Cher e shfrytëzoi maksimalisht momentin e saj viral në ceremoninë e çmimeve Grammy të së dielës, sipas një producenti ekzekutiv, i cili tha se artistja legjendare ishte “e informuar” dhe kishte marrë udhëzime para gafës së saj.
“Ju premtoj se e kishim përgatitur dhe ju premtoj se ajo që duhej të bënte ishte e shkruar në prompter”, i tha producenti ekzekutiv Ben Winston revistës Rolling Stone të hënën.
Gjatë paraqitjes, artistja 79-vjeçare gabimisht e shpalli këngëtarin e ndjerë Luther Vandross — i cili vdiq në vitin 2005 — si fitues të çmimit Record of the Year.
Çmimi në fakt ishte për këngën me titull “Luther”, një bashkëpunim mes Kendrick Lamar dhe SZA-s.
Cher njoftoi: “Luther; Luther Vandross – jo, Kendrick Lamar!”.
Winston, duke parafrazuar një nga hitet e Cher, i tha mediumit: “Nëse do të mund të kthehesha pas në kohë, do të doja që kjo të ndodhte përsëri”.
Ai shtoi se gafa e bëri shfaqjen më të paharrueshme dhe spontane, duke thënë: “Do pak anarki” në një transmetim live.
Winston dekalroi po ashtu se këngëtarja e “Believe” — e cila ishte fituese këtë vit e Çmimit për Arritje Jetësore në ceremoninë e Grammys— ishte “e kënaqur me mënyrën si shkoi gjithçka” dhe “u argëtua shumë”.
SZA në anën tjetër i tha Entertainment Tonight se gafa ishte e parëndësishme përballë pranisë madhështore dhe karizmës së Cher në atë moment.
Gjatë Grammy Awards 2026, një moment i paharrueshëm dhe qesharak tërhoqi vëmendjen e të gjithëve kur Cher, 79-vjeçare, u ngjit në skenë për të shpallur fituesin e një çmimi.
Pas një fjalimi të gjatë dhe emocional mbi karrierën e saj 60-vjeçare dhe mesazhe për të rinjtë që të ndjekin ëndrrat e tyre, Cher u largua nga skena pa shpallur nominimet dhe fituesin.
Prezantuesi i natës, Trevor Noah, e ndaloi me humor dhe e nxiti të kthehej, duke shkaktuar të qeshura tek publiku.
Foto: Reuters
Kur u kthye, Cher lexoi nominimet, por bëri një tjetër gafë dramatike: shpalli për pak kohë Luther Vandross-in, i cili kishte ndërruar jetë në 2005.
Pas reagimeve të publikut, ajo e korrigjoi gabimin dhe shpalli fituesit e vërtetë: këngën “Luther” nga Kendrick Lamar dhe SZA, që përdor elemente muzikore nga Vandross.
Foto: Reuters
Producenti i këngës, Sounwave, vuri në dukje rëndësinë e nderimit të muzikës së legjendës.
Ky moment u bë viral menjëherë dhe përfaqësoi bukurinë e transmetimeve live, ku edhe gabimet mund të krijojnë kujtime të paharrueshme.
Një nga momentet më të sikletshme të Çmimeve Grammy të këtij viti ndodhi kur Cher , ndërsa prezantonte çmimin “Albumi i Vitit”, shpalli fitues Luther Vandross, një artist që ka vdekur prej dy dekadash, duke shkaktuar një moment heshtjeje dhe sikleti në sallë.
Incidenti ndodhi gjatë Çmimeve të 68-ta Grammy të dielën, më 1 shkurt, në Los Angeles. Cher ishte ngjitur në skenë për të prezantuar një nga çmimet më të rëndësishme të mbrëmjes, por fillimisht dukej e hutuar ndërsa lëvizte drejt daljes përpara se të kthehej te mikrofoni për të shpallur rezultatin.
Duke lexuar emrin, ai shpalli fituesin si Luther Vandross, këngëtari i famshëm amerikan që vdiq në vitin 2005. Raporti shkaktoi siklet, pasi çmimi “Albumi i Vitit” iu dha përfundimisht këngës “Luther” nga Kendrick Lamar dhe SZA, të cilët ishin fituesit e vërtetë të kategorisë.
Ngatërresa duket se vjen për shkak të titullit të këngës, i cili i referohet emrit të Vandrosit dhe përfshin një pjesë nga puna e tij e mëparshme. Ky fakt çoi në njoftimin e gabuar.
Cher e kuptoi gabimin e saj pothuajse menjëherë dhe e korrigjoi në skenë, duke shpallur Kendrick Lamar dhe SZA si fituesit e vërtetë dhe duke kërkuar falje me një buzëqeshje. Publiku reagoi me duartrokitje, ndërsa fotografia u bë shpejt virale në rrjetet sociale, duke kapur një nga momentet më të përfolura të Grammy 2026.
Ish-ministri i Jashtëm i Gjermanisë, Joschka Fischer, ka propozuar krijimin e një kapaciteti bërthamor të përbashkët europian, duke deklaruar se Europa nuk mund të mbështetet më plotësisht te garancitë e sigurisë së Shteteve të Bashkuara. Në një intervistë për gazetën Tagesspiegel, Fischer tha se situata globale ka ndryshuar ndjeshëm dhe se Bashkimi Evropian duhet të […]
Shërbimi i njohur i transmetimit Netflix ka njoftuar se një dokumentar i ri bazuar në sezonin në të cilin kampioni shtatë herë i Formula 1, Michael Schumacher, fitoi titullin e tij të parë do të publikohet këtë vit.
Schumacher është një nga pilotët më të suksesshëm në historinë e Formula 1 me një rekord prej shtatë titujsh dhe 91 fitoresh në gara midis viteve 1991 dhe 2012. Piloti aktual i Ferrarit, Lewis Hamilton, ka të njëjtin numër titujsh.
Gjermani siguroi kurorën e tij të parë me ekipin Benetton në vitin 1994 dhe e mbrojti titullin sezonin pasardhës përpara se të siguronte pesë tituj radhazi me Ferrarin midis viteve 2000 dhe 2004.
Sezoni i vitit 1994 u shënua nga vdekja e kampionit të trefishtë të botës Ayrton Senna në Çmimin e Madh të San Marinos, me Schumacher që përfundimisht siguroi titullin në rrethana të diskutueshme në finalen e sezonit në Adelaide pas një përplasjeje me Damon Hill.
Benetton u vu gjithashtu nën akuza për mashtrim të pavërtetuara pasi u vendos ndalimi i ndihmave për shoferët, përfshirë kontrollin e tërheqjes, në fund të sezonit 1993.
Netflix njoftoi në një aktivitet në Berlin të mërkurën se fitorja e Schumacher në vitin 1994 do të përjetësohet në një dokumentar të ri të quajtur "Schumacher '94", i cili do t'i sjellë në jetë ngjarjet e atij sezoni.
Gruaja e Schumacherit, Corinna, do të shfaqet në film, i cili është prodhuar nga LEONINE Documentaries dhe drejtuar nga Christine Freitag. Filmi do të shfaqet premierë këtë vit.
"Viti 1994, i cili është ndër sezonet më dramatike dhe emocionuese të garave në historinë e Formula 1, u shënua nga ngjarje me ndikim të tilla si aksidenti fatal i Ayrton Sennës, si dhe akuza për manipulim dhe manovra të padrejta drejtimi. Në të njëjtën kohë, u shfaq një 'mani Schumi' e vërtetë. Gruaja e Michaelit, Corinna Schumacher, dhe të tjerë të afërt me të e kujtojnë atë nga ajo kohë. Ata kujtojnë një luftëtar të pakompromis në pistën e garave dhe një burrë të ndjeshëm dhe empatik jashtë pistës. Corinna Schumacher, e cila gjithmonë ka qenë mbështetja e tij emocionale, ofron gjithashtu një pasqyrë të fillimeve të një historie dashurie të jashtëzakonshme, një histori që vazhdon të jetë e fortë edhe sot", thuhet në trailerin e filmit.
Netflix, i cili prodhon një seri dokumentarësh vjetorë rreth F1 të quajtur "Drive to Survive", më herët në vitin 2021 publikoi një dokumentar rreth jetës së Schumacher, të titulluar thjesht "Schumacher".
Schumacher nuk është parë në publik që kur pësoi lëndime të rënda në kokë në një aksident me ski në dhjetor 2013. /Telegrafi/
Ish-ministri i Jashtëm i Gjermanisë, Joschka Fischer, ka deklaruar se Evropa duhet të rishikojë rrënjësisht strategjinë e saj të sigurisë dhe të shqyrtojë seriozisht mundësinë e krijimit të një kapaciteti të përbashkët bërthamor evropian.
Sipas tij, realitetet gjeopolitike të ditëve të sotme kanë treguar se kontinenti nuk mund të mbështetet më në arkitekturën e vjetër të sigurisë.
Fischer theksoi se garancitë e sigurisë nga Shtetet e Bashkuara nuk janë më të sigurta dhe të besueshme si më parë.
“Garancitë amerikane të sigurisë nuk janë më të besueshme që nga ky moment”, u shpreh ai në një intervistë për gazetën gjermane Tagesspiegel. Kjo situatë, sipas tij, e vendos Evropën përballë nevojës për të marrë më shumë përgjegjësi për mbrojtjen e vet.
Në këtë kontekst, Fischer nënvizoi rolin e Gjermanisë si një aktor kyç në Evropë, duke pranuar se vendi i tij ka një përgjegjësi të veçantë për udhëheqje.
Megjithatë, ai theksoi qartë se kjo udhëheqje nuk duhet të jetë e njëanshme apo dominuese, por të realizohet gjithmonë në bashkëpunim të ngushtë me vendet e tjera evropiane. “Gjermania mban përgjegjësi për udhëheqje në Evropë, por gjithmonë vetëm së bashku me të tjerët”, deklaroi ai.
Fischer nuk mbështet idenë e krijimit të një arme bërthamore kombëtare gjermane, por përkundrazi propozon një qasje kolektive në nivel të Bashkimit Evropian. Ai argumenton se një armatim bërthamor i përbashkët do të forconte autonominë strategjike të Evropës dhe do të shërbente si një faktor parandalues në një mjedis ndërkombëtar gjithnjë e më të paqëndrueshëm.
Sipas Fischerit, një iniciativë e tillë do të kërkonte debat të thellë politik, koordinim mes shteteve anëtare dhe një vizion të qartë për rolin e Evropës në skenën globale. Megjithatë, ai e sheh këtë hap si të pashmangshëm nëse Evropa dëshiron të mbrojë interesat dhe sigurinë e saj në të ardhmen. /Telegrafi/
Legjenda e Formula 1, Michael Schumacher i cili u lëndua rëndë në një aksident tronditës gjatë skijimit para 12 vitesh, raportohet se nuk është më i shtrirë në shtrat.
Sipas “Daily Mail”, rikuperimi i ngadalshëm i ish-kampionit gjerman 57-vjeçar ka mbetur për vite me radhë një sekret i ruajtur me fanatizëm, i njohur vetëm për familjen e ngushtë dhe një rreth shumë të kufizuar miqsh të besuar.
Raporti shton se Schumacheri është në gjendje të ulet në një karrocë dhe mund të shëtitet brenda pronës së tij luksoze prej 30 milionë funtesh në Mallorca, si dhe në rezidencën e tij prej 50 milionë funtesh në Gland, pranë brigjeve të Liqenit të Gjenevës.
Ai kujdeset vazhdimisht nga bashkëshortja e tij Corinna, me të cilën është i martuar prej 30 vitesh, si dhe nga një ekip infermierësh dhe terapistësh që e monitorojnë 24 orë në ditë. Ky kujdes i specializuar, sipas raportimeve, kushton dhjetëra mijëra funte në javë.
Privatësia e Schumacherit konsiderohet absolute. Që nga momenti kur pësoi dëmtime të rënda në tru pasi u përplas me shkëmbinj pranë resortit francez të Meribel, ai është mbajtur larg syrit të publikut.
Përpjekjet e disa ish-punonjësve për të shitur fotografi të tij në gjendje të rëndë çuan në dënimin e tyre vitin e kaluar. Ndërkohë, raportimet se ai do të merrte pjesë në martesën e vajzës së tij Gina në vitin 2024 rezultuan të pabazuara.
Për një kohë të gjatë qarkulluan edhe thashetheme se njeriu i cilësuar si sportisti i parë miliarder në botë vuante nga pseudokoma apo sindroma “locked-in”, një gjendje ku pacientët janë të vetëdijshëm, por nuk janë në gjendje të reagojnë, përveçse përmes lëvizjes së syve. Megjithatë, disa burime kanë konfirmuar se edhe kjo tablo e zymtë nuk është e saktë.
“Ndjesia është se ai kupton disa nga gjërat që ndodhin rreth tij, por ndoshta jo të gjitha”, ka thënë një burim pranë familjes.
Gjendja e Michael Schumacherit vazhdon të mbetet një temë jashtëzakonisht delikate, ndërsa familja e tij vazhdon ta mbrojë me çdo kusht dinjitetin dhe privatësinë e një prej figurave më të mëdha në historinë e sportit motorik./Telegrafi
Legjenda e Formula 1, Michael Schumacher, i cili u lëndua rëndë në një aksident me ski 12 vjet më parë, raportohet se nuk është më i shtrirë në shtrat. Sipas zbulimeve ekskluzive të Daily Mail+, shërimi i ngadaltë i 57-vjeçarit gjerman ka mbetur një sekret i ruajtur me fanatizëm, i njohur vetëm nga familja e tij e ngushtë dhe një rreth shumë i kufizuar miqsh të besuar.
Burime pranë Schumacherit thonë se ai tashmë është ulur në një karrige me rrota dhe mund të lëvizë brenda pronave të tij luksoze, vilës prej 30 milionë paundësh në Majorka dhe rezidencës prej 50 milionë paundësh në Gland, në brigjet e Liqenit të Gjenevës. Përkujdesja ndaj tij sigurohet nga bashkëshortja Corinna, me të cilën është i martuar prej 30 vitesh, së bashku me një ekip infermierësh dhe terapistësh që ofrojnë kujdes 24 orë në ditë. Ky shërbim i specializuar raportohet se kushton dhjetëra mijëra paund në javë.
Privatësia e Schumacherit konsiderohet absolute. Që nga dëmtimi i rëndë në tru që pësoi pasi u përplas me shkëmbinj pranë resortit të skive Meribel në Alpet Franceze, ai është mbajtur larg vëmendjes publike.
Vitit e kaluar, disa ish-anëtarë të stafit u dënuan pasi tentuan të shisnin imazhe të tij në gjendje të rëndë shëndetësore. Po ashtu, raportimet se Schumacher do të merrte pjesë në dasmën e vajzës së tij Gina në vitin 2024 u përgënjeshtruan si të pavërteta.
Ndër vite kanë qarkulluar spekulime se ai vuante nga pseudokoma ose sindroma e “locked-in”, një gjendje ku pacienti është plotësisht i vetëdijshëm, por i paaftë për të komunikuar përveçse përmes lëvizjes së syve. Megjithatë, burime pranë familjes kanë mohuar edhe këto pretendime.
“Përshtypja është se ai kupton disa nga gjërat që ndodhin përreth tij, por ndoshta jo gjithçka”, ka thënë një burim i afërt.
Mjeti i improvizuar ka shkaktuar shumë habi - por, kjo flet më shumë për njerëzit sesa për lopët.
Nga: Helen Pilcher / The Guardian (titulli: So a cow can use a stick to scratch its backside. When will we learn that humans are really not that special?) Përkthimi: Telegrafi.com
Kam një shoqe fermere që më rrëfen rregullisht histori plot ngjyra për bagëtinë e saj. Si ajo hera kur një lopë për mish e quajtur Noisette përdori gjuhën për të tërhequr kapësen e derës së stallës të saj, që të mund të vidhte copat e ushqimit nga kazani afër. Ose, hera tjetër kur bëri të njëjtën gjë, jo për të dalë vetë, por mbase vetëm për të qëndruar mënjanë dhe për të parë teksa shoqet e saj të liruara “bredhin dhe shkaktojnë rrëmujë.”
Aty ku të tjerët shohin një tufë lopësh që rrinë kot, shoqja ime sheh një telenovelë - me personazhe dhe kthesa në ngjarje. Lopët, më thotë ajo, mësojnë shpejt, mërziten lehtë dhe kanë një prirje të pashtershme për marifete.
Kështu që, kur u përhap lajmi për një lopë të quajtur Veronika që përdor një fshesë për të kruar prapanicën, shoqja ime nuk u çudit. “Nuk mendoj se ndonjë prodhues qumështi do të habitej nga kjo”, thotë ajo.
Në revistën Current Biology, studiuesit e Universitetit të Mjekësisë Veterinare në Austri, përshkruajnë se si Veronika, një lopë 13-vjeçare shtëpiake zvicerane, kap fshesën me gjuhë, pastaj anon dhe e përdor për të kruar pjesët e trupit që nuk i arrin dot ndryshe. Fundi i sheshtë i fshesës përdoret për lëkurën e ndjeshme të barkut, ndërsa pjesa me fije ruhet për lëkurën më të trashë të shpinës dhe të prapanicës.
Autorët thonë se kjo është jo vetëm hera e parë që përdorimi i mjetit është dokumentuar zyrtarisht te lopët, por edhe tregues i parë që ato mund të përdorin mjetet në mënyrë të përshtatshme dhe për shumë funksione. Veronika e ngriti një fshesë të zakonshme oborri në statusin e një thike shumëfunksionale zvicerane. Duke e kontrolluar me mjeshtëri me gojë, mjeti shërbente si për barkun ashtu edhe për prapanicën.
Reagimi ishte i habitshëm, por nuk duhet të ishte. Ne vazhdimisht i nënvlerësojmë aftësitë e kafshëve jonjerëzore edhe kur provat janë kudo rreth nesh.
Përdorimi i mjetit thuhet se ndodh kur një kafshë manipulon qëllimisht një objekt për të arritur një synim të caktuar. Pra, kur qeni im kruan shpinën duke u rrotulluar në tokë të ngrirë, është gjë e këndshme - por, nuk është përdorim mjeti. Qeni lëviz. Toka jo. Kur ma sjell topin sepse do të luajmë, po, objekti manipulohet, por nuk është ai që e hedh. Në vend të kësaj, ai ka mësuar që unë do ta bëj këtë.
Për një kohë të gjatë, përdorimi i mjeteve mendohej si sjellje unike për njerëzit. Pastaj, në vitet ’60 të shekullit XX, primatologia Jane Goodall pa një shimpanze të egër që zhvishte një degë, e fuste në një grumbull termitesh dhe pastaj e tërhiqte jashtë për të ngrënë insektet që kapeshin në të. Që atëherë, janë dokumentuar shumë shembuj të tjerë të kafshëve që përdorin mjete. Lundërzat e detit përdorin gurë si çekiç për të shkëputur molusqet nga fundi i detit dhe si kudhër për t’i thyer guaskat. Në Senegal, shimpanzetë mprehin majat e degëve për t’i përdorur si heshta, të cilat i përdorin për të goditur kafshët e vogla që flenë. Korbat e Kaledonisë së Re krijojnë grepa të sofistikuar nga degët për të nxjerrë larva nga trungjet.
Më pak të shkathtë, por po aq mbresëlënëse: arinjtë polarë besohet se godasin lopët e detit me gurë në kokë; oktapodët hedhin guaska te njëri-tjetri; ndërsa shqiponjat janë parë duke marrë degë të ndezura nga zjarret dhe duke i lëshuar në zona të tjera për të ndezur zjarre të reja. Më pas, sulmojnë kafshët që ikin nga flakët.
Një nga një, tiparet që dikur i konsideronim vetëm njerëzore - si përdorimi i mjeteve, komunikimi kompleks, aftësia për të numëruar dhe kultura - bien si domino.
Por, prapëseprapë, preferojmë të mbajmë gjallë iluzionin e epërsisë sonë të supozuar. Mendoj se historia e Veronikës na tregon më pak për mendjen e lopëve, dhe më shumë për mendjen e njerëzve. Jemi bërë aq të verbër sa nuk arrijmë të shohim se kafshët janë më të zgjuara dhe më të ngjashme me ne sesa i vlerësojmë. Sidoqoftë, shoqja ime fermere është vigjilente. Ajo ka kaluar vite të tëra duke punuar me kafshët dhe duke u kujdesur për to. Ka vëzhguar sjelljen e tyre dhe nuk ka dyshim se janë krijesa komplekse, me jetë të pasur të brendshme. Dhe, ka të drejtë.
Pas raportimit të përdorimit të mjetit nga shimpanzetë nga Goodalli, paleoantropologu britanik Louis Leakey shkroi: “Tani duhet të riformulojmë përkufizimin e mjetit, të riformulojmë përkufizimin e njeriut, ose t’i pranojmë shimpanzetë si njerëz”. Kam një propozim të katërt: nuk kemi pse t’i pranojmë lopët si njerëz - por, duhet të zbresim nga lartësia dhe të pranojmë se nuk jemi edhe aq të veçantë. Lopët, nga ana tjetër, janë. /Telegrafi/
Ashton Kutcher është ndoshta personi i fundit që dikush do të priste të refuzohej për shkak të pamjes së tij, e megjithatë kjo i ndodhi atij, siç zbuloi së fundmi për gazetarët, me rastin e pjesëmarrjes së tij në serialin e ri televiziv të Ryan Murphy-t, “The Beauty”:
“Mbaj mend që mora një fushatë ekskluzive për Gucci të drejtuar nga Tom Ford. Fluturova për në Itali për sfilatën e modës dhe Ford më detyroi të vishja një Speedo rozë. Isha 80 kilogramë në atë kohë – e di saktësisht sa peshoja. Dhe ai tha, ‘Ai është shumë i shëndoshë!’ Dhe më pushuan nga puna !
“Tani qesh me të kur e kujtoj dhe ai këmbëngul, ishe e shëndoshë! Isha 80 kilogramë, për çfarë po flet?! Por ai donte të shihte një gjë të caktuar, e cila në sytë e tij ishte gjëja e duhur. Kjo nuk do të thotë se isha më pak, thjesht se nuk isha ajo që ai po kërkonte. Nuk ka rëndësi kush je, të gjithë kanë pasiguritë e tyre.”
Seriali i ri televiziv “The Beauty”, është një histori fantastiko-shkencore e bazuar në librin komik me të njëjtin emër nga Jeremy Haun dhe Jason A. Hurley, me aktorët Evan Peters, Anthony Ramos, Jeremy Pope, Ashton Kutcher dhe Rebecca Hall. Sipas ngjarjes, një trajtim seksualisht i transmetueshëm po përhapet me shpejtësi, pasi u premton bukuri atyre që “vuajnë”, megjithatë, duke fshehur efektet e tij anësore vdekjeprurëse. Ndërsa vdekjet dhe paniku publik përshkallëzohen, një hetim i FBI-së përplaset me interesat komerciale.
Aktori amerikan Ashton Kutcher ka zbuluar se humbi një fushatë për Gucci në fillim të karrierës së tij sepse, sipas stilistit Tom Ford, ishte shumë i shëndoshë, edhe pse në atë kohë peshonte 78 kilogramë.
Përpara se të bëhej një nga fytyrat e njohura të Hollivudit, Kutcher punoi si model dhe eci në pasarelë.
Ai foli për atë periudhë të jetës së tij në një intervistë të kohëve të fundit me ET, në të cilën bashkë-aktorët e tij në "The Beauty", Jeremy Pope dhe Anthony Ramos, diskutuan presionin e standardeve jorealiste të përsosmërisë në industri.
Kutcher, i cili sot është 47 vjeç, theksoi se pasiguritë prekin të gjithë, pavarësisht pamjes apo statusit.
"Fillova të merresha me modelim kur isha rreth 19 vjeç dhe dilja me njerëz që i konsideroj ndër më të bukurit në botë. Ajo që kuptova shumë shpejt ishte se të gjithë kishin pasiguri", zbuloi ai.
Ai gjithashtu kujtoi përvojën e tij me fushatën e Gucci-t kur Tom Ford ishte drejtor krijues i shtëpisë së modës.
"Më kujtohet, mora një fushatë ekskluzive për Gucci-n kur ajo drejtohej nga Tom Ford. U paraqita, shkova në Itali për shfaqjen dhe ai më veshi ato rroba banje rozë Speedo. Në atë kohë peshoja saktësisht 78 kilogramë. Ford tha, 'Ai është shumë i shëndoshë' dhe pastaj më pushuan nga puna", kujtoi Kutcher.
Kutcher shtoi se Ford kishte një vizion shumë specifik për atë që donte të shihte dhe se kjo përvojë e mësoi të mos mbingarkohej nga mendimet e të tjerëve.
"Po qesh me të tani, dhe ai thotë: 'Ishe shumë i shëndoshë.' Unë i thashë: 'Vëlla, unë isha 80 kilogramë! Për çfarë po flet?'" tregoi Kutcher duke qeshur.
Ai theksoi se nuk e përjetoi refuzimin si një dështim personal. Duke folur më gjerësisht për presionet që lidhen me pamjen, Kutcher tha se pasiguritë ndikojnë tek të gjithë.
"Nëse shikohesh në pasqyrë mjaftueshëm gjatë, do të gjesh diçka që nuk të pëlqen ose që mendon se mund të jetë më mirë ose që mendon se mund të jetë ndryshe", tha ai.
Përvojat e Kutcher në botën e modës lidhen tematikisht me projektin e tij të fundit, serialin thriller të FX "The Beauty", i cili eksploron obsesionin e shoqërisë me pamjen dhe përsosmërinë.
Ashton Kutcher e ka lavdëruar ish-gruan e tij, Demi Moore, 13 vjet pas divorcit të tyre.
Konkretisht, aktori komentoi për Moore gjatë promovimit të serialit "The Beauty", pasi u pyet për krahasimet me filmin e saj të vlerësuar të vitit 2024 "The Substance".
"Dua të them, para së gjithash, performanca e saj në 'The Substance', padyshim që mori lëvdata të jashtëzakonshme. Jam shumë krenar për të, ishte e shkëlqyer", tha Kutcher për Entertainment Tonight.
Në serialin "The Beauty" të Ryan Murphy-t, Kutcher luan rolin e krijuesit të një ilaçi që i bën njerëzit mahnitës të bukur, por me efekte anësore vdekjeprurëse.
Në “The Substance”, Moore luan rolin e një personazhi të famshëm në plakje që përdor një drogë të tregut të zi që krijon një version më të ri të vetes, gjithashtu me efekte anësore të papritura.
Për këtë rol, Moore fitoi një Golden Globe, çmimet Critics Choice dhe Screen Actors Guild (SAG), dhe u nominua për një Oscar.
Rastësisht, Kutcher (47) dhe Moore (63) e filluan lidhjen e tyre në vitin 2003, u martuan në vitin 2005 dhe u divorcuan në vitin 2013.
Pas 10 vitesh, Kutcher pranoi se ishte i zemëruar me Moore për shkak të kujtimeve të saj të vitit 2019, "Inside Out". Në libër, Moore shprehu keqardhje për dy treshe që ajo dhe Kutcher kishin pasur dhe e akuzoi atë se e kishte inkurajuar t'i jepte fund të qenit e saj të matur prej gati 20 vitesh.
Romanca e Kutcher dhe Moore ka tërhequr shumë vëmendje për shkak të diferencës së tyre në moshë prej 15 vitesh. Kutcher u bë gjithashtu njerk i tre fëmijëve të Moore nga martesa e saj me Bruce Willis: Rumer (37), Scout (34) dhe Tallulah (31). /Telegrafi/
Ashton Kutcher dhe Mila Kunis u shfaqën së bashku në ndarjen e çmimeve Golden Globe 2026 në Los Angeles, ku tërhoqën vëmendjen në tapetin e kuq.
Çifti pozoi për fotografët në një humor të relaksuar. Mila Kunis veshi një fustan të zi e të bardhë pa rripa nga Carolina Herrera për këtë rast. Ajo e kompletoi stilin e saj me bizhuteri Boucheron dhe taka Aquazzura. Ashton Kutcher u shfaq me një kostum të zi.
Kjo ishte paraqitja e tyre e parë së bashku në tapetin e kuq që nga viti 2023, kur morën pjesë në edicionin e nëntë vjetor të ndarjes së çmimeve Breakthrough.
Në korrik, Kutcher dhe Kunis festuan 10-vjetorin e martesës me një udhëtim në Venecia. Ata u fotografuan duke hipur në një jaht, të dy të veshur me veshje të përditshme, verore blu dhe të bardha.
Kujtojmë se Kutcher dhe Kunis janë në lidhje që nga viti 2012, pasi u takuan në vitin 1998 në sheshxhirimin e "That '70s Show". Ata u martuan më 4 korrik 2015, në një ceremoni të mbajtur në Secret Garden në Parrish Ranch në Oak Glen, Kaliforni.
Kutcher dhe Kunis kanë dy fëmijë, vajzën Wyatt (11) dhe djalin Dimitri (9), dhe kanë theksuar vazhdimisht se duan të mbrojnë privatësinë e tyre.
Zëvendësambasadori i Gjermanisë në Kosovë, Christian Bottcher, takoi Komandantin e Forcës së Sigurisë së Kosovës (FSK), Rrahman Jashari, për të diskutuar mbi procesin e transformimit dhe të ardhmen e institucionit.
Sipas njoftimit, komandanti Jashari shprehu mirënjohje për mbështetjen e gjatë të Gjermanisë në zhvillimin e FSK-së.
Ndërsa zëvendësambasadori Botcher theksoi se Gjermania do të vazhdojë të qëndrojë pranë Kosovës dhe i riafirmoi angazhimin e saj për t’i parë institucionet e sigurisë së Kosovës si pjesë të një arkitekture të përbashkët dhe të integruar të sigurisë europiane.
Ai gjithashtu shprehu vlerësimin për bashkëpunimin e fortë dhe konstruktiv me FSK-në. /Telegrafi/
Në ndeshjen e sotme (e mërkurë) kundër Burnleyt, trajneri i përkohshëm i Manchester Unitedit, Darren Fletcher, ka mundësinë të bëjë histori dhe të përfshijë në lojë dy nga djemtë e tij.
Fletcher ka marrë përkohësisht stolin e gjigantëve të Old Trafford që po vuajnë dhe do të debutojë sonte në udhëtim kundër Burnley. Ai vendosi të marrë stolin e nxehtë dhe të shuajë "zjarrin" pas shkarkimit të Ruben Amorim.
Por ajo që është interesante është se dy djemtë e tij, Jack dhe Tyler, luajnë për ekipet e të rinjve të Manchester United, janë talentë të mëdhenj dhe po trokasin në derën e ekipit të parë.
Jak dhe Tyler Fletcher
Në fakt, Jack, është paraqitur tashmë në tre ndeshje të Ligës Premier për United nën drejtimin e Amorim këtë sezon, ndërsa Tyler është ende në pritje të debutimit të tij.
Dhe trajneri në detyrë i United, Darren Fletcher, po i mban tifozët në ankth nëse ndonjë nga mesfushorët e tij do të luajë kundër Burnley në ‘Turf Moor’.
"Nuk do t'ju zbuloj asgjë. Ata janë pjesë e grupit dhe u stërvitën të hënën, për këtë u ra dakord edhe para se të shkoja unë atje. Ata kanë qenë në ekip kohët e fundit", ka thënë Fletcher.
😅 "They were in the training group on Monday because that was already arranged before I got there. They've been in the squad recently, but obviously we've got a couple of players back from injury..."
Vëllezërit Fletcher janë dy talentë të mëdhenj në akademinë e Unitedit dhe me siguri do të duan të tregojnë veten në dritën më të mirë në ndeshjen e sotme, veçanërisht nëse babai i tyre i sjell ata në lojë.
Kjo do të bënte histori sepse në futbollin elitar botëror, një baba dinte si të përdorte njërin nga djemtë e tij në një ndeshje, por asnjëherë nuk ka ndodhur t’i përdor dy djem në fushë. /Telegrafi/
Pasditen e 5 nëntorit 2020, ndërsa rrugët qëndronin të mbyllura për shkak të masave kundër pandemisë së Covid-19, dy burra shqiptarë me banim në Belgjikë shkëmbyen një seri mesazhesh të shkurtra nëpërmjet aplikacionit të koduar Sky ECC – të deshifruara vite më vonë nga autoritetet ligjzbatuese europiane. “E gjetëm mallin,” shkruante i kënaqur një prej […]
Kërkimi për trajnerin e ri të Manchester United ka nisur zyrtarisht. Pas vetëm 14 muajsh në krye të skuadrës, Ruben Amorim u shkarkua të hënën, pas kritikave të tij të fundit ndaj hierarkisë së klubit në "Old Trafford".
United aktualisht ndodhet në vendin e gjashtë në Liga Premier dhe mbetet në garë për një vend në Ligën e Kampionëve për sezonin e ardhshëm.
Sipas “BBC Sport”, Darren Fletcher do ta drejtojë ekipin për disa ndeshje, përpara se klubi të emërojë një trajner të përkohshëm deri në fund të sezonit.
Por pyetja kryesore mbetet: kush do ta marrë drejtimin e “Djajve të Kuq” në mënyrë të përhershme gjatë verës?
Trajnerë me përvojë në Liga Premier
Pas dështimeve të njëpasnjëshme me Erik ten Hag, Ralf Rangnick dhe së fundmi Amorim, në “Old Trafford” po shtrohet dilema nëse duhet zgjedhur një trajner i provuar në Liga Premier.
Unai Emery është një nga emrat më të përfolur. Spanjolli ka bërë një punë të jashtëzakonshme me Aston Villën, duke e nxjerrë klubin nga lufta për mbijetesë dhe duke e kthyer në pretendente për zonën e Evropës dhe madje për titull. Villa ndodhet aktualisht e treta në tabelë, vetëm gjashtë pikë pas Arsenalit kryesues. Megjithatë, periudha e tij e përzier te Arsenali mund të shihet si një pengesë.
Një tjetër emër interesant është Andoni Iraola. Ai ka tërhequr vëmendjen pas sezonit të kaluar me Bournemouth, të cilët përfunduan në vendin e nëntë. Edhe pse “Cherries” janë aktualisht në një seri prej 11 ndeshjesh pa fitore, do të ishte e vështirë për Iraolën ta refuzonte një ofertë nga Manchester United.
Oliver Glasner, i cili i skadon kontrata me Crystal Palace gjatë verës, fitoi FA Cup sezonin e kaluar, ndërsa Eddie Howe i dha fund pritjes së gjatë të Newcastle për një trofe madhor duke fituar Carabao Cup. Të dy mund të tundohen nga një sfidë e re në “Old Trafford”.
Zgjidhje nga brenda klubit?
Një tjetër mundësi është një emërim i brendshëm. Darren Fletcher, ish-mesfushori i United dhe aktualisht trajner i ekipit U-18, është 41 vjeç dhe ka kaluar 11 vite si lojtar nën drejtimin e Sir Alex Ferguson.
Një tjetër kandidat i natyrshëm është Michael Carrick. Ish-mesfushori i United është i papunë që nga shkarkimi nga Middlesbrough në qershor. Carrick, tani 44 vjeç, zhvilloi 463 ndeshje me fanellën e United gjatë 12 viteve, duke fituar 17 trofe para se të tërhiqej në vitin 2018. Mbetet për t’u parë nëse ai do të jetë ende pa punë deri në verë.
Kieran McKenna, trajneri i Ipswich Town, është një tjetër emër me lidhje me United. 39-vjeçari, ish-asistent në ekipin e parë të United, ka impresionuar në rolin e tij të parë si trajner kryesor. Ai i ngjiti Ipswich në Liga Premier përmes dy promovimeve radhazi dhe, pas rënies nga elita sezonin e kaluar, tani i ka çuar në vendin e tretë në Championship. Një tjetër promovim do ta forconte ndjeshëm kandidaturën e tij.
Po një rikthim i Ole Gunnar Solskjaer? Edhe pse duket pak i mundshëm, norvegjezi mbetet i lirë dhe ende shumë i dashur për tifozët. Periudha e tij mes viteve 2018 dhe 2021 përfundoi me zhgënjim, por a meriton ai më shumë vlerësim? Vetëm pak më shumë se katër vite më parë, United përfundoi i dyti në Liga Premier nën drejtimin e tij, duke shënuar 73 gola, më shumë se në çdo sezon që nga largimi i Fergusonit në vitin 2013.
Emra të mëdhenj nga Evropa
Nga kontinenti, opsionet nuk mungojnë. Mauricio Pochettino, aktualisht trajner i SHBA-së, ka qenë vazhdimisht i lidhur me United. Me Botërorin që zhvillohet këtë verë në SHBA, pritja e United për një emërim të përhershëm mund t’i përshtatet atij.
Xavi, ish-trajneri i Barcelonës, është i papunë që nga viti 2024 dhe një aventurë në Liga Premier do të ishte padyshim joshëse për të. Luis Enrique, i cili fitoi Ligën e Kampionëve me Paris Saint-Germain si pjesë e tripletës sezonin e kaluar, vazhdon të jetë në krye të klubit francez, por ka fituar gjithçka në Paris.
Zinedine Zidane është ende pa punë katër vite pas largimit nga Real Madridi, por mbetet dilemë nëse ai po pret ende një ditë drejtimin e Francës. Roberto De Zerbi, që ka përvojë në Angli nga periudha te Brighton, po bën një punë mbresëlënëse te Marseille. Megjithatë, sinqeriteti i tij i drejtpërdrejtë mund të shihet si problem për hierarkinë e United.
Gareth Southgate ka qenë prej kohësh i lidhur me United, por e kishte përjashtuar veten para emërimit të Amorim, duke deklaruar se nuk do të rikthehej në trajnim për të paktën një vit pas largimit nga Anglia. Tani, pas një periudhe pa punë që nga korriku 2024, a mund të jetë gati për rikthim?
Ai drejtoi Anglinë për 102 ndeshje në tetë vite, duke i çuar në dy finale të Kampionatit Evropian dhe një gjysmëfinale Botërori. Bashkëpronari i United, Sir Jim Ratcliffe, dihet se është admirues i tij, por Southgate nuk ka drejtuar një klub që nga largimi nga Middlesbrough para 16 vitesh.
Një tjetër emër në dispozicion është Enzo Maresca, i shkarkuar nga Chelsea javën e kaluar. Ai është i lirë dhe, ashtu si Southgate, mund të jetë një opsion si për afat të shkurtër, ashtu edhe për projekt afatgjatë.
Vendimi përfundimtar do të jetë jetik për të ardhmen e Manchester United, i cili kërkon stabilitet dhe rikthim në majat e futbollit anglez dhe evropian./Telegrafi
Dita e sotme është e veçantë për të gjithë tifozët e Formula 1 dhe specifikisht për ata, të cilët kanë nisur që të ndjekin këtë sport kur finishin e kalonte shpesh herë i pari Michael Schumacher.
Si sot 12 vite më parë “Kaiseri” pësoi aksidetin tragjik në pistën e skive në Meribel. Dëmtimet e pësuara në kokë kanë kushtëzuar jetën e tij, për të cilën tashmë dihet shumë pak.
Familja e shtatë herë kampionit të botës në Formula 1 ka mundur që të mbajë larg syve të publikut gjendjen në të cilën ndodhet ish-piloti.
Në këtë përvjetor të hidhur ka dhënë opinionin e vet edhe Richard Hopkins, i cili përpara se të punonte për Red Bull dhe McLaren ka qenë pjesë e stafit të pilotit gjerman në kohën kur ky i fundit ishte aktiv në Formula 1.
“Nuk mendoj se do të kemi më mundësi që të shikojmë në publik Michal-in. Nuk ndihem komod të flas për këtë çështje pasi familja e tij me të drejtë ka preferuar që ta mbajë larg syve të publikut”, tha Hopkins. Ky i fundit pranoi se detajin e vetëm që mund të nxirrte nga jeta private e Schumacher ishte se ish-piloti gjerman po ndiqej nga një mjek personal nga Finlanda.
Legjenda e Formula 1, Michael Schumacher, pësoi një aksident tragjik gjatë skijimit në dhjetor të vitit 2013, i cili e la për muaj të tërë në koma të induktuar mjekësisht dhe i hapi rrugë një rikuperimi shumë të gjatë, larg syrit publik.
Sot bëhen 12 vite nga dita kur Michael Schumacher, pësoi aksidentin pothuajse fatal. Edhe pse ai mbijetoi, që prej asaj kohe ka qëndruar plotësisht larg publikut dhe informacionet mbi gjendjen e tij aktuale shëndetësore, kanë qenë jashtëzakonisht të kufizuara.
Ngjarja ndodhi në Alpet franceze, ku Schumacher doli jashtë pistës së skijimit dhe goditi kokën pas një shkëmbi, pavarësisht se mbante helmetë mbrojtëse.
Legjenda gjermane e Formula 1, u transportua me helikopter drejt spitalit dhe u vendos në koma të induktuar mjekësisht për disa muaj.
Më pas, ai u transferua në shtëpinë familjare pranë Liqenit të Gjenevës, ku jeton edhe sot, nën kujdes mjekësor 24 orë në ditë.
Raportohet se jeta e Schumacher-it është jashtëzakonisht e vështirë, me deri në 15 persona që kujdesen vazhdimisht për të.
Po ashtu, besohet se ai është i shtrirë në shtrat dhe i paaftë për të folur.
Sa i përket komunikimit, Schumacher mbështetet vetëm te sytë për të komunikuar me familjen dhe miqtë.
Ky detaj u bë publik nga Elisabetta Gregoraci, ish-partnerja e ish-drejtuesit të Formula 1, Flavio Briatore, dhe ka habitur shumëkënd, duke pasur parasysh sa pak dihet realisht për gjendjen e tij.
“Michael nuk flet, ai komunikon me sytë. Vetëm tre persona mund ta vizitojnë dhe unë e di kush janë.
Ata u zhvendosën në Spanjë dhe bashkëshortja e tij ka ngritur një spital në atë shtëpi”, ka deklaruar ajo.
Është raportuar gjithashtu se Schumacher ka bërë një paraqitje të parë publike në dasmën e vajzës së tij në vitin 2024, ku të ftuarve u ishte kërkuar të dorëzonin telefonat për të mbrojtur privatësinë e tij, megjithëse ky informacion më pas është kundërshtuar.
Një tjetër person që ka dhënë informacion të vlefshëm për gjendjen e Schumacher-it është Jean Todt, ish-shefi i Ferrari-t. Duke folur për një media franceze në vitin 2023, ai u shpreh:
“Michael është këtu, kështu që nuk më mungon. Por ai thjesht nuk është më Michael-i që ishte dikur. Ai është ndryshe dhe udhëhiqet në mënyrë të mrekullueshme nga bashkëshortja dhe fëmijët e tij, të cilët e mbrojnë. Jeta e tij tani është ndryshe dhe unë kam privilegjin të ndaj disa momente me të. Kaq ka për të thënë. Fatkeqësisht, fati e goditi dhjetë vite më parë. Ai nuk është më Michael-i që njihnim në Formula 1.”
Neurokirurgu finlandez Dr. Jussi Posti, ka dhënë gjithashtu një vlerësim mbi gjendjen e mundshme aktuale të Schumacher-it. Duke folur për median finlandeze Iltalehti, ai tha:
“Në bazë të informacionit që është i disponueshëm, nuk mendoj se ai bën një jetë shumë aktive”.
Vetëm një rreth shumë i vogël miqsh dhe familjarësh lejohen ta vizitojnë Schumacher-in. Mes vizitorëve të konfirmuar janë Jean Todt, Ross Brawn dhe ish-piloti Gerhard Berger.
Duke folur për privatësinë e Schumacher-it, menaxherja e tij Sabine Kehm ka deklaruar:
“Shëndeti i Michael-it nuk është çështje publike dhe për këtë arsye do të vazhdojmë të mos komentojmë në lidhje me të”.
Edhe bashkëshortja e tij, Corinna Schumacher, foli për këtë temë në dokumentarin e vitit 2021, duke thënë:
“Ne po përpiqemi të vazhdojmë jetën si familje, ashtu siç e pëlqente Michael dhe siç ende e pëlqen. Michael gjithmonë na mbrojti ne, dhe tani ne po e mbrojmë Michael-in”.
Pavarësisht përpjekjeve të vazhdueshme për ta mbajtur jetën e tij private, në fillim të këtij viti u bë e ditur se ish-roja e një klubi nate, Yilmaz T., dhe bashkëpunëtorët e tij kishin organizuar një skemë shantazhi, duke kërkuar 12 milionë paund për të mos publikuar 900 fotografi, 600 video dhe dokumente mjekësore në “dark web”.
Thuhet se imazhet e tregonin Schumacher-in të shtrirë në shtrat spitalor, të ulur në karrocë dhe të lidhur me pajisje mjekësore. Personi kryesor u dënua me tre vite burg, ndërsa bashkëpunëtorët morën dënime me kusht.
Një hard disk i humbur vazhdon të shqetësojë familjen Schumacher. Avokati Thilo Damm që citohet nga Walles Online, ka deklaruar:
“Nuk e dimë se ku ndodhet hard disku i humbur… Ekziston mundësia e një kërcënimi tjetër nga prapavija”.
Komediania dhe aktorja amerikane Amy Schumer konfirmoi dje se po divorcohet nga bashkëshorti i saj Chris Fischer, me të cilin ishte e martuar për më shumë se shtatë vjet.
Schumer e ndau lajmin në Instagram të premten, më 12 dhjetor, me një foto të saj, Fischer dhe djalit të tyre në metronë e Nju Jorkut.
"Bla bla bla, unë dhe Chris kemi marrë vendimin e vështirë për t'i dhënë fund martesës sonë pas shtatë vitesh. E duam shumë njëri-tjetrin dhe do të vazhdojmë të përqendrohemi në rritjen e djalit tonë së bashku. I kërkojmë publikut të respektojë privatësinë tonë gjatë kësaj kohe. Bla bla bla - jo sepse humba peshë dhe mendova se mund të 'kapja' dikë tjetër, as sepse ai është një shef kuzhine i pashëm, fitues çmimesh, James Beard, i cili ende mund të tërheqë vëmendjen. Gjithçka është miqësore, me dashuri dhe respekt. Familje përgjithmonë", shkroi ajo.
Një burim pranë çiftit i tha revistës People se “nuk ka asgjë të shëmtuar në lidhje me këtë ndarje” dhe se ishte një “ndarje kohezive dhe konsensuale”, duke shtuar se ata thjesht po i jepnin fund disa formaliteteve.
Schumer dhe Fischer u takuan në vitin 2017 dhe u martuan në shkurt të vitit 2018. Së bashku ata kanë një djalë, Gene, i cili lindi në maj të vitit 2019.
Në javët e fundit, ka pasur spekulime publike rreth gjendjes së martesës së tyre. Një burim i tha më parë revistës People se ata po kalonin privatisht sfidat e zakonshme të martesave të gjata dhe se të dy ishin të përkushtuar ndaj marrëdhënies.
Schumer iu përgjigj spekulimeve në Instagram në fillim të dhjetorit, duke theksuar se çfarëdo që të ndodhë midis saj dhe Chris nuk ka të bëjë fare me humbjen e saj në peshë apo autizmin.
Pastaj ajo shtoi: "Le të mbajmë gishtat e kryqëzuar që të zgjasim. Ai është më i miri".
Në fund të nëntorit, aktorja fshiu të gjitha fotot e mëparshme nga profili i saj në Instagram, përfshirë ato me Fischer, gjë që nxiti më tej spekulimet.
Ish-çifti u shfaq për herë të fundit së bashku në publik në qershor, në premierën e dokumentarit "Room To Move" në Festivalin e Filmit Tribeca 2025. /Telegrafi/
Login
