Ercin Kervan, Elma Thaqi, Arta Shishko, Votim Gjugja, Lulzim Gashi, Fitore Bahtjari, Arlinda Osmanollaj, Nuri Luboteni, Ensar Geshtenja, Erma Shkurti, Taulant Skoro, Alket Vorfi, Blerta Bislimaj, Ardit Vehapi, Ramiz Uka, Egzona Kryeziu, Art Ukaj, Alban Xhemaj, Rufan Llutfiu, Sadrija Dili, Gjevdet Shemsedini, Qendrim Islami Look, Arian Osmani, Ilknur Haci, Arben Kamberaj, Durim Shala, Elison Muqaj, Cengiz Subi, Rashim Dzaferi, Edona Gashi, Lot Kyqyku, Senada Bajrami, Arlind Gashi, Sead Maksuti, Sanel Alija, Sumea Thaqi, Samir Selmani, Arza Hasani, Arjeta Shehu, Muhamed Jakupi, Flandra Bytyqi, Astrit Ajgeraj, Nashide Gashi, Vildan Basha, Mentor Ponik, Bestar Salla, Sabrije Bytyqi, Arlinda Osmanollaj, Vehbi Berisha, Hajrie Papaj, Bekim Basha, Gani Germizaj, Aulon Krasniqi, Edis Sylejmani, Edin Ramani, Berat Seferçaj, Flutura Ramadani, Milaim Sajranaj, Fatime Dadale, Samir Hamzaj, Blerta Bislimaj, Sead Maksuti, Burim Krasniqi, Olta Shehu, Fejsall Shemsedini, Alaudin Demiri, Kushtrim Krasniqi, Pren Qollaku, Vjollca Nikollbinaj-Kuzhnini, Agon Daka, Labinot Memaj, Elsa Paqarizi, Samel Birdaini, Bekim Berisha, Hasani Paqarizi, Hajrie Kryeziu-Dara, Urim Arifaj, Varis Jorganxhi, Edin Ramani, Arbnore Maksuti, Ardit Vehapi, Jeton Krasniqi, Granit Paqarizi, Elhan Tafili, Edin Ramani, Arben Kamberaj, Arlinda Osmanollaj, Elma Thaqi, Arlind Gashi, Vjollca Nikollbinaj-Kuzhnini, Burim Qollopeku, Merita Shehu, Arta Shishko, Dreni Ukaj, Olta Shehu, Lulzim Gashi, Gjevdet Shemsedini, Ensar Geshtenja, Hasan Paqarizi, Egzona Kryeziu, Arza Hasani, Arian Osmani.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Gjykata në Prizren sot mban seancë dëgjimore ndaj 109 të arrestuarve për manipulim të votave appeared first on Sinjali.

Të dërguarit e presidentit të SHBA-së, Donald Trump, Steve Whitkof dhe Jared Kushner, pritet të takohen në Izrael me kryeministrin Benjamin Netanyahu, ku sipas raportimeve të mediave izraelite, fokus do të jenë hapja e pikës kufitare Rafah me Egjiptin dhe fillimi i rindërtimit të Gazës, në kuadër të fazës së dytë të marrëveshjes.

Media izraelite KAN raporton se takimit mund t’i bashkohet edhe kreu i Komandës Qendrore të SHBA-së, admirali Brad Cooper.

Megjithatë, mbetet e paqartë nëse do të hapet kalimi kufitar i Rafah, pasi Hamas ende nuk ka kthyer trupin e pengut të fundit që mbetet në Gaza.

Agjencia e lajmeve Reuters, shkruan se Izraeli po kërkon të kufizojë numrin e palestinezëve që kthehen në Gaza përmes pikës kufitare Rafah, për t’u siguruar që numri i atyre që largohen të tejkalojë ata që hyjnë.

Po ashtu, Reuters citon burime sipas të cilave Izraeli planifikon të krijojë një pikë kontrolli ushtarak brenda Rripit të Gazës, pranë kufirit, ku të gjithë palestinezët që largohen ose kthehen do të kalojnë dhe do t’i nënshtrohen kontrollit të sigurisë në Izrael.

Kalimi në Rafah është e vetmja rrugë hyrëse dhe dalëse për më shumë se 2 milionë banorë të Gazës, çka e bën çështjen tepër të ndjeshme dhe të rëndësishme për situatën humanitare.

Sinjali – aty ku e vërteta flet para lajmit!

/GazetaSinjali/

The post Witkof dhe Kushner sot në Izrael, takim me Netanyahun rreth rindërtimit të Gazës appeared first on Sinjali.

Një studim i kohëve të fundit zbuloi se personat që konsumojnë më shumë perime, sidomos brokoli, lakër, lakër të vogël dhe lulelakër, janë më pak të prekur nga arterioskleroza.

Arterioskleroza është një nga shkaktarët kryesorë të atakut në zemër dhe ishemisë.

Studimet shkencore konfirmojnë se ngrënia e perimeve të tilla në rini, ju ndihmon të mbani enët e gjakut të shëndetshme edhe në pleqëri.

Një prej studimeve sugjeron se një regjim ushqimor i pasur me perime ju mbron nga dëmet në sistemin kardiovaskular.

Perimet e familjes botanike ‘Cruciferous’ përfshijnë rukolën, lakrën, lulelakrën dhe brokolin.

Në këtë grup përfshihen edhe lakra e vogël apo siç njihet lakra e Brukselit, sallata e ujit, lakrat e egra apo edhe rrepa.

Ato janë të pasura me fibër, vitamina C, E, K dhe minerale.

Perimet për shëndetin kardiovaskular

Gjatë gatimit, disa prej substancave kryesore të këtyre perimeve aktivizohen dhe mbrojnë organizmin nga radikalet e lira që shkatërrojnë qelizat.

Megjithatë, deri më tani, studimet kanë konfirmuar se konsumi në rritje i perimeve pakëson gjasat e sëmundjeve të zemrës dhe ishemisë.

Arterioskleroza është një sëmundje që ka të bëjë me akumulimin e kolesterolit, molekulave të yndyrës, kalciumit e të tjerë në gjak.

Me kalimin e kohës, enët e gjakut ngushtohen e forcohen.

Kështu ato pengojnë qarkullimin e gjakut dhe transportimin e oksigjenit dhe ushqyesve të tjerë.

Eventualisht, qarkullimi i mangët i gjakut shkakton atak në zemër, ishemi dhe vdekje të parakohshme.

Perimet e duhura kundër arteriosklerozës

Të dhënat tregojnë se regjimi mesdhetar është efikas në mbrojtjen e enëve të gjakut.

Arsyeja përse këto regjime ushqimore janë të suksesshme është se ato përfshijnë konsumin e shumë perimeve.

Perimet me ngjyrë të verdhë, portokalli apo të kuqe janë pjesë e këtyre regjimeve ushqimore.

Këtu futen edhe bishtajat, barishtet, qepët, hudhra, preshi, brokoli, lulelakra e të tjerë janë pjesë e këtyre regjimeve ushqimore.

Ngrënia e këtyre perimeve dhe në veçanti brokoli, lulelakra, lakrat e vogla, garanton mbarëvajtjen e qarkullimit të gjakut.

Këto perime mbrojnë enët e gjakut në vazhdimësi./AgroWeb.org

Sinjali – aty ku e vërteta flet para lajmit!

/GazetaSinjali/

The post Perimet që mbrojnë zemrën nga sëmundjet appeared first on Sinjali.

Një aksident i rëndë rrugor ka ndodhur mëngjesin e sotëm në Elbasan, ku si pasojë ka humbur jetën një 21-vjeçar.

Uniformat blu bëjnë me dije se drejtuesi i automjetit, shtetasi R. R., 26 vjeç, është arrestuar pasi ka humbur kontrollin e mjetit në gjendje të dehur dhe është përplasur me një pemë anësore. Pasagjeri në automjet, N. U., 21 vjeç, ka humbur jetën.

“Specialistët e Qarkullimit Rrugor arrestuan në flagrancë shtetasin R. R., 26 vjeç, banues në Elbasan, pasi mëngjesin e sotëm, në rrugën ‘Janaq Kilica’, automjeti që ai drejtonte, në gjendje të dehur, ka dalë nga rruga dhe është përplasur me një pemë anësore.”, thuhet në njoftimin e Policisë së Shtetit.

Drejtuesi i mjetit ndodhet jashtë rrezikut për jetën.

Sinjali – aty ku e vërteta flet para lajmit!

/GazetaSinjali/

The post Aksident tragjik në Elbasan: Shoferi i dehur përplas një pemë, humb jetën pasagjeri 21-vjeçar appeared first on Sinjali.

Në Qendrën e Numërimit dhe Rezultateve (QNR) po vazhdon rinumërimi i fletëvotimeve për vendvotimet për të cilat Komisioni Qendror i Zgjedhjeve (KQZ) ka marrë vendim për rinumërim.

Sipas të dhënave të publikuara nga KQZ, nga fillimi i këtij procesi më 13 janar 2026, ora 18:00, dhe deri më 24 janar 2026, ora 10:00, janë rinumëruar mbi 55% e vendvotimeve, konkretisht 1,423 nga gjithsej 2,557 vendvotime.

Komisioni ka bërë të ditur se rezultatet pas rinumërimit të çdo vendvotimi do të publikohen në platformën e KQZ-së për rezultate në hapësirën QNR > Rinumërim: https://resultsparliamentary2025.kqz-ks.org/.

Sinjali – aty ku e vërteta flet para lajmit!

/GazetaSinjali/

The post Rinumërohen 1,423 nga 2,557 vendvotime appeared first on Sinjali.

Bisedimet e ndërmjetësuara nga SHBA mes Ukrainës dhe Rusisë rifilluan të shtunën në Abu Dhabi, sipas një burimi të njohur me situatën, i cili foli për Reuters.

Këto bisedime të rralla trilaterale për të ndalur gati katërvjeçarin e luftës nisën të premten në Emiratet e Bashkuara Arabe.

Presidenti ukrainas, Volodymyr Zelenskiy, tha se përfaqësues të lartë nga forcat e armatosura dhe inteligjenca ushtarake e Ukrainës do t’i bashkohen bisedimeve të shtunën.

Sinjali – aty ku e vërteta flet para lajmit!

/GazetaSinjali/

The post Bisedimet Ukrainë-Rusi-SHBA rifillojnë në Abu Dhabi appeared first on Sinjali.

Pas përfundimit të çdo procesi zgjedhor, një pyetje e natyrshme që lind është: çfarë ndodh me fletëvotimet e shtypura për zgjedhje?

Me miliona fletëvotime dhe materiale tjera zgjedhore nuk mund të ruhen, por ato duhet të shkatërrohen.

Zëdhënësi i Komisionit Qendror të Zgjedhjeve, Valmir Elezi, ka shpjeguar se këto materiale s’mund të përdoren si të tilla për qëllime të tjera, andaj, shkatërrimi i tyre është një detyrim ligjor. 

“Shkatërrimi i materialit zgjedhor përbën një detyrim ligjor për Komisionin Qendror të Zgjedhjeve. Zakonisht, në këtë proces përfshihen fletëvotimet, formularët e rezultateve, listat e votuesve si dhe materiale të tjera, përfshirë ato me karakter administrativ. Këto materiale janë përdorur jo vetëm gjatë ditës së zgjedhjeve, por edhe në fazat e ndryshme të procesit zgjedhor”,  theksoi Elezi.

Ndërkohë, çdo material zgjedhor që është pjesë e hetimeve apo procedurave gjyqësore nuk i nënshtrohet procesit të asgjësimit.

Elezi shpjegoi se si zakonisht nga ky proces do të përjashtohen materialet e vendvotimeve që janë objekt i hetimit nga institucionet shtetërore dhe disa materiale që do t’i shërbejnë KQZ-së për qëllime të trajnimit të stafit të zgjedhjeve të ardhshme.

“Materiali zgjedhor i cili është objekt i shqyrtimit apo hetimit nga institucionet e drejtësisë, nuk do të shkatërrohet, por do të ruhet deri në përfundimin e të gjitha procedurave ligjore. Gjithashtu, edhe një pjesë tjetër e materialit zgjedhor do të ruhet nga KQZ dhe kjo bëhet për qëllime të trajnimit të stafit, i cili do të angazhohet në proceset e ardhshme zgjedhore”, tha Elezi.

Sipas Elezit, shkatërrimi dhe ruajtja e materialit zgjedhor që është pjesë e hetimeve, përveç si detyrim ligjor, është një praktikë ndërkombëtare.

Sinjali – aty ku e vërteta flet para lajmit!

/GazetaSinjali/

The post KQZ-ja njofton se fletëvotimet e vendvotimeve të dyshuara për manipulim nuk do të shkatërrohen appeared first on Sinjali.

Policia e Kosovës ka bërë të ditur se një shtetas i Shqipërisë është vet-plagosur në Prishtinë.

Rasti ka ndodhur të premten në ora 23:00 në rrugën “Bekim Fehmiu” në Prishtinë.

“Raportohet se është vet-plagosur me armë zjarri i dyshuari mashkull shqiptar shtetas i Shqipërisë. I njëjti është dërguar për tretman mjekësor në QKUK, ndërsa në vendin e ngjarjes kanë dalë njësitet policore, ku kanë konfiskuar një arme zjarri pistoletë me një karikator pa fishek”, thuhet në raport.

Lidhur me rastin janë intervistuar edhe dy të dyshuar meshkuj kosovarë dhe me vendim të prokurorit janë liruar në procedurë të rregullt. /Telegrafi/

Një furnizues i mjeteve të blinduara dhe municioneve për Ukrainën është bërë personi më i pasur në botë në fushën e industrisë së mbrojtjes.

Pasuria e magnatit Michal Strnad arrin vlerën e 37 miliardë dollarëve pas ofertës publike të aksioneve në bursën holandeze.

Michal Strnad, 33 vjeç, pronar i kompanisë së armatimit me qendër në Pragë, Czechoslovak Group AS, ka parë pasurinë e tij të rritet në rreth 37 miliardë dollarë, që përbën afërsisht 10 për qind të ekonomisë së Çekisë, pas debutimit të aksioneve të kompanisë në bursën e Amsterdamit.

Aksionet e kompanisë u rritën rreth 28 për qind në mëngjesin e ditës kur u tregtuan për herë të parë në bursë, duke pothuajse dyfishuar pasurinë e Strnad brenda një nate.

Përmes ofertës publike fillestare (IPO), kompania dhe Strnad ngritën rreth 3.3 miliardë euro, duke shitur aksione me çmim prej 25 eurosh secili.

See on Instagram

Strnad trashëgoi kompaninë nga babai i tij pas një transferimi pronësie në vitin 2018. Sot ai renditet ndër personat më të pasur nën moshën 40 vjeç sipas Bloomberg Billionaires Index, me një pasuri të vlerësuar prej 36.9 miliardë dollarësh.

Czechoslovak Group është një nga prodhuesit kryesorë të armatimeve dhe pajisjeve mbrojtëse në Evropë dhe ka fituar kontrata të shumta ndërkombëtare.

IPO-ja e fundit konsiderohet një sukses i madh, duke rritur interesin për aksionet e kompanisë dhe duke e vendosur Strnad ndër miliarderët që po rriten më shpejt në botë.

Analistët e tregut e shohin këtë lëvizje si një tregues të fortë të besimit të investitorëve në sektorin e mbrojtjes dhe në strategjinë e zgjerimit të Czechoslovak Group në tregjet globale. /Telegrafi/

Klubi shqiptar i futbollit, Tirana, është zgjuar sot (e shtunë) me një lajm tragjik, pasi lojtari i tyre, Freddy Alvarez, ka humbur vajzën gjatë orëve të para të mëngjesit.

Mesfushori 30-vjeçar nga Costa Rica ka humbur tragjikisht vajzën e tij gjatë ditës së sotme dhe njoftimi pa ardhur nga faqja zyrtare e klubit Tirana.

“Me dhimbje të thellë ndajmë lajmin se vajza e lojtarit tonë, Freddy Alvarez, ka ndërruar jetë tragjikisht në orët e para të mëngjesit të sotëm në Tiranë”.

“I gjithë klubi ynë është i tronditur dhe në zi, duke qëndruar pranë Freddyt dhe familjes së tij në këtë moment të rëndë”.

“Ngushëllimet tona më të sinqerta janë me familjen Alvarez. U prehtë në paqe”, thuhet në njoftimin e parë të klubit tiranas.

Më vonë, faqja zyrtare e klubit kryeqytetas ka njoftuar se ndeshje e sotme (e shtunë) ndaj Flamurtarit është shtyrë.

“Në shenjë respekti dhe solidariteti për humbjen e madhe të familjes Alvarez, është vendosur që ndeshja e planifikuar ndaj ekipit të Flamurtarit të shtyhet për ditën e nesërme, në orën 13:30, në stadiumin “Selman Stërmasi””, thuhet në njoftim.

Sipas raportimeve të mediave shqiptare, vdekja e vajzës ka ardhur në spital pasi është dërguar në gjendje kritika pas rrëzimit të saj nga krevati dykatësh (marinar). /Telegrafi/

Trafiku në rrugët shtetërore po zhvillohet në kushte dimërore, ndonjëherë në rrugë me lagështi, njoftojnë shërbimet kompetente.

Të gjitha rrugët shtetërore janë të kalueshme dhe të sigurta për trafik, ndërsa ekipet e NP "Rruga e Maqedonisë" janë pajisur plotësisht dhe janë vazhdimisht në terren, ku pastrohet bora dhe kryhet mirëmbajtja e rrugëve.

Në koordinim me NP për Rrugët Shtetërore dhe Ministrinë e Transportit, po kryhen aktivitete të koordinuara me qëllim sigurimin e trafikut të pandërprerë dhe të sigurt në periudhën e ardhshme.

Autoritetet u bëjnë apel shoferëve të ngasin me kujdes dhe ndërgjegje, të përdorin pajisjet dimërore, të respektojnë sinjalistikën e trafikut dhe të përshtatin shpejtësinë me kushtet e rrugës.

Vëmendje e veçantë rekomandohet për shkak të dukshmërisë së zvogëluar në disa rrugë.

Gjendja më kritike është rruga Tetovë - Kodra e Diellit, ku dukshmëria është e reduktuar në vetëm 30 deri në 40 metra për shkak të mjegullës. Dukshmëria është zvogëluar nga 50 në 100 metra në rrugën Dellçevë - Pehçevë, nga 100 në 150 metra në rrugën Kumanovë - Kriva Pallankë, si dhe në qafat malore Gjavato dhe Presekë, ndërsa në qafën e Pletvarit është deri në 50 metra.

Institucionet kompetente rekomandojnë që shoferët të kontrollojnë rregullisht gjendjen e rrugëve përmes qendrave zyrtare të informacionit, me qëllim që të planifikojnë udhëtimet e tyre në kohë dhe në mënyrë të sigurt.

Sot, më 24 janar pritet të mbahet seanca dëgjimore për caktimin e masës së sigurisë ndaj 109 të arrestuarve, të cilët dyshohen për manipulim me vota në Komunën e Prizrenit në zgjedhjet parlamentare, të mbajtura më 28 dhjetor.

Në njoftimin e Gjykatës bëhet e ditur se seanca nis në ora 14:00.

“Gjykata Themelore në Prizren, njofton mediat se me datë sot me datë 24.01.2026, në Gjykatën Themelore në Prizren, nga ora 14:00, janë caktuar seancat dëgjimore për caktimin e masës së sigurisë, për rastin në të cilin me datë 23.01.2026, janë ndaluar 109 persona lidhur me dyshimet për kryerjen e veprave penale kundër të drejtës së votimit”, thuhet në njoftim.

Ndryshe, kryeprokurori i Prokurorisë Themelorë në Prizren, Petrit Kryeziu ka njoftuar të premten se janë ndaluar 109 të dyshuar nën dyshimin për manipulim të votave në zgjedhjet e parakohshme të 28 dhjetorit 2025.

Kryeziu gjatë konferencës për media ka thënë se të gjithë ata që kanë manipuluar me votat do të dalin para drejtësisë, ndërsa u tha se bëhet fjalë për mijëra vota të manipuluara dhe të falsifikuara. /Telegrafi/

Ndërsa në kryeqytetin e Emirateve të Bashkuara Arabe, Abu Dhabi, kanë nisur për herë të parë që nga fillimi i luftës bisedimet trepalëshe ndërmjet Shteteve të Bashkuara të Amerikës, Ukrainës dhe Rusisë, forcat ruse kanë vazhduar me sulmet e tyre vdekjeprurëse në territorin ukrainas.

Në kryeqytet, Kiev një person ka humbur jetën dhe katër të tjerë kanë mbetur të lënduar, tre prej të cilëve janë shtruar në spital, sipas raportimeve të kryetarit të qytetit, Vitali Klitschko.

Mbeturinat e dronëve kanë rënë në disa qarqe, duke shkaktuar zjarre në një kooperativë garazhesh dhe një parking me një kamion karburanti, si dhe dëmtime në ndërtesa banimi, një zyrë dhe një shtëpi private. Dritaret e ndërtesave të apartamenteve dhe një objekti mjekësor janë thyer.

Klitschko bëri me dije se rreth 6000 shtëpi në Kiev janë pa ngrohje, shumica prej tyre pas rikyçjes të dyfishtë të sistemit të ngrohjes pas sulmeve të 9 dhe 20 janarit. Ai shtoi se ka edhe probleme me furnizimin me ujë në bregun e majtë dhe pjesërisht në bregun e djathtë të qytetit.

Në qytetin lindor, Khrakiv 19 persona janë të lënduar, përfshirë edhe një fëmijë. Dëmtime kanë pësuar ndërtesa banimi, një konvikt, një ndërmarrje, spitali i lindjes dhe një spital i përgjithshëm. Mbi 130 shpëtimtarë janë angazhuar në evakuimin e banorëve nga ndërtesat që kanë marrë flakë.

Në qarqet Brovari dhe Boryspil, katër persona janë të lënduar dhe janë dëmtuar disa shtëpi private dhe automjete.

Sulmet e vazhdueshme theksojnë tensionin e lartë ndërkohë që diplomacia përpiqet të gjejë rrugë për një zgjidhje paqësore, ndërsa bisedimet trepalëshe në Abu Dhabi janë parë si një hap i rëndësishëm drejt dialogut ndërkombëtar. /Telegrafi/

Drejtoria për Siguri dhe Emergjenca e Kryeqytetit thotë se ka intervenuar për largimin e rrezikut në ndërtesat e banimit, si pasojë e rënies së pjesëve të fasadave dhe kulmeve, fillimisht në lagjen Dardania, por edhe në zona të tjera të qytetit.

Në njoftim thuhet se ekipet e tyre në bashkëpunim me shërbimet përkatëse, janë duke realizuar intervenime teknike të specializuara, me qëllim parandalimin e rrezikut për kalimtarët dhe banorët.

“Angazhimi ynë është i vazhdueshëm dhe i përqendruar në identifikimin e rreziqeve, largimin e elementeve të pasigurta nga objektet, dhe rritjen e sigurisë në hapësirat publike.

Siguria e qytetarëve mbetet prioritet absolut i Kryeqytetit. Drejtoria për Siguri dhe Emergjenca do të vazhdojë me monitorim aktiv dhe reagim të shpejtë në çdo rast ku paraqitet rrezik potencial”, thuhet në njoftim.

Tutje ftohen qytetarët që çdo shqetësim apo rrezik të mundshëm ta raportojnë përmes numrave emergjentë: 0800 122 44 ose 0800 122 33.

Ndryshe, komuna ka paralajmëruar se gjatë të dielës priten erëra të forta dhe u ka bërë apel qytetarëve që të kenë kujdes. /Telegrafi/

Në Volkswagen thonë se përdorimi i emrave të njohur të modeleve me prefiksin ID. synon të forcojë lidhjen emocionale me modelet elektrike.

VW ID.4 nga ridizajnimi do të quhet ID. Tiguan. Thashethemet kanë qarkulluar tashmë prej kohësh, dhe tani sindikata punëtorëve IG Metall Emden e ka konfirmuar publikisht ndërrimin e emrit.

Ridizajnimi i ID.4, pra ID. Tiguan, do të prezantohet më vonë këtë vit. Sipas sindikatës IG Metall, prodhimi i ID. Tiguan në fabrikën e Emdenit do të vazhdojë deri në fund të vitit 2031.

Fillimisht, ID.4 prodhohej vetëm në fabrikën e Volkswagen Group në Zwickau, e cila u përshtat krejtësisht për prodhimin e veturave elektrike mbi platformën MEB. Më vonë u hap një linjë prodhimi shtesë për ID.4 në Emden, ku fillimisht punonte bashkë me modelet me motor me djegie të brendshme si Passat dhe Arteon. Arteon është ndërkohë ndalur, ndërsa Passat është zhvendosur në Bratislavë.

Kjo krijoi hapësirë për prodhimin e ID.7 elektrik në Emden. Ekzistojnë edhe zëra për ndryshimin e emrit të këtij modeli në ID. Passat – por as VW dhe as IG Metall nuk e kanë konfirmuar këtë.

Në të ardhmen, ID. Tiguan do të prodhohet vetëm në Emden. Prodhimi i ID.4 në Zwickau po ndalet gradualisht, dhe ajo fabrikë do të mbajë prodhimin e Audi Q4 e‑tron, Cupra Born dhe VW ID.3.

Volkswagen thotë se përdorimi i emrave të njohur me prefiksin ID. ka për qëllim ta rrisë apelin emocional të modeleve elektrike dhe ta afrojë më tepër me linjën tradicionale të marka - diçka që modelet e deritanishme ID.3 dhe ID.4 nuk e kishin arritur plotësisht. Ideja e parë me këtë koncept ishte ID. Polo. /Telegrafi/

Policia e Shtetit ka bërë të ditur se ka finalizuar operacioni policor të koduar “Organizatori”, ndërkaq është vënë në pranga pronari i një lokali që organizonte lojëra fati dhe shpërndante lëndë narkotike të llojit kokainë, në lokal.

Policia njofton se janë proceduar penalisht 14 shtetas për moskallëzim krimi, 3 të tjerë për veprime që pengojnë zbulimin e së vërtetës.

Po ashtu penalisht është proceduar edhe një punonjës policie dhe ndaj tij Drejtoria e Standardeve Profesionale në Policinë e Shtetit ka nisur hetimin disiplinor.

“Si rezultat i kontrolleve dhe punës operative, të kryera në zbatim të planit të posaçëm të masave ‘Për goditjen e veprimtarive kriminale në fushën e organizimit të lotarive sportive online’, shërbimet e Komisariatit të Policisë Korçë, me mbështetjen e Forcave Operacionale ‘Shqiponjat’, Seksionit për Hetimin e Narkotikëve pranë DVP Korçë dhe Agjencisë së Mbikëqyrjes Policore, Rajoni Korçë–Elbasan, finalizuan operacionin e koduar ‘Organizatori’.

Si rezultat, u arrestua në flagrancë shtetasi A. R., 57 vjeç, banues në Korçë, për veprat penale ‘Organizimi ose ushtrimi i veprimtarive të lojërave të fatit në kundërshtim me ligjin’, ‘Vënia në dispozicion e lokaleve për lojëra të palejuara’ dhe ‘Prodhimi dhe shitja e narkotikëve’”, thuhet në njoftim.

Gjatë kontrollit që shërbimet e Policisë ushtruan në lokalin e tij, në fshatin Bulgarec, Korçë, ku u konstatua se 57-vjeçari kishte përshtatur ambientin për kryerjen e veprimtarisë së lojërave të fatit dhe për shitje e përdorim droge.

Ndërkohë, në banak u gjetën dhe u sekuestruan, në cilësinë e provës materiale, 14 doza me lëndë të dyshuar kokainë dhe, gjatë këqyrjes së celularit të tij, u gjetën faqe aktive për baste sportive.

Gjatë ndërhyrjes së Policisë në këtë ambient, disa shtetas tentuan të fshihnin provat dhe, në vijim të veprimeve procedurale, u referuan materialet në Prokurori, ku filloi procedimi penal për veprën penale “Veprime që pengojnë zbulimin e së vërtetës”, për shtetasit: R. K., banues në Korçë; F. A., banues në fshatin Vinçan, Korçë; H. M., banues në fshatin Vloçisht, Maliq.

Gjithashtu, u referuan materialet në Prokurori, ku filloi procedimi penal për veprën penale “Moskallëzimi i krimit” për 14 shtetas të tjerë, të cilët, edhe pse kishin dijeni për ushtrimin e kësaj veprimtarie të paligjshme, nuk e kallëzuan tek organet policore.

Për shkak se ishte prezent në këtë ambient dhe nuk ka kryer detyrimet që rrjedhin nga ushtrimi i detyrës, u referuan materialet në Prokurori, ku filloi procedimi penal për veprën penale “Shpërdorimi i detyrës” për shtetasin D. L., me detyrë punonjës policie pranë PKK Kapshticë.

Njëkohësisht, ndaj tij filloi edhe hetimi disiplinor.

Në përfundim të operacionit, në cilësinë e provës materiale, u sekuestruan 14 doza me lëndë të dyshuar kokainë, një sasi monetare në lekë, euro, paund dhe lira turke, një automjet, 8 celularë, letra bixhozi dhe çipsa që shërbejnë për ushtrimin e lojërave të fatit.

Materialet procedurale iu referuan Prokurorisë së Korçës, për veprime të mëtejshme. /Telegrafi/

Ministria e Punëve të Brendshme i ka njoftuar qytetarët se në kuadër të projektit „Qyteti i Sigurt“, nesër, më 25 janar, do të zbatohen aktivitete për testimin, kalibrimin dhe verifikimin e pajisjeve të vendosura (kamerave) për mbikëqyrje të komunikacionit në zonën e qyteteve të Kumanovës dhe Tetovës, informon Telegrafi Maqedoni.

Siç thuhet në njoftim aktivitetet do të realizohen në intervalin kohor nga ora 08:00 deri në 20:00, me ç’rast në secilin lokacion me kamerë të vendosur procedura do të kryhet një herë dhe do të zgjasë pak, përafërsisht nga 15 deri në 30 minuta.

Gjatë zbatimit të aktiviteteve në lokacionin konkret, komunikacioni përkohësisht nuk do të lejohet derisa zgjat procedura, pas së cilës do të vazhdojë të zhvillohet normalisht.U bëjmë thirrje qytetarëve dhe gjithë pjesëmarrësve në komunikacion që t’i respektojnë kufizimet e përkohshme, si dhe të tregojnë mirëkuptim, durim dhe bashkëpunim me qëllim të realizimit të papenguar dhe të sigurt të aktiviteteve të planifikuara.

Kujtojmë se zbatimi aktiv i sistemit "Qyteti i Sigurt" do të fillojë prej më 1 shkurt, pasi dje në Kuvendin e Maqedonisë së Veriut, ligji u miratua me 81 vota pro. /Telegrafi/