Pas më shumë se një viti, Kosova tashmë ka ekzekutivin e ri me kompetenca të plota. Kjo pasi që, Albin Kurti është zgjedhur sërish kryeministër i vendit.

Kuvendi i Kosovës në seancën e jashtëzakonshme të mbajtur të mërkurën ka votuar për formimin e Qeverisë Kurti 3.

Për formimin e Qeverisë së udhëhequr nga kryeministri Albin Kurti, me një kabinet me 19 ministri, kanë votuar 66 deputetë, 49 kanë votuar kundër dhe asnjë nuk ka abstenuar.

Seanca për formimin e Qeverisë është mbajtur pas seancës konstituive ku është inauguruar legjislatura e X-të e dalë nga zgjedhjet e mbajtura më 28 dhjetor

Para votimit, mandatar i Qeverisë, Albin Kurti, mbajti fjalën e tij,  ekspozenë, para deputetëve, ku paraqiti prioritetet dhe drejtimet kryesore të qeverisjes në mandatin e ri.

Ai theksoi të arriturat, sipas tij, të mandatit të kaluar, veçanërisht në aspektin ekonomik, duke përmendur rritjen ekonomike, masat sociale dhe mbështetjen për sektorë të ndryshëm.

“Në katër vitet e ardhshme do të forcojmë aleancat, do të investojmë 1 miliard euro në mbrojtje, do të rekrutojmë ushtarë të rinj, do të shumëfishopjmë numrin e oficerëve, do ta funksionalizojmë fabrikën e municionit, do ta zhvillojmë industrinë ushtarake të Kosovës dhe do të prodhojmë dronët luftarakë Made in Kosova”, ka premtuar Kurti.

Kurti ka folur edhe për procesin e dialogut duke thënë se normalizimin e marrëdhënieve me Serbinë do ta ndjekim përmes dialogut konstruktiv e kreativ.

“Normalizimin e marrëdhënieve me fqinjin tonë verior, Serbinë do ta ndjekim përmes dialogut konstruktiv e kreativ, përmes marrëveshjes sonë bazike të Brukselit dhe ankesit të zbatimit të Ohrit. Por siç kemi vepruar në katër vitet e kaluara, normalizimi është çështje e rregullimit të marrëdhënieve në mes dy shteteve, pra si raport bilateral i jashtëm e jo ndërhyrje apo përzierje në çështje të brendshme. Qeveria do të mbrojë dhe zbatojë Kushtetutën dhe ligjet në fuqi në çdo cep të vendit tonë”

.Ai ka thënë se do të vazhdojnë të mbështesin Procesin e Berlinit.

“Do të vazhdojmë të mbështesim fuqishëm Procesin e Berlint dhe tregun e përbashkët rajonal mbi bazën e barazisë dhe të përfaqësimit të barabartë sepse besojmë që fqinjësia e mirë evropiane dhe bashkëpunimi rajonal i kontribuojnë si paqes ashtu edhe sigurisë. Do të punojmë me këdo që shtrin dorën e bashkëpunimit mbi bazën e respektit të ndërsjellët”, ka theksuar Kurti.

Ai ka premtuar se në mandatin e ardhshëm do të nisin projektin superpuna.

“E për gjithë progresin e bërë në zvogëlimin e pabarazisë përmes shtesave për lehona. Do të fillojë projekti superpuna për gratë. Që kur punësohet një grua qeveria mbështet në lartësi pagës minimale 500 euro për 6 muaj. Gjyshërit që kujdesen për fëmijët marrin nga 100 euro shtesë muaj mbi pensionin bazë. Jo vetëm ndihmojmë prindërit gjyshërit por edhe familjen e ekonominë”.

Kabineti qeveritar:

Zëvendëskryeministër i parë dhe Ministër i Jashtëm – Glauk Konjufca

Zëvendëskryeministër i dytë dhe Ministre e Drejtësisë – Donika Gërvalla

Zëvendësministër i tretë për çështje të pakicave – Fikrim Damka

Ministër i Financave – Hekuran Murati

Ministër për Punë, Familje dhe Mirëqenie Sociale – Andin Hoti

Ministër i Mbrojtjes – Ejup Maqedonci

Ministër i Punëve të Brendshme – Xhelal Sveçla

Ministër i Administratës Publike dhe Digjitalizimit – Lulzon Jaxhiu

Ministër i Shëndetësisë  – Arben Vitia

Ministër i Arsimit dhe Shkencës– Hajrullah Çeku

Ministër i Kulturës – Saranda Bogujevci

Ministër i Sportit – Blerim Gashani

Ministër Administrimit të Pushtetit Lokal –Elbert Krasniqi

Ministre e Mjedisit dhe Planifikimit Hapësinor – Fitore Pacolli

Ministër i Bujqësisë – Armend Muja

Ministër i Infrastrukturës – Dimal Basha

Ministre e Tregtisë – Mimoza Kusari

Ministre e Ekonoimisë – Artane Rizvanolli

Ministër për Komunitete dhe Kthim – Nenad Rashiq

Ministër për Zhvillim Rajonal – Rasim Demiri.

The post Kosova bëhet me Qeveri,  Kurti merr kompetencat e plota sërish si kryeministër appeared first on Revista Monitor.

Deputetja e Republikës së Kosovës, Duda Balje, ka reaguar pasi nuk mundi të hyjë në qeverinë “Kurti 3”.

Balje, përmes një postimi në facebook ka ironizuar duke ju thënë mirëmëngjes vetëm atyre që e dinë se karakteri dhe parimet tregohen në jetë, në punë dhe në treg.

“Mirëmëngjes atyre që e dinë se karakteri dhe parimet tregohen në jetë, në punë dhe në treg. Dhe atyre që nuk e dinë këtë – qoftë kafeja pa sheqer”, ka shkruar Balje.

Sinjali – aty ku e vërteta flet para lajmit!

/GazetaSinjali/

The post Nuk hyri në qeveri, reagon Duda Balje appeared first on Sinjali.

Në Gjykatën Themelore në Ferizaj po mbahet seanca në rastin e vrasjes së rreshterit të Policisë së Kosovës, në Kaçanik, Muhamet Lika.

6 të akuzuarit Haki Bela, Rilind Murati, Vatan Çaka, Edmond Lika, Shkëlqim Kuka dhe Diamant Gashi janë deklaruar të pafajshëm.

Prokurori i rastit Ismet Rrahmani, ka lexuar një pjesë të aktakuzës në të cilën tregohen detaje për natën kur u vra polici Lika.

Në aktakuzë thuhet që polici Muhamet Lika, pasi e përfundoi orarin e punës, në mbrëmjen e 1 prillit, u përcoll deri te banesa e tij nga të akuzuarit ndërsa në hyrjen e banesës së tij për ta kryer veprën “Vrasje e Rëndë” hyri i mituri Rejhan Bela dhe e qëlloi policin Lika.

“…i pandehuri Haki Bela pasi që kishte qëndruar në lokalin e tij “Aksa”, prej aty niset për në drejtim të Stacionit Policor, dhe e përcjellë viktimën Muhamet Lika, prej momentit të daljes nga Stacioni Policor e pastaj viktima vazhdon në drejtim të banesës ndërsa i pandehuri Haki vazhdon në drejtim të rrugës “UÇK” për 20 metra dhe më pastaj pas 30 sekondave kthehet në drejtim të viktimës, në vazhdim të pandehurit Shkëlqim Kuka dhe Edmond Lika në rrugë vëzhgojnë rrugëtimin e viktimës, pasi që kishin parkuar veturën “Opel Astra ”, ngjyrë e bardhë me targa 05-518-GH, me vozitës Shkëlqim Kuka dhe pasagjer Edmond Lika, afër stacionit policor dhe në momentin që kalon viktima për rreth veturës në drejtim të banesës së tij, nga vetura del pasagjeri Edmon Lika dhe hip në veturën e tij “Golf 2”, ngjyrë e kaltër duke vozitur të njëjtën me drita të fikura dhe duke vazhduar në rrugën një drejtimesh duke përcjellë viktimën në drejtim kah ka lëvizur, ndërsa i pandehuri Shkëlqim me veturën “Opel Astra” nga ky moment merr veprimin dhe vazhdon duke shkuar afër vendit të ngjarjes, viktima vazhdon rrugëtimin pastaj në rrugën “Idriz Seferi” afër hyrjes së banesës së tij i mituri Rejhan Bela vazhdon duke e përcjellë viktimën mbrapa, i cili hynë në hyrjen e banesës së tij dhe menjëherë pas viktimës i mituri Rejhan Bela hynë pas tij në hyrjen e objektit të banesës dhe me të takuar të ndjerin ka shtënë në drejtim të tij me armë zjarri, të kalibrit 9.19 mm, dhe kthehet me vrap mbrapa nga kishte ardhur pas kryerjes së vrasjes duke ikur në drejtim të lokalit “”Dukagjini” ku bashkohet me të pandehurin Rilind Murati, i cili kishte qenë duke e pritur dhe së bashku me vrap largohen përmes rrugës “Mejdi Dalloshi” ndërsa deri sa ishin duke vrapuar i mituri dhe i pandehuri dëgjohet një zë duke thënë “Bravo ik””, thuhet në aktkauzën që e lexoi Rrahmani.

Tutje thuhet që i pandehuri Diamant Gashi, e ka ndihmuar të miturin Rejhan Bala të arratiset pasi kreu vrasjen e policit Muhamet Lika, duke e strehuar në shtëpinë e tij, duke fshehur edhe prova materiale si dhe duke e ndihmuar në komunikim më vëllaun e tij po ashtu të akuzuar në këtë rast, Haki Belën.

Sinjali – aty ku e vërteta flet para lajmit!

/GazetaSinjali/

The post Deklarohen të pafajshëm gjashtë të akuzuarit për vrasjen e policit Muhamet Lika appeared first on Sinjali.

Ministrat e Mbrojtjes të vendeve anëtare të NATO-s janë mbledhur sot në selinë e NATO-s në Bruksel për të diskutuar çështje që lidhen me Aleancën dhe të ardhmen e saj.

Takimi kryesohet nga Sekretari i Përgjithshëm i NATO-s, Mark Rutte, ndërsa temat kryesore të diskutimit janë mbrojtja, Ukraina dhe e tema tjera.

Sekretari i Përgjithshëm i NATO-s, Mark Rutte, ka deklaruar dje se ministrat po takohen në selinë e NATO-s ndërsa Aleanca përgatitet për Samitin në Ankara.

Sinjali – aty ku e vërteta flet para lajmit!

/GazetaSinjali/

The post Siguria, mbrojtja dhe Ukraina: Ministrat e NATO-s mblidhen në Bruksel, mesazhe edhe për Ballkanin appeared first on Sinjali.

Parlamenti Evropian dha miratimin përfundimtar për një listë që konsiderohen vende të sigurta origjine. Për azilkërkuesit nga këto vende kjo do të thotë rregulla më të rrepta dhe procedura më të shpejta.

BE-ja ashpërson ligjet e azilit. Shumica e eurodeputetëve votuan pro listës së parë të vendeve të sigurta të origjinës, e cila vlen për të gjithë BE-në. Kosova, Bangladeshi, Kolumbia, Egjipti, India, Maroku dhe Tunizia konsiderohen tani si vende të sigurta. Kërkesat për azil nga shtetasit e këtyre vendeve do të përpunohen më shpejt. Në parim edhe vendet kandidate për anëtarësim në BE do të klasifikohen sivende të sigurta origjine. Përjashtime bëhen për vendet që përjetojnë luftë ose shkelje të rënda të të drejtave të njeriut. Qëllimi i rregullores është të standardizojë dhe shkurtojë procedurat e azilit brenda BE-së.

Procedura më të shkurtra azili

Me hyrjen në fuqi të klasifikimit ndryshojnë edhe kushtet për azilkëruesit nga këto vende. Pra jo vetëm që shkurtohen procedurat, por në të njëjtën kohë edhe barra e provës bie më shumë mbi azilkërkuesit. Shpesh kufizohet edhe qasja në tregun e punës.

39 organizata dhe grupe të të drejtave të njeriut, ndër to edhe Pro Asyl dhe SOS Humanity, e kritikuan rregulloren e re. Sipas tyre ajo nuk sjell ndonjë lehtësi lidhur me dëbimin e azilkërkuesve, sepse një gjë e tillë ishte e mundur edhe më parë. Por kufizon të drejat e azilkërkuesve nga vendet e përfshira në listë, për shembull në lidhje me qasjen në tregun e punës, gjë që është problematike parë nga perspektiva e politikave të integrimit.

Rregullorja është pjesë e paketës së BE-së për migracionin dhe azilin, e cila është planifikuar të hyjë në fuqi në qershor 2026. /DW

Sinjali – aty ku e vërteta flet para lajmit!

/GazetaSinjali/

The post BE-ja ashpërson ligjet e azilit, kërkesat nga kosovarët do të përpunohen më shpejt appeared first on Sinjali.

Kryeministri Albin Kurti e ka thirrur mbledhjen e parë të qeverisë së re, e cila u zgjodh mbrëmë.

Zyra e Kryeministrit njoftoi se mbledhja e parë e Qeverisë Kurti 3 do të mbahet në orën 10:00.

Janë pesë pika në rendin e ditës së kësaj mbledhjeje, dhe të gjithat kanë të bëjnë me ratifikimin e disa marrëveshjeve ndërkombëtare.

Sinjali – aty ku e vërteta flet para lajmit!

/GazetaSinjali/

The post Kurti i thërret ministrat, në 10:00 mbahet mbledhja e parë e qeverisë së re – ky është rendi i ditës appeared first on Sinjali.

Ekstradohet nga Belgjika, Sergei Hasanpapaj, i akuzuar si i përfshirë në vrasjen e Bledar Muçës.

Muça konsiderohej si njeriu i besuar i Florenc Çapjas./kb

BRUKSEL – Liderët e vendeve të Bashkimit Evropian diskutojnë sot mënyrat për të rritur konkurrueshmërinë e Evropës, një hap i domosdoshëm për të siguruar autonominë strategjike në një skenë globale të paqëndrueshme, ku marrëdhëniet me Shtetet e Bashkuara, Kinën dhe fqinjët lindorë janë më komplekse se kurrë. Debatet mbi konkurrueshmërinë kanë qenë të vazhdueshme për vite me radhë, edhe pas raporteve të prezantuara nga Mario Draghi dhe Enrico Letta, që analizuan arsyet e sfidave dhe ofruan zgjidhje konkrete.

Temat kryesore që do të diskutohen sot janë përfundimi i tregut të përbashkët, unioni i kursimeve dhe i investimeve, si dhe unioni energjitik. Vendet duhet të pranojnë të sakrifikojnë disa interesa të brendshme që frenojnë veprimet e përbashkëta, pasi barrierat mes shteteve dhe ato brenda vendeve janë ende shumë të forta. Presidentja e Komisionit Evropian, Ursula von der Leyen, ka paralajmëruar se, në rast nevoje, do të përdoret instrumenti i bashkëpunimit të përforcuar për të kaluar pengesat.

Në fushën e kursimeve dhe investimeve, Parisi, Berlini dhe Roma janë të përbashkët në qëndrimin e tyre, por është e domosdoshme të kenë mbështetjen e qendrave financiare si Luksemburgu dhe Irlanda, për të mundësuar një hap të tillë.

Sa i përket borxhit të përbashkët, deri pak kohë më parë ky ishte një ndarës i madh midis “Frugalëve”, ku përfshihen Gjermania, Holanda dhe vendet e veriut dhe vendeve të Jugut, si Italia, Spanja, Greqia, Portugalia dhe Franca. Presidenti Emmanuel Macron ka rilancuar idenë e eurobond-ëve, ndërsa lufta në Ukrainë ka ndryshuar pak situatën, duke shtyrë vende si Danimarka dhe Finlanda të pranojnë borxhe të përbashkëta për shpenzime sigurie. Sidoqoftë, grantet, domethënë fonde të dhëna pa kthim mbeten tabu për Gjermaninë dhe Holandën, ndërsa diskutimi është më i hapur për huatë. Një hap konkret në këtë drejtim është propozimi i presidentit të Bankës Qendrore Gjermane, Joachim Nagel, për një aset të përbashkët, të sigurt dhe të lëvizshëm për gjithë eurozonën.

Në fushën e industrisë, Franca ka nxitur idenë e “preferencës europiane”, që përfshin mbështetje dhe stimuj për kompanitë që përdorin përqindje të konsiderueshme të produkteve të brendshme. Kjo lidhet me autonominë strategjike të BE-së, e cila është bërë një prioritet që nga presidenca e Donald Trump në Shtetet e Bashkuara. Të gjitha vendet e BE-së duan të mbrojnë industrinë e tyre, por ekzistojnë dallime: Italia mban një qëndrim të kujdesshëm dhe i varion interesat sipas sektorëve, ndërsa Gjermania propozon një qasje më fleksibile “made with EU”, duke mos mbyllur dyert për partnerët jashtë unionit. Një shembull i kompromisit ka qenë huaja prej 90 miliardë eurosh për Ukrainën, ku u arrit një marrëveshje që përfshinte edhe partnerë jashtë BE-së për furnizime të ndryshme.

Një nga çështjet më të diskutueshme është Green Deal dhe, veçanërisht, elektrifikimi i automobilave. Në këtë çështje ndahen vendet: Franca, Spanja, Danimarka dhe Holanda mbështesin eliminimin gradual të motorëve me djegie deri në 2035, ndërsa Gjermania, Italia, Polonia, Sllovakia dhe Republika Çeke kundërshtojnë këtë kufizim, duke kërkuar fleksibilitet. Megjithatë, të gjitha vendet janë të dakord se duhet thjeshtim i rregullave dhe zvogëlim i barrës burokratike, edhe pse mënyrat e realizimit ndryshojnë.

Huaja 90 miliardë euro për Ukrainën është një shembull i bashkëpunimit të përforcuar, ku disa vende u përjashtuan për të shmangur bllokimin nga vetot individuale. Vendet baltike kanë shtyrë për një zgjerim më të shpejtë të BE-së, ndërsa Gjermania, Italia dhe Polonia janë më të kujdesshme dhe Hungaria është kundër.

Marrëveshja tregtare me Mercosur, Argjentinë, Brazil, Paraguaj dhe Uruguaj, ka shkaktuar ndarje brenda BE-së. Franca, Polonia, Austria dhe Irlanda e kanë kundërshtuar fort, duke u përplasur me vendet eksportuese si Gjermania dhe Holanda. Italia ka kërkuar një balancim mes interesave të industrisë dhe mbrojtjes së sektorit bujqësor.

Bashkimi Evropian po përpiqet të harmonizojë interesat e ndryshme kombëtare për të rritur konkurrueshmërinë, duke ndërmarrë reforma, investime dhe masa konkrete që synojnë një ekonomi më të fortë, inovative dhe të integruar në nivel europian. /Corriere Della Sera//kb

Presidenti i Republikës, Bajram Begaj ka ndarë sot një mesazh urimi për Qeverinë e re të Kosovës dhe kryeministrin e zgjedhur, Albin Kurti.

Begaj shpreh bindjen për udhëqjën e vendit me përkushtim përballë sfidave , teksa thekson vijimin  e mbëhtetjes vëllazërore të Shqipërisë.

“Urime Qeverisë së Republikës së Kosovës dhe Kryeministrit z. Albin Kurti!

I uroj suksese në mandatin e ri, në drejtimin e Qeverisë drejt progresit, zhvillimit dhe begatisë së popullit të Kosovës.

Shpreh bindjen se përkushtimi dhe bashkëpunimi në dobi të shtetit dhe qytetarëve do të udhëheqin të gjithë klasën politike të Kosovës në përballimin e sfidave që janë përpara.

Ju sigurojmë për vijimin e mbështetjes vëllazërore për Qeverinë tuaj dhe bashkëkombasit tanë”,-shprehet Begaj./Kb

Last Updated on 12/02/2026 by Leonard

Përgatiti: Leonard Veizi

Më 12 shkurt 1994, në ditën e hapjes së Lojërave Olimpike Dimërore në Lillehammer, dy hajdutë depërtuan në Galerinë Kombëtare të Oslos dhe, brenda më pak se një minute, rrëmbyen një nga pikturat më të famshme në botë: “The Scream” të Edvard Munch-it. Ata thyen një dritare, shkëputën telin që mbante veprën në mur dhe lanë pas një shënim ironik falënderimi për “sigurinë e dobët”, duke e kthyer aktin kriminal në një gjest sfidues ndaj institucioneve kulturore.

Tronditja

Vjedhja tronditi Norvegjinë jo vetëm për shkak të famës së pikturës së vitit 1893—një ikonë e ankthit modern dhe e ekspresionizmit—por edhe sepse vepra ishte praktikisht e pashitshme në tregun e hapur, duke ngritur dyshime se grabitësit synonin një shpërblim. Në mars të atij viti u kërkua një shumë prej rreth 1 milion dollarësh, por autoritetet refuzuan ta paguanin, duke mos pasur prova të besueshme se piktura ishte në duart e kërkuesve.

Bashkëpunimi

Zgjidhja erdhi përmes një operacioni të fshehtë ndërkombëtar. Policia norvegjeze bashkëpunoi me hetues britanikë të specializuar në krimet e artit, të cilët u shtirën si blerës për të mashtruar rrjetin e hajdutëve. Më 7 maj 1994, gati tre muaj pas vjedhjes, The Scream u gjet e paprekur në një hotel në Åsgårdstrand, duke i dhënë fund një prej grabitjeve më të bujshme të artit në Evropë.

Arrestimet

Hetimet çuan në arrestimin dhe dënimin e disa personave, mes tyre Pål Enger, një hajdut arti që kishte qenë i përfshirë edhe në një vjedhje tjetër të Munch-it në vitin 1988. Ai u dënua me më shumë se gjashtë vjet burg, ndërsa historia e grabitjes së vitit 1994 mbeti një episod simbolik i përplasjes mes artit, krimit dhe famës globale që një vepër e vetme mund të mbajë mbi supe.

Piktura

“The Scream” e Edvard Munch-it është një nga ikonat më të fuqishme të artit modern, një imazh i ankthit ekzistencial që kap frikën dhe vetminë e njeriut përballë botës. E realizuar në vitin 1893 si pjesë e ciklit “Frizi i jetës”, piktura paraqet një figurë të deformuar që ulërin mbi një urë, ndërsa qielli përvëlohet nga ngjyra të forta të kuqe e portokalli, si pasqyrim i trazimit të brendshëm. Munch e frymëzoi këtë skenë nga një përjetim personal ankthihtje në natyrë, duke e kthyer ndjesinë intime në simbol universal të ankthit modern. Me stilin e saj ekspresionist dhe fuqinë emocionale, The Scream mbetet një nga veprat më të njohura dhe më të riprodhuara në historinë e artit.

Epilogu

Sot, britma e heshtur e figurës së Munch-it nuk është vetëm një metaforë e ankthit njerëzor, por edhe kujtesë se veprat e mëdha të artit jetojnë mes rrezikut, lakmisë dhe adhurimit—një dramë e përhershme që vazhdon përtej kornizës së pikturës.

MOSKË, 12 shkurt /ATSH-AA/ – Rusia planifikon të dërgojë ndihmë humanitare në formën e naftës dhe produkteve të naftës në Kubë në të ardhmen e afërt, sipas Ambasadës Ruse në Havana.

“Në të ardhmen e afërt, pritet dërgesë nafte dhe produktesh nafte nga Rusia në Kubë si ndihmë humanitare”, tha ambasada në një intervistë me të përditshmen ruse Izvestia.

Misioni diplomatik tha se mban kontakt të vazhdueshëm me transportuesin ajror rus Aeroflot dhe autoritetet kubane të aviacionit për të siguruar kthimin e sigurt të qytetarëve rusë në atdheun e tyre.

Aeroflot njoftoi se fluturimet e evakuimit në Moskë për rusët që qëndrojnë në Kubë do të organizohen nga Varadero dhe Havana.

Të mërkurën, Ministria e Zhvillimit Ekonomik e Rusisë rekomandoi që turistët rusë të përmbahen nga udhëtimet në Kubë dhe u kërkoi operatorëve turistikë dhe agjentëve të udhëtimit të pezullojnë shitjet për shkak të një “situate të jashtëzakonshme me furnizimin me karburant” në vend.

Mungesa e karburantit në Kubë u thellua pasi ushtria amerikane kapi Presidentin e Venezuelës, Nicolas Maduro, më 3 janar dhe i ndaloi autoritetet në detyrë të furnizonin ishullin me burime energjie. Venezuela më parë ishte një nga eksportuesit kryesorë të naftës në Kubë.  /os/

The post MOSKË – Rusia do të furnizojë Kubën me energji si ndihmë humanitare appeared first on Agjencia Telegrafike Shqiptare.

BERLIN, 12 shkurt /ATSH-ANSA/ – Pilotët dhe ekuipazhi i kabinës së Lufthansës kanë hyrë në grevë 24-orëshe.

Protesta, e cila filloi një minutë pas mesnatës dhe do të zgjasë 24 orë, përfshin Lufthansa dhe Lufthansa Cityline.

Qindra fluturime janë anuluar, por linja ajrore gjermane ka njoftuar qëllimin e saj për të ndihmuar pasagjerët e prekur duke i zhvendosur ata në avionë të tjerë dhe, për ata që udhëtojnë brenda Gjermanisë, duke iu drejtuar Deutsche Bahn.

Përafërsisht 4 800 pilotë po bëjnë grevë për pensione më të larta të kompanisë, por bordi i drejtorëve e ka hedhur poshtë iniciativën e sindikatës UFO si “një përshkallëzim të panevojshëm”. /os/

The post BERLIN – Pilotët e Lufthansas në grevë 24-orëshe, anulohen qindra fluturime appeared first on Agjencia Telegrafike Shqiptare.

TIRANË, 12 shkurt/ATSH/ Shqipëria synon krijimin e 1600 startup-eve deri në vitin 2030 dhe dyfishimin e ekosistemit ekzistues, me objektivin për të arritur në 825 startup-e aktive në vend.

Ky synim është pjesë e programit “Shqipëria 2030”, i cili parashikon një rritje të ndjeshme të financimit për ndërmarrjet e reja, me qëllim mbështetjen e bizneseve në fazat e hershme të zhvillimit, kur ato janë në proces të krijimit të produktit ose shërbimit të tyre, dhe në fazat e zgjerimit, kur synojnë të rriten, të hyjnë në tregje të reja dhe të rrisin numrin e klientëve.

Programi synon të ofrojë më shumë mundësi investimi nga individë sipërmarrës dhe fonde kapitali, duke i dhënë startup-eve mjetet e nevojshme për të forcuar ekosistemin e sipërmarrjes, për të krijuar vende pune dhe për të kontribuar në zhvillimin ekonomik dhe inovativ të vendit.

Sipas planit, pritet të realizohen mbi 400 raunde investimesh fillestare dhe mbi 20 raunde për zgjerim, si dhe më shumë investime nga individë sipërmarrës dhe fondet e kapitalit sipërmarrës.

Programi synon gjithashtu të pozicionojë Shqipërinë si lider rajonal për numrin e startup–eve në fushën e inteligjencës artificiale, duke forcuar rolin e inovacionit dhe teknologjisë në zhvillimin ekonomik të vendit. /j.p/

1 nga 3

The post Objektiv për 1600 startup-e deri në 2030, rritje e financimit për ndërmarrjet e reja appeared first on Agjencia Telegrafike Shqiptare.

KALIFORNI, 12 shkurt /ATSH-DPA/- Shërbimi i mesazheve “WhatsApp” akuzoi qeverinë ruse se po përpiqet ta “bllokojë plotësisht” aplikacionin.

“Përpjekja për të izoluar mbi 100 milionë njerëz nga komunikimi privat dhe i sigurt është një hap prapa dhe mund të çojë në më pak siguri për njerëzit në Rusi”, tha “WhatsApp”, i cili është në pronësi të “Meta Platforms”, në një postim në X.

“Ne vazhdojmë të bëjmë gjithçka që mundemi për t’i mbajtur përdoruesit të lidhur”, kompania.

Qeveria ruse ka kohë që po kufizon gradualisht funksionalitetin e aplikacioneve ndërkombëtare të mesazheve.

Thirrjet në ‘WhatsApp” tashmë janë “kufizuar në lidhje” përmes rrjeteve private virtuale (VPN). Kufizimet kanë prekur edhe “Telegram” dhe shërbimin “iMessage” të “Apple”.

“WhatsApp” përdor enkriptim nga fillimi në fund, që do të thotë se vetëm përdoruesit që komunikojnë mund të lexojnë mesazhe në tekst të thjeshtë – jo vetë kompania.

Që nga fillimi i pushtimit të Ukrainës nga Rusia në vitin 2022, autoritetet kanë shtrënguar ndjeshëm kontrollet dhe censurën e internetit.

Ndërsa qasja në shërbimet e huaja është kufizuar, një shërbim mesazhesh vendas i njohur si “Max” është lançuar në Rusi.

Në një deklaratë, “WhatsApp” e përshkroi atë si një aplikacion mbikëqyrjeje në pronësi të shtetit drejt të cilit qeveria po kërkonte t’i nxiste përdoruesit. //a.i/

The post “WhatsApp” akuzon qeverinë ruse për bllokimin e aplikacionit appeared first on Agjencia Telegrafike Shqiptare.