Ish-presidenti francez, Nicolas Sarkozy, ka shkruar një libër 216-faqesh ku përshkruan 20 ditët që kaloi në izolim në burgun famëkeq La Santé në Paris. Ditar i një të Burgosuri”, do të publikohet më 10 dhjetor, konfirmon shtëpia botuese Fayard. Sarkozy, 70 vjeç, u dënua me pesë vjet burg, maksimumi për “komplot kriminal” – pasi u shpall fajtor për pranimin e fondeve të paligjshme nga diktatori…

Source

Ish-presidenti francez, Nicolas Sarkozy, ka bërë publike datën e publikimit të librit të ri, “Ditari i një të burgosuri”, i cili do të dalë më 10 dhjetor. Libri botohet nga shtëpia botuese Fayard, e cila është në pronësi të miliarderit konservator Vincent Bolloré.

Në këtë botim, Sarkozy përshkruan në detaje përvojën e tij në burgun Chante një realitet që, sipas tij, ishte shumë më i ashpër nga sa mund të imagjinohej.

“Në burg nuk ka asgjë për të parë dhe asgjë për të bërë. Harroj heshtjen, sepse në Chante dëgjon vetëm zhurmë. Ajo është e vazhdueshme. Ashtu si në shkretëtirë, jeta e brendshme e një personi forcohet në burg,” shkruan ai në një prej faqeve.

Dënimi dhe akuzat

Sarkozy, i cili drejtoi Francën nga viti 2007 deri në 2012, u dënua më 25 shtator për pjesëmarrje në një organizatë kriminale. Hetimet zbuluan se ai kishte lejuar bashkëpunëtorët e tij t’i kërkonin Libisë së Muammar Gaddafit të financonte fshehurazi fushatën e tij presidenciale fitimtare në vitin 2007.

Ai kaloi tre javë në burg, periudhë që e përshkruan si “makth” dhe emocionalisht rraskapitëse. Megjithatë, në librin e tij dhe në dëshminë e dhënë para gjykatës, Sarkozy vlerëson stafin e burgut për humanizmin e tyre. Ai shprehet se falë tyre, “makthi u bë më i durueshëm”.

Apeli dhe liria e parakohshme

Më 10 nëntor, një gjykatë në Paris vendosi për lirimin e tij të parakohshëm. Ndërkohë, apeli i Sarkozy-t kundër dënimit të tij është caktuar të shqyrtohet mes 16 marsit dhe 3 qershorit 2026, çka do të thotë se beteja e tij ligjore është larg përfundimit.

Publikimi i librit ndez debatin publik

Publikimi i librit ka ndezur diskutime në Francë, jo vetëm për shkak të akuzave të rënda, por edhe për mënyrën se si ish-presidenti zgjedh të rrëfejë përvojën e tij nga brenda sistemit penitenciar. Postimi i tij në platformën X (ish-Twitter) ka marrë mijëra reagime, duke treguar se çështja Sarkozy mbetet një nga më të ndjekurat në politikën franceze.

The post Sarkozy publikon librin “Ditari i një të burgosuri”: Zbulime të forta nga koha në qeli dhe beteja e tij ligjore appeared first on iconstyle.al.

Ish-presidenti francez Nicolas Sarkozy do të përballet me apelin ndaj dënimit për konspiracion, në lidhje me financimin e paligjshëm nga Libia për fushatën e tij presidenciale të suksesshme në vitin 2007. Gjykata e Apelit në Paris njoftoi të enjten e 13 nëntorit, se seancat do të zhvillohen nga 16 marsi deri më 3 qershor.

Këtë javë, Sarkozy u lirua nga burgu pasi gjykata vendosi që ai nuk duhet të vuajë dënimin me burg gjatë kohës që pritet vendimi i apelit, në kundërshtim me vendimin fillestar. Ish-presidenti tani synon të rrëzojë dënimin me pesë vjet burg të dhënë në muajin shtator.

“E vërteta do të triumfojë. Kjo është një e vërtetë që jeta na mëson,” shkroi Sarkozy në rrjetin social X pasi u rikthye në shtëpi.

Sjellim ndërmend se Sarkozy u shpall fajtor për konspiracion për të siguruar fonde për fushatën e tij presidenciale të vitit 2007 nga ish-udhëheqësi libian Muammar Gaddafi.

Burgosja e ish-liderit konservator francez, i cili ishte president nga viti 2007 deri në 2012, shënoi një rënie të bujshme për një politikan që dikur kishte një prani të fuqishme në skenën globale./abcnews.al

Ish-presidenti francez, Nicolas Sarkozy është shfaqur për herë të parë në publik pas lirimit të tij nga burgu. Sarkozy është parë teksa vrapon në brigjet e Senës dhe shijon lirinë pasi qëndroi disa ditë në qeli pasi u dënuar me 5 vite burg. Ai ishte i veshur me një kostum sportiv të errët dhe i […]

The post U lirua nga burgu, Sarkozy vrapon në rrugët e Parisit me truprojën (VIDEO) appeared first on BoldNews.al.

Ish-presidenti francez, Nicolas Sarkozy, do të lirohet nga burgu, pasi gjykata e Parisit vendosi se ai mund të qëndrojë i lirë deri në shqyrtimin e apelimit të dënimit të dhënë në shtator për “komplot kriminal”.

Sarkozy u dënua për përfshirjen e tij në një skemë të financimit të fushatës së vitit 2007 me para të dyshuara nga Libia, në këmbim të favoreve diplomatike.

Gjatë një paraqitjeje me video para gjykatës, ai deklaroi se 20 ditët e kaluara në burg kanë qenë “shumë të vështira”.

Ish-presidenti francez, Nicolas Sarkozy, do të lirohet nga burgu pasi gjykata Paris vendosi të hënën se ai mund të qëndrojë i lirë deri në shqyrtimin e apelimit të dënimit të dhënë në shtator për “komplot kriminal”.

Sarkozy u dënua për përfshirjen e tij në një skemë të financimit të fushatës së vitit 2007 me para të dyshuara nga Libia, në këmbim të favoreve diplomatike.

Gjatë një paraqitjeje me video para gjykatës, ai deklaroi se 20 ditët e kaluara në burg kanë qenë “shumë të vështira”.

The post Ish-presidenti francez Nicolas Sarkozy lirohet nga burgu në pritje të apelimit appeared first on Albeu.com.

Gjykata e Apelit e Parisit urdhëroi lirimin e Nicolas Sarkozy pas përfundimit të seancës dëgjimore të ish-presidentit të Republikës Franceze. Sarkozy, i cili gjatë seancës dëgjimore i përshkroi 20 ditët që kaloi në burg (që nga 21 tetori) si një “makth”, do të jetë nën mbikëqyrje gjyqësore.

Përveç kësaj, gjykata i ndaloi Sarkozisë të kishte çdo kontakt me Ministrin e Drejtësisë Gérald Darmanin, i cili e kishte vizituar në burg në fund të tetorit. Ky takim kishte provokuar kritika, kryesisht nga gjyqtarët.

Sipas informacioneve, Sarkozi do të largohet nga burgu Santé në qendër të kryeqytetit francez më vonë gjatë ditës. Më parë, prokurori i kishte propozuar Gjykatës së Apelit të Parisit që ish-presidenti francez të lirohej.

Sipas arsyetimit të prokurorit, Damien Brinet, “serioziteti ekstrem i ngjarjeve dhe ashpërsia e dënimit nuk duhet të merren parasysh. Vetëm kriteret e nenit 144 (të Kodit të Procedurës Penale) janë të rëndësishme”.

Siç shpjegoi prokurori Damien Brinet, rreziqet e bashkëpunimit me bashkëpunëtorë të mundshëm ose të ushtrimit të presionit mbi dëshmitarët “mbështesin kërkesën për ta vendosur (Sarkozyn) nën mbikëqyrje gjyqësore. Sarkozy, 70 vjeç, u burgos më 21 tetor pasi një gjykatë e shpalli fajtor për konspiracion kriminal, për shkak të përpjekjeve të bashkëpunëtorëve të tij të ngushtë për të siguruar financim për kandidaturën e tij presidenciale të vitit 2007 nga udhëheqësi i atëhershëm libian Muammar Gaddafi.

The post Nicolas Sarkozy lë qelinë, vendimi që po komentohet në Paris appeared first on iconstyle.al.

Pasi ish-presidenti francez, Nicolas Sarkozy arriti në burgun La Sante në Paris, tre të burgosur u ndaluan për kërcënime ndaj tij.

Një video që qarkullon online tregon thirrje dhe fyerje që vijnë nga dritaret e qelive.

Sarkozy, i njohur si një luftëtar i ashpër kundër krimit, tani po jeton mes atyre që dikur i dërgoi në burg.

Ai është nën mbrojtje 24-orëshe nga dy oficerë të armatosur - të vetmit njerëz në burg që lejohen të mbajnë armë - gjë që ka zemëruar stafin.

Për shkak të sigurisë së shtuar dhe një qelie private, Sarkozy zë rreth katër herë më shumë hapësirë se të burgosurit e zakonshëm, edhe pse burgu është tashmë shumë i mbipopulluar.

Çfarë do të thotë për Francën dënimi i ish-presidentit Nicolas Sarkozy?

Ndryshe, 70-vjeçari u dënua me pesë vjet burg për komplot kriminal në një çështje komplekse që dyshohet se përfshin regjimin e mëparshëm libian të Muammar Gaddafit.

Sarkozy kishte kërkuar financim të paligjshëm nga diktatori i ndjerë libian, Muammar Gaddafi për të siguruar fitoren në zgjedhjet presidenciale të vitit 2007. /Telegrafi/

Ish-presidenti francez Nicolas Sarkozy ka qenë shënjestër e kërcënimeve me vdekje në burg - më pak se një ditë pasi filloi një dënim pesëvjeçar për konspiracion kriminal.

Një video që qarkullon në internet, e cila duket se është filmuar nga një i burgosur, tregon kërcënime verbale që bëhen me mbërritjen e Sarkozy-t në burgun La Sante të Parisit.

Sipas Reuters, zyra e prokurorit të Parisit u njoftua për videon dje, transmeton Telegrafi.

Tre të burgosur u morën në pyetje si pjesë e hetimit dhe dy telefona celularë u sekuestruan gjatë një kontrolli në burg.

Sarkozy, i cili udhëhoqi Francën nga viti 2007 deri në vitin 2012, u burgos të martën pasi u dënua për konspiracion për të mbledhur fonde për fushatën nga Libia.

Lajmi për kërcënimet doli pasi u raportua se ish-presidentit do t'i caktoheshin dy oficerë policie të përhershëm si truproja, të vendosur në qelitë aty pranë gjatë gjithë kohës së tij në burg, për t'u siguruar që ai të mos lëndohej.

Masa shkaktoi ankesa nga sindikatat. Hugo Vitry, një roje në La Sante dhe kreu i degës lokale të sindikatës Force Ouvriere, tha se ata nuk ishin informuar për detajet e sigurisë së Sarkozy-t.

"Ne kemi kontaktuar administratën e burgut dhe Ministrinë e Drejtësisë për të kërkuar shpjegime", shtoi ai.

Megjithatë, ministri i Brendshëm francez Laurent Nunez i tha radios Europe 1 se Sarkozy kishte të drejtë për mbrojtje "për shkak të statusit të tij".

"Padyshim që ekziston një kërcënim kundër tij dhe kjo mbrojtje po mbahet ndërsa ai është në paraburgim", shtoi ai.

Avokatët e Sarkozy-t kanë paraqitur një kërkesë për lirim të parakohshëm, në pritje të gjyqit të tij të apelit, dhe thanë se prisnin që kjo kërkesë të shqyrtohej brenda rreth një muaji.

Ata thanë se shpresonin ta lironin atë me lirim të parakohshëm deri në Krishtlindje.

Sarkozy ka mohuar vazhdimisht shkeljet dhe e ka quajtur çështjen të motivuar politikisht. /Telegrafi/

Ministri i Brendshëm i Francës, Laurent Nunez, këtë të mërkurë konfirmoi se ish-presidenti Nicolas Sarkozy do të mbrohet nga dy oficerë sigurie ndërsa ai kryen dënimin me burg, pasi u kërcënua me jetë nga të burgosurit. Sarkozy mbërriti ditën e djeshme në burgun e La Sante në Paris, ku do të vuajë dënimin ne pesë […]

The post Sarkozy kërcënohet me jetë në burg, ish-presidenti francez do të mbrohet nga dy oficerë sigurie appeared first on BoldNews.al.

Dy oficerë të policisë janë vendosur në pozicione të veçanta pranë qelisë ku po qëndron Nicolas Sarkozy, si masë sigurie pas kërcënimeve serioze për jetën e tij. Ish-presidenti francez po vuan një dënim me burg në La Santé, një institucion i sigurisë së lartë në Paris, ku ka kaluar një natë të vështirë në qeli.

Zhvillimet ndodhin në vazhdën e një vendimi gjyqësor që e shpalli 70-vjeçarin fajtor për konspiracion kriminal. Sarkozy dhe bashkëpunëtorët e tij akuzohen se kanë bashkëpunuar me regjimin e ndjerë të diktatorit libian Muammar Gaddafi, për të siguruar fonde të paligjshme për fushatën presidenciale të vitit 2007 në Francë.

Vetëm pak orë pas mbërritjes në burg, në rrjetet sociale u publikua një video kërcënuese që i drejtohej drejtpërdrejt Sarkozyt. “Ne do të hakmerremi për Gaddafin, ne dimë gjithçka, Sarko… kthej miliarda dollarët,” thuhet në mesazhin video, që përmban tone të rënda hakmarrjeje.

Për pasojë, Ministria e Brendshme e Francës ka urdhëruar që dy agjentë nga Shërbimi i Mbrojtjes VIP të vendosen pranë qelisë së tij, duke e ruajtur 24 orë në ditë për të shmangur çdo incident të mundshëm.

Sipas avokatëve të tij, Sarkozy ka biseduar me bashkëshorten Carla Bruni përmes telefonit, dhe ka përshkruar natën e parë në burg si “të frikshme”.

Videoja e postuar në internet përmend gjithashtu edhe emrin e Ziad Takieddine, një ish-tregtar armësh me origjinë libaneze, i cili vdiq në rrethana misterioze më herët gjatë vitit, teksa ishte në arrati. Ai dyshohej të kishte qenë ndërmjetësi kryesor mes Gaddafit dhe Sarkozyt në marrëveshjen e dyshuar për financim të paligjshëm.

“Ai është krejtësisht vetëm në qeli. Ka mbërritur të martën, më 20 tetor. Do ta ketë të vështirë,” thuhet në videon kërcënuese.

Nicolas Sarkozy është bërë ish-presidenti i parë francez që shkon në burg, pasi ka filluar dënimin me pesë vjet heqje lirie për komplot në financimin e fushatës së tij elektorale me para nga diktatori i ndjerë libian Muammar Gaddafi. Që nga koha e udhëheqësit kolaboracionist të Luftës së Dytë Botërore, Philippe Pétain, i cili u […]

The post Cilët janë dy librat që Sarkozy mori me vete në qelinë “VIP”, ja simbolika e tyre appeared first on BoldNews.al.

Ish-presidenti francez Nicolas Sarkozy ka nisur vuajtjen e një dënimi pesëvjeçar në burgun La Santé në Paris, pas shpalljes së tij fajtor për financim të paligjshëm të fushatës presidenciale të vitit 2007 me fonde të dyshuara nga regjimi libian i Muammar Gaddafit. Në momentin e mbërritjes, të burgosurit brohoritën “Ja ku është Sarkozi!”, duke i […]

The post Ish-presidenti francez nis dënimin në La Santé, të burgosurit e presin me brohorima appeared first on BoldNews.al.

Ish-presidenti francez, Nicolas Sarkozy, është nisur për të filluar dënimin e tij pesëvjeçar pas shpalljes së fajësisë për konspiracion kriminal mbi financimin e dyshuar të paligjshëm të fushatës së tij presidenciale të vitit 2007.

70-vjeçari u fotografua të martën në mëngjes duke mbajtur dorën e gruas së tij, Carla Bruni-Sarkozy, e cila e përshëndeti me një puthje përpara se ai të hynte në makinën që do ta çonte në burgun La Santé të Parisit.

Momenti i tyre i ngrohtë kishte një kontrast të fortë me rrethanat serioze ligjore që po përballej ish-udhëheqësi, shkruan News Sky.

Screenshot/ News Sky

Qindra mbështetës kënduan “Nicolas, Nicolas” dhe himnin kombëtar francez ndërsa ai largohej nga shtëpia e tij, ndërsa fëmijët dhe nipërit e mbesat e tij ishin gjithashtu të pranishëm.

Përpara se të hynte në burg, Sarkozy postoi në rrjetet sociale se ndihet një “njeri i pafajshëm” dhe shprehu pikëllimin e tij për Francën.

Screenshot/ News Sky

Sarkozy do të jetë ish-presidenti i parë francez që do të shkojë në burg që nga periudha pas Luftës së Dytë Botërore.

Për arsye sigurie, ai do të mbahet në izolim dhe ka planifikuar të marrë me vete disa libra, përfshirë klasikën “Konti i Monte Kristos” të Alexandre Dumas. /Telegrafi/

Nicolas Sarkozy u transferua në burgun Le Sante në Paris sot në mëngjes, në një situatë të paprecedentë për një ish-kre shteti francez.

“Oh, mirë se erdhe Sarkozy!” bërtitën të burgosurit nga qelitë e tyre kur e panë, sipas Agjencisë Franceze të Lajmeve (AFP). Ish-presidenti do t’i nënshtrohet procedurave administrative të përcaktuara për të gjithë të burgosurit e rinj përpara se të shkojë në qelinë e tij.

Pak minuta pasi Sarkozi u transferua në burg, një nga avokatët e tij, Christophe Ingren, njoftoi jashtë burgut La Santé se “kërkesa për lirim është paraqitur”. Sipas tij, ish-presidenti do të mbetet në burg “për të paktën tre javë ose një muaj”.

“Nuk ka rrezik që ngjarjet të përsëriten, nuk ka rrezik që provat të shkatërrohen (…), nuk ka rrezik që të ushtrohet presion mbi dëshmitarët”, shtoi avokati, duke justifikuar kështu kërkesën për lirimin e ish-presidentit.

“Ky burgim është një turp!” shtuan avokatët e Nicolas Sarkozy dhe vazhduan: “Gjykata, pa asnjë provë, zgjodhi ta mbante Sarkozin për një komplot të rremë kriminal”.

“Është një ditë tragjike për të, për Francën dhe për institucionet tona”, këmbënguli ai, duke shtuar: “Ajo që shpresojmë, së bashku me kolegun tim, Christophe Ingren, është që Gjykata e Apelit do t’i rikthejë drejtësisë franceze dinjitetin që i meriton.” 

The post “Mirë se erdhe Sarkozi”/ Si e pritën të burgosurit ish-presidentin francez në burgun Le Sante appeared first on iconstyle.al.

Nicolas Sarkozy deklaroi pafajësinë e tij dhe u pa duke ecur për dore me gruan e tij përpara se të hynte në burg për të filluar dënimin e tij pesëvjeçar.

70-vjeçari u fotografua me gruan e tij Carla Bruni-Sarkozy të martën në mëngjes, përpara se të udhëtonte për në burgun La Sante të Parisit.

Ai u shpall fajtor për konspiracion kriminal, mbi financimin e dyshuar të paligjshëm të fushatës së tij zgjedhore presidenciale të vitit 2007.

Mbështetësit brohoritën "Nicolas, Nicolas" ndërsa ai doli nga shtëpia e tij këtë mëngjes dhe hipi në makinën që do ta çonte në burg.

Bijtë dhe vajza e Sarkozy-t, Jean, Pierre, Louis dhe Giulia, dhe nipërit e tij u shfaqën në tubim, transmeton Telegrafi.

Ndërsa përgatitej të fillonte dënimin me burg, ai postoi një mesazh në mediat sociale duke përsëritur pretendimet e tij se është një "njeri i pafajshëm" dhe tha se ndjen një "pikëllim të thellë për Francën".

"Ndërsa përgatitem të kaloj muret e burgut La Santé, mendimet e mia shkojnë për popullin francez të të gjitha sferave të jetës", tha ai.

"Dua t'u them me forcën time të palëkundur se nuk është një ish-president i republikës që po mbahet në paraburgim këtë mëngjes, por një person i pafajshëm", shtoi Sarkozy.

"Ndjej keqardhje të thellë për Francën, e cila e gjen veten të poshtëruar nga shprehja e një hakmarrjeje që e ka çuar urrejtjen në një nivel të paparë. Nuk kam asnjë dyshim. E vërteta do të triumfojë. Por çmimi që duhet paguar do të ketë qenë dërrmues", theksoi ish-presidenti. /Telegrafi/

Ish-presidenti francez, Nicolas Sarkozy, do të shkojë sot në qeli, duke filluar një dënim me pesë vjet burg për komplot për të mbledhur fonde për fushatën nga Libia. Sarkozi, i cili ishte presidenti konservator i Francës midis viteve 2007 dhe 2012, do të bëhet ish-udhëheqësi i parë francez që burgoset që nga bashkëpunëtori nazist Marshal […]

The post “Nuk kam frikë nga burgu”/ Ish-presidenti francez, Sarkozy nis sot dënimin, 5 vite në qeli appeared first on BoldNews.al.

Ish-presidenti francez Nicolas Sarkozy është urdhëruar që javën e ardhshme të shkojë në burgun e Parisit për të vuajtur dënimin 5-vjeçar për komplot kriminal për të marrë fonde për fushatën zgjedhore nga regjimi i diktatorit Muammar Gaddafi. Sarkozy, i cili ka qenë president në vitet 2007-2012, u thirr të hënën për të takuar prokurorët e […]

The post Dënimi i Sarkozy nis javën e ardhshme, ja burgu ku do të qëndrojë ish-presidenti francez appeared first on BoldNews.al.

Ish-presidenti francez, Nicolas Sarkozy u dënua me pesë vjet burg për komplot kriminal në një çështje komplekse që dyshohet se përfshin regjimin e mëparshëm libian të Muammar Gaddafit.

Të enjten, një gjykatë në Paris e shpalli fajtor Sarkozyn për përfshirje në komplot kriminal në një rast të zgjatur, ku pretendohet se ai ka kërkuar financim të paligjshëm nga diktatori i ndjerë libian, Muammar Gaddafi për të siguruar fitoren në zgjedhjet presidenciale të vitit 2007.

Gjykata i shqiptoi Sarkozyt një dënim me pesë vjet burg, një gjobë prej 100 mijë eurosh dhe një ndalim pesëvjeçar për të mbajtur poste publike, raporton euronews.

Në një kthesë befasuese, 70-vjeçarit iu dha gjithashtu një urdhër për arrestim të shtyrë me efekt të menjëhershëm.

Ai duhet të paraqitet para prokurorëve deri më 13 tetor për t'u njoftuar se kur do të nisë vuajtjen e dënimit. Shlyrjen e dënimit me burg ai duhet ta fillojë brenda një periudhe maksimale prej katër muajsh.

- YouTube www.youtube.com

Sipas ligjit francez, kjo masë zbatohet edhe nëse ai e apelon vendimin. Megjithatë, për shkak të moshës së tij, ai mund të kërkojë lirimin me kusht.

Gjykata, nga ana tjetër, e shpalli të pafajshëm për akuzat për korrupsion pasiv, shpërdorim të fondeve publike libiane dhe financim të paligjshëm të fushatës, duke arsyetuar se prokuroria nuk arriti të vërtetojë se para libiane kanë kaluar drejtpërdrejt në fushatën e Sarkozyt.

Akuza për komplot, sipas gjykatës, buron nga përfshirja e Sarkozyt në një grup që përgatiti një vepër korruptive midis viteve 2005 dhe 2007.

Kryegjyqtari theksoi se Sarkozy u lejoi bashkëpunëtorëve të ngushtë të kontaktonin zyrtarë libianë "për të marrë ose për të tentuar të marrin mbështetje financiare në Libi me qëllim sigurimin e fondeve për fushatën zgjedhore".

Megjithatë, gjykatësi përfundoi se nuk mund të përcaktohej me siguri nëse paratë libiane u përdorën në fund për të financuar fushatën.

Sarkozy premton se do të vazhdojë luftën

Pas shpalljes së dënimit, Sarkozy u tha gazetarëve se vendimi ishte "me rëndësi ekstreme për shtetin e së drejtës" dhe njoftoi se do të bëjë apel.

“Do të marr përgjegjësinë. Do t’i bindem thirrjes së drejtësisë. Dhe nëse ata me çdo kusht duan që unë të fle në burg, do të fle në burg. Por me kokën lart. Jam i pafajshëm”, deklaroi ai.

Reagimet ishin të ndara thellësisht. Në të majtën politike, shumë shfrytëzuan rastin për të tallur ish-presidentin.

Deputeti Benjamin Lucas tha me ironi “në fund, Sarkozy e mori mandatin e ri pesëvjeçar të tij”, duke iu referuar kohëzgjatjes së mandatit presidencial në Francë.

Në të djathtën politike, vendimi u kritikua ashpër. Senatori i partisë konservatore, Les Republicains, Stephane Le Rudulier, e quajti atë “një cunami turpi” dhe i bëri thirrje presidentit Emmanuel Macron që të falë Sarkozyn.

Figurë e njohur e ekstremit të djathtë, Marine Le Pen paralajmëroi se ky vendim krijon një precedent të rrezikshëm, duke imponuar zbatimin e menjëhershëm të dënimit pavarësisht të drejtës për apel.

Vetë Marine Le Pen u shpall fajtore më herët këtë vit për shpërdorim të fondeve publike të BE-së, në një çështje që lidhej me asistentët parlamentarë të partisë së saj, Fronti Kombëtar, që tani quhet Tubimi Kombëtar (Rassemblement National).

Një çështje e gjatë dhe e ndërlikuar

Vendimi i gjykatës përfshinte gjithashtu edhe 11 të bashkë-pandehur, përfshirë tre ish-ministra të Sarkozyt.

Biznesmeni Ziad Takieddine, i konsideruar si ndërmjetësi kryesor dhe një nga akuzuesit më të zëshëm të Sarkozyt, vdiq në Bejrut në fillim të kësaj jave, në moshën 75-vjeçare, pa arritur të dalë kurrë në gjyq.

Një tjetër ndërmjetës, Alexandre Djouhri, së bashku me figura të tjera të lidhura me rrethin e ngushtë të Gaddafit, u përfshinë gjithashtu në hetim. Muammar Gaddafi, diktatori afatgjatë i Libisë, u rrëzua dhe u vra gjatë një kryengritjeje në vitin 2011, duke i dhënë fund sundimit të tij katërdekadësh në vendin e Afrikës së Veriut.

Gjyqi, i cili zgjati tre muaj, shqyrtoi një sërë provash, nga udhëtime në Tripoli e deri te transferta të dyshimta jashtë shtetit. Gjykatësit analizuan gjithashtu pretendime se qeveria e Sarkozyt kishte mbrojtur Bechir Saleh, shefin e stafit të dikurshëm të Gaddafit.

Prokurorët pretenduan se Sarkozy dhe bashkëpunëtorët e tij kishin bërë një marrëveshje korrupsioni me regjimin e Gaddafit në këmbim të financimit të fushatës zgjedhore.

Marrëveshja dyshohet se përfshinte premtime për të rehabilituar imazhin ndërkombëtar të Libisë dhe për të treguar tolerancë ndaj Abdallah Senoussi, kunati i Gaddafit, i cili ishte dënuar në Francë për rolin e tij në bombardimin e një aeroplani në Niger në vitin 1989, ku humbën jetën 170 persona.

Megjithatë, gjykata hodhi poshtë një provë kyçe të publikuar në vitin 2012 nga revista hetimore franceze Mediapart: një dokument i nënshkruar nga ish-shefi i inteligjencës së Gaddafit, Moussa Koussa, që sugjeronte se ishin dërguar 6.5 milionë euro për fushatën e Sarkozyt. Gjykatësit thanë se dokumenti “tani duket më i mundshëm të jetë i falsifikuar”.

Pasojat politike dhe ligjore

Vendimi e ndërlikon më tej listën në rritje të sfidave ligjore me të cilat përballet Sarkozy.

Më 8 tetor, gjykata më e lartë e Francës do të shqyrtojë apelimin në çështjen Bygmalion, ku ai u dënua me një vit burg për tejkalimin e shpenzimeve në përpjekjen e dështuar për rizgjedhje në vitin 2012.

Ai është dënuar gjithashtu edhe në të ashtuquajturën çështje Bismuth, që lidhet me korrupsion dhe ndikim të paligjshëm në drejtësi.

Ndërmjet muajit janar dhe maj, ish-kreu i shtetit u detyrua të mbante një byzylyk elektronik në kyçin e këmbës - një ndëshkim i paprecedentë për një ish-president francez.

Për këtë çështje, ai ka paraqitur një apel në Gjykatën Evropiane për të Drejtat e Njeriut. /Telegrafi/

Ish-presidenti francez, Nicolas Sarkozy, u shpall fajtor të enjten për konspiracion kriminal në një çështje të gjatë gjyqësore ku pretendohet se ai kërkoi financim të paligjshëm nga diktatori i ndjerë libian, Muammar Gaddafi, për të siguruar fitoren e tij në zgjedhjet e vitit 2007. Gjykata e Parisit i dha Sarkozisë një dënim me pesë vjet […]

The post Çfarë do të thotë për Francën dënimi i ish-presidentit Nicolas Sarkozy? appeared first on BoldNews.al.

Pas vendimit të gjykatës franceze për të dënuar ish-presidentin Nicolas Sarkozy me 5 vite burg, tensionet kanë kaluar përtej sallës së gjyqit. Në qendër të vëmendjes ishte bashkëshortja e tij, ish-Zonja e Parë e Francës, Carla Bruni. Pas përfundimit të deklaratës së shkurtër të Sarkozy për mediat, Bruni ka humbur durimin me gazetarët dhe kamerat. […]

The post Sarkozy u dënua me 5 vite burg, Carla Bruni inatoset me gazetarët (Video) appeared first on BoldNews.al.