Klubi anglez, Arsenali synon t’i bëjë disa ndryshime tjera në skuadër gjatë verës dhe pjesë e ndryshimeve pritet të jenë edhe disa lojtarë që e kanë bartur barrën e skuadrës në vitet e fundit.

Sipas mediumit talkSPORT, Arsenali është i hapur për të shitur Gabriel Martinelli këtë verë për shkak të interesit nga klubet e Superligës së Arabisë Saudite.

Al Nassr shihet si një pretendentë i vërtetë për të nënshkruar me sulmuesin brazilian, i cili ka humbur vendin e tij të rregullt si titullar në Emirates.

Drejtori sportiv i Arsenalit, Andrea Berta, po shqyrton mundësinë e nënshkrimit të një sulmuesi të krahut të majtë gjatë verës, gjë që mund ta kufizojë edhe më tej kohën e lojës së Martinellit.

Verën e kaluar, sulmuesi 24-vjeçar nuk ishte i interesuar për një transferim në Superligën Saudite. Mbetet të shihet nëse qëndrimi i tij do të ndryshojë pas Kupës së Botës 2026.

Ndryshe, Martinelli këtë sezon ka luajtur 27 ndeshje në të gjitha garat, duke shënuar nëntë gola dhe një asistim, por në Ligën Premier ka vetëm një gol nga 17 ndeshje.

Çmimi i sulmuesit anësor brazilian vlerësohet momentalisht nga Transfermarkt në vlerën e 45 milionë eurosh. /Telegrafi/

Arsenal dhe Barcelona po udhëheqin garën për nënshkrimin e Julian Alvarez verën e ardhshme, me të dy klubet që e shohin sulmuesin argjentinas si një pjesë kyçe për ambiciet e tyre madhore.

Sipas ekspertit të transferimeve Ekrem Konur, Arsenali e konsideron Alvarezin si sulmuesin që i mungon për ta fituar më në fund titullin e Ligës Premier, ndërsa Barcelona e sheh atë si zëvendësuesin ideal afatgjatë të Robert Lewandowskit.

Atletico Madridi ka vendosur një çmim shumë të lartë për kartonin e lojtarit, që tejkalon 150 milionë euro, me mundësinë që shifra të rritet deri në 200 milionë euro, në varësi të bonuseve dhe negociatave.

Alvarez iu bashkua Atletico Madridit nga Manchester City në vitin 2024 për një shumë prej 82 milionë funtesh dhe ka qenë në formë të shkëlqyer që nga transferimi. Në sezonin e tij të parë, ai shënoi 29 gola, ndërsa në këtë edicion ka shtuar edhe 11 të tjerë.

Megjithë suksesin personal, 25-vjeçari ende nuk ka fituar trofe madh nën drejtimin e Diego Simeones. Atletico e përfundoi sezonin e kaluar në vendin e tretë në La Liga dhe aktualisht renditet i katërti, tetë pikë prapa liderëve të Barcelonës.

Interesi i Arsenalit dhe Barcelonës pritet ta bëjë verën e ardhshme jashtëzakonisht të nxehtë në merkato, por mbetet të shihet nëse ndonjë klub do të jetë i gatshëm të përmbushë kërkesat financiare të Atletico Madridit për njërin nga sulmuesit më të kërkuar në Evropë./Telegrafi

Edicioni i fortë Arsenalit në Ligën e Kampionëve është shpërblyer financiarisht dhe klubin londinez që ka pasuar jashtëzakonisht shumë arkat e klubit der tani.

Klubi londinez nga çmimet e dhëna nga UEFA për rezultate të arritura ka fituar tashmë mbi 93 milionë euro pas fitores së tyre të fundit 3-1 ndaj Interit.

“Topçinjtë” kanë fituar 18.6 milionë euro vetëm nga pjesëmarrja, ndërsa pozicioni i tyre në ligë ka gjeneruar edhe 37 milionë euro të tjera.

Për më tepër, bonuset e bazuara në performancë kanë kontribuar me 37.6 milionë euro, duke nënvizuar shkallën e suksesit të tyre në Evropë.

Rritja e konsiderueshme financiare nxjerr në pah progresin e Arsenalit në skenën kontinentale dhe forcon pozicionin e tyre përpara fazave të mëvonshme të garës.

Ky çmim do të rrihet edhe më shumë me vazhdimin e sezonit, pasi Arsenali është njëri nga favoritët kryesorë për të fituar trofeun e Ligës së Kampionëve. /Telegrafi/

Superkompjuteri i Opta nuk parashikon vetëm favoritët për të fituar Ligën e Kampionëve, por gjithashtu llogarit raund pas raundi rrugën e mundshme të secilës skuadër.

Renditja aktuale tregon nuanca të rëndësishme në lidhje me performancën e ekipeve deri tani.

Arsenali mbetet skuadra më e besueshme në këtë garë, me 100 për qind shanse për të arritur në raundin e 16-tave dhe 84.6% për të shkuar në çerekfinale. Këto statistika shpjegojnë pse Opta u jep atyre 49% shanse për finale dhe mbi 30% për të fituar titullin.

Bayern Munich i ndjek nga afër, gjithashtu me 100% probabilitet për raundin e 16-tave dhe 77.7% për çerekfinalet, megjithëse shanset për titull janë më të ulëta.

Në një nivel tjetër, Liverpooli ka 94.5% shanse për të kaluar raundin e 16-tave dhe 65.6% për çerekfinale, ndërsa Real Madridi ka 83.9% dhe 56.7% përkatësisht, shifra të larta por jo dominuese. Barcelona qëndron në zonën e mesme me rreth 80% shanse për raundin e 16-tave dhe 63.3% për çerekfinale, ndërsa Manchester City ka 60% për raundin e 16-tave dhe 62% për çerekfinale, duke reflektuar besimin e Opta në aftësinë e tyre për t’u përmirësuar në fazat eliminatore.

Paris Saint-Germain dhe Tottenham Hotspur konsiderohen kategori e dytë e favoritëve: PSG ka 53.7% për raundin e 16-tave dhe 54.9% për çerekfinalet, ndërsa Tottenham ka 51.3% dhe 35.3% përkatësisht, duke i vendosur të dyja në kufirin midis avancimit dhe eliminimit.

Nga Spanja, Atlético de Madrid ka 48.8% shanse për raundin e 16-tave dhe 41.6% për çerekfinale, duke treguar një probabilitet të barabartë për avancim ose eliminim.

Pas tyre, shanset bien ndjeshëm. Interi dhe Juventusi kanë më pak se 6% shanse për raundin e 16-tave, megjithëse Interi ruan 30.6% për çerekfinalet, falë përballjeve potencialisht të favorshme. Atalanta ka 13.4% për raundin e 16-tave dhe 18.4% për çerekfinalet.

Ekipet si Benfica, Ajax dhe Galatasaray mezi kalojnë 10–32% shanset për raundin e 16-tave, ndërsa për çerekfinalet bien nën 6%. Të tjerat renditen me probabilitete minimale ose aspak.

Beteja vendimtare për avancimin pritet të luhet deri në ditën e fundit të fazës së grupeve, duke bërë çdo ndeshje të rëndësishme për skuadrat e mesme dhe të ulëta të renditjes. /Telegrafi/

Gabriel Jesus ka folur hapur për ambiciet e tij për vitin 2026, duke theksuar dëshirën e tij për të qëndruar i përqendruar dhe për të kontribuar plotësisht në suksesin e Arsenalit.

Sulmuesi mbetet i vendosur të luajë një rol kyç në përpjekjen e klubit për të fituar trofe, ndërsa gjithashtu punon drejt një rikthimi në detyrën ndërkombëtare me Brazilin.

“Ëndrra ime për këtë vit është të jetoj në të tashmen, ditë pas dite, dhe të ndihmoj shokët e mi të ekipit të Arsenalit të luftojnë për tituj këtë sezon dhe, sigurisht, të kthehem në ekipin kombëtar brazilian”, ka thënë Jesus për Globo Esporte.

Ndryshe, “Topçinjtë” mbeten në krye të renditjes së Ligës Premier dhe të qenit i aftë në formë mund të jetë çelësi për të ruajtur momentumin.

Ndryshe, Jesus ka pasur probleme me dëmtime këtë sezon, duke zhvilluar vetëm 12 ndeshje në të gjitha garat, teksa ka shënuar tri gola dhe një asistim. /Telegrafi/

Pas përfundimit të xhiros së shtatë në fazën e ligës së Ligës së Kampionëve 2025/2026, gara për pozicionet direkte në Top 8 dhe për zonën e “playoff”-it mbetet tepër e fortë, me diferenca minimale mes shumë skuadrave.

Arsenali vazhdon të jetë lider absolut i renditjes, me 21 pikë nga shtatë ndeshje dhe bilanc perfekt prej shtatë fitoresh. Pas londinezëve renditet Bayern Munich me 18 pikë, ndërsa Real Madridi dhe Liverpooli ndajnë nga 15 pikë, duke mbajtur gjallë garën për vendet e para. Liverpooli dhe Bayern Munich janë të vetmet që e kanë siguruar pozitën në top 8.

Zona e Top 8 është jashtëzakonisht e ngjeshur. Tottenham është i pesti me 14 pikë, ndërsa PSG, Newcastle dhe Chelsea kanë nga 13 pikë, njësoj si Barcelona, e cila aktualisht mban vendin e nëntë.

telegrafi.com

Sporting, Manchester City, Atletico Madrid dhe Atalanta janë gjithashtu në kuotën e 13 pikëve, duke e bërë luftën për pozitat elitare edhe më të hapur.

Në zonën e “playoff”-it pozicionohet edhe Juventusi, që me 12 pikë mban vendin e 15-të, përpara Borussia Dortmundit dhe Galatasarayt.

telegrafi.com

Kush janë ekipet e eliminuara?

Skuadra e Kazakistanit, Kairat Almaty, ka grumbulluar vetëm 1 pikë në debutimin e saj në Ligën e Kampionëve, ndërsa Villarreal kanë arritur gjithashtu vetëm 1 pikë gjatë këtij sezoni të vështirë.

Po ashtu, Eintracht Frankfurt dhe Slavia Prague kanë pësuar të njëjtin fat, duke e bërë që katër ekipe të jenë tashmë të eliminuara matematikisht, me një ndeshje të mbetur.

Ekipet që renditen nga vendi 32 deri te vendi 25 janë jashtë, por ende mund të kualifikohen matematikisht në playoff. Aktualisht, skuadra greke Olympiacos zë vendin e fundit për playoff. /Telegrafi/

Arsenali dhe Chelsea po punojnë për të pozicionuar veten si favoritët kryesorë për të siguruar shërbimet e Arda Gulerit, në rast se sulmuesi i Real Madridit bëhet i disponueshëm në tregun e transferimeve.

Sipas CaughtOffside, talenti turk mbetet një objektiv afatgjatë i Arsenalit, ndërsa Chelsea ka intensifikuar interesimin javët e fundit, duke zhvilluar disa kontakte për të kuptuar më nga afër situatën e tij në “Santiago Bernabeu”.

Reprezentuesi i Turqisë ka qenë në radarët e Arsenalit që nga tetori i vitit 2024, me “Topçinjtë” që e shohin atë si një profil ideal për të rritur kreativitetin dhe konkurrencën në fazën ofensive, veçanërisht pas formës disi të paqëndrueshme të Martin Odegaard dhe Eberechi Eze gjatë këtij sezoni.

Në anën tjetër, edhe Chelsea dëshiron të përfshihet seriozisht në këtë garë, duke e konsideruar Gulerin si një investim strategjik për të ardhmen e skuadrës.

Të dy klubet londineze besojnë se 19-vjeçari mund të jetë i disponueshëm gjatë verës për një shifër që sillet mes 90 dhe 100 milionë eurove, nëse Real Madridi vendos të hapë derën për negociata.

Guler ra në sy për pajisjen që mbante në krah gjatë ndeshjes me Monacon - mësohet se për çka funksionon

Megjithatë, gjithçka mbetet e varur nga planet e “Los Blancos” dhe roli që Güler pritet të ketë në projektin e ardhshëm sportiv të klubit spanjoll. /Telegrafi/

Dy klube të mëdha të Ligës Premier vazhdojnë të mbajnë nën vëzhgim situatën e Arda Guler.

Arsenali dhe Chelsea po shqyrtojnë mundësinë që të ndërmarrin hapa konkretë në fund të këtij sezoni për sulmuesin turk të Real Madridit.

Edhe pse fillimi i tij në “Santiago Bernabeu” nuk ishte i lehtë, Guler ka arritur gradualisht të fitojë një rol të rëndësishëm në skemat e skuadrës madrilene, duke iu afruar ëndrrës së tij të deklaruar hapur për të ndërtuar një karrierë afatgjatë te gjigantët spanjollë.

Në këtë kontekst, as lojtari dhe as drejtuesit e Real Madridit nuk duken të gatshëm të konsiderojnë një largim në këtë fazë.

Sipas raportimeve të “Caught Offside”, interesi i Arsenalit dhe Chelseat mbetet aktiv, por çdo ndryshim i mundshëm i situatës do të kërkonte kushte shumë specifike.

Së pari, vetë futbollisti do të duhej të shprehte dëshirë të qartë për t’u larguar nga Madridi, ndërsa më pas klubet e interesuara do të duhej të paraqisnin oferta financiare shumë të larta, në vlerat 90 ose 100 milionë euro.

Kujtojmë se Real Madridi pagoi rreth 26 milionë euro te Fenerbahçe për transferimin e tij.

Burime pranë Arsenalit kanë konfirmuar se klubi londinez po e ndjek nga afër zhvillimin e Guler, por e pranon se sfida kryesore do të ishte bindja e lojtarit, i cili aktualisht nuk po mendon të largohet nga Real Madridi.

Një lëvizje në afatin e janarit përjashtohet, ndërsa vera mbetet periudha e vetme ku një skenar i tillë mund të rishqyrtohet, nëse shumat e ofruara do ta detyronin Real Madridin ta mendonte seriozisht një shitje. /Telegrafi/

Sërish është një skuadër angleze që po dominon. Nëse vjet ishte Liverpuli që arriti fitore pas fitoreje në fazën e grupit në Champions, stafetën këtë sezon e ka Arsenali.

Skuadra londineze, që po shkëlqen në çdo konkurrim, pasi arriti suksesin e shtatë radhazi, këtë herë në “San Siro”. Pasi mundën Bajernin në “Emirejts”, “topçinjtë” shkatërruan Interin në “San Siro” me shifrat 3-1.

Në një ndeshje të fortë, ku italianët nuk është se u dorëzuan, vendosi ritmi më i lartë i anglezëve. Gabriel Zhezus shënoi dy gola, për avantazhin 1-0 dhe pastaj 2-1, duke bërë të pavlefshme rrjetën nga kroati i ri, Petar Suçiç.

Sulmuesi hungarez, Viktor Gjëkeresh vulosi sfidën gjashtë minuta para fundit. Statistikat janë aty-aty në gjithçka, në gjuajtje në total e në kuadrat, në zotërim topi dhe në numër pasimesh, por Arsenali ishte më I rrufeshëm, pra më I rrezikshëm.

Kjo ishte disfata e tretë radhazi në Ligën e Kampionëve, pas atyre në Madrid ndaj Atletikos dhe në Milano kundër Liverpulit. “La Gazeta delo Sport” komenton: Interi nuk mjafton! Champions, Arseali shënon 3, e vështirë për në të tetat e finaleve!

Po ashtu, e përditshmja raporton fjalët e trajnerit Kivu që thekson se Arsenali pati nivel të çmendur, dhe se një ritëm i tillë nuk ekziston në Itali. “Oh Jezus”, – është titulli në “Il Korriere delo Sport”, që bën lojë fjalësh me mbiemrin e sulmuesit brazilian që shënoi dy gola: Zhgënjim në Champions!

Nga Anglia, “Deili Meil” shkruan se Topçinjtë e pathyeshëm bënë detyrën dhe u konfirmuan si favoritët në Ligën e Kampionëve! Arsenal kryeson renditjen me 7 fitore radhazi, pra me 21 pikë të plota, ndërsa për momentin është jashtë zonës që të kualifikon direkt, në vendin e 9-të dhe mund të zbresë edhe më poshtë.  Tashmë duhet fitore në Dortmund, por italianët nuk e kanë fatin në duart e tyre.

Ish-futbollisti i Anglisë, Wayne Rooney u bë hit në rrjetet sociale pasi bëri parashikimin e tij për një ndeshje ëndrrash midis ekipit të Manchester United të vitit 2008 dhe ekipit aktual të Arsenalit.

Rooney ishte në detyrë komentatori mbrëmë dhe raportoi për TNT Sports për ndeshjen e Ligës së Kampionëve midis Interit dhe “Topçinjve” të luajtur në San Siro.

Golashënuesi rekordmen i Unitedit iu bashkua ish-yllit të Arsenalit, Theo Walcott, dhe prezantueses Gabby Logan në fushë para fillimit të ndeshjes.

Walcott është dukur shumë i impresionuar me skuadrën e ish-shokut të skuadrës Mikel Arteta këtë sezon.

Ekipi londinez është favorit për të fituar titullin anglez falë një mbrojtjeje të fortë të Gabriel Magalhaes, William Saliba dhe Jurrien Timber, një mesfushe teknike të Declan Rice, Martin Zubimendi dhe Martin Odegaard, si dhe një sulmi shpërthyes të udhëhequr nga Bukayo Saka.

Walcott iu drejtua Rooneyt dhe vendosi ta krahasonte skuadrën aktuale të Arsenalit me skuadrën e famshme të Sir Alex Ferguson që fitoi Ligën Premier dhe Ligën e Kampionëve në vitin 2008.

Rooney ishte pjesë e një tresheje sulmuese të paharrueshme përkrah kolegëve legjendarë Cristiano Ronaldo dhe Carlos Tevez.

Ekipi përfshinte gjithashtu portierin Edwin van der Sar, dyshen e qendër mbrojtjes Rio Ferdinand dhe Nemanja Vidic, ndërsa Paul Scholes dhe Ryan Giggs vazhduan të drejtonin ekipin.

“Si do të ia dilte kjo skuadër e Arsenalit kundër skuadrës suaj të vitit 2008, e cila ishte ndoshta skuadra më e mirë kundër të cilës kam luajtur ndonjëherë?" pyeti Walcott.

Rooney u përgjigj menjëherë: "Do t'i shkatërronim! Mendoj se do ta bëjmë".

Të gjithë të pranishmit filluan të qeshnin me përgjigjen e shpejtë të legjendës angleze.

“Të duhej gjysmë sekonde për t'iu përgjigjur kësaj”, theksoi Gabby. /Telegrafi/

Gabriel Jesus ishte heroi i Arsenalit, duke realizuar dy gola në fitoren 3:1 në udhëtim ndaj Interit, në një mbrëmje të paharrueshme në “Giuseppe Meazza”.

Ylli brazilian, i cili ka kaluar një periudhë të vështirë për shkak të lëndimeve, nuk i fshehu emocionet pas paraqitjes së shkëlqyer dhe golave të shënuar në një nga stadiumet më ikonike të futbollit evropian.

“Është një natë ëndrrash. Gjithmonë kam ëndërruar të bëhem futbollist. Kur isha fëmijë, e shikoja shumë Serie A. Të jem këtu në këtë stadium dhe të shënoj është diçka që më mbush sytë me lot, sepse gjithmonë kam ëndërruar të jem këtu”, u shpreh Gabriel Jesus.

Braziliani foli edhe për periudhën e gjatë jashtë fushës.

“Gjithmonë ka një arsye pse ndodhin gjërat, qofshin të mira apo të vështira. Këtë e kam mësuar gjatë 11 muajve që kam qenë jashtë fushës”.

Duke analizuar ndeshjen, ai tha se është gjithmonë vështirë të përballesh me Interin dhe se morën tre pikë të merituara.

“Është gjithmonë e vështirë të luash kundër Interit. Sezonin e kaluar humbëm këtu. Sonte luajtëm më mirë se ata, e kontrolluam lojën, edhe pse Interi është një ekip i shkëlqyer dhe shumë i rrezikshëm në sulm. Shënuam në fund dhe morëm tre pikët. Duhet të vazhdojmë, sepse kemi një tjetër ndeshje në fundjavë”.

Jesus komentoi edhe konkurrencën në repartin ofensivë te Arsenali.

“Të gjithë duan të jenë titullarë. Unë jam një djalë shumë i respektueshëm dhe e kuptoj futbollin, nuk jam më fëmijë, jam 28 vjeç. Jam shumë i lumtur që Gyokeres hyri dhe shënoi gol, po aq sa jam i lumtur për golat e mi. Jam i bindur se edhe Kai do të shënojë kur t’i vijë momenti”.

Ky dygolësh mund të shënojë fillimin e rikthimit të vërtetë të Gabriel Jesus pas një mungese të gjatë për shkak të lëndimit, duke e bërë atë një faktor të rëndësishëm në garën e Arsenalit për titull.

Në të njëjtën kohë, edhe Viktor Gyokeres realizoi gol të martën mbrëma, ndërsa Kai Havertz po rikthen gradualisht formën, duke krijuar një konkurrencë të fortë dhe të shëndetshme në repartin ofensiv të “Topçinjve”./Telegrafi/

Arsenali ka vazhduar formën e jashtëzakonshme në javën e shtatë të fazës së ligës në Ligën e Kampionëve, duke triumfuar si mysafir ndaj Interit me rezultat 3-1, për të konfirmuar kryesimin absolut në garën më prestigjioze evropiane.

Gabriel Jesus shënoi dy herë, ndërsa një gol tjetër e shtoi Viktor Gyökeres, duke vulosur fitoren e Arsenalit. Golin e vetëm për Interin e realizoi Petar Sucic.

Pikërisht mesfushori kroat i Interit, Sucic, ishte lojtari më i vlerësuar i ndeshjes sipas SofaScore, me notën 8.9.

Në anën tjetër, te Arsenali u dalluan sulmuesit Gyökeres (7.7) dhe Jesus (7.6), të cilët patën ndikim të drejtpërdrejtë në rezultat.

Jurrien Timber ishte lojtari me notën më të ulët në këtë ndeshje, duke u vlerësuar me 5.8.

Notat e lojtarëve të Interit dhe Arsenalit

/Telegrafi/

Arsenal ka vazhduar formën e jashtëzakonshme në javën e shtatë të fazës së ligës në Ligën e Kampionëve, duke triumfuar si mysafir ndaj Interit me rezultat 3-1, për të konfirmuar kryesimin absolut në garën plot prestigj.

Londinezët kaluan në epërsi që në minutën e 10-të, kur goditja e Jurrien Timber u devijua nga Gabriel Jesus dhe përfundoi në rrjetë për 0-1.

Inter reagoi shpejt dhe barazoi në minutën e 18-të me një goditje spektakolare nga distanca të Petar Sucic (1-1), por gëzimi i vendasve zgjati pak.

Në minutën e 31-të, Gabriel Jesus shfrytëzoi një top të kthyer në zonë dhe me kokë riktheu avantazhin për Arsenalin, pas asistimit të Leandro Trossard për 1-2.

Në pjesën e dytë, Inter u përpoq të rikthehej në lojë me disa raste të mira, por mungoi konkretizimi, ndërsa David Raya u shfaq vendimtar në portën e Arsenalit.

Çdo dilemë u shua, ajo e fituesit, në minutën e 85-të, kur Viktor Gyokeres, i futur nga stoli, realizoi një gol të bukur nga jashtë zone për rezultatin përfundimtar 3-1.

Me këtë fitore, Arsenal jo vetëm që ruan bilancin perfekt, me shtatë fitore nga shtatë ndeshje dhe 21 pikë, por edhe konfirmohet si skuadra më e fortë e këtij edicioni deri tani.

Në anën tjetër, Inter pëson një tjetër rrëshqitje, duke mbetur në vendin e tetë me 12 pikë, pas katër fitoreve dhe tre humbjeve. /Telegrafi/

Në ndeshjen e shtatë të fazës së grupeve të Ligës së Kampionëve, Arsenali e ka mbyllur në avantazh ndaj Interit me rezultat 2-1 pas 45 minutash lojë.

Arsenal kishte kaluar herët në avantazh në minutën e 10-të me një devijim të Gabriel Jesus, i cili përfitoi nga gjuajtja e Jurrien Timber dhe e dërgoi topin në rrjetë.

Por Interi reagoi shpejt dhe barazoi rezultatin në minutën e 18-të me një gjuajtje të fuqishme nga Petar Sucic nga skaji i zonës.

Në minutën e 31-të, Gabriel Jesus riktheu epërsinë për Arsenalin, duke finalizuar me kokë një top pas rikthimit, ndërsa asistin e dha Leandro Trossard.

Interi pati disa raste të rrezikshme për të barazuar, përfshirë gjuajtjet e Marcus Thuram dhe Federico Dimarco, por portieri i Arsenalit, David Raya, bëri pritje spektakolare dhe ruajti avantazhin e skuadrës së tij.

Ndeshja rifillon në pjesën e dytë me Interin që kërkon rikthimin dhe Arsenalin që tenton të konsolidojë avantazhin e tij. /Telegrafi/

Inter duhet të rikthehet në rrugën e duhur në Ligën e Kampionëve me Lautaro Martinez dhe Marcus Thuram, teksa presin liderët e Arsenalit që luajnë me Gabriel Jesus dhe Bukayo Saka.

Nerazzurri janë në krye të tabelës së Serie A, por në Ligën e Kampionëve kanë pasur vështirësi pas humbjeve të njëpasnjëshme në fund të ndeshjeve ndaj Atletico Madrid dhe Liverpool.

Hakan Calhanoglu, Denzel Dumfries dhe Raffaele Di Gennaro janë ende të lënduar, kështu që Piotr Zielinski dhe Luis Henrique do të startojnë në mesfushë. Lautaro Martinez do të luajë si partner me Marcus Thuram në sulm te Interi.

Arsenal është në formë të jashtëzakonshme, si në kampionatin vendas, ashtu edhe në Ligën e Kampionëve.

Kai Havertz dhe Bukayo Saka kanë probleme të lehta fizike, por Saka starton gjithsesi, ndërsa në sulm janë Eberechi Eze, Gabriel Jesus dhe Leandro Trossard. Declan Rice dhe Viktor Gyokeres do të jenë në stol.

Inter: Sommer; Akanji, Acerbi, Bastoni; Luis Henrique, Barella, Zielinski, Sucic, Dimarco; Lautaro Martinez, Thuram

Arsenal: Raya; Timber, Saliba, Mosquera, Leëis-Skelly; Zubimendi, Merino, Eze; Saka, Trossard, Jesus

/Telegrafi/

Nuk është ajo klasikja e madhe europiane. Gjithsesi, një Inter-Arsenal është një sfidë e shkëlqyer e Championsit dhe në “San Siro” sonte pritet një spektakël.

Dy skuadra që janë në formë shumë të mirë në kampionatet e tyre kanë krijuar një histori të bukur me disa rezultate të shënuara.

Nuk harrohet triumfi i madh i londinezëve në Milano, me shifrat 5-1, nën udhëheqjen dhe golat e legjendës franceze Tieri Henri, të francezit tjetër Pire, apo të yjeve si Edu dhe Ljungberg.

Gjithsesi, sezonin e kaluar, Interi fitoi minimalisht 1-0, falë një goli shënuar me penallti nga Hakan Çalhanoglu.

Për fat të keq, lombardët nuk do ta kenë mesfushorin e fortë turk, që është I dëmtuar.

Bashkë me të edhe mbrojtësi holandez i krahut, Damfris, ndonëse kjo nuk e ka penguar skuadrën e trajnerit Kristian Kivu që të ketë një seri shumë të mirë në Serinë A, të cilën edhe e kryeson.

“La Gazeta delo Sport” mezi e pret ndeshjen: Ethe për 90 minuta! Champions, Interi ndaj Arsenalit për një mbrëmje të madhe!

Po “topçinjtë”?

Anglezët cilësohen favoritë për fitore ndonëse luajnë jashtë fushe, por gjithsesi parashikimet nuk I japin avantazh të madh.

Trajneri Mikel Arteta ka vetëm dy mungesa, italianin Kalafiori dhe Piero Hinkapinë, pa llogaritur Maks Doumanin.

Tifozët mund të kenë besim pasi idhujt e tyre po shkëlqejnë në çdo konkurrim.

Ata kryesojnë Premier Ligën, janë pranë finales së Kupës së Ligës në Angli, dhe kryesojnë Championsin me 18 pikë të plota, pra me 6 fitore në gjashtë ndeshje, ndërsa Interi është në vend të 6-të me 12 pikë./abcnews.al

Arsenali ka vënë në shënjestër një nga futbollistët më të spikatur të futbollit italian aktual, Federico Dimarco.

Afati kalimtar dimëror ka nisur të gjallërohet në Londër, ku klubi londinez po kërkon të forcojë krahun e majtë të mbrojtjes.

Mbrojtësi i Interit, një figurë kyçe në skemat e zikaltërve, ka tërhequr vëmendjen e Mikel Artetës falë kontributit të madh ofensiv dhe intensitetit fizik.

Dimarco po kalon një nga momentet më të mira të karrierës, me statistika që e rendisin mes më të mirëve në Evropë në pozicionin e tij.

Kontrata e tij me Interin skadon në vitin 2027, çka ka shtuar presionin në “San Siro” përballë interesimit nga Liga Premier.

Arsenali e sheh italianin si një përforcim ideal për filozofinë e tij dinamike, pasi ai mund të luajë si mbrojtës i majtë apo edhe më përpara në fushë.

Sipas burimeve nga Italia, drejtuesit e Arsenalit janë të gatshëm të bëjnë një investim të konsiderueshëm për të realizuar transferimin.

Vlera e kartonit të Dimarcos vlerësohet rreth 50 milionë euro, shifër që pasqyron statusin e tij aktual.

Pavarësisht interesimit edhe nga klube të tjera angleze, projekti sportiv i Artetës shihet si destinacioni më joshës në rast largimi nga Serie A.

Nga ana tjetër, Interi nuk ka ndërmend të heqë dorë lehtë nga një prej liderëve të skuadrës dhe një simbol i identitetit aktual të klubit.

Drejtuesit zikaltër po përgatisin një ofertë rinovimi deri në vitin 2029 me rritje page, për ta blinduar lojtarin.

Megjithatë, vendimi final pritet të varet nga dëshira e vetë Dimarcos, i cili ka një lidhje të fortë emocionale me klubin e tij të zemrës.

Për Arsenalin, afrimi i Dimarcos do të ishte një sinjal i qartë ambicieje në garën për tituj.

Në moshën 28-vjeçare, italiani ndodhet në pjekurinë ideale për një sfidë të re ndërkombëtare dhe për të provuar veten në kampionatin më konkurrues në botë.

Javët në vijim pritet të jenë vendimtare për të kuptuar nëse ky interes do të konkretizohet në një ofertë zyrtare që mund të tronditë tregun e transferimeve. /Telegrafi/

Sot (e martë) rikthehet Liga e Kampionëve me nëntë ndeshje të cilat janë në program për t’u luajtur në kuadër të xhiros së shtatë të fazës së ligës.

Pas më shumë se një muaji pauzë, Liga e Kampionëve rikthen emocionet e veta me shumë ndeshje interesante, të cilat mund të vendosin fatin e skuadrave për të ecur tutje, për të mbetur në ‘play-off’ ose për t’u eliminuar.

Ndeshja kryesore e mbrëmjes padyshim se është ajo në mes të Interit dhe Arsenalit, e cila pritet të zhvillohet në “Giuseppe Meazza” me fillim nga ora 21:00.

Nerazzurrët duan vetëm fitore për të mbetur në tetë pozitat e para dhe për të bërë një hap drejt sigurimit të kualifikimit, ndërsa Topçinjtë edhe me një barazim do ta siguronin kualifikimin pasi kanë gjashtë fitore nga gjashtë ndeshjet e para.

Në ndeshjet tjera, Real Madridi synon fitore ndaj Monacos për të mbetur në tetëshe, ashtu sikurse Manchester City që udhëton te Bodo/Glimt dhe Paris Saint-Germain te Sporting Lisbona.

Tottenham-Dortmund është një sfidë të cilën dy ekipet tentojnë ta fitojnë duke shpresuar ngjithjen në tetë pozitat e para, ndërsa Napoli synon të mos gaboj në udhëtim te Copenhagen pasi rrezikon të mbetet jashtë fazës play-off.

Në tri ndeshjet tjera të mbrëmjes, Bayer Leverkusen luan në udhëtim te Olympiacosi, Kairat Almaty e pret Club Brugge dhe Villarreal është nikoqir i Ajaxit. /Telegrafi/

Trajneri i Interit, Cristian Chivu, ka dhënë vlerësimin e tij për nivelin aktual të futbollit në Evropë, teksa skuadra italiane përgatitet për fazën vendimtare të Ligës së Kampionëve.

Tekniku rumun veçoi dy skuadra që sipas tij po dominojnë totalisht sezonin 2025/26 për nga cilësia dhe stabiliteti në lojë.

“Besoj se Arsenal dhe Bayern janë dy skuadrat më të mira në Evropë për momentin”, deklaroi Chivu.

Arsenali, lider në Ligën Premier, ka shkëlqyer këtë sezon me futboll ofensiv të organizuar, intensitet të lartë dhe një mbrojtje shumë të disiplinuar, duke marrë rezultate mbresëlënëse si në kampionat ashtu edhe në arenën evropiane.

Nga ana tjetër, Bayern Munich vazhdon të tregojë ADN-në e zakonshme të klubit gjerman: efikasitet maksimal, dominim taktik dhe përvojë në menaxhimin e ndeshjeve të mëdha, duke mbetur një nga favoritët kryesorë për çdo trofe.

Komentet e Chivut vijnë në prag të përballjeve të rëndësishme të Interit në Ligën e Kampionëve, duke theksuar nivelin e lartë të konkurrencës dhe standardin që kanë vendosur aktualisht klubet elitare të Evropës.

Kujtojmë përballja mes Interit dhe Arsenalit do të zhvillohet të martën, me fillim nga ora 21:00./Telegrafi/

Interesimi nga Liga Premier për Arda Guler vazhdon, me Arsenalin që dëshiron ta transferojë lojtarin turk.

Megjithatë, për momentin, mesfushori nuk mendon për largim dhe dëshiron të vazhdojë karrierën e tij te Real Madridi.

Në fillim të sezonit 2025/2026, Guler ishte një nga lojtarët më të spikatur të ekipit, sidomos për bashkëpunimin e tij në fushë me Kylian Mbappe.

Me kalimin e javëve, forma e tij ka rënë dhe ai nuk arriti të sigurojë një vend të qëndrueshëm titullari nën drejtimin e Xabi Alonsos.

Tani, me Alvaro Arbeloa si trajner të ri të Real Madridit, Arda Guler ka përpara një mundësi të re për të treguar vlerat e tij dhe për të fituar më shumë besim.

Sipas Sports Illustrated, Arsenali i Mikel Artetës vazhdon ta ndjekë nga afër lojtarin, i impresionuar nga cilësitë e tij teknike.

Megjithatë, Guler nuk ka ndërmend të largohet nga Madridi dhe është i vendosur të vazhdojë dhe të ketë sukses me fanellën e “Los Blancos”. /Telegrafi/