Kur kosovarët e diasporës kthehen në vendlindje për pushime, ata gjejnë kënaqësi në kohën e kaluar me familjarët, por gjithashtu shprehin shqetësime për kushtet e jetesës në Kosovë, veçanërisht për çmimet e larta dhe të ardhurat jo të kënaqshme.
Megjithatë, mërgimtarët ua qajnë hallin atyre që jetojnë në Kosovë, për shkak të kushteve të jetës, të cilat lidhen me të ardhura jo të kënaqshme, e çmime të zorshme.
Qytetari Ajet Jonuzaj shprehu shqetësime për çmimet, të cilat sipas tij janë më të shtrenjta se vitet e kaluara.
“Dy javë… çmimet shumë ma të shtrenjta se vitet e kaluara… jo nuk janë të përballueshme çmimet e qytetarëve që jetojnë në Kosovë.”, tha:Jonuzaj.
Edhe Shpejtim Klinaku thotë se kaloi mirë, pasi bëri shumë vizita e shëtitje, por edhe këtij i vjen keq për situatën ekonomike në vendlindje.
“3 javë jemi kon te familja jem, gruja te familja e vet, kemi dalë, kemi shëtit, ma mirë se në Kosovë nuk ka kërkun… vallahin te çmimet veç gruja se une s’e di, ka ndryshime diçka pak, ama mendimi jem janë shumë këtu në Kosovë, çfarë rrogash i kanë, çmimet janë shumë të shtrenjta, domethënë sipas jush nuk janë çmimet e përballueshme për qytetarët? Ashtu është… pozitive mendimi jem është se përpara kur kemi ardhë këtu jemi marrë shumë me dokumente, me letërnjoftime të shkijeve, mendimi jem tash është mirë se veç ia jep letërnjoftimin, del, hyn edhe pa kurrfarë problemi, qajo është më e mira për neve… s’ka kurrfarë shqetësimi kur të vish në Kosovë s’ka as Amerikë as Dubai.”,theksoi:Klinaku.
Mira Hajdari dhe bashkëshorti i saj kaluan 10 ditë të pushimeve për festat e fundvitit në Kosovë. Ata përjetuan momente të mira, por thonë se vërejtën edhe ndryshime.
“10 ditë kemi qëndru… ka ndryshime, mua më duket personalisht kur vi për pushime, ndryshimet janë shumë të mëdha… për mu jo, për këta këtu në Kosovë është shumë zor… me 350 euro është shumë vështirë me ja dal… më e mira e këtuhit është se ka gjallni, shumë mirë është; shqetësuese është trafiku… veç, mundohem disi sikur me kon të huj, veç nuk vi mo kurr, qato e bojm me vje shumë keq”, shprehen ata për KP.
Banka Qendrore e Kosovës ka bërë të ditur se gjatë tetë muajve të parë të vitit 2025, në Kosovë kanë hyrë mbi 928 milionë euro si remitenca nga diaspora.
A e keni vënë re se edhe pse mund të merrni më shumë para, në fund të muajit ato ju dalin gjithmonë e më pak?!
Rritja e çmimeve të ushqimeve dhe qirave po zbeh vlerën reale të të ardhurave, sidomos nga pagat.
Të dhënat e INSTAT treguan se në tremujorin e tretë paga reale mesatare bruto ishte 69,630 lekë ose 16,4 për qind më e ulët se paga mesatare nominale prej 83,300 lekësh në të njëjtën periudhe.
Paga reale për shkak te efekteve inflacionit është 140 euro më ulët se paga nominale në qershor-shtator 2025.
Paga reale mesatare mujore bruto është indeksuar me inflacionin (2020=100) nga INSTAT. Kjo do të thotë se me rreth 83 mijë lekë, një shqiptar blen sot të njëjtat mallra që në vitin 2020 i blinte me rreth 70 mijë lekë.
Paga nominale mesatare mujore bruto në Shqipëri nga viti 2014 në 2025 është rritur ndjeshëm, po nuk është shoqëruar në të njëjtën masë me përmirësim të fuqisë reale blerëse te të punësuarve, përkundrazi.
Pagat nominale dhe ajo reale kishin diferenca të balancuara para pandemisë, por më pas hendeku erdhi në zgjerim nga rritja e çmimeve, sidomos në qira dhe ushqime.
Paga nominale u rrit ndjeshëm, nga rreth 60 mijë lekë në vitin 2022 në mbi 83 mijë lekë në vitin 2024 dhe fillim 2025. Megjithatë, paga reale rritet shumë më ngadalë dhe në disa tremujorë madje shënon rënie krahasuar me ritmin e pagës nominale.
Raporti i pagës reale ndaj pagës nominale bie në mënyrë të vazhdueshme, duke zbritur nga rreth 94% në fillim të vitit 2022 në rreth 83–83% në vitet 2024–2025.
Kjo tregon se një pjesë gjithnjë e më e madhe e rritjes së pagave po gërryhet nga inflacioni.
Ndonëse punonjësit marrin paga nominalisht shumë më të larta sot krahasuar me një dekadë më parë, por fuqia reale blerëse e këtyre pagave është përkeqësuar ndjeshëm në vitet e fundit.
Pagat më larta nuk kanë arritur të kompensojë rritjen e çmimeve, duke bërë që përfitimi real për të punësuarit të jetë më i ulët sesa sugjeron rritja nominale e të ardhurave.
Diferenca ndërmjet pagës reale dhe asaj nominale po thellohet për shkak se rritja e tyre nuk erdhi nga produktiviteti në ekonomi, por nga presionet e fuqisë punëtore. Rritja e pagave me vendime e stimuloi edhe me shume rritjen e çmimeve duke e ulur në vërtetë vlerën reale të pagave./ Monitor
Kryetari i shoqatës “Konsumatori”, Selatin Kaçaniku, është shprehur se qytetari konsumator nuk është njohur si sovran, taksapagues dhe faktor i rëndësishëm në vendimmarrje, por i diskriminuar dhe i anashkaluar. Krahas rritjes së çmimit në produktet esenciale, qytetarët kërkojnë edhe rrijte të pagës.
“Edhe ky vit ka qenë shumë i vështirë për arsye se ka pasur shumë lëvizje të çmimeve. Për fat të keq, shumica e çmimeve kanë lëvizur nga lart dhe fati edhe më i keq është se as sivjet, as kjo legjislaturë qeveritare nuk e ka njohur konsumatorin e Kosovës, nuk e ka njohur as si sovran, as si elektoral, as si konsumator, as si taksapagues ligjërues të buxhetit të Republikës së Kosovës. Të gjitha këto mosnjohje dëshmojnë se qytetari konsumator nuk është njohur dhe nuk i njihet e drejta demokratike e njeriut, as e njeriut qytetar konsumator dhe këto janë elemente shumë indinjuese dhe qytetari konsumator po ndihet shumë i shkelur, shumë i diskriminuar dhe i indinjuar", tha Kaçaniku në një intervistë për Ekonomia Online.
Sipas tij, pandemia, luftërat dhe mungesa e kapaciteteve qeverisëse kanë ndikuar në rritjen e çmimeve dhe në mosbashkëpunim me shoqërinë civile.
“Mendoj që pesë vjeçari ka shumë pak dallim, sepse me fillimin e pandemisë kanë filluar të shtohen telashet, sepse COVID-i ka ardhur si problem kombëtar, si problem i tregut global. Pastaj filluan edhe luftërat, duke filluar nga Ukraina dhe të tjerat. Të gjitha këto ngjarje sikur e hoqën nga takti edhe menaxhmentin diplomatik e politik dhe ne, në një klasë politike dhe qeverisëse të njomë, si shtet i njomë, si duket nuk patëm kapacitet të mjaftueshëm dhe jemi këtu ku jemi, të mosnjohur dhe pak të interesuar që në bashkëpunim me qeverinë ta japim kontributin tonë”, u shpreh ai.
Qytetarët kërkojnë që rritja e çmimeve të shoqërohet me rritje të pagave dhe pensioneve, ndërsa shprehin shqetësim për rritjen e energjisë elektrike dhe barrën që, sipas tyre, po bie mbi shtresat e varfra.
Qytetari që nuk deshi të prononcohet me emër tha se me rritjen e çmimeve duhet të rriten edhe pagat dhe pensionet.
“Si janë rritur çmimet, t’i rrisin edhe pagat edhe pensionet dhe të gjitha. Si shkojnë çmimet, shkojnë pagat. Energjia elektrike nuk bën me u ngrit, sepse më shumë e prodhon Kosova. Dikush nga ata që kanë mundësi e paguajnë, ndërsa këta milionerët paguajnë si të dojnë, ka gjasa që nuk paguajnë fare, e paguajnë të varfrit.”
Kurse Ilir Binaka kërkon më shumë reflektim dhe ndërhyrje nga qeveria për të ndalur rritjen e çmimeve.
Ai tregon raste të abuzimit, ku produktet shiten më lirë për shkak se janë të skaduara, duke dëmtuar drejtpërdrejt konsumatorin.
“Duhet më shumë me reflektuar edhe qeveria, edhe pse konsiderohet centralizim qeveria për ta ndaluar rritjen e çmimeve. Shkova e mora një produkt i cili kishte rënë prej 15 euro në gjashtë euro, por shkova në banesë e pashë që i kishte skaduar afati. U interesova te ai produkt dhe e pashë përsëri produktin e skaduar dhe këtu e pëson konsumatori. Nuk është vetëm ky rast dhe këtu duhet me pasur dorë shteti dhe jo me u arsyetuar. Ka rritje të çmimeve, ka lojëra të çmimeve”, shprehet Binaka.
Ndërsa qytetari Izet Zhitia theksoi se kjo rritje po e ul mirëqenien familjare dhe çmimet mund të bien vetëm në kushte stabiliteti global.
“Ne nuk mundemi me u nda prej botës, po e shihni se çka po bëhet, luftëra gjithandej. Çmimet janë të parat që reagojnë, edhe biznesi edhe njerëzit. Biznesi reagon duke i rritur çmimet, konsumatorët janë të pakënaqur sepse rritja e çmimeve ia zvogëlon buxhetin, mirëqenien sociale në familjen e vet. Çmimet vetëm në situatën kur është qetësia botërore mund të ulen”, përfundoi Zhitia.
Fundviti është një periudhë me rëndësi të veçantë për familjet shqiptare, e cila tradicionalisht shoqërohet me festa dhe grumbullime.
Një nga elementët më të rëndësishëm të kësaj feste është tryeza e Vitit të Ri, e cila natyrisht ka edhe koston e saj.
Gazetari Mario Brakaj bëri një përllogaritje në “Puls” nga Bruna Çifligu në A2 CNN të faturës për një darkë të Vitit të Ri me të gjithë produktet bazë, që zakonisht nuk mungojnë në tryezat shqiptare.
“Tradicionalisht, gjeli i detit nuk mungon në tryezat shqiptare. Ne kemi marrë si referencë një gjel deti rreth 5 kilogramë, me çmim mesatar 1200 lekë të vjetra për kilogram, duke iu referuar tregut të Tiranës.
Në total, gjeli i detit kushton rreth 60 000 lekë të vjetra apo rreth 60 euro. Për pijet alkoolike, kemi përllogaritur dy shishe verë ose pije shoqëruese, me një kosto totale rreth 32 000 lekë të vjetra apo 3.20 euro. Bakllavaja, rreth 2–3 kilogramë, e blerë e gatshme, kushton mesatarisht 19 000 lekë të vjetra apo rreth 20 euro.
Nëse do të përgatitej në shtëpi, kostoja mund të ishte disi më e ulët, por gjithsesi rreth kësaj shifre do të vërtitej”, thotë Brakaj.
“Më tej kemi antipastat, gjalpin, mishin e viçit apo qengjit si alternativë, sallatën ruse, panetonen, frutat, perimet, zarzavatet, bukën, e cila edhe pse mund të duket e tepërt për darkën festive, nuk mungon. Djathin, arrat, ullinjtë, miellin, vezët, qumështin, si dhe koston e energjisë elektrike. Vetëm për gatimin, soba qëndron e ndezur pothuajse gjithë ditën dhe kjo përkthehet në rreth 500 lekë të reja shpenzim energjie. Në total, kostoja e një darke fundviti arrin rreth 250.000 lekë të vjetra”.
Sipas Brakajt, krahasuar me vitin 2024, ka një rritje të ndjeshme çmimesh, veçanërisht për mishin, si pasojë e braktisjes së blegtorisë dhe rritjes së importeve. “Kur çmimet rriten jashtë, ato reflektohen edhe më fort në tregun vendas. Mishi, djathi, vaji dhe produktet e tjera bazë janë më të shtrenjta këtë vit. Sipas të dhënave të INSTAT, një familje me tre anëtarë ka të ardhura mesatare mujore rreth 93.042 lekë të reja. Ndërkohë, darka e fundvitit kushton rreth 24.940 lekë të reja, që do të thotë se zë 26.8% të të ardhurave mujore. Pra, më shumë se një e katërta e buxhetit familjar shkon vetëm për një darkë”, tha ai.
“Për pensionistët, barra është edhe më e rëndë. Një çift pensionistësh me të ardhura mujore rreth 39.200 lekë të reja, duhet të shpenzojë rreth 63.6% të të ardhurave për tryezën e fundvitit. Shumë prej tyre e pohojnë se pa ndihmën e fëmijëve apo familjarëve, kjo darkë do të ishte e pamundur”.
Përveç ushqimeve, një tjetër element i rëndësishëm janë dhuratat.
“Gjatë festave dhuratat janë kthyer në traditë. Më të shpeshtat janë produktet kozmetike dhe parfumet, me çmime që variojnë nga 20 000 deri në 100 000 lekë të vjetra. Aksesorët dhe bizhuteritë nisin nga 15 000 deri në 80 000 lekë të vjetra, ndërsa ari ka çmime shumë më të larta. Lodrat për fëmijë kushtojnë nga 5000 deri në 50 000 lekë të vjetra. Pajisjet elektronike, si kufje, tabletë apo telefona, variojnë nga 50 000 deri në 500 000 lekë. Librat janë më ekonomikë, me çmime nga 500 deri në 5000 lekë të vjetra”, tha ai.
Vetëm pak ditë para Natës së Ndërrimit të Viteve, çmimet e produkteve ushqimore, blegtorale dhe fruta-perimeve kanë njohur rritje të ndjeshme, duke e bërë gjithnjë e më të vështirë për familjet përgatitjen e tryezës festive. Në tregjet fshatare dhe ato qytetare në të gjithë qarkun e Beratit, vihet re rritje e çmimeve pothuajse për çdo […]
Si shumë familje, edhe ajo e Artan Dubovës që jeton në Prishtinë mezi po arrin të ia dal me çmimet e produkteve esenciale. 45 vjeçari thotë se nuk janë të rralla netët kur detyrohen të flenë pa ngrënë.
Ai thotë për emisionin ekonomik `Shtylla` të realizuar nga KosovaPress, se rritja e çmimeve po i shtyn drejt kufijve të mbijetesës.
Dubrova shton se nuk ka as mjete për ngrohje dhe se mishi është bërë luks për të, duke kërkuar rritje të ndihmave sociale nga shteti.
Hallin e rritjes së çmimeve e kanë thuajse të gjithë. Dikush më shumë e dikush më pak ankohen se me këtë situatë nuk po arrijnë të ia dalin.
Qytetari nga Prishtina shprehet se situata ekonomike aktuale është më e vështira që ka përjetuar ndonjëherë. Sipas tij, shumica e familjeve po përballen me vështirësi serioze, përjashtuar zyrtarët e lartë shtetërorë, të cilët, siç thotë ai, nuk e njohin realitetin e varfërisë.
Një pensioniste shprehet se me pensionin prej 230 eurosh në muaj nuk po arrin të përballojë shpenzimet jetësore dhe se është e detyruar të kërkojë ndihmë tek shoqet e saja për t’ia dalë.
E ky nuk është vetëm perceptim i qytetarëve. Në indeksin e harmonizuar të çmimeve të konsumit të Kosovës, vërehet dukshëm një rritje për periudhën 2024-2025. Inflacioni vjetor për periudhën janar - nëntor 2025 është 5.3 për qind. Ndërsa, për vitin 2024, 1.6 përqind, në vitin 2023 4.9 përqind. Madje, njohësi i ekonomisë, Ilir Hajdini thotë se rritja është edhe më e madhe se që raportohet nga institucionet. Sipas tij, shtrenjtimi i rrymës ka pasur ndikimin më të madh.
Sipas tij, shtrenjtimi i energjisë elektrike dhe importi i madh i mallrave kanë pasur ndikimin kryesor në rritjen e inflacionit të përgjithshëm në vend, duke reflektuar drejtpërdrejt në përvojën e përditshme të qytetarëve.
Kryetari i Shoqatës së Konsumatorit, Selatin Kaçaniku thotë për KosovaPress, se rritje reale të çmimeve ka, ndërsa zbritjet nuk vërehen. Ai thekson se çdo lëvizje në treg rëndon mbi konsumatorin, i cili njëkohësisht është edhe taksapagues. Sipas Kaçanikut, shtresa që dikur konsiderohej e varfër tashmë ka falimentuar, ndërsa shtresa e mesme po mbijeton prej kohësh përmes kredive, çka sipas tij dëshmon mungesë të politikave dhe programeve serioze për mbrojtjen e konsumatorit nga ana e qeverive.
Agjencia e Statistika të Kosovës ka dërguar edhe një raport me çmimet e produkteve esenciale gjatë vitit 2024 dhe periudhës janar-tetor 2025.
Në këtë raport 1 kg oriz në vitin 2024 ka kushtuar 1.68 euro, në tetor 1.77. Mielli në 2024 ishte 0.81 Cent, ndërsa në tetor 0.84 cent, buka 500 gr në 2024 0.52 cent, në tetor 0.84, mish pule në 2024 ka qenë 4.08 euro një kilogram, në tetor 4.64 euro.
Ndërsa një litër qumësht në vitin 2024 ka qenë 1.21 euro, në tetor 1.25 euro, një litër jogurt një vië parë ka qenë 1.19 euro, në tetor 1.25 euro, po ashtu 30 copë vezë në 2024 kanë kushtuar 2.88 euro, në tetor ka arrit 3.82 euro, gjithashtu një litër vaj në 2024 ka qenë 1.47 euro, në tetor arriti 1.66 euro.
Gjithashtu sipas ASK-së, 1 kg sheqer më 2024 ka qenë 1.23 euro, në tetor të 2025 ka shënuar një rënie prej 1.19. Kurse, 1 kg kafe e bluar një vit më parë ka qenë 13.08 euro, në tetor ka arrit 15.62 euro, çaji 9.27, në tetor 9.45 euro, uji 1.5 litër 0.37 në 2024, në tetor 0.39 euro.
Ndërsa energjia elektrike (pa kosto fikse), 1 kwh në 2024 ishte 0.07 cent, ndërsa në tetor të 2025 0.08.
Sipas Agjencisë së Statistikave të Kosovës, çmimet e konsumit në një mesatare në nëntor shënuan rritje prej 5. 3 për qind krahasuar me periudhën e njëjtë të vitit të kaluar. Krahas të ardhurave mujore në Kosovë, sipas ASK-së, pensioni bazik në vendin tonë është 150 euro tani, paga minimale aktuliasht është 350 euro bruto dhe paga mesatare 639 euro për vitin 2024./KP/
Çmimet e qirave dhe ushqimeve në rritje ishin përbërësit kryesorë të inflacionit në muajin nëntor, i cili ishte 2.1% sipas të dhënave zyrtare të INSTAT.
Rritja vjetore e çmimeve në muajin nëntor është ndikuar kryesisht nga grupi “Qira, ujë, lëndë djegëse dhe energji” me +0,81 pikë përqindje, pasuar nga grupi “Ushqime dhe pije joalkoolike” me +0,51 pikë përqindje.
Gjithashtu, çmimet e grupit “Mobilie, pajisje shtëpie dhe mirëmbajtje e shtëpisë” ndikuan me +0,21 pikë përqindje, çmimet e grupit “Pije alkoolike dhe duhan” me +0,14 pikë përqindje, çmimet e grupit “Hotele, kafene dhe restorante” me +0,13 pikë përqindje, çmimet e grupit “Mallra dhe shërbime të ndryshme” me +0,09 pikë përqindje, çmimet e grupit “Shërbimi arsimor” me +0,07 pikë përqindje, çmimet e grupit “Argëtim dhe kulturë” me +0,06 pikë përqindje, çmimet e grupit “Transporti” me +0,05 pikë përqindje, çmimet e grupit “Komunikimi” me +0,04 pikë përqindje, çmimet e grupeve “Veshje dhe këpucë” dhe “Shëndeti” me +0,02 pikë përqindje secili.
Krahasuar me muajin nëntor 2024, rritja më e madhe e çmimeve vërehet në grupin “Qira, ujë, lëndë djegëse dhe energji” me 4,0%, pasuar nga grupet “Pije alkoolike dhe duhan” me 2,9%, “Mobilje, pajisje shtëpie dhe mirëmbajtje e shtëpisë” me 2,8%, “Argëtim dhe kulturë” me 2,6%, “Hotele, kafene dhe restorante” me 2,3%, Shërbimi arsimor” me 1,9%, “Mallra dhe shërbime të ndryshme” me 1,6%, “Ushqime dhe pije joalkoolike” me 1,5%, “Komunikimi” me 1,3%, “Transporti” me 0,8%, “Veshje dhe këpucë” dhe “Shëndeti” me 0,6% secili.
Brenda grupit të ushqimeve çmimet e nëngrupit “Qumësht, djathë dhe vezë” patën një rritje me 4,9%, pasuar nga nëngrupet “Vajra dhe yndyrna” me 4,6%, “Peshk” me 3,3%, “Mish” me 2,9%, etj.
Krahasuar me muajin Tetor 2025, çmimet e grupit “Argëtim dhe kulturë” u ulën me 0,8%, pasuar nga grupet “Veshje dhe këpucë” me 0,5%, “Ushqime dhe pije joalkoolike” me 0,4 %, “Transporti” me 0,2 %.
Nga ana tjetër çmimet e grupeve “Komunikimi” dhe “Mobilje, pajisje shtëpie dhe mirëmbajtje e shtëpisë” me 0,1% secili./Monitor
Në muajin tetor inflacioni bazë u rrit përsëri dhe arriti nivelin më të lartë në dy vitet e fundit. Sipas të dhënave nga Banka e Shqipërisë, inflacioni bazë u rrit në 3.13%, nga 3.07% që kishte qenë për shtatorin.
Gjithashtu, inflacioni bazë ka thelluar rritjen me bazë vjetore. Në tetorin e vitit të kaluar, inflacioni bazë kishte qenë në nivelin 2.19%.
Nënshporta që mat inflacionin bazë llogaritet mbi një grup produktesh dhe shërbimesh që përbëjnë 69.6% të totalit të shportës së Indeksit të Çmimeve të Konsumit.
Inflacioni bazë përjashton kryesisht ato produkte që kanë luhatshmëri të lartë, produktet ushqimore dhe ato energjetike dhe ka si qëllim kryesor ta zhveshë rritjen e përgjithshme të çmimeve nga luhatjet me natyrë më afatshkurtër.
Paralelisht me inflacionin bazë, edhe inflacioni bazë neto për tetorin u rrit në 3.5%, nga 3.4% që kishte qenë për shtatorin dhe ngelet gjithashtu në rritje krahasuar me nivelin prej 2% të një viti më parë.
Inflacioni bazë neto përjashton më tej nga inflacioni edhe nëngrupet e ushqimeve të përpunuara (përfshirë bukën dhe drithërat) dhe matet mbi 44.6% të shoqërisë së IÇK-së.
Ndërkohë, inflacioni që përjashton të gjitha produktet ushqimore dhe energjetike për muajin tetor u rrit në 3.36%, nga 3.28% që kishte qenë në muajin shtator.
Sipas INSTAT, inflacioni total në ekonomi, i matur për të gjithë shportën e mallrave dhe shërbimeve të konsumit për tetorin ra në 2.3%, nga 2.4% që kishte qenë për muajin shtator, por në rritje nga niveli prej 1.9% që kishte qenë një vit më parë.
Në raportin e politikës monetare për tremujorin e katërt të vitit, Banka e Shqipërisë vlerëson se presionet e brendshme inflacioniste janë forcuar, në pasqyrim të zgjerimit të aktivitetit ekonomik, kushteve të shtrënguara në tregun e punës, si dhe rritjes së çmimit të qirave.
Analiza e inflacionit sipas kategorive kryesore të shportës tregoi se çmimet e komponentëve më të qëndrueshëm të inflacionit ku përfshihen shërbimet, strehimi dhe mallrat e konsumit afatgjatë ishin kontribuuesit kryesore në formimin dhe rritjen e inflacionit total në tremujorin e tretë.
Në veçanti, kategoria e strehim-qirasë përjetoi një zgjerim të inflacioni dhe të kontributit përkatës në inflacionin total.
Inflacioni mesatar i kësaj kategorie arriti në 5.8% gjatë tremujorit të tretë, duke qenë rreth trefishi i mesatares së 12 muajve paraardhës dhe rreth 2.5 herë më i lartë se mesatarja e periudhës qershor 2021- qershor 2025.
Kontributi i kësaj kategorie në inflacionin total u rrit në 0.8 pikë përqindjeje, nga 0.3 pikë përqindjeje mesatarisht për 12 muajt paraardhës.
Rritje graduale të inflacionit u shënuan edhe në nëngrupet e shërbimeve të lidhura kryesisht me turizmin, si ato të hotele-restorante-kafene, por edhe të shërbimeve të mirëmbajtjes së shtëpisë, arsimit, në pasqyrim të rritjes së kërkesës dhe të kostove të punës në sektorët e tjerë të shërbimeve etj.
Në të kundërt, presionet inflacioniste nga jashtë mbeten të dobëta, të kushtëzuara nga çmimet e ulëta të lëndëve bazë në tregjet ndërkombëtare dhe nga mbiçmimi i kursit të këmbimit të Lekut.
Kjo duket të jetë arsyeja kryesore pse inflacioni në total ngelet ende poshtë objektivit, pavarësisht forcimit të presioneve për rritjen e çmimeve nga ekonomia e brendshme./ Monitor
Nënkryetari i Aleancës për Ardhmërinë e Kosovës, Besnik Tahiri, ka reaguar ashpër ndaj rritjes së vazhdueshme të çmimeve të produkteve esenciale, duke e cilësuar situatën si të papranueshme dhe dëshmi të një menaxhimi të dobët qeveritar.
Tahiri ka theksuar se çmimet e produkteve bazike, përfshirë qumështin, produktet e qumështit, frutat dhe artikuj të tjerë ushqimorë, janë rritur në mënyrë drastike dhe shpesh janë më të larta sesa në vendet më të zhvilluara të Evropës, si Zvicra, Gjermania, Italia apo Franca.
“Çfarë është tu ndodh kështu? Çdo ditë po shtrenjtohen çmimet, janë shku në hava. Si është e mundur që produktet elementare në Kosovë të kushtojnë më shumë se në vendet me standard shumë më të lartë?”, ka deklaruar Tahiri.
Ai ka theksuar se ndërkohë që qytetarët përballen me rritje të pandalshme të kostos së jetesës, pagat vazhdojnë të mbeten të ulëta dhe të papërditësuara.
“Në Kosovë, me këtë qeveri, duket se të vetmet gjëra të lira kanë mbetur pagat. Pesë vjet me radhë – vetëm fjalë, përralla e premtime, pa asnjë rezultat konkret për ekonominë e qytetarëve”, ka shtuar ai. /Telegrafi/
Rritja e çmimeve të vezëve dhe produkteve ushqimore po rëndon gjithnjë e më shumë gjendjen ekonomike të familjeve në Kosovë.
Qytetarët thonë se përballen çdo ditë me çmime të larta, ndërsa të ardhurat nuk po rriten, gjë që po e vështirëson jetesën në mënyrë të vazhdueshme.
Sipas tyre, vezët dhe produktet bazike janë ushqime të domosdoshme për çdo familje, ndaj shtrenjtimi i tyre po krijon presion të madh ekonomik.
Ata tregojnë se çmimet janë ngritur dukshëm, madje deri në 30 për qind, ndërkohë që rrogat dhe pensionet vazhdojnë të mbeten të pamjaftueshme për të përballuar këtë kosto shtesë.
Qytetari ka thënë se rritja e çmimeve të vezëve dhe produkteve të tjera ushqimore po ndikon drejtpërdrejt në familjet në Kosovë, veçanërisht në zonat rurale.
Ai theksoi se vezët janë pjesë e përditshme e mëngjesit në shumicën e familjeve shqiptare, ndaj rritja e çmimit të tyre po e rëndon edhe më shumë gjendjen ekonomike.
“Po çmimet qenkan ngritur shumë lartë, unë jetoj në fshat. ... Ndikon tek çdo familje ndikon me të madhe sepse mëngjesin gjithmonë shqiptarët e përgatitin me vezë sepse jemi popull i varfër një pjesë e madhe e këtij populli. Ndërsa tani ka ndikim edhe politika, kjo politik për 6 vite nuk është në rregull me ekonominë dhe tregtinë dhe biznese dhe të gjitha që do të thotë kjo qeveri që është tash duhet të shkoj urgjentisht të rinohet ky popull dhe kjo politik”, tha ai.
Qytetari Tafir Gashi theksoi se rritja e çmimeve të produkteve ushqimore, përfshirë edhe vezët, po i rëndon dukshëm qytetarët. Ai tha se megjithatë njerëzit detyrohen t’i blejnë, pasi janë produkte të domosdoshme për çdo familje.
“Po si jo, kjo rritje ndikon shumë, produktet janë të shtrenjta shumë të gjitha ushqimoret. Të rriten rrogat, të rriten penezit dhe çmimet të jenë më të ulëta dhe rrogat të jenë më të larta. .. Duhet të blejmë si jo nuk kemi qare pa blerë, duhet të blejmë vezë, mirëpo shumë shtrenjtë”, u shpreh ai.
Sabit Makolli ka deklaruar se nuk është vërejtur asnjë përmirësim në çmimet e produkteve bazë, përkundrazi vetëm rritje. Ai theksoi se shtrenjtimi ka arritur deri në 30 për qind, gjë që po e vështirëson jetesën e qytetarëve.
Sipas tij, artikujt ushqimorë të përditshëm janë të domosdoshëm dhe qytetarët nuk kanë ku të drejtohen tjetër, pavarësisht rritjes së çmimeve.
“Jo nuk kemi vërejtur ndryshim vetëm rritje, shtrenjtimi ishte 30%. Nuk ke se nga të shkosh duhet të ushqehemi sepse kot janë artikujt ditore. Shumë po ndikon sidomos tek pensionistet që janë më të ardhura të vogla por edhe të mëdha për të gjithë është kjo keq. Të ndryshohen të ulen çmimet të rriten pensionet pagat”, theksoi ai
Qytetari Avdyl Kuleta deklaroi se rritja e çmimeve po ndikon dukshëm te qytetarët, por sipas tij, ata nuk kanë çfarë të bëjnë përveçse t’i përballojnë këto ndryshime.
“Kjo ndikon por nuk kemi se çfarë të bëjmë, kisha dashur të formohej qeveria së pari dhe të rriten rrogat, çmimet janë rritur dhe rrogat duhet të rriten", shtoi ai.
Sipas Agjencisë së Statistikave të Kosovës (ASK), në mars 2025 nënkategoria “qumësht, djathë dhe vezë” ka shënuar një rritje prej 7,1 % në krahasim me mars 2024.
Sipas buletinit Ekonomik, kompleti prej 30 vezëve ka arritur çmimin prej 4,20 euro, por në disa markete të Prishtinës çmimi arrin në4,89 euro.
Çmimi i vezëve është ngritur edhe në Maqedoni të veriut, duke u bërë kështu 0.20 cent një vezë./KP/
Deputeti i PDK-së, Ferat Shala ka ngritur shqetësimin për rritjen e varësisë së Kosovës nga importi i energjisë elektrike, duke theksuar se kostoja financiare po bie mbi qytetarët.
Sipas tij, Kosovës i është rritur ndjeshëm fatura e importit gjatë viteve të fundit.
“Nga viti 2019 deri në vitin 2025, Kosova ka parë një rritje të madhe të varësisë nga importi i energjisë elektrike. Shpenzimet për import janë rritur nga rreth 50 milionë euro në vitin 2019, në mbi 168 milionë euro në vitin 2024”, ka shkruar Shala në një postim në Facebook.
Edhe sasia e energjisë së blerë nga jashtë, sipas tij është rritur në mënyrë serioze.
“Sasia e energjisë së importuar është rritur nga 890 mijë MËh në vitin 2019 në mbi 1.3 milionë MËh në vitin 2024”, ka shkruar deputeti.
Shala fajëson performancën e dobët të prodhimit vendor, veçanërisht termocentralet e KEK-ut.
“Këto shifra janë pasojë e performancës së dobët të prodhimit vendor, sidomos të termocentraleve të KEK-ut, të cilat vazhdimisht përballen me rënie të njësive, riparime të stërzgjatura dhe efikasitet të ulët”, u shpreh ai.
Deputeti ka theksuar se çdo mungesë në prodhim po mbulohet me import, shpesh me çmime të larta dhe se më fund pasojat i bart qytetari.
“Çdo mungesë në prodhim duhet mbuluar me import, duke krijuar hapësirë për përfitime të ndërmjetësve dhe tregtarëve. Barrën e paguajnë qytetarët, përmes rritjes së tarifave të aprovuara nga ZRRE”, ka theksuar Shala.
Shala e quan këtë situatë rezultat të keqqeverisjes aktuale dhe thotë se kërkohen masa urgjente.
“Kjo krizë e krijuar nga keqqeverisja aktuale e bën më të domosdoshme se kurrë investimet e qëndrueshme në kapacitete të reja prodhuese dhe përmirësimin e menaxhimit në KEK. Sa më shpejt të largohet nga pushteti ky mentalitet që bllokon zhvillimin e projekteve të reja, aq më shpejt qytetarët do të kenë çmime të përballueshme dhe furnizim të qëndrueshëm”, ka shkruar deputeti i PDK-së. /Telegrafi/
Megjithëse çmimet po shënojnë rritje, për momentin qeveria nuk parashikon masa të reja për frenimin e shtrenjtimeve.
Ministri i Ekonomisë, Besar Durmishi, vlerëson se me trendin aktual të inflacionit nuk ka nevojë për ngrirje apo kufizim të marzheve tregtare. Megjithatë, ai nuk përjashton mundësinë e ndërhyrjes nëse çmimet rriten gjatë periudhës para festave, veçanërisht për produktet që tradicionalisht shtrenjtohen në atë kohë.
“Për momentin nuk shoh asnjë arsye për të marrë vendim për ngrirjen ose kufizimin e marzhës bruto të fitimit në tregtinë me shumicë ose pakicë në 10%, siç bëmë vitin e kaluar. Ne i analizojmë çdo javë çmimet, nëse ato rriten nga tregtarët, sidomos gjatë periudhave të festave, duke ditur se cilat produkte konsumohen më shumë në atë kohë dhe çmimet e tyre luhaten, natyrisht që do të marrim vendim”, tha Besar Durmishi – Ministër i Ekonomisë.
Nuk do të ketë as rritje të pagës minimale. Durmishi thotë se për momentin nuk ka arsyetim ekonomik për ndërhyrje para harmonizimit të rregullt në mars. Pavarësisht presionit nga sindikatat, autoritetet paralajmërojnë se një rritje ad-hok mund të shkaktojë presion të ri ndaj inflacionit dhe një barrë shtesë për ndërmarrjet e vogla dhe të mesme.
“Sipas analizave të Ministrisë së Ekonomisë dhe Punës, për momentin nuk shohim arsyetim ekonomik për rritje të ndërhyrjes së pagës minimale para rregullimit të rregullt që ligjërisht parashikohet në muajin mars. Presioni që na ushtrojnë sindikatat me një vendim të tillë do të krijonte presion mbi ndërmarrjet e vogla dhe të mesme, të cilat për shkak të këtij presioni nuk do të kishin mjete financiare për të paguar punonjësit e tyre dhe në njëfarë mënyre do të detyroheshin t’i largonin nga vendet e punës, gjë që do të ndikonte edhe në inflacion”, deklaroi Besar Durmishi – Ministër i Ekonomisë.
Sipas përllogaritjeve të fundit të Entit Shtetëror të Statistikës, inflacioni në nivel vjetor arrin në 4,5%. /Alsat.mk
Indeksi i tërësishëm çmimeve të konsumit në Kosovë u rrit në një mesatare prej 5.1% në tetor 2025 krahasuar me të njëjtën periudhë të vitit 2024.
Inflacioni mujor arriti në 0.6% në tetor 2025.
Rritja e çmimeve në Kosovë nuk ka të ndalur. Sipas të dhënave të fundit çmimet e konsumit janë rritur për 5,1 për qind në tetor 2025, krahasuar me të njëjtin muaj të vitit të kaluar.
Ndërkohë, inflacioni mujor ka qenë 0,6 për qind, duke treguar se valët e shtrenjtimit po vazhdojnë edhe në prag të dimrit. Rritja e çmimeve përfshin pothuajse të gjitha grupet e konsumit.
“Rritja e çmimeve u ndikua kryesisht nga disa kategori të konsumit: pushimet e organizuara (23.7%), biletat e fluturimeve (21%), energjia elektrike (20.3%), pemët (15.3%), kafe, çaj dhe kakao (13.1%), mirëmbajtja dhe riparimi i pajisjeve personale të transportit (12.4%), mishi (12.3%) dhe shërbimet hoteliere (9%)”.
Sipas raportit, çmimet janë rritur më së shumti te:
Kafja, çaji dhe kakao (+13,1%)
Shërbimet hoteliere (+9,0%)
Shërbimet ambulantore (+8,9%)
Drutë e zjarrit, peletët e lëndët djegëse të ngurta (+8,0%)
Qumështi, djathi dhe vezët (+7,5%)
Buka dhe drithërat (+5,3%)
Prodhimet ushqimore në përgjithësi (+5,2%)
Këto shifra tregojnë se inflacioni po e godet drejtpërdrejt koston e jetesës së familjeve — që nga buka e përditshme e deri te energjia elektrike dhe ngrohja dimërore.
Rënie të lehta çmimesh janë vërejtur vetëm në disa produkte:
karburantet dhe lubrifikantët për transport personal (-2,6%) dhe blerja e automjeteve (-1,2%), që megjithatë kanë pasur ndikim minimal në uljen e përgjithshme të inflacionit.
Edhe krahasimi mujor, tetor me shtator, tregon se çmimet po vazhdojnë të rriten me ritëm të qëndrueshëm.
Në këtë periudhë, ngritjet më të mëdha janë regjistruar te:
Drutë e zjarrit dhe peletët (+8,4%)
Buka dhe drithërat (+1,2%)
Shërbimet hoteliere (+0,9%)
Karburantet për transport personal (+0,6%)
Ndërsa ulje çmimesh janë shënuar te biletat e fluturimeve (-6,8%) dhe pemët (-3,8%).
Në përmbledhje, të dhënat e tetorit tregojnë qartë se inflacioni po mbetet problem serioz për ekonominë e vendit, me ndikim të drejtpërdrejtë në standardin e jetesës së qytetarëve.
Çmimet e ushqimit, energjisë dhe shërbimeve bazë po rriten vazhdimisht, ndërsa paga mesatare dhe fuqia blerëse nuk po e ndjekin këtë ritëm. Nëse ky trend vazhdon, dimri 2025/26 mund të jetë ndër më të shtrenjtët për familjet e Kosovës.
“Norma mujore dhe vjetore e inflacionit, sipas IHÇK, vazhdon të tregojë presion mbi çmimet e konsumit në vend, duke reflektuar ndryshime të ndjeshme në disa nga grupet kryesore të konsumit, veçanërisht energjinë, ushqimin dhe shërbimet turistike.”/MONITOR
Bashkimi Evropian ka publikuar Raportin për vendet e Ballkanit Perëndimor, përfshirë edhe Kosovën, ku theksohen sfidat e vazhdueshme në tregun e punës, rritja e çmimeve dhe vonesat në publikimin e të dhënave zyrtare.
Në raport thuhet se tregu i punës në Kosovë “karakterizohet nga pjesëmarrje ende shumë e ulët, papunësi e lartë dhe boshllëqe të mëdha gjinore”.
Sipas rapotit, rezultatet e Anketës së Fuqisë Punëtore publikohen me vonesë, me të dhënat më të fundit që i referohen vitit 2024.
“Ndërkohë, shkalla e papunësisë ra me 0.1 pikë përqindjeje në 10.8%, pavarësisht rritjes së shkallës së pjesëmarrjes në fuqinë punëtore në 43.3% nga 40.7% në vitin 2023. Hendeku midis shkallës së punësimit të meshkujve dhe femrave (55.9% dhe 21.2%) u zgjerua. Në vitin 2024, pjesa e të rinjve (15-24 vjeç) që nuk janë në punësim, arsim ose trajnim ra në 31.4%, nga 33.4% një vit më parë”, thuhet në raport.
Sipas BE-së, këto rezultate të dobëta në tregun e punës po kontribuojnë në normat e larta të emigrimit.
Raporti gjithashtu thekson se inflacioni i çmimeve të konsumit është rritur ndjeshëm në vitin 2025. “Inflacioni u rrit në një mesatare prej 2.8% në vit në gjysmën e parë të vitit 2025 dhe më tej në 4.3% dhe 4.5% në korrik dhe gusht, kryesisht për shkak të rritjes së çmimeve të energjisë elektrike, ushqimit dhe pijeve joalkoolike”, theksohet në dokument.
BE kujton se më 16 prill, Bordi i Zyrës së Rregullatorit të Energjisë kishte miratuar një rritje lineare të tarifës së energjisë elektrike prej 16.1% për të gjitha kategoritë e konsumatorëve, e cila hyri në fuqi më 1 maj.
Në anën tjetër, raporti e vlerëson pozitivisht nivelin e borxhit publik të Kosovës, i cili mbetet ndër më të ulëtit në rajon. “Në sajë të një suficiti primar margjinal dhe rritjes së lartë nominale të PBB-së, raporti i borxhit publik ndaj PBB-së ra në 16.9% në fund të vitit 2024 – niveli më i ulët që nga viti 2017 – dhe më tej në 16% në fund të qershorit 2025”, thuhet në raport.
Megjithatë, borxhi i jashtëm u rrit me 12% në vitin 2024, për shkak të kredive nga Fondi Monetar Ndërkombëtar, Banka Botërore dhe Banka Evropiane e Investimeve.
Raporti vëren se “bllokimi politik ka penguar ratifikimin e marrëveshjeve të reja të financimit të jashtëm me institucionet financiare ndërkombëtare”.
Në maj 2025, Fitch Ratings riafirmoi vlerësimin e saj sovran për Kosovën në nivelin ‘BB-’ me perspektivë të qëndrueshme, duke përmirësuar mundësitë e aksesit të vendit në tregjet ndërkombëtare financiare.
Çmimet e produkteve esenciale qumështi, djathi, vaji, vezët dhe artikuj të tjerë ushqimor në vendin tonë po vazhdojnë të shënojnë ngritje, bashkë me to është shtrenjtuar edhe kostoja e shërbimeve tjera për qytetarët në Kosovë.
Qytetarët ankohen për këto shtrenjtime dhe për pagat e ulëta siç thonë ata për t’i përballuar këto çmime të larta. Ndërsa ekspert të ekonomisë thonë se ngritja e çmimeve po ndodh për shkak të mungesës së konkurrencës jo të drejtë në treg dhe importit të lartë të mallrave. Shteti ynë ka importuar mallra në vlerë mbi 5 miliardë euro, vetëm nga muaj janar deri në shtator të këtij viti. Vlera e importit është rritur me rreth gjysmë miliardi euro në këtë periudhë, krahasuar me të njëjtën periudhë të vitit të kaluar, raporton KosovaPress.
Sipas Agjencisë së Statistikave të Kosovës, çmimet e konsumit në një mesatare në shtator shënuan rritje (inflacioni) prej 4.7 për qind krahasuar me periudhën e njëjtë të vitit të kaluar. Krahas të ardhurave mujore në Kosovë, sipas ASK-së, pensioni bazik në vendin tonë është 120 euro, paga minimale 350 euro bruto dhe paga mesatare 639 euro për vitin 2024.
Përveç kësaj, qytetarët shprehen të shqetësuar për këtë situatë, duke e cilësuar të papërballueshme për xhepin e tyre. Ata, kërkojnë më shumë angazhim nga institucionet përkatëse për të kontrolluar tregun dhe çmimet.
Qytetari Bislim Bislimi thekson se këto çmime janë të larta krahasuar me të ardhurat mujore në Kosovë.
“Janë rritur të gjitha produktet, por nuk ka inspektor. Katastrofë rrogat e ulëta. Nuk ja vlen duke i krahasuar rrogat që i marrim këtu, me çmimet nuk janë askund, nuk përputhën,” ka thënë Bislimi.
Ndërsa Mirsad Krasniqi vlerëson se rritja e çmimeve nuk është e arsyeshme dhe paraqet një barrë për buxhetin familjar.
“Jo të arsyeshme sipas meje dhe që domethënë një ngarkesë për buxhetin e qytetarëve,” potencon Krasniqi.
Një qytetarë tjetër, theksoi se çmimet porriten vazhdimisht dhe sipas tij, kjo është e pa përballueshme për konsumatorët e vendit.
“Po rritën çmimet gjithmonë. Çmimet askush nuk mund t’i ndaloj, nuk është e drejtë por, çmimet rriten çdo ditë,“ ka shtuar ai.
Përballë kësaj situate, njohës të çështjeve ekonomike po theksojnë mungesën e politikave konkrete për ta zbutur këtë trend negativ.
Ish-ministri i Tregtisë, dhe Industrisë Ismet Mulaj, deklaron për KosovaPress se ngritja e çmimeve po ndodh për shkak të mungesës së konkurrencës së padrejtë në treg dhe varësisë së vendit nga importii madh i mallrave.
Sipas tij, ka politika që mundet me ndërmarrë Qeveria në detyrë, që të lehtësohet barra e rëndë që mund ta paguajnë qytetarët apo konsumatorët.
“Në mungesë të konkurrencës së drejtë mes prodhuesit vendor dhe importit në mënyrë të vazhdueshme sidomos me muajt e sezones, i kanë ngritur çmimet. Natyrisht që konkurrenca vendore nuk është aq e përgatitur e aq e fortë sa t’i ballafaqohet drejtpërdrejt konkurrencës ndërkombëtare. Prandaj vazhdimisht i nënshtrohemi politikave të tregtarëve. Kosova është ekonomi e lirë e tregut dhe çmimet rregullohen sipas kërkesës dhe ofertës, nuk ka mekanizëm tjetër që mundemi me rregullua, por ka politika që mundet me ndërmarrë qeveria që të lehtësohet barra e rëndë që mund ta paguajnë qytetarët apo konsumatorët”, ka thënë Mulaj.
Nga Shoqata për Mbrojtjen e Konsumatorit, Selatin Kaçaniku ka theksuar se përveç ndikimeve të jashtme, mungesa e planifikimit shtetëror e ka lënë konsumatorin pa mbrojtje.
“Tregtarët tjerë që janë importues, ata e kanë në dorë politikën e çmimeve të importit dhe kjo vërehet më së miri nëse bëjmë krahasimin e çmimeve të artikujve që ne i importojmë në vende prodhuese, te ne dhe te disa shtete tjera. Ato çmime si në shtetet e BE dhe tjerat janë më të ulëta se te ne në Kosovë.. Ne duhet të jemi të organizuar dhe të bëjmë një presion të kulturuar, demokratik të qeverisë, në mënyrë që qeveria mos t’i mbështes së tepërmi bizneset e t’i harrojë qytetarët sepse konsumi është komponenti kryesore sociale-ekonomike. Ne ndihemi si bonjak, sepse qeveria ndryshe sjellët me të tjerët, ndryshe me ne”, ka thënë Kaçaniku.
Ndërsa, nga Ministria e Industrisë, Ndërmarrësisë dhe Tregtisë nuk janë deklaruar për KosovaPress nëse janë duke i monitoruar (inspektuar) çmimet në Kosovë.
Indeksi i tërësishëm i harmonizuar i çmimeve të konsumit për muajin shtator 2025 ishte më i lartë, në një mesatare prej 4.7 për qind krahasuar me të njëjtën periudhë 2024, ndërsa inflacioni mujor ishte -0,2 për qind në shtator 2025, njoftoi Agjencia e Statistikave të Kosovës (ASK), raporton KosovaPress.
Në raport thuhet se rritja e çmimeve të konsumit vjen për shkak të ngritjes së çmimeve të konsumit në këtë periudhë te grupet: pushime të organizuara 23,1%; bileta të fluturimeve 22,5%; energji elektrike 17,4%; kafe, çaj dhe kakao 14,2%; pemë 13,0%; mirëmbajtje dhe riparime të pajisjeve personale të transportit 12,8%; mish 12,1%.
Po ashtu sipas ASK-së rritja vazhdon te shërbime të tjera në lidhje me pajisjet personale të transportit 10,4%; qumësht, djathë dhe vezë 8,8%; shërbime hoteliere 8,3%; shërbime ambulantore 7,3%; vajra dhe yndyrna 6,8% dje perimet 5,8%).
Inflacioni dhe pasiguria politike janë dy shqetësimet kryesore për qytetarët kosovarë, thuhet në një hulumtim të Valicon i titulluar “New Normal Study”, i përfunduar në periudhën 18 deri 21 gusht të këtij viti në shtete të rajonit, përfshirë edhe vendin tonë.
Ky hulumtim nxjerrë në pah gjithashtu se 40 për qind e kosovarëve kanë theksuar se jeta e tyre është më e keqe sot sesa pesë vjet më herët.
Qeveria në detyrë, dje mori vendim për rritjen e pensioneve në 150 euro, si dhe shtesave për fëmijë për 50 për qind nga muaji nëntor i këtij viti. Po ashtu, qeveria në detyrë mori vendim për rritjen e pagës minimale për vitin 2026. Paga minimale u tha se do të rritet në dy faza: nga 1 janari i vitit 2026 paga minimale do të jetë 425 euro, ndërkaq nga korriku i vitit 2026 paga minimale do të bëhet 500 euro.
Shpenzimet e familjeve për qiratë janë duke u zgjeruar me shpejtësi vitet e fundit. Megjithëse sektori i ndërtimit është në kulm prej vitesh, me shtim të ofertës për banesa, zgjerimi i kërkesës nga turistët dhe mbajtja në stok të pa përdorur e një pjese të objekteve të reja, po rrit nivelin e qirave përtej mundësive të qytetarëve me të ardhura mesatare, sidomos në Tiranë.
Në shtator 2025, përbërësi kryesor i inflacionit ishin çmimet e qirave; më parë, rritja mesatare e çmimeve dominohej nga ushqimet.
Në shtator 2025, inflacioni shënoi 2.4%. Në këtë rritje, qiraja kontribuoi me 34.5 pikë përqindje, ushqimet me 26.2 pikë përqindje, ndërsa pjesa tjetër nga grupet e tjera të mallrave të konsumit.
Sipas një raporti të mëparshëm të Deloitte, rritja e kërkesës nga turizmi afatshkurtër çoi në rritje të qirave me 20% në fund të vitit 2024, me apartamente njëdhomëshe (1+1) në Tiranë që jepen me 500–800 euro në muaj (rreth 8–12 euro për metër katror).
Të dhënat afatgjata tregojnë se nga viti 2016 deri në pandemi, rritjet vjetore të qirave ishin minimale, duke lëvizur nga 0.0% – 1%.
Nga viti 2023 e në vijim, ritmi i rritjes së çmimeve të qirave nisi të përshpejtohet. Gjatë gjithë vitit 2024, indeksi ka shënuar rritje të vazhdueshme, duke kaluar nga rreth 0.9% në janar, në mbi 3% në pranverë, për të arritur rreth 5.2% në gusht.
Në të dhënat e vitit 2025, vërehet se rritja është bërë edhe më e fortë. Indeksi i çmimeve për qiratë në janar 2025 është rreth 0.9%, por më pas shënon ngjitje të fortë në mars (2.1%), prill (2.5%), maj (3.6%) dhe veçanërisht në verë, ku në korrik arrin 5.4% dhe në shtator 6.6%.
Inflacioni i qirave tregon se presioni mbi tregun e banesave është rritur ndjeshëm gjatë vitit, për shkak të kërkesës së lartë nga turizmi dhe rritjes së çmimeve të banesave.
Çmimet e larta të banesave po frenojnë planet e qytetarëve për të blerë shtëpi dhe, në këtë mënyrë, rrisin kërkesën për qira.
Në vitet 2016–2020, tregu i qirave në Shqipëri ka qenë relativisht i qëndrueshëm, me luhatje të vogla. Kjo periudhë përkoi me një ofertë të bollshme apartamentesh të reja, veçanërisht në Tiranë dhe qytetet bregdetare, ndërsa kërkesa ishte e kufizuar për shkak të emigracionit dhe ngadalësimit të ritmeve të rritjes së të ardhurave.
Kriza pandemike e vitit 2020, e ndjekur nga kufizimet në lëvizje dhe mbyllja e tregut turistik, çoi përkohësisht në ulje të qirave, duke e mbajtur indeksin nën nivelin e inflacionit.
Pas vitit 2022, panorama ndryshoi ndjeshëm. Rritja e kërkesës nga turizmi dhe platformat Airbnb dhe Booking kanë reduktuar ndjeshëm ofertën për qira afatgjata. Një pjesë e madhe pronash të lira, sidomos në Tiranë, Durrës, Vlorë dhe Sarandë, janë kthyer në njësi për qira ditore.
Sipas të dhënave të tjera nga Airbnb rreth 21 mijë apartamente e njësi të tjera banimi ishin të disponueshme për t’u dhënë me qira në fund të vitit 2024. Këto njësi gjeneruan një rekord të ardhurash prej 85 milionë eurosh, pothuajse dy herë më e lartë se në vitin 2023.
Gjithashtu, lëvizja e popullsisë drejt zonave urbane, veçanërisht drejt Tiranës, është një shtysë e përhershme për rritjen e qirave në kryeqytet.
Megjithëse ndërtimi i apartamenteve të reja ka qenë intensiv, për shkak të çmimit të shtrenjtë, me një mesatare prej 2000-2100 euro/m2 shumë prej tyre janë blerë për investim apo nga emigrantë që nuk i përdorin për banim të përhershëm. Kjo ka krijuar një mungesë reale të ofertës së qirave funksionale, duke rritur presionin mbi tregun aktiv./ Monitor
Në pyetjen “Çka i duhet më së shumti vendit në këtë kohë?”, 56% e të anketuarve zgjodhën ndryshim, duke nxjerrë në pah nevojën për ndryshime ekonomike dhe ndërrim të lidershipit, të cilat përbëjnë 82% të përgjigjeve.
Sondazhi IRI
Nga të anketuarit që mbështesin ndryshimin:
44% kërkojnë ndryshim ekonomik dhe përmirësim të drejtësisë sociale
38% duan ndërrim të drejtuesve kryesorë politikë dhe partive në pushtet
9% kërkojnë ndryshim të standardeve kulturore dhe arsimore, përfshirë median dhe uljen e dhunës
9% duan ndryshim të standardeve administrative dhe ulje të korrupsionit
1% nuk e dinë ose refuzuan të përgjigjen
Performanca e qeverisë shihet e ndarë dhe e prirur kah negativiteti:
38% e vlerësojnë “disi të mirë”
22% “disi të keqe”
25% “shumë të keqe”
12% “shumë të mirë”
2% pa përgjigje
Në pyetjen nëse politikanët aktualë janë drejtuesit e duhur për të ardhmen:
50% besojnë se nevojitet një lider i ri
44% mendojnë se politikanët aktualë janë të përshtatshëm
7% nuk e dinë ose refuzuan
Sipas sondazhit, i kryer me një kampion prej 1,164 të rriturish:
Kostoja e jetesës / çmimet e larta – 45%
Papunësia – 19%
Korrupsioni – 6%
Ndërkohë që korrupsioni përmendet më pak si problem kryesor, ai mbetet një nga sfidat më të mëdha të vendit.
Shqipëria renditet një nga vendet që ka parë rritjen më të lartë të çmimeve në vitin 2024, sipas raportit “Deloitte Property Index 2025”, ku vendi ynë është përfshirë për herë të parë.
Çmimi mesatar i apartamenteve në Shqipëri ka arritur në 1620 euro për metër katror, me rritje 16.6% në krahasim me vitin e mëparshëm, duke u renditur e dyta me shtrenjtimin më të lartë pas Polonisë (19.3%) me këtë të fundit që u ndikua nga politikat subvencionuese të qeverisë për strehimin.
Në total, nëntë vende regjistruan rritje mbi 10%, duke nënvizuar presionet e vazhdueshme të kërkesës dhe uljen e përballueshmërisë së banesave në shumë pjesë të kontinentit. (Bosnjë-Hercegovinën dhe Izraelin (të dyja +12.7%); Hungarinë (+11.9%); Kroacinë dhe Rumaninë (të dyja +11.5%); Italinë (+11.2%); Greqinë (+10.2%). Në të kundërt, i vetmi vend që regjistroi një rënie të ndjeshme vjetore të çmimeve të ofertave ishte Turqia, ku çmimet ranë me -12.0%, duke shënuar rënien më të madhe në krahasimin e këtij viti.
Tirana dhe Vlora renditen gjithashtu ndër qytetet me rritjen më të lartë të çmimeve në vendet e përfshira në raportin e Deloitte.
“Duke shqyrtuar ndryshimet vjetore të çmimeve mesatare të ofertave, disa qytete përjetuan rritje të forta. Krakovi kryesoi renditjen me një rritje prej 28.1%, i ndjekur ngushtë nga Jerusalemi (+25.2%) dhe qytetet shqiptare, Tirana dhe Vlora (të dyja me +25.0%)”. Në Beograd, për të njëjtën periudhë, çmimet kanë rënë me 0.9%.
Në Tiranë, çmimi mesatar ka arritur në 2 mijë euro për metër katror dhe në Vlorë 2400 euro për metër katror, ndërsa në Durrës në 1350 euro për metër katror.
Të dy qytetet shqiptare kanë parë një interes të shtuar si nga blerës vendas, ashtu edhe nga ata ndërkombëtarë. Veçanërisht Vlora ka përfituar nga zgjerimi i shpejtë i sektorit të turizmit dhe nga zhvillimet e mëdha infrastrukturore – përfshirë Aeroportin e Vlorës (që pritet të përfundojë deri në fund të vitit 2025 ose fillim të vitit 2026), si dhe investimet strategjike në vazhdim si Bypassi i Vlorës dhe Tuneli i Llogarasë, thuhet në raport.
Në rritje kanë qenë dhe çmimet e qirave, sidomos në Vlorë (+25%) dhe Durrës( 22.5%).
“Në rastin e qyteteve shqiptare si Vlora dhe Durrësi, rritja relativisht e madhe e çmimeve të qirasë u ndikua kryesisht nga shtimi i kërkesës sezonale për qira afatshkurtra. Veçanërisht në këto zona bregdetare, aktiviteti i shtuar nga sektori i turizmit ka ushtruar presion në rritje mbi qiratë, duke reflektuar një ndryshim në dinamikat e tregut lokal të banesave gjatë sezoneve kulmore”.
Në Tiranë, qiratë për apartamente 1+1 janë rritur me rreth 20%, duke shkuar në 500–800 euro në muaj, e nxitur kryesisht nga kërkesa e lartë për qira afatshkurtra nga turistët.
Në qytetet bregdetare, si Vlora dhe Durrësi, sezoni turistik ka ushtruar presion të ndjeshëm mbi tregun e qirave, duke e bërë gjithnjë e më të vështirë për vendasit të përballojnë koston e strehimit.
Në përmbledhjen për Shqipërinë thuhet se agjentët raportojnë rritje çmimesh pothuajse në të gjitha zonat, me rritje veçanërisht të forta në Tiranë dhe zonën bregdetare. Indeksi i çmimeve të shitjes në Tiranë u rrit me 26.2% në gjysmën e dytë të vitit 2024 krahasuar me periudhën e mëparshme dhe me 56% krahasuar me nivelin e një viti më parë.
Çmimet e kërkuara nga shitësit u rritën ndjeshëm gjatë vitit 2024. Për shembull, çmimi mesatar për metër katror (m²) në Tiranë u rrit në 2,000 euro/m² (nga 1,600 euro/m² një vit më parë) deri në fund të vitit 2024, i nxitur nga zhvillimi urban dhe kërkesa e lartë. Lokacionet më të kërkuara në qendër të qytetit (zona si Blloku dhe përreth Sheshit “Skënderbej”) arrijnë tashmë 3,000–3,500 euro/m² ose më shumë, ndërsa edhe lagjet periferike e kalojnë kufirin prej 1,000 euro/m².
Edhe qytetet bregdetare shënuan rritje: çmimet aktuale të apartamenteve në Vlorë variojnë mesatarisht rreth 1,500–1,800 euro/m² (më të lartat për pamje nga deti) dhe normat e qirasë arrijnë rreth 5%. Gjithashtu, projektet rezidenciale luksoze buzë detit (p.sh. Dhërmi, Sarandë) arritën në 1,500–2,500 euro/m², ndërsa njësitë premium në vijën e parë të plazhit mund të kapin deri në 3,500 euro/m².
Segmenti i qirave rezidenciale u zgjerua në vitin 2024. Statistikat zyrtare tregojnë të ardhura totale nga qiratë prej rreth 350 milionë eurosh në vitin 2024 (me rritje rreth 10% në baza vjetore).
Kërkesa e fortë nga turizmi afatshkurtër rriti qiratë me 20% në fund të vitit 2024, me apartamentet njëdhomëshe (1+1) në Tiranë që arrijnë rreth 500–800 euro në muaj (rreth 8–12 euro/m²).
Në përmbledhje, raporti Deloitte nënvizon se tregu i pasurive të paluajtshme në Europë po përballet me sfida të mëdha në përballueshmërinë e banesave, teksa rritja e vazhdueshme e çmimeve po e bën gjithnjë e më të vështirë aksesin në strehim për shtresat e gjera të popullsisë. Shqipëria, duke u përfshirë për herë të parë në këtë indeks dhe duke u renditur ndër vendet me rritjen më të lartë të çmimeve, po hyn në vëmendjen e tregut europian si një vend me treg dinamik dhe me potencial të fortë për investime, por edhe me sfida të dukshme për përballueshmërinë e qytetarëve vendas./ Monitor
Familjet në Kosovë po përballen me rritje të lartë të çmimeve, duke shpenzuar më shumë, por duke blerë më pak.
Anketa e IRI-së zbulon se 45% e qytetarëve e konsiderojnë koston e jetesës si problemin kryesor, një rritje nga 28% vitin e kaluar.
Inflacioni në gusht 2023 arriti 4.5%, me rritje të ndjeshme të çmimeve për energjinë elektrike (17%) dhe ushqimet (9.2%).
Teuta Halimi, rreth të 40-tave, hap derën e dyqanit dhe del me pak gjëra. Çmimet janë rritur aq shumë, saqë çdo javë thotë se i duhet të shkurtojë listën e blerjeve.
Jeton në Prishtinë me bashkëshortin dhe dy fëmijët, punon në sektorin publik dhe merr një pagë prej rreth 630 eurosh në muaj.
“Qumështi, vaji, kafeja, sheqeri - të gjitha janë shtrenjtuar. Për t’i mbuluar vetëm gjërat bazike, do të duheshin tri paga”, thotë Teuta për Radion Evropa e Lirë.
Bashkëshorti i saj punon, por pagat e tyre shkojnë pothuajse tërësisht për ushqime dhe fatura, duke e bërë çdo muaj sfidë për familjen.
“Po shpenzojmë më shumë, por po blejmë më pak. Blejmë vetëm kur artikujt janë në aksion [në zbritje]”, thotë Teuta.
E, situata e saj reflekton realitetin e shumë familjeve në Kosovë.
Një anketë e Institutit Ndërkombëtar Republikan (IRI), e realizuar në periudhën maj-korrik të këtij viti, tregon se 45% e qytetarëve të Kosovës e konsiderojnë koston e jetesës dhe çmimet e larta si problem kryesor - një rritje e ndjeshme krahasuar me 28% vitin e kaluar.
Kjo përqindje është, po ashtu, më e larta mes pesë vendeve të Ballkanit Perëndimor.
Pas 45 vjetësh punë, të varur nga ndihma e fëmijës
Pensionistët dhe familjet me të ardhura të ulëta janë më të prekur nga rritja e çmimeve - shpesh të detyruar të heqin dorë nga produktet e caktuara ose t’i shtyjnë pagesat e domosdoshme.
Xhylnaze Hima dhe Muharrem Vataj kanë punuar për rreth 45 vjet, por sot jetojnë me dy pensione që bashkë kanë vlerën e 440 eurove.
“Në përgjithësi, ushqimet janë shtrenjtuar pa masë dhe pa kontroll. Sot qumështi ka një çmim, nesër krejt tjetër”, thotë Muharremi, ndërsa bashkë me Xhylnazen qëndrojnë të ulur në një park në kryeqytet.
Edhe ky çift thotë se përpiqet të kursejë duke blerë kryesisht gjatë aksioneve në dyqane.
Por më e dhimbshmja, thotë Xhylnazja, është se pas gjithë viteve të punës, tani janë të detyruar të varen nga ndihma e vajzës së tyre që jeton në Shtetet e Bashkuara.
“Na vjen keq për të. Ne kemi kontribuar gjithë jetën, e tani pensioni nuk na mjafton. Vajza na thotë: ‘Mos u mërzisni, kërkoni çfarë ju nevojitet’...”, rrëfen Xhylnazja.
Rritje e inflacionit
Të dhënat e fundit të Agjencisë së Statistikave të Kosovës (ASK) tregojnë se inflacioni, që reflekton rritjen e çmimeve të produkteve dhe shërbimeve, është rritur për 4.5% në gusht krahasuar me të njëjtën periudhë të vitit të kaluar.
Rritja më e ndjeshme u regjistrua tek energjia elektrike, me 17%, e ndjekur nga produktet ushqimore dhe pijet joalkoolike, që u shtrenjtuan për 9.2%.
Për shembull, në gusht të vitit 2024, një litër vaj kushtonte 1.43 euro, krahasuar me 1.66 euro muajin e kaluar, ndërsa pakot e vezëve u shtrenjtuan nga 2.50 euro në 3.55 euro.
Profesori i Fakultetit Ekonomik në Universitetin e Prishtinës, Arbër Hoti, thotë se inflacioni nuk është thjesht një shifër statistikore - ai përkthehet drejtpërdrejt në ulje reale të fuqisë blerëse të qytetarëve.
“Me çdo euro që një familje fiton sot, blen më pak produkte dhe shërbime sesa blinte një vit apo dy vjet më parë”, thotë Hoti për Radion Evropa e Lirë.
Inflacioni në Kosovë kulmoi në mbi 14% në vitin 2022, pas krizës së tregjeve që pasoi luftën në Ukrainë.
Ai ra gradualisht duke arritur një mesatare vjetore prej rreth 2% vitin e kaluar, por tani është rikthyer në rreth 4-5%.
Hoti thotë se Kosova është veçanërisht e ndjeshme ndaj inflacionit, pasi shumica e produkteve konsumohen nga importet - duke importuar indirekt edhe rritjen e çmimeve jashtë.
Vlerësimet e Bankës së Shqipërisë tregojnë se çmimet e pronave po vazhdojnë të rriten me ritme të larta. Sipas indeksit Fischer, për gjashtëmujorin e parë të këtij viti çmimi i banesave në rang vendi shënoi rritje me 14.6% në krahasim me gjashtëmujorin e dytë 2024 dhe me 41.7% ndaj të njëjtën periudhë të një viti […]
Login
Sondazhi IRI
