Jose Maria Gutierrez “Guti” ka ofruar një vlerësim të detajuar të yjeve në zhvillim të Real Madridit, duke i kushtuar vëmendje të veçantë Arda Guler dhe Franco Mastantuono.
Ai foli për Gulerin, duke thënë se është lojtari që e bënë pasimin e fundit.
“Arda është lojtari më i spikatur në ekip, ai që mund të të japë pasimin e fundit dhe të shënojë gola", tha Guti
Guti beson se trajneri Xabi Alonso do t’i japë minutat e nevojshme këtij të riu dhe shpreson që sezoni i tanishëm mund të jetë shumë i suksesshëm për të.
Për Mastantuonon, i cili ka fituar minuta gjatë mungesës së Jude Bellingham, Guti theksoi talentin e tij, por edhe nevojën për durim.
“Ndonjëherë të dhemb të duash të marrësh pjesë në gjithçka. Duhet të zgjedhësh me mençuri se çfarë bën dhe ku mund të bësh ndryshimin.”
Në fund, Guti theksoi gjithashtu performancat e Mbappes, duke theksuar se francezi është shumë afër arritjes së niveleve historike, falë golave të tij dhe ndikimit vendimtar në ndeshjet e mëdha./Telegrafi/
U publikuan zyrtarisht renditjet e Golden Boy 2025, me yllin e PSG-së Desire Doue që u shpall fitues absolut i çmimit, falë një epërsie mbresëlënëse në votim.
Një element interesant i renditjes ishte diferenca minimale prej vetëm 3 pikësh mes Arda Guler i cili u rendit i dyti, dhe Dean Huijsen, që u pozicionua i katërti.
Ndërkohë, Pio Esposito u nderua me çmimin Italian Golden Boy dhe u klasifikua në vendin e nëntë në renditjen globale.
Gjatë 12 muajve të fundit, është folur shumë për faktin që Real Madrid nuk nënshkroi me një zëvendësues për mesfushorin legjendar Toni Kroos, i cili njoftoi tërheqjen e tij të papritur nga futbolli në verën e vitit 2024.
Megjithatë, janë bërë sugjerime se zëvendësimi i tij do të vijë nga brenda klubit, me Arda Gulerin që nga disa shihet si lojtari që mund të mbushë këtë boshllëk.
Guler, i cili ka zhvilluar një partneritet të fortë me Kylian Mbappen, ka qenë një nga lojtarët më të mirë të Real Madrid këtë sezon. Ai është përdorur në një rol më të avancuar nga Xabi Alonso, gjë që i ka mundësuar ta çojë lojën e tij në një nivel të ri.
Megjithatë, pavarësisht se është aktivizuar si mesfushor, Guler nuk duhet parë si zëvendësues i Kroosit –këtë e ka theksuar vetë ish-ylli i Real Madrid, në një intervistë për Sport1.
“Jam i lumtur që këtë vit po merr dukshëm më shumë minuta, sepse e ka merituar nga ana futbollistike dhe është një djalë tek i cili mund të mbështetesh për të ardhmen. Ai është një lloj tjetër lojtari krahasuar me mua”.
“Pozicioni i tij më i mirë është qartësisht më ofensiv se imi, kështu që ai nuk është aspak pasuesi im. Por zakonisht jam i lumtur, sepse është një djalë i mire”.
“Kam pasur ende mundësinë të luaj me të. Ai ka një prekje të shkëlqyer me topin, të cilën këtë sezon e ka shfrytëzuar shumë mirë për Real Madrid”.
“Prandaj shpresoj që të vazhdojë të marrë minuta rregullisht, sepse është mënyra e vetme për t’u përmirësuar. Dhe jam i sigurt që ai mund të shënojë një epokë te Real Madrid për shumë vite me radhë”, ka thënë Kroos./Telegrafi/
Rritja e Arda Guler nën drejtimin e Xabi Alonsos i ka kushtuar Real Madridit edhe 2 milionë euro të tjera. Sipas “AS” paraqitja e tij e 75-të me fanellën e “Los Blancos” ka aktivizuar një klauzolë të re në marrëveshjen e transferimit me Fenerbahçen.
Marrëveshja përfshin disa bonuse të bazuara në performancë dhe më e fundit kërkon që Real Madridi të paguajë 2 milionë euro shtesë sapo Guler të arrijë 75 ndeshje të zhvilluara.
Ende mbeten edhe dy klauzola të tjera aktive — një për 100 ndeshje dhe një tjetër për 125 — që do t’i shtonin edhe nga 2 milionë euro të tjera koston totale të transferimit.
Fenerbahçe ka përfituar tashmë 4 milionë euro nga arritjet e mëparshme të mesfushorit turk, përkatësisht në kufijtë e 25 dhe 50 ndeshjeve, me këtë të fundit të arritur në finalen e Kupës së Mbretit sezonin e kaluar.
Arda Guler
Nën drejtimin e Alonsos, Guler është bërë një figurë kyçe. Ai ka luajtur në të gjitha 14 ndeshjet e Real Madridit këtë sezon, duke grumbulluar 929 minuta, me nëntë kontribute direkte në gola (3 gola dhe 6 asistime). Raporti i tij me Kylian Mbappe në sulm po bëhet gjithnjë e më i fortë.
Besimi i Alonsos te talenti turk daton që nga koha kur ai drejtonte Bayer Leverkusenin, kur kishte tentuar ta merrte Gulerin në huazim përpara shpërthimit të tij në Madrid.
Sot, në moshën 20-vjeçare, Guler është lojtari më i përdorur nën 21 vjeç në skuadër dhe përfaqëson simbolin e balancës së Real Madridit mes përvojës dhe rinisë./Telegrafi
Të premten, sulmuesi i Real Madridit, Kylian Mbappe, u nderua me Këpucën e Artë Evropiane, një çmim që e fitoi si golashënuesi më i mirë në Evropë gjatë sezonit të kaluar.
Është një çmim për të cilin Mbappe ka ëndërruar prej kohësh, siç tregoi në një intervistë për Marca.
Megjithatë, ai theksoi se për të më të rëndësishme janë trofetë kolektivë me Real Madridin, sesa arritjet individuale.
“Që kur isha fëmijë kam ëndërruar të shënoj gola. Çdo fëmijë që nis të luajë futboll ëndërron të shënojë, ta bëjë këtë sa më shpesh”.
“Në fund, është një çmim shumë i rëndësishëm dhe më bën shumë të lumtur, por të gjithë e dinë se arritjet kolektive janë ato që kanë më shumë vlerë”.
Kylian Mbappe/ Arda Guler
“Shpresoj të fitoj edhe një tjetër Këpucë të Artë në të ardhmen, por mbi të gjitha shpresoj që ta fitojmë kampionatin”, ka deklaruar fillimisht francezi.
Mbappe synon të përsërisë suksesin e tij me Këpucën e Artë edhe në vitin 2026, dhe për ta arritur këtë, ai do të duhet të vazhdojë bashkëpunimin e shkëlqyer në fushë me Arda Guler, për të cilin foli me shumë admiratë gjatë intervistës.
“Nuk jam i befasuar. Ai është një lojtar i ri me shumë talent. Edhe pse është ende i ri, është gati të ndihmojë skuadrën. E ka nisur sezonin në mënyrë mbresëlënëse për moshën e tij. Ka një prekje magjike që i mahnit tifozët e Bernabeut”.
“I uroj të vazhdojë kështu, sepse mund të jetë shumë i rëndësishëm për ne dhe jam i lumtur që luaj përkrah tij”, përfundoi ai./Telegrafi/
Legjenda e Real Madridit, Toni Kroos, ka lavdëruar vizionin dhe magjinë e Arda Guler si arsyet kryesore pas formës së pandalshme të Kylian Mbappe këtë sezon.
Guler dhe Mbappe kanë krijuar një partneritet të shkëlqyer, i cili e ka transformuar sulmin e Real Madridit në një sulm vdekjeprurës këtë sezon.
Lojtari turk ka shënuar tre gola dhe pesë asistime, duke shkëlqyer në sistemin e Xabi Alonsos. Mbi të gjitha, loja e tij, vizioni dhe syri për pasime krijuese e bëjnë atë një spektakël për tifozët.
Ndërkohë, Mbappe ka shënuar 16 gola dhe ka dhënë dy asiste në 13 ndeshje, duke qenë lojtari kryesor i Mbretërve.
Telepatinë mes këtyre dy lojtarëve e ka vlerësuar lartë edhe legjenda e Los Blancos, Kroos, i cili ka lavdëruar Gulerin për formën e lartë të Mbappes.
“Kylian Mbappé po kalon një sezon të jashtëzakonshëm. Sipas mendimit tim, një nga arsyet për këtë është prania e lojtarëve si Arda Guler, i cili ka pak më shumë prekje magjike dhe vizionin për ta gjetur atë”, ka thënë Kroos. /Telegrafi/
Ylli i Real Madridit, Arda Guler është zgjedhur lojtari më i mirë i ndeshjes në përballjen ndaj Juventusit të mërkurën mbrëma në Ligën e Kampionëve.
Turku po e drejtonte ndeshjen kundër Juventusit, duke krijuar gjashtë raste, duke fituar pesë duele, duke larguar dy herë topin dhe duke rikuperuar dhjetë herë topin — të gjitha këto duke ruajtur një saktësi mahnitëse prej 96%.
Për atë performancë, djaloshi i mrekullueshëm turk me të drejtë u vlerësua si ‘Lojtari i Ndeshjes’.
Pjesa qesharake? Arda nuk kishte ide. Fytyra e tij kur vuri re trofeun tregonte gjithçka.
“Çmimi Lojtari i Ndeshjes? U habita sepse nuk luaj për këtë, luaj për të fituar. Nuk e dija që isha MOTM”, shpjegoi Guler pasi mori çmimin.
Klipi qesharak është bërë viral tashmë, duke grumbulluar mbi një milion shikime brenda natës, por edhe duke u shpërndarë në shumë faqe tjera. /Telegrafi/
Xabi Alonso ka vlerësuar lart mesfushorin e Real Madridit, Arda Guler, duke e përshkruar atë si një kombinim mes Mesut Ozil dhe Gutit, përpara përballjes në Ligën e Kampionëve kundër Juventusit.
Reprezentuesi turk ka bërë përshtypje me kreativitetin dhe inteligjencën e tij në lojë, duke u kthyer në një element kyç të sistemit të Alonsos, teksa madrilenët përgatiten për një javë të rëndësishme që përfshin edhe El Clasicon ndaj Barcelonës.
Trajneri i Real Madridit veçoi Gulerin me një vlerësim të veçantë, duke e krahasuar 20-vjeçarin me dy nga emrat më të njohur të historisë së mesfushës madrilene.
“Jo vetëm për shkak të prejardhjes së tij, por për shkak të cilësisë që ka. Ai është një përzierje mes Ozil dhe Guti, sepse Guti dinte të luante pranë zonës dhe të jepte pasimin final”.
“Sa më shpesh ta aktivizojmë Ardan, aq më mirë luan skuadra. Duhet të vazhdojmë ta shtyjmë për të përmirësuar lojën e tij, por jam shumë i kënaqur”, ka thënë Alonso.
Ky vlerësim e konfirmon rolin gjithnjë e më të rëndësishëm që Guler po merr në mesin e fushës së Real Madridit, duke kombinuar vizionin, teknikën e rafinuar dhe aftësinë për të dhënë pasime vendimtare.
Që prej transferimit nga Fenerbahce në korrik të vitit 2023, Guler, i cilësuar shpesh si “Lionel Messi turk”, është integruar gradualisht në ekipin e parë dhe ka nënshkruar një kontratë gjashtëvjeçare, e vlefshme deri në qershor të vitit 2029.
Pasi u aktivizua me minutazh të kufizuar në fillim, ai fitoi besimin e Alonsos dhe u bë titullar më i rregullt, duke shënuar golin e parë të sezonit 2025/2026 në fitoren 2-1 ndaj Mallorcës në La Liga.
Performancat e tij të fundit i sollën çmimin “Lojtari më i mirë nën 23 vjeç” për muajin shtator në La Liga, pas kontributit me dy gola dhe dy asistime.
Nën drejtimin e Alonsos, Guler ka zhvilluar ndjeshëm kreativitetin dhe vendimmarrjen në fushë, duke treguar se është gati të shkëlqejë përkrah yjeve më të mëdhenj të klubit./Telegrafi/
Arda Guler, mesfushori turk i Real Madridit, po vazhdon një fillim fantastik sezoni dhe ka tërhequr vëmendjen e trajnerit të Manchester City, Pep Guardiola, i cili dëshiron ta transferojë me çdo kusht në Ligën Premier.
20-vjeçari ka shënuar tre gola dhe ka dhënë pesë asiste në 11 paraqitje këtë sezon, duke u bërë një nga shtyllat kryesore sulmuese të Real Madridit dhe një nga talentet më premtuese të futbollit evropian.
Sipas raporteve të fundit, Guardiola e sheh Arda Guler si element kyç për të rritur kreativitetin dhe influencën në mesfushën e Manchester City, por duket se operacioni është i vështirë për momentin.
Arda Guler ka treguar gjithmonë përkushtim ndaj projektit madrilen dhe nuk ka ndërmend të largohet, duke u fokusuar në zhvillimin e tij nën drejtimin e Xabi Alonsos, trajnerit aktual të Real Madridit.
Turku është një nga figurat kryesore në mesfushën sulmuese, duke mbështetur edhe Kylian Mbappé në krijimin e rasteve dhe golave për ekipin. Vetëbesimi i treguar dhe mbështetja e trajnerit i kanë mundësuar të rrisë nivelin e lojës së tij.
Real Madrid e konsideron Arda Guler si një pjesë të rëndësishme të projektit afatgjatë, ndaj dhe bisedimet për largimin e tij janë jashtë diskutimit për momentin.
Megjithëse Guardiola e ka vënë syrin mbi talentin turk, Arda Guler duket i lumtur në Madrid dhe fokusohet të vazhdojë të shkëlqejë me Realin, duke treguar se karriera e tij do të rritet nën hijen e klubit spanjoll. /Telegrafi/
Një muaj më parë u nda Topi i Artë 2025, dhe menjëherë pas fitores së Ousmane Dembele, fokusi është zhvendosur drejt identifikimit të favoritëve të mundshëm për vitin 2026.
Tribuna.com ka nisur projektin në formatin klasik të renditjes, ku do të pasqyrohen rregullisht kandidatët kryesorë për Topin e Artë, bazuar në paraqitjet e tyre gjatë gjithë sezonit.
Zakonisht, pranvera është periudha vendimtare (sidomos me Kupën e Botës 2026 në horizont), por edhe performanca e qëndrueshme gjatë vitit ka peshë të madhe — dhe, për më tepër, është interesante të vëzhgohen lojtarët që shkëlqejnë në faza të ndryshme të sezonit 2025/26.
Dy muajt e parë të sezonit janë mjaftueshëm për të krijuar renditjen e parë të përkohshme. Sigurisht që përzgjedhja ka një dozë subjektiviteti, por kriteret kryesore janë: Performancat individuale dhe statistikat, ndikimi në ekip dhe rezultatet e skuadrës dhe prania në media dhe buja që krijojnë (një faktor që nuk mund të neglizhohet në epokën e rrjeteve sociale).
15. Christian Pulisic (Milan)
I vetmi lojtar në “Top 15” që nuk garon në kupat evropiane – por më i miri në këtë kategori. Statistikat e tij janë mbresëlënëse: 8 kontribute në gola (6 gola + 2 asistime) në 8 ndeshje. Do të kishte pasur më shumë, po të kishte shënuar penalltinë ndaj Juventusit në rezultatin 0-0. Pulisic është gjithashtu lider në 7 ligat më të forta evropiane për “xG + asistime për 90 minuta”, duke përjashtuar penalltitë.
Christian Pulisic
14. Ousmane Dembele (PSG)
Mbulimi mediatik e mban në listë – si fituesi aktual i Topit të Artë, pavarësisht fillimit të ngadalshëm për shkak të lëndimeve. Ka luajtur vetëm katër ndeshje, me 2 gola dhe 2 asistime. Nga antihero në protagonist, rruga e Dembele drejt majës ka qenë e veçantë. Megjithatë, ai është në vendin e 14-të dhe rrezikon të bjerë nga “Top 15” nëse nuk kthehet shpejt në formën e duhur.
Ousmane Dembele
13. Kevin De Bruyne (Napoli)
Rikthimi i 34-vjeçarit ka tejkaluar pritjet. Ai po shkëlqen te Napoli, që kryeson Serie A dhe ka marrë fitore të rëndësishme në Ligën e Kampionëve falë asistimeve të tij. Me 5 gola në 8 ndeshje dhe dominim në statistika kreative, De Bruyne tregon se ende mund të bëjë diferencën — megjithëse qëndrueshmëria mbetet problem në disa ndeshje.
Kevin De Bruyne
12. Declan Rice (Arsenal)
Lideri i padiskutueshëm i Arsenalit. Rice është “motori” i skuadrës, po aq i vlefshëm në mbrojtje dhe në ndërtim loje. Ai merr përsipër goditjet standarde dhe shpesh është vendimtar në duele të ngushta Falë kontributit të tij, Arsenali është ngjitur në vendin e parë në Ligën Premier.
Declan Rice
11. Lamine Yamal (Barcelona)
Një tjetër histori me shumë bujë mediatike. Edhe pse lëndimet e kanë penguar, 18-vjeçari ka 2 gola dhe 4 asistime në 5 ndeshje. Një dëmtim i fundit mund ta mbajë jashtë për disa javë – por Barcelona shpreson ta rikthejë shpejt në formë për të ruajtur ritmin.
Lamine Yamal
10. Dominik Szoboszlai (Liverpool)
Hungarezi është kthyer në një element kyç të Liverpoolit – 10 paraqitje si titullar në 11 ndeshje. Ai është bërë “Valverde i Liverpoolit” me shumëfunksionalitetin e tij: luan në disa pozicione, shënon nga goditjet e dënimit dhe kontribuon në organizimin e lojës (2 asistime në 10 ndeshje).
Dominik Szoboszlai
9. Julian Alvarez (Atletico Madrid)
Statistikat e tij janë të shkëlqyera: 7 gola + 4 asistime në 12 ndeshje. Megjithatë, forma e tij nuk është reflektuar në suksesin e skuadrës, pasi Atletico ka pasur disa luhatje. Dy golat e tij në derbi kundër Real Madridit mbeten kulmi i sezonit deri më tani.
Julian Alvarez
8. Michael Olise (Bayern Munich)
Francezi është bërë një faktor kyç në suksesin perfekt të Bayern Munich këtë sezon. Me 5 gola dhe 4 asistime në 10 ndeshje, Olise po shfaq ndikim të madh në çdo sektor të sulmit. Në këtë formë, ai është ndër më të rëndësishmit për kampionët gjermanë.
Michael Olise
7. Arda Guler (Real Madrid)
Turku i ri po shkëlqen nën trajnerin Xabi Alonso. Ai ka marrë rolin e një dirigjenti të vërtetë në mesfushë, duke kontrolluar tempin e lojës dhe duke marrë pjesë aktive në sulm. Statistikat e tij: 4 gola dhe 6 asistime në 16 ndeshje. Tifozët e Real Madridit tashmë e krahasojnë partneritetin e tij me Mbappe me duon legjendare Ozil–Ronaldo.
Arda Guler
6. Vitinha (PSG)
Fituesi i vendit të tretë në Topin e Artë 2025 ka ruajtur nivelin. Ai mbetet ndër më të qëndrueshmit e PSG-së dhe shpesh shihet si “asistent trajneri” në fushë. Edhe pse ende nuk ka ndikuar në trofetë e klubit këtë sezon, performancat e tij janë të jashtëzakonshme.
Vitinha
5. Pedri (Barcelona)
Pedri është zemra e Barcelonës. Ai përcakton stilin dhe ritmin e skuadrës, me inteligjencë të lartë taktike dhe kontroll të lojës. Në një skuadër që ende po kërkon ekuilibrin, Pedri duket si i vetmi që po luan në mënyrë të qëndrueshme — dhe kjo e ngre më lart se Vitinha.
Pedri
4. Erling Haaland (Manchester City)
15 gola dhe 2 asistime në 13 ndeshje – Haaland është rikthyer në versionin e tij më të mirë. Megjithatë, Man City po kalon disa vështirësi, duke humbur pikë në Ligën Premier dhe Ligën e Kampionëve. Kjo e mban norvegjezin jashtë “Top 3-shes”.
Erling Haaland
3. Kylian Mbappe (Real Madrid)
Mbappe ka shënuar në 11 nga 12 ndeshjet me klubin dhe Kombëtaren këtë sezon. Ai është integruar plotësisht te Real Madrid dhe po ruan formën që e bëri kampion në pranverë. Megjithatë, disa pengesa – përfshirë rezultatet e paqëndrueshme të Realit – e ndalin ta kryesojë renditjen.
Kylian Mbappe
2. Harry Kane (Bayern Munich)
Në aspektin numerik, askush nuk e kalon: 21 gola dhe 4 asistime në 15 ndeshje. Kane është përshtatur shkëlqyeshëm në Gjermani dhe po udhëheq Bayern drejt një sezoni perfekt. Me këtë ritëm, ai është pretendent serioz për Topin e Artë 2026.
Harry Kane
1. Nuno Mendes (PSG)
Lider surprizë. Rezultatet e fundit tregojnë se nën kriteret e reja të vlerësimit (sidomos pas përfshirjes së UEFA-s), lojtarët e nënvlerësuar po marrin më shumë vlerësim – ashtu si Rodri dhe Vitinha vitin e kaluar. Mendes ka qenë fantastik në javët e fundit: asistime, gola dhe paraqitje të klasit kundër Barcelonës dhe Lille. Mbrojtësi i krahut ka bërë gjithçka që një lojtar modern mund të bëjë – dhe për momentin, meriton majën e renditjes. Edhe pse me kalimin e sezonit mund të bjerë nga vendi i parë, momentalisht Nuno Mendes është lideri i padiskutueshëm i Renditjes së Fuqisë për Topin e Artë 2026.
Çdo vit, gazeta prestigjioze italiane Tuttosport mban një përzgjedhje të futbollistëve më të mirë të rinj në botë, dhe tani është shpallur lista e kandidatëve për çmimin prestigjioz Golden Boy.
Ky çmim prestigjioz është dhënë që nga viti 2003, dhe fituesi i parë ishte Rafael van der Vaart.
Pas tij, laureatët e vitit ishin Wayne Rooney, Lionel Messi, Cesc Fabregas, Sergio Aguero, Anderson, Alexandre Pato, Mario Balotelli, Mario Gotze, Isco, Paul Pogba, Raheem Sterling, Anthony Martial, Renato Sanches, Kylian Mbappe, Matthijs de Ligt, Joao Felix, Erling Haaland, Pedri, Gavi, Jude Bellingham dhe Lamine Yamal, i cili e fitoi çmimin vitin e kaluar.
Rregullat përcaktojnë se i njëjti lojtar nuk mund ta fitojë çmimin më shumë se një herë, dhe për këtë arsye 18-vjeçari Yamal, megjithëse plotëson kërkesën për të qenë nën 21 vjeç, nuk është në listën e kandidatëve.
🚨 OFFICIAL: Golden Boy 2025 finalists as 25-men shortlist has been unveiled ⭐️
Arda Guler po përjeton momentin më të mirë që nga ardhja e tij në Madrid, duke u kthyer në një element kyç për Real Madridin këtë sezon.
Pas një periudhe të vështirë nën drejtimin e Carlo Ancelottit, ku mes dëmtimeve dhe konkurrencës së madhe nuk arriti të tregonte gjithë potencialin e tij, talenti turk ka shpërthyer nën drejtimin e Xabi Alonsos, duke u konfirmuar si një nga lojtarët më vendimtarë të skuadrës.
Me vetëm 20 vjeç, Guler ka marrë përgjegjësi të mëdha në fushë dhe është shndërruar në një lojtar të rëndësishëm në skemat e trajnerit.
Deri tani ka grumbulluar 16 paraqitje, duke kontribuar me 4 gola dhe 6 asistime, përfshirë edhe ndeshjet në Kupën e Botës për Klube që u zhvillua gjatë verës së kaluar.
Përballë këtij progresi të dukshëm dhe ndikimit të tij në skuadër, drejtuesit e klubit madrilen kanë nisur lëvizjet për të përmirësuar situatën kontraktuale të mesfushorit.
Sipas raportimeve, janë zhvilluar kontaktet e para me përfaqësuesit e lojtarit për të diskutuar një rritje rroge që do të formalizohet në fund të sezonit aktual.
Ky vendim vjen si një vlerësim i drejtpërdrejtë për kontributin që po jep lojtari dhe besimin që klubi ka në të ardhmen e tij.
Arda Guler, i cili në të kaluarën ka qenë në qendër të disa spekulimeve për largim të mundshëm, tashmë shihet si një aset strategjik për Real Madridin në vitet që vijnë. /Telegrafi/
Ylli turk, Arda Guler ka folur për raportin e tij me Kylian Mbappe në Real Madrid, ku ka treguar se e kuptojnë njëri-tjetrin në mënyrë të përkryer.
Guler është bërë thuajse një titullar i përhershëm këtë sezon nën urdhrat e Xabi Alonsos dhe paraqitjet e tij kanë qenë të kënaqshme.
Së fundmi, ylli turk është pyetur për partneritetin e tij me Mbappen, ku nuk ka hezituar të tregoj se kuptohen mirë.
"Mendoj se duhet ta lëmë të luajë ku të dojë. Talenti i tij i jep të drejtën për këtë liri. Nëse tërhiqet, nuk e bën vetëm për hir të talentit. Ai e kupton se çfarë i duhet lojës. Kur e bën këtë, më takon mua të zë vendin e tij”, ka thënë fillimisht Guler.
Guler tutje goli edhe për krahasimin e partneritetin e tyre me atë të Cristiano Ronaldos dhe Mesut Ozilit.
“Është një krahasim i bukur, jam i kënaqur. Ata kanë pasur sukses të jashtëzakonshëm. Por fitoret e mëdha arrihen gjithmonë nga ekipi, jo nga dy lojtarë. Cilësitë e tij dhe të miat plotësojnë njëra-tjetrën”.
"E kuptojmë njëri-tjetrin në mënyrë perfekte, gjithçka shkon mirë. Ndonjëherë flasim pak para ndeshjes: 'Sot mund të bëjmë këtë e atë'. Në raste të tjera, mjafton një vështrim", përfundoi ylli i Real Madridit. /Telegrafi/
Real Madridi ka shënuar edhe fitoren e katërt në La Liga, për të mposhtur me rezultat të ngushtë në udhëtim Real Sociedadin.
Madrilenët i arkëtuan pikët e plota me një triumf 1:2, pavarësisht që ishin me një lojtar më pak që nga minuta e 32-të shkaku që Dean Huijsen u ndëshkua direkt me të kuq.
Arda Guler shënoi pas vetëm tre minutave lojë, mirëpo që goli iu anulua si pasojë e një pozite jashtë loje.
Ishte Kylian Mbappe që e zhbllokoi epërsinë me një gol fantastik (12’).
Situata pastaj u përkeqësua për mysafirët, kur gjqytari e ndëshkoi direkt me të kuq Huijsen, i cili rrëzoi Oyarzabal gjatë një kundëraksioni (32’).
Megjithatë, Reali vazhdoi të dominojë në këtë pjesë, me Mbappe që gjeti për mrekulli Arda Guler, i cili dyfishoi epërsinë (44’).
Sociedadi u këndell në pjesën e dytë, ku dominoi në periudhën më të madhe të lojës. Oyarzabal shënoi nga pika e bardhë pasi Carvajal shkaktoi 11-metërsh si pasojë e një prekje të topit me dorë (56’).
Vendasit tentuan deri në fund që ta barazonin rezultatin, mirëpo mbrojtja mysafire ishte në vendin e duhur për të mos lejuar ebfasi.
Me këtë fitore, Reali mbetet lider i vetëm me 12 pikë derisa Sociedadi bie në pozitën e 17-të me dy sosh./Telegrafi/
Ndeshja mes Spanjës dhe Turqisë, e fituar bindshëm nga iberikët me rezultat 6-0, pati edhe një prekje të fortë të rivalitetit të madh mes Barcelonës dhe Real Madridit.
Tensionet u vunë re sidomos pas nisjes së lojës mes dy yjeve të rinj, Lamine Yamal dhe Arda Guler. Në një episod gjatë një goditjeje dënimi, Guler shtyu Yamalin, por talenti i Barcelonës qëndroi në këmbë, duke e detyruar gjyqtarin të ndërhynte për të qetësuar situatën.
Përplasja mes tyre ndezi debatin në fushë, ku nuk munguan fjalët e ashpra. Madje, në fund të incidentit, Yamal u pa duke buzëqeshur ndaj kundërshtarit të tij, sikur ta kishte marrë si sfidë personale.
Duket se turkut nuk i pëlqeu rezultati, pasi nga fillimi në fund spanjollët dominuan me lojë dhe raste.
El imbécil de Arda Guler empujando a Lamine Yamal, pero luego el malo es el del Barça… pic.twitter.com/aFbsC1sPTE
Ky moment tregoi qartë se rivaliteti i El Clasicos nuk kufizohet vetëm në La Liga – ai tashmë është transferuar edhe në arenën ndërkombëtare, duke shtuar emocionin në përballje të tilla. /Telegrafi/
Ylli i Real Madridit, Arda Guler, ka folur për krahasimet me sensacionin e Barcelonës, Lamine Yamal, ndërsa mesfushori i ri po përgatitet të përballet me Spanjën në kuadër të kualifikueseve për Kupën e Botës 2026, të dielën.
Guler iu bashkua Real Madridit në verën e vitit 2023 dhe tashmë është konsoliduar si titullar i rregullt nën drejtimin e trajnerit të ri, Xabi Alonso.
Mesfushori i talentuar ka folur hapur për krahasimet e vazhdueshme me yllin e Barcelonës, Lamine Yamal, duke e vlerësuar lart spanjollin dhe duke pranuar se ai e vështirëson jetën për lojtarët e Real Madridit.
Aktualisht, Guler po përgatitet për t’u përballur me Yamal dhe kombëtaren e Spanjës në një ndeshje që do të zhvillohet në shtëpi për Turqinë, në kuadër të kualifikueseve për Botërorin.
“Unë dhe Lamine Yamal nuk luajmë në të njëjtin pozicion, stilet tona janë të ndryshme, ndaj nuk do të ishte e drejtë të krahasohemi”.
“Ai luan për Barcelonën dhe unë për Real Madridin. I uroj gjithë të mirat për nesër”.
“Nuk jam i befasuar nga ajo që po bën Yamal. Ai ka shumë talent dhe do të bëjë çmos për të na e vështirësuar punën”, ka thënë Guler.
Yamal ka kontribuar me pesë gola dhe asistime në tri ndeshjet e para të Barcelonës në La Liga këtë sezon.
Ndërkohë, edhe Guler është bërë titullar i pandryshueshëm nën drejtimin e Alonsos dhe në tri ndeshjet e para të sezonit, ka regjistruar një gol dhe një asistim për Real Madridin./Telegrafi/
Fillimi i sezonit të ri po afron gjithnjë e më shumë në ligat më të forta evropiane, dhe pak para fillimit të La Ligës, të gjithë u befasuan pozitivisht nga transformimi i yllit të ri të Real Madridit, Arda Guler.
20-vjeçari turk është dikush nga i cili pritet shumë në Madrid, veçanërisht tani pas largimit të Luka Modric, dhe ai bëri shumë përpjekje këtë verë për të përmirësuar formën e tij.
Pas një pune të palodhur, Guler duket vërtet fenomenal, dhe gazeta AS shkruan se turku shtoi tetë kilogramë masë muskulore gjatë pushimeve të verës.
Today’s AS front page
“The New Güler”
• The Turk has gained 10 kilos of muscle mass since arriving 2 years ago.
• He lives with a fitness coach, physiotherapist, and cook. pic.twitter.com/NWDysZ746u
Pas Guler janë dy sezone në të cilat ai ishte në prapavijë, pasi u pengua shumë nga dëmtimet e shpeshta. Në sezonin e parë, ai grumbulloi vetëm 440 minuta në fushë, por arriti të shënonte gjashtë gola, dhe në sezonin e mëparshëm luajti më shumë – 2,200 minuta, gjatë së cilës kohë shënoi gjashtë gola dhe dha 11 asistime.
Turku është i vetëdijshëm se sezoni i ardhshëm është më i rëndësishmi në karrierën e tij deri më tani dhe se duhet t’i imponohet trajnerit Xabi Alonso.
Guler luajti në Kampionatin Botëror për Klube të mbajtur së fundmi, ku Real Madridi u eliminua në gjysmëfinale, dhe ishte titullar në pesë ndeshje.
Krahasuar me fundin e sezonit të kaluar, Guler hyn në sezonin e ri tetë kilogramë më i rëndë, pasi tani peshon 70 kilogramë dhe e ka rikompozuar trupin e tij, i cili tani duket shumë më muskuloz.
Ndryshe, Real Madridi e nis sezonin e La Ligës më 19 gusht me një duel me Osasunën në stadiumin Santiago Bernabeu. /Telegrafi/
Real Madridi është rikthyer në stërvitje të hënën për të nisur përgatitjet për sezonin 2025/26. Por, vetëm dy ditë pas startit të fazës përgatitore, tifozët janë alarmuar nga pamjet e fundit të Arda Guler.
Mesfushori turk është parë duke u stërvitur me një fashë të madhe në kofshën e djathtë, duke ngritur dyshime për një lëndim të mundshëm. Në rrjetet sociale, reagimet nuk kanë munguar.
Një tifoz komentoi: “A është vërtet ai? Kanë kaluar vetëm dy ditë dhe ai është lënduar tashmë?”.
“Ka mbaruar tashmë ky për sezon”, shtoi një tjetër tifoz madrilen.
Komentoi një tjetër: “Shpresoj vërtet të mos jetë asgjë serioze. Na duhet që Arda të jetë 100 për qind në formë këtë sezon”.
Kujtojmë se Guler ka pasur probleme me lëndime që nga ardhja te Real Madridi dhe tifozët janë të shqetësuar që historia mund të përsëritet.
Sezoni i ri i La Ligës nis për Realin më 19 gusht, me një ndeshje në shtëpi kundër Osasunës, dhe të gjithë shpresojnë që Guler të jetë plotësisht i gatshëm për të dhënë kontributin e tij.
Mbetet për t’u parë nëse bëhet fjalë vetëm për një masë parandaluese apo për ndonjë shqetësim serioz fizik. /Telegrafi/
Real Madridi ka njoftuar zyrtarisht se për sezonin financiar 2024/2025 ka arritur një rekord të ri në të ardhura, me plot 1.185 miliardë euro të gjeneruara dhe një fitim neto prej 24 milionë eurosh pas taksave.
Këto rezultate theksojnë menaxhimin financiar të shkëlqyer të klubit të drejtuar nga Florentino Perez, duke shënuar një nga momentet më të forta ekonomikisht në historinë moderne të klubit.
Në mënyrë të veçantë, klubi ndan vetëm 43% të të ardhurave për pagat bruto dhe neto të skuadrës, shumë më poshtë pragut të rekomanduar prej 70 për qind nga UEFA.
Në fakt, kjo është përqindja më e ulët që nga sezoni 2009/2010, duke reflektuar kontrollin e rreptë të politikave të brendshme të pagave, pa ndikuar aspak në performancën e ekipit.
Mbappe dhe hierarkia e pagave
Lojtari më i paguar aktualisht te “Los Blancos” është Kylian Mbappe, i cili përfiton 31 milionë euro bruto në sezon (rreth 16 milionë euro neto). Në krahun tjetër të spektrit, Endrick Felipe, përforcimi i ri brazilian, përfiton mbi 4 milionë euro bruto (rreth 2 milionë neto), duke qenë lojtari më i lirë në aspektin financiar.
Në krahasim me vitin e kaluar, të ardhurat totale janë rritur me më shumë se 10 për qind, ndërsa përqindja e shpenzimeve për paga është ulur nga 47 për qind në 43 për qind. Klubi thekson se ky është një tregues i “përsosmërisë së brendshme financiare”, pasi të dy përqindjet janë nën kufirin optimal prej 50 .
Në repartin mbrojtës, David Alaba kryeson me një pagë prej 22.5 milionë euro bruto (11.25 milionë neto), i ndjekur nga portieri Thibaut Courtois me 15 milionë bruto (7 milionë neto). Rudiger dhe Militão ndajnë një pagë të ngjashme prej 14.5 milionë bruto (7.25 milionë neto), ndërsa Carvajal dhe Mendy marrin rreth 10.5 milionë bruto (5.25 milionë neto) secili.
Fran García (5.2 milionë bruto/2.6 neto) dhe Andriy Lunin (4.5 milionë bruto/2.25 neto) përmbyllin listën. Ndërkohë, Lucas Vazquez dhe Jesus Vallejo janë larguar, përkatësisht me paga prej 9.4 dhe 1.8 milionë euro bruto.
Mesfusha nën komandën e Bellingham
Jude Bellingham është lojtari më i paguar në mesfushë, me 20.8 milionë euro bruto (10.4 milionë neto), duke kaluar Fede Valverde që merr 16.7 milionë bruto (8.4 neto). Pas tyre renditen Tchouameni dhe Camavinga, me 12.5 milionë bruto (6.3 neto). Dani Ceballos dhe Arda Guler përfitojnë 10.4 dhe 5.2 milionë bruto përkatësisht, me paga neto që shkojnë në 5 dhe 2.6 milionë euro.
Veterani Luka Modric ka reduktuar ndjeshëm pagën pas rinovimit, duke marrë 10.5 milionë bruto sezonin e kaluar (afro 5 neto).
Në sulm, Mbappé mbetet i pakapshëm me 16 milionë euro neto në sezon, pa llogaritur bonuset e firmës. Vinicius Junior ka të njëjtën pagë si Bellingham – 20.8 milionë bruto (10.4 neto) – dhe synon një rinovim që ta vendosë në nivelin e francezit, megjithëse negociatat mbeten të ndërlikuara.
Rodrygo Goes përfiton 12.5 milionë bruto (6.25 milionë neto), ndërsa Brahim Diaz merr 7.3 milionë bruto (3.7 neto). Endrick Felipe përmbyll listën, por në horizont është edhe talenti Gonzalo García, i cili mund t’i bashkohet ekipit të parë pas paraqitjeve të shkëlqyera në Kupën e Botës për Klube. Klubi është në negociata për rinovimin e kontratës së tij, e cila skadon në vitin 2027 dhe përmban një klauzolë lirimi prej 50 milionë eurosh. /Telegrafi/
Ky është ekipi që Xabi Alonso ka në mendje për Real Madridin sezonin e ardhshëm, një projekt që synon shkathtësi dhe thellësi në çdo linjë. Vizioni i trajnerit është për një ekip të strukturuar, me profile të larmishme, alternativa për çdo pozicion dhe aftësinë për të modifikuar sistemin sipas nevojave të kundërshtarit ose momentit të ndeshjes.
Me nënshkrimet e siguruara tashmë dhe të tjera që ende nuk janë finalizuar, bordi i Real Madridit po zbaton planin e hartuar për të forcuar çdo sektor të fushës.
Mbrojtja do të jetë gurthemeli i Real Madridit të ri, me një mbrojtje me tre lojtarë që do të ofrojë siguri dhe priza të pastra nga mbrojtja. Dean Huijsen dhe Antonio Rudiger do të alternohen në të majtë, ndërsa Aurelien Tchouameni dhe Eder Militao do të ndajnë rolin e qendrës, me Ibrahima Konate – një nga kërkesat e Xabit – që do t’i bashkohet krahut të djathtë. Si zëvendësues, shfaqet Asencio, duke siguruar thellësi në atë pozicion.
Mbrojtësit e krahut do të jenë dinamikë, me Alvaro Carreras dhe Ferland Mendy në të majtë, ndërsa Trent Alexander-Arnold do të konkurrojë me Dani Carvajal në të djathtë. Të dy krahët do të jenë kyç si në mbrojtje ashtu edhe në sulm.
Një mesfushë e re te Real Madridi?
Në mesfushë, Xabi Alonso planifikon të vendosë Enzo Fernandezin, objektivin e tij kryesor për këtë verë, si forcën organizuese përpara mbrojtjes. Krahas tij, Federico Valverde dhe Arda Guler do të sigurojnë ekuilibër dhe fuqi sulmuese nga linja e dytë. Kjo strukturë do të lejojë një mesfushë sulmuese të dyfishtë me Jude Bellingham dhe Franco Mastantuono, ky i fundit një lojtar i ri me perspektivë të sapo nënshkruar që premton talent dhe qetësi në linjën e treçerekëve.
Në sulm, Kylian Mbappe do të jetë përgjegjës për pozicionin e sulmuesit qendror, me Gonzalo dhe Endrick si zëvendësues. Në krahë, Vinicius Jr. do të fillojë i padiskutueshëm në të majtë, me pritjet për të shtuar një tjetër sulmues anësor për të cilin do të ndahen rreth 50 milionë euro. Ky lojtar do të jetë çelësi për të ruajtur konkurrencën e brendshme dhe për të ofruar opsione sulmuese.
Real Madridi po mendon edhe për largime
Para finalizimit të këtyre nënshkrimeve, klubi synon të lirojë hapësirë me disa largime të rëndësishme. Dani Ceballos, Brahim Diaz, Rodrygo Goes, Fran Garcia, David Alaba, dhe madje edhe Eduardo Camavinga janë në listën e transferimeve. Shitjet, përveç gjenerimit të të ardhurave, do të lirojnë pagat dhe do t’u hapin rrugë përforcimeve që trajneri ka kërkuar.
Kjo do të krijonte një skuadër të ekuilibruar, të thellë dhe taktikisht fleksibile, të gatshme për t’u përballur me sezonin sfidues të ardhshëm me qëllimin për të garuar për të gjithë titujt. /Telegrafi/
Login
