Instituti Kombëtar i Shëndetësisë Publike të Kosovës, ka dhënë disa këshilla se si të mbrohemi nga gripi sezonal duke e cilësuar atë si sëmundje akute infektive.

Disa prej këshillave janë: lani duart shpesh me ujë dhe sapun, mbuloni gojën dhe hundën kur kolliteni ose teshtini, shmangni kontaktin e ngushtë me persona të sëmurë, qëndroni në shtëpi nëse jeni të sëmurë, ushqehuni shëndetshëm dhe pini shumë lëngje si dhe vaksinohuni çdo vit kundër gripit sezozal.

Sipas tyre gripi sezonal te një numër i konsideruar i rasteve shkakton komplikime serioze shëndetësore, veçanërisht te fëmijët, te të moshuarit dhe ata me sëmundje kronike.

Tutje thuhet se vaksina kundër gripit është mënyra më e mirë për të reduktuar rrezikun e infektimit dhe përhapjen e virusit.

Sinjali – aty ku e vërteta flet para lajmit!

/GazetaSinjali/

The post IKSHPK jep këshilla për mbrojtje nga gripi sezonal appeared first on Sinjali.

Viti 2025 dëshmoi një sistem shëndetësor të mbingarkuar, me mungesë shërbimesh bazë, financim të pamjaftueshëm dhe boshllëqe menaxheriale. Raportime të Citizens.al treguan se pacientët dhe mjekët u përballën vazhdimisht me pasiguri dhe vonesa të rrezikshme në trajtime.

Nga onkologjiku, deri te shërbimet për personat me aftësi të kufizuara, qytetarët hasën burokraci, pengesa madje dhe pabarazi sociale në sistemin e kujdesit shëndetësor.

Onkologjiku dhe “Tetori i zi”

Kontrolli i Lartë i Shtetit konstatoi mungesë barnash, personeli dhe aparaturash në Spitalin Onkologjik, qendrën më kryesore të trajtimit të kancerit në Shqipëri.

Ky ishte dhe lajmi më shqetësues i vitit sa i takon shëndetësisë, pasi konfirmoi një varg raportimesh të ardhura nga denoncime dhe gazetarë hulumtues.

Sipas KLSH-së, gjendja solli vonesa të rënda në trajtim dhe rrezik jete për pacientët duke nxjerrë në pah nevojën për reformë urgjente dhe rritje kapacitetesh.

Në këtë kontekst, tetori, që zakonisht shënjon muajin e ndërgjegjësimit për kontrollin dhe parandalimin e kancerit të gjirit, u kthye në një muaj protestash.

Qytetarë, aktivistë të shoqërisë civile, por dhe gazetarë të angazhuar, ngritën zërin për situatën me të cilën përballen gratë me kancer në Shqipëri.

Ata kërkuan trajtim dhe shërbim dinjitoz teksa simbolikisht e quajtën këtë muaj si “tetori i zi”, për faktin se ndërgjegjësimi nuk mjafton kur spitalet nuk kanë barna, pajisje dhe personel.

Investimet në rënie, qytetarët vuajnë pasojat

Sipas një raporti të organizatës “Together for Life”, shpenzimet për shëndetësinë zbritën në nivelin më të ulët që nga viti 2017, duke vijuar prirjen tkurrëse të dy viteve më përpara (2022, 2023).

Për vitin 2024 ato zunë vetëm 9.6% të fondeve të buxhetuara nga qeveria duke bërë që Shqipëria të renditet e fundit në rajon sa i takon këtij sektori.

Përveç mungesës së investimeve, përqendrimi i kontratave publike të shëndetësisë në pak operatorë dhe gabimet, apo vonesat në procedurat tenderuese shihen si shqetësues në raport me mbulimin e nevojave të qytetarëve.

Citizens.al raportoi për rastin e rindërtimit të Spitalit të Dibrës, premtuar që prej vitit 2023, por që mbetet ende i pakryer duke reflektuar kështu për mungesë serioze planifikimi strategjik në infrastrukturë shëndetësore.

Në këtë gjendje, pasojat bien mbi qytetarët. Gjatë vitit, pati protesta para Ministrisë së Shëndetësisë për neglizhencë trajtimi teksa përkrahja për personat me aftësi të kufizuara mbetet e papërfillshme.

5 vite nga pandemia e COVID-19, ende asnjë bilanc

Viti 2025 shënoi edhe 5-vjetorin e rasteve të para zyrtare me infeksionin viral që tronditi botën për rreth tre vite me radhë.

Citizens.al tregoi sesi Ministria e Shëndetësisë, Instituti i Shëndetit Publik, por edhe Universiteti i Mjekësisë nuk kishin studime apo të dhëna të reja rreth mënyrës se si u kalua pandemia në Shqipëri.

Përkundrazi, bilanci zyrtar ishte hequr nga faqet e institucioneve, ndërsa vendi nuk ka datë zyrtare se kur ka dalë nga emergjenca e pandemisë.

Përveç kësaj, në statistika mbeten shifrat propagandistike e raportuara nga qeveria se në Shqipëri gjatë pandemisë pati vetëm 3,625 vdekje nga COVID-19. Ndërkohë mbi 17,500 vdekje (periudha 2020-2023) mbi mesataren vjetore, të reflektuara në regjistrat e gjendjes civile, janë ende pa arsye zyrtare.

Fertilizimi “in vitro”: Shpresa që kushton shumë

Përmes rrëfimeve të disa çifteve, Citizens.al tregoi realitetin e ashpër mes dëshirës dhe mundësive që janë në Shqipëri për ata që duan të bëhen prindër.

Diagnostikimi i shtrenjtë, apo i vonuar, udhëtime të pafundme nëpër klinika dhe kosto që e shtyjnë fertilizimin “in vitro” jashtë mundësive për shumicën e çifteve.

Mjekët shpesh i drejtojnë pacientët drejt sektorit privat, ndërsa mbështetja publike mbetet minimale.

Disa familje zgjedhin emigrimin për të përfituar politika sociale më të aksesueshme, si në disa vende të Bashkimit Evropian. Por edhe kur procedura nis, procesi është i gjatë, emocionalisht i vështirë dhe pa garanci suksesi.

Ndërkohë, rasti i programeve shtetërore për stimulimin e lindshmërisë tregon kontrastin në këtë drejtim: fondet ekzistojnë, por nuk përkthehen në akses real për çiftet që kanë nevojë për trajtim mjekësor të specializuar.

The post Viti 2025: Shëndetësia mes propagandës dhe kolapsit appeared first on Citizens.al.

Aktiviteti i ambulancave, poliklinikave dhe spitaleve publike është në rritje vitet e fundit nga plakja e popullsisë dhe rritja e barrës së sëmundjeve në popullatë, por nga ana tjetër, shpenzimet për sektorin e shëndetësisë si në raport me PBB-në, ashtu edhe me shpenzimet buxhetore në përgjithësi vijnë në ulje në periudhën afatmesme.

Të dhënat në projektbuxhetin afatmesëm 2026–2028, që u botua së fundmi në Fletoren Zyrtare, tregojnë se fondet me target vetëm shëndetësinë janë shumë më të ulëta sesa raportohen zyrtarisht, për shkak se brenda buxhetit të Ministrisë së Shëndetësisë është përfshirë edhe ndihma ekonomike.

Këtë vit buxheti i Ministrisë së Shëndetësisë është rreth 80 miliardë lekë, nga të cilat 53 miliardë lekë janë për funksionet e shëndetësisë dhe 27,3 miliardë lekë janë për ndihmën ekonomike.

Në total buxheti i shëndetësisë këtë vit është sa 3% e PBB-së, nga të cilat 2 për qind janë për shëndetësinë dhe 1% e PBB-së për ndihmën ekonomike.

Në vitin 2028 buxheti i total i shëndetësisë është planifikuar 82 miliardë lekë, nga të cilat 29.5 miliardë lekë janë për ndihmën ekonomike, duke zënë 1%, dhe 52 miliardë lekë për shëndetësinë, duke zënë vetëm 1.7% të PBB-së.

Të dhënat tregojnë se fondi i dedikuar shëndetësisë do të vijë në ulje si në vlerë ashtu edhe si për qind e PBB-së. Nga 53 miliardë lekë këtë vit, për vitin 2028 janë planifikuar 52.6 miliardë lekë me rënie 1.4%.

Të dhënat tregojnë se ekonomia po rritet më shpejt sesa financimet për shëndetësinë. Kjo sjell ulje të peshës së sektorit në PBB dhe një presion në sistem, sidomos në një kohë që kërkesat për shërbime shëndetësore publike vijojnë të rriten.

Shqipëria mbetet nën mesataren e vendeve të Ballkanit Perëndimor për financimet në shëndetësi. Serbia shpenzon rreth 5% të PBB-së për shëndetësinë publike, Maqedonia e Veriut mbi 4%, ndërsa Bosnja rreth 6%. Edhe vendet me të ardhura të ngjashme si Kosova (rreth 3% e PBB-së) kanë një peshë buxhetore më të lartë se Shqipëria. Kjo diferencë është edhe më e dukshme kundrejt standardit europian, ku buxhetet publike të shëndetësisë variojnë mesatarisht nga 7% deri në 10% të PBB-së (me Italinë rreth 7.2%, Spanjën rreth 7.6% dhe Gjermaninë mbi 9%.

Të dhënat buxhetore tregojnë se teksa ekonomia rritet, qeveria nuk është aftë të shpërndajë atë në më shumë shërbime sociale të tilla si financimi i arsimit, shëndetësisë dhe familjeve të varfra./ B.Hoxha

The post Sëmundjet rriten, fondet për shëndetësinë ulen në vlerë dhe në përqindje të PBB-së deri më 2028 appeared first on Revista Monitor.

Aktiviteti i ambulancave, poliklinikave dhe spitaleve publike është në rritje vitet e fundit nga plakja e popullsisë dhe rritja e barrës së sëmundjeve në popullatë, por nga ana tjetër, shpenzimet për sektorin e shëndetësisë si në raport me PBB-në, ashtu edhe me shpenzimet buxhetore në përgjithësi vijnë në ulje në periudhën afatmesme. Të dhënat në […]

The post Sëmundjet rriten, fondet për shëndetësinë ulen në vlerë dhe në përqindje të PBB-së appeared first on BoldNews.al.

TIRANË, 29 dhjetor/ATSH/ Kryeministri Edi Rama tha se ka vijuar rritja e pagave të punonjësve të shëndetësisë dhe është marrë një vendim i ri për të filluar edhe njohjen e vjetërsisë në punë të mjekëve dhe infermierëve gjë që do të rrisë edhe shpërblimet e tyre sipas vjetërsisë në punë.

Gjatë konferencës së fundvitit me gazetarët, kryeministri u shpreh se paga mesatare për mjekët do të rritet me 135 euro të tjera në muaj”, ndërsa u ndal edhe te kantieret e ndërtimit në shëndetësi në të gjithë vendin.

“Kantieri i shëndetësisë është aktiv në katër anët e territorit. Ka përfunduar dhe po kolaudohet ndërtimi i godinës së re të maternitetit “Mbretëresha Geraldinë”, është rindërtuar spitali i Kavajës, është rindërtuar spitali rajonal i Lezhës, i kardiologjisë në QSUT, është rindërtuar spitali i Psikiatrisë së fëmijëve në QSUT,  është rindërtuar spitali ditor i Peqinit, është rindërtuar shtëpia e të moshuarve në Libohovë”, vijoi Rama.

“Ndërkohë që janë në proces godina multifunksionale e parkimit dhe struktura akomoduese në QSUT që mbyllet në shtatorin e ardhshëm dhe do të  transformojë të gjithë jetën e brendshme të QSUT-së, duke hequr të tëra makinat nga territori i QSUT-së, territoriI cili do të bëhet një park i madh dhe i bukur që do të jetë një rritje e cilësisë së shërbimit për pacientët, ndërkohë që të gjithë automjetet përveç autoambulancave do të kenë vendin e tyre në këtë parkim të madh multifunksional”, pohoi Rama.

Rama tha se ka filluar rindërtimi i spitalit të djegie plastikës në Tiranë, ndërtimi i godinës së laboratorëve të ISHP-së, ndërtimi i qendrës back up në Vlorë, ndërtimi i disa godinave të reja në Elbasan, ndërtimi i disa pavionëve në spitalin rajonal të Beratit, ndërtimi i shërbimit të patologjisë në spitalin e Vlorës, rindërtimi i dy materniteteve në Shkodër dhe në Fier, rindërtimi i godinave qendrore të spitaleve të Lushnjes, Pogradecit, Gjirokastrës etj.

Kreu i Ekzekutivit u ndal edhe te lista e pajisjeve të reja në shëndetësisë, ndërsa nënvizoi se gjithë këto investime mbështesin përmirësimin domethënës të kushteve të punës së mjekëve dhe infermierëve.

“Më vjen shumë mirë që më në fund po lexojmë një rënie kuptimplotë të tendencës së ikjes së mjekëve dhe të zgjedhjes së parë vajtjen jashtë shtetit. Tendenca ka filluar të kthejë dhe kjo është shumë pozitive”, pohoi Rama.

/e.i/j.p/

The post Paga mesatare për mjekët do të rritet me 135 euro të tjera në muaj appeared first on Agjencia Telegrafike Shqiptare.

TIRANË, 29 dhjetor/ATSH/ Kryeministri Edi Rama tha sot se sektori i shëndetësisë është futur në një fazë të re të thellimit të reformës, si edhe në një përmirësim të mëtejshëm të menaxhimit të spitaleve publike.

Duke u ndalur në sektorin e shëndetësisë në vend, gjatë konferencës së fundvitit me gazetarët, Rama tha se prej marsit ka filluar në spitalin “Memorial” të Fierit zbatimiiI autonomisë financiare, të cilin Rama e konsideroi një hap të madh.

Kryeministri Rama shtoi se autonomia menaxheriale po zbatohet edhe në 12 spitale rajonale dhe terciare në vend.

“Janë në proces për të filluar këtë transformim dhe katër spitale të reja, kjo do të thotë një ndryshim epokal për shërbimin tonë publik shëndetësor. Kemi hedhur një hap domethënës në funksion të rritjes së kapacitetit të trajtimit të pacientëve me sëmundje tumorale që janë bërë gjithmonë e më prezente në jetën e vendit dhe faktikisht është një tendencë botërore që ka një rritje shumë agresive të kancerit në përgjithësi. Kemi vendosur një fond të posaçëm plus prej 15 milionë euro, ndërkohë kemi filluar punën për krijimin e Institutit Kombëtar të Tumoreve në Shqipëri dhe rrjetëzimin e shërbimit të kimioterapisë edhe në një sërë spitalesh të tjera për të ulur fluksin shumë të madh që ka spitali këtu në Tiranë dhe për të rritur ndjeshëm kapacitetin e shërbimit”, tha Rama.

Rama u shpreh se janë një sërë programesh të reja falas që futen në proces që nga shërbimi i trombektomisë te rikonstruksioni i gjirit për 350 paciente, te transplanti i kornesë së syrit, paketat e reja të kirurgjisë dhe kardiokirurgjisë, transplanti i veshkës etj.

/e.i/j.p/

The post Fond i posaçëm prej 15 milionë euro për trajtimin e pacientëve me sëmundje tumorale appeared first on Agjencia Telegrafike Shqiptare.

TIRANË, 29 dhjetor/ATSH/ Inspektorati Shëndetësor Shtetëror ka bërë publik sot bilancin  inspektimeve të kryera gjatë vitit 2025 në institucionet publike dhe private në vend.

Në një videomesazh përcjellë nga Ministria e Shëndetësisë dhe Mirëqenies Sociale, bëhet me dije se ISHSH ka realizuar 3884 inspektime në institucionet arsimore dhe 73 inspektime në spitalet publike dhe jopublike në vend.

Gjithashtu, ISHSH ka kryer edhe 3598 inspektime në hotele, bujtina, restorante, pishina dhe subjekte socio-kulturore.

Sipas ISHSH, gjatë vitit 2025 janë kryer edhe 1190 inspektime në subjektet stomatologjike dhe 3552 inspektime për mbrojtjen e shëndetit nga produktet e duhanit.

Instituti Shëndetësor Shtetëror mbetet i angazhuar për forcimin e rolit të shëndetit publik, parandalimin e rreziqeve shëndetësore dhe mbështetjen e politikave kombëtare, me qëllim mbrojtjen dhe përmirësimin e shëndetit të qytetarëve.

/e.i/j.p/

The post Mbi 3 mijë inspektime të shëndetit publik në shkolla e spitale appeared first on Agjencia Telegrafike Shqiptare.

Humbje e kujtesës dhe dëmtime të përjetshme të trurit, janë disa nga pasojat më të rënda të shkaktuara nga fruthi. Alarmi u dha në Dita Jonë nga mjeku Edi Tushe, pas shtimit të rasteve me fruth dhe komplikacionet. Sipas tij shenjat e para të fruthit janë kolla, hundët dhe skuqja e syve, ndërsa thekson që i vetmi parandalim është vaksinimi.

“Është e pamundur ta ndash fruthin nga sëmundjet e tjera virale 3 shenjat kryesore janë kolla hundët dhe skuqja e syve dhe temperatura e lartë. Ka shenja që e diferencojnë nga shenjat klinike. I vetmi trajtim është vaksinimi që parandalon sëmundjen dhe ruajtjen e popullatës delikate. Fruthi është për komplikacionet që mund të japë është amnezia, ose humbja e kujtesës për një kohë të zgjatur gati edhe një vit. E dyta është që në 150 -200 mijë raste mund të lërë dëmtime të pashlyueshme në trurin e njeriut si dëmtimi i përjetshëm i trurit nga fruthi”.

Mjeku Tushe thotë në A2 CNN se një tjetër veçori e fruthit është që shumë ngjitës, ndërsa mosha që sëmuret më shumë janë 15-vjeçarët. Sipas tij po bëhen përpjekje për afrimin e moshës së vaksinimit.

“Nga ana tjetër fruthi ka edhe një veçori tjetër në krahasim me viruset e tjerë është shumë ngjitës. Një i sëmurë me fruth sëmur edhe 10- 12 të tjerë. Mosha që sëmuret më shumë është 15-vjeçare, por edhe persona që janë më pak se një vjeç se fëmija është i mbrojtur nga antikorpet që shkon deri në 3-4 muaj. Nga përpjekjet që po bëhen është të afrohet vaksina e fruthit. Ka vende në Europë që e bëjnë në muajin e gjashtë dhe të nëntë”.

Duke renditur shkaqet e fruthit ai thekson se kryesor është refuzimi i vaksinimit.

“Një nga shkaqet kryesore është se një pjesë e njerëzve nuk kanë besim te vaksinat dhe refuzojnë vaksinimin e fëmijëve. Shumë njerëz me kohën e kanë humbur aftësinë për t’u mbrojtur nga fruthi për shkak të një pastrimi nga antikorpet dhe njerëz që vuajnë nga disa sëmundje të caktuara apo që janë të vaksinuar me vaksinë të llojit tjetër rreth viteve 60-65. Kjo është arsyeja që në SHBA janë parë shumë raste të moshës së mesme”.

TIRANË, 28 dhjetor/ATSH/ Mjekët e Spitalit Universitar të Traumës gjatë këtyre ditëve festive apelojnë për kujdes të shtuar.

Në një video të publikuar nga Ministria e Shëndetësisë dhe Mirëqenies Sociale mjekët e këtij spitali u bëjnë apel qytetarëve të respektojnë rregullat e qarkullimit, të bëjnë kujdes në konsumimin e pijeve alkoolike dhe të tregojnë kujdes në përdorimin e mjeteve piroteknike.

Dr. Ervin Sulaj, shef i shërbimit të Anestezi-Reanimacionit pranë këtij spitali, tha se “është rritur cilësia e shërbimit në Spitalin Universitar të Traumës me investimet që janë bërë së fundmi qoftë në reanimacion, qoftë në ambientet e sallave, aparaturat e reja që kanë ardhur. Jemi në gatishmëri, të përballojmë në mënyrë cilësore të gjitha urgjencat që paraqiten këtu”.

Sulaj u bën apel qytetarëve që në këtë periudhë festash të jenë më të kujdesshëm gjatë lëvizjes me automjete.

Dr. Agustin Suma, shef shërbimi i Urgjencës, u shpreh se “ne trajtojmë çdo ditë trauma, politrauma dhe dëmtime nga më të ndryshmet, kjo nuk na dekurajon por na motivon që 24 orë të jemi në shërbim të të gjithë qytetarëve që paraqiten pranë nesh”.

Ndërsa mjekja okuliste Leodita Gjana theksoi se “në kuadrin e festave të fundvitit meqenëse me përdorimin e shtuar të alkoolit, të fishekzjarreve, të kapsollave rastet me trauma perforative okulare shtohen, doja të tërhiqja vëmendjen për një kufizim dhe përkujdesje ndaj këtyre efekteve”.

Dr. Admir Mustafa, mjek imazherist, tha se “patologjia e Urgjencës në spitalin e Traumës është një nga sektorët kryesorë që kërkon një shpejtësi diagnostikuese me përdorimin e grafive, ekove dhe skanerit. Ne kemi aparatura të një gjenerate të re që na mundëson kryerjen e këtyre ekzaminimeve duke respektuar mbi të gjitha protokollet dhe standardet bashkëkohore”.

Spitalet dhe Urgjenca Mjekësore do të jenë në gatishmëri 24 orë në ditët festive. Urdhri, i firmosur nga ministrja e Shëndetësisë dhe Mirëqenies Sociale, Evis Sala përcakton sigurimin e gatishmërisë të shërbimeve shëndetësore gjatë sezonit të festave, me qëllim garantimin e kujdesit shëndetësor dhe sigurisë për qytetarët, pa asnjë ndërprerje, veçanërisht në datat 31 dhjetor 2025 dhe 1-2 janar 2026.

/k.s/r.e/

The post Mjekët e Spitalit të Traumës apel qytetarëve për kujdes të shtuar gjatë festave appeared first on Agjencia Telegrafike Shqiptare.

TIRANË, 28 dhjetor/ATSH/ Shërbimi i Urgjencës Kombëtare Mjekësore krahas sistemit shëndetësor parësor në të gjithë vendin, do të vijojë punën pa ndërprerje, me qëllim garantimin e shërbimeve të menjëhershme dhe cilësore për qytetarët, gjatë periudhës së festave të fundvitit.

Ministrja e Shëndetësisë dhe Mbrojtjes Sociale, Evis Sala, e shoqëruar nga kreu i Urgjencës Kombëtare, Skënder Brataj vizituan kantierin e ndërtimit të qendrës rajonale të Urgjencës Mjekësore në Vlorë, ku u ndalën te masat e marra për gatishmërinë e ekipeve mjekësore gjatë festave të fundvitit.

Duke folur për rëndësinë e kësaj qendre, Brataj e informoi ministren Sala mbi projektin, i cili sipas tij, është mjaft funksional duke e bërë këtë qendër me kapacitete të mjaftueshme për të përballuar fluksin e urgjencave.

Brataj theksoi se bazuar në Urdhrin e Ministrisë së Shëndetësisë dhe Mbrojtjes Sociale janë forcuar kapacitetet e shërbimeve për datën 31 dhjetor, dhe 1 dhe 2 janar.

“Janë tri ditët e impenjimit tonë më të madh dhe shqetësimit në lidhje me traumat që mund të ndodhin nga aksidentet, përdorimi i alkoolit apo përdorimi i mjeteve piroteknike. Kemi shtuar ekipet natën e ndërrimit të viteve, kemi shtuar medikamentet dhe materialet mjekësore. Kemi po ashtu edhe një listë me personelin e gatishmërisë nëse do të jetë e nevojshme, në veçanti në Tiranë, në Spitalin e Traumës”, tha Brataj.

Po ashtu Brataj informoi se natën e ndërrimit të viteve janë aktivizuar ekipe shtesë vetëshërbimi pranë shesheve të qyteteve ku festohet.

Ai siguroi se masat e propozuara janë në lartësinë e duhur dhe Urgjenca Kombëtare do të jetë në gatishmëri për t’u ardhur në ndihmë qytetarëve.

Nga ana e saj, ministrja Sala falënderoi gjithë stafin e Urgjencës Kombëtare për shërbimin, gatishmërinë, profesionalizmin dhe pasionin që tregojnë.

“Gatishmëria juaj është një siguri për qetësinë, mbarëvajtjen e festave dhe gjithë sistemin shëndetësor”, u shpreh ministrja Sala.

Spitalet dhe Urgjenca Mjekësore do të jenë në gatishmëri 24 orë në ditët festive. Urdhri, i firmosur nga ministrja e Shëndetësisë dhe Mirëqenies Sociale, Evis Sala përcakton sigurimin e gatishmërisë të shërbimeve shëndetësore gjatë sezonit të festave, me qëllim garantimin e kujdesit shëndetësor dhe sigurisë për qytetarët, pa asnjë ndërprerje, veçanërisht në datat 31 dhjetor 2025 dhe 1-2 janar 2026.

Në zbatim të këtij urdhri, ekipet e Urgjencës Mjekësore dhe strukturat spitalore në të gjithë vendin janë në gatishmëri të plotë për të përballuar çdo rast emergjent, përfshirë traumat si pasojë e aksidenteve rrugore, tejkalimit të përdorimit të alkoolit apo përdorimit të mjeteve piroteknike gjatë festimeve.

/m.m/r.e/

The post Urgjenca Kombëtare në gatishmëri gjatë festave të fundvitit appeared first on Agjencia Telegrafike Shqiptare.

TIRANË, 27 dhjetor /ATSH/ Gjatë vitit 2025, në Spitalin Universitar Obstetrik Gjinekologjik “Koço Gliozheni” kanë ardhur në jetë 3 767 foshnje, ndërsa institucioni ka shënuar edhe zhvillime të rëndësishme strukturore dhe organizative.

Ministria e Shëndetësisë dhe Mbrojtjes Sociale, ndau një videokartolinë të veçantë urimi për festat e fundvitit nga stafi i Spitalit Universitar Obstetrik Gjinekologjik “Koço Gliozheni”, ku pjesë e saj është edhe Soreja, tashmë njëvjeçare, bebja e parë e lindur përmes fekondimit in vitro në strukturat spitalore publike në Shqipëri.

Mjeku Petrit Cami teksa shprehu urimin për festën e Vitit të Ri, vuri theksin në punën e stafit shëndetësor dhe kontributin e spitalit në ofrimin e shërbimeve cilësore për qytetarët.

Ndërsa kryeinfermierja Nineta Nasyfaga vlerësoi rolin e spitalit si simbol i shpresës, jetës së re dhe përkushtimit të stafit mjekësor ndaj nënave dhe fëmijëve.

Gjatë vitit 2025, në këtë spital është krijuar Qendra Mjekësore për Riprodhim të Asistuar, duke zgjeruar shërbimet publike në fushën e fertilitetit, si dhe spitali ka marrë statusin e Autonomisë Menaxheriale Spitalore. /j.p/

The post Në 2025, bebja e parë e lindur përmes fekondimit in vitro në maternitetin “Koço Gliozheni” appeared first on Agjencia Telegrafike Shqiptare.

Meshkujve iu mësohet qysh në fëmijëri se duhet të jenë të fortë, të durojnë dhe të mos thyhen. Është një skript që përsëritet nga familja dhe përforcohet nga media, për t’u përthithur më pas në mënyrë të pavetëdijshme.

I ftuar në episodin e radhës të Apostrof Podcast, Dr. Marsid Sinai – mjek androlog dhe kirurg – shpjegon se kjo ide e “burrit të pathyeshëm” është miti i parë dhe më i dëmshëm që meshkujt bartin nga fëmijëria në burrëri. Miti i dytë, sipas tij ka të bëjë me lidhjen që shumica e meshkujve bëjnë mes përmasave të organit gjenital dhe potencës seksuale – një mit ky i përfocuar nga pornografia dhe krahasimet, që shpesh e kthejnë pasigurinë në shqetësim shnëndetësor edhe kur nuk është aspak një problem shëndetësor.

Miti i tretë, sipas Dr. Sinanit, është ideja se problemet tona janë të dukshme ndaj të tjerëve, kur në të vërtetë shumica e njerëzve janë tepër të zënë me problemet e tyre dhe trupat e tyre për të vërejtur ankthet tona.

Ai shton se shpesh, shumë meshkuj nuk vuajnë domosdoshmërisht sepse trupat e tyre kanë probleme shëndetësore, por për shkak të historive që iu janë treguar dhe besojnë në lidhje me atë se çfarë trupat e tyre duhet të jenë.

Tek dentisti, një pjesë e mirë e shqiptarëve shkojnë vetëm kur kanë dhimbje. Shëndeti oral nuk është pjesë e kontrolleve dhe pastrimeve periodike.

Kjo mungesë i çon jo rrallë herë drejt infeksioneve që lidhen me shumë sëmundje, që nga infeksionet në mishrat e dhëmbëve e deri te sëmundjet kardiovaskulare.

Ndërsa një pjesë tjetër nuk shkojnë jo nga padija, por për shkak të kostove të larta që kanë klinikat private.

“Problematika më e shpeshtë është kariesi ose dhëmbët e prishur. Pavarësisht se ka një rritje të ndërgjegjësimit për t’u kujdesur, një pjesë e mirë e popullatës nuk paraqitet për të adresuar problematikat”, tha Belisa Kaleci, drejtoreshë e Klinikës Stomatologjike Universitare.

Klinika Stomatologjike Universitare në QSUT ofron shërbime falas për qytetarët që nuk kanë mundësi financiare, ku pensionistët janë përfituesit më të mëdhenj.

“Ne ofrojmë shërbime për moshat 0–18 vjeç, për pensionistët, familjet në nevojë, për çdo qytetar të Shqipërisë dhe për të huaj rezidentë”, tha ajo.

Në këtë strukturë universitare, ekipi i stomatologëve aplikon protokolle sipas standardeve ndërkombëtare për një gamë të gjerë shërbimesh.

“Ne ofrojmë jo vetëm shërbime bazike, por edhe ndërhyrje kirurgjikale me lazer kirurgjikal. Së fundmi jemi pajisur edhe me skaner 3D”, nënvizoi Kaleci.

Shërbimet, një herë në javë, ofrohen edhe për fëmijët romë dhe egjiptianë, ndërsa për personat me aftësi të kufizuara janë falas. Klinika ofron mundësi të ushtrimit të profesionit edhe për studentët dhe specializantët.

Periudha e festave është shoqëruar me një fluks të virozave, megjithatë sipas mjekëve situata nuk paraqitet alarmante. Virozat e rrugëve të sipërme dhe të poshtme të frymëmarrjes janë ato që dominojnë më tepër gjatë kësaj periudhe.

Bluzat e bardha apelojnë qe antibiotiket te mos perdoren pa kriter dhe pa konsultë me specialistin. Asnjë trajtim që nuk rekomandohet nga mjeku specialist nuk duhet marrë nga të vegjlit.

Mjekët japin disa këshilla për më shumë kujdes gjatë këtyre ditëve të festave me qëllim parandalimin e qarkullimit të virozave.

Fluksi i virozave është i pranishëm në të gjithë vendin. Vetëm në pediatrine  e Vlorës, kryhen rreth 40 vizita në ditë ndërsa rreth 30 është numri i pacientëve të vegjël që aktualisht janë të hospitalizuar,për shkak të komplikacioneve. Megjithate sipas bluzave të bardha, fluksi pritet të shtohet më shumë në ditët në vijim.

Bazuar në të dhënat e Institutit Kombëtar të Shëndetësisë Publike (IKSHPK), gjatë javëve të fundit është vërejtur një rritje e ndjeshme e rasteve të gripit dhe infeksioneve respiratore, e shoqëruar me rritje të numrit të personave që kërkojnë ndihmë mjekësore, si dhe të rasteve që përfundojnë me hospitalizim.

IKSHPK u ka bërë thirrje qytetarëve që të tregojnë kujdes të shtuar dhe të vaksinohen kundër gripit sezonal, duke e cilësuar vaksinimin si masën më efektive për parandalimin e sëmundjes dhe komplikimeve të saj.

“Edhe pse sezona e gripit ka filluar, vaksinimi është ende i dobishëm, pasi pritet që përhapja e gripit të intensifikohet gjatë muajve të ardhshëm”, thuhet në njoftimin e Institutit.

Sipas IKSHPK-së, vaksinimi ndihmon në uljen e rrezikut të zhvillimit të formave të rënda të sëmundjes, si dhe në mbrojtjen e grupeve më të rrezikuara, përfshirë të moshuarit, fëmijët, personat me sëmundje kronike, si dhe të gjithë personat nga mosha 6 muaj e lart që dëshirojnë të mbrohen nga gripi dhe komplikimet e tij.

“IKShPK u bën thirrje qytetarëve që, së bashku me familjarët e tyre, të drejtohen pranë qendrave të mjekësisë familjare për t’u vaksinuar”, thuhet në thirrjen e Institutit.

Sinjali – aty ku e vërteta flet para lajmit!

/GazetaSinjali/

The post Shtohet numri i rasteve me grip, IKSHPK u bën thirrje qytetarëve të vaksinohen appeared first on Sinjali.

TIRANË, 26 dhjetor/ATSH/ Një fëmijë është konfirmuar me fruth në Qendrën Spitalore Universitare “Nënë Tereza”.

Burime pranë MSHMS, konfirmuan se ky rast është paraqitur që në datën 22 dhjetor në spitalin e Pediatrisë, me temperaturë shumë të lartë dhe i pavaksinuar, por rasti është hetuar epidemiologjikisht dhe ndjekur nga ISHP.

Sipas MSHMS-së, nga dy raste me simptoma, vetëm njëri rast është fruth, ndërsa rasti tjetër nuk është konfirmuar i tillë.

Hetimi epidemiologjik i ndjekur nga ISHP ka konfirmuar diagnozën e fruthit për këtë fëmijë që është i moshës 3 vjeç.

Prof. Asoc. Dorina Toçi, drejtoreshë e Përgjithshme e ISHP-së, tha sot për ATSH-në se situata e fruthit në vend nuk është aspak alarmante dhe nuk ka vend për panik. Sipas Toçit, raste të konfirmuara me fruth ka pasur në Shqipëri gjatë viteve të fundit, madje në 2025 ka pasur më pak raste se vitet e kaluara.

Deputeti i PS,  Erjon  Braçe u bën thirrje prindërve që të mos e ndërpresin kalendarin e vaksinimit kundër fruthit, ndërsa thekson se rrymat antivaksinë në media apo rrjetet sociale duhet të braktisen.

“Fëmijët janë të pavaksinuar, për fruthin po e po, por edhe për sëmundje të tjera; Është tre vjeç por kalendari i vaksinimit të tyre është ndërprerë që në muajin e gjashtë, prindërit nuk e kanë ndjekur më kalendarin e vaksinimit të tyre. Fruthi është pasoja e parë. Unë nuk e di sa i gjerë është fenomeni, po kam frikë se pas pandemisë dhe fushatës agresive kundër vaksinimit me konotacion të gjerë, ndalja nga prindërit të kalendarit të vaksinimit ka marrë përmasë“, tha Braçe.

Vatra më e fundit me fruth në Shqipëri ishte ajo e këtij fillimviti në Fier me 10 fëmijë nga mosha 4-9 vjeç  ndërsa tre të tjerë u identifikuan në Vaun e Dejës, Lezhë dhe Tiranë ku ISHP konfirmoi gjithsej 12 raste, të gjithë të pavaksinuar. Mbulesa vaksinale me dozën e parë të vaksinës ndaj fruthit gjatë kësaj periudhe ra në 73% ndërsa me dy doza në  87% në shkallë vendi.

/e.i/j.p/

The post Fëmija 3 vjeç konfirmohet me fruth, Toçi për ATSH: Situata, jo alarmante appeared first on Agjencia Telegrafike Shqiptare.

Në Klinikën e Kardiologjisë në QKUK, aktualisht, janë rreth 2 mijë pacientë në pritje për koronarografi dhe vendosjen e stentave.

Gjatë viteve të fundit, janë realizuar investime në QKUK, përfshirë rinovime, shtretër të rinj dhe aparatura të avancuara, por ato duket se nuk kanë ulur ndjeshëm listat e pritjes.

Problemet thuhet se nuk burojnë vetëm nga mungesa e resurseve, por kryesisht nga menaxhimi joefikas i kapaciteteve ekzistuese.

Dy ditë në javë, korridoret e Klinikës së Kardiologjisë në Qendrën Klinike Universitare të Kosovës (QKUK) mbushen me dhjetëra pacientë që presin një vendim mjekësor me rëndësi jetike për ta – nëse do t’u kryhet koronarografia apo do t’u vendoset stenti.

Përpara tyre është një komision i përbërë nga mjekë dhe infermierë, i cili shqyrton dokumentacionin mjekësor, analizat dhe, kur është e nevojshme, kërkon ekzaminime shtesë, para se pacientët të përfshihen në listat e pritjes.

Koronarografia shërben për të identifikuar ngushtimet ose bllokimet në arteriet që furnizojnë zemrën me gjak, ndërsa stenti është një tub i vogël metalik që vendoset për të mbajtur arteriet e hapura dhe për të rikthyer qarkullimin normal të gjakut.

Sipas stafit të Klinikës së Kardiologjisë, aktualisht janë rreth 2 mijë pacientë që presin për këto shërbime, përfshirë edhe raste të regjistruara në muajt e parë të vitit 2024.

Një nga arsyet kryesore të këtij grumbullimi, sipas mjekëve dhe infermierëve me të cilët bisedoi REL-i, është mosfunksionimi i disa aparaturave për së paku dy muaj gjatë këtij viti.

Ngarkesën e ka shtuar edhe fluksi i madh i pacientëve nga komunat e Kosovës, përfshirë ato ku më herët janë kryer ekzaminime të tilla, si dhe numri i madh i referimeve nga klinikat e tjera brenda QKUK-së.

Stafi, megjithatë, siguron se rastet urgjente trajtohen menjëherë dhe nuk mbeten në listat e pritjes.

Pacientët duke pritur në një nga korridoret e ndërtesës së klinikave interne në QKUK.

“Kam më shumë se një vit që pres”

R. Shala nga Mitrovica e Jugut ishte më 18 dhjetor në mesin e pacientëve që prisnin në korridoret e Kardiologjisë për një termin për vendosjen e stentit.

“I kam vendosur 12 stenta – njëherë katër, njëherë gjashtë dhe njëherë dy. Katër i kam vendosur në spital privat, të tjerat këtu, në QKUK. Terminin për koronarografi e kam bërë para më shumë se një viti dhe ende nuk më kanë thirrur. Erdha të interesohem, sepse kam probleme dhe nuk jam mirë”, tha Shala për Radion Evropa e Lirë, teksa mbante një grumbull dokumentesh në duar.

Edhe pacientë të tjerë thanë se nuk kishin marrë një datë të saktë për procedurën.

“Jo, nuk më caktuan datë. Vetëm më thanë se do të më thërrasin në telefon”, tha një burrë në të 40-at.

Në Klinikën e Kardiologjisë punojnë rreth 40 kardiologë, prej të cilëve afërsisht 12 janë kardiologë invazivë.

Ata kryejnë ekzaminime për identifikimin e ngushtimeve dhe bllokimeve në arteriet e zemrës, ndërhyrje për hapjen e arterieve të bllokuara, si dhe vendosjen e stentave.

Sipas të dhënave të klinikës, çdo ditë realizohen 10 deri në 13 koronarografi.

Këto procedura kryhen edhe në disa spitale private në Kosovë, por janë ndjeshëm më të kushtueshme krahasuar me sektorin publik.

Investime pa efekt në zvogëlimin e listave të pritjes

Gjatë viteve të fundit, në QKUK janë realizuar investime në disa klinika, përmes fondeve qeveritare dhe donacioneve.

Për shembull, në Klinikën e Kardiokirurgjisë, për renovim, shtretër dhe hapësira të reja janë investuar vitin e kaluar 750 mijë euro, ndërsa në Klinikën Emergjente rreth 800 mijë euro.

Janë siguruar edhe aparatura të reja, përfshirë skanerin PET/CT për herë të parë, për diagnostikimin dhe menaxhimin e llojeve të ndryshme të kancerit dhe disa sëmundjeve të tjera.

Në Klinikën e Kardiologjisë, sipas mjekëve, investimet kanë qenë kryesisht infrastrukturore, pa blerje të pajisjeve të reja.

Megjithatë, ata thonë se materialet dhe barnat janë të mjaftueshme dhe se pacientët nuk kanë nevojë t’i sigurojnë vetë.

Pritje të gjata edhe në klinika të tjera

Problemi i listave të pritjes nuk kufizohet vetëm në Kardiologji.

Në Klinikën e Ortopedisë, pavarësisht ndërtimit të një objekti të ri dhe renovimeve, pritja për një protezë gjuri mund të zgjasë mbi tre vjet.

Pacientët, ndërkohë, detyrohen të blejnë shumicën e barnave dhe implanteve.

“Nuk kemi asnjë nga protezat e nevojshme, prandaj kemi numër të madh pacientësh. Aktualisht, ky numër shkon mbi një mijë”, tha një ortoped për REL-in, në kushte anonimiteti.

Në Klinikën e Kirurgjisë Vaskulare, pritja për trajtimin e problemeve me venat tejkalon dy vjet e gjysmë, për shkak të mungesës së anesteziologëve dhe vendeve për hospitalizim, ndonëse gjatë vitit janë kryer rreth 500 ndërhyrje.

Në maj të këtij viti është përuruar rinovimi i Klinikës së Onkologjisë, ku trajtohen pacientët me lloje të ndryshme të kancerit, por me vetëm 60 shtretër, edhe aty ka shpesh pritje të gjata, ose mjekim të pacientëve në salla të improvizuara.

Në Klinikën e Oftalmologjisë, pritja për ndërhyrje kirurgjikale mund të zgjasë deri në nëntë muaj, varësisht nga lloji i operacionit.

Haki Hoti nga Gjilani, që kreu një operacion për katarakt më 18 dhjetor, i tha REL-it se kishte pritur rreth pesë muaj për këtë intervenim.

Kritika dhe kërkesa për llogaridhënie

Në fillim të këtij muaji, Bordi Drejtues i Shërbimit Spitalor Klinik dhe Universitar të Kosovës (SHSKUK) kërkoi një raport të detajuar për listat e pritjes.

Drejtori i SHSKUK-së, Elvir Azizi, tha se tashmë ekzistojnë kushte, aparatura dhe medikamente për trajtimin e rasteve dhe se është caktuar një zyrë e veçantë për përpilimin e këtij raporti.

Për Bujar Vitinë, kryeredaktor i gazetës “Shneta”, që mbulon shëndetësinë në Kosovë, situata mbetet shqetësuese.

“Investimet milionëshe nuk i kanë ulur listat e pritjes. Duhet identifikim i pengesave reale dhe shpërndarje më e mirë e stafit, përfshirë orët shtesë të anesteziologëve”, tha ai për REL-in.

Sipas raportit të Zyrës së Auditorit Kombëtar, vitin e kaluar, QKUK-ja ka qenë e mbingarkuar me rreth 10 mijë pacientë në lista pritjeje, ndërsa pritja mesatare e tyre ka arritur në gati tre vjet.

Auditorët kanë vlerësuar se situatës i ka kontribuar mungesa kritike e personelit mjekësor, sidomos e anesteziologëve, që ka çuar në shtyrjen e operacioneve.

Një problem kronik i sistemit shëndetësor

Me ankesat për kushtet e punës dhe pagat, mbi 100 mjekë largohen nga Kosova çdo vit, sipas të dhënave të Odës së Mjekëve të Kosovës.

Ministria e Shëndetësisë, e pyetur nga Radio Evropa e Lirë për listat e pritjes në QKUK, tha se menaxhimi i tyre është në kompetencë të SHSKUK-së.

Ndërkohë, tollovitë në QKUK nuk shkaktohen vetëm nga pacientët, por edhe nga shoqëruesit e tyre, të cilët shpesh, në mungesë të infermierëve, kryejnë edhe punë që nuk u takojnë.

Në disa reparte, mungesa e furnizimeve bazike – si sapunët apo çarçafët – mbetet gjithashtu e dukshme, duke nxjerrë në pah boshllëqe elementare në organizimin dhe mirëmbajtjen e shërbimeve.

E, këto probleme nuk janë të reja. Ato e shoqërojnë sistemin shëndetësor të Kosovës që nga paslufta, pavarësisht investimeve të herëpashershme, ndërrimit të qeverive dhe premtimeve të vazhdueshme për reforma.

Në vlerësimin e shumë profesionistëve të shëndetësisë, kjo nuk buron vetëm nga mungesa e resurseve, por edhe nga menaxhimi joefikas i kapaciteteve ekzistuese dhe planifikimi i dobët i shërbimeve.

Sinjali – aty ku e vërteta flet para lajmit!

/GazetaSinjali/

The post Shëndeti në QKUK pret, pavarësisht investimeve milionëshe appeared first on Sinjali.

Ministria e Shëndetësisë ka konfirmuar rastin e parë të fruthit në Shqipëri. Një fëmijë i pavaksinuar është diagnostikuar me fruth më 22 dhjetor kur dhe është paraqitur në spital.

Rasti i tij është ndjekur nga Instituti i Shëndetit Publik ndërsa dhe është hetuar epidemiologjikisht. Rasti është i izoluar dhe deri më tani nuk rezulton të ketë fëmijë të tjerë të infektuar.

Aktualisht, fëmija po trajtohet në shërbimin e pediatrisë infektive ndërsa raportohet se nuk ka ardhur nga jashtë shtetit.

TIRANË, 26 dhjetor/ATSH/ Korpusi i ri i Laboratorëve të Institutit të Shëndetit Publik, pritet të trefishojë kapacitetet laboratorike të këtij institucioni, me biosiguri sipas standardeve të BE-së.

Ministria e Shëndetësisë dhe Mirëqenies Sociale njoftoi sot se “në vitin që po troket do të nisë funksionimi i Korpusit të Laboratorëve”.

Korpusi i laboratorëve të referencës kombëtare të Institutit të Shëndetit Publik është ndërtuar në një sipërfaqe prej 2900 metrash katrorë. Ky korpus do ketë nivelin më të lartë të biosigurisë sipas standardeve të BE-së, ku trajtimi i agjentëve biologjikë me rrezik të lartë, do të bëhet në nivele të larta mbrojtjeje për shëndetin e specialistëve.

Ky investim i buxhetit të shtetit përmirëson parandalimin dhe kontrollin e sëmundjeve, rrit sigurinë shëndetësore kombëtare dhe forcon kërkimin shkencor në mbrojtje të shëndetit të qytetarëve.

Laboratorët do të pajisen edhe me aparatura të teknologjisë së fundit dhe me kushte bashkëkohore pune për ekspertët dhe stafin e ISHP-së duke garantuar përgjigje sa më efektive, në kohë dhe të sigurta për shëndetin publik.

Njëherësh, duke qenë në atmosferën festive të dhjetorit, specialistët dhe drejtuesit e disa departamenteve të ISHP-së përcollën në një video mesazhe urimi për të gjithë qytetarët, për një jetesë të shëndetshme, me më shumë aktivitet fizik, kujdes të shtuar për shëndetin mendor, ndërsa u bënë thirrje grave dhe vajzave për kryerjen e mamografive falas dhe testine HPV.

Prof. asoc. Dorina Toçi, drejtoreshë e përgjithshme e ISHP-së, u shpreh se “kujdesi për shëndetin është dhurata më e çmuar, për veten dhe familjen tonë”.

/e.i/r.e/a.f/

The post Në vitin 2026 nis funksionimi i Korpusit të Laboratorëve të ISHP-së appeared first on Agjencia Telegrafike Shqiptare.

Viti 2025 ka shënuar disa arritje të rëndësishme në shëndetësi. Shkencëtarët kanë bërë zbulime të reja, të cilat mund të jenë premtuese për trajtimin e shumë sëmundjeve.

“Euronews Health” ka listuar pesë më të rëndësishmet.

Një nga zhvillimet më të bujshme ishte trajtimi i parë personalizuar në botë me redaktim gjenetik, i aplikuar te një foshnjë me një sëmundje të rrallë dhe shpesh fatale. Edhe pse foshnja do të duhet të monitorohet gjatë gjithë jetës, trajtimi përmirësoi ndjeshëm cilësinë e jetës së fëmijës, i cili tashmë ka nisur të ecë. Studiuesit thonë se suksesi i procedurës përbën një përparim madhor, duke treguar se edhe pacientë të tjerë me sëmundje gjenetike mund të përfitojnë nga kjo teknologji në të ardhmen.

Vaksinat që përdorën teknologjinë ARN dhe morën famë gjatë pandemisë së COVID-19 sot po testohen për gripin, HIV-in, sëmundje gjenetike dhe kancer. Studimet treguan se këto vaksina kundër HIV-it mund të nxisin prodhimin e antitrupave neutralizues.

Një tjetër hap i rëndësishëm ishte transplantimi i parë i një mëlçie derri të modifikuar gjenetikisht te një pacient i gjallë, i cili mbijetoi për 171 ditë, duke afruar më shumë realitetin e ksenotransplantimit.

Shkencëtarët përdorën gjithashtu ind të gjallë të trurit njerëzor për të studiuar fazat e hershme të demencës, një zhvillim që mund të ndihmojë në gjetjen e trajtimeve të reja.

Ndërkohë, barnat për humbje peshe kanë treguar potencial për trajtimin e sëmundjeve të tjera, megjithëse ekspertët theksojnë se ato nuk janë një zgjidhje universale.

Këto përparime ofrojnë shpresë për trajtime më efektive dhe një të ardhme më të mirë në shëndetësi.