Ilir Meta, nga qelia, ka reaguar sërish për ngjarjet e 21 Janarit 2011, duke pretenduar se protesta ku humbën jetën katër persona nuk ishte një reagim spontan ndaj videos së publikuar më 11 janar, ku ai shfaqej duke bërë pazare me ish-ministrin Dritan Prifti, por një ngjarje e parapërgatitur.

Ndërkohë, në “Ora e Fundit” në ABC News, avokati Idajet Beqiri hodhi akuza të forta ndaj Metës, duke deklaruar se ai ka tentuar të justifikojë veten dhe të fshehë të vërtetën për rolin e tij në protestë, ndërsa paralajmëroi se hetimi për 21 Janarin do të jetë i plotë dhe mund të shkojë deri në gjykatat ndërkombëtare.

“Megjithëse se SPAK nuk e  thirri si dëshmitar, Meta shkoi vetë dhe kjo tregon shumë. Nuk mjaftoi me aq, sepse faktikisht nuk tha gjë në SPAK, por shkoi për të justifikuar veten. Ilir Meta ndenji 15 pa folur për “21 Janar”. Ky monologu sot i Metës është një përpjekje për të fshehur të vërtetën. Meta e di shumë mirë se hetimi i plotë që po i bëhet “21 janarit” do të jetë i plotë dhe shterues. Ai e di shumë mirë që ai ishte shkaku. Meta për të fshehur rolin e tij në këtë krim, mundohet që të bënte të diturin, sikur protesta do të bëhej kohë më parë dhe do të ishte e dhunshme. Të gjitha këto i bien sepse nuk kishte asnjë armë në protestë.

Kjo nuk e justifikon faktin që Garda përdori armë ndaj protestuesve. Planin për ekzekutimet Meta e bëri bashkë me Sali Berishën, i nxitën protestuesit që të protesta të bëhej më e rëndë. Sepse ende pa nisur protesta ata përdorën gaz lotsjellës. Ky ishte një skenar. Me çdo kusht kërkonin që protestuesit të shkonin brenda gardhit dhe të justifikonin vrasjet, por nuk ia arritën dot. Kur ikën protestuesit, atëherë bënë vrasjet. Të gjitha ato që janë atje, janë për të mbuluar të vërtetën. Metës po i djeg miza nën kësulë, sepse e di shumë mirë që edhe po s’bëri gjë SPAK çështja do të shkojë në gjykatë, madje deri në Strasburg. E di shumë mirë që e vërteta do dalë. Meta është pjesë e urdhërimit të vrasjeve bashkë me Berishën dhe Bashën”, tha avokati./abcnews.al

Read More...

Pas krijimit të një sipërmarrjeje të përbashkët të dedikuar Shteteve të Bashkuara, TikTok po përjeton kohë të vështira. Rrjeti social po përjeton probleme operacionale për shkak, sipas një deklarate nga vetë kompania, të problemeve kritike me infrastrukturën IT në të cilën mbështetet.

Për më tepër, analistët e ”Sensor Tower” raportuan një shkallë prej 150% të çinstalimeve të aplikacioneve nga përdoruesit amerikanë.

Kjo, sipas studiuesve të CNBC-së, është pasojë si e vështirësive teknike në përdorimin e rrjetit social ashtu edhe e krijimit të entitetit amerikan të udhëhequr nga Adam Presser, ish-drejtori operativ i TikTok. Analiza nga një kompani tjetër, App Figures, tregon se, gjatë së njëjtës periudhë, shkarkimet e një konkurrenti të pavarur të TikTok, UpScrolled, janë rritur, duke u ngjitur në listat në SHBA, Mbretërinë e Bashkuar dhe Australi.

Duke kaluar nga disa qindra në mbi 41 000 shkarkime vetëm në pak ditë, aplikacioni i krijuar nga zhvilluesi australian, Issam Hijazi kujton versionet e hershme të Instagram. Kjo nuk është hera e parë që ngjarjet rreth TikTok kanë nxjerrë në pah platforma të reja.

Kroacia nuk do të bashkohet me Bordin e Paqes të presidentit amerikan, Donald Trump, njoftoi sot kryeministri kroat, Andrej Plenkoviç, pa dhënë një arsye për vendimin.

“Pas një analize të kujdesshme, qëndrimi i qeverisë është se në këtë fazë Kroacia nuk do të bashkohet me Bordin e Paqes për arsye të shumta”, u tha Plenkoviç gazetarëve.

Ai shtoi se nuk do të specifikonte arsyet. Qeveria kroate kishte treguar më parë se vendi ishte ftuar të bashkohej me strukturën e kryesuar nga Donald Trump.

Plenkoviç kishte deklaruar se Kroacia, një anëtare e Bashkimit Evropian, po priste që BE të harmonizonte qëndrimin e saj për këtë çështje.

I prezantuar javën e kaluar nga Donald Trump në Forumin Ekonomik Botëror në Davos Bordi i Paqes fillimisht ishte pjesë e planit amerikan për t’i dhënë fund luftës në territorin palestinez të Rripit të Gazës.

Agjencia Kombëtare e Diasporës përfaqëson një shtyllë themelore të politikës shtetërore shqiptare për diasporën, duke mishëruar vizionin e një marrëdhënieje të re, të strukturuar dhe afatgjatë midis shtetit shqiptar dhe bashkëkombësve të tij jashtë kufijve. Në një realitet global ku diaspora është kthyer në aktor politik, ekonomik dhe kulturor me ndikim të drejtpërdrejtë, roli i AKD-së shkon përtej funksionit administrativ, duke u konsoliduar si instrument strategjik i diplomacisë publike, i identitetit kombëtar dhe i zhvillimit të qëndrueshëm.

Në raport me diasporën globale, Agjencia Kombëtare e Diasporës synon forcimin e përfaqësimit institucional dhe ndërtimin e mekanizmave të përfshirjes aktive të diasporës në proceset zhvillimore, shoqërore dhe kulturore të Shqipërisë. Ruajtja e gjuhës shqipe, trashëgimisë kulturore dhe ndjenjës së përkatësisë kombëtare mbeten në thelb të politikave të saj, duke e pozicionuar diasporën si pjesë përbërëse dhe të pandashme të kombit shqiptar, pavarësisht distancës gjeografike.

Një vëmendje strategjike i kushtohet diasporës shqiptare në Itali, e cila përfaqëson komunitetin më të madh shqiptar në Bashkimin Evropian, me mbi 550 mijë persona. Ky komunitet bashkëkohor, i formuar kryesisht gjatë dekadave të fundit, përbën një faktor të rëndësishëm shoqëror dhe ekonomik në shoqërinë italiane, me një prani të konsoliduar në tregun e punës, sipërmarrje, arsim, kulturë dhe jetën publike.

Paralelisht me këtë realitet bashkëkohor, marrëdhënia e Shqipërisë me Italinë mbart një dimension unik dhe historik përmes diasporës arbëreshe, e cila prej më shumë se pesë shekujsh ruan gjuhën, kulturën, traditat dhe identitetin shqiptar në territorin italian. Komunitetet arbëreshe përbëjnë një dëshmi të gjallë të vazhdimësisë historike të kombit shqiptar dhe një urë të natyrshme kulturore mes dy vendeve.

Agjencia Kombëtare e Diasporës e konsideron diasporën arbëreshe jo vetëm si trashëgimi historike, por si partner strategjik në politikat e ruajtjes së identitetit kombëtar, promovimit të gjuhës shqipe dhe diplomacisë kulturore. Mbështetja e trashëgimisë arbëreshe, e arsimit në gjuhën shqipe/arbëreshe dhe e institucioneve kulturore përkatëse përbën një prioritet të veçantë në kuadër të politikave shtetërore për diasporën.

Në këtë kuadër, AKD synon të ndërtojë një qasje gjithëpërfshirëse ndaj diasporës shqiptare në Itali, duke krijuar sinergji midis komunitetit bashkëkohor shqiptar dhe diasporës historike arbëreshe. Kjo qasje synon forcimin e ndërgjegjes kombëtare, shkëmbimin ndërbrezor të dijes dhe përvojës, si dhe ndërtimin e një platforme të përbashkët bashkëpunimi kulturor, arsimor dhe institucional.

United Parcel Service (UPS) njoftoi të martën se do të eliminojë 30.000 pozicione shtesë këtë vit, në një përpjekje për të shkurtuar bashkëpunimin e saj me Amazon dhe për të zbatuar një plan shumëvjeçar rimëkëmbjeje

Pas raportit tremujor të fitimeve të kompanisë, drejtori financiar Brian Dykes u tha investitorëve se UPS synon të shkurtojë orët e përgjithshme të punës me rreth 25 milionë për shkak të reduktimit në Amazon.

“Sa i përket kostove të ndryshueshme, ne presim të shkurtojmë pozicionet operative deri në 30.000,” tha Dykes i cili shtoi se “Kjo do të arrihet përmes largimit nga puna dhe ne presim të ofrojmë një program të dytë vullnetar për shoferët me kohë të plotë”.

Për më tepër, sipas UPS, 24 objekte do të mbyllen në gjysmën e parë të vitit 2026 dhe më shumë mbyllje mund të ndodhin më vonë gjatë vitit. UPS riafirmoi të martën se ka mbyllur 93 ndërtesa vitin e kaluar.

Sipas Dykes, firma gjithashtu synon të “vendosë më tej automatizimin” në të gjithë rrjetin e saj.

Shkurtimet e propozuara vijnë pas eliminimit të 48.000 pozicioneve nga UPS vitin e kaluar, nga të cilat 14.000 ishin në menaxhim dhe 34.000 ishin në operacione. Biznesi kishte parashikuar më parë se shkurtimet e kombinuara do të arrinin në rreth 20.000.

Sekretari i Shtetit të SHBA‑së, Marco Rubio, refuzoi të përjashtojë mundësinë e mbështetjes amerikane për një ndryshim të mundshëm të regjimit në Kubë, duke thënë se administrata e presidentit Donald Trump dëshiron të shohë një ndryshim të qeverisë kubane.

I pyetur gjatë një seance në Senat për Venezuelën nëse do të përjashtonte një ndryshim regjimi në Kubë, Rubio u përgjigj: Jo. Mendoj se do të donim të shihnim një ndryshim atje”.

“Kjo nuk do të thotë që ne do të bëjmë ndryshim, por do të donim shumë të shihnim një ndryshim”, tha ai.

“Nuk ka dyshim se do të ishte me shumë përfitim për Shtetet e Bashkuara nëse Kuba nuk do të ishte më nën sundimin e një regjimi autokratik”, shtoi Rubio.

Deklaratat e Rubios u bënë në një kohë kur administrata e Trumpit është nën vëmendje të madhe për veprimet e saj në Hemisferën Perëndimore, pas një operacioni ushtarak më 3 janar që çoi në kapjen dhe largimin e presidentit venezuelian Nicolas Maduro dhe gruas së tij, të cilët u transferuan në New York.

Rubio mbrojti operacionin në Venezuelë dhe theksoi se nuk priten përdorime të mëtejshme të forcës ushtarake në këtë moment.

Një aeroplan me 15 persona në bord është zhdukur në veri të Kolumbisë. Lajmi u njoftua nga ministria e transportit të vendit dhe linja ajrore Satena. Aeroplani,” Beechcraft 1900D”, ishte në një fluturim me destinacion Ocanën.

Kontrollorët e trafikut ajror humbën kontaktin me aeroplanin rreth 10 minuta para se Beechcraft të mbërrinte në destinacionin e tij.

Avioni, i cili po operonte “fluturimin NSE 8849 nga Cucuta për në Ocana, raportoi kontaktin e tij të fundit me kontrollin e trafikut ajror në orën 11:54 të paradites së sotme sipas deklaratës së linjës ajrore.

Eksperti i Sigurisë Fatjon Softa analizoi marrëdhëniet mes Europës dhe SHBA. Në një intervistë në emisionin “War Report” në ABC News, tha se duket se ka një krizë mes Shteteve të Bashkuara të Amerikës dhe BE, dhe sipas tij kjo u vërtetua nga Groenlanda.

Gjithashtu theksoi se BE është përballë shumë sfidave dhe një prej tyre është zgjerimi i tij.

“Kushtet dhe situatë që po ndryshojnë kërkojnë ndryshim thelbësor të mbrojtjes së Europës, pasi përballë një kërcënimi rus Europa nuk është në gjendje ta përballojë pa një mbështetje të SHBA. Pra duhet thënë se nuk ka një reagim si SHBA. Kemi një krizë mes SHBA e BE, që u desh Groenlanda ta vërtetonte. Varësia nga mbrojtja e SHBA e ka lënë Europën në një situatë që i mungon”, tha ai.

Ekspertja e Sigurisë Juxhina Sotiri u shpreh se përballja me dy luftëra, ajo me Rusinë por nga ana tjetër tensionet me SHBA, e kanë konsumuar Europën.

Gjatë intervistës në emisionin “War Report”, Sotiri tha se do të duhej një qasje tjetër edhe në marrëdhëniet me Rusinë.

“Vetë lëvizja e BE drejt Indisë, shihet më shumë si përfitimin nga i gjithë Perëndimi. India nuk është një partner strategjik as për Rusinë, por gjithmonë ka mbrojtur autonominë strategjike. Pra lë vend që India jo vetëm të jetë një vend i luhatur, por vende si SHBA të përpiqet ta qase drejt tyre. Duke qenë se Trump nuk po e arrin dot, këtu BE po përpiqet ta qasë në një farë mënyre. Por Europa është ai aktori që mban bashkë këtë arkitekturë sigurie. “Është e gjendur në një realitet të ri gjeopolitik. Është gjendur mes zgjedhjeve të vështira, kemi përballë një aleat që e detyron të rrisë kapacitetet e mbrojtjes, por nga ana tjetër gjendet përballë një dileme sigurie shumë të madhe. Ka edhe njëlloj paqartësie në termat e strategjisë. Përpjekja e saj për të mbajtur gjallë makinerinë e luftës së Ukrainës, vetëm sa e rëndon situatën”, shtoi ajo.

/abcnews.al/

TEPELENË- Një mjet tip furgon ka dalë nga rruga në aksin rural malor Salari-Lopës, në territorin e njësisë administrative Kurvelesh.

Paraprakisht dyshohet se drejtuesi i mjetit ka humbur jetën, por kjo ende nuk është konfirmuar nga autoritetet.

Sipas informacioneve paraprake, patrullat e policisë janë nisur drejt vendngjarjes për të bërë verifikimet e nevojshme dhe për të sqaruar rrethanat e aksidentit./abcnews.al

Kroacia në këtë moment nuk do t’i bashkohet Bordit të Paqes të presidentit amerikan Donald Trump, ka thënë kryeministri i vendit Andrej Plenkoviq, duke shtuar se për këtë çështje ka zhvilluar një bisedë të shkurtër telefonike me presidentin Zoran Milanoviq.

Plenkoviq u tha gazetarëve në Zagreb se qeveria dhe shumica parlamentare, pas analizave të kryera, kanë marrë qëndrimin që Kroacia për momentin të mos hyjë në këtë bord dhe hodhi poshtë pretendimet se për një vendim të tillë i nevojitet mbështetja e presidentit.

“Nuk na duhet asnjë asistent për të marrë një qëndrim”, tha ai.

Presidenti Milanoviq më herët kishte deklaruar se kryeministri po kërkon “mbulim” prej tij për të refuzuar ftesën, gjë që Plenkoviq e mohoi, duke theksuar se e kishte telefonuar vetëm për ta informuar për vendimin tashmë të marrë.

Trump më 15 janar njoftoi krijimin e Bordit të Paqes si pjesë e planit të tij më të gjerë për Gazën, në kuadër të të cilit u arrit një marrëveshje për armëpushim. Bordi u miratua me Rezolutën 2803 të Këshillit të Sigurimit të Kombeve të Bashkuara në nëntor 2025 dhe u prezantua zyrtarisht në edicionin e këtij viti të Forumit Ekonomik Botëror në Davos.

Fillimisht, bordi ishte konceptuar për të mbikëqyrur armëpushimin dhe rindërtimin e Gazës, por statuti i tij e zgjeron mandatin edhe në ndërtimin e paqes në të gjitha zonat e prekura ose të rrezikuara nga konfliktet.

Bordi i sapokrijuar i Paqes i administratës së presidentit amerikan Donald Trump njoftoi të mërkurën 26 shtete të emëruara si themeluese të kësaj nisme.

Në emisionin “Real Story” në ABC News, analisti Frrok Çupi komentoi iniciativën për të dekriminalizuar shpifjen.

Gjatë intervistës, Çupi tha se për herë të parë ligji i drejtohet drejtpërdrejt gazetarit.

“Ky ligj ka bërë një hap përpara, pra për herë të parë i drejtohet drejtpërdrejt gazetarit. Deri tani është thënë media…Por fjala dekriminalizim godet shumë”, u shpreh Çupi.

Më tej gjatë intervistës, theksoi se ligji tenton të bëjë një kthesë të madhe, duke shtuar se detyra e gazetarit është të garantojë të vërtetën.

“Problemi që flasim sot është shumë i rëndësishëm sepse ka të bëjë me një kthesë të madhe dhe ne duhet të jemi me ligjin, Por ky është një diskutim botëror, akademik, ligjor…Çfarë është gazetari dhe çfarë është shteti. Pra detyra e shtetit është të garantojë liri ndërsa detyra e gazetarit është të garantojë të vërtetën”, tha ai.

Read More...

Read More...

Debati mbi etikën dhe përgjegjësinë e medias është rikthyer në qendër të vëmendjes Kodin e ri Penal, në ndryshimet e të cilit parashikohet dënimi deri në 5 vite burg për ushtrimin e dhunës ndaj gazetarëve gjatë detyrës.

Në këtë kontekst, juristja Brizida Gjikondi ngriti shqetësime të forta në emisionin “Real Story” në ABC News, duke theksuar se shpifja është shndërruar në një “institucion gjobëvënës”, ku nuk bëhet dallim i qartë mes gënjeshtrës dhe së vërtetës, ndërsa vetë gazetarët, sipas saj, nuk janë përfshirë apo pyetur në hartimin e këtyre ndryshimeve ligjore.

“Shpija është kthyer në një institucion dhe në një gjobëvënës. Po flas për media të rëndësishme, pronarët e të cilëve janë edhe biznesmenë. Nuk më pëlqeu fare si lëvizje që ka bërë mazhornaca, ku në një vend që nuk bëhet diferenca e gënjeshtrës me të vërtetën.

Nuk besoj se është e Bashkimit Europian. Ngatërrohet pjesa e burimit të informacionit me shpifjen. Bie integriteti dhe reputacioni i gazetarit. Opozita është në dëshpërim total dhe ne e dimë që në rrjetet sociale vjellin vrer. Edhe në media që janë pro mazhorancës ka gazetarët të cilët nxjerrin vrer me gazetarët e tjerë, shpinin dhe janë si gjobëvënës. Gazetarët e spikatur nuk janë pyetur fare për këtë”, tha juristja.

TIRANË- Dhuna ndaj gazetarëve do të dënohet me burg. Kuvendi i Shqipërisë ka miratuar ndryshime në Kodin Penal, të cilat parashikojnë dënime për cilindo person, i cili ushtron dhunë ndaj gazetarëve gjatë ushtrimit të detyrës.

Analistja Arsejda Gjyli, e ftuar në emisionin “Real Story” theksoi se ky ligj po “standardizon” mbrojtjen e gazetarëve.

“Kjo po përpiqet të standardizojë një formë të re të mbrojtjes së gazetarëve, pretendohet se kanë qenë një “grup i margjinalizuar” sa i takon shpeshherë janë atakuar nga politikanët”, tha ajo.

Ajo theksoi se kjo masë vjen si një direktivë e Bashkimit Evropian, e cila i kategorizon gazetarët dhe i mbron sipas normave të unionit.

Kjo vjen edhe si direktivë e BE për përafrimin e legjislacionin e plotë. Nuk ka më marzh gabimi. Nga BE të imponohet që duhesh të bëhesh mbrojtës i kategorisë së gazetarëve. Ligji mbron gazetarët me kontratë”, u shpreh Gjyli.

Gjatë diskutimit në studio, Gjyli theksoi se profesioni i gazetarit duhet institucionalizuar.

“Ky ligj, jo vetëm që i kategorizon gazetarët, por profesioni i gazetarit duhet institucionalizuar”, tha ajo./abcnews.al

Kuvendi i Shqipërisë miratoi ndryshime në Kodin Penal që parashikojnë dënime deri në 5 vite burg për këdo që ushtron dhunë ndaj gazetarëve gjatë ushtrimit të detyrës së tyre.

Gazetari Flogert Muça në një intervistë në emisionin “Real Story” në ABC News, u shpreh se ligji nuk mbron gazetarët, por të vërtetën.

“Ja kanë fajin gazetarët sepse nuk përballon dot të vërtetën. Janë kanë fajin dronët sepse nuk mbush dot sheshet. Pra PD fajëson mediat se nuk mbush sheshet. Pafuqinë e tyre elektorale e kanë përkthyer në një “nukël online”, për të qëlluar mbi ata që i bëjnë disa pyetje të thjeshta. Ligji nuk mbron gazetarët, por të vërtetën”, tha ai.

Nga ana e tij analisti Frrok Cupi, tha se “fenomeni Boçi, ka efekte kriminale”.

“Ka efekte të drejtpërdrejta kriminale dhe këtë gjë Berisha e ka bërë që në fillimet e tij. Këta flasin me turmën dhe nuk flasim me akademi shkencore. Pra kemi të bëjmë me rreziqe të mëdha shumë për shoqërinë. Nëse Boçi guxon pas miratimit të ligjit që të mos preken dhe kërcënohen gazetarët, edhe policia nuk e merr nga tribuna dhe nuk e çon në burg atëherë nuk kemi asgjë ndryshe”, tha ai.

Sipas ministrit të Drejtësisë, Besfort Lamallari, ndryshimet në Kodin Penal forcojnë mbrojtjen e gazetarëve dhe lirinë e medias, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërsa ashpërson ndëshkimet për dhunën dhe kërcënimet ndaj tyre.

Presidenti Bajram Begaj ka pritur ambasadorët në takimin e parë të vitit. Gjatë fjalës së tij Begaj u shpreh se diplomacia shqiptare është e ndërtuar mbi parime e vlera të qëndrueshme.

Begaj foli edhe për integrimin drejt BE, duke theksuar se rruga drejt integrimit është një proces transformues, duke shtuar se marrëdhënia me SHBA mbetet një marrëdhënie e veçantë historike.

“Për Shqipërinë diplomacia ndërtohet mbi vlera e parime të qarta e të qëndrueshme. Ne kemi zgjedhur të jemi aty ku janë vlerat e paqes dhe të demokracisë. Parimet tona nuk mbeten vetëm në nivel deklarativ por përkthehen në zgjedhje të qarta strategjike.

Partneriteti me SHBA është një marrëdhënie e veçantë historike e ndërtuar mbi mirënjohje e besim. Europa për ne mbete një projekt paqe e vlera që ndërtohet mbi shtetin e së drejtës”, tha ai.

Autoritet turke kanë arrestuar gjashtë persona, përfshirë një iranian, nën dyshimin për spiunazh për Iranin.

Arrestimet u bënë pas operacioneve të kryera nga Organizata Kombëtare e Inteligjencës së Turqisë dhe policisë kundërterrorizmit në pesë provinca, raportoi AP.

Të arrestuarit dyshohen se ishin në kontakt me pjesëtarë të Gardës Revolucionare të Iranit dhe akuzohen për mbledhje të informacioneve mbi bazat ushtarake dhe zona të tjera të rëndësishme në Turqi. Ata dyshohen se kishin nën vëzhgim edhe bazën ajrore Incirlik të NATO-s atje.

Të gjashtit u dërguan në paraburgim me akuzat për spiunazh politik dhe ushtarak.