Ngritet kallëzim penal ndaj pesë personave në Tetovë, dyshohen për veprat penale "trafikim me fëmijë" dhe "përdhunim"
Ministria e Punëve të Brendshme ka ngritur kallëzim penal, ndërsa Prokuroria kërkon paraburgim ndaj pesë personave nga Tetova, pasi të njëjtit dyshohen për veprat penale trafikim i fëmijës dhe sulm seksual.

Gjatë bastisjeve janë konfiskuar telefona mobilë dhe karta SIM, ndërsa të dyshuarit tashmë janë arrestuar.

"Departamenti për Shtypjen e Krimit të Organizuar dhe të Rëndë pranë BSP-së së në kuadër të MPB-së (Njësia Kombëtare për Shtypjen e Kontrabandës së Migrantëve dhe Trafikimit me Qenie Njerëzore), për shkak të dyshimeve të bazuara për kryerjen e krimeve, sot (24.12.) në Prokurorinë Themelore Publike për Ndjekjen e Krimit të Organizuar dhe Korrupsionit ngriti kallëzim penal kundër pesë personave, të gjithë nga Tetova, si më poshtë: kundër personit F.M. (25) - për veprën penale "trafikim me fëmijë" (418-g, paragrafi 1 dhe paragrafi 2), kundër personave I.D. (56), A.S. (30) dhe L.S. (28) për veprën penale "trafikim me fëmijë" (418-g, paragrafi 3) dhe kundër personit R.M. (31) për veprën penale "sulm seksual dhe përdhunim" (186, paragrafi 1 dhe paragrafi 2) të Kodit Penal të Republikës së Maqedonisë.

telegrafi.com

Sipas gjetjeve të dokumentuara të hetimit, i raportuari i parë F.M. në periudhën nga maji 2023 deri në fund të vitit 2024, duke e mashtruar viktimën fëmijë - atëherë 15 vjeç, se do të fillonin një lidhje dashurie, përmes kërcënimeve serioze dhe shantazhit e ka detyruar viktimën të përdorë drogë narkotike dhe të shfrytëzojë seksualisht. Me qëllim përfitimin e paligjshëm pasuror, F.M., pas një marrëveshjeje paraprake me të raportuarit I.D., A.S. dhe L.S., si dhe duke përfshirë persona të tjerë të panjohur, u ka mundësuar atyre të kryejnë akte seksuale ndaj viktimës fëmijë, dhe në disa vende në zonën e Tetovës.

I raportuari i pestë R.M., pas një marrëveshjeje paraprake me F.M. si person përgjegjës për sigurinë e fëmijës, ka përfituar nga roli i tij dhe me forcë, kundër vullnetit të fëmijës, ka kryer marrëdhënie seksuale ndaj fëmijës./Telegrafi/

SPB Tetovë njofton se gjatë ditës së djeshme, Spitali i Gostivarit ka raportuar se tek ta është dërguar i vdekur një fëmijë 15 vjeç.

Nga atje thonë se mjekët kanë konstatuar vdekjen e 15-vjeçarit, pa shenja dhune.

“Më 23.12.2025 në ora 08:00 në DPB Gostivar, nga Qendra Mjekësore Gostivar është denoncuar se tek ata është dërguar një fëmijë 15-vjeçar i vdekur nga Gostivari.

Mjeku ka konstatuar vdekjen pa gjurmë dhune, ndërsa me urdhër të prokurorit publik trupi i të ndjerit është dorëzuar për autopsi”, thuhet në njoftimin e SPB-Tetovë./Telegrafi/

Policia ka arrestuar një grua 45 vjeçe nga Gostivari, nën dyshime për vjedhje të stolive të arit në një shtëpi në Gostivar.
Sipas MPB-së, ari kapte vlerën e 9000 eurove.

“Më 22.12.2025, në orën 10:00, në fshatin Dobërdoll të Gostivarit, punonjës të policisë nga Njësia Policore Gallatë kanë ndaluar M.S. (45 vjeçe) nga fshati Kalishtë i Gostivarit. Ajo dyshohet se më herët gjatë ditës kishte kryer një vjedhje në një shtëpi në fshatin Gradec, pronë e H.A. (49 vjeç) nga fshati Gradec, ku mori stoli prej ari në vlerë rreth 9.000 euro".

"Stoli e marrë është gjetur dhe iu është kthyer pronarit, ndërsa M.S. është mbajtur në stacionin policor dhe pas dokumentimit të rastit kundër saj do të ndiqet me kallëzim të përshtatshëm penal”, thonë nga MPB.

Ministria e Punëve të Brendshme ka parashtruar kallëzim penal ndaj ish-drejtoreshës dhe disa punonjësve të Qendrës për Punë Sociale në Tetovë, si dhe ndaj tre personave nga Bogovina.

Sipas MPB-së, ata dyshohen për keqpërdorime në realizimin e të drejtës për kompensim për shkak të paaftësisë.

“SPB-Tetovë ka parashtruar kallëzime penale ndaj H.A. (46) nga Tetova, i punësuar si drejtues i sektorit në Institucionin Publik “Qendra për Punë Sociale” – Tetovë dhe V.A. (49) nga Tetova, drejtor i institucionit, për shkak të ekzistencës së bazave për dyshimin se kanë kryer veprën penale “keqpërdorim i detyrës zyrtare dhe i autorizimit”. Ndaj Q.B.D. (34) nga Tetova, bashkëpunëtor profesional, dhe A.Ļ. (40) nga Tetova, punonjës social në institucion, për “punë e papërgjegjshme në shërbim” dhe ndaj M.N. (57), Sh.S. (52) dhe A.F. (54), të gjithë nga fshati Bogovinë, ekzistojnë baza për dyshim për kryerjen e veprës penale “falsifikim i dokumenteve zyrtare” dhe “dhënie deklarate të rreme”.

"Gjatë vitit 2024, i raportuari i parë ka përgatitur dhe miratuar vendime pozitive për realizimin e të drejtës për kompensim për shkak të paaftësisë për një person me paaftësi të rëndë trupore, në emër të personave të pestë dhe të gjashtë, pa kryer më parë verifikimin e nevojshëm, ndërsa e raportuara e dytë, si drejtoreshë ka nënshkruar dhe miratuar vendim pozitiv për të njëjtën bazë, në emër të të raportuarës së shtatë".

"Personi i tretë dhe i katërt i raportuar, të cilët kanë udhëhequr procedurat për këta persona, nuk kanë kryer kontroll të drejtpërdrejtë në familjen e përfituesit, ndërsa i raportuari i pestë, gjashtë dhe shtatë kanë paraqitur kërkesa para organit kompetent, Qendrës ndërkomunale për Çështje Sociale në Tetovë, duke dhënë deklarata të rreme se përmbushin kushtet për të drejtën për kompensim për paaftësi për person me paaftësi të rëndë trupore, dhe kanë bashkëngjitur edhe dokumente zyrtare të falsifikuara – mendim kosulues, për të cilat pas verifikimeve është konstatuar se këta persona nuk kishin caktuar fare termin”, thonë nga MPB.

SPB Tetovë ka parashtruar kallëzime penale ndaj disa individëve dhe kompanive të transportit për mashtrim dhe dhënien e deklaratave të rreme. Ata dyshohet se përgatitën fatura për transportin e nxënësve, edhe pse kontratat me shkollat e mesme u kishin skaduar. Në disa raste, të dyshuarit dhanë deklarata të rreme para noterit për të marrë vendime për urdhër pagesa.

“SPB-Tetovë ka parashtruar kallëzim penal kundër M.Z. (46) nga Tetova dhe një personi juridik, ndërmarrje transporti nga Tetova, për shkak të dyshimit të bazuar për kryerjen e veprave penale “mashtrim” dhe “dhënie e deklaratës së rreme”. Gjatë shtatorit dhe tetorit të vitit 2024, të denoncuarit, edhe pse e dinin se kontrata për transportin e nxënësve të rregullt, e lidhur midis tyre dhe një shkolle të mesme, kishte skaduar, pa bazë ligjore përgatitën fatura në shumën prej 15.034.110 denarësh për të dy muajt dhe i dorëzuan te shërbimet përgjegjëse të shkollës, me qëllim të kryerjes së pagesës. Të denoncuarit nuk arritën t’i mashtrojnë shërbimet përgjegjëse të shkollës, pas çka para noterit dhanë deklaratë të rreme dhe dorëzuan faturat duke kërkuar që noteri të përgatiste një vendim për urdhër pagese noterial, i cili u miratua nga noteri".

"Po ashtu, SPB-Tetovë ka parashtruar kallëzim penal kundër Q.F. (59) nga fshati Shemshovë dhe një personi juridik nga i njëjti fshat, për dyshimin e bazuar për kryerjen e veprave penale “mashtrim” dhe “dhënie e deklaratës së rreme”. Gjatë shtatorit dhe tetorit të vitit 2024, të denoncuarit, edhe pse e dinin se kontrata për transportin e nxënësve të rregullt e lidhur me një shkollë të mesme në Tetovë kishte skaduar, më 10.06.2025, pa bazë ligjore përgatitën fatura për muajin shtator dhe tetor 2024 në shumën totale prej 2.152.447 denarësh, dhe i dorëzuan te shërbimet përgjegjëse të shkollës, me qëllim që t’i mashtrojnë dhe të kryhet pagesa e faturave të dorëzuara”, thonë nga MPB.

Qytetarët e Tetovës që erdhën sot në Drejtorinë e Librave Amë, u kthyen pa kryer punë. Të punësuarit në këtë institucion sot nisën bojkotin, pasi kanë dy vite që kërkojnë nënshkrim të Marrëveshjes kolektive.

Qytetarët që takuam, edhe pse mbetën pa marrë shërbim publik, thonë se i mirëkuptojnë.

Naser Xhemaili nga Sindikata e Pavarur e Librave Amë, u kërkoi ndjesë qytetarëve që u kthyen pas, duke arsyetuar se shumica e të punësuarve në këtë drejtori janë si bashkëpunëtorë të rinj dhe marrin rrogë minimale. Nëse deri të premten nuk nënshkruhet Marrëveshja kolektive, nga e hëna do të fillojnë bojkot të përgjithshëm.

“Sot e kemi vetëm këtë ditë si paralajmërim për grevë. Nëse nuk na thirrin dhe të zgjidhet për ta biseduar këtë problem, nga dita e hënë do të jemi në grevë gjenerale në të gjithë Republikën e Maqedonisë. Kërkesa jonë është marrëveshja kolektive është rritja e rrogës 20%. Nuk kërkojmë asgjë më shumë, as 70% si funksionarët, dhe duhet ta vlerësojnë këtë kërkesë, pasi që jemi edhe drejtoria më kryesore në Republikën e Maqedonisë dhe pa gjendjen civile nuk mund as të funksionoj shteti”, tha Naser Xhemaili – Sindikata e Pavarur e Librave Amë.

Në tërë Drejtorinë e Librave Amë ka gjithsej 350 të punësuar. Shumica edhe pse kanë mbi 10 vjet përvojë pune, nuk janë avancuar dhe ende trajtohen si bashkëpunëtor të rinj dhe ka rrogë minimale prej 22,500 denarë./TV21/

Nxënësit e gjimnazit “Kiril Pejçinoviq” në Tetovë sot protestuan për denoncimet e rrejshme për bomba që po bëhen vazhdimisht për këtë shkollë.

Nxënësit, përcjell TV21, thonë se po dëmtohen pasi për 8 here me radhë janë detyruar që ta ndërpresin mësimin, shkaku i ktëyre denoncimeve, ndërsa kërkojnë nga organet e rendit që të marrin masa.

“Me mos-mbarëvajtjen e mësimit, dëmi më i madh bie mbi faktorin nxënës, gjë që nuk është e pranueshme nga ana jonë. Kërkojmë nga organet kompetente të marrin masa të menjëhershme dhe serioze për mbarëvajtjen afatgjate të mësimit, dhe jo për përsëritjen e këtyre dukurive”, tha një nxënës i këtij gjimnazi.

Rruga Tetovë-Prizren vazhdon të presë në sirtarët e ministrive të Kosovës dhe Maqedonisë së Veriut. Zëvendësministrja e Transportit e Maqedonisë thotë se që nga ardhja e saj në këtë funksion ka arritur që detyrën projektuese ta dorëzojë te pala e Kosovës, por ende nuk ka marrë asnjë përgjigje nga atje. Sipas saj, janë ndarë 2 milionë euro për projektimin e projektit kryesor.

“Në fillim të mandatit tim hasëm në një memorandum bashkëpunimi mes dy qeverive, por që nuk kishte lëvizur asnjë hap në kuadër të tij. Brenda një viti arritëm ta kalojmë fazën e detyrës projektuese, e përgatitëm dhe e dorëzuam te pala kosovare, por për shkak të procesit zgjedhor pati ngecje në miratimin nëse gjithçka është në rregull. E mira është se 2 milionë euro janë ndarë në buxhetin e “Rrugëve shtetërore” për hapjen e tenderit për projektin kryesor”, tha Kaltrina Zekolli Shaqiri – zëvendësminisre e Transportit.

Nga ana tjetër, kryetari i Komunës së Tetovës, Bilall Kasami, thotë se komuna ka hapur një tender për projektimin e një qarkoreje mbi fshatin Shipkovicë, e cila do të shërbejë si rrugë që kalon mbi fshat dhe do të lidhë zonën me fshatrat e Malësisë së Tetovës, deri te tuneli Tetovë-Prizren.

“Për momentin është bërë shpallja për projektimin dhe depërtimin e aksit nga rruga e Kodrës së Diellit deri në dalje të Shipkovicës, respektivisht një bypass mbi fshatin Shipkovicë. Besoj se, me përmbylljen e procedurave administrative dhe përzgjedhjen e operatorit, diku në pranverë do të nisin edhe punët në terren për depërtimin e këtij bypass-i”, u shpreh Bilall Kasami – kryetar i Komunës së Tetovës.

Rruga Tetovë-Prizren premtohet prej vitesh. Edhe pse qeveritë nga të dyja anët kanë deklaruar vazhdimisht se janë duke projektuar ose duke përgatitur projekte, deri më tani asnjë punë konkrete nuk është parë në terren. Kjo rrugë do ta lidhte Tetovën me Prizrenin për rreth 45 minuta, në vend të rrugës aktuale që zgjat mbi tre orë. /tv21

Ministria e Punëve të Brendshme, Sektori i Tetovës ka njoftuar se pas përplasjes së dy veturave në magjistralen Tetovë-Gostivar, janë lënduar tetë persona dhe të njejtët po trajtohen në spitalin e Tetovës, njofton Telegrafi Maqedoni.

"Sot (13.12.2025), në orën 20:05, në rrugën Gostivar-Tetovë, pas nyjës "Kamenjan", ka ndodhur një aksident rrugor mes një automjeti pasagjerësh "Mercedes" me targa austriake dhe një automjeti pasagjerësh "BMW" me targa të Tetovës.

Në këtë aksident janë lënduar tetë persona, të cilët me autoambulanca janë dërguar në Qendrën Klinike të Tetovës.

Për shkak të kryerjes së kqyrjes inspektuese në vendngjarje, trafiku zhvillohet nëpër një korsi lëvizëse" thuhet në njoftimin e SPB Tetovë. /Telegrafi/

Një avion i vogël është rrëzuar në Liqenin e Mavrovës gjatë ditës së sotme. Në avion kanë qenë dy persona, prej të cilëve njëri është i lënduar, informuan nga Qendra për Menaxhim me Kriza (QMK).

“Incidenti është raportuar në numrin 112, ndërsa informacioni menjëherë është përcjellë nga QMK te SPB-Tetovë, Ndihma e Shpejtë dhe Qendra Rajonale për Menaxhim me Kriza (QRMK-Tetovë) për ndërhyrje të menjëhershme”, njoftoi QMK.

Avioni, siç theksojnë, është i markës “Piper” me regjistrim N5005W dhe është i destinuar për transport të katër personave. Dy udhëtarët që kanë qenë në avion janë shtetas të Kosovës.

Avioni rezulton se është i prodhuar në vitin 1961, ndërsa është i regjistruar në Shtete e Bashkuara të Amerikës. Sipas, aircraft-data.com, pronari i avionit është D. M, ndërsa theksohet se vendi është Ridgefield Park, New Jersey, SHBA.
Ndërsa avioni ka status valid dhe certifikatë të vlefshme deri në vitin 2028.

Sipas të dhënave, avioni ka qarkulluar edhe më herët në hapësirën ajrore të Maqedonisë së Veriut, është shfaqur edhe në evente aviacioni, për shembull në një shfaqje ajrore në Shkup/Stenkovec, Maqedoni, më 16 shtator 2023 .

Përndryshe, Piper Cherokee PA-28 është një avion i projektuar fillimisht në vitet 1960 si avion i thjeshtë për trajnim dhe fluturime rekreative.

SPB Tetovë jep detaje për rrëzimin e avionit në Mavrovë, janë lënduar dy shtetas të Kosovës

Në profilin e tij në rrjetet social, D.M ka shkruar se jeton në Londër, ndërsa është pilot privat në “The Pilot Centre Denham UK”, ndërsa gjatë ditës së djeshme ka publikuar fotografi duke fluturuar mbi Tetovë.

Ndërkaq, edhe nga Sektori për Punë të Brendshme në Tetovë njoftojnë se në bord ka qenë D.M, i cili ka deklaruar se ka pasur problem me motorin e avionit.

“Sot (12.12.2025) në ora 12:35 në SPB Tetovë – DPB Gostivar është raportuar se një avion i vogël sportiv ka rënë në Liqenin e Mavrovës, në afërsi të digës “Kanali i Beliçit”. Sipas raportimit, nga avioni në tokë kanë arritur të dalin dy shtetas kosovarë, XH.P.(41) dhe D.M.(64), i cili drejtonte mjetin fluturues. Ata kanë pësuar lëndime dhe janë transportuar në Qendrën Mjekësore Gostivar për të marrë ndihmë mjekësore. Punonjës policie nga Departamenti i Policisë Mavrovë kanë dalë menjëherë në vendngjarje dhe gjatë bisedës me ta, D.M. ka deklaruar se për shkak të një problemi me motorin ka aterruar në liqen”, thonë nga SPB-Tetovë./TV21/

Sektori për Punë të Brendshme në Tetovë ka dalë me informacione shtesë në lidhje me avionin e vogël, që sot u rrëzua në liqenin e Mavrovës.

Siç njoftojnë nga SPB Tetovë, në avion kanë qenë dy shtetas të Kosovës XH.P.(41) dhe D.M.(64), të cilët kanë marrë lëndime dhe janë dërguar në Spitalin e Gostivarit për ndihmë mjekësore.

QMK: Një avion i vogël rrëzohet në Liqenin e Mavrovës

"Sot (12.12.2025) në ora 12:35 në SPB Tetovë – DPB Gostivar është raportuar se një avion i vogël sportiv ka rënë në Liqenin e Mavrovës, në afërsi të digës “Kanali i Beliçit”".

Në avion ishin dy shtetas të Kosovës, piloti ka deklaruar se ka pasur problem me motorin - detaje nga rrëzimi i avionit në Maqedoni

"Sipas raportimit, nga avioni në tokë kanë arritur të dalin dy shtetas kosovarë, XH.P.(41) dhe D.M.(64), i cili drejtonte mjetin fluturues. Ata kanë pësuar lëndime dhe janë transportuar në Qendrën Mjekësore Gostivar për të marrë ndihmë mjekësore".
"Punonjës policie nga Departamenti i Policisë Mavrovë kanë dalë menjëherë në vendngjarje dhe gjatë bisedës me ta, D.M. ka deklaruar se për shkak të një problemi me motorin ka aterruar në liqen", thonë nga SPB Tetovë.

MPB Maqedoni njofton se e ka zbardhur rastin e vrasjes në Gostivar dhe se Sektori për Punë të Brendshme në Tetovë ngriti kallëzim penal kundër S.M. (53) nga fshati Negotinë, Komuna e Vrapçishtit, për shkak të ekzistencës së bazave të dyshimit për kryerjen e veprës penale "vrasje".

Siç thonë nga MPB, më 09.12.2025, J.M. (34) nga rajoni i Gostivarit ka raportuar se nëna e tij H.A. (53) nga fshati Raven, rajoni i Gostivarit, është larguar nga shtëpia, dhe më vonë në kamerat e sigurisë ka vërejtur se më 07.12.2025 po hipte në një automjet pasagjerësh "Fiat", pas së cilës nuk ishte e disponueshme në telefon.

"Ai gjithashtu ka raportuar se në kamerat e sigurisë ka vërejtur se natën midis 06.12 dhe 07.12.2025, S.M. ka hyrë dhe ka kontrolluar shtëpinë e tij dhe se nga dhoma e tij janë marrë para. Më 11.12.2025 në orën 02:15, S.M. u privua nga liria me dyshimin se e kishte detyruar H.A. të largohej nga shtëpia me të".

"Pas marrjes së masave në lidhje me rastin, pas verifikimit të videoregjistrimeve, u përcaktua se i akuzuari kishte dhënë deklaratë të rreme në stacionin e policisë. Në të njëjtën kohë, nga lista e thirrjeve të pranuara u përcaktua se H.A. e kishte kontaktuar për herë të fundit më 07.12.2025".

"Më vonë, me urdhër gjykate, u krye kontroll në shtëpinë e S.M., pas çka edhe gruaja e tij G.V. (48) u privua nga liria. Në një intervistë zyrtare në stacionin e policisë, G.V. pranoi se burri i saj S.M. e kishte vrarë H.A. me armë, dhe tregoi edhe vendin ku ishte varrosur. Pas kësaj, oficerët e policisë nga Zyra e Jashtme për Çështje Penale në Gostivar, në prani të një prokurori publik, inspektuan vendin në afërsi të fshatit Negotinë ku u gjet trupi i H.A. Me urdhër të prokurorit publik, trupi u dërgua për autopsi", thonë nga MPB.

SPB Tetovë njofton se sot rreth orës 08:00, zyrtarët policor e privuan nga liria 30-vjeçarin F.R. nga fshati Orash, komuna e Jegunovcës.

"Gjatë kontrollit në shtëpinë e tij në fshatin Orashje, të kryer me urdhër gjykate, u gjetën dhe u konfiskuan një pushkë automatike 7.62 mm me dy karikatorë me gjithsej 22 fishekë 7.62 mm, 78 fishekë të markës dhe kalibrit të panjohur, marihuanë, një mulli dhe një peshore dixhitale".

"Gjatë kontrollit në shtëpinë e tij u gjet edhe I.D. (34) nga Republika Federale e Gjermanisë, e cila u arrestua dhe u ndalua në stacion policor për tejkalim të afatit të qëndrimit të saj turistik", thonë nga SPB Tetovë.

Gjithashtu thonë se F.R. është ndaluar në stacion policor dhe pas dokumentimit të plotë të rastit, kundër tij do të ngrihen akuza përkatëse.

SPB Tetovë ka njoftuar për dy raste të ndryshme, në të cilat janë ndaluar dy të rinj për shkak të posedimit të lëndëve narkotike.
Nga SPB Tetovë thonë se ndaj tyre do të dorëzohen aktakuza përkatëse.

"Më 08.12.2025 në orën 20:00 në një rrugë lokale në fshatin Gllogjë të Tetovës, punonjësit e policisë nga Njësiti Policor Tearcë e kanë privuar nga liria personin A.F. (24) nga fshati Tearcë e Tetovës. Gjatë kontrollit të automjetit të pasagjerëve "Opel" me targa të Tetovës, të cilin ai e drejtonte, dhe gjatë kontrollit të tij personal, është gjetur dhe konfiskuar marihuanë. A.F. është ndaluar në stacionin policor dhe pas dokumentimit të rastit kundër tij do të vijojë parashtresë përkatëse".

"Më 08.12.2025 në orën 19:20 në rrugën rajonale Tetovë-Shkup, punonjësit e policisë nga Njësiti Policor Grupçin e kanë privuar nga liria personin M.I. (25) nga fshati Pallaticë për shkak se tek ai është gjetur dhe konfiskuar marihuanë. Ai është ndaluar në stacionin policor dhe pas dokumentimit të rastit kundër tij do të hartohet parashtresë përkatëse", thonë nga SPB Tetovë.

SPB Tetovë njofton se ka gjobitur 25 shoferë për shkelje të rregullave në trafik.

"Gjatë ditës së djeshme (03-dhjetor) në territorin e SPB Tetovë, është realizuar kontroll i automjeteve dhe shoferëve.
Gjatë kontrollit janë sanksionuar gjithsej 25 shoferë (TE-17 dhe GV-8) për parkim të parregullt, ndërsa 18 automjete (TE-11 dhe GV-7) janë ngritur me automjetin special "merimangë".

Janë sanksionuar edhe 59 lloje të tjera të kundërvajtjeve në trafik (TE-35 dhe GV-24)", thonë nga SPB Tetovë./Telegrafi/

Futbolli modern po ndryshon me shpejtësi, nga organizimi i klubeve, te infrastruktura dhe mënyrat si fuqizohen talentet e rinj. Pikërisht me këtë vizion zhvillimi, Presidenti i FSHF-së dhe Zv.Presidenti i UEFA-s, Armand Duka, vizitoi Tetovën për të ndërtuar ura të reja bashkëpunimi që synojnë një nivel të ri profesionalizmi në futbollin e rajonit.

Presidenti Duka u prit nga Kryetari i Komunës Tetovë, Bilall Kasami, ndërsa në takim morën pjesë edhe Drejtori Administrativ i FSHF-së, Aldi Topçiu, si dhe Presidenti i Federatës së Futbollit të Maqedonisë së Veriut, Masar Omeragic, dhe Presidenti i FC Shkëndija, Lazim Destani. Gjatë vizitës, Presidenti Duka bëri edhe një vizitë punimeve për ndërtimin e stadiumit të ri në Tetovë, një projekt kyç që synon të përmirësojë infrastrukturën sportive dhe të ofrojë kushte moderne për futbollin në këtë rajon.

Në takim u diskutua gjithashtu mbi forcimin e futbollit të të rinjve, zhvillimin e infrastrukturës me standarde moderne, ngritjen profesionale të klubeve dhe akademive përmes trajnimeve të specializuara, si dhe nxitjen e iniciativave të përbashkëta që do të mundësojnë projekte ndërkombëtare dhe mbështetje institucionale në nivel rajonal. Qëllimi është i qartë: të krijohet një ekosistem futbolli që prodhon talente, rrit cilësinë dhe gjeneron më shumë mundësi zhvillimi ekonomik dhe social për komunitetet.

“Rajoni ka potencial të madh sportiv dhe ambicie për të ecur më përpara. Detyra jonë është të ndërtojmë partneritete që e kthejnë këtë potencial në rezultate konkrete,” – u shpreh Presidenti Duka, duke theksuar se pozicioni i tij në UEFA hap mundësi të reja bashkëpunimi dhe mbështetjeje për iniciativat e këtij niveli. Takimi konfirmoi vullnetin për hapa të përbashkët konkretë, të cilët synojnë të sjellin një standard të ri organizimi dhe inovacioni në futboll në rajon.

The post Armand Duka në Tetovë: Modernizojmë lojën, fuqizojmë talentet. Partneritet për të ardhmen e futbollit në rajon appeared first on Albeu.com.

TIRANË, 1 dhjetor /ATSH/ Futbolli modern po ndryshon me shpejtësi, nga organizimi i klubeve, te infrastruktura dhe mënyrat si fuqizohen talentet e rinj.

Pikërisht me këtë vizion zhvillimi, Presidenti i FSHF-së dhe Zv.Presidenti i UEFA-s, Armand Duka, vizitoi Tetovën për të ndërtuar ura të reja bashkëpunimi që synojnë një nivel të ri profesionalizmi në futbollin e rajonit.

Presidenti Duka u prit nga Kryetari i Komunës Tetovë, Bilall Kasami, ndërsa në takim morën pjesë edhe Drejtori Administrativ i FSHF-së, Aldi Topçiu, si dhe Presidenti i Federatës së Futbollit të Maqedonisë së Veriut, Masar Omeragic, dhe Presidenti i FC Shkëndija, Lazim Destani.

Gjatë vizitës, Presidenti Duka bëri edhe një vizitë punimeve për ndërtimin e stadiumit të ri në Tetovë, një projekt kyç që synon të përmirësojë infrastrukturën sportive dhe të ofrojë kushte moderne për futbollin në këtë rajon.

Në takim u diskutua gjithashtu mbi forcimin e futbollit të të rinjve, zhvillimin e infrastrukturës me standarde moderne, ngritjen profesionale të klubeve dhe akademive përmes trajnimeve të specializuara, si dhe nxitjen e iniciativave të përbashkëta që do të mundësojnë projekte ndërkombëtare dhe mbështetje institucionale në nivel rajonal.

Duka u shpreh se, qëllimi është i qartë, të krijohet një ekosistem futbolli që prodhon talente, rrit cilësinë dhe gjeneron më shumë mundësi zhvillimi ekonomik dhe social për komunitetet.

“Rajoni ka potencial të madh sportiv dhe ambicie për të ecur më përpara. Detyra jonë është të ndërtojmë partneritete që e kthejnë këtë potencial në rezultate konkrete” tha ai, duke theksuar se pozicioni i tij në UEFA hap mundësi të reja bashkëpunimi dhe mbështetjeje për iniciativat e këtij niveli.

Takimi konfirmoi vullnetin për hapa të përbashkët konkretë, të cilët synojnë të sjellin një standard të ri organizimi dhe inovacioni në futboll në rajon. e.xh/

The post Duka: Partneritet për të ardhmen e futbollit në rajon appeared first on Agjencia Telegrafike Shqiptare.

SPB Tetovë ka dalë me apel që qytetarët të jenë të kujdesshëm gjatë sezonit dimëror dhe si të mbrohen nga zjarret e mundshme.
Nga SPB u rekomandojnë pronarëve dhe banorëve të ndërtesave dhe shtëpive që të pastrojnë oxhaqet, por edhe të mos i mbingarkojnë instalimet duke ndezur disa pajisje elektrike në të njëjtën kohë.

"Me fillimin e sezonit të ngrohjes, rritet ndjeshëm mundësia e zjarreve, kryesisht si pasojë e pakujdesisë njerëzore, instalimeve elektrike të vjetruara dhe të amortizuara në ndërtesa, furrave me defekt dhe oxhaqeve të papastruara në shtëpi ose ndërtesat e banimit. Sektori i Punëve të Brendshme Tetovë u bën apel qytetarëve për kujdes maksimal, përkatësisht të mos i lënë të ndezura trupat ngrohës kur nuk janë në shtëpi apo në hapësirat e punës për një kohë të gjatë, e sidomos jo ngrohëset, kondicionerët apo stufat me dru".

"Sepse, nevojitet vetëm një shkëndijë e vogël për të shkaktuar zjarr me pasoja serioze materiale dhe të tjera. Kjo vlen veçanërisht për ndërtesat e banimit, ku lokalizimi i zjarreve është shumë më i vështirë, për shkak të mungesës së pajisjeve të nevojshme në shumë prej tyre dhe qasjes së vështirësuar në ndërtesa, kryesisht për arsye ndërtimore apo të tjera".

"Pronarëve dhe banorëve të ndërtesave u rekomandohet të kontrollojnë dhe pastrojnë oxhaqet, të paktën dy herë në vit, por edhe të mos i mbingarkojnë instalimet duke ndezur disa pajisje elektrike në të njëjtën kohë. Kjo pasi, sipas nenit 288 të Kodit Penal, shkaktimi i rrezikut të përgjithshëm, përbën vepër penale për të cilën është parashikuar dënim me burg nga gjashtë muaj deri në pesë vjet, e nëse është kryer nga pakujdesia, dënimi është deri në tre vjet burg".

"Prandaj, u bëjmë apel qytetarëve t'i respektojnë këto udhëzime, për të parandaluar zjarret e mundshme dhe me këtë të parandalojnë pasoja më serioze për jetën dhe pasurinë e tyre, si dhe jetën dhe pasurinë e të tjerëve", thonë nga SPB Tetovë.

TIRANË, 30 nëntor/ATSH/ Familjarë, miq dhe personalitete të artit u mblodhën sot për t’i dhënë lamtumirën e fundit këngëtarit të njohur Shpat Kasapi, i cili ndërroi jetë papritur më 26 nëntor në Itali, gjatë një vizite me partneren Selvije Jao dhe të birin.

Homazhet u kryen në Pallatin e Kulturës në Tetovë, ku edhe qytetarë të shumtë nderuan kujtimin e artistit i cili u nda papritmas nga jeta në moshën 40-vjeçare.

Mes dhimbjes së thellë, familjarët mbajtën edhe fjalë të rastit ku e kujtuan Shpatin si një njeri të butë, me zemër të madhe dhe të përkushtuar ndaj fëmijëve dhe të moshuarve. Po ashtu, artistë kolegë të këngëtarit kujtuan projektet dhe planet e tij.

Ceremonia mortore në Tetovë shënoi një ditë të dhimbshme për miqtë, familjarët dhe fansat e këngëtarit, duke reflektuar dashurinë dhe respektin që Shpati la pas në zemrat e të gjithëve.

Rrugët e Tetovës u mbushën me njerëz që kishin dalë për t’i dhënë lamtumirën e fundit artistit 40-vjeçar.

I lindur më 1 maj 1985, Shpat Kasapi hyri që në moshë fare të re në botën e showbiz-it dhe prej vitesh ai ka qenë një figurë e dashur në skenat ku këndohet shqip.

Shpati ishte me origjinë nga Tetova, por u bë i famshëm në gjithë trevat shqipfolëse me baladat romantike dhe këngët pop, që u bënë hite sidomos në fillimin e viteve 2000.

Shpat Kasapi la pas një djalë trevjeçar.

The post U nda papritmas nga jeta, homazhe në Tetovë për këngëtarin Shpat Kasapi appeared first on Agjencia Telegrafike Shqiptare.

Komuna e Tetovës ka shpallur datën 1 dhjetor ditë zie, në nder të këngëtarit Shpat Kasapi, i cili u nda nga jeta pak ditë më parë në Itali si pasojë e një arresti kardiak. Kasapi u përcoll sot për në banesën e fundit, mes homazhesh dhe lotësh nga familjarë. të afërm, kolegë e dashamirës. Shpat […]

The post Ndarja nga jeta e Shpat Kasapit/ Komuna e Tetovës shpall 1 dhjetorin ditë zie appeared first on BoldNews.al.