I madh me të mëdhenjtë, por i vogël me të vegjëlit. Milan vazhdon të vuajë nga kjo sindromë në këtë sezon të Serie A, duke zhgënjyer edhe një herë pritshmëritë e 70 mijë tifozëve që kishin mbushur “San Siro” për të festuar një fitore të sigurtë në letër kundër Genoa.

Por kuqezinjtë nuk shkuan më shumë se barazimi 1-1. Gjithsesi duhet të jenë të kënaqur, pasi mund të kishte shkuar më keq në një ndeshje të mbyllur me një dramë të vërtetë.

Miqtë surprizuan në minutën e 28-të, kur kaluan në epërsi me një ish si Kolombo. “Djali I shtëpisë” ndëshkoi Milan dhe vendosi fatin e pjesës së parë.

Ashtu siç pritej, pas pushimit të besuarit e Allegri provuan me çdo mënyrë për të kthyer sfidën, madje edhe me mënyra të palejueshme si Pulisic, goli i të cilit u anulua për një prjekje me dorë.

Përpjekjet e kuqezinjve do të shpërbleheshin vetëm në minutën e dytë shtesë. Rafael Leao shënoi golin e barazimit.

Por në minutën e nëntë shtesë, Genoa fitoi një 11 metërsh. Nga pika e penalltisë, Stancu shpërdoroi shansin e fundit për triumf të skuadrës së tij, duke lënë në fuqi barazimin 1-1.

Një tjetër ndalesë për Milan, që i lejon kryesusëve të Inter të thellojnë në tre pikë diferencën. Nuk është ndonjë distancë e madhe, por mund të thellohet më tej, nëse Masimilliano Allegri dhe të besuarit e tij nuk largojnë frikën nga të vegjëlit, që i ka hequr 11 pikë mes Cremonese, Pisa, Sassuolo, Parma dhe në fund Genoa./abcnews.al

Milani vazhdon të vuajë ndaj skuadrave të ashtuquajtura “të vogla”, duke lënë pikë të çmuara. Këtë herë ishte Genoa që ka marrë një pikë ndaj kuqezinjve, pas barazimit 1-1 në “San Siro”. Skuadra e Allegri mbetet 3 pikë pas Interit kryesues.

Colombo kaloi miqtë në avantazh në pjesën e parë, ku Milani iu afrua golit, sidomos me Fofana, i cili rrëshqiti në momentin e fundit. Pulisiç barazoi shifrat, por goli u anulua për një prekje të topit me dorë nga ana e amerikanit.

Përpjekjet e vazhdueshme të kuqezinjve u finalizuan në kohën shtesë me golin e portugezit Leao. Minutat e shtesë ishin dramatike, pasi Genoa pas një kundërsulmi arriti të fitonte penalltinë që do t’i kishte dhënë fitoren. Nga pika e bardhë Stanciu gjuajti keq, duke e çuar topin mbi traun e portës së Maignan.

Ka përfunduar kështu gjithçka në barazim, rezultat që kënaq skuadrën e drejtuar nga De Rossi, ndërsa Milani shpërdoron një tjetër shans për t’iu afruar Interit në kreun e tabelës së renditjes.

The post Leao shpëton Milanin nga humbja, Genoa shpërdoron një penallti në minutën e 99-të appeared first on Albeu.com.

Chelsea ka aktivizuar një rindërtim të plotë pas shkarkimit të Enzo Marescas. Klubi londinez jo vetëm që ka bërë një investim të rëndësishëm në Liam Rosenior si trajnerin e tyre të ri, duke nënshkruar një kontratë gjashtëvjeçare e gjysmë, por gjithashtu po përgatitet për një afat kalimtar me ndikim të lartë.

Sipas mediumit Fichajes, drejtori sportiv po punon me një shifër të qartë në tavolinë: 150 milionë euro për të forcuar sulmin dhe mesfushën. Objektivi është i qartë: më shumë talent, më shumë gola dhe një rritje e menjëhershme konkurruese.

Ardhja e Liam Rosenior nuk është thjesht një vazhdim i qasjes së mëparshme. Trajneri anglez është zgjedhur për të udhëhequr një projekt afatmesëm dhe afatgjatë, diçka e pazakontë në Stamford Bridge në dekadën e fundit.

Klubi dëshiron ta rrethojë atë me lojtarë që ndryshojnë lojën që nga fillimi. Prandaj, Chelsea nuk ka ndërmend të presë deri në verë për të filluar të shohë rezultate, por përkundrazi të përshpejtojë transformimin e ekipit tani.

Bordi e kupton që Rosenior ka nevojë për lojtarë sulmues që mund të bëjnë diferencën dhe ta çlirojnë ekipin nga mospërputhja e treguar në sezonet e fundit.

Zyrtare: Liam Rosenior, trajner i ri i Chelseat

Fermin Lopez, prioritet për mesfushën

Një nga objektivat e tyre kryesorë është Fermin Lopez. Mesfushori i Barcelonës ka qenë në radarin e londinezëve për muaj të tërë, dhe tani interesi i tyre është shndërruar në një ofertë serioze.

Në Stamford Bridge, ata besojnë se Fermin do të sillte energji, aftësi sulmuese dhe një numër golash që rrallë shihet tek një mesfushor. Oferta që po diskutohet është rreth 75 milionë euro, një shumë që do ta vinte Barçën përballë një vendimi të vështirë.

Chelsea e sheh lojtarin spanjoll si një pjesë ideale për të mbështetur lojën ofensive dhe për të rritur ritmin konkurrues të ekipit.

Rafael Leao, emri për përforcimin e sulmit

Emri tjetër i madh është Rafael Leao. Lojtari portugez nga Milani i përshtatet profilit të një futbollisti që ndryshon lojën dhe që Rosenior dëshiron për sulmin e tij.

Ai mund të fillojë në krahun e majtë ose të luajë si sulmues në situata të caktuara. Aftësia e tij për të krijuar raste dhe për të vendosur ndeshjet është një nga tërheqjet më të mëdha për Chelsean, të cilët po kërkojnë të bëjnë një deklaratë në tregun e transferimeve.

Sikurse për Fermin, edhe për Leoan mendohet një ofertë identike në vlerën prej 75 milionë eurosh.

Një mesazh i qartë për tregun

Me këto dy nënshkrime, Chelsea dërgon një mesazh të qartë: Projekti i Liam Rosenior është serioz. Investimi i planifikuar synon jo vetëm përmirësimin e skuadrës, por edhe rikthimin e klubit në elitën evropiane sa më shpejt të jetë e mundur.

Ajo që është e qartë është se Chelsea dëshiron ta harrojë tërmetin e shkaktuar nga largimi i Marescas duke i hedhur para, dhe këta dy lojtarë janë në krye të agjendës së klubit nga Stamford Bridge. /Telegrafi/

I vetëdijshëm për interesimin e madh që Rafael Leao po ngjall te disa prej klubeve më të mëdha të futbollit evropian, AC Milan ka vendosur të veprojë.

Drejtuesit kuqezi kanë nisur lëvizjet konkrete me objektivin e qartë për të rinovuar kontratën e yllit portugez, i cili është shndërruar në një nga figurat kryesore të skuadrës.

Leao iu bashkua Milanit në vitin 2019 për shumën e 50 milionë eurove dhe, që prej asaj kohe, është konsoliduar si një prej liderëve të ekipit.

Në një sezon ku Milani konsiderohet ndër favoritët për titullin në Serie A, 26-vjeçari po dhuron paraqitje të rëndësishme, pavarësisht problemeve fizike që e kanë mbajtur larg fushës në disa ndeshje.

Deri më tani, ai ka regjistruar 7 gola dhe 1 asistim në 13 paraqitje.

Forma e tij e mirë dhe potenciali i madh e kanë bërë Leaon një emër të përhershëm në zërat e afatit kalimtar.

Disa gjigantë evropianë po monitorojnë nga afër situatën e tij, me Bayern Munich që përmendet shpesh si një nga klubet më të interesuara, edhe pse nuk është i vetmi.

Megjithatë, pozicioni i Milanit është i qartë: klubi dëshiron të vazhdojë bashkëpunimin me sulmuesin portugez.

Sipas gazetarit Daniele Longo të CalcioMercato, drejtuesit e klubit kanë nisur bisedimet për të zgjatur kontratën aktuale deri më 30 qershor 2028.

Në ditët dhe javët në vijim pritet zhvillime të rëndësishme rreth së ardhmes së Rafael Leao, një dosje që premton të jetë ndër më të nxehtat e afatit kalimtar. /Telegrafi/

AC Milani ka shënuar fitore në udhëtim te Cagliari, në ndeshjen hapëse të vitit 2026.

“Rossonerët” i arkëtuan pikët e plota me rezultat minimal 0-1, sfidë e vlefshme për xhiron e 18-të.

Cagliari kishte një rast të shkëlqyer pas vetëm dy minutave lojë mirëpo Marco Palestra dështoi nga afërsia.

Që atëherë, Milani dominoi në posedim si dhe krijoi disa raste të rrezikshme por iu mungoi finalizimi.

Ishte Rafael Leao që bëri heroin për të shënuar nga afërsia pas asistimit të Adrien Rabiot, ku mysafirët zhvilluan një aksion mahnitës (50’).

Me këtë fitore, Milani bëhet lider në Serie A me 38 pikë ndërsa Cagliari zë pozitën e14-të me 18 sosh./Telegrafi

Arsenali po rifillon planifikimin sportiv me një objektiv parësor: të gjejë një sulmues të krahut të majtë të klasit të lartë për të përforcuar kreativitetin sulmues të ekipit. Mes një agjende të vështirë dhe me Ligën e Kampionëve si një tjetër front të rëndësishëm, drejtuesit e Topçinjve i kanë vënë syrin dy figurave me famë ndërkombëtare: Rodrygo Goes dhe Rafael Leao, dy lojtarë që mund ta ndryshojnë plotësisht strukturën e sulmit të klubit londinez.

Klubi anglez e kupton që Viktor Gyokeres ka nevojë për një partner krahu që mund t’ia zvogëlojë ngarkesën e punës dhe të krijojë më shumë mundësi sulmuese.

Ndërsa suedezi ofron lëvizshmëri dhe ritëm pune të palodhur, përshtatja e tij me ritmin anglez të futbollit është ende duke vazhduar dhe pritjet rreth më shumë se 75 milionë eurove të investuara vazhdojnë të dominojnë diskutimet në Emirates.

Qëllimi i klubit nuk është ta zëvendësojë atë, por ta rrethojë atë me lojtarë të aftë për të përmirësuar performancën e tij dhe për të krijuar hapësirë në fazën e tretë të fushës.

Arsenali ka identifikuar se profili ideal i lojtarit duhet të ketë shpejtësi, paparashikueshmëri dhe aftësinë për t'u lidhur me shokët e ekipit.

Kjo është arsyeja pse Rodrygo dhe Leao përshtaten kaq mirë në planet e Mikel Artetas, pasi ai kërkon një sulmues me aftësi sulmuese, personalitet dhe përvojë në nivelin më të lartë. Të dy lojtarët i plotësojnë këto kërkesa, megjithëse secili ofron cilësi të dallueshme që i pëlqejnë drejtorit sportiv.

Rodrygo po kalon një periudhë të paqëndrueshme në klubin e tij, por talenti i tij është i pamohueshëm. Vetëm në moshën 24 vjeçare, ai ka demonstruar tashmë aftësinë për të vendosur ndeshje të mëdha, për të lexuar hapësirat dhe për të alternuar pozicionet në vijën e sulmit.

Për Arsenalin, shkathtësia e tij është veçanërisht e vlefshme, pasi ai mund të luajë në të dyja krahët dhe madje të zërë pozicione qendrore nëse sistemi e kërkon këtë.

Transferimi nuk do të ishte i lehtë, pasi kontrata e tij është e gjatë dhe klubi i tij nuk po shqyrton një shitje në mes të sezonit, por Arsenali është i përgatitur të presë për mundësinë e duhur për të nisur një ofertë serioze.

Rafael Leeo, ofron një qasje krejtësisht të ndryshme. Loja e tij kombinon fuqinë fizike me një aftësi pothuajse të natyrshme për të thyer linjat me driblimin e tij.

Në moshën 26 vjeçare, ai është tashmë një forcë sulmuese në Itali dhe një nga anësorët më të rrezikshëm në kontinent. Për Arsenalin, mbërritja e tij do të thoshte një injeksion agresiviteti në krahun e majtë dhe një kërcënim i vazhdueshëm në situatat një-me-një.

Leao ka gjashtë gola dhe një asistim këtë sezon, shifra të mira në një kontekst ku skuadra e tij ka luftuar për qëndrueshmëri.

Kontrata e tij është gjithashtu deri në vitin 2028, gjë që do të kërkonte që Arsenali të bënte një investim të konsiderueshëm nëse vendosin ta bëjnë atë një pjesë kyçe të projektit të tyre. /Telegrafi/

AC Milan u përball me një situatë shqetësuese kur sulmuesi i tyre kryesor, Rafael Leao, u tërhoq nga fusha me probleme muskulore gjatë ndeshjes ndaj Torino në stadiumin "Olimpico Grande Torino".

Incidenti ndodhi kur Milan ishte tashmë në disavantazh 2-1, pas një penalltie të Nikola Vlasic, një finalizimi të bukur nga Duvan Zapata, dhe një goditjeje të jashtëzakonshme nga Adrien Rabiot që shënoi në cepin e sipërm të portës.

Leao goditi topin me forcë nga skaji i zonës, por menjëherë u ngrys dhe e preku muskujt e kofshës së djathtë, duke çaluar jashtë fushës.

Pasi u përpoq të vraponte disa hapa, sulmuesi kuptoi se dëmtimi ishte serioz dhe u ul në stol pa pritur zëvendësimin. Ai u zëvendësua nga Samuele Ricci, ish-mesfushori i Torinos, i cili u aktivizua kundër ish-klubit të tij.

Pas ndeshjes, Leao u pa me një pako akulli të lidhur mbi kofshën e djathtë, duke treguar se problemi lidhet me muskujt aduktorë.

Ende mbetet e paqartë se sa kohë do të mungojë ai, por lajmet nuk janë të favorshme për Milanin, veçanërisht me mungesën e Santiago Gimenez.

Këtë sezon, Rafael Leao ka kontribuar me gjashtë gola dhe një asist midis Serie A dhe Coppa Italia, duke qenë një nga elementët kryesorë të skuadrës. Humbja e tij, edhe për një periudhë të shkurtër, do të ndikojë dukshëm në potencialin sulmues të Rossonerëve. /Telegrafi/

Fabio Capello ka dhënë parashikimet e tij para Derby della Madonnina, duke vënë në dukje se Inter është “superior” ndaj Milan, por shumëçka varet nga “si zgjohet Rafael Leao në mëngjes”.

Edhe pse të dyja skuadrat janë shumë afër në krye të tabelës së Serie A para këtij fundjave, rezultati mund të jetë vendimtar në garën për Scudetton dhe më tej.

Sky Sport Italia foli me ish-trajnerin e Milanit, Capello, i cili ka përjetuar këtë ndeshje disa herë.

“Ato ishin të gjitha speciale, derbi është një ndeshje speciale për atë që përfaqëson për qytetin dhe në gjithë Italinë, pasi ka shumë tifozë të Interit dhe Milanit të shpërndarë në të gjithë vendin”, tha ai fillimisht.

“Nuk duhet të flasësh shumë, sepse ka tashmë aq shumë uri për rezultat sa rrezikon të bësh dëm. Tensioni të shoqëron gjatë gjithë javës, dhe edhe ata që kanë qenë me ekipet kombëtare do ta kenë pasur mendjen te derbi”.

“Allegri pati sezone të jashtëzakonshme te Milani dhe mendoj se ai është njeriu i duhur për t’i shkaktuar probleme Interit, i cili në këtë moment besoj se është skuadra superior”, vazhdoi Capello.

Rafael Leao është ylli i Milanit, megjithëse mungesa e konsistencës është një problem i vazhdueshëm për çdo trajner që punon me të.

“Gjithçka varet nga mënyra se si Rafael Leao zgjohet në mëngjes. Ai është një lojtar unik, mund të krijojë diçka nga asgjëja, por edhe mund të të çmendë”, përfundoi ai./Telegrafi/

Arsenali po bën lëvizje serioze për afatin kalimtar të dimrit: klubi londinez është i përgatitur të bëjë një ofertë prej 80 milionë eurosh për lojtarin portugez të Milanit, Rafael Leao, me qëllim që nënshkrimi i tij të jetë një “bombë” që do t’i japë shtysë garës së tyre drejt Ligës së Kampionëve të UEFA-s.

Arsenali po kërkon të forcojë ndjeshëm sulmin e tij, dhe Leao duket të jetë kandidati ideal. Arsenali po shqyrton gjithashtu shitjen e Gabriel Martinellit për të liruar hapësirë në skuadër dhe për të balancuar financat.

Klubi anglez e ka identifikuar Leaon si lojtarin perfekt për rotacionin e tyre sulmues dhe një lojtar që mund të ofrojë dinamizëm në krahun e majtë. Mikel Arteta beson se Leao mund të bëhet një figurë kyçe në udhëtimin e Arsenalit drejt nivelit të ardhshëm.

26-vjeçari ka pesë gola dhe një asistim në tetë paraqitje për Milanin këtë sezon, duke e forcuar më tej statusin e tij si një sulmues shumë i kërkuar dhe shpërthyes.

Arsenali e ka intensifikuar interesin e tij duke pasur parasysh mundësinë reale që Milani të jetë i gatshëm të negociojë për një tarifë midis 80 dhe 85 milionë eurove, pavarësisht raporteve të fundit për një klauzolë lirimi dukshëm më të lartë se kjo shifër.

Klubi nga Emirates beson se mundësia e tyre mbetet e hapur nëse klubi italian vendos të rihapë bisedimet.

Milan dhe kompleksiteti i transferimit të Leaos

Edhe pse Milani nuk ka ndërmend ta lërë të lirë Leaon, klubi po fillon të përgatitet për largimin e mundshëm të sulmuesit, duke pasur parasysh se negociatat për rinovimin e kontratës kanë ngecur.

Leao ende nuk e ka vazhduar kontratën, Milani i vendos çmimin e largimit

Milani mban një klauzolë lirimi prej rreth 150 milionë eurosh, por raportet tregojnë se, nëse vjen oferta e duhur, ata mund të pranojnë një shifër shumë më të ulët, pra rreth 80 milionë euro. Kjo situatë e vendos Arsenalin në një pozicion strategjikisht të favorshëm.

Megjithatë, Milan po kërkon garanci, pasi Leao është një aset i vlefshëm për projektin e tyre. Arsenali do të duhet t'i bindë ata se mund ta përshpejtojnë transferimin dhe të ofrojnë kushte tërheqëse si për klubin ashtu edhe për lojtarin. /Telegrafi/

Rafael Leao po kalon nëpër një formë të shkëlqyer këtë sezon dhe ka ringjallur interesimin e klubeve më të mëdha evropiane.

Paraqitjet e tij me fanellën e Milanit kanë tërhequr vëmendjen e gjigantëve të Ligës Premier dhe të Paris Saint-Germain, ndërsa e ardhmja e tij në “San Siro” mbetet ende e paqartë.

Sipas raportimeve nga CaughtOffside, Milani ka vendosur një çmim prej 85 milionë eurosh për kartonin e 26-vjeçarit.

Sulmuesi portugez nuk ka arritur ende marrëveshje për rinovimin e kontratës, gjë që ka hapur derën për një gare të nxehtë gjatë afatit të ardhshëm veror.

Interesimi për Leaon është në rritje, me Arsenalin dhe Chelsean që renditen si favoritët kryesorë për të siguruar nënshkrimin e tij.

Megjithatë, Manchester City dhe Paris Saint-Germain nuk qëndrojnë pas, pasi po monitorojnë me kujdes çdo zhvillim në Milano.

Nëse kuqezinjtë nuk arrijnë ta bindin lojtarin të rinovojë, pritet që Leao të bëhet një nga transferimet më të bujshme të afatit kalimtar të janarit, me vlerën e tij që mund të arrijë në nivele rekord për Milanin.

Për momentin, ai mbetet një nga asetet më të rëndësishme të Milanit dhe një nga lojtarët më të kërkuar në futbollin modern. /Telegrafi/

Drejtori i AC Milan, Igli Tare, ka folur para ndeshjes ndaj Romës duke komentuar formacionin e ri të kuqezinjve, ku Rafael Leao dhe Christopher Nkunku do të luajnë për herë të parë bashkë në sulm.

Shkaku i lëndimeve, “Rossonerët” u detyruan të bëjnë ndryshime në sulm, por Tare është mëse i sigurt se do të funksionojë.

“Kjo është hera e parë që Leao dhe Nkunku luajnë si titullarë së bashku. Është e vërtetë që kanë karakteristika të ngjashme, por Nkunku ka luajtur si qendërsulmues në rreth 70% të karrierës së tij. Në stërvitje kanë treguar se mund të kombinohen mirë, ndaj do ta shohim si do të funksionojë në ndeshje”.

Ai foli gjithashtu për Santiago Gimenez, i cili ndodhet në një periudhë të vështirë.

Igli Tare

“Gimenez nuk është në formën e tij më të mirë, por ka besimin e plotë të klubit dhe të stafit teknik. Dëmtimi i tij erdhi në një moment të keq si për të ashtu edhe për ne, por duhet të shohim përpara — këto gjëra ndodhin në futboll”.

I pyetur për komentet e Massimiliano Allegrit, i cili kishte thënë se “është e vështirë të kuptosh mentalitetin e Leaos”, Tare u përgjigj: “E kam njohur shumë mirë Leaon. Njerëzit kanë një ide të gabuar për të nga jashtë, por ai është shumë ndryshe nga çfarë mendohet”.

“Është një djalë shumë i mirë dhe një lojtar që mund ta fitojë ndeshjen vetëm. Jam i bindur se do të bëjë një paraqitje të madhe sonte.”

Në fund, drejtori kuqezi u shpreh se skuadra duhet të ruajë besimin dhe energjinë pozitive: “Duhet të mendojmë pozitivisht. E dimë që nuk është e lehtë, por kjo është rruga për të ecur përpara”./Telegrafi/

Rafael Leao është një yll në tregun evropian: performanca e tij e shkëlqyer te Milani ka ngjallur interesin e Manchester Unitedit, të cilët e vlerësojnë lojtarin portugez si një nënshkrim yll për rreth 100 milionë euro.

Që kur iu bashkua Milanit në vitin 2019, Leao është zhvilluar në një lojtar që bën diferencën me shpejtësi, driblim dhe aftësi në shënimin e golave. Kontrata e tij me klubin italian përfshin një klauzolë lirimi të rëndë që e ndërlikon largimin e tij.

Leao ka qenë thelbësor në fitoret e Milanit këtë sezon, siç është dygolëshi i tij kundër Fiorentinës që e përmbysi rezultatin dhe e vendosi ekipin në krye të tabelës.

Statistikat e tij e mbështesin vlerën e tij: golat dhe asistimet e vazhdueshme e kanë mbajtur atë në ekipin e parë, edhe përballë kërkesave taktike në ndryshim dhe presionit të brendshëm që e kanë vënë në qendër të vëmendjes për shkak të performancës së tij.

Milani, i vetëdijshëm për rëndësinë e tij, i ka vendosur një vlerësim të lartë: raportet e vendosin çmimin e tij të kërkuar midis 80 dhe 100 milionë eurove.

Man Utd përshpejton për Leaon

Leao është një lojtar kyç për Unitedin. Ka diskutime për kontakte dhe një ofertë të mundshme prej rreth 100 milionë eurosh për të mbështetur rindërtimin e sulmit të ekipit.

Raportet e mediave britanike tregojnë se klubi i Old Trafford tashmë i ka informuar zyrtarisht përfaqësuesit e lojtarit për interesin e tij, duke e forcuar kandidaturën e tij.

Megjithatë, United përballet me negociata komplekse: Milani po kërkon një çmim premium dhe, për të përmbushur marrëveshjen, ata do të duhet të balancojnë largimet e lojtarëve dhe të konkurrojnë me klube të tjera.

Kandidatë të tjerë nga Liga Premier

Përtej United, ka spekulime se klube të tjera të Ligës Premier mund të përpiqen të bëjnë një ofertë për Leaon nëse negociatat bëhen të vështira. Profili i tij shpërthyes e bën atë një zgjedhje popullore.

Interesi i Liverpoolit është përmendur në thashetheme dytësore, megjithëse më rrallë se ai i United, gjë që kufizon opsionet reale.

Për më tepër, raportet tregojnë se Manchester City po shqyrton gjithashtu një ofertë prej mbi 100 milionë euro për të joshur sulmuesin, megjithëse Milani aktualisht nuk po shqyrton ndarjen nga një prej aseteve më të vlefshme. /Telegrafi/

Rafael Leao u rikthye pas lëndimit dhe i solli Milanit një fitore të madhe ndaj Fiorentinës, duke shënuar të dy golat në triumfin 2:1 të kuqezinjve në “San Siro”.

Pas një fillimi sezoni të vështirë dhe disa ndeshjeve nga stoli, sulmuesi portugez shkëlqeu sërish, duke përmbysur rezultatin me golat në minutat e 63-të dhe 86-të, që e ngjitën Milanin në krye të tabelës së Serie A.

Gjatë festimit të golit të dytë, Leao tentoi të hiqte fanellën, por shoku i tij i skuadrës Matteo Gabbia e ndaloi në momentin e fundit, duke i shmangur një karton të verdhë të panevojshëm.

Skena shkaktoi momente komike, pasi Leao u përpoq disa herë ta hiqte fanellën ndërsa Gabbia e mbante me të dyja duart, duke ditur se portugezi është shpesh i prirur ndaj ndëshkimeve.

Në fakt, edhe pse është sulmues, Leao ka një histori me kartonët e verdhë: sezonin e kaluar mori pesë, ndërsa në atë paraardhës shtatë dhe një të kuq, arsye pse kujdesi i Gabbias ishte më shumë se i justifikuar.

Milani fitoi, derisa reagimi i shpejtë i Gabbias bëri që Leao të mos merrte një karton të verdhë. /Telegrafi/

Rafael Leao nuk është më pjesë e grumbullimit të Kombëtares së Portugalisë për ndeshjen e radhës kundër Hungarisë, që zhvillohet të martën në kuadër të kualifikueseve për Kupën e Botës 2026.

Sipas raportimeve, anësori i AC Milan është larguar nga kampi stërvitor pas vendimit të trajnerit Roberto Martinez.

Leao nuk mori pjesë në stërvitjen e së dielës për shkak të "formës së dobët", një gjendje që ka ngritur shqetësime në stafin teknik.

Mësohet se trajneri Martinez ka qenë i pakënaqur me paraqitjen e tij në ndeshjen ndaj Irlandës, ku Leao u aktivizua në minutën e 61-të, por nuk arriti të bëjë diferencën.

Forma e dobët e Leaos është reflektuar edhe në klubin e tij, AC Milan, ku këtë sezon ende nuk ka luajtur një ndeshje të plotë.

Në dy ndeshjet e fundit me “kuqezinjtë”, ai është futur si zëvendësues në pjesën e dytë.

Portugalia aktualisht ndodhet në fazën e tetë të kualifikueseve dhe do të kërkojë tre pikët e radhës kundër Hungarisë. /Telegrafi/

Është një diskutim që kthehet rregullisht: a mund Rafael Leao të bëjë një hap përpara, të arrijë pjekurinë taktike dhe të punojë më shumë për skuadrën? Për gazetaren Susy Campanale, përgjigjja është e qartë – kjo nuk do të ndodhë kurrë.

Çdo disa muaj, debati rikthehet, me të njëjtët kritikë që theksojnë se ky është sezoni kur Leao më në fund do të kalojë në një nivel tjetër në karrierën e tij, do të përmirësohet në mbrojtje, do të bashkëpunojë më shumë me ekipin dhe do të përqendrohet për 90 minuta.

Por, siç e theksuan kohët e fundit edhe Adrien Rabiot dhe Alessandro Florenzi, Leao është 26 vjeç dhe nuk mund të konsiderohet më një lojtar që po kërkon rrugën e tij – kjo kohë ka kaluar.

Rafael Leao, ylli i Milanit

Leao ka cilësi të jashtëzakonshme në sulm. Shpërthimet e tij të papritura, shpejtësia dhe loja me buzëqeshje janë ajo që e bën të veçantë. Por nëse Milani kërkon që ai të transformohet në një lojtar më të qëndrueshëm dhe taktik, do të jetë e vështirë – dhe ndoshta e pamundur. Përdorimi i tij si qendërsulmues, me përgjegjësi shtesë për mbrojtjen dhe menaxhimin e topit, mund ta kufizojë më tej hapësirën e tij natyrore dhe aftësinë për të shënuar gola.

Në gjashtë sezone në Serie A, vetëm dy herë ka shënuar gola mbi dy shifra, gjë që tregon natyrën e tij të papërshtatshme për një rol që kërkon vazhdimisht stabilitet dhe fokus. Sa më shumë detyra shtesë t’i jepen, aq më pak do të jetë i lirë të tregojë cilësinë e tij më të madhe – golin.

Rafael Leao telegrafi.com

Për Milani dhe trajnerin Max Allegri, ka dy opsione: ta pranojnë Leao ashtu siç është – një sulmues shpërthyes, i paparashikueshëm dhe i shkathët – ose të vendosin ta shesin në një klub ku ritmi i lojës mund t’i përshtatet më mirë dhe ku nuk kërkohet të mbështesë mbrojtjen aq shumë.

Çdo përpjekje për ta ndryshuar atë duket të jetë e kotë, dhe vazhdimi i pritjes për një “transformim” të Leao mund të jetë i dëmshëm për të gjithë të përfshirët.

Rafael Leao, në disa pozita telegrafi.com

Rëndësia është që Milani të fokusojë vëmendjen te momentet më të mira të tij, të shfrytëzojë potencialin e tij natyror dhe të mos pritet që ai të bëhet diçka që nuk është në natyrën e tij. /Telegrafi/

Në minutën e 63-të, ai zëvendësoi Himenezin dhe menjëherë pati mundësinë të ndryshonte fatin e ndeshjes, por nga tre metra larg portës e dërgoi topin jashtë pas një asisti perfekt nga Pulisiç. Në minutat shtesë, pas një pasimi të bukur nga Modriç, Leao gaboi sërish, duke e goditur topin drejt portierit kundërshtar.

Këto momente e kanë vënë sulmuesin nën qendër të kritikave. Në rrjetet sociale, tifozët e Milanit kanë shpërthyer, duke e akuzuar për mungesë përqendrimi dhe përkushtimi. “Ka talent të jashtëzakonshëm, por nuk po e shfrytëzon. Duket i shpërqendruar, më shumë i përqendruar te Twitch sesa te futbolli,” shkruajnë disa ndjekës.

Masimiliano Alegri, nga ana e tij, e ka mbrojtur pjesërisht lojtarin, por ka pranuar se diçka duhet të ndryshojë. “Leao është një lojtar i jashtëzakonshëm, por tani duhet të tregojë vazhdimësi. Në këtë nivel, talenti nuk mjafton, kërkohet përkushtim total,” ka deklaruar trajneri kuqezi. Edhe pse sezoni është ende në fillim, presioni mbi portugezin po rritet.

Me Pulisiç që është bërë një titullar i padiskutueshëm dhe me konkurrencën që shtohet, Leao duhet të japë një përgjigje të fortë në fushë. Ndeshjet e ardhshme do të jenë vendimtare për të përcaktuar nëse do të rikthehet në formën e tij më të mirë apo do të humbasë vendin në formacion.

Në një Milan që po kërkon stabilitet dhe efikasitet, Leao mbetet një çelës i rëndësishëm – por vetëm nëse rikthen besimin, qetësinë dhe dëshirën për të vendosur. Përndryshe, zhgënjimi i tifozëve mund të kthehet në një barrë edhe më të rëndë sesa rastet e humbura para portës. /PANORAMASPORT.AL

The post Kështu nuk shkon Leao, golat e humbur dhe sjellja “ndezin” tifozët e Milanit appeared first on Albeu.com.

Ish-ylli italian i futbollit, Antonio Cassano e ka kritikuar sërish sulmuesi anësor të Milanit, Rafael Leaon, i cili nuk ia mbush aspak syrin me paraqitjet e tij.

Cassano vazhdon të mendoj se Leao nuk është një fenomen, teksa e ka krahasuar me Riccardo Orsolinin, i cili sipas tij është më i mirë.

“Disa njerëz mund të mendojnë se kam një problem me këtë djalë. Nuk e njoh, nuk kam interes ta takoj, nuk më intereson. E dua shumë futbollin dhe kam pasur nderin e madh të luaj me disa lojtarë fenomenalë”, ka thënë fillimisht Cassano për Viva El Futbol.

“Kur shoh një djalë që nuk mund të gjuajë as me këmbën e djathtë dhe as me të majtën, njerëzit mendojnë se po e ngacmoj - por ky është realiteti. Ai nuk di të luajë me shpinë nga porta, nuk e kupton futbollin dhe nuk mund ta godasë topin siç duhet me asnjërën këmbë. Ai ka shpejtësi - e shtyn topin përpara dhe vrapon, kjo është ajo që mund të bëjë".

“Ajo që më shqetëson është se ai beson se është një fenomen. Por kjo nuk është faji i tij - është faji i Milanit që e paguan 8 milionë euro. Nëse do të fitonte 1 ose 1.5 milionë euro, do ta gjykoja si çdo lojtar tjetër”.

"Nëse krahasoni performancat e Leaos me ato të Orsolinit gjatë katër ose pesë viteve të fundit, e vërteta është se Orsolini mund të jetë ai që fiton 8 milionë euro, dhe Leao nuk do të vlente as dy. Ky është një fakt”.

“Nuk jam i çmendur pas Orsolinit, por këto janë fakte. Ka të bëjë me performancën dhe qëndrueshmërinë - jo vetëm me golat dhe asistimet. Dhe të mos harrojmë, njëri luan për Bolognën, ndërsa tjetri luan për Milanin përkrah lojtarëve të klasit të lartë", përfundoi ish-sulmuesi i Italisë. /Telegrafi/

Modric e ka çmendur Italinë dhe është bërë rekordmeni i Milanit, fanellat e tij bëhet më e shitura

Fanellat e Luka Modric janë më të shiturat nga të gjithë lojtarët e Milanit. Kapiteni kroat është bërë tashmë lojtari më i popullarizuar në mesin e tifozëve në muajt e tij të parë në Milan, dhe në vendin e parë të fanellave të shitura ai e kaloi Rafael Leao, i cili është i dyti më i shitur këtë sezon. Në vendin e tretë është Christian Pulisic. Numri i saktë i fanellave të shitura nuk dihet ende.

Sipas Gazzetta dello Sport, shitjet e fanellave janë veçanërisht të larta pas fitoreve të Milanit, me fanellën e tretë që sheh rritjen më të madhe, me shitje që janë rritur me 44 për qind këtë sezon krahasuar me të kaluarën.

Ishte pikërisht me atë fanellë të verdhë që Modric shënoi golin e tij të parë për Milanin dy javë më parë në një fitore 1-0 ndaj Bolognës.

“Në fillim kishte skeptikë, thuhej se ai ‘erdhi për të shijuar daljen në pension’. Por kjo është shkrirë si bora në diell dhe skeptikët janë çarmatosur nga provat”.

“Modric, me deklaratat, shpirtin dhe performancat e tij të para, siguroi skepticizmin që kishte në Madrid, dhe pjesa tjetër vjen natyrshëm. Pasojat jo vetëm që po e vënë në humor të mirë Allegrin dhe tifozët, por edhe klubin. Sepse fanellat me Modricin po fluturojnë”, shkruan Gazzetta dello Sport.

Si kujtesë, 40-vjeçari Modric iu bashkua Milanit këtë verë si lojtar i lirë pasi nuk e rinovoi kontratën e tij me Real Madridin.

Ai ka bërë pesë paraqitje në Itali deri më tani, duke regjistruar një gol dhe një asistim. /Telegrafi/

Rafael Leao nuk do të jetë i disponueshëm nesër (e mërkurë) në mbrëmje për ndeshjen Milan-Lecce në Kupën e Italisë për shkak të një dëmtimi. Sulmuesi portugez ka qenë jashtë fushave që nga 17 gushti, gjatë ndeshjes kundër Barit, gjithashtu në Kupën e Italisë, por ka optimizëm se ai do të shërohet në kohë për ndeshjen e së dielës kundër Napolit.

Ylli portugez foli në podkastin Say Less, duke zbuluar se çfarë ndodhi në verën e vitit 2019 kur ai mbërriti në Milano.

“Isha gati të shkoja te Interi, çmenduri. Drejtori sportiv (i Lille) më tha: 'Rafa, jemi gati të të shesim te Interi'. Unë thashë jo”, ka thënë fillimisht Leao.

“Kisha bërë shumë mirë atë sezon dhe doja të qëndroja edhe një vit për t'u përmirësuar edhe më shumë dhe për të rritur vetëbesimin tim për sfidën e ardhshme. Por, ai më tha jo, se duhej të më shiste, se ishte një mundësi e shkëlqyer për mua, për ta, sepse ishin shumë para. Por i thashë jo Interit”.

Kur Milani trokiti në derë, Leao nuk hezitoi dhe zgjodhi Rossonerët.

“Kalojnë një, dy, tre javë dhe drejtori sportiv kthehet tek unë dhe më thotë: 'Milani është i interesuar për ty'. Unë i thashë: po, Milani po, nëse vijnë me një ofertë, do ta pranoj”.

“Dy ditë më vonë ai u kthye dhe tha: kanë bërë një ofertë, dikush dëshiron të flasë mety, ishte Maldini në një video-thirrje. Paolo më tha: 'duhet të vish, jemi gati të të marrim'. Unë pranova, nuk mund të thosha jo”.

Më në fund, Leao shtoi një deklaratë vendimtare: "Midis Milanit dhe Interit, Milan njëqind herë".

Deklarata dashurie që me siguri do t’i kënaqin tifozët e Rossonerëve, veçanërisht sepse ai foli për refuzimin e tij të madh ndaj rivalëve të qytetit, Interit. /Telegrafi/

Pasi transferoi në fillim të merkatos Tijjani Reijnders nga Milan, Manchester City po punon të bëjë një goditje tjetër po nga kuqezinjtë. Objektivi i radhës i “Qytetarëve” është Rafael Leao. Mediat angleze raportojnë se Manchester City është i gatshëm të ofrojë 100 milionë euro për të bindur Milanin për të lënë të lirë anësorin portugez. […]

The post Man.City bën gati 100 milionë euro për lojtarin e Milanit, Guardiola e do me çdo kusht appeared first on BoldNews.al.